*#قلوب_تائهه 《11》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
كل عائلة العين بدت تجهز لعرس ولدهم وبتهم.. شهد طبعا طوالي نزلت السوق الشيلة والارياح وبتاع الاسبوع الاول دا كلو قصتو تصحي الصباح تمش السوق ترجع بالمسا تنوم وتصحي تاني تمشي السوق وعلي هذا الموال لحدي ما خلصت حاجاتها… الاسبوع التاني بدو ليها الحبسة والدخان نسرين طبعا فاالحة في الحاجات الزي دي"نسرين الهنا"…
الشباب ديل مشغولين بالفنانين وألين وران بالفساتين والقصات وكدا.. نسرين كانت احمد بوديها الصباح بيت ناس امها ولما يجي راجع من الشغل يسوقها ابا يخليها ليهم… لحدي قبل العرس ب اسبوع كدا ستفت شنطتها وكبرتها بيت ناس امها…
ومع بداية الاسبوع ابدت الحنن السنن… رامي كان عندو 3 حنن بدت من يوم الاتنين كانت في الصالة بطه سليمان الاولاد ديل حتوهو حت نضيييييف بعدها رجعو كلهم فلة عبدالرحيم والبنات مشو فلة عبدالفتاح ..اساسا العيلة كلها متقسمة جزو في بيت العريس وجزو في بيت العريس…
يوم التلات كانت الحنة دي جيه في الصالة عاملاها ليهو حجة عواطف "حبوبة الهنا👋🏻 " الاولاد"رامي،احمد،امجد، انس،فهد" كانو لابسين بناطلين جينز اسود وقمصان سودا وجكت بدلة بيجي فيهو رقعة في الكوع بالاسود كانو خرافييييين ورقصو رقيص الجن رامي دا حتااهو لمن قال بس…
يون الاربع حنة شهد في صالة عاملاها ليها حجة عواطف برضو جابو ليهم ميادة قمر الدين "آآه انا ي غزالي💃🏻" البنات "نسرين ، وعد، دانة، ألين، ران" لابسين فساتين سودا شامو مع الجسم وفيها فراشات بالفضي وعاملين شعرهم ضنب حصان فيهو حاجات كدا صغار مشتتة بالفضي والميك آب دا عجيب.. شهد جات وكانت لابسة فستان زي بتاع ساندريلا لونو سمواي فااااتح والاكسسري بالفضي وجايبة شعرها كلو بالجنبة وخاتة بالجنبة التانية دبوس شعر كبير شكل طاؤس الاولاد "عدا رامي طبعا" لما جو وشافو البنات عملو كدا🤤..امجد بقى يعاين ل دانة الفستان كان زابط شديد مع جسمها وضنب الحصان جااي مع ملامح وشها وميكبها كان خفيف بس الروج احمر صااااااخ… احمد برضو بقى يعاين ل نسرين وشعرها العاملاهو ضنب حصان ليها فترة طويلة م فكت شعرها جسمها كان رهيب شديد وم بتديك احساس انها متزوجة عاملة ميك آب بالبنفسج الغااامق…
المهم رقصو رقيص الجن والاولاد جو عملو دايرة حولين شهد ومعاهم ألين وران ووعد ونسرين ..دانة قاعدة جنب امها ..ميادة بدت تغني غنية "كان معاي سمنة علي عسل ي ناس" دانة ابتسمت وهي بتعاين لامجد عاين ليها اشرت عليها وعليهو نظام كنا سمنة علي عسل ..ضحك بخفة وتابع رقيصو… في الفاصل الغنائي😂 هي قصدي الفاصل البتعشو فيهو… .انس جرا فهد ومشو علي جهة البنات وبقو يتونسو معاهم شوية كدا ونسرين جرت دانة عشان تمشي معاها الحمام "احمد طبعا كان بشرف علي توزيع العشا عامل فيها مسؤل وكدا🙊"
نسرين ودانة اتجهو علي جهة الحمام لاقاهم هادي سلمو عليهو
نسرين: طيب دندون انا ح اسبقك
دانة: اووك
وبقت تتونس مع هادي وفجأة امجد ظهر ليهم من العدم، امجد ومن غير م يسلم علي هادي: دانة تعالي عايزينك
هادي: اووو امجد.. طب سلم اول

امجد ببرود وهو منعس عيونو: م لاحظت ليك
هادي جرا ليهو نور وم ردا
دانة: دقيقه ي هادي عن اذنك
هادي: لا لا ولا يهمك اصلا نحنا طالعين بعد دا
دانة: ليه؟ لسا الحفلة م انتهت
هادي: بكرة شغال بدري والله
امجد: اي احسن ليك تمشي تنوم
دانة عاينت لامجد بعداك لهادي وقالت: تمام بس اكيد بكرة ح تجو صح؟
هادي: ان شاءالله
مشا ، دانة عاينت لامجد وقالت: ??are u ok
امجد م ردا
دانة اتأفأفت بعدها قالت: اها العايزني منو؟
امجد: انا عايزك
قلبها عمل شحح وم ردت
امجد عارف روحو غلطان مف داعي يعمل حركاتو دي لهادي في النهاية هو ود عمتها ، امجد:طالعة قمر الليلة
ابتسمت غصبا عنها وقالت: وانت كمان حنتك حلوة
رفع يدو الشمال وكان متحنن حنة تقول ي ليييل وقال ليها: دي؟
دانة: اي دي
فجأة لقتو خلخل اصابعو في اصابعا عاينت ليه بخلعة ابتسم وقال: كدا بقت احلي
عانيت ليهو في عيونو مسافة وبعدها عايزة تجر يدها مكسها اقوي وقال: دقيقة نصورهم
وطلع تلفونو باليد التانية وفتحو ..بقت تعاين ل يدينهم سوا حنتو الجاية مع لونو ومنكيرها الاسود الجاي مع لونها…
في هذة الاثناء نسرين كانت دخلت الحمام وجات طالعة كدا مرت ب مرتين قاعدين قريب للحمام نادوها وسلمو عليها وحدة منهم قالت ليها: انتي مرت ود عبداللّه الكبير صح؟
نسرين بابتسامتها العجيبة ديك: اي مرت احمد
المرا: حلاااتك ما شاء الله
نسرين: الله م ضراك ي خالتو
التانية: هي الحلا فايدتها شنو لو م قادرة تجيب ليهو ليهو شافع يشيل اسمو؟
نسرين ابتسامتها اختفت

