ردا ب:ياسر مالك؟
جاهو صوت اسيل: انا م ياسر
اتأفأف وهو بقول: اي ي اسيل عايزة حاجة؟
اسيل: ايوة.. عايزة اطمن عليك ولا م من حقي؟
امجد: انا كويس
اسيل: طيب ليه م بترد علي مكالماتي ومن يوم حنة رامي م دقيت لي
امجد وهو بحك جبينو:كنتا مشغول مع امور العرس
اسيل: اي عارفة حبيبي م مشكلة اهم شي ترسل الصور ااا؟
امجد: طيب
اسيل: يلا خلي بالك من نفسك
امجد: سمح
جاهو صوت ياسر: امجد
امجد: اي
ياسر وطا صوتو: عاين والله اسيل شالت التلفون براها
امجد: م حنك يااخ
ياسر: طب انت كيف؟
امجد: حمدلله
ياسر: كل الامور تحت السيطرة؟
امجد فهمو وضحك بصوت عاالي: مف اي شي تحت السيطرة
ياسر ضحك علي ضحكة امجد وقال: رجعتو الخرطوم؟
امجد: لسا.. زاتو مفكر اقعد هنا كم يوم
ياسر: والجامعة؟
امجد: ي مان محسسني كأني برلوم
ياسر: م حنك برلوم بس الامتحانات كبست
امجد سكت
ياسر: شكلها قافلة معاك كدي تعال وبنتفاهم بعد داك
امجد: قلتا ليك احتمال اقعد ياسر: لو قعدتا ح تزهج زيادة وحتفكر في الموضوع كتير
امجد اتنهد: زابط بشوفر
ياسر: يلا.. دقيقة اسيل عايزة تتكلم معاك
جاهو صوت اسيل: حبيبي مالك؟
امجد: مالي؟
اسيل: سمعتا ياسر بقول ليك متضايق بالجد؟
امجد: مف شي
اسيل سكتت مسافة: طيب تعال سريع الخرطوم اشتاقت ليك
ابتسم وعارف انها قاصدة روحها بالخرطوم دي: حاضر اسيل ابتسمت علي نبرتو الواضح انها هدت: تصل بالسلامة

امجد: اسيل
اسيل: قلبها
امجد: بحبك
اسيل بفرحة: والله كمان والله
امجد ابتسم: يلا لحدي بعدين
اسيل: طيب
قفلت الخط وهي مبسووووطة انو قال انو هو بحبها.. بجاي امجد م عارف روحو قال ليها كدا ليه احتمال عشان م عايز يحسسها بنفس الاحساس الحسستو ليهو دانة لمن خلتو…هو عارف احساس الخذلان عشان كدا مستحيل يخذلها.. مستحيل يعمل فيها نفس الدانة عملتو فيهو…

اتنهد ودخل يدينو جوا جيوبو ودخل الفلة لقى امو داخلة علي المطبخ وقفت لمن شافتو داخل ..مشا عليها ابتسم وباس راسها
زينب: كيفك؟
امجد: حمدلله انتي كيف من تعب امبارح؟
زينب: حمدلله كويسة ..مسكت يدو وقالت: انت كيف؟ قلبك كيف؟
امجد ضحك: دقيقه اسألو ليك..دنقر راسو لصدرو وقال: ي قلبي انت كويس؟اي كويس
رفع راسو عاين ليها: قال ليك كويس.
ضحكت: مجنون
نكش شعرو وهو بضحك ببلاهة، اتلفت لقى الصالة فاضية: وين الناس دي؟
امو: في صالون الرجال بتغدو امشي عشان تتغدا
امجد: طيب
امو: يطيب خاطرك
ابتسم ليها ومشا هي بقت تعاين ليهو لحدي ما طلع السلم...
وصل فوق لقاهم بياكلو غسل يدينو وجا
عبداللّه جرا ليهو الكرسي الجنبو وهو بقول:تعال اقعد
انس: حصانك اعرج
امجد ضحك: اركينو شفتو براك الصباح
فهد: حصانو جراااي ي مان
عبدالفتاح: اركينو دا اسم حصانك؟
امجد: اي
انس: غايتو اسمو حلو لكين جبتو من وين؟
امجد حكا راسو وهو بقول:اختارو لي رامي
فهد: ورامي حصانو وينو؟ بتذكر كان عندو حصان
امجد: اي.. كان اسمو ارمينو بس مات قبل 6 شهور كدا
فهد عقد حواجبو: مات بشنو؟
امجد اتنهد وهو بتذكر موتة ارمينو: كان ضربتو افعى في الاسطبل دا ونحنا في الخرطوم م اتلحق سريع
فهد: افعى!!!! خسارة يااخ
امجد: رامي كمان كان بحبو شديد
فهد: اكيد كان قوي زي اركينو
امجد: طبعا ..بس اركينو اقوى
انس بزهج: عليك الله فكونا من الاحصنة ديل
احمد: فهد شكلك بتميل للخيول
فهد: والله بميل بس عشان في دبي مف اسطبلات في المدن انقطعت منها ..المهم تابعو ونستهم وهم بياكلو….

ألين في غرفتها طلعت من الحمام وهي متوضية صلت العصر ومسحت دموعها ومشت علي التوليت عشان تلم حاجاتها…

نسرين لمت حاجاتها ونزلت تحت لقت احمد قاعد مع وليد..

ران مشت لألين عشان حاولت تتكلم معاها بس ألين طنشتها ألين لبست عبايتها وشالت شنطتها ونزلت خلت ران بتتكلم براها،ألين: بابا انا ح ارجع معاكم
عبداللّه:طوالي خلي يطلعو ليك شنطتك العربية
نسرين: انتي صح جيتي مع ناس عمو عبدالرحيم؟
ألين وهي بتقعد: اي بس ح ارجع مع ناس بابا عشان تعبانة وعايزة ارقد
احمد كان بتكلم مع وليد اتلفت عليها: ليه مالك؟
ألين: فترانة كدا شكلو جايني التهاب
عبداللّه:اول ما نصل ابعلي حبوب وارتاحي
ألين اشرت ليهو براسها نظام طيب
شوية كدا ونادية وزينب كو نازلين وهم شايلين حاجات الجرتق احمد ووليد قامو مسكوها منهم ودوها العربية وعبداللّه وألين وزينب ركبو واتحركو..

امجد وفهد جو داخلين ،امجد: ناس ابوي مشو؟
احمد: يب ونحنا زاتنا بعد دا نطلع
نسرين وفقت وهي بتصلح في توبها: ارح
احمد اتلفت علي علي وليد:اها تمشي معاي ولا عندك راي؟
وليد ضحك: عندي راي
في اللحظة دي وعد جات نازلة وهي شايلة شنطتها

نسرين: جهزتي؟
وعد وهي بتصلح في نظارتها: اي
وليد طوالي قال: دقايق اجيب تلفوني واجي
احمد غمز ليهو: تمام منتظرينك
وليد ضحك وطلع يجيب تلفونو
امجد وهي قاعد: اها وانا الحيمشي معاي منو؟
فهد: شكلك ح تمشي براك
احمد ضحك وليد جا نازل وطلع ركب جنب احمد قدام ونسرين ووعد ورا...عبدالفتاح واميرة طلعو وبعدهم عبدالرحيم ونادية وران طلعو ،فهد وامو واختو وحبوبتو ودانة طلعو…
ألين كانت اول وحدة تطلع من المزرعة.. المزرعة دي جاتها مبسووطة بعرس عمها وبت عمها طلعت منها مكسورة وخسرانة حبها رقدت في المقعد الورا وهي بتركب سماعتها..
ران في عربية ابوها.. شغالة بتلفونها لقت ألين اخر ظهور ليها الساعة 12 وحاجة يعني اول م صحت دخلت تاني م دخلت..
في عربية فهد دانة راكبة قدام وامها وحبوبتها ورا.. فهد بحكي ليهم بحمااس عن الفرسة الاداها ليهو امجد وانو م عارف يسميها شنو
حجة عواطف: دا شنو البتتكلمو عنو دا؟
فهد: حبوبة امجد اداني فرسة وبفتش ليها في اسم
عبير ضحكت: سبحاان الله الاحصنة من متين بسموها؟
دانة بحالمية: احلي حاجة الاحصنة
فهد اتلفت عليها: بتحبيهم؟
دانة: اااا… م شديد بس من حكاويك شكلها حلوة
فهد ابتسم: اي ..امجد بحبهم للدين
دانة سكتت مسافة بعدها اتذكرت حاجة: اااا.. فهد بابا قال جاي يوم كم؟
عبير: 20/12 يعني فصل ليهو شهر
دانة: ليه الليلة يوم كم؟
فهد: 20/11 قلنا
دانة ضحكت وسكتت بعدها تاني عملت روحها اتذكرت حاجة قالت: عيدميلاد امكد بعد 3 يوم

فهد رفع حاجبو وهو بقول:اي صحي
عبير: صحي ح يتم كم؟
فهد: ااااا.. 24 تقريبا
حجة عواطف:ما شاء الله ربنا يغطيهو
عبير: ما شاءالله
فهد: شنو ي جماعة الواحد يبقى امجد عشان تجيهو الدعوات الحلوة دي ولا كيف؟حبوبة شنو الفرز دا؟
حجة عواطف: انا امجد دا اصلي برييييدو بالحيل بس هو نافر كدي وم بتلخبت مع الناس
فهد ضحك: اي هو بحب الاستكانة
حجة عواطف: اها خلاص قام للكلام الخارم بارم
عبير ضحكت.. دانة سرحانة ذكرت اخوها عيدميلاد امجد بس م قال ح يحتفل بيهو ولو اقترحت اكيد ح يشك في الموضوع فهد ذكي وبفهمها طايرة اتنهدت وهي بتدعي فهد م ينسي تاني...

