*#رشت_مطر{{03}}*💜
*#بقلم_نون_علي*🌸

يعني بعد شوفت عمر. طلع من نص الشجر في بت طلعت ب وراهو وحاولت اكضب عيوني بس عمر ياهو عمر. طلع زول تافه 💦💦. والله .قلبي اباهو واخدتا عانو افكار كتيرة اتصورت لي في بالي.. الحاجه الكويسه اني شوفتو عشان ارد حقي اصلو ما بفوتها ليهو.. ركزت مع البت الجات طالعه بعديهو دي مالا بتعاين لي كده.؟ اقبض عمر شافنا واقفين. استغرب بس تاني اترسمت في وشو ضحكه ساخره لمن شافني بنضف في هدومي
. زي الكانو لقاها من دهب جا علينا ... واضح جايي ل الشماته واضح.. بس انا. نضفت نفسي سريع سريع قولته ليهم يلا ارح.. الزين قال لي. ما جاتك عوجه ؟؟ لاااالا. بس خ.... عمر كان وصلنا خلاص..شغال يسلم علينا وهو مبتسم ... قال لي شنو لكن بلدنا دي مالا ما مرحبه بيك؟ .. كيف؟ كيف؟ منو القال ليك ما مرحبه بي؟ ... امنيه تاني رجعت تضحك الكلبه عاينت ليها بنظرات كفى خلاص!😒 ... عمر لمن شاف امنيه تضحك. ..ضحك بس ب شماته. كده زي المرة الفاتت عاين لي من فوق لتحت سريع ...وقال لي ماهو واضح..بالله عليك نضفي هدومك سمح!😏😏وغمز لي.. من غير. ما ديل يلاحظو .. بس خلاص مطره و صبت فيني ولااا اداني طريقه. اتكلم واردح ليهو.... فات عان التافه وما جايب حقو قايل نفسك شنو. قايلني زي البت ديك.... اشتم فيهو لحدي ما امنيه قالت لي يابت بتكلم معاك مشيتي وين.. .لا معاك.. طيب ما تزعلي من عمر اصلا هو كده مستهتر.. الزين قال لي والله عمر ده علي قدر ما مستهتر كده جادي فما تشيلي في قلبك 💕 .. في قلبي قولته ليهم انتو ما فاهمين حاجه. يعني انا والله ما عارفه عملت ليهو شنو بتعامل معاي كده يادوب جيت الليله... شَيلني هم باقي الايام زاتو 🚶🏻‍♀️ قطع تفكيري امنيه قالت لي ارح مالك واقفه؟
ارح.. الزين قال لي لو الوقعة أثرت عليك نرجع.. انا في اللحظه دي وشي كلو جاب قلوب .. غايتو انت اليرفعك ما ينزلك.. اريدك. راجلي مالك سمح كده😂💛💛... يعني الزين ده فايت كل مقاييس الحنيه و الرجوله ليهو حق يسموهو الزين وانا اسميهو زيني نظرتي اصلو ما بتخيب فيك🌸 مش زي داك الاسمو عمر.... الله يلمني فيك يوم يا كلب💦 اي نعم عمر خرب مزاجي بس... ولا كان .. الزين جا رجعو و زياده علي كده هواء البحر و ريحه الزراعه و صوت الموتور 💜 الحاجه السمحه الجو مغيم ..💜 امنيه قالت شكلو الليله ح تنزل مطر.. الزين قال ليها اااي لكن ما شديده.... 💜 ب مسافه بسيطه وصلنا البحر 🤍 الموجات بتاعتو كانت مدافعه في بعضها كانها بتتنافس في الاقوى ياتااا .. المستوى بتاعو كان عالي.. وجهت نظري بس قصادو.. نفسي احكي ليهو.... نفسي همومي كلها تترمي هنا .. فهو رسل لي موجات مع الهواء البارد الشايله ريحتو . زي كأنو بقول لي ارمي لي همومك كلها هنا و انا بضيعها ليك 💙..
_________

بعد ما قولته كلامي لي عمر جمب البحر حسيت هم وانزحَ مني. و السّببو لي ابوي لمن جاني وقال بدوروك اهل الشيخ اخوي ل ولدهم عمر.. ح نتظروا لمن يجي من غربتو.. ويا بتي البت ما عندها غير ولد عمها... قال كلامو ده ومشى... اقول ليهو شنو انا ما عايزهو .؟ كنت متأكده هم سلفا مقررين. يعقدوا لي عليهو .. يعني مافي اي امل اني... اني.. اكون مع الزين .. ايوة انا بحب الزين.. و ما من هسي ولا من امبارح من قبل 10 سنه و انا محافظه علي حبي ليهو.. طيب ما هو زاتو ولد عمي. ليه ما اختاروا هو.. طيب هسي لو كان.الزين محل عمر.. ويفرضوا علي .. اتخيلي زول تحبيهو ويجو يفرضوا عليك 💜 الفكره براها بتخليني افرح.(شلليه) طيب لو كان حقيقه اكيد ح اجن... بس بحكم انو عمر اكبر منو فأكيد الاولويه ليهو... اخواتي كانو دايما في شكله معااي سُكاتك ده ح يضيعو منك ! ما عارفه اقول ليهم شنو يعني امشي اقول ل الزين والله انا بريدك. تعال عرسني ... اجي يا اخواني !!! مستحيل ولااا بجازف.. شعور متناقض بين اني ما دايره اخسرو وبين اني. ما اعترف ليهو.. ف جا ابوي وحسم ل التناقض ده كلو ... يعقدوا عليّ عمر... فكرت كتير واترددتا اني اقول ل امي ما عايزاهو ... اصلا بوي دا مافي حسابتي اني. اقف قدامو واقول ليهو. ما دايرهو عمر انا .. عادي كف طاير و عقد طوالي...فبقت امي حلي الوحيد.. واريتها ولا حلي. ..لمن وريتها قالت لي جنيتي انتي ح تلقي احسن من عمر وين .. واوعا الكلام ده يصل ابوك...كلامها ده وقع معاي في جرح يايمه انا ما عايزاهو ..ولااا قالت لي انتي بتقولي في شنو....فكرت بطريقه ماديه.. اني ح اكون مرتاحه معاهو .. طيب شعوري انا كيف.؟؟ وقفت مع نفسي مقتنعه اني ما ح اقدم ل عمر حاجه فاحسن اول ما يجي اتكلم معاهو بدل بعدين اتظلم ساي.. قففلت نفسي عنده النقطه دي و القفله دي كان تأثيريها اني اتجاهل الزين ..ابعد عانو... اصلا ما كان بيناتنا حاجه.. ياهو السلام ده وانا قطعتو...لو شوفتو في الشارع بغَير شارعي..

لو عندهم اي حاجه في البيت بمشوا اخواتي انا ما بمشي... ما عارفه ليه كنت بعمل كده.وانا مقتنعه انو ما ح يلاحظ لي عدم وجودي مع نو زمان طوالي كنا سوا💔❤ ..انتظرت لحدي ما عمر جا ورسلت ليهو رساله مع اختي الصغيره انو يلاقيني جنب البحر وفعلا لمن وصلت لقيتو منتظرني..دخلت ليهو طوالي في الموضوع وانا خايفه من النتائج الممكن تحصل..فبقيت اتكلم واتكلم.. ياعمر انت زول كويس والآف البتمنوك..... اديتو مقدمات كتيره هو كان مُدخل يدو في جيبو وبعاين ل البحر ساااكت .لحدي ما انتهيت هو ساكت.... عمر انت معاي.. قال لي وهو لسه بعاين لي البحر.. من كلامك ده دايراني اقيف قدام اهلنا واقول ما دايرك...ااااي.. قال لي انتي في زول في بالك... صدمني.وقبل ما ارد قال لي ارجعي بيتكم اتأخرتي بعد كده... وفات بقيت اعاين في أثرو ...عمر ده غريب خلاص يعني برود كده ماعادي..مالي بيهو المهم يحل الموضوع ده .. وانا راجعه اشوف ليك الزين فرحتا بشوفتو .. بس دقيقه دقيقه دي منو .. بقيت اعاين كويس. دايره اعرفها. عمر لمن حس بعد حركتي وراهو...قَبل علي شافني مخلوعه وبعاين في اتجاه واحد .. قبل علي اتجاهي.. بعد شويه اتحرك عليهو.. خلاني وانا لسه بعاين.. قلبي قبضني وانا شايفه نظرات اهتمام الزين بيها دي منو ليه ما لابسه زين؟!! يهون الله دي لبسه تمرق بيها ..التلبس توب على الاقل ..و اقفه اعلق فيها وانا الغيره بتأكل فيني اكل💔 يعني انا اي شي ولا الزين.. . لاحظته ليها ركزت معاااي.. وقفت وقفه كويسه كده وحدرتا ليها حاولت ابين في نظراتي ليها انو ما تقرب من الزين ... فبقيت امد في راسي زي الهبله. مرة ليها ومر ل الزين.. الغبيه ما فهمتني.. وتهز راسها نظام مالك لمن حسيتهم ح يتلفتوا علي جريت جري ادسيت ورا الشجره.. قَطَعَت قلبي دايره الزين يشوفني هنا براي..كمان. الا يقطع رقبتي دي... بعترف انو الزين صعب وعصبي وعشان صعوبتو وعصبيتو دي انا حبيتو 💜 وكيفن ما احبو والبيت قصاد البيت💜 و الولد ولد عمي💜 مني وفيني💜

