*#قلوب_تائهه 《24》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
سمعو صوت كواريك نسرين:دا شنو دا؟
امجد وقف عزف:شنو؟
سكتو عشان يسمعو.. ولأنو الدنيا ليل وصاانة سمعو صوت راجلين بكوركو في بعض
احمد:شكلهم نفرين بتشاكلو
نسرين: والبجيهم هنا شنو زي الوقت دا؟
وطبعا اصوات الكواريك زايدة
انس وقف علي حيلو سريع ومشا علي السور الجهة المطلة علي غرفة ابو هيما"الغفير"وناداهو:ابو ابرهييييييم
الدنيا صننننننت انس اتلفت عليهم نظام اها العمل شنو؟
بعدها سمعو صوت طلق رصاص..رصاصتين سريعات ورا بعض
البنات غطو اضنينهم وصرخو
احمد اتنفض وقف علي حيلو وبقى يلبس في سفنجاتو
نسرين وقفت:احمد ماشي وين؟ م تنزل
احمد باستعجال:م بتجيني عوجة انزلو تحت انتو
ومشا نسرين اتلفتت علي وليد الكان ماشي ورا احمد برضو وقالت:وليد م تنزلو..دقو ل 999 بس
وليد م ردا ليها ونزل
امجد ختا الجيتار ووقف علي حيلو نسرين جات عليهو:امجد...امجد امشي ناديهم وتعال ديل بكونو سكاري ساكت بعوقكم م تنزلو
امجد ربت علي كتفها:نشوف الحاصل شنو ونجي
ومشا وفهد وياسر كانو مشو قدامو
انس واقف وبعاين لنسرين العيونها رقرقو وباقي البنات المرعوبات…م قدر ينزل يخليهم
انس:ارح تحت..ادخلو غرفكم وارتاحو لحدي ما نحنا نجي
وفعلا اتحرك ووراهو اختو وبت خالتو وبت عمو وبت عمو التانية وبت عمتو…في هذه الاثناء كان احمد مشا ل ابو هيما لقاهو طالع من غرفتو وهو زاتو مستغرب في الاصوات دي…امجد وياسر وفهد مهرولين هرولة،وصلو تحت تزامنا مع فتحة احمد ووليد للبوابة الكبيرة…الدنيا كانت صااانة ومف زول قدام البوابة طلعو من البوابة خطوتين كدا لقو حاجة كبيرة مرمية شمال البوابة ولمن قربو منها لقوها جثة!!!
امجد ختا يدينو في راسو بخلعة: لا أله الا الله
ياسر كان خاتي يدو في ضهر امجد نزلا بخلعة وهو مبقق عيونو
فهد تم ليهو الشهادة في سرو وهو مطير عيونو برضو
احمد اتلفت سرعة علي وليد وليد عاين ليهو وبلع ريقو...دي مشكلة او بالاصح كااارثة
في اللحظة دي انس جا جاري واول م شاف الجثة كورك:داااااا شنووووو دااااا؟؟؟!!!
وليد غمض عيونو واتنهد
احمد بس بعاين لوليد..حاليا هم اكبر اتنين وباقي الشباب ديل في عهدتهم ح يعملو شنو؟ ويتصرفو كيف؟
وليد كان بفكر في نفس الشي..يدقو لأهلم يوريهم؟لا لا ح يخلعوهم ساكت وامهاتهم م حمل خلعة زي دي
امجد بس مثبت عيونو علي الجثة وبمرر لسانو علي شفتو التحت ببطئ كدليل علي توترو
احمد:نحلقو المستشفي؟
فهد وهو بقعد علي كرعينو قريب للجثة:م ظنيت يلحق…م قعد يتنفس
احمد عاين لوليد نظام اها العمل شنو؟
وليد وهو بدعك في جبهتو:نشيل تلفونو ندق لزول من معارفو
امجد:تؤ..احسن م نهبشو من الاساس خلوهو في حالتو دي وبلغو الشرطة
احمد:اي ويجو يتصرفو هم
وليد حرك راسو نظام اي
انس وهو بلز المسدس الواقع في الارض برجلو:عان خالي ليكم الطبنجة كمان عشان لمن تتحيرو وم نعرفو تعملو شنو ترصصو روحكم فت مرة
"دا وقت هزار هسي؟🙄👋🏻"
امجد اتلفت عليهو بسرعة:انت خليت البنات براهم؟؟؟؟
انس فتح خشمو عشان يرد
فهد:م جادي يلا
وهرول ل جوة
انس رفع اكتافو:نزلتهم الغرف تحت

احمد وهو بهبش في تلفونو عشان يدق ل999:حتي ولو تحت لازم واحد مننا يكون معاهم
امجد حرك راسو نظام اي وهو عيونو علي الجثة
احمد:الو..سلام عليكم…معاك احمد عبدالله العين...انا حاليا في مزرعة في بداية الجيلي و…الخ
جوة عند البنات نسرين ماشة وجاية بقلق...عبير ودانة قاعدين في كرسي جلوس ودانة بتبكي…وعد وألين قاعدين مع بعض وألين بتبكي… وران قاعدة في كرسي براها ومربعة كرعينها وبتعاين ليهم
فهد جا داخل
نسرين مشت عليهو:اها في شنو برا؟ طلعو سكاري صح؟
باقي البنات لمن شافو فهد وقفو عدا عبير
فهد:ااا…لا اي م عارفين
نسرين:فهد لقيتو شنو برا؟
فهد: جثة..
نسرين طق قعدت..وألين ودانة وران اتخلعو عبير يداب حست بخطورة الموقف قامت وقفت..وعد ختت يدها في كتف نسرين وهي بتسمع في فهد
فهد تما كلامو:تقريبا هم اتنين متناقرين في حاجة وواحد رصص التاني
دانة والعبرة خنقتها:ومات؟!!
فهد حرك ليها راسو نظام اي
ألين انفجرت بالبكا...اساسا موجوعة وعايزة ليها سبب تبكي بيهو
نسرين ضربت يديها الاتنين مع كرعينها:سجمنا سجمنا سجمنا
فهد:نسو روقي
نسرين:دي جثة ي فهد جثة دا قتل م لعب
فهد:اكيد م لعب ونحنا ح نحل الموضوع دا بس انتو اهدو وم تخافو كدا
قال كلكتو الاخيرة دي وعيونو علي ألين المغمضة عيونها وبتتخجا بالبكا
وعد اشرت ليهو براسها نظام طيب
فهد:كدي اشوف الجماعة ديل
نسرين:م تهبوشها ي فهد تقوم بصماتكم تلصق فيها كمان..واحمد،احمد يزح منها
فهد:طيب بس انتو م تقلقو كدا..دندون م تبكي
دانة حركت ليهو راسها نظام طيب...طلع ليهم برا

امجد:اها لقيتهم قاعدين كيف؟
فهد:متجرسين شديد وبالذات ألين ودانة
امجد بلع ريقو..تقريبا كان عارف انو دانة اكتر وحدة ح تكون خايفة في المواقف دي
فهد لأحمد:ونسرين م ح تطمن الا تمشي ليها
احمد اتنهد و م ردا…نسرين بطبعها حكيمة وخاتة الرحمن في قلبها بس لمن الخطر يكون بهدد احمد م بتعرف الحكمة طريق لعقلها
فهد:بلغتو؟
امجد حرك ليهو راسو نظام اي
فهد اتنهد: ح ياخدو اقل شي ساعتين عشان يصلو
ومشا وقف جنب امجد..امجد وياسر كانو واقفين جنب الجثة ووراهم علي بعد خطوات كدا احمد ووراهو وليد وانس متكل في كتفة البوابة…

*جوة عند البنات…*
ألين بتبكي ران جات قعدت جنبها وختت يدها في ضهرها وهي بتقول:ألينوو م تبكي كدا
ألين براااحة سحبت جسمها شوية كدا عشان تزح من يد ران
عبير:بالضبط كدا…م تنهارو الموضوع م بالخطورة دي
دانة بحدة:هو بالخطورة دي بس لو انتي دمك تقيل وم حاسة بخطورتو تبقى حاجة تانية
كلهم عاينو ليها بخلعة…دانة م حصل اتكلمت مع زول بالنبرة الحادة دي
عبير عرفت انو دانة غيرانة من ونستها مع امجد والغيرة بتخلينا نعمل حاجات لا طبعنا لا بتشبهنا…

بعد قريب ساعة كدا امجد جاهم داخل
دانة كانت تاكلة راسها في يد الكرسي رفعتو
نسرين:امجد اها عملتو شنو؟عرفتو المات دا منو؟
امجد وعينو علي دانة:لا..بلغنا والشرطة تجي تشوف شغلها
نسرين:بلغتو؟؟م كان تلبغو ح يختوها فيكم انتو
امجد:لا لا م بختوها…نحنا معندنا بيها شغلة
نسرين سكتت
امجد اتلفت علي اختو القاعدة بيمينو قعد قدامها وقال:ها البكاية دي م تتعاوري
ألين عيونها اتملو دموع تاني وقالت:انتو في خطر هسي
ران: قصدك نحنا كلنا في خطر…كلنا شهود علي الجريمة دي
امجد:هوي هوي انتو قايلين نفسكم في فلم؟مف اي خطر…لقينا جثة وبلغنا الشرطة ح يدوها المشرحة ويعرفو كيف اتقتل ويشوفو شغلهم بعد داك
عاين لألين:خلاص ياااخ
مسح ليها دموعها وباسها في راسها مسااافة…دانة بتعاين ليهو وهي متنمية لو كانت مكان ألين وقف علي حيلو وهو متمني لو كان بقدر يحضن حبيبتو عشان يطمنها زي ما عمل مع اختو… بعد مرور ساعتين…
نسرين طلعت ليهم ومعاها وعد وألين وران نامت…عبير قامت من محلها جات قعدت جنب دانة، دانة كانت شغاله بتلفونها عاينت ليها ورجعت عاينت للتلفون…
عبير:دي اول مرة نتلاقى فيها بس صدقيني انا بعرفك شديد…او بالاصح سمعتا عنك من زول بعرفك شديد
دانة نزلت التلفون وعاينت ليها باستغراب
عبير:لمن نزلتا السودان عشان امتحن تالت كنتا متنشنة شديد لأنو ح ابعد عن بابا واصحابي وكدا وبالاخص لأنو اخر زكرياتي هنا مع ماما م كنتا قادرة اتأقلم ونفسيتي كانت كل ما ليها ماشة للاسواء فااا قامت نسرين ساقتني معاها بيتها عشان تغير لي المود وكدا وبرضو في البداية كنتا منفسنة حتي م قعد اقرا اصلا
عاينت ل دانة البتسمع فيها باهتمام وكملت:لحدي م اتعرفتا علي امجد…الكلام دا كان قبل سنتين كدا…كنتا شايفاهو مفتري وشايف نفسو..ضحكت..وهو تقريبا كان ماخد عني نفس الفكرة لحدي ما في يوم كان وزوعو لينا ورق امتحان رياضيات وكنتا ساقطة يلا