احمد ووليد منطربيييين باغاني جمال فرفور ونسرين ووعد بتونسو ورا وليد عين مع احمد وعين مع وعد...
انس سايق وبفكر في كلام ألين انو لازم يعترف لران…

امجد في عربيتو دقا لأسيل مكالمة م بترد تاني دقا ليها م ردت رجعت ليهو بعد تلت ساعة دقايق كدا
اسيل: حبيبي
امجد: مالك م بتردي؟
اسيل: سووري يقلبي كنتا سايقة والتلفون سايلنت
امجد: م حنك.. وصلتي البيت؟
اسيل وهي مستغربة اهتمامو: اي ي دوب استحميت وصليت شفتا مكالماتك..في حاجة مهمة؟
امجد:لا راجع علي الخرطوم كنت عايز اتكلم معاك بس امشي ارتاحي
اسيل: لا لا لا.. اساسا م تعبانة
امجد: طيب امشي اكلي وبرجع ليك بعد 5 دقايق
اسيل: م جع..
امجد قاطعها: اسيل اسمعي الكلام برجع ليك
اسيل ضحكت: طيب
وقفلت.. اداها 5 دقايق بالضبط ودقا ليها
ردت من اول جرس
امجد: اكلتي؟
اسيل: جبتو يداب
امجد ضحك: اديك تاني 5 دقايق؟
اسيل: لا لا ..امجد م عايزة اكل عايزة اتكلم معاك
امجد: طيب اكلي وانتي بتتكلمي زابط؟
اسيل: حاضر
امجد سكت
اسيل: هسي انت سايق وبتتكلم؟
امجد: مركب السماعة
اسيل: اممم.. اعمل حسابك
امجد: طيب.. اها الليلة الجامعة كيف؟
اسيل رفعت كرعينها جوا السرير وهي بتقول: كعبة من غيرك
امجد ضحك: عليك الله؟
اسيل: اي وربي.. زاتو ياسر م قعد معاي كتير
امجد: قعدتي براك يعني؟
اسيل: م براي براي قعدتا مع نوشة وصحابتها
امجد: نوشة الكريهة
اسيل ضحكت: حرام عليك والله البت ظريفة
امجد: ياخ كل ما تشوفني تقعد تقلب لي عيونها وحركات البنات ديك
اسيل:اي هي شاماك شديد لأنها شايفاك مفتري كدا وانك...
سكتت
امجد: اني شنو؟
اسيل: انك يعني...ااا.. هي قايلاك م بتحبني ومطنشني
امجد:انتي شايفة اني منطشك؟
اسيل: انا م قلتا كدا هي شايفة كدا اساسا هي م فاهمة حاجة
امجد كرر سؤالو: خلينا منها انتي شايفة شنو؟
اسيل: شايفة اني مرتاحة معاك اي كان شكل ونوع علاقتنا وانو الناس مف داعي يتدخلو
امجد سكت م عارف يقول شنو
اسيل: امجد انا م بعرفك لي سنة ولا اتنين لا نحنا لينا..
امجد تما ليها:18 سنة بنعرف بعض
اسيل ابتسمت: شفتا؟ 18 سنة م قليلة ولا هينة
امجد: ياااه انتي مالك كتيرة كدا في حياتي؟
اسيل ضحكت: كان عجبك
امجد: عجبني والله
..تمو ونستهم لحدي ما امجد وصل الخرطوم في النهاية وبغض النظر عن اي شي اسيل صحبة عمرو ال لما يتكلم معاها ساي برتاح…

علي العشا كدا كل اسرة وصلت فلتها وكل واحد من افرادها دخل جناحو استحما وصلي ورقد ناااااام…

عدا امجد طبعا..صاحب العيون الساهرة قاعد في البلكونة وبشرب في السجاير.. اتأفأف بزهج من الحالة الهو فيها لا قادر ينساها ولا قادر يكون معاخا ياخ نوم م قادر ينوم بسببها وبجهة تانية اسيل ..م فاهم روحو بحس بشنو اتجاها كل العارفو انها انسانة وجودها مهم كدا في حياتو وقف علي حيلو وهو بجدع السجارة في الارض وبعفصها برجلو ..رقد في السرير وهو متمني عيونو تغمض ياخ كدا ليهو 3 ليالي م نام
سوري علي الاخطاء الاملائية😴🖤
--------------------------------------
---------------------
*يتبــــــــــــــــــــــــــــــــــــــــــــع*

*#قلوب_تائهه 《21》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
اذان الصبح اذن…
امجد اتوضا ونزل مشا الجامع واخوهو وابوهو لحقوهو..
عبدالرحيم صحا مرتو وبناتو واتوضي مشا الجامع..
عبدالفتاح اتوضا ونزل لقى وليد منتظرو رسل وليد عشان يصحي انس الكسلان..
فهد نفس الشي اتوضا واتحرك علي الجامع…

*جزر المالديف..*
منتجع انانتارا السياحي..عامل السيرفس روم وصلهم غرفتهم ودخل ليهم الشنط واتمني ليهم ليلة سعيدة وطلع..وقف قصادها ومسك يدينها الاتنين عاين ليها مساااافة بعداك لاحظ لبرودة يدينها
رامي: م قادر اصدق انك بقيتي معاي
شهد ابتسمت وهي ساكتة
باس راسها وقال: استحمي لحدي ما اطلب اكل
شهد حركت راسها نظام طيب ومشت علي شنطة هدومها شالت حاجاتها ودخلت الحمام هو واقف مراقبها لحدي ما قفلت باب الحمام اتنهد براااحة ومشا علي التلفون الثابت عشان يطلب…
شهد متوترة شديد وفرحانة في نفس الوقت عارفين الفرحة البتخلي جسمنا بااارد ديك بس هي حاسة بيها..دا رامي البتتمناهو من زمااان بقى ليها..استحمت ولبست اكتر بجامة محترمة عندها وكانت ستان سودا لحدي نص الساق واكمامها ربع كم، فكت شعرها الواصل لحدي حنكها رجعتو ورا اضانها الشمال واتريحت وطلعت.. لقتو بخت في الشوك والمعالق"ملاعق"ابتسمت،هو لمن حسا بحركتها اتلفت وعمل كدا😳 عاين ليها من فوق من شعرها الكاريه وعيونها البترفعها وتنزلها بتوتر من نظراتو وبجامتها السودا المظهرة جمال لونها ومع الحنة كانت عذااااب..اتقدم خطوتين بقى قدامها، رامي: انتي ليه حلوة كدا؟
بلعت ريقها وهي خاتة يدها ورا اضانها الشمال قرب عليها وختا يدو في يدها عاينت ليهو
قال بحالمية وهو بعاين في عيونها: في زول قبل كدا قال ليك اني بحب الشعر القصير؟
شهد ضحكت: وعد ورتني عشان كدا قصيتو
ضحك وعاين ليها
شهد وهي بتوزع نظرها بين عيونو الاتنين: حلو؟!
رامي: تؤ..همس.. يجنن
ابتسمت بخجل
رامي وهو مبتسم علي خجلها: نحنا كدا م ح نخلص.. ارح ناكل لأنو ميييت من الجوع
مسك يدها ومشا بيها علي التربيزة الفيها الاكل قعدو اكلها لقمة وهو اكل لقمة بعدها بقت تاكل براها وهو بعاين ليها
شهد ببحة خجل:بالطريقة دي م ح اقدر اكل
رامي: م قادر اشيل عيني عنك
شهد اتنحنحت بخجل ونزلت راسها ، ضحك لمن لقى وشها بقا احمر بالخجل رجع ياكل المرة دي هي الراقبتو
رامي: م تعايني لي عشان م اقوم اكلك
ضحكت ونزلت عيونها بخوف
بعد اكلو والوقت كلو رامي بتغزل فيها والاخت بقت طمامة مشو نااامو..

*السودان…*
*الساعة 8:30ص*
ألين: ادخل

دخلت الشغالة: ألين ماما زينب ينادي انت تهت
ألين: طيب
الشغالة طلعت ألين اتنهدت بحزن لبست شبشبها عاينت لروحها في المراية لقا عيونها واقعييين مشت غسلت وشها ونزلت لأمها لقت امجد في السلم طالع علي جناحو
امجد ربت علي

راسها:صباحو ي جن
وكان مستعجل بس وقف لمن لاحظ شكلها
امجد: ي بت مالك؟
ألين: يسعد صباحك
امجد: خلي صباحي..انتي مالك؟
ألين: مالي؟
امجد وهو بدقق النظر في وشها: م علي بعضك
ألين غمضت عيونها وفتحتهم ببطي: م فيني شي بس تعبانة شوية
امجد: امبارم نمتي؟

ألين ارتبكت طبعا م نامت وهو عارف انو اختو زيو لمن تكون متضايقة م بتقدر تنوم،ألين: يب نمتا
امجد: طيب ليه م مشيتي الجامعة؟
ألين ختت يدها اليمين في عيونها: حاسة روحي عيانة م بفدر امشي
امجد ختا يدو في جبهتها:ليه مالك؟اوديك المستشفي؟
ألين: لا لا لا م بحتاح I'm ok
امجد: شكلك م اوكي نهائي
ألين ك تغير للموضوع:ماشي وين قاشر كدا؟
امجد عاين لنفسو: هسي انا قاشر؟
ألين: يب😀
امجد: ماشي الجامعة ي ستي
ألين: ايوااا
امجد: اي.. ولو حسيتي بأي شي امشي المستشفي مع امي ولا دقي لي بجي بوديك
ألين: انا كويسة م تخاف
امجد: زابط
وقرصها في خدها وطلع وهي نزلت لأمها.. امجد شال حاجاتو الكان ناسيها ونزل مشا ركب عربيتو وفحط بيها للجامعة.. اما ألين ف امها استلمتها اسئلة ليه م مشت الجامعة وكدا ألين بصعوووبة قدرت تقفل الموضوع وطلعت غرفتها..

امجد وصل الجامعة بركن العربية وداخل كدا لاقاهو ولد وقف ليهو في وشو امجد اتأفأف بزهج
الود: مالك بتتزهج
امجد: مهيب اختفي من قدامي م ناقصك انا
مهيب قرب لامجد: ولو ابيت؟
امجد: تدقا بس
ومسكو من ليقاتو ياسر جا جاري
ياسر: امجد استغفر ربك
فكاهو منو
مهيب بصلح في ليقاتو وحادر لامجد وامجد بعاين ليهو بغيييظ
ياسر: مهيب امشي ياخ م ناقصين مشاكل مع الصباح
مهيب: المرة دي خليتك عشان صحبك لكين بنتلاقا
امجد باستهزاء: خليتني؟لا عليك الله تعال اهبشني لو بتقدر
مهيب: انت لو راجل بتلاقيني برا الجامعة
ياسر: مهيييب م تخليك زول مشاكل كدا يااخ