*"لاقيني يا عشقي الخرافي"❤*

#يتبع

*#رشت_مطر{{04}}*💜
*#بقلم_نون_علي*🌸

لمن رجعتا البيت. صادفته امي. يا بت بسمه وين كنتي .. مشيت ل صحبتي يا يمه ! طيب نفسك ليه قايم كده .. عشان. جيت جاريه...قولته كلامي ده وانا ماسكه نفسي ما ابكي قدامها . دخلت الغرفه سريع سريع لاقتني اختي ما لاحظة ل حااتي الحمدلله قالت لي سقيتي الغنم ولا امشي انا... امشي انتي. و رقده في سرير و قبلت علي الحيطه 😢 لسه منظرهم واقفين جنب بعض في بالي اذكرته اخواتي بحيكو انو امنيه جابت معها صحبتها من البندر.. يعني يبقى علي عمر و هي و ..و.. الزين💔 يارب هون علي..
💙 " يا الله شق الجواي كتر .خلي نسماات الفرح تدخل من بابي جوه ..جوه .. و اقفل عليها ب المفتاح 💙"
.( بسمه* بت عم الزين و عمر .. في القريه عندهم الاهل بيكون سكنين كلهم جنب بعض وبسمه بيتهم قصاد بيت ناس الزين و عمر البيت البعديها وبسمه دي نفس البت للكلنت مع عمر جنب البحر ) .
_________________

وقفنا جنب البحر مسافه اخدتنا قدتنا تمام ... وفي اثناء الرجعه لاحظته انو ما نفس الشارع حقك قبيل ما قلته حاجه يمكن طريق مختصر بس اسمع ليك. امنيه بتقول لي حصل شوفتي ليك بقرة... ضحكته. انتي قايلاني جاي منو وين !... كما عايشه في السودان معاك... خلاص خلاص ما تضحكي انا كل تقكير حصل شوفتي ليك بقرة بيحلبوها؟ تاني ضحكته😂 بيحلبوها عديل ؟ والله الا كان اشوف في التلفزيون قالت لي طيب ح تشوفي عرض مجاني و مباشر كمان... ما فهمته قصدها شنو لحدي م شوفته ليك البقره قدامي و الزين شال البستله ونزل حيلبها. 💙 انا بقيت ماسكه في امنيه قوي بحاول استوعب ااااي مخلوعه والله😂💦مع انو الموضوع عادي بس احساس اول مرة اشوف قدامي بواقع الفعلا زاتو.. الزين بعد ما انتهي قل لي تجربي؟؟ .. ما كنت محتاجه ارد ليهو وانا ماسكه في امنيه قوي ... نقط نقط المطر نزلت رزراز 💙 والجو فوق ماسمح زات سماحه 💙 امنيه همست لي نجري في المطر قبل ما نصل البيت ..يابت جنيتي عشان تلقي ولدك جرا قدامك😹💜 صدفنا باسل جاي علينا نظراتو كنت. واضح ل امنيه .. الزين ضحك معاهو قال ليهو جاي كايس دربنا!..ولا دربها.. قال ليهو هو بمسك امنيه منو و يساعدها في المشي اكيد دربها 💙.. ولا قالت ليهو بتقول في شنو ساكته ... الزين قال ليهو شكلك مزعلها .. قولت ليهو و شديد كمان 😂 .. قال لينا الله يقدرني اراضيها بس..الزين قال ليهو ما تخاف راسها قوي...قال ليهو ما انا عارف قوة الراس الفيها.. امنيه طوالي عاينت ليهو بنظرات زعل بتقول ليهو كمان راسي قوي يا باسل طيب طيب ! باسل قال ل الزين احسن نسكت .. طبعا انا ماشه وبعاين ليهم مستغربه انو هيي زعلانه منو بس ما معترضه علي انو يساعدها في المشي يعني زعلهم حاجه و اهتمام ب بعض حاجه تانيه خلاص 💙 زي باسل لمن عمل نفسو داير يقع هي مسكتو قوي وقالت ليهو ب خوف براحه براحه... واضح انو باسل انبسط ب الموضوع.. بقينا مشينا ب سكات لحدي ما وصلنا قبل ما ندخل باسل نادني علي جنب قال لي وبعدين ساعديني ..انا ما فهمته قصدو بس لمن جاء ب بليل و الناس ناموا .. وانا زاتي نومته بس صحيت مخلوعه علي ضرب الشباك. ده منو المجنون ده ! فتحت عيوني لقيت امنيه قاعده شكلها متردده من حاجه... قولته امنيه ده شنو الصوت ده
ده منو البيضرب في الشباك ده قالت لي بعد مسافه ده باسل... طيب ما تمشي.. لاالالا ما بمشي ليهو.. كيف يعني ما ماشه ليهو...ما تقولي لي زعلانه من قبيل انو طلع و ما كلمك .....اااي... امنيه انتي جاده .. بس ج حجر كبير طرب الشباك. انا لمن اتخلعت باسل ده ما جادي نهائى..المشكله قدر ما اقنعت امنيه تمشي ما دايره تمشي بالجد راسها قوي.. فضريت اكذب قولته ليها ما سالتيني باسل نادني قبيل ليه ..؟ قالت ليها اها ليه .. عشان عيان يا حليلو. و كان دا... قطعتني قالت لي شنو عيان امتي ما بتكذبي صح. .. لااا جاده امشي شوفيهو بيحكون محتاج ليك... مشت طوالي. ب قميصها😂 يعني امنيه دي ي ام ما ركزت ي ام دايره ليها سبب وعلي الارجح دايره ليها سبب..صوت الضرب علي الشباك وقف معنها وصلتو .. استغربت يعني باسل ده لو اتصل ما اهو عليهو؟ ولا لا دقيقه. ما. اخدته في بالو ديل يصحو؟ ... ااا يصحو كيف و كل زول مجدوع في مكان ..😂 قبل ما انوم. بقيت اتخيل. ح يحصل لي في يوم زيهم كده..مخيلتي راحت طوالي لي الزين.. يعني نحنا هسي قاعدين في بيت واحد واحينا واحينا من الزين😭 بفكر في الزين كده جاتني صورة عمر..بقيت زي المجنونه بشتم فيهو براي متخلف. ..عوير ... معاق .. لحدي ما نمته

_____________
من جانب امنيه و باسل مشت ليهو في الزقاق الشهد علي مولد حبها 💜 ليهم زكرياتي كتييير فيهو ...
اول ما امنيه فتحت الباب لقتو زي العاده متكل علي الحيطه و رافع كراعو منتظرها .. اتقدمت ب خطوات ليهو وهي مخلوعه وخايفه عليهو ختط يدها في جبينو. قالت ليهو انت كويس.. استغرب فيها قال ليها اي ليه ؟ و مالك مهجومه كده.. اتنقل الخوف منها ليهو و بقى هو الخايف عليها .. خدت يدينو في وشها هز راسو ل فوق قال ليها مالك الحصل شنو؟ قالت ليهو هي مدنقر راسها نون قالت لي انك قبيل .. قيبل قولته ع.. عيان.. ضحك وجراها عليها قال ليها وانتي صدقتيها 😂💜 ضربتو في صدرو وابتسمت ... قال ليها لاا انتي دايره ليك سبب مش ونزل راسو عليها..💜 سكتت ساي لاحظه انو جايب بنابر زحت منو قالت ليهو باسل😍 .. قال ليها اي دايرين نرجع ايام زمان بس ما ح تقعدي كتير و ايوه الدكتور قالت تتمشي كتير من بكره نتمشى الزقاق ده كلو بس الليله. عشان انتي تعبانه نقعد شويه تمشي ترقدي تنومي اااا تنومي .... قالت ليهو زاتو مادايره اقعد و لا بكره ح اجي ...قال ليها ليه ليه ده كلو ... يعني ما عارف ؟ قال ليها اااا وابتسم قال ليها تعالي تعالي قعدها في البنبر براحه ولصق بنبرو قال ليها دقيقه غفل باب الزقاق حق بيتهم من بر و الوطه ظلام بس ضوء القمر مضوي 💙🌸 ج راجع قعد جنبها زح ليها يدينها وخده راسوفي حجرها.. ابتسمت ليهو خدت يدينها في راسو.💙 وتلعب ليهو في شعرو ب اصابعها 💙

