نسرين:لا ي احمد م عشان كدا...لازم نفحص ونعرف عشان لو م بنقدر نخلف..اتلفتت علي الجهة التانية..كل واحد يمشي في طريق
رفع حواجبو بخلعة وقال:ببساطة كدا؟
نسرين:احمد افهمني
رفع يدو وقال:م عايز
ومشا خلاها دخل الحمام ورزع الباب وراهو…اتنهدت بندم..دا شنو القالتو دا؟كدا خربت الموضوع عديل…


*بعد مرور يومين…*
*مساء الاحد…*
عبير بتتكلم بالتلفون:طيب خلاص فهمنا ممكن تخليني امشي اغير؟
ياسر:وصلتي؟
عبير:يب لي قريب 10 دقايق
ياسر:تمام..امشي غيري واكلي ونتلاقى واتس
عبير:اوكيه
ياسر:يلا في امان الله
وقفل عاينت لاسمو واتنهدت بابتساااامة..بقت تتكلم معاهو كتير…

وعد في غرفتها بالتلفون:وليد افهمني
وليد:عارفها صعبة عليك..طلعة وبرانا وكدت بس صدقيني نحنا محتاجين ليها..علاقتنا محتاجة ليها
وعد اتنهدت وهي بتعاين لنسرين الجات داخلة وهي شايلة كورية مديدة بالطحنية ولبن بدرة وبسكويت دا
وليد:كلها ساعة ساعتين قبل امشي المطار
وعد:طيب م مشكلة
وليد فرح:تمام زي 10كدا خليك جاهزة
وعد بهدؤها المعتاد:طيب
وقفلت عاينت لنسرين لقتها بتخت الصينية قدامها ختت تلفونها جنبها وقالت:وليد عايزني اطلع معاهو بكرة
نسرين وهي بتقعد:اي مالو م فيها حاجة؟
وعد:نسرين متوترة انا
ابتسمت ليها:بس اول ايام بعد شوية ح تشحديهو شحدة يطلعك
وعد ضحكت:انتي كنتي بتوتري لمن تطلعي مع احمد؟
نسرين:شفتي مع اننا خالطين كنا بس اتوترتا لمن طلعتا معاهو قبل العرس بيومين
وعد:كنتو عاقدين؟
نسرين:هئا…نحنا اصلا من بدري متفقين نختار الزفاف سوا ولمن جا وقت الجد بقى لي وردي
وعد ضحكت:م فهمتي اي حاجة صح؟
نسرين ضحكت:اساسا ي بت كنتا لسا شغالة دخان لمن ريحة العربية قلبت وهي كمان بقى يتلايق عايز يشوف وشي

وعد:وبعليييي انا لو محلك كان متاا
نسرين:غايتو كان ايااااااام
وعد ضحكت
نسرين وقفت علي حيلها:يلا انا تصبحي علي خير
وعد:ونسي يااخ
نسرين وهي بتقفل في عبايتها:احمد بكون جا بعد دا
وعد ابتسمت:خلاص مدام احمد جا م عندي حق اقعدك
نسرين ابتسمت ومشت علي باب الجناح
وعد وهي ماشة وراها:خلي رامي يوديك ااا؟عشان احمد م يطلعنا من البلد
نسرين ضحكت:اصلك كدا كدا طالعة منها
وعد ابتسمت ونزلت راسها
نسرين وقفت جنب باب الجناح واتلفتت علي وعد:ح افقدك لمن تسافري
وعد فتحت ليها يدينها نسرين حضنتها قووووي
وعد:وانا كمان ح افقدك..ح افقدك شدييييد
نسرين ابتسمت وعيونها مرقرقين:م ظنيت وليد ح يكون مالي حياتك😉
وعد نزلت راسها وهي بتمسح دموعها
نسرين:يلا يلا خشي
وعد:تمام..لمن تصلي دقي لي
نسرين ضحكت وهي بتنزل في السلم:تمام
م كان في زول في الصالة م حبت تتعب رامي طلعت براها وفي الجنينة اتلاقت مع عمها "عبدالرحيم" جاي
عبدالرحيم:اووو نسرين؟
نسرين ابتسمت:كيفك ي عمو؟
عبدالرحيم:نصيييييح تب والحمدلله
نسرين:حمدلله
عبدالرحيم:وين ماشة براك؟
نسرين:م براي..دقيت لاحمد م ردا قلتا امشي البيت لصق البيت
عبدالرحيم:م تطلعي براك والدنيا ضلمت..ارح اوصلك
نسرين ابتسمت..وصلها لحدي باب فله عبداللّه الجوا
نسرين:ادخل ي عمو اشرب معانا شاي المغرب
عبدالرحيم:مغرب شنو؟ العشا قرب يأذن
نسرين ضحكت:شكرا ليك يعمو الله يديك العافية
عبدالرحيم:الله يعافيك ي بتي
ابتسمت وهي بتشوفو راجع لبرا…
دخلت لقت زينب وألين بحضرو في مسلسل سلمت عليهم وطلعت بعد عرفت منهم انو احمد جا من بدري وطلع غرفتو
لمن وصلت لقتو قاعد في الكنبة ومربع كرعينو وخاتي قدامو الاب توب معناها شغال..
فتحت عبايتها:سلام عليكم
احمد وعينو علي الاب توب:وعليكم السلام
نسرين جات عليهو:سووري اتأخرتا عليك بس كنتا م وعود..لمن م ردا ليها..جيت بدري انت؟
احمد وهو مركز في الاب توب:امممممم (=اي)
عاينت ليهو مسااافة..اكيد اتضايق لأنو جا لقاها ماف فوق ما انو اصلا زعلان منها من كلام اليوم داك اتنهدت ودخلت الحمام…

فهد وهو سايق علي بيتهم…اتذكر حوارو مع انس يوم الجمعة بعد وصلو قدام بيتهم لأنو وليد كان سايق عربيتو انس قااعد مساافة وم نزل بعدها قال:طلعت بتحبك
فهد عاين ليهو باستغراب:شنو؟
انس عاين ليهو:ران..عاين قدامو..بتحبك
فهد عاين ليهو محتاج تفسير اكتر
انس فسر:جبيل فتحتا معاها الموضوع تاني وببساطة...قالت بتحبك
فهد عاين ليهو مساااافة بعدها غمض عيونو ورفع حواجبو
انس:المفروض م اوريك..بس انت اكتر واحد عارفني بحبها قدر شنو..انت الوحيد اصلا
فهد:م عارف اقول ليك شنو
انس حرك راسو:م تقول شي..مف شي يتقال
فتح الباب ونزل..فهد طلع راسو بالشباك وقال بصوت عالي:ح تعمل شنو طيب؟
انس وقف واتلفت عليهو:ربك كريم
ومشا فهد اتنهدت ودور عربيتو…
رجع لواقعو بصوت تلفونو البدق ردا لقاهو انس

فهد:اووووو انيس
انس:كيفك؟
فهد:تمااااام والله حمدلله وانت؟
انس بحزن:عايش
فهد:كيف مع الشغل؟
انس:كويس…دقيت اوريك انو بكرة عاملين فطور كدا وداع لوليد جيب حبوبة وعمتو ودانة وتعال
فهد:اكيييد..اساسا م اتلاقينا بعد ما موسرتني امبارح
انس:تمام راجنكم
فهد:ان شاء الله
انس قفل فهد اتنهد وهو برجع يركز في الطريق بنصف ذهن بعد ما شاركو في النص التاني انس ومشكلتو دي..الود حرفيا اتكسر…بركن عربيتو في القراش واتجه علي جوة الفلة الاتحوت جواها علي قلب تائه مشابه لقلبه…
دانة كانت قاعدة قدام التلفزيون وماسكة الريموت بيدينها الاتنين وعقلها شارد..امبارح الصباح لقت مكالمة فائتة من امجد دقا ليها الجمعة بليل بعد رجعو من العقد..ي ربي عايز شنو؟طب ليه م دقا تاني؟احتمال دقا بالغلط..اي اي اكيد داقي غلط مستحيل يدق ليها عايز يقول شنو يعني؟ اساسا في شنو بيناتهم يتقال؟…

ظهر فجر جديد..بعد ليل طال علي قلوب تائهة وقلوب تانية مكسورة وقلوب عايشة اعلي حالات الحب والعشق...

فتحت عيونها وهي بتتحسس السرير جنبها فتشت عليهو بعيونها لقتو قاعد بكوي في الارض قدام الشاشة
قعدت علي حيلها:احمد..ليه بتكوي براك كنت تصحيني
احمد من غير م يعاين ليها:م حنك..بتعود علي الوضع..عاين ليها..بعد كل واحد يمشي في طريقو
نسرين نزلت من السرير مشت عليهو وهي بتقول:احمد انت م فهتمني انا ق..
قاطعها:م عايزة ليها فهم ي نسرين..كل واحد يمشي في طريق
فصل المكوة وخلاها واقفة ومشا..اتنهدت بالجد غلطت لمن قالت كدا وهو ما شاء الله م مقصر مسكها ليها دخلت الحمام اتنهد وهو واقف قدام المراية بلبس في قميصو..م هين عليهو يخليها كدا بس زعلان منها..

*الساعة 9:36 ص*
عبير واقفة قدام بوابة جامعة ناس امجد وخاتة التلفون في اضانها..بتدق لأمجد برد دقت لياسر م ردا برضو احتمال يكون في محاضرة واحتمال م يكونو في الجامعة اصلا..اتأفأفت من فكرة انهم يكونو مف رسلت ل ياسر رسالة محتواها "انا في جامعتكم انتو وين؟" مشت علي الكفتريا اشترت ببسي وجات قعدت تلفونها دقا لقتو ياسر ردت:الووو
ياسر:بيرو..وين انتي هسي؟
عبير:في الكفتريا جوة الي جهة التلاجات
ياسر:زابط جاي عليك
وفي اقل من 5 دقايق لقتو قدامها
ياسر:اوووووو..وانا اقول الجامعة مالا منورة؟
عبير ضحكت:وين انتو مالكم م بترفعو؟
ياسر قعد في الكرسي القدامها:عندنا محاضرة
عبير:وانت طلعتا منها..
ياسر تمت ليها كلامها:عشانك
ضحكت وهي بترجع شعرها ورا اضانها..مع انها اساسا رافعة شعرها كعكة بس الخصلايات البطلعو ديك😂
ياسر مركز مع الحركة طبعا عبير شتت نظرها عنو لمن لقتو مركز معاها
ياسر شتت نظرو:اااااا…فريمك حلو
عبير وهي بترفع ليهو الفريم:جد؟
مسكو منها وقال:حلو زي ستو
رمشت كم مرة وابتسمت
ياسر ابتسم علي خجلها مع انها شفاتية واي شي بس عاطفيا خجولة اللف…
سمعو صوت امجد:اووووووووو…مرتي الجابك؟
عبير:راجلي..ي حيوان م بترد مالك؟
امجد قعد جنبها:كنتا في محاضرة ي بتنا
عبير:من متييييين الاجتهاد؟
امجد:م اجتهاد بس لقيت مزاجي رايق قلتا احضر لي كم محاضرة الم درجات الاتندس
عبير ضحكت:الله يعوضك ي عمو عبداللّه
امجد ضحك:امييين…م قلتي لي جابك شنو ي جن؟
عبير:جيتك عشان توديني معاك البيت
امجد:هي صحي الليلة الفطور
عبير:اجل نعم😴
ياسر:فطور شنو؟
عبير:عاملين فطور لوليد وداع وكذا
ياسر:امممم
امجد:دقيقة..انت طلعتا خليت المحاضر بشيل في الاتندس عشان تدخل لعبير؟
ياسر:ااااااا
عبير:دخلتا براي اصلا بس حمدلله انو جا لأني افتكرتكم برا الجامعة
امجد وهو بعاين لياسر:لا لا قاااعدييين
عبير:طيب يلا نتحرك
امجد:اي اي نطلع بعد دا
ياسر:خليكم يااخ الوقت لسا بدري
امجد:قوم ح تمشي معانا
ياسر:وباقي المحاضرات
امجد:دكها زي ما دكيت دي😉
عبير كر كر ضحكت
امجد وهو بطلع تلفونو:كدي ادق لاسيل دي
عبير:ح تسوقها معانا؟
امجد:لا لا..كانت جاية وراي بس اتأخرت
عبير:امممممممم
ياسر بعاين لعبير
امجد دقا ليها سمع نغمة تلفونها من وراهو اتلفت عليها
اسيل ضحكت:ارد ولا كيف؟
قفل التلفون وقال:دقيت ليك عشان تجي تسلمي علي عبير قبل نطلع
اسيل اتلفت علي عبير:بييييرووو
عبير حضنتها:كيفك ي جميل؟
اسيل بضحكة:كووويسة ي جميل انتي..مشتاقة ليك بس
قعدو، عبير:انا زاتي مشتاقة ليك..من جيت م قعدنا زي الناس
اسيل:اي والله..انتو مشغولين باعراسكم..عاينت لامجد..وانا م مسموح لي اجيها
عبير ابتسمت
اسيل:علي العموم الف مبروك ليهم وعقبالكم كدا
عبير:اللهم امييييين جمعا
امجد:عاد واي بورة صاح
عبير ضربتو وضحكت
اسيل:كيف مع الجامعة ي بيرو؟
عبير:اسكتي بس السمستر دا خاتين لينا جدول زي وشهم