امجد: ارح هسي برا
ياسر: امجد م تشتغل بيهو
مهيب: زابط نتلاقى في الميدان قدام محل الشيشة
ياسر: مهيب اتلما
امجد: طوااالي اساسا انا مشتهى ادق لي زول
ياسر: امجد ي مان ابرد
مهيب: تدق منو؟
امجد: انت
مهيب: زااابط بس ابقى قدر كلامك دا وتعال الساعة 3
امجد: بجي من 2 عشان زاتو اشرب لي شيشة زااابطة كدا
ياسر: مهيب امشي عليك الله
"ياسر انا شايفة انك احسن تسكت م شغالين بيك هم😂"
مهيب باستفزاز: والله ما شاءالله طلعتا بتعرف الشيشة بس اهم شي بتعرف تشيش؟
امجد ببرود: اعلمك كمان
ياسر: مهيب وامجد بطلو
مهيب: حلو نتلاقى
امجد اشر ليهو براسو نظام اوكيه
مهيب مشا وامجد ابتسامتو الكان راسمها اثناء ما بتكلم مع مهيب بدت تختفي تدريجيا..
ياسر: امجد متين ح تبطل شكل انت؟
"هسي دي شكلة؟ انا بعرف ناس لمن يتشاكلو م بتشوف شي غير الغبار🐸"
امجد: الود دا اتمادي وداير ليهو زول يوقفو عند حدو
ياسر وهو بمشي ورا امجد:م تشتغل بيهو
امجد سكت وياسر نفس الشي دخلو القاعة ومشو للبنش الورا اسيل كانت قاعدة فيهو
امجد: سلام
اسيل ختت تلفونها:اهليييييين
سلمت عليهو وهو قعد سلمت علي ياسر وقعدو
عاينت لامجد: مالك؟
امجد: مف شي
ياسر اتنهد عارف حال صحبو ومهيب جا تماها ليهو.. جات نوشة الامبارح متذكرينها؟ ومعاها بت سلمو وبقو يتونسو اسيل وياسر اندمجو في الونسة
اسيل عاينت لأمجد الساكت لقتو مدنقر راسو وبعاين ل يدينو التحت البنش عاينت في يدو لقتو بطلع خاتم الفضة الفي يدو الشمال وبلبسو..مدت يدها مسكت يدو عاين ليها
اسيل: في شنو؟
امجد: مف شي
اسيل: علي فكرة ظاهر انك م علي بعضك
امجد: مف شي ياخ
عاينت ليهو مساااافة بعدها قالت: امجد م ترتق نفسك بالتفكير في حاجات م ليك يد فيها استرخي وم تعاقب نفسك بالتفكير الكتير
عاين ليها كانت بتتكلم كأنها عارفة مشكلتو ي جماعة اسيل دي بتفهمو وبتعرف تحل ليهو مشاكلو بس مشكلتو دي م ح تقدر تحلها لأنها طرف فيها، اتنهد وهو متمني لو كانت لسا صحبتو كان حكا ليها واستشارها ابتسم ليها وهو بمسك يدها البين يدينو قوي ختا راسو في البنش وغمض عيونو بتعب مصدع وزهجان وقرفان اسيل رجعت تتونس ويدها بين يدين امجد…
دانة قاعدة جنب امها وبتعاين للتلفزيون بس عقلها في حتة تانية...

انس: فهد احتمال تكون ألين ورتها
فهد وهو بلف بالعربية:م ظنيت هي مش قالت ليك اعترف ليها براك؟
انس: اي
فهد وهو بعاين للطريق وراهو: طيب اعترف وخلاص
انس: م عارف ولو رفضتني؟
فهد: م ظنيت ترفض
انس: ولو رفضت
فهد ضحك و قال وهو ببركن: يبقى م ليك في الطيب نصيب ويلا انزل
انس ي داب ركز انو هم قدام جامعة..
انس: ح تسجل لدانة هنا؟
فهد نزل وقفل الباب: yaa
انس نزل برضو: كان تسجل ليها مع شهد
فهد: لا لا احسن ليها دي قريبة من البيت
انس: امممم.. فهم برضو
ودخلو عشان يسجلو..

ران في جامعتها ماسكة ليها باقة بارد وبتفكر في ألين مالا الايام دي اتغيرت معاها شديد.. شالت تلفونها اترددت كتير قبل ما تدوس زر الاتصال ختت التلفون في اضانها وهي بتسمع في الجرس..

بالجهة التانية اتنهدت بضيق لمن شافت اسم المتصل "راني♥️😛" ختتو وبقت تعاين ليهو لحدي الخط فصل.. ران نزلت التلفون بحزن شالت جغمة وقفلت البارد وقفت علي حيلها شالت شنطتنها ومشت علي قاعتها..

امجد فتح عيونو علي صوت المحاضر عقد حواجبو وهو مستغرب وتدريجيا استجمع انو في الجامعة وتحديد في القاعة حسا بحاجة تحت راسو رفع راسو عاين ليها لقاها شنطة ضهر بتاعة جلد صغيرة كدا ومن لونها النود ظاهر انها بتاعة بت ومن ريحة عطر اسيل الماسك فيها واضح انها بتاعة اسيل ،ابتسم علي حنية قلبها فتشها بعيونو في القاعة م لقاها ولا لقى ياسر طلع تلفونو وهو متسغرب روحو نام في الجامعة؟ وفي القاعة كمان غريييبة ليهو 3ليالي برقد في سريرو وم بقدر ينوم هسي يجي ينوم في البنش؟!! دقا لياسر بعدها قفل لمن لاحظ انو م ح يقدر يتكلم عشان الدكتور قفل ورسل ليهو رسالة مضمونها"وين انتو؟!"
انتظر مسافة م جاهو الرد عاين لشنطة اسيل ابتسم وهو بستعدلها عموديا قدامو..

اسيل: انت ليه م عايز تفهم انا م عندي ليك حاجة
الود: اسيل اسمعيني انتي م بتعرفيتي خلينا نتعرف بس
اسيل: لا شكرا م عايزة اتعرف عليك بعدين كفاية البعرفو من مشاكلك مع امجد
مهيب: يعني انتي هسي م عايزة تتعرفي علي عشان امجد؟
اسيل: م عايزة اتعرف عليك عشان م عايزة اتعرف وبس
مهيب: انتي وامجد مربطين؟
اسيل اتوترت امجد محزرها انو م عايز الجامعة كلها تعرف انهم كبلز
اسيل: لا
عايزة تمشي كدا
مهيب: اسيل حرام عليك انا بحبك بالجد وشاريك
اسيل قلبت عيونها:مهيب م تبقى بتاع درامات انا وانت م بننفع لبعض

مهيب: انتي بس اديني فرصة واوعدك ح ننفع
اسيل اتنهدت وهي بتعاين لتلفونها وهو بضرب قالت:مهيب الكلام البتقول فيهو دا م ينفع
ومشت خلتو
مهيب وهو بعاين ليها ماشة:امجد دا انا كان ما طيرتو من الجامعة دي البت دي م ح تعاين لي
"ترتتتتااااا مهيب بحب اسيل واسيل بتحب امجد وامجد بحب دانة شفتوكيف؟😇"
اسيل ردت بتوتر: الو
امجد: اي وين انتو؟
اسيل اتلفتت وراها شافت مهيب رجع قعد جنب اصاحبو عاينت حولينها بتوتر وقالت: المحاضرة خلصت؟
امجد استغرب بترد علي سؤالو بسؤال: اي خلصت وياسر م برد
اسيل: طيب انا قربتا للقاعة
امجد: قدام
قفلت واتحركت بسرعة للقاعة ،امجد رجع دقا لياسر وم ردا اسيل جاتو قعدت جنبو
امجد: وين كنتي؟
اسيل:ااا..مع البرالمة
امجد سكت وهي سكتت بتفكر في مهيب ال ليهو حكاية بتاعة 3 شهور جاري وراها عاينت لأمجد لقتو بوصل في السماعة اتخيلت لو عرف انو مهيب بحبها اتنهدت بصوت عالي وهي بتتخيل ردت فعلو
امجد عاين ليها: مالك؟
اسيل: مف شي متنشنة حبتين
امجد وقف الغنية: ليه؟ من شنو؟
اسيل: م من شي بس في ملل
امجد: الملل حااصل
جاهم ياسر وهو شايل فطيرة وتلاتة باقات بارد ادهم البارد وقعد
امجد: م بترد مالك انت؟
ياسر وهو بياكل: كنت في الكفتريا
امجد فتح البارد وشرب منو ..اسيل ساكتة وبتعاين لباردها ياسر ختا الفطيرة شال منها البارد فتحو ورجعو ليها ابتسمت ليهو ورجعت سرحت تاني…

جزر المالديف..
منتجع انانتارا.. قاعدة في البلكونة وبتعاين للبحر حست بيهو بخت القهوة قدامها وبقعد جنبها ختت راسها في صدرو وهو حاوط خصرها بيدو
رامي: شهدي
شهد: همممم
رامي: بحبك
شهد رفعت راسها: وانا بعد
رامي: الله الله خليجي كمان
شهد: توك م شفت شي
رامي قرب ليها باسها في خدها غمضت عيونها وهي بتحس بخشمو في رقبتها قرب لاضانها همس: وريني طيب
ابتسمت وفتحت عيونها وقربت منو ختت يدينها في صدرو باستو في جبينو وفي نخرتو وفي💋 وقف علي حيلو وشالها ودخل…


نسرين قاعدة في جناحها وسرحانة في موضوع ولادتها دا اتنهدت بحزن علي حالها..

وليد قاعد جنب امو
اميرة:ابوك كلم عمك عبدالرحيم
وليد: اها وعمي وافق؟
اميرة: قال ليهو ابشر بس يشوف راي العروسة
وليد اتوتر ي ربي ح توافق ولا ح ترفض رفع كبايتو وهو متمني انها توافق..
اسيل: امجد شوف ياسر دا ياااخ
ياسر حاكاها
امجد ضحك ليهم: ارح ارح
اسيل: ح توصلني؟ عربيتي سايقاها استبرق الليلة
امجد بعاين لساعتو: لو بتطلعي هسي بوصلك لو بتتأخري م بقدر عندي مشوار الساعة 2
ياسر: ح تمشي ليهو؟
امجد: طبعا
ياسر: انا شايف انو واحد عوير ساي مف داعي للمشاكل
اسيل: دا منو؟
امجد سكت
ياسر: مهيب
اسيل قلبها دقا بلعت ريقها:مالو؟
امجد: ح الاقيهو في محل الشيشة الورا الجامعة
اسيل: ليه؟
امجد بسخرية: اتونس معاهو
ياسر: امجد م تمشي ليهو
امجد: انت خايف ولا شنو؟
ياسر: م خايف بس الود دل بتاع مشاكل
امجد: انا زاتي بتاع مشاكل
اسيل: امجد م تمشي
ياسر: وريهو عليك الله
اسيل مسكت يد امجد:حبيبي بليز م تمشي
امجد عاين ليها ،اسيل:مهيب دا واحد م عندو حاجة يخسرها
امجد اتنهد، اسيل: عشاني م تمشي
امجد: طيب
اسيل: م ح تمشي؟
امجد: اي
اسيل: ييييي
امجد: ارح اوصلك
اسيل: كويس انا زاتي عايزاك في موضوع

امجد: اسيل كم مرة قلنا مف مواضيع بينا؟
ياسر: م حنك امشو
امجد:زابط ..يلا
اسيل: باااي
ياسر مراقبهم لحدي م طلعو رفع ليهم يدو وهو مستغرب انو امجد وافق كدا كيف؟…
سوري علي الاخطاء الاملائية😴🖤
--------------------------------------
---------------------
*يتبــــــــــــــــــــــــــــــــــــــــــــع*