المرا: اجيييي… ليكم كم متزوجين؟
نسرين: سنتين
المرا: والله ي بتي انا عارفة الجيل دا الوحدة تقول ليك انا م متسعدة اخلف انا عايزث وقت وم عارفة شنو..
نسرين الدموع بدت تتجمع في عيونها
المرا كملت كلامها: لمن الراجل يزهج منها ويمشي يدبل اصلا رجال الزمن دا بتمسكيهم بالعيال غير كدا لا تقولي حب لا خرابيط سمح ي بتي؟
نسرين حركت ليها راسها نظام سمح وهي العبرة خانقاها
المرا اتلفتت علي الجنبها وقالت: هسي كان شفتي ي سمية بت عباس اخوي راجلها عرس فيها…
نسرين: عن اذنكم
ومشت والمرتين ولا اشتغلو بيها اول م ادتهم ضهرها دموعها جر 10/10…
احمد بفتش فيها فكر يدق ليها بس تلفونها معاهو مشا للشباب وقال: شباب شفتو لي نسو؟
انس: اشتقت ليها ولا شنو؟ راعي لشعور السناقل الزينا
احمد مشا خلاهم بضحكو لأنو بالجد كان حاسي انها م كويسة اتحرك من جنبهم وبقى ماشي وبفتش بعيونو شاف امجد ودانة
احمد: شفتو لي نسرين؟
دانة: ايوة قبل شويتين كانت ماشة الحمام
احمد: معليش بس شوفيها لي في الحمام
دانة: عادي ولو
ومشت الحمام لقتها واقفة قدام المراية وبتبكي
دانة: بسم الله اشفيك نسرين؟
نسرين مسحت دموعها: مف شي
دانة: ي بت شوفي وشك بقى كيف وتقولي لي مف شي؟
نسرين سكتت وهي بتمسح في دموعها بعد مسافة قالت: علبة البارد وقعت لي في رجلي وكنت حفيانة
دانة لا شعوريا عيونها اتجهت علي رجل نسرين: جد؟ وهسي كيف؟
نسرين: حمدلله وجعتتني شديد ببس. هسي احسن
دانة: طيب تعالي معاي لأنو احمد قالب عليك الدنيا
نسرين مسحت دموعها وقالت بهدوء : ارح
دانة: اسبقيني انتي وانا بجي وراك
نسرين: طيب
طلعت من الحمام لقت احمد قريب من الحمام اول م شافتو العبرة خنقتها وعيونها اتملو دموع احمد جا عليها وقال بلهفة: نسرين وينك انتي؟
نسرين: كنت في الحمام
احمد عقد حواجبو وقال: مالك انتي؟
نسرين: مالي؟
احمد: ليه كنتي بتبكي؟
نسرين اتوترت وشتتت نظرها: علبة البارد رقعت لي في رجلي
احمد: جد؟ كدي اشوفها ليك وانحني عشان يشوفها مسكتو من كتفو وهي بتقول: هسي بقت تمام
احمد جراها: طيب تعالي اقعدي خلينا نشوفها
نسرين وقفت ولفتتو عليها: احمد الموضوع م مستاهل واصلا هسي بقيت تمام
احمد عاين ليها في عيونها بشك ابتسمت ليهو عشان تثبت انها تمام
احمد اتنهد: تمام يلا
ومسك يدها ومشا مشت معاهو وهي بتفكر في كلام المرا القالتو ليها قبل شوية قطع شرودها صوت امها من وراها بتناديها
وقفت واتلفتت علي امها امها اشرت ليها نظام تعالي
عاينت لاحمد لقتو مثبت عيونو عليها ابتسمت ليهو وقالت: دقايق وراجعة
جرت يدها منو هو كان ماسكها قووي مشت لأمها ،اما هو فضل يفكر في السبب الخلاها تبكي ومتأكد انو حنك علبة البارد دا م صح.. راقبها وهي ماشة م كانت بتعرج نزل عيونو لكرعينها ودقق النظر في اصباعها الظاااهرة من بين سيور الشبط الفضي اتنهد ورفع عيونو لقاها بتضحك وبترجع شعرها لورا ابتسم لضحكتها وردد: الله يحفظك…
عبير فتشت بتها الوحيدة بعيونها لقتها بتسلم علي مرا كدا سلمت عليها ولما عايزة تزح كدا شعرها اتشربك في توب المرا دانة بت تفكو براحة وابتسامة بشوشة مستقرة علي ثغرها عبير بدت تحصن في بتها ذات الجمال الساحر والشعر الطويل وم عارفة انو عيون امجد كانت مراقبها وبتحصنها….
--------------------------------------
---------------------
*يتبــــــــــــــــــــــــــــــــــــــــــــع*

*#قلوب_تائهه 《12》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
الحفلة بدت تاني والناس بدو يتجهو للدايرة المستلمينها شباب وبنات عيلة العين… ألين شغالة ترقص مع ران وامجد، فهد واقف وبصفق انس واقف قدام شهد وماسك يدينها وبرقصها نسرين واقفين جنبها وبصفقو.. علي كدا الحفلة انتهت انس واقف جنب شهد ومحاوط اكتافها بيدو وباقي الشباب مجتمعين حولهم..
امجد وهو بعاين لالين بقعر عينو: والله في وحدة كدا طلعت قااااطعة الليلة
ألين لكزتو في بطنو بكوعها:الله خلقني قاطعة صح ي احمد؟
احمد: صحين ي قلبي
الكل ضحك
فهد: لا بالجد دا منو الصمم ليكم الفساتين دي؟
دانة: نسرين اختارت القصة والقماش وانا اخترت اللون
ألين: وانا اخترت التسريحة
امجد: هسي دي تسريحة؟ بلاي عبارة عن باندة مسكتو بيها شعركم ..غايتو ألين عولقتكم
ألين: اصلا انت العرفك شنو بالفاشون؟
امجد ضحك بسخرية: م اسمها فاشون اسمها "عوارة بنات" ورفع اصباعو حركة علامتي التنصيص ديك
الاولاد ضحكو ،انس: اوافقك الرأي
فهد: كلامك صح
امجد عاين لاحمد نظام اها وانت؟
احمد: معااك ي اصلي
ألين ضيقت عيونها:مششششم جنس تخلف في الدنيا دي
ران: اساسا الم بعرف الموضة بقول عليها.. قلدت صوت امجد.. عوارة بنات
دانة ضحكت: خليهم خليهم الموضة دي اكبر من مستوي استيعابهم
امجد جرا ليها نور
شهد: اصلا قليل من الرجال بفهمو في الفاشون وكدا
انس: امممم… ورامي واحد من القليلين دي صح؟
شهد ضحكت: اكيد
… المهم اتونسو كدا بعدها طلعو كل زول مشا علي بيتو عدا دانة ونسرين مشو مع شهد بعد وصلو ومسحو الميك آب واستحمو وكدا رامي دقا ل شهد انبطحت في السرير وقبلت علي الحيطة وبدت تخلط ..دانة رقدت جنبها وهي بتفكر في امجد وتصرفاتو معاها.. م قادرة تحدد لو لسا بحبها ولا نساها.. يمكن بحبها بس بكابر او يمكن نسا حبهم لأنو العملتو ليهو زمان م هيين اتنهدت وشالت تلفونها عشان تطلع من المود فتحت النت.. جاها اشعار في الفيس "امجد عبدو قام باضافة منشور جديد" دخلت طوالي لقتو رافع صورة يدينهم الجبيل وكاتب" عشقتها عمراً وغدرتني ساعة... انتظرتها دهراً وخذلتني ساعة... اعطيتها قلبي لتجعله فتاتاً... سقيتها حباً وولها لتطعن ايسر صدري بخنجر الفراق المسموم.. تمنيتها ربيعاً وعفصت بي شتاءً قارصاً" غمضت عيونها بألم وهي بتنهد علي حالتهم بتحبو وبحبها بس مرات الجرح بكون اكبر من الحب اتذكرت اول يوم اعترف ليها بحبو ليها…
في المطار.. امجد 15سنة: دانة انا بحبك عارفة يعني شنو بحبك؟
دانة 13 سنة ضحكت: يعني شنو؟
امجد: يعني لمن اكبر واشتغل ح اجي اعرسك
نزلت راسها ،امجد: يلا انتو هسي مسافرين بس اول ما تصلي ح ادق ليك
دانة رجعت تبكي ،امجد: م تبكي ياخ مش انتي حبيبتي؟
دانة اشرت ليهو براسها نظام اي وقالت: بس ح اشتاق ليكم
امجد: وانا كمان ح اشتاق ليك بس اوعدك كل يوم ح اتصل عليك
دانة عاينت ليهو بعيون دامعة:وعد؟
امجد مسح ليها دموعها:وعد…
ابتسمت وهي بتتذكر انو وفا بوعدو بالرغم من انو لسا شافع غمضتت عيونها وهي بتتنهد بحسرة علي حب عمرها الضيعتو ب يدها ب تهورها…