اسيل ضحكت:الله يعين
عبير:اللهم اميين..انتو قربتو
ياسر:السمستر الجاي فاااينل 😴💃🏻
عبير:موفقييين..عاينت لامجد..نمشي بعد دا؟
امجد حرك راسو بمعني اي
اسيل:وين ماشة بدري كدا؟
امجد:عندنا فطور بيت ناس عمي عبدالفتاح
عبير:وداع ل وليد وكدا
اسيل:اممممم
عبير وقفت علي حيلها:نتلاقي ي اسيلو
اسيل:ان شاءالله
ياسر وقف وقال لامجد:انت ح تبيت هنا؟
امجد:اسبقوني لبرا وانا بلحقكم
اسيل عاينت ليهو..عبير وياسر مشو
امجد عاين ليها:مشيتي وين بعد المحاضرة؟
اسيل:ااااا…مشيت ل نوشة
امجد ضيق عيونو:نوشة شغالة محاضرات الليلة؟
اسيل:ااااا…م شغالة جات تشيل..تشيل مراجع ومشيت معاها المكتبة
امجد:وهسي وينا هي؟
اسيل:هسي..هسي طلعت هي اي طلعت
امجد:اممممممم
عاين ليها وهي بتمسح جبهتها باطراف اصابعها وقال:مالك انتي؟
اسيل:مف شي يعني ح يكون مالي ي امجد؟
امجد رفع اكتافو:م عارف م ياكي
اسيل سحبت نفس عميييق وزفرتو وقالت:مف شي مف شي
امجد وعيونو عليها:مع اني م اقتنعتا بس يلاااا…لينا قعدة لمن افضى
اسيل عاينت ليهو وم ردت
امجد وقف علي حيلو:يلا لبعدين
اسيل:ح راجع الجامعة تاني الليلة؟
امجد:م عارف...م ظنيت مف محاضرات مهمة تاني
اسيل حركت راسها:تمام يلا مع السلامة
امجد:الله يسلمك
ومشا وهو عارف انها حاصلة ليها حاجة وهي عارفة انو عارف انها حاصلة ليها حاجة وهو عارف انها عارفة انو عارف حاصلة ليها حاجة "فاهمين حاجة؟🙊"...اتنهدت وهي حاسة بغمة علي صدرها من جهة مهيب البحبها ومواقفو كترت معاها ومن جهة تانية امجد..حبيبها البقت م حاسة اتجاهو اي شي…

*في احد المطاعم العصرية الراقية..*
قاعد قدامها وهو بسمعها وهي بتحكي
وعد صلحت نظارتها:رغبتي كانت اقرا هندسة بس امي زعلت شديد لمن رامي امتحن ادبي حتي بتذكر ابت الاكل 3 يوم..كانت عايزاهو يقرا صيدلة وبعدو ب سنتين انا امتحنتا ومن غير نقاش معاها دخلتا ليها صيدلة واهو هسي بحمد ربنا اني دخلتها

وليد ابتسم:ربنا مسح علي قلبك وحببك في الصيدلة
وعد اشرت ليهو براسها نظام اي:اها وانت؟
وليد:انا ي ستي امتحنتا ادبي بكامل ارداتي وقدمتا منحة ولمن شالوني ادراة اعمال ابوي جاط شديد..م كان عايزني اطلع من شغل الشركة بس قويت راسي وسافرتا قريت اتخرجتا واشتغلتا
وعد:الغربة سمحة؟
وليد اتنهد:بالنسبة لي..شديد
لازم ي وعد تضحي بحاجة عشان تلقى حاجة تانية..والغربة م بتتعلق باني اكون في السودان او براهو...الغربة بتكمن في انك تكوني في حتة م بتنمتي ليها زيك مثلا لمن دخلتي صيدلة باعتبارك اغتربتي من الهندسة الكنتي عايزة تخشيها وبنفس الفهم طالما انا دخلتا ادارة اعمال الكنت عايز اخشها معناها انا م اغتربتا بغض النظر عن البلد
وعد:طيب وامك وابوك واصحابك واللحظات الحلوة الكان ممكن تقضيها معاهم..انت خسرتها
وليد:تؤ..اولا مف حاجة اسمها خسرتا..البني آدام بخسر لمن يخسر احلامو وانا حققتا حلمي بالتالي م خسرتا شي واهو امي وابوي واصحابي انا لسا بعيش معاهم اجمل اللحظات
وعد حركت راسها بمعني لا:بالنسبة لي الغربة انك تبعد من احبابك الي هم امك وابوك واصحابك
ضحك بخفة:وصلنا لطريق مسدود لأنك سايقة بقلبك وانا بعقلي
عاينت ليهو مساااافة بعدها اتنهدت بابتسامة
وليد ضحك بخفة:معليش بريتك صح؟المفروض دا اول موعد غرامي وكدا
وعد ضحكت:ابدا والله بالعكس
وليد عاين لتلفونو ورجع عاين ليها:يلا نمشي بعد كدا؟
وعد شالت شنطتها:يلا
وليد ختا القروش ووقف علي حيلو وهي وقفت..مشا خطوتين ووقف عشان تلحقو لحقتو ومشو سوا ركبو العربية واتحركو…
وعد ساكتة طوال الطريق وقف العربية قدام باب بيتهم وقال:الجماعة شكلهم مجتمعين
ابتسمت وهي بتعاين ليهو لفا جا فتح ليها الباب
وعد:طيب قرار سفري معاك يعتبر سواقة بعقلي ولا بقلبي؟
وليد عاين ليها مسااافة:لا دي مركبة عامة اسمها القسمة والنصيب
وعد ضحكت وهو ضحك معاها…"عميق بشكل🙃" دخلو وزي ما قال وليد لقو الجماعة مجتمعين في الصالة وفطرو كان وعد قعدت معاهم وهو طلع غرفتو عشان يجهز للمطار…وفي غضون ساعتين كان في المطار ومعاهو احمد ورامي
وقفو قدام باب صالة المغادرة
حضن رامي وقال:يلا ي ابو النسب
رامي ابتسم وهو بحضنو قوووووي
فكاهو وحضن احمد..ود عمو وصاحب عمرو..وليد:يلا ي ابو حمييد اجي القاك سايق وليد في يدك
احمد ضحك:ان شاءالله لكين م بسميهو وليد
وليد:هيييين ي ابو وليد هين احمد ضربو وهو بضحك بعدها وليد دخل وهم لوحو ليهو...

ربط حزام الامان وتكل راسو لورا ابتسم لمن اتذكر اخر احداث بينو وبين وعد..مرتو
الشباب كلهم كانو معاهو في الغرفة شغالين يضحكو ويشغلوها ليهو
احمد:اااا نسرين تعالي عايزك..وغمز ليها

نسرين:طيب طيب..دندون تعالي معاي نعمل الشاي
طلعو احمد ونسرين ودانة
رامي: شهدون م نفسك تتونسي معاي حبة؟
شهد ضحكت:نفسي شديد
وطلعو
امجد عاين لعبير الملامحها اتغيرت وقال:شفتو الصاروخ الوقع في الجنينة برا دا؟
الكل ضحكو
جرا عبير وقال:ارح ارح نشوفو
طلع ووراهو ران وألين وفهد وانس
وليد ابتسم وجا علي وعد
وعد نزلت راسها بخجل
وقالت:ارح نشوف الصاروخ
وليد ضحك:طوالي ارح
وعد عاينت ليهو مسااافة بعدها حضنتو
وليد ابتسم وهو بحضنها وهمس ليها:ماشين كويس
فكتو وبقت تصلح في طرحتها وتنقش تنقش تنقش مشت تحت…

ابتسم وهو بفتح عيونو..حرفيا وعد دي حلم كان بحلم بيهو ايام الثانوي وعمرو م اتخيل انو يتحقق…
--------------------------------------
---------------------
*يتبــــــــــــــــــــــــــــــــــــــــــــع*

*#قلوب_تائهه 《28》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*بعد مرور اسبووع...*
الليلة سفر وعد..بعد ما وليد انتهي من اجراءات نقلها..
اترمت في حضن امها للمرة التانية وهي بتبكي..
نادية"امها" ببكى:احي ي بتي الحتبعدي عني
رامي من ورا وعد:شنو ي وعود..الطيارة ح تفوتك
واشر لأمو نظام خلاص م تبكي
وعد فكت امها وهي بتمسح في دموعها البنزلو اصعاف بعد كل مسحة
نادية:ربنا يغطيك ي بتي ويحفظك من كل شر..وتصلي سلامة غانمة ي ربي ي الله
وعد حركت راسها نظام اي وهي م قادرة تتكلم بالبكى..اتلفتت علي نسرين الابتسمت ليها اول ما عاينت ليها ومشت عليها خطوتين
نسرين فتحت ليها يدينها وعد اترمت في حضنها..حضن بت عمها ورفيقة عمرها
نسرين رفعت عيونها للسما عشان م تبكي وقالت:وعوود..فكتها وبقت تمسح ليها دموعها..م تبكي ي جميلة ابقى عشرة علي اخوي ااا؟
وعد ضحكت ومسحت دموعها
بعدها ودعت احمد..بعدو فهد وانس وامجد
اتلفتت علي ران الخاتة يدينها في خشمها وبتتخجا بالبكا
جات عليها وقالت:بختك هدومي كلها بقت حقتك..حتي الكيموني الابيض
ران ضحكت بين دموعها:م عندهم معني بدونك..حضنتها..البيت كلو م عندو معني بدونك
وعد بكت زيييييين مع اختها
ألين ختت يدها في ضهر ران وقالت:رانوو..م تبكي بس اهم شي ي وعود ترسلي لينا زيارات صح ي ران؟
ران فكت من وعد:اي اهم شي
وعد ضحكت:بس كدا عيوني ليكم
حضنت ألين شدييييد ألين دموعها جرو
وعد فكتها وقالت:اجي القاكم عقلتو ااا؟
ألين بين دموعها:بنفكر بنفكر وعد ودعت شهد الكانت بتبكي شديييد ودانة وبرضو كانت بتبكي
عبير واقفة وعيونها اتملو بدموع حضنت وعد وقالت:تصلي بالسلامة
وعد حركت راسها نظام الله يسلمك..
مشت لحبوبتها دنقرت عشان تحضنها لأنها كانت قاعدة
حجة عواطف وهي بتسمح علي شعر وعد:ابقى فاالحة ي بتي وامسكي بيتك وراجلك املي ليهو وقتو عشان م يحس بالغربة
وعد بتحرك في راسها نظام طيب وهي في حضن حبوبتها
حجة عواطف باست يدها مساااافة وقالت:الله يحفظك ي بتي
بعدها وعد باست راس حبوبتها ويدها ووقفت علي حيلها ودعت عبير عمتها وابوها واعمامها الاتنين..اتحركت علي الباب بعد سمعت رامي بقول ليها:وعووود الطيارة دي م حقة ابوك
وقفت جنب الباب واتفلتت عاينت ليهم نفر نفر ابتداء من امها الخاتة التوب في خشمها وبتبكي وران المحاوطة اكتاف امها بديها وبتعاين ليها..ألين دانة شهد عبير بالجهة التانية نسرين البتبكي واحمد ماسكها انس فهد امجد..ابوها القلع نظارتو وبمسح في عيونو وهو مدنقر اعمامها الاتنين وعمتها..حبوبتها…طلعت بسرعة قبل تغير رايها وتلغي السفر...
كيف ح تقدر تبعد عن اسرتها..اصحابها..البلد الاتربت فيهو وبين شوراعو…
وصلو المطار وبسهولة وسلاسة خلصو اجراءاتها..رامي وقف قدامها ومدا ليها الجواز جواهو التذكرة بعد ما ختا ليها شنطتها الحتسبقها للطيارة في السير
وعد عاينت ليهو مسااافة..يداب اسبوعت انها ح تسافر بدون رجعة
رامي مسك يدها مسكها الجواز وقال:لا يُكلف الله نفساً الا وسعها..لو ربنا م عارفك انك قوية وقدر قسمتك دي م كان اداك ليها
اترمت في حضنو وهي بتبكي

رامي العبرة خنقتو:م بعيدة ي وعد طيارة وحدة ونلاقاك في وشنا
ابتسمت بين دموعها وهي في حضنو
سمعو النداء للرحلة..
باس شعرها مسااااافة بعدها قال:طمنينا عليك اول ما تصلي
فكتو وهي بتحرك راسها نظام طيب..
رامي ابتسم:يلا في حفظ الرحمن
مشت وهو وقف بعاين ليها..وصلت حتة كدا بعدها م ح تشوفو..اتلفتت عليهو رفع ليها يدو نظام..سلاام
شدت يدها علي الجواز وفكرة انها تاني م ح تشوف اهلها قريب بدت تعمل ليها وجع بطن...خلال ربع ساعة كانت قاعدة في مقعدها المخصص في الطيارة وربطت الحزام..

*في فلة عبدالرحيم..*
عبدالرحيم:خلاص ي مرة بدل تبكي ادعي ليها ربنا يوصلها بالسلامة
نادية حركت راسها:ربنا يوصلك بالسلامة ي بتي..ربنا يسعدك

ران في جناحها معاها ألين
ران بتبكي
ألين:ي هبلة م تبكي وعد حالها حال السرور ي بت..اريتو حالي وحالك
ران ابتسمت:ح اشتاق ليها ياااخ
ألين حضنتها:كلنا ح نشتاق ليها..كلنا..

