*#قلوب_تائهه 《37》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*بعد مرور شهر...*
جا داخل جناحو وهو بفتح في زراير القميص..فتح الدولاب شال هدومو وكان عايز يقفلو كدا..لاحظ للظرف القاعد فوق هدوم شهد..
شالو عشان يشوف فيهو شنو..عقد حواجبو باستغراب لمن شافو انو من المستشفي..

اتلفتت وراهو ختا هدومو في السرير وفتح الظرف..وبدا يقرا..الدينا كانت صاااانة بس صوت المكيف..
لكين هو كان سامع صوت دقات قلبو الزادت بمعدل 700 دقة في الثانية..
عيونو كانت بتمشي وتجي في السطور..وحواجبو معقووودة..وحبات العرق بدت تتكون بين خطوط جبينو...
دا شنو البقراهو دا؟!..دي اوراق زول مريض ب ارتخى في عضلات القلب..وحالتو متأخرة كمان..ولازماهو عملية مستعجلة خلال اسبوع او اسبوعين بالكتير شهر...
رفع عيونو تاني عشان يتأكد من اسم المريض... "شهد عبدالفتاح العين"... قراهو مرة واتنين وتلاتة واربعة..وكان مستعد يفضل طول عمرو بقراهو..لحدي ما سمع صوتها بتفتح الباب وتدخل..
شهد طبعا نفسها كان قايم من طلوع السلم..الحِمل مع مرضها تعبها شديد..كانت خاتة يدها في قلبها لأنها مفتكراهو ح يكون في الحمام..اول ما شافتو نزلت يدها سريع..

جا عليها بخطوات غاضبة وهو بقول:دا شنو؟!
بعلت ريقها وقالت:رامي انا..
كورك:انتي وحدة كذابة وم عندك ضمير..كيف تخبي عني حاجة زي دي
شهد اتخلعت..تقريبا دي اول مرة في حياتها تشوفو بكورك..
همست ليهو:خليني اوريك..
قاطعها وهو بكورك اكتر:م توريني..توريني هسي ليه؟..اسكتي ودسي عني زي ما كنتي داسة الشهور دي كلها..
عيونها اتملو دموع و نزلت راسها
جا عليها غرز اصابعو في كتفها وقال:داسة عني وخلاني زي الطرطور داخل وطالع ساي
شهد عاينت ليهو ودموعها جارين وقالت:اسفة
رامي فكاها وضحك بسخرية:هه..اسفة عشان دسيتي عني مرضك ولا عشان ح تمشي تخليني؟!
وفت فت فت طلع خلاها واقفة في نص الغرفة..قعدت في الارض وهي بتبكككككككككككيييي...

طلع ركب عربيتو وساقها..م عارف روحو ماشي وين؟! المهم يمشي حتة م فيها زول عشان يقدر يستوعب..يستوعب مرضها..يستوعب انها ح تمشي تخليهو..


ألين قاعدة في جناحها..وبتتذكر في الكلام القالتو ليها دانة تاني يوم عرسهم هي وفهد...
دانة:ألينو..م ح اقول معليش ولا ح اقول ليك ران وانس غلطانين عليك ولا ح اقول ليك انتي قوية واتجاوزي انس..لا
ألين عاينت ليها
دانة:لكين ح اقول ليك انو في اي حاجة كعبة بتحصل لينا ربنا بكون كاتب لينا جواها حاجة سمحة..ربنا بعوضنا ي ألين..بعوض بكانا ووجعنا وبجبر روحنا بعوضو..وانتي عوضك في القصة دي كلها انك اتزوجتي فهد..
ألين بس بتعاين ليها
دانة ابتسمت وكلمت كلامها:م بقول كدا عشان فهد اخوي لكين بالجد بالجد ربنا عوضك بفهد..حاليا م ح تفهمي كلامي دا وح تقولي اني منحازة لفهد وكدا بس لقدام..بعد تعرفي فهد كويس وتعيشي معاهو ح تفهمي كلامي دي وح تجي تقولي لي ي دندون كلامك صح
ألين ابتسمت ليها..عووض؟! فهد شكلو صعب ومن اول موقف ليهم سوا الحاجة دي ظهرت ليها..
دانة مسكت يدها:عايزاك تعتبري نفسك في بييييتك..من الليلة انا اختك الم ولدتها امك
ألين ابتسمت ليها وم اتكلمت...

اول ايام م كانت بتتكلم مع زول..م كانت بتاكل ولا بتطلع ليهم..بس حابسة نفسها في غرفتها...دانة لمن تلقى فرقة من الجامعة وكدا بتجي تتونس معاها..
وفهد..بعاملها كويس..كويس شديد..لكين كلامو معاهو كلو بس اكلي..اشربي..وبجيب ليها حاجاتها المحتاجة ليها..رسمي شديد لكين مريييح..

اتذكرت كلماتو القالها ليها قبل شوية..بعد جا داخل من الشغل لقاها قاعدة في البلكونة
قال:سلام عليكم
اتلفتت عليهو:وعليكم السلام
مشا دخل الحمام استحما وصلى وكدا وجا قعد جنبها
عاينت ليهو مساافة واتلفتت تعاين قدامها
قال ليها وهو بعاين قدامو برضو:م جايب خبرك
عقدت حواجبها باستغراب
كمل كلامو:حاليا بكون عايش ومبسوووط وم جايب خبرك وانتي هنا موقفة حياتك عليهو
ألين اتغاظت:م موقفة حياتي..اساسا م فارق معاي هو
فهد عاين ليها:دي حالتو م فارق معاك؟!..حابسة روحك في الغرفة ليك شهر لا بتطلعي لا بتشوفي زول..بتاكلي في اليومين وجبة وحدة بس..
نزلت راسها وهي بتتهند:م قادرة انساهو
فهد:حاولتي وم قدرتي؟
عاينت ليهو
كمل كلامو:حاولتي تمسكي تلفونك وتمسحي كل الحاجات البتخصو؟..حاولتي تنزلي تقعدي مع ناس البيت تحت وتضحكي وتتونسي معاهم؟..طيب الجامعة..حاولتي تنزلي الجامعة وتواصلي قرايتك؟!
كانت بتعاين ليهو لمن انتهي من كلامو اتفلتت قدامها واتكلت لورا في الكرسي
فهد عمل زيها وقال:حاولي وصدقيني ح تقدري..انا غايتو عندي مبدأ ماشي بيهو ومريحني شديد
عاينت ليهو باهتمام عشان تعرف مبدأو شنو
فهد ابتسم لاهتمامها وقال:عندي قناعة انو الحاجة لو ربنا كاتبها لي عمرها م ح تمشي لغيري..عشان كدا لمن افقد حاجة او اخسر زول بعرف انو ربنا م كاتبو لي

عاينت ليهو مسااافة وقالت:بس؟!
فهد رفع اكتافو ونزلهم:بس كدا..بهذة البساطة
بقت تعاين قدامها..وقف وهو بقول:علي العموم ناس امي عاملين قعدة قهوة تحت
عاينت ليهو
فهد:وعازمك يعني..فااا حاولي تعالي
ابتسمت ليهو..وحلاااتي ظررريف😂
مشا...


رجعت لواقعها..مسكت تلفونها وعملت زي ما فهد قال ليها مسحت رقم انس والشات بتعاعتو وصورو واي شي بخصو..
ختت التلفون وهي بتتنهد..وقفت علي حيلها وهي مقررة تنزل ليهم تحت..عاينت لروحها في المراية..العروسة المبشتنة😂 رسمتها بدت تبهت لكين لونها لسا مصفففر من الدخان..عملت شعرها ضنب حصان واساسا كانت لابسة بنطلون جينز كحلي وتيشيرت ابيض كبييير كدا اكمامو طويلة..كفكفت الاكمام ولبست شبب ريش ابيض ونزلت..

فهد اول ما شافها ابتسم..وشرب جغمة من القهوة..كان عارف انو ح تنزل.. عارف انو كلامو اثر فيها او بالاصح هي كانت محتاجة كلامو دا عشان كدا خلاها لمن تروق وقالو ليها...

وقفت وقالت ليهم:مسا الخير
عبير عمتها:يسعد مساك ي بتي تعالي اقعدي جنبي
دانة:احلي مساا ي جميل
ضحكت وقعدت بين حجة عواطف وعبير عمتها
حجة عواطف حضنتها:كيف حالك ي الحنينة
ألين ابتسمت ليها:كويسة ي حبوبة وانتي؟
حجة عواطف:بعد شفتك كويسة نصحتا تبب
(نصحتا= بقيت نصيحة)
عبير نادت الشغالة عشان تجيب لألين غدا لكين ألين قالت ليها:لا لا ي عمتو شبعانة والله
عبير:اجيي شبعانة اكلتي شنو؟
ألين:شبعانة والله بس عايزة اضوق قهوة دندون دي
دانة ضحكت:اخلي كباية كمان..قعدة خليجية علي كيف كيفك
ألين ضحكت دانة كبت ليها القهوة وبقو يتونسو...
اكتشفت انو فهد دا حاجة في منتهي الوبعلي..وبدت تفهم كلام دانة لمن قالت ليها انو ربنا عوضك بفهد...


*الساعة الحادية والربع مساءً..*.
جا داخل جناحو وهو بجرجر في كرعينو..
وقفت علي حيلها اول ما شافتو..عاين ليها..لسا م نامت؟! لسا منتظراهو؟!
كان عايز يمشي من غير م يتكلم معاها بس هي جات حضنتو وقالت:م عندنا وقت للزعل ي رامي..خليني اقضي باقي ايامي دي في حضنك..م تبعدني عنو
رامي طوالي انفقع بالبكى..اي اي بكى..مستوعبين ي جماعة انو دي شهد حبيبتو ح تموت؟! ح تمشي تخليهو وهو م قادر يعمل شي...
رامي:م تخليني ي شهد..م تمشي
شهد:ح اخليك..لكين البيبي ح يكون معاك
ختت ليهو يدو في بطنها وقالت:بيبينا ح يكون معاك
رامي وهو بحرك في راسو نظام لاا وبمسح في دموعو...