*"الحب مواقف ما اسم" 💕🌸*

#يتبع

*#رشت_مطر{{05}}*💜
*#بقلم_نون_علي*🌸

صحيت الصباح لقيت امنيه تتبسم و توزع في البسمات واضح انو باسل راضها💜🌸 ما حبيت اشغلها ليها. عشان ما تذكر كذبتي ليها 😹... مافي اي حاجه تذكر غير انو مر اسبوع على قعادي هنا. انبسطت معاهم شديد و زياده ...بقيت بدخل المطبخ مع خالتو زهراء و تعاملي مع الزين بقى كويس يعني نوعا ما في ونسه بيناتنا ...اصلا عمر داك ما لاقيتو تاني... لكن عندو اخواتو وبنات الحله طوالي معانا ف اتعرفته عليهم طلعو ظريفات والله ...بعد ما يطلعو مننا بحس بملل وامنيه ما دايره تلد😹🌸في يوم خالتو زهراء سألت من امنيه بالليل و انا كنت عارفها في الزقاق مع باسل💜 فقولته قبل ما خالتو زهراء تشك احسن اناديها .. مشيت عشان اناديها دقيت الباب براحه ما في رد والغريب اليوم ده مخلنو متاقه معناها. بيحوم فيها .. طوالي مشيت مسكت ليك الزقاق ده طويل.. لحدي ما وصلت نهايتو لقيت طريقين كسرتاا يمين طوالي وانا والله خايفه ما عارفه الجابرني امشي شنو بس لازم اناديها.. فجاء ظهر لي خيال زول جاي علي من جهه البحر ... وووبعلي وووبعلي سحاري سحاري😭 روحي دايره تطلع من الخوف وانا بطبعي لمن اخاف كرعيني بيبردو فما بقدر اجري بس اعاين ... ل الحاجه المخوفاني لحدي م دمي. ينسحب 😂... كل ما يظهر ل خيال الزول سمح كلو ما كرعيني يبردو اكتر.. خلاص انا الفيني كملت والله
شويه شويه الملامح ظهرت ده شنو؟؟؟؟؟؟؟عمر!!!!!!! إتفأجتاا و هو زاتو اتفاجأ. قال لي بتعملي في شنو في الوقت ده ... طبعا انا عاينت ليهو من فوق ل تحت و اتحركت راجعه عاد ما كرعيني رجعوا. هو مسكني من معصم يدي. نفضتا يدي منو .. قال لي بسم الله ... قولته ليهو. ما تمسكني.. طيب طيب. فهميني انتي ..المطلعك زي الوقت ده شنو؟!.
.. ما عندك شغله بي. وتاني دايره اتحرك. هو تاني مسكني بس بطريقه غلبني افك يدي منو... قال لي قايله نفسك؟!! شنو بتكلم معاك تمشي؟! ان شاء الله تمشي في ميه داهيه انا مالي عليك و فك لي يدي ب قوة و مشي خلاني.. كوركت ليهو. و انت قايلني زي باقي البنات البتجيبهم هنا 😏 ... وقف وقبل علي. قال لي ب منتهى البردو ما محتاج ابرر ليك ومش.... عان ده فرحان ب نفسو كده اااهااا بقيت في اني ارجع براي كيف ... ياااخ انا مالي و مال امنيه.. ما معاها باسل راجلها يعني كانت خالتو زهراء ح تعمل ليها شنو. وهي معاهو ... بقيت امشي براحه براحه. حسيت بخطوات وراي وقفتا الحركه وقفت معاي. خفتا زيادة فكيتها جريه واحده والزول الوراي جاري وراي لحدي ما وصلتاا الزقاق. والزول لسه. وراي .. في عز الجري ده قبلتاا لقيتو عمر ..الولد ده مالو طوالي وقفتا جري لحدي ما وصلت ...اصلا ما سألتو .. الاسوأ من ده لقيت الباب حق الزقاق مقفول معناها امنيه جات وقفلتو من جوه.. دي مشكله شنو ياربي كان دقيت الباب خالتو زهراء صاحيه واحتمال تجي تسألني .. و تفهمني غلط وخاصه انو عمر واقف خلاص دموعي رقرقو مستحيل اقول ليهو ساعدني وقبلتا. عايزه ارجع لقيت الموضوع مخيف يعني انا قبيل جيت كيف! امشي خطوه خطوه حسيت ب زول ماشي وراي ولا كضبتاا جريت المشكله جر وراااي لحدي ما وصلنا الزقاق .. قلبي قال لي قبلي قبلي... قبلتا لقيتو ليك. عمر !!!! عمر ده مالو جاري وراي..!! ولا سألتو مالك بس بقيت امشي ب راااحتي لمن وصلتاا هو لسه وراي دايره الز الباب لقيتو قافل يا خواني دي مشاكل شنو الليله ووووب اكيد ما ح اضرب الباب لانو احتمال كبير ما تفتحو لي امنيه.. وتفتحو خالتو زهراء تقوم تفهمني غلط وخاصة انو العوير ده لسه واقف .. لكن الليله كان وقفت ل الصباح ما بقول ليهو ساعدني.. وقفت مسافه عيوني رقرقو .خلاص .. هو لمن لقاني ما دخلتا جاا جمبي يشوف الحاصل لقى الباب مقفول كفكف يدين قميصو داير. ينط عشان يفتحو قال لي من دون يعاين لي اياااك تتحركي واذا حصلت ليك اي حاجه اضربي الباب .. ونطاا الحيطه . استغربت. يعني شنو... حصلت لي حاجه!! معقوله تصل لي في الدقايق دي قصدو شنو ب كلامو .. فتح الباب براحه لقاني لسه مبحلقه.. ضحك بي شماته على تعابير وشي. يقول دي شنو المخلوعه دي .. انا اتمالكتاا نفسي سريع سريع ودخلت. وهو طلع. وبقى وااااقف دايرني اشكرو مثلا .... ولااا قولته ليهو اي شيء قفلت الباب من سكات
ومشيت. دخلت الغرفه لقيت امنيه صاحيه استلمتني ليك كنتي وين ؟ وقلقتي بي؟ قولت ليها انا الوين ولا انتي ؟ دايره احكي ليها الحصل تاني اتراجعتا هسي تطلع لي عمر مافي زيو.. قفلتاا الموضوع سريع سريع ورقدتا نمتا خليتها مافاهمه حاجه