*#قلوب_تائهه 《22》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
فهد جا داخل بيتهم سلم علي امو وحبوبتو ووراهم انو سجل لدانة وكدا
فهد: وين دانة
عبير: طلعت غرفتها
فهد: كويس اقوم اوريها
عبير: طيب
طلع ليها دقا الباب جاهو صوتها:اتفضل
ابتسم ودخل
دانة: هلا بالغلا
ابتسم وهو بقول: انتي الغلا
قعد وقعدت قصادو
فهد: سجلتا ليك في الجامعة والحمدلله وافقو تواصلي من سمستر فور
دانة بفرحة: كويس م ح اضطرا اعيد
فهد ضحك: اي م ح تعيدي المهم جهزي نفسك ح تنزلي الاسبوع الجاي
دانة: ليه سريع كدا؟
فهد: الناس بدو من الاسبوع الفات لكين قلتا ليهم يخلوك للاسبوع الجاي
دانة اتنهدت: اووكيه
فهد: يلا اخليك عشان تجهزي نفسك
دانة: شكلي الا انزل السوق
فهد: تمام شوفي نفسك عايزة تمشي متين وانا بوديك
دانة قربت عليهو ختت يدها في راسو: انت محموم ي بيبي؟
فهد ضحك: بيبي في عينك بلس اصلا الزول م يعمل نفسو مسؤل معاك
ضحكت وهي بتقول: حاسة نفسك مكان البابا وكدا
فهد:بالضبط كدا
دانة ضحكت وقف: هوي انا نعسان
دانة ابتسمت: طيب
مشا وصل باب الغرفة وتاني جا راجع: اسمعيني
دانة كانت ماشة علي سريرها اتلفتت عليهو: هااا
فهد: عيد ميلاد امجد بعد بكرة وانا مفكر نعمل ليهو حاجة كدا كلمتا انس واقترح انو نعملها في المزرعة
دانة فرحت: اي ممكن
فهد: طيب بعدين كدا بعمل قروب عشان نزبط فيهو الامور
دانة: طيب حلو
"فهد دا حاجة في منتهى الرهااااابة😴"
طلع وهي نست موضوع الجامعة نطت بفرح ومشت علي دولابها طلعت علبة الساعة الرولكس متذكرينها؟ ابتسمت وهي بتفكر تديها ليهوو يوم عيدميلادو..

ران رجعت البيت غيرت هدومها ونامت ووعد الليلة م كان عندها جامعة راقدة وبتقرا في كتاب"شهيا كفراق"لاحلام مستغانمي..

انس ناس الشركة الادوية دقو ليهو وورهو انهم قبلوهو وممكن ينزل شغل من الاحد الجاي..

امجد وصل اسيل وراجع علي الجامعة ماشي لمهيب..مستحيل يخليهو خصوصا انو استفزاهو غير مهيب اسيل عكرت ليهو دمو بكلامها القالتو في موضوع عيد ميلادو.. وصل مكان الشيشة نزل وهو عاقد حواجبو وزهجان مهيب كان بشيش اول ما شافو ابتسم اخد ليهو نفس وطلعو وجا علي امجد الكان واصل اخرو وجايهو زول دق بس.. مهيب وقف قدام وهو شايل سكينة متوسطة امجد لمن شافها رفع ليهو حواجبو وابتسم بسخرية
مهيب رفعها وقال: بتعرف دا شنو؟دا اسمو سونكي.. طبعا اولاد ميكي الزيك ديل م بعرفوهو
امجد ضحك لمن بقى يكح بعدا مدا يدو لوراهو وسحب من نصو سكينة كبيرة مرسوم فيها بالاسود وطرفها مشرشر..
مسحها بيدو التانية وقال ببرود: دا اسمو سونكي اما الماسكها في يدك دي مطوة صغنونة
"سدمتني ي امجد طلعتا بتشيل سونكي وبتاع مشاكل.. سدمة سدمة🙉"
مهيب اتغاظ منو
امجد: لكين طبعا مراعاة لحالتك دي.. جدع السونكي بعيد.. م ح احتاج ليها اساسا مهيب جدع حقتو وعاين لامجد وقال: انت اخرك بوكس في وشك
امجد بووووم اداهو بكوس في نص وشو لمن مهيب بقى يغمض ويفتح
امجد نعس عيونو: زي دا؟
مهيب جا علي امجد بغضب وبقو يتدقو.. الجنبة دي كلها وقفت بس مف واحد فيهم بقدر يتدخل لأنو مهيب خطير وامجد اخطر منو....ياسر وقف عربيتو ونزل خلا الباب فاتح وهو بعاين لامجد ومهيب البتشاكلو جرا عليهم وبقا يحجزهم وهم مواصلين وياسر المسكين مرة يجيو بوكس طاير ومرة كف😂 غايتو بطلاع رووووح قدر يفكهم من بعض امجد ضرب مهيب شلوت في بطنو لمن مهيب دنقر "شرير🙊"

امجد وهو بحاول يفك من ياسر: قوم مالك وقفتا.. ارح تعال
مهيب رفع راسو وكان جاي علي امجد بس امجد ضربو ..ياسر بجر في امجد وامجد حاالف كان يتحرك مهيب قام جا جاري وضرب امجد في نخرتو بكوعو وامجد ضربو في نخرتو الاتنين بدو يرعفو.. صاحب مهيب جا
ياسر: احمد لم صحبك دا عليك الله
احمد: هم مالهم هسي؟
ياسر: م عارف..امسك مهيب بس
امجد مسح الدم التحت نخرتو بيدو الشمال وقال:ارح لسا م انتهينا
ياسر كورك: امجد خلاص
مهيب ساكت ونفسو قايم من الزعل وبعاين لامجد
امجد: ارح ارح
مهيب فكا من احمد وجاي عليهو كدا احمد مسكو
احمد: امجد اقصر الشر
مهيب نتق من احمد وكورك:م انتهينا لسا
امجد بمسح في الدم بيدينو الاتنين والدم بجري اكتر
ياسر لزاهو علي العربية واحمد ماسك مهيب امجد كان بمشي خطوة وبتلفت هبي مهيز تاني يمشي خطوة ويتلفت بغيييظ..وقف
ياسر لزاهو: اتحرك
امجد: عايز اشيل السونكي بتاعي مالك؟
ياسر رفعو ليهو: اها امسك
امجد شالو ومشو علي امجد مهيب واحمد رجعو كراسيهم واحمد جاب ليهو موية يغسل الدم..
ونفس الي امجد واقف ومتكل علي كبوت العربية وياسر ماسك ليهو باقة الموية عشان يغسل ..بعد انتهي ركبو وياسر كان سايق وداهو قدام باب الجامعة وكانو ساكتين الاتنين
ياسر: امجد دا شنو البتعمل فيهو دا؟
امجد: ياسر م طايقك انت كمان
ياسر: البتعمل فيهو دا غلط
ونزل خلاهو ..امجد اتحول كرسي السواق من غير م ينزل ودور عربيتو وفحط بيها بصورة مبينة انو متعصب ياسر اتنهد وهو مراقب عربية صحبو..

جا داخل جناهو لقى نسرين طالعة من الحمام وخاتة بشكير في راسها.. اول ما شافتو ابتسمت وجات عليهو
باسها في راسها، نسرين:كيفك؟
احمد: كويس انتي كيف قيلتي؟
نسرين:بخيييير.. جعان اخت ليك الغدا؟
احمد: خليهو الغدا انا عايز اتكلم معاك
نسرين عرفتو عايز يسألها كانت مالا ايام العرس
اتنهدت وقعدت في الكنبة قعد قدامها في التربيزة وختا تلفونو ومفاتيحو عاين ليها: مالك الايام دي؟
نسرين: مالي؟
احمد: نسرين انا منو؟
نسرين: احمد
احمد: احمد البحبك والبفهمك صح؟
نسرين حركت ليهو راسها نظام اي
احمد: اها طيب مالك انتي؟
سكتت
احمد مسك يدينها وقال بحنية: وريني مالك؟
دنقرت راسها: مف شي كل الموضوا كنتا تعبانة ايام العرس بس هسي تمام
احمد رفع ليها راسها: عايني لي في عيوني
عاينت ليهو ودموعها خانتها جرت وهي بتعاين ليهو عقد حواجبو باستغراب:نسرين؟في زول مضايقك؟
حركت ليهو راسها نظام لا لا
احمد: اها طيب مالك؟
حضنتو وهي بتبكي موجوووعة بالجد وحاسة بالعجز انها م قادرة تجيب منو طفل بشبهو كدا
اتنهد وهو بحاوطها بيدينو:هششش
بكت زيييين، زحاها براحة وهمس:حبيبي في شنو؟
نسرين: في انو انا نفسي ابقى ام نفسي اجيب بيبي منك وشايل عيونك البحبها دي بيبي تلعب معاهو وتسكتو لمن يبكى
احمد: نسرين؟!
وقفت علي حيلها:تعبتا ..تعبتا من كلام الناس تعبتا من احساس العجز والنقص المداهمني 24 ساعة واحساس الذنب حاسة نفسي مقصرة في حقك
وقف علي حيلو: نسرين استغفري
دنقررت راسها وانهارت:نفسي في بيبي ي احمد نفسي فيهو
سحبها لحضنو: هششش..ان شاء الله ح تحملي وتجيبي بدل البيبي اتنين وتلاتة
زحاها ومسح دموعها وهو بقول: نحنا ي داب تمينا سنتين واكيد ربنا م ح يحرمنا من الخلفة بس نحنا لازم نصبر.. ثم ثانيا كلام الناس دا اخر همي وم قعد اشتغل بيهو الناس عمرهم م ح يسكتو حتي لو جبتي بيبي ح يقولو ليك خاويهو ولمن تجيبي ليهو اخو لو جا ولد ح يقولو ليك م بتجيبي بنات والعكس صحيح ..الناس عمرهم م ح يسكتو
نسرين: خليك من الناس انت م نفسك تبقى ابو؟م نفسك في ولد يشيل اسمك او بت تدلعها؟
احمد ختا يدو في خدهاوقرب وشو عليها:نفسي في دا كلو بس منك انتي ولو م منك م عايزهم نسرين والله والله ح تفرج بس انتي اصبري
دمعتها نزلت وهي بتوزع نظرها بين عيونو الاتنين:احمد انا بحبك شديد وم عايزة احرمك من احساس الابوة
احمد:حبيبي الحاجة دي م في يدك.. ياخ بطلي بكا في حاجات في رب العالمين وبعدين انا معاك عارفة يعني شنو اني ساندك وفاهمك وم ح اسمح لحاجة تبكيك؟
حضنتو وهي بتبكي: ربنا يخليك لي
احمد: ويخليك ي بكاية.. انا لو عارفك مدلعة كدا م كان عرستك غشيتوني والله
ضحكت بين دموعها وضربتو في صدرو
احمد: بغض النظر عن الضربة الحارة دي ايوة كدا م عايز اشوف دمعتك
نسرين: بالجد وجعتك؟
احمد ضحك: بهظر بهظر اصلا م حسيت بيها
نسرين حضنتو: مستهبل
احمد زحاها وبعاين في عيونها: المستهبل دا بحبك
نسرين: وانا بعد
باسها بين حواجبها مساااااافة وبقى يعاين ليها في عيونها ،احمد: نسرين
نسرين وهي بتعاين في عيونو: ي روحها
احمد: طيري اعملي الغدا