بعد 10 دقايق..رقد في السرير وهي رقدت في حضنو..ودموعو لسا بجرو
رامي:شهد
عاينت ليهو من غير م ترد
رامي دفن وشو في رقبتها:م تخليني
شهد مسكتو قوووي وهي بتقول:مجبورة..مجبورة اخليك عشان البيبي يعيش
رامي فكاها وقال:لا لا م عايز البيبي انا عايزك انتي..انا م بقدر اربيهو براي
شهد مسحت ليهو دموعو وقالت:بعد دا م بنفع الكلام
رقدت في حضنو وقالت:بعد دا خليني ارقد هنا وانتظر الموت
رامي دمعتو جرت مسحها
شهد سرحت وهي دموعها جارين:لو جات بت سميها شهد..واديها لنسرين اختي تربيها..ولو جا ولد ربيهو انت..احكي ليهو عني ووريهو اني كنتا بحبو لدرجة ضحيت بحياتي عشان هو يجي..احكي ليهو قصة حبنا..عملو انو الحب البوصلك لبيت حبيبتك م حرام..
رفعت راسها عاينت ليهو:خليهو يكون زيك
هبشت ملامح وشو وهي بتقول:ان شاء الله يطلع شبهك كدا..يشيل عيونك وانفك وخشمك ويشيل لوني
رامي دفن وشو في رقبتها وهو ببكى

شهد بكت:م تنساني وم تخليهو ينساني..اتذكروني
بكت زييييين وهو نفس الشي بعداك رقدت نامت وهو صاحي بعاين ليها..يتذكرها؟!هو اصلا م ح ينساها عشان يتذكرها؟!..يربي البيبي ويحكي ليهو عنها؟! هو اساسا م ح يقدر يعيش بعدها عشان يعمل الهي قالتو دا...باس راسها مسااااافة وهو مغمض عيونو...
شهدو..مرتو..حبيبتو..وكل الحاجات الجميلة الفي حياتو..ح تمشي ح تخليهو😪💔
في الفلة المجاورة...

راقدة في حضنو وماسكة يدينو..بحضرو في التلفزيون...

اتذكرت قبل اسبوعين من هسي...
طبعامتشاكلين من عرس انس وران..هو غلط عليها واتفشا فيها زهجو اليوم داك وهي م حاولت تتكلم معاهو..لكين خلااص فاض بيها وم قادرة تتحمل..انتظرتو يجي من الشغل..
وقفت قدامو وهي بتقول:م نفسك نتكلم؟
احمد اتنهد وم ردا
نسرين:بغض النظر عن القلتو عني اليوم داك وبغض النظر عن زعلك مني الم ليهو مبرر..انا م قادرة اتحمل اكتر من كدا..وم متعودة انو يعدي اياام من غير ما تتكلم معاي
احمد اتنهد تاني..هو غلطان عليها ولازم يعتذر وفعلا قال ليها:اسف علي كلام اليوم دا
مسكت وشو بين يدينها وقالت:احمد م عايزاك تعتذر لي انا..انا اساسا م زعلانة منك..يومتها انا حبيت اكون معاك بس شكلك م كنت محتاج لي
جرها لحضنو وهو بقول:كنتا محتاج ليك وهسي محتام ليك
حاوطتو بيدنها وقالت:اشتقتا ليك
احمد وهو بدفن راسو في رقبتها:وانا كمان والله وانا كمان

رجعت لواقعها لمن حست بيهو بلولح ليها يدها
عاينت ليهو وقالت:شنو؟
احمد:بتفكري فيني وانتي في حضني؟
نسرين:ومنو قال ليك بفكر فيك؟
احمد رفع ليها حاجبو:عندك غيري ي بت عبدالفتاح؟
نسرين ضحكت:اممممم...عندي حبيبي وراجلي وقلبي
احمد عقد حواجبو بزهج..مع انو عارفها انها بتتكلم عنو بس برضو اضايق وشما الوضع..
نسرين لصقت عمود انفها مع عمود انفو وقالت:عندي احمد عبداللّه العين بحالو
احمد وقف وشالها:ارح اويك ليهو
ضحكت بغنج..
"اها رجعنا للجفاف🙂👋🏻"....
--------------------------------------
---------------------
*يتبــــــــــــــــــــــــــــــــــــــــــــع*

*#قلوب_تائهه 《38》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏
*بعد مرور شهر..*
شهد دخلت السابع ليها اسبوعين..
طبعا بطنها وجعتها وودوها المستشفي ودقو لرامي يجيهم...
رامي وهو سايق للمستشفي..دموعو جارين وهو بتذكر اللحظة العرف فيهر بمرضها..اتذكر اللحظات الكانت بتجيها فيها طعنة كان بقعد بمسكها لمن تحس بروحها احسن..اتذكر اللحظات الكان براقبها فيها بليل بعد تنوم وقعد يتأمل ملامح وشها..اتذكر لمن كان بحبها وهي م عاارفة..اتذكر اول لحظات ليهم سوا..قدر شنو كانت رقيقة ولينة..
نزل من العربية وجرررري علي جوا المستشفي..دخل قسم الطوارئ لقى امو ونسرين وزينب واقفين
سألهم:شهد وين؟
امو "نادية":قالو ليها ولادة ودخلوها غرفة العمليات...الا عملية لأنو..
سكتت مسافة بعدها قالت بحذر:لأنو قلبها ضعيف
رامي بلع ريقو ومسح عيونو عشان يزح منهم الدموع..اتلفت علي الدكتور القال ليهو:مستر رامي..اتفضل معاي لو سمحتا
رامي مشا معاهو علي جنب كدا وقال:ايوة ي دكتر
الدكتور:طبعا حضرتك عارف الوضع الصحي لمدام شهد..وعمليات الولادة في الحالات الزي دي بتتم بعد توقيع الزوج عليها
رامي حرك راسو نظام اي وقال:ايوة ي دكتور..اوقع وين؟
الدكتور:انا دخلتا العملية قبل ربع ساعة نظرا لأنو انا بعرفها وكنت متابع حالتها هسي مطلوب توقيعك عند الاستقبال
رامي حرك راسو وكان ماشي بس الدكتور مسكو وقال ليهو:حزين جدا اني بختك في الموقف دا بس لازم تختار بين مدام شهد او البيبي
رامي عاين ليهو مسااافة بعدها قال:شهد
الدكتور حرك ليهو راسو ورفع الكمامة في نخرتو ودخل..
رامي مشا وقع وجا لقى العيلة كلها اتلمت ابوهو واعمامو..فهد وألين وعبير عمتو..احمد كلهم جوو...
وطبعا عرفو انو شهد عندها مشكلة في القلب واحتمال م تطلع من العملية💔.....






امجد قاعد في جامعتو معاهو عبير واسيل وياسر تلفونو دقا..رفعو ورفع حواجبو بدهشة..دانة بتدق ليهو؟!
فتح الخط ووقف علي حيلو وكان عايز يقول الو بس لاحظ لصوت شهقاتها قال:دانة..دانة في شنو؟انتي كويسة؟
دانة بتبكي
امجد خلاص اعصابو باظت:دااانة وين انتي؟ حاصلة ليك حاجة؟
دانة ببكي:ش شهد
امجد كورك:مالااا؟
دانة:اتوجعت وهسي في المستشفي بتلدي
امجد راجيها تتم كلامها:اهاا؟
دانة:قالو قلبها ضعيف ي امجد..شهد ح تموت ي امجد
امجد دا حيلو برد:شنووو؟وين انتو في مستشفي شنو؟
دانة ببكي ورتو اسم المستشفي
امجد:طيب طيب جاي عليكم انا
وفعلا قفل تلفونو واتلفتت علي ناس عبير الكانو بعاينو ليهو بخلعة لأنو كان بكورك
اسيل:في شنو؟
امجد وهو بعاين لعبير:شهد بت عمي بتلدي...
بلع ريقو وهو بعاين لعبير:قالو قلبها ضعيف واحتمال الولادة تعمل ليها مضاعفات
عبير وقفت علي حيلها والدموع بتتجمع في عيونها..امجد حاول بقدر الامكان انو ينقى كلماتو عشان م يحسسها بخطورة الموضوع..
عبير:وديني ليها
امجد مدا ليهو يدو وهو بقول:ارح
مشت قدامو وهو مشا ورا اتلفت علي ياسر البقول ليهو:ح اوصل اسيل واجي عليك
واشر ليهو نظام طيب..فعلا ياسر وصل اسيل واتحرك عليهم..في هذه الاثناء امجد وعبير كانو وصلو..
عبير مسكت خالتها اميرة واميرة اول ما شافتها بقت تمنح:اللللله انا ي بتي..بتي بتروح مني ي عبير..بتروح مني
عبير حضنت خالتها وهي بتقول:الله كريم ي خالتو الله كريم..

امجد طاااط اتزلحق قدام رامي القاعد في الارض وماسك راسو بين يدينو كأنو ببكي
امجد:رامي
رامي رفع راسو علي صوت امجد وقال:شهد..شهد ي امجد
امجد قعد جنبو وحاوطو بيدو وقال:ان شاء الله ح تقوم بالسلامة..ان شاء الله
رامي حرك راسو وم ردا..وجود امجد جنبو طمنو شوية..
طبعا هم من عرس ناس انس متقاطعين وم بتكلمو لأنو امجد زعلان من كلام رامي القالو لكين الليلة اول ما عرف بالموضوع جاهو جري... .

بعد مرور تلاتة ساعات..
مرت بطيئة جدا علي رامي..القلبو بضرب بسرعة ونفسو خلااص كتم من الخوف..
الدكتور جا طالع وهو شايل البيبي في يدو🖤 وقال:الف مبروك يتربي في عزكم المولود
رامي:وشهد؟!
الدكتور:الولادة عملت ليها مضاعفات وح نضطرا ندخلها عملية قلب مفتوح حالا
رامي دا شوو دخل غرفة الطوارئ الممرضة جارية وراهو عشان تطلعو بس امجد مسكها وقال:خليهو هو راجلها
الممرضة:م ينفع ي استاذ صحة المريضة م بتتحمل
امجد:دقيقتين م بضروها..اوعدك بعد دقيقتين اطلعو انا
الممرضة عاينت ليهو مساافة وحركت راسها نظام طيب...

جوا..دخل لقاها مُحاطة بالاجهزة..قعد في الارض ومسك يدها وهو بقول:شهد..اصحي عشاني..شهد م ينفع تخليني من غير ما تودعيني..مسح دموعو وقال:شهد انا م بقدر اعيش من غيرك..متذكرة يوم عرسنا قلتي لي شنو؟..قلتي انك م ح تخليني
ختا راسو في يدها وهو ببكي وبقول:م تخليني عليك الله م تخليني

امجد جا داخل عشان يطلعو لأنو الدقيقتين انتهو..وعشان ح يبدو العملية..
مسكو من اكتافو عشان يقومو بس رامي م اتحرك
امجد همس:رامي يلا عشان يدخلوها العملية
رامي وهو بعاين لشهد ودموعو جارية:امجد قول ليها م تخليني..خليها ترجع لي تاني
امجد بلع ريقو وشتت عيونو من رامي
رامي:قول ليها م بقدر اعيش من غيرها..قول ليها م عايز البيبي انا عايزها هي
امجد عيونو اتملو دموع
"آآخ من دموع الرجال😪💔"
رامي تاني ختا راسو في يد شهد وهو بقول:عليك الله م تخليني..شيلو مني اي حاجة بس م تشيلوها مني..ادوها قلبي عشان ترجع تعيش بيهو
امجد وهو بجر رامي:شهد م ح تخليك ي رامي..ح ترجع ليك ولولدها
رامي عاين ليهو وقال:جد ح ترجع؟
امجد حرك راسو بمعني اي وم اتكلم
رامي مسح دموعو ووقف علي حيلو عاين ليها مسااافة..عيونها المغمضين..باس راسها مساااافة وقال:ودعتك الله..والودائع عند الله م بتضيع
امجد ربت علي ضهر رامي وقال:ربنا يقومها بالسلامة
رامي حرك راسو نظام ان شاء الله
وطلعو برا..الدكتور والممرضين دخلو..
تنننغ..الضو الاحمر الفوق باب الطوارئ نور..
رامي عاين ليهو..دا دليل علي انو شهد لسا بتحارب جوا..دا املو الباقي ليهو في الدنيا..حياتو ومماتو وسعادتو وتعاستو اتربطت بالنور دا...