نسرين وعبير ماشين علي بيت ناس عبداللّه
امجد:هوي انتي ح تبيتي معانا؟
عبير:يب يب🙃
امجد:وجع وش فظيع
عبير:بتقول شنو ي بابا؟
امجد:ولا شي..سلامتك ي ماما
عبير ضحكت:الله يسلمك ي بابا
عاينو لنسرين الدخلت بسكات
عبير اتنهدت:ي حليلها وعود
امجد حرك راسو نظام اي
عبير تلفونها دقا رفعتو
امجد لمح اسم ياسر :من هذا؟
عبير:ااااااا..ياسر
امجد ضيق عيونو
عبير:بكون بكون داقي غلط
امجد:لا لا لا بكون عايز يسأل من سفر وليد..وغمز ليها
عضت شفتها التحت وهي بتتذكر لمن قبل يومين سمعها بتتكلم مع ياسر وسألها قالت ليهو بسأل من سفر وليد

التلفون تاني دقا
عبير صمتتو سريع
امجد ضحك:ردي ردي..شكلو الموية جارية تحت كرعينا ونحنا ما جابين خبر
ضربتو في كتفو لمن اداها ضهرو ومشا
ردت ب:ياسر..
ياسر:عيونو ل ياسر
عبير ابتسمت
ياسر:اشتقتا ليك
عبير:اااا..انت المصحيك لحدي هسي شنو؟
ياسر:مشتاق ليك
عبير:ال..الساعة ماشة علي 11
ياسر:مشتاق ليييييييك
عبير ضحكت ورجعت شعرها ورا اضانها
ياسر:رجعتي شعرك ورا اضانك صح؟
عبير ضحكت:عرفتا كيف؟
ياسر:عرفتا وبس
عبير:امممم..ابو العريف وكدا؟
ياسر:لا مشتاق ليك وكدا
عبير ضحكت:عرفنا
ياسر:ئه..والله انتي م عارفة اي شي
عبير:وريني انت طيب
ياسر اتنهد:كلو في وقتو حلو
عبير:امممممم..زابط ي مان
ياسر:امجد؟اديتي التلفون لامجد ولا شنو؟
عبير ضحكت:لييه؟
ياسر:دا شنو كلام الاولاد دا؟
عبير:دا كلام اولاد؟طب لو قلتا ليك مدرنك ي راسطة ح تعمل شنو؟
ياسر:لااااااا..دا كلام شماسة عديل كدا
عبير ضحكت
ياسر:تدوووم لي
عبير:احم..جمعا
نخليهم يتكلمو ونمشي لنسرين واحمد..

دخلت جناحها لقتو بنفط في السرير بالمخدة..تأهباً للنوم
قلعت عبايتها ختتها في راس اول كرسي لاقاها وقالت:احمد..
م ردا..ختا المخدة وقعد اداها ضهرو
نسرين:ممكن اتكلم معاك؟
احمد من غير ما يعاين ليها:سامعك
نسرين جات وقفت قدامو:ممكن افهم البتعمل فيهو دا ح توقفو متين؟
احمد عاين ليها:البعمل فيهو؟!..اي ما انا القلتا ليك كل واحد يمشي في طريق
نسرين:لا انا قلتا نمشي نفحص وبعداك نشوف البحصل شنو
احمد نزل راسو:اي ما انا بسمع غلط
نسرين اتنهدت:احمد انا لمن قلتا كدا اكيد ما قصدتها
احمد:م قصدتي شنو بالضبط؟! اساسا كيف قدرتي تقوليها..كل واحد يمشي في طريق ي نسرين ببساطة؟ نسيتي التعب والمرمطة الاتمرمطناها لحدي ما اتزوجنا..او بالاصح الانا اتمرمطتها عشان اتزوجك..نسيتي اني في اخر سنة جامعة كنتا بشتغل بالنهار وبجي بقرا بليل عشان اجهز نفسي واجيك راجل ملو هدومو؟نسيتي اني اتختيت في سابق مع الزمن عشان اتزوجك قبل ود خالك ما يجهز نفسو؟...نسيتي الكف الاخدتو من ابوي لمن وريتو اني عايز اتزوج وانا لسا ما تميت ال23 سنة؟...4 سنة ي نسرين 4 سنة انا بهاتي بيك عشان في النهاية تجي تقولي لي كل واحد يمشي في طريق؟
نسرين بلعت ريقها:احمد انا.. احمد وقف علي حيلو:انتي م حاسة بي..وبالنسبة ليك انا ود عمك الاتقدم ليك وابوك رفضو لأنك كنتي مخطوبة لود خالك وفضل يحارب 4 سنة عشان يفوز بيك..في حين انو انتي حب حياتي الوعيت بيهو علي الدنيا..وبصراحة انا م مستعد ولا ح اقبل اتخلي عن حب حياتي عشان كلام ناس سطحين وبالنسبة ليهم العرس ولادة وبس
نسرين دموعها نزلو:احمد لا..انت م ود عمي انت حبيبي وصحبي وراجلي واخوي وابوي..م ضروري احبك من صغيرة كفاية اني حبيتك من اول يوم وقفتا فيهو قدام ابوي وقلتا انك عايزني
احمد اتلفت علي الجهة التانية..
نسرين حاوطت وشو بيدينها:احمد انا بحبك شديد..شدييييد وعشان بحبك م عايزة احرمك من العيال..نزلت راسها..م ينفع اصلا احرمك
احمد كورك:ومنو القال ليك اصلا اني عايز عيال من غيرك؟وليه بتتكلمي كأننا فحصنا وطلع العيب منك؟ي مجنونة انا لو ما شلتا طفلي من جنبك في المستشفي م عايز اشيلو واساسا طفل م جاي منك م بلزمني

"احححححح…يلا الدرديق بالصف🙂💔...احم سوري علي المقاطعة"
نسرين اترمت في حضنو وبقت تتخجا بالبكى
احمد اتنهد وحاوطها بيدينو
نسرين:بحبك بحبك شدييييييييييد
احمد اتنهد
فكتو وعاينت ليهو وهي بتقول:اسفة..نزلت راسها..انا غبية لأني زعلتك
رفع ليها راسها وقال:ي جن انا م بزعل منك..يلا وقفي بكى
نسرين ابتسمت
مسح ليها دموعها:اي اضحكي ي بكاية..بلاي الواحد لو قال ليك بخ بتبكي نسرين ضربتو في صدرو:بخ في عينك..المحاضرة دي كلها وم عايزاني ابكى؟
احمد:قصدك شنو اا نسرين؟
(اا=ي)
ضحكت وهي بتحضنو:قصدي اني بحبك وم بقدر علي زعلك
احمد:ياااابكاشة
نسرين فكتو:جادة معاك..م بتحمل زعلك قربتا اموت
احمد لوح بيدو:الشر برا وبعيد
نسرين ابتسمت
احمد:احم..يلا؟
نسرين ببلاهة:يلا وين؟
احمد شالها ورماها في السرير وقال:تعال اوريك يلا وين
نسرين ضحكت باعلي صوتها وهي بتقول:احماااااااد يييياخ…
"رجعنا للجفاف🙂💔"…..


*صباح اليوم التالي..*
ماليزيا..طلعت من المطار وهي بتفتش عليهو بعيونها شافتو واقف بعيد جنب عربيتو واول ما شافها جا عليها..
بدون ادني شعور منها لقت روحها بترمي نفسها في حضنو...حرفيا في الساعات القليلة القضتها خلال الرحلة واثناء اجراءات المطار دي حست بالغربة..
ضحك وهو بحاوطها بيدينو:حمدلله علي السلامة
فكتو سريع لمن استدركت نفسها..نزلت راسها وهي بتنزل الفريم القاعد في بداية شعرها لعيونها

وليد:معليش م قدرتا ادخل..وقفوني في الباب عشان لابس سفنجة
عاينت لكرعينو وضحكت:م جادي
وليد ضحك ومسك منها الشنطة عشان يختها في ضهرية العربية..قفل باب الضهرية وجا عليها وهو بقول:المفروض م يتعاملو بسطحية ويعاينو للموضوع بمنظور اعمق واني جاي استقبل مرتي وكدا
فتح ليها الباب عشان تركب وقال:صح ولا م غلط؟
وعد ضحكت:م غلط
من اول لاحظات ليهم قدر يزيل الارتباك البكون مسطير داك…ومف داعي افصل اكتر لأنو م ناقصين جفاف..صح ولا م غلط؟😂👋🏻…

*بعد مرور اسبوع..*
ألين قاعدة في جناحها وبتطبظ في تلفونها جاتها رسالة من انس رفعت اصبعها من الشاشة بصدمة..جاتها تاني رسالة منو..نزلت الستارة وبقت تعاين ل اشعار رسايلو مساااافة..فتحتهم وكان مرسل "ألين"
"ازيك؟!"
ردت ليهو ب "اهلييين انس"
ظهرو ليها خطين زرق دليل علي انو جوا الشات..قلبها دقا لمن شافتو تايبنغ "يكتب"
انس"كيفك؟!"
ألين"تمام حمدلله..وانت؟!"
انس"حمدلله"
"مخنوق"
ألين"بسم الله عليك"
"من شنو؟!"
انس"ران"
ألين بلعت ريقها"مالا؟!!"
انس"بتحب فهد😔💔"
ألين قرت الرسالة وبقت تعاين ليها
كتب ليها "معقولة م ورتك؟!"
ألين "ورتني"
انس "طيب ليه لمن قلتا ليك اني بحبها قلتي لي اعترف ليها؟!"
ألين "انا وقتها م كنتا عارفة"
انس "عرفتي متين؟!"
ألين "بعد ما انتا اعترفتا ليها"
قراهم وم ردا
ألين"انس؟!"
انس "ألين انا مخنوق"
ألين "م تضايق كلو مقدر ومكتوب"
انس "ونعمة بالله"
ألين "✨🌸"
انس "انتي اخبارك شنو؟"
ألين "بخييير حمدلله"
انس "يستاهل الحمد"
"ان شاءالله دايما♥️"
ألين "جمعا♥️"

تاني يوم..ران صرخت بحمااس بعد قرت الشات بينهم
ألين: هسي في شنو واو؟
ران:م ضروري يكون في شي واو..بعدين دي بداية موفقة شوية شوية الامور بتسلك
ألين ضحكت:بطلي كلام الشماسة وارح المحاضرة
ران ضحكت ومشت وراها..

اول ما دخلت من بوابة الجامعة مفتاح عربيتها وقع دنقرت ترفعو سمعت صوت ضحكة شنيعة رفعت راسها وهي بتسأل نفسها الجامعة اتحولت لبيت دعارة ولا شنو؟
لقتو ماسك بت من نصها وغازي وشو في رقبتها بقول ليها في حاجة وهي بتضحك..لاشعوريا لقت روحها واقفة قدامو لزتو من صدرو لورا رهي بتقول بعصبية:دا شنو البتعمل فيهو دا ي استاذ ي محترم
مهيب عاين ليها بخلعة
اسيل كوركت:الحركات الزي دي ي محترم م بتتعمل في الحرم الجامعي شوف ليك شقة وسخة زيك تتم فيها وساختك دي
مهيب اتخلع فيها
اسيل:بعدين مش المفروض انك بتحبني وباكي فيني؟ولا جاري بوراي لحدي ما تاخد الاخدتو من التافهة بتاعتك دي؟
مهيب ابتسم ببلاهة لمن حسا انها غيرانة عليهو
اسيل:بتتبسم ليه؟ بنكّت انا؟
مهيب جا عليها خطوة بعد ما كان المسافة بيناتهم كبيرة لأنها لزتو، مهيب:انتي متضايقة ليه هسي؟
اسيل:متضايقة لأنك خريج والمفروض تكون غدوة للبرالمة ديل مش تقعد تلفلف وانت ماسك وحدة؟ بعدين نفترض شافوك ناس شؤن الطُلاب..اقل شي ح يفصلوك ب سوء سير وسلوك
مهيب ابتسم ببلاهة:بس هم م شافوني..انتي متضايقة مالك؟
اسيل حركت يدها بتوتر وعقلها ي داب رجع ليها هي مالا ومالو ،اسيل:اااا…انا
مهيب مسك يدها:انا بحبك
رمشت بخلعة لمن جا خطوة زيادة عليها ومسك يدها التانية وقال:من اول يوم شفتك فيهو ومن ما حولتا هنا وانا مركز معاك مع انك دايما بتكوني مع امجد وظاهر انكم مربطين بس قلبي صمم عليك ورفض يدق لغيرك

