وصلت بيتهم وجررري علي غرفتها..دقت لامجد فتح الخط من تاني جرس
بقت تنطط وهي بتقول:لقييتو ي امجد لقيتو
امجد ضحك علي فرحتها:لقيتي شنو بشري؟!
دانة:لقيت إيميل من البنك لحساب هادي بوروهو فيهو انو في 50 مليون نزلت في حسابو
امجد:احللفييي
دانة:والله العظيم..زايد التاريخ كان في نفس الشهر البابا طرد فيهو فهد من البيت
امجد:كدا بس باقي نطابق التواريخ ونوري الصورة لعمو سلطان
دانة:اييي...هسي برسلها ليك شوفها
امجد:حلووو
دانة:بكرة من الصباح نمشي لفهد نوريها ليهو
امجد:لا لا بكرة الوقفة..خلينا نديها ليهو هدية العيد
دانة ابتسمت:اي ممكن برضو
امجد:خلاص اتفقنل يوم العيد بالمسا نمشي عليهم
دانة بفرح:اوكييييه
امجد ابتسم علي فرحتها
دانة:شكرا ي امجد
امجد:علي شنو؟!
دانة:علي وقفتك معاي لحدي ما اثبت براءة اخوي
امجد:اولا ي ستي انا م عملتا شي انتي عملتي اي شي براك
دانة قاطعتو:اي برضو من غيرك م كنتا ح اقدر اعمل شي
امجد ضحك:بعدين فهد دا اخونا كلنا م اخوك براك
ضحكت
امجد:فهد اخري لكين انتي م اختي خااالص
دانة كر كر كر ضحكت
امجد:م تتضاحكي لي فاهمة كلامي دا؟
دانة:فاهمة فاهمة
امجد:اي كويس
ضحكو وقفلت الخط رسلت ليهو الصور في الواتس...











صباح العيد...
باس يدينها مساااااافة وهي مبتسمة وبتعاين ليهو..بتحبو لمن يبوس يدينها..
رفع راسو عاين ليها وقال:الليلة عيدي بيك عيدين..وكل ايامي معاك عيد

ابتسمت وقالت:اعيادي الفاتت كوم وعيدي الليلة معاك كوم براهو
باسها في راسها مسااااافة وقال:حمدلله الابوي اتسرقت منو قروش وحمدلله انو طردني حمدلله علي البيت البسييط الجمعني بيك دا
ابتسمت وحضنتو وقالت:حمدلله انس خلاني حمدلله ربنا كتب قسمتي معاك وكتب سعادتي جنبك
حاوطها بيدينو وم قال شي..زحت منو براحة وقالت:رايك شنو في التوب؟!
فهد:حياكل منك حتة
ابتسمت وقالت:عارفة يلاا
فهد:عبيطة يلاا
ضحكو وطلعو يعيدو علي الناس..كانت لابسة توب وهو لابس جلابية حرفيااا كانو مثال للزوجين السودانيين المتحابين...









في فلة حجة عواطف..
دانة حضنت حبوبتها وهي بتقول:عيدك مبارك حبوبة..ينعاد عليك
حجة عواطف:تتبارك ايامك ي بتي..العيد الجاي في بيتك مع ود عبداللّه
دانة طبعا عملت رااايحة..لكين قالت جوا نفسها امين..
عيدت علي ابوها ولمن جات عيدت علي امها
عبير قالت:ان شاء الله السنة الجاية معيدة بيك انتي واخوك جنبي
سلطان اتأفأف واتلفت علي الجهة التانية..












واقفة قدام المراية وبتلبس في حلقها..حواطها بيدينو وتكل راسو في رقبتها
وقال:السنة دي عيدنا غيير واعيادنا الجاية كلها غييير بالبيبي الح ينور حياتنا
ابتسمت وختت يدينها فوق يدينو الخاتيهم في بطنها وقالت:اصلها اعيادي ابتدت من بقت مرتك ودخلتا بيتك
باسها في شعرها بورا مساااافة..اتلفتت عليهو حضنها وهي بتمني اعيادهم الجاية كلها مليانة خير سعادة...





في الفلة المجاورة..
جات طالعة من الحمام وهي صاارة وشها..الليل كلو م نامت بسبب راكان..عاينت لقت رامي شايلو وبريح فيهو..كان لابسـجلابية صغنوونة كدا جاية معاهو شديد..ابتسمت ومشت عليهم..
رامي:رووكة عان منو جا؟!ماما الصسورة
ضحكت:صسورة في عينك شالت راكان وقالت ليهو:حبيب ماما يناااش كل سنة وهو طيييب...السنة الجاية جاري بكرعينك ومعذبنا كدا
هزتو:قول امين
راكان كر كر كر ضحك
باستو شدييييد في خشمو وقالت:عساال يناس عسل
رامي:ابوهو زاتو عسل ماف ليهو بوسة؟
ضحكت وشالت راكان بالجنبة ومسكت وش رامي باستو في خدو مسااااااافة وقالت:وابوهو عساال يناس عسل
ضحك:انا عايز زي بوسة راكان بس
ضحكت وقالت:رووكة ادي بابا زي بوستك؟!
راكان حرك راسو نظام لا لا
رامي كورك:مش قلتا ليك الود دا منحاز بس
شهد ضحكت وقالت:الكبير نطق ولازم يتنفذ قرارو
ضحك وقال:نسيت اعيد ليكم
شهد:اها يلا عيد لينا
ضحك وشال منها راكان باسو مسااافة وقال:كل سنة وانت طيب ي بطل..وعقبال احضر عرسك كدا
شهد مبتسمة جراها باسها في راسها مسااافة وقال:كل سنة وانتي عيدي ي ام راكان..وان شاء الله اعيادي الجاية كلها معاك
شهد:ان شاء الله ي ابو راكان
وحضنهم الاتنين....







المهم العيلة كلها اتلمو في فلة حجة عواطف...عيدو علي بعااض وفطرو واتونسو وضحكو وكدا وكل زول اتفرزع علي بيتو...


امجد مشا ساق ياسر ومشو الاتنين عيدو علي اسيل في بيتهم وقعد اتونسو معااها كداااا وطلعو منها قريب العصر....





مساءً..
قاعدة في بيت العرس..والحريم بدو يصلو..بدت توضى في شافع جا قال ليها عمو فهد بناديك برا...انتهت من الوضو وطلعت ليهو
فهد:اسمعيني عايز المفتاح..امشي ارتاح لي حبة قبل الحفلة
ألين وهي بتصلح في توبها:سمح ارح انا زاتي اصلي في البيت وارتاح حبة

فهد:متوضية انتي؟
ألين وهي بتمسح في حواجبها عشان تزح الموية:اي
فهد:ارح طيب
ومسكها ومشو علي بيتهم..الواقع في الشارع التاني..لقو عربية امجد واقفة قدام الباب وامجد متكل فيها
اول ما شافهم قام يكورك:الا نحدد زيارة من بدري ولا كيف؟
فهد ضحك:اي اي مشغولين ي مان نحنا
امجد ضحك وجا حضنو وقال:كل عام وانتم بخييير يااخ
فهد:وانت بخييير ي رب..ينعاد عليك
امجد:بالصحة والسلامة والقابلة علي امنيييك
فهد:وامنيييك ي رب
فكاهو وحضن ألين وقال:كل عام وانتي بخيييير والسنة الجاية عاقلة كدا
ألين:اعقل من كدا؟
امجد:اي حتة بس
ضحكت:اها كيف العيد من غيري
امجد:ي زووووول يخ سمح سماحة
ضربتو في كتفو واتلفتت علي دانة البتنزل من العربية..جات عيدت عليهم وفتحو الباب دخلو..ألين طبعا منضضضفة بيتها جابت ليهو الشيالة والموية وكدا
امجد:بقيتي ست بيت ست بيت
دانة:اي والعجب التوب والحنة
ضحكت وقالت:لازم لازم
المهم اتونسو كدا وامجد ورا فهد الصور وفعلا طلع دا نفس اليوم الهادي سلم فيهو البضاعة للتاجر..يعني التاجر كان اداهو 80% من القروش وال20% قال لهو بحولها ليك لكين هادي شال 40% في حسابو...
امجد:بعد دا ممكن ترجع وانت راسك مرفوع
فهد:موضوع الرجعة دا م ظنيت ارجع..انا اتعودتا علي البيت دا والحلة دي
امجد:بحترم رايك
ألين:بالمناسبة في حفلة ح تبدا بعد شوية لازم تحضروها معانا
دانة:ويييين..بابا ح يقلق