بعد اكتر من 6 ساعات..النور تننغ طفى..رامي اتنفض وقف علي حيلو..المعركة انتهت لكين الفايز منو؟!..الدكتور جا طالع وهو بقلع الكمامة بتعب..العيلة كلها اتلمت فيهو
رامي:دكتور شهد كيف؟
الدكتور وهو بوزع نظراتو في ملامحهم الخايفة:حمدلله العملية نجحت بنسبة 80 في المية...
يخ لمن قال كدا امجد اتلفت علي رامي ورامي دا..روو سجد في الارض ودموعو جارين...
الدكتور تابع:ح ننقلها عناية مكثفة لمدة 24 ساعة بعدها بتقدر تشوفوها ان شاء الله
عبدالفتاح:الحمدلله..تسلم ي دكتور
الدكتور:م عملنا غير الواجب..م تشوفو فيها شر تاني
ومشا خلا العيلة كلها بمسحو في دموعهم..دي دموع فرررح..اتحاضنو وبقو يحمدلو السلامة لبعض..
رامي دا بس مبتسم م فتح خشمو اي زول بقول ليهو الحمدلله علذ سلامة شهد بغمض عيونو وبحرك ليهو راسو نظام الله يسلمك....

الثانية عشر بعد منتصف الليل...
عبداللّه:يلا ي امي عشان ترتاحي القعدة الطويلة م بتنفع معاك
حجة عواطف:هي ياا ولدي ال نطمن هلي البنية بعدين نمش
رامي:لا لا ي حبوبة مف داعي تقعدو..اساسا هي في العناية وم ح تشوفوها الا بكرة ارجعو البيت اخدو راحتكم ولمن تصحي تجوها ان شاء الله
حجة عواطف:قلتو كدي؟..سمحح ربنا يطمنك عليها
رامي ابتسم لحبوبتو:الله يسلمك ي حبوبة
اتلفت علي امو وقال:انتو زاتكم ي امي امشو
اميرة "ام شهد":كيفن نمش ونخليها ي ولدي
رامي:عادي ي خالتو انا قاعد معاها امشو ارتاحو وتعالو
عبداللّه:يلا ي فهد سوقك امك وحبوبتك واختك ومرتك رجعهم
فهد اتكيييف من كلمة مرتك دي😂:حاضر ي عمي
دانة:لا لا انا ح اقعد مع شهدون
امجد:ما هو نحنا م نتكلم مع كل زول براهو..قعدتكم م منها فايدة لأنو كدا كدا م ح تشوفها ارجعو ارتاحو عشان م تخشو لينا في دور مرض
دانة عاينت ليهو وقلبت عيونها..
المهم فهد ساق ناس بيتهم وطلعو..عبدالفتاح ساق اميرة وعبير وطلعو واحمد ساق نسرين ومشو..عبداللّه وعبدالرحيم كل زول ساق مرتو ومشا..
امجد لياسر:يلا ي ياسر ورينا عرض اكتافك

ياسر ضحك:وانت م ماشي؟
رامي:لا لا هو زاتو يمش
امجد عاين لرامي وفت فت مشا قعد في الكرسي وقال:عايزين لينا قهوة زااابطة كدا
رامي ابتسم لأنو عرف انو امجد مصر يقعد وح يقعد
رامي:قوم امشي جيبها
امجد وقف علي حيلو وقال:بعد مرات بتفكر ي ولد..ارح ي ياسر اقدمك
رامي ضحك واشر لياسر نظام مع السلامة
ياسر:ربنا يقومها بالسلامة
رامي:الله يخليييك م قصرتا والله
ياسر ابتسم ليهو ومشا مع امجد..
رامي قعد وهو بقول:آآآآح
"دليل علي الراحة😂😂"
امجد طبعا قعد قريب نص ساعة بعداك جا شايل كبابي القهوة
رامي:مشيت عملتها في بيتكم وجيت ولا شنو؟
امجد:يخ لقيت المرة خلاص لملمت عدتها قعدتا احنس فيها عشان تعملهم لي
رامي ضحك:وهسي مشت خليت ليك الكبابي؟
امجد اتكل لورا وهو بشرب من القهوة وقال:قلتا ليها بديك ليهم بكرة
رامي ابتسم وشرب جغمة من القهوة بعدها عاين لأمجد وقال:اسمعني
امجد من غير م يعاين ليهو وهو لسا في وضعية الاستكانة قال:عارف
رامي:شنو هو العارف؟
امجد:عايز تدخل لشهد صح؟
رامي حرك ليهو راسو نظام اي
امجد:عشان كدا قلتا ليك عارف..علي العموم انتظر ساعة كدا الاوضاع تهدا وخش ليها
رامي رفع ليهو حاجبو:اوضاع؟!
امجد:ابو الزُنان الحايمين ديل
رامي عاين للممرضات الحايمين وقعد يضحك...
فعلا بعد ساعة كدا الاوضاع هدت علي قول امجد..
رامي اتسحب براااحة دخل لشهد..

عاين ليها وابتسم..مسح وشها براااحة بيدو وباسها في راسها ع الخفيف كدا..مسك يدها وقال:اشتقت ليك
عاين ليها مسااافة بعدها قال:عارف انك كويسة ويلا قومي عشان انا اشتقتا ليك..قومي شوفي راكان الصغير
باس يدها مساااافة وختا راسو فيها...وغفى...غفى علي يدها شفتو مقولة اغفى بين يديك؟ انطبقت حرفيا عليهو...لأنو بالجد م جاهو نوم الا بعد اطمن عليها وباس يدها.....


صحى بصوت امجد وهو بهز فيهو...رفع راسو بخلعة
امجد وهو بهمس:اقسم بالله انت م شافع مرقة اصلك قوم اطلع قبل يقبضونا
رامي مسح وشو:ليه الساعة كم؟
امجد:الصبح فضل ليهو 10 دقايق ويأذن وابو الزُنان قامو يحومو تاني
رامي ضحك بخفة ووقف علي حيلو
امجد مشا وقف جنب الباب عشان يأمن الوضع...اتلفت لقى رامي ببوس يد شهد قال ليهو:اطلع م وقت رومنسياتك دي
رامي ضحك وهو بسحب يدو من تحت يد شهد براااحة وقال:طالع طالع
وفعلا طلعو قعدو في كرسيهم كأنهم م عملو شي..
الصبح لمن اذن امجد مشا المصلى صلى وجا بعداك رامي مشي صلي...
اول ما جا قعد قال لامجد:عايز اشوف ولدي
امجد ختا تلفونو وعاين ليهو وقال:انت مالك بقيت مشاغب كدا؟
رامي ضحك:مشاغب ليه؟
امجد وهو بلوح بيدو نظام لا لا قال:المرة دي ح يكشفونا لأنو الشمس شرقت خلاص
راني:لسا فضل قريب ربع ساعة للشروق..بعدين م اظن يرفضو اني اشوف ولدي
امجد بعاين ليهو وهو مضيق عيونو
رامي:دقايق شوف
اتلفت علي ممرضة كدا ماشة وقال :لو سمحتي ممكن اشوف ولدي؟..اتولد امبارح
الممرضة:ولد المريضة شهد؟
رامي:الله ينور عليييك
"مزاجو رايق ملاحظين؟😂"
الممرضة:اتفضل تعال معاي
رامي عاين لأمجد نظام شفتا؟!
ومشو معاها هم الاتنين دخلت الحضانة وكان فيها كم بيبي لكين هي اتجهت علي آخر واحد جنب الشباك وقالت:هدا ليهو
رامي:حالتو الصحية كيف؟
الممرضة:حالتو كويسة شديد
رامي:حمدلله
امجد بوراهو:حمدلله
الممرضة مشت ورامي وامجد قربو للبيبي
رامي رفعو براااحة وهو بقول:بسم الله
عاين ليهو مساااافة كان نايم وملامحو حلاااااتا🖤🖤
رامي قرب خشمو من اضان البيبي واذن ليهو بعدها باسو في خدو وقال بصوت مبحوح من الفرح:نورتا قلب ابوك ي ولدي🖤
امجد ابتسم..حرفيا الجملة بتقشعر جسم الزول
رامي عاين لأمجد وقال:تعال شوفو
امجد قرب خطوة..ورامي مدا ليهو البيبي..عاين ليهو بخلعة اول مرة يشوفو بيبي في العمر دا
"الحقي ولدك ي شهد😂"
شالو برااااحة رفعو لفوق كدا عشان ضو الشباك يظهر فيهو وفعلا..اشعة الشمس عكست في وشو
قام كرفس وشو احساس اضايق من الضو
امجد الحركة دووبت قلبو ابتسم وقربو من وشو وقال:حمدلله علي سلامتك ي بطل
ختا نخرتو في خد البيبي واستنشق ريحتو
رامي ختا طرف اصبعو في يد البيبي الصغنونة وهو مبتسم
امجد مداهو ليهو..حرفيا قلبو قعد يدق بسررعة لأنو خايف يوقعو او يعصرو
رامي شالو ختاهو في الحضانة ودنقر بهبش في يدينو
امجد دخل يدينو جوا جيوبو وهو بعاين لرامي..يعني بالجد لو الفرح كان بنور جوا الزول رامي دا كان جواهو شعشع الفرحة ظااااهرة في عيونو..
امجد:ح تسمهيو منو؟
رامي وهو لسا مدنقر:راكان
امجد ابتسم:ولد دا
رامي ضحك وعاين ليهو:متفيقن نسميهم بحرف الرا
امجد:اممممم...كويس والله
رامي وهو بمشي عشان يطلع من الحضانة وامجد وراهو
رامي:اي
المهم طلعو..قعدو شوية كدا والعيلة كلها جات...وجابين ليهم الشاي😂
شربو شايهم وقعدو لحدي الضهر كدااا...
امجد لرامي:نمشي نغير ونجي؟
رامي عاين ليهو مساافة وقال:نمشي؟
امجد:اي فضل ليها كم عشان تصحى
رامي:يعني زي 3 ساعات كدا
امجد:بودونا طيب ارح
رامي:ارح
وفعلا طلعو عشان يمشو يستحمة يغيرو ويجو...