اسيل حركت راسها نظام لا لا وجرت يدينها جر منو لأنو كان ماسكها قوووي..مشت خلتو..مشت ومع كل خطوة الدموع بتتجمع في عيونها قعدت في بنش كدا تحت شجرة ختت شنطتها جنبها وفوقها المفاتيح والتلفون واطلقت العنان لدموعها..بكت حظها النحس الخلاها تربط مع امجد قبل تدخل الجامعة..بكت الظلم العايشاهو في علاقتها مع امجد..ظلمها لنفسها وظلمها لامجد صديق طفولتها لمن اجبرتو بصرفاتها يرتبط بيها..بكت قلب برئ بحبها ومتعلق بيها..اعتراف مهيب ليها خلاها تفتح عيونها علي حاجات كتييييرة هي كانت عاملة رايحة منها...اولها واهمها انو امجد م بحبها عمرو م حباها ولا ح يجي يوم يحبها..وكان جينا للحق؟!هي كمان م حبتو صح متعلقة بيهو وكدا بس دا م حب...
:اسيل؟!
رفعت راسها علي صوتو
عقد حواجبو باستغراب لمن لقاها بتبكي:في شنو؟مالك؟
اسيل مسحت دموعها:مف شي ي امجد
امجد:كيف مف شي وانتي بتبكي؟
اسيل:مصدعة شوية عشان كدا
امجد:مصدعة؟!طيب امبارح برضو كنتي مصدعة؟واول امبارح والاسبوع الفات..كورك..الشهر الفات دا كلو مصدعة؟
عاينت ليهو بخلعة
لمن شاف الناس الجنبهم بعاينو ليهم باستغراب اتنهد وقعد جنبها وقال بهدوء:اسيل..قبل اي شي انا صحبك والمفروض انك تحكي لي المضايقك شنو قبل اي اسألك
رفعت راسها بسرعة وقالت:صحبي..صح ي امجد نحنا اصحاب حرك ليها راسو بعدم فهم
اسيل:امجد نحنا م بنحب بعض..البينا م حب
امجد:شنوووو؟
اسيل:امجد افهمني انا كنتا فاكرة نفسي بحبك فسرتا تعلقي من زمان بيك بأني بحبك
عاين ليها بعدم فهم
اسيل:اي انا بريدك ووجودك في حياتي مهم وبحب اشارك حزنك وتشاركني حزني بس ي امجد في فرق بين انك تحب زول وبين انا تريدو فاهمني انتا انا بريييدك بس م بحبك
امجد ضيق عيونو:والخلاك تعرفي الفرق دا شنو؟وليه هسي بالذات؟
اسيل غمضت عيونها مساااافة وفتحتهم:امجد خلينا نرجع اصحاب
"ايوووووووووييييووووي💃🏻"
امجد:بقيتي م بتحبيني؟
اسيل:م ملاحظ اننا بقينا م بنحكي لبعض شي؟ امجد انتا زمان لو عطستا بتجي تقول لي ي اسيل انا عطستا بس هسي بقيت بعيدة شديد منك وانت بقيت بعيد مني حاجات كتيرة بقينا م بنحكيها لبعض او بالاصح م ينفع نحكيها لبعض لأنو نحنا رابطانا علاقة حب
امجد عاقد حواجبو باستغراب دا شنو البتقول فيهو دا البت دي شاربة شنو من الصباح؟
اسيل ابتسمت:ليه مستغرب كدا؟خلينا نتحرر من اسم مربطين الخانقنا دا
امجد:خانقك؟
اسيل اتنهد:اففف ي امجد م عارفة اشرح ليك كيف؟
امجد:فاهمك فاهمك..يعني انتي قررتي اننا نرجع اصحاب لأنو علاقتنا فقدت طعمها بعد ربطنا صح؟
اسيل:بالضبط كدا
امجد:طيب لحدي هنا حلوين بس الم فاهمو انا والح يجنني السبب الخلاك تقولي كدا شنو؟
اسيل اتوترت:ولا شي قعدتا مع نفسي وختيت النقط علي الحروف
امجد:بعد 4 سنة؟
اسيل:اااااا ممكن تقول مشاعري كانت جايطة وحصلت حاجة وضحتها لي امجد نطا:باااس الحاجة دي شنو انا عايز اعرفها
اسيل ضحكت:قلنا ممكن تقول يعني م حصل شي
امجد ابتسم وبقى بعاين ليها
اسيل:شنووو؟
امجد:يعني نحنا اصحاب كدا؟
اسيل:طبعا ونحنا عمرنا كنا غير كدا؟..اي نعم كنا جايطنها شويتين بس هسي رتبناها ولا م كدا؟
امجد:كدا ي صحبتي
اسيل:احبك انا
امجد باستهبال:تاني؟
اسيل ضحكت:لا لا دي احبك حقة الاصحاب
امجد ضحك وهو ببسط يدو قدامها وبقول:اشتقت ليك ي صحبتي
اسيل ابتسمت وختت يدها بقوة في يدو وقالت:وانا اكتر ي صحبي…
ابتسم بارتياح وهو بتذكر الحصل الصباح..عاينت ليها لقاها بتضحك مع نوشة..كانو في توتي والدنيا عِصييييير كدا..طبعا ورو شلتهم انهم رجعو اصحاب والجماعة اتشلللو بالمفاجأة بس تاني اتقبلو الموضوع وخلوهم علي راحتهم خصوصا انو كدا احسن..واريح ليهم هم الاتنين…

*صباح اليوم التالي..*

ألين:بس..قال لي تصبحي علي خير قلتا ليهو تلاقي الخير واساسا كنتا نعسانة قفلتا النت ونمتا
ران:اممممممم…ماشين كويس والصباح م رسل ليك؟
ألين وقفت مشي وقالت:ي ربي ح يكون رسل؟
ران:م فتحتي النت لسا ولا شنو؟
ألين:اي لسا
ران وهي بتجرها:ارح طيب ندخل القاعة وشوفيهو رسل ولا لأ
ألين:اوكيه..
دخلو القاعة وألين فتحت النت وفعلا لقتو مرسل ليها "صباح الخير🌸✨"
ران ضحكت:بالنسبة للوردة واللمعة
ألين وهي بتكتب ليهو "يسعد صباحك🌸✨":عشان اليوم دا رسلتا ليهو
ران ضحكت..المحاضر جا داخل ألين ختت تلفونها في كرعينها وركزت مع المحاضرة...

في شغلو..مسك تلفونو وهو منتظر زميلو في الشغل يجيب القهوة ويجيهو..ابتسم لمن شاف رسالتها من بين الرسايل ردا ب "يسعد ايامك ي رب🌸✨"..
حست بالتلفون هزا..فتحتو تحت البنش وقرت رسالتو
ردت ب"دا كلو نوم؟!"
انتظرت شوية كدا لأنو كان ظاهر ليها اونلاين وفي اقل من دقيقة ظهر ليها تابينغ عاينت للخطين لقتهم زرق ابتسمت لمن رسل ليها "نوم وييييين مداوم من 6 وحاتك"

ألين "ما شاء الله حي الله النشاط"
انس "الله م ضراااك🌸✨"
ألين "بالنسبة لأنو 🌸✨ دي حقتي! "
انس "حُقة ملانة صعوط"
ألين "🤢🤐"
انس "مالك؟ م بتسفي ولا شنو؟"
ضحكت بدون صوت وهي بتكتب ليهو "لا لا"
"بخرش بس🥴"
انس "🤣🤣🤣"
"حشيش ولا بدرة؟"
ألين "حشيش"
انس "بنقو ولا ورق؟"
ألين "ورق دا شنو؟"
انس "😂😂"
"ما عاملة فيها شمامة كبيرة؟"
ألين "شمامة يعني مدمنة مخدرات؟"
انس "لا لا"
ألين "اها شمامة يعني شنو؟"
انس "شمامة اخت البطيخة😂"
ألين "😒🙄"
انس "هوي جابت ليها حدرة كمان؟ انا ماشي اشتغل زاتو"
ألين "احسن اعمل ليك شي مفيد"
انس "هوي ي شافعة انتي م عارفة روحك بتتكلمي مع دكتور انس عبدالفتاح العين شخشيا؟"
ألين "ها اا ود هاا اختاني عندي محاضرة م فاضية ليك"
انس "انا زاتي م فاضي ليك..يلا يلا انتي عايزة تصاحبيني؟"
ألين "اننننن😒"
"اقول بس فارق"
انس "مفارق ي سعودية"
ألين "اوكيه بااي"
انس "لبعدين ي سكر🌸✨"
ألين "🐸👋🏻"
انس "🤣🤣🤣"
"👋🏻"
قرتها وم ردت قفلت تلفونها واتنهدت بابتساااامة...

*في جامعة ناس امجد...*
هزاهو بقسوة وهو بقول:امججججججد
امجد وهو ماسك تلفونو بالعرض ومركز:هاااااااا

ياسر ضربتو في صدرو:خت الزفت دا وعاين لي
امجد وهو لسا مركز:ثواني بس لاعب دوري
ياسر جرا منو التلفون وقال:دوري في عينك ياااخ
امجد كورك:مالك ي مان يخ
"مالك ي مان..انا داير داير داير رزان..هوي ي زول دي بت ناس..البت دي دي دي بت ناس هييييي كان دايرا الا تكون ود ناس حينااا..احم احم معليش انفعلتا شوية🙂"نتابع
ياسر:ح يكون مالي يعني؟عبير من امبارح بليل م داخلة واتس
امجد وهو بقلع تلفونو من ياسر:دق ليها بس
امجد:ي سلاااام عليك ي الناقشها جبتا الرايحة..كورك..اكيد ح اكون دقيت ليها بس م بترد
امجد ي داب استوعب جدية الموضوع:م بترد؟
ياسر حرك راسو نظام اي:من الصباح بدقدق ليها م بترد
امجد عقد حواجبو:غريبة
ياسر:احتمال تكون عيانة ولا حاجة كدي دق لخالتها القاعدة معاها خليها تديك تتكلم معاها
امجد رفع تلفونو بسرعة:اي صح..رفع راسو من التلفون وعاين لياسر
ياسر:اها مالك؟
امجد:الليلة السنوية بتاعة امها
ياسر عاين ليهو مسااافة بعدها استوعب:امها متوفية؟!
امجد:انت م عارف؟ ليها 3 سنة
ياسر:شت ياااااا
غمض عيونو وهو بفكر ضحكها وهظارها دا كلو وامها متوفية؟
امجد:بتقفل تلفونها وم بتقابل زول..هسي تلاقها قافلة نفسها في الغرفة
ياسر اتنهد وبلع ريقو..

في احدى العيادات المرموقة..عملت فحوصاتها وقعدت في كراسي الانتظار بعد الممرضة ما ورتها انو النتيجة بتطلع بعد سااعة…ابتسمت وهي بتتذكر فرحتها لمن الدكتور قال ليها:مبروك الحمل ي مدام شهد
شهد بارتباك مخلوط بفرحة:انا حامل
الدكتور:ايوة ي مدام..وفي فحوصات كدا عايزك تعمليها لي
شهد بصوتها الواطي داك:فحوصات شنو؟
الدكتور وهو بكتب في ورقة:فحوصات عامة كدا عشان نطمن علي صحة وعلي صحة البيبي
شهد ابتسمت وحركت راسها نظام طيب..مدا ليها الورقة وشالتها وطلعت..
فاقت من شرودها علي صوت الممرضة بتقول ليها:شهد عبدالفتاح؟
شهد:ايوة انا
الممرضة مدت ليها ظرف فيهو نتايج الفحوصات:اتفضلي النتايج حقتك
شهد مسكتو منها بابتساامة شالتو ودخلت للدكتور...مدتو ليهو وقعدت وهي مراقباهو بقرا فيهو باهتمام..لاحظت لملامح وشو الاتغيريت حواجبو الاتعقدت والخطوط الظهرت في جبهتو وخشمو الاتقوس بعدم رضا دي كلها حاجات بتدل علي انو في شي غلط في فحوصاتها دي..م حبت تستعجل علي قدرها وتسألو خصوصا انها حاسة انو فيها شي
الدكتور:مدام شهد انتي زولة متعلمة ومؤمنة بالله صح؟
شهد باتبارك:ونعم بالله..في شنو ي دكتور
الدكتور:طبعا ي بتي انتي حامل..بس في مشكلة صغيرة كدا ح تقيف قصاد حملك دا
عقدت حواجبها
الدكتور كمل:المشكلة دي انتي في يدك تكبريها وتخليها خطيرة ولا تتخلصي منها
شهد:مشكلة شنو ي دكتور؟
الدكتور وهو بحاول بكل جهدو يختار كلمات رقيقة عشان م يصدمها:ي بتي انتي عندك مشكلة صغيييرة في القلب
شهد اتصدمت
الدكتور:ارتخي بسيييط وممكن نعالجو بعملية ابسط منو..بس لازم…
شهد:لازم اجهض البيبي صح؟
الدكتور:ايوة ي بتي لأنو لو انتظرنا لحدي ما تتمي شهور الحمل الارتخي ح يزيد دا غير انو ولادتك ح تكون خطرة شديد
شهد:يعني شنو؟
الدكتور:يعني ي بتي انتي لازم تجهضي البيبي دا..انا عارف انو الموضوع صعب عليك وخصوصا لأنو اول بيبي بس كدا اطمن لصحتك شهد:انا م بقدر اقتل ولدي عشان انا اعيش
الدكتور:م تحسبيها كدا..البيبي دا بمثل خطر عليك
شهد:دكتور انا م ح اجهض
الدكتور:مدام شهد لو انتي مصرة كدا انا ح اضطرا ابلغ زوجك الهو والد البيبي
شهد وقفت علي حيلها بعصبية:ي دكتور ي محترم قبل تكلم زوجي اتذكر انك حالف قسم انك تصون مهنتك وانا كمريضة عندك دا ابسط حق انو مرضي دا يفضل سر بيناتنا

الدكتور:ونفس القسم البتتكلمي عنو دا بحتمني اني انقذ حياة المريض وم اخليهو يمشي للموت بكرعينو
شهد بهدوء:ومنو القال اني ح اموت؟ ي دكتور ان شاءالله م ح يحصل لي شي انت مش انسان مؤمن بالله وقدرتو؟
الدكتور:ونعم بالله بس..
شهد:م بس ي دكتور انا واثقة في ربي وواثقة فيك ومتأكدة انك م ح تتخلي عني لحدي ما تسلمني ولدي في يدي صح؟
الدكتور عاين ليها مساااافة بعدها حرك راسو نظام اي
شهد ابتسمت:طيب..اشوفك الشهر الجاي
الدكتور حرك راسو بعني طيب وقال:بس في فيتامينات لازم تاخديها
شهد:حاضر
كتب ليها الفتيامينات شالت الرشتة وطلعت صرفتها وركبت العربية بعد ما السواق الكان راجيها فتح ليها الباب دخلت جناحها ختت شنتطها وقعدت في طرف السرير..يداب استوعبت انها عندها ارتخي في القلب استوعبت انها ايامها بقت شبه معدودة استوعبت انها لازم تختار بين خيارين م عندهم تالت يا هي يا ولدها الفي بطنها..ختت يدينها في خشمها وهي بتتخجا بالبكى الصباح لمن مشت العيادة كانت حاسة انها حامل بس حبت تتأكد عشان تعملها مفاجأة لرامي..ودعتو الصباح وهي بتقول ليهو في نفسها:انا محضرة ليك مفاجأة…معقول تقول ليهو انا حامل بس ح اموت اول ما الد..معقول تقول ليهو ح اسلمك ولدك واودعك انا؟!…لا مستحيل م ح توريهو لأنو وقبل اي شي ح يجبرها تجهض وهي مستحيل تقبل تجهض ولدو الحتة منو البقت جواها

