فهد:ألين
ألين:ايوة
فهد:مالك؟
ألين نزلت راسها ورفعت ليهو يدها اليمين..كان فيها حرقة رفيعة كدا طولها قريب سنتمتر ومحمرة شديد ومليانة دم..منظرها بس كان بوجع القلب
فهد عقد حواجبو:دا شنووو؟
ألين وهي لسا منزلة راسها:اتحرقتا
فهد وهو بعاين للحرقة:اي ظاهر..الحرقك شنوووو؟
ألين عاينت ليهو:المعلقة..كانت قاعدة جوا الزيت وانا ضربتها بالغلط قامت طارت ووقعت في يدي
فهد عقد حواجبو بألم لمن اتخيل كمية الألم الح تكون حست بيهو لمن اتحرقت عاين ليها وقال:ألين حرام عليك اعملي حسابك يخ
ألين حركت راسها نظام طيب وهي منزلة راسها
رفع وشها من حنكها لقى عيونها مليانييين دموع
همس ليها:كانت بتوجعك؟!
ألين:لحدي هسي بتوجعني
فهد عاين ليها مسااافة بعدها جراها لحضنو..افف هي هنا بسببو وب اعتبراها هسي اتحرقت بسببو..عمرو م ح يسامح روحو علي حرقتها دي
ألين غمضت عيونها وهي في حضنو وهي بتبكي..بعيدا عن الحرقة وانها واجعاها ولا لأ...هي عايزة ترجع بيتهم..عايزة ترجع لحياتها القديمة..م قادرة تتأقلم مع حياتها الجديدة دي
فهد ختا يدو في راسها:هششش...اسف اسف
ألين زحت بقت تعاين ليهو
فهد:اسف..حقك علي ي ألين ألين حركت راسها نظام لا لا وقالت:م تعتذر انت م عندك دخل..انا الم بعرف اطبخ
ابتسم وقال:بسببي اتضطريتي تطبخي
ألين:كان اتعلم الطبخ من زمان
فهد مسك يدها وبقى يعاين للحرقة وقال:عملتي ليها شنو؟
ألين:خالتو عملت لي فيها سكر ومعجون
فهد:اي المعحون كويس تعالي اخت ليك تاني
ألين:طيب
فهد:ثواني اجيبو
وفعلا مشا جابو وجاب معاهو مرتبة
ألين:ما شاء الله شايفاك حفظتا النظام
ضحك:لازم احفظو والا ح ارقد في الحديد
ضحكت وقعدت بعد ما هو فرش المرتبة وقعد
مسك يدها ختا ليها المعجون..هي بتعاين ليهو..كان بخت ليها في العجون برااااحة ..ابتسمت لمن انتهي ورفع راسو ليها

فهد:قعد توجعك؟
ألين:تؤ ..م شديد
فهد:ممكن تاني تعملي حسابك؟..انا م بتحمل اشوفك بتتأذي بالطريقة دي
قلبها عمل تتترررااتاراتارااا ابتسمت ليهو وقالت:م بتتحمل شنو؟
فهد قرب عليها وهمس ليها:اشوفك بتتأذي كدا
غمضت عيونها وهي حاسة بانفاسو في اضانها..فهد رفع يدو بقى ماسكها من كتفها بيدو والتانية تاكلها في السرير..باس اضانها مسااااافة...شعر جلدها قام من حركتو دي..بلعت ريقها لمن حست بيهو بمرر شفايفو في رقبتها..قلبها بالجد بالجد بقى يضرب في صدرها ويرجع وجسمها تلللللج وجاها وجع بطن مع طمام مع حاجات كدا..بالجد م ح تقدر تستحمل قربو اكتر من كدا...
اتحركت عايزة تقوم كدا بس هو كان مثبتها من كتفها بيدو..خلاص حيلها برد..رفع راسهو قصاد وشها وقال ليها:مالك؟
سكتت وهي منزلة راسها..م قادرة تعاين ليهو م قاااادرة...
فهد شداها من كتفها وقال:بتكلم معاك انا
ألين بنفس متقطع:م بقدر ي فهد
فهد طقق فكاها..خلاص قالت م بتقدر اكيد م ح يقرب منها غصبا عنها..
ألين قامت وكرعينها م شايلنها..م عارفة كيف وصلت المطبخ..اتكلت في تربيزة البوتجاز وهي بتتنفس بسرعة...دا شنو كان بحصل برا دااااا؟؟؟؟!!! ودا شنووووو الكان ح يعملو فهد دا؟؟؟؟!!! والاهم من دا كلو دا شنووو العملتو هي دا؟؟!! كيف تقول ليهو لا؟ كيف تمنعو من..حقو..حقو الشرعي الكاتبو ليهو ربنا وفارضو عليها..حركت راسها كأنها بتنفض في الفكرة من راسها..اخدت اكتر من 10 دقايق حتي دورة جسمها رجعت طبيعية ودقات قلبها طبيعية..ختت ليهو الاكل..ياهو السبرايز الاصلا مجهزاها ليهو بس الامور جاطت شديد...
شالتو وطلعت اول ما شافتو راقد ومغطي عيونو بكوعو..قلبها رجع يفرفر تاني..ختت الصينية في السرير الجنبو ومشت جابت تربيزة ختتها قدامو وختت الصينية فيها..رفع راسو من صوت حركتها لقاها خاتة ليهو الاكل قدامو واتحركت عايزة تمشي
فهد:م ح تاكلي؟
ألين وهي بتقعد في السرير:ااا اكلتا مع خالتو
عقد حواجبو..ام محمد م بتاكل الا ابو محمد يجي ألين معناها م اكلت ولا حاجتين..اتنهد وبقى ياكل وهي رقدت فتحت تلفونها..هو اكل وجا صلى العشا بعدها قال ليها:ح تنومي ولا كيف؟
ألين:شوية كدا وبنوم
فهد:طيب بخلي ليك الغرفة فاتحة تدخلي تلفونك
ألين حركت ليهو راسها نظام طيب..فعلا قفل وجا رقد وهي شغالة تهبش في تلفونها..اساسا م فيهو حاجة سمحة بعد زي ساعة كدا قامت دخلت تلفونها وجات رقدت اول ما رقدت قال ليها:تصبحي علي خير
ألين اتخلعت..دا لسا صاحي:تلاقي الخير
ونامو علي كدا.... تاني يوم صحت لمن الشمس بدت تشرق كدا لقتو بصلي..قامت هي زاتا اتوضت وجات صلت ومشت عملت ليهو الشاي..لقتو دخل المراتب..ختت ليهو الشاي
فهد:وين شايك؟
ألين من غير م تعاين ليهو:لسا م اتسوكتا انا
فهد:اتسوكي وتعالي..براجاك
ألين مشت عشان تتسوك..

ردد تاني كلمة:برجاك
برجاها..لمن تحبو..برجاها لمن تتقبل فكرة انو يقرب منها..برجاها تحن وتحس بيهو..
فعلا مشت اتسوكت وجابت كباية شايها وجات..شربو الشاي وكدا الباب دقا مشا فتح لقاهو ابو محمد جا عشان يطلعو للشغل
اتلفت علي جوا وقال:ألين مع السلامة
وطلع..هي كانت راقدة في العريشة لمن سمعتو بتكلم طلعت لقتو مافيش..عقد حواجبها لمن سمعت صوت الهايس بدور...مشو معناها..


وبرضو عدا اليوم عاااادي..وجا ختت ليهو الاكل ورقدت نامت..استمرت علي الحالة دي قريب 4 يوم..م بتتكلم معاهو..كأنها بتعاقبو علي العملو والفكر يعملو..بتعاقبو لأنو كان ح يعمل شي يعتبر حق من حقوقو..

صباح الجمعة...
صحو صلو وفهد رجع نام..شكلو م طالع..ألين لمن الشمس شرقت قامت نضفتت وغسلت العدة وكدا ومسكت تلفونها...لحدي قريب الساعة 10 وحاجة هو نايم..
سمعت صوت ام محمد بتنادي فيها بالحيطة مشت ليها وهي بتقول:صباحك خير ي خالتو كيف اصبحتي؟
ام محمد:بخييير ي بتي نحمدو..وانتو؟
ألين:تماام والله ي خالتو
ام محمد:ان شاء الله دايما..اها ي بتي انا عاملة لي عصيدة بملاح تقلية للفطور وعمك ابو محمد دا مصرر انكم تجو تفطرو معانا..وبيني وبينك انا زاتي مشتهياكم ليكم زممن من اكلتو معانا
ألين ضحكت:حاضر ي خالتو بس فهد نايم اصحيهو وبنجي عليكم
ام محمد:م تصحيهو ي بتي...خليهو يقوم براهو
ألين:لا لا كفاية ي خالتو زاتو عشان يلحق الصلاة
ام محمد:سمحح الننزل اجهز الفطور
ألين:عليك الله ي خالتو حلفتتك انتظري اجي اجهزو معاك
ام محمد ضحكت:ي بتي م داير ليهو شي العصيدة جاهزة والملامح جاهز
ألين:برضو ي خالتو انتظري..علييك الله
ام محمد:سمح ي بتي منتظراك..لفي تعالي
ألين:حاضر بس اصحي فهد
ونزلت صحتو وابا يقوم طبعا
ألين:فهد الناس راجيننا للفطور
فهد:م قادر يخ جسمي مكسر كلو
ألين:قوم افطر وارجع نوم

فهد:اي حاجة متأكدة؟
ألين:اي اي حاجة
فهد:حتي العملو فيك انس؟
ألين ابتسامتها اختفت
فهد:كان فيهو حاجة واو؟
طبعا هو م ذكرها عشان يوجعه او كدا لا لا بس عايز يعرف هي لحدي هسي بتفكر في انس ولا نستو
ألين بللت شفايفها:شوف..هو اكيد اكيد في حاجة واو
عاينت ليهو في عيونو وقالت:بس احتمال انا لسا كا لقيتها
وقفت عايزة تمشي وقف ومسك يدها لفاها عليهو وقال:حاجة واو زي شنو؟
بلعت ريقها وهي متوترة من مسكتو
فهد:الحاجة الواو دي ممكن تكون انا؟
ألين شالت نفسها وم قدرت تختو تاني..دا شنو بالقول فيهو دا؟! واساسا ليه بقولو هسي؟!
ألين:فهد ح يشوفونا
فهد فكاها..فرر مشت دخلت العريشة وقلبها شغال دلووووكة...
قعد في العتبة وهو بزفر في نفسو...دا شنو القالو دا؟!اساسا م عندو مناسبة..شوف كانو بتكلمو في شنو وهو دخل النقاش في حتات تانية...افف بالجد فكرة انو ألين قريبة منو لكين م قادر يقرب عليها دي بقت تتعبو..لازم تحبو او علي الاقل تحس بحبو الشايلو ليها دا....