في مكان آخر… كان قاعد في كراسي الجنينة ورافع كرعينو في التربيزة قدامو وتاكل راسو في الكرسي لورا وبعاين للسما....بحبها واشتاق ليها بس برضو زعلان منها ومتضايق من تصرفها الاخير موجوع من الطريقة الهجرتو بيها كل ما يتذكر الحصل ليهو بعدها قلبو بقسى ولما يتذكر ايامهم سوا برجع يحن..

نفسو يرجع معاها زي زمان نفسو يدق ليها تلفون ويحكي ليها عن احداث يومو زي ما كان بعمل زمان… بس كمان م قادر ينسي العملتو والعذاب الاتعذبو بسبب تهورها اتذكر........
يوم كانو ناس دانة راجعين دبي وهي وامجد قاعدين في الطوطحانية الفي الجنينة وهي بتبكي
امجد 17:خلاص ي جن نفسك ح يكتم بالبكا
دانة14:امجد ليه م حاسي بي؟ تاني م ح اقدر اشوفك ولا امسك يدك ولا اتنوس معاك زي هسي
امجد ضحك: حبيبي ي ناس.. بس اوعدك م ح اخليك تشتاقي لي بعدين انا كل يوم بتكلم معاك اسكايب
دانة ارتمت في حضنو: من هسي مشتاقة ليك
ضحك وهو برفع عيونو للسما عشان يمنع دموعو م تنزل ربت علي ضهرها بحنية وقضو باقي يومهم داك كلو هي تبكي وهو يحنس فيها مع انو حالتو م افضل من حالتها….
عاين للطوطحانية المختوتة علي بعد امتار منو ابتسم ليها ..ابتسم للحظات الجميلة الجمعتهم فيها بس كمان اتذكر آخر ذكرى اتذكر كيغ رددت ليهو "بكرهك" وكيف انهت حب عمرهم بطريقة متهورة رجع راسو وغمض عيونو وهو بقول: ي رب..رحمتك…

سلاما علي اصحاب العيون الساهرة علي الذين تبدأ معاركهم عند الواحدة صباحا، اولئك الذين يشاركون عقرب الساعة دقاته بأعينهم الذين تعحز حتي الموسيقي علي مقاسمتهم ليلهم وحدها الذكريات من تستطيع ذلك.. اصحاب الهالات الذين تزيدهم جاذبية، اما الذين ينامون الليل فلا سلام عليهم ولا يحزنون…
--------------------------------------
---------------------
*يتبــــــــــــــــــــــــــــــــــــــــــــع*