دي…
غمضت عيونها مساااافة بعدها فتحتهم مسحت دموعها وهي مصرة علي قرارها الاخدتو دا ختت يدها في قلبها وهي بتقول:ي الله..اتوكلتا عليك ي ربي…
قضت اليوم كلو بتدرب علي انها تقول ليهو هي حامل من غير ما تبكي لأنو لو نزلت دمعة وحدة بس م يشكفها...
اتتظرتو لحدي ما اتغدا تحت واستحما غير وصلي المغرب وجا داخل..
وقفت علي حيلها وهي بتقول:حرما
جا عليها باس راسها مسااافة:جمعا
شهد:كيف كان يومك؟
رامي ختا راسو في كتفها:متعععب اللف..ولسا عندي اوراق اخلصها ومصدع
"اجي ي رامي؟…يرحم ايام زمان زمن بتشتغل زي الكومبيوتر وم بتقول بغغم🐸👋🏻"
شهد قعدت في السرير..وربتت علي كرعينها وهي بتقول:تعال
"يجي وين بالضبط؟🙄"
رامي ختا راسو في حجرها ومدد جسمو في باقي السرير
خلخلت اصابعها في شعرو وهي بتقول:اخد ليك نومة واصحي قبل الصبح اشتغل
رامي وهو مغمض عيونو باستمخااااخ:شغل كتير..الا اخلصو بعداك انوم
شهد:طيب ريح عيونك شوية كدا وانا بجيب ليك عصير وبندول
رامي مسك يدها ختاها في خشمو وقال:شهدون حبيبتي..عصير شنو وبندول شنو اقول ليك مصدددع
شهد:اها عايز شنو😕؟
رامي باس يدها الفي خشمو:حضن..بوسة وشي من هذا القبيل
شهد ضحكت:دا م صداع دا دلع
رامي:وهو كذلك😁
دنقرت عليهو حضنتو مساااافة بعدها قالت:اها كدا كيف؟
رامي باستهبال:خفا شديد تصدقي؟
شهد باستو في خدو مسااافة:وكدا؟
رامي وهو بأشر ليها علي خدو التاني نظام بوسيني هنا:قرب يروح
ضحكت وباستو مساااافة في خدو التاني
رامي قعد علي حيلو:بس خلاص كدا راح الصداع
ضحكت:مستهبل شديد
رامي لصق جبهتو بجبهتها:تؤ..بحبك شديد
حاوطت رقبتو بيدينها:عارفة شديد
ضحك:اقوم اشتغل بعد دا انا
شهد:سمح..انا نعسانة🙃
رامي:لا لا تنومي احتمال الصداع يرجع تاني
شهد كر كر كر ضحكت..راقبتو وهو بشيل اوراقو ولاب توبو وبقعد في الكنبة عاينت ليهو مسااافة..كيف ح تقدر تقول ليهو انها ح تموت؟ شتت نظرها منو عشان م ترجع تبكي وشالت تلفونها…


بحري..
باب غرفتها اتفتح ودخلت بت خالتها العمرها 5 سنة...لقتها بتصلي وقفت وهي بتحرك في رجلها بطفولية..انتهت من الصلاة وقالت:اها مالك؟
نونة:عريسك جا وماما قالت ليك تعالي سلمي عليهو
عبير:عريسي؟امجد؟
نونة حركت راسها نظام لا لا:هئا..عريسك ياخ م امجد
عبير:القال منو انو عريسي؟
نونة:هو قال لي نادي لي عروستي
عبير اتحيرت م امجد لأنو امجد لو جا بطلع ليها غرفتها طوالي،قالت:عامل كيف؟
نونة:طوويل وشعرو كتير
عبير: ما ياهو امجد
نونة:لا ياخ طويل وشعرو كتير وم امجد
عبير:طيب طيب ماشة ليهو
مشت ونونة وراها عبير في نفسها طويل وشعرو كتير وم امجد دا منوو ي ربي؟!
في الصالة..
قطع شرابو لمن شافاها جاية نازلة وهي لابسة توب منزلاهو في اكتافها..وقف علي حيلو بتوتر لمن شاف نظرات الاستغراب في عيونها..
همست:ياسر؟
ياسر بابتسامة:اهلين عبير كيفك؟
عبير:حمدلله..وانت؟
ياسر:انا كوويس حمدلله..جيت اشيل منك الشيت
عبير عقدت حواجبها:ياتو شيت
ياسر عاين لخالتها المراقباهم:الشيت ي عبير..الشيت
خالتها:عن اذنك ي ياسر..انا طالعة غرفتي عندي شغل والله
ياسر:اذنك معاك ي خالة
خالتها اتلفتت علي عبير:ريتا قعد تعمل العصير..منور ي ياسر البيت بيتك
ياسر:منور بناسو ي خالتو

مشت
ياسر وقف علي حيلو:قومي ارح
عبير عاينت ليهو:وين؟
ياسر:اي حتة المهم اطلعك
عبير:م عايزة ي ياسر م عندي مزاج اتونس
ياسر:ومنو القال اني جاي اتونس..جا وقف قدامها..انا جاي اسمعك
عاينت ليهو مسااافة بعدها دنقرت راسها
عاين لشعرها العمالهو بمشبك صغييير ي الله ماسكو
ياسر:يلا ي بتنا
رفعت راسها:ياسر بالجد انا.. ياسر:بالجد انتي محتاجة تطلعي وبالجد انا م بعرف احنس البنات
ابتسمت
ياسر:يلا يااااخ
عبير:ح اقول لخالتو شنو؟
ياسر:قولي ليها صاحبنا عيان ماشين نشوفو
عبير ضيقت عيونها:كذبتك زي وشك
وقامت طلعت لخالتها شوية كدا وجات نازلة وهي لابسة بنطلون اسود مع تيشريت مدريد..اساسا كانت لابسة التيشيرت معاهو ردا...
ياسر:انتي مدريدية؟
عاينت ليهو باستغراب
اشر ليها علي صدرو نظام عايني انتي لابسة شنو
عاينت لروحها وقالت:ااااا…اي شبه كدا
ضحك..وطلعو ركبو عربيتو واتحركو..عاين ليها وهي تاكلة راسها في قزاز الشباك..
ياسر:قلتي لخالتك شنو؟
عبير:قلتا ليها عندي حاجات ح اجيبها من الماركت وجاية ياسر:طيب بعدين م ح تقول ليك اتأخرتي ليه؟
عبير:بقول ليها م لقيتهم في الماركت القريب ولفيت ليهم ياسر:اوووو…شكلك قديمة في الشغلانية
ضحكت:لمن كنتا قاعدة مع ناس خالتو اميرة "ام شهد" كنا بنطلع كدا انا وامجد
ياسر ضحك:شكلكم صعتو شديد
عبير ابتسمت وم ردت…مشا حتة كدا مطلعة علي النيل ووراهم ستات شاي نزل ونزلت وراهو..

ياسر:تشربي حاجة؟
عبير حركت راسها نظام لا لا وهي بتقعد في كبوت العربية
ياسر عاين ليها مساااافة..هي سكتت قريب نص ساعة قعد جنبها وقال:الواحد مننا ي عبير بحس نفسو وحيد وبنسي انو عندو اصحاب واهل جنبو بس هو م حابي يشاركهم
عاينت ليهو
ياسر:كتير من الاحيان وحدتنا بنكون نحنا سببها نحنا الرافضين نشارك الناس تفاصيلنا
عبير سكتت مسااافة بعدها قالت:ماما اتوفت قبل 3 سنة..بتذكر اليوم دا كأنو امبارح..كنتا بمشي كلاس بيانو..وصلتني هي بعربيتها وقالت ح تجي تسوقني عشان نمشي لصحبتها الكندية نتغدا معاها…الكلاس ساعتين وانا قعدتا رجيتها 4 ساعات بعدها بابا جا ساقني وعيونو محمرين..قعدتا اسألو منها كتيييير ردا لي بكلمتين بس..قال لي امك مشت خلتك افتكرتها مشت بيت صحبتها وصراحة فرحتا لأني م بطيق صحبتها دي ولا بناتها وماما مصرة اني اصاحبهم…م سألتو هو زعلان ليه اساسا علاقتي مع بابا كانت متدهورة لأنو طبيعي مشغول...بس ماما..دنقرت راسها..ماما كانت صحبتي واختي وامي بناكل سوا ونلبس سوا نطلع سوا وننزل سوا كنتا بنوم معاها في غرفتها لأنو بابا قعد يبييت برا كتير...كانت بتاخد معاي درس البيانو ولمن مشينا المستوي التاني سوا فصلو لينا كلاساتنا من بعض…متعابين مسلسلات مع بعض كل اسبوع بنمشي الكوفير نعمل شعرنا وكدا مع بعض..بنزرع مع بعض..مربين كلب مع بعض..وفجأة مشت خلتني..لمن وصلتا البيت عرفتا المعني الحقيقي لكلام بابا وانها حرفيا مشت خلتني…طلع نفسها كتم ونقلوها للمستشفي وماتت…بكت...كانت بتحارب في الموت وانا بجاي بعزف في لحدي ما استسلمت واختارت قرب ربها وبعدها مننا…كانت تحارب شوية علي الاقل عشاني..طب كان تنتظر شوية كان تودعني كانت تحضني لمرة اخيرة وتقول لي ي بيرو ماشة…كانت تستناني اكبر شوية انا لسا محتاجاها…
ياسر بلع ريقو:استغفري ربنا يرحمها
عبير حركت راسها:استغفر الله..استغفر الله
اتخجت زييييين…بكت امها كأنها ماتت الليلة يداب..
عبير:المعني الحقيقي للوحدة انها تخليني بعد ما كانت مالية لي حياتي كدا
ياسر بعاين ليها م عارف يقول ليها شنو..نفسو يحضنها ويقول ليها انا هنا انا امك وابوك واي شي…
عبير مسحت دموعها:بعد موتها ب شهور بابا رسلني السودان عشان امتحن...ظناً منو اني ح انساها وكدا..نزلتا تالتة بزهجي ونفستني ومودي الزي الزفت قعدتا مع خالتو اميرة وعيلة كلها كانت بتحاول تساندني كأني وحدة منهم...ومن بينهم رامي..
ياسر عقد حواجبو..رامي؟ رامي الدخلو شنو هسي؟
عبير ابتسمت وتابعت كلامها:كان بضحكني شدييييد لمن يقعد معاي...وشي طبيعي بت كئيبة زي تقع في حب البضحكها
ياسر عقد حواجبو:كنتي بتحبيهو؟
عبير:ول الليلة بحبو...بس كمان بحب شهد بت خالتي ونفسي اشوفها سعيدة عشان كدا ببساطة انسحبتا لمن عرفتا شهد بتحبو واهو طلع بحبها وعرسها هسي
ياسر:وانتي؟
عبير:انا؟...انا نفسي الدنيا تبقى عادلة معاي ولو لمرة
ياسر بعاين ليها:البشوفك تضحكي بقول انو عمرو البكى م عرف طريق لعيونك
عبير ابتسمت:عمرو الفرح م عرف طريق لقلبي من يوم وفاة ماما…تعالي ي ماما شوفي بتك الدنيا بتعمل فيها شنو..شوفيني وانا بحارب براااي..دنقرت راسها..تعالي لأني تعبتا من بعدك تعبتا شديد…

ياسر مسك يدها قووووي رمت نفسها في حضنو وهي بتردد:تعبتا..
حاوطها بيدينو ورفع عيونو للسما..حرام بت زيها تكون شايلة دا كلو..حرام بت زيها تعاني..
زحت منو وهي بتمسح في دموعها رجعت شعرها ورا اضانهاونزلت من الكبوت ومشت ركبت العربية..نظام ارح رجعني البيت جا ركب وفوووو دور..م اتكلم معاها لحدي ما وصلها بيت خالتها لمن جات تنزل قال ليها:عبير
عاينت ليهو
ياسر:انا معاك
عاينت ليهو مساافة وابتسمت:متأكد؟
ياسر:اكتر من اي شي
ابتسمت ورجعت شعرها ورا اضانها
ياسر مراقب طبعا قال:خشي طيب وبدق ليك لمن تصلي غرفتك
نزلت ووقفت لوحت ليهو بيدها ودخلت بعدها هو مشا...