ألين:علييك الله ان شاء الله حتة منها بس
امجد ضحك وقال:صراحة الموضوع مغرري
فهد:خلاص انا بكلم امي انك معانا وهي بتتصرف
دانة عاينت لفهد وقالت:طيب ممكن
ابتسم وجراها لحضنو..دانة اييي بدت تبكي..بالجد اشتاقت ليهو ولهظارو وحركاتو البعملها ليها
فهد مسح شعرها:دندون ليه البكى؟
دانة وهي في حضنو:البيت من غيرك م ليهو طعم
ضحك وحاوطها بيدينو
ألين ابتسمت وقالت:هسي انتي كمان تعرسي وتخلي البيت
دانة وهي بتمسح في دموعها:م اظن والله
ألين:لييه لييه مالك..عسولة وامورة والف من يتمناكي
دانة عاينت لامجد وم ردت
وهو عمل رايح...
قعدو شوية كدا الحفلة بدت..ألين لبست فستان مسترضي سادة مع الجسم وفوقو جالي طويل مربعات مسترضي بالكحلي..وشبط كحلي وعملت شعرها ضنب حصان ببنادة كحلية وحلق كبييير بالكحلي..وعملت كحل بالكحلي واي شدو خفيف بالحكلي وروج احمر فااقع...كانت عساااااااال...
امجد اول ما شافها صفر وقال:ايوة دي ألين البنعرفها
ابتسمت وعاينت لفهد وقالت:اها رايك شنو؟
فهد مقهي:قمممر قممممممر
دانة ضحكت علي انبراش اخوها
امجد:بعد دا السيلفي وجججب
ضحكو ووقفو وراهو يتصور..اتصورو زييييين بعداك..طلعو مشو الحفلة..
امجد وفهد مشو علي جهة الرجال وألين ودانة مع الحريم..
عرفتها عليهم وكدا..
بدو يهججو وألين دي حتتو حتت تقول عرس اختها..ودانة بس واقفة وتصفق..اساسا م بترقص+ديل اصلا م بتعرفهم هي...
وامجد دا بغادي اندمممج مع الرقيص وفهد قاعد في كرسيهو وبعاين ليهو ويضحك...وامجد دا لمن عرررق..يطلع المنديل من جيبو يمسح العرق وتاني يخش يحتتتو...
غايتو كان حفلة سمممحة..عارفين شعور انو يكون عندكم حفلة يوم العيد...بكون سمح مش؟!😂
الحفلة انتهت وامجد ودانة ودعو فهد وألين واتحركو علي البيت...










قاعدة مع بنات خالتها قدام التلفزيون وشايلة كورية الفشار وخاتة البارد قدامها...ومندمممجة مع الفلم الرومانسي..فجأة تلفونها دقاا..بنات خالتها ديل بقو يقول ليها:قووومي...اسيلو اتحركيي
قامت سريع شالتو وطلعت برا عاينت لقيتو رقم غريب..اساسا الطبيعي بتاعها انها م بترد علي الارقام الغريبة لكين المرة دي في احساس جواها بقول ليها ردي ولأنها انسانة بتتبع احساسها ردت وختت التلفون في اضانها من غير ما تتكلم
سمعت صوتو بقول:اسيل؟!
م ردت..اكيد بتخيل ليها..مستحيل يكون دا هو
ناداها تاني:الوو اسيل؟!
بلعت ريقها وقالت:مهيب؟
مهيب:ايوة انا..كل سنة وانتي طيبة
اسيل:وانت طيب..جبتا رقمي من وين؟
مهيب:مفتكرة اني م اقدر اصلك ولا متخيلة انو ح يمر يوم العيد من غير ما اعيد ليك؟
ابتسمت لكين اختفت ابتسامتها سرريع لمن اتذكرت امجد وانو ممكن تحصل مشكلة لو عرف انها بتتكلم مع مهيب قالت:عايز شنو انت؟
مهيب:عايزك انتي
اسيل:مهيب اسمعني
قاطعها:اسمعيني انتي..لي قريب سنة جاري بوراك..اسيل انا بحبك افهممي
قلبها دقا بسرعة..ختت يدها في قلبها وهي سامعاهو
بقول:اديني فرصة..اتعرفي علي خلينا نكون اصحاب بس ولو لقيتي فيني غلط افصليها مني..اسيل انا م طالب اكتر من فرصة بس
بلعت ريقها..طالب فرصة..نفس الفرصة الهي كانت طالبها في حب امجد واتحرمت منها...او بالاصح..اداها ليها وم قدرت تستغلها كويس..
مهيب:اسيل انتي سامعاني؟
اسيل:امجد لو عرف اننا بنتكلم ردة فعلو م ح تكون كويسة

مهيب:خليك من امجد..انتي رايك شنو؟ عايزانا نتكلم؟
اسيل سكتت
مهيب:اسيل م تسكتي كدا
اسيل:مهيب انا م بقدر ازعل امجي تاني مني
مهيب:اي شي امجد امجد امجد...مشكلتك امجد يعني؟
اسيل لا شعوريا:اي
مهيب:انا بقدر اتصرف معاهو
اسيل:ح تعمل شنو؟
مهيب:ح اشوفو مالو معاي وليه رافض علاقتي معاك
اسيل بلعت ريقها
مهيب:دا م مهم هسي اهم شي انتي
اسيل:انا شنو؟
مهيب:اديني فرصة
اسيل سكتت
مهيب:م عايز رد هسي..ح ارسل ليك رسالة فاضية في الواتس من نفس الرقم دا..لو واقفتي تديني فرصة اقريها وخلي الباقي علي
سكتت
مهيب:تمام؟!
اسيل:طيب
مهيب:طيب يلا..منتظر الخطين الزرق
ابتسمت وقفلت الخط..عاينت للتلفون لقت الداتا مقفولة فتحتها جاتها رسايل كتييييرة من ضمنها رسالة فاضية من رقم مهيب...فتحت الواتس وبقت تعاين ليها من برا..تقراها ولا لأ؟!
جواها شعور قوووي بقول ليها اقريها...





*إتبع قلبك..فلم يُخلق الشعور عبثاً🖤🎶*
--------------------------------------
---------------------
*يتبــــــــــــــــــــــــــــــــــــــــــــع*

*#قلوب_تائهه 《44》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
عدت الايام..
امجد ودانة ورو سلطان الصورة وسطان مشا رباها شكلة لرب السما مع هادي وطردو من المصنع...

مهيب واسيل بدو يتكلمو بعد ما اسيل قرت الرسالة الفاضية كدليل علي موافقتها....
"الليييييييلة بكلم ليك امجد😁🤝🏻"...


*بعد مرور عام..*
*في المستشفي..*
ماسك يد ابوهو وخاتي فيها راسو وببكي..
اتذكر قبل سنة لمن ابوهو جاهو عشان يعتذر ليهو وهو م قبل الاعتذار وطلع خلاهم في بيتو مع ألين..
اتذكر قبل شهرين لمن امو قالت ليهو ابوك بين الحياة والموت وطالب يشوفك جنبو..
ابا ورفض رفضا قاااطعا انو يرجع لابوهو..رغم اعتذارات ابوهو وتوسلاتو رغم دموع امو..وكلام خيلانو وباقي العيلة معاهو..حتي ألين اتكلمت معاهو وحاولت تخليهو يرجع لابوهو بس هو كان ردو الرفض القااااطع...كان مفتكر انو م محتاج لابوهو وانو خلااص بقى راجل بي بيتو وح يقدر يطلع من جلباب ابوهو..
لحدي قبل سااعة لمن دقو ليهو وقالو ليها تعال لقن ابوك الشهادة..خلى شغلو وجاهو جري..خلي زعلو وغرورو وكل مشاكلو مع ابوهو عشان يكون معاهو في آخر لحظات لكين... *الموت لا ينتظر احداً* وجا لقى الله اخد امناتو...
رفع راسو ودموعو 10 10 وقال بصوتو الزادت بحتو بسبب البكى:ابوي م تخليني..عاين لي هدا انا جيت..قوم خلينا نرجع سوا..اوعدك م ح ازعلك تاني..بس انت قووم..ابوي انا لسه محتاج ليك..ابوووووووووي

موتة الابو كسرة ضهر😪💔...


في حتة تانية..جات طالعة من جامعتها لقت امجد واقف ومتكل علي عربيتو...جات عليهو لقت ملامح وشو م بتتفسر
عاين ليها وهو ببلع ريقو وقال:خلصتي؟
دانة:اي..ليه؟
فتح ليها الباب:اركبي خليني اوصلك
عقدت حواجبها باستغراب:انت مالو وشك دا عامل كدا؟
امجد مسح وشو بيدو وقال:مف شي م نمتا امبارح بس
دانة ركبت وهي متسغربة فيهو..جايها الجامعة ليه؟! ووشو دا عامل كدا ليه؟!...استغرابها زاد لمن ركب ومسك يدها
عاينت ليهو بسرعة
عاين ليها وقال:عايزك تعرفي اني معاك..ح اكون اقرب ليك من وريدك
عقدت حواجبها باستغراب وقالت:في شنو؟!
امجد:مف شي بس عايزك تعرفي الحاجة دي
دانة:ووين اسيل؟
امجد ابتسم بالغصب وقال:اسيل بمسكها باليد التانية
عاينت ليهو بحقد وكانت عايزة تفك يدها منو بس هو مسكها وقوي وقال:م تناتقي..الليلة بالذات م تناتقي
عقدت ليهو حواجبها وقالت:امجد وريني في شنو؟
م ردا ليها ودور العربية واتحرك..عاينت ليهو مسااافة تاني عاينت ل يدو الماسكها بيها..