دانة ابتسمت، عبير:عملتا سقوطي دا حجة وقعدتا ابكي وابيت الاكل بيت عمو عبداللّه كلو واقفين في راسي حتي بتذكر ناس عمو عبدالفتاح مجتهدين معاهم عشان يطلعوني من المود...شوية شوية لقيت نفسي قريبة لامجد م بحبو يعني عشان م تفهميني غلط بس بحب اوريهو تفاصيلي واعرف تفاصيلو لمن افرح كنتا بجري ليهو اول زول حتي لمن اتمشكل مع زول واجوط الدنيا بلقي نفسي بمشي ليهو والمقابل كان هو لمن تحصل ليهو حاجة ويحتاج لي برمي اي حاجة ورا ضهري واكون معاهو بالرغم من انو م بحكي سريع وبمتحنك عشان يوريك متضايق من شنو
دانة ابتسمت وهي بتحرك ليها راسها نظام اي
عبير:اول يوم امتحان ويوم نتيجي يوم التقديم اول يوم جامعة دا كلو هو كان معاي فيها…حرفيا انا بتبشتن واموري بتجوط لمن امجد ينشغل او يبعد م الا اكون بحبو بس انا برتاح لفكرة انو امجد دا معاي في حياتي وساندني وانا نفس الشي ربنا م اداني اخو بس انا مكتفية بامجد كأخو
دانة بتعاين ليها
عبير:ماما لمن اتوفت انا كنتا صغيرة شديد وم عندي غير بابا رغم انو قريب لي وانو بحاول م يحسسني بالفقد امي بس انا كنتا وحيدة برا ول الليلة وحيدة بس امجد مشاركني وحدتي دي..عاينت لدانة..وهو ل روحو عايز البشاركو وحدتو
دانة عقدت حواجبها:وحدتو؟
عبير حركت راسها نظام اي:امجد وحيد بدونك
دانة رمشت بدهشة من انو عبير عارفة الموضوع دا وقالت:ااا…انتي عارفة؟
عبير ضحكت:اومال المقدمة الطويلة القلتها ليك دي لشنو؟
دانة:م اتوقعتا علاقتك تكون قوية للدرجة دي
عبير:تاني اتوقعي
دانة:قال ليك شنو؟
عبير:قال لي انك الوحيدة الحبها قلبو حب طفولتو ومراهقتو وانو الفترة الكان مربط فيها معاك كانت احلي 3 سنين في حياتو بس كمان قال لي انك خذليتيهو واتخليتي عنو وميحتي حب 3 سنة في ثواني بسبب صورة عفوية اتاخدت ليهو

دانة:م قال ليك انو بحبني؟
عبير ابتسمت:قال... بس كل مرة كان بقول فيها انو بحبك بقول معاها قدر شنو هو موجوع منك
دانة عيونها اتملو دموع:حالتي م احسن من حالتو
عبير:قهرو وكسرة قلبو اكبر من ندمك وشوقك
دانة دنقرت راسها
عبير ختت يدها في ضهرها وهي بتقول:بس ابشرك؟امجد لسا بحبك وعمرو م فكر في غيرك
دانة عاينت ليها بفرحة تاني صرت وشها وقالت:بس هو مربط حاليا
عبير:مع منو؟
دانة:اسيل الغيااظة😡
عبير ضحكت وم حبت تفت امجد فقالت:موضوع اسيل دا م بقدر اتكلم فيهو من غير موافقة عليا
دانة:يعني هسي هو م عارف كلامك معاي دا؟
عبير حركت راسها نظام لا:تؤ
دانة عاينت ليها مسااافة:اسفة علي موقف قبل شوية
عبير ضحكت:إتس اوكييه معذورة
دانة ابتسمت ليها…


*برا جنب البوابة…*
احمد بحدة:نسرين قلنا ارجعي
نسرين:احمد ليه ارجع خليني اطلع
احمد كورك:تطلعي وين انتي جنيتي خشي قلتا ليك وعد جات عليهم طبعا لمن احمد شافهم جاين دخلهم وقفل البوابة وم خلاهم يطلعو برا وهسي ليهو قريب ربع ساعة بتناقشو عشان يرجعهم ونسرين مصرة تطلع تشوف الجثة
وعد:طيب راجعين ي احمد..نسرين ارح
احمد كان حاضن ألين فكاها:يلا ألينو خشي جوة..نسو سوقيها
نسرين عاينت ليهو مساافة بعداك ساقتها ودخلو
احمد اتنهد وطلع برا لقى الشرطة جات مشا عليهم وسلم علي الضباط وقال:احمد عبداللّه العين
الضابط:اهلا وسهلا ي باشا
وليد جاهم ومدا للضابط يدو:وليد عبدالفتاح العين
"فخااااامة اسم العييين🙃👋🏻"
المهم الضابط بدا يسألهم عن الجثة وكدا وهم وروهو انهم جو رحلة عائلية وسمعو صوت وكدا
الضابط:تمام ي سيد احمد بس لازم تشرفونا في القسم عشان تجسلو اقوالكم دي
احمد:م عندك مشكلة ي جنابو انا ممكن اتحرك وراك بعربيتي طوالي بس الشباب ديل لازم يرجعو اخوتنا البيت ويحلقونا
الضابط:اي م مشكلة
رفعو الجثة والضابط ركب عربيتو واحمد وامجد ركبو عربية احمد ماشين القسم ووليد وفهد ركبو عربية فهد ماشين القسم وراهم…ياسر ساق عبير امجد عشان يودي نسرين وعبير وألين وانس ركب معاهو وعد وران ودانة عشان يرجعهم……وصل دانة اول وبعداك وعد وران….مع الفجر كدا ياسر كان وصل عبير ونسرين وألين واتحرك علي القسم..وانس نفس الشي…..

احمد لمن الشمس شرقت كدا جا البيت و ورا ابوهو الحاصل وطلع واساسا كان محتاج بطاقتو وكم حاجة كدا شالهم وورا ابوهو ورجع…عبداللّه ورا عبدالرحيم ومشو ليهم…وبغادي عبدالفتاح مشا ليهم بعد وليد وراهو…وطبعا مع جرجرة القسم وكدا لحدي العصر حتي رفعو الشكوى والضابط قاليهم ح يوافيهم بالمعلومات و طلعو احمد ووليد اتجهو علي الشركة فهد وانس رجعو بيوتهم وامجد مشا يودي ياسر بيتو….

في جامعة ناس امجد…اسيل واقفة جنب عربيتها ومتحيرة وبتدق لزول بس شكلو م برد جاها مهيب:اسيل؟ في شنو؟
اسيل نزلت التلفون بزهج:مف شي شكلها عربيتي اتعطلت وبدق ل ماما عشان تديني رقم المكنيكي م بترد

مهيب:ليه العربية مالا؟
اسيل:م عارفة
مهيب عاين ليها لقى عيونها مرقرقين
مهيب:طيب م تتوتري انا بتصرف
اسيل عاينت ليهو طلع تلفونو من جيبو مداهو ليها مسكتو باستغراب قلع قميصو مداهو ليها ومشا فتح كبوت العربية عشان يشوف مالا…بعد مساااافة جاها هي متكلة في باب السواق
مهيب:البطارية وقفت شكلها
اسيل:باظت يعني؟
مهيب ضحك علي سؤالها الغبي:اي
اسيل:افففففف
مهيب:كدي دقيقة عندي واحد بعرفو ممكن يجيني
اسيل مدت ليهو التلفون شالو دقا لزول كدا وبقى يقول ليهو انا جنب جامعة…وعربيتي عطلت وكدا واثناء ما هو بتكلم عاين لأسيل لقاها مغمضة وبتمرر يدها في حواجبها دليل علي انها مصدعة خلص مكالمتو
اسيل:هااا
مهيب:قال جاي ساعة كدا وبصلني
اسيل عقدت حواجبها:ساعة؟
مهيب وهو بشيل قميصو من فوق العربية:اي وارح اوصلك
اسيل:توصلني وين؟وعربيتي؟
مهيب:اوصلك بيتكم وعربيتك م تخافي بمشي وبجيها اصلحها واجيبها ليك اسيل:لا لا لا بنتظر م مشكلة
مهيب بعاين ليها
اسيل:مستحيل اتعبك كدا اديك مشوارين
مهيب:اسيل
اسيل:ايوة
مهيب اشر ليها بيدهو علي عربيتو:قدامي
اسيل:ي مهيب ياخ انا..
قاطعها: انتي مصدعة وم ح تتحملي الوقفة ساعة يلا قدامي
عاينت ليهو وهي مترددة
مهيب:م تخافي انا م باكل الناس
اسيل ضحكت:لا لا م كدا
مهيب:اها كيف..ارح اركبي وفي الطريق وريني
ضحكت ومشت ركبت….واتحرك علي بيتها طبعا شغال يضحكها سااي وصلها ورجع عشان يصلح عربيتها… احمد جا داخل بيتهم وهو هلكاااان اللف…لقى امو ونسرين وعبير قاعدين
احمد:سلام عليكم
الكل:وعليكم السلام
امو:تعال جنبي…بسم الله عليك عيونك وقعو
احمد جا قعد جنبها وهو بعاين لنسرين
امو:اها قالو ليكم شنو؟ابوك سألتو لكين م برد لي بطني

احمد:والله ياهو استجاوب والجثة في المشرحة
امو:كافي البلا…عييين ووقعت فينا
احمد اتنهد وم ردا
نسرين بتعاين ليهو لمن عابن ليها زحت عيونها
امجد جا داخل:سلام عليكم
الكل:وعليكم السلام
احمد:مالك يداب وصلتا؟
امجد وهو بقعد جنب امو بالجهة التانية:وصلتا ياسر
احمد حرك راسو نظام ايواا:ياسر م قصر والله
امجد حرك راسو نظام اي وم ردا
عبير:غايتو في زول يووم عيد ميلادو جاب لينا الجثة قدام بابنا كج خلاص
امجد ضحك:انتي دي الكج هسي لو م جيتي كان عملنا عيدميلادنا عااادي
عبير ضحكت:بي ولا من غيري نفس الشي
امجد ضحك:وين ألين؟
امو:في غرفتها
احمد:امبارح بكت كتير ح تكون مصدعة
امجد:اي
عبير:انا لمن صحيت قبل شوية كانت صاحية
امجد:انتي كنتي نايمة لحدي قبل شوية؟!
عبير:اي ليه؟
امجد:حمارة وحش بس..قال ليك حمير الوحش بنومو اكتر من 20 ساعة في اليوم
عبير فتنو بالمسند
ضحك ووقف علي حيلو طلع جناح اختو لقاها نااايمة ومشا علي جناحو…احمد برضو طلع جناحو وهو متوقع نسرين تجي وراهو بس م جات…


بعد العشا كدا…
مهيب جاب لأسيل عربيتها وسلم علي امها وشكروهو وكدا ولمن طلع امها:امشي رجعو ح تخليهو يرجع بالمواصلات؟
اسيل عاينت لامها مسااافة:ثواني طيب اغير والحقو
امها:ح تلقيهو وصل بيتهم امشششششي
اسيل جرت طرحة امها وطلعت ورا مهيب بسرعة
اسيل:مهيب
اتلفت عليها، لوحت ليهو بالمفتاح:محتاج توصيلة؟
مهيب ضحك:لا لا م اتعبك
اسيل:مف تعب يلا
م صدق طبعا فت ركب…وهي ركبت عاين ليها وهي بتدور العربية…كانت لابسة اسكريت قماش لحدي نص الساق لونو برتقالي شاكلهو ب بلوزة بيج اكمامها قصيرة وفارة الطرحة في اكتافها وشعرها ضنب حصان مرررخي شكلها م سرحتو بعد رجعت...
بقى يحكي ليها عن تصليح عربيتها وكدا وهي تضحك وصلتو جنب الجامعة نزل وجاها جنب الشباك
اسيل:شكرا ليك واعفي لي تعبتك معاي
مهيب:بالعكس...لو عطل عربيتك بخليني اتكلم معاك تاني ح اعطلها قاصد
اسيل م عرفت تقول شنو ابتسمت ودورت عريبتها….


