*#قلوب_تائهه 《16》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
الساعة10:30ص
امجد وصل المزرعة.. لقاهم فايرييين لأنو شركة الطعام لسا م وصلت والعزومة اصلا عشا بس الناس من العصر ح يبدو يجو لأنو العقد المغرب
امجد: انتو م وصفتو ليهم المزرعة؟
انس:انا وصفتها ليهم وقالو عرفوها
امجد: كدي دق ليهم
انس: بديني الرقم خارج النطاق
عبداللّه:شوفو شركة غيرها
احمد: م ظنيت نلقى لأنو بكون بالحجز
امجد: رامي بكون عندو كم شركة
فهد: اي بس م ينفع نوريهو
عبدالفتاح: ممكن نجيب اكل جاهز؟
انس: برضو الا نكون متفقين مع مطعم قبل كم يوم
عبدالفتاح: اها والعمل
عبداللّه:بجو بجو
احمد اتنهد وفهد عضا شفتو التحت بفكر في حل
امجد شال تلفون انس منو ومسا وقف بعيد دقا اداهو الرقم خارج النطاق دقا تاني نفس النتيجة بعد 6 ولا 7 مكالمات كدا التلفون دقا ب رقم غريب
امجد اتردد يرد ولا لأ في النهاية ردا وكان المشرف بتاع شركة الطعام
المشرف: ألو انس.. اها انا اتحركتا من الخرطوم المزرعة وين؟
امجد كورك: اتحركتا؟ يداب؟ انتو م عندكم احترام للمواعيد؟!
المشرف: انس لو سمعتا مف داعي للكواريك حصلت لينا ظروف اخرتنا
امجد: ظروفك دي تبلها وتشرب مويتها.. الكلام دا م ينفع معانا نحنا عندنا عرس ومعازيم م لينا دخل بظروفك
المشرف: انس ان شاءالله ح نلحق الوقت لسا بدري
امجد: اي احسن تلحقو والا صدقني ح اطين عيشة الجابوك ثم ثانيا م بترد علي زفت تلفونك دا ليه؟ شايلو ليه لو الناس م بقدرو يصلو ليك؟
المشرف: تلفوني وقع في الموية واعتقد انو دي حاجة م بتخصك تقريبا
امجد: اي اي م بتخصني انا البخصني انو الاكل يكون جاهز في مواعيدو والا ح اوديك ورا الشمس
المشرف: لو سمحتا اديني انس انت مستحيل تكون هو امجد: انت وين هسي؟
المشرف: داخلين علي الجيلي..
امجد بقى يوصف ليهو المزرعة دانة كانت ماشة لفهد تسألو من حاجة وهي مارة كدا شافت امجد من بعيد بكورك مع زول في التلفون وقفت وهي بتعاين ليهو ،عقدت حواجبها من عصبيتو ولمن اخد وقت طويل وهو لسا بكورك اتحركت عليهو وفي اول خطوة ليها ختت رجلها اليمين في قزاز وطعنتها وقعت في الارض وهي بتكورك: امممممجد
امجد اتلفت عليها ولما شافها واقعة قفل التلفون ختاهو في جيبو وجاها جاري.. الرجال بالجهة التانية كانو شايفين امجد بكورك في التلفون وفجأة قفلو وقام جاري
عبداللّه:اخوك دا مالو ي احمد؟قوم شوفو
احمد: طيب
واتحرك علي امجد بخطوات سريعة ووراهو فهد وانس
في هذة الاثناء امجد وصل دانة قعد علي ركبتو الشمال وهو بقول ليها بخوف: في شنو مالك؟
دانة دموعها 10/10وقالت:رجلييي😭
امجد بقق عيونو من منظر الدم الجاري من رجلها وقف علي حيلو وشالها وجري علي جوا ،احمد وانس وفهد كانو جاين عليهم فهد لمن شاف امجد شايل دانة مشا بخطوات سريعة اقرب للجري..
امجد دخل الفلة لقى حجة عواطف قاعدة في الصالة جرا عليها ختا دانة جنبها وهو بقول بصوت مهزوز من الخوف: حبوبة دانة اتعوقت حجة عواطف: سجممي كر علي
وفي اقل من دقيقة الحريم كلهم اتلمو فيهم
عبير: بسم الله عليك ي بتي مالك؟
دانة بتبكي كنكشت في يد امجد بيدينها الاتنين امجد ختا يدو فوق يدينها وقال:دقايق بس استحملي.. اتلفت وراهو وكورك.. ألين اتحركي

ألين جات نازلة من فوق جري مدت ليهو علبة الاسعافات مكسها منها فتحها ومسك القزازة الفي رجل دانة براااحة جراها
رفع عيونو لدانة: وجعتك؟
دانة غمضت عيونها وهي بتبكي وصغطت علي يدو الشمال في دا فهد وانس واحمد جو داخلين
فهد: في شنو؟دانة مالا؟
عبير: رجلها معوقة شكلها وقعت عليها
دانة همست: برااااحة
امجد اداها نظرة سريعة ورجع يعاين للجرح وهو بقول: اسف
بقى ينضف ليها في الجرح براااحة كأنو في جسمو وكلهم واقفين بعاينو ليهم..
امجد اتأفأف وهو بخت قطعة قطن مليانة دم وبشيل وحدة نضيفة غيرها
فهد قعد علي رجلو: ابا يقيف؟
امجد وهو مركز: ثواني
وفعلا بعد ثواني الدم وقف لفاها ليها بشاش ووقف علي حيلو وهو بقول لدانة:خلاص خلصنا
دانة نزلت راسها وهي لسا بتبكي حجة عواطف حضنتها بحنان وقالت: كر عليك ي بتي
ودانة بتبكي بحرررقة يعني بكاها م بكى زول جرح رجلو امها قعدت جنبها امجد اداهم ضهرو عشان يمشي
عبير مسكت وش بتها وقالت:مالك ي بتي؟
دانة من حضن حبوبتها اترمت في حضن امها وهي بتقول:موجوووعة
امجد لما سمع كلمتها دي فهم هي مالا اتلفت عليها لقاها مغمضة عيونها قوووي وبتشهق بلع ريقو لأنو عارف وجعها كلهم فهمو انها موجوعة من رجلها بس هو عارف انها موجوعة منو وهو كمان حالتو م احسن منها مشا خلاها وخلي الناس كلهم واقفين فوقها بس هي م محتاجة ليهم محتاجة ليهو هو بس…
شركة الطعام وصلت وبدو يعملو الاكل وشركة المناسبات قربت تخلص الشباب طبعا متابعييين التجهيزات وواقفين فوقا….

الوقت عدا العصر كدا المعازيم بدو يصلو زينب ونادية واميرة وعبير جهزو وبستقبلو النسوان جوا في صالة الفلة وعبداللّه وعبدالفتاح وعبدالرحيم بستقبلو الرجال في الجنينة انس وفهد مع شركة الطعام…
احمد فوق لبس جلابيتو ومعاها طاقية سودا اتعطر ولبس شبطو وطالع كدا نسرين جات داخلة وكانت مستعجلة عشان عايزة تلبس اول ما شافتو قالت:صلاة النبي صلاة النبي.. بسحروك لي اتحصن
احمد ابتسم وظهرت غمازاتو ومع اللحية والجلابية ووووب انا ..باسها في راسها بسرعة وطلع…

امجد بشرح لشركة المناسبات انو يقدمو للمعازيم بارد بعداك حاجات العقد ولمن الحفلة تبدا وكدا العشا… المهم عبداللّه اشر ليهو نظام تعال امجد مشا ليهو
عبداللّه:يلا ي ولد امشي اجهز بعد دا
امجد: طيب
مشا لفهد وانس، امجد: ي ناس بعد دا نجهز ولا كيف؟
انس: امشو انتو الناس ديل الا زول يقيف معاهم "قصدو شركة الطعام"
امجد: طيب انا بقيف معاهم امشو اجهزو وتعالو
انس: امشي اجهز انت اول
فهد: شباب المغرب قرب يأذن مف وقت م تتعازمو
ضحكو وانس وفهد مشو يجهزو وامجد وقف مع شركة الطعام….
ألين وران ليهم ساعتين بلبسو ولحدي هسي بتجارو
ألين: وين حلقي؟
ران: شوفيهو في شنطتك
ألين: ماف.. ضربت راسها بخفة.. اوووه عند نسوو
ران: اجري جيبيهو
ألين طلعت عشان تجيبو طقشت ليم انس وكان لابس جلابية بيضا وطاقية سودا وبكفكف في يدين الجلابية ألين بقت تعاين ليهو وهي شعرها لسا م سرحتو بس رافعاهو بمشبك ومكنوش
انس: ألين!! انتي لسا؟
ألين: احم.. اي قربتا
انس: الاكمام دي زابطة كدا ولا انزلهم؟
ألين عاينت ليهو مساافة
انس: الجلابية كلها م جاية معاي صح؟
الين: لا لا لا بالعكس جاية معاك
انس ابتسم : طيب والاكمام؟
ألين نزلتهم وقالت: كدا احلي
انس: متأكدة؟
ألين: اي
انس: طيب شكرا ونتلاقى تحت
ألين: العفو ولو
وعايزة تمشي كدا انس وقف ليها قدامها وهو بقول:كنت عايزك في موضوع كدا بس بعد الحفلة ألين قلبها اتراقص فرحا:موضوع شنو؟
انس ابتسم: خليهو لمن نفضى تمام؟
ألين: تمام
وانس مشا وهي لسا واقفة ختت يدها في قلبها البدق بسرعة خاطفة وابتسمت ومست دخلت الغرفة الفيها نسرين ولقتها بتربط في التوب
نسرين اول ما سمعت صوت الباب قالت وهي مدنقرة راسها:احمد التوب اعملو بدبابيس ولا بروشظ
ألين: انا م احمد
نسرين رفعت راسها وضحكت
ألين: وين حلقي.. كان اديتك ليهو في البيت لو متذكرة
نسرين عاينت ليها مساافة عشان تتذكر محلو بعدها قالت: في شنطة اليد بتاعتي
ألين شالتو وطلعت….
انس مشا لأمجد وامجد طلع عشان يجهز طبعا العيلة كلها لبست الا هو ..لاقتو عبير عمتو في الصالة مسكت يدو وهي طالعة معاهو السلم وقالت: لسا م جهزتا؟
امجد ابتسم: ماشي اجهز اهو
طلعو زي كم درجة كدا في مرا نادت عبير وقفو عبير:جاية.. اتلفت علي امجد.. امجد عليك الله دانة في الغرفة الكبيرة صحيها عشان تجهز
امجد انصدم: انا؟
عبير: انا كنت ماشة اصحيها بس نادوني زي ما انت شايف
امجد: بس انا..
عبير: صحيها وقول ليها استعجلي وانت زاتك اجهز سريع بعد دا العقد
ومشت خلتو خشمو ملح ملح كيف يصحيها؟.صعبة شديد عليهو وهي موقفها ح يكون شنو لمن تصحا تلاقو في وشها اتنهد وطلع الغرفة الكبيرة فتح الباب وقلبو بدق بسرعة صعبة انو يصحي البت البحبها وهم اصلا م قعد يتكلمو الغرفة كانت مضلمة والمكيف شغال قرب علي السرير وهو ببلع ريقو شافها راقدة ولامة جسمها زي البيبي وشعرها مفكوك شكلو ضايقها وفكتو