*#قلوب_تائهه 《13》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
شوية كدا واحمد جا طالع وماسك تلفونو ب يدو الشمال خاتيهو جنب اضانو.. جا علي امجد ولما وصلو اتأفأف ونزل التلفون ورما نفسو في الكرسي
امجدرفع راسو: ابو حميد مالك ي زول؟
احمد رجع راسو وغمض عيونو وهو بقول: نسرين
امجد: مالا؟
احمد: جبيل في الحفلة كانت م طبيعية وهسي بدق ليها م بترد
امجد اعتدل في قعدو: م طبيعية كيف يعني؟
احمد اعتدل برضو: كانت بتبكي سألتها قالت علبة البارد ضربتها في رجلها بس كرعينها الاتنين م فيهم حاجة
امجد فجر الضحكة بأعلي صوتو
احمد اتمدا ضربو في ضهرو وهو بقول: الدنيا ليل ي عمنا امجد بصوت ضاحك: يعني انت هسي متنشن كدا عشان علبة البارد وقعت ليها في رجلها؟
احمد: لا عشان حاسي انها م كويسة وفي حاجة مضايقاها
امجد رفع ليهو حواجبو الاتنين نظام يااااخي
احمد: ئه ..عمرك م ح تفهم
امجد انحني لقدام وقال:فهمني طيب
احمد: يعني انا هسي حاسي انو في مضايقاها ركانت بتبكي لحاجة غير موضوع علبة البارد
امجد عاين ليهو مسااافة بعدها قال: لا لا انت مكبر الموضوع بس… وي سيدي اصلا حتكون نايمة عشان كدا م بترد
احمد اتنهد وم ردا… بعد صمت دام لدقايق طويلة امجد رجع يفكر في الدوامة الهو عايش فيها انتشلو منها صوت احمد وهو بقول: انت ليه صاحي؟
امجد حرك اكتافو بلامبالاة وقال: م جايني نوم
احمد: م تعبان من الحفلة؟
امجد: لا لا بس صداع خفيف كدا
احمد: قوم ابلع ليك بندول
امجد حرك راسو نظام لا م عايز
احمد: طيب قوم نوم وبكرة ح ترتاح ان شاءالله
امجد: طيب
احمد وقف: تصبح علي خير
امجد: وانت بخير
احمد مشا وهو محتار من حال اخوهو الاتقلب فجأة ليهو شهر نومو م منتظم… امجد رفع تلفونو وبدا يدخل في رقم ياسر بس اتراجع لمن عاين للساعة ولقاها 3:15 صباحا اتنهد وختا التلفون رفع كرعينو وطلع سجارتو ..ايقن انو الارق الكان عندو قبل شهر هسي رجع ليهو بشوفتها… دقايق بسيطة مرت وقطع الصمت صوت جمال مصباح وهو بغني"انا قلبي مالو اليوم" رفع تلفونو باستغراب منو ح يكون صاحي هسي لكن ابتسم باستعاااع لحدي ما ظهرت سنو المردوفة لما شاف المتصل ياسر
امجد: ذكرتا القط
ياسر:قط في عينك ي معفن
امجد ضحك
ياسر: امجد انت كويس؟
امجد: حمدلله
ياسر: وليه م نمت؟
امجد: شكلو الارق رجع تاني ياسر اتنهد وسكت
امجد: بكرة حنة رامي الاخيرة ح تجي صح؟
ياسر: اكييييد
امجد: اها الحجة كيف؟
ياسر; كوييسة حمدلله
امجد: م جاية قريب؟
ياسر: لا لا ي زول شكلها السعودية عاجباها
امجد: احسن ليها والله
ياسر: بس نحنا م احسن لينا
امجد: ي راجل ي كبير داير ماما؟
ياسر ضحك: انا دايل ماما.. اهئ اهئ
امجد ضحك لمن بقى يكح وياسر شاركو الضحك
امجد: هوي انت صاحي ليه؟
ياسر: لحكمة ربك بس صحيت قبل تلت ساعة كدا وم قدرت انوم فقلت ادق اشوف المرض دا نايم ولا مساهر
امجد: المرض دا م اكون انا بس؟
ياسر ضحك: اصلا في مرض غيرك؟
امجد: تسلم الله يخليك
ياسر بجدية: اخبار دانة شنو؟
امجد اختفت ابتسامتو وقال: مف جديد
ياسر: امجد انت بتحبها
امجد: بحبها بس هي خلتني زمان واسيل بتحبني ومستحيل اخليها

ياسر: بس انت م بتحب اسيل
امجد: بس هي بتحبني وبتفهمني ووقفت معاي زمان وانا.. فتش كلمة توصف شعرو اتجاها.. انا بحترمها وبرتاح معاها
ياسر: بس بتحب دانة ومشتاق ليها وم قادر تنوم من التفكير فيها
امجد غمض عيونو وقال: ياسر عليك الله م تجوطها اكتر مما هي جايطة
ياسر: براك مجوطها ممكن ببساطة تمشي لدانة وترجعو زي ما كنتو
امجد: واسيل.. اخليها زي م دانة خلتني؟ ادوقها نفس الانا دقتو؟ ليه هي ذنبها شنو؟
ياسر: ذنبها انها فرقت بينكم زمان وذنبها انها حبت واحد بحب غيرها ومعتبرها صحبتو وبس
امجد فرك عيونو بتعب وقال: هسي اسيل قالت عايز تجي العرس
ياسر: عرس رامي؟؟؟!!
امجد: امممم
ياسر: وح تجيبها؟
امجد: يب
ياسر صرخ: تبقى جنيت ي امجد
امجد سكت
ياسر: امجد خت نفسك مكان دانة ح تقدر تشوف حبيبها القديم من البت الفرقتهم؟
امجد: اسيل مصرة شديد وزعلانة عشان م خليتها تجي الحنن
ياسر: انت اسيل بتقدر تتحكم فيها بس دانة لا م ح تقدر تتحكم في ردة فعلها لما تشوفك مع وحدة غيرها
"ياسر محامي الدافع الشخصي بتاع دانة🙊👋🏻"
امجد كورك: ودا السبب المخليني اتمسك ب اسيل اني بقدر اتحكم فيها
ياسر: امجد انت متمسك بيها لأنها خيار تاني بالنسبة ليك بس قلبها مع دانة
فضلو يتناقشو لحدي اذان الصبح قفلو بعد ما اتفقو يتلاقو الصباح في الجامعة….


*في مكان آخر…*
*فلة عبدالفتاح..*
جناح انس… راقد في غرفتو بعد صلى الصبح وم قدر ينوم تاني وهو بفكر فيها.. قرر انو ح يعترف ليها ويقطع الشك باليقين خيبة حاسمة احسن بكتير من تردد قاتل بس في حاجة جواهو بتقول ليهو انها ح توافق وحتكون من نصيبو ابتسم لفكرة انها تكون مرتو ونصو التاني واتخيل يجي داخل البيت يلاقها راجاهو ..اتسعت ابتسامتو وهو بردد ان شاءالله… .

واثناء ما كانت في قلوب تائهة، محتار، مشتاقة، موجوعة وحزينة… كانت في قلوب بتملك فرحة الدنيا كلها قلوب بيفصل بينها وبين امنياتها ساعات بس قلوب م قادرة توقف من كلمات الشكر لربها….رامي في غرفتو بجهز عشان طالع لبس بنطلون جينز اسود وتيشريت اسود وفوقو جكت رمادي فوقو طاقية لورا.. اتعطر بعد م لبس الاسبورت الاسود وشال تلفونو ومفاتيحو ونزل بخطوات مرحة وهو بصفر وابتسامة ساحرة مظهرة وجناتو استقرت في ثغرو… ركب عربيتو واتجه ل احد وكالات السفر المشهورة عشان يقطع تيكت الهني مووون ل جزر المالديف🤤… .