نسرين جات داخلة غرفتهم براااحة عشان م تصحي احمد…قعدت في الارض جنب السرير ومررت يدها في وشو اشتاقت ليهو شديد الليلة لا مكالمة ولا حتي رسالة+كانت خايفة عليو اللف...حرك راسو وبدا يصحصح وقفت علي حيلها عايزة تمشي
مسك يدها وقال:مشتاق ليك
ابت تتلفت عليهو قام قعد علي حيلو وجراها قعدها قدامو وقال:اسف..من القسم اضطريت امشي الشركة
عاينت ليهو:ممكن كان تطمني بالتلفون ولا رسالة ساي ان شاءالله
احمد مسك يدينها الاتنين ختاهم في عيونو:معلييش حقك علي
نسرين جرت يدو ختتها في قلبها وقالت:حقو هو عليك
احمد ابتسم:دا ملكي وانا ملكو
نسرين ابتسمت ليهو
احمد همس:تعالي
وجراها لحضنو...رقد وهي ختت راسها في صدرو وقالت:خفتا شديد عليك
احمد:اهو انا جنبك م تخافي مف شي ببعدني عنك
نسرين صلحت راسها بارايحية في صدرو وهي بتغمض في عيونها
احمد باس راسها مساااافة:بحبك
ابتسمت وم قدرت ترد بالنعاس…نامت علي نغمة دقات القلبو الشايلة اسمها….
"باااااك للجفااااااف🥺👋🏻
--------------------------------------
---------------------
*يتبــــــــــــــــــــــــــــــــــــــــــــع*

*#قلوب_تائهه 《25》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
صباح اليوم التالي…الرجال مشو شغلهم..ألين مشت جامعتها شغالة محاضرات من بدري...وعد برضو عندها محاضرات…

زي الساعة 12 كدا امجد جا نازل وهو لااابس لقى عبير واقفة في الجنينة وبتتكلم بالتلفون ومن كلامها الانجليزي عرف انها بتتكلم مع زول من كندا لمن شافتو اشرت ليهو نظام استنى وقف وهو بصلح في ساعتو
عبير:ok..I'll call u leter
"طيب برجع ليك بعدين😂"
قفلت وعاينت ليك ليهو
امجد:دا جون؟ "الضربها بالعربية كسر ليها يدها"
عبير:اسمو مايك
ضحك:كلو واحد م فرقت
ضحكت وقالت:حقاار
امجد:اها كبي الزيت
ضحكت:مف اي زيت...بضرب عشان يطمن علي يدي
امجد:بضرب كتير؟
عبير:شديد و24 ساعة بتكلم في الميديا
امجد:اها
عبير:اها؟!
امجد:انتي حاسة اتجاهو ب شي؟
عبير:تؤ
امجد مطا خشمو نظام امممممم
عبير:وتقريبا هو م حاسي ب شي لأنو خاطب وبحكي لي عن خطبيتو
امجد:احتمال حاسي بالذنب عشان كسر ليك يدك وكدا
عبير:اي تقريبا
امجد عاين ليها مساافة وقال:اعملي حسابك الاجانب ديل م عندهم حدود في العلاقات
عاينت ليهو:مشيت بعيد شديد انت
امجد:المهم بس take cear
عبير حركت راسها نظام طيب:شغال جامعة؟
امجد:لا بس عندنا طلعة
عبير:امممممم…م نفسك نقعد بمزاااج كدا
امجد:نفسي شديد..ح تمشي متين انتي؟
عبير:انس ح يجيني المسا
امجد:اقعدي كم يوم
عبير:نو نو م ينفع ي داب الحق اجهز هدومي عشان الجامعة كفاية متسيبة اسبوع منها
ضحك:تمام انا بحاول اجي بدري
عبير:تمام..عندي ليك شمااار زااابط بخصوص دندنة
امجد ضحك: دندنة ي شماسية
عبير ضربتو في ضهرو، طلع وهو بضحك وهي دخلت الصالة….
وصل جامعتو لقى اسيل منتظراهو جنب الباب ح يمشو سوا سلم عليها ولاحظ انها سملت ببرود وم عيدت عليهو
عاين ليها لقاها بتعاين لجوة الجامعة عاين محل هي بتعاين م لقى حاجة وااو
امجد:اسيلو
اسيل بارتباك:هااا
امجد عقد حواجبو:مالك؟
اسيل:مالي؟
امجد:بتتلفتي ليه؟
اسيل: بفتش في ياسر عشان نتحرك
امجد:ياسر جاي في الطريق اسيل حركت راسها نظام ايواا وم ردت امجد قال انها ح تكون زعلانة من موضوع امبارح وم حب يضغط عليها شوية كدا وياسر جاهك واتحركو علي طلعتهم…


دانة قاعدة قدام التلفزيون وبتفكر في الكلام القالتو ليها عبير لسا بحبها بس كمام لسا مقهور منها اتنهدت اففف ي امجد من طبعك الصعب…فهد جا داخل قعد جنبها وهو بقول:صباح الخير
دانة:صباح الخير الساعة 12؟
فهد ضحك:ي داب صحيت
دانة:ايااامك والله
فهد:احساس انك شغالة وكدا
دانة ضحكت:م كدا بس ايام ما بعد التخرج دي بتكون عبارة عن عطلة
فهد ضحك:نازل شغل من الاحد زاتو
دانة:جد؟!!ح تشغل وين؟
فهد:اي جد..ح امسك مصانع ابوي خلاص
دانة:كويييس…ماسكها هادي هسي؟
فهد:اي…زاتو المفروض ادق ليهو عشان يجيني يوريني امور الشغل ماشة كيف
دانة:اممممممممم موفق مقدما
فهد:جمعا ي حلوة
وقرصها في خدها بخفة ووقف علي حيلو وهو شايل تلفونو عشان يدق لهادي زي ما قال…...

اليوم عدا عااادي م فيهو حاجة واو..زي الساعة 4 كدا ألين دقت لامجد عشان يجي يرجعها معاهو وفعلا جا ساقها وسألها من ران قالت ليهو انها مع صحباتها قام دقا ل ران ورجعهم سوااا…طول الطريق ساكتييين لحدي ما وصلو ران فت فت نزلت ومشت بيتهم

امجد عاين لألين:مالا البت دي؟
ألين:م عارفة امشي اسألها
ودخلت خلتو لوي خشمو بحييرة ودخل وراها لقى عبير ونسرين قاعدين في الصالة
امجد:سلام عليكم وين امي؟
نسرين ضحكت: وعليكم السلام امك مع خالتو نادية
قعد:اممممممم
لاحظ عبير م اتكلمت معاهو معناها م طبيعية قال:بيروو
عبير:هاا
امجد:هوا
عبير:تشيلك
امجد ضحك:كدا انتي صاااح
وقف علي حيلو
نسرين:غير وتعال نتغدا سوا امجد:متغدي والله لكين بقزقز معاكم
عبير:ليه تقزقز لو اتغديت م تاكل تاني ي انسان
امجد:انتي مالك مأكلني منصور"ابوها"؟
عبير:هسي منصور سألك؟
امجد ضحك ومشا
عبير:بتنطشني كمان؟اصبر لي
امجد لوح ليها بيدو وهو ماديها ضهرو طالع في السلم…مشا غير وجا لقى امو جات وألين غيرت ونزلت اتغدو كلهم كدا وألين وامجد وعبير طلعو الجنينة الورا وامجد شال جيتارو وجاهم
عبير:سمعنا ي امجد شاكر
امجد ضحك وبدا يعزف وفعلا غنا ليهم غنية لامجد شاكر:كل يوم بليييييييل بتذكرك..بتذركاااااااك بتذكرك…بتذكر احلامي المعاك..بتذكر احلي الذكريات حلم كبييير ببيت صغييير…ونكون سوااا بينا الهوااااا…كل يوم بليييييل بتذركاااك… بتجيني نفحات من شذااك..بلمسني طيفك ي ملاااااااااك…ونكون سوااا بينا الهواااا كل يوم ي
بليييييل بتذركاااااك….
بعد انتهي ألين وقفت علي حيلا:عن اذنكم
امجد:وين وين تو الناس
"حلاااتي بتكلم سعودي🙃👋🏻"
ألين:فترااانة والله