وقف العربية قدام المستشفي..وعاين ليها
همست ليهو:بابا مالو؟!
امجد مسك يدها بيدينو الاتنين وقال:ارح نشوفو
عاينت ليهو باتسغراب..نزل وجا فتح ليها باب العربية..بلعت ريقها لمن جرا يدها ومسكها تاني..عاينت ليهو كأنها بتقول ليهو م عايزة انزل..نزلت بخطوات مُثقلة ودخلت يدها في يدو وقلبها في يدها التانية..لمن وصلت قدام غرفة ابوها شافت فهد طالع وبمسح في دموعو..عاينت لامجد كأنها بتقول ليهو فهد ببكي ليه؟!
العيلة كلهم كانو متلمين اول ما شافوها رفعو راسهم..
ألين كانت حاضنة عبير عمتها لمن شافت دانة قالت ليها:عمتو..دانة جات

عبير رفعت راسها واول ما شافت دانة بقت تمنح:الله انا ي دانة..ابوكي فاااات ي داانة..غتاكي فاات ي بتي
دانة بتمشي خطوة علي امها وبترجع 3 خطوات..كيف يعني ابوها يمشي يخليها؟!
رمت نفسها في الارض جنب امها وقالت:ماما..بابا وينو؟
عبير قامت تكورك:احييي ي بابا..احي ي ابو اولادي..احييي ي سيد الرجال
حضنت دانة وهي بتكورك:ابوكي فاااات ي بتي..ابوكي روووووح
دانة حست براسها تقييييل وعيونها بدو يضلمو رفعت حواجبينها الاتنين عشان تفتح عيونها كويس..ورووو وقعت في الارض..امجد وفهد جوها جارين شالوها واسعفوها والدكاترة قالو جاها انهيار عصبي...
قضت 72 ساعة عن الوعي..مراسم الدفن كان تمت والفراش اترفع..
امجد بس واقف قدام غرفتها ولا حضر دفن ولا عزا..
سمع صوت حاجة بتقع من جوا غرفتها دخل بسرعة لقاها قاعدة في الارض شكلها كانت طالعة وم قدرت
جا رفعها:دانة
عاينت ليهو بعيونها الواقعين وقالت:بابا وين ي امجد؟
امجد بلع ريقو:الله يرحمو
ضربتو في صدرو بيدينها الاتنين:م تقول الله يرحمو..يعني شنو الله يرحمو؟!..بابا عايش بابا م بمشي يخليني
جراها عليهو وهو بقول:استغفري ربك ي دانة
اترمت في حضنو وهي بتقول:انا عايزة بااابااا..امجد وديني لبااااباااا
حاوطها بيدينو وبدا يقرا ليها السور الحافظها ويدعي الله يصبرها ويخفف عليها..بعد اكتر من ساعتين حسا بيها نامت..شالا ختاها في السرير لاحظ اطرافها باااردة مشا نادى الدكتور فحص ليها لقى عندها صدمة سكري..ركب ليها دربات وكدا..فهد جا وامجد وراهو الحصل..

فهد واقف قدام باب غرفتها وبتذكر الحصل امبارح...

قاعد في مصطبة بعيدة شوية كدا من بيتهم..ومنزل راسو..حسا بزول بقعد جنبو عاين لقاها ألين..رما نفسو في حضنها وهو ببكي
ألين ضمتو عليها وهي بتحاول م تهلي دموعها تنزل
فهد:مات وهو زعلان مني..مات من غير ما اودعو
ألين مسحت ضهرو:لا هو مات وراضي عنك
فكتو ومسكت وشو بين يدينها:فهد انت لازم تكون قوي..عشان عمتو ودانة..انت سندهم الوحيد في الدنيا
فهد:وانا البسندني منو؟
ألين:انا بسندك..عمري م اتخلي عنك..متأكدة انك ح تقدر تتجاوز وجعك وترجع تقيف علي كرعينك..عشان دانة وعمتو..لانهم محتاجينك
عاين ليها مسااافة..مسحت ليهو دموعو وباستو في جبينو مساااافة ولصقت جبينها في جبينو..غمضت عيونها وقالت:ارجع فهد الانا بعرفو..خليك قوي زي ما بعرفك
باس يدها مساافة بعدها ختاها في عينو اليمين وقال:خليك معاي ي ألين
حضنتو وهي بتقول:حاضر..ح اخليني معاك
حضنها شديييييييد كأنو بستمد منها القوة....



رجع لواقعو لمن سمع امجد بقول ليهو:دانة صحت
رفع راسو..مسح وشو ودخل ليها وهو مقرر انو ح يكون قوة وم ح يضعف..
اول ما شافتو بدت تبكي وهي بتقول:فهد بابا لسه عايش صح؟
جا عليها وهو بقول:بابا مشا حتة احسن من هنا..ومحتاج لدعانا حاليا
رمت نفسها في حضنو وهي بتقول:تاني م ح نشوفو؟!كيف ح نقدر من غيرو
فهد:الله كريم علينا ي اختي..ربنا يصبرنا علي فراقو
دانة كنكشت في قميص اخوها وبقت تبكي..بكت بكت بكت لمن حست روحها احسن..لمن حسن روحها ممكن تتقبل فكرة موت ابوها دي...

بعد مرور اسبوع...
دانة خرجوها من تالت يوم البكى وامجد ملازمها م خلااها ولا ثانية..في البداية كانت م بتاكل لكين مع اصرارو بقت تاكل شوية شوية...
في يوم بالمسا..
قاعدين في الطوطحانية..
هي مرفعة كرعينها وراقدة في حضنو وهو بحرك في الطوطحانية بكرعينو..
امجد:دوون
همهمت ليهو من غير ما ترفع راسها..اولا م عندها حيل ترفع راسها ثانيا هي مرتاحة شدييييد في حضنو..قرلو بسكن اوجاعها كلها..حتي دموعها م بتنزل في حضرتو..
ختا يدو في راسها وقال:انا بكرة نازل شغل
"اي اي شغل مالكم مخلوعين..امجد خلال السنة دي اتخرج واشتغل في شركة العين"
رفعت راسها سريع عاينت ليهو
امجد رجع ليها شعرها لورا اضانها وقال:دوامي لحدي 4 مسا..بجيك كل يوم بعد الدوام
عيونها اتملو دموع وقالت:ح تخليني انت برضو؟!
امجد:تؤ تؤ..ح اكون معاك بالتلفون..بعدين لازم انزل الشباب نزلو من رابع يوم البكى
ختت راسها في حضنو وقالت:م تبعد عني
امجد ضماها عليهو وقال:كلها شهر شهرين وتكوني معاي في بيتي
رفعت راسها عاينت ليهو باستغراب
ابتسم وقال: *بحبك ي دانة*
قلبها دقاا لمن سمعت كلمتو دي
امجد تابع:لا من الليلة ولا من امبارح...بحبك من قبل ما اعرف يعني شنو حب...قدر ما توجعيني وتجرحيني وتعذبيني..برضو بحبك..وحلال عليك عذاب قلبي الم دقا يوم لغيرك
دمعتها جرت من عينها اليمين
مسحها ليها وقال:كفاية مكابرة وكبرياء وزفت..كفاية نحسبها بعقلنا
ختا ليها يدها في قلبو وقال:شوفي دا؟..لاحظت لقلبو بدق بسررررعة..
امجد:دا ليكي وبنطق اسمك في كل دقة من دقاتو..دا كان تايه بعيد عنك..لكين خلااص لقى وجهتو

جراها ولصق جبينو بجبينها ونخرتو مع نخرتها وقال:كفاية تبعديني عنك..م قادر ابعد اكتر من كدا
مسكتو من لياقة قميصو وقالت: *بحبك ي امجد*
غمض عيونو وهو بتنهد وقال:آآآآه..الكلمة دي لي سنيييين منتظرها..سنين طويلة
دانة:الكلمة دي طلعت روحي وابت تطلع من خشمك
امجد:بحبببببببك
دانة رمت نفسها في حضنو وهي بتقول:وانا كماااان بحبك...
--------------------------------------
---------------------
*يتبــــــــــــــــــــــــــــــــــــــــــــع*

*#قلوب_تائهه 《45》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
امجد اتقدم لدانة..
وكانت فرررحة طلعت العيلة كلها من جو البكى الكئيب الهم فيهو دا..

حددو العرس بعد 6 شهور..
عشان عبير ام دانة تكون خلصت العدة وكدا..
ودانة زاتا تكون امتحنت السمسمتر الاخير في سنة تالتة ويكون فضل ليها سنة وحدة تتمها بعد العرس..

امجد طبعا شغال ينقنق سااي..م راضي قال 6 شهور كتيرة😂...دانة زاتا قربت تقول كتيرة لكين مسكت خشمها عليها...

فهد لقى انو م عندو حل غير انو يجي يسكن مع امو وحبوبتو واختو وفعلا رجعو سكنو معاهم...


الستة شهور عدت سريييييع..وبدو تجهيزات العرس..نسرين طبعا كالعادة استلمت دانة حبسة ودخان تقيل..