بهناك شهد كانت معاها دانة ونسرين جهزو كل حاجة… نسرين جات داخلة وهي شايلة صينية صغيرة فيها كباية عصير وسندوتشات نوتلا
نسرين: شودي يلا اكلي عشان تنومي
شهد: افف انا صحيت قبل ساعة بس
دانة ضحكت
نسرين ختت الصينية وهي بتقول:يلا سريع
شهد كرفست وشها وشالت واحد من السندوتشات
نسرين: دندون علي فكرة انتي كمان عندك سندوتش
دانة: لا لا م جعانة هسي
نسرين: م علي كيفك يلا انتي زاتك زي المحبوسة مع شهد
دانة ضحكت: بس اكيد م ح انوم هسي
شهد: والله لو انتي م نمتي انا م بنوم
نسرين: شهد بطلي نقة… بعدين ي طيرة نومي عشان بكرة تطلعي قمرر
شهد: ياخ لي 10 يوم بس باكل وبشرب وبنوم
نسرين: اصلا دي اصول الحبسة +انتي حبستك كانت قصيرة زاتا
شهد: نسو انتي م ماشة لراجلك؟
دانة كر كر كر ضحكت
نسرين اتذكرت راجلها الهي حراماهو من الاطفال غصبا عنها ،ابتسمت وقالت: م طالعة من البيت دا الا لما انتي تشيلي شنطتك دي وتهجي
دانة: وانا بعد
نسرين: انتي زاتك دانة دورك ح يجي
شهد: كمان ي دانة ح نقعدك في الدخان قبل 6 شهور
دانة ضحكت بخلعة: انتي مجنونة؟
شهد: اي بس
نسرين ضحكت،ودانة شردت… معقول ح يجي يوم ويجهزوها ل امجد؟ حست بكهربا في جسمها بمجرد التفكير..
نسرين طلعت من جناح شهد ونازلة لتحت وهي بتفكر في احمد وعدم ولادتها ..معقول يكون م لاحظ تأخر ولادتها؟اكيد لاحظ بس احتمال م عايز يحرجها اكيد بكون متضايق ونفسو يكون اب زي باقي الرجال واكيد هي م ح تمنعو ولا من حقها اصلا.. في اللحظة دي تلفونها دقا رفعتو لقت الشاشة مضوية بأسم"سيد الرجال🖤 " نزلتو وهي بتحارب دموعها.. المكالمة انتهت وتاني دقا ايقنت انو م ح يوقف الا ترد ليهو احمد وهي عارفاهو…
ردت بصوت جاهدت تطلعو:ألو
احمد بلهفة: نسرين وينك انتي؟
نسرين دموعها جرو: هنا
احمد استغرب من صوتها:دقيت ليك امبارح كتير ولما م رديتي قلتا ح ترجع لي لما تشوف المكالمات
نسرين مسحت دموعها:اي بس م قدرت… مشغولة شديد
احمد بصوت حنين:معقولة نسيتيني؟
نسرين قعدت في السلم وتكلت راسها في الداربزين:انساك كيف؟هو انا بقدر انساك؟
احمد ابتسم: اشتقت ليك
نسرين ابتسمت وعيونها بدت تدمع تاني
احمد:وشديد كمان
نسرين: وانا برضو
احمد اتذكر امبارح: نسرين انتي كويسة؟

نسرين مسحت دموعها: اي حمدلله
احمد سكت كأنو بحاول يصدقها
نسرين: ليه؟
احمد:م عارف من امبارح م عاجباني… م علي طبيعتك
نسرين دموعها جرو: عشان تعب العرس بس انا تمام
احمد بشك: متأكدة؟
نسرين: اي
احمد: خلاص تمام ..انا شغال هسي بدق ليك بعدين نسرين مسحت دموعها:تمام
احمد: يلا في حفظ الرحمن
نسرين: احمد
احمد: عيونو
نسرين بصوت باكي: بحبك
احمد: وانا كمان بحبك.. بس بتبكي ليه؟
نسرين: اشتقت ليك
احمد ضحك: حبيبي انا.. معليش بكرة ان شاءالله نرجع بيتنا
نسرين مسحت دموعها: ان شاءالله
احمد: خلي بالك من نفسك وم تتعبي روحك
نسرين: تمام.. وانت برضو خلي بالك من نفسك
احمد: حاضر.. يلا لبعدين
نسرين: يلا
احمد: في حفظ الرحمن
وقفل الخط وهي انهارت ختت يدينها في خشمها عشان تكتم صوتها.. حرام تحرمو من الاطفال تحرمو من احساس الابوة بس كمان الحاجة دي م بيدها لو بيدها كانت جابت ليهو اطفال الدنيا دي كلها.. سمعت صوت امها بتناديها مسحت دموعها ووقفت علي حيلها وهي مقررة تشوف حل للموضوع دا…….

*فلة عبدالرحيم…*
جناح ران…ألين وران جهزو فساتين الحنة وبدو يجهزو…..
في تلك الغرفة الباردة والمظلمة نوعا ما ويتخلل ذلك الظلام بعض شعاعات الشمس في ذلك السرير الملكي ذو الفرش الزرعي اللون.. جفونه الساحرة التي تغطي تلم العيون السوداء الثاقبة، انفاسه المنتظمة وعضلات صدره التي تعلو وتهبط ببطء لتعلن عن نوم ذلك الفهد….
"فهد نايم😂… رايكم شنو بلاي؟"

خلص اجراءات التيكت وحجزهم علي يوم السبت الساعة11صباحا شكر موظف الوكالة بابتسامة انجلي بسببها صف اسنانو الفوق.. وطلع من الوكالة وهو بصفر وكل البشوفو بجزم انو عريس من الفرحة الواضحة عليهو وحنتو السودا المزينة يدينو…… .
انس كان عندو مقابلة شغل في احد شركات الادوية وانتهت من ربع ساعة كانت ظريفة ومرت بسلاام وقالو ليهو ح يتصلو ليهو عشان يحددو مواعيد بدء الشغل…
امجد في المطعم مع ياسر وساكتين بعد ما قضو ساعاات بتكلمو في موضوع دانة ،امجد تاكل ضهرو في الكرس لورا ومغمض عيونو وياسر شغال بتلفونو….

الوقت عدا والناس بدو يتجهزو لحنة رامي الاخيرة…
احمد جا داخل فلتهم وخاتي التلفون جنب اضانو بتصل ل نسرين بس م بترد بعد 4 مكالمات ردت
احمد كورك: ممكن افهم مشكلتك شنو؟
نسرين: احمد؟مالك هايح
احمد: هايج لأني بدق ليك وحضرتك م بتردي علي مكالماتي
نسرين: كنت بعيدة من التلفون
احمد: ي شيخة؟
نسرين: والله العظيم.. شويةكدا وبرجع ليك
احمد: ماشة وين؟
نسرين: ثواني ي احمد شهد بتناديني
احمد اتأفأف وقفل الخط رفع حواجبو بتعجب من الهي بتعمل فيهو ..اما هي اتنهدت بضيق من العملتو ..م عارفة روحها بتهرب منو ليه؟دخلت غرفة شهد لقت شهد بتقول ل دانة: دندون م ممكن معاك
دانة: انتي الم ممكن معاك… عايزاني اخلي بت خالي البكرة عرسها وامشي حنة رامي؟
شهد: رامي دا علي فكرة ود خالم برضو
دانة: م ح امشي
نسرين اتدخلت: لا ي دانة م ينفع لازم تمشي
دانة: لا لا ياخ عايزة اكون مع شهد
نسرين: امشي وتعالي شهد م طايرة
شهد: اي عشان تصوريهو لي زاتو
دانة: اااهااا قولي كدا
نسرين ضحكت: اي انتي لازم تمشي
دانة: وانتي م حتمشي؟
نسرين: مـ…
شهد قاطعتها: لا معليش لازم تمشو الاتنين وتصورو لي رامي
ضحكو نسرين: لازم زول يقعد معاك
شهد: لااااا ولا ماما زاتا م ح تقعد
دانة: اوك م تنفعلي
نسرين ضحكت
شهد وقفت علي حيلها ولزتهم: يلا عشان تجهزو….