اميرة "ام شهد" عاينت لألين القاعدة جنبها وشغالة بتلفونها وقالت:كيفك ي بتي؟
ألين ختت التلفون:كويسة والله ي خالتو حمدلله
اميرة ختت يدها في يد ألين وقالت:العملو انس م عجبني والله لكين اسوي شنو م بيدي شي
ألين عاينا ليها مسااافة بعدها بلعت ريقها وقالت:عادي ي خالتو
اميرة وهو بتمسح في ضهر ألين:خسران هو المغضوب اصلك م خسرانة انتي
ألين حركت راسها نظام اي..كلهم بقولو ليها كدا لكين ولا زول عارف انو هي الخسرت..انس خسر شنو؟! ولا شي هي الخسرت قلبها وحبها وثقتها لأنها ادتها ليهو..
دنقرت مساااافة بعدها رفعت راسها وهو بتشيل نفسها..لقت فهد بعاين ليها وشكلو كان مراقبها ليهو مدة
رمشت ليهو مرة واحدة وطلعت نفسها..بعدها هو اتلفت علي احمد الكان بتكلم معاهو وهي رجعت لتلفونها...



امجد ورامي مشو استحمو غيرو وجو سريع سريع...اول ما جو قدام غرفة شهد محل اهلم كانو قاعدين لقوهم ماف
رامي استغرب:وين الناس دي؟
امجد:م عارف..يمكن شهد صحت
رامي وهو بعاين لساعتو:م اظن لسا باقي ساعتين

وفي اللحظة دي عبير عمتو جات طالعة من غرفة شهد اول ما شافتهم قالت:رامي بركة الجيت..شهد صحت وبتسأل منك
رامي عاين لامجد بخلعة وهو مبتسم..امجد بادلو الابتسامة
رامي دخل لشهد لقاها بتعاين لدانة كأنها بتسمع فيها...كل العيلة عاينت ليهو وهو بعاين لشهد..شهد لمن لاحظت ليهم كلهم بعاينو جهة الباب هي كمان عاينت..وابتسمت اول ما شافتو..
جا عليها وهو حابس انفاسو من الفرحة..وصلها باس راسها مساااااااافة وحضنها وهي راقدة
ابوهو واعمامو ضحكو علي حركتو دي وألين ابتسمت ونزلت راسها بخجل...عبير نزلت راسها وهي بترجع شعرها ورا اضانها...
رامي طبعا ولااا شغال بيهم..فكاها ومسك يدها باسها مساااافة وقال:حمدلله علي سلامتك ي ام راكان🖤
شهد ابتسمت ليهو وقالن بتعب:ولد؟
رامي حرك راسو نظام اي وقال:ولد شايل ملامحك وشايل اسمي
" هي انتو بتتبسمو ليه ممكن اعرف؟🐸👋🏻"
ابتسمت ليهو وغمضت عيونها بتعب وقالت:حمدلله
رجع باس يدها مساااافة وقال:حمدلله حمدا كثيرا طيبا
بعداك العيلة كلها باركت ليهم وكدا...وجابو ليها راكان الصغنن
طبعا مما شافت الممرضة داخلة بيهو عيونها بدو يدمعو
رامي شالو من الممرضة ومداهو ليهو وهو بقول:سمي ي ام راكان
شالتو منو وهي بتحاول تمسك نفسها ما تبكي..دا ولدها..ولدها الانتظرتو سبعة شهوو..ولدها الاتحملت عشانو كل الالم والطعنات الكان بتجيها ديك..
باست جبينو الصغير وهي مغمضة عيونها..
قالت ليهو:حبيب ماما حمدلله علي سلامتك
دانة ابتسمت وهي شايفة بت خالا وصحبة عمرها شايلة البيبي حقها...
عبير "بت خالة شهد" قالت وعيونها مرقرقين بالدموع:روكة دا حجزتو لبتي من هسي وريتكم
كلهم ضحكو
رامي:طوالي لينا الشرف ببتك
امجد:هي انتي كدي عرسي اول بعداك قولي حجازهو لبتي
عبير ضحكت....



شهد قعدوها اسبوع عشان العملية وصحتها وكدا...وطبعا اكيد رامي صابيها معاها بس برجع بغير وبجيها...
رضعت راكان كم مرة..
وبعد اسبوع كتبو ليها خروج...
طبعا يوم مخرجنها دا...ألين ودانة ونسرين من الصباح مشو فلة عبدالفتاح...نضفو ليها جناحها وجهزوهو ليها وكدا..





وبعد 15 يوم من ولادتها عملو السماية...
الهي الليلة...
عملوها فطور...
ألين ودانة ونسرين وعبير بايتين معاها وباقي العيلة من الفجر جاتهم...
فبقو داخلين ومارقين..الضيوف والضيافة وكدا...
فهد جا داخل الهول بتاع النسوان عشان عايز يقول لأمو شي..شاف ليك ألين بتسلم علي مرة كدا وبتقول ليها اتفضلي اتفضلي....
وقف بقى يعاين ليها...لابسة ليها زي العبايات الخليجية الملونة ديك بالكحلي ويدينها كبااار..فيها شغل في الصدر وتحت كدا بالمسترضي..لابسة معاها طرحة مسترضي ختاها في كتفها وعاملة شعرها ضنب حصان ب باندة بالمسترضي...وشبشب زحاف كدا كحلي وسيورو بالمسترضي..
متكحلة ومخططة حواجبها وعاملة روج لحمي كدا...مع الحنة والقوايش كان ظاهو عليها مرا مرا..
فاق علي روحو لمن حسا انو وقف كتير جنب النسوان
اتنحنح ونادي عليها اتلفتت عليهو اشر ليها نظام تعالي
جاتو وهي بتصلح في اكمام العباية:ايوة ي فهد
عاين ليها..هو بلاي اسمو حلو كدا؟!
عقدت حواجبها وهي مستغربة فيهو دا مالو دا ناداها وساكت
قالت:عايز حاجة؟
فهد:احم..اي امي وين؟
ألين:ااا بتكون فوق اناديها ليك؟
فهد:م بحتاج بس خليها ترد علي تلفونها ابوي قال بدق ليها م بترفع
ألين:اي تلفونها من الصباح معلق
فهد:معلق كيف؟
ألين جات عليهو خطوة عشان تتكلم ب ارايحية وقالت:م عارفة تقريبا التطش بتاعو وقع
فهد:وقع ولا حاجة؟
ألين:لا لا بس من ما جات طلعتو من الشنطة لقتو كدا
فهد:بكون ضربتو بشي وهو في الشنطة
ألين:اي انا زاتي قلتا ليها كدا..لكين م مشكلة بدق لعمو سلطان من تلفوني بديهو يتكلم معاها

فهد:تكوني م قصرتي والله..لأنو دندون م ح الم فيها انا
ضحكت:طيب ولا يهمك
فهد:انتي اصلا حلوة كدا ولا الليلة عشان متحننة؟
ألين عاينت ليهو وشتت عيونها منو سريع...دا مالو فجأة قام يتغزل؟
فهد ابتسم لخجلها وقال:المهم زي ما اتفقنا
ألين:زابت
ضحك علي كلمتها دي ومشا..وهي وقفت تعاين ليهو..اتغزل فيها ولا هي بتخيل ليها..من ما اتزوجو ولا مرة حسسها انها عاجباهو او كدا...بالعكس كانت حاسة بيهو شايفاها شافعة.... طلعت فوق لجناح شهد فتحت الباب بعصبية وقالت:شفتو عمايلكم؟
دانة وشهد عاينو ليها نظام في شنو؟
ألين:وينا نسو دي جابت لي الهوا مع فهد
دانة ضحكت:مالو فهد؟
ألين:بس وينا نسرين دي؟
دانة:ي بت مالك؟ شاكلك ولا شنو؟
ألين:لا قعد يشاغلني
شهد ودانة ضحكو
دانة:قال ليك شنو؟
ألين م ردت
دانة جات عليها:عليك الله قال ليك شنو؟
ألين:قال لي انتي اصلا حلوة كدا ولا عشان الليلة متحننة
دانة وشهد كر كر كر ضحكو

ألين:زاتو اخوك م بعرف يشاغل..شنو انتي اصلا حلوة ولا الليلة بس؟يعني هو م عارفني حلوة ولا لأ؟
شهد ضحكت:انتي مضايقة لأنو شاغلك ولا لأنو م بعرف يشاغل؟
ألين:معارفة👋🏻..انا زاتي غلطانة بسمع كلامكم وبتحنن
دانة وشهد بس يضحكو..بعدها فعلا نزلت لعمتها عبير ودقت ليها لسلطان عشان يتكلم معاها..طبعا جاي بعد يومين...


عدا الوقت لحدي العصر كدا الضيوف خفو شديد او بالاصح مشو كلهم...
امجد داخل علي المطبخ كدا لاقى دانة جات طالعة
قال ليها:سلام عليكم
ردت ليهو من غير ما تعاين ليهو
جراها من يدها عليهو وقال:م نفسك في بيبي؟..مني؟
لزتو وهي بتقول:نفسي في بيبي لكين منك؟...أيييييووو
(أيييو=يع🤢)
امجد ضحك باعلي صوتو ووقف ليها قدامها وهو بقول:م عندك حل غير ال أييييو دا
دانة ربعت يدينها:ومنو قال ليك؟
امجد عمل زيها:انا قلت ليك
دانة:امشي خلي اسيل تجيب ليك البيبي
امجد جراها عليهو وختا يدو ورا ضهرها:بس انا عايزو منك انتي
قلبها عمل دلللل بقت تغمض وتفتح في عيونها بعدم استيعاب
امجد ضحك علي توترها وقال:لمن اجيك بعداك نتفاهم في موضوع ال أيييو دا
لزتو ومشت خلتو...طلعت من المطبخ وقلبها بعمل كدا💗...امجد دا مجنون والله دي شنو الحركات الاتعلمها جديدة دي؟!.. بعد المغرب العيلة كلهم متلمين في الهول..رامي جاب راكان لحجة عواطف شالتو وهي بتسمي..طبعا شهد م بتقدر تنزل عشان العملية وكدا...

المهم فهد وقف علي حيلو:ي جماعة نمشي بعد دا
عبدالفتاح:خليكم ي ولدي
فهد:ي ريت ي خالي والله لكين تعباان وبكرة شغال بدري
عبير امو:اي نمش بعد دا
عاينت لدانة القاعدة جنبها وقالت:انتو ح تمشو؟
دانة:انا غايتو لأ لكين ألينو ح تمشي
عبير اتلفتت علي ألين:يلا ي بتي
فهد:عندك حاجات عايزة تشيليها؟
ألين:بس شنطتي ثواني اجيبها من فوق
فهد حرك راسو نظام طيب..ألين طلعت فوق شالت شنطتها وبتودع في شهد كدا
الباب دقا شهد اتغطت سمح وقالت:ادخل
دخل فهد وهو مبتسم قال ليها:حمدلله علي سلامتك مرة تانية ويتربي في عزكم
شهد:تسلم في عز الجميع..ليه متسعجلين كدا؟
فهد:والله بكرة مدوام مم بدري
شهد:اهاا..الله يدي العافية بس
فهد:اللهم امين..اتلفت علي ألين..نمشي؟
ألين حركت راسها نظام اي
شهد:تسلمي ي ألينو..وعقبالك كدا بتيمان
ألين طق عاين لفهد
فهد جك غمز ليها..نزلت راسها
بعداك فهد ابتسم وقال لشهد:اللهم امين في حياتك كدا
شهد طبعا مراقبة الوضع ضحكت..ألين فرر طلعت قدام فهد وهو وراها لمن وصلو تحت م اتكلمو...