__________________
من جانب عمر
اول يوم جوو فيهو. امنيه وباسل كانت ظاهره الفرحه البيناتهم 🤍 بس الجذبني بت واقفه معاهم. في الاول اعتبرتها شغاله لي امنيه لكن تاني قولته .معقوله!! شغاله ب اللبس ده ؟ بس جاني الجواب .. اولاد من القريه جاييين ب جمبي بعد ما سلمت عليهم واحد قال لي رفيقو دي منو ال مع بت عبد الله دي؟ قال ليهو بقولوا صحبتها من هناك .. نان الجابها معاها شنو ..؟ تاني ما ركزتا معاهم او هم فاتوا مني ب مسافه..عيوني بس ركزت معاها مع لبسها زيها وزي بنات المدن. بيعملوا فيها مسكينات. لحدي ما يتمكنوا الكره الجووو ليهم.... ما جاء من فراق ..جاء من واحده كرهتني كل بنات حواء .. قدمت ليها القدامي و الوراي حررتا نفسي شويه من حاله البرود الجووواي عشانها بس في النهايه الحصل شنو؟ لقيتها بتعايرني قدام صحباتها ب لغتي البلديه او اسلوبي القروي في حين انا كان بتعامل معاها ب كل روقي بس كلو ما نفع .. بعترف انو لساني لاك في الكلام و مرات كتير ناس في الشغل ما بتفهمني بس الحاجه دي عمرها ما وقفت قدامي الا قدام البت الحبيتها.... انا عايز واحده تتقبلني بي كلي ب لغتي ب اسلوبي البلدي مش واحده دايرني عشان مظهري سمح او انو قوامي سمح .. ف لقيت نفسي بكره صحبه امنيه دي ف الله...غير اني احرجتها قاصد اي قاااصد واثبت لي انها خفيفه. بس مع الايام الفكره دي بدت تتشال وسبب اخواتي اليوم كلو... بت الخرطوم
.بت عملت الخرطوم فعلت ..اسبوع ما شوفتها ما فرق معاي الموضوع شديد عادي يعني.. وفي يوم امي صحتني قالت لي اختك بتقول ما قفلو باب الغنم و ما بيطلعوا زي الوقت دا .. قولته ليها سمح يا الحاجه بس قولي ليهم ما ينسوهو تاني .. طبعا الغنم وين لينا. مشوار.. بعد ما قفلتو واتاكدت من الغنم . في الجيه شوفتاا زول واقف فكرتاا ده منو في الوقت ده حايم. ان شاء الله مافي عوجه ومشيت في اتجاهو لمن وصلت اتفاجأت دي صحبه امنيه زاتها بتعمل شنو؟! في الاول اترددت اني اسألها بس قولته يمكن عندها حاجه فسالتها بي كل حسن نيه هي ب كلو برود عاينت لي ودايره تمشي وانا كرهتي اكون بتكلم مع زول يمشي مسكت يدها عشان اوقفها خلعتني انها نفضت يدها مني استغربتاا دي مالاا ؟ عندها جن في راسها ياربي؟ هي كانت مصره على موقفها فقولت لي نفسي فوووت مشيت ماتميت تلاته خطوات سمعتها بتقول لي قايلني زي باقي البنات... وقفتااا زي باقي البنات دي يعني شنو اتذكرتاا انها قبل أسبوع شافتني مع بسمه لكن ما بررتا ليها او افهمها حاجه
خليها التفهمني تافه تافه .. اتحركتا داير امشي قلبي اكلني اخليها تمشي براها بقض النظر هي جات ليه. احسن حاجه امشي وراها من سكات بس الساعه الجرت لا بالجد البت دي ما طبيعيه جرت وخلتني اجري وراها. ما بكورك ليها اشوف باقي فهمها ده شنو ..قبلت شافتني ضربت كهرباءطوالي ...وبقت تمشي على مهلتها ... لا دي بالجد مجنونه وعلي العليها وقفت جنب الباب. مسافه ما عرفتاا مالااا لحدي ما وصلتها ولقيت الباب قافل.. عادي كان ممكن تقول لي نط افتحو لي بس هي احسن ليها تكون واقفه من افتحوا ليها..لدرجه دي يعني.. ماعارف الخلاني اقول ليها ما تتحركي من مكانك ده شنو ! اكيد ما ح تحصل ليها حاجه في الثواني دي بس في حاجه جواي بتخليني بالفطره كده اخاف علييها.. ما هو ي خوف عليها ي شهامه زايده مني ..شكلها وهي مخلوعه من طباعي خلاني لا اراديا ابتسم ب استهتار ما قصدي بس جاات كده .انتظرتها لحدي ما دخلت.. حتى انا مشيت البيت ولسه هي في بالي ...
__________________
من جانب بسمه
اخواتي كل يوم بجيبوا لي تقرير عن الحاصل في بيت ناس امنيه شنو .. و كيف الزين بتعامل مع بت البندر .. يعني انا الا امشي اقتلها وفعلا قولته الليله الا امشي اشوفها بتعمل في شنو ! لبستا توبي وكلمتا امي ومشيت. لاقتني عمتو زهراء سلمت علي ولامتني انا بقيت ما بجيهم .. ودخلتاا معاها في موال اعتزارات لمن عزرتني وقالت لي ادخلي جو لي ناس امنيه انا ماشه اشوف عمتك بثينه دي قالو ب الحيل تعبانه ... اي تعبانه شديد يا عمتو .. طيب طيب ادخلي انتي وانا النمشي اشوفها...دخلت جو البيت بتلفت ساي في الوحش بس ظهر لي الزين من وين ما عارفه قلبي قال لي ارجعي ارجعي ... تاني قولته لاالالا لازم ابين ما فارقه معاي حاجه. وفعلا ظهر ليهو كده من سلامو معاي يعني هو جاييني ب لهفه عشان يسلم قابلتو ب كلو برود و اتخارجتاا منوو سريع سريع خليتو. واقف مستغرب في تصرفاتي معاهو .. دخلت غرفه امنيه لقيتها صاحيه بتنظف في الخضرا سلمت عليها وبرضو زي خالتو زهراء تلوم فيني .. قعدتا انظف معاها وانا بكشف البت ما دايره تتطلع .. لمن غلبني سألت امنيه قالت لي. نايمه امبارح كانت مساهره..

عقلي اتهجم نايمه لي الوقت ده انا نظفته بيتنا و رميت مع امي الزلابيه و ادينا الجيران و اخواتي جابوا الغنم وهي لسه ! اجي ي اخواني امينه لمن شافتني مستغربه قالت لي ب ضحك عادي ي بتي انتي عارفه الساعه يا دوووبها 8. نحنا هنا الساعه كم ما بفرق معانا كتير ....
بفكر كده جات داخله... على قول اخواتي ما بتتنافس حاولت اكون طبيعيه بس نظراتها كانت ملحقاني فأطريت اني اقول لي امنيه اجيك مرة تانيه وفوو جريت بيتنا." ما عارفه هي بتعاين لي نظام دي انتي الكنتي جمب البحر... و المشكله زادت تركيزها معاي لمن قالت ليها امنيه دي خطيبه عمر ."..في الجري حقي ده شوفتاا الزين داير يناديني اتجاوزتو ....

*انا ما قصدي اتجاوزك من عدلك انا قصدي اتجاوز نفسي من دربك 💔❤🌸*


#يتبع

*#رشت_مطر{{06}}*💜
*#بقلم_نون_علي*🌸

زي كل مره بصحا متاخره. قدر ما حاولت اصحا معاهم بدري. ما بقدر. يادوب اصحا اصلي وارجع تاني.. مسافة ما استحميت وصحصحت كده طلعت لقيت امنيه قاعده بتنظف في الخضره وجمبها نفس البت ديك الما بتغباني. دي الجابها هنا شنو ؟؟؟؟ سلمتا عليها عادي و صبحت على امنيه.... قاعده قصادها وبقيت مركزه مع البت دي دايره اسأل امنيه منها و ما قادره بس ما خلتني اصبر كويس ورتني دي بت عمهم و.. و.. خطيبة عمر هنا يادووب قعدتا كويس يعني انتي مستعجله لى العرس ليه ! غالبك كده يعني ،، لدرجه تقابليهو جمب البحر بالدس ... وبتكلم بيني و بين نفسي وبعاين ليها ما عارفه لمن امنيه قالت لي دي خطيبة عمر حصل معاي شنو! هو اصلا ما فارق معاي .. يااخ انا مالي في انفعالات جواااي جاطة😂🤍 و شكلو البت اتحسست قامت طوالي جرت من نظراتي الموجهة ليها اي قاصده. كمان بحمر تحت تحت بس من دون ما تلاحظ ل امنيه والله زاتي بعمل كده ليه ما عارفه! .بعد ما فاتت امنيه قالت لي دي مالا ! ... تسأليني! خلينا في المهم انتي ما دايره تلدي ! اجي شايلاهو انتي ..تصدقي زريفه😏.. خلاص خلاص ولا تزعلي .. حاسه نفسي قربتا ألد.. اي طلعي لينا نون سريع 🙇🏻‍♀️🤍 حيلك حيلك يا بتي منو قال ح اسميها عليك! ما هو لازم تسميها علي😌 ،،نتظريني ،،اصلا منتظراك ي بيبي😚🌸..في قعدتنا دي جات خالتو زهراء و معاها كم بت قالت لينا اشي المطره دايره تنزل .. امنيه قالت ليها خليها تنزل سااااي.. قالت ليها اتنزل
لكن كان قومتي اتوجعتي لينا في عز المطرة دي نقول ياا منو! قالت ليها لاا ما تخافي ان شاء الله شويه يومين تاني.. اي طمني في نفسك كده لمن تلقي نفسك بتتوجعي.. في كلامهم ده المطرة نزلت على قول خالتو زهراء نزلت شديد. والرعد بس نزل في راسنا.... على قدر ما الموضوع كان مخيف على قدر ما كان حلو احساس اول مطره اشوفها قويه كده و كانت بتجي عندنا هناك قويه بس انا بكون في غرفتي و مشغله سماعاتي و ما جايبه ل الدنيا خبر بس هنا البيوت كأنك في الحوش 🤍 المطره ما نزلت كويس.لقيت خالتو شايله ليها طوريه و معاها باقي البنات استغربت والله هناك في بيتنا تصريف طوالي من غير تعب حتى لو مافي تصريف دي الحاجه دي بعملوها الاولاد.. امنيه فهمتني ضحكت قالت لي. يابت هنا عندنا غير ..الاولاد بحفروا مجاااري الشارع كلو لحدي ما يوصلوا البحر والنسوان يحفرو المجاري حقت البيوت و الحيشان..قولته ليها جاده الحوش براهو شارع طيب ما يخلو المطرة تقيف قالت لي كان وقفت ونحن ما حفرنا بتغرقنا و البحر بيجينا .. قولته ليها لا حولاا يا تعمل يا تموت..😂🤍 انتظرات لحدي ما المطرة وقفت عشان امشي اشوفهم ..مستحيل كان اطلع في المطر والرعد ده الموضوع كان مخيف والله😂.. طبعا ماشاء الله لقيتهم فضو الحوش كلو صرفو بس فضل زي بافي مويه صغير صغير كده خالتو زهراء قالت النمشي ارقد ضهري ده حاساهو اتنفض يا بتي قولته ليها امشي ارتاحي ي خالتو...مشت خلتني مع بنات الحله بالله ماشاء الله فاتت ب جاي قعدوا ينططوا في المويه.المجمعه 😹💙 ماسكه نفسي بالقوه ما اعمل زيهم خليك واعيه خليك كبيره هم يحنسوا فيني ساي.ابيت كلو كلو ..انتظرته لحدي ما قالوا ماشين كشفت في الموضوع كويس ما لقيت زول طوالي جريت انطط فيهم ياااخ شعور حلو حلو شديد انفعالات شديده بقيت انطط واغني و المويه تطير و تنزل وهودمي اصلا باظوا اتملو بي مويه الطين... كرعيني تشوفهم مرة ما بتشوفهم تاني..😂🙇🏻‍♀️ عايزه انط في برق شويه كبيره ومويتها كتيره بس مع نططتي دي كان اشوف ليك عمر في نهايه الحوش هناك متكل على الحيطه و تعبير وشو ساخر بس كان مركز شديد ❤..لا دقيقه والنبي افهمك يعني المويه دي اريتها تبلعني وحالتي بطاله لمن لقيتو جايي علي وتعبير وشو زي ما هي .. ولا كضبتا جريت دخلت جوا مالي انا😂 من الموقف ده انا كان قالو لي اطلعي من الغرفه ما بطلع محروجه والله .. وكمان امنيه كل يوم بتقول انا ح ألد انا حاسه نفسي ح ألد بس مافي اي شي وعلي قعادي معاهم.. الزين زاتو بقيت ما بشوفو مافي اي شي غير بنات القريه البجونا كل يوم وتعاملهم البسيط مع بعض 🤍 اتعرفت عليهم وعرفت اخوات خطيبة عمر ... ونسات غايتو.. كل يوم بكتشف فيهم حاجه جديده حلات ساقوني معاهم لي حلب الغنم😂 في اليوم داك و انا راجعه معاهم من سقي الغنم الواطه خلاااص علي قولهم بقت تفلل (تضلم) شوفت عمر واقف مع الزين جمب الباب ادسيت في نصهم ما بمشي ادخل قدامهم احسن ادخل بي باب الزقاق...طوالي كسرت ب الزقاق .. مع انو الواطه ظلام لكن نوعا ما بشوف .. نسيت فكرة الباب ممكن يكون قافل كل فهمي ما امشي قدام الزين و عمر .. كنت حاسه بي حركه في الزقاق لكن ما اشتغلت كتير ومشيت.. بس. ما وصلت الباب اشوف ليك باسل و امنيه لاااا.