امجد:م تنومي نوم العصر م كويس
ألين:اي بس برقد شوية لحدي المغرب
امجد:تمام
ألين لوحت لعبير بيدها ومشت
امجد عاين لعبير
عبير اتنهدت:اااااه
امجد: م قدرتي تجي العرس ولا فوتيهو قاصدة؟
عبير:م قدرتا..م كنتا ح استحمل اشوفهم سوا
امجد عاين ليها
عبير:عارف؟…بعد الفترة دي كلها كنتا قايلة نفسي نسيت
عاينت ليهو: بس الحب م بتنسي ي امجد..م بتنسي
امجد دنقر راسو:م بتنسي والله
عبير دنقرت راسها وبدت تبكي
امجد ابتسم بأسي علي حالة صحبتو وبستتو..ختا يدو في كتفها "هي قاعدة قدامو" وقال:عبير..انتي بطلة في القصة دي
حركت ليها راسها بمعني لاا وقالت:م تواسيني…م كان ينفع احب رامي وانا عارفة شهد بتحبو.. في كل الاحوال هو ود عمها وهي اولى بيهو انا الغريبة المفروض ابعد
امجد بعاين ليها هي بتقنع في روحها ولا بتقنعو؟
عبير:اساسا انا م بعرفو زي الناس..انا اتكرشتا عليهو وبس..زادت بكا…دا م حب..انا م بحبو
رفعت راسها:م بحبو ي امجد م بحبو
امجد مدا يدو مسك يدها قووووي وحرك راسو نظام اي م بتحبيهو
عبير بتبكي
امجد:اسف
عبير بتبكي
امجد:يوم العرس بكيتي كدا؟
عبير حركت راسها نظام لا وقالت:م كان معاي زول..م بقدر ابكي براي
امجد اتنهد بالجد زعلان علي حالة صحبتو..حارة لمن تحب زول وقلبك يتعلق بحاجة م ليك واساسا م عندك فيهو حق
جرا يدها عليهو وقال:انا معااك..بتبكي ليه انتي زولة اصلية وخوتك نضيفة دي لو وحدة تانية مكانك كان شلبتو من بت خالتها…اسكتي ي طيرة انتي جدعة
عبير:م تنبذ ي غبي
امجد رفع حواجبو:هي..تقول لي م تنبذ وتقول لي غبي
ضحكت بين دموعها
امجد:خلاص يلا بطلي حركات البنات دي م جاية معاك
ضربتو في ضهرو:حيوااان
امجد ضحك:ارح اغني ليك
بدا يعزف وهي مسحت دموعها
امجد:لييه كل شمس في يوم تغيييب…بتسيب حبييب يشكي حالو لحالو في ليالي م فيها ئمر..ايه الي اصعب من الفراااااق والاشتيااااق…يبقى ئلبك ورقة وحبيبك ئلبو حجر
عاين ليها وابتسم:بنعيييييييش في الحياة بنعيييش نفتكر احباااااب ئلبهم سااااااب…موووعوووود ئلبنا مووووعود بالعذاب مووووعود ي الي غاايب عنا م تنساش الي بينا امااااان
عبير عيونها امتلو دموع تاني قالت والعبرة خانقاها:ح ابكي تاني
وقف عزف وضحك وقال:لا لا لا..طب اسمعي دي…
نحنا اصحااااااب..والله اصحااااب
ابتسمت وهي بتسمع في غنيتهم المفضلة
امجد:اي زول حسب البشوووووفو…مرة سمو البينا رييييدة..ومرة قااالو علينا احبااااب..نحنا اصحااااب
اشر ليها عشان تغني معاهو اتنحنحت:اي زول حسب البشوووووفو…مرة سمو البينا ريييدة ومرة قالو علينا احباااب…نحنا اصحااااب
امجد:والله اصحاااااب
عبير فتحت تلفونها بدت تسجل
امجد:بينا عشرة والف رييييدة…ولو نفيت ريدتنا كضااااب..زي حبيييبي ويمكن اكتر وديمة بشتاق ليهو لو غاااااب.. نحنا اصحااااااب
عبير: قلبو فاااتح ليا شاااارع لا قفل لا سدااا ابواااب..نحنا اصحاااااب ي البتسألو عن هوانا…زول جميل زي دا بنساااااااب نحنا اصحاااب
امجد:والله اصحاااااب
عبير:اي زووول حسب البشوووفو..مرة سمو البينا ريييدة ومرة قاالو علينا احباااااب نحنا اصحاااااب
امجد:والله اصحاااااب…وديني وايماني اصحاااااب
عبير ضحكت وقفلت التسجيل
امجد وهو مدنقر راسو للجيتار:دانة مالا؟

عبير:مالا؟
امجد:ملالة
عبير ضحكت:ايوااااا صحي
امجد:اها
عبير: امبارح اتكلمتا معاها كتيير وحكيت ليها عن صحوبيتي معاك وكداا
امجد حرك ليها راسو نظام اها
عبير:ووريتا اني عارفة الحصل بينكم زمان
امجد:اها وردها كان شنو؟
عبير:سألتني لو انت قلتا لي انك بتحبها
امجد:وقلتي ليها شنو؟
عبير:قلتا ليها انك لسا بتحبها ولسا موجوع منها
امجد دنقر راسو للجيتار
عبير تمت كلامها:وهي قالت انها ندمانة علي العملتو ومشتاقة ليك
امجد بدا يعزف:وبقااااابل نااااس وبحاول احب غيررها وسنين ح تفوت وه اعيش وه اموت فاكرهاااا..وانساها ازاي ودي كتر الف خيرهااا…سيبالي ليالي جميلة وذكري في مكان…
عبير بدت تسجل
امجد:وبقااااابل ناس وبحاول احب غيرهاااا..وسنين ح تفوت وه اعيش وه اموت فاكرهاااا..وانساها ازااي ودي كتر الف خيرهااااا سيبالي ليااالي جملية وذكري في كل مكاااااان…ليالي عمر وكل الي يوم عشنااااااه وكل حلم في ليلة سوا حلمنااااه هوانا عاايش من قال في يوم نسيناااااه كان الفراق قسمة ونصيب وادي الحياااااة…لياالي عمر وكل الي يوم عشناااه وكل حلم في ليلة سوا حلمناااه هوانا عااايش مين قال في يوم نسينااااه كان الفراااق قسمة ونصيب وادي…الحياااااة
وقف عزف وعبير بقت تعاين ليهو:منتااااااز منتااااز
ضحك ووقف علي حيلو:المغرب بعد دا
عبير حركت راسها نظام اي وقالت:ارجع ليها مدام بتحبها
امجد:الحب براهو م ببني علاقة
ومشا خلاها..اتنهدت علي حالة صاحبها وبستها ودخلت وراهو عشان تصلي…

*في الفلة المجاورة..*
في جناح وعد..جدعت المصلاية في الكنبة واترمت علي السرير بصلايتها عاينت للسقف وهي بتسرجع الحصل قبل نص ساعة ابوها وهو بقول ليها "وليد ود عمك طالب يدك" حاولت تحدد المشاعر الكانت بتحس بيها لمن يتكلم معاها او لمن تكون في حتة هو فيها م قدرت بس طلعت بحقيقة واااحدة لا مجال لغيرها وهي انها حاليا مرتاااحة شديد لفكرة انها تشاركو باقي حياتها مع انها ي داب انتهت من صلاة الاستخارة بس شعور الراحة طاغي علي اي شعور تاني جواها…

بعد مرور اسبووع...نزل من عربية اخوهو ومتجه لبيت عمو..اتسعت ابتسامو لمن اتذكر ابوهو وهو بقول ليهو"بت عمك وافقت والاربع الجاي ان شاءالله ح نودي ليهم قولة الخير" سلم علي عمو عبداللّه واولادو الاتنين ودخلو…استقبلهم عبدالفتاح وقعدو وبدو يتناقشو في موعد العرس وكدا…
في نفس الفلة بس بجهة النسوان قاعدين نادية"ام وعد" وزينب"ام امجد" ونسرين وعبير وألين وران بتناقشو في مواضيع العرس برضو…

وبعد مناقشات طويلة اتفقو انو يعملو العقد الجمعة البعد الجاية ووليد ح يسافر الاتنين البعد العقد ويجهز ليها ارواقها ويجي يسوقها…

طلعو عبدالفتاح ووليد بعربية عبدالفتاح وانس ح يسوق عبير معاهو…
جنب عربية فهد..
انس:اي والله بعد دا بوريها
فهد:ئه..كل مرة بتقول كدا
انس:لا لا المرة ان شاءالله بوريها
فهد وبركب عربيتو:يكون احسن..يلا مبروك ل وليد مرة تانية والله يتم ليهو علي خير
انس:الله يبارك فييييك عقبال عندك ياااا
فهد:بكرة م شغال انت صح؟
انس:اي الخميس والجمعة اووف
فهد:بختك يعم يلا
انس ضحك ولوح ليهو وهو شايفو دور عربيتو ومشا علي بيتهم لانو بكرة شغال من الصباح…


نسرين:يلا ي بيرو تصبحي علي خير
عبير:تلاقي الخير وارجعي لوعد انا م ضيفة
نسرين ضحكت:طب اوصلك للباب
ومع كلمتها دي كانو وصلو باب الفلة،عبير:يلا ارجعي
نسرين وقفت وعبير مشت علي عربية انس الواقفة في نهااية الجنينة جنب البوابة
لقت امجد خاتي التلفون في اضانو او ما شافها نزلو وقال:اووو بيرو الماسورة
ضحكت:م ماسورة بس بالجد الموصلات كانت كعبة
امجد:قلنا ليك اجيك علمتي فيها عزة نفسي
عبير ضحكت:م كدا بس م حبيت اشغلك
امجد: ي شيخة انا عايزك تشغليني
عبير:سمح م تكورك بكرة تعال لي
امجد:حنييييييين ي فردة
عبير:سلام يلا عشان انس م يجي يعمل لي طابور خامس
انس جاهم بكورك:ح اعمل ليك طابور سااادس عديل
امجد ضحك
عبير:دا هو براهو شغال يقول لي بكرة جايك في الجامعة وكدا
امجد:ي شييييخة؟!
انس حاوط رقبة عبير بيدو وقال:بت خالتي وانا عارفك.. قدااامي
امجد شغال يضحك
عبير كوركت:امجد الحقني..انا احتضر
امجد لوح ليهم بيدو:الي اللقاااء
مشو وهو دخل جوا لقى امو وألين طالعين ساقهم ومشو..ونسرين واحمد لحقوهم بعد شوية…

عبير الليلة مبيتة مع ناس انس...قعدت في السرير غرفة شهد وهي مغمضة عيونها…ح يجو يوم الجمعة ح تشوفو..معاها..مصيرها تتوجع بحب م ليها لكين اتزرع في قلبها..وآه من القلب لمن يبقى زي الشافع ويتعلق في حاجة م ليهو ولا من نصيبو..سمعت صوت اشعار رسالة رفعت تلفونها وكانت من "🐸amjo" "امجد" فتحتا وكان محتواها "يا كُل كُلي لا تكِلي كِلانا بدون كلِينا كَليل.." ابتسمت بامتنااان حرفيا رسالتو جات في وقتها....

*سلاماً علي الدنيا إن لم يكن بها..صديقاً صدوقاً صادق الوعد مُنصفا🖤*
سوري علي الاخطاء الاملائية😴--------------------------------------
---------------------
*يتبــــــــــــــــــــــــــــــــــــــــــــع*

*#قلوب_تائهه 《26》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*صباح اليوم التالي...*
كوركت وهي بتجر ليهو في شعرو:انسسسسس
رفع المخدة من وشها:ي بت الله كم؟
عبير جرتها:قوووم وصلني ي انساان
انس نتق منها المخدة:ي زولة اختيني
عبير ختت يدينها في نصها:يعني هسي انت قاعد في البيت وانا اتمرمط في الموصلات؟
انس:الليلة اليوم الوحيد اووف م عندي ليك شي
عبير بدلع:انس يووووخ
انس اتلفت علي الجهة التانية:م تحاولي معاي..لن تنالي
عبير:يخسي عليك م عندك نخوة..هسي لو كنتا بايتة مع نسرين امجو كان وصلني
انس لوح ليها بيدو من غير م يعاين ليها..اتأفأفت بزهج ونزلت لقت وليد قاعد في الصالة مع اميرة
اميرة:عبير لسا م مشيتي؟
عبير:ماشة ي خالتو..ومن هناك ماشة بحري زاتو
اميرة:ي بتي ما تقعدي معانا كم يوم
عبير نقنقت:خدماتكم م مغرية الصراحة
اميرة:بتقولي في شنو؟
عبير:لا لا م بقول في شي يلا
وليد ضحك:ممكن اوصلك؟
عبير اتلفتت عليهو بسرعة:قو ولاي؟
وليد ضحك:ولااي
عبير:ي ريييت تكون عملتا خدمة وطنية خدمتا بيها السودان ودول الاتحاد الافريقي كلها
وليد طبعا مسافة كلامها دا كان وصل غرفة انس جاب المفتاح العربية وجا..ركبت العربية وهي بتدعي ليهو:انت ي يمة تتعلي م تتدلي..لا تفوت لا تموت
وليد ضحك
عبير ضيقت عيونها:مودك عالي قلتا لي..بركاتك ي شيخة وعد
وليد ضحك اكتر:وعد م دخلها
عبير:م دخلها؟؟ عيني في عينك كدا
وليد:كلامك كتير ي عشة من ركبنا ددو دوو دوو
عبير:اسم الله علي😴👋🏻
وليد ضحك وهو مركز في طريق ل جامعتها…