لأنها لابسة الباندة في يدها اليمين.. ولع الابجورة وانعكس الضو الخافت في وشها اتأمل ملامحها الساكنة انفها الحاد نوعا ما خشمها المكتنز شوية كدا حواجبها المقوسة قرب شدييييد منها لدرجة بقى حاسي بأنفاسها الهادية ابتسم وهو حاسي ب شهقيها وزفيرها ال برااااحة همس: رقيقة في اي شي حتي في نفسك
ومن غير م يمنع نفسو طبع بوسة هادية وطوويلة في عينها اليمين رجع راسو لورا وانفاسو بدت تتسارع من قربو ليها.. بتأثر عليهو حتي وهي نايمة.. فتحت عيونها لقت قدامها اكتر ملامح بتحبها في العالم افتكرت نفسها بتحلم ابتسمت وهمست: امجد
امجد بصوت حنيين: ي روح امجد
نطت من محلها لمن سمعت صوتو ..الخيال م بتكلم امجد وقف علي حيلو وهو بقول:عمتو قالت ليك اصحي عشان تجهزي ..ومشادانة بتغمض وتفتح في عيونها بخلعة عاينت ليهو وهو طالع من غير م يسمع ردها وقلبو بدق بسرعة وهي نفس الشي جسمها تلج وخي بتفكر امجد بعمل في شنو هنا وليه قريب منها للدرجة دي؟ غطت وشها بيدينها بخجل لمن فكرت انو ممكن يكون…
في غرفة تانية ألين وران جهزو وطلعو وفي السلم ألين مشبكها اتكسر"كانو رافعين جزو من شعرهم وماسكينو من فوق بمشبك والباقي نازل"

ألين: افففف.. قلتا ليك انو المشابك دي صغيرة م بتمسك لينا
ران: انا غايتو مسكت لي انتي اتصرفي في شعرك التفة دا
ألين ضربتها ورجعت عشان تجيب مشبك وران واصلت مشيها…
ألين بتأفأف وقربت تبكي التسريحة خربت والا تعملها من البدايه طق طقشت في فهد
ألين: سووورى م شايفاك
فهد: ولا يهمك
وكانت ماشة فهد:مالك قالبة خلقتك كدا؟
ألين: التسريحة اتخربت ياااخ وحاتضطرا اعيدها تاني
فهد عاين ل شعرها:بس شعرك زابط كدا
ألين رفعت حاجبها: بلاااي م تجاملني
فهد: م قعد اجاملك بس شعرك كدا حلو
ألين: بس المفروض اعملو زي بتاع ران
فهد: انتي م نسخة من ران عشان تحاكيها انتي جمالك مختلف عنها
ألين: انا م قعد احاكي بس نحنا متفقين نتسرح سوا
فهد قرب منها هي رجعت لورا جاب ليها شعرها بالجنبة كدا ..ألين طبعا مستغربة وبتعاين في عيونو اول مرة تلاحظ ليهم سووود عجبين ..طلع تلفونو من جيب الجلابية "الاربعة اولاد متفقين علي الجلابية البيضا والطاقية السودا"رفعو قصاد وشها ولأنو مطفي بالتالي ح تشوف انعاكسها في الشاشة مسكتو بيدها الشمال وختت يدها اليمين في شعرها وقالت: كدا احلي من بالمشبك؟
فهد ابتسم: بكتييييير
ألين ابتسمت وهي بتعاين لروحها في تلفونو عيونو لمعت وهو بعاين ليها رفعت عيونها ليهو وهي مادة ليهو التلفون وقالت: ثانكس
فهد: ولو.. مف بيناتنا كلام زي دا
ألين ابتسمت: الجلابية جاية معاك
فهد ضحك: نظام بتتسدي حقك ولا كيف؟
ألين ضحكت: لا لا م كدا بس فهد ميل راسو: بس شنو؟
ألين: حلوة
فهد: ي ستي حلوة عيونك
ألين ابتسمت ،فهد: نازلة ولاااا
ألين: نازلة نازلة
فهد: طيب يلاا ..سوا
ألين: يلا
ومشت معاهو ،ولما جو في السلم تلقايئا اتقدم وهي بقت وراهو فهد حسا باحساس غريب كأنها مرتو او كدا ..وصلو الجنينة وافترقو هو مشا بجهة الرجال وهي جهة النسوان شوية كدا وامجد نزل ..سلطانة عمة فهد ودانة جات وطبعا هادي جا…
هيام: ي خالتو عبير وين دندونظ
عبير: دانة دي فرق بتجهر
هيام: ايوااا...والله مشتاقة ليها مووت
عبير ضحكت: اطلعي ليها
هيام: لا لا خليها علي راحتها وبعد زي 10 دقايق كدا دانة نزلت كانت لابسة فستان زي الاسكريت الهاي وسط والبلوزة لكين قطعة واحد الجزو الفوق اسود سادة والتحت مربعات ازرق بأسود ومضفرة شعرها ضفيرة هندية وشبط زحاف بالازرق وميك آب هااادي كانت بسيطة شديد وحلوة شديد امجد اول ما شافها بقى يعاين ليها ..سلمت ناس عمتها وقعدت جنب هيام عاينت لقت امجد بعاين ليها عاينت ليهو باعجااااب كان واقف وبصلح في طاقيتو الجلابية والطاقية كانو عاملين شغل الجن...زحت عيونها منو شوية كدا وعاينت ليهو لقتو لسا بعاين ليها اتوترت وقلبها رقص وهو حلف كان ينزل عيونو منها.. هادي فررر جرا ليهم امجد اتنهد بضيق لمن شاف هادي بسلم عليها…


*في حتة تانية…. *
اهم زولين الليلة واحلي زولين في الكوفير.. وعد فكت الزغروتة لمن شافت رامي نازل من العربية مشت عليهو حضنتو وهي مدمعة وقالت: الف الف مبروك ي احلي عريس
رامي ضماها لحضنو: الله يبارك فيك وعقبالك ي رب
فكتو عشان يمشي لشهد رامي عاين لشهد واتجه عليها.. علي حب حياتو علي بت عمو علي مرتو حلالو وعلي كل الحاجات الحلوة في حياتو.. شهد وقفت علي حيلها وجسمها برجف حاليا دي اجمل لحظاات حياتها واكترها راااااااهاااااابة🖤..رامي بعاين ليها كانت محجبة والميك آب بتاعها كان خراااافي.. وقف قدامها وهو مبتسم زفو نفسو ب رااااحة وقال: م قادر اصدق

ابتسمت وهي بتوزع عيونها بين عيونو الاتملو دموع
رامي جراها لحضنو الليلة بقت مرتو وحلالو همس ليها:مبروك علي انتي ي شهدي وان شاء الله اقدر اسعدك واهنيك
شهد غمضت عيونها ب راااااحة وهي في حضنو
رامي همس ليها: من الليلة انتي مني وفيني وانا ليك
شهد فتحت عيونها ورفعتهم للسما عشان تمنع دموعها م ينزلو دموع الفرحة فرحة الحب الحلال ورامي عمل نفس الشي ،بعد منها عاينت في عيونو المليانة دموع قال ليها وصوتو مبحوح من الفرح: بحبك
حضنتو هي المرة دي وقالت: وانا كمان
حضنتو ونفسها تفضل هنا لنهاية عمرها، وعد مراقبة المشهد ختت اصابعها تحت عيونها عشان م تبكي اتنحنحت عشان العبرة تزح من حلقها وقالت: يلا ي جماعة عشان م نتأخر
رامي: يلا؟
شهد اشرت ليهو نظام اي ،شبك اصابعو باصباعها ومشو علي العربية السايقها صحبو….

*في المزرعة..*
اذان المغرب اذن والمأذون عقد وعلت اصوات الزغاريت والرصاص.. الناس اتوزوعو عشان يصلو وكدا… نسرين،ألين،ران ،دانة ،احمد،فهد ،انس،امجد نسو غيرو ..الاولاد لبسو بدل اسود ×اسود والمنديل بالكوبي الغااامق والبنلت لبسو فساتين سودا اكمامها دانتل فوق من عضمة الشيطان بشوية من فوق ضيقة ومن تحت فارة وحزام في النص فيهو فيونكة بورا بنفس لون منديل الاولاد رفعو شعرهم كعكة عجيبة كدا لفوق وجزم هاي هيل بنفس لون المنديل عدا دانة لبست شبشب واااطي بالاسود ، نسرين لبست توب دانتل اسود وطمقت ليهو بالاسود عدا الشنطة والشبط بالكوبي وفكت شعرها طلعتو برا التوب المهم

كانو خنفشاريييييين….
العرسان وصلو.. الناس قعدو عدا الاربعة اولاد والاربعة بنات وقفو في نص الدايرة صف اولاد وصف بنات انخفضت الاضاءة وعم الهدوء وبدت غنية"كملت بيك انا نص ديني" كل الانظار اتجهت لباب الجنينة الداخلين منو رامي وشهد ووعد وراهم كانو متماكسين وماشين برااحة شهد مدنقرة راسها رامي مبتسم وهو خاتي يدو في يدها الماسكاها بيهو.. وصلو في النص والشباب قفلو الديرة حولهم طبعا الناس كلهم قاعدين ومف زول اتحرك ..رامي وقف قصاد شهد مسك يدينها الاتنين وقال:شهدي
رفعت عيونها ليهو واتلاقت عيونهم رامي وعيونو بتلمع همس ليها: بحبك
شهد ابتسمت وهي بتعاين ليهو عيونهم كانت بتلمع وظاااهر عليهم الفرحة قرب وشو منها وخت خشمو بين حواجبها شهد غمضت عيونها وهي مبتسمة ، امجد وانس صفرو وألين وران ونسرين فكو الزغاريت فهد ابتسم وهو بصفق ليهم دانة عاينت لامجد الخاتي صبعينو الصغار في خشمو وبصفر ابتسمت وهي بتمسح الدمعة الاتمردت لخدها… نسرين وهي بتزغرت عاينت لاحمد غمز ليها وهو مدخل يدينو جوا جيوبو بادلتو الابتسامة… لحظة كانت جد مؤثرة، شهد اتخلعت وكأنها يداب شافت الناس الحوليهم ديل دفنت راسها في حضن رامي الضحك وحاوطها بيدينو……
سوري علي الاخطاء الاملائية😴🖤
--------------------------------------
---------------------
*يتبــــــــــــــــــــــــــــــــــــــــــــع*