مادين ضهرهم قاعدين في بنبرين ملصقنهم و امنيه متكل في كتفو و هو ماسك يديينها. .. والله انا ودرتاا انا كان يوم موتاا ح اموت ب سببهم.. طبعا ب وضعهم ده اكيد ما ح يحسوا ب حركتي .. بس ما عرفت هل اقطع عصافير الحب دي ولااا امشي ب عند الزين و عمر... في ترددي ده.. امنيه بدت تتمللم فجاءه باسل وقف قال ليها اهدي اهدي بس الساعه الفكتها ليك صرخة.باسل انا والله ما قادره وتاني صرخه جريت ليها .. باسل على خلعة امنيه على خلعة انتي جيتي من وين ما سالني 😂🤍 قال لي افتحي الباب نادي خالتو زهراء.. فتحتو وجري ناديتها وجيت طبعا خالتو زهراء برضو على خلعة انتو قاعدين هنا ليه على خلعة باسل بعمل معاكم شنو ما سألت😂🤍 سريع سريع دخلناها جووه ما عرفنا الح يلد منو هي ولااا باسل ..يعني خايف عليها بي طريقه.. المشكله شغال ليها اهدي. اهدي ... هدي نفسك في الاول انت يا بابا 😚🌸الحاجه الكويسه الدايه قريبه ليهم وبقينا منتظرين و ناس القريه كلهم جوا .. لحدي ما طلعت الدايه وقالت بت على قولهم بنيه*🤍 تعالوا شوفوا المباركات. و المسالمات. كل واحد يبارك لي التاني زي كأنها بتو. 🤍 بقو ينادوا لي ابوها باسل عشان يأذن ليها 🤍 باسل ده في الاول غلبو يسمكها من فرحتو بيها.. واضح انو عايز يشوف مرتو بس الناس ما مدينو طريقه لحدي الساعه2. شويه كده البيت خفى ودخلت باركت ليها...و اكتشفت انو امنيه زاتها ملهوفه تشوف باسل 😂 انا قاعده ليها في راسها ح تسمي بتك علي ااا بتك علي قالت لي ما عندك اي مشكله بس تمام. بعد شويه جا باسل. لملمت نفسي واتخارجت .. كفايه الشوفتوا منهم😂😭🤍 الاسبوع الاول ده. بتهم ماشاء الله هاديه من اولها كده . عرفنا اهلك هادببين ! لخوانها مؤيد ومصطفي بس قاعدين حنبها يقول ل امنيه ارتاحي يا ماما نحنا بنحرسها ليك بابا وصانه عليكم 💙🌸المهم جا يوم السمايه. جوطه زي الجوطه تنجبري تكوني معاهم في الجوطه دي ... بجاي و بجاي.. و شيلي دا وختي دا اي نعم الموضوع متعب بس كيفني ... انا بحب اشتغل بس توريني اعمل شنو 😂🙇🏻‍♀️ ما تخليني براي.. من اللخمه العلي والعليهم ما لاحظته لي نفسي لابسه شنو... العبايه بي القلبه و الطرحه اصلا مافي. مافرقت معاي الطرحه كتير علي قول امي عاجبك شعرك ده😂🤍 ولاااحلات لابسه فرده واحده من الشبط التانيه طارت وين ماعارفه ... هوي ي نون الناس بيقول عليك مجنونه لابسه فرده واحده يا اشوف التانيه وين.. ياا اطلع دي ...لاا احسن اشوف التانيه. بفتش فيها لاقتني بت الجيران قالت لي ارح معاي النسوان ديل بدورن ليهن. حفاظه من بيتنا .. قولته ليها ارح طووالي😂 بقت تعاين لي واعاين ليها .. مالك يا بت ارح؟؟؟ قالت لي اشي وينها طرحتك؟ قولته ليها البيت بعيد ! قالت لي لاالا ب جاي .. طيب الرجال برا ..لالا عملو ليهم خيمه جوووا البيت .. معناها ارح ..بس دقيقه طلعت الشبط اصلا كده كده بايظه وهي زاتها حفيانه 😂.. وصلنا جمب الباب لقيت ليك الاولاد كلهم بره والله خجلتاا. اطلع بي المنظر ده ... قولته ليها امشي قولي ل واحد من الاولاد ديل يجي يجيب ليك الحفاظه من بيتكم ونحنا ننتظروا هنا ندخلها.. ... فكرت البت كده ..قالت لي خلاص اخوي بكون في البيت اخليهو يوصلها هنا وانتي انتظريني.. طيب بس سريع.. بقيت واقفه واقفه سامعه الاولاد الواقفين بيقول في شنو ركزت لمن واحد قال دي ما هيها الجات مع امينه ! اااي ياها من البندر... تاني ما ركزته معاهم كتير بس واقفت شويه كده كان اشوف ليك عمر .. وشو ده ما بتقابل مرتين انا وقفت زي العجب يا نون اثبتي اثبتي ي جبل ما يهزك ريح ..لحدي ما وصلني يعني هيادو و عروق الظاهر واضح انو جاي يديني كف. بس هو عاين لي من فوق ل تحت وركز ل حالات كرعيني البطاله ولا وكمان ما لابسه طرحه.. قبل راسو علي جهت اليمين قال ب طرف سنون ..قايلاه نفسها دي ل نفسها براها الهبله.❤️. انا يخوانا طشيت والله طشيت.. بعاين ليهو عشره عشره بحاول استوعب في الكلام القالو معقوله عمر؟؟؟ هو طلع نعلاتو علي قولهم😂🙇🏻‍♀️ من سكات وعاين ل كرعيني و لجوه نظام الابسي " نعلاتي " ديل ودخلي .. انا لمن فهته الحنك قولته اعاند هو ما يتكلم مالو ابكم 😏...ما اتحركته من مكاني قال لي ب صره شديده ونبرة صوت صارمه قولته ليك ادخلي جوه .. انا تاني بقيف ،، ما لقيت نفسي غير اني قعده مع امنيه حفيانه😂🙇🏻‍♀️ (خليتهم ليهو ..،،وجريت).. امنيه قالت لي مالك ملصوقه فيني كده. منتظره تسمو بتكم علي .. قالت لي كدي باسل يجي .. خليهو يجي ساي😹