دانة فهد نزلها ومشا علي شغلو...ران وألين عندهم اووف الليلة "زي انس😂"…

وعد نسرين استلمتها ليك عروكات وحبسة لحفلة العقد..بس المرة دي سي احمد متكيف لأنو م ح تضطرا تبيت عنو😉…

*في جامعة امجد..*
امجد بعاين لأسيل وبفصل في ملامحها اثناء ما هي بتتونس وتضحك مع باقي اصحابهم..ليها زي اسبوع كدا متغيرة وتصرفاتها غريبة..ابتداءً من عدم معايدتها ليهو في عيد ميلادو مرورا بعدم اتصالاتها بيهو زي ما اتعود منها وانتهاءً ب سرحانها وشرودها الكتر الايام دي...
عيونها وقعت علي عيونو البتفرتس ملامح وشها عقدت حواجبها وابتسمت باستغراب مع تحريكة خفيفة لاكتافها نظام في شنو؟
رفع حاجبو وهو بحرك ليها راسو نظام مف اي شي..واتلفت يتكلم مع ياسر القاعد جنبو
سرحت بعد ما علقت عيونها بالفراغ
رجع يعاين ليها وهي م شايفاهو راقب سرحانها الانتهي بتنهيدة مُثقلة
اتنهد هو برضو وفتح تلفونو..القاعدين ديل صحابتها وحبايبهم وهو م كدا شديد معاهم...
لقى رسالة من عبير محتواها "م تنسي الليلة الرملتة عندي😅" ابتسم علي وعاين لقى اخر ظهور ليها "9:43" يعني قبل ساعة وحاجة..اتنحنح ووقف علي حيلو
ياسر:علي ويين؟
امجد وهو عيونو علي اسيل البتتكلم مع صحبتها وم انتبهت لوقفو قال:ماشي ل بيرو
اسيل اتلفتت عليهو:جات؟
امجد حرك راسو بمعني اي:قربت تتم الاسبوعين
اسيل:ي حليلها سللللم عليها
امجد عقد حواجبو:ليه انتي م ح تمشي معاي؟
اسيل:سوري حبيبي بس نوشة عايزاني امشي معاها السوق
امجد عاين لنوشة وقال:ملاحظة انك بقيتي بتسرقيها مني؟

نوشة ضحكت:عايزة اشتري ميك آب وهي زوقها لا يُعلي عليه
امجد:تتطوطحو من هنا للسوق عشان ميك آب؟
نوشة:اوومال ح يجينا لحدي عندنا؟
ضحك وهو بخفي غيظو منها ومن كلامها نوشة دي عمرو م استلطفها ولا نزلت ليهو من زورو
اتلفت علي ياسر:ارح معاي انت ولا ماشي تشتري ميك آب برضو؟
ياسر ضحك:لا لا م ماشي اشتري ميك آب بس امشي وانا بلحقك
امجد:يبقى ماشي تشتري ميك آب
ياسر ضحك وضربو في بطنو لأنو هو قاعد وامجد واقف
امجد:تمام يلا
اسيل ختت شنطتها بالجنبة ووقفت علي حيلها..مشا ومشت معاهو لحدي باب الجامعة نظام مقدماهو "زوجة السرور انتي😂👋🏻"
طلع ليهم مهيب في وشهم
مهيب:اووووو امجد
امجد باختصار عشان معاهو اسيل: مهيب م وقتك
مهيب عاين لاسيل البلعت ريقها من الخوف ورجع عاين لامجد وقال:والبقاهو م وقتي منو؟
امجد قرب خطوة لمهيب وهو ماسك يد اسيل وقال:انا
مهيب:ما اصلا انت المشكلة
امجد ابتسم:طب ابعد من المشكلة دي عشان م تتأذي
مهيب:انا م بتأذي..انا بأذي بس
اسيل نفسها وقع وهي بتحرك عيونها في وش مهيب من ورا امجد
امجد رفع حواجبو وابتسم نظام بلاااي تاني رجع نعس عيونو وقال:زح من خلقتي
مهيب:زاحي زاحي..بس لنا لقاء
امجد:لقاءات لو عايز
اسيل ختت يدها في ضهر امجد وهمست:امجد..
مهيب عاين ليها وعاين ليدينهم المتماسكة ورجع عاين لامجد بغييييظ ومشا...امجد واقف وبعاين ليهو باشمئزاز لحدي ما اختفي عن انظارهم
اسيل بتعاين ليهو وم قادرة تتكلم او بالاصح م قادرة تحدد شعرو شنو عشان تعرف تقول شنو

امجد اتأفأف
اسيل:م تشتغل بيهو
امجد:اساسا م شغال بيهو براهو بطلع لي زي الجني
اسيل اتنهدت وهي بتعاين للجهة المشا عليها مهيب
امجد مشا ومشت معاهو لحدي قريب لباب الجامعة كدا وقف وقال:يلا ارجعي
اسيل:طيب حبيبي
وتنقش تنقش تنقش مشت امجد طبعا متوقع انهر تقول ليهو تصل بالسلامة او اتصل علي لمن او اي شي بس م قالت حرفيا اهمتامها بيهو قلّ شديد…
وصل جامعة عبير وقف العربية ونزل اتكل في الكبوت وهو بهبش في تلفونو عايز يتصل ليها..لفت انتبهاو ريحة عطر هو بعرفها جدا وبحبها جدا جدا جدا رفع راسو واتلفت بفتش في صاحبة العطر وفعلا وقعت عيونو عليها..استعدل في وقفتو وهو شايفها بتضحك مع صحباتها وماسكة السماعة جنب اضانها كأنها عايزة تركبها..مرر نظرو عليها كانت لابسة اسكيرت رمادي رويااان ومعاهو بلوزة سودا سادة مكتوب فيها ok كبييرة بقدام واسبورت ابيض وشراب ابيض والطرحة فيها الوان كتيرة مرجعاها لورا وخاتة الفريم في بداية شعرها…كانت فاااتنة شديد بالرغم من انها م عاملة غير روج زهري فااتح قريب للورود الفي الطرحة… فاق من شرودو بصوت التلفون وكان المتصل "🐸 pero"
ردا وقبل يتكلم جاهو صوتها:ي ود وينك انتا شكلك موسرتني وم جاي لو م جاي وريني عشان ارجع البيت المواص..
قاطعها:اتنفسي اتنفسي ياخ دي شنو دي؟
عبير ضحكت بصخب:خلاص شفتك انا جاية عليك
قفلت الخط وجات عليهو من بعيد امجد ضحك وهزا راسو: مجنونة
عبير:عم تحكي مع حالك ي بعدي؟
امجد ضحك:لا بحكي مع جماعتي
عبير لوحت بيدها في الهوا بحركة دائرية:اسكنهم مساكنهم
امجد ضحك:اركبي اركبي عايز اسألك سؤال
عبير وهي بتلف عشان تركب:اها اها
امجد فتح الباب وركب وهي ركبت
امجد:قعد تتكلمي مع دانة؟
عبير:اي…لا… م كتير
امجد رفع ليهر حاجبو نظام دا شنو دا؟
عبير اتلفتت عليهو بكامل جسمها:اوريك…كنتا بتكلم معاها كتير بس من هي نزلت الجامعة بقينا م بنتطاقش كتير في الواتس
امجد:انتي عارفاها بتقرا وين؟
عبير حركت راسها نظام لا:no.. whay؟؟
امجد:دقي ليها اسأليها بتقرا وين
عبير:هسي؟
امجد:لا في عيد راس السنة… كورك..طبعا هسي م داير معاك غباء
عبير وهي بتشيل تلفونها:طيب طيب..استكين
نخليهم يدقو لدانة وندي العرسان طلعة…
رامي:شهدوون يلاا
شهد جات طالعة من الغرفة وهي بتقفل في ساعتها:جيت..يلا
رامي عاين ليها:انتي ليه كل يوم بتزيدي سماحة؟
ابتسمت ونزلت راسها
رامي حاوطها بيدينو وقال:انبسطي هنا؟
شهد حاوطت رقبتو بيدينها:انبسط معاك..م مهم المكان المهم اني معاك
رامي باسها في راسها مساافة..عاين ليها وهي مغمضة عيونها بارتيااااح اثر بوستو وقال:ينفع نكنسل السفر؟
ضحكت:لا..لأنو عقد وليد ووعد
ضحك وهو بفكها وبعدل قميصو جرا الشنطة الكبيرة ومشا قدامها مشت وراهو وهي بتتأمل في الغرفة..الغرفة دي العاشت فيها اجمل اوقات حياتها…

اتأفأف بزهج واتلفت علي الشباك بعد سمع:الرقم الذي طلبته لا يستجيب…
عبير انهت المكالمة:بتكون في محاضرة ومصمتة التلفون
امجد بعاين للناس البرا من قزاز العربية
عبير:في شنو ل دا كلو؟
امجد من غير ما يتحرك:شفتها قبل شوية

عبير بدهشة:هناااا؟
امجد:يب
عبير عاينت ليهو مسااافة بعدها قالت:طب نديها شوية كدا ونرجع ندق ليها
امجد وهو بدور العربية:مف حل غير كدا
عبير بحمااس:لو طلعت بتقرا هنا يبقى زييييييييييييت
امجد:شميس شميس
*مساء الجمعة…*
اجتمعت كل العائلة حول جدتهم التي اجلست حفيدها العريس"رامي" بجانبها وحفيدتها العروس"شهد" بجانبه الآخر..دانة عاينت لشهد..توبها البدرة المسترضي السادة المطقمة ليهو بنفس اللون عدا الشنطة والشبط باللون اخضر زرعي مع حنتها الرسمتها الليلة الصباح لأنها امبارح نزلت بيت ناس امها والميك آب بتاعها المتناسق مع وشها وتوبها وريحة العروسات ديك البتفوح منها كل ما تتحرك...