*#قلوب_تائهه 《17》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
الغنية وقفت وسمعو صوت:احم احم
اتلفتو علي جهة الصوت لقوهو امجد قالع جكت البدلة وماسك المايك
امجد:رامي اخوي وحبيبي ألف ألف مبروك وشودي دي تختها في عيونك ااا؟ م عندنا اغلي منها صح ي شهد؟
شهد ابتسمت ،امجد:طبعا ي رامي لو متذكر اني كنت بقول ليك اني في عرسك حأكون فرحان اكتر من خالتو نادية
رامي اشر ليهو براسو نظام اي متذكر
امجد: طيب ي رامي الغنية دي اهداء مني ليك
واتلفت علي الدي جي اشر ليهم عشان يشغلو الغنية وفعلا اشتغلت غنية "صحبي عريس"بصوت محمد الجزار ..امجد بدا يغني ويرقص معاها:صحبي عريس والمولي يحرسو وانا حالف ارقص في عرسو اووووو
رامي ضحك وهي بعاين لأمجد البرقص بخطوات متناسقة مع الغنية نسرين مشت علي احمد وهي بتقول: امجد دا مجنون
احمد ضحك وردد وهو عيونو علي اخوهو:شديد يااخ
امجد مندمج مع الغنية شديد دانة بتعاين ليهو وهي مبتسمة ألين وران طوالي بدو يهزو مع الغنية
امجد رفع يدو المحننة لمن محمد الجزار قال: ي حلااة الحنة الفي ايديهو صحبي شديد انا فرحان ليهو اوووو.. صحبي عريس المولي يحرسو وانا حالف ارقص في عرسو اووووو 🎵🎵 صحبي عريس نوارة الحلة وحنفقدو من باقي الشلة اوووو ..امجد اشر علي ساعتو وهو بغني.. وسهراتنا الي لحداشر الا حتبقى من غيرو مملة اووووو.. صحبي عريس المولي يحرسو وانا حالف ارقص في عرسو اوووو🎵🎵 ..صحبي انا حبيب عينيا البسعدني وبفرح ليا اوووو الليلة فرح عينيا وفرحتي بيو ابدل م شوية اوووو.. صحبي عريس المولي يحرسو وانا حالف ارقص في عرسو اووو🎵🎵 صحبي شديد اخويا وسندي رفيق دربي صديقي الابدي اووووو الليلة ح انفذ وعدي وحارقص عشرة بلدي اوووو.. عضا شفتو التحت ودنقر راسو ورفع يدينو وهو بصفق لمن بدا الدقة المصرية.. رامي ماشي عليهو وعيونو مليانة دموع من مفاجأة امجد الحلوة ..امجد اتقدم عليهو خطوتين الغنية انتهت بقا واقف قدامو رامي حضنو قووووووي امجد بادلو الحضم وهو بقول: الف الف الف مبروك ليك ي عريس
رامي فكاهو وهو بقول:شكرا شديد ليك
امجد ابتسم:ولو.. اقل واجب
ورفع يدو وهو ببشر وبقول بصوت عاالي: ابشر ي عرييس
رامي بشر ليهو ، ران وألين فكو الزغاريت ..امجد عاين لدانة كأنو بقول ليها اها رايك شنو فيني؟ ابتسمت ليهو كأنها بتقول ليهو انا فخوورة بيك بادلها الابتسامة…
العرسان قاعدين في الكوشة والناس بباركو ليهم ،نادية "ام رامي"وصلتهم بعد تعب من الزحمة بشرت ليهم وادتهم زغروتة كدا وحضنت شهد اول رامي ابتسم وهو شايف شهد بتبوس راس امو وامو بتبوس ليها يدها بعد جات حضنتو وباستو في خدو كأنو شافع عمرو 6 سنة وهو باس يدها وراسها، بعدها اميرة"ام شهد" وعبدالفتاح"ابو شهد"جوهم عبدالفتاح حضن رامي واميرة حضنت بتها شهد بكت وهي في حضن امها البتدعي ليها بحياة سعيدة عبدالفتاح عاين لشهد شهد:بابا
واترمت في حضنو ضحك وهو بقول: احلي عروسة
سمعو صوت نسرين وهي بتقول: اهاااا وانا م كنت احلي عروسة؟
عبدالفتاح ضحك ،نسرين لشهد: م تصدقي انا زاتي زمان قال لي اني احلي عروسة شكلها نغمة وااحدة

عبدالفتاح حضنهم الاتنين وقال:احلي بنات في العالم
نسرين بعد ابوها فكاها حضنت شهد قووووي وباركت ليها زحت منها مسحت ليها دموعها وهي بتقول: م تبكي دا م يوم بكا
شهد ابتسمت لما جا عمها عبدالرحيم"ابو رامي" وعبداللّه عبدالرحيم حضنها وهو بقول: مبروك ي بتي
شهد: الله يبارك فيك ي عمو
بعدها حضنت عمها عبداللّه وبارك ليها وبعدو خالتها زينب"ام ناس امجد" حضنتها وباركت ليها احمد بعدها بارك ليهم بحرارة واتمني ليهم حياة سعيدة، ران جاتهم ليك بزغروتة صنت اضنينهم حضنت رامي وهي بتقول:حبيبي ..الف مبرووووك
رامي مسح علي شعرها وهو بقول: الله يبارك فيك وعقبالك كدا
فكتو ومشت ل شهد وهي بتقول:شهدوون العسسل الف مبرروك
ألين كانت باركت لرامي وجات باركت لشهد
انس جاهم بكورك:كدي زحو لي ابارك لأختي المزة دي
وحضن شهد لمن رفعها من الارض،باسها في راسها وهو بقول الف مبروك
شهد تاني عيونها دموع مسح ليها دموعها وبارك لرامي… دانة طبعا عشان رجلها معوقة فهد جا ساندها باركت لرامي وفهد بارك لشهد عاينت لشهد ابتسمت وهي فتحت ليها يدينها
شهد حضنتها وهي بتقول:وينك من جبيل راجاك
دانة:معليش اتأخرتا عليك… ألف الف الف مبروك
وباستها في خدها
شهد: الله يبارك فيك وعقبالك انتي وامجد
دانة ابتسمت بأسي ،امجد كان واقف بجهة رامي وسمعهم ابتسم ودنقر راسو وهو بلبس في جكت البدلة… عبير جاتهم وهي بتزغرت حضنتهم الاتنين سوا بعد باركت ليهم قالت:امي راجكم تجوها
رامي ابتسم وقال ليها:اكييييد

امجد تاني مشا مسك المايك وقال:رامي وشهد لسا عندي ليكم مفاجأة تاني

شهد عقدت حواجبها باستغراب رامي ابتسم لامجد نظام اها قول
امجد: اوريكم هسي ولا بعد الحفلة؟!
ألين وران كوركو: هسي هسي
انس صفر ليهو بحماااااس
امجد ضحك وقال: اظهر وبان عليك الامان
الاضاءة انخفضت عدا هالة ضو كدا جنب باب الجنينة.. كل العيون اتجهت للشاب الجاي داخل وهو بصلح في بدلتو السودا، شاب اسمر وطويل بدي انس ملامح بس انس لونو افتح لابس نظارة رايبان شعرو ناعم نوعا ما ولا كتير ولا شوية عكس انس وامجد الشعورهم تفف.. شهد قعدت في الكوشة بصدمة وهي شايفة اخوها الليهو اكتر من 6 سنة م شافت جاي عليها.. الناس دي كلها اتفاجأت بس مف زول اتحرك من مكانو لحدي ما وصل شهد وقف قدامها وقال: البت الدلوعة كبرت والليلة عرسها
شهد اترمت في حضنو رجع خطوة لورا وهو بضحك اما هي فالبجد م كانت مصدقة كأنها بتحلم مسكاهو قوووي كأنها لو فكتو ح يختفي… وليد ابتسم وهي سامع صوت بكاها في حضنو رامي مدا يدو ختها في ضهر شهد ..الناس ديل كلهم واقفين لحظة كانت جد جذ مؤثرة، امجد واقف في نص الجنينة ومدخل يدينو جوا جيبو ،نسرين في حضن احمد بتعاين لاخوها وبتمسح ف دموعها، انس وفهد واقفين جنب وعد وألين وران انس رفع عيونو عشان دموعو م ينزلو فهد ربت علي كتفو… شهد فكت وليد وهي بتحاول تمسح دموعها من غير م تخرب الميك آب دانة الواقفة جنبها مدت ليها منديل مسكتو منها وهي بتعاين لوليد الحاضن رامي وبعاين ليهو
وليد: الف مبروك ياااخ
رامي: الله يبارك فييييييك وعقبالك كدا… نورتا والله
وليد: منور بناسو
وليد اتلفت هلي شهد البتعاين ليهو حضنها وهو بقول: الف مبروك ي جميل
شهد: الله يبارك فيك
وليد باس راسها "بختك ي شودي😔👋🏻" اتلفت علي دانة سلم عليها
دانة: الف مبروك ليهم
وليد: الله يبارك فيك وعقبال عندك
اتلفت عايز ينزل من الكوشة كدا لقى انس حاضنو وغازي وشو في صدرو وهو بقول:حمدلله علي سلامتك
وليد ضحك: الله يسلمك
بعدها فكاهو ومشا علي نسرين
وليد حضنها وهو بقول: من لقى احمد نسا اخوانو
نسرين ضحكت من بين دموعها: حمدلله علي سلامتك اشتقنا ليك
بعدها سلم علي احمد ومشا علي امو الكانت بتتخجا من البكا باس يدها وراسها وراجع باس يدها حضنها وهو بقول: امممي… فقدتك يمممة
امو بتبكي وتبوسو في شعرو وقالت: بركة الشفتك طيب ي جناي بركة
بكت زييييين وهو بكا في حضن امو الاتحرم منو 6 سنة ،فكاها وقرب لابوهو باس يدو وهو بقول: كيفك ي الغالي؟
عبدالفتاح: انا كووويس بعد شوفتك
سلم علي اعمامو وكدا وبارك ليهم جوهو فهد وانس وامجد وألين وران ،فهد سلم عليهو بعدها وليد عاين لألين وران وقال: شفعنا كبرو وبقو عروسات
حضنهم الاتنين سوا…
سوري علي الاخطاء الاملائية😴🖤
--------------------------------------
---------------------
*يتبــــــــــــــــــــــــــــــــــــــــــــع*