المهم ودعو العيلة وكدا وطلعو..
فهد استحما غير ورقد نام لأنو تعبان زي ما قال ومداوم بكرة بدري زي ما قال برضو...

*بعد مرور يومين...*
*الثامنة مساءً...*
فهد جا داخل وهو شايل شنط ابوهو وقال:اتفضل ي ابوي ادخل
سلطان دخل..دانة جررت حضنتو وقالت:بابا اشتقتا ليك
سلطان ضحك:وانا كمان والله
فكتو وباست يدو وراسو وقالت:حمدلله علي سلامتك تو ما نور السودان
بعداك سلم علي عبير وعلي حجة عواطف وألين
قال ليها:مرة ولدي السمحة
ابتسمت وهي بتبوس راسو وقالت:حمدلله علي سلامتم ي عمو
فهد ابتسم وهو شايفها بتسلم علي ابوهو...يخ بحبببببها لمن تتعامل مع امو وابوهو باحترام...
المهم سلطان سلم واتونس وجابو ليهو موية وشوية كدا جابو ليهو العشا اتعشي وبقو قاعدين بتونسو..طبعا هو ماسك ألين بجاي ودانة بجاي وبضحك فيهم...
ألين ضحكت وهي بتسمعو بحكي ليهم عن موقف حصل ليهو هسي في المطار...يخ بالجد هو ظريف..آخر مرة شافتو لمن كانت في الاساس لكين عمرها ما اتوقعت انها لمن ح تشوفو المرة الجاية ح تشوفو بصفتها مرة ولدو...

بعد اخدو ونستهم..كل زول اتفرزع لغرفتو...
جات داخلة الجناح لقت فهد طالع من الحمام جات مارة بجنبو كدا كف مسكها من يدها باس راسها مساااااافة..غمضت عيونها وهي حاسة بشفايفو في جبينها

عاين ليها وقال:مبسوط منك انا
ابتسمت ليهو..م كانت عارفاهو مبسوط منها ليه بس م حبت تسألو..احتمال عشان نست انس زي ما قال ليها وعاشت حياتها..
المهم هو مبسوط منها..في حاجة جواها ازهرت من سمعت كلمتو دي...
ابتسمت وهي بتعاين ليهو..
قال ليها:م حتسأليني ليه؟
ألين حركت ليهو راسها نظام لا لا وقالت:لو كنت عايز تقول كان قلتا مدام م قلتا يبقى م عايز وم ح اجبرك
فهد ابتسم لأنها بقت تعرفو وقال:ما هدي انتي بتفهي طيب
ألين ضحكت:وفي زول قال ليك غير كدا؟
فهد:نو نو
ضحكت وهو ضحك ومشا رقد نام بس...
--------------------------------------
---------------------
*يتبــــــــــــــــــــــــــــــــــــــــــــع*

*#قلوب_تائهه 《39》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
وعدت الشهور...
وعيلة العين زي ما هي...
احمد ونسرين كل يوم حبهم زايد ونسرين بقت م بتفتح موضوع الحمل بس جواها بتتوجع علي تأخر ولادتها...

فهد وألين لسا زي ما هم..بتعاملو بأدب واحترام مع بعض...

رامي وشهد طبعا راكان مغلبهم غلبة شديد لأنو بكااااي وم برقد في السرير دقيقتين ورا بعض😂👋🏻...

امجد لسا في نفسنتو مع دانة..

ياسر وعبير علاقتهم قوت شديييد..





قاعد في شارع النيل وحولينو شلة بتاعة بنات واولاد..وجنبو ياسر...
غمض عيونو وهو بعزف وبغني:نص الليل صحيت مهمووم...بفكر فيها وم قادر انوووم...نص الليل صحيت مهموووم..بفكر فيهو دا حماني النووم..بقى طييفو ساكن جوا في خيالي..شايل معاهو حبي الفيهو كل امالي...متين ي صبااااح تشررق لييينا وتضوووي..يدوب نبقى اححححلا وانا في الاااخر معاااهو...
فتح عيونو وهو لسا بعزف عاين للشلة الحولينو المكونة من 3 اولاد كل واحد بحبيتو ماسك يدها وبسمعو فيهو..عاين لياسر ابتسم ورجع يغني:وكل يوم يزيييد الشووووق...يرفرف قلبي وطلع فووووق..ابتسم وهو لسا مغمض واتذكر دانة..بهدي عمرررري مقابل لحظة اقيق قصاااداا...تشوف عيوني وتعرف كيييف قلبي رااادااا...متين ي ظروف تبقى معانا وتحننني..وتقرب لي عشان اتعبني بعااااداااا...

وقف عزف وكلهم صفقو ليهو..ابتسم وبقو يختار ليهو الغنية وهو يغني..
طبعا هو وياسر جو شارع النيل ساي واصلا الجيتار طبيعي بكون في عربيتو المهم الشلة نادتهم عشان يقعدو معاهم وبقو يغنو وكدا...






في فلة حجة عواطف...
ألين قاعدة مع دانة في جناحها بتونسو سمعو ليك صوت كوراك تحت كأنو في نفرين بتشاكلو...
ألين:دا شنو دا؟
دانة:مدري تعالي نشوف
وفعلا نزلو بسرعة عشان يشوفو..لقوهو سلطان ماسك فهد من لياقتو وبكورك فيهو وعبير "ام فهد" ماسك يد سلطان بتهدي فيهو
دانة جرت ليهم وهي بتقول:بابا في شنو؟ فهد عمل شنو؟
وألين وقف في نص الصالة بتعاين ليهم بخللعة..
سلطان لفهد:بعد ما ربيتك وبقيتك راجل تجي تسرقني؟ تفو عليك وعلي ربايتك
فهد بغضب:سرقة شنو البتتكلم عنها دي قلتا ليك انا م بعرف شي عن قروشك دي
سلطان:كذاب وستين كذاب..القروش دي اتصرفت بموافقة زول مسؤل وانت وهادي الوحيدين المسؤلين من المصنع وهادي قال انت السرقتها
فهد:تصدق ولد اختك وتكذب ولدك ي ابوي قلتا ليك انا م شفتا قروشك دي
سلطان صرر اداهو كف
عبير دي جرت سلطان من يدو ودانة جرت وقفت ورا فهد
سلطان:ولد اختي دا ياهو الكشفك وكشف عملتك ي كلب لولاهو م كنت ح اعرف سرقتك ووساختك
فهد كورك:تعرف شنو انت؟ اساسا بتعرف شنو عن المصنع؟ جيت لقيتو جاهز بعد ما انا فتحتو ونضفتو ورجعت للشغل بعد دا تجي تتهمني بالسرقة؟...وانا ح اسرقك ليه؟ ما قروشك ياها قروشي
سلطان عاين ليهو مساافة وقال:اطلع برا
عبير اتخلعت ودانة قالت ليهو:بابا؟!
فهد:طالع طالع وتاني م ح ادخل البيت دا لو الارض انطبقت مع السما...وصدقني لقدام ح تعرف انو ولد اختك ياهو السرقك وياهو البياكل في قروشك وساعتها انا مستحيل ارجع هنا تاني
سلطان:اطلع بس..وقروشي الجننتك دي م ح يصلك منها ولا قرش نشوف رجالتك دي كيف من غير قروشي..وخت لي مفتاح العربية والبطاقات ديل في التربيزة دي

فهد فعلا طلع مفتاح العربية والبطاقات جدهم لأبوهو..عاين لألين وقال:ارح اطلعي
ألين فرر جرت غرفتها..لبست عبايتها وشالت تلفونها بس💔 وجات نازلة..
عبير شغالة تجرجر في فهد:فهد الله يرضى عليك م تطلع..مشاكل وبتتحلا بس انت م تطلع
فهد جرا يدو منها وقال:انا مستحيل اقعد معاهو تحت سقف واحد
ابوهو كورك:اطلع بس...اطلع ي قليل ادب وم مربى
طبعا دانة وعبير كل وحدة ماسكاهو بجهة..نتق ليك يدينو منهم وجرا ألين وطلع برا..طبعا ألين قربت تقع علي وشها😂..وخشمها دا م فتحتو..

جوا عبير قعدت في الارض وهي ماسكة دانة وبتمنح:ولدي..كر عليك ي ولدي طلعوك من بيت ابوك كر عليك
اتلفتت عاينت لسلطان الواقف بعاين ليهم بجموود
عبير:ارتحتا كدا؟ طفشتا ولدك وحيدك وسندك ارتحتا؟
سلطان عاين ليها كدا😒 وم ردا وطلع غرفتو...



عند ألين وفهد..
الامجد وقفت قدام فلة عبداللّه..نزلو وفهد دفع ليهو..
عاين لألين لمن قالت ليهو:فهد انا ح امشي معاك
شال باقيهو من بتاع الامجاد وداك مشا
عاين ليها وقال:ألين خشي جوا
ألين حركت راسها نظام لا
فهد:ألين م تجنني ادخلي جوا خليني امشي اشوف المصيبة الانا فيها دي
ألين:مام ح اجي معاك
فهد غرز اصابعو في كتفها:انتي م بتفهمي؟ تجي معاي وين؟
ألين م اشتغلت بيدو العاصراها وقالت:محل ما انت ماشي
كورك:ألين
ألين غمض عيونها بخوف اول مرة تشوفو بكورك كدا..
فهد فكاها وهو بستغفر..ختت يدها في كتفها محل كان ماسكها وقالت:ح امشي معاك..م بخليك براك