طبعا بتناقشو في موضوع عرس وليد..حجة عواطف قالت ح تعمل ليهو حنة بسيطة هنا في جنينة فلتها لأنو رفض حنة في الصالة وكدا…طبعا وعد م جات...
انس:كدي دقيقة ي جماعة..انت ي رامي بتعاين لشهد دي كدا ليه؟
كلهم بقو يعاينو لشهد الوشها بقى احمر من الخجل..
رامي:وانت مالك؟
انس:كيف مالي في النهاية دي اختي ي مان
حجة عواطف:هاا الهامل دا..خلي العريس في حالو
انس ضحك:العريس خليهو يتلما ي حبوبة
حجة عواطف:نشوفك انت بعدين
امجد:دا ي حبوبة نوع البقطع علاقتو بالاسرة بعد يعرس
فهد:بالاسرة والسودان كلو والدول المجاورة
ضحكو وطقو كفوفهم سواا
رامي عاين لاحمد:ديل مالم ديل؟
احمد:ديل سناقل بايرين وللعرس دايرين
ألين:عاااد واااي ختاكم في علب
احمد:انتي زاتك معاهم سنقل بايرة
ألين:عااد وااي قصف جبهات بطرف🙊
الكل ضحك...بعد العشا كل اسرة مشت علي بيتها وشهد مشت مع ناس رامي ح تقعد في الطابق التاني المجهز ل رامي ومرتو…

انس جا عليها:ايوة..موضوع مهم
ران وهي بتطفي البوتجاز وبتحاوط الشمعة بيدها عشان م تطفي قالت:طب خليهو لحدي ما نروق شوية
انس:ااا..لا لا م ينفع يتأجل اكتر من كدا
ران:اكتر من كدا؟!
انس بقى يطقطق في اصابعو بتوتر
مشت عليهو خطوة وهي عاقدة حواجبها من توترو:في شنو؟
انس باندفاع:بحبك
ران فكت الشمعة ورمشت كم مرة ورا بعض بخلعة من القالو..سمعت غلط ي رب تكون سمعت غلط شالت نفسها وقالت بترقب:شنو؟
اتمنت انو يعيد كلام غير القالو بس امنيتها م اتحققت انس:بحبك ي ران…م م عارف كيف ومتين وليه..مسك يدينها الاتنين..كل العارفو اني بحبك وعايزك تبقى ام اولادي
طبعا هو بتكلم وهي بتحرك راسها نظام لا لا همست:وألين؟
عقد حواجبو باستغراب:شنوووو؟
جرت يدينها منو وقالت:لا ي انس م ينفع تحبني..م تحبني ي انس
انس:ران اسمعيني
ران:انت الاسمعني..م ينفع تحبني اوعاا تحبني
انس مسك يدها اليمين وقال:حبيتك وانتهيت
نتقت يدها منو وقالت:بس انا م بحبك
انس عاين ليها بصدمة..بلع ريقو واستجمع باقي قوتو وطلع من المطبخ بخطوات غاضبة
ران ختت يدينها في صدرها وقعدت في الارض..انس بحبني؟...طب وألين؟ ح يكون شعورها شنو لو عرفت؟ دقيقة..اكيد هي عرفت تغيرها معاي دا م عندو مبرر غير انها عرفت انو بحبني..خللت يدينها في شعرها..ي الله دي شنو الجوطة دي؟…

فهد قاعد جنب وليد واحمد ورامي..اول ما شاف انس جاي طالع وهو عاقد حواجبو عرف انو في شي غلط…

ران بعد مساافة جات طالعة عيونها وقعت علي ألين القاعدة مع دانة وعبير وشكلها عبير بتحكي ليهم في حاجة…اتنهدت واتمنت لو وعد اختها كانت في كان قعدت جنبها وحست بالامان..من هسي فقدتها…

عبير لدانة:دندون بتقري وين انتي؟
دانة:في الزعيم
عبير صرخت:وااااي انا برضو بقرا هنااك
دانة ضحكت:احلفي؟
عبير:والله جد
دانة:حلو حلوووو تاني نتلاقي
عبير:اي لااازم وتصيعي معاي اااا؟
دانة ضحكت
ألين:تقول انتي بتعرفي تصيعي
عبير:بعرف والله..بس اكيد م قدركم انتي وران
ألين ضحكت وهي ببتذكر صياعتهم كانو موقفين الدنيا علي فت رجل

دانة ضحكت:نحنا كمان نبقى زيهم
ألين ضحكت:م تنغري...عبير دي فصيحة لسان ساي م بتحوم بالمواصلات..طلعاتها كلهم مع امجد بس انا وران واقفين صبة بالمواصلات بنلفلف
عبير ضحكت وهي بتعاين لدانة الملامحها اتغيرت، عبير:م حنك تصيعي معانا..والله شلة امجد ديل رمتالة درجة اولى
دانة ضحكت بالغصب وهي بتتذكر اسيل..اتمنت لو جبيل لمن امجد قال ليها مشتاقين لو قالت ليهو انت قايلاني اسيل عشان تشتاق لي…

علي كدا الحنة انتهت و كل اسرة اتجهت علي بيتها عشان💤💤

*فلة عبداللّه…*
جناح ألين…جات طالعة من الحمام بعد استحمت باب غرفتها دقا
كوركت وهي بتفرش في مصلايتها:اتفضل
دخلت ران وهي بتقول:صوتك العالي دا هسي عم ابو هيما "الغفير بتاع المزرعة" ح يكون سمعك
ألين عاينت ليها ببرود وكبرت بدت الصلاة..ران شالت نفسها..عارفة ألين وزعلها الصعب "طبعا ما اخت امجد ح تكون شنو؟"

مشت قعدت طرف السرير انتظرتها لحدي ما انتهت
ران:حرما
ألين بعد مسااافة:جمعا
رجعت المصلاية وجات وقفت قدامها ربعت يدينها وقالت: انا عايزة انوم
ران عاينت ليها وقالت:وانا بايتة معاك
ألين حاولت جاهدة انها م تبتسم لكين ابتسامتها اتمردت عليها..رفعت حواجبها واتلفتت علي الجهة التانية
ران ابتسمت لابتسامتها وقالت:يلا بمناسبة الابتسامة دي ممكن اعرف مالك معاي؟
ألين عقدت حواجبها وم ردت
ران وقفت علي حيلها: كنتا قايلة علاقتنا قوية والبينا اكبر من انس بكتيير
ألين عاينت ليها بخلعة
ران:متسغربة ليه؟ انا المستغربة فيك ي ألينو ي صحبة عمري تقاطعيني عشان سبب زي دا؟
ألين اتلفتت علي الجهة التانية
ران:م نفسك تردي لي؟
ألين ادتها ضهرها عديل:م نفسي..م نفسي في حاجة غير اني ابعد عنكم كلكم
ران جاتها قدامها:انا عملتا ليك شنو؟ ألين بطلي الحركات دي؟
ألين عيونها اتملو دموع:هو اختارك ي ران
ران:وانا اخترتك انتي
عاينت ليها باستفهام
ران:الليلة اعترف لي وانت قلت ليهو اني م بحبو
ألين بقت تبكي:عشاني؟
ران:م عشانك عشان انا م بحبو
ألين:وهو بحبك
ران سكتت
ألين بدت تحكي ليها:بكرية عرس رامي وشهد وراني انو بحبك وم عارف يتصرف كيف..قلتا ليهو اعترف ليها
ران:بتبالغي يلا
ألين:يعني كان اقول ليهو شنو؟..اقول ليهو لا م تحبها حبني انا عشان بحبك؟
ران:لا ي غبية بس م تقولي ليهو امشي اعترف ليها كدا عشمتيهو وظلمتيهو وظلمتي نفسك
ألين قعدت في السرير:اساسا انا م عندي نصيب فيهو
ران قعدت قدامها:ومنو القال ليك م عندك نصيب؟
ألين:ران هو بحبك
ران:ويعني شنو لو بحبني..عرسني مثلا ولا عقد علي؟

بدا اسبوع العقد..طبعا جري صاااح التقول راكب قطر الموت😂👋🏻…من سووق لمشغل طبعا وعد لابسة بلدي فاا اشترت التوب الكبدي وودتو المشغل عشان يشتغلوهو ليها…مشت الكوفير حجزت الجدلة وكدا...

*يوم الاربعاء…*
الليلة حنة وليد...من الصباح التجهيزات بدت في جنينة فلة حجة عواطف…الحنة بدت العصر البدري كدا…وليد لابس علي الله لونها بيجي غاامق كدا باقي الاولاد برضو لابسين عللات بس الوان مختلفة..البنات عبير وألين لابسين فساتين رمادية اكمامها تُل لحدي نص الساق كدا وران ودانة لابسين نفس التفصيلة بس باللون الكحلي..شهد لابسة توب بدرة اصفر فااااااقع بس جاي شديد مع لونها مطقمة ليهو بالصفر عدا الشنطة والشبط بالفضي والاكسسري بالفضي وروج احمر انجليزي صاارخ "بقيتي فزييعة ي شهدون🙃👋🏻" ونسرين لابسة بدرة لون كدا بين اللحمي والبنفسجي مطقمة ليهو بنفس اللون عدا الشنطة والشبط بالفضي والاكسسري بالفضي برضو…الحنة كانت بسيطة نوعا ما والناس م كُتار شديد كانت ب "البري بري" وهججهم طبعا…انتهت مع العشا والناس شوية شوية خفو…

عبير بتعاين لرامي البتكلم مع شهد وبمسح في وشو بيدينو الاتنين..شهد مدت ليهو منديل شالو وبقى ينشف بيهو العرق…يا بخت المنديل بعرقو ويا بختك بيهو ي شهد عيونها اتملو دموع دنقرت راسها وختت يدينها في شعرها نظام بتصلح فيهو
:عبير
رفعت راسها..تااااااه في عيونها ونسى الحاجة العايز يسألها منها
عقدت حواجبها لمن م ردا ليها طقطقت باصابعها قدام وشو
ياسر:هاااا؟
عبير وهي بترجع شعرها ورا اضانها: بتفتش في حاجة؟
ياسر وعيونو علي يدها الورا اضانها:اااااا
عبير استغربت فيهو دا مالو دا؟
ياسر انتبه لنفسو:احم..شفتي لي امجد؟
عبير كر كر كر ضحكت..دا سؤالو؟ ليهو سااعة بتمتم
ياسر ابتسم ببلاهة لضحكتها
عبير:لا ي سيدي شفتو..بس بكون جوا
ياسر وهو بمرر عيونو في ملامح وشها:اي اي بكون
عبير اتوترت من نظراتو رمشت كم مرة ورا بعض
ياسر ابتسم بالجنبة من توترها وقال وهو مثبت عيونو في عيونها:اللانسيس السودا جاية معاك
عبير تاني كر كر كر ضحكت
عقد حواجبو وقال بطفولية:في شنو بضحك؟
عبير اتنهدت وقالت:الليلة انا م عاملة لانسيس…دي عيوني الطبيعية
ياسر:والرمادية ديك
عبير ابتسمت علي اسئلتو:ديك لانسيس
ياسر:وليه بتختيها؟..انتي كدا احلي
عبير ابتسمت ورفعت ليهو اكتافها وقوست خشمها لتحت نظام م عارفة
ياسر ابتسم لحركتها….