*#قلوب_تائهه 《18》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
بعد داك الحفلة بدت واخيييرا💃🏻 كانت ب "جمال فرفور" فنان رامي المفضل والناس بدت تهجج بالجد يداب فرحتهم اتمت…
انس وامجد ديل من شدة ما اندمجو في الرقيص لما قلعو جكتات البدل وفكو الببيونة.. ألين وران شغالين رقيص الجن نسرين ووعد مع شهد طبعا ورقيصم هادي طبعا احمد ورامي ووليد برقصو هادين برضو دانة قاعدة عشان رجلها لكين شوية كدا وقامت ترقص مع الجماعة.. رامي جا لشهد وبدا يرقص معاها الشباب وقفو دايرة حولهم جمال فروفور غنا ليهو غنية"الريدة لازم تستمر"ولما جمال فرفور قال: لو حتي نبدا من الصفر الريدة لازم تستمر امجد عاين لدانة واشر ليها نظام لازم نبدا من الاول دانة ضحكت وعملت ليهو بكتفها كدا… رامي واحمد ووليد كانو حافظين الاغاني وبغنو ومندمجييين، فهد طبعا واقف وبصفق"عاقل ي ود دبي🖤👋🏻 "… امجد جا وقف جنب دانة وقال: دانة كفاية كدا عشام رجلك
اشرت ليهو نظام شنو؟
قرب لاضانها وقال: قلت ليك ارجعي اقعدي عشان رجلك
دانة عاينت ليهو وقالت: لا م ترقص رجلك حتوجعك شديد بعد الحفلة
دانة عاينت ليهو في عيونو وقالت: انت خايف علي؟
في اللحظة دي الغنية وقفت امجد اتنهد واتلفت علي الجهة التانية
دانة بتعاين ليهو كررت سؤالها: خايف علي؟
امجد اتنهد: دانة..
قاطعتو: قول انك خايف واوعدك اني ارجع وم اقوم الحفلة كلها
امجد عاين ليها الغنية التانية بدت قال: م خايف
دانة الكلمة وجعتها بس ابتسمت وقالت: حلو.. يبقي م عندك شغلة فيني
اتحركت من قدامو بخطوات بطيئة عشان رجلها اتنهد وهو مراقب ركلها المربوطة بالشاش جوا الشبشب الاسود الواطي.. اتنهد ورجع للدايرة هادي وهيام جو علي الدايرة وبقو يرقصو مع دانة هادي كان بصفق شوية وببشر ليهم شوية انضم ليهم فهد عدت غنية غنيتين ودانة معاندة وتحوم من دايرة لدايرة كانت حاسة بكمية من النشاط رغم رجلها بتوجعها بس مكابرة وحالفة الا امجد يعترف انو خايف عليها… وقفت وغمضت عيونها بألم لما رجلها نتحت فتحت عيونها لقت امجد بعاين ليها بخوف وجاي عليها اتفلتت عايزة تمشي كدا حست بيدو مسكت يدها اتلفتت عليهو وقف قدامها وهو بقول: دانة بطلي عناد وامشي اقعدي
دانة: ليه خايف علي ولا حاجة؟
امجد اتنهد وهو بعاين ليها عارف انو لو قال م خايف عليها م ح ترجع +هو خايف عليها ليه يكذب علي نفسو وعليها؟ نزل راسو وقال: اي طبعا خايف عليك وبتهميني والحاجة البتوجعك بتوجعني
دانة بقت تعاين ليهو م كانت متخيلة انو يعترف ب دا كلو ،ابتسمت وقبل تتكلم هادي جاهم
هادي: دانة يلا نرقص
امجد مسك يد دانة: م ينفع معاها الوقوف الكتير
هادي حدر لامجد واتلفت علي دانة وقال: نمشي؟
امجد اتغاظ من حركتو دي ضغط علي اسنانو وعلي يد دانة ،دانة حست انو ممكن امجد ينفجر في هادي ابتسمت بتوتر وقالت: ي ريت بس رجلي معوقة
هادي: صحي؟ سلامتك مالا؟
دانة: جرحة خفيفة بس م بقدر اقيف عليها كتير
امجد بعاين لهادي كأنو ح يقوم يدقو هسي
هادي: الف سلامة عليك هسي كيف؟
دانة اتوترت بتحاول تختصر هادي عشان امجد م يعمل مشكلة وهادي مصر يجرجر معاها في الكلام دانة:حمدلله.. يلا عن اذنك

هادي عارف انو في حاجة بين امجد ودانة من زمان وهسي دانة اختصرتو قال:تمام.. See u
دانة ابتسمت ليهو بتوتر هادي حدر لامجد و امجد رفع ليهو حواجبو الاتنين بغيييظ هادي مشا...دانة غمضت عيونها بألم واتنهدت من يد امجد الضاغطة علي يدها وقالت: ممكن تفكني؟
امجد: لا ويلا قدامي
ومشا معاها علي تربيزة عشان تقعد،عبير كانت قاعدة جنب زينب وبتعاين لامجد الماسك دانة وساندها عاينت لزينب لقتها بتعاين ليهم برضو
عبير ابتسمت ليها: طول عمرهم اصحاب وقريبين من بعض
زينب فهمتها ابتسمت وقالت: الله يخليهم لبعض

الحفلة انتهت والبنات دخلو جوا مع شهد والاولاد قعد وراني مشا يغير بعد شوية كدا انصاف مدني جات الاوڤر نايت كان بانصاف💃🏻 نسرين ووعد بجهزو في شهد وألين وران شالو صينية الجرتك سوا وطلعو نسرين ساقت شهد وطلعت وعد شالت واحدة من صواني الفال ودانة شالت التانية وطلعو… دانة كانت ماشة بصعوبة عشان رجلها البنات لمن طلعو كلهم امجد عاين وراهم م شاف دانة اتحرك علي جوا عشان يجيبها لقاها شايلة الصينية ونازلة من السلم بتعاين للدرجة وتنزل وتزح الصينية وتعاين للدرجة وتنزل وهكذا.. اتنهد واتقدن بخطواتو عليها مسكها منها هي شهقت لأنو افتكرت الصينية ح تقع
امجد: براحة
نزل وهي وراهو لحدي ما وصلو باب الجنينة اتلفت عليها مدا ليها الصينية وقو بقول: اعملي حسابك
دانة مبتسمة وبتعاين ليهو مسكت الصينية وقالت: ليه بتكابر وعيونك وتصرفاتك فاضحاك؟!
ومشت خلتو اتنهد بالجد ليه بكابر وعيونو وتصرفاتو فاضحاهو؟..وليد مراقب وعد لمن وصلت الكوشة وختت الصينية ابتسم بارتياااح وهو بعاين ليها…انصاف بدت تغني وطبعا بدت بغنية الليلة مالي.. بعدها غنت سمحة الخدرة لما تروق ألين وران كوركو لانو رامي اخدر امجد مشا وراها اسم العريس قامت قالت: ي رامي الخدرة لما تروق

رامي بشر ليهم طبعا هججو وكالعادة الين وران وانس وامجد اكتر ناس فايريين بعديها غنت ليهو :م تقول لي عجبتك
المرة دي ران مشت ليها وبقت تمليها في الاسامي
انصاف: رامي بقطع رقبتك
رامي بشر ليهم
انصاف: دا امجد بقطع رقبتك
امجد فتح يدينو ورجع راسو لورا
انصاف: احمد بقطع رقبتك
احمد بشر ليهم ومشا جدع ليها قروش…
بعدها غنت ليهم حبيتووهو ي ناس دانة كانت قاعدة لما جات البيت بتاع: دا منو الحنين زيو طيب عطوف وخجول
دانة بقت تعاين لامجد وبتدعي انو يتلفت عليها فعلا عاين ليها اشرت ليهو علي قلبها وهي بتردد مع انصاف: انا قاعدة في قلبو في محلي م بخت زول
ابتسم ليها مسااافة وتابع رقيص… انصاف هججتهم غايتو بدو الجرتك فهد جا سند دانة لحدي ما وصلت الكوشة وقفت جنبهم ونادية بتجرتك فيهم معاها اميرة وألين وران ونسرين يزغروتو قدرتهم لما جا بخ اللبن شهد شربتو عادي ورامي برضو شربو عادي😁 عملو ليهم الضريرة وكدا.. خلاص رامي بدا يقلق واستعجلهم سريع سريع انتهو والعيلة كلها طلعت معاهم ودعوهم وركبو العربية واتحركو العرسان الي حياة جديدة وسعيييييدة ان شاءالله….


المعازيم بدو يمشو العيلة واقفين بودعو فيهم.. بعد طلعو عبداللّه وعبدالرحيم وعبدالفتاح ونادية وزينب واميرة وعبير واميرة وحجة عواطف دخلو طلعو فوق عشان ينومو… الشباي قعدو في النجيلة وبقو يتنوسو طبعا واكيد نسرين قاعدة جنب احمد وخاتة راسها في كتفو وهو ماسك يدها…كلهم كانو بتنوسو مع وليد
وليد: وعد وصلتي سنة كم؟
وعد ابتسمت: دا السمستر الاول في السنة الاخيرة
وليد: كويس والله ما شاءالله
انس اشر ليهم علي احمد ونسرين الكانو بتنوسو براااحة وم مركزين معاهم
وليد: شنو ي ابو حميد
احمد عاين ليهو: مرحب
وليد: شلتا مننا نسو دي مرة واحدة
احمد: هي اصلا حقتي
نسرين ضحكت،ران: لينا الله نحنا
ألين: واعو للسناقل المعاكم ديل
الكل ضحك، فهد: نسرين دي غريبة خلاص لو لقت احمد تاني م بتسأل في زول
ألين: واحمد زاتو لو لقاها بطنشنا طناش السودا والرماد
احمد: نسرين دي امنية كنت بتمناها من ربنا في كل سجدة
"وحييي.. وانا؟🙂💔"
امجد وانس صفرو
وليد ضحك
ران: اوووو راعو لمشاعرنا يااخ
امجد: هو انتي عندك مشاعر يعني؟
ران: اتخيل بس
امجد: سبحااااان الله والله البقر بقو عندهم مشاعر
ران: سبحااان الله بقيت تعرف الله
امجد: اصلي بعرفو الدور والباقي علي اليهود القاعدين معانا ديل
ران: مافي يهودي غيرك
امجد: بقرة
ران: يهودي متعفن
امجد: متعفن ولا مخمر؟😂
الكل ضحك ،ران: المفروض اضحك؟
امجد: والله المفروض بس م ح تفهميها عشان كدا م ح تضحكي
ألين: ضربوووو
ران حدرت ليها بعدها اتلفتت علي امجد: انت مالك كريه كدا؟
امجد: كريه؟هسي انا كريه؟
اتلفت علي فهد الكان قاعد جنبو :فهيدان انا كريه؟