*"أزيد اصراري واحلف بيك وأغير سكة التيار " 💙🌸*

#يتبع

*#رشت_مطر{{07}}*💜
*#بقلم_نون_علي*🌸

قاعده جنب امنيه حركه ما اتحركتها.. عاملين سمايتهم غداء .والناس شويه شويه بدوا يكتروا.. مشيت استحميت و ظبطتا نفسي كويس احساس ح يسموا البت علي..(حلم أبليس الجنه) امي اتصلت لي و اديتها امنيه حمدتا ليها السلامه وكدا.. في قعدتنا ديك جا باسل قال عايز يسألها .. معقوله ما فكروا على الاسم من زمان لااا اكيد. عايز يشوفها😂🙇🏻‍♀️ الفي الغرفه كلهم انسحبوا براحه بس بكشفوا عن طريق البرنده😂 + انا. كنت لسه مغزوزه في نصهم .. باسل بعاين لي احساس قومي ابيت كلو كلو😂 الليله الا البت يسموها علي .. باسل لمن ما لقى طريقه معاي قال لي طيب. انا ما ح اسميها عليك.. ليه خايفها تطلع زيي 😂 كده كده ح تطلع زيي😏🤍.. لا ما قصدي كده ..طيب اختاري اسم غير اسم. .. لا بس اسمي مالو؟ .. ما فيهو حاجه بس اختاري غيرو ولا امشي اسمي انا... عشان لا اسمك ولا الاسم الح تختاريهو.. امينه قالت ليهو اصبر اصبر. بتختار اسم .. قولته ليهم ااممم طيب دقيقه افكر. .. فكرت وفكرت ما لقيت غير اسم أسيل🤍😂 بس خلاص اسيل .. في الاول استغربوا لكن تاني عجبهم شديد.. لدرجه باسل قال لي بتعرفي تختاري اسم.. كمان ده كلامك😌😌🖤.. سموها أسيل... رغم الناس الكتيره الجات اليوم ده عدا سريع .. امي كل يوم تتصل بي ما جايه ماجايه قولت اسبوع بس و ح اجي ..قالت لي سمح ما يبقى كلام ساي.. لا ما تخافي ان شاء الله ح تلقيني قدامك🙇🏻‍♀️ قالت لي. انتي قولتي لي اسبوع و بجي وهسي تميتي شهر.. امي طيب اتم معاها 15 يوم واجي .. تمام
________________
*من جانب بسمه*
انا زي ما انا ليه ....ببكي علي حظي ولسه ما قادره ارجع زي زمان مع الزين يوم ولادة امنيه غلبني امشي ليها خوفتااا الاقي الزين واقف قدامي.. والزاد علي انو عمر ما عمل اي حاجه. في موضوعنا احتمال وانا قاعده ابوي يجي يقول عقدنا و الموضوع ده مخوفني مخوفني بالجد بتذكر يوم السمايه اخواتي اصروا الا امشي.. لمن مشيت لاقتني الاسمها نون دي كانت شغاله مع الناس.... وضح لي تعامل خالتو زهراء معاها زي البتقول ليها اريتك مرت ولدي .. ما ح اقدر اشتغل معاهم وهي في. و لا ح اقدر اقعد ويشيلوا حالي بنات القريه ...احسن رجع.. وخوفي اني ما اطلع عشان ما الااقي الزين اتححق..و لاقيتو طالع من بيتنا شكلو كان مع اخوي .. بس اخوي لسه كان جوووه جيت فايته ب عندو سريع من غير اي كلام .. سمعتو قال لي عشان خطبوك لي عمر بتتعملي كده؟ ما قدرتا اقيف عشان افهمو.. طوالي دخلت بيتنا بكيت يعني بعد ده كلو شايف حركاتي دي بسبب انو مخطوبه لي عمر.. انا بتفاداك يا غبي.. بس اقول شنو . مافي اي حاجه في يديني من كل الجهات مقفله...جوا اخواتي. عدلت نفسي سريع سريع سألوني ليه جييتي وليه ما قولتي لينا ماشه البيت.. عشان اتخارج من أسئلتهم دي . قولته ليهم خليتوا الباب فاتح مش؟..كل واحده عاينت لي رفيقتها .. قولته ليهم اكيد مافي زول بيقفلو غيري .. مشيت وانا بدعي انو يكون الزين. فات.. لمن لقيتو مافي ارتحت شويه وقفلت الباب عاينت في السماء الجو مغيم معناها ح تنزل مطره المساء 🤍 دموعي تاني جروا مسحتهم بب طرف توبي ودخلت وانا بدعي اي حاجه تتعدل معاي🤍
_______________
*من جانبي*
مافي اي جديد مرا اسبوع وفضل لي زي ايام كده زي ما وعدتا امي ووربت امنيه قالت لي لااا ما بترجعي قولت ليها لا بعد كده احسن ارجع.. قالت لي لو على خالتو انا بكلمها.. قولت ليها لااا بس انا عندي انشغالات هناك . وانا هسي تميت تقريبا شهر . في كلامنا ده جات خالتو زهراء امنيه ورتها اني ح ارجع وكدا.. خالتو زهراء حلفت كان ارجع.. لو علي امك حاجه سوسن. اديني ليها بتكلم معاها... لا يا خالتو والله ما عشان امي.. اها عشان شنو زهجتي مننا .. لا ما كده والله بس... لا بس.. ولا شيء اديني امك دي .. اتصلت على امي قولت ليها خالتو زهراء عايزاك.. اصلا الاتنين بعرفوا بعض كم مرة خالتو زهراء جاتنا هناك لمن تجي لي امنيه و بتقول لي امي امينه دي اتفقديها لي طوالي ...🖤 اديت التلفون لي خالتو زهراء اتكلمت معاها مسافه واقنعتها اني اقعد شويه وكمان امي وابوي يجوا هنا يقعدو يومين و يرجعوني معاهم.. بعد ما قفلت من امي قالت لي اديني رقم ابوك اخلي حاج عبد الله يتكلم مع ابوك .. اديتها ليها وفاتت.. قبلت على امنيه لقيتها طايره من الفرح 🤍 .. افرحي افرحي ي قلبي 💋💕.،، في خلال الايام الفاتت ما لاقيت عمر او انا الكنت بتفادا اني اقابلو.. اصلا الزين داك منفسن 😂 ..
____________
*من جانب الزين*