علي كدا الوقت عدا عااادي..
بليل لمن جو عايزين ينومو
ألين راقدة نفس رقدة امبارح وبتعاين لفهد الراقد بالطول وشايفة شعرو وعمود انفو بس
قالت:فهههد
فهد:ههههممم
ألين:جبيل اتكلمت مع امجد
رفع راسو بسرعة وبقى يعاين ليها
ألين قالت ليهو قبل م يعصب:م وريتهم مكانا ولا وريتهم اي شي..بس طمنتهم علينا..لأنو م صح نقلقهم علينا بالطريقة دي
فهد اتنهدت وختا راسو في كراع السرير
ألين ختت يدها في شعرو وقالت:ليه م عايزهم يعرفو عننا شي؟
فهد وهولسا مدنقر:لأنو ح يجو وح يحاولو يساعدونا..رفع راسو..وانا م ح ارضي اشيل منهم قرش
ألين عاينت ليهو مسااافة وحركت راسها نظام طيب
فهد:انا قادر اني افتح بيت بعيدا عن قروش ابوي
ألين حركت راسها نظام اي
فهد:انا ما سرقتا القروش..اساسا قروشو ياها قروشي كيف اسرقها؟
ألين ختت يدها في خدو وقالت:عارفة ي فهد
فهد:انتي مصدقاني صح؟
ألين حركت راسها نظام اي وقالت:لو م مصداقاك م كنتا ح تشوفني معاك هنا
فهد مسك يدها باسها مسااافة وبعدها قال ويدها لسا في خشمو:واكتر حاجة مطمناني انك معاي هنا
ابتسمت ليهو وهو رجع باس يدها تاني..
بقى يعاين ليها..فكر يقوم يحضنها ويقول ليها انو هو بحبها وم قادر يستحمل تبعدو عنها اكتر من كدا بس تاني اتراجع لمن جرت يدها من بين اصابعو
عاين ليها وهي بتقول:تصبح علي خير
فهد:الليلة مف افلام رعب؟
ألين ضحكت:اي اي..دي كانت هبالة وراحت لحال سبيلها
فهد ضحك وهو برجع بصلح رقدتو وقال:كوييس شكلي ح انوم بمزاج الليلة
ألين:اي ح تتخمد بمزاج
ضحك وقال:قومي اطفي النور
ألين:مام اطفيهو براك
فهد:م بتخافي؟
ألين:لو خفتا ح اخاف من وشك دا بس
ضحك وقال:طيب خليهو منور بس
ألين:ي سلام عليك رائع انت يلا نوم👋🏻
علي كدا نامو الاتنين...
بكريتو نفس الموال صلو الصبح الاربعة وشربو الشاي وقبل يطلعو الشغل مشو فتحو البيت شافهو...

--------------------------------------
---------------------
*يتبــــــــــــــــــــــــــــــــــــــــــــع *

كان عبارة عن حوش مستطيل كدا في نهايتو في اوضة ومطبخ مقبلين علي بعض وعريشة موصلاهم ببعض..والحمامات ياهو جنب الباب..
ابو محمد:ولدي قبل يغترب كان ساكن فيهو..م اتقفل كتير ليهو زي سنة بس
ألين همست لفهد:سنة وم اتقفل كتير؟
فهد:هششش
وتابع مشيهو كشفو للبيت تماااام...وكان فيهو سريرين بتاعين حديد في الحوش و3 سراير في العريشة ومزيرة فيها زيرين..والمطبخ والغرفة فاضيييين
المهم طلعو بعد اتفقو انو ألين وام محمد يجو ينضفوهو بعدين....

وفعلا بالنهارية كدا جو رشوووهو وقشوووهو ورجعو...
ام محمد قفلت باب الشارع ومدت المفتاح لألين
ألين عاينت ليها باستغراب
ام محمد:دا مفتاح بيتك خليهو معاك
ألين شالتو منها وعاينت للمفتاح مساافة..بقى عندها بيت؟! وبعيدا عن فلل عائلة العين؟!
ام محمد:عندي لاحفين بتاعات قطن قاعدين ساي شيليهم وشيلي معاهم وحدة من بتاعات الاوضة الجوا ديك
ألين:لا لا ي خالتو فهد ح يجيبهم
ام محمد:ها يا بتي فهد كفاية عليهم يجيب الانبوبة والبتوجاز المراتب اعتبريها هدية الرحول مني
ألين ضحكت م ردت...

بعد يومين فهد جاب الانبوبة والبوتجاز وشوية عدا كدا..

تالت يوم بعد طلع ألين شالت المفتاح ومشت بيتها...رشتو وقشتو وفرشت المراتب في العريشة وفتحت المطبخ ختت البتوجاز والانبوبة ورجعت...
انتظرت لمن فهد جا واتغدو وصلو المغرب
ألين:عندي ليك مفاجأة
ام محمد ضحكت
فهد عاين ليهم الاتنين:مفاجأة شنو؟
ألين:ارح اوريك ليها
قام معاها فتحت البيت..دخلتو ووقفت وراهو
فهد عاين للبيت كان مرشووووش ومقشوووق كدا كأنو في زول عايش فيهو
اتلفت عليها وقال:دا بيتنا
جات عليهو وهي مبتسة:بيتنا
باس راسها مسااااافة وعاين ليها..وهي عاينت في عيونو..عيونو ليه حلوة كدا؟!ولا يمكن عشان من قريب؟! عيونو سوود وتحس بيهم فيهم لمعة منهم وفيهم كدا..قلبها رفا وحست بيهو ح يطلع من قفصها الصدري..نزلت عيونها..افف دا كلو عشان بس عاينت في عيونو؟!...

فهد وهو بتلفت علي الجهة التانية:م قادر ي ألين..امشي انتي
عاينت ليهو مسااافة..م من عوايدو ينوم قدر دا..دخلت المطبخ قطعت ليها سلطة كدا ولبست عبايتها وشالتها ومشت..
ابو محمد:وينو فهد؟
ألين:قال تعبان شديد ي عمو م عايز يفطر
ام محمد:نايم لحدي هسي؟
ألين:اي والله قال جسمو مكسر
ابو محمد:شغلو م هيين سايق طول النهار
ام محمد:الله يديهو الصحة والعافية
ألين ابتسمت ليهم..معقول الناس دي بتعرفهم ليها اسبوع بس؟!..
ختو الفطور فطرو وألين عملت ليهم الشاي وجابتو
ام محمد:اها ي بتي يدها كيفنها؟
ألين رفعت كم العباية:كويسة ي خالتو بقت
ام محمد:ومالك مخمخماها بالعباية كدا؟
ألين ضحكت:اعمل شنو ي خالتو الا البس العباية عشان جاية هنا
ام محمد:سمح انا بديك توب خفافي كدي تجرجريهو في الحلة
ألين ضحكت:هو انا قعد امشي وين غير اجيك هنا؟
ام محمد ضحكت:بكرة مم الصباح نطلع نلف علي نسوان الحلة
ألين ضحكت...المهم قعدت معاهم لحدي قريب الصلاة كدا ومشت بيتها عشان تصحي فهد لقتو طالع من الحمام ولابس بنطلونو بس وشعرو مبلول وحاجة كدا في منتهي الوبعلللي..
عاين ليها:صباح الخير
ألين وهي داخلة علي المطبخ:صباح النور..حمدلله صحيت للصلاة كنتا جاية اصحيك
فهد وهو بلبس في التيشيرت:لا لا صحيت براي
ألين سكتت وم ردت
فهد نشف شعرو وشال مفتاح الهايس وقال:بعد الصلاة ح امشي اشتغل
عاينت ليهو:الليلة برضو ح تشتغل؟
فهد:م عندي حل تاني..البيت ناقصاهو حاجات كتيرة
ألين جات عليهو:مش هسي قلتا جسمك مكسر وم قادر تقوم تفطر؟
فهد عاين ليها:اخدتا راحتي حمدلله
ألين: في ساعتين بس؟
فهد اتنهد:اي ي ألين ويلا عشان م اتأخر على الصلاة
ألين ماشة وراهو للباب:طيب م فطرتا
فهد:م جعان
ألين:طيب تعال افطر واطلع العصر
فهد:لا م بنفع
ألين:ليه م بنفع؟
وقف خشم الباب قبل يفتحو وقال وهو بضحك:انتي عايزة شنو؟
ضحكت: عايزاك ترتاح وم تجهد نفسك
فهد:حصل..تاني في شي؟
ألين ابتسمت:ح ارجاك للغدا
فهد:لا اتغدي احتمال اتأخر
ألين:ابيت برجاك
فهد:ألين
ألين:فهد ح ارجاك وبس
عاين ليها واتنهد:طيب بحاول اجي بدري
ألين:طيب يلا
فتح الباب وطلع وهي مدت راسها اشرت ليهو نظام بباي👋🏻...عاينت ليهو لمن ركب العربية ودور مشا بعداك دخلت قفلت الباب..حرفيا حانة عليهو شديد..عارفة انو الموضوع صعب عليهو خصوصا لأن عاش حياتو كلها في دبي وكدا...
دخلت عملت سلطة اسود للغدا ومشت غسلت الكم لبسة بتاعتها الكان جابتها معاها ديك وغسلت ليهو جلابيتو وكان اشتري ترين وفنلة بتاعوت بيت كدا..واستحمت غير واتسرحت وكدا...


طبعا بهناك العيلة كلهم عرفو بالحصل لأنو جو لمة العيلة وم لقو فهد وألين..جاااطو وفااارو ودفقو..واحمد دا قرب يتشاكل مع سلطان بس تاني هدوهو..قامو يدقدقو في التلفونات بدقو لفهد بديهم خارج النطاق وبدقو لألين بديهم مقفول..كمان علي الحظ ألين امبارح م شحنت تلفونها وهسي قطع شحن وقاعد في الشاحن مقفول...

*#قلوب_تائهه 《40》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
الوقت عدا وألين بس قاعدة علي حيلها ولا رقدت ولا قلعت عبايتها وام محمد شغالة تتونس معاها نظام ترفع الكلفة وكدا بس ألين لسا م اتعودت عليها....





ركب عربيتو وقفل الباب وهو سامع صوت تلفونو برن رفعو واستغرب لمن شاف الاسم "♥️Danaa"..ي ربي عايزة شنو؟! اخر مرة دقت ليهو لمن شهد بتلدي وكان في مصيبة..
ردا ب:الوو
دانة:امجد الحقني
امجد:مالك في شنو؟
دانة بتبكي:بابا طرد فهد من البيت وشال منو بطاقتو والعربية
امجد م فهم شي وقال:دقيقة..فهميني براحة في شنو؟
دانة اتنهدت وهي بتمسح في دموعها:بابا طرد فهد
امجد:اها؟
دانة:وشال منو البطاقات والعربية
امجد عقد حواجبو:ليه يعني؟في شنو؟
دانة:تقريبا في سرقة حصلت في المصنع وبابا اتهم فهد
امجد عقد حواجبو..كدا م ح يفهم شي لازم يلاقيها قال:انتي وين هسي؟
دانة:بالبيت
امجد:اجهزي جاي عليك
دانة بتبكي وم ردت
امجد:دانة كل شي بتحلا م تبكي انتي
دانة بعد مسااافة:طيب
امجد:لمن اصل بديك فون
دانة اتنهدت وقفلت التلفون وقامت تلبس ليها حاجة تطلع بيها...
امجد ساق وهو م فاهم شي يعني شنو عمو سلطان طرد فهد من البيت؟! وسرقة شنو؟!
فعلا وصل واداها فون جاتو طالعة بعد 10 دقايق..لابسة عباية سودا وطرحة سودا وشبشب ريش اسود وشايلة تلفونها...
ركبت وهي بتمسح في وشها
امجد عاين ليها مسااافة بعداك فووو ساق العربية..
وقفها في حتة كدا اساسا م وقت ينزولو مطعم او كافيه او كدا
امجد:اها احكي لي الحصل من البداية
دانة:م عارفة الحصل من البداية..امبارح بابا جا هايج وكورك في فهد وكان بقول ليهو انو سرق قروش وكدا وفهد بنفى في النهاية بابا اداهو كف وطردو من غير بطاقاتو او العربية
امجد:سرقة شنو يعني؟
دانة:مدري بس الفهمتو انو هادي قال لبابا انو في قروش ناقصة واتهم فهد انو سرقها
امجد:وهادي الدخلو شنو؟
دانة:هادي شغال معاهم في المصنع
امجد:شغال شنو يعني؟
دانة:تقريبا مدير مالي
امجد مطا خشمو وهو بفكر مدام هادي داخل في القصة معناها دا هو السرق...بعد استوعب انو ألين مع فهد
قال:ساق ألين معاهو؟
دانة:ايوة
امجد عقد حواجبو وهو بربط في الاحداث..يعني امبارح فهد جاب ألين عشان تقعد في بيتهم بس شكلها رفضت لأنو لمن شافهم كانو واقفين جنب البوابة اتنهد وهو بمسح في وشو..
وطلع تلفونو دقا لفهد....




