رواياتي📖📚

وصيت زول صحبي واخوي شديد بعرفو من الاساس قلت ليهو يجي يبيت معاهم كل يوم وعلى كدا سافرت صاحب ابوي كان مكلم اخوهو عشان يجيني في المطار وصلت الصباح وفعلا اخوهو جا واستقبلني مشينا بيتو وكانو هو ومرتو بس ما عندو اولاد العصر وداني مكان الشغل القالو وكان ورشه كبييره انا زاتي اتخلعت لمن شفتها ولأنو اغلب شغلي كان في الورشه اختبروني جابو لي عربيه عباره عن خرده اشتغلت فيها لنص الليل وبعد اتكدو من خبرتو وافقو علي قعدت اسبوع وكنت كل يوم بتصل على صحبي بالليل عشان اتكلم مع امي وغفران يوم وانا راجع ماشي على محطة المواصلات لقيت راجل قاعد في كرسي المشلولين ومرا واقفه وبتبكي مشيت سلمت عليهم وعرفت انهم سودانيين سألتهم مالكم جاوب علي الراجل قال لي احنا جينا من السودان وكانو ناصبين علينا على اساس نشتغل ولقينا ماف اي شغل قلت ليهم طيب ارحكم معاي رفضو وانا سقتهم بالعافيه ما هان علي اخليهم كدا وامشي .. ديل كانو امك وحسن مشينا بيت عباس ياهو اخو صاحب ابوي اعتذرت انو ما استأذنت قبل اجيهم قال لي لالا ياخ عيب منك تعتذر انا زاتي لو مكانك كنت عملت كدا حتى مرتو استقبلتهم استقبال حلو قعدو اتعشو حكو لينا قصتهم والحادث الحصل لي حسن وباتو معانا وتاني يوم قالو ماشين سعاد قالت ليهم حتمشو وين امك قالت ليها نمشي اي مكان عباس قال ليها حرم ما بتمشو من هنا حسن يحلف بي جهه وعباس بي جهه في النهايه سعاد قالت ليها خلاص انتو لو بتتحسو انا عندي حل انتي يا هندا اقعدي اشتغلي لي طبيخ ونضافه ومقابل كدا اقعدو في الغرفه الفي الحديقه الورا دي وبنديكم حقكم على كدا اتحسم النقاش واتفقو واصلنا حياتنا كدا عادي وبعد شهرين انا ما قدرت اقعد كنت شايل هم غفران وخالتو فتحيه طوالي رجعت السودان ورجعت لي شغلي القديم في الورشه صاحب

ابوي جا واعتذرت منو شديد قال لي عازرك انا خلاص ما دام دا البريحك خليك هنا .. ووتاني ماف شي استمريت في الشغل الكل كم شهر متجدد لحدي ما استقريت في مطعم فادي
قيس عاين لي نور الوقفت وياداب لاحظ لي دموعها
قيس: مالك
-- انت عانيت شديد
-- اي لكن الحمدلله اي شي مسطر ومكتوب
-- انت اقوى انسان انا عرفتو في حياتي وفخورة بأنو عندي صاحب زيك
قيس جا مسح ليها دموعها ومسكها من يدينها : وانا بريدك💛
نور نزلت راسها وسكتت
قيس : وما منتظر منك حاجه هسي وياريت علاقتنا ما تتأثر متى ما تحسي انك بديتي تحبيني ما تتردي انك تقولي لي
نور بخجل : طيب
قيس : اها بدينا الخجل والحركات لكن ما جايه معاك
نور ضربتو في كتفو وضحكت : غياظ
ضحك وتابعو مشيهم
نور : اتأخرنا
قيس : اي العشا قرب يلا
عاين للاسكريم الشبه ساح وكباهو في وشها
نور شهقت من الخلعه: اااه دا شنو يا قيس اصبر لي
بقو يتجارو زي الشفع وقيس يضحك
...............................

*8:30pm*
وصلو باريس قبل نص ساعه اخدو شاور ورقدو من تعب الرحله الطويله
امل : عايزاك تحكي لي اي شي .. اي شي عنك امك وابوك واخوانك ميتين ولا عايشين والبت القالت لي الكلام داك علاقتها بيك شنو انا عايزه اعرف اي شي
حسان : تمام حأحكي ليك وحأحككي ليك عن البت الما بتعرفيها دي
امل : لا انا بعرفها.. بعرفها كويس بس قصدها بكلامها داك شنو
حسان : وانا عمري 18 سنه اكتشفت انو ابوي معرس فوق امي وعندو ولد عمرو 9سنوات انا واخوي الاصغر مني مشينا ليهو في بيتو وقلنا ليهو تقطع علاقتك بينا وتاني ما تجينا .. انا كنت مستغرب لي ابوي عرس امي ما كان مقصره منو في شي .. قطعنا علاقتنا بيهو وكان برسل لينا المصاريف بس بعد فتره كدا قدمنا لي شغل كدا في وكاله وسافرنا السعوديه انا واخوي وطلعو غاشننا (دي نفس الوكاله النصبت على حسن) ما عرفنا نمشي وين ولا وين القروش المعاي اجرت بيها شقه لمدة اسبوعين .. في الاسبوعين ديل وانا بفتش في شغل اتعرفت على غاليه ياها البت الاتكلمت معاك وقالت انو عايزين سواق للبيت وافقت وبقيت شغال معاهم ما عرفت اتواصل مع امي اتذكرت انو عمي قاعد في نفس المنطقه الانا فيها سألت سألت لحدي ما وصلت ليهو مشيت ليهو وبقينا مستقرين معاهو وشغال مع ناس غاليه كنت برسل لي عمي الفي السودان جوابات ومصاريف عشان يوصلها لي امي يوم وصلني جواب منو انو امي مشت قعدت مع ابوي ومرتو وقالت لا بتعرفكم لا بتعرفوها وقروشكم ما دايراها ومتبريه منكم .. اليوم داك تصدقي انو انا بكيت لأنو امي الانا ولدها اتخلت عني بكيت قدرتي وكنت بعرف لي واحد في السعوديه بشرب كان بحاول معاي وانا ابيت مشيت ليهو اليوم داك وشربت لمن غلط مشيت بيت ناس غاليه وانا بترنح كان في غاليه بس امها وغيم طلعو المول .. غاليه اصلا كانت بتحاول معاي من جيت ليهم وانا بصدها اليوم داك استغلت الوضع و .. وحصل الحصل ..

👍1

2.83K views10:16