هي هي طبعا نسو جابت ليها بت زي القمر سموها *فرح*..يوم ولادتها طبعا احمد اتجرس واتبشتن تقول هو عايز يلدي..واول ما شاف البيبي شالها وبقى يبكي ويقول ليهم:دي بتي ي ناس...

*قبل العرس بيوم..*
انس وران جو..طبعا العيلة كلها سلمت عليهم وكدا
ألين واقفة بتعاين ليهم
ران جات عليها..
ودموعها جارين قالت ليها:اسفة ي ألين
ألين ضربتها في كتفها وقالت:ع قد ما انا زعلانة منك ع قد ما مشتاقة ليك..فتحت ليها يدينها وقالت:خشي حضن ي بقرة
ران ضحكت وحضنتها..طبعا ران بقت سمييينة..
انس واقف وبعاين لألين
ألين جات عليهو وقالت:طول عمرك جبان...خايف تجي تسلم علي؟
ضحك وحضنها..باس راسها مساافة وقال:اعفي لي
ألين:العفو والعافية
امجد طبعا كان مافيش لمن ران وانس وصلو..
لمن جا بالمسا شاف انس قاعد مع رامي واحمد وفهد..
انس اول ما شافهو وقف علي حيلو
امجد من غير ما يمشي عليهو قال:انس كيف؟
انس جا حضنو وقال:تماااام حمدلله
امجد طبعا منزل يدينو..قام انس همس ليهو:م تبقى كعب كدا
امجد ضربو في بطنو:انا برضو الكعب؟!
انس ضحك وقال:خلاص..ادينا عفوك يالعريس
امجد جراهو عليهو وهو بقول:الله يعافيييك...

واقف بعاين ليها وهي جاية عليهو وألين ماسكاها بجهة وران بجهة تانية وبتزغرتو..
بدا يرمش لمن حسا الدموع بتتجمع في عيونو.. *دانة بقت مرتو*..
وقفت قدامو وعاينت ليهو وهي عيونها مليااانين دموع..
جراها لحضنو واتتفقع بالبكى وهي بتعاين للسما عشان دموعها م ينزلو...
عارفين يعني شنو تعرسو البتحبوهم؟!😪🖤....

فكاها وهو بمسح في دموعو بيدينو الاتنين..ضحكت لمن شافت حركتو دي..عمرو م ح يكبر
باس راسها مساااااافة وقال:مبروك علي انتي
ابتسمت:مبروك علي انت ي مجدي وتاج راسي
حضنها تاني..ألين وران فكو الزغاريت سوا..

الاضواء انخفضت عدا ضو بنفسج خفييييف..اتسلط علي الباب..
بدت غنية م مصدق اني قدام حبيبي..
حرفيا امجد ودانة م كانو مصدقين انهم قدام حبيبهم..

ران ألين نسرين شهد..كانو لابسين تياب بالكوبي مشغولة بالفضي والشبط والاكسسري بالفضي..وعبير واسيل كانو لابسين فستان بنفس اللون والشبط والاكسسري بالفضي...

انس فهد احمد رامي ياسر ومهيب كانو لابسين بدل تكسيدو بالكوبي والقميص التحت ابيض واسبورتات بيض..

وقفو في نص الصالة والشباين ديل حوليهم..

وقفت الاغنية واشتغلت غنية all of me بدو يرقصو اسلو..

امجد:دوون
دانة عاينت ليهو:عيونا وقلبها وروحها
ابتسم وقال:م تقولي لي كدا..طيرتي الكلام راسي
دنقرت راسها وهي مبتسمة
امجد:بحبك ي بت دبي
عاينت ليهو:وانا كمان ي ود عبدو
ابتسم وقال:ح اعمل شي
دانة:شنو؟!
امجد شالا ولفا بيها وهو بقول:بحبببببببيييييييك

الصالة دي كلها اشتغلت صفافير..و اوووووووو وحركات المشغالات ديك..

بعد شوية الغنية وقفت..سمعو صوت بقول:تعرسو من غيرنا ي خونة؟
عاينو بجهة الباب لقو وليد لابس بدلة كوبية وماسك وعد ال لابسة توب كوبي..

وليد بالمايك:تعرسو من غيري؟!..طبعا كان لازم اجي احضر عرس اكتر اتنين مغرورين في الكوكب
امجد ضحك
وليد:اشوف دموع الفرح الفي عيونكم دي..
جا بارك ليهم وكدا ووقفو مع الشباين...
شوية كدا وبدت غنية الشاب خالد بتاعة "افوا سي مي"..
الجماعة بدو ينططو...وامجد دا رافع يدو فوووق ويفنجط..


بعد شوية الحفلة بدت وكانت بعشة الجبل وطاسو...ياخ الناس دي تقول طاقها كهربا...وامجد قلع جكت البدلة وفناهو بعييييد وزنقها...
انس دا كتفو م ثبت ولااا دقيقة..واحمد زاتو اها اها شغال يهز..رامي دا من شدة ما هجج لمن فتح زرايز القميص الفوق..فهد شغال يدنقر ويقوم زي المجنون...

وبغادي البنات حالتهم لا تقل عن ديل..ألين وران قلبو ليهم قلب السواد..وشهد دي حتتو حتت مع دانة..وعبير واسيل دي زنقوها زنقققق...


انتهت الحفلة..ومشو غيرو للجرتك..
الاولاد لبسو علي الله بيضا وشبط بتاع الجرتك داك..وامجد لابس السُرتي طبعا...
دانة طبعا بالتوب الكبدي والجدلة الدهبية تقول انا انا..
والبنات لبسو فستان نصو الفوق ابيض سادة والنص التحت قرمصيص وجزم زحافة بالكبدي..
طبعا الجرتك كان في الجنينة القدام الصالة..
جرتكوهم وكدا وامجد بدا يتشفق..
ودانة تضحك ساااي...لمن زهج منهم قام وقف علي حيلو وشالا..الشباب كلللهم كوركو..

فهد:عليك دينك ادينا صورة بوضعية امجد دي
امجد وقف في النص وشايل دانة..وبجاي منو فهد وألين وياسر وعبير ورامي وشهد وبالجهة التانية احمد ونسرين ووليد ووعد ومهيب واسيل...
اول ما الموصور صورهم..امجد فررررر جرا بدانة..
وديل بقو يصفرووووووو ويكوركووووو....

*اللهم حلالا يُشبه امانينا😴🖤*
--------------------------------------
---------------------
*يتبــــــــــــــــــــــــــــــــــــــــــــع*

*#قلوب_تائهه 《46》*💔
*#الاخيـــــــــــــــــــــــــــــرة*
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*بعد مرور العديييد من السنوات..*

يقف بقامته العشرينية..ممسكاً بصورتم الجماعية..يتأمل ملامحهم التي يحفظها عن ظهر قلب..
يثبت نظره علي عيني والده..الفرحة تبدو جليية فيهما..لطالما ظن ان والده يحب والدته كثيراً..ولاكن اكثر صدقاً كان يرى هذا الحب وااضحاً في تصرفات والده..نقل بصره لوالدته المتشبثة برقبة ابيه..يبدو انها تعشقه هي الآخرى..
قطع شروده صوت اخته وهي بتصرخ ب:عبداللللله
التفت عليها بنفزته المعهودة قائلا: قمر ي زفتة انتي كم مرة قلتا ليك م تكوركي؟
قمر:عبداللّه اتكلم مع اريل دي يااااخ
عاين لاريل وقال:مالك معاها انتي كمان؟
اريل:مالي؟ اختك شالت حلقي وابت تديني ليهو
قمر كوركت:دا حلقققيييي اناااا
عبداللّه وهو بخت يدو في اضانو:م تكووووركي قلناا
اريل:اديني حلقي ي قمرر
قمر جات ورا عبداللّه وقالت:ماااام دا حقييي انا
عبداللّه:كدي اشوفو وانا بعرفو حق منو فيكم
قمر رفعت ليهو يدها عشان يشوف الحلق..عاين للحلق عشان يعرفو بتاع منو فيهم بس لفت انتباهو الحركة السريعة القدام باب الغرفة..اتحرك عشان يمشي عليها بس قمر انتبهت ليهو سرريع وجرتو من يدو وقالت:عبداللّه شوفو دا بتاعي انا
جرا يدو منها وهو بقول:دقيقة ي قمر
ومشا علي الباب لمحها بتطلع من باب الصالة ووراها اسيف وفنن
كورك:بطططة
وقفت وغمضت عيونها لأنو عرفت انو كشفها ح يكون..
جا عليهم وهو عاقد حواجبو..تقريبا فهم انو هي عاملة شي غلط ورسلو ليهو قمر واريل عشان يغفلوهو
جراها من يدها ولفتها عليهو طير عيونو بخلللعة لمن شاف فستانها..كان اوف شولدر ملصصصق مع الجسم فيهو شريط فوق بالفضي فاكة شعرها متروجة روج اسوود
كورك:دا شنو العاملاهو في نفسك دا؟
فتحت عيونها وقالت بخوف:عبداللّه..انا انا
غرز اصابعو في كتفها:انتي جنيتي باين عليك..خشي جوا غيري الزفت الابساهو دا
بطة بخوف:هسي فستاني دا مالو؟ عليك الله خليني اطلع بيهو
كورك اكتر:انتي جنيتي؟ عايزة تطلعي وصدرك كلو برا؟
بطة:هسي وينو صدري كلو برا..عبداللّه..
قاطعها:قسما بالله العظيم ي بطة م تدخلي تغيري الزفت دا انا اشرطو ليك
بطة كوركت:بس انا م عايزة اغيرو انا عاجبني كدا
مسكها من فكها التحت وقال وهو ضاغط علي سنونو:وانا عايزك تغيريهو..وكلامي ح يتسمع
فكاها وهو بقول:سريع غيري العفن الابساهو دا
ضربتو في صدرو وقالت:الله ياخدني انا عشان ارتاح وانت ترتاح
وفرر جرت لفوق عشان تغيرو..
خلخل اصابعو في مقدمة شعرو واتنهد وطلع برا وهو زهجان..