اتخلعت
احمد: يلا يلا انتي ح تصاحبيني ي بت ولا شنو؟
نسرين ضحكت بخلعة
احمد: اطلع من الحمام القى الغدا قدامي سامعة ي بت انتي؟
نسرين: بت؟
احمد: يب
واتلفت ماشي علي الحمام كدا
نسرين بدلع: بس انا م بت انا مرا
وقف واتلفت عليها غمزت ليهو وعضت شفتها ضحك وجاي عليها كدا جرت طلعت من الغرفة
ضحك وهو بقول بصوت عالي عشان تسمعو: كويس ي نسرين ي بت عبدالفتاح
نزلت وهي بتضحك بالجد غير مودها همست: ربنا يديمك لي
واتجهت للمطبخ وقبل تدخل شافت امجد كاي داخل والتي شيرت بتاعو مليان دم شهقت بخوف ومشت عليهو هو كان مدنقر راسو رفعو لمن سمع شهقتها
نسرين: امجد!! دا شنو دا؟
امجد ضحك: صراحةً..اتشاكلت لي مع واحد
نسرين: استغفر الله وكمان بتضحك؟تعال تعال
امجد; وين؟
نسرين: اغسل ليك الدم الفي نخرتك دا واعمل ليك عصير تشربو
امجد: نسو م بحتاج والله بعدين طالع استحما قبل الحجة م تشوفني وتعمل لي موضوع
نسرين: ي ود لكين
امجد: م لكين م عايز حاجة وتسلمي
واتحرك بخطوات سريعة علي السلم نسرين اتنهدت ودخلت المطبخ اول شي عملت ليمون بالنعناع رسلتو لامجد مع الشغالة بعدها رصت الغدا وشالتو لاحمد…
امجد استحما وغسل شعرو عشان الرعاف يقيف نهائي.. لبس برمودا لونها بني مايل للبيج وطلع لقى الشغالة بتخت في العصير في التربيزة اتلفتت عليهو:ماما نسرين قال هق انت تشربو
امجد ابتسم علي نسرين:تمام..

احمد ي المسافة دي كان طلع من الحمام واتغدا ونسرين جنبو شغالة بتلفونها مشا عليها برااحة وشالها
احمد: قلتي لي انتي شنو؟
نسرين: انا؟ انا شنو؟
احمد وبرقق صوت عشان يحاكيها:انا م بت انا مرا
نسرين ضحكت: دا منو القال كدا؟متين دا؟
احمد ضحك وهو بقول:تعال اوريك متين
ومشا بيها علي السرير🙉..

*جزر المالديف..*
منتجع انانتارا..رامي واقف قدام باب الغرفة وبصلح في اكمام قميصو
شهد جات:I'm ready "انا جاهزة"
رامي عاين ليها مساافة كانت لابسة جيب شورت زيتي غااامق وبلوزة بيج سادة شاكاها وطرحة بيج لافاها بطريقة رروووعة قرب عليها وقال: مالك حلوة كدا؟وكمان مطقمة معاي
شهد: مش حلالي اطقم زي ما انا عايزة
قربت عليهو لفت يدينها حولين رقبتو وقالت بدلع:بحققي
رامي بخلعة: حلالي وبحقي؟ليلتك مش هتعدي ي شهد
ضحكن بغنج لمن شالها واتجه علي الغرفة..



الوقت عدا..
بعد العشا...ألين قاعدة في غرفتها وماسكة تلفونها طبعا من جات من عرس رامي وهي شبه منطوية في غرفتها والجامعة م مشت عشان م تشوف ران مع انها م عندها ذنب بس ألين حاسة انها م ح تقدر تتعامل معاها عادي...جاتها رسالة بتاعة"تمت اضافتك" دخلت لقت القروب اسمو "عيد ميلاد امجد" فيهو الشباب كلهم عدا امجد وفي رقم ادمن عرفتو فهد من صورتو الفي البرو
فهد رسل"ي شباب بعد بكرة عيد ميلاد امجد رايكم شنو نعمل ليهو سبرايز؟"
انس"ي جماعة امجد ليه م ضفتو ياخ؟"
ران"ها ها ها ظريف شديد"
انس"😍😍"
"انا م بقدر اقعد في قروب امجد م فيهو"
فهد"ي جماعة ركزو في الموضوع المهم🙄"
احمد"انا وين؟"
"ايوة ي فهد فكرة ظريفة"
انس"ي تضيفو امجد ي طلعوني من القروب دا"
نسرين"ولد اقعد عاقل😒"
انس"اوووو نسو يااا"
" الشوق ي حقتي"
احمد"احم احم الشوق ي شنو؟👊🏻"
انس"حقتي مالك مش اختي؟"
احمد"اختك دي مرتي😌"
نسرين"😂😂"
انس"متكيفة صح؟"
نسرين"صح😂"
فهد"ي جماعة ركزو معاي🤦🏻‍♂️"
احمد"اها اها"
فهد"فكرنا نعملو ليهو في المزرعة "
احمد"حلو"
انس"ومنها ناخد كم يوم هناك"
نسرين"اها التجهيزات ح تكون كيف؟"
فهد" م عايزين حاجات كتيرة يعني التورتة وشاي او قهوة بكون زبوطة"
انس"زبوطة؟"
"انت متأكد انك كنت قاعد ف دبي؟"
فهد"😒"
"انس بشوتك برا"
وليد ي داب ظهر"سلام عليكم"
"فكرة جميلة ي فهد انا برحب بيها جدا"
انس"هو دا مالو دا بتكلم كدا؟"
احمد"😂😂"
فهد"😂😂"
نسرين"😂😂"
انس"تعوووم🙃"
فهد"اها نرجع لموضوعنا"
نسرين"تمام ي فهد انا بعمل الكيكة والقهوة وبسوق البنات نمش من الصباح نجهز"
احمد"يسلم لي الحلو♥️🙂"
نسرين"🙈"
انس"اها قامو لقلة الادب"
وليد"انس اقعد عاقل🙄"
فهد"دي المرة الكم يقولو ليك اقعد عاقل؟"
احمد"ممكن نعملو في السطوح بتاع المزرعة بكون احلي"
فهد"اي ممكن"
نسرين"تمام م عندكم مشكلة"
"وعد دانة ألين ران تعالو هنا"
ألين" اي جنبك"
نسرين"بعد بكرة من الصباح حنمشي المزرعة"
ران"اوكييه اساسا نحنا اوف"
قصدها هي وألين
وعد"بس انا عندي محاضرات الصباح"
انس"دكيها"
وعد"😒😒"
فهد"طيب ممكن تمشو بعد الضهر"
نسرين"نعمل الحاجات هنا ونشيلهم"
احمد"حيث كدا طيب نمشي كلنا"
انس"حلوووو"
ران"اوكيه"
نسرين"تمام"
فهد"اها طيب وح نهديهو شنو؟!"
وليد"اي زول يجيب البلقاهو مناسب"

فهد"لا لا ياخ عايزين نهديهو حاجة كبيرة يعني حاجة تفضل معاهو عمرو كلو"
احمد"اقبض"
"الموضوع دخل الحوش بعد دا هدية كبيرة.. انس في شنو حاصل بورانا"
انس" عارف والله انا زاتي،شكلو عشان ادهو الفرسة"
فهد"م كدا بس امجد دا عزيز"
نسرين"اي والله".
فهد" اها ح نديهو شنو؟"
ران"عربية"
فهد"انا قلتا كبيرة لكين م للدرجة دي"
ران"😆😆😆"
انس"منطاط🐸"
فهد"انس😒"
وليد"موتر"
فهد"وليد😒"
ران"ركشة😂"
فهد"ي جماعة خليكم جادين شوية"
احمد"شقة🌚"
فهد"حتي انت؟😒"
ألين"انا عندي فكرة"
فهد"اها"
ألين"حصان😅"
فهد"اللهم لا اعتراض في حكمك"
دانة من جبيل بتقرا في رسايلهم ي داب كتبت"جيتار"
فهد"تصدقي فكرة؟"
ران"لا ي شيخ"
احمد"اي ممكن لأنو كان بعزف"
دانة"وهسي ليه وقف؟"
احمد"الجيتار بتاعو اتكسر وم اشترى واحد غيرو"
فهد"طيب ممكن نجيبو هسي"
وليد"ح تلقي في يومين؟"
فهد"اي مف في السوق ولا شنو؟!"
انس"انا عندي صحبي بعرف ليهو واحد ببيع ادوات موسيقية" فهد"حلو طيب بكرة من الصباح نمشي عليهو"
احمد"حلووو"
"مرو علي في الشركة قبل تمشو"
فهد"قدااام"

امجد بالتفلون:لا ي اسيل
اسيل:امجد مالك انت في شنو؟
امجد: مستحيل.. يعني ح اقول ل ياسر معليش ياخ بس اسيل عازماني عشا براي بمناسبة عيد ميلادي؟
اسيل: امجد ولو مرة خليني احتفل معاك برانا
امجد: طيب هسي برانا انا وانتي وياسر
اسيل: كدا برانا؟
اسيل: ليه محسساني انو ياسر دا غريب دا صاحبنا..تالتنا ي اسيل
اسيل: هو صاحبنا وانا حبيبتك عايزة شوية وقت معاك برانا
"تافهة قليلة رباية🐸👋🏻"
امجد: اسيل ح نمشي انا وانتي وياسر وم عايز كلام في الموضوع دا
اسيل: طيب ي امجد امشو انت وهو وانا م عايزة
امجد: م هو م علي كيفك
اسيل: ح تغصبني يعني؟
امجد: لا م ح اغصبك بس انتي ح تمشي..عشاني انا
اسيل اتنهدت وقفلت الخط في وشو اتنهد بزهج ورما التلفون..

وديل بجاي لسا بخططو للسبرايز
فهد"في مشكلة"
احمد"الي هيا؟!"
انس"شنووو؟!"
فهد"الح يجيب امجد لحدي المزرعة من غير يشك في الموضوع شنو؟!"
انس"صحي🧐"
احمد"خلوها علي"
فهد"sure?"
احمد"sure"
انس"ح تجيبو كيف؟"
"اخوك دا راسو قوي الا توريهو الرصة"
احمد"ي مان عيييب عليك خليها علي بس"
انس"سمح"
"الله يكضب الشينة"
احمد"؟؟؟؟؟"
فهد"دا شنو دا هسي؟"
انس"م عارف سمعتا امي جبيل بتقولها قلتا ادخلها في جملة مفيدة🤷🏻‍♂️"
نسرين"يلا دا م محلها😁"
الكل"😂😂😂😂😂"
اتفقو علي التجهيزات كلها بعدها طلعو.. فهد فتح ليهو فلم في اليوتيوب وبقا يحضر..