عند ألين جات مرا كدا جارة ام محمد سلمت عليهم وام محمد عرفتها بألين نظام بتبقى ليهم وح يأجرو ليها هي وراجلها البيت الملاصق..المرا برضو ظريفة وشغالة تتونس مع ألين وألين شغالة ليهم:اي...ههه..اي
تلفونها دقا رفعتو سريع لقتو فهد طلعت برا العريشة وردت
ب:اها ي فهد عملتا شنو؟
فهد اتجاهل سؤالها:امجد عرف بالموضوع
ألين قعدت في عتبة المطبخ برااحة وهي بتستوعب كلام فهد وقالت:عرف كيف؟
فهد:م عارف..اقفلي تلفونك وم تردي ليهم
ألين:ليه؟
فهد:من غير ليه ي ألين..اعملي البقولو ليك لحدي ما اجي
عاينت لتلفونها لمن بقى يهز لقت امجد داخل ليها في مكالمة ختت التلفون في اضانها وقالت:امجد داخل لي وييت
فهد انفعل:م تردي واقفلي التلفون لحدي ما اجي ي ألين

ام محمد:م مشكلة تزودو معانا
حسن:اقعدو اقعدو
وقعد في السرير فهد مشا خطوتين وقعد جنبو في السرير ألين فرر مشت قعدت جنب فهد بغادي...بقو التلاتة مترصين قاعدين في سرير واحد زي الفي الحصة
حسن ضحك علي حركة ألين دي...
ام محمد جات شايلة الصينية وما شاء الله مليانة صحانة..فول وسلطة دكوة وشطة وطحنية ومربي..
ختتها قدامهم وبقو ياكلو..وفهد وألين يقزقزو لأنو بطنهم اولردي مليانة...
بعد اتعشو حسن وفهد غسلو يدينهم من برا وام محمد شالت الصينية رجعتها وجات شايلة جك الموية...
كبت لي حاج حسن شرب وبعدو كبت لفهد
اول ما مسك الكباية ألين جرتو من كم التيشيرت قام مداها ليها الكباية شربت وهو شرب باقيها..
بعدها حاج حسن وقف علي حيلو وقال:تعالي ي ام محمد
فعلا قامت مشت وراهو..طبعا عجايز وبمشو براااحة فهد وألين راقبوهم لحدي ما طلعو من العريشة وبعدها اتلفتو علي بعض
ألين:فهد
فهد:اها
ألين:ارح نطلع من هنا
فهد:ليه؟
ألين:ح نبيت عند ناس اول مرة نشوفهم؟
فهد ضحك:دا مش الاحساس الواو الكنتي بتتكلمي عنو؟
ألين:لا لا راح الاحساس بس ارح من هنا
فهد:اسكتي ي هبلة..ولبكرة كدا بنشوف ح نعمل شنو
ألين:ح نبيت معاهم يعني؟
فهد:اي مالو؟
ألين:فهد اتخيل طلعو مصاصين دماء وقامو قتلونا ونحنا نايمين
فهد دا ضحك باعلي صوتو وقال:اي واحتمال يقطعو لحمنا
ألين عاينت ليهو بخوف..
فهد ضحك علي خوفها وقال:ي بت بطلي هبالة
ألين:م هبالة والله انت م حاسي بي
فهد ضحك:اسكتي شكلهم جو
ألين عاينت لباب العريشو وفعلا لقتهم جو وكل واحد شايل غطاهو في يدو..

كنكشت في يد فهد وقال:شايف جايبين السكاكين جوا الملايات
فهد ضحك وم ردا ليها
حسن:قومو ي ولدي ريحو جوا..خالتك ام محمد نفضت ليكم الغرفة لينا فترة م رقدنا فيها
فهد:م بحتاج ي عمي..بننوم معاكم هنا
ألين ضربتو بكوعها في بطنو حركتها كان ظاااهرة..
حسن ضحك:م بنفع...شكلكم عرسان جداد
فهد ضحك ووقف علي حيلو:لينا قريب 9 شهور
ام محمد:ما شاء الله ربنا يسعدكم ويزرقكم بالصبي
ألين فكت فهد وزحت من
فهد ضحك:امييين تسلمي ي خالتو
ام محمد:هي يا ولدي انا احفادي قدرك قول لي حبوبة
فهد ضحك:حاضر ي حجة ام محمد
ام محمد ضحكت..شكلها بتحب الاسم دا...
المهم فهد وألين دخلو الغرفة لقو فيها 3 سراير اتنين قصاد بعض والتالت في راسهم..
فهد عاين لألين الكانت واقفة جنبو:اها ح تتخمدي تنومي ولا عندك افلام رعب لسا عايزة تكمليها؟
ألين:ها ها ها بطل ظرافة
ومش قعدت في واحد من السريرين القصاد بعض وقالت:ح انوم هنا...ولا اقول ليك؟!
مشت قعدت في السرير القاعد براهو:ح انوم في دا
فهد عاين ليها:ليه يعني؟
ألين:لأنو ديك قريبين من الباب ودا لجوا...يعني لمن يجو يقتلونا ح يبدو بيك وانا ح اشوفهم وح اهرب...فهمتا ي ذكي؟
فهد:طيب ي ذكية هم اصلا لو جو عايزين يقتلونا ح يقتلونا سوا كل واحد فيهم ح يمسك واحـد
ألين وقفت علي حيلها:فهد انت ليه بتخوفني؟
فهد ضحك:م بخوفك بس بوريك التفكير الذكي بكون كيف
ألين صرت ليهو وشها وهي بتعاين ليهو مشا شال المخدة نفض بيها السرير وقلع سفنجاتو..اي اي سفنجاتو ابوهو طردو بسفنجاتو..
رقد عاين ليها لسا واقفة قال:عندي ليك فكرة ذكية
ألين:هاا
فهد:تعالي ارقدي معاي آأمن ليك
ألين:هااا ظريف دا
ومشت رقدت في السرير القاعد براهو..
طبعا كانت راقدة جنب راسو يعني سريرو بالطول وسريرها بالعرض
ختت يدينها الاتنين تحت راسو وقالت:فهد
فهد:ايوة ي ألين
ألين سكتت..بلاي هو اسمها دا سمح كدا؟ قالت:ح تعمل شنو؟
فهد اتنهد:م عارف والله ي ألين
سكت زي 10 دقايق كدا بعدها قال:اهم شي انك معاي دا اكتر شي مطمني
لمن م ردت ليهو رفع راسو عاين ليها لقاها ناااامت...دي الهسي كانت خايفة؟!😂👋🏻
تكل يدو في الخدة وتكل فيها راسو وهو بعاين ليها...مدا يدو ولأنو السرير كان بعيد حبة كدا اطراف اصابعو بس لحقتها..مرر اصابعو في جبينها ونزل لخدها بعداك خشمها..
خت اصبعو في خشمو وباسو مساافة وختاهو ليها في خشمها..
"قليل ادب🙈👋🏻"
تاني رجع اصبعو ورا اضانها...
المهم بقى يعاين ليها ويفكر..يداب استوعب انو انطرد من البيت ومن الشغل وهو م عندو ولاا هلهلة..وم هو بس هو وألين لازم يشوف ليهو بيت بأسرع وقت م لازم يخلها تتعب زي الليلة ما تعبت...


ألين جاتها صحية كدا..حست بزول متحرك في الغرفة رفعت راسها بخلعة
فهد عاين ليها وهو بلبس في سفنجاتو وقال:بسم الله ي ألين دا انا
رمت راسها في المخدة وهي مغمضة عيونها وقالت:انت ليه صاحي؟
فهد:ماشي اصلي الصبح
ألين رجعت نامت وم ردت ليهو..رجع ليها شعرها لورا وباسها في جبينا مسااافة طلع وهو مقرر يطلب من حاج حسن شغل..بس عشانها هي...

فتح الباب براااحة عشان ناس حاج حسن م يصحو..ورجع قفلو وهو بتذكر انو لما جو داخلين كان في وضاية جنب الباب ح يمشي يتوضا فيها...

*#قلوب_تائهه 《41》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*عدت الايام بسرعة زي عادتها...*
*من غير جديد يُذكر في حياة ابطالنا...*


*الاول من رمضان..*
*قُبيل المغيب..*
فهد وألين قضو اصعب يوم في حياتهم لأنو م عندهم مكيف والبيت م مُهيأ للصيام..
ألين شالت إفطارها ومشت لام محمد وفهد شال إفطارو وطلع بيهو الشارع..مع باقي رجال الحلة..طبعا اتعرف عليهم وبقى واحد منهم زي ما ألين عملت مع بقية نسوان الحلة..بإختصار..اتعودو علي الوضع رغم الصعوبات الكانو بواجهوها لكين برضو..اتعووودو علي جو الحلة وكدا..

اجتمع افراد عائلة العين حول مائدة الإفطار..رافعين يدينهم وكل واحد بطلب حاجة من ربنا سبحانت وتعالى قبل ما يكسرو صيامهم...وبعدها بدو ياكلو...

العاشرة والربع مساءً...
عقد حواجبو وهو خاتي التلفون في اضانو وبسمع
"الرقم الذي طلبته مشغولا الان..الرجاء الانتظار او معاودة الاتصال لاحقا"
عاين للتلفون مساافة وقفلو رماهو في الكرسي القدامو..ليها حكاية بتاعة ساعة مشغولة..في حين انو قبل التراويح لمن كان بتكلم معاها قالت ليهو بترجع ليهو بعد تصلى..احتمال تكون مشغولة مع ابوها..لا لا هي جبيل قالت ليهو انها اتكلمت مع ابوها بعد الافطار..طب يمكن بتتكلم مع امجد..اي جايز..تلفونو دقا..اتمدا رفعة سرييع علي امل دي تكون عبير بس خاب ظنو لمن لقى المتصل "abo almjod" امجد.. عاين للتلفون مسااافة بعدها
ردا ب:مالك؟
امجد:بس الله الرحمن الرحيم...الناس بتقول رمضان كريم ي ولدنا
ياسر:عايز شنو انت؟
امجد ضحك:مالك ي مان؟
ياسر:اسمعني كشف
امجد:اووو دي رزان..رزان دي منو؟
ياسر:الساكنة جنب الدكان..ياتو دكان؟
امجد:دكان حمدان
ياسر:البت دي دي دي دي بت ناس
امجد:اوووو...كان دايرها الا تكون ود ناس
ياسر:حييينااا
امجد ضحك:استغفر الله العظيم نحنا في الشهر الفضيل
ياسر وهو بشاركو الضحك:استغفر الله
امجد:اها
ياسر:اها؟!
امجد:مالك؟
ياسر:مالي؟
امجد:مايل
ياسر:م مايل والله
امجد ضحك:المهم..رمضان كريم ي حقنا يااا
ياسر:الله اكرم ي حقنا يااا
امجد:خلاص يلا اقطع وشك خليني ادق لاسيل
ياسر:لسه م دقيت ليها؟!
امجد:اي..انت دقيت ليها؟!
ياسر ضحك:لاا
امجد:معاق معااق
ياسر ضحك:تسلم الله يخليك
امجد:العفو ولو
ياسر:تمام يلا
امجد:يلا...
وقفل..ياسر عاين للتلفون..معناها امجد كان بتكلم مع عبير..دقا ليها على امل انو يلقاها خلصت بس النتيجة كانت
"الرقم الذي طلبته مشغولا الان..الرج.." قفل التلفون ورماهو..بالجد مشغولة ليها فترة طويلة..والموضوع بدا يوترو..
وقف علي حيلو وطلع من الغرفة لمن سمع امو بتناديهو...