في مكان تاني قاعد جنب صحبو تلفونو دقا عاين ل امجد ورجع عاين للتلفون
امجد: رد مالك بتعاين لي؟
ياسر: دي اسيل
امجد: رد ياخ عادي
ياسر: ألو
اسيل: ازيك؟
ياسر: تمام حمدلله وانتي؟
اسيل: انا كويسة اسمعني
ياسر: اها
اسيل: ح تمشي حفلة رامي صح؟
ياسر باستغراب: اي ليه؟
اسيل: تعال سوقني معاك
ياسر: اسوقك وين ي بت؟امجد صح قال ليك م تجي؟
اسيل: اي بس ح امشي واعملها ليهو مفاجأة
ياسر: اسيل بطلي حركات واسمعي كلام امجد
اسيل كوركت: انا ح امشي ح تجي تسوقني ولا لأ؟
ياسر: لا واحسن ليك م تمشي
اسيل: اففففف دا امجد موصيك صح؟
ياسر: م موصيني بس انا عارف امجد لمن يقول ليك م تعملي حاجة م تعمليها
اسيل: ياسر مع السلامة
وطق قفلت الخط"عديمة زوق😑👋🏻"
امجد: مالا؟
ياسر: ح تجي الحنة
امجد: خليها تجي ياخ دي كمان زهجتني
ياسر: تجي وين انت م جادي؟
امجد: اعمل ليها شنو يعني الصباح كنت بتكلم معاها وقلت ليها م تجي
ياسر اتنهد وم ردا
امجد: انا قايم بعد دا الوقت جا
ياسر: انا كمان قايم
وطلعو كل واحد اتجه عل بيتو…

عند ألين وران كانو بجهزو ونزلو تحت لقو عبدالرحيم ونادية برضو جهزو
ران لألين: ح تمشي معانا صح؟

ألين: اي بس اجيب تلفووني من بيتنا واجي
واتجهت علي بيتهم لقت ابوها وامها راكبين العربية امها اشرت ليها عشان تجيها
زينب: لسا م مشيتي؟تعالي مع احمد ح يسوق نسرين ودانة ويجي
ألين: لاا لا ناس عمو ممتظرننيي. بس جيت. اشيل تلفوني
عبداللّه:تمام
ألين: بااااايي
وجرت. دخلت جوا طلعت جناحها شاالت تلفونها من الشااحن وجرت نزلت بالرغم ممن. انها لابسة كعي عالي.. اتطاقشت مع امجد جتب السلم هو طالع وهي نازلة
امجد: 60 مرة قلنا ليك م تتجاري امشي براحة
ألين: امجووو
حضنتو سرعة وفكتو ونزلت وهي بتقول: مشتاقة ليك بس مستعجلة ناس عمو عبدالرحيم منتظرني
امجد ابتسم وهزا راسو واتجه لجناحو عشان يجهز…...
سووري علي الاخطاء الاملائية😴🖤
--------------------------------------
---------------------
*يتبــــــــــــــــــــــــــــــــــــــــــــع*

*#قلوب_تائهه 《14》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
كل العيلة بدت تصل للصالة وشوية شوية المعازيم بدو يجو.. رامي كان مبسوط يسلم علي دا ويستقبل دا والضحكة م فارقت وشو، ألين وران برضو حايمين وبسلمو علي الناس ، وعد جنب امها بسلمو علي قربيتهم ، نسرين ودانة ي داااب وصلو وقعد يسلمو علي حبوبتهم وعبير.. ألين وران مشو لرامي وكان واقف مع صحبو كدا سلمو ووقفو وحدة بيمينو والتانية شمالو ..الراجل استأذن ومشا رامي عاين ليهم وقال:احكو
ران رفعت يدها: شوف منكيري دا حلو؟ألين قالت لي تعمليهو زرعي
رامي عاين لفستناها لقاهو اخضر زرعي ومنكيرها اسود ابتسم وقال: حلو شديد
ألين مدت ليهو يدها: اها يعني بتاعي م حلو؟ كان اعملو اسود؟
رامي عاين ليها الاتنين طبعا كانو لابسين نفس الفساتين ،ابتسم وهو بقول: ألينو ورانو حبيابي انتو لو م عملتو منكير اصلا ح تكونو قمرات عشان كدا مف داعي للحركات دي
ألين ضحكت، ران: حبينا نلفت انتباهك شايفنك مشخت لينا
رامي: م كدا بس مشغووول ..عريس وكدا احم احم
ألين: واحلي عريس بعد
رامي: عارف
ألين وران: ي شيييييخ؟
ضحك وحضنهم ، ألين: ربنا يتم ليك علي خير
ران: ويسعدك ويهنيك
رامي: اللهم امييين.. ايوة كدا قولو كلام بتاع ناس عاقلين شنو منكيري حلو ولا لأ؟
ضحكو التلاتة… في دا فهد جا داخل وعينو وقعت وهي بتضحك ابتسم بحالمية وعيونو لمعو…
احمد كان مع انس بسلمو علي راجل كدا وجنبهم اعمامهم
الراجل اشر علي احمد وقال: دا ولدك الكبير ي عبداللّه صح؟
عبداللّه:اي وعندي الصغير امجد
الراجل: رجال ما شاءالله
عبداللّه:الله م ضراك
الراجل اتلفت علي انس:وصلت وين في القراية ي ابو الإنس
انس: والله اتخرجتا من فترة وقدمتا للشغل في كم حتة…

