"اي اي تصبحو علي خير الساعة ماشة علي 9 مسا"
امجد:تلاقي الخير
وعبير ابتسمت ليها بس
عاين لعبير وقال:اها
جات عليهو خطوة وهي ساكتة
امجد:شكلو الموضوع مهم
عبير اتنهدت:اسيل
امجد شال نفس وختاهو نظام اهااا
عبير:ناوي تصالحها متين؟
امجد ابتسم بسخرية:اصالحها؟!
عبير لوحت بيدها:طيب طيب..متين ناوي ترد عليها
امجد سكت
عبير:لازم تقعدو وتتكلمو...عاينت ليهو...ولا كدا خلاص بالنسبة ليك؟
امجد:م عارف...وم عايز اتكلم في الموضوع
عبير:حتي معاي انا؟
امجد طلع يدينو من جيوبو:عبير انا م فاهم شي اساسا عشان اتكلم فيهو...م عارف الغلطان منو والمفروض يزعل منو...م عايز ازعل منها لأنو احتمال انا غلطان او الموضوع م داير زعل كمان م عايز اعتذر ليها
عبير عاينت ليهو مسااافة بعدها قالت:الموضوع ايزي ي امجد
عاين ليها بسرعة:ايزي؟
عبير حركت راسها نظام اي:اممم..بس احتمال انت متأزم لأنك رابطو مع الحصل بينك وبين دانة
عاين ليها مساااافة اول نرة يحس انو عبير م قادرة تفهمو وم ح تفهمو مهما شرح ليها...وم هي بس مف زول ح يفهم الشعور المرير الحاسي بيهو
حرك ليها راسو باختصار:يمكن
واتلفت عشان يمشي
عبير:امجد
اتلفت عليها
عاينت ليهو مسااافة نفسها تتكلم معاهو اكتر نفسها ن تخليهو لأنو عارفاهو مضايق م عرفت تقول ليهو شنو قالت:ح تتأخر؟
ختا يدو جبهتو وهو بقول:م عارف والله علي حسب الشباب
حركت ليهو راسها بمعني ايوا وابتسمت ليهو
ابتسم ليها بالجنبة وطلع..عارف انها عايزة تكون جنبو بس هو م قادر..او بالاصح هو محتاج لوحدة تانية..الوحدة الخلتو زمان ونفس الوحدة العي السبب في الهو فيهو دا...شعور مؤلم لمن يكون وجعك وعلاجك زول واحد...

في نفس الفلة بس في جناح تاني
جا طالع من الحمام لقاها واقفة قدامو...ظاهر انها عايزة تتكلم معاهو...نزل راسو وبقى ينشف في شعرو وتابع مشيهو...مسكتو من يدو وقالت:البتعمل فيهو دا غلط
اتلفت عليها:والبتعملي فيهو انتي م غلط؟
نسرين مسكت يدو بيدينها الاتنين:كونو اني عايزة اجيب بيبي نفرح بيهو انا وراجلي حبيبي دا غلط؟
احمد سحب يدو منها:راجلك حبيبك الح تخليهو عشان كلام الناس ولا واحد تاني؟
نسرين:احم منو قال اني ح اخليك...انا قلت ليك نمشي نفحص و
قاطعها:وبعدها كل واحد يمشي في طريقو...قلتيها مرتين وشكلك ح تقوليها كتير صح؟
نسرين حركت ليهو راسها نظام لا لا
عاين ليها مسااافة وهي بتعاين ليهو..تقول شنو؟ هي غلطانة ستمية مرة قال ليها م تفتحي موضوع الفحص دا برااااها بتمشي تنكش المشاكل
قالت ليهو:اعرف اني بعمل كدا عشان بحبك وم عايزة احرمك من الابوة
احمد كورك:تاني بتقول لي احرمك من الابوة ي بت الناس هسي انا اشتكيت ليك؟ لاا قلتا ليك عايز ابقى ابو؟ لاا..اساسا م حصل جبتا ليك سيرة الموضوع دا ومع دا انتي يتمشي تسمعي لي كلام الناس وتتنفسني
نسرين همست:اسمع كلام الناس؟
احمد جا عليها خطوة وهو بكورك:اي ي نسرين بتسمعي كلام الناس...وكل همك انك تلدي عشان تسكتيهم بس اعرفي انهم م ح يسكتو في كل الاحوال
نسرين نزلت راسها عشان م يشوف دموعها
اتنهد بعصبية ومشا خلاها...وقف بعيد منها واداها ضهرو رما المنشفة بعصبية وختا يدينو في نصو...اففف المشكلة دي كل ما ليها شغالة تكبر بس اكيد بسببها وم بسببو لأنو م حصل مرة فكر ولو حتي بينو وبين نفسو في موضوع عدم ولادتها دا...
"عين...عيييين ووقعت عليكم حبايبي انا☹️👋🏻"...


*في الفلة المجاورة...*
قاعدة في طرف السرير وخاته يدينها الاتنين في صدرها ومغمضة عيونها شدييييد...حاسة بطعنة مؤلمة في قلبها... مرت قرابة ال10 دقايق هي في حالتها دي والطعنة ابت تخف..سمعت صوت الدش بقيف دليل علي انو انتهي من حمامو.. هسمت ب:اللهم انت الشافي المعافي فلا شفاء الا شفائك..
عادتها قريب 5 مرات حتي الطعنة بدت تخف..وم صوت فتحة باب الحمام رفعت راسها بسرعة
عاين ليها باستغراب لمن دخل الحمام كانت راقدة المقعدها شنو؟ جا عليها:شهدوون؟!
عاينت ليهو بضياع:هااا
عاين ليها في عيونها مسااافة ظاهر انها موجوعة..او عشان اكون صريحة! م ظاهر بس هو حسا انها موجوعة لأنو ببساطة بعرفها شديد
مسك يدها:كويسة انتي؟
ابتسمت ومدت ليهو يدها التانية عشان يمسكها وهو بدورو مسكها
قالت:كوييسة
رامي وهو بضم يدينها لصدرو:وشك بيوحي بغير كدا
شهد:بكون من تعب الحِمل بس
عاين ليها مسااافة حاول فيها يصدق بس قلبو نغزو انو في شي غلط..ابتسمت ليهو باتساع نظام شوووف انا اوكيه...باس يدينها مسااافة وبعدها حضنها..غمضت عيونها بألم وهي في حضنو...حضنو الايامها فيهو بقت معدودة وماشة في العد التنازلي...حاسي بهمها المخبياهو عنو همها الم عارف تفاصيلو كل العارفو انها مهموووومة وشايلة ثقل في قلبها..باس شعرها مسااااافة وتكل حنكو في راسها وهو بقول:ربنا يقومك بالسلامة ي شهدي..ربنا يقومك بالسلامة
حركت راسها من غير ما ترد..ح تقول امين؟ وهي عارفة انو ربنا م حيقومها بالسلامة...عارفة انو نهايتها قربت نهايتها الحتكون علي يد البيبي الفي بطنها دا😪💔...

في غرفتها...ماسكة تلفونها وبتفتش لصورة معيييينة ل امجد...لقتها ختتها استوري وكتبت كلام تحتها...قفلت تلفونها ورقدت نامت....

بجهة امجد...عاين للدايرة الجنب كلمة استوري الفي الواتس ديك...فتح محل الاستوري لقاها خاتة استوري هسي...بقى يعاين ليهو مسااافة شكلها صورتو..قطع شرودو صوت جمال مصباح وهو بغني "انا قلبي مالو اليوم" ردا بسرعة لمن شاف المتصل ياسر...
ياسر باندفاع:الووو امجد..شفتا استوري اسيل؟
امجد:اتنفس خليني اتكلم
ياسر ضحك:شفتو ولا م شفتو؟
امجد ببرود:لا
ياسر:شوفو..البت زعلانة بالجد
امجد:منو فينا المفروض يزعل؟
ياسر:هي زعلانة عشان انت زعلان منها
امحد سكت
ياسر:امجد الموضوع م مستاهل صدقني...يعني شنو لو طلع في واحد بحبها؟
امجد:م بيعني شي..لكين لمن تكون مربطة معاي وتخليني عشانو لا وكمان الواحد دا مهيب يبقى يعني حاجات كتيرة
ياسر:مشكلتك انها خلتك؟ ولا انو في زول بحبها؟ ولا انو الزول دا مهيب؟
امجد:التلاتة...التلاتة مشاكلي ي ياسر
ياسر سكت مساافة بعدها قال:انا شايف انو لازم تقعدو وتتكلمو ي امجد...البتعمل فيهو دا غلط بعدين دي اسيل ي امجد م اي زول...ح تخسر اسيل عشان مشكلة زي دي؟
امجد كلمة "ح تخسر اسيل"وقعت ليهو في قلبو قال بسرعة:منو القال اني ح اخسرها؟
ياسر:صراحة...بالبتعمل فيهو دا ح تخسرها...يخي ليك اسبوع ساحب علي البت في حين انو انت الكوركتا فيها وانت الجريتها من يدها في نص الجامعة زي الغنماية

امجد:وهي الخلتني وانهت علاقتنا عشان مهيب الزفت
ياسر:اولا هي م خلتك لأنك اساسا م كنتا بتحبها هي الكانت بتسأل وهي بتضرب يعني اساسا علاقتكم هي كانت ممشياها وانت كنت طرف متجمد فيها...هسي حست روحها انها م قادرة تكمل وم قادرة تدي اكتر وخلتك فيها حاجة دي؟
امجد سكت مساااافة ياسر دا قعد يقول كلام منطقي...
امجد:يعني طلعتا انا الغلطان صح؟
ياسر:انت وهي الاتنين غلطانين..وانا شايف انكم تقعدو وتتفاهمو
امجد:انت ي ود كلامك بقى كتير كدا ليه؟
ياسر ضحك:انا عارف؟ زاتو اقطع وشك خليني اتم خلطي
امجد:الليييييييلة بكلم ليك عبير..بقول ليها قعد يخووونك
ياسر ضحك:هو انا لميت فيها عشان اخونها؟
امجد ضحك باعلي صوتو:يلااا..اجري
ياسر ضحك:جاري جاري
امجد:يلا
ياسر:بالسلامة
قفل الخط وعاين للمكالمة مسااااافة...ياسر روح ليهو التشويش وقعّد ليهو افكارو...فتح الاستوري بتاع اسيل لقاها خاتة صورة ليهو قاعد فيها مربع كرعينو وماسك الجيتار خاتي يدينو ومدنقر..كأنو بعزف ملامح وشو كان م ظاهر بس ظاهر شعرو وعمود انفو..الصورة ابيض والاسود عشان كدا كانت عمييييييييقة اااالف...كاتبة تحتها
"قولو ليهو انا زعلو م بحلمو..
ريدو في قلبي عمرو م اتبدل..
جيت اراضيهو..انا كيف الاقيهو..
قولو لي كيف برضى..وعيوني تفديهو😴🖤"
ابتسم وهو بعاين للاستوري...ي الله من اسيل ورقتها ولين قلبها😴🖤...

*صباح اليوم التالي...*
شهد فتحت عيونها لقتو مافيش جنبها قعدت علي حيلها بسرعة...لاحظت للورقة الفي نهاية السرير شالتها لقتو كاتب ليها
"صباحك شهد ي شهد
م قدرتا اصحيك لأنك امبارح كنتي تعبانة شوية..
طمنيني عليك اول ما تصحي...
بحبك🖤"

ابتسمت وهي بتخلل اصابعها في بداية شعرها...شالت تلفونها من الكومودينة ودقت ليهو ردا ليها بعد تاني جرس ب:شهدي
رجعت رقدت وقالت:حبيبي..كيف اصبحتا؟
رامي:م اصبحتا زاتو الا هسي بعد سمعتا صوتك
ابتسمت وقالت:وانا كمان يداب صباحي بدا
رامي:بتحاكيني ي استاذة؟
شهد:تقريبا كدا
ضحك وهي ضحكت
رامي:حاسة روحك احسن؟
شهد:امممممممم
(اي)
رامي:طب الحمدلله...يلا حبيبي انا مشغول شديد بس افضى وارجع ليك،طيب؟
شهد:طيب
رامي:يلا ودعتك الله
شهد ابتسمت..قفلت الخط وضمت التلفون لصدرها..