في فلة حجة عواطف..طبعا العيلة كلهم متلمييين..اول يوم في رمضان بفطرو وبتعشو سوا...
امجد بعد خلص مكالمتو مع اسيل جاي داخل علي جوا كدا لقى دانة واقفة في الصالة وشايلة راكان..طبعا بكااااي بكا مبااالغة..
شايلاهو وبتهز فيهو عشان يسكت وهو حالف كان يسكت
امجد عاين ليها وهي مادة خشمها وبتقول:روكة حبيب خاالتو م تبكي..م تبكي حبيبي
امجد ضحك:بسكتو الشفع كدا هو؟
دانة عاينت ليهو:هاك سكتو انت
امجد وهو بدخل تلفونو جوا جيبو:اساسا ح اسكتو..جيبي

مدتو ليهو..شالو وراكان لسه ببكي..امجد رفعو وعاين ليهو في وشو وقال:هيي ي بطل..م تبكي الرجال م ببكو
دانة رفعت ليهو حاجبها
امجد م اشتغل بيها وهزا راكان شوية كدا قام داك سكت
عاين ليها بانتصار وقال:اهاا سكت ولا لأ؟
دانة:عشان انت طويل بس وهو بحب المرتفعات
امجد دا لمن فجر الضحكة لمن راكان اتخلع وبدا يبكي تاني
شهد جاتهم وهي شايلة بزازة وقالت:لسه م سكت صح؟..جيبو
مداهو ليها وهو لسه بضحك..شالتو وهي بتقول:حبيب اموو جعان؟..ارح هسي ناكل
عاينت لامجد البضحك وعاينت لدانة وقالت:دا مالو دا؟
دانة رفعت اكتافها:بري
امجد وهو لسه بضحك:روكة..بتحب المرتفعات انت؟
راكان كر كر كر قعد يضحك
شهد ابتسمت وهي مستغربة علي ضحكة ولدها وقالت:مرتفعات؟!
امجد ضحك ومشا خلاهم
شهد عاينت لدانة:دا مالو الثغيل دا؟
دانة وهي بتتحرك معاها عشان يخشو جوا:عبيط بس م اكتر
شهد ضحكت:الله يهديكم ونحضر عرسكم كدا
دانة ضحكت باستغراب:عرسنااا؟!
شهد ضحكت:ايوة..بس فضلتو انتو
دانة ضحكت..وهي بتتسأل جوا نفسها ي ربي ح يعرسو؟!...


ألين جات طالعة من المطبخ لمن سمعت صوت تلفونها بدق..رفعتو وشافت المتصل وعاينت لفهد الراقد في السرير الجنبها
فهد عاين ليها وقال:مالك؟!
ألين بلعت ريقها:دي عمتو البتتصل
فهد قام قعد علي حيلو وهو م عارف يقول ليها شنو
ألين ردت وفتحت الاسبيكر:الوو
عبير:ألين ي بتي كيفكم؟
إلين:تمااام حمدلله ي عمتو..رمضان كريم
عبير:الله اكرم ي بتي..كيف صمتو اول يوم من غير مكيفات؟
ألين:تماام ي عمتو حمدلله

عبير:ربنا يغطيكم ي بتي..اديني فهد
ألين عاينت لفهد وقالت:ااا فهد دا في الشغل
عبير:شغل لحدي الساعة 12 ي بتي؟
ألين:اي ي عمتو
عبير ببكى:ي بتي انا عارفاهو جنبك..م ممكن كل م اتصل ليك يكون مشغول..لو جنبك اديني ليهو
ألين بلعت ريقها وهي بتعاين لفهد..لأنو هو م عارفاها قعد تتكلم معاهم
عبير:ألين؟!
ألين:ايوة ي عمتو
عبير:الله يرضى عليك اديني ليهو..م تحرقي قلبي اكتر من كدا
ألين كانت عايزة تتكلم بس فهد وقف علي حيلو ومسك التلفون وقال:ايوة ي امي
عبير دي صوتها لمن اتبحا قالت:فهد ي ولدي..انت كويس؟ حرام عليك تقاطعني كدا..حرام عليك تخوفني عليك كدا
فهد:اعفي لي ي امي...غصبا عني والله
عبير:عافية ليك ي ولدي..اصلي م بغضب عليك وعفوي ورضاي معاك من يوم ولدتك
فهد بلع ريقو بمرارة..نبرة الضعف الفي صوت امو دي قاهراهو شديد
عبير:ي فهد ي ولدي دايرة منك طلب
فهد:سمي يمة
عبير:عايزاك ي ولدي تجي تفطر معانا يوم
فهد كان عايز يتكلم
قاطعتو:يوم ابوك يكون مافي تجي تفطر معاي..اشتقت ليك ي ولدي واشتهيت شوفتك والله
فهد سكت وبقى يعاين لألين
عبير:م تقطع قلب امك ي ولدي.. اصلي م ربيتك علي القسوة
فهد:حاضر يمة..بجيك في اليوم البتقوليهو لي
عبير فرحت:اريتك ي ولدي تتعلى ما تتدلي..ربنا يسعدك ويغطيك ويوقف ليك اولاد الحلال
فهد:امين ي امي اميييين
عبير:ابقى عشرة علي بت خالك..وختها في عيونك البت م شبه الشلهتة
فهد ابتسم:حاضر ي امي
عبير:يلا ي ولدي ودعتك الله
فهد:في امان الله
عبير:يلا
وقفلت الخط ...ألين اول ما قفل التلفون كانت عايزة تمشي كدا..كف مسكها..عاينت ليهو وقلبها بضرب لسببين اولا من مسكتو وتانيا لأنو عرف انها بتتكلم مع اهلهم وهو كانعها من الحاجة دي
فهد:متواصلة معاهم من متين؟
بلعت ريقها وهي بتنقل عيونها بين عيونو
فهد شداها من يدها:بتكلم معاك انا
ألين:من..من ما امجد دقا لي اول مرة
رفع حواجبو الاتنين نظام بلاي؟!
ألين حاولت تبرر:انا كان لازم اطمنهم علينا..م ينفع اقاطعهم
فهد:وينفع انك تكسري كلامي؟
ألين:فهد انا م قصدي اكسر كلامك
فكاها وجع خطوة لورا..ركا تلفونها في السرير الجنبهم..ومشا علي باب الشارع..راقبتو لحدي ما طلع وقفل الباب وراهو..اتنهدت بألم ورجعت المطبخ تجهز العشا...


الثانية بعد منتصف الليل..
راقدة وشغالة بتلفونها..بتدردش في قروب شباب العيلة..وبحكو ليها انو روكة بكاي شديد ومواقفو مع رامي وكدا..وهي تضحك..بالجد اشتاقت ليهم..اتنهدت وهي بتحمد ربها انو فهد وافق انو يمشو يفطرو معاهم يوم..

رفعت راسها لمن جا داخل..شال مرتبو طلعها الحوش..وقف ومشت عليهو وهي بتقول:اخت ليك العشا ولا شوية كدا؟
م ردا ليها ومشا جاب مرتبتها الهي بترقد فيها..عاينت ليهو مسااافة ومشت ختت العشا..عشا متواضع..فول وبيض وسلطة جزر ورقاق بالبن "ادتو ليها ام محمد"
ختتو قدامو..ومشت جابت جك العصير..لقتو غسل يدينو وبدا ياكل..بدت تاكل في سكات..بعد انتهو دخلت الصينية جوا وجات رقدت..طبعا هو بقفل..


ياسر جا داخل غرفتو لقى تلفونو منور عرفو بدق..رفعو وكان عبير المتصلة..م ردا ليها..دقت تاني
ردا ليها ب:اهلا

عبير استغربت:هلا هلا..اتعشيت ولا لسه؟!
ياسر:اتعشيت
عبير:بالهنا..انا كمان اتعشيت ق...
قاطعها قبل تتم كلامها ب:وانا اعمل ليك شنو؟
عقدت حواجبها وسكتت مساافة منتظراهو يقول ليها بهظر معاك او كدا بس م قال
عبير:ياسر؟!
ياسر:مالك؟!
عبير:م مالي
وطق قفلت الخط..ياسر عاين للتلفون بزهج..افففف مشغولة ليها اكتر من 3 ساعات وتجي تقفل التلفون في وشو..رما التلفون ومشا يصلي ركعتين ويقرا ليهو شوية قران...

عبير قاعدة وخاتة التلفون قدامها منتظراهو يرجع ليها..دا مالو دا؟! جبيل كان كويس..مالو؟!.. ..

فجراً..
مسح علي راسها وهو بهمس ليها:ألين قومي
وهطت راسها في المخدة وم ردت
رجع ليها شعرها لورا وقال:ألينوو
ألين:هههممم
فهد:الصلاة حبيبي
ألين بعد مسااافة حتي استوعبت انو قال ليها حبيبي..فتحت عينها وحدة..ابتسم ليها..صحصحت وقعدت علي حيلها
فهد وهو بقوم من الارض قدامها:قومي عشان نصلي
ألين:ااا..قبل شوية قلتا لي شنو؟
فهد:قومي عشان نصلي
ألين:لا القلبها
فهد عاين ليها باستغراب..اساسا م ركز شديد مع الكلمة:قلتا شنو انا؟
ألين:اهه..انسى
مشو اتوضو صلو..ودخلو المراتب جوا..ألين جات قعدت جنب كرعينو وهو راقد وقالت:فهااد
فهد:هههممم
ألين:اسفة لاني كنتا بتكلم مع ناس البيت من وراك
فهد قعد علي حيلو:من تعتذري
ألين:م زعلان؟!
عاين ليها مساااافة..كيف يزعل منها؟!..هي خلت حياتها المرفههة وجات هنا عشانو معقول يزعل منها؟!
فهد جرا ليها يدينها وقال:م زعلان..بس انا م عايزهم في حياتي..عايز اثبت ل ابوي اني قادر ابني نفسي بعيدا عنو وعن قروشو

ألين عاين ليهو في وشو:انت فعلا بنيت نفسك بعيد عنو..انت فاتح بيت بعرق جبينك..بعدين عمتو ودانة وامجد والباقين م عندهم ذنب عشان تقاطعهم..انت مشكلتك مع عمو بس
فهد عاين ليها مسااافة
ألين تابعت كلامها:بعدين عمتو بالجد متجرسة شديد..م تقسى عليها اكتر من كدا
ابتسم ليها وقال:حاضر
"يجماعة الود دا احلي شي فيهو بقول حااضر🙆🏻‍♀️"
ألين ابتسمت ليهو:يحضر ليك الخير
فهد باس يدينها مسااااافة..وهي بتعاين ليهو مبتسمة..
رفع راسو عاين ليها وقال:انتي الخير الفي حياتي
ألين ابتسمت ونزلت راسها..ختا يدو في خدها واصابعو ورا اضانها وكان عايز يقرب عليها كدا لزتو من صدرو وقالت:الصيام بدا م ينفع البتعمل فيهو دا
فهد زحا يدو منها سريع وضحك:بقيتي معلمة في الزوقان
ألين ضحكت:م زوقان لكين الصيام بدا بعد دا
فهد جراها عليهو:يعني بعد نفطر عادي اعمل العايزو؟!
ألين رمشت كم مرة ورا بعض وقلبها بضرب بسرعة..لزتو ووقفت علي حيلها وهي بتقول:استغفر الله اللهم اني صائمة
ضحك وهو برجع يرقد وقال:خلاص فهمنا انك صايمة
ضحكت ورقدت....