فهد وهو بضحك اشر ليهو نظام لا لا
امجد عاين لران:شفتي؟..علي العموم كلا يرى بعين طبعه
ران وقفت علي حيلها: والله ما شاءالله بقيت تعرف حكم..بكرة الصباح ح اردح ليك بمزاج هسي انا نعسانة.. ي جماعة تصبحو علي خير
امجد: اااااه واخير ح نشم الهوا
ران طنشتو
نسرين: خليكي
ران: مصدعة ..اتلفتت علي ألين.. ألين نعسانة؟
ألين فكرت شوية بعدها قالت: لا لا ح اقعد شوية
دانة: سوقيني معاك ي ران
امجد رفع راسو: ي جماعة خليكم الونسة سمحة
انس: اي خليكم ح نلعب صراحة وجراءة
ألين صرخت بحماس
امجد:بسم الله الرحمن الرحيم ي بت مالك؟
ران قعدت: اوكيييه
نسرين واحمد استعدلو قعدتهم عشان يلعبو ،امجد فتش بعيونو لقا ليهو باقة موية جرا جابها وجا كان فيها شوية موية الكل استعد
امجد: are u ready?
الكل: yeeeeeees
امجد لفاها والسؤال طلع علي وعد
امجد: هااا صراحة ولا جراءة؟
وعد: صراحة
امجد: ااااا.. وين نظاراتك الليلة؟
وعد ضحكت: قلعتها عشان م حتجي مع الميك آب
امجد: ايواااا… بس بالجد متغيرة الليلة
وعد ابتسمت ليهو ولفاها تاني وقع السؤال علي احمد وعد: صراحة ولا جراءة؟
احمد استعدل في قعدتو:صراحة طبعا
وعد: لمن نسرين تزعلك بتعمل شنو؟
نسرين ضحكت
انس: اي بس كلنا عايزين نعرف بتعمل شنو لمن ست الريد تزعلك
امجد: ي زول تلقي م قعد تزعلو
احمد ضحك: خلوني اتكلم
امجد: اتفضل سعادتك
احمد عاين لنسرين: اكيد بتزعلني واكيد نحنا م كل الوقت كويسين
انس: دا ن الجواب المطلوب
احمد: اصبر علي جايك في الكلام
وليد ضحك،
احمد تابع كلامو: بس لما نسرين تعمل حاجة تزعلني اول حاجة بفكر فيها انها مثلا احتمال م قاصدة
نسرين اتنهدت ب راااحة وهي بتسمع في راجلها
احمد كمل: ولو قاصدة بقول اكيد انا زعلتها ..م هو م مقعول نسرين دي تجرحني وهي قاصدة فااا بخت ليها اعذار وفعلا لمن اجي اتناقش معاها بلقى انها بالجد م قاصدة او زعلانة مني مثلا

"الله يديني احمد😴👋🏻"
ألين: الله انا دي ادردق ليكم هنا؟
احمد ضحك ،نسرين قالت ليهو:وانا مستحيل اجرحك او اوجعك في يوم
فهد: so romantic
وعد: انا الخلاني اسأل شنو؟
انس: شليقة انتي جبتي لينا تصحر
وليد كر كر كر يضحك
دانة: بالجد الزول مستحيل يجرح زول بحبو الا يكون عندو اسبابو
"طبعا امجد ودانة طرف الصوط هبشهم"
امجد عاين ليها: م كلهم في ناس بأذو الناس البحبوهم
فهد: م ظنيت ي امجد مف زول بحب زول بقدر يأذيهو
كلهم عاينو لفهد بخلعة لأنو م بشارك في كلام الحب وكدا
ابتسم وقال: مالكم؟
ضحكو ولفوها وقعت علي ران
احمد: قولي صراحة عليك الله عندي سؤال واقف لي في حلقي
ران ضحكت: اها صراحة
احمد: انتي وألين ح تعقلو متين؟
الكل ضحك ،ران: م معروف صح ي ألين؟
ألين:اي لسا م قررنا نعقل
ضحكو ولفوها وقعت علي دانة بلعت ريقها وهي بتعاين لأمجد
ران: هاااا
دانة: صراحة
انس: ي جماعة خلوها صراحة بس عشان الدنيا ليل كلهم وافقو
ران: اااا اسألك شنو؟
دانة لوت خشمها بتوتر وهي بتعاين ليها خايفة تسألها حاجة عن امجد
ران اشرت علي امجد:الشي دا بالنسبة ليك شنو؟
دانة كبت فيها موية كانت حاسة انو السؤال ح يكون ليهو علاقة بامجد
امجد كان مدنقر وبقطع في النجيلة رفع راسو ومنتظر الاجابة
دانة اتنحنحت: امجد!!… ولد خالي البحترمو والبقدرو
ران: تحترميهو وتقدريهو؟ حسستيني انك بتتكلمي عن احمد هسي دا يحترمو ليهو شنو؟
امجد: انت مالك؟
ران: هسي في زول سألك؟
امجد: اصلا دي حاجات راقيه م بفهموها البقر
ران: بقرة تنطحك
امجد: امين للداعين
وعد: خلاص خلصتو؟
ران: شوفيهو براهو ببدا
امجد: انا بحاول افهمك انك بقرة
ران: بقرة براك
الكل ضحك،وليد: ي جماعة لو انتظرنا الشفع ديل م ح نخلص لفوها يا اخ، ضحكو ودانة لفتها ووقع السؤال علي ألين
انس: الليلة الباقة دي مالا معاكم ي اولا عبداللّه؟
امجد: شكلها م عارفاني من اولاد عبداللّه
ألين: صراحة سرييييع
امجد: بطلي شفقة😑
ألين: ماااام😃
امجد: طلعو الشفع ديل من لعبتنا قال مام قال
فهد: امجد مالك انت مع البتين ديل؟
امجد: ياخ قعد يرفعو لي ضغطي الشفع ديل
ضحكو،دانة:ألين يلا السؤال
ألين: I'm wait
دانة اتوترت: ااا علاقتك اقوي مع احمد ولا مع امجد؟
امجد عاين ليها شتتت نظراتها
ألين: واااااالله الاتنين بحبهم زي بعض احمد بدافع لي وبدلعني وامجد رغم فصاحتو دي لكين هو حنييين وبساعدني
"بختك😊💔"
وليد: لو عندك مشكلة بتفكري في ياتو فيهم
ألين: امجد لأنو بكون قريب لي احمد م بحب اشغلو من شغلو
امجد: بس فلاحتك تصرعي لي راسي انا
ألين كانت قعدة جنبو اتعلقت ليهو في رقبتو وقالت: مش اخوي حبيبي
امجد عمل روحو بكح: لو م فكيتيني ح يبقى عندك اخو واحد

احمد ضحك: بعد الشر عنك
كلهم ابتسمو علي علاقة الاخوان الحلوة ،لفوها ووقعت عبي امجد
امجد: اخيييرا
ألين: يلا ح اخيرك بين حاجتين وانت اختار وحدة
امجد: قدام
ألين: عقلك ولا قلبك؟
امجد من غير تردد: عقلي
دانة كانت عارفة ح يختار عقلو
ألين: حلووو.. اديداس ولا نايك؟
دانة في سرها: اديداس
امجد: اديداس طبعا
ألين: اااا.. كولا ولا بيبسي
دانة في سرها: كولا
امجد: كولا
دانة ابتسمت لأنها عارفاهو
ألين: شهر اكتوبر ولا نوفبر؟
دانة في سرها: نوفبر لأنو مولود فيهو
امجد: نوفبر يااا🤟🏻
ألين: اقرب ليك اسيل ولا ياسر؟
دانة ركزت بكل حواسها
امجد: ياسر طبعا
ألين: زول بتحبو ولا زول بحبك؟
امجد: زول بحبو طبعا
دانة حست بطعنة سكين
ألين: اقرب ليك ياسر ولا انا؟
امجد ضحك: ياسر
ألين ضربتو في ضهر: ياسر ولا رامي؟
امجد: رامي
ألين: اشمعنا يعني؟
امجد حرك اكتافو :القلب وم يهوى
ألين: اخر وحدة.. دانة ولا وعد؟
امجد بدون م يحس: دانة
دانة عيونها لمن لمعو من الفرحة
امجد اتدراك نفسو: اااا دانة كانت قريبة لي وعود دي جادة شوية
وعد ضحكت: اي رقعتها
الكل ضحك وامجد لفاها ووقعت علي وليد
امجد: المغترب
وليد: هلا
امجد: اخيرك بين حاجتين ولا أسألك؟
وليد: اسأل
امجد: حصل حبيت؟
كلهم سكتو وليد عاين لوعد لقاها مركزة معاهو وليد:غير السؤال
انس ضحك: لا لا طلعت بتاع خلط
وليد: ي ود بتاع خلط في عينك انا اخوك الكبير
ران: النصيييحة قال ليك
انس عاين ليها وابتسم
امجد:زابط ح اخيرك
وليد: تمام
احمد: دقيقه خليهو لي
وليد: احمد خل عاقل
انس ضحك ،امجد: في فتييل الليلة.
ضحكو، احمد: ماليزيا ولا هنا؟
وليد: هنا طبعا
احمد: الخبز الفرنسي ولا الباستا الايطالية؟
وليد: الخبز الفرنسي
احمد: الشروق ولا الغروب
وليد: الغروب
احمد: القراية ولا الكتابة؟
وليد: القراية
احمد: عطر العود ولا عطر اجنبي