بجاي بطة جارية لفوق كدا طقشت ليها مرا في نهاية الخمسينات..
المرا:بسم الله عليك ي بتي مالك جارية كدا؟
بطة اترمت في حضنها وقالت:انا تعبتا من عبداللّه دا..تعبتا والله
المرا حضنتها وقالت:مالو معاك؟!
بطة:قال لي ارجعي غيري الفستان..هو م شايف باقي البنات كلهم لابسنو يعني؟
المرا ابتسمت ليها:ي عويرة عبودي من حبو ليك بعمل ليك كدا..عشان بغييير
بطة خجلت طبعا نزلت راسها وهي بتمسح في دموعها
المرا:امشي غيري انتي وانا وحياتك م ح اخليهو ود الكلب دا

بطة ضحكت:الليلة ي خالتو دانة بكلم ليك عمو امجد
دانة ضحكت:كلميهو
بطة ضحكت وباست دانة في خدها وقالت:حبببك انا ي خالتو لولاك م كنتا عارفة ح اعمل شنو
دانة ضحكت:وانا كمان بحبك ي مرة ولدي😉
بطة نزلت راسها:ولدك عذبني عذاب لكين
دانة رفعت ليها راسها:من حبو وغيرتو عليك بعمل كدا
بطة اتنهدت ودخلت غرفتها عشان تغير الفستان...من هي صغيرة وعت علي الجملة دي...عبداللّه يشاكلها ويبكيها ويقولو ليها من حبو وغيرتو عليك بعمل كدا..
برا في الجنينة...
جات مارة بجنب امها وخالتها ران
امها نادتها اول ما وصلتها قالت ليها:اسيف ي بتي ما كان تلبسي ليك طرحة تغطي كتافينك ديل
اسيف صرت وشها:لا ي مام منظر الفستان ح يخرب
ألين:اها ي بتي ابوك لو شافك م برضي
ران وهي بتصلح لاسيف في الفستان:م تلبسي اي طرحة..كدا عسل بس
اسيف:وبعدين ي ماما هديل البنات كلهم لابسين نفس الفستان
ألين:انتي لكين ما شاء الله صحتك حلوة عشان كدا كان تلبسي طرحة
ران:هي ي ألين م تقعدي تقولي ليها صحتك حلوة صحتك حلوة لمن تعملي ليها عقدة..البت حلااتا وقوامها حلو
اتلفتت عشان تفتش زول كدا لمن شافتو واقف مع باقي الشباب نادتو لمن جا قالت ليهو:تعال ي ولدي اتصور مع مرتك عاين ليها طالعة مزة كيف
عاين ل اسيف لقاها مدنقرة راسها
قال:خليها بعدين ي امي
اسيف رفعت راسها سرعة
ران ضربتو في صدرو:ي ود بلا بعدين معاك..ارفع التلفون دا
فعلا فتح التلفون ورفعو..ران جرت اسيف وقفتها جنبو...
طبعا هو مرتببك لمن التلفون برجف واسيف دي م قادرة ترفع راسها للكاميرا..
من هي صغيرة قامت علي فكرة انها لفهد "ولد ران" وانو ليها..لمن لقت روحها بتخجل منو م بتقدر تتكلم معاهو او تاكل قدامو او كدا...

الاضواء مطفية وعدا ضو خفيييف مسلط عليهم..
مسك يدها البترجف من التوتر ولبسها والخاتم..مدا ليها يدو وهي برجفة لبستو الخاتم..
باس يدها مسااافة وقال:مبروك الخطوبة ي مليحتي
عاينت ليهو وابتسمت بتوتر
قرب وشو منها وقال:عيونك حلوة من غير نظارة
زحت لورا شوية بتوتر وهمست ليهو:راكان
قرب اكتر:عيونو لراكان
مليحة:قعد يعاينو لينا
ضحك وخطف بوسة سريعة من خدها..
الشباب قعدو يصفففروووو ويكوووركو..


واقفة وبتعاين ليهم مبتسمة..رفيقة دربها بتتخطب من حبيبها البتحبو..
سمعتو بهمس باسمها جنب اضانها الشمال اتلفتت علي الجهة الشمال لقتو وقف بيمينها..
عاينت ليهو وقالت:الحارث
ردا ليها بحالمية:عيونو
عاينت قدامها..عاين ليها مسااافة ليها فترة بتحاول تتجاهلو
قال ليها:ممكن اعرف بتتجنبيني كدا ليه؟
م ردت ليهو
مسك يدها وقال:دا كلو عشان بحبك؟!
جرت يدها منو سرييع وقالت:لا عشان انت شكلك جنيت وم ناوي تعقل
الحارث:جنيت عشان بحبك؟!
قالت ليهو:طبعا..لمن تحبني وانا اكبر منك بسنة تبقى جنيت
الحارث:فرح الحب م بحكمو عمر..الرسول صلى الله عليه وسلم عرس السيدة خديجة وكانت اكبر منو
فرح:عليه افضل الصلاة والسلام..بس لا انت الرسول ولا انا السيدة خديجة ولا زمنا زي زمنهم
الحارث:ليه مصعبة الموضوع كدا؟
فرح:لانو فعلا صعب..الموضوع م زي ما انت شايفو بنظرتك بتاعة الفنانين الحالمين ديك..فتح عيونك واطلع من عالم الفن الوهمي الحابس فيهو روحك دا..في العالم الواقعي الحب م اي شي..الحب بتقيدو اسس وعادات وتقاليد ي فنان
الحارث:لا ي فرح..اي اتنين بحبو بعض م محتاجين فير الحب..الحب كافي جدا عشان نعيش بيهو حياة كاملة سعيدة..بعيدا عن المجتمع والعادات والتقاليد
عاينت ليهو وم ردت
الحارث:طول حياتي برا ولمن نزلتا السودان هنا مف وحدة لفتت انتباهي زيك..قلبي دا م دقا لغيرك..ببساطتك وابتسامتك العفوية كلامك وصوتك الواطي..حتي لبسك الالوانو فاتحة دا حبيتو..تفاصيلك كلها بتدفعني للجنون ي فرح
فرح وهي بتحرك راسها نظام يخسااارة:البتعمل فيهو دا جنن..انت كدا بترمي نفسك للهلاك
وكانت عايزة تمشي كف مسكها ولفاها عليهو وقال:الجنون انك تكوني بتحبيني وتكابري عشان المجتمع القذر دا..الجنون انو عيونك البلمعو لمن تشوفيني ديل ينومو يوم بعيد عني
لزتو وهي بتقول:فكني...داد لو شافك م ح يحصل خير
فكاها وقال:اتجاهليني قدر ما بتقدري بس اعرفي انك في نهاية مردك لحضني دا
مشت خلتو..الود دا مجنون بالجد وعايش ليهو في عالم وهمي..ختت يدها في قلبها البدق بسرعة..حرفيا قلبها طار من اول مرة شافتو فيها لمن جا من ماليزيا يقرا الجامعة هنا..بطولو الفاارع وشعرو الكتير الرابطو لورا بباندة وفرشة الرسم الدايما بكون شايلا ديك..
*احساس يحبك رسام ويرسمك في كل لوحاتو😪🖤*...




امجد-دانة
(عبداللّه/20 سنة
قمر/16 سنة)

فهد-ألين
(اوس/20 سنة
اسيف/18 سنة
اريل/16 سنة)

احمد-نسرين
(فرح/22 سنة)


رامي-شهد
(راكان/24سنة)

وليد-وعد
(مليحة/22سنة
الحارث/21سنة)

ياسر-عبير
(نعمة/18سنة
علي اسم امها)


انس-ران
(فهد/20 سنة
فنن/18سنة)

واقفة قدام مرايتها وبتحاول تقفل السستة بتاع الضهر الفي الفستان..ضربت رجلها في الارض بزهج لمن سمعت صوت الصفافير من برا..اكيد ح يكونو لبسو الختم...افففف ي عبداللّه دايما خارب ليها لحظات حياتها..
حست بيهو بمشي يدينو في طولو ضهرها من فوق لتحت..حست بكهربا بتسرى في جسمها لمن ختا يدو في نهاية ضهرها..مسك السستة بيدو التانية..غمضت عيونها وهي بتحس بيهو بقفل ليها في السستة براااااااحة... قفلها وحاوط خصرها بيدينو..غزا وشو في رقبتها..اخد مسااافة من غير ما يتكلم..
فتحت عيونها لمن سمعتو بقول:نعمتي
عاين ليها بالمراية وقال:زي كل مرة..انا اسف وانتي قلبك مسامح
غمضت عيونها وهي بتحضن يدينو حولين خصرها لمن رجع غزا وشو في رقبتها...
حتقول شنو؟!..قلبها م عندو قول بعد قولو..وزي ما قال..زي كل مرة هو اسف وهي قلبها مسااامح....