الحفلة بدت💃🏻 وكانت بحمادة بشير والناس بدو يهججو ..امجد وياسر وانس برقصو مع رامي فهد واقف جنبهم وبصفق ،احمد قاعد جنب حبوبتو مراقب نسرين وكل شوية ببشر ليهم.. ألين وران مستلمين دايرة النسوان ودانة مرة ترقص معاهم مرة تقيف جنب وعد… وطبعا اكيد محمد بشير غنى ليهم الجدي ..والناس ديل بدو يعرضو نادية"ام رامي"واميرة"ام شهد"بدو يرقصو بالرقبة ألين وران فكو الزغاريت لمن الاولاد لاحظو ليهم رامي جا علي امو وهو بعرض ختا راسو في راسها وبقو يعرضو سوا منظرهم كان مؤثر شديد… امجد جرا جنب الفنان وبقى يمليهو
الفنان: ي رامي تسلم لي وين وين؟
الناس دي كوركت
الفنان: عواطف تسلم لي وين وين
كلهم اتلفتو علي حبوبتهم البدت تزغرت رغم بحة صوتها، رامي اتجه لحبوبتو وهو بعرض لمن وصلها دنقر راسو هي ختت يدها في راسو الناس ديل فاااارو بعد شوية رامي جرا يد حبوبتو الفي راسو وباسها هي كمان باست ليهو راسو وحضنها وهو بعمل بيدو كدا👋🏻
الفنان: ي احمد تسلم لي وين وين
احمد بشر ليهم ونسرين فكككت الزغروتة "حقها يخواني🙂👋🏻"… .
فاصل عشان الناس تتعشي "اهم شي😁" يلا اثناء م هم بتعشو ياسر تلفونو دقا ردا وكانت اسيل
ياسر: ألو
اسيل: ياسر دقيت ليك 6 مكالمات مالك م بترد
ياسر: في الحفلة ح اسمعو كيف؟
اسيل: م حنك اطلع لي انا برا
ياسر: برا وين؟؟؟؟!!

اسيل: جنب الصالة
ياسر: برضو عملتي الفي راسك؟
اسيل: ح تطلع تدخلني ولا ادخل براي؟
ياسر: خلاص طالع
ووقف علي حيلو
امجد: علي وين؟
ياسر اتنهد وهو بدخل التلفون في جيبو
امجد عقد حواجبو: في شنو؟
ياسر: اسيل جات برا وعايزاني اطلع ليها
امجد وقف وهو بمسح يدينو بالمنديل: انا بطلع ليها
ياسر: انت جنيت؟ودانة؟
امجد: اسيل دي حبيبتي ولا حبيبتك؟
ياسر: لا حبيبتي لا حبيبتك اسيل صحبتنا الاتنين
امجد: اقعد اقعد وبطل نقة
ياسر: اقيف امشي معاك
امجد لزاهو براحة كدا: م تجي معاي
واتجه علي باب الصالة..
دانة كانت قاعدة بين امها ومره عمها"زينب"ومراقبة امجد وصحبو بعيونها.. دانة جوا نفسها: ي ربي في شنو؟ وصحبو دا مالو قالب وشو كدا؟
ياسر اتنهد وقعد وهو بستغفر ..دانة عقدت حواجبها وهي بتحاول تتذكر شافت صاحب امجد دا وين؟… في دا الحفلة بدت والناس بدو يمشو علي الدايرة نسرين جاتها: دندون يلا
دانة: طيب بجي وراك
نسرين ساقت وعد وألين وران ومشت دانة رجعت تعاين للبوابة ومنتظرة امجد يجي داخل سﻻلت روحها معقول يكون مشا؟!…
برا الصالة… امجد متكل علي العربية واسيل واقفة جنبو
اسيل: هسي حصل شنو ل دا كلو؟ممكن افهم؟
امجد كورك: حصل اني قلتا ليك م تجي وجيتي من غير علمي
اسيل عيونها اتملو دموع ليهو اكتر من 10 دقايق بكورك فيها قالت بصوت باكي: ارجع؟
امجد عاين ليها بخلعة م اتخيل انها تبكي غمض عيونو واتنهد وهو بفكر معقول ارجعها بعد م جات؟
امجد بصوت هادي: لا م ترجعي ..معقول ارجعك بعد م جيتي؟
اسيل نزلت راسها وهي بتبكي

امجد قرب عليها خطوة وقال: اسيل ياخ م تبكي انا كوركتا فيك عشان جيتي من غير علمي
مسح ليها دموعها وقال: يلا ندخل
اسيل بتمسح في دموعها: م زعلان؟
امجد ابتسم بشفقة عليها حتي وهو مزعلها ومبكيها شايلة هم زعلو همس ليها: لا م زعلان
عاينت ليهو مساافة
امجد: يلا
شالت تلفونها من كبوت العربية ..امجد اتقدم بخطواتو اسيل مسكتو اتفلت عليها
اسيل وهي بترجع شعرها ورا اضانها: رايك شنو في الفستان؟
امجد ابتسم وهو بطلع ليها شعرها من ورا اضانها:حلو شديد
ابتسمت بخجل ومشت معاهو ويدها في يدو…
جوا الصالة دانة كانت مشت الدايرة بعد م انتظرتو كتير +البنات نادها كتير عشان تجي ترقص…
دخلو وقعدو في اول تربيزث لاقتهم ،اسيل استغربت وقالت: ح نقعد هنا؟؟
امجد: اي
اسيل بتردد لأنها شايفة مزاجو قالب: م ح اسلم علي خالتو زينب والباقين؟
امجد: ح تسلمي عليهم ي اسيل بس اتعشي اول
اسيل: لا لا م عايزة والله
امجد وقف: طيب اجيب ليك بارد واجي
ومشا…
اما الباقين فكانو مهججين وم جايبين ليهم خبر ..ياسر شافهم وجا سلم علي اسيل وقعد معاها وخاتي فكرة انو يقول ليهم دي حبيبتي انا.. امجد جا وادا اسيل باردها وقعد اتونسو شوية كدا بعدها اسيل هاجت مع الحفلة
اسيل: انا ماشة ارقص
ياسر: ترقصي وين دا عرس ابوك؟
اسيل: وانت مالك.. امجد ارح نرقص
امجد: مصدع والله ي اسيل
اسيل:جد؟طيب اسلم علي خالتو ونرجع
امجد: م ينفع ارجع م ظريفة المهم بقو قاعدين لحدي ما الحفلة انتهت ..فجأة الشباب طبو عليهم
ألين: اسييلووو ازيك؟
امجد رفع راسو وعاين لقى دانة م معاهم
اسيل: سلمت عليهم، امجد: اسيل ي جامعة وي اسيل دا فهد ود عتمي الكانو في دبي
اسيل: اهلييين
فهد: ي هلا بيك
امجد: ودي وعد بت عمي
اسيل سلمت علي وعد
امجد: والباقين طبعا بتعرفيهم
اسيل: اكيييد وخصوصا ألين وران المجنونات ديل
عاينت لرامي: رامي الف مبروك كمان
رامي: الله يبارك فيك وعقبالك كدا
اسيل عاينت لامجد وقالت: اللهم امييين.. نسرين كيفك؟
نسرين: تمااام حمدلله وانتي؟مالك اختفيتي كدا؟
اسيل: والله تقولي شنو بس؟
فهد لأمجد: احم ..بالنسبة لأنك م وريتنا اسيل دي موقفها شنو بالضبط كدا
وغمز ليهو
اسيل بكل جرأة: انا حبيبتو
ياسر حاول يصلح عشان عارف الكلام دا ح يصل لدانة دا لو م جات وشافتهم هسي ،ياسر: اي نحنا اصحاب التلاتة من اولي اساس
اسيل: وقبل 4 سنة كدا ارتبطنا انا وامجد
فهد: والله ما شاءالله ربنا يخليكم لبعض
اسيل: امييين
ران: هسي عليك الله مستحملة امجد دا كيف بنفسنتو دي؟
وعد: ي بت دي حبيبتو اكيد م ح يتنفسن عليها
اسيل: والله قعد يتنفسن نفسنة شديد
امجد يداب فتح خشمو:بحقي
ألين: اي بحقو اخوي المفتري دا..
وضحكو وفي نص ضحكتهم سمعو صوت انثوي وراهم بقول: سلام عليكم
اتلفتو لقوها دانة بتعاين لاسيل وهي عاقدة حواجبها شافتها في حتة بس م قادرة تستحضر الملامح دي اصلا م غريبة عليها… كلهم ردو السلام
دانة مدت يدها لأسيل وهي بتقول: كيفك تمام؟
اسيل سلمت عليها: تمااام والله
ياسر بلع ريقو وهو بعاين لامجد البعاين لدانة