*فلة عبدالرحيم…*
شهد راقدة في السرير بتعاين لرامي وهو شغال
شهد:رامي
م ردا ليها
شهد:حبيييبي
رامي وهو مركز:هاا
شهد قعدت علي حيلها بزهج:انا حامل يااخ
رامي مسااافة م ردا ليها بعدها عاين ليها بخلعة وقال:شنو؟
شهد وهي بتلف طرف شعرها القصير في اصبعها:انا حامل
رامي:جادة انتي ولا دي حركات منك عشان تشغليني من الشغل؟
شهد:جادة والله
رامي وقف علي حيلو:طب عدي القلتيهو دا؟
شهد:انا حامل
رامي:منو؟ الحامل؟
شهد:انااااا
رامي ببلاهة:مالك؟
شهد:اففف
رامي جا عليها:دقيقة دقيقة..يعني انتي هسي في بطنك في بيبي؟
شهد ضحكت وحركت راسها نظام اي
رامي:مني انا؟
شهد:وهو كذلك😴
رامي قعد في الارض بركبو وغزا وشو في السرير مسااافة بعدها رفعو وختا يدينو في راسو وقال:وااااي م قادر اصدق
شهد ضحكت:وااي عديل كدا؟
رامي:ي الله يااااخ ي الله…حمدلله حمدا كثيرا مستطيباً...حمدلله كما ينبغي لعظيم وجهه وجلال سلطانه
شهد ابتسمت وهي بتعاين ليهو…

عبير دخلت غرفتها رفعت شعرها بالمشبك ولبست الردا الكان لاباسهو جبيل😂…تلفونها دقا
ردت ب:لسا ما وصلتا الغرفة ياسر:انننن والتلفون لقيتيهو وين؟
عبير:اففف الزول ما يكذب معاك؟
ياسر:نهي كذب نهي
عبير ضحكت
ياسر:تدوم لي
عبير رجعت شعرها ورا اضانها:وصلتا بيتكم؟
ياسر:قربتا قربتا
عبير:امممم
ياسر:خلاص يلا اصل وادق ليك
عبير:هسي داقي لي ليه؟ انا قلتا بتكون وصلتا
ياسر:انا زاتي م عارف داقي ليك ليه؟ حبيت اسمع صوتك يمكن
عبير سكتت ورجعت شعرها ورا اضانها
ياسر:سيبي شعرك في حالو
عبير:مشكلتك شنو مع الحركة دي انت؟
ياسر:هو في شي غير الحركة دي مبشتني؟
عبير:مع السلامة
ياسر ضحك:تمام يلا
عبير:يلا
وقفلت الخط…فتحت النت لقت رسايل كتييييييرة مشت كتبت في الاستوري بتاعها "three years are spented😴💔" يعني..عدت 3 سنة وفي التاني كاتبة"من قال ان العزاء ينتهي بأول ثلاثة ايام بعد فراق الميت؟! العزاء ي سادة سيستمر بالقلب لثلاثة اعوام او ربما لثلاثة اعمار😴💔"
ياسر لمن شافو رسل ليها فيديو 30 ثانية فتحتو وكان جزو من غنية dusk till dawn بتاعة زين مالك وسَيا
بقول
but you'll never be alon
"لكنكِ ابدا لن تكوني وحيدة
l'll be with u from dusk till dawn
"سأبقى معكِ من الغسق حتي الفجر"
baby l'm right here
"حبيبتي..انا فعلا هنا"
l'll hold u when things go wrong
"سأضمك عند حدوث المشاكل"
l'll be with u from dusk till dawn
"سأبقى معك من الغسق حتي الفجر"
baby l'm right here
"حبيبتي انا فعلا هنا"

حضرتو خمسمية مرة وهي بتتبسم زي الطيرة😴🖤
فلة عبدالرحيم..
طفت نور الكومودينة وختت راسها في صدرو
هسمت:رامي؟
همهم ليها وهو مغمض عيونو
شهد وهي بتمشي اطراف اصابعها في صدرو:عايز البيبي بت ولا ولد؟
رامي فتح عيونو ختا حنكو في راسها وقال:البجي من الله كلو حلو…بعدين كفاية جدا انو ح يجي من بطنك م بفرق معاي ولد ولا بت
شهد وهطت راسها في حضنو وقالت:بحبك عارف؟
باسها في راسها وقال:وانا كمان..ربنا م يحرمني منك
شهد حركت ليهو راسها نظام اميييين..وهي بتفكر شعرو ح يكون شنو لمن تمشي تخليهو؟!….
--------------------------------------
---------------------
*يتبــــــــــــــــــــــــــــــــــــــــــــع*

*#قلوب_تائهه 《29》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*صباح اليوم التالي…*
التاسعة والنصف صباحا…بعد المحاضر طلع..رفعت تلفونها دقت لعبير لأنها م لاقتها امبارح..ختتو في البنش قدامها وبدت تفك في السماعة..ختتها في اضانها وبدت تحرك في يدها منتظرة عبير ترد..م ردت وجاتها رسالة نصية منها بتقول "دندون...معليش ي جميل بس شغالة محاضرة"
دانة كتبت ليها "ولا يهمك ي قمر..بس حبيت اطمن عليك امبارح اتلاقينا"
عبير "تسلمي حبيبتي..بخلص محاضرتي وبجي عليك"
دانة "تمام راجاك"
شغلت غنية..جمال مصباح/انا قلبي مالو اليوم وختت التلفون في البنش..اتنهدت وهي بتتذكر امجد…كيف كانو قريبين لبعض..كيف اعترف ليها بحبو..كيف خلطو 3 سنة…كيف بزعل وكيف براضيها لمن تزعل…كيف بعزف وكيف بغني…بغمض عيونو لمن يغني…لمن يتوتر بمرر لسانو في شفتو التحت ولمن يزعل بلوي خشمو للشمال لمن يفكر في موضوع كتير م بقدر ينوم وبالتالي لمن م ينوم كم ليلة بزهج ووبقى طبيعي صاري لدرجة عرق رقبتو بنط…قطع شرودها صوت عبير بتقول:هللوووووو
وقفت الغنية وهي بتقول:اهلييييين بالغلا..قامت حضنتها..وينك ي بت مختفية؟
عبير ضحكت:م مختفية امبارح م جيت بس
قعدو، دانة:ليه؟ عسي خير؟
عبير:خير خير..لوحت بيدها..خليك مني الماخد عقلك يتهنى بيهو
دانة ضحكت:ماخدو وم متهني بيهو
عبير ضحكت:بتهني ان شاءالله…المهم اخبارك شنو؟
دانة:والله حمدلله
عبير:وين مايرا "صحبة دانة"؟
دانة:نزلت تحت لحدي المحاضرة تبدا
عبير:فضل ليك كم محاضرة؟
دانة:اخر وحدة..وانتي؟
عبير:تلاااااتة يداب اخدتا وحدة
دانة:ي حليييلك يااخ
عبير:مش كدا؟
اتونسو حبة كدا الدكتور جا عبير طلعت…

*في جامعة ناس امجد…*
بتكلم في التلفون:اسيل ياااخ
اسيل:ياسر والله م ح اقدر حاسة جسمي كلو مكسر
ياسر:اخدي ليك دش بتنعوشي وبنجيك نسوقك
اسيل:ي ريت والله
ياسر عاين لأمجد الواقف جنبو وقال:تتكلم معاها؟
وفتح الاسبيكر امجد قال:اسيلووو…م ح تبقى سمحة من غيرك
اسيل:م بقدر والله
امجد:يعني مف طريقة؟
اسيل ضحكت:مف اي طريقة
امجد ضحك
اسيل:انچووووي
ياسر:حالتنا جايبين طيقان عشان تعملي لينا شعرنا
اسيل ضحكت:عليك الله؟
امجد:اي والله
اسيل:معلييييش..اعملوها براكم
امجد:سقى الله ايام سنة تامن كنتي بتعمليهو معانا
اسيل ضحكت:يااااه انتو لسا متذكرين؟
ياسر: ودي ايام تتنسي؟
اسيل:م بتتنسي والله..المهم هسي وروني همتكم واعملو شعركم براكم
امجد:اوكيييه تحدي؟
اسيل:طبعا تحدي وم ح تقدرو تظبوطها زي ما انا بعملها ليكم
ياسر:ياااا بتنا اقفلي خلينا نعملها وندق ليك فيديو كول اسيل ضحكت:اوك راجاكم
قفلو منها وجررري علي برا ركبو عربية ياسر وكل واحد شال ليهو خُلال "مشط الاولاد الصغير داك" مشطو شعرهم لفوق بقى تففة بعدها لبسو طوق رجعوهو لورا شوية طلعو زابطييييييييييين...ياسر طبعا عندو مبادئ جلحات لكين امجد شعرو قاافل تقول مسطرو براهو "ما شاء الله🐸"
نزلو وقفو جنب العربية ياسر طوالي قابل القزاز بقى يهبش في شعرو…امجد دقا لأسيل وبرضو اتلفت علي القزاز وبقى يهبش في شعرو
جو بتين كدا ماشين
وحدة منهم قالت ليهو:عذاب لكين

ياسر:عذاب انت ي جميل
امجد غمز ليها وابتسم
البت كر كر كر ضحكت ومشت
اسيل ردت ب:الووو
امجد ختا اصبعو في الكاميرا بقو هم شافينها وهي م شايفهم
امجد:ي بت مالو وشك دا عامل كدا؟
ياسر جا وقف جنب امجد
اسيل:عامل كيف؟
ياسر:عيانة عيانة
اسيل:يداب صدقتو؟ قلتا ليكم مرررهقة الف
امجد:شكلك مرهقة الفين عديل م الف بس
اسيل ضحكت:هااا..اشوف الطيقاان
ياسر:احم احم..طبعا بالرغم من انو عملناهو برانا بس برضو زبط وطلعنا عذااااب
امجد ضحك لأنو عارف ياسر بحاكي في البت
اسيل:اشوف واحكم انا
امجد زحا اصبعو من الكاميرا
اسيل ضحكت:حبايبي الحلوووووين
امجد وهو بهبش في شعرو:رايك شنو بلاي؟
اسيل لوحت يدها:عذاب عذاب
ياسر:احم احم بسم الله كمان
اسيل ضحكت:الاخ ماخذ مقلب بروحو
امجد:اها قامت لعوجة اللسان هسي في داعي تجيب لينا الهوا انتا؟
ياسر ضحك:احلي هوا ولا اييييه
امجد:احلي هوا والله
اسسل ضحكت:طيب..وروني عرض اكتافكم عايزة انوم
امجد:تمام..اكلي بعدين نومي
اسيل:م جعانة
امجد:حلو يلا
ياسر:نوم العوافي
اسيل لوحت بيدها نظام باااي
وقفلت الخط..امجد وياسر عاينو لبعض
امجد:عذاب قال ليك😴👋🏻
ياسر:من يومنا ي ود امي
امجد ضحك:كلمتا عبير؟
ياسر:يب
امجد:دق ليها قول ليها نحنا جاين عليك بعد دا
ياسر وهو بطلع تلفونو:تمام…

*في جامعة عبير...*
قاعدة في الكفتريا وبتتكلم بالتلفون
عبير:اتحركتو يعني؟
ياسر:اي اتحركنا..لمن نصل قدام الجامعة بجرس ليك
عبير:اوكيه
قفلت الخط واتلفتت لدانة الواقفة وراها وبتقول:ديل منو الاتحركو ديل؟

عبير:امجد وصحبو
دانة قعدت
عبير تابعت وهي بتعاين لدانة:جاين علي..ح نمشي توتي
دانة حركت راسها نظام ايوااا
عبير سكتت وهي بتفكر في راسها تجمع امجد ودانة
عبير:خلصتي محاضرات صح؟
دانة وهي بتفتح في علبة البارد:اي خلصتا
عبير:امممممممم
فتحت النت وكتبت رسالة ل ياسر "لمن تصلو تعالو لي انا الكفتريا"
بعد مسااافة ردا ليها "لييييه؟"
عبير "دانة قاعدة معاي"
ياسر "اهاااا…قدام"
عبير "👍🏻"

وصلو قدام الجامعة..
امجد وهو بوقف العربية:دق ليها طلعها
ياسر:ارح ننزل
امجد:ليه؟
ياسر:نفطر في الكفتريا ونطلع
امجد:انا م جعان غايتو
ياسر:ممكن نشيل سندوتشات
امجد بركن العربية ونزل وياسر وراهو
ياسر دقا لعبير:نحنا جاين علي الكفتريا
عبير وهي بتعاين لدانة القدامها:طيب
قفلت
دانة:اها تمي
عبير:بس ي ستي م بحب اطلع يوم السنوية بتاعة ماما دانة:الله يرحمها ي رب
عبير حركت راسها:اللهم امين
امجد اول ما دخل الكفتريا شافها قاعدة مع عبير…لابسة اسكيرت رمادي شطفني وتشيرت ابيض اكمامو قصيرة شكاهو وفوقو بلوفر قماش رمادي طويل شوية وطرحة مُوردة كوبي بوردي واسبورت ابيض…بارمة شعرتها بالجنبة ومرجعة الطرحة لورا وروج كوبي غااامق…كانت عذااب علي قول ياسر😂
عبير اول ما شافتهم قالت:هديل جو
دانة اتلفتت علي امجد كان لابس بنطلون جينز ازرق غاامق شراط وتيشريت اسود اكمامو طوال واسبورت اسود وبالطوق كان عذاااب😴
عبير ضحكت:عجبتنا الطيقان لكين
ياسر ضحك وهو بسلم علي دانة:شفتي كيف؟
عبير:اي عجيبة ياااخ
امجد واقف جنب دانة مدا ليها يدو:كيفك؟
دانة:حمدلله..وانت؟
امجد:حمدلله بسط
دانة عاينت ليهو وهو بسلم علي عبير يااخ الطوق حلو معاهو…
ياس:دندون ارح معانا توتي
دانة:ااااا
عبير:اي اساسا خلصتي محاضرات
دانة عاينت لأمجد:ماشين وين؟
امجد:توتي
دانة سكتت
عبير: دندووون يلاا والله ح تكون زابطة
دانة:شكلها طلعة شلة وكدا
عبير:لا لا لا…
امجد قاطعها:ماشين برانا
ياسر:بعدين انتي من الشلة زاتو
عبير:ايوة انتي وحدة من الشلة
عاينت لامجد عشان تعرف ردة فعلو شنو
امجد:دقي لعمتو استأذني منها مسافة اجيب الاكل واجي
دانة عاينت ليهو وهو مديها ضهرو ماشي
عبير:دااااانة يخ ارح هو عايزك تمشي معانا
دانة عاينت لياسر ورجعت عاينت لعبير نظام م تتكلمي قدامو
عبير ضحكت وقالت:م حنك..المهم نحنا ح نرجاكم في العربية
ياسر:زابط بنلحقكم
ومشا علي امجد ودانة وعبير مشو علي العربية..
وقفو لمن سمعو صوت امكد بوراهم بقول:ح تركبو كيف والمفتايح معاي؟
عبير:اووووه نسيناها والله
دانة ضحكت
امجد داس المفتاح عشان التأمين يفتح وقال:تمام اركبو وانا اجيب ياسر واجي
عبير فتحت الباب:اوكييه
ركبو هم الاتنين بنفس الباب
ريحة عطر امجد كان مالية العربية
دانة اول ما ركبت غمضت عيونها وهي بتسحب نفس طويييل
عبير عاينت ليها وقالت:عطرو مبالغة صح؟
دانة فتحت عيونها:عطر منو؟
عبير ضحكت:عطري انا
دانة ابتسمت ليها:طولتا م ركبتا عربيتو..او بالاصح دي اول مرة اركب عربيتو
عبير:ليه زمان م كان سايق؟