دانة رافعة السيلفي ووراها شهد وألين متماسكين
:ممكن اتصور معاكم؟
عاينو ليهو، ألين:اكييد ارح..دندون اديهو التلفون لأنو طويل
شهد ضحكت، دانة ابتسمت ومدت ليهو التلفون..مسكو منها ووقف وقفت وراهو طوالي ألين ودانة وشهد وراها..اتصورو لقطتين
شهد همست لألين:ألينو..ارح معاي الحمام
ألين ضحكت ومشت معاها..طبعا شهد قااصدة تخليهم براهم
امجد مدا لدانة التلفون مسكتو جراهو عليهو عاينت ليهو باستغراب
امجد:مشتاقين
حست قلبها وقع جنب كرعينها
مسكت منو التلفون وفت فت مشت..مرر يدو في شعرو ومشا علي عبير…

شالت منها بتها العمرها سنتين وقالت:رحاب امشي وتعالي م مشكلة..ولا خايفة علي تالين مني؟
رحاب ضحكت:م كدا ي نسو بس انتي م عارفة تالين ح تجننك
نسرين باست تالين وقالت:م بتجنني حبيبة خالتو شح؟
رحاب ضحكت ومشت
نسرين باست تالين شدديد وقالت:يخوانا البت العسل دي لقيتوها وين؟
احمد جا ماري من جنبهم قالت ليهو:احمد شفتا ليك بنوتة عسل زي دي قبل كدا؟
احمد ضحك وجا عليهم شال تالين وعضها في خدها
نسرين شالتها منو:احمد يخسي عليك..حضنت تالين عليها..معليش حبيبي معليش
سمعو صوت مرا بوراهم بتقول:انتي مش بت اميرة؟
نسرين اتلفتت عليها بابتسامة:ايوة ي خالتو..كيفك؟
المرا:حمدلله..بس متين ولدتي انتي؟
نسرين ابتسامتها اختفت عاينت لاحمد ورجعت عاينت للمرا وقالت:لا..دي بت صحبتي
المرا:خلي شيل شفع الناس وجيبي لراجلك دا شافع يفرحبو
نسرين بلعت ريقها وقالت بصعوبة:ان شاء الله
وفت فت فت مشت
احمد عاين للمرا:سلام عليكم ي خالة..انا راجلها وبصراحة نحنا مؤجلين موضوع العيال دا شوية ومتي ما حبينا نجيب عيال ح نجيبهم من غير م زول يتدخل
المرا عاينت ليهو مسااافة وقالت:مشششششم
احمد م اشتغل بيها ومشا ورا نسرين طبعا لقاها دخلت جوا دخل وراها كدا لقاها واقفة مع صحبتها رحاب وبتتكلم معاها…واضح انو العبرة خانقاها وعايزة تبكي اتنهد ومشا علي وليد البنادي فيهو عشان يقعد جنبو لأنو قعد يحننوهو…

ران في المطبخ…رسلوها عشان تولع الشمعة وتجي
:ران..
اتلفت لقتو انس رجعت تعاين للبوتجاز:ايوة ي انس محتاج حاجة؟
انس وهو واقف جنب باب المطبخ: عايز اتكلم معاك
ران ابتسمت باستغراب:معاي انا؟

ألين بتعاين ليها باستغراب
ران:انتي عايزاهو؟ومستعدة تحاربي عشانو؟
ألين:عايزاهو بس م عندي استعداد احارب عشانو
ران:غبية..بطلي دلع م اي حاجة في الحياة دي بتجيك لحدي عندك
ألين:ران اي حاجة في الدنيا ممكن اقلعها قلع الا الحب م ممكن امشي اقول ليهو تحبني غصب
ران:ومنو القال ح تقولي ليهو حبني غصب؟
ألين عاينت ليها باستفهام
ران فكرت مسااافة بعدها صرخت
ألين:الدنيا ليل ي بتنا
ران وقفت علي حيلها وقالت:ح يحصل كالاتي..انا ح اتعتذر منو واقول ليهو اني مربطة ح يتكسر ويتنشن واثناء كسرتو دي انتي تتقربي منو ح يحبك وينساني
ألين:م ظنيت يحبني
ران:ح يحبك لو سمعتي كلامي ح يحبك
ألين:ران دا ود عمنا م ينفع نعمل فيهو كدا
ران:انتي غبيه ولا حاجة؟..ما يبقى ود عمنا نحنا ح نكتبو في الشيخ؟ ح نخليهو يحبك بمزااااج
ألين لوت خشمها بتفكير:م عارفة م مرتاحة لفكرتك دي
ران:ارتاحي يختي..عاينت ليها..دقيقة دقيقة كأنو انتي المفروض تعتذري لي؟
ألين نطت فيها حضنتها:سووري حبيبتي بس بالجد ااتضايقت وم عرفتا اتصرف كيف
ران بادلتها الحضن:تاني لمن م تعرفي تتصرفي كيف تعالي لي
ألين ابتسمت:حبيبتي انا
ران بخبث:وانس؟
ألين بخجل:مالو؟
ران ضحكت:م مالو
ألين جرتها:تعالي احكي لي اعترف ليك كيف؟
ران:لمن مشيت اولع الشمعة لح صحن الحنة جاني في المطبخ…الخ
قضو باقي ليلهم في حبك خطة لإيقاع انس بشباك ألين…
--------------------------------------
---------------------
*يتبــــــــــــــــــــــــــــــــــــــــــــع*

*#قلوب_تائهه 《27》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
يقف امامها..عُذرا! يقف امام حلمه وحب طفولته..متأملاً..مبهوراً يكاد يقفذ فرحاً ليصرخ ملء كل شئ:تزوجتها ي عاااالم…تأملها بعينيه التي اتسعت بؤبؤتها كدليل علي فرحته…ثوبها الحريري ذي اللون الكبدي المُزين بنقوش ذهبية مُطرزة...نقوش الحناء المتوهطة علي ذراعيها وقدميها صارت لوحة فنية اكتملت بلون بشرتها الحليبي القاني…الجدلة الذهبية المشغولة بإتقاان التي تُغطي شعرها الاسود الواصل لحنكها…الاقراط المُتشبثة بأُذنيها ليمتد حبل ذهبي رقيق من اسفل قرطها الايمن وصولا لأنفها ليستقر كذمام دائري…حتي حبات العرق التي تلألأت في اعلي جبينها بفعل التوتر باتت فاتنة جدا في نظره…
همس:كدي عايني لي؟
رفعت عيونها ليهو
اتسعت ابتسامتو:بسم الله ما شاء الله..تبارك الرحمن
نزلت عيونها وابتسامتها كشفت غمازاتها الساحرة
وليد:ي ارض احفظي ما عليكي
"واي انبراش السواد😂👋🏻"
رفع يدو الفيها منديل ورق وبدا يربت ب ارق ما عندو عشان يمسح ليها العرق..رفعت عيونها ولاول مرة في حياتها تشوف ملامحو بالوضوح دا..حواجبو عيونو نخرتو لحيتو المرتبة كلها حاجات بتأكد ليها انو هو فارس احلامها المُنتظر
خلص وقال:نمشي؟
حركت راسها نظام اي
اتلفت علي ران الواقفة جنبهم لقاها ضامة يدينها الاتنين وخاتهم تحت حنكها وعيونها مرقرقين
ضحك قال:نمشي ي جماعة؟
رامي من وراهو ضحك وهو ماسك شهد من يدها وقال:نمشي طوالي
عاين لران وقال:سمعنا زغروتة لو سمحتي
ران شالت نفسها وختت بداية اصابعها في خشمها وفكت الزغروتة…انتهت
رامي:تاني وحدة
ران تاني فكت الزغروتة
شهد ضحكت علي جرأة ران اكيد لو هي في محلها م ح تقدر تزغرت في مكان عام كدا..وليد خلخل اصابع يدو الشمال في يد وعد اليمين وبشر ليهم:ابشششر
ران تزغرت وماشة وراهم لحدي ما ركبو العربية وهي ركبت قدام جنب السواق..رامي وشهد لحقوهم بعربية رامي…

*في الصالة…*
الانوار الطفت والفقعات الملت المكان دليل واضح علي انو العرسان وصلو…كل زول قعد في كرسيهو وعلا صوت شكر الله وانصاف وهم بتشاركو اغنية "بحمد الله حضرني اشوف جنايا فوق بيتوووووو"

امجد ابتسم باتساع لمن ظهرت سنتو المردوفة وهو شايف بت عمو وود عمو جاين داخلين…عبير واقفة ورا كرسي اميرة خالتها خاتة يدينها في اكتافها وتاكلة راسها في راس خالتها وبتعاين ليهم وعيونها ملياانين بالدموع...

ران واقفة بعد الباب طوالي وضامة يدينها خاتهم تحت حنكها ودموعها بتسابقو لخدها وهي شايفة اختها الوحيدة عروس…

استغرقو الغنية كلها عشان يصلو الكوشة…بعدها بدت فقرة المباركة"الدفسيبة🐸"…
طبعا احمد وانس وفهد ورامي وامجد لابسين علي الله سمنية وشبط جلد بني…اما البنات، دانة ألين ران عبير لابسين فستان كبدي ساادة من فوق ضيق وتحت فيهو فرة خفيفة كدا اكمامو تلت اربع مرصع في الخصر ب جنيهات دهبية نظام حزام…
شهد ونسرين لابسين تياب بدرة كبدية ساادة مطقمين ليها بنفس اللون والشبشب والشنط والاكسسري بالدهبي…
امجد وياسر واقفين بعيد شوية من الكوشة وبعاينو للعرسان
ياسر كر كر كر ضحك

امجد رفع حاجبو وقال:ضحكنا معاك
ياسر وهو بلوح براسو:شوفهم..قبل اسبوعين كانو قاعدين معانا في المزرعة وبلعبو والليلة عرسان
امجد ابتسم:اي بس…نحنا كدا جاهزية حسم سرعة
ياسر ضحك وقال:كدي ابارك ليهم واجيك
امجد حرك راسو نظام طيب..ياسر مشا بارك ونزل من الكوشة طقش عبير
عبير:so0ory
ياسر:ولا يهمك ي جميل
ابتسمت ورجعت شعرها ورا اضانها..ياسر مراقب حركتها دي
عاين لشعرها الجايباهو بالجنبة وواصل لخصرها وقال:طالعة قمر وكدا يعني
ضحكت وقالت:ثانكس وكدا يعني
ختا يدو ورا راسو وضحك ببلاهة
عبير:ليه م لابس علي الله زي الجماعة
ياسر عاين لروحو وقال:مف زول وراني انهم مطقمين والله
عبير:عاد امجد اتلوم معاك
ياسر استغل الفرصة:مش كدا..الا اشيل رقمك عشان ادق اسألك من التطقميات الزي دي
كر كر كر ضحكت عاينت ليهو مساافة بعدها مدت ليهو يدها نظام جيب التلفون
اداها التلفون كتبت ليهو رقمها ومدتو ليهو وهي مبتسمة مسكو منها وهو بضحك...

وقف قدامها رفعت راسها لقتو هو
ابتسمت بتوتر:انس..اهلين ومبروك ل وليد كمان
انس:الله يبارك فيك..وعقبالك
اتنهدت وحركت راسها نظام امين
جا عليها خطوة وقال:ليه بتتعاملي بعادية…نسيتي الحصل يوم الاربع؟
عاينت ليهو
انس:ران انا اعترفت ليك بحبي
رمشت كم مرة بتوتر بعدها قالت:انس انا م كان قصدي اجرحك بس..بس انا م عايزاك تعلق قلبك بقلب متعلق بغيرك
عقد حواجبو:متعلق بغيري؟
ران:اااااا…انا انا
انس بصوت حاول انو يخلهو واطي عشان الناس:مربطة ي ران…مع واحد من الجامعة صح؟اكيد..بتتلاقو وتتطلعو سوا و..