ـــــــــــــــــــــــــــــــــــــــــــــــــــــــــــــــــــــــــــــــــــــــــــــ
*النهــــــــــــــــــــــــــــــــــــــــايـــــــــــــــــــــــــــــــــــة..*


*النهايات ليست نهايات..بل ماهي إلا بدايات لقصص آخرى تختلف في الشكل وتتفق في المضمون..بأشخاص آخرين بمكان وزمان آخران..ليست بنفس التفاصيل ولا بنفس الأحداث،لكنها حتماً بنفس ذات القلوب التائهة...*

*mosha🌸✨*

📖 اذا انتهيت من قراءه الروايه اضغط علي #لايك 👇 واذا حصلنا علي #مائتي (200) لايك سوف نقوم بتنزيل روايه #جديده

*#وبنغلط《01》💖*
*#بقلم_لينه_جمال*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*10:30 مساء.. الطائف في احدى الشقق ..*

لما : يعني طلعته انا الغلطانه ؟ سبحان الله
جاسر : ابدا ما غلطانه ..انا الغلطان ي لما انا الغلطان 🙂
... غلطان لأنك اتزوجتني صح ندمان يعني طيب مالك اتزوجتني من البدايه ااا وريني
... اللهم طولك ي روح اسمعي انا طالع ولو اتأخرته نومي وما تتصلي لي تمام
(شال تلفونو ومفتاح عربيتو وطلع )
... جاسر اقيف حتخليني براي يعني جااسر 😠

جاسر طلع وما اشتغل بيها لما قعدت في الارض وهي بتبكي بعد ربع ساعه متواصله من البكا اتصلت لي علا صحبتها شديد واخت جاسر في نفس الوقت

لما وصوتها متحشرج من البكا : علا تعالي لي سريع
علا : بسم الله ف شنو ي لما جاسر حاصله ليهو حاجه؟ 😳
لما : م عارفه بس تعالي سريع الله يخليك
__ طيب ثواني وبكون عندك

علا لبست عبايتها وشالت مفاتيح عربيتها وطلعت وهي طالعه لاقاها منذر ود خالتها
منذر : وين ان شاء الله
علا : وانت مالك🙂
منذر : كيف مالي انتي بت خالتي ولي الحق اسألك ماشه وين وجايه من وين كمان خايف عليك
علا وهي بتقرب منو وتمد بتطقطق ليهو : اسمعني هنا اذا ابوي م بسألني جاي تسألني انته وما تنغمس في دور الاخ المتحكم دا كمان اوكي
منذر مسكها من ذراعها : ليه بتعملي فيني كدا وانتي عارفه مشاعري تجاهك
علا وهي نفضت يدها ومدت سبابتها: اياك تمدها تاني اياااك والا بترجع مقطوعه
منذر : بتعملي دا كلو عشان الزفت داك صح
علا طنشتو وكملت طريقا وقبل تطلع قابلت امها
علا ف سرها : "اهو الناقصه تمت "
صباح : على وين يا بت زي الوقت دا
علا : ماما .. لما اتصلت علي و..
صباح : لماا اوعك تمشي اقلعي عبايتك دي سريع واترزعي نومي
-- بس ي ماما هيا...
-- بلا بس معاك وقسما بالله تعبتي باب البيت دا م اخليك
منير (ابو جاسر): في شنو ي ولية صوتك دا عالي كدا
علا : بابا لما قالت لي اجيها ضروري وماما قالت لي ما امشي يمكن حاصله ليها حاجه
صباح وهي بتطنطن بي تحت : " ان شاء الله تموت وتريحنا العقربه دي " تمرقي زي الوقت دا الناس يقولو علينا شنو يا منير وبعدين لما دايرة بيها شنو كمان البيت غير المصايب والكلام م جايبه لينا حاجه
منير : انا بوصلها وبجيبها وانتي ي صباح خشي جوه عندي معاك كلام بعد اجي😒

منير وعلا طلعو وصباح تكورك وتداعي في لما .. المسافه م كانت بعيده زي 10 دقائق ووصلو البيت
علا : ما نازل ي بابا
منير : لالا شوفيها عاوزه شنو وتعالي سريع عشان امك دي م تعمل لينا موضوع تاني
علا : اوكي
علا نزلت ودقت الجرس وكالعاده لما كانت في حالة يرثى لها علا ختت يدها في شفايفها وهي بتشهق لما دخلت وهي جات داخله وراها قعدت في الكنبه وختت يدها في وشها وبدت تبكي تاني علا حضنتها عليها وهي بتهدي فيها
علا : تاني مشاكل مع جاسر صح ؟😑💔
لما وهي بتبكي وتشهق: اعمل ليهو شنو يعني هو دايما بحب يضايقني
علا زحت ليها يدينها من وشها ومسحت ليها دموعها
علا : عيني في عينك كدا البدا النقاش منو
-- هو والله هو البدا
-- طيب احكي لي الحصل شنو بالتفصيل
-- طيب قبيل في اللمه كنت بلم في العده مع عرفه(الشغالة) جات وحده من اهلكم ديل قالت لي لو سمحتي سوي الشاي سريع الناس ديل طالعين انا م افتكرتها قاصده حاجه عملتو مع عرفه انا شلته صواني الحريم وعرفه مشت تنادي واحد من الاولاد المهم اثناء م بكب في الشاي للحريم في واحده قالت لي ي بتي انا البت الشغاله معاي في

البيت امها اتوفت وقالت تاني ما اظن تجي لو عندك ايام فاضيه فيها تعالي لي عليك الله وبديك رقمي انا اللحظه دي دموعي جات جاريه قلته ليها عفوااا بس انا ما بشتغل في البيوت قالت لي طيب انتي منو قلته ليها مرت جاسر المرا نططت عيونا قلته ليها وانتي منو القال انا شغاله هنا سكتت مسافه وقالت لي صباح قالت لي كدا انا طوالي طلعته من البيت وجيت هنا جاسر اتصل لي وقال لي انتي وين قلته ليهو في البيت قفل وجا قال لي مالك مشيتي قلته ليهو انا ما بقعد في بيت بهينوني ويزلوني فيهو بالطريقه دي قال لي في شنو حكيت ليهو الحصل قال لي انتي كنتي بشكلك دا هناك قلته ليهو يعني انا الغلطانه قال لي ابدا انا الغلطان وطلع قال لي نومي وما تنتظريني 💔 اها وريني الغلطان منو انا تعبته يا علا تعبته من امك واخوك والبعملوهو فيني

علا مسكتها من يدها ومشت بيها لفرفتها ووقفتها في المرايه
علا : لماا كدي شوفي نفسك انتي اتعيرتي كتير ي لما شوفي القميص اللابساهو دا حبوبتي الله يرحمها ما كانت بتلبس زيو وشوفي وشك دا عامل كيف زي المرا الحامل في الشهر التامن "مسكت خصل من شعرها" وشوفي شعرك اتقصقص كيف وواقف زي الضارباك كهربا .. في شنو ي لما الحاصل شنو البشوفك قبل كم شهر ما يشوفك هسي كل يوم عاملة مشكله مع راجلك ولاتفه الاسباب ومشكلتك راسك قوي وما بتعترفي بغلطك .. عارفه انا ما بلوم جاسر ابدا لو مشا واتزوج عليك ما عشان اخوي وبدافع ليهو بس انا بقول الشايفاهو اي واحد مكانو كان عمل كدا 🙂💔 وامي اصلا ما جديده عليك حركاتها دي .. حاولي ارجعي زي م كنتي ي لما الله يخليك
لما كانت بتبكي لأنو كانت عارفه اي كلمه قالتها علا صح قبلت عليها
لما : كلامك صح انا غلطانه
علا : ولازم تصلحي غلطك قبل ما جاسر يشوف وحده تانيه " وضحكت"
لما وهي بتضربها في كتفها : في عينك ي جزمه جاسر مستحيل يعمل كدا
وقبل ما علا ترد باب الشقه فتح وجاسر جا داخل لما مسحت دموعها سريع وعلا استأذنت وطلعت .. جاسر دخل جدع مفاتيحو وتلفونو ورقد نام لما جات راقده جمبو قبل ع الجهه التانيه ... كلام علا بقا يتردد في اضانها وخصوصا " انا ما بلوم جاسر ابدا لو مشا واتزوج عليك " قامت من جمبو ومشت الحمام بقت تبكي وتغسل وشها لما صوتها طلع جاسر جا وقف ليها جمب الباب لحدي م طلعت لما جات طالعه وشافتو
لما وصوتها شبه رايح : اسفه
جاسر : نعمم قلتي شنو " استغرب لأنها م حصلت غلطا واعتذرت ليهو "
لما ختت راسها ع صدرو وبقت تبكي تاني : اسفه اسفه
جاسر ضماها عليهو وكأنو م مصدق : خلاص م تبكي حبيبتي خلاص انا البعتذر الله يخليك كفى
لما : انا عارفه نفسي غلطانه وبوعدك ارجع زي الاول بس ما تتزوج علي انا بحبك يا جاسر وما بتحمل حاجه زي دي 💔
جاسر مسكها من حنكها ورفع ليها راسها : ومنو القال ليك انا حأعمل كدا
لما : ماف زول بس اوعدني ما تعملها
جاسر : طيب انتي متوقعه اني ممكن اعمل كدا في يوم ؟
لما : بس اوعدني
جاسر : حبيبتي لو جابو لي ملكة جمال العالم هنا وخيروني بينك وبينها بختارك انتي ما تفتكري عشان الايام دي.. بتسموها شنو انتو البنات اهاا منفسنه ممكن اعاين لغيرك انا غيرك ما شايف وعيوني تتقلع لو عاينته لوحده غيرك 💜
لما : عارفه نفسي غلطانه اسفه