وليد: عطر اجنبي
احمد: في البنات بتحب الشعر الطويل ولا القصير؟
وليد غمز ليهو:قصير واسود
احمد: نسرين ولا شهد
وليد: شهد لأنها الصغيرة
نسرين كشرت وشها: م راضية بس
احمد ضحك: موسيقي ولا كتب؟
وليد: كتب قلنا
احمد: اللبس الرسمي ولا الكچول؟
وليد: كچول
احمد: فاينلي… دانة ولا وعد؟
وليد باندفاع: وعد طبعا
بعدها سكت ووعد اتخلعت احمد ضحك: شفتي ي وعودة جبتا ليك حقك
دانة: م جادي يلا
احمد عاين لوليد ورفع ليهو حواجبو وليد اتنهد ولفا الباقة وقعت علي فهد
وليد: جاهز؟
فهد: اي
وليد: ح تعمل شنو لو قلبك اتعلق بحاجة م ليهو؟
فهد سكت مسااافة بعدها قال بمكابرة: م اظن قلبي يتعلق بحاجة م ليهو
احمد: القلوب م بيدينا
فهد: ايوة بس القلب يقوده العقل
امجد: انت حاليا بتقول كدا لأنك لسا م حبيت
فهد: my pay
دانة ابتسمت لفهد وهو بادلها الابتسامة… المهم كملو لعب لحدي ما الشمس بدت تشرق
ألين: دا الصباح؟
ران: اتخيلي بس؟
وعد وقفت علي حيلها:صراحة كدا انا نعستا
نسرين: وانا كمان
احمد وقف مع نسرين ومشو ألين: نفسي اشوف الشروق
امجد لأنو عارف نفسو م ح ينوم: نطلع السطوح
ألين: ممكن
وليد: انا غايتو نعستا
انس: وانا كمان
امجد: فهد تمشي معانا؟
فهد: ي ريت نعسان والله
ران: م تعاينو لي كدا انا ماشة انوم
ألين: م تمشي زاتو دانة بتمشي معاي.. اتلفتت علي دانة.. صح؟
امجد عاين لدانة واتحرك علي جوا
دانة: اووكيه بس م ح اصدر اطلع سريع برجلي
فهد وهو بمشي معاهم علي جوا: الشروق لسا عليهو براحة م تستعجلي
ألين: اي بنلحق
ومشو ألين ودانة للسطوح والباقين عي غرفهم
ألين ودانة وصلو بعد مساااافة عشان رجل دانة لقو امجد مافيش ألين: وين امجد؟
دانة سكتت حست انو خلي ليها السطوح عشان هي جات دنقرت راسها بحزن.. هي جات عشانو
ألين رفعت تلفونها عشان تدق ليهو لكين هو جا داخل السطوح وفي يدو صحن تفاح وتلاتة علب كولا.. ختاهم في التربيزة وقعد ..ألين فكت شعرتها وهي بتقعد وترفع كرعينها معاها في الكرسي قالت: ي ريت لو غيرتا وجيت
امجد وهو بفتح في علبة الكولا: انا غيرتا غايتو
ألين: انا م فكرتا والله
امجد اتلفت علي دانة لقاها بتهبش في الشاش الفي رجلها
امجد: واجعاك؟
الين اتلفتت علي دانة ،دانة عاينت ليهو وقالت: لا بصلح في الشاش
امجد رجع راسو لورا في الكرسي وقال: المفروض تغيرهو الصباح
دانة اشرت ليهو براسها نظام كويس وم شافها لأنو كان رافع راسو للسما
فضلت تعاين ليهو مسااافة اتنهدت وعاينت للبارد الماداهو ليها ألين
ابتسمت وشالتو منها أليت اكلت ليها سريحة تفاح وشربت البارد اما امجد ودانة فاكتفو بالبارد.. ألين فتحت تلفونها وبقت شغالة بيهو دانة رفعت كرعينها وانكمشت علي روحها في الكرسي وهي ماسكة باردها امجد عاين ليها مسااافه وهي م شايفاهو ختت راسها لورا م قدرت ترتاح بالكعكة

:فكيهو
اتخلعت لمن سمعت صوتو
ألين رفعت راسها من التلفون
دانة ختت البارد في التربيزة وفكت شعرها امجد عاين لشعرها النزل بسلاسة لحدي نهاية ضهرها وقعد معاها في الكرسي
دانة حست بنظراتو المتفحصة اتنحنحت وقالت:ااا… ألين ضفريهو لي ألين: طيب
ختت التلفون والبارد ووقفت عشان تضفرو ليها امجد كان مراقب يدين اختو في شعر دانة اتمني لو كان مكانها
دانة: ثانكس
ألين: عادي ياخ م تبقى رسمية
دانة ضحكت بخفة وهي بتجيب شعرتها بالجنبة اليمين امجد كان قاعد شمالها يعني م ح يشوف شعرتها اتنهد وهو بشيل جغمة من البارد.. بحب شعرها وبموت فيهو وهي عارفة الحاجة دي وودت شعرتها بالجهة العكسو كأنها بتعاقبو ابتسم بسخرية عقاب صغير مؤلم.. شالت باردها وبقت تشربو ألين كانت شغالة بتلفونها وم شغاله بيهو دانة وامجد كل واحد كان بفكر في التاني عاملين ألين والشروق حجة م اكتر شوية كدا والشمس بدت تشرق بصورة واضحة دانة: ألين شوفي.
ألين رفعت راسها وامجد عاين لدانة
ألين نزلت تلفونها ووهي بتقيف قالت: وااااااو شكلو يجنن
مشت علي سور السطوح عشان تشوف بوضوح…
اشعة الشمس بدت تنتشر وتحيط بيهو نسمة الهوا بتكون عجييبة في اللحظات دي امجد بعاين لدانة هي بتعاين للشروق ألين بتعاين للشروق وهي بتتذكر حركاتو مع فهد ورقيصو وكدا..
المهم حضرو الشروق ونزلو ألين ودانة وخلو امجد فوق اتنهد وهو بعاين للكرسي الكانت قاعدة فيهو...كل وحدة دخلت غرفتها الح تنوم فيها ونااااااااامو
سوري علي الاخطاء الاملائية😴🖤
--------------------------------------
---------------------
*يتبــــــــــــــــــــــــــــــــــــــــــــع*

*#قلوب_تائهه 《19》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*الساعة 7 صباحا*
الكل كانو نايمين عدا امجد بعد الشمس جاتو نزل تحت اتوضي صلى ومشا اسطبل الخيول…الحريم والرجال الكبار ومعاهم حجة عواطف قاعدين في الصالة تحت بتونسو وبحكو عن العرس وكدا.. الخدم بدو يرتبو في الجنينة وشركة المناسبات جات بتشيل في الكراسي والكوشة.. اما الشباب الكانو مساهرين نايميييييين…


*الساعة 12:00 ظهرا*
احمد طلع من الحمام وهو بنشف في شعرو قرب علي نسرين وطبع بوسة قووية في خدها
نسرين بنعاس: احمد ياااخ
احمد باس ارنبة انفها:اصحي ي نوامة
نسرين: بس 10 دقايق
احمد: طيب البس والقاك صحيتي عشان ننزل سوا
نسرين: 💤💤
احمد ابتسم ورما البشكير وشالها دخلها الحمام جرا منها الملاية ودخلها في البانيو
نسرين شهقت بخوف وهي بتلم يدينتا علي صدرها عشان قميصها قصير وعريان
احمد ضحك: صباحك انا
" انا دي صباحي انت😃👋🏻"
نسرين: احمد اطلع برا
احمد بجرأة وهو مثبت عيونو علي صدرها: مااا هو كلو انا شفتو
نسرين وشها بقى احمر من الخجل ورشتو بالموية
احمد ضحك وهو بطلع وبقول: مستنيك عشان ننزل سوا

عند وليد صحا لقى السرير الجنبو مفرش زي ما هو معناها امجد م جا نام لأنو انس وفهد سوا وهو وامجد سوا،قام دخل الحمام استحما واتوضا صلى ونزل تحت لقى الصالة فاضية مشا غرفة امو وابوهو دقا الباب سمع صوت ابوهو:ادخل
دخل لقى ابوهو بقرا في جريدة
وليد: صباح الخير
ابوهو ضحك: قول نهارك سعيد
وليد ضحك: وين امي؟
ابوهو: تحت مع حبوبتك
وليد: طيب امشي اصبح عليها
ابوهو"عبدالفتاح": تمام.. الله يرضي عليك
وليد ابتسم وطلع مشا غرفة حبوبتو لقى امو وحبوبتو وعمتو وحريم اعمامو ، صبح عليهم وجا قعد جنب امو ختا راسو في حجرها
امو اميرة: كيف اصبحتا؟
وليد: بخييير دام جنبك
امو باست ليهو راسو: الله يرضي عليك
ورجعت تتونس وهو خاتي راسو في حجرها باس يدها ابتسمت وبقت تخلخل اصابعها في شعرو غمض عيونو بي راااحة وهو في حجرها تاني م داير حاجة ورغم انو صحا هسي من النوم بس خلال دقايق رجع نام تاني…

فهد وانس صحو وصلو وكدا ومشو لامجد في الاسطبل اساسا صحو بتلفون فهد بدق ردا لقاهو امجد قال ليهم تعالو لي في الاسطبل…مشو الاسطبل وكان متوسط فيهو 8 غرف ل 8 احصنة بس حاليا في 5 بس وباقي الغرف فاضية كل غرفة فيها جردل كدا بتاع حديد للموية وربطة مستطيلة بتاعة قش.. لقو امجد واقف قدام وحدة من الغرف ومقطع جزر خاتيهو في بطن يدو وماديهو للحصان .بيدو التانية بمسح علي راس الحصان
فهد وهو بعاين للحصان باعجاااب: دا اركينو؟
امجد عاين ليهو وابتسم:ياهو زااااتو
فهد مدا يدو علي الحصان وهو بقول: كان صغير اخر مرة شفتو
الحصان زح راسو بعدوانية عشان فهد م يهبشو فهد اتخلع وعاين لامجد
امجد وهو عينو علي اركينو:م برضى زول يهبشو
فهد: ظاهر انو طبعو حاد شوية
انس وهو مدخل يدينو جوا جيوبو: زي سيدو
امجد عاين لانس وابتسم ، فهد عاين لاركينو ورجع يعاين لامجد راقبو كيف بقطع الجزرة لنصين وبختها في بطن يدو واركينو بياكلها ابتسم باعجاب وقال: تصدق ي امجد؟ شخصيتك رغم انها غريبة لكين جذابة شديد

امجد ابتسم لحدي م ظهرت سنو المردوفة
انس وهو بتثائب: علي فكرة انت وامجد نفس الشخصية بالكربون
امجد ضحك: ي بختنا لو بنشبه المفتري
فهد ضحك وضرب امجد في شهرو مرتين ..اتونسو كتير قبل ما امجد يقترح عليهم انهم يركبو الخيل فهد وافق وانس رفض بحجة انو جعان ماش ياكل ..امجد ركب اركينو وفهد اختار فرسة كدا وطلعو من الاسطبل في البداية كانو ماشين براحة بس قلبوها سباق وقفو في نهاية الجنينة بالجهة الورا الاسطبل وبدو يتسابقو…