فهد:ي بت الناس انتي م بتفهمي انا م عارف نفسي ماشي وين خشي بيتكم عليك الله
ألين حركت راسها نظان لا وقالت:نمشي سوا محل ما نمشي م بخليك
فهد قرب يديها كف
ألين:امي زماان قالت لي المرا بيتها محل راجلها بكون قاعد وانت م ح تقعدـهنا يبقى دا م بيتي
فهد عاين ليها مسااافة وقال:انتي اصلا عبيطة كدا ولا بتتعابطي؟
ألين:بتعابط ويلا نمشي قبل يشوفونا هنا
فهد اتنهد وكان ماشي كدا لاحظو لضو عربية جاي عليهم..
ألين عاينت للعربية ورجعن تعاين ليهو وقالت:دي عربية امجد
فهد بلع ريقو
وفعلا العربية وقفت وامجد نزل منها وهو بقول:اووو العرسان
الاتنين ابتسمو ليهو كدا😃..سلم عليهم واصرا انهم يخشو يتعشو معاهم..
دخلو وسلمو علي ناس البيت وكدا واتعشو..ألين طلعت جناحها فوق شالت شنطة يد ختت فيها شاحنها وكم لبسة كدا ونزلت عاين لفهد وقالت:نمشي بعد دا؟
فهد عاين ليها ووقف علي حيلو
امجد قدمهم:عربيتك وين ي مان؟
فهد:في الصيانة في الصيانة
امجد:اهاا..دقايق اجيب ليك مفتاح عربيتي ترجعو بيهو
فهد مسكو:لا لا م بحتاج بنأجر ترحال
امجد عاين ليهو مساافة:ليه ما تسوق عربيتي
فهد:لا ياخ بكرة تمشي الجامعة كيف انت
ألين:زاتو تبقى ليهو موضوع يرجعها كيف وكدا
امجد:اممممم م عايزة تتعبي راجلك؟
ألين ضربتو في كتفو وهي بتضحك..
المهم ودعوهو ومشو
فهد:نأجر امجاد؟
ألين:عشان تودينا وين الامجاد؟
فهد:اففف
بقو ماشين كداااا...قطعو الكبري بكرعينهم..
ألين:we'r homelees now
"نحنا مشردين حاليا"
فهد عاين ليها
ألين عاينت ليهو:حاجة سمحة صح؟
فهد ضيق عيونو البت دي عويرة ولا شنو؟ م ردا ليها
ألين جات قدامو:عك الله فكر فيها كداا..حايمين في الشارع بدون بيت بدون وجهة..احساس واو شديد
فهد ضحك:خلي السحب الشايلة دي تصب بعداك بتعرفي الاحساس الواو دا كويس
ألين:انت واحد متشائم بس
فهد:انا واحد ابوهو اتهمو بسرقة و طردو من البيت
عاينت ليهو..كان بقول كلامو دا براحة كأنو بتكلم مع نفسو...اتنهدت وقعدت في مصطبة كدا كبييرة لقتها
عاين ليها وجا قعد جنبها
فهد:تعبتي؟
ألين:كرعيني وجعوني شوية
فهد:دا الاحساس الواو الكنتي بتتكلمي عنو قبل شوية
ألين ضحكت وم ردت ليهو
عاين ليها مسااافة وقال:م خايفة؟
ألين طبعا كانت خايفة ح يمشو وين وح يعملو شنو بس ابتسمت ليهو وقالت:شووية بس
فهد:اسف لأنك بسببي مشردة
ألين باندفاع:م تقول كدا..انا الاخترت ابقى معاك
عاين ليها مسااافة بعدها باس راسها وم اتكلم
ألين خجلت طبعا بقت تتلفت وقالت:نحنا وين هسي؟
فهد عاين حولينو:في امدرمان تقريبا
ألين:سمحة بليل صح؟
فهد حرك راسو نظام اي...وبقى يعاين قدامو..وألين نفس الشي...كل واحد بفكر ح يمشو وين؟!...
بعد زي ساعة كدا لاحظ ليها بتتسائب قال ليها:نعستي؟
حركت ليهو راسها نظام اي وهي بتدعك عيونها..
فهد:دا الاحساس الواو الكنتي بتتكلمي عنو قبل شوية
ألين:خلااص م تقدنا
ضحك ووقف علي حيلووقال:ارح
ألين:وين؟
فهد:اي حتة اكيد ما ح نقعد هنا للصباح
ألين وقفت علي حيلها:تاني م ح نلقى مصطبة سمحة زي دي نقعد فيها
فهد ضحك وقال:لو م لقينا ح نجي راجعين ل دي
ألين ضحكت ومشت معاهو..
مسك يدها وقال:لو فيكي قدرة ارح نمش🖤

ألين شدت علي يدو:بوصل معاك حد الشمس🖤
بقو ماشييييين قريب ساعة تاني..المحلات بدت تقفل والزلط فضا
ألين وهي ماشة قدامو لفت في الزلط وقالت:هدا الاحساس الواو البتكلم عنو انا
ضحك وقبل يتم ضحكتو في عربية حكت فرامل قدام ألين في كسر من الثانية لقى روحو واقف بين ألين والعربية ومادي العربية ضهرو..
حاضنها قووي وقال:انتي كويسة
ألين:يب يب م جاتني حاجة
العربية كانت هايس مكركب كدا نزل منها راجل عجوووز وقال:معليش ي بتي والله م شفتك
ألين:عادي ي عمو انا كويسة
فهد كان بعاين للراجل بس
الراجل عاين لفهد وهو بقةل:ي ولدي اعمل حسابك ليها
فهد حرك ليهو راسو وم قال شي
الراجل:ي ولدي انا شفتك قبل كدا في حتة
فهد..ايي قبل كدا قابل الراجل دا بس ووييييين قال:اي ي عمي انا زاتي قبل كدا شفتك
الراجل لمن سمع صوتو اتذكر طوالي حضنو ليك وقال:فهد ي ولدي كيفك؟
فهد طبعا مستغرب فيهو
الراجل:م اتذكرتني؟..انا عمك حسن قبل كدا لاقيتني قاعد في الطريق وديتني المستشفي وصرفت لي علاجات السكري
فهد يداب اتذكر:ايواا..كيف ي عمي ان شاء الله كويس؟
الراجل:والله الحمدلله..الا الشغل هدا حيلنا
فهد:الله يكون في العون
الراجل:علي وين ي ولدي في انصاص الليالي دي؟
فهد عاين لألين وقال:اااا
الراجل:خليني اوصلكم لمكان ماشين
فهد:لا لا ي عمي م بحتاج والله
حسن:ي ولد ارح اركب م فيها شي وزي ما وصلتني المرة الفاتت بعربيتك بوديث بعربيتي المرة دي..ولا عربيتي م قد المقام
فهد ضحك:استغفر الله ي عمي ليه بتقول كدا؟ في النهاية عربية تتواصل بيها

حسن:صح كلامك..ارح اركبو
ومشا علي باب السواق..فهد عاين لألين ألين اشرت ليهو نظام لااا نمشي وين؟
جراها من يدها ومشو فتح ليها الباب عشان تركب بس هي لزتو نظام اركب انت اول ركب ومسكها ركبت وقفلت الباب...
حسن طبعا شاف حركتهم دي وضحك وقال:دي اختك ولا شنو؟
ألين كتمت الضحكة نزلت راسها
فهد:لا لا لا دي مدامتي ي عمي
حسن:ماشاء الله تبارك الله..بتتشابهو
فهد:اي بت خالي هي
ألين طبعا لسا عايزة تضحك فهد لكزها نظام م تضحكي
حسن:ما شاء الله الله يبارك ليك فيها
فهد:اللهم امين
سكتو وحسن سايق..طبعا المفروض يوريهو هم ماشين وين بس هم زاتم م عارفين روحهم ماشين وين..
حسن شوية كدا ودخل في شارع جانبي
ألين بقت تلكز في فهد وتقرص فيهو نظام دا ماشي بينا وين دا
فهد مسك يدها وعاين ليها طير ليها عيونو نظام وقفي البتعملي فيهو دا
حسن حسا بيهم وقال:فهد ي ولدي..الدنيا دي دوارة دي لستك العربية..يوم بتديك اي شي ويوم تشيل منك اي شي
فهد وألين عاينو ليهو عشان يفهمو هو بقول كدا ليه؟
حسن كمل كلامو:الفقر م عيب..كونو انك تقول انا م عندي دي اصلا م عيب
فهد بس بعاين ليهو وتقريبا فهم انو حسن فهم انو فهد م عندو حتة يمشي ليها
حسن وقف عربيتو قدام بيت كدا بابو حديد كبير
ألين كف مسكت فهد من قميصو
حسن:انزل ي ولدي الليلة مبيتكم عندي
فهد:بس ي عمي
حسن قاطعو:مف بس..بيتي بيتك الليلة ولا انت م معتبرني عمك؟
فهد:م كدا والله بس مف داعي نتقّل عليكم
حسن ضحك:اريتكم تتقلو علينا البيت اصلا انا وام محمد براانا قاعدين
فهد ابتسم وعاين لألين
حسن:وام محمد زاتها نفسها تشوفك
فهد بخلعة:تشوفني انا؟
حسن ضحك:اي انت..ارح انزلو
ونزل
فهد عاين لألين وهمس ليها:ننزل؟
ألين بنفس الهمس:عندك خيار تاني؟
فتحو الباب ونزلو..فهد مسكها بس هي جرت يدها منو نظام م تمسكني قدام عمو..
حسن فتح الباب ودخل وهو بقول:ام محمد تلقاها في الاودة جواا م بتسمعنا
فعلا البيت كان حوشو كبييييير..فيهو حمامين جنب الباب وجنبهم وضاية وتاني في نهاية الحوش هناااك في اوضين ملصقين مع بعض وبجهتهم الشمال في عريشة كدا...
حسن اتجه طوالي علي العريشة وفهد وألين وراهو..لمن قربو عليها سمعو صوت التلفزيون..
ومرا بتقول:جيت ي حاج حسن؟
حسن:جيت ي ام محمد ومعاي ضيوف
وقفت علي حيلها وهي بتصلح في التوب..دخلو لقوها بتختو في راسها شكلها اصلا كانت لابساهو..ابتسمت اول ما شافتهم كانها بتعرفهم..
كان مرا في نهاية الخمسينات..لا ضعيفة لا سمينة لكين طويلة حبة كدا
سلمت علي فهد في يدو وحضنت ألين
حسن:دا فهد الكان قلتا ليك وداني المستشفي وجابني البيت
المرا طوالي حضنت فهد فهد طبعا طير عيونو بقى يعاين لألين..وألين ابتسمت وهي ماسكة ضحكتها...
حسن ضحك
المرا:اريتك ي ولدي تتعلي ما تتدلي..لو م انت كان حاج حسن فات مني
فهد ضحك بحرج:العفو ي خالتو الله يطول ليك في عمرو
المرا:اقعدو اقعدو النجيب ليكم موية
حسن:لا لا موية شنو ختي العشا عديل ي ام محمد
المرا..ولا نقول ام محمد زي ما بناديها راجلها:سمحح اصلو جااهز بس اغرفو
فهد:لا لا م بحتاج نحنا متعشين

ألين وهي مستغربة منو:طيب
المسافة دي مكالمة امجد كانت فصلت ورجع يدق تاني
قالت لفهد:طيب يلا
فهد:مع السلامة
قفلت وبقت تعاين للتلفون وهو منور ب "🥀🎶Amjoo"..ترد ولا لأ؟!لو م ردت م ح يوقف اتصالات اخوها وعارفاهو+ اكيد ح يكون مقلق عليها اللفف ولو م ردت ح يفتكر حصلت ليهم حاجة..المكالمة فصلت وتاني بدا يدق ردت وقبل تتكلم سمعت صوتو بقول:الو ألين وين انتو؟
ألين:اهليين امجو كيفك؟
امجد:ألين وريني وين انتو؟
ألين:م بقدر ي امجد بس بقدر اقول ليك اننا كويسيين حمدلله م تخاف علينا
امجد كورك:انتو مجانين؟ كيف م اخاف عليكم؟ وريني انتو وين هسي دا
ألين:والله م بقدر فهد م ح يرضي
امجد:ألين الله كم؟
ألين:واحد
امجد:يلا وريني انتو وين عشان اتزفت اجيكم
ألين:امجد والله والله والله م بقدر بعدين نحنا كويسيين وامورنا زينة
امجد:اموركم زينة كيف يعني؟ امبارح نمتو وين وهسي عاملين شنو؟
ألين ضحكت:امورنا زينة عديل كدا وربنا سترها علينا..فهد لقى شغل وتقريبا..عاينت للبيت الملاصق وقالت:تقريبا لقينا بيت
امجد:فهد الحيوان خلي يصبر لي
ألين ابتسمت وم ردت
امجد:امبارح بلاي لمن بسأل فيهو عربيتك وم عربيتك م كان يوريني
ألين:صعبة عليهو يوريك
امجد اتنهد:قولي ليهو امجد قال ليك كنت قايل البينا اكبر من كدا
ألين:هو م عارفني بتكلم معاكم قال لي اقفلي التلفون
امجد:اوعااا..م تجننيني
ألين ضحكت:اي انا زاتي قلتا كدا
امجد سمع ضحكتها..شكلها مرتاحة بالجد وامورهم زينة علي قولها قال:طيب م تقفلي تلفونك عشان اتابع معاك
ألين:طيب والله م بقفلو
امجد:طيب
ألين:امجد
امجد:ي نعم
ألين:م توري زول بالحصل..فهد متحسس شديد
امجد:اكيد ي هبلة
ألين ابتسمت:طيب يلا باي
امجد:في امان الله
قفلت وعاينت للتلفون وابتسمت...حرفيا امجد معاها في كل مراحل وتفاصيل حياتها...