امكد زي الساعة 12 كدل حسا روحو نعسان م صدق قفل تلفونو وختاهو في الكومودينة وناااام لأنو خايف لو قام ختاهو في الشاحن النومة تطير😅..
--------------------------------------
---------------------
*يتبــــــــــــــــــــــــــــــــــــــــــــع*

*#قلوب_تائهه 《23》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*فجر الاتنين…*
فهد كان بحضر في فيلم صلى ورقد نااام...دانة صحت صلت ورجعت نامت…ألين صلت وبقت تقرا..ران ووعد صلو ورجعو نامو…احمد مشا صلى ورجع صحا نسرين صلت ودخل الحمام عشان يجهز للشغل…
امجد صلى وجا فتح تلفونو م رجع نام لأنو عندو محاضرات بدري…

ومع شروق الشمس…عبداللّه واحمد طلعو شغلهم…ألين نزلت تشرب الشاي مع امها ونسرين...ران نايمة ووعد شربت الشاي واتحركت علي الجامعة…وليد مشا مع عبدالفتاح"ابوهو"الشركة... انس نااايم دانة حاسة بطاااقة جبارة وهي بتجهز في هدومها الحتلبسها بكرة… المهم عدا اليوم عاااادي مف جديد فهد وانس اشترو الجيتار فعلا…


*فجر الثلاثاء…*
امجد م قدر يصحا لأنو كان مساهر في الكورة..احمد صلى وطلع الشركة عندو كم شغلة كدا يخلصها وبعدها يجي عشان يمشو المزرعة…نسرين كلمت زينب بالموضوع وبدت تجهز في الحاجات لحدي م ألين صحت وبقت تساعدها...وعد مشت جامعتها عندها محاضرتين تخلصهم وترجع البيت بدري...دانة اول مرة من جات من دبي تدخل المطبخ ورت امها انهم عاملين طلعة شبابية وهي ح تعمل ليهم الكيك وفعلا عملت كيكة زبطتها بالشوكلاتة وعملت كريم كراميل في قوالب صغيرة كدا ودخلتهم التلاجة…

الوحدة ظهرا…
امجد ضرب ياسر في كتفو وهو بضحك
ياسر باستهبال:آآآآآإآي حرام عليك
امجد: يختي كميلة وجعتك؟
ياسر حرك راسو نظام اي
امجد بنهرة: ي ود انشف
ياسر: هيييييع💪🏻
امجد ضربو: ابششششر
اسيل بتعاين ليهم كدا😒
ياسر عاين ليها وقال: انت ي امجد مالك الليلة قالب خلقتك دي كدا؟
امجد فهمو وضحك: م عارغ والله
اسيل: عشان عوارتكم دي
ووقفت علي حيلها ماشة
امجد: قالت عوارتكم ولا انا بتخيل لي؟!
ياسر: قالتها ي صحبي انا زاتي سمعتها
اسيل: مشششششم
ياسر: خشمك دا بقع منك
امجد: وتاني م ح تلقي ليك خشم سمح زيو كدا
قلبت ليهم عيونها ومشت…

فهد: دانة يلاااااا
دانة: جيت جيت
فهد نزل وهو شايل الجيتار ختاهو في العربية ووقف جنب باب السواق دهل يدو بالشباك وضرب ليها بوري..جات نازلة وهي شايلة صينية الكيك ووراها الشغالة شايلة الكراميل ختتهم جنب الجيتار وركبت واتحركو..فهد عاين ليها وهي بتلبس في الحلق:طالعين قمرررر الليلة
ابتسمت ليهو بدله وهي بتلبس في حلقها التاني خلصت وقالت: كدا كيف؟
عاين ليها كانت لابسة جيب شورت طوبي غاااامق وبلوزة اوف وايت سادة شاكها وعاملة شعرها ضنب حصان وحلق كبير مثلث فيهو 3 سلاسل نازلة بنفس لون الجيب شورت والشبطة والباندة والطرحة بنفس لون البلوزة الطرحة بدرة خفيفة واصلا خاتها في كتفها وشعرها واصل لنهاية ضهرها
فهد صفر: قمر قمر..تعالي اخلطك ي بت
دانة ضحكت: معليش مرتبطة
فهد ضحك: بختوووو
ضحكت وضربتو في كتفو ضحك وهو مركز في السواقة...

نسرين في عربية احمد بتتكلم بالتلفون:تمام ي بيرو قربتا اصلك
احمد وهو مركز في الطريق:وصلت؟
نسرين: اي من امبارح الضهر
احمد: غريبة ناس بيتكم م وروك
نسرين: بري وانس زاتو بدل يوريني قاعد بتعاور
ألين في الكرسي الورا اتنهدت من سيرة انس الوجعت قلبها…وصلو فلة ناس عبدالفتاح لقو بيرو مستنياهم نسرين نزلت وحضنتها وهي بتقول:يخس عليك فوتي عرس شودي

بيرو بأسي: سووري بس عشان يدي م سمحو لي احجز
نسرين: انتي جيتي امبارح والعرس كان يوم الجمعة يعنب فرق ايام بس
بيرو: انتي عارفة الاجانب وحزهم في المواضيع دي
احمد نزل من العربية:ح نقيف كتير نحنا؟!
بيرو: ابو حميد
احمد سلم عليها وركبو اتفاجأت بألين قاعدة سلمت عليها وقالت: ألينوو مالك ي بت امي بقيتي كدا؟
ألين: عيانة والله الايامات دي
بيرو: سلااامتك يجميل
ألين: الله يسلمك
احمد دور العربية واتجهو للمزرعة…
بيرو"عبير" بت خالتهم لناس نسرين وشهد امها متوفية وحيدة ابوها متسقرين في كندا بس بتقرا الجامعة هنا قاعدة مع اهل امها في بحري كانت كاسرة يدها عشان كدا م قدرت تجي تحضر عرس شهد..عمرها 21 سنة قدو شهد بس عكسها مجنونة شديد ودي الحاجة الخلتها قريبة من ألين وران شديد، حلبية كدا وجسمها مايل للطول قوامها اعجب من عجيب يعني ضعيفة بس مملحة شوية شعرها لخصرها مشقراهو كلث وعاملة لانسيس رمادية يعني البشوفها يقول اجنبية خصوصا انها بتلبس بناطلين جينز وتيشيرات بس…

انس سايق وراكبة جنبو ران ومتلفتة علي الشباك وورا وعد ووليد طبعا انس اصرا الا يسوقهم هو"لاقين رامي ماف صح؟🐸👋🏻"
ران: شغل لينا اغاني يخ
انس مدا ليها الوصلة:طوااالي
ركبتها في تلفونها وشغلت غنية اجنبية
وعد كانت بتقرا في كتاب:ران وطي الصوت مف زول مغالطك
ران: نوووووو
انس ضحك طبعا متكيف انو ران جنبو
وليد عامل فيها شغال بتلفونو وهو عين في التلفون وعين في وعد…

خلال ساعتين الكل كان وصل المزرعة عبير سلمت عليهم
انس ضحك: وربي نسيتك
عبير: انت واحد حيوان وبس يعني
وليد ضحك
عبير: م تضحك انت التاني انا اقول ليكم ماشة معاكم تكشو تخلوني؟
وليد: كنتي نايمة لمن نحنا طلعنا
عبير: كان تصحوني
وليد: م حبينا نزعجك
دانة ضحكت: المهم انك هنا
عبير: اي احمدو ربكم اني معاكم
انس: لاااا لااا يااخ
ضحكو وبدو يجهز،الاولاد طلعو التربيزة الكبيرة فوق الكراسي اصلا كانت فوق بس رفعو المساند وكدا…

الرابعة عصرا…
امجد: والله ي ياسر اخير ليك م ح تندم
ياسر: تؤ تؤ وريني بس واديني وين؟
امجد: مكان حلو
ياسر: لا معليش م ماشي معاك اي مكان حلو انا امي عايزاني
امجد: ياسر ح اعمل ليك شنو يعني؟
ياسر ختا يدينو في صدرو وقال باستهبال: م معروف انت م مضمون
اسيل ضحكت: اللهم لا تغيرنا لا تبدلنا
ياسر: البتاعة دي ماشة معانا؟
اسيل: البتاعة دي ياها العازماك ي معفن
ياسر: الله اكبر عزومة عديل؟
امجد: شفتا كيف؟اخوك بعزك
ياسر: ونعمة الاخوة ارح ارح
وفعلا طلعو وصلو اسيل واتحركو علب فلة ناس امجد
ياسر: عندك قمصان قدري؟
امجد: ياسر كم مرة لبستا مني انتا؟
ياسر: اي لكين هسي العضلان قامت احتمال قمصانك تبقى صغيرة
امجد رفع تلفونو وهو بضرب: اسكت عليك الله
ردا: ألو
احمد: امجد وين انت؟
امجد: راجع علي البيت ليه؟
احمد: معليش عليك الله عايزك تمشي لي المزرعة نسرين دي نست شنطة هدومها هناك
امجد: عليك الله؟!
احمد: والله😅
امجد: انت جادي؟
احمد: امجد مالك انت في شنو؟
امجد: مشغول ياخ خليها لبكرة
احمد: م ينفع عندها حاجات محتاجة ليها هسي
امجد: طيب ما تمشي انت
احمد: امجد انا في الشغل وح اخلص المغرب ح امشي كيف
امجد اتأفأف: نسرين دي تقول مرتي انا
احمد ضحك: نسرين اختك ياخ
امجد: اضحك اي ما مبسوط انت
احمد: بطل نقة ياخ كلها ساعتين
امجد: ساعتين ماشي وساعتين جاي وانا عندي موضوع بعد المغرب
احمد: اجلو لبكرة عادي
امجد: م بتأجل
احمد: امجد انا كان ممكن امشي بس م ح الحق والله
امجد: طيب طيب
احمد: ح تمشي؟
امجد: امري لله قوليها قاعدة وين الشنطة؟
احمد: في الغرفة الكبيرة هاند باك لونها بني
امجد: ما شاءالله تقرير بس
احمد ضحك وامجد ابتسم معاهو
احمد: معليش ح اتعبك
امجد: انت عوير ولا شنو؟يلا يلا
احمد: يلا
قفل الخط
ياسر: في شنو؟
امجد وهو بلف العربية بتهور عشان يغير الاتجاه:في انو ح نمشي المزرعة دقة سريعة ونجي
ياسر: ليه؟
امجد: نسرين عندها شنطة ح اجيبها ليها
ياسر: والعزومة؟
امجد: نأجلها بعد العشا بس
ياسر اتنهد
امجد: انزلك بيتكم؟
ياسر: لا عربيتي جنب الجامعة زايد بمشي وبجي معاك م حنك…. الطريق كان زحمة شديد وبدل ما يصلو في ساعتين وصلو في ساعتين ونص، امجد وقف العربية بعد دخل المزرعة ونزل وهو زهجان وياسر نزل معاهو.. سلمو علي الغفير وولدو هيما العمرو 17 سنة
امجد:ي ابو ابرهيم مفاتيح الفلة وين؟
الغفير:في البيت جوا دقيقة اجيبها ليك
واتحرك علي الغرفة البسيطة الهم ساكنين فيها شوية كدا ورجع وهو شايل مفاتيح كتيرة مربوطة في قماشة لونها الابيض اتحول مع طول المدة ل بني فااتح..امجد شالو واتحرك علي الفلة ووراهو ياسر وهيما