اما انس فدخل جوا لقى زينب ونادية بتونسو صبح عليهم ودخل المطبخ لقى وعد بتعمل ليها في قهوة،صبح عليها ومشا علي التلاجة فتحها
وعد: عايز حاجة؟
انس حكا راسو وهو بعاين للتلاجة: جعان الصراحة
وعد ابتسمت وهي بتطفي النار: اعمل ليك سندوتش؟
انس: والله م عايز اتعبك
وعد: مف تعب
انس قفل التلاجة وقعد في الكرسي وعد صفت قهوتها وصاطتها وختت الكباية ومشت علي التلاجة طلعت جبنة وزيتون وكدا جابت العيش وبدت تحشي ليهو
انس ركز معاها وهي بتحشي وكل شويث بتصلح نظارتها وتشيل جغمة من القهوة… من غير ما يشعر لقى روحو بقارنها ب ران اختها اتخيل لو دي ران كانت جاطت واتحركت سريع سريع واتكلمت بصوت عالي فاق من شرودو بصوت ووعد وهي بتخت الصحن قدامو وبتقول:اخلط ليك حاجة؟
انس: لا لا بشرب كولا
وعد: الكولا م كويسة من الصباح
انس: احساس انو القهوة كويسة من الصباح
ضحكت
انس: علي العموم م بحب العصاير المخلوطة بحب البارد
وعد وهي بتشيل كبايتها:اوك

انس: شكرا ليك
وعد: اقل واجب
وطلعت ابتسم وهو بفرك يدينو بحماااس وبدا ياكل في السندوتشات وفعلا طلع ليهو علبة كولا… بعد انتهي وكان طالع كدا لقى ألين في وشو
انس: صباح الخير
ألين. وهو بتمسح حواجبها من الموية: يسعد صباحك
انس: لسا نعسانة؟
ألين: اي والله صحيت بالجوع
انس ضحك وهو بشرب جغمة من البارد
ألين: اعمل ليك معاي؟
انس اشر ليها علي الصحن القاعد في الصفرة: سبقتك هسي والله
ألين: عملتهم براك؟
انس: لا وعود هسي كانت هنا عملتهم لي
ألين حسدت وعد علي حظها اتونس معاها واكل من يدها ..عاينت ليهو لقتو بجده علبة البارد الفاضية في السلة وبقول ليها: يلا بالهنا
ألين: تسلم
انس مشا وصل جنب الباب رجع اتلفت: ااا.. ألين
اتلفتت عليهو
انس: لو متذكرة امبارح انا قلتا ليك عايزك في موضوع
ألين عملت نفسها بتتذكر وهي اساسا م نست، ألين:ايوة صح
انس: اكلي وتعالي لي برا مسنتيك جنب المسبح
ألين قلبها دقا: طيب بلحقك ي ترى عايز منها شنو؟ ح يطلع بحبها؟ ولو بحبها ليه قبل شوية بفكر في ران؟!

وليد فتح عيونو علي ضحكة انثوية رنانة ابتسم وهو بتخيل دي هي وفعلا لمن فتح عيونو لقاها هي..قاعدة في الكرسي رافعة كرعينها معاها قالعة نظارتها وشايلة كباية القهوة ،شكلها حبوبتو بتحكي ليها في حاجة ووعد م صدقتها لأنو حجة عواطف كانت بتقول ليها:والله جد ولاا طالباني حليفة
كان شكلها مغري بدون نظارة عيونها الناعسة وحواجبها المرسومة شعرها الاسود والواصل اكتافها
قطع تأملو صوت امو وهي بتقول:وليد صحيت؟
مع قولة وليد صحيت دي وعد نزلت كرعينها لبست نظارتها ولمت شعرها بالباندة
وليد عاين ليها مساافة بعد اتنحنح وهو بقوم مم حجر امو
حجة عواطف: ي ود خباري راقد في حجر امك زي البابو"البيبي"
وليد ضحك: مشتاق ليها ي حبوبة
اميرة"امو" ابتسمت
حجة عواطف: ربنا يخليها ليك وترقد في حجرها انت واولادك
وليد مع كلمة اولادك دي ابتسم وعاين لوعد الكانت بتعاين جوا كبايتها بعد مساافه رفعت عيونها لقتو مركز معاها شتتت انظارها بتوتر واستأذنت وطلعت خلتهم….


ألين قاعدة في المطبخ وسرحانة فاقت من شرودهر بصوت امها ونادية جو داخلين
امها"زينب": ألين اكلتي؟
ألين: اااا… اي اكلتا
نادية"ام ناس ران":ران لسا م صحت؟
ألين: لسا
زينب: شكلها تعبانة شديد
نادية: اي والله تعبو
زينب: الله يديهم العافية
نادية: اميين ي رب
ألين طبعا واقفة وبتعاين ليهم بس م مركزة رفعت عينها لساعة الحيطة الفي المطبخ لقتها 1:15 مرت نص ساعة من انس قال ليها مستنيها برا اتحركت بسرعة لبرا عشان م تتأخر عليهو اكتر مرت بأبوها واعماها الاتنين القاعدين في الصالة
عبداللّه"ابوها": ألين كيف اصبحتي؟
ألين وهي ماشة: حمدلله ي بابا
استغربو فيها بس م اشتغلو بالموضوع كتير.. اما هي وصلت جنب باب الفلة جات راجعة تاني عشان تشوف روحها بالمرايات المصلقين في الحيطة علي جنبتين الباب لقت وشها زابط بس شعرها مرخي فكتو وعملتو ضنب حصان تاني صلحت الجكت الرمادي وطلعت"كانت لابسة بنطلون بيت واسع رمادي وتشيرت ابيض وفوقو جكت رمادي مصلق معاهو" طلعت مشت علي جهة المسبح شافتو واقف وشغال بتلفونو مشت عليهو وقلبها سابقها بخطوات حسا بحركتها رفع عيونو ابتسم ورفع راسو وهو بدخل التلفون جوا جيبو

انس: اتأخرتي كدا ليه دا كلو اكل؟
ألين ضحكت وم ردت ليهو بالجد كانت مشوشة ومتوترة
قعد في كرسي الحديد القريب للمسبح "المسبح كان كبير وجنبو بالجهة الهم واقفين فيها في كراسي الحديد بتاعة الشاطئ ديك وبالجهة القصادهم بغادي من المسبح حمامات عشان الزول يخش يغير فيها" الشمس كان طاقة بس مبني الفلة مضلل حتة الكراسي دي ..قعد قدامها وهو بتنهد
ألين بترقب: شكلو الموضوع مهم
انس ضحك: ايييييييك مهم شديد
ألين: احكي سامعاك
انس: عايز استشيرك في حاجة ورايك ح اعمل بيهو
ألين قلبها دقا: تستشيرني انا؟
انس: اي في زول غيرك هنا؟
ألين ضحكت ببلاهة علي سؤالها الغبي
انس: بالجد الموضوع شاغلني شديد وم عارف اتصرف ومحتاج راي بت في الموضوع
ألين: اها
انس: ااااا.. م عارف ابدا كيف
ألين قلبها حيطلع من مكانو قالت بنفاذ صبر: انس لخص
انس ضحك وهو بقول:دقيقة… اخد نفس وطلعو.. لو انتي بتحبي زول وم عارفاهو ببادلك نفس المشاعر ولا لأ ح تعملي شنو؟
ألين سكتت ح تقول ليهو شنو هي حاليا بتحبو وم عارفاهو ببادلها نفس المشاعر ولا لأ
انس: احسن تمشي توريهو بدل تعيشي في شكوك صح؟
ألين: ااا.. اي احسن
انس: حلو انا هسي بحب لي وحدة امشي اعترف ليها؟
ألين مشاعرها اتلخبطت حست انو بتكلم عن وحدة غيرها راسها جاط وقررت تقطع الشك باليقين قالت:بتحب منو؟
انس سكت مسافة وهو بحرك في اصابعو بتوتر عاين للمسبح وتاني رجع نزل راسو ألين كانت مراقبة حركاتو دي وقلبها بدا يرقص بالفرحة لأنها حست انها البت البحبها بس فجأة قلبها اتشلت حركتو لمن سمعتو بقول :ران
ألين بهدوء كررت سؤالها:منو؟
انس: ران.. ران بت عمي عبدالرحيم
ألين حست كأنو زول كبا فيها موية بااااردة راسها لفى بلعت ريقها بصعوبة وهي بتعاين ليهو بتكلم لكين م سامعة صوتو غمضت عيونها وهو بتردد جواها: لا لا مستحيل
انس:ألينووو
فتحت عيونها وهي بتقول:هااا
انس: are u ok?
كيف تكون اوكيه حبيبها قاعد قدامها بعترف ليها انو بحب وحدة غيرها؟ وبحب منو كمان بحب ران.. ران اقرب وحدة ليها والوحيدة العارفة مشاعرها دي
انس: ي بت انتي كويسة؟
أليت ختت يدينها في عيونها:اااا.. كويسة بس مصدعة شوية
انس: بكون من السهر
ألين بعدم اهتمام:يمكن..صوتها اتحشرج وهي بتقول: اها كمل
انس ابتسم: بس بحبها وم عارف بتحبني ولا لأ ومحتار وم عارف اعمل شنو
ألين ابتسمت
انس: انتي اقرب وحدة ليها عشان كدا وريتك
ألين لسا مبتسمة بالغصب
انس بلهفة:هي بتحبني ولا عادي عندها.. يعني لمن اعمل حاجة انو تسوفنب بتقول شنو؟
ألين بلعت ريقها والعبر خنقتها هي اولى بلهفتو دي:م قعد تقول شي عادي
انس: اها طيب اعترف ليها؟
ألين: انت عايز تعترف ليها؟
انس: اكيد
ألين: طيب اوكيه اعترف
انس: شكرا ليك ولو احتجتا مساعدتك ح تساعديني صح؟
ألين: اكيد
انس: شكرا مرة تانية
ألين: ولو
تلفونو دقا عاين ليهو وركع اتلفت عليها: دا فهد امشي ليهو وبيناتنا قعدة
ألين 😊
انس مشا خلاها ابتسامتها بدت تختفي تدريجيا وهي شايفاهو ببعد عنها حست انها خلاق فقدتو وفقدت حبها غمضت عيونها واطلقت العنان لدموعها فجأة كل حاجة اتبدلت وانس بقى لران.. دنقرت راسها وهي بتبكي بصوت كل ما تتذكر شكلو وهو قدامها بتزيد في البكا….
--------------------------------------
---------------------
*يتبــــــــــــــــــــــــــــــــــــــــــــع*