امجد اتلفت علي دانة وهو بخت التلفون..طبعا كانو فاتحين الاسبيكر
دانة:ح نعمل شنو؟
امجد وهو بدعك عيونو:م عارف والله راسي شاطب
دانة:لازم نطمن عليهم
امجد:اي اكيد..ألين شوية شوية ح تورينا ساكنين وين ان شاء الله
دانة:وهادي؟
امجد بحقد:هادي دا موضوع براهو
دانة:لازم نكشفو
امجد:صبرا جميلا..انا بزبطو ليك
دانة اتنهدت وهي بتعاين ليهو...مدام قال بزبطو معاناها ح يزبطو..
عاين ليها لقاها بتعاين ليهو مسك يدها مسااافة وقال:م تخافي كلو بتحلا
دانة حركت ليهو راسها نظام طيب...
بعدها رجعها البيت وهو مشا علي جامعتو وهو بفكر في حل للقصة دي...

ألين قاعدة م وقدت اليوم كلو..بس تصلي وتجي تقعد في مكانها...
ام محمد جابت قهوة وحاجات المحشي وجات قعدت جنبها
وبقو يتونسو وكدا..ألين ساعدتها حبة وكدا
وبعد ام محمد قالت ليها امشي استحمي
ألين:لا لا ي خالتو م ضروري
ام محمد:ها ي بت هاا..م تبقى خنيتة المرا من راجلها بكون جاي بتستحما وتتجيه وتتمنجه
ألين ضحكت:دا عندكم ي خالتو..فهد م بتفرق معاهو الحاجات دي
ام محمد:ها العويرة منو قال ليك م بتفرق؟ سألتيهو؟ ولا يوم جا لقاك مجيه قال ليك تاني م تتجيهي؟
ألين ضحكت..صحي عمرها م استحمت واتجهيت عشان هو جاي..حتي اغلب الاوقات بجي بلقاها نايمة او مع دانة في جناحها...اتنهدت لمن اتذكرت انو اصلا هم مف بيناتهم حاجات المرا وراجلها دي...
ام محمد:انا بخش استحما وانتي تخشي وراي سمح؟
ألين ضحكت:سمح
فعلا ام محمد استحمت وألين دخلت وراها جات لقتها اتسرحت
ام محمد:تعالي مشطي شعرك دا
ألين ضحكت:طيب بس اصلي العصر
ام محمد:انا زاتي اقوم اصلي
المهم صلو..وألين اتسرحت قامت ام محمد جابت ليها ريحة نسوان
ألين:لا لا ي خالتو م بنفع والله
ام محمد:الم بنفعو شنو؟ ي بت الخمرة دي ريحتها خفيفة بس عشان راجلك لمن يجيك م يشم العفنة فيك
ألين طبعا بقت تتخجل وضحكت وبعد تعبب اتريحت وقعدو...
الوقت كان عصصر كدا..
سمعو صوت ابو محمد بقول:سلام عليكم ي اهل الدياار
ألين وقفت علي حيلها وهي بتلبس في عبايتها وهي متوترة...فكرة انها اتجهزت ل جية فهد موتراها شوية...رفعت راسها شافتو بدخل العريشة ورا ابو محمد اول ما عيونو وقعت عليها رفع ليها حواجبو...سلم علي ام وجا عليها وهي مبتسمة ليهو
فهد:ازيو؟
ألين:تمام حمدلله..اها كيف الشغل
فهد:كويس..انتو طلعتو حتة؟
ألين استغربت:لا ليه؟
فهد وهو بوزع عيونو عليها:شكلكم زي الطلعتو مسترحين ومتريحين
ألين اتنحنحت وهي بتخت يدها في رقبها بحرج..
المهم فهد وابو محمد قعدو وألين من التوتر قامت عشان تساعد ام محمد...ختو الغدا وجو قعدو الاربعة يتغدو...
فهد شغال يعاين ليها ساااي وهي عاملة رايحة...
اتغدو وجابو الشاي
ابو محمد:ي ولدي رايك شنو نقوم نشوف البيت؟
فهد:لو عجبني او لا بفرق شنو؟ م عندي خيار غيرو

ألين عاينت ليهم..ضيوفنا؟ ليه هم ح يقعدو لحدي الغدا يعني؟
عاينت لفهد احساس فهمني حاجة
فهد:ااا ألين تعالي دقيقة
ألين مشت معاهو بعيد شوية وقالت:اها
فهد:انا ح امشي اشتغل بالهايس بتاع عم حسن
ألين:تشتغل بالهايس وين؟
فهد:م عارف ح اشوف بودي من وين لوين وح اشتغل
ألين:مواصلات يعني؟
فهد:اي
ألين:وانا؟
فهد:وانتي ح تكوني قاعدة مع ام محمد..شكلنا ح نسكن في البيت الملاصقهم دا
ألين عاينت للبيت الملاصقهم ورجعت تعاين لفهد وهي م فاهمة حاجة
فهد اتلفت علي حاج حسن الماشي علي باب الشارع ورجع عاين ليها:بفهمك اي شي لمن اجي..هسي مستعجل
ألين:ح تخليني براي؟
فهد ضحك:م ح تاكلك صدقيني
ألين:طيب وانت ح تشتغل كيف وانت م بتعرف امدرمان؟
فهد:بجرب ي ألين يلا مع السلامة
ألين مسكتو:دق لي وريني حصل معاك شنو طيب؟
فهد ابتسم علي قلقها:طيب ي ألين..يلا خليني الحق عم حسن
مشا وهي بتعاين ليهو لمن طلع وقفل الباب..بالجد قلقانة عليهو معقول زول عايش حياتو كلها في دبي يجي يشتغل بهايس؟!...اففف الله يجازي الكان السبب...
ام محمد وهي بتعاين ليها:شكلك بتحبيهو ي بتي
ألين بسرعة:لا لا لا م كدا ي خالتو
ام محمد ضحكت وقاطعتها:مالا المرا كان ما حبت راجلها تحب منو؟
ألين نزلت راسها وم ردت
ام محمد:كدي ال ندخل الكبابي ديل واجي اتونس معاكي
ألين:خليهم ي خالتو انا بدخلهم
ام محمد:بري ي بتي انتي ضيفة عندي
ألين ضحكت:من امبارح قاعدة معاكم بعد دا بقيت م ضيفة
ام محمد:ولو قعدتي 100 سنة ضيفة لامن تفتحي بيتك دا وتقعدي فيهو تبقى م ضيفة
ألين عاينت للبيت الملاصقهم زي ما ام محمد اشرت...قلبها دقا من كلمة "تفتحي بيتك"...
--------------------------------------
---------------------
*يتبــــــــــــــــــــــــــــــــــــــــــــع*

ماشي عليها كدا لاقاهو حاج حسن وهو شايا ابريق..شكلو متوضي كمان
حاج حسن:صباح البركة
فهد:يسعد صباحك ي عمي
حاج حسن:انا متوضي لكين برجاك نصلي سوا
فهد ابتسم ليهو وقال:طيب اتوضى وبحلقك
حاج حسن:ام محمد زاتها تتوضا تصلي معانا
فهد استنتج انو الابريق دا شايلو ل ام محمد..شكلهم بحبو بعض...
فهد مشا دخل الحمام اتوضا وجا وقفو هو وحاج حسن قدام ووراهم ام محمد صلو الصبح..
بعدها فهد قال:ي عمي عايزك في موضوع
حاج حسن طبق المصلاية ختاها في راس السرير وقعد جنب فهد وقال:اها ي ولدي
فهد بلع ريقو..الموضوع صعب عليهو انو يطلب مساعدة بس كمان م ف يدو خيار غيرو
حاج حسن فهمو وم حب يستعجلو في الكلام
فهد رفع راسو:انا ي عمي حصلت مشكلة مع ابوي...وبسببها طردني من البيت
حاج حسن حرك ليهو راسو نظان اي وقال:انا عندي دكان في سوق ليبيا دكان ملابس اطفال
فهد ساكت وبعاين ليهو
حاج حسن:والهايس دا اصلا كان شغال بيهو محمد ولدي قبل يغترب وهسي واقف ساي..ممكن تسوقو تسترزق بيهو
فهد عاين ليهو وقال:والله ي عمي انا محرج منك م عارف اقول ليك شنو
حاج حسن:م فيها احراج...بعدين انت ح تشتغل وتديني ايراد اليوم عادي ااا؟
فهد ضحك:اكيد ي عمي
حاج حسن:الجزو التاني من بيتي دا فاضي ممكن تسكنو فيهو
فهد:لا لا ي عمي كدا كتير
حاج حسن:ي ولد انت مالك مقعد كدي؟ الدنيا دي بتمشي كيف لو ما ساعدنا بعض؟
فهد:طيب ي عمي ح ادفع ليك حق الايجار زي زي الناس
حاج حسن ضحك:سمح ادفع نصو
فهد ضحك..يداب كدا ارتاح..هو م بقدر يعيش علي خير زول ولا اهلو علموهو الاتكالية🖤....
اهلو..اتذكر اهلو..امو الطلع خلاها بتبكي ودانة برضو..وابوهو الصدق هادي وكذب ولدو...ئه مصيرها الايام تثبت ليهو انو فهد مظلوم...