*بعد مرور 5 ايام..*
*يوم الجمعة..*
عبير ام فهد دقت ليهو وورتو انو ابوهو فاطر مع ناس عمتو سلطانة..واتفقو انو فهد وألين يمشو ليهم الليلة وفعلا..قريب للمغرب كدا لبسو وركبو الهايس مشو ليهم..
من دخلو طبعا عبير حضنت فهد وبقت تبكي وتقول ليهو:يحليلك ي جناي...بركة الشفتك طيب
المهم قريب ساعة بسلمو علي العيلة..بعداك قعدو في الصفرة كلهم وفطرو وكدا..
بعد الافطار بقو يتونسوو لحدي صلاة التراويح..الرجال طلعو الجامع..والحريم صلو في البيت..بعداك ناس عبداللّه وعبدالرحيم وعبدالفتاح بقو يتكلمو مع فهد نظام يجي يشتغل معااهم وكدا وهو راافض وواقف لللمبة انو م يشيل ولااا قرش منهم...

ألين جوا شغالة تتونس مع البنات سااي..وتضحك وشايلة راكان وتلعب فيهو..
ألين:شودي ولدك دا مالو صاري لي كدا؟
شهد ضحكت:عشان م متعود عليك بس
ألين لراكان:روكة يااا..ح اعرس ليك بتي رايك شنو؟
كلهم ضحكو
شهد:لا معليش حجزتو عبير لبتها قبلك
ألين:جد ي روكة..تعرس بت عبير وتخلي بتي؟
دانة:وينها بتك..اريتها تجي بس
ألين ضحكت وعملت رايحة..المهم اتونسووو زيييين
وعبير ام فهد بس ملصقة فيهو كأنو ح يجري منها..
بدو موضوع العشا..ونسرين مع الشغالات بتخت فيهو..
ألين جات لفهد:فهد
فهد:عيونو
عاينت ليهو مسااافة واتخلعت اول مرة يقول ليها كدا+دانة وشهد قاعدين..عملت رايحة وكملت كلامها عادي
قالت ليهو:عندي حاجات محتاجة ليها ممكن اشيلها؟
فهد:اي طوالي..انا زاتي بشيل هدومي
ألين:طيب بجهزهم ليك
فهد:جاي معاك
ووقف علي حيلو
دانة:ع ويييين ي حلوييين
فهد:عندي كم حاجة كدا عايز اشيلها
ألين:وانا برضو
دانة:اهااا😉
فهد فهمها وضحك وضربها في راسها بخفة
دانة:لي الله انا
ألين ضحكت ومشو يلمو حاجاتهم..

بجاي نسرين حست بمغص فظييييييييع مسكت بطنها واتكلت في المصطبة بتاعة المطبخ..اساسا ليها كم يوم حاسة روحها م علي طبعا+من الصباح المغص بمشي وبجيها لكين هسي زاااد..
غمضت عيونها بألم وهي خاتة يدينها في محسنها..

سمعت صوتو بقول:نسرين انتي كويسة؟
فتحت عيونها لقتو واقف مع امجد اخوهو وعاقد حواجبو..
احمد جا عليها خطوة وهو بقول:نسرين؟!
نسرين وعيونها اتملو دموع:بطني ي احمد
احمد مسكها:مالا بطنك بتوجعك؟!
حركت ليهو راسها نظام اي وهي وهي بتشد علي يدو..حست نفسها م قادرة تقيف وم قدرت تتحمل الالم..
احمد مسكها كويس ولمن حسا بجسمها اتراخى بين يدينو وقال بقلق:نسوو لا
اتلفت علي امجد وقال:جهز العربية عشان نوديها المستشفي
امجد حرك راسو بمعني اي وجرا برا المطبخ..احمد رجع يعاين لنسرين وقال:نسرين حبيبي سامعاني انتي؟
نسرين وهي شبه مغمي عليها:بططططنييي ي احمااد😭
احمد:استحملي بس لمن نصل المستشفي..يلا
مشا خطوة لقاها م قادرة تمشي...دنقر فتت شالا وجرا بيها علي برا..ولحدي ما وصل العربية في الواقفة برا البوابة العيلة كلها كانت وراهو..احساس انها هسي كانت كويسة فجأة احمد شايلها وجاري بيها...
ركب العربية ورا ورقدها في حضنو وهو بتمم:يا رب سلم..ي لطيف الطف
امجد فووو ساق بسرعة جنونية تخطى بها كل السيارت الموجودة في جانبي الطريق المؤدى الي مشفى المدينة...

وصلو ودخلوهم الطوارئ..احمد طبعا جمع سريع سريع ودقا للدكتورة النسرين اصلا متابعة معاها وفعلا جاتهم ودخلت ليها...
العيلة كلها وصلت وبقو واقفين علي اعصابهم..
الدكتورة جات طالعة وهي مبتسمة
احمد:اها ي دكتورة طمنيني
الدكتورة:ربنا استجاب لدعاك ورزقك الذرية الصالحة
العيلة كلها فرحت..احمد طبعا م استوعب
وقال:شنو؟!
الدكتورة ضحكت وقالت:نسرين حامل ي احمد
احمد بعاين ليها زي الاهبل..بعد استوعب..سجد في الارض وهو بجعر عديل..ببكي بصوتو من الفرحة..

دخل الغرفة لقاها راقدة ومتلفتة علي الجهة التانية اول ما دخل اتلفتت عليهو
نسرين:اها الدكتور قال شنو؟دي الزايدة صح؟ اساسا عذبتني الزايدة دي والله
احمد:انتي حامل
نسرين عاينت ليهو مسااافة بعدها قالت:احمد م تهظر معاي يخ
احمد ضحك بين دموعو:لو انا بهظر..معقول دموعي دي تكون بتهظر؟
رفع ليها يدو البترجف وقال:رجفة يدي تكون بتهظر؟
نسرين اتفقت بالبكا:احمااااد
حضنها عليهو شدييييد وهو بقول:حمدلله ي نسرين
نسرين:وااااي ي احمد ح ابقى ام
احمد فكاها وبقى يمسح ليها دموعها:حنبقى ابو وام
نسرين بتتخجا بالبكا
احمد مسح ليها دموعها:م تبكي..من الليلة مف بكى..من الليلة *فرح* وبس
نسرين حركت ليهو راسها نظام اي
باسها في عينها مساااااافة
الباب فتح والجامعة جو منكشحين
امجد غطا عيونو:ياااااي دي شنو قلة الادب دي؟
احمد زحا من نسرين وهو بضحك
فهد:اولا ي ألين الدنيا رمضان
ألين ضحكت لأنها عارفااهو بتكلم عن احمد
وقالت:وتانيا؟!
فهد ضحك:تانيا ي زولة انتي في مستشفي مف داعي لقلة الادب
احمد عاين لرامي:ديل مالم؟
رامي:ديل بايرين وللعرس دايرين
فهد:هييي اقف عندك لو سمحتا انا راجل متزوج وبي مرتي..لكين م قعد اقل ادبي قدام الناس
احمد ضحك:لمن مرتك تبقى حامل قل ادبك قدام الناس..سمح؟
فهد ضحك:سمممممممممحح..دا تصريح من اخوك ي مرتي سامعة؟
ألين طبعا عملت رايحة بكلوووو
المهم ضحكو كدااا...بعد داك احمد مشا عشان يشوف اجراءات الخروج قابل الدكتورة وقالت ليهو انو نسرين الحِمل بتاعها لسه م ثبت وانو يداب في الشهور الاولى فلااااازم تلزم السرير طيلة التسع شهور دي واهم شي م ينفع تصوم...احمد حفظ التعلميات دي كلها وطلع...
وفعلا لمن طالعين ماسك ليك نسرين دي وممشيها برااااحة تقول خايف البيبي يقع منها..والجماعة يضحكو سااااي..
اتحركو علي البيت..واحمد سايق برااااحة لأنو خايف علي البيبي طبعا..
"بس عميان ومسكو العصاية😂👋🏻"


فهد وألين رجعو..ختو عشاهم اتعشو ولمن جو عايزين ينومو فهد مسك ألين وقال:م نفسك نبقى زي احمد ونسرين؟
ألين اتغابت:نبقى زيهم كيف؟
فهد قرب عليها:م نفسك تبقى حامل؟!
ألين قربت تدوخ لزتو وهي بتقول:فهد بطل تفاهة
ضحك:وين التفاهة في الموضوع؟..ابى بيبي من حرمتي
ألين حاكتو:ابى بيبي من حرمتي..تحرم عيشتك
فهد:لسانك الطويل دا لو وصلتك بقصو ليك
ألين مدت ليهو لسانها:تعال قصو
فهد:احلفي بس؟
ألين ضحكت وهي بتزح بعييد منو عشان تجري
وقالت:واااللله
جرا وراها:تعالي هنا دا
وهي فررر جرت..بقو يتساككو في الحوش انصاص الليالي..وهي تضحححححك..
بعد شوية كف قبضتها من نصها ووقعها في السرير ورقد فوقها وهم بضحكو
بقى يكلكلها وهي تضضضضضحك
ألين وهي بتلولو:فهااااااد
فهد وهو لسه بكلكلها:وريني لسانك الطويل دا كدي؟
ألين وهي بتضحك مدت ليهو لسانها وهي يتقول:انننن👅
دخلتو سريع وهي بتضحك باعلي صوتها
ألين:فهد خلااااااص بمووووووتتت
فهد ضحك:بعيد الشر عنك
ألين:وعنك يقلبي
فهد:ي منو؟
ألين:ي فهد
فهد:لا لا م كانت كدا في البداية

ألين:كانت كدا..بقيت م بتسمع كمان؟
فهد ضحك:انا م بسمع ولا انتي جبانة؟
ألين:انت م بتسمع
فهد قرب عليها: وانتي م جبانة؟
ألين وهي بتحرك عيونو بين عيونو الاتنين:تؤ
قرب زيادة:احلفي
ألين باستو في خدو مساااافة وهمست ليهو:وحياتك
فهد قرب بقى يتنفس في خشمها وقال:وكدا؟
ألين بقت م قادرة تتكلم..حست بقلبها بقع مع انها راقدة بس برضو قلبها وقع..غزا وشو في رقبتها مساااافة..ومرر يدينو في جسمها كللللو
غمضت عيونها لمن حست بيهو بضغط علي خصرها..بعدها مشا اصباعو السبابة والوسطى في جسمها لحدي ما وصل صدرها وبقى يتحسسو...كرمشت يدها في قميصو لمن حست بيهو بضغط صدرها...
غمضت عيونها قوووووي لمن حست بيهو بعضيها في رقبتها..زحا منها
فتحت عيونها عاينت ليهو لقتو بلهث ونفسو قايم
باسها في 💋 مساااافة بعدها زحا
وهمس ليها بصوتو المبحوح داك:بحبك
باسها تاني في 💋 بوسة خفيفة وقال:بحبببببببك
غمضت عيونها لمن حست بيهو وقف علي حيلو وشالها..دخل بيها الاودة..
ختاها برااااحة..وغزا وشو في رقبتها..
عاينت للسقف لثواني..ايقنت تماما انو الموضوع دا ح يتم الليلة..وصراحة هي م عندها مانع..غمضت عيونها وسلمتو جسمها بكل مفتايحو...