((نتعرف ع الجماعه الطيبين ديل .. لما وجاسر متزوجين ليهم 4 سنه اتزوجو عن حب طبعا💕 *لما 24 سنه بنوته قصيره وحلبيه عندها وجنه بالجهه اليمين من اقل شي بتظهر .. خجوله ووشها برئ جداا بتحب جاسر حب ما طبيعي والشي دا بخليها تغير عليهو من اقل شي ابوها متوفي وعندها اخو واحد مهندس ميكانيكي وهو الكان بصرف عليها هي وامها ووضعهم ع قدر حالهم ...*

*جاسر 31 سنه طويل اسمر حلااتو عندو سكسوكه تقول يا انا👋👋 عندو اختين عهد متزوجه وفي الامارات وعلا خريجة ادارة اعمال وبتشبهو شديد ..جاسر شغال مع ابوهو في شركتهم وعلا حتلحقهم بعد فتره قصيره .. صباح ما كانت موافقه ع زواجهم حسب فهما بتقول انو لما ما مستواهم وكانت عايزه ليهو بت خالتو 💔*
......

*10:30 الرياض*

كانت شايله بتها حلا العمر سنه ونص بيد وهي بتبكي وماسكه التلفون بيدها التانيه ببتكلم مكالمة فيديو
مها : طلال شوف لي حل للموضوع دا انا ما قادره والله ... خلاص حبيبتي م تبكي
طلال : ي مهاا افهميني الوضع حاليا مختلف انا ما صدقته رقوني ووصلته الحته دي عايزاني اجي راجع
احمد وهو بكورك : مامااااا شوفي حنين اخدت التاب بتاعي
حنين وهي بتكورك بنفس الطريقه : بسيلو مث انته ابيت تديب لي تيول الدنه 😾😾
مها : شايف.. شايف الحاله الانا فيها دي قسما بالله انا ما فضل لي الا ابكي معاهم طلال عليك الله ارجع😭😭
طلال : عايني حبيبتي انا عندي اجتماع بعد ساعتين المهم انتي حاولي خليهم يخافو منك ما تقومي ترعبيهم كمان بس بالطريقه التخليهم يحترموك بيها وبوسي لي اي واحد فيهم تمام يلا باي حياتي❤️ "وقفل"

مها : طلال لا ما تقفل .. اااوف ياه
بقت حلا تكورك بجهه واحمد عمرو 8 سنه يكورك بجهه وحنين عمرها 5سنه تحضر وتكاوي في اخوها وتضحك فيهو بجهه
مها : لا انا خلاص فاض بي ... "وفجأه علت صوتها بطريقه مخيفه وبدت تبكي" هووووس ولا كلمه ما عاوزه اسمع اي صوت ما ممكن معاكم ياخ اليوم كلو صراخ في صراخ في صراخ💔
اطفالها من شدة الخوف لما اتخلعو واي واحد بعاين للتاني حتى حلا سكتت والمكان بقى هادي الا "وجهي للسماء انا وجهي للسماء انا عندي عينان للاعلى تنظران" .. دخلت جوا الغرفه جدعت حلا في السرير وختت ايدينها ع وشها وبقت تبكي بعد اقل من عشره دقائق جوها احمد وحنين
احمد : ماما احنا عرفنا نفسنا غلطانين اسفين خلاص ما تبكي
حنين زحت ايدينها مسحت دموعها وباستها وابتسمت ليها: انا علطته بلدو واثفه
مها عاينت لوجوهم البريئه وضمتهم عليها " بالجد مجرد ابتسامه بريئه من طفل كفيله بأنها تخليك تنسى الدنيا وما فيها💙💙💙"
احمد : ماما انتي بتقولي لي دايما خليك قوي وما تخلي شي يبكيك طيب لي انتي بتبكي
مها مشت يدها ع شعرو : ماف شي ي روح ماما ماف شي
فجأة مها عاينت لقت حنين نامت ع يدها
مها : الليله ساهرتو حبايبي وانت ي احمد يلا ع النوم
رقدتهم في غرفتهم وجات هي رقدت واتصلت ع فادي اخوها
مها : وين انت اتأخرت
فادي : اي خلاص ربع ساعه واكون وصلته
مها : طيب انا حأنوم حتلقى العشا جاهز تمام
فادي : حاضر بس كأنو صوتك م تمام
مها : مبادئ التهاب وكدا
فادي : خلاص بغشى الصيدليه اجيب ليك مضاد حيوي
مها : لا ما بحتاج بشرب ليمون دافي وبتروح
فادي : تمام

فادي قفل من اختو وعمل مكالمه تانيه
علا : اهلا
فادي : كنتي وين بتصل
ليك ما بتردي
-- كنته مع حلا ونسيت اخد تلفوني
-- مشا معاك منو ؟
-- بابا
-- اممم والولد دا اتكلم معاك تاني؟
-- لا بتحاشاهو بس
-- اي احسن ولو ضايقك شديد كلميني بس انا بتصرف
-- ما تتناقش معاهو خليه لما يزهج
-- علا انا ما مطمن للولد دا نهائي هو مش مؤجز ما راجع اهلو ؟
-- تقريبا حيمشي بعد يومين
-- تمام احسن .. يلا حبيبي انا سايق
-- طيب تصبح ع خير
-- وانتي بخير

*" مها شابه ف عمر 26 اتزوجت قبل 9 سنوات وعندها الكتاكيت الفوق ديل زوجها طلال كان شغال ف الامارات ونقلوهو بريطانيا نسبة لخبرتو .. اخوها فادي30 سنه قاعد معاها امها متوفيه وابوها متزوج وقاعد ف قطر .. مها بنت سمراء ما طويله ولا قصيره يعني طولها مناسب لعمرها بتحب اطفالها شديد لكن مجننها جن زي ما شفنا قبل شويه لكن قدام ابوهم وخالهم سكتم بكتم ما بقدرو يعملو شي "*
..............................

*10:30 ام درمان في واحد من البيوت العاديه*
مكون من حمامين ومطبخ وعريشه بتدخلك لي غرفتين وهول ما كبير العريشه فيها زيرين واربعه سراير وتلفزيون وتربيزتين صغار.. جا داخل شايل اكياس ف يدو دخلها المطبخ ومشا يشرب مويه من الزير لقا حجه فتحيه راقده جاب بطانيه غطاها لأنو الجو كان بارد حبتين وقفل التلفزيون وبقا بنده ع اختو
قيس : غفران يا غفران
اما هي كانت راقده ف غرفتها متغطيه وبتبكي كاتم صوت ..لما سمعت صوت اخوها مسحت دموعها وحاولت تخفي بحة صوتها من البكا الكتير وقامت
قيس جا داخل ورغم محاولات غفران انها تخفي اثر البكا الا انو عرفها
قيس : بتبكي صح🤦‍♂
غفران : لا بتثأب و..
قيس : بتكذبي علي انا؟
غفران قعدت ف السرير وذادت البكا : راسبه
قيس : ودا سبب يخليك تبكي للدرجه دي ؟
غفران : قيس بقول ليك راسبه
قيس : راسبه مجموع؟
غفران : لا فيزياء بس
قيس : ويعني.. دا امتحان تجريبي عشان تعرفي نفسك الواقف ليك شنو ما عشان تيأسي وتعزي كدا
غفران : انا حاولته لكن ما قدرته ابت تتفهم لي نهائي كل ما احاول ما بقدر
قيس : لأنك خاته في بالك الحاجه دي كدي قولي بسم الله وابدي من الاول وشيلي من بالك الاوهام دي وقولي انا حاقدر ولو ما فهمتي بعد دا انا حأجيب ليك استاذ
غفران : استاذ لاا .. انا قلته ليك قبل كدا ما عاوزه اي استاذ براي بجتهد وبجيب بي حقي
قيس : طيب نسبتك كم؟ وجايبه ف الفيزياء كم
غفران : 86.8 والفيزياء 46
قيس : حلو طيب بس شدي حيلك شويه
غفران : ان شاء الله
قيس : كلمتي امك؟
غفران : لاا
قيس : طيب كلميها عشان لو عرفت حتزعل منك
غفران مسحت دموعها وابتسمت : طيب
قيس بعد اتثأب : انا هلكان الليله حأمشي انوم تمام
غفران : اوكي تصبح ع خير
قيس : وانتي بخير ❤️ واوعك تقري بعد الوقت دا الساعه 11 جات ما حتستوعبي حاجه
غفران : طيب

قيس طلع بي جاي غفران مشت ع تربيزة القرايه بتاعتها ومسكت كتاب الفيزياء اخدت نفس عميق : حأقدر ان شاء الله
فتحت الكتاب وجابت كراسها وقلمها وبدت تقرا ...