كنت بستغرب من حركات بسمه معااي ليها فتره متغيره مني كل يوم بسأل نفسي الحاصل معاها شنو ؟ عملتا ليها شنو زعلانه مني.. وكمان بقت ما بتطلع كتير واليوم البشوفها بتكون بارده شديد .. كأنها بتتعامل مع زول قاتل ليها ابوها.. ده انا الزين يا بسمه. ياما لعبنا سوا... مالك الحصل عليك شنو! جاني الجواب يوم السمايه حقت بت اختي .. بتكلم مع اخوها قال لي ابوي بدور يعقد لي بسمه على عمر.. حاولت ابين قدامو الموضوع عادي ....يعقدا ليها على عمر.. هو لمن شافني ساكت قال لي ما عندك خبر انهم قبل فتره خطبوهم لي بعض.. في بالي جاتني حاجه واحده ايوة عشان كده بتتعامل معاااي ب تجاهل و برود..كانت تواجهني عديل .. يعني بعد سنين الريده الجواي ليها دي كلها ح تروح؟ بالبساطه دي ! انا والله ما بخليها تكون ل غيري لو هي عيزاني كنت ح اقلب القريه دي قلب عشان تكون معاي .. بس هي ما عايزاني 💔 يمكن لو اعترفت ليها من زمان كان الوضع اتغير ! بس حتي لو اعترفت ليها هي ح تكون غير عمر ما دايره! للدرجه دي بتريدو! لدرجه تتعامل معاي بالطريقه دي! انا ما بلومها بلوم نفسي عشان حبيتها .. اخوها قال شنو بعد الكلام داك ما عارف .. في حاجه جوااي اتكسرت.. إستاذنت و طلعت طوالي لقيتها قدامي زي كل مرة دايره تتجاهلني ما قدرت امسك نفسي قولتها ليها الكلام الدير اقولو علي الاقل تحس ب الشعور الانا. عايشو.. بس هي زي كل مرة تتجاهلني ... الايام البعديها بقت كلها زي بعضها اكتر شعور سيء. انو ما قادر اعمل حاجه .. مافي حاجه في يديني. .. احساس العجز ده بقى ملاحقني . دايما في بالي. ح اخليها بالسهوله دي....💔
*" انا يا مريودتي ما داير اعيش في هواك ويبقى علي ريديك وهم...💔 انا عايزك لي براي .. لا بيناتنا غريب لا يجينا الحزن❤️ وسِكتنا نمسكها بالعشم❤️*
*(قليلُ البوح يَموت غرقًا في صَمتهِ.)🌸*
__________________
من جانب عمر
قبل سمايه بت باسل كنت بكذب على نفسي انو صحبة امنيه دي يكون في حاجه جواي ليها .. كل يوم بكذب الفكره دي... مع انو يوم كانت بتنطط في مويه المطر كان بالنسبه لي زي كأني بشوفها اول مرة 🤍 عفويه. كده عندها باقي طفوله ما عاشتها ودي الحاجه الحذبتني ليها انها ما كانت متكلفه في كلامها او اسلوبها بالعكس بتتعامل بطريقه ابسط من بسيطه .. حطمت كل قيودي من ناحيتها.. بس ما داير اعترف ب النقطه دي فجأة النقطه دي تعترف لي هي برااها💜🌸 ...يوم السمايه كنت قاعد بي ورا الباب بنخدم في الرجال الكبار لو عايزين حاجه ما يطلعو بره.. ما كنت مركز مع الاولاد جمب الباب بقولوا في شنو بس لمن سمعت صحبة امنيه ركزت... ما خلو تعليق ما علقوا فيها... بس وقفت لمن واحد فيهم قال عان شعرها بالله حرير كيف اريتني شعرها تدللني بيدينها الحلوات ديل ..🙇🏻‍♀️🖤 مسكت نفسي بالقوة ما اتكلم معاهم. مشيت ليها وانا ما شايف قداميي حاجه .. فوق ما لابسه طرحه كمان حفيانه... لا دي دايره ليها ضربه فوق راسها ده يتعدل ... وفوق ده كلو دايره تعاند..دي مجنونه دي .. دايرني اقتلها هنا.. والله لو ما مشت من قدامي بمسكها من يدها وادخلها جو والدايريين يقولوا اليقولوا..اتذكرته اني قولته ليها قايله نفسها لي نفسها ... طلعت مني كيف ما عارف .. بس العارفو انو لو زول عاين ليها ساي ح اطلع ليهو عيونو.. ياربي انا كده بريدها!.. جواي شعور ... ل زولتي القديمه ما كان في .. شعور تملك شعور هي بس لي❤️ وعيونا. زاتها ما تلاقي غير عيوني❤️

*"ضى عيونك يا بنية يضوي من بلدآ بعيدة تحملك لينا الغمامة و يكتمل للروح.. نشيدا و في الدروب الليك تودي بنسرج الخيل العنيدة و الحزن من نور عيونك يلبس الفرحه الجديده🖤"*

#يتبع

*#رشت_مطر{{08}}*💜
*#بقلم_نون_علي*🌸

مافي حاجه جديده غير امي وابوي جايين بكره و ح ارجع معاهم ح اودع البلد دي يمكن قعدتا شهر بس مرا سريع والله.. 🖤 هنا الناس طيبين طيبين شديد وعفويين لابعد درجه نفسي اكون وسطهم كده ما عايزه ارجع بيتنا.. لكن اقول لي امي شنو مافي طريقه.. امنيه قالت لي كلمت باسل بالتلفون قال لمن يجوا اهلك يتفاهم معاهم ترجعي معانا.. انا واثقه اهلي مستحيل يخلوني وراهم .. مشيتها في الكلام عادي.. قالت لي الجو بارد قولته ليها اي مغيم الليله قالت لي معناها المطر بتنزل من المغرب .. قولته ليها يعني بعد ساعه كده قالت لي. والله ما معروف احتمال بعد شويه .. جاتنا خالتو زهراء قالت الولد ده ح يجننني .. امنيه قالت ليها منو .قالت ليها الزين .. ليه مالو يايمه.. بقى لي ما ياهو ! ما ولدي البعرفو ... زعلان زعلان كده .. امنيه قالت ليها اي من يوم السمايه ما جاني ولا شاف بتي .. قالت ليها بي وين هو مقاصد سريرو.. لا كمان هسي قال نازل تحت في الجو المغيم ده ... لاا يا امي ما تخليهو المطر بتنزل و البحر برتفع .. قالت لي قولته ليهو بس ما داير يسمعني ... وطلعت تشوفو ما لقتو.. انا بي جاي بالي قلق من الموضوع أي نعم المطر ما ح تنزل هسي لكن برضو. احسن امشي الحقو بعد شويه اعرف هو مالو.. ما عارفه انا ليه بتشوبر كده بس هو بالجد نفسيا الفتره لفاتت دي كلها كانت كعبه .. خليت امنيه مشغوله مع بتها جريت التوب بره وطلعت بي باب الزقاق ..
*"الدرب البسوق ل قدرك هو زاتو البغيرو ليك"🖤*
_________
*من جانب بسمه*
اليوم ده شكلو ح تنزل مطر زي المطر اي هو الجو سمح و الواطه زاتها بارده لكن ما مطمئن الجو الزي ده .. امي اصرت اني امشي مع اختي احلب الغنم ... يايمه انا ما ماشه ... يهون الله يابتي تمشي اختك براها .. يايمه الا امشي انا ما اخواتي التانيات يمشوا معاها.. ديل فتروا كل يوم يمشوا.. امشي سريع قبل المطره ما تنزل .. زاتو بتلاقن ابوكم في الرجعه ب الحماره اركبنا معاهو لو صادفكن... يعني المشيه دي فوق راسي فوق راسي مشيت في امان الله وصلنا هناك قولته ليها انتي احلبي دي وانا بمسكها ليك.. رفعت راسي ب جهة البحر ارفع توبي شوفته ليك الزين.. لالالا البت ديك زاتها معاهو انا الارض دي لفت بي و دارت الف مرة... يعني ما كف العليّ.. قلبي انقبض انقبض شديد فترتا انا من الدنيا دي 💔
*"و بقى كل مناي الروح تنسحب ... ما انت ياروح الروح قتلتها"*
خليت اختي قولته ليها انتظري ابوي هنا و انا جريت من دون ما يشوفوني .. وقعدتا في مكان علي ضفة البحر.. زمان انا و الزين كنا بنجي نقعد فيها ..ضميت كرعيني علي وبكيت بالجد غلبني ...
*"ريدي ليك بقى يخنق بدل يداوي"💔*
__________________
*من جانبي انا*
طلعت باب الزقاق براحه دايره اجري علي البحر صادفني عمر بتكلم مع المزارع دسيت نفسي بالتوب ومشيت براحه لحدي ما اتجاوزتو وجريت. جري 😂 . من بعيد شوفت الزين ماشي علي البحر.. بقيت انادي الزين الزين.. وقف اتفاجأ بي لمن وصلتو قال لي الجابك شنو. ؟جاي هنا ليه ؟ معاك منو... بااخد لي نفس ...الزين جايه عشان اتكلم معاك.. استغرب تتكلمي معاي! ... ايوه معاك... الزين انت مالك .. قال لي جايه من هناك وجاريه كمان عشان تسأليني كده.. ارجعي البيت ... انا ما ح ارجع كان ما وريتني.. انت عارف نفسك مقلق بي خالتو. في شنو ي الزين !... عاين لي مسافه قال لي انتي الدخلك شنو..(في نص راسي 😂😂😂 ) عاينت ليهو ب زعل قولته ليهو انا جاي اشوفك مالك حنيت علي حالتك.. انا جاي ل مصلحتك..بس شكلو... قطعني وعاين لي الارض قال بس مصلحتي الضائعة مني..! كيف كيف ضاعت منك... قال لي زي اي حاجه بتضيع... معناها ما مكتوبه
ليك... ضحك بي الجمبه كده. بس ضحكة زعل .. قال لي مصلحتي دي لو دايراني انا بقلب الدنيا عشانها... الزين؟ في شنو.. قال لي بسمه بسمه الهبله... دايرين يعقدوا ليها علي عمر!!... انا زي العويره قولته ليهو طيب انت ليه زعلان! قال لي كيف ما ازعل ودي غمري الماضي و الجاي 💙انا ما بقدر اواصل من دونها..اتكلم عنها كتير بس انا مستغربه في نفسي كلامو ما هزاااني او زعلني انو ما دايرني... هسي لو قال لي كلامو ده قبل شهر .. كانت حالتي ح تكون بطاله وح اعيش حالة الزول البحب من طرف واحد😂.. بس هسي ما فارقه معاااي اي شيء.. بالعكس بقيت بصالح فيهو و اصريت عليهو يعترف ليها ... وانو ما يتاأخر عليها.. منو العِرف يمكن عااايزك.. اعترف واعمل العليك
قال لي قولتي كدا؟ قولته ليهو اااي ... قال لي تمام. ارجعي انتي انا ح امشي اشوفها .. داير يمشي لمح من بعيد اختها قال لي دقيقه اشوف دي مالا واقفه براااها ..قولته ليهو طيب ... قال لي ارجعي... مشى لي اخت بسمه قال ليها واقفه هنا براك ليه وين اخواتك..