*صباح اليوم التالي...*
فتحت عيونها..حاسة بألم فظيييع في جسمها كلو..بقت تعاين للسقف وبتتذكر لمساتو..جا داخل..غطت وشها بالملاية بخجل..بالجد م قادرة تعاين ليهو..كيف ح تقدر تعاين ليهو بعد الحصل امبارح دا؟ بعد عزف علي جسمها كأنو بيانو..
فهد جا عليها وقال:صباح الخير ي عروسة
لمن سمعت كلامو دا ختت يدينها الاتنين في وشها..ضحك علي حركتها دي ورقد في السرير التاني..طبعا صايم م ح يقدر يقرب منها..
ألين بعد قريب ساعة قامت علي حيلها...عاينت ليهو لقتو بعاين ليها طوالي عملت رايحة..ابتسم واتلفت علي الحيطة عايز ينوم..

بعد قرابة الساعتين حسا بحاجة بتهزو..فتح عيونو ببطئ..
لقاها قاعدة جنبو في السرير ودموعها 10/10
قعد علي حيلو بخلعة وهو بقول:ألين مالك؟!
ألين ببكى:هسي انا ح اعمل شنو؟
فهد استغرب:تعملي شنو في شنو؟
ألين نزلت راسها:ح اصوم كيف؟
فهد يداب استوعب ضحك وقال:اغتسلي بس وكملي يومك عادي..مش م اكلتي ولا شربتي شي من الصباح؟
حركت راسها نظاي اي م اكلتا..
فهد:يلا بس تغتسلي وتكملي يومك
ألين عاينت ليهو ورجعت تبكي
فهد:اها في شنو تاني؟
ألين:م قادرة اجهز الحمام
فهد ضحك لأنو عرف انو جسمها ح يكون واجعها وكدا قال:طيب بجهزو ليك انا
عاينت ليهو:بالجد؟
فهد:اي بالجد..عندي كم ألين انا؟
ألين نزلت راسها وبقت تمسح في دموعها..بالجد بعاملها كأنها بتو م مرتو..وفعلا قام جهز ليها الحمام..اغتسلت زي ما قال ليها وصلت ركعتين الضحى لأنو الصبح فاتها..وجات رقدت نامت...
صحت زي الضهر كدا لقتو ماف..فتشتو في البيت ماف..عرفت انو ح يكون طلع الشغل...
صلت ورجعت رقدت بقت تعاين للسرير الرقدو فيهو امبارح...حست بالدم بتفجر في وشها وخدودها حمرو كأنو واقف قدامها هسي...ابتمست لمن اتذكرت انو قال ليها:بحبك..
وهطت راسها في المخدة وهي بتطلع الهوا في رئتيها بتوتر..

المهم عدا الوقت كداااا...لحدي قبل المغرب بشوية جا داخل..
اول ما سمعت حركتو في العريشة قلبها بقى يضرب..وقعت الكبابي ورفعتهم سريع
ابتسم علي توترها وقال:كيف قيلتي؟
ألين:حمدلله حمدلله
فهد جا عليها وشال منها الصينية وقال:خليكي انا بشيلها
زحت يدينها سريييع شالها طلعها برا وقعد فطرو وشربو العصير وكدا..ألين متوترة وم قادرة تتكلم معاهو وهو متكيييف وفرحان من روحو وشغال يوزع في البسمات..
--------------------------------------
---------------------
*يتبــــــــــــــــــــــــــــــــــــــــــــع*

*#قلوب_تائهه 《42》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*بعد مرور اسبوع...*
*التاسعة مساءً بعد الافطار..*

بتكلم بالتلفون:فهد انت لازم تساعدنا عشان نجيب ليك حقك..م ممكن تستسلم بالطريقة دي..م عرفتك ضعيف كدا
فهد بتلفون ألين:م حنك ضعيف ولا قوي..لكين انا قفلتا الموضوع دا وم عايز افتحو تاني
امجد:يعني استسلمتا
فهد:م اسمها استسلمتا..انا قفلتا الموضوع..لا عايز اعرف السرق القروش منو ولا عايز اكشف هادي..المصنع كلو بقى م بعنيني
امجد:فهد م تخليك متخلف..دا حقكك لاازم تجيبو انت فاهمني؟
فهد:حقي م عايزو ي امجد..وابوي وهادي الله يهنيهم ببعض
امجد:دا ابوك..مستحيل تخسرو عشان قروش ولو طال الزمن ولا قصر ح ترجع ليهو عشان كدا احسن تثبت انو هادي السرق القروش عشان لمن ترجع تكون بكرامتك
فهد سكت وبقى يعاين لألين وهي بتعاين ليهو..م سامعة كلام امجد بس ظاهر انهم بتناقشو في موضوع السرقة..
امجد:حاليا انت متعصب وم القى منك معلومة تفيدني..بديك كم يوم كدا ونتلاقي في بيتك نتفاهم
فهد:في بيتي؟
امجد:اي في بيتك..عازم نفسي افطار عندك..ولا م مرحب بي؟
فهد ضحك:م مرحب بيك
امجد:تمام معناها ح اجي
فهد ضحك بعدها قال:طيب يوم السبت كيف معاك؟
امجد:حلو شديد..اساسا انا م شغال جامعة
فهد:امتحنتو اخر سمستر؟
امجد:لا القبل الاخير بعد العيد ان شاء الله بنزل اخر واحد
فهد:ايواا..بالتوفيق ان شاء الله
امجد:امييين..خلاص زي ما اتفقنا ااا؟
فهد ابتسم:تمام..برسل ليك اللوكيشين
امجد:قدام يلا
فهد:يلا
وقفل..ألين:ح يجينا هنا؟!
فهد:اي
ألين:وانت ح ترسل ليهو اللوكيشين كدا عادي؟
فهد ضحك:اي ي ألين مالك انتي؟
ألين:م مالي لكين احساس انك كنتا رافض اتواصل معاهم وهسي ح تديهم عنوان البيت
فهد مسك يدينها وقال:زمان م كنتا عايزهم يجو يشوفو وضعنا لانو كان صعب حبتين لكين هسي انا جاهز اوريهم بيتي الفتحتو من عرق جبيني
ألين ابتسمت ليهو وقالت:بيتنا بيتنا
فهد ضحك:طبعا ي ستهم...








قاعد في كافيه كدا منتظر امجد يجيهو..فتح تلفونو جاب رقمها وبقى يعاين ليهو..ليهو قريب اسبوعين م اتكلم معاها..زعل منها من غير مبرر..زعل بسبب غيرتو..
تلفونو عمل ذزززز..عاين لقاها بتدق ليهو..قلبو طار من حتتو وفرح شديييييد احساس انو هسي كان عايز يدق ليها وهي دقت..يعني بالجد بتفكر فيهو زي ما هو بفكر فيها فتح الخط واول كلمة قالها:بحبك ي عبير
عبير طبعا كانت دقت ليهو ومتوقعاهو م يرد...زعلان منها من غير سبب وهي اساسا م ادتو فرصة كلمتين وقفلت الخط..هسي فجأة يفتح الخط ويقول ليها:بحبك ي عبير؟!!!
رمشت كم مرة ورا بعض وقالت:شنو؟!
ياسر:بحبك ي بت كندا..من يوم شفتا عيونك السوود..اول مرة رجعتي شعرك ورا اضانك حسيت انو قلبي برفرف للحركة دي..ضحكتك لمن قلتا ليك اللانسيس بتاعتك حلوة خلت قلبي يدووووب..وابتسامتك لمن كتبتي لي رقمك ومديتي لي التلفون خطفت قلبي وم رجعتو لي لحدي هسي..يوم كنتي بتحكي لي عن امك الله يرحمها وبتبكي كرهتا الدنيا وحسيت بأنو العالم دا ظااالم لأنو خلى دموعك تنزل..لمن تكوني معاي بحس اني خفييييف زي الريشة واليوم الم بشوفك فيهو م بحسب نفسي عشتو..واول يوم في رمضان لمن كنتا بدق ليك والقى تلفونك مشغول عفاريت الدنيا كانت بتتنطط قدامي

عبير بتسمع فيهو وعيونها اتملو دموع
ياسر اتنهد:م عارف كيف وليه وقدر شنو انا بحبك..كل العارفو اني قبل اشوفك م كنتا عايش واني بعدك م لي حياة
عبير همست:ياسر
ياسر:يقلب ياسر انتي
عبير ضحكت ورجعت شعرها لورا
ياسر:رجعتي شعرك لورا صح؟
عبير:اممممم
ياسر:الحركة دي الحببتني فيك وكل ما تعمليها ح احبك اكتر
عبير ابتسمت
ياسر:ليه ساكتة؟
عبير:اقول شنو؟!
ياسر:قولي انك بتحبيني زي ما انا بحبك
عبير نزلت راسها:اي
ياسر:اي شنو؟
عبير:اي بحبك
ياسر:احيييييي...انا بموووووت الليلة
عبير ضحكت..وكلمو كلامهم...
"جفاف في رمضان😒👋🏻"















نايم في امااان الله..حسا بحاجة في صدرو..وبعد شوية بقت تجرجرو من خدودو ونخرتو..م اشتغل بالموضوع كتير..بس فتح عيونو بخلعة لمن حسا باسنان صغيرة بتتغرز في صدرو العاري..
لقاهو راكان بعضي فيهو..رفعو وقال:رووكة ي مزعج خلي بابا ينوم
راكان حرك راسو نظام ابييت
رامي سمع صوت ضحكها..اتلفت لقاها واقفة جنب باب الحمام شكلها طالعة منو
رامي:انا عرفتا راكان جايب الحسادة دي من وين؟
شهد ضحكت وجات عليهم:بس م يكون جايبها مني انا؟
شالت راكان وقالت:رووكة ماما حسودة؟
راكان حرك راسو نظام لا لا
شهد ضحكت:شفتا؟
رامي:هي هي دا اي شي بقول ليك لا لا..عايني..راكان بابا حسود؟!
راكان حرك راسو نظام اايي
شهد كر كر كر قعد تضحك
رامي صرا وشو:دا تحالف دا..انا م راضي
شهد مشت وهي شايلة راكان وقالت:دي الحقيقة ي بابا
رامي:م حقيقة الود دا منحاز ليك بس
شهد ضحكت وهي بتفتح باب الجناح عشان تطلع وقالت:قول حمدلله راكان صحاك..عاملين قعدة جبنة تحت
رامي ضحك ودخل الحمام وهي نزلت تحت...

في الفلة المجاورة..
جا طالع من الحمام لقاها واقفة جنب الشاشة بتوصل تلفونها في الشاحن
جا عليها وهو بقول:نسرين ليه نزلتي من السرير؟
عاينت ليهو:تلفوني قرب يطفي قلتا اختو في الشاحن
شالها وهو بقول:كان تناديني انا اختو ليك
ضحكت وهي بتمسك في رقبتو وقالت:قلتا م اتعبك..كفاية العليك
احمد وهو بختها في السرير براااحة:ي شييخة تعبيني..كانم تعبتا ل مرتي والبيبي بتاعي اتعب لمنو؟
ابتسمت وهي بتصلح رقدتها..حرفيا من يوم عرف بحملها م بخليها تنزل من السرير+م بخليها تصوم والليل والنهار يأكل فيها😂😂
....













يوم السبت..
امجد ساق دانة ومشا لناس فهد..
طبعا مفرشين الحوش ومجهزين افطار معتبببر..عشان يوروهم انو حالتهم كويسة..
وبعد دا كلو امجد ودانة لمن جو داخلين...اتخلعو من البيئة القاعدين فيها فهد وألين وظهر في وشهم الخلعة.. تاني عملو رايحين وبقيثو يتصرفو عادي..
فرشو المفرش وجابو الافطار والعصاير وقعدو..فطرو وكداا وألين عملت ليهم القهوة..وبقو يتونسو..

بعد داك امجد فتح موضوع السرقة وكدا
فهد:م عارف والله ي امجد..كان في بضاعة المفروض نسلمها لتاجر..بتذكر كان انا جهزتها بنفسي وشحنتها ورسلتها للتاجر المفروض ياسر كان يمشي يستلم القروش..لأنو دايما هو بتسلم القروش..لمن جا راجع قال انو التاجر قال م عندو سيولة وانو دفع 40% من المبلغ وح يرسل الباقي في حساب المصنع
امجد:اها و40% دي بتعمل كم؟
فهد وهو بتذكر:البضاعة كلها كانت بي 125 مليون
امجد:يعني ال 40% بتعمل زي 50 مليون
فهد:بالضبط كدا..المهم بعد زي يومين كدا التاجر دقا لي وراني انو رسل باقي الدفعة في حساب المصنع..الكلام دا كان بالمسا لمن دخلتا حساب المصنع من اللابتوب في البيت لقيتو مرسل 25 مليون بس
امجد:يعني 20%بس؟
فهد:ايوة..لمن دقيت لهادي عشان اسألو من ال40%الناقصة دي م ردا.. فقلتا بسألو بكرة وياهو تاني يوم م جا المصنع وابوي زاتو م كان جا المصنع ولمن جيت راجع البيت المسا لقيت ابوي هايج وبقول اني سرقتو وكدا
امجد بتفكير:التاجر دفع 40%لمن استلم البضاعة ورسل 20% في حساب البنك..التوتل كدا دي 60% في 40%ناقصة..عاين لفهد وقال:40%دي بتعمل حوالي..
فهد:50 مليون
امجد عقد حواجبو
فهد:المحيرني انو هادي م جا المصنع اليوم داك..وابوي كان بقول انو هادي وراهو انو في نقص في القروش
امجد:لاقاهو وين عشان يوريهو؟
فهد:بالضبط كدا لقاهو وين؟
ألين:يمكن دقا ليهو تلفون
امجد:م ظنيت..يعني ح يضرب ليهو يقول ليهو في نقص في القروش وولدك سرقها؟!... تؤ تؤ م ظنيت
دانة اتذكرت حاجة:بابا مشا ليهو في البيت
كلهم عاينو ليها
دانة:بتذكر اليوم دا بالصباح بابا كان طالع..وجاهو تلفون كدا بعدها قال لماما انو ح يمشي بيت عمتو سلطانة
ألين اتذكرت الموقف داك وقالت:اي اي حتي عمتو طلعت معاهو لحدي الباب وقالت ليهو اضرب طمني عليهو
دانة عاينت ليها:صح؟!..اتذكرتي مش؟
ألين:اي اتذكرتا..تقريبا قالو ليهو هادي تعب ولا حاجة بالشكل دا
امجد:كدا وضحت..اكيد لمن عمي مشا ليهو البيت فتحو موضوع المصنع وهادي وراهو انو في نقص في القروش.. عاين لفهد..ولأنو طبعا انت وهو بس المشرفين التهمة وقعت عليك..لأنو ببساطة م كان في المصنع يوم اكتشفو النقص

فهد بس ساكت وبسمع فيهم..حرفيا دمو بقى يغلي في الزفت الاسمو هادي دا..لو شافو قدامو حاليا احتمال يقرقشو عاادي..
امجد:واضحة انو هادي السرق القروش
دانة:اي بس ح تقنع بابا كيف؟
ألين:ايوة محتاجين دليل قووي يأيد كلامنا دا
امجد:بنلقى الدليل..بنلاقاهو
فهد عاين ليهو:ح نعمل شنو؟!
امجد ابتسم:لا لا انت م تعمل شي...خليك متسكيين واستمتع بصيامك..وهادي خليهو علي..عاين لدانة..اساسا عندي معاهو عداوة قديمة
دانة بلعت ريقها وشتت نظرها بعيد عنو..

بعد داك استأذنو عشان يرجع دانة بدري وكدا وودعوهم وطلعو..



ألين مسكت وش فهد بين يدينها وقالت:م تخاف الحقيقة مصيرها تظهر
فهد:م بتهمني بعد دا..اهم شي انك معاي ومصدقاني
باسها في راسها مسااااافة..وحضنها عليهو..
حرفيا وجود ألين دي جنبو دليل علي حظو السممح ودليل علي انو ربنا راضي عليهو..شال منو اااي شي واداها ليهو..وقفت معاهو وطمنتو وصدقتو وساندتو وآمنت بيهو..محتاج شنو اكتر من كدا؟!...






















بعد مرور اسبوع...
في اول يوم في العشر الاواخر من الشهر الفضيل...







باب المكتب انفتح وجاتو داخلة ووراها امجد..
طبعا اتخلع لمن وقف علي حيلو
دانة:هااادي ازيو؟!
هادي:اهليين دانة كيفك؟
دانة:تمااام حمدلله..م ح تقول لي اتفضلي ولا شنو؟
هادي:معقولة بس اتفضلي اتفضلي
دخلت وامجد دخل وراها..
هادي عاين لامجد وقال:ياتو ريح الهبتكم علينا دي

دانة ضحكت وفهمت انو مستغرب من جيتها:ح امشي اقعد مع ناس خالو عبداللّه كم يوم والصباح م لحقتا اقول لبابا مع السلامة فااا قلتا اجي اودعو بعدين امشي
هادي طبعا استغرب وقال:طيب كان ممكن تدقي ليهو تلفون بس
امجد رفع ليهو حواجبو الاتنين نظام بلاااي؟!
دانة:هههه..دي طردة بالباارد من مصنع ابوي
هادي عاين ليها لمن قالت مصنع ابوووي وقال:معقولة برضو؟..بس م عايزك تتعبي وانتي صايمة
دانة:مف تعب..امجد معاي
امجد ابتسم بنصر لهادي البعاين ليهو كدا🙄
هادي:امجد شغلوك سواق ولا شنو؟
امجد:ها ها ها ظريف
هادي قلب ليهو عيونو واتلفت علي دانة لمن سمعها بتناديهو
دانة:لو سمحتا ي هادي نادي بابا عشان اسلم عليهو واطلع
هادي عاين ليها بخلعة وقال:م ممكن تمشي ليهو في مكتبو؟
دانة:اااااا..تعبانة والله زايد مكتبك تكيفو زاابط
ابتسم ليها وقال:تمام ثواني وراجع
دانة ابتسمت ليهو كدا😊 ....راقبتو لحدي ما طلع بعدها عاينت لامجد وهي بتقول:يلاااا
امجد وهو بمشي علي المكتب قال:بني ادم ثغيل ثغيل
دانة ضحكت ومشت وقفت جنب الباب عشان تراقب لو زول جاي وامجد فتح الكومبيوتر بتاع المصنع وبقى يفتش فيهو عسي ولعل يلقى اي حاجة بتخص البيعة التمت فيها السرقة ديك..وطبعا لأنها كانت قبل شهووور طووويلة م لقاها سريع..
عدت قرابة ال20 دقيقة هو بفتش ودانة بتعاين ليهو وترجع تعاين للباب..
طبعا م لقى اي حاجة بتخص القروش هنا...كلها صفقات بتورايخ الايام الحصلت فيها والقروش الدخلت منها وكداا...
سمع صوتها بتقول:جوو ي امجد جوو
رفع عيونو عاين ليها لبرهة بعدها نزل عينو للكومبيوتر..بدا يطلع من البرامج الدخل فيها من غير ما يخلي اثر...
دانة جات جارية عليهو وهي بتقول:اقفلو خلااص
حرك راسو نظام اي وقال:قاعد اقفل فيهو اي
رمت نفسها في الكرسي بقلق وغمضت عيونها..فتحتهم سرريييع لمن سمعت الباب بفتح وصوت ابوها وهادي بدخلو..لقت امجد قاعد في الكرسي القدامها ومبتسم ليها كدا😁
سلطان:دندوون
دانة قامت حضنت ابوها:بابا..جيت اودعك عشان ح امشي ناس خالو عبداللّه
سلطان عاين لامجد وقال:م وريتيني انك ماشة هناك
دانة ابتسمت:نسيت اوريك امبارح عشان كدا جيتك هنا
سلطان:م كان في داعي كان تدقي تلفون بس
دانة ضحكت:لا في داعي..جضمتو..لازم اشوف الجميل قبل امشي
سلطان ضحك بحرج من حركة بتو وقال:طيب ي جميل انتي
دانة وهي بتشيل شنطتها:اوكيييه بااي
سلطان:في امان الله
امجد:يلا ي عمي
سلطان:مع السلامة ي ولدي
وطلعو..دانة ماشة وامجد وراها وكل واحد ماسك ضحكتو..اول ما طلعو من المصنع اتلفتت عليهو وهي بتقول:اهااا اهااا لقيت شنو؟
امجد وهو لازيها علي العربية:هشششش...اركبي بوريك جوا
فتح ليها الباب ركبت وهو ركب بالجهة التانية
دانة:هااااا
امجد:م لقيت اي شي عندو علاقة بالبيعة ديك..تقريبا م قعد يسجلو المعاملات المالية في الكومبيوتر دا
دانة عقدت حواجبها:كيف يعني؟
امجد:عديل كدا..المعلومات الموجودة هنا كلها عبارة عن تواريخ واسامي التجار وقيمة صفقاتهم بس..م فيها حاجة بتخص هادي
دانة:طيب والقروش الدخلت حساب البنك بتاع المصنع
امجد:دي في..وزي ما التاحر قال لفهد..دخلت 20%بس للحساب
دانة اتحيرت:اها والعمل؟!
امجد:لازم نلقى حسابو بتاع البنك..لانو مستحيل يشيل 50 مليون سيولة في يدو ويحوم..اكيد ح تكون نزلت في حسابو في البنك

دانة:اها وحسابو ح يكون وين؟
امجد:في تلفونو تقريبا
دانة عاينت ليهو:وتلفونو دا ح نصلو كيف؟
امجد:دي مهمتك انتي
دانة:كيف؟ح اعمل شنو؟
امجد وهو بدور العربية:كدي خلينا نمشي البيت ونرووق كدا وبعد الافطار بوريك تعملي شنو
دانة تكلت ضهرها في كرسي العرببة بورا وقالت:اي لأني تعباانة اللف
ضحك:بت دبي الحنكوشة
عاينت ليهو بخلعة..واتذكرت زماااان..
قبل12 سنة..
كانو مشو البحر وبلعبو ويتراششو بالموية..
قام رامي تقريبا ولا وليد رشاها في وشها..اتشرقت وبقت تكح وكدا..
امجد جا بقى ينشف ليها الموية من وشها وينفح ليها الهوا في وشها عشان توقف كحة..
قامت بقت تبكي..بقى يقش ليها الدموع ويضحك ويقول ليها:بت دبي الحنكوشة..


حرفيا متذذذذكرة الموقف دا كأنو حصل هسي قدامها..عاينت ليهو واتذكرت كل المواقف البتبين حنيتو عليها..لحدي موقف عرس رامي وشهد لمن اتجرحت وربط ليها الشاش في رجلها...
اتنهدت وهي بتتلفت علي الشباك..بتحبو..ولسا بتفكر فيهو..غرقانة عديييل فيهو وفي تفاصيلو.. في نفس الوقت عايزة تبعد عنو..موجوعة منو ومن تصرفاتو الاخيرة..معلقة بحبال دايبة..لا قادرة تبعد ولا قادرة تكون معاهو عديل..
وقف العربية وقال ليها:دووون مالك؟
نزلت من العربية سررريع ودخلت جوا..
دخلت جناح الضيوف وحست عيونها اتملو دموع..نفسها تبكي..مشتاقة ليهو وموجوعة منو..الموضوع بقى اكبر من انها تستحملو...





*وقالو:-*
*العترة بتصلح المشي..انا كل يوم بعتر معاك..لا عِرفتا امشي معاك عديل، لا عِترتا في زولاً سواك😪💔*
--------------------------------------
---------------------
*يتبــــــــــــــــــــــــــــــــــــــــــــع*

*#قلوب_تائهه 《43》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
اليوم القبل الاخير من الشهر الفضيل..
قُبيل الافطار..
قاعدة مع هديل بت عمتها سلطانة وبتعاين ليها..ديك بتتكلم وهي م مركزة معاها..بتفكر في المهمة الجات هنا عشانها دي..هل ح تقدر تنفذها؟!...
فاقت من شرودها علي صوت هادي بقول:اووو دندون معانا الليلة؟..وانا اقووول مالو البيت منور؟!
ابتسمت بالغصب وقامت تسلم عليهو وقالت:منور بناسو والله
هادي:اخبارك شنو عليك الله..يداب تجي علينا؟!
دانة ضحكت:تقول شنو بس مشغوليااات اللف
هديل:يحليلكم والله..عليك الله فهد كيف؟
دانة عاينت لهادي وقالت:كوويس حمدلله
هديل:هادي ورانا انو سرق من عمو قروش وعمو طردتو
دانة:م سرق..فهد مستحيل يسرق
هديل:اي انا كمان قلتا كدا بس بكون في سوء تفاهم
دانة:في مؤامرة في الموضوع م سوء فهم بس
هديل ضحكت:مؤامرة مرة وحدة؟!
دانة ضحكت:اي والله زي ما بقول ليك كدا..عاينت لهادي..وانا مصممة اكشفها
هادي اتنحنح:اقوم اتجهز للافطار انا..عن اذنكم
دانة وهديل:اذنك معاك..
فعلا شوية كدا وجاهم جاهز للافطار..قعدو فطرو وشربو عصيرهم وصلو وعملو قعوة عربية عشان دانة معاهم وكدا..
دانة رفعت تلفونها لمن حست بصوت رسالة
فتحتها لقتهاsms من امجد محتواها"دوون..اها الاوضاع ماشة كيف عندك؟!"
كتبت ليهو "كويسة ح ابدا بعد دا انفذ"
ردا ليها في نفس الدقيقة"تمام وريني الحصل شنو"
كتبت ليهو "حاضر"
امجد طبعا بعد كتب ليها بحبك..مسحها لأنو دا م وقتها..
دانة ماسكة التلفون قريب دقيقة منتظراهو يرد ليها لكين م ردا..ختت التلفون وقامت عشان تدخل كبابي القهوة المطبخ..اتعمدت انها تتأخر لأنة عارفة هادي ح يجي وراها..
فعلا جاها وقال:احلي يوم واحلي افطار واحلي قهوة
ضحكت وهي بتقول:م تبالغ
هادي:والله م ببالغ..شفتي ي دانة انا م بحب المجاملة نهاائي
دانة ضحكت:وانا م بحب الكتمة نهااائي..خلينا نطلع الجنينة ممكن؟
هادي طبعا ما صدق:طووالي
طلعو قعدو في الجنينة بقو يتونسو او بالاصح هادي برغي ودانة عاملة ليهو كدا😊
بعد شوية قالت ليهو:ثواني انادي هديل واجي
هادي:خليك انا بناديها
دانة:لا لا لا لا ارتاح انت انا بناديها
هادي:تمام منتظرك
ابتسمت ليهو ودخلت جوا..حمدت ربها انا لقت هديل وعمتها ماف في الصالة..شالت تلفونها عملتو صايلنت ودخلتو في جيب البنطلون تحت العباية..وطلعت لهادي
قعدت وهي بتقول: هديل شكلها نامت
هادي فرح:نوم العوافي..كويس ح ناخد راحتنا سوا
دانة ابتسمت ليهو وم ردت
بعد شوية قالت:جوالي وينو؟ شفتو؟
هادي عقد حواجبو:لا لا يمكن جوا شنطتك
دانة:لا لا شنطتي انا خليتها في غرفة هديل ونزلتو معاي
هادي:طيب خليهو هسي بعد ندخل جوا نفتشو
دانة وقفت علي حيلها:لا لا لا..بابا احتمال يدق لي في اي لحظة عشان ح يجي يسوقني
هادي طلع تلفونو:طيب خليني ادق ليك فيهو وشوفيهو جوا
دانة قعدت في الكرسي بتعب:افف ح ارجع جوا تاني؟
هادي دق ليها ومدا ليها تلفونو وقال:خليكي هنا انا بشوفو ليك جوا
دانة مسكت التلفون:طيييب
مداهو ليها واتحرك علي جوا عاينت ليهو لمن دخل..بعداك اتحولت في كرسيهو عشان لو جا طالع تشوفو..نورت التلفون لقتو مسجلها ب "داني♥️"

ابتسمت بسخرية وبدت تفتش التلفون...فتشتو كلللللو م لقت اثر ل حسابو في البنك..لاحظت المكالمة انتهت..دقت تاني ورجعت تفتش..واساسا التلفون بهز في جيبها..
قريب 10 دقايق هي بتفتش في تلفونو وهو بفتش في تلفونها جوا..بعد شوية جا طالع..اول ما شافتو جاي..طلعت من التطبيقات الدخلت فيها وفتحت المكالمة..
هادي:م لقيتو والله ي دندون لكين اصلي واجي افتشو ليك
دانة مدت ليهو التلفون:طيب م مشكلة
هادي دخل التلفون جوا جيبو:لو خالي جاك م تمشي الا انا اجي
دانة:طييب
هادي:يطيب خاطرك
واتحرك علي البوابة عشان يمشي الجامع يصلي التراويح..
دانة تمتمت:بالله انت بتعرف الله؟!
اول ما طلع..طلعت تلفونها من جيب البنطلون ودقت لأمجد وهي متمنية انو م يكون مشا الصلاة وفعلا هو كان متوضي وخلااص داخل علي الجامع..
ردا اول ما شاف مكالمتها ب:اها لقيتي شي؟
دانة:لا م لقيت..فتشتا جوالو كلوو م فيهو شي
امجد:ح يكون خاتي حسابو وين يعني؟
دانة:مدري..انت خاتي حسابك وين؟
امجد:في تلفوني..لكين ااااي زمان كنتا خاتيهو في الابتوب بتاعي
دانة:تفتكر هادي برضو ح يكون خاتيهو هناك؟
امجد:اي احتمال كبير..حاولي تصلي للابتوب بتاعو لو ماف خطورة عليك
دانة:طيب طيب بحاول
امجد:يلا انا داخل اصلي
دانة:طيب ادعي لي القى الحساب
امجد:ان شاء الله ي دانة ي بت عبير عمتي تلقي الحساب وتلقي اي حاجة نفسك فيها
دانة لا شعوريا:يعني القاك؟
امجد:شنووو؟!
دانة طق قفلت الخط..امجد ابتسم ودخل التلفون جوا جيبو ودخل يصلي...

بجهة دانة...
اتسحبت زي الحرامية دخلت غرفة هادي..وحمدلله كانت مفتوحة..فتشت الابتوب بعيونها لقتو في الكومودينة موصل في الشاحن..شالتو وقعدت في طرف السرير..كان طافي..شكلو م اشتغل بيهو الليلة..
فتحتو لقتو مقفول ب باس ويرد..اتأفأفت بزهههج..دا الكان ناقصها..
بدت تحاول تفتحو..كتبت اسمو بالانجليزي م فتح..كتبت سلطانة م فتح..كتبت هديل م فتح..كتبت داني م فتح..
لوت خشمها وهي بتفكر ح تكون شنو يعني؟!
اتذكرت انو زماااان كان امجد وهادي اتشكلو قام هادي قال لامجد: م ح اخليك..ختيتك في راسي ي ود عبدو
طق طق طق كتبت ود عبدو بالانجليزي..طق الابتوب فتح
همست:تخللللف م طبيعي
المهم بدت تفتش وهي قلبها في يدها لأنها سمعت صوت الجامع وقف يعني الصلاة انتهت يعني هادي ممكن يجي داخل في اي لحظة...وفي نص تفكيرها وخوفها دا..فتحت صندوق الإيميلات..واول أيميل كان إشعار من البنك انو تم سحب كدا من حسابك..فرحت شديد وبدت تنزل في الإيميلات وهي بتفتش فيها..ولأنو الموضوع ليهو شهور طويلة لقت تحتتتت أيميل مكتوب فيهو
"تم ايداع مبلغ 50 الف سوداني لحسابك من حساب..."
قربت تنطط بالفرح..فتحت تلفونها سريع وصورت شاشة الابتوب..وحرصت انو تاريخ الأيميل يظهر عشان يقارنوهو مع تاريخ السرقة..
قفلت تلفونها سرييع وختتو في السرير جنبها طلعت من البرامج الدخلتها وقفلت اللابتوب..ورجعتو مكانو اول ما اتلفتت علي الباب لقت هادي واقف قدامها قربت تصرخ
عقد حواجبو باستغراب من توترها الظاااهر في وشها
وقال:الجابك غرفتي شنو؟
دانة:اااا...كنتا بتفرج البيت ودخلتا هنا
هادي رفع حاجبو لأنو دانة م من عوايدها تتفرج بيوت وتدخل غرف الناس
رفع تلفونها..بلعت ريقها وهي بتدعي انو يكون قفل لأنها ختتو ساي واحتمال الكاميرا تكون فاتحة..
عاين ليها وقال:لقيتي جوالك؟!
دانة:ااا..اي لقيتو في المطبخ...شكلي دخلتو مع حاجات القهوة
ضحك وقال:بس م تكوني ختيتيهو في حوض العدة
ضحكت:لا لا م للدرجة دي
سمعت صوت جمال مصباح بغني "انا قلبي مالو اليوم" قلبها وقع لأنها اتوقعتو يكون امجد وهادي ح يفتح الخط وامجد ح يسألها من الحساب وحتتكشف وموضوها ح يستحما..
كل الافكار دي اتلاشت لما مدا ليها التلفون وهو بقول:دا خالي..شكلو جا يسوقك
ابتسمت براحة وشالت منو التلفون ردت:ايوة ي بابا
عاينت لهادي وقالت:وصلتا هسي؟..خلاص جاية عليك..يلا
قفلت الخط وقالت لهادي:زي ما اتوقعنا..بابا وصل
هادي ضحك:توقيتو مناسب
ضحكت اكتر لأنو بالجد ابوها توقيتو مناسب وقالت:شديد..يلا انزل اودعك هديل وعمتو
هادي اشر ليها بيدو وقال:يلاا
فعلا ودعت عمتها وهديل وطلعت لأبوها..اول ما ركبت العربية رسلت لأمجد
"تمت المهمة بنجاح"
في نفس الدقيقة دقا ليها
ابوها عاين ليها
فتحت الخط وختت التلفون في اضانها العلي الشباك..نظام ابوها م يسمع صوت امجد
امجد:اهااا بشري لقيتي شي؟
دانة:اي..لكين انا هسي راجعة علي البيت..اصل وارجع ليكي تمام؟
امجد:ليكي؟!
دانة:اي طلعتا انا بابا جا ساقني بالعربية
امجد فهم انو ابوها جنبها ضحك وقال:قدام اصلي وارجعي لي
دانة:طيب
امجد:منتظرك
دانة:يلا
وقفلت الخط...وبقت تعاين في الشارع وهي مبسووووطة من العملتو..جابت دليل يثبت براءة اخوها...اخوها الطول عمرو بساعدها..جا دورها تسد ليهو جميلو..