ألين فتحت عيونها لقت فهد مف جنبها..قعدت علي حيلها بخلعة ونزلت من السرير قفلت زراير عبايتها وختت طرحتها في رقبتها وقامت مشت علي الباب لقتو مقفول من برا...خلااص راسها طلع...اكيد قفلو الباب عشان يقتلو فهد برا او يمكن قتلوهو وهسي قعد ياكلو فيهو..بقت تدق الباب شديييد وكوركت:افتحو الباب داااا...فهد انت سامعني؟
فهد طبعا كان قاعد من حاج الحسن وام محمد في الحوش بشربو الشاي لمن بقت تدق اتذكر انو لمن قام يصلي الصبح قفل الباب من برا..جرا فتح الباب
ألين:فهدد
لزاها علي الباب ووقف قدامها وهو بقول:بتدقي شديد كدا مالك؟
ألين وهي بينو وبين الباب:كنتا قايلاهم قتلوك واكلوك
فهد غطا ليها خشمها وعاين وراهو لحاج حسن وام محمد البعاينو ليهم وشكلم م سامعينهم
فهد:هششش..بطلي جن ي ألين
ألين:طيب انت مشيت وين؟
فهد:مشيت اصلي زي ما قلتا ليك انتي نسيتي؟
ألين عقدت حواجبها باستغراب:متين قلتا لي؟
فهد:لمن قايم اصلي صح سألتيني وجاوبتك؟
ألين:م سألتك والله
فهد اتذكر انها رجعت نامت سريع وقال:طيب خلاص م تحلفي شكلك كنتي نايمة
ألين وهي بتعاين ليهو:ومالك بتتكلم براحة كدا؟
فهد:لأنو م برانا في الحوش
ألين ميلت راسها لقتهم بعاينو ليهو وطبعا هم وقفتهم كعبة يعني هي ملصقة مع الباب وفهد قريب منها ومغطيها
ألين:فهد زححح قعد يعاينو لينا
فهد ضحك:دا البقول فيهو من الصباح
ألين:زح يخ هسي ح يفهمونا غلط
فهد:يفهمونا غلط كيف؟
ألين زحتو من قدامها ومشت عليهم وهي بتصلح في طرحتها بخجل...
ام محمد ضحكت:صباح الخير ي بتي
ألين:يسعد صباحك ي خالتو
ام محمد:كيف اصبحتي؟
ألين اتوترت من فهد الجا وقف جنبها وقالت:تمام ي خالتو وانتو؟
ام محمد:طيبييين نحنا..امشي اتسوكي مسافة اكب ليك الشاي
ألين حركت راسها نظام طيب وجرت فهد احساس ارح معاي
فهد طبعا اتداغل عليها قعد في السرير وقال:الوضاية بغادي ي ألين
ألين طيرت ليهو عيونها نظام م بمشي براي
ضحك وهو برفع كباية الشاي عشان يشرب....
ألين قلبت ليهو عيونها ومشت..اففف شكلو استحلي القعدة هنا..لكين هيييين هسي يشربو الشاي ويطلعو من البيت المخوفها دا....
استوكت وجات قعدت جنب ام محمد لأنو السرير التاني فيهو حاج حسن وفهد وم ظريفة تتلصق مع فهد كفاية لصقتو فيها جنب الباب دي
ام محمد وهي بتمد ليها كباية الشاي:اسمك منو ي بتي..لين؟
ألين مسكت منها الكباية:ألين ي خالتو ألين
ام محمد ضحكت:ما شاء الله غايتو اسامي الزمن دا
حاج محمد:زي اسم حفيدك دا اسمو منو؟
ام محمد:ميشان؟
حاج حسن:لا الصغير اسمو منو؟
ام محمد ضحكت:مياس
حاج حسن:اها شوفو الزي دا..انا غلبني احفظهم عديل مع انهم اولاد ولدي الوحيد
فهد ابتسم:الله يخليهم ليك ي عمي
حاج حسن:امييين ويرزقك الضنى
فهد عاين لألين ألين عنلت رايحة بكلووو وهي بتشرب في الشاي...
المهم شربو الشاي بعداك حاج حسن وفهد وقفو علي حيلهم
حاج حسن:اها ي ام محمد اجيب معاي خدار؟
ام محمد:لا لا بس جيب لحمة..بعمل محشي الليلة لضيوفنا ديل

ألين كانت قاعدة جنبو عاينت ليهو مسااافة
ابو محمد:نحنا اتكلمنا قبل كدا في موضوع خياراتك دا..دا ابتلاء من رب العالمين والله اذا احب عبدا ابتلاه ولا م كدا ي بتي؟
ألين ابتسمت ليهو:ايوة ي عمو ونعمة بالله
فهد:ونعمة بالله
بعد شربو الشاي ألين قامت ودت الكبابي..فهد بعاين ليها..نفسو يقوم يمشي وراها بس م ظريفة
ابو محمد:تعالي ي ام محمد عايزك
فهد عاين ليهم:خليكم ي عمي انا بقوم اشوف ألين دي
وفرر مشا ليها المطبخ لقاها جاية طالعة
اول ما شافتو قالت:فهد؟مالك جاي وراي؟
فهد:حاج حسن عايز يتكلم مع مرتو
ألين:اهااا
وطلعت من المطبخ فهد طلع وراها ومسك كوعها وقال:وانا عايز اتكلم مع مرتي
ألين اتوترت طبعا لكين قعد في العتبة بتاعة المطبخ وقالت:اي تعال احكي لي حصل شنو معاك؟
فهد وهو بقعد جنبها:ولا شي..اشتغلتا امدرمان العربي
ألين:كويس اها
فهد:اها شنو؟
ألين:اها يعني عرفتا الطريق كيف؟
فهد:عم حسن كان معاي في المرة الاولى بعدها نزلتو في السوق وبقيت شغال براي
ألين:اها وكيف اول يوم في الشغل؟
فهد:محسساني انو شغال في شركة عالمية
ألين:فهد برضو حمدلله انك لقيت شغل
فهد حرك راسو نظام حمدلله
ألين:اها
فهد:اها شنو؟
ألين:اها يخ احكي لي شعورك شنو وانت سايق ولمن بتشيل من الناس القروش وكدا
فهد ضحك:اولا عندي كمساري بسلمني القروش لمن نخلص من الدور
ألين:وتانيا؟
"ألين دي زيي..لمن زول يقول لي اولا بكون مركزة عشان لمن يخلص اسألو وتانيا😂👋🏻"
فهد ضحك:تانيا ي ستي اتذكرتك لمن بتقولي الاحساس الواو بتاعك داك..لو كنتي معاي كنتي ح تشوفيها حاجة واو
ألين:بالجد حاجة واو انو تركب ناس جداد وتسوقهم وينزلو وتاني يركبو وحدين غيرهم
فهد بعاين ليها:نفسي اشوف المواضيع بنظرة التفاؤل الانتي بتشوفيها بيها دي
ألين ضحكت:اي حاجة بتحصل لينا بتكون فيها حاحة واو

فهد ابتسم:نضفتي براك؟
ألين:اول امبارح نضفتو معاي خالتو بس الليلة نضفتو براي
فهد وهو لسا مبتسم:شكرا
ألين:على؟
فهد:علي كل البتعمليهو دا
ألين:اولا دا بيتي ومف داعي تشكرني عشان فتحت بيتي
ربع يدينو:وتانيا؟
ألين:مف تانيا بس واحدة هي
ضحك وهي ضحكت..
فهد:عندك حاجات تجيبها من بغادي؟
ألين:بس شنطة اليد
فهد:انا بجيبها ليك
ابتسمت ليهو:طيب
وفعلا مشا جاب تلفونو وشنطة اليد بتاعتها وجا..
ألين:تعال نفرش الحوش
فهد:نفرش؟! سوا يعني؟
ألين ضحكت:للحق يعني عشان اكون صريحة..انت ح تفرشو لأنو المراتب تقيلة
فهد ضحك:ايوااا قولي كدااا
ألين:كدا
ضحكو ومشا طلع المراتب..فرشتهم ورقدو
ألين:اها ح نقعد نعاين لبعض كدا؟
فهد:افتحي تلفونك
ألين:م فيهو شي يخ النهار كلو ماسكاهو
فهد:امممم
ألين:وانت؟
فهد:انا شنو؟
ألين:وين تلفونك امبارح شكلك م ختيتو في الشاحن
فهد:بعتو
ألين:بعت شنو؟
فهد ضحك علي غبائها:الشاحن
ألين:وح نشحن بشنو نحنا؟
فهد:ألين بطلي غباء
ألين سكتت مسااافة عشان ترتب الكلام بعدها قالت:بعتا التلفون؟
فهد:yaah
ألين ب إستياء:لييييه؟
فهد:اولا بقيت م فاضي عشان اشتغل بيهو كتير
ألين:وتانيا عشان تشتري بقروشو الحاجات صح؟
فهد:yaah
ألين عاينت ليهو مسااافة بعدها قالت:وحلااااااتي
فهد ضحك وهو مستغرب في ردت فعلها دي
المهم شوية كدا ونامو..طبعا بنومو بدري لا تلفون ولا تلفزيون😂...
بكريتو صحو صلو وكدا وام محمد رفعت ليهم الشاي لأنو لسا م جابو الحاجات..
فهد استحما غير...طبعا ابو محمد اداهو جلابية بلسبها في البيت وبغسل البنطلون والتيشريت يلبسهم تاني يوم...
لمن جا طالع ادا ألين قروش
ألين:دا شنو؟
فهد:امشي السوق جيبي حبة حاجات ناكلها يعني اكيد ح نقعد جعانين
ألين:طيب طيب م تتفاصح
فهد:ي بت انا زي راجلك وكدا المفروض تحترميني
ضحك:طيب ي زي راجلي بحترمك
فهد:فديتو البسمع الكلام
ألين ضحكت:امشي يلا
فهد:ماشي يلا سلام
ألين واقفة خشم الباب اشرت ليهو نظام بباي👋🏻

عملت زي ما قال ليها ساقت ام محمد ومشت السوق جابت ليها كم حاجة كدا عشان تطبخ ليهو...متحمسة شديد احساس بقى عندها بيت وتشتري الخضار وكدا...
المهم عدا الوقت...

فهد دقا الباب..طبعا لسا م عمل نسخة ليهو..دقا كدااا جات فتحت ليهو اول حاجة لاحظ ليها انو م علي طبيعتها..بالرغم من انها ابتسمت عشان تخفي لكين واضح انو في حاجة
ألين:ما شاء الله م كان تجي والله
فهد ضحك:بالعكس جيت بدري الليلة
ألين:العشا قعد يأذن
فهد دخل:قاعدة براك ليه؟
ألين:كنتا مع خالتو جيت قبل 10 دقايق كدا
فهد مطا خشمو نظام اممم
ألين وهي متجهة علي المطبخ:عملتا ليك سبرايز الليلة
فهد كف مسك وجرا عليهو وقال:مالك انتي؟
ألين:مالي؟
فهد:م عارف انا بسأل فيك
ألين:مف شي ي ولد
فهد:في..ظاهر انك كنتي بتبكي
ألين:فهد يعني ح يبكيني في شنو يعني؟