ياسر: هيما انت وحيد عند امك وابوك؟
هيما: لا لا عندي اخواتي اتنين اصغر مني
ياسر: وينهم؟
هيما: في نهر النيل مع عمتي بقرو هناك
ياسر: صغار؟
هيما: وحدة في سادسة والتانية في رابعة
ياسر: ربنا يخليهم ليم
هيما: امييين
ياسر عاين لامكد لقاهو بحاول يفتح الباب والمفتاح بطلع م هو ياسر طلع تلفونو بسرعة وشغل الفلاش
امجد ابتسم وهو بفتح في الباب
فتح ودخلو امجد اتجه علي جهة الباب الشمال عشان ينور الانوار بس الكهربا كانت قاطعة
امجد: الكهربا قعد تقطع طوالي؟
هيما: لا لا طولت م قطعت
امجد اتنهد بضيق وشغل فلاش تلفونو ومشا قدامهم وياسر وهيما وراهو
هيما: ي باشا
امجد: هممممم
هيما:ااا..امبارح نص الليل كدا سمعنا صوت حاجة وقعت فتشناها بليل م عرفناها شنو
امجد وقف واتلفت عليهو
هيما تابع: بس الصباح لمن فتحنا الفلة وطلع السطوح لقينا الحيطة بتاعة السور ال ب الجهة الغربية وقعت
امجد بخلعة: كلها؟
هيما: لا لا من النص كدا
امجد: والوقعها شنو؟
هيما: م عارف والله
امجد كورك: كيف يعني م عارف؟انت قاعد ليه؟
ياسر: امجد
امجد: استغفر الله..يداب تتكلم هسي؟
هيما: قلتا اكلمك بعد تدخل
امجد اتنهد واتجه علي السلم بخطوات سريعة ووراهو ياسر وهيما
امجذ بنقنق: يوم باين من اولو
وصل باب السطوح لزاهو لقاهو مفتوح قال: وكمان مهملين
مع كلمتو دي الضو اشتغل والكل صرخ:سبراااااااااااااييييييييييييز
امجد اتخلع بعدها ضحك ختا يدينو الاتنين في ركبو بتعب وقال:وقفتو قلبي..قلتا الحيطة وقعت بالجد

فهد: همك في الحيطة هسي ولا في السبرايز؟
امجد: احلي سبرايز وربي
فهد حضنو ورفعو فوووق:كل عام وانت بخيييير
ياسر بضحك ساااي
امجد: وانت بخير
احمد جا علي اخوهو: تعيش وتاخد غيرها
امجد: اي شي ولا فلتي دي
احمد ضحك وحضن اخوهو..المهم كلهم عيدو ليهو وكدا…
امجد:فكرة منو دي عليك الله؟
احمد: فهيدان
امجد: حبيبي والله
وليد: لقيت قلبك خفيف لكين
امجد: قلتا الحيطة وقعت وشربنا الزيت
انس: والبشربنا الزيت شنو؟
امجد: ياااخ الفلة دي انتو م عارفنها عزيزة علي كيف..عايز اعرس فيها الكل ضحك ودانة نزلت راسها بخجل...امجد تلفونو دقا لمن شاف المتصل قام من جنبهم
مشا بعيد شوية وردا:ألوو
اسيل: كيفك؟
امجد: تمااام حمدلله
اسيل: اها وين انت؟
امجد:ااا...دقيقة خليك معاي دانة كانت مراقباهو فتح باب السطوح ونزل رقف في نص السلم وهو بقول:والله ي اسيل بصراحة كدا انا في مزرعتنا الفي الجيلي
اسيل: شنوو؟الوداك شنو؟ امجد:مشيت اجيب حاجة ولقيت الشباب عاملين لي عيدالميلاد هنا
اسيل: وانا؟
امجد: معليش بكرة نعوضو
اسيل سكتت
امجد: اسيلوو
اسيل لوت خشمها:نعم
امجد: وعد بكرة اطلعك طلعة احلي من حقت الليله
سكتت
امجد:هسي انتي جهزتي؟
اسيل: لا
امجد: طب الحمدلله م جهزتي
اسيل: بس كويت شعري وكنت مجهزة مشاعري
امجد: م مشكلة خليها لبكرة بس
سكتت
امجد: اسيلوووو
اسيل: هههممم
امجد: اسف..بكرة نطلع اوكيه؟
اسيل: اوكيه
عارفاهو م ح يتحايل عليها اكتر من كدا ولا عندو اخلاق لدلع البنات دا
امجد:حلوو..يلا تصبح علي خير ي حلو واحلام سعيدة
اسيل:طب ممكن اعيد عليك ولا برضو بكرة؟
امجد: عييد ي حلو
"انا عايزة يقولو لي ي حلو😔"
اسيل اخدت نفس طويل ومرقتو بعدها قالت:كل سنة وانت حبيبي وكل سنة وانت بحبك وعشقك زايد في قلبي كل سنة وانت مجدي ي ابو المجود
ابتسم: وانتي بخيييييير حبيبي
كشرت لمن سمعت ردو البارد
اسيل: يلا
امجد: يلا
قفلت الخط وهو رجع للشباب
فهد: شنو ياااا الحفلة دي ليك وعلي شرفك
امجد: معليش بس كان عندي موضوع مهم الليلة
فهد: مهم شديد؟م نكون عطلناك
امجد: إتس اوكيه..العائلة اولا
انس: الود بقى يقول حكم كمان
امجد ضربو في كتفو ضحكو وبدو يحتفلو بعيد ميلاد امجد ال24
واثناء م هم مشغلين الاغاني كدا عبير جاتهم ناطة:م تقولو لي السبرايز فاتني
انس: فاتك😁
عبير ضربت الارض برجلها:حراااااام انا قلتا ليكم صحوني
انس:مااا انتي لو خليتي نومك الكتير دا م بتجك عوجة..والله كانت عجييبة امجد انصدم لمن بكا
امجد لبع انس:هوي هوي بتكضب عينك ي تاجر؟
عبير: راجلي😍
امجد: مرتي😍
دانة عملت كدا🤨
عبير وقعت ليك بحيلها كلو في امجد وهو لمن رفعها من الارض
فكاها وهو بقول:مشتاقين ياااا
عبير: شوق الشوق وربي
امجد: اخبارك شنو؟ومالك م حضرتي العرس؟
عبير: حاولتا الحق وم قدرتا عارف براك
امجد:كدي وريني يدك
عبير رفعت ليهو يدها اليمين في معصمها كان ي اثار عملية كدا
امجد: كويس اتحسنتي كتير
عبير حركت راسها نظام اي:بس المسطرة تعباني
امجد: معليش كلها 6 شهور ويطلعوها
عبير:6 شهور كتيرة تووو متش
ضحك وانتبهو لقو الجماعة كلهم بعاينو ليهو

امجد حكا راسو:ااا…اعرفك ياسر صحبي و ي ياسر عبير بت خالة ناس نسو بس زولتي ورقة وقلم
ياسر: اهلييين
عبير: هلا
ياسر: اتشرفنا
عبير: عظيم الشرف
امجد: عان عان عاملة فيها مؤدبة
ضحكو ودانة عاملة كدا🤨
عبير شغلت غنيه بنت الجيران بتاعة حسن شاكوش بقو يرقصو شوية كدا وجابو التورتة وطفطفو الانوار وولعو الشمعة الكل:Happy birth to you…happy birth to you
ولمن جا عايز يطفي
ألين: اتمنى امنية قبل تطفي امجد غمض عيونو واتمنى وطفاها
عبير: اتمنيت شنوووووو؟
ياسر: امنية كل سنة بتمناها مش؟
امجد ابتسم لصحبو الفاهمو:مش شديد
"طبعا كلنا عارفين اتمنى شنو..اي اي دانة"
قطعو التورتة انس:هسي التورتة دي ياكلوها ب وين مزينة كدا؟
امجد:تاكلها ب جاي
وطخخخ مسحها ليهو في وشو
انس:امجد الله يحرقك
امجد ضحك ،فهد جلبطو في وشو وقال:اتسديت ليك حقك ي صحبي
امجد اتخلع،ياسر بحركة سريعة شال قطعة وجلبط فهدوقال:وانا اتسديت ليك ي صحبي
وليد جلبط:اعمل حسابك
امجد جلبط وليد: صحبي م تجلبطوهو
احمد جلبط امجد:طيب نجلبطك انت
وليد جلبط احمد:وانت البجلبطك منو؟
البنات بضحكو ساااي
انس جا علي عبير
عبير:Hey wite… م ينفع نلعب معاكم شعرنا ح ينتهي احمد جا جلبطو:فلاحتك في البنات تعال للرجال
انس جلبط احمد وكدا ضحكو وانبسطو شديد التورتة م اكلو منها ولا قطعة"تبا لكم ي برجوازين👋🏻" بعد انتهو الاولاد نزلو غسلو والبنات يضحكو ساااي…شوية كدا الاولاد جو ووزعو الكيك والكراميل في صحانة صغيرة عبير وامجد ماسكين القعدة علي حسابهم دانة طبعا قفلت معاها