*#قلوب_تائهه 《20》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
انس مشا لفهد في الاسطبل لقاهو بدخل الحصان في الغرفة بتاعتو
انس: وين امجد؟
فهد: خليتو بغادي قال م عايز يرجع هسي
انس: ايوااا
فهد جا عليهو بعد قفل باب الغرفة بتاعة الحصان :يلا
انس مشا معاهو
دخلو الفلة جوا لقو العيلة مجتمعة في الصالة.. انس اول م كا داخل عينو وقعت في ران كانت بتشوف مع نسرين في صور في تلفون نسرين ابتسم وقعد ،فهد اول ما قعد فتش دانة بعيونو م لاقاها
فهد: احم.. وين دانة؟
عبير: م صحت لسا لكين بعد دا اقوم اصحيها عشان طالعين بعد الغدا
فهد وقف علي حيلو: خليك انا بصحيها
ومشا علي السلم عبير: الله يغطيك ي ولدي
طلع ليها وقف المكيف وفتح الستاير الغرفة بقت مضوية
فهد وهو بمسح علي شعرها:دندون
دانة: ههههمممم
فهد: اصحي كفاية نوم
دانة اتقلبت علي الجهة التانية
فهد ابتسم: اصحي ي كوم النوم ..الساعة 2
دانة فتحت عيونها بخلعة: 2 ضهر؟
فهد اشر ليها علي جهة البلكونة نظام شوفي
دانة: استغفر الله العظيييم
فهد: صلي وتعالي اغير ليك الشاش
دانة وهي بتلف في شعرها:لا لا م بحتاج بغيرها براي
فهد رفع ليهر حاجبو: بطلي عوارة ي بت
ضحكت: اوك بطلنا
مشت علي الحمام اتسوكت واتوضت وجات صلت بعد انتهت كابت علبة الاسعافات الاولية وجات قعدت قدامو ابتسم وبدا يفك ليها الشاش
دانة: ششششش
فهد: معليش
المهم غير ليها وساقها نزلو تحت
عبداللّه:دا كلو نوم؟
دانة وهي بتقعد جنب حبوبتها: تعبانة ي عمو
عبداللّه:نوم العوافي
دانة ابتسمت ليهو: الله يعافيك
احمد: انا كنتا بقول لألين انها نوامة بس طلعت رحمة
دانة ضحكت وهي بتعاين لاحمد البدي امجد ملامح في الحواجب والعيون
عبير كانت في المطبخ كات وهي شايلة كباية عصير
عبير: صباح الخير
دانة: يسعد صباحك
قعدت جنب بتها وهي بتمسح في راسها:كيف رجلك؟
دانة مسكت يد امها وهي بتقول: حمدلله احسن كتير
عبير مدت ليها كباية العصير من التربيزة
ران فقدت ألين وقامت استأذنت منهم عشان تمشي تشوفها انس متابعها بعيونو لحدي ما طلعت بعدها اتنهد لقى فهد بعاين ليهو ابتسم ليهو وفهد بادلو الابتسامة
احمد: انس وفهد مالكم قال بتتبسمو لبعض؟
انس: انت مالك؟
فهد ضحك: مف شي عاين لي وابتسم وانا ابتسمت ليهو
احمد: استاذ فهد انت ليه انسان راقي كدا؟
الكل ضحك، عبير: ولدي الهدي الرضي
انس: ي جماعة م يغركم الهدوء دا الشخصية دي ميية من تحت تبن
وليد: مف تبن غيرك
انس: كدا ي ولي؟ حالتي اخوك الصغير المشتاق ليك؟
وليد: فصلتني لكين
الكل ضحك، بقو احمد ووليد شغالين قصف في انس فهد مرة يضحك ومرة يدافع لانس.. دانة استغربت امجد وينو بس م قدرت تسأل
حجة عواطف: يخواني ود عبداللّه الطغيان وينو؟
"قعد تقول ليهو الطغيان😂"
دانة قرربت تبوس حبوبتها
فهد; في الاسطبل.
حجة عواطف: دا شنو الاسطب دا كمان؟
احمد ضحك: اسطبل ي حبوبة اسطبل.. بتاع الحصين
حجة عواطف: خباري حايم بعيد كدي من الصباح م شفنا وشيشو؟
عبداللّه:اي صحي مالو م جا صبح علي الناس؟
احمد: انت براك بحب الاحصنة قدر شنو
عبدالفتاح: غايتو امجد دا طبعو كدا دايما بحب يكون براهو

فهد: الصباح قلتا ليهو الكلام دا
انس: شخصية بتحب الهدوء
"خلاص قلبتو عليهو؟🙂👋🏻"
حجة عواطف بخبرة: ي عبداللّه ولدك دا مهموووووم قليبو واجعو
انس ضحك: ي حبوبة موجوع شنو امجد دا مفتري بس
دانة بلعت ريقها ونزلت عيونها علي كبايتها البين يدينها فعلا هو مهموم وقلبو واجعو هي عارفة الحتة دي بس حبوبتها كيف قدرت تعرف
حجة عواطف: انت العرفك شنو؟ امجد انا بعرفو من عويناتو ..ليهو فترة م ياهو
الكل كانو بسمعو فيها بأهتمام لأنو عارفين قدر شنو هي بتجبو واقرب حفيد ليها
انس تاني قاطعها وهو بضحك: حبوبة دا كلام هنود ساي والله.. امجد كويس تب حجة عواطف ضربتو بعكازها في رجلو ولأنو كان بعيد شوية الضربة جاتو في قدمو
حجة عواطف: هسي انا قلتا انو عيان؟ نصيح تب بس عايز ليهو حاجة بعيدة منو
دانة عاينت لحبوبتها باستغراب كيف بتقدر تقول حاجات امجد بذات نفسو احتمال يكون م صرح بيها
انس: ااااخ ي حبوبة كسرتي لي رجلي
حجة عواطف: هالمستهبل دا انا خابراك وخابرة حركاتك دي
الكل ضحك، عبداللّه بقى يفكر مساافة في كلام امو معقول ولدو يكون شايل دا كلو وهو م لاحظ ليهو…احمد بطقطق في يدينو وهو بفكر في كلام حبوبنو هو تقريبا عارب السبب في تغير اخوهو عارف همو ووجعو او بالاحري كان عارفو زمان لأنو امجد كان بحكي ليهو عن علاقتو مع دانة وحكا ليهو شكلتهم وانهم خلو بعض ووقف بقى م بحكي معقول لسا بحبها؟ طيب لو بحبها هل دانة لسا بتحبو؟ اتنهد وهو مقرر انو يسأل اخوهو عن الموضوع دا اول ما يلقى فرصة مناسبة.. عاين لدانة وهي بتقيف وتستأذن منهم وتطلع لبرا بخطوات بطيئة…

عند ران وألين.. ران ليها قريب نص ساعة بتحنس في ألين عشان توريها مالا وألين ساكتة وبتعاين للمسبح
ران: ألين م ممكن معاك
ألين اتلفتت عليها: م ممكن معاي انا؟ انتي الم ممكن معاك عايزة مني شنو انتي؟
ران اتخلعت وقالت بصوت اقرب للهمس: ألين!!
ألين: م اسمي ألين ابعدي مني
ران عيونها اتملو دموع:ألين طيب انا عملتا ليك شنو؟
ألين م ردت ليها وقامت عشان تمشي
ران: ألين انا زعلتك في حاجة؟
ألين نتقت يدها منها ومشت خلتها مستغربة…

عند امجد ودانة، امجد جاي علي الاسطبل وهو راكب الحصان شافها واقفة جنب الباب الاسطبل وبتتلفت كأنها بتفتش فيهو اتنهد ونزل راسو ، شافتو واستعدلت في وقفتها وصلها ونزل من الحصان مسك السرج وبقى يعاين ليها ،ارتبكت م عرفت تعمل شنوظ
امجد لما حسا بتوترها قال: كيف اصبحتي؟
دانة: احم.. حمدلله
امجد: رجلك بقت كيف؟
دانة عاينت لرجلها: حمدلله احسن بكتير
امجد ثبت عيونو في عيونها: غيرتي الشاش؟
دانة عاينت ليهو لثانية بعدهر شتتت نظرها: اي غيرها لي فهد
عاين ليها كدااا بعدها اتنهد:طب كويس
وقف مساافة راجيها تتكلم ما هو اكيد م جات لحدي هنا ساي
عاينت لاركينو وقالت: دا حصانك؟
امجد وهو بمسح علي راس اركينو: اي.. اسمو اركينو
دانة: حلو شديد
طبعا اركينو كان لونو بني وفي بقعة كبييرة في صهرو بالاسود
امجد ابتسم
دانة: ممكن اهبشو؟
امجد: اااا… م اظن يرضا بس كدي جربي
دانة قربت خطوة ومدت يدها براااحة علي راس اركينو طبعا خايفة ،امجد اتنهد ومسك يدها ختاها بين عيون اركينو
دانة نطت بخلعة امجد افتكرها من هبشة الحصان وهي نطت من هبشة يدو
امجد ابتسم لمن اركينو م نفر من دانة
دانة بقت تمرر يدها في راسو وهي مبتسمة
امجد:غريبة سمح ليك تهبشيو
دانة عاينت ليهو باستغراب
امجد فسر: م قعد يرضي زول غيري يهبشو
دانة ابتسمت
امجد وهو بدخل يدينو كوا جيوبو: تصدقي الصباح فهد عايز يشوفو اركينو نفر منو
دانة عاينت لامجد: غريبة صح؟
امجد مشا عليها خطوة:غريبة شديد شتتت نظرها وهو متوترة من قربو ابتسم علي ارتباكها ومسك سرج اركينو وساقو عشان يدخلو في الغرفة قفل الباب.. شال جردل الموية ختاهو تحت الماسورة الجنب باب الاسطبل
دانة وهي مراقباهو: حبوبة قالت انك مهموم
عاين ليها ورجع عاين للجردل
مشت خطوة عليهو وهي بتقول: قالت انو قلبك واجعك وعايز ليك حاجة بعيدة منك
امجد قفل الماسورة وشال الجردل: وانتي شايفة شنو؟
م عرفت تقول شنو ..ي الله منك ي امجد دايما بتختني في مواقف ضيقة.. اتنهدت وقالت بعد مسااافة: شايفة انو كلامها صح اضافة لأنك حارم نفسك من حاجة انت عايزها وهي عايزاك
عاين ليها وهو بقفل في باب الغرفة طبلو وجا عليها..رجعت لورا لمن وقف قدامها جا خطوة عليها وهي رجعت خطوتين ضهرها اتلصق ب باب الاسطبل من جوا ختا يدينو حولينها وقرب وشو منها غمضت عيونها لمن جاب خشمو جنب اضانها وهمس ليها: انا حارم نفسي منها لأنها بتأذيني
فتحت عيونها بخلعة من كلامو اما هو زحا منها وطلع.. بقت واقفة ومصدومة ..انا بأذيهو؟! طلعت لقتو واقف ومديها ضهرو نظام راجيها عشان م يخليها هنا براها فت فت فت مشت وهو وراها...ولمن قربو لباب الفلة تلفونو دقا رفعو وكانت المكالمة من ياسر