قالت ليهو كانت معاي بسمه وفجأة قعدت تبكي وجرت على ناحيه البحر وقالت لي انتظري ابوي بعد شويه بجي.. قال ليها ليه بتبكي قالت ليهو ما عارفه بس وقفت مسافه تعاين لي حاجه في الاتجاه الجيت منو.. وانا خايفه عليها.. الزين شوفها ... الزين ضرب راسو وقال في سرو غبيه غبيه.. قال ليها انتي لمن يجي ابوك ما تقولي ليهو حاجه طيب .. وجرا... ولو عليهو يطير عديل.. عارف ح تكون وين
*" وانتظريني يا قدري الجميل ما انا واقف عليك"❤️*
_______________
*من جانبي...* بقيت ماشه براحه براحه وانا بتخيل انو بعترف ليها فرحت ليهو والله .. الزين ده يستاهل الخير .. الخير بيشبهو🖤 طيب انا ليه ما زعلانه جاني في بالي عمر . ياالله من عمر.. بفكر في عمر لقيتو قدامي.. بسم الله الرحمن الرحيم.. ياربي عقلي صور لي انو قدامي.. هو حالتو كانت زي المرة الفاتت بس اسوأ....المرة دي ح ينفجر.. من سُكات جرّا يدي وساقني وراهو ... عمر في شنو مالك... ولا كأني بتكلم معاهو عمر عمر...
*" انا لسه متمسكه بيك..ما انت العمر كلو"💙🌸*
عمر بتكلم معاك سايقني وين انت ؟ رغم اني دايره افك يدي منو. عايشه دور إني مجبوره امشي وراهو 😹 بس انا من جوه مبسوطه واااثقه انو ما ح يعمل لي حاجه حتى في حالتو دي .. بس بقول ليهو فكني عشان ما يقول دايره تمشي معاي😂.. وصلني مكان كده سمح شديد.. زي بُحيره كده في النص وجنبها جدول طويل لحدي البحر وفيها زي نخله مقطوعه عشان يعدو بيها الجدول ..عريض الجدول.. والبحيره دي كانت بجهتنا.. المكان ده فاضي قرد ما فيهو 🤍 منظر المكان ده ولا في الخيال يعني سبحان الله حلو شديد شديد .وريحه البحر وصلانا 🤍 المكان ده راحه نفسيه بالجد يعني.. بس عمر فك يدي بالقوة وقفني قصادو.. عمر انت مالك جنيت.. غطى وشو ب يدينو .. قول حاجه ما سمعني ؟. زح يدينو قال لي. كنتي واقفه مع الزين ليه !!! بعدين عنكم عندي اعاقه في الرد قولته ليهو انت شوفتنا؟ 😹... قال لي ردي علي كلامي واقفه معاهو ليه .! ماسك اعصابو ب القوة.. قولته ليهو عيب اقيف معاهو .. شد شعروو... قال لي. اي عيب عيييب وبعدين انتي من متين. بتقيفي معاهو وريني من متين..؟؟؟؟؟؟؟؟؟؟ في عز عصبيتو دي قولته اعاين ليهو زي ما بعاين لي. عاينت ليهو من فوق لتحت.. صراحةً انا كنت خايفه من الحركه العملتها دي بس قويت قلبي.. وكمان قولت ليهو دي حاجه ما بتخصك .. اريتني موتاا قبل ما اقول ليهو كده....انفعل فيني وبقى يكورك حسيت ناس خالتو زهراء هناك سمعووونا.. قال لي. كيف ما بخصني وريني كيف ما بخصني انتي كلك على بعضك بتخصيني... انا يا بت الناس بريدك ❤️عارفه يعني شنو بريدك يعني الزين ده زاتو لو رفع عينو يعاين ليك انا بقتلو خليهو لمن يقيف معااك.. جايه بي جمبي ومغطيه وشك ب التوب ما ح اعرفك يااااخ؟!! انا من ريحتك عرفتك خليها لمن جريتي..... طبعا انا ما اعجبكم من قال لي بريدك فصلتااا نور وكهرباء جسمي ده لمن حسيتو تلج. الكلام القالو بعد كلمة بريدك دي ما سمعتو ولا ركزتاا فيهو اصلا. طرتاا بي خيالي وسرحتا مع انفعالو ده بقيت اعاين ليهو بي هبل و بفكر ب قلبي عمر ده ليه سمح كده ! اتمحنت. لحدي ما هو وقف من الكلام ومسح وشو ب يدو وبقي يعاين لي عايز يبتسم ما عايز يفقد موقف.. ان استعدلت لانو حسيت انو تنحتي ُ فيهو كده زي الهبله هبله. قال لي بعد ما راق شويه ما ح تحكي لي واقفه معاهو ليه .. صلحت توبي قولته ليهو اممم طيب احكي ليك قال لي طيب تعالي قعدنا على طرف البحريه ديك وهو علي مسافه مني كده قبل عليّ وبقى مركز معاي.. انا بطبعي لمن اشوف زول مركز معاي بتوتر والكلام بطير ...قال لي سامعك ❤️ امممم طيب شوف شوف شوف..شوف .. قولي اها انا تاني ح اشوف زول غيرك ❤️ يلا انا. تُهتاا والله تُهتا.. دي حاجه جديده عليّ ...قلبي قال لي اقعي في البحيره دي 😂🤍 قال لي اتكلمي .. بي وين وانت مُقهي فيني كده 🖤
*" ألقاااك وين .. أنا وانت والنيل والأرض .. والبور مشتت متنسي ..🖤✨"*
_________________
*من جانب بسمه*
لسه ببكي وانا بتخيل في شكلهم... سمعت صوت حركة بي وراي مسحتاا دموعي سريع سريع بمسح فيهم حسبت ب زول قعد جنبي اتلفت لقيتو الزين بعاين لي بحنيه كده قال لي من متين وانتي بتدسي دموعك مني .. دايره اقوم مسكني من يدي اتخلعتا دي اول مره الزين يمسك يدي حتى لمن كنا شفع بمسكها في الضرورة.. والضروره الشديده!! الإتغير شنو.. زحا يدو وقال لي ممكن ما تقومي. طريقه كلامو خلتني إطرا اقعد واضغط على قلبي قعدتا كده رزاز المطر نزل بيبشر ب مطر شديد 💙🌸 .. قال لي و هو بعاين لي البحر انتي عارفه انك بتعذبي في نفسك وانا اضعاف اضعاف عذابك ده ..ما رديت عليهو.. قال لي اذا قولته ليك انا بالحيل بريدك يا بسمتي ❤ وداير قلبك يحن علي.... ما بيحن؟ اتفاجأت وقفتا طوالي على حيلي وهو وقف معاي ...

قال لي انا جادي يا بسمه انا ما بحبك من هسي ولا من امبارح انا من كنا شفع وانا قلبي مايل ليك ❤ بقيت ما عارفه اعمل شنو اقول ليهو شنو.. اقع في البحر ده اريحو ولا رزاز المطر💙🌸 قال لي. ح تبقي ساكته كده ! طيب انتي ما بتريديني ... دنقرتاا راسي .. قالي لي معناها ما دايراني .. قولته ليهو لالالا.. قال لي ايوة كده من الصباح منتظرك تتكلمي 😹😚 قرب مني خطوة قال لي انا محتاج منك بس اشاره وكلمة تديني البشااارة عندي ليك مليون محنة والف خير❤ (مصطفانا) سكتاا ساااي قال لي افهم من سكوتك ده انك عايزاني ؟ ابتسمت ودنقرت راسي.. هو بقى يعاين لي قال لي ارح ارح ما بقدر امسك نفسي معاك ❤ عاينت ليهو ب استغراب ده الزين بالجد؟! اتحركتا طوالي وهو ب وراي يضحك .. قال لي خجلك ده ح تودي وين بعد ما اعرسك ... وقفت طوالي اتذكرتاا عمر.. هو فهمني وجاء وقف جمبي قال لي عمر ما هو الراجل البيقيف قصادنا هو زاتو الح يساعدنا ما تشيلي هم💙.. ابتسمت في قلبي قولت اشيل هم لي شنو تاني وانت كنت اكبر همي و هسي اكبر امنياتي .. قال لي يا بسمتي امشي سريع المطر بقت تشد.. اريتها تشد وتبقي لينا السنه كلها زي يومها ده 💙🌸

*رشت مطر نزلت علي قلبي بالافرح ياريتها من زمان نزلت ❤🌸*

#يتبع