ألين وران طلعو جامعتهم...
امجد جا داخل جامعتو..اتذكر يوم الشكلو عقد حواجبو بزهههج ومشا قعد في بنشات بعيدة شوية من الناس..ولأنو الدنيا كانت صباح فالجو كان حلووو...عاين للبنش وهو بتذكر لمن اسيل قالت ليهو نرجع اصحاب كان في نفس البنش دا..اتنهد وهو بنزل راسو...
سمعها بتقول ليهو:دا كلو زعل؟
رفع راسو عاين ليها مساااافة..يخ بالجد اشتاق ليها م متعود م يشوفها اسبوع كاامل كدا.. رجع نزل راسو
اسيل اتنهدت وقلبها بعمل جمبلق جمبلق... قعدت جنبو وهي بتقول بصوت متدهج:اسفة
عاين ليهو:اسفة علي شنو؟..علي انك خليتيني عشان مهيب بحبك ولا علي انك زمان خربتي بيني وبين حبيبتي عشان اربط معاك؟
رمشت كم مرة ورا بعض..اوففف الدخل موضوع زمان شنو هسي؟ اسيل:امجد انا...نحنا قفلنا موضوع دانة دا
امجد:قفلناهو ليه..ومنو القفلو اصلا؟
بعلت ريقها وهي بتعاين ليهو عرفت انو يداب ح يحاسبها علي العملتو زمان

امجد:شنو الخلاك ترسلي صورة زي دي لحبيبتي؟...كنتي بتفكري في شنو لمن فرقتي بيناتنا؟ كيف اصلا تكوني بالانانية دي
حركت عيونها بين عيونو وهي بتقول:كنت معتبراك حاجة حقتي
كورك:وشنو اصلا الخلاك تعتبريني حاجة حقتك؟ بياتو حق ي اسيل بياتو حق؟
اسيل:بحق اني اتربيت معاك..اتربيت معاك شنو انا اتربيت علي يدك ي امجد..من صغار كنتا بسمع كلامك..اسيل م تلبسي كدا البسي كدا حاضر..اسيل م تمشي الحتة الفلانية امشي الحتة العلانية حاضر...اسيل م تعملي كدا اعملي كدا حاضر...تصرفاتي وحركاتي ولبسي كلو كان علي كيفك..يخي حتي الالوان الانا بلبسها وبحبها بحبها عشان انت قلتا لي انها حلوة معاي..الاغاني بسمعها عشان انت بتسمعها..امتحنتا ادبي لأنك امتحنتا ادبي ولأنك قلت لي م بتقدري علي العلمي وقرايتو..دخلتا الجامعة دي لأنك دخلتها ولأنك قلتا اني لازم اكون معاك..كنتا محتويني لدرجة بعيدة..وبعد دا كلو تجي وحدة وتاخدك مني؟حتي لو بت عمتك وحتي لو بتبقى ليك...انا اولى بيك ي امجد انا شفتك بتبكي وشفتك بتضحك شفتك نايم وشفتك صاحي..ضحكت بين دموعها..شفتك وانت شرووم وسنونك مكسرة..م قدرتا اتقبل فكرة انك ح تكون معاها ليل ونهار تضرب ليها..م قدرتا اتقبل حبك ليها...حسيت بنفس الاحساس الانت حسيتو لمن شفتني واقفة مع مهيب..نفس غيرة الصحاب..بس انا كنتا صغيرة وم فسرتها علي انها غيرة اصحاب..اساسا م كنت بعرف انو في غيرة بين المتصاحبين كنتا مفتكرة ان الغيرة بتكون للحبيب وبس..وانت كنتا الحبيب دا..كنتا صاحبي واخوي وحبيبي وابوي كنتا الراجل الوحيد في حياتي..وانا كنتا صحبة السوء الفرقت بين صاحبها وحبيبتو..نزلت راسها واتخجت بالبكى..كنت صحبة وهمية

في غرفتها قاعدة في سريرها وتاكلة ضهرها...بتفكر فيهو كالعادة المعتادة..ليه حاسة انو في حاجة كعبة حاصلة ليهو حاجة اقل من انو يحكيها واكبر من انو يكتمها حاجة عالقة في حلقو اتمنت لو هم زي زمان كان جا وحكا ليها مشاكلو وهي حلتها ليهو او علي الاقل ساندتو..ضمت ركبها لصدرها وهي بتزفر بوجع....


*صباح اليوم التالي...*
*التاسعة والنصف صباحا...*
قاعدة قدام التلفزيون وضامة المسند لصدرها..وسرحانة مشغلة التلفزيون خسار بس اساسا م مركزة معاهو تفكيرها كلو لبس الصباح وطلع مع احمد الم فتح خشمو معاها..بين نارين..نفسها تفحص وتتعالج وتحيب ليهو البيبي النفسهم فيهو بس كمان م عايزة تزعلو وهو ظاهر سيرة الفحص دا بتنرفزو شديد...

*في الفلة المجاورة...*
خاتة التلفون في اضانها وماشة وجاية في نص الغرفة وقفت لمن الخط فتح ران:الووو..فهد كيفك؟
فهد:اهلين ران..حمدلله تمام
ران حركت يدها كأنها بتخج في حاجة وقالت:ااااا..شكرا علي العملتو مع انس
فهد عقد حواجبو:عملتا شنو؟
ران:امبارح سمعتا انس بقول لألين ح يجي يتقدم ليها خلال الاسبوع دا..وقلتا اميد فهد وفى بوعدو لي وقال لانس يتقدم لألين
فهد م مركز معاها عقلو انحصر في جملة "ح يتقدم ليها خلال الاسبوع دا"...
ران:الووو فهد سامعني؟
فهد:احم..اي معاك
ران ابتسمت:ثانكيو شديد علي العملتو
فهد:مف داعي تشكريني..دا الواجب بس
ران ابتسمت:تمام يلا م اعطلك عن شغلك
فهد:يلا
قفلت الخط وعضت شفتها التحت وهي مبتسمة...فهد طلع جنتييييل بالجد...

راقدة وبتعاين لسقف غرفتها..وبتتذكر مكالمتها القبل شوية مع عبير...
اسيل:اها اتكلمتي مع امجد؟
عبير:اااا..اسيلو م لاقيتو انا
اسيل سكتت مساافة
عبير عرفتها م صدقتها قالت:لمن انا جيت هو كان نايم ولحدي ما اتعشيت وكدا هو م نزل...شكلو نزل بعد انا نمتا او يمكن م طلع من غرفتو اصلا
اسيل:اووكيييه..هسي انتي في الجامعة؟
عبير:قربتا اصل
اسيل:اوكيييه
عبير:ااا..اسيلو رايك شنو تتكلمي مع امجد انتي؟
اسيل:هو م قعد يرد اتكلم معاهو كيف؟
عبير:اميد ح تتلاقو في الجامعة..وساعتها اقعدو واتفاهمو
اسيل:اوكيه...تسلمي
عبير ابتسمت:الله يسلمك ي جميل
اسيل بدون نفس:يلا باي
عبير:باي...

غمضت عيونها بزهج لمن سمعت صوت تلفونها بدق..اكيد دي نوشة اساسا مخصصة ليها نغمة..مسحت ملامحها بفتور وردت ب:الوووو
نوشة:اسيلوو صباحو يقلبي
اسيل:يسعد صباحك
نوشة:وين انتي؟
اسيل:بالبيت ي نوشة
نوشة:ليييه؟م حتجي الجامعة؟
اسيل:والله شكلي م ح اجي..م عندي مود اطلع من البيت
نوشة:حرااام عليك انا جايبة معاي نولة ونضال "اختها وبت خالتها"...لازم تجي تلاقيهم
اسيل سكتت بالجد م عندها نفس تمشي الجامعة ولا تلاقي مهيب
نوشة:اسيلووووو
اسيل:نعم
نوشة:لازم تجي يوووخ
اسيل:طيب.. بشوف لحدي الضهر كدا
نوشة:تمام..يلا يعمري
اسيل:باي
قفلت الخط ورمت التلفون معاها في السرير...افففف ي امجد....


*في الجامعة...*
طلعو من المحاضرة..

ياسر:واخيرا حضرت سيادك رضيت وشرفتنا في الجامعة
امجد بزهج:ياسر م تشغلا لي بلاي
ياسر ضحك:زابط زابط..ارح الشباب راجننا في الكافيه "مكان الشيشية الاتشاكلو فيهو امحد ومهيب"
امجد:م ماشي ليهو..طالع انا
ياسر:وجيت ليه طيب؟
امجد:م عارف..انت مالك؟
ياسر:ملالة
امجد:تهردك
"هييي☹️👋🏻"
ياسر اتنهد وسكت...طلعو علي برا امجد ركب عربيتو وكبرها وياسر مشا بكرعينو للكافيه الورا جامعتهم.....


*بالضهر..*
وقفت عربيتها قدام الجامعة ونزلت..قفلت الباب بزهج وختت الفريم في عيونها...اتجهت علي الكفتريا لأنها عارفة مسبقا انو نوشة وباقي صحباتها قاعدين هناك...اول ما شافوها جاطو وبقو يسلمو عليها وكدا...
نولة:اسيلو اشتقنا للطلة الحلوة
اسيل ابتسمت ليها وهي بتقعد:كتيرات يقلبي
نولة:وييييين امجد الكسار
نوشة قلبت عيونها:امجد الغياظ قصدك
"هوي دي مالا؟😒👋🏻"
اسيل ضحكت بدون نفس:م قعد يجي الجامعة...الايام دي م في المود حبتين
نولة:اممممم..طب وياسر؟
اسيل:ياسر م اتكلمتا معاهو الليلة م عارفاهو جا ولا لأ
نوشة: شكلو جا لمن داخلين شفتا عربيتو برا
اسيل بسرعة:عربية امجد؟؟!!
نوشة:امجد شنو ي اسيلو..عربية ياسر
اسيل مسحت جبينها الصغير بطرف اصابعها وقالت:اهاااا
المهم اتونست معاهو زييييين وطلعو اتغدو...والمغرب كدا كل اتفرزعو...
وقف العربية قدام باب العمارة الفيها شقتهم...شالت تلفونها ودقت ليهو عارفاهو م ح يرد بس قالت تجرب م ح تخسر شي....وفعلا م خيب ظنها...عفوا الرقم الذي طلبته لا يستجيب الرجاء محاولة الاتصال لا... قفلت الخط بعصبية ونزلت...دخلت لقت امها ماف بس اختها بتحضر في الصالة..دخلت غرفتها من غير ما تتكلم معاهو رمت تلفونها في السرير ودخلت تستحما....


بجهة امجد...ماسك التلفون وبعاين ليهو...مِسد كول من اسيل..قفلو ورماهو في السرير جنبو...

امجد عاين ليها مساااافة..اوووففف دا كلو شايلاهو في قلبها؟ دا كلو عشاتو براها؟ مدا يدو ختاها في ضهرها وقال:م تقولي علي نفسك وهمية
رفعت راسها:لأني بالجد وهمية ي امجد
جراها عليهو وهو بقول:تعالي
رمت نفسها في حضنو وهو بتبكي وبتقول:اسفة ي امجد..اسفة..غلطتا في حقك زمان ولسا بغلط..شدت يدينها علي قميصو وهي بتقول:اعفي لي
مسح علي ضهرها وهو رافع عيونو للسما..بكاها بقطططع قلبو ياخخ
"ي جماعة امجد واسيل ديل لو قعدتا من الليلة لبعد بكرة احكي ليكم عن عمق صداقتهم م ح اوفي"
بكت زييييين وهي في حضنو..وهو شغال يمسح علي ضهرها وشعرها
"اخوها مالكم انتو؟😂👋🏻"
امجد:اسيلووو..خلاص م تبكي
فكتو وهي منزلة راسها
رفع ليها راسها وقال:كفاية يخ
عاينت ليهو مساافة وقالت:م زعلان؟
امجد:والله كنتا زعلان لكين بعد الدموع دي كلها ازعل كيف؟
ابتسمت وهي بتمسح في دموعها
امجد بعاين ليها...زعلان منها وموجوع بس يعمل شنو؟ من صغير علموهو انو دموع المرا نقطة بتنتهي عندها كل الخلافات😴🖤
م اتكلمو لأنو ياسر جاهم لقاهم قاعدين سوا وجاط واتهابل كدااا وورهو انهم اتصالحو...وعدي اليوم واسيل دار تطير بالفرح انها صالحت امجد..مشو توتي احتفالا بصلح الحديبية دا😂😂
ووصلو اسيل بيتهم لأنها الليلة م جات سايقة..لمن جات تنزل اتلفت علي امجد وقالت ليهو:خلاص كدا صافي ي لبن؟
امجد جراها باس راسها وقال:حليب ي قشطة
ياسر قعد يضحك وقال:قليلين ادب
اسيل:يااااي شوف منو بتكلم
ياسر:منو؟
اسيل ضحكتو وجرت ليهو وشو باستو في خدو لأنو قاعد ورا وهم قدام ضحك وقال:احيييي
امجد ضحك:سبحااان الله هسي ما كان قليلين ادب
ياسر:غيرتا راي ي مان
ضحكو وودعة اسيل ومشو..وصل ياسر الجامعة عشان يسوق عربيتو وكل واحد مشا بيتهم....