ألين نطت: اسيل دي دانة بت عمتي اخت فهد و ي دانة دي اسيل…
اسيل قاطعتها: حبيبة امجد
ومسكت يدو دانة نفسها قطع بالكلمة دي عقدت حواجبها وعاينت لأمجد بقى يعاين ليها وم قادر يقول حاجة
ران ضحكت: اسيل انتي خطيرة والله
الكل ضحك ودانة لسا بتعاين لامجد وامجد نفس الشي
اسيل: ليه عشان مسكت يدو؟..اتلصقت فيهو زيادة وقالت بدلع: حبيبي ي ناس وانا حرة فيهو
دانة عيونها اتملو دموع
ياسر: اسيل استكيني
الكل ضحك عدا امجد ودانة كان بعاين لدانة وهو بردد جواهو: م تبكي عليك الله م تبكي
وهي بتعاين ليهو كأنها بتقول ليهو قول انها ن حبيبتك… دانة رفعت عيونها للفوق عشان دموعها م ينزلو وقالت بصوت مخنوق: فهد ماما بتناديك
وادتهم ضهرها ومشت من غير م تتكلم انفاسها مضطربة وماسكة روحها بالعافية عشان م تبكي
فهد: جد؟ اتلفت علي اسيل:يلا ي اسيل فرصة سعيدة
اسيل: انا اسعد
ومشا ورا دانة مشا لامو وقالت ليهو يوديهم البيت عشان حجة عواطف القعدة طالت عليها ..بجاي اسيل ودعتهم وطلعت مع ياسر، والباقين كل زول مشا يشوف بيتو بوين…..
امجد واقف مكانو م اتحرك عارف انو دانة ح تكون حالتها صعبة فتش عليها بعيونو م لقاها عرف انها طلعت……

نزلت من عربية اخوها بسرعة بعد م وقفت قدام فلة عمها واتجهت علي جناح شهد ..دقت الباب
شهد فتحت ليها: دندون… اها الحفلة كانت كيف؟
دانة دخلت من غير م ترد وقفت في نص الصالة وبدت تبكي واطلقت العنان لشهقاتها
شهد اتخلعت وجات عليها:بسم الله ي بت مالك؟
دانة: جاابها ي شهد جاابها…امجد جاب حبيبتو الليلة

شهد عاينت ليها بصدمة وهي م عارفه تقول شنو
دانة قعدت في الارض:حيوان متخلف غبي...انا قلتا ليك م عايزة امشي الحفلة ..ي ريتني م مشيت.. ي ريتني متت قبل اشوفها معاهو وماسكة يدو الحقيرة السافلة
شهد حضنتها من غير م تتكلم ..
في النفس الفلة جنب البوابة موقف عربيتو وهي راكبة جنبو
احمد: برضو م عايزة تتكلمي؟
نسرين ضحكت: احمد؟ اتكلم اقول شنو؟
احمد: تقولي الحاجة المضايقاك والغيرتك اليومين دي
نسرين ابتسمت: حبيبي بس عشان تعب العرس وكدا صدقني مف حاجة
عاين ليها وم ردا
حاوطت وشو بيدينها: تمام؟
احمد اتنهد: مع انو م مصدقك بس تمام
نسرين: انزل خلاص؟
ضحك م بقدر يزعل منها:انزلي اي
قرب منها باسها في راسها وهمس ليها: عارفة اني بحبك و ح احميك واسعدك طول حياتي؟
"وحي انا عايزة احمد😔"
نسرين ابتسمت: عارفة
احمد: يلا انكشحي
نسرين حضنتو سرعة وفكتو: يلا
ونزلت عاين ليها لحدي ما وصلت البوابة اتلفتت عليهو رسلت ليهو بوسة في الهوا لوح ليها بيدو ودخلت وهو اتحرك بالعربية… .
في حتة تانية
في عربية ياسر..اسيل: ياسر هسي انا عملت شنو عشان تجوط كدا؟
ياسر وقف العربية قدام بيت ناس اسيل وقال: اسيل الله يرضي عليك انزلي
اسيل: اوكيه بس انت واحد منفسن
ياسر: اتخارجي
نزلت وهو اتحرك….

في حتة تانية.. ألين وران راقدين في جناح ران وبتكلمو
ألين: واااي انا منو
ران: واي انا منك انتي ياخ نومي
ألين: اوكيه اوكيه
ورقدت وهي بتفكر فيهو وبتتخيل كلامو وضحكتو…

في حتة تانية.. قاعد في كبوت عربيتو ومتضايق عارف انو روحها ح تكون بتطلع في اللحظة دي اكيد من رجعت بتبكي واكيد انجرحت من شوفتو مع بت غيرها غمض عيونو وضغط علي اسنانو… رفع تلفونو بتردد شال نفسو واتشجع دقا ليها وبقى منتظر الرد.. اما هي فكانت قاعدة في الارض وضامة ركبها لصدرها تلفونها دقا م اشتغلت بيهو جاتها شهد: دندون كفاية بكى م تعملي في نفسك كدا دانة: حبيبتو ي شهد انتي م شفتيها كانت ماسكة يدو كيف وهو واقف زي الغبي جنبها
شهد: دانة م عارفة اقول ليك شنو بس عليك الله وقفي بكا
دانة: م قادرة ي شهد م قادرة
عاين