قاطعتو باندفاع:انا بحب فهد
عاين ليها بخلعة وهي زاتها مخلوعة غمضت عيونها مساااافة وفتحتهم
انس لا اردايا لقى روحو بعاين لفهد الواقف علي بعد امتار منهم وبتونس مع امجد وياسر وقال:وهو عارف؟
ران:لا لا لا لا م عارف م عارف
انس ختا يدو في عمود انفو..طبعا فهد م ح يكون عارف لو عارف كان وراهو..عاين ليها مساافة..نادوها اتلفتت ردت ليهم ورجعت عاينت ليهو وقالت:انس..لو سمحتا خلي الموضوع دا سر بينا زابط؟
ومشت قبل تسمع ردو
انس وهو عاقد حواجبو:اوكييه
علي كدا الحفلة بدت والناس بدو يتجهو للدايرة..وليد طبعا م بعرف يرقص بس شغال يبشر..ووعد نفس الشي بس تصفق
الفنان دا يغني ليهم "الكنينة" والناس دي بدت تعرض.. يلا في بيت كدا بقول فيهو"الكنينة ي بت ماالك..كنينة اديني شبالك"نسرين شوو ادت احمد الشبال ضحك وبشر ليها…"الشبال دا عبارة عن رقصة البت بتكون بترقص بالرقبة وبتجي جنب راجلها او حبيبها او غيرو بترمي شعرها في كتفو او في صدرو"..علي كدا الحفلة انتهت
نسرين مسكت وعد من يدها وقالت:يلا ي وليد شكرا علي حُسن استضافتكم
الكل ضحك، وليد:هوي سايقة مرتي وين؟
وعد نزلت راسها، نسرين:مرتك تجي تستلمها بعد تجهز ليها ارواقها
وليد اتلفت علي حبوبتو:حبوبة قولي ليها تديني مرتي
حجة عواطف:هاالشفقان دا مرتك تسوقها بعد تجهز اوراقها
نسرين:شفتا؟!..نفس كلامي
وليد لاحمد:احمد لم مرتك دي
احمد بضحك:ي مرتي اتلمي وليد:هوي ي هوي…انا داير اسوق مرتي
نسرين:مف طريقة قبل الاوراق تجهز..اتلفت علي وعد..وعود تمشي معاهو هسي؟
وعد حركت ليها راسها نظام لا لا
الكل ضحك، وليد:هييين هين ي نسرين انا بوريك..وي وعد قدامنا حياة كاملة ح اتصرف معاك
ومشا ركب عربية انس"سايقها هو الايام دي"ومشا
الكل ضحك بعدها وعد ركبت مع نسرين في عربية احمد..
لمن وصلو ، احمد لنسرين:ح تبيتي معاها؟
نسرين:لا بقلع معاها الجدلة وكدا وبجي
احمد:لمن تكوني جاية جرسي لي
ابتسمت ليهو:حاضر
احمد:يحضر ليك الخير
نزلت وهو مشا فلتهم...

*بعد مرور ساعتين..*
وعد راقدة علي ضهرها ومركبة السماعات بتتكلم مع وليد.."خلط تقيل🐸👋🏻"…


في نفس الفلة بس في جناح ران....قاعدين في نص السرير،ألين وهي بتاكل في سندوتش:اها ارغي
ران:خلاص جاهزة تسمعيني؟
ألين:رانو اخلصي حبيبة لأنو نعسانة الف
ران:انا قلتا لانس اني بحب فهد
ألين متابعة اكل بعد مسافة استوعبت كلام ران اتشرقت ران مدت ليها الموية من الكومودينة
ألين شربت سريع ورجعت ليها الكباية وهي بتقول:شنووو؟
ران رجعت الكباية مكانها وقالت:هنااي..جبيل انس فتح معاي الموضوع تاني
ألين:اهاا
ران:قلت ليهو يعني م تعلق قلبك بقلب متعلق بغيرك من قلتا ليهو كدا جاط وفار ودفق واشتغل لي اكيد واحد في الجامعة اكيد قعد تلاقيهو وتقعدي معاهو
ألين ضيقت عيونها:قمتي انتي قلتي ليهو شنو؟
ران:قلتا ليهو اني بحب فهد
ألين وقفت في السرير وجااااك صرخت
ران غطت اضنينها ب يدينها ألين نطت في الارض وقالت:سجمنا..ي ميلة بختك ي ألين بصحبتك الغبية
ران جات علي طرف السرير:ألينوو حرام عليك

ألين جات عليها:حرام علي انا؟...هسي ح يكون وراهو و ود دبي صدق روحو شديد منظرك ح يكون شنو قدامو؟ ح تسلمي عليهو كيف؟ تاني اي تصرف ح تتصرفيهو فهد ح يعتبرو انبراش
ران:الله يطمنك
ألين اترمت جنبها في السرير:امين حبيبة امين
ران اتلفتت بجسمها كلو عليها:ألين يااخ شوفي لي حل
ألين نطت قعدت:دي م عندها حل يختي م عندها...الفاس وقع في الراس خلاص
ران:طيب ممكن انس م يكون وراهو
ألين:كأنك م بتعرفي انس..متهور وخشمو خفيف
ران:اي خشمو خفيف بس يمكن هسي م يوريهو خصوصا لأنو بحبني يعني
ألين عاينت ليها مساافة وقالت:صح..جايز برضو
ران سكتت بتفكير
ألين عاينت ليها:رانو؟انتي بتحبيهو؟
ران:منو؟
ألين ختت يدها في وشها من غباء ران
ران:فهد؟...لا لا طبعا انتي غبية؟
ألين ضربتها:طب مدام انتي م بتحبيهو الوداك تقولي لانس كدا شنو؟
ران وهي بتخت يدها في كتفها محل ألين ضربتها:يخ اتوترتا لمن انس جاط وعيني م وقعت الا عليهو
ألين:غباء غباء
ران:اها ح نعمل شنو؟
ألين وهي بترقد:ولا شي..ح ننوم هسي وبكرة نشوف طريقة نعرف بيها فهد عرف ولا لأ
ران شالت الصحن القاعد في نص السرير وقالت:م ح تكملي اكل؟
ألين لوحت ليها ب يدها:لا سديتي نفسي بهببتيهو دا
ران اتنهدت وختت الصحن في الكومودينة ورقدت عشان تنوم…

في الفلة المجاورة..قاعد في البلكونة ومرفع كرعينو في التربيزة القدامو وبشرب سجارة..سمع صوت اشعار الرسالة من تلفونو هبش جيوبو كدا م لقاهو نزل كرعينو عايز يقوم التلفون جا واقع رفعو وطفى السجارة في الطفاية القاعدة في الارض جنب كرسيهو…فتح التلفون وكان الرسالة من "🐸Bero" "عبير" محتواها "سلام علي من لم ينم فنام الليل تحت عينيه.." ابتسم ودقا ليها ردت سريع ب:راجلي

امجد:مرتي..المصحيك لحدي هسي شنو؟
عبير:بفكر فيك..وانت؟
امجد:بفكر فيها
عبير:ليه ليه كدا؟كسرتا قلبي يااا
امجد ضحك
عبير:مالا بت دبي؟
امجد:بت دبي عذبتني
عبير سكتت بتسمع فيهو
امجد كمل:بحبها وم شغالة بي..بشتاق ليها وم شغالة بي..النوم مجافيني بسببها وبرضو م شغالة بي
عبير ضحكت:والله ووقعت وم حدن سما عليك
امجد:من زماان
عبير ضحكت
امجد:المصحيك لحدي هسي شنو؟
عبير:كان عندي مكالمة يداب خلصتا
امجد:من برا ولا شنو؟
عبير:م برا شديد
امجد:دا شنو دا؟
عبير ضحكت:خليك مني..رايك شنو تدق لدانة؟
امجد:م جادة انتي ولا شنو؟
عبير:ليه م جادة؟الموضوع ايزي ع فكرة
امجد:م ايزي
عبير:ايزي ي امجد..قصتكم دي واضحة بس انتو المعقدينها..مدام مشتاق ليها دق وقول ليها مشتاقين
امجد:وهي ح يكون ردها شنو؟
عبير:م عارفة..دق ليها بنفسك وشوف ردها
"عبير دي زابطة يخ🖤"
امجد زح التلفون من اضانو عشان يشوف الساعة كم ورجعو بعد شافها قال:هسي ح تكون نامت
عبير:واحتمال م نامت مساهرة زيك كدا
امجد سكت مساافة بفكر
عبير:امجد..استغل فرصة انو حبيبتك قدامك وكون معاها في ناس البحبوهم قدامهم بس م قادرين يكونو معاهم
امجد:عبير تعال اعرسك
ضحكت:بري مالي ي يمة..بنفسنتك دي م بتنفع معاي
امجد ضحك:هوي ي بايرة انتي لاقية؟
عبير:كدي خليك بالجنبة كدا اسبير لو دقيت ال25 وم عرستا تعرسني
امجد:ايييييييك
عبير:ايك شنو كلها 5 سنة
امجد:عمرك 20 بس؟شافعة شافعة
عبير:خلاص قبلتا علي عمري؟...اقطع وشك مني انا ماشة انوم
امجد:تمام يلا تصبحي علي خير
عبير:وانت من اهلو
امجد:يلا
عبير:دق ل دانة
امجد ابتسم:طيب
عبير:يلا
وقفلت الخط..عاين للشاشة مسااافة عبير دي الوحيدة البتقدر تنتشلو من الزهج والنفسنة بتاعتو..عبير وياسر...وبمناسبة ياسر اتذكر انو ياسر من يوم حنة وليد لمح ليهو انو عبير عاجباهو اتنهد بابتسامة وقرر بكرة يتكلم معاهو في الموضوع دا..عقلو الباطني قفل ملف ياسر وفتح ليهو موضوع دانة…يدق ليها؟! طب لو دقا ح ترد؟ ولا ح تكون نايمة؟ولو قال ليها مشتاق ليك ح تكون هي برضو مشتاقة ليهو؟ صوت جرس التلفون بعثر كل الاسئلة دي من راسو وختا بدلها سؤال واحد كبير وهو..لمن ترد ح يقول ليها شنو؟…اتردد السؤال مع الجرس لحدي ما المكالمة انتهت عاين لكلمة "لا يوجد رد" اتنهد بزهج وختا التلفون وقام دخل الغرفة عسى ولعل ينوم….

*في نفس الفلة بس في جناح مجاور…*
وقف علي حيلو بعصبية:لا ي نسرين..فحص م ح نفحص
وقفت قدامو:ليه ي احمد؟
احمد:لأنو ببساطة انا م متضايق بتأخير الحمل دا
نسرين:بس انا متضايقة
عاين ليها وقال:قولي متضايقة من كلام الناس
كتفت يدينها:نفس الشي
احمد كورك:م نفس الشي ي نسرين قصة انك تشتغلي بكلام الناس وتزهجي وتنفسني دي م صح ولا عاجباني ولا ح اقبلها
عاينت ليهو
احمد:بعدين نفترض مشينا فصحنا وطلع العيب فيك مثلا او فيني اها لمن الناس ح يسألوك ليه م ولدتي ح تقولي ليهم والله فحصنا والعيب طلع في راجلي