امجد دخل بيتهم استحما غير وصلى ونزل قعد في الجنينة الورا...شوية كدا وسمع صوت حريم بسلمو علي امو و ونسرين وألين...اتلفت عشان يشوفهم منو لقى دانة واقفة في نص الصالة قصاااد الباب وبتعاين ليهو...اتلفت بسرعة وهي اتلفتت بسرعة علي ألين...

*قبل ساعة كدا...*
*في فلة حجة عواطف*
دانة:ماما وربي فترانة اللف خليني انوم
عبير ضحكت:شفتي البت دي ي امي؟
حجة عواطف لدانة:ها بت هاا بلا دلع معاك قومي هبب كدا البسي عشان مرت خالك "زينب" راجانا
دانة:حبوبااااه
حجة عواطف:بلا حبوبة معاك قومي قدامي لأنو اخوك متأخر م بنخليك ورانا ونمش
دانة:م بصحل لي شي ح اطلع انوم
حجة عواطف:ي عبير اتكلمي مع بتك دي
عبير ضحكت:دندون اسمعي كلام حبوبتك..بعدين انتي م في دبي عشان تقعدي براك
دانة اتأفأفت:طيب ثواني
وطلعت غرفتها وهي مادة بوزها..حرفيا تعباااانة وعايزة تنوم وحبوبتها وامها طالعين مشوار مع زينب وم ح يخلوها تقعد براها...لبست ليها جيمسود اكمامو كاملة رمادي غااامق ولبست شبشب ريش اسود وعملت شعرها الحتة داك كعكة ولبست حلق ريشة كبيييييرة سودا

"مع الشعر القصير لااازم حلق كبير"
وشالت تلفونها وطلعت لقتهم جاهزييين وطلبو ترحال..وفي اقل من ربع ساعة الترحال وصلهم..طلعو ركبو ومشو علي بيت خالا او احسن اقول بيت حبيبها..وصلو وسلمو وزينب طوالي طلعت معاهو بنفس عربية الترحال...
طبعا دانة اتذكرت دا كلللللو وهي قاعدة بتتونس مع ألين..هي لمن رفضت تجي لأنها متأكدة انو امجد م قعد يقعد في البيت بعد المغرب بس غرييييبة انو قاعد..او يمكن قدر عشان تلاقيهو واثناء ما هي بتفكر كدا ألين تلفونها دقا ابتسمت اول ما شافت الاسم وقالت لدانة:دونة..عن اذنك ثواني وراجعة
دانة:اذنك معاك يقلبي
ألين جري طلعت فوق...دانة بتعاين ل ألين وهي طالعة السلم.....اهااااااا دي اشارة تانية من القدر بتقول ليها امششششي لأمجد...اترددت ثواني بعدها فرتلب وقفت علي حيلها ومش ليهو برا...كان عندها اسبااب كتيييرة تخليها تمشي ليهو اولها واخرها انها مشتاقة ليهو واوسطها انها حاسة بيهو م ياهو الايام دي...

برا...قاعد في الطوطحانية وبطوطحها بكرعينو...لمن قعد كان بفكر في موضوع اسيل بس من شاف دانة تفكيرو انتقل ليها...سمعها بتقول:امجد
عاين ليها بسرعة وقررررب يقول ليها عيونو بس استخار..
دانة قعد جنبو وهو لسا بعاين ليها قالت:مالك؟
امجد عقد حواجبو نظام:مالي؟
دانة:حصلت حاجة خلال الاسبوع الفات خلتك تتضايق..والحاجة دي لحدي هسي مضايقاك
رفع حواجبو بخلعة...دي عرفت الكلام دا كيف؟
امجد:وكيف عرفتي؟
دانة:وكيف م اعرف..وانت امجد؟
امجد قلبو رفا بس عمل ميت واتلفت علي الجهة التانية وهو بقول:ابعدي
دانة:لا
اتلفت عليها:انا في اسوء حالاتي
دانة حركت راسها نظام لااا وقالت:وريني مالك؟
امجد غمض عيونو وفتحهم واتلفت علي الجهة التانية
دانة:ربنا جابني بيتكم الليلة مخصوووص وخلاك م تطلع من البيت مخصوص عشان اكون جنبك

امجد وبدون ادني تفكير قال:كنت متشاكل مع اسيل بس اتصالحنا
دانة عاينت ليهو مسااافة عشان تستوعب القالو
قرب وشو منها وقال:اسيل..حبيبتي
طبعا اتعمد انو يجر كلمة حبيبتي دي عشان هي تتوجع
وقفت علي حيلها وكانت عايزة تمشي بس هو مسكها وجراها قعدها ولفى ليها يدها ورا ضهرها وقال:قلتا ليك ابعدي عني..بس انتي م بتسمعي الكلام
دانة وهي يتحرك عيونها المليانين دموع بين عيونو قالت:فكني
امجد:تؤ..قرب وشو منها..مش كنتي عايزة تعرفي مالي؟ هدا وريتك
دانة لزتو عشان يفكها بس هو مسكها اكتر وقالت:افتكرتا الموضوع ح يكون كبير بس طلع تافه..زي سيدو
لفى ليها يدها زيادة من غير ما يرد دنقرت راسها ودموعها جرو همست:فكني
فكاها سريع وهي فررر دخلت جوا...بقى بعاين مساااافة بجهة هي مشت وهو م قادر يستوعب العملو..طب عي ذنبها شنو؟ كانت عايزة تعرفو مالو بس هو بكاها...لكين كان ح يقول ليها شنو يعني؟ ح يقول ليها اسيل خلتني زي ما انتي زمان خليتيني؟ ح يقول ليها رجعت لي النفسيات العملتيها لي لمن خليتيني؟...اتأفأف بزهج ورما راسو لورا في الطوطحانية....


جوة..دخلت اقرب حمام لاقاها وبقت تبككككككي...ولمن ألين دقت ليها الباب غسلت وشها وطلعت
ألين:ي بت مالك؟ عيونك مالا؟
دانة:مف شي مصدعة بس..م نمتا بعدـجيت من الجامعة
ألين ختت يدها في ضهر دانة وقالت:طب خلينا نطلع غرفتي تريحي شوية
دانة م صدقت لأنها بالجد م عايزة تشوف امجد ولو قعدت هنا في الصالة احتمال تلاقيهو لمن يجي يطلع غرفتو قالت:ي ريييت
ألين كوركت ل ريتا:ريتااا...جيبي العصير فوق
وطلعو هم الاتنين...دانة رقدت في السرير وألين ربعت كرعينها قعدت قدامها وبقت تتكلم ودانة بس بتعاين ليها وم سامعة ااااي شي...لحدي ما ناس امها جو وكان فهد جايبهم ساقوها ورجعو...دخلت غرفتها من غير ما تتكلم مع زول..واول ما قفلت الباب جدعت تلفونها في الارض ضربت السرير بدينها الاتنين وهي بتقول:مختتتتل...حقيييير...تاففففه تافففه
قعدت في الارض وغزت وشها في السرير وهي بتبكي...عملت ليهو شنو هي عشان يعمل فيها كدا؟ هي ذنبها شنو عشان يتفشى فيها زهجو كدا؟....
--------------------------------------
---------------------
*يتبــــــــــــــــــــــــــــــــــــــــــــع*

*#قلوب_تائهه 《34》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*بعد مرور خمسة ايام...*
راقدة في سريرها وبتعاين للسقف..بتتذكر الكلام الابوها قالو ليها امبارح بعد رجعو من جمعة العيلة...
عبدالرحيم: فهد ود خالتك عبير دا قال عايزك..وانا صراحة موافق عليهو وعاجبني شديد بس قلتا ليهو الراي الاول والاخير راي العروسة...
هه..هي العروسة؟! دقيقة تفهمها وحدة وحدة..فهد..اتقدم ليها..فهد عايزها..وكلم ابوها...
فهد..
فهد الواحد دا؟!
فهد البحب ألين؟!...هي وألين طبعا كانو عارفين انو انس ح يتقدم لألين يوم الجمعة..الي هو امبارح..لكين دقيقة دقيقة فهد اتقدم ليها؟! لييييييه؟! عشان يعرسها...طب ح يعرسها كيف وهو بحب ألين؟!...
دا كان تفكير ران البدور جواها..مع انو رقدتها بتوحي ليك انها مستكيييينة بس جواها جايط جوطة السنييين..وكيف م يجوط وفهد اتقدم ليها..هه فهد الهسي الاسبوع الفات كان بتتكلم معاهو في موضوع حبو لألين؟! فهد البتشوف عيونو بلمعو كل م تذكر قدامو اسم ألين بس؟! ياهو فهد دا ولا واحد غيرو...
ضحكت بسخرية وقالت:جنيت شكلك ي ود دبي
فرتلب قعدت علي حيلها شالت التلفون ودقت ليهو...توووت توووت...عاينت للتلفون بخلعة..هه فصل في وشها...لا لا لا لازم تشوف ليها صرفة مع جنونو دا...دقت تاني وفصل في وشها تاني..اتحمقت اكتر ودقت للمرة التالتة..المرة دي ردا من اول جرس
م ادتو فرصة يتكلم وهاجت فيهو:فهد دا شنو العملتو دا؟..انت جنيت ولا حاجة؟
ردا ليها بكل برود:ران..انا شغال حاليا نتلاقى لمن افضى
ران سكتت مسافة..هو مالو بارد كدا الشي دا؟
فهد:الوووو
قلبت عيونها:نتلاقى وين انا م مشيت الجامعة الليلة؟
فهد:م حنك بمر عليك في بيتكم..اساسا لازم نقعد ونتكلم
ران:زابت
قفل الخط..وهي جدعت التلفون بزهج...افففف نتكلم في شنو؟! فكرت تدق لألين بس تاني اتذكرت انها ح تكون في محاضرة...تصدقو بالخلعة م مشت الجامعة؟!...

في جامعة ناس امجد..قاعد وبتكلم بالتلفون مع عبير
عبير:اها
امجد:اها شنو؟..مشت بس وتاني م شفتها ل الليلة
عبير:وامبارح لمن مشيتو ليهم؟
امجد:انا دخلتا اتغديت بس وطلعتا..م مشيت علي جوا وهي م طلعت لبرا
عبير حركت راسها بتفهم:كالعادة..بتتهرب
امجد حكا راسو وم ردا
عبير كوركت:لا بالجد كنتا حاسي بشنو لمن قلتا ليها كدا؟
امجد:م عارف ي عبير م عارف
عبير:ع فكرة يعني انت اتفشيت فيها زعلتك وهي م عندها ذنب
امجد اتنهد:عارف ي عبير..قولي حاجة جديدة استفيد منها
عبير:دقيقة..اقول ليك حاجة جدييييدة اكتشفتها هسي وانا بتكلم معاك
امجد باهتمام:هااا
عبير:انت واحد سايكوبش وبس يعني
"مريض نفسي"
امجد بزهج:يخ ابوووك
عبير كر كر كر ضحكت:صدقني كل ما استوعبت الحاجة دي اسرع بكل افيد ليك
امجد:انتي م لاقتيها قريب؟
عبير:يوم الخميس لاقيتها
امجد:اها وكانت كيف؟
عبير ضحكت:عادية ي امجد..يعني اكيد م ح تتبكي اول ما تشوفني وتحكي لي
امجد ضحك:بتعرف تتداري وجعها
عبير:كلكم كدا..شكلو عندكم وراثة في العيلة
ضحك:انتي م تتكلمي عن المدارة
عبير:ok..Ididn't
"اوكيييه..م ح اتكلم"
امجد:تمام ح اقفل لأني داخل محاضرة
عبير:زابت يلا
امجد:يلا
قفل واتأفأف...يعني ينفع كدا؟! يمرق من مشكلة مع اسيل يخش في مشكلة مع دانة؟!...