دانة:كان بسوق عربية احمد او عمو
عبير:اممممممم..المهم فرفشي شوية
دانة حركت راسها نظام سمح
امجد وياسر جو ركبو واتحركو…دانة طبعا قاعدة ورا ياسر يعني شايفة امجد بالجنبة كدا…طبعا شغالين يتونسووو دانة لاحظت نفسها ساكتة زي العويرة قررت تعمل بنصيحة عبير وتفرفش
يلا عبير وياسر كانو بتكلمو عن انو برا احلي من هنا وكدا
دانة:بالنسبة لي السودان احلي
امجد اتلفت عليها:انا زاتي
وغمز ليها
"اجي ي الانا زاتي؟😒👋🏻"
عبير: وانا كمان
ياسر:انا عن نفسي م حلو ولو لقيت فرصة كويسة برا بكبرها طوالي
عبير:ان شاءالله م تلقي🌚
ياسر:حاقدة
عبير:ثانكس
دانة ضحكت:هي م قصدها حقد يعني بس هي جربت الغربة وم عايزاك تجربها انت برضو صح ي بيرو؟
عبير ضحكت:اجلنعم وهو كذلك
ياسر اتلفت علي عبير:م عايزاني اجربها ولا م عايزاني ابعد عنك؟
عبير صنت
امجد ضحك وقال:فصلتها لكين
ياسر ضحك ودانة ضحكت
عبير رجعت شعرها ورا اضانها واتلفتت علي الشباك…

وصلو توتي وقعدو تحت شجرة كبيييرة كدا طلبو قهوتهم وبقو يتونسو…
"بختكم😔👋🏻"

*فلة عبداللّه...*
ألين في جناحها بالتلفون:خلاص فهمنا اقطع وشك
انس:كويس ي حيوانة..استاهل انا الضارب مخصوص عشان اشرح ليك بيت الشعر
ألين ضحكت:م تقول لي حيوانة
انس:حيوانة حيوانة حيوانة
ألين ضحكت
انس:م تتضاحكي لي اقطعي وشك
ألين وصوتها فيهو باقي ضحكة:سمح يلا
انس:لبعدين
ألين:تمام
وقفلت الخط اتنهدت وهي بتقول:اثنان حدث بالقساوة عنهما قلب الذي يهواه قلبي والحجر…لون خشمها…دا قاصد رانو عديييل

انس ختا تلفونو وهو مبتسم..قبل شوية حسا روحو متضايق شديد فكتب في الاستوري "اثنان حدّث بالقساوة عنهما..قلب الذي يهواه قلبي والحجر💔"
وقبل يتم دقيقة ألين ردت ليهو عليهو ب "يعني شنو؟" عاين للرسالة مساافة بعدها دقا ليها اول ما ردت
قال:ي طيرة انا م عارفك وصلتي الجامعة كيف
ضحكت وشرح ليها بيت الشعر وهسي هو مرتاح..او بالاصح متكيف عديييل كدا😴

*فلة عبداللّه..*
جناح احمد..قعدت قدامها وهي بتقول:كذااااابة والله؟
شهد ضحكت:كذابة كيف يعني م قعد اكذب انا
نسرين بفرح:ايووووووويووووووي شهد نزلت ليها يدها الختاها جنب خشمها:هسسس ي فضيحة
نسرين:فضيحة في عينك..خبر زي دا بتدسا؟
شهد:لازم يتدسا انا م عايزة اوري زول الا اتم 3 شهور
نسرين:ي بت؟!...م تقولي لي م وريتي رامي؟
شهد:لا لا رامي عارف..بس رامي وانتي
نسرين:اها ومالك دايرة تدسدسي؟
شهد نزلت راسها بخجل:يعني عشان من عرسي يداب تميت شهر
نسرين ضحكت:اجي ي كدا؟..ي بت مش عرستو؟ان شاء الله من اول اسبوع تحملي مالك؟
شهد:نسرين يااخ بس م توري زول
نسرين ضحكت:سمح خلاص..اشربي قهوتك هسي لو عارفة كان عملتا ليك عصير القهوة م سمحة مع الحمل
شهد شربت من القهوة:اها ودا سبب تاني مخليني ادس الحمل عشان ح يقعدو يقولو لي اكلي وم تاكلي
نسرين:ربنا يتم ليك علي خير ويحلك بالسلامة ي رب
شهد اتذكرت انو ربنا م ح يحلها بالسلامة اتنهدت وقالت:ي رب….


*الساعة الثالثة والربع عصرا… في جناح ران..*
ألين وهي بتشرب من العصير بالمصاصة:شفتيهو؟
ران وهي بتهبش في تلفونها:دقيقة..وينو هو
لقت اسم انس قرت الاستوري وقالت:هسي دا شنو دا؟
ألين:م فهمتيهو؟
ران حركت راسها نظام لا لا
ألين نزلت العصير:يعني حاجاتين اتحدث بقساوتهم..قلب الزول البهواهو قلبي والحجر
ران عاينت ليها مسافة بعدها قالت:مششششششم عوارة
ألين:م عوارة والله عجبني
ران شالت عصيرها من الكومودينة وقالت:انت وهو هُبل….

*توتي..*
خاتين 4 كراسي في البحر وقاعدين
عبير وهي بتحرك كرعينها في الموية:ي ريت لو جبتا الجيتار ي امجد
امجد وهو شغال بتلفونو:مش كدا؟
ياسر وهو بعاين للشلة البنات القاعدين جنبهم قال:عان البت ديك شايلة واحد
امجد وفع راسو عاين ليها..البنات م كانو بعيدين شديد منهم
امجد يعاين لدانة وياسر وعبير:اجازفو ليكم؟
عبير:بتقدر؟
امجد:بس قول لي جازفو وتشوفي
عبير اتلفتت علي دانة نظام اتكملي انتي
دانة رفعت ليهم اكتافها نظام جازفو
امجد اتلفت علي البنات وصفرتصفيرة صغيرة
اتلفتو عليهم..الشايلة الجتيار لفتت صحبتها نظام عايني الود دا
امجد ضحك لمن شاف حركتها دي:شفتيني حلو كيف؟
البنات كر كر كر ضحكو
امجد:صوتي زاتو حلو..غمز ليها..بس ناقصني جيتار
تاني ضحكو
البت:طواالي والله
امجد:ارح اقلبو معانا هنا
البنات كر كر كر ضحكو…وشالو كراسيهم وجو قعدو معاهم
امجد جرا لدانة كرسيها نظام اقعدي جنبي..ابتسمت ليهو وقعدت مدا ليها تلفونو عشان تمسكو وبدا يعزف كم نغمة…الجماعة اترصو..كانو 3 بنات ترتيبهم امجد دانة البت ست الجيتار بعدها صحباتها الاتنين بعديهم عبير وياسر جنب امجد

امجد بدا يعزف:عايزين شنو؟ غربي ولا شرقي؟
البت ست الجيتار:انت بتعرف شنو؟
امجد دنقر راسهو لقدام:كلو
البنات ضحكو
عبير:اي شي المهم ابدا
امجد:نبدا بسائلين عليك..اتلفت علي دانة..حلو؟
دانة ابتسمت:حلو
بدا يغني:اووو هووو هوووو لا لا لاااا لا لا لااااا…سائلين عليك قمر السما المن جمالك فتنتو…آلهي يرعننو النجوم شال من ملامحك نضرتو…يتهادي ما بين النجوووم..ميل راسو لدانة..بارك جمالك طلعتو…سألتو ليييه طال الغياب وين البنعشق طلتووووو سائلين علييييك كل العباد الجونا منك والمشو..يوماتي سيرتك اخلي زاااد لزول غيابك اوحشو..يتنسم الاخبار علييك ما السيرة ساااكت تنعشو…اووو هوووو هووو لالا لاااا لالا لااا
البت ست الجيتار:صوت ولا قلبببي؟😴♥️
التانية:جعلني غنية ياااخ
امجد ضحك ودنقر راسو
عبير:امجد شغااال لكين
وغمزت ليهو
عاين لدانة لقاها لاوية خشمها
امجد ضحك وقال لعبير:شفتي كيف؟
عبير:شفتتتو👋🏻
ياسر طبعا متكيييف بالانبراش الفي صحبو دا، قال:ارح سمعنا all of me
البنات:اي يااخ…ي رييييت…ايوووة
امجد عاين لدانة:طيب اسمعي يall of me
"كل ما فيّ😴🖤"
دانة بتعاين ليهو مسااافة حتي اسبوعبت انو قال ليها كل ما فيّ
بدا يغني:what would l do without u smart mouth
"ماذا كنت سأفعل بدون فمك الذكي"
Drawing me in, and kicking me out
"تجذبينني ثم تطرديني خارجا"

Got my head spinning, noooo kidding l can't pin down
"تجعلين رأسي يدور،بلا مزاح انا لا استطيع امساكك"

what's going on in that beautiful mind
"ماذا يدور في ذلك العقل الجميل"
I'm on u're magical mystery ride
"انا في رحلتك السحرية العجيبة"

And l'm soo dizzy, don't know what hit me, but l'll be alright
"وانا مشغول جدا، لا اعلم ماذا اصابني،لكن سأصبح بخير"
My head underwater
"رأسي تحت الماء"
معناها غرقان في حبها😴🖤

But l'm breathing fine
"لكني اتنفس جيدا"

U're crazy and l'm out of mind
"انتي مجنونة وانا فاقد عقلي"
او لست ب وعيّ

Cause all of me
"لأن كل ما فيّ"

Loves all of u
"يحب ما فيك"

Love u're curves and all u're edges
"احب انحنائاتك وكل حوافك"
All u're perfect imperfections
"وكل عيوبك المثالية😴🖤"

Give u all to me
"اعطيك كل ما فيّ"
And give my all to u
"واعطيني كل ما فيك"
U're my end and my beginning
"انت نهايتي وبدايتي"

Even when l lose l'm winning
"حتي عندما اخسر فأنا رابح"

Cause l give u all of me
"لأنني اعطيتك كل ما فيّ"

And u give me all of u, of u
"وانت اعطيتني كل ما فيك..ما فيك"
عاين لدانة وهو بقول:
How many times do l have to tell u
"كم مرة علي ان اخبرك"

Even when u're crying u're beautiful too
"حتي عندما تبكين فأنتي جميلة ايضا"

The word is beating u down, I'm around throgh every mood
عندما يحبطك العالم،انا بجانبك في كل حالاتك😴🖤"

U're my downfall, u my musa
"انت إنهياري وموسيقاي"

My worst distraction, my rhythm and blues
"مصدر الهامي، لحني وموسيقى البلوز خاصتي"
البلوز نوع من الموسيقى زي الجاز والاوبرا وكدا

I can't stop singing , it's ringing in my head for u
"لا يمكنني ان اوقف الغناء، انها تمطر في راسي من اجلك😴🖤"

My head's underwater
"رأسي تحت الماء"

But l'm breathing fine
"لكنني اتنفس جيدا"

U're crazy and l'm out of my mind
"انتي مجنونة وانا فاقد عقلي"
Cause all of me
"لأن كل ما فيّ"
Loves all of u
"يحب كل ما فيك😴🖤"

بدا يكح ووقف عزف
دانة جوا نفسها:خمسة وخميسة عليك ربنا يحفظك من الشر والعين
"حصنتو😂👋🏻"
عبير:بسم الله عليك مالك؟
امجد ضحك:الغنية تقيلة
ست الجيتار:انت بتحب؟
امجد:وفي زول في زمنا دا م بحب؟
البت:انا
دانة رفعت ليها حاجبها
البت:م حبيت وم نفسي احب
ياسر:لييه ياخ
البت حركت اكتافها:كدا..مف زول خطف قلبي وم ظنيت في الح يخطفو
ياسر:بنقول كدا بس…بجي البخطفو..اتلفت علي امجد..ولا م كدا؟
امجد:بالضبط كدا م تستعجلي ل قدرك
البت التانية:افهم انو قلوبكم مخطوفة انتو الاتنين؟
ست الجيتار:واضحة م شايفاهم جاين مع الجكاسي؟
دانة وعبير وامجد وياسر ضحكو
عبير:لا لا لا فهمتو غلط..اشرت علي امجد..امجد ود عمو متزوج خالتي ودانة بت عمتو وياسر صحبو
البنات ضحكو،ست الجيتار:بس دا م بمنع انكم تخطفو قلوبهم
امجد عمل تررن بالجيتار وقال:كلام اووڤر راسطات
ضحكو
امجد بدا يعزف وغني:ماا قالت لي سلام..لا وداع ولا كلاام..عني غابت تاني وين الاقيها..انا والانين ح نعيش سنين العمر في ذكراهاااا..كل يوم بمر انا والصبر بنقول مُحال ننسااهااا لاااا لاالااااا نلقاااهاا انا في انتظار ليهااا