نسرين قربت لامجد ومدت ليهو كرتونة فتحها وكانت شبشب بتاع جلد بني عجيييب
امجد:الله الله احلي اخت ولا ايييه
ران جابت ليهو سماعة ايربودز
ووعد جابت ليهو كتاب ل غسان كنفاني
امجد:عارفة اني بحيك غسان دا؟
وعد: يب عشان كدا جبتو ليك
عبير مدت ليهو كيس كبير وقالت:كنت جايباهو لي لكين يلااا…كل شي لغلاك يهون
امجد ضحك وهو بفتحو لقاهو تيشيرت اسود سادة فيهو علامة اديداس بورا بالابيض
امجد:ي راقي انت
عاين لألين: اها وانتي؟
قربت عليهو باستو في راسو مسااافة وقالت:هدي الهدية
امجد:خلااااص ي كاترينا كيف
ألين:واحلي منها
امجد:اطلعي بالهدية ي بت
ألين: مف هدية..انا احلي هدية
امجد جراها لحضنو:خلاص سماح لأنك فعلا احلي هدية
بعد فكاها دنقرت رفعت كيس هدايا من تحت الكرسي مدتو ليهو وقالت:معقولة حبيبي الحلو م اجيب ليهو هدية؟
فتحو ولقاهو عطرو البتعطر بيهو دايما ضحك وهو بقول:تصدقي انو خلصان عندي الايام دي
ألين:عارفة
ضحك وقال:فيكم الخير..اها ي الجنس الاخر
انس: تؤ
فهد:وجودنا اكبر هدية
امجد:اللهم اجرني في مصيبتي واخلفني خيرا منها "صدق انو الاولاد م جايبن ليهو هدية"
زحو الكراسي وختو المساند في الارض وبقو يتونسو
فهد:امجد انت مش كنت بتعزف زمان؟
امجد:ايييييك وقفتا لي 4 سنة
فهد:ليه؟
امجد:كان جيتار اتكسر وم كان نفسي اشتري واحد غيرو
انس وقف علي حيلو ومشا
فهد:هسي لو لقيت واحد بتقدر تعزف ولا اصباعك نست الايقاع؟
امجد ضحك:والله ي فهد العزف والغنل والرسم والتصوير والمواهب دي محتاجة الهام..عاين لدانة..وانا مصدر الهامي اتقطه ليهو 5 سنة
انس من وراهو:بطل فلسفة وهاك اطربنل
امجد وقف علي حيلو وهو بقول:اوووهووووهههههووو
انس اداهو الجيتار وجا قعد
امجد:م قادر اصدق
فهد:رايك شنو بلاي؟
امجد:جنوووون
قعد وهو شايل الجيتار وبعاين ليهو بانبهااااار كان لونو اسود غامق واورتارو ومفاتيحو لونها ابيض..كلهم سكتو وهم بعاينو لامجد الكان بمسح علي الجيتار باعجااب وعيونو بلمعو
ألين:عجبك؟
امجد ببحة فرح:اسر قلبي ياااخ
فهد: سمعنا حاجة طيب
عبير:ااييييييي عليك الله
امجد: دقيقه
حرك المفاتيح شوية كدا وجرب يعزف تاني رجع حرك المفاتيح عاد الحركث دي كذا مرة
فهد حسب خبرتو في الجيتارات:مرخي ولا شنو؟
امجد مركز مع المفاتيح شوية كدا وقال:اي بس شديتو
انس:يلا سمعنا
امجد استعدل قعدتو
عبير:يييييييي
ألين: حمااااس
وضربت كفها مع عبير ران عاينت ليهو مسافة بعدها رجعت عانيت لامجد البدا يعزف نغمات مختلفة بعد رسا علي وحدة مسااااافة حتي بدل يغني Impossible ل جيمس ارثر…الغنية اصلا حلوة ومع الفيهو بحة جذاابة بتخليك تسترخي وتهديك كان حاجة واااو.. انتهي
عبير: no comment
ابتسم ليها
ألين: تاني وحدة
نسرين:تكون عربية عليك الله
فكر مساافة بعدها بدا يعزف ران:سألين عليك؟
اشر ليها براسو نظام اي وبدا يغني:سألين عليك كل العباد الجونا منك والمشو..يوماني سيرتك احلي زاد لزول غيابك اوحشو..يتنسم الاخبار عليك والسيرة ساكت تنعشو…اووووو هوووهووو لااا لاااا لاااا…لا ردا لا جايب خبر اشوقنا وين م وصلتو…عاين لدانة..هانت سنين الود عليه ولا المشاغل نستو

ران بقت تغني معاهو:سألين عليك شوق العيون لو لينا سمعو وانصتو.. سكت عشان تتم..ي شوق سرا وم شاف ورا لامن عيوني نادتووو..رجع يغني..اوووهوووهووو لا لالااا..سألين عليك قمر السما المن جمالك فتنتو الاهي يرعنوو النجوم شال من ملامحك نضرتو يتهادي ما بين النجوم بارك جمالك طلعتو سألتو ليه طال الغياب وين البنعشق طلتو..اووهوووهوو لاا لالاااا دانة قاطعتو ب:وريهو ي شوقنا الهوي شارك عيونا الرداتو..عاين ليها مسااافة وهو بعزف ورجع يعاين للجيتار..
دانة:قول ليهو لو طال الغياب ما زلنا راجين عودتو طارينا ولا غيااب سنين غير ملامحو وقصتو وال ليهو في الافراح نصيب بجي يوم وياخد قسمتو
امجد:سألين عليييك كل العباد الجونا منك والمشو..الخ
عاين لدانة مسااافه بس هي عملت رايحة
فهد:هايل ي ابني هايل.. وضحك زي السرقدور
امجد: اها تاني عايزين شنو؟
احمد:غنيتك البتحبها ديك
امجد بدا يعزف نغمة بطيييئة وبدا يغني:انا قلبي مالو اليوم من جسمي فرفر ورااح ودمتا ي محبوبي ودامت الافراااح ي ال م رأينا جمااالك في عجم وفصاااح ي الشلتا عقلي ي الشااااري بي غرامك وصاااح
ألين:وياا طيب انا سألك قولي بكل صرااح النسيم بشفيني ام يزيدني جرااااح
امجد:انا قلبي قلبي ماااالو اليوم من جسمي فرفر ورااح ودمتا ي محبوبي ودامت الافرااح
فهد:دانة برضو بتحب الغنية دي
امجد: جد؟
دانة:اممم
عامل روحو م عارفاها وهو اساسا حباها عشان هي بتحبها
امجد بدا يعزف: انتي بس ردي عليااا والله م عارف البياااا حرام انتي تبكي تخلي قلبي يشكي وعارفة قلبي بهوااااك

ياسر وفهد:جد انا علي صعب الرد وانا محال اتعمد افارق دربك هواي واصل الحد سماااحك منيااا يخلي الدنيااا اجمل غنيااا اغنيها فداك
سكتو وامجد بعزف عشان يبدا الكوبيله التاني
دانة بدتو قبلهم:قبال تخاصمي حبييييييب هي هيييي قضي العمر ويااااك اديهو فرصة يقووول ايه الشغالو عن رؤياااك
امجد:يوووومي انت تظلم الموت علياا ارحم من عذااابك لي
دانة:وكيف انا معاك القى خريف وانا وبعدك والصيف بيحرقو في الجوف واقول بعدك آآه وعذااب والله وزاد قلبي شقاااه فراقاك بكاااه وسابو مع الخوف
امجد بعزف وبعاين ليها
انتهي:اها سريع قبل اطلع من المود
ضحكو ،امجد بدا يغني:آآآه..اشكو ليك ي ربي الشكوة ليك ي ربي من حبييييبي الظالم الاترسم في قلبي
ألين طرف السوط هبشها بقت تغني:اشكووو ليك ي ربييي من حبيييبي الظالم الاترسم في قلبي
احمد:حبيب ذكرتك مرررة بين الزهووور والخضرة..اشر علي نسرين..انا ريدي ليك ي سمرررة ما دمتا حي في الدنيااا
امجد وألين:اشكوو ليك ي ربي الشكوة ليييك ي ربي من حبيبي الظالم الاترسم في قلبي
ألين: ي قلبي زييييد في حبك للجاير الم بحبك انساك كييييف لا يمكن واحلفااااك بي رباااك ي قلبي زيد في حبااك
امجد: اشكو ليييك ي ربي آآآآه الشكوة ليييك ي ربيمن حبيبي الظالم الاترسم في قلبي..حبيب جفاااني شهوووور لأنهو غيوووور خلااني اشكي وابكي بين الدموووع والآآه ي حسرتاااااك ي قلبي…الشكوة ليييك ي ربي انا بشكي لييييك ي ربي من حبييييبي الظاالم الاترسم قي قلببييييي
دانة ساكتة وبتعاين ليهو الغنية حرفيا مفصلة علي مقاسهم
انس:انتو مالكم حزينييين كدا؟
عبير:تووومتش
امجد قلب الجيتار وبقى يدق:ي انا ي مفيش اصلي م عنديش في الحب هزااار
عبير: ي انا ي بلااش وم تحسبهاااش مفيهاااش اعزااار انا الائول فين وامتي وانا الاختاار
انس وفف علي حيلو ومدت ليها يدو:لو حد نادااك
عبير وقفت: اعمل مش سامعاك براضااك انا ئلت كلامي ودا نظاام ومش باقي كلاااام مش باقي كلااام
انس:انا مش مضمون انا ممكن ائلب مجنون لو شفتك مع غيري ي ويلك هتلاقي جنااان
امجد وهو بدق:انا جيت خلاص راحت خلااص ايام زمان ولافي كلام ولا حتي سلاام غير بستأذان..عاين لدانة..لا تئولي عشرة ولا آريبي هتلاقي جنااان
عبير:انا مش مضمون انا ممكن ائلب مجنون لو شفتك مع غير ي ويلك هتلتقي جنااااااان
ضحكو كلهم..انس وعبير قعدو
امجد:دقيقه اسمعو دي
انس:جديدة؟
امجد:تؤ قديمة بس بحبها
بدا يعزف:من البدااااية ئلت لك ان مش دايما يكون الحب كااافي والحياااة ليها حسبة تانية يومها نزلت دمعة منك فووق كتااافي..ئلتي حاااول ئلت حااضر بس اوعي م تكمليش لو هتمشي امشي حاليا لو فضلتي م تبعديش انا مكنتش عايز اعلق نفسي بحب نهايتو جروح ليالي ابني ف وهم وحلم ويجي دا كلو يروووم واديني خد نصيييبي من حبيييبي جرح آاسي كبير سعات لما الحرج بيجي بسرعة بيقي اهون بكتيييير…كلهم سكتو وهو مغمض وبغني
امجد:من البداية ئلت لك وانتي كنتي حتي رافضة تسمعيني والنهاردة انا بسألك اعمل ايه في قلبي الي حبك فهميييني صعب اسامحك بعد جرحك والي اصعب اني اعييش بس عارفة هتوحشيني حتي لو م سامحتكيش انا م كنتش عايز اعلق نفسي بحب نهايتو جرووح ليالي ابني ف وهم وحلم ويجي دا كلو في ثانية يرروووح واديني خد نصيييبي من حبيبي جرح آاسي كبير…

دانة قاطعتو:مشااعر..تشاور..
وقف عزف وبدا يعزف غنيه مشاعر
دانة:تووودع مسااافر مشاعر تمووت وتحي المشاااعر…كانت متوترة شديد بس م عندها خيار تاني لازم توصل ليهو احساسا بالغنية دي ضغطت يدينها مع بعض وغمضت عيونها:الي غرررب نفسو سااافر من آلام المشااعر والي نفسو يعيشها تاااني هيا هيا المشااعر..والي ايدو ف ايد حبيييبو بس مش حااسس مشااااعر والي راجع بعد لما انتهي وقت المشاااعر يادي يادي المشاعر يادي يادي يادي…بلعت ريقها عشان تعدل الرجفة الواضحة في صوتها:كل حاااجة نااقصة حااااجة وانتا مش جنبي حبيبي..امجد كان مدنقر رفع راسو عاين ليها
دانة:نفسي اعمل اي حاااجة بس ترجع لي حبيبي..كل حاجة ناقصة حاااجة وانتا مش جنبي حبييييبي نفسي اعمل اي حاااجة بس ترجع لي..حبييييبي
سكتت وهو وقف عزف…

*-انظر! انه مجروح*
*=وكيف عرفت؟*
*-هناك ندبة في صوته'ه*
--------------------------------------
---------------------
*يتبــــــــــــــــــــــــــــــــــــــــــــع*