*مساءً...*
راقدة في الكنبة ورافعة كرعينها لفوق ومنزلة راسها لتحت...وبتفكر..حرفيا م قادرة تزح الموضوع من راسها..فهد اتقدم ليها.. واو ..جد واو..
نطت بخلعة لمن تلفونها دقا..كرت جري فتشتو جوا سريرها لأنو كان مكرفس شديد..بعد ثواني طويلة حتي لقتو..ردت اول ما شافت اسم المتصل "fahd"
ران:الووو
فهد:الو..ران ازيك؟
ران:حمدلله..وانت؟
فهد:كويس انا...ااا انا تحت
ران:تحت وين؟
فهد:قدام بيتكم
ران ببلاهة:ليه؟
فهد:عشان نتفاهم..صح اتفقنا اني امر عليك بعد الشغل؟
ران..اوووه:طيب طيب..نازلة
فهد:مستنيك
زحت التلفون من اضانها وبقت تعاين ليهو..وهو بدورو قفل الخط..مستنيك..ليه قالها بالطريقة دي؟! ولا هي براها حستها كدا؟!..المهم..كانت لابسة بجامة بيضا سادة فيها رسمة ميكي ماوس في الصدر بالاسود..لبست فوقها جالي اسود عندو طاقية..مع انو البجامة كاملة بس فكرة انها ح تلاقي بيها فهد..حاولت قدر الامكان تكون محترمة قدامو..نزلت بعد ما شالت تلفونها..لاقتها الشغالة تحت
ران:قولي لماما اني مشيت لألين..زابت؟
الشغالة حركت راسها نظام اي...طلعت لقتو واقف في نص المسافة بينهم وبين ناس ألين لكين اقرب لناس ألين..
ران:هسي دا قدام بيتنا ولا قدام بيت ناس عمو؟
فهد ابتسم ليها:قلبي مال ليهو قبل عربيتي؟
ران عاينت ليهو لثواني حتي فهمت قصدو قلبت عيونها..اففف قعد ينبرش لألين ولا هي بتخيل ليها؟!

اشر ليها بيدو وهو بقول:اركبي
ركب وهي ركبت بجاي..دور العربية وهي كانت سااااكتة...م قادرة تصدق حاليا راكبة مع فهد..بليل..
وقف العربية طرف الظلط
عاينت ليهو باستغراب
قال لبها وهو بفتح الباب وبنزل:انزلي
عاينت ليهو مسااافة تنزل وين؟! ببجامتها دي؟! الود دا م واعي ولا شنو؟! لمن لقتو بعاين ليها منتظرها تنزل قلبت عيونها ونزلت...
وقفت قدامو:انت جنيت؟ بس لو جنيت قول عشان نوديك تجاني الماحي
ابتسم:ليه جنيت؟
ران:دا شنو العملتو دا؟
فهد:عملتا شنو؟
ران قلبت عيونها:فهد..دا شنو الجن البتعمل فيهو دا؟
فهد ابتسم علي انفعالها:وين الجن في الموضوع؟..ود خالتك واتقدمت ليك فيها شنو؟
ران:لمن تكون ود خالتي وطبيعي م فيها شي..بس لمن تتقدم لي وانت بتحب ألين وانا عارفة كدا..لوحت بيدينها الاتنين في الهوا..يبقى دا جن وام الجنون زاتو
فهد عاين ليها وضحك
عقدت حواجبها باستغراب..دا مالو بضحك هسي؟!..وقف ضحك لثواني وبعدها تاني فحر الضحكة
ابتسمت علي ضحكتو وقالت:فهااااااد؟!
عاين ليها وفجر الضحكة وهي بقت تضحك..احساس تضحك لأنو الواقف قدامك بضحك..
بعد اخدو ضحكتهم ران اتنحنحت وقالت:we should be series
"نحنا المفروض نكون جادين"
فهد اتنحنح عشان يزح بواقي الضحك من صوتو وقال:طيب ي ستي..ببساطة انا محتاج مساعدتك
عقدت حواجبها باستغراب
فهد تابع كلامو:ساعديني انسى ألين
ران رمشت كم مرة ورا بعض وم قالت شي
فهد اتكل في كبوت العربية وقال:حاليا هي مع حبيبها الاتقدم ليها وال اولردي ح توافق بيهو وحتعرسو وتعيش في تبات ونبات
ران اتلفتت عليهو وبتعاين ليهو..يعني بقى هو متكول في كبوت العربية وهي واقفة قدامو
فهد:من غير ما تعرف انو في بنى ادم هنا بحبها..عاين ليها..عمرها م ح تعرف
ران:وبي كدا قررت انك تنساها؟
فهد حرك راسو بمعني اي
ران تمت سؤالها:بي؟
فهد اتنهد:بيك ولا بغيرك..ح انساها
ران صرت ليهو..ليه م مديها اهمية؟! دا ح تعيش معاهو كيف؟! لو كان من البداية بقول ليها كدا؟!
فهد:لكين ليه افتش علي المساعدة برا وهي عندي هنا؟..ليه ندخل شخصية غيرنا في المتاهة دي ونتوهو زي ما نحنا تايهين؟!
ران:وليه انا ادخل في المتاهة دي اكتر بعد ما خلاص اتحليت منها؟!
فهد عاين ليها مسااافة:لأنك بديتها
ران بلعت ريقها..صحي هي بدتها..م بدتها لمن انس حباها لا بدتها لمن بعدت منو وقربت ليهو ألين..كان ممكن تكتفي يأنها تبعد عنو وتاني هو يصطفل..لكين لااا هي صاطت الدنيا
فهد:حتساعديني؟
ران بتعاين ليهو وسااكتة..في كل الاحوال هو ساعدها في موضوع ألين وانس..اذا هي مدينة ليهو بمساعدة مررت لسانها في شفايفها وقالت:اساعدك مقابل حياتي؟
عقد حواجبو بعدم فهم
ران:اضحي بحياتي وسعادتي مقابل مساعدتك؟
فهد ضحك:اولا انا ضحيت بسعادتي مقابل مساعدتك فااا ح نكون متعادلين..اتنين والاهم ليه محسساني انك ح تعيشي معاي جحيم؟ ي بت احتمال احبك وتحبيني وكدا
ران رمشت كم مرة بتوتر وزحت عيونها منو
فهد ضحك بدون صوت علي ارتباكها دا
ران وهي متلفتة علي الظلط:محتاجة فترة اتقبل الوضع
فهد رفع ليها حاجبو
ران ضحكت:اوكيه اوكيه بدون اڨورة...لازم استخير وكدا
ضحك:اوكيه استخيري وكدا..وانا واثق انك م ح تخذليني
عاينت ليهو لبرهة ورجعت تعاين للظلط..هو ليه بعرف يتلاعب بالكلمات كدا؟!

بعدها م زادو ولا كلمة..مشت فت فت فت ركبت العربية وهو نفس الشي وصلها البيت اساسا م كانو واقفين بعيد منو بس كم شارع كدا..
لمن جات تنزل قال ليها:م اضمن ليك انك تلقى الحب معاي
عاينت ليهو لقتو بعاين للدركسون..عاين ليها ومدا يدو جرا ليها خصلة من شعرها من ورا اضانها وقال:بس متأكد ح تلقى الامان..قرب وشو ليها وهمس..الانتي م لقيتهو مع انس
رمشت كم مرة ورا بعض..زح منها وهو بعاين في ملامح وشها المخلوعة..اكعب حاجة البني ادم يكون عارف الاوتار الحساسة عندك لأنو بعزف عليها طوالي..ودا العملو فهد مع ران..
"طلعتا م هين ي ود دبي🤭👏🏻"
ران فت فت نزلت وجررري دخلت فلة ناس ألين...دخلت جناح ألين توووووشك..لقتها بتتمسح شكلها يداب طلعت من الحمام
اول ما شافتها ابتسمت ليهو وقالت:رانييي اشتقنا ي حيوانة
ران م ردت ليها وفت فت مشت قعدت في طرف السرير ألين عاينت ليها باستغراب وجات عليها قعدت جنبها وقالت:ي بت هاااا
ران:فهد اتقدم لي
ألين عاينت ليها مسافة بعدها كر كر كر ضحكت
ران عاينت ليها:بتضحكي ليه؟
ألين:هسي انتي مخلوعة كدا عشان فهد اتقدم ليك؟
ران عاينت لألين مسااافة..دقيقة ألين اصلا م عارفه انو فهد بحبها يعني فكرة انو اتقدم لران دي م ج تشوفها غريبة
ران قلبت عيونها وقالت:انتي م فاهماني
ألين باهتمام:فهميني طيب
ران عاينت ليها تفهمها شنو؟!..رمت روحها في السرير وقالت:آآآه بس آآآه

ألين:مالكم انتي وانس الاتنين الليلة؟
ران عاينت ليها:مالو كمان؟
ألين رفعت اكتافها نظام م عارفة وقالت:مدري من امبارح متغير
ران قلبت عيونها ورجعت تعاين للسقف:منفسن بكون
ألين بتفكير:امبارح من ما قال لي انو فهد اتقدم ليك وهو م طبيعي
ران بتعاين للسقف مساااافة...م طبيعي؟! مضايق يعني؟! مضايق عشان فهد اتقدم ليها؟! عاينت لألين:مالو يعني؟
ألين:زهجان كدا وقال قافلة معاهو من الصباح
ران نطت قعدت علي حيلها...بس ياهو معناها مضايق عشان فهد اتقدم ليها؟!..اففف هي في شنو وبتفكر في شنو؟! عاينت لألين وقالت:اوافق؟!
ألين:ليه لأ؟
ران بتعاين ليها
ألين:استخيري وشوفي شعورك شنو
ران اتنهدت:اي شكلي ح اعمل كدا
ألين:اي يخخخ عشان نعرس سوا
ران عاينت ليها وحاكتها:نعرس سوا..دا الهاميك؟
ألين:اجلنعم
وضحكو هم الاتنين...

*بعد مرور اسبوع...*
*مساء الجمعة..*
ران وألين ادوهم الموافقة وقررو يجيبو قولة الخير في نفس اليوم..وبما انو انس وفهد اتقدمو في نفس اليوم قررو يعملو كل الطقوس سوا...
الموضوع كان في بيت عبداللّه..بما انو هو الكبير وكدا..كل العيلة اجتمعو تحت وانس وفهد جابو قولة خيرهم ولاب لاب لاب المواضيع الطويلة ديك..حددتو العرس بعد شهر..
"اي اي..هم اصلهم عيلة مستعجلين كدا وماشين بمبدأ خير البر عاجله😂😂👏🏻"
عبداللّه:علي بركة الله..الفاتحة
كلهم قرو الفاتحة..
عبداللّه: قومي ي شهد ي بتي نادي العروسات ديل خليهم يقعدو مع رجالهم
"دقيقة دقيقة معاي انو العروسات ديل ألين وران؟!🤭"
شهد مشت لألين وران فوق وورتهم بكلام عمها عبداللّه
ران ضحكت بسخرية:بس م تكون دي الشوفة الشرعية
ألين كر كر كر ضحكت
شهد برضو ضحكت:المهم راجنكم ديل
ألين جرت وقفت قدام المراية..اساسا كانت اتسرحت ولبست ليها فستان بيت بسيط كدا..اتريحت ونزلت مع شهد...
ران اتنهدت وقامت علي حيلها..اففف ح تقابلو كدا؟!كانت لابسة ليها بنطلون جينز ازرق باهت كدا ومعاهو طونك سودا سادة مفتحة بالجنبة لحدي الكمر..فكت شعرها ورفعتو ضنب حصان بباندة سودا ونزلت..
قالو ليها فهد في الجنينة البرا منتظرها وألين وانس في الجنينة الورا
مشت لقتو قااااعد شغال بتلفونو
قعدت قدامو عاين ليها ونزل التلفون ختاهو..
ران:هاا..عاوز تشوفني ليه؟
فهد:انا م قلتا عاوز اشوفك..بس خالي قال ينادوكم وشايف انس انبسط فقلتا يعني خليني اعمل زيو
ران قلبت عيونها..قال انو م عاوز يشوفها ولا هي بتخيل ليها؟!
فهد جا قعد في التربيزة قدامها وقال:sooo
ران:sooo??
فهد:ح نعرس
ران شالت نفس وختتو:ح نعرس
فهد عاين ليها مساافة بعدها ابتسم وحرك راسو كأنو بنفض فكرة من راسو
ران:الفكرة مرعبة صح؟!
فهد عاين ليها:تؤ..مغامرة
ران:وانا بكررره المغامرات
فهد:وانا بحبها🤷🏻‍♂️
ران نزلت عيونها ليدينها..فهد عاين ليها مسااافة وهي بتعاين ليدينها بعدها قال:ليه مصعبة الموضوع كدا؟
عاينت ليهو:لأنو اساسا الموضوع صعب..فهد ليه م قادر تستوعب حجم الموضوع
عاين ليها مساافة وقال:نوقف؟!
رمشت كم مرة ورا بعض وهي بتحاول تستوعب القالو..يعني شنو نوقف؟!قصذو شنو بي نوقف دي؟!
عاينت ليهو وبلعت ريقها
فهد جا لقدام شوية وقال:تمام..شوفي نفسك عايزة شنو من حاجات العرس واعمليهو..اشتري حاجاتك..اختاري زفافك..وغنيتك الح تخشي بيها..اعملي العايزاهو ولو احتجي قروش وريني

عقدت حواجبها..هي في شنو وهو بقول في شنو؟!قروش وزفاف وحاجات؟! ليه هي ح تعرس؟! طب ليه بتكلم كأنو العريس؟!اففف هو العريس بالجد
فهد لمن لقاها سرحت ختا يديو فوق يدينها وقال:في شنو؟!
عاينت ليدو بسرعة ورجعت عاينت ليهو وقالت:م عارفة
نزل راسو وخلخل اصابعو في اصابعها قلبها دقا بسرعة من حركتو دي همست وهي بتعاين ليهو:في حاجة غلط
رفع راسو عاين ليها..مررت لسانها في شفايفها وقالت:قلبي ناغزني
فهد:استخرتي؟!
ران حركت ليهو راسها نظام اي
فهد:م عايزاني؟
ران عاينت ليهو مسااافة
فهد كرر السؤال بصيغة تانية:نوقف؟!
فكرة انو يدينها بين يدينو دي خلتها تحرك ليهو راسها بمعني لااا..لو بس مسكة يدو خلاها تحس بكمية المشاعر دي..حياتها معاهو ح تكون كيف؟! حضنو ح يكون كيف؟!
ابتسم ليها وقال:الموضوع صعب جد بس م للدرجة دي،صح؟
ابتسمت ليهو بالغصب وحركت راسها نظام اي..ليه م قادرة تتكلم؟!ليه صوتها اختفى؟!
تلفونو دقا فجأة رفعو وعاين للاسم وقال ليها:سوري مضطر ارد دا ابوي
حركت راسها نظام طيب فكا يدو التانية منها ووقف علي حيلو...بقت تعاين ليهو...دا ح يكون راجلها...مررت اطراف اصابعها علي جبينها لاحظت ليدينها تلللج..معقولة لمستو مؤثرة للدرجة دي؟! ولا يمكن عشان اول ولد يمسكها يدها؟! الكنتة في فهد ولا في انو دي اول مرة؟!

قعد قدامها وهو بقول:تمام ي ابوي..ابشر..الله يسلمك في رعاية الله
عاين ليها وابتسم:مالك بقيتي مسكينة كدا؟
ران:مسكين ابوك
ضحك بأعلي صوت عندو:امجد مؤثر عليك شكلو
ران ابتسمت:ماا قلتا لي مسكينة حبيت اثبت ليك انو دي انا ران
ضحك وقال ليها:علي العموم ي ستي..اعملي البريحك والبتشوفيهو مناسب في النهاية العرس دا مرة في العمر
ران:وانت م عايز تعمل حاجة؟
فهد ابتسم:كفاية اني اقدر اعرس
ران رمشت كم مرة وقالت:انت اصلا كدا ولا انا بس م كنت بعرفك؟!
فهد:الاتنين
ران ابتسمت ليهو
فهد:قومي ندخل عشان م يشغلوها لينا..مع انهم في كل الاحوال ح يشغلوها
ران ضحكت ووقفت علي حيلها
فهد وقف:غايتو الله يشوفنا من لسان امجد
ران:لسانو سليط
ضحك:يااا زووووول..سليط شديد
ضحكت معاهو ودخلو جرا
"هييي..بكلم ليكم امجد😒👋🏻"
--------------------------------------
---------------------
*يتبــــــــــــــــــــــــــــــــــــــــــــع*

*#قلوب_تائهه 《35》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
من تاني يوم نزلو السوق وبدو يشترو في الحاجات..الحريم الكبار بشترو ي الريحة وكدا..ألين وران ومعاهم نسرين بشترو في الشيلة..
الاسبوع التاني نسرين قعدتهم في الدخان...وطبعا غلبوها شديد..ألين دي بتقعد دقيقتين وتقوم توي وي..وران بس صارة ليهم وشها..
الاسبوع التالت دخل..دوقو الريحة وجهزو الوضع لأنو الاسبوع الأخير ح يكون عبارة عن حنن بس..

في يوم زي الساعة 10 صباحا كدا..نسرين وشهد وألين وران قاعدين في العريشة الورا بتاعة ناس ألين..فيها حفرة الدخان وكدا..
نسرين ولعتو ليهم وقالت:يلا ي ألين قومي
ألين م اشتغلت بيها لأنها كانت بتخلط مع انس..طبعا الليل والنهار التلفون في اضانها..
نسرين ختت يدينها في نصها وقالت:أليييينوووو
ألين اشرت ليها بيدها نظام اصبري وقامت طلعت من العريشة..
نسرين:سجمي البت دي جنت
شهد ضحكت:دا اخوك م خاليها في حالا
نسرين ضحكت:اخوي بعد قلة ادبو دي كلها بحححبب الجيهة والكبرتة
شهد كر كر كر ضحكت
نسرين:كدي اقوم اجيبها
ران وقفت علي حيلها:خليها انا بقعد اول
نسرين:عاد مرررة انتي
ران ابتسمت ليها وم ردت...بالجد حاسة بالغربة وفاقدة وعد اختها...
شهد راقبت ران وهي بتقعد وقالت:رانوه..مالو وشك مخطوف كدا؟
ران غمضت عيونها وفتحتهم:فترانة الايام دي
نسرين:دا عدم الاكل..انا قلتا ليك الدخان دا عايز اكل لكين م بتسمعي الكلام
"هدى كيفتمام😂🤝🏻"
ران م ردت ليها..سرحت وهي قاعدة في الدخان..ح تعرس..الاسبوع الجاي..اتقبلت شووية كدا فكرة انها تعرس..لكين حتة انها تعرس فهد دي اصلها م وقعت ليها وكل ما تتذكرها بجيها وجع بطن..
ليهو اكتر من 3 يوم م اتكلم معاها..اساسا دق ليها زي مرتين ولا تلاتة بس عشان يسألها من حاجات مهمة..في حين انو انس 24 ساعة بتكلم مع ألين حتي لمن مشو يسترو الشيلة كان متابع معاها اول بأول..افف من الدخلت نفسها فيهو افف...

بدا اسبوع العرس وبدت معاهو الحنن..كل يوم في صالة..من حنة فهد لحنة انس..مع انو فهد رفض يعملو ليهو حنن كتيرة بس وافق تحت اصرار انس..
الليلة الاربع..والعرس الجمعة..
انس وهو سايق العربية بتكلم بالتلفون:اي ي وليد فهمتا فهمتا..يعني بس اجيب الظرف الحيديني ليهو رامي؟..طيييب طيب..يلا في رعاية الله
وقف العربية قدام فلة عمو عبدالرحيم..فتح تلفونو رسل لألين..
"انا قدام بيتكم..قلبك م قعد يدق؟!"
ردت ليهو سررريع لأنها كانت اونلاين
"قعد يدق والله تصدق؟♥️"
انس "😂😂😂"
ألين "جيت ليه؟!"
انس "صح قلتا ليك وليد عايز اوراق وعد بتاعة الجامعة؟"
ألين "ايوة"
انس "بس جيت اشيلهم عشان ح ارسلهم ليهو"
ألين "اهااا"
"اوكيه"
انس "اي♥️"
"كدي اخش اشيل وبدق ليك"
ألين "طيب حبيبي♥️♥️"
انس رسل ليها قلوب وقفل الواتس..لاحظ انو قاعد ليهو قريب 10 دقايق في العربية اتنهد ونزل...واحتمال تأخيرو دا كان في صالحو او يمكن العكس...

*فوق..*
*قبل دقايق..*
ران بتتكلم بالتلفون:حاضر ي نسرين جاية
نسرين:بتقدري تجي؟..اجيب العروكة واجيك؟
ران:لا لا م بحتاج بجيكم انا
نسرين:تمام منتظرنيك..
ران:ألين اتعركت؟
نسرين:اي هدي ليها خلصت
ران وقفت علي حيلها:تمام جاياكم
اساسا كانت لتبسة عباية وجونتات وشربات جدعت تلفونها في السرير..اصلا مف زول بدق ليها..وختت الطرحة في راسها ونزلت..

وقف في نص الجنينة بعاين ليها...ليهو قريب شهر م شافها..عيونها واقعين ووشها مخطوف..م بتقول عروسة محبوسة..لابسة اسود في اسود وريحة الدخان فايحة منها...

بلعت ريقها وهي بتعاين ليهو..افف اشتاقت ليهو شديد..هي زاتا م كانت عارفة روحها اشتاقت ليهو الا لمن شافتو هسي..اففف دا شنو البتفكري فيهو دا ي ران..دا انس..انس خطيب ألين..لا..انس الكان بحبني انا..انس حبيبي..

رمت نفسها في حضنو..رجع لورا خطوة كردة فعل طبيعة للهي عملتو..مطير عيونو..ران حضنتو؟! كيف؟! ليه؟!..في حاجة جواهو خلتو يحاوطها بيدينو من غير ما يفكر كتير..
غمضت عيونها لمن حست بيدينو بتحاوطها..اخدت قريب دقيقة كاملة بعدها فتحت عيونها..زحت منو كأنها ضربتها كهربا..كانت عايزة تمشي بس حست بيدو بتجرها عليهو..
عاين ليها:دا شنو دا؟
رمشت كم مرة ورا بعض وم ردت
انس ختا يدو في كتفها:دا شنو العمتليهو دا؟!
مسكت لياقتو بيدنها الاتنين وقال:انت م بتحب ألين..م بتحبها..بتحبني انا..م بتقدر تعرسها..م ينفع اصلا تعرس ألين..انت حقي انا
مع كلامها دا خلاص فقد السيطرة علي نفسو مسكها بيدينو الاتنين من اكتافها ولصق جبينو بجبينها وعمود انفو مع عمود انفها:بحبك
ران ابتسمت وهي بتحول عيونها بين عيونو وقالت:اي بتحبني..م ح تعرس ألين صح؟
اشر ليها براسو نظام اي وهو بلهث كأنو كان جاري..

ران فكت يدينها من قميصو وكانت عايزة تزح منو كدا بس هو جراها ثبتها في مكانها وقال:قولي انك بتحبيني...قوليها واوعدك يوم الجمعة تبيتي في حضني
ران دموعها نزلو:بحبك ي انس..بحبك وم بقدر اعرس فهد..حركت راسها نظام لا لا وهي بتردد:م بقدر
فكاهت بسرعة ومشا خطوة لقدام..بقت هي واقفة وراهو والاتنين مدين ضهرهم لبعض..جرت من غير ما تعاين ليهو تاني..
اما هو لمن حسا بيها جرت اتلفت عاين ليهو وعيونو بلمعو بالدموع..
بتحبو..قالت انها بتحبو..اعترفت انها بتحبو...


ران في كسر من الثانية لقت نفسها جوا فلة عمها عبداللّه..قعدت في نص الصالة في الارض وهي بترمش وتحرك عيونها بتوتر..دا شنو العملتو دا..كيف تحضن انس وتقول انها بتحبو وهي ياعتبارها مخطوبة لفهد؟!...كيف تقول ليهو انت حقي وهي اساسا يوم الجمعة ح تعرس فهد؟!..فهد..فهد هو السبب في كل العملتو..هي م بتحب فهد م بتقدر تعرسو..وفهد زاتو م بحبها..بحب ألين..اي صح فهد بحب ألين يبقى لازم يعرس ألين...هي كدا م حتكون ظلمت زول لأنها ح تجمع بين فهد وألين حبيبتو..اي صح كدا هي م غلطانة هي م ظالمة..اقنعت روحها بكدا ووقفت علي حيلها..قشقشت دموعها وطلعت ليهم فوق..
اول ما دخلت
نسرين:بتبالغي ي ران..اتأخرتي كدا ليه؟
ران عاينت لألين الواقفة قدام الشباك وزاحة الستارة وبتعاين..شكلها بتعاين لانس..شالت نفس طوووويل وختتو بصعوبة..
وقعدت من غير كلام عشان نسرين تعركها...


*صباح الجمعة..*
وافق قدام ابوهو واعمامو الاتنين..وبجاي منو امجد واحمد وبالجهة التانية فهد ورامي..
بلع ريقو وهو بقول:ابوي انا..
عبدالفتاح:انت شنو ي ولد..ليك ساعة مقعدنا قول العايز تقولو خلينا نلحق الضيوف
انس:العايز اقولو اهم من الضيوف
امجد:ليه عايز تقول شنو؟
انس اشر لامجد نظام اصبر وقل من غير ما يعاين ليهو:امجد دقيقة
وغمض عيونو كأنو بسمع في الكلام جواهو
احمد عرف انو في شي غلط..يخي قلبو قبضو وعادة..قلبو م بقضبو ساي..
رامي طبعا متحير في انس ونفسو يعرف في شنو لكين م ظاهر عليهو بس عاقد حواجبو وخاتي يدو في دقنو..
انس وهو لسا مغمض:ابوي انا عايز ران
الناس ديل كلهم طيرو عيونهم..عدا فهد البعاين لأنس بهدوء
انس فتح عيونو وتابع:انا اكتشفتا اني م بقدر اعرس ألين..عاين لعمو عبداللّه..انا بحب ران
امجد جا ناطي ليك فيهو خنقو وهو بكورك:نعم ي روح امك؟..اكتشفتا؟..بنلعب معاك نحنا؟
انس وهو بحاول يزح امجد منو:امجد ثواني افمهني
امجد كورك:دي م فيها فهم دي..دا عرض ألين اختي ي انس..كيف يعني تخليها يوم عرسها؟
طبعا امجد كان بكورك بصورة م طبيعية
عبداللّه:امجد..فك ود عمك خلينا نفهم
امجد وهو لسا خانق انس:نفهم شنو ي ابوي..كيف يقول م عايز ألين يووم عرسهم؟
احمد جا علي امجد عشان يفكو بس امجد مكنكش في انس لمن مف طريقة..
عبداللّه كورك:امممجد
امكد طق فكا انس وبقى يعاين ليهو بحققققد وهو نفسو قايم من الزعل
انس اتلفت علي عبداللّه:عمي انت مش قلتا اي حاجة ممكن تجي بالغصب الا العرس؟..انا م عايز ألين
امجد كان جاي عليهو لكين احمد مسكو
امجد كورك وهو بناتق في احمد:هو انت لاقيها وين لمن تقول م عايزها
عبداللّه:امجد روق قلنا
عبدالفتاح:كلام امجد صح ي عبداللّه
عبداللّه عاين ليهو
انس جا علي عمو عبداللّه مسك يدو وقال:عمي انا جاي طالب مساعدتك..انا في عرضك ي عمي..عرس لي ران لأني م بقدر اعرس غيرها

احمد نزل راسو
امجد قرر يتكلم لأنهم متفيقن انو امجد الحيقول ليها..اساسا صدمة زي دي م ينفع يوريها ليها غير امجد..امجد وبس..
امجد:ألين اسمعيني
ألين:اها سامعاك..مع اني عارفة موضوعك ح يكون زي وشك لأنك م عن..
قطعت كلامها لمن امجد قال ليها:انس قال م عايزك
عاينت ليهو وقالت:شنو؟
امجد عاد ليها بحذر:انس..قال..م عايزك
ألين عاينت ليهو مسااافة بعدها قالت:هه..اكيد بتهظر صح؟
امجد عاين لاحمد
ألين عاينت لاحمد وقالت:احمد اخوك المخرف دا بقول في شنو؟
احمد:ألين افهميني
ألين:دقيقة افهم شنو؟..انس قال م عايزني؟
احمد وامجد اشرو ليها براسهم نظام اي
ألين:كيف يعني م عايزني؟..يعني شنو م عايزني؟..هو بحبني
احمد لمن حسا بيها بدت تستوعب مسك يدها وقال:تعالي افهمك براحة
نتقت يدها منو وقالت:م عايزة..مدت ليو يدها وقالت:اديني تلفونك ادق لانس
احمد عاين لامجد بخلعة
ألين اتلفتت علي امجد:امجد جيب تلفونك انت
امجد نزل راسو..رجعت عاينت لاحمد وضربتو في صدرو بيدنها الاتنين:ادوني ادق لانس قلتا ليكم..عاينت ليهم الاتنين..م عايزين تدوني صح؟..ح اطلع اجيب تلفوني انا
وكانت عايزة تمشي كدا احمد مسكها من كوعها
ألين اتلفت عليهو وصوتها اتبح بالعبرة:فكني خليني اجيب تلفوني..لازم ادق لانس..لازم اتكلم معاهو
احمد جراها لحضنو

رمت نفسها في حضنو وهي بتبكي وبتقول:كيف م عايزني؟..يعني ليه م عايزني؟
فكتو وعاينت ليهو في عيونو:ليه م عايزني؟
احمد رمش كم مرة عشان يزح الدموع من عيونو..اي دموع..ألين دي بتو م اختو..
احمد حتا يدو في راسها بورا وقال:لأنو حقير وم راجل
ألين حركت راسها نظام لاا
احمد:م بتساهلك ي ألين م بتساهلك
ألين زحت من بنفضة وقالت:بس هو قال بحبني..قال ح يعرسني..الليلة ح يعرسني صح؟
احمد نزل راسو
اتلفتت علي امجد وقالت:امجد انس ح يعرسني الليلة صح؟
امجد حرك راسو نظام لا
مسكتو من لياقتو وقالت:امجد يخخ بطلو هظارك البايخ دا..قول لي انكم بتهظرو..قول لي انو انس م قال م عايزني
ولمن م قال ليها رخت يدينها وسحبت نفسها عشان لتحت
امجد مسكها وقال:ألين..ألين تعالي اقعدي خليني افهمك
حضنها وقعد بيها في الاسطب..احمد قعد جنبهم ومسك يدها قوووي
امجد بدا يحكي ليها وهي في حضنو:انس قعدنا الليلة كلنا..عشان يقول انو م عايزك..يقولو انو..عاين لاحمد..انو بحب ران
ألين رفعت راسها عاينت ليهو ودموعها 10 10 وقالت:ران؟
امجد اشر ليها نظام اي
ألين:ح يعرس ران صح؟
امجد اشر ليها نظام اي
ألين ببكى:كنتا عارفة من البداية..كنتا حاسة انهم ح يعملو فيني كدا..رمت نفسها في حضنو..كنتا حاسة
امجد واحمد كانو م فاهمينها بتقول في شنو بس مشوها ساي..
ألين بكت زييييين وبقت راقدة في حضن امجد ساي..
احمد باس يدها وقال:كفاية بكا..قومي عشان تجهزي للحفلة
ألين رفعت راسها بسرعة:يعني انتو كنتو بتهظرو صح؟
احمد:ي رييت ي ألين ي ريت
ألين:اها طيب حفلة شنو؟
احمد م ردا
اتلفتت علي امجد:امكد حفلة شنو؟
امجد مسك يدها التانية وقال:شوفي ي ألين..انس خذلك وخلاك في اخر لحظة وفهد قال عايزك..عندك خيارين ي اما تقعدي تتبكي كدا وتثبتي لانس انك ضعييفة او تعرسي فهد وتثبتي ليهو انك قوية وم بهزك شي
ألين عقدت حواجبها
احمد ابتسم:وحسب خبرتي بأختي القوية..انها ح تختار الخيار التاني صح؟
ألين عاينت ليهم مساااافة...منو قال ليهم انها قوية؟ من قال ليهم انها ح تقدر تعيش من غير انس؟!
ألين:م ح اقدر اعرس فهد
امجد:لا ح تقدري..لأنك قوية ومستحيل توقفي حياتك عشان انس الزفت دا
احمد:ولأنو عايزك..لأنو اشتراك في اللحظة الانس باعك فيها
ألين عاينت ليهم الاتنين..يخي هي عندها اخوان زي ديل عايزة ب انس شنو؟!
امجد:بعدين فهد دا جاي معانا كدا..م زي انس المقطع دا
احمد ضحك وألين ابتسمت
امجد عاين ليها:م ح تخذلينا صح؟
احمد:انا غايتو واثق انو اختي القوية م ح تخذلنا
عاينت ليهم وابتسمت واشرت ليهم براسها نظام اي..
--------------------------------------
---------------------
*يتبــــــــــــــــــــــــــــــــــــــــــــع*

امجد وهو بناتق في احمد:طيب جاي لأختي مالك؟ لو انت اصلا م عايزها وحابي ران للدرجة دي..كورك زيادة..اتقدمتا لألين ليييييييييه؟
عبداللّه:امجد..م ح اقعد اسكتك كل دقيقة..لو م قادر تمسك خشمك اطلع برا
عاين لاحمد:فكو ي احمد
احمد طق فكاهو
عبداللّه لامجد:تقيف زيك وزي الحيطة..خلينا نشوف النحنا فيهو دا
امجد بغضب مكبوت:ابوي انت م سامعو بقول في شنو؟
عبداللّه:بقول في شنو يعني؟..م عايز ألين ح نعرسها ليهو غصب؟
عبدالرحيم:م تعرسها ليهو غصب..وانا كمان م بعرس ليهو بتي
انس قرب يبكي:ي عمي انا
عبدالرحيم:ألين بتي زي ما ران بتي..وانا م برضي واحد يعزل بين بناتي
انس:ي عمي انا بحب ران..افهموني
عبدالفتاح:ي ود هي ارجل كدي بعدين تعال قول بحب وبكره
امجد بس بعاين لأنس كأنو ح يقوم يدقو في اي لحظة
انس مشا علي عمو عبداللّه وقال:عمي..قول حاجة
عبداللّه:كلامكم غلط ي عبدالرحيم وعبدالفتاح
عاينو ليهو بخلعة
تما كلامو:الود الكلامو واضح..م رايد ألين بتي وعايز ران..ح نديهو ران
امجد كورك:ابوي دا شنو البتقول فيهو دا؟
احمد مسك امجد نظام م تكورك قدام ابوك وقال بصوت حاول انو يكون واطي:ي ابوي الموضوع موضوع شرف
عبداللّه:ألين بتي اشرف من اشرف بت..لكين م بلزها علي واحد قال م عايزها..اخير ليها تقعد من غير عرس من تعرس واحد داير غيرها

امجد بعاين لأنس ونفسو يقوم يدقو..
رامي يداب اتكلم:انا مع كلام عمي عبداللّه ل..
وقبل يتم كلام امجد كورك ليك فيهو:عشان ران اختك؟
رامي بحدة لكين صوتو واطي:ألين برضو اختي ي امجد..وبتهمني مصلحتها زي ران واكتر
امجد وقف قدامو وهو بكورك:لو بتهمك مصلحتها م بتقول كلامك دا
رامي:امجد..طول ما انت متعصب كدا م ح تقدر تفهم حاجة ولا تتصرف في الموضوع
احمد:الموضوع م عايز تصرف ي رامي...انس واقف قدامنا بكل بجاحة وبقول انو م عايز اختنا
رامي:احسن يقولها ليكم هسي بخشمو ولا بعد يعرسها بافعالو؟..احسن تبعد عنو هسي قبل ما تخسر شيولا بعد يعرسو ويبقى بيناتهم عيال؟
احمد اتلفت علي الجهة التانية بعصبية..رامي كلامو صح
رامي جا لقدام عشان يتكلم مع ابوهو واعمامو وقال:ألين وانس..م عندهم قسمة سوا..وقصتهم دي فاشلة فاشلة..احسن تفشل هي باقل خسائر ولا نعرس ليهم بالغصب ويبقى فيها طلاق وجرجرة؟
عبداللّه ابتسم لود اخوهو..طول عمرو عاقل وفاهم..
رامي اتلفت علي امجد مسك كتفو وقال:وصدقني ي امجد لو كان ران محل ألين كنتا ح اقول نفس كلامي دا
امجد نتق يدو منو وم ردا عليهو
عبداللّه عاين لعبدالرحيم وقال:عبدالرحيم ي اخوي..انا طالب يد بتك لانس ود عبدالفتاح اخوي
انس ابتسم
"تفف🙄👋🏻..كرهتك ي انس وقلبي اباك"
عبدالرحيم:طيي وألين؟!
فهد يداااب فتح خشمو قال ليهم وهو بحاول يخفي ابتسامتو:انا بعرسها
امجد اتلفت عليهو بسرعة
فهد وقف علي حيلو:لو خالي عبداللّه م عندو مانع طبعا
احمد وامجد اتلفتو علي ابوهو يشوفو ردو شنو..اساسا هم كل همهم انو اختهم م تتفضح ويقولو راجلها خلاها يوم العرس
عبداللّه:ابشر ي ولد سلطان
فهد ابتسم ونزل راسو..دا برا لكين جواهو كان برررقص هنننندي بالفرح...ألين حبيبتو البحبها ح تبقى ليهووو💃🏻💃🏻
انس جا علي عمو عبداللّه باس راسو وقال:ربنا يخليك لينا ي عمي
عبداللّه:امشي ي رامي وري اختك انها ح تعرس انس
انس بفرحة: عارفة هي ي عمي
امجد عاين ليهو بغضب..وقح انس دا وقححح
عبداللّه اشر ليهو نظام طيب واتلفت علي احمد وقال:وانت ي احمد امشي وري اختك انها ح تعرس فهد
احمد بغضب مكبوت:حاضر ي ابوي..لكين لو م رضت وقالت عايزة انس
امجد تما ليهو كلامو كأنهم زول واحد:ح تعرس انس
انس عاين ليهم بخوووف..كيف يعني تعرسو بعد ما ادوهو المواقفة علي ران؟!..
احمد طلع بسرعة..امجد جا وقف قدام انس وقال:ي خساارة..كنت قايلاك راجل
انس عقد حواجبو واتلفت علي الجهة التانية..يقول شنو ما هو غلطان بالجد..



في الكوفير..ألين قاعدة ومستغربة انو ران ح تتمكيج في كوفير تاني..هم كانو متفيقن يتمكيجو هنا سواا لكين ران فجأة من الصباح مشت واحد تاني..افف
تلفونها دقا رفعتو وعقدت حواجبها باستغراب..امكد بدق ليها هسي ليه؟
ردت ب:هلووو
م سمعت رد بس صوت انفاسو كأنو كان بجري
ألين:امجوو؟
امجد:انا قدام الكوفير انزلي لي تحت
ألين:ليه؟
امجد:لمن تنزلي بتعرفي
ألين:امجد قعد تهظر ولا جادي انت؟
امجد:جادي ي ألين
ألين عقدت حواجبها:طيب ليه يعني السبب شنو؟
امجد كورك:انزلي وح تعرفي ي ألين
ألين عاينت للتافون مسااافة
دا مالو بكورك؟!..انتهدت ووقفت علي حيلها ونزلت..لقت احمد وامجد الاتنين واقفين كانو متكولين في كبوت العربية واول ما شافوها وقفو عديل..
جات عليهم وهي مبتسمة:هييي..جايني مالكم زي القدر كدا؟

*#قلوب_تائهه 《36》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
عبداللّه..قام من محلو داك..رأسا لأمو..اساسا العزومة في بيت ناس عبداللّه وبيت ناس عبدالرحيم..
المهم جمع العيلة كللللها جنب حجة عواطف واداهم الزييييت كلو...
وديل طبعا بسمعو وبتخلعو...
ختم كلامو ب:في النهاية ران بتنا زي ما ألين بتنا..وانس وفهد اولادنا برضو
وعاين لحجة عواطف عشان يشوف ردة فعلها..
هزت راسها نظام اي وقالت:والعرس قسمة ونصيب..والكاتبو ربنا بحصل تبب
عبداللّه:اي ي امي..الناس تقول الحمدلله بس
كلهم حركو راسهم نظام حمدلله
عبير ام فهد طبعا سااكتة ساااي وبتسمع..ميلت علي دانة بتها القاعدة جنبها وقالت:دانة ي امي..اتصلي لأخوك دا شوفيهو وين
دانة عاينت لأمها:حاضر ي ماما
ووقفت علي حيلها عشان تمش تدق ليهو
امها مسكتها من يدها وقالت:خليهو يجيني هسي دي
دانة اتنهدت وحركت راسها نظام طيييب...
طلعت برا وبدت تدق لفهد..دقت اول مرة م ردا وتاني مرة م ردا..ردا ليها تالت مرة ب:ايوة ي دانة
دانة:فهيدان وين انت؟
فهد:في الصيوان تحت..ليه؟
دانة:ماما قالت ليك تعال
فهد:عشان موضوع ألين؟
دانة حركت راسها نظام اي وقالت:اي عمو ورانا هسي
فهد اتنهد:طيب جاي
دانة:انا منتظراك جنب الباب
فهد:تمام
قفلت منو وبدت تضرب لأمجد...حاسة انو ح يكون فاير هسي..حاسة شنو؟ متأكدة تماما من ردة فعلو العصبية العنيفة..
فهد جاها اول ما شافتو قالت:فهيدان حبيبي
فهد ابتسم وقال ليها:ايوة
دانة: دا شنو الحصل دا وانت ليه..
قاطعها وهو بقول:هششش..م هنا ي دانة م هنا
عاينت للناس حولينهم ..ساقها ودخلو لأمهم..لقوها داخلة علي المطبخ اول ما شافتو وقفت عاينت ليهو
فهد مشا عليها:ايوة ي امي
مسكتو من يدو وجرتو واتجهت علي السلم..ودانة طلعت وراهم..طلعو فوق دخلو غرفة كدا
عبير اتلفتت عليهو:دا شنو الحصل دا؟
فهد جا عليها وهو مبتسم:حصل الخالي وراكم ليهو
عبير اتنهدت وختت يدها في عيونها
فهد مسك يدها:في شنو ي امي؟
عاينت ليهو:بعد دا كلو بتسألني في شنو؟
فهد:تقريبا كان في سوء فهم من البداية وهسي اتصلح وانا ح اعرس ألين
عبير:سوء فهم شنو؟..انس بس م عارف روحو عايز شنو..نحنا بنلعب؟
فهد سكت م ردا ليها...عاينت ليهو مسااافة عارفة انو انس صحبو شديد وهو م برضى فيهو..
اتنهدت بقلة حيلة وقالت:اها وانت؟
عاين ليها نظام انا مالي؟
ختت يدها في خدو وهي بتقول:ح تعرس ألين وانت م عايزها؟
ابتسم:تفتكري في زول بقدر يجبر ولدك علي حاجة م عايزها
ابتسمت وباس راسو مساافة وقالت:ربنا يسعدك ويجعل ليك فيها زوجة حسنة
باس يدها وهو بقول:اميين ي غالية
حضنتو..وطلعت خلتو لأنو نادوها..
فهد عاين لدانة البتعاين ليهو وقال:مالك؟
دانة:مالي؟
فهد:بتعايني لي كدا ليه؟
دانة:بعاين ليك كيف؟..م اعاين ليك؟
فهد ضحك لمن حسا بيها قعد تتعابط ربت علي كتفها وهو بطلع من الغرفة وبقول:عايني طيب عايني
دانة لحقتو وهي بتقول:ليه حاسة انك متكيف لأنك ح تعرس ألينو؟
فهد عاين ليها وحاول يخفي ابتسامتو:انا؟!
دانة ضيقت عيونها:يب
ضحك..وهي ضحكت
فهد:طيب اوكييه..اي مبسوط ومبسوط شديد والله
دانة ابتسمت باستغراب

فهد:شوفي الموضوع طويل هو لكين بحكيو ليك لمن نروق تمام؟
دانة:اوووه طلعت في مواضيع من ورانا كمان..حبكانيات تقيلة
فهد ضحك:بت اتلمي..وبعدين دي شنو حبكانيات دي جبتيها من وين؟
دانة ضحكت:من عبير الشماسية
"عبير البتقرا معاها في الجامعة..عبير صحبة امجد م عبير امها"
فهد ضحك
دانة:علي العموم لنا لقاء ااا؟
فهد:حاضر ي ستي لنا لقاء
ابتسمت ليهو ورسلت ليهو بوسة في الهوا من خشمها ابتسم ليها ونزل..وقفت في بداية السلم تعاين ليهو وهو بمر في نص النسوان..وببتسم ل دي وبأشر ل دي بيدو الفيها الحنة🖤...

ابتسامتها اختفت لمن اتذكرت امجد..رفعت تلفونها دقت ليهو تاني...
امجد طبعا من الكوفير مشا نزل وطاااااط..علي بيت ناس ياسر..م بقدر يقعد مع انس في صيوان واحد لأنو ياا حيدقو ياا حيدقو..

نزل لقى اخو ياسر الصغير في الجنينة سلم عليهو
وقال:وين اخوك الجردل دا؟
يامن:قاعد والله..خش ليهو
امجد:نايم لسا ولا شنو؟
يامن:صحيتو هسي والله..عشان يعمل لي الاكل
امجد ضحك:ليه خالتو ويمنى مافيشين ولا شنو؟
يامن:سافرو يااخ ليهم اسبوع..خلو لينا البيت ناااشف
امجد ضحك وضربو في كتفو مرتين ودخل..
لقى ياسر بصوط في المطبخ
مشا عليهو وقال:عليك دينك ازبط لينا مكرونة زاااابطة كدا
ياسر قايلو يامن ردا ليهو ب:اختاني ي مان
تاني رفع راسو لاقاهو امجد اتخلع وجا عليهو
ياسر:امجد الجابك شنو؟
امجد ضحك:ارجع يعني؟
ياسر:م كدا..قصدي يعني خليت عرس ألين وران
امجد م ردا ليهو مشا رما نفسو في الكنبة وهو بقول:آآآه بس آآآه
ياسر جا عليهو:في شي؟حصل شي؟

امجد:ألين ح تعرس فهد..وران أنس
ياسر عقد حواجبو:دا شنو دا هسي؟
امجد م ردا ليهو
ياسر:امجد..حصل شنو يعني؟
امجد بصلح في راسو وم ردا ليهو
ياسر ضربو في صدرو:ي زفت بتكلم معاك انا
امجد:وانا م عايز اتكلم
ياسر:م علي كيفك..قوم اقعد علي حيلك وريني في شنو؟
امجد غمض عيونو وفتحهم ببطئ:م قادر نعسان
ياسر عقد حواجبو:نعسان؟..هسي؟
امجد م ردا ليهو
"لمن يقوم للعباطة عبيط😒👋🏻"
ياسر عاين ليهو مساااافة بعدها قال:امبارح م نمتا؟
امجد وهو بخت كوعو في عيونو:نمتا..صحيت بعد 7
ياسر:اها وهسي نعسان؟
امجد م ردا
ياسر هزاهو:امجد ياااخ
امجد:ياسر يااخ مالك في شنو؟
ياسر:م عارف في شنو...قوم وريني انت في شنو
امجد:م قادر..نعسان..عايز انوم ي انسان
ياسر:ي توريني في شنو ي تقوم تمشي بيتنا
امجد:ولا واحد
ياسر:ي زول هو اطلع من بيتنا بس
امجد رفع يدو عاين ليهو:بتطردني يعني؟
ياسر:اي ي مان
امجد:برضو م طالع
وقعد يضحك وياسر كر كر كر ضحك معاهو
ياسر:في شنو يااخ
امجد:ياسر نعسان اللف اقسم..خليني انوم الكم ساعة ديل ولمن نكون ماشين علي الصالة بوريك الفهم كلو
ياسر رفع ليهو حاجبو:م مطمن لنعستك دي...م من عوايدك تنوم كتير
امجد وهو بصلح المسند تحت راسو:عارف
ياسر عاين ليهو مسااافة...امجد ونعسان؟! ليهو فترررة م سمع الجملة دي قال:طيب م ح تاكل معانا؟
امجد:خلو لي حقي لمن اصحى باكلو
ياسر اتنهد بحيرة ووقف علي حيلو رجع للمطبخ..
"يحليلهم امهم مسافرة وبطبخو براهم😂😂"....



العصر..
قُبيل المغرب...
الناس بدو يلبسو عشان يمشو الصالة بعد دا..دانة لسا بتضرب لأمجد وم برد ليها..


نسرين برضو دقت لأحمد كم مرة م ردا ليها..عايزة تتكلم معاهو بس م لامة فيهو...
دخلت الجناح عشان تلبس لقتو واقف وبزرزر في القميص
وقف جنبو وقالت:احمد..بدق ليك م بترد
م اشتغل بيها كأنها م بتتكلم
ختت يدها في كتفو وقالت:احمد الحصل..
سكتت لمن عاين ليها بسرعة كان ظاهر في عيونو انو زعلان
قال ليها:الحصل ولا العملو اخوك؟
عاينت ليهو باستغراب
احمد:انتو كلكم انانين كدا ولا انتي وانس حالة شاذة؟
نسرين طيرت عيونها وبتعاين ليهو...انانين؟! هسي هي دخلها شنو؟! اي نعم انس اناني وحركتو جبانة لكين هي ذنبها شنو؟
قالت ليهو:احمد ليه بتقول كدا؟
احمد:بقول في شنو كلامي واضح..انتي عايزة تخليني عشان الله م ادانا بيبي وهسي اخوك خلا اختي عشان حضرة سيادتو عايز ران قال
بلعت ريقها وهي بتسمع في كلامو دا..اووه الموضوع كدا يعني؟! هم مش كانو قفلو الموضوع دا واعتذرت ليهو وخلاص؟! طيب تاني فاتحو ليه؟!
نزلت يدها من كتفو وقالت:بقى بيناتنا في اخوي واخوك؟
احمد غرز اصابعو في كتفها وقال:مدام بقى بيناتنا كل واحد يشوف طريقو..طبيعي يبقى بيناتنا اخوي واخوك
نسرين غمضتت عيونها وفكت يدو براااحة منو لأنو كان مساكها شديد..
عاين ليها وهي بتزح منو ورجع يعاين للمراية..لبس جكت البدلة واتريح وطلع وهو زهجان...اففف شكلها مشاكلهم م ح تنتهي..وشكلو موضوع ولادتها دا ح يجوط ليهم علاقتهم...

نسرين دخلت الحمام وهي بتبكي..دا شنو دا؟! احمد متين بقى كدا؟! ليه اصلا بقى كدا؟!...اففف الله يهديك ي انس وترتا لينا علاقتنا اكتر مما هي متوترة الايام دي...

نزلت من الكوافير ووراها بت الكوفير رافعة ليها زفافها..
وعاينت ليهو واقف جنب اخوها..امجد جا عليها وهو مبتسم وقال:طالعة قممممر تبارك الرحمن
ابتسمت وعيونها مليانين دموع:امجد جيت؟
"لا رسل جواب😒👋🏻"
امجد ختا يدينو حولين وشها:طبعا جيت..تفتكري اخليك في يوم زي دا؟
حركت ليهو راسها نظام لا لا واترمت في حضنو...غمضت عيونها..يااااه علي الامان البتحسو في حضن اخوها دا...
ابتسم وهو بحاوطها بيدينو...
زحت منو
عاين ليها وقال:ح تدخلي تقعدي شوية وتطلعي..انا قلتا ليهم يتأخرو..م حتضطري تشوفيهم تمام؟
ألين نزلت راسها وحركتو نظام تمام..
باس راسها مسااااااافة..وابتسم ليها:مبروك ي حلوة..بعدين عروستي الا تكون حلوة زيك كدا
ألين ابتسمت وقالت:م ظنيت تلقى وحدة بجمالي
امجد:حرفيا حرفيا م ح القى وحدة سمحة زيك كدا
ضحكت وقالت:اخيرا اعترفتا؟
امجد:هييي م تتعودي الليلة بس عشان عرسك وكدا
ألين ضحكت...
فهد طبعا واقف وبعاين ليهم..قرب يعمل كدا🤤..ألين..زفافها البسيط الماسك في الخصر شوية..شعرها الجايباهو بالجنبة كلووو..طال حبة..شكلها طولتو للعرس..الحنة المرسومة في يدينها..التاج الرفيع المختوت في راسها..حتي منكيرها الابيض لاحظ ليهو...
امجد مسك ألين واتحركو خطوتين..بقو قدام فهد..
امجد:تبقى عليها عشرة ااا؟
فهد ابتسم وهو بعاين لألين المدنقرة:ابشر
امجد ابتسم ومسكو يد ألين..فهد مسكها وقال:مبروك ي ست البنات
"طبعا م قدر م يقولها😂👋🏻"
ألين سحبت يدها براااحة من يدو وفتحت الباب عشا تركب..امجد ساعدها في الزفاف وكدا ومشا ركب محل السواق...فهد واقف وبعاين للعربية..سحبت يدها منو..افف شكلها ح تتعبو شديد...لفى ركب بالجهة التانية واتحركو علي الصالة...

في الصالة..الاضواء انخفضت..والناس قعدو في اماكنهم...اشتغلت غنية "م مصدق اني قدام حبيبي"...
كل العيلة مركزيييين عايزين يشوفو ألين ح تكوت حالتها كيف..اكيد بكت واتبشتنت..واكيد م قدرو يزبطو ليها الميك آب...
كل الاعتقادات دي اتلاشت لمن ألين ظهرت ليهم وهي في ابهى صورها..يخ كانت جمييلة جمال م طبيعي..الميك آب والشعر والزفاف والتاج وكلووو كان زااابط...
زينب بدت تحصنها في سرها..
ألين طبعا متوترة شديد وحاسة حيلها ميييت..اترتعت عترة خفيفة كدا واساسا كانت خاتة اطراف اصابعها في مصعم فهد..قام هو شال يدها لفاها حولين معصمو..
جك عاينت ليهو..
همس ليها وهو بعاين في عيونها:عشان م تقعي
نزلت عيونها وبقو ماشين..

دانة كانت بتعاين لأمجد الجا داخل وراهم ومشا قعد جنب ياسر وشال باقة موية فتحها وبقى يشرب..عقدت حواجبها مالو بارد كدا؟ ظاهر انو الموضوع ايزي عندو..افف لازم تتكلم معاهو بعدين...


ألين وفهد وصلو الكوشة بعد تععب لأنو ألين حرفيا مشيها كان برااااحة...م حنشكة منها او كدا لاا بس عشان م اكلت شي من الصباح+الزعل+التوتر وكدا...
اول ما قعدو احمد جا عليهم
باس راسها مسااابة وقال:بسم الله ما شاء الله..بسحروك ي ستهم
ألين ابتسمت ليهو
حضنها وقال:الف الف مبروك عليك
حركت ليهو راسها وم ردت
حضن فهد وقال:مبروك عليك اختي
فهد:الله يبارك فيك
احمد:في عيونك ااا؟ دي حبيبتنا م عندنا غيرها
فهد ابتسم:ان شاء الله والله
بعدها امها جات..مسكتها واتفقععععععت بالبكا....وألين خلاااص اطلقت العنان لدموعها...
احمد ختا يدو في ضهر امو:ي امي كفاية الناس يقولو عليكم شنو؟
زينب فكت ألين وبقت تقش ليها في الدموع:بتي وحيدتي عرست كيفين م ابكي؟
ألين تاني حضنت امها وبقت تبكي..امجد طبعا لمن شافهم ببكو فررر جاهم جاري
امجد:اوف اوف..دا م يوم بكى ي امي
زينب م اشتغلت بيهو باست ألين في خدها مساااااااافة...بعدها باركت لفهد وقالت:الله يرضي عليم ي ولدي
فهد:الله يخليك ي خالتو
المهم كدا...العيلة كلها جات باركت ليهم بما فيهم شهد ونسرين
نسرين لمن جات باركت ليها قالت:خسران انس لأنو خسرك ي ألين
ألين العبرة خنقتها وم ردت ليها...


بعد الناس باركو ليها كدا..الفنان بدا يغني
دانة واقفة جنب حبوبتها
امجد جا اتكلم مع حبوبتها وكان ماشي كدا
قالت ليهو:الف مبروك ليهم ي امجد..وعقبالكم انت واسيل
ورفعت ليهو حاجبها
عاين ليها مسااافة...بالجد مزاجو قالب
قال ليها:الله يبارك فيييييك..من بعدك
دانة ابتسمت ليهو بالاتساااع:امييين..الله يجيب العريس بس
امجد رفع حاجبو:هادي قااعد
دانة اتغاااظت منو بس قالت بدلع:صححح...هادي..الله يوفقو بس ويجهز سريع
امجد مشا خلاها من غير ما يرد...دانة عاينت ليهو مسااافة..افف المفروض تتكلم معاهو كويس لكين هي اتبايخت..لكين هو مستتتفزززز....

ألين نادت براحة:امجد
امجد م سمعها لكين فهد اتلفت عليها وقال:عايزة شنو؟
دنقرت راسها وقالت:عايزة امشي

فهد عاين ليها مسااافة بعدها اتنهد ونزل من الكوشة مشا كلم امجد انهم ح يطلعو بعد دا..ونادى دانة عشان تساعد ألين في الزفاف وكدا...وفعلا خلال 10 دقايق كانو في العربية..
امجد جا لألين بالشباك وقال:يلا ي جميل
ألين ابتسمت ليهو وختت يدها في يدو الخاتيها في الشباك كأنها بتقول ليهو خليك معاي
امجد عاين ليها مساااافة بعدها قال لفهد:البت دي ختها في عيونك اااا؟
فهد ضحك لأنو الجملة دي سمعها 4 مرات الليلة..اول شي من امجد واحمد وعبداللّه عمو +امجد هسي..
قال:ان شاء الله
امجد زحا لورا لمن العربية دورت ألين عاينت ليهو كأنها بتودعو..رفع ليها يدو وقال:سلام عليكم
وفعلا فووووو العربية اتحركت....


عاين لدانة الواقفة جنبو..وهي كمان عاينت ليهو وماشة كدا مسكها من كوعها جراها عليهو..ميب راسو بالجنبة وقال:قلتي لي شنو؟
دانة لزتو وهي بتقول:قلتا ليك نحنا في الشارع
جراها عليهو زيادة:ويعني؟
دانة لزتو تاني:اسيل راجاك اجري ليها
امجد ضحك وهو بفكها...مشت وهي متغايييظة منو...اتلفتت عاينت ليهو وهي ماشة لمن قال ليها:ماشي ماشي
"هوي امجد دا عندو شزوفرينا😂👋🏻"...
طبعا ولاا دخل الصالة دور عربيتو ومشا..ومع مشيتو كدا جو انس وران...طبعا العيلة كلها شامينهم😂😂 الا عبداللّه ورامي وحجة عواطف...
كملو حفلتهم واتجرتكو ولمن جو طالعين جو عشان يودعوهم لأنو ح يمشو بورتسودان طبعا...
عبدالفتاح ادى انس مفتاح البيت الهناك عشان يمشي يقعد هناك..
وعدو عبداللّه وعبدالفتاح وعبدالرحيم..
لمن جو يودعو حجة عواطف قالت ليهو:ودعتك الله ياا المستهبل الم جادي
ضحك طبعا من غير م يرد
ودع امو وزينب وعبير ونادية..وشهد ورامي
ولمن جو ودعو نسرين حضنت ران وقالت ليها:خايفة يجي يوم وتخوني فيهو اخوي زي ما خنتي بت عمك وصحبتك

ران بلعت ريقها وم ردت..حرفيا العبرة خانقاها الحفلة كلها عبارة عن مطاعانااااااات...احمد طبعا بس بارك ليهم وطلع وامجد م لاقتو من الاساس...
المهم ركبو العربية وانس سايق وهي طبعا قاعدة جنبو لاحظت انو ماشي علي فلة حجة عواطف قالت:ماشين وين نحنا؟
انس:لفهد..لازم اودعو قبل اسافر
سكتت واتلفتت علي الشباك...لفهد..فهد الخلتو في اخر لحظة...

في فلة حجة عواطف ألين طبعا استحمت غيرت جات طالعة من لقت فهد شايل صينية اكل صغيرة كدا ختاها في التربيزة وقال:تعالي اكلي قبل تنومي
ألين شالت الصينية وروووو رمتها في الارض
عاين ليها بخلعة..
جات عليهو وقالت:لو مفتكر اني ح احبك واعتبرك راجلي تبقى بتحلم
واتفلتت عايزة تمشي مسك يدها ولفاها ورا ضهرها بقى صدرها ملاصق صدرو
قال ليها:تحبيني او لأ دي حاحة بترجع ليك..لكين تعتبرني راجلك دي..قرب وشو منها وهمس:غصبا عنك ح تعمليها
اتلفتت منو وهي بتتنفس بسرعة من الخوف..فكاها لمن سمع صوتو تلفونو..
ألين فررر مشت من جنبو..دا م مضمون دا
فهد ردا وكان انس المتصل قال:الوو...اي...اي...تمام نازل
ألين عاينت ليهو نازل وين دا كمان؟
فهد ختا التلفون ونزل ببدلتو..
لقى انس لابس العلي الله بتاعة الجريتك ديك
ابتسم ليهو وقال:ابشر ي عريس ابشر
انس ضحك وحضنو قوووي
فهد ضحك
انس:شكرا ليك شديد
فهد:مف داعي تشكرني م عملتا شي
انس فكاهو
فهد:قايمين طوالي؟
انس:طوااالي والله
فهد ربت علي كتف صحبو:تصلو بالسلامة
انس:الله يسلمك
الاتنين اتلفتو علي باب العربية وهو بفتح وران بتنزل منو..بتوب الجريتك وحنتها وجدلتها...
وقف قدام فهد وجنب انس وقالت:معليش شديد وشكرا في نفس الوقت
فهد ضحك:اولا م تشكريني انا المفروض اشكرك لأنك جمعتيني بحب حياتي زايد م تعتزري لي اعتزارك دا المفروض يكون لزول تاني
ران حركت راسها نظام اييي وقالت:ح اعتزر ليها بس م هسي..لحدي الوقت داك خلي بالك منها
فهد ابتسم:في عيوني والله
انس حضنو تاني ومشو ركبو عربيتهم وفووووو....

تعالو احكي ليكم حصل شنو...متذكرين يوم الاربع يوم ران حضنت انس وكدا؟...يلا لمن رجعت البيت لقت مكالمات كتتتيرة منو وابت ترد...بعد شوية رسل ليها رسالة انو هو اتكلم مع فهد في الموضوع وفهد طلع بحب ألين..بعدها هي دقت لفهد وأكد ليها انو اتكلم مع انس واتفقة انو انس يعرس ران وفهد ألين..بعد داك ردت لأنس واتفاهمت معاهو وكدا...
--------------------------------------
---------------------
*يتبــــــــــــــــــــــــــــــــــــــــــــع*