ياسر:في انتظارها ح اكون انا مهما طال غيابها بعداهااا لأخر لحظة في عمري انا ح ستناها..اوعك ي صبر تقول لمتين انا وانتا ح ستنا اهديتا العمر الباقي كلو وي ريت القااهاا..
امجد وياسر:م قالت لي سلام لا وداع ولا كلام عني غابت تاني وين الاقيهاااا
عبير:عابرين انتو عابرين
ست الجيتار:مش كدا؟
امجد عاين لدانة وقال:بالجد عابرين؟
دانة ضحكت:انت رايك شنو؟
امجد:رايّ من رايك
دانة ضحكت بسعاااادة…البنات حرفيا حسدوها علي امجد
عبير:ارح غنية الليلة مسافر
البنات:اي عليك الله..ايييي
ياسر عاين لامجد:طبعا كلهم ح يكونو حافظينها
امجد بدا يعزف:اي..كان يبقوها نشيد علم الغنية دي
البنات ضحكو
دانة:انا م حافظاهاا ولا حصل سمعتها
البت:ياااااي انتي عايشة وين انتي؟
امجد:دبي😒..البت عاينت ليهو بخلعة..كانت عايشة في دبي
البت طوالي جرت واطي:اااا..اي عشان كدا
غنا ليهم الليلة مسافر والبنات غنو معاهو طبعا
بعدها غنا ليهم:نار الحب عذاب ومر الحب حلو الشوووق الكتيير قلبي ببهدلو..نار الحب جحيم براي م بحملو ي عشاق زماااااني تعالو واسألو..اعمل ليك اييييه لو ترجعلي تاني افرش لك ورووود وانظملك اغاني اعزف ليك عوووود يغرد كماني..عاين لدانة..ي احلي الوجووود ي كل الاماني
وقف عزف:بس..ووقف حمار الشيخ في العقبة
ضحكو
البت:بنات نمشي بعد دا لأنو الوقت
دانة:اي نحنا زاتنا نمشي بعد دا
ياسر:تمام نرفع كلنا
وقفو علي حيلهم..امجد وياسر رجعو الكراسي للست الشاي وجوهم..بقو ماشين قطعو السلم سواا..وصلو عرباتهم
ياسر:نوصلكم ولا توصلونا؟

ست الجيتار ضحكت:ولا واحد
ودعوهم
ست الجيتار لمن جات سلمت علي امجد:فرصة سعيدة..من غير تبادل ارقام وعباطة السودانين دي
امجد ضحك:الاخت اجنبية ولا حاجة؟
البت:امارتية..وغمزت ليهو نظام دانة امارتية وكدا
امجد ضحك بصوت عاالي
البت:انا تقريبا عرفتا الخطفت قلبك منو..استغل فرصة انها جنبك وعبر ليها عن حبك م محتاجة تفكير زايد
امجد:بس محتاجة خاطر طييب وانا خاطري مكسور
البت عاينت ليهو مساافة بعدها ابتسمت ليهو وقالت:ربنا يطيب الخواطر
امجد وهو بصافحها:ان شاء الله..جمعا
مشت ركبت وهو مشا ركب واتحرك…

فهد راجع علي بيتهم شاف راجل كبيير كدا قاعد في الاسطب ضامي ركبو عليهو وتاكل راسو فيهم..كان ظاهر كأنو جعاان شديد
وقف العربية علي جنب ونزل رجع ليهو
فهد:سلام عليكم ي عمي
الراجل رفع راسو:وعليكم السلام ي ولدي..كيف بقدر اساعدك؟
فهد ابتسم علي الراجل رغم حالتو دي لسا فيهو روح يساعد ،قال:لا سلامتك ي عمي بس شفتك قاعد كدا قلتا اشوفك لو محتاج حاجة الراجل:والله ي ولدي لو وصلتني اقرب مستشفي تكون م قصرتا
فهد دنقر عليهو:ليه ي عمي بشتكي من شنو؟
الراجل:علاجات السكري بتاعتي خلصت وشكلي الا آخد انسولين
فهد مدا يدينو:طيب..قوم معاي يلا
سندو وركبو معاهو العربية وداهو اقرب مستشفي وفعلا ادوهو انسولين حتي بدا يصحصح
فهد قعد جنبو:ي عمي..اديني الروشتة بتاعتك اجيب ليك الادوية
الراجل:لا لا ي ولدي م بحتاج انا خلاص بقدر اجيبهم
فهد ابتسم:ي عمي انت بتقول لي ي ولدي وبتقول لي بجيبهم براي؟ معقولة دي؟
الراجل:العلاجات غالية ي ولدي وانا الحمدلله ربنا ساترها علي م محتاج
فهد والابتسامة م فارقت وشو:وانا كمان ربنا ساترها علي والخير كتير
الراجل:ربنا يفتحها عليك كمان وكمان ي ولدي
فهد:اميين ي رب جمعا
ومشا جاب ليهو العلاجات لقى الدرب خلص والممرضة فكتو
فهد:يلا ي عمي
الراجل طلع معاهو لحدي جنب باب المستشفي بعدها قال:ربنا يديك العافية ي ولدي م قصرتا معاي
فهد:ليه بتقول كدا ي عمي خليني اوصلك
الراجل:لا لا م داير اتعبك كفاية مشورتك لحدي هنا
فهد:مف تعب والله ي عمي انت في مقام الوالد..يلا
الراجل وهو بمشي معاهو للعربية:الله يقويك ولدي..الله يرضي عليك
فهد ابتسم وهو بسمع في الدعوات الصادقة دي
ركبو العربية ووصلو لحدي شارع بيتو وعرف انو م عندو اولاد بس عندو 3 بنات وهسي اتزوجو ومشو بيوت عدلهم وفضل هو ومرتو وانو حالتهم المادية متوسطة كمعظم الشعب وكدا….

امجد وصل ياسر وعبير جامعة ناس امجد ياسر ح يسوق عربيتو يوصل عبير وامجد وصل دانة...
وصلو قدام فلة حجة عواطف..طبعا دانة ساكتة سااي لحدي ما وصلو حبت تتكلم عشان يرد ليها ومن خلال ردو هي ح تعرف هو متضايق ولا مبسوط ولا كدا قالت وهي بتلف يد الشنطة في اصبعها:بكرة ح تجو تتغدو معانا؟
"بكرة الجمعة..قراصة ب دمعة💃🏻👏🏻"
قرب وشو منها وقال:انتي عايزانا نجي؟
نفسها كتم من حركتو دي وهو كان عايز يقول ليها كدا ويزح بس منظرها وهي متوترة كدا مغرري شديد وم قدر يزح…ختا يدو وحدة في الكرسي وراها والتانية في الباب بقى محاوطها بيدينو..قرب وشو منها وهبش ارنبة انفها بأنفو

دانة جاها هبووووط في الدورة الدموية من حركتو دي كنكشت بيدينها الاتنين في لياقة التيشيرت وبقت جراهو..امجد بكل إنجرااف باسها في💋 مسااااافة...شدت يدينها علي التيشيرت..زحا منها وباسها بوسة خفيفة فتحت عيونها بقت تعاين ليهو في عيونو وهو بعاين ليها ف💋 قرب عشان يبوسها تاني بس هي لفت وشها للجهة التانية..فكت يدينها نظام زح مني زحا منها كأنو طقتو عقرب..خمشت شنطتها وفت نزلت…ضرب الدركسون بيدو ودنقر راسو وهو بهمس:استغفر الله العظظظظيم ي رب سامحني
"ي داب؟😑"
دانة م عارفة اصلا كرعينها شالوها كيف لحدي غرفتها قفلت الباب واتكلت فيهو بضهرها وقعت شنطتها وسحبت جسمها لتحت قعدت وختت يدها في صدرها قلبها حاسة بيهو ح يطلع من مكانو…

قاعد في البلكونة وبسجر..جرا نفس وهو بتذكر للمرة ألف وواحد الحصل جبيل تلفونو دقا رفعو لقاهو ياسر ردا ب:اي ي ياسر
ياسر:اسيل في المستشفي
اتنفض وقف:شنووووو؟
ياسر:دقت لي هسي اختها قالت وقعت وودوها المستشفي وهسي انا ماشي عليهم
امجد:مستشفي شنو؟
ياسر:مستشفي…
امجد وهو بتحرك ل جوة:تمام جاي عليكم
قلع الفنيلة الداخلية الكان لابسها وجرا اقرب حاجة يدو وقعت عليها وشال مفاتيحو وتلفونو ونزل...
بعد مرور ساعتين…
في المستشفي..الدكتور جا طالع من غرفة الطوارئ وهو بقلع في القلفز "جونتات"
مشو عليهو
ام اسيل:ها ي دكتور طمنا
الدكتور:حمدلله اتعدت مرحلة الخطر..كان عندها تسمم بس عملنا ليها غسيل معدة وزي ما قلت ليكم اتعدت مرحلة الخطر

اخت اسيل:ممكن نخش ليها؟
الدكتور:اكيد..م عليها شي هي
ياسر واخت اسيل شووو دخلو ليها
امجد:طيب ي دكتور التسمم دا سببو شنو؟
الدكتور:غالبا ما تكون اكلت حاجة مدتها منتهية
ام اسيل:طيب ح تطلع متين؟
الدكتور اتلفت عليها:بس الدرب يخلص ممكن تسوقوها
امجد:م عندها علاجات؟
الدكتور:لا لا م بتحتاج..بس كترو ليها من الليمون وخلوها تتغذا كويس
ام اسيل:سمح ي دكتور..الله يديك العافية
الدكتور:العفو دا شغلي...ربنا م يوريكم فيها شر تاني
ام اسيل:اللهم اميين
امجد:امين..تسلم ي دكترة
الدكتور مشا..وهم دخلو لأسيل
ياسر مغطي وشو بيدينو زي الببكي
امجد مشا عليها:شنو ي حلوة؟..قلقتينا عليك
اسيل ابتسمت:سوري تعبتكم معاي انصاص الليالي ياسر رفع راسو:استلم ي معلم..من دخلتا بتتعاور لي كدا
امجد ضحك:ما هي عويرة
الكل ضحك، اسيل:احساس اني عيانة والمفروض تحترموني شوية علي الاقل لحدي ما اطلع
ياسر:المفروض والله لكين مف طريقة
امجد:اكلتي شنو ي جن؟
اسيل:م متذكرة..م اكلتا شي غير المألوف
ياسر:بس ياهو المألوف دا العمل ليك تسمم
امجد:اي المألوف دا قال ليك لمن يقعد كتير بسمم
اسيل ضحكت:خليكم جادين شوية ياااخ
ونسوها لحدي ما الدرب خلص
ام اسيل:كدي انادي الممرضة عشان تجي تفك الدرب
ياسر:خليك ي خالتو انت بناديها
ام اسيل:سمح ي ولدي
امجد:جاي معاك
ومشو هم الاتنين ينادو الممرضة..نادوها وقالو يخلصو اجراءات الطلوع فت مرة..دفعو القروش وكدا وجو عشان يسوقوها
لقو مهيب طالع من غرفتها امجد مشا عليهو مسك يدو بعصبية وقال:انت الجابك هنا شنو؟
مهيب بنفس العصبية:نفس الجابك
امجد:مهيب
مهيب باشمئزاز:يخ ي قوة عينك..تقتل القتيل وتمشي في جنازتو
امجد نزل يدو من كتف مهيب وقال ببراءة:قصدك شنو؟
مهيب:قصدي واضح
ومشا خلاهم
امجد واقف بعاين ليهو وهو ماشي بعدها اتلفت علي ياسر:قصدو شنو؟ ب اقتل القتيل وامشي في جنازتو؟
ياسر رفع اكتافو:م تشتغل بيهو مخروش ساي دا..مسك كتفو..يلا يلا
امجد مشا معاهو وهو محتار في كلام مهيب ليه يقول ليهو كدا..اساسل الجايبو هنا شنو؟!..

طبعا مهيب الطيرة مفتكر انو اسيل بتحب امجد وهو م شغال بيها وانو هسي هو مزعلها او حاجة عشان كدا بقت عيانة😑👋🏻

امجد دخل الغرفة مع ياسر وهو عاقد حواجبو..متضايق شديد
طلعو اسيل وكدا وصلوها لحدي عربيتهم وكانت سايقاها اختها..اسيل طبعا لاحظت لامجد قالب خلقتو عاينت ليهو وهو بتكلم مع امها
مدت ليهو خشمها نظام متضايق مالك..ابتسم ليها نص ابتسامة ورجع يتكلم مع امها
امها:الله يديكم العافية ي اولادي م قصرتو
امجد:العفو ي خالتو م بيناتنا حاجات زي دي..اسيل دي زي ألين واكتر
امها:الله يغطيكم ي ولدي ويديم صحبتكم
ياسر+امجد:امييين
مشت ركبت واتحركو..
ياسر عاين لأمجد لقاهو قالب خلقتو ياسر:امجد م تشتغل بكلام مهيب كتير
امجد:ح اسأل اسيل
ياسر:انت متخلف؟ح تسألها تقول ليها مهيب قصدو شنو بكلامو دا؟هي م كانت حاضرة
امجد:انت المتخلف بتكورك كدا مالك هسي؟
ياسر اتنهد وقال:عان عان انا احسن لي امشي بيتنا قبل تشلني
امجد:الله يشلك
ياسر ضربو في صدرو:امين للداعين
"هيي ديل مالهم؟😕👋🏻"
ومشا ركب عربيتو واتحرك..وامجد عمل نفس الشي وقرر انو يسأل اسيل الجاب مهيب المستشفي شنو....