قيس طلع منها ومشا غرفتو رقد طلع فونو وفتح صورتها وكالعاده سرت رعشه ف جسدو وهو بعاين ليها لا اراديا لقا دمعه بتنزل ع انفو لأنو كان راقد بالجمبه مسحها سريع وهو بقول : ربنا يسعدك وين ما كنتي .. عارف نفسي ما عارف نفسي غلطتا في شنو عشان يحصل كدا

*قيس 26 سنه شاب هادئ وخجول شويه* امو وابوهو اتوفو .. ابوهو حاج الطيب قبل ما يتزوج امو كان متزوج فتحيه جاب منها 3 اولاد وبنت اللي هي غفران حاج الطيب ما كان مكلم مرتو ولا اولادو بزواجو من حنان(ام قيس) وبعد عرفو زعلو شديد واي واحد فيهم لام ابوهو وقررو انو ما يقعد معاهم ف البيت ويمشي لي حنان لكن فتحيه رفضت وابت تخليهو اولادها طلعو ابوهم من البيت وقالو لي فتحيه لو عاوزاهو الحقيهو فتحيه رضت بالامر الواقع وقعدت مع اولادها والوقت داك غفران كانت لسه صغيرن ولدها الكبير بعد اتخرج سافر هو واخوهو الاصغر منو وما كانو برسلو ليهم مصاريف ولا حتى بسألو منهم واتزوج هناك واخوها الفي الثانوي اتوفى فاضطر الطيب ياخدهم ويسكنهم مع حنان وولدو قيس الكان عمرو 14 سنه غفران كان عمرها 5 سنوات..حنان وفتحيه كانو متفاهمين البشوفهم ما بقول ضرات بعديها بفتره ما طويله حنان والطيب عملو حادث واتوفو وبقو عايشين فتحيه وغفران وقيس هو الكان بصرف عليهم الوقت داك كان امتحن لسه ما امتحن شهاده .. وحاليا غفران ممتحنه عمرها 17سنه وبتقرا ف مدرسه قوية شديد لأنها جابت نسبه كبيرة في تامن فقبلوها مجان .. وقيس عمرو 26 سنه وكل فترهه بشغل جديد م ثابت يعني
قيس شاب طويل اسمر شايل ملامح ابوهو وعيونو الواسعه وهداوة امو
..........

*10:30م الرياض*
صابرين : امل انتي متأكده انك فكرتي في الموضوع دا كويس؟

امل : ايوه فكرته
صابرين : طيب و...
امل بأنفعال : ما عاوزه اسمع سيرتو تاني والا ما بحصل خير فاهمه
صابرين : طيب سكته.. انا اتأخرته راجعه
امل : طيب
صابرين طلعت امل رقدت واتذكرتو
امل : ممكن اعرف ليه بتقول لي مدرستي وكمان مسجلني بي مدرستي كمان؟ 😒💔
قيس : لأنك انتي مدرستي بتوريني الصح من الغلط مدرستي الما في نفسي يوم اطلع منها نهائي ولا افارقها💜
مسحت دموعها لما حست بزول دخل الغرفه
ريان : امل ؟
امل : مالك
ريان : بابا قال عايزك
امل قامت من السرير : طيب ماشه

امل قامت ومشت لي ابوها
منتصر : يا بتي انا مبسوط شديد لأنك وافقتي صدقيني حسان حيخليك اسعد انسانه ف الدنيا وما حيحوجك لي حاجه
امل : ان شاء الله
منتصر : بكر عمك منير وناس بيتهم جايين كلمي امك عشان انا بايت ف الشغل
امل : لما جايه معاهم؟😍❤️
منتصر : ما عارف والله
امل : اووف ان شاء الله تجي ياخ

*امل 21 سنه بتدرس علم نفس وعلاقتها مع قيس اتجاوزت ال3سنه لحدي ما حصلت الحاجه الخلتها تقطع علاقتها مع قيس نهائيا*
........................

*10:30م الطائف احدى الفلل الضخمه*
هندا : يعني ي بتي انتي عاجبك الحال دا امك قاعده وانتي قاعده بيت ناس خالك ما بنفع كدا ي نور
نور : ماما انا كلمتك انا ما مسافره يعني ما مسافره انتي جادعاني السنين دي كلها وجايه هسي تسألي مني
هندا : نور عيب الكلام دا منك انا سافرته واشتغلته عشانك انتي
نور : وانا ما ماشه قاعده هنا ومبسوطه الحمدلله انتي امشي لي راجلك وشغلك وانبسطي اوكي
هندا : دا اخر كلام؟
نور : وما عندي شي اقولو تاني

هندا شالت شنطتها وطلعت لقت هلال وبنتو حلا قاعدين ف الصاله
هلال : حصل شنو
هندا : ابت كالعاده
هلال : خليها ع راحتها كام مبسوطه كدا ما تضغطي عليها
هندا : حيجي يوم وحترجع
طلعت ودورت عربيتها ورجعت
حلا : انا ماشه لي نور
هلال : امك ما رجعت
حلا : قالت بترجع 11

حلا مشت لي نور لقتها ماسكه فونها
حلا : ي زفته
نور : مالك
حلا : قلتي لي امك شنو زعلانه كدا
نور : قلته ليها ما ماشه معاك
حلا : امممم طيب بكرا نمشي المدرسه؟
نور : بكرا النتائج صح
حلا : الليله العشره الاوائل اخدو وبكرا احنا
نور : قولك بننجح؟
حلا مطت شفايفها ورفعت اكتافها : ما ادري .. الليله غفران تبكي ساي عشان رسبت فيزياء
نور : وبعليااا يا حليلا ما تستاهل والله البت مجتهده شديد
حلا : نفسي اصاحبا البت دي
نور : لشنو
حلا سرحت واتكلمت : عشان ابقى زيها طموحه وعندي هدف ومثابره
نور فكت الضحكه : هههههههاي شنو شنو طموحه قلتي لي قومي قومي ي طموحه انتي خليني اخلط عليك الله مدرسة شنو وقرف شنو
حلا : سمح ي حيوانه
حلا طلعت وخلت نور وهي بتفكر ف امها السابتها من 16 سنه عند خالها وجايه تسأل منها هسي وبكت قدرتها
نور : انا تعبته من دور البت القويه تعبته ما قادره ليه بحصل معاي كل دا ليه؟؟ انا ذنبي شنو غلطته ف شنو عشان يحصل لي كل دا
صحت بصوت تلفونها عاينت للاسم "وضاح" مسحت دموعها وضحكت باستهتار وردت
نور : نعم
وضاح :وين انتي بدق عليك يومين ما بتردي يا بتفصلي
نور : لأني كرهتك وقرفته منك وما عاوزه اسمع صوتك دا تاني ولا اشوف وشك دا تاني فاهم
وضاح : بسم الله نور مالك؟

نور : ما مالي ولا شي وامسح رقمي دا واوعك تفكر تتصل هنا تاني
وضاح : طيب فهميني الحاصل شنو
نور : اوريك الحاصل شنو ؟ ياخ انا قرفته من نفسي لأني عرفتك امشي لي وصال العاجباك دي وتم معاها باقي قرافتك دي ي وسخ يا قرف انته "وقفلت الخط"
وضاح : عرفت من وين دي ومنو الوراها معقوله نور تمشي كدا بدون حتى ما المسها نو نو مستحيل هههههه

*نور 17 سنه ابوها اتوفى قبل ما تتولد وامها بعد ولدتها ب3سنين اتزوجت وخلتها مع هلال اخوها وخال نور سافرت قطر مع راجلها وبعد فترة اشتغلت دكتوره هناك وكانت بترسل ليها المصاريف نزلت شافتها كم مره لكن ما اخدتها معاها وحاليا قررت تاخدها لكن نور رافضه بتاتا .. نور بنت انطوائيه شويه يمكن بسبب امها الاتخلت عنها وابوها الما كان معاها صح خالها موجود ومرتو نهله موجوده بس ما كانو قادرين يسدو مكان امها وابوها تماما .. رداحه درجه اولى وما بترضى الغلط نهائيا ..*


*"نعم اخطأت ولكن عقوبتي كانت اكبر من ذنبي نفسه وهل من كان حق ابن ادم الا يخطئ ابدا؟💔"*

--------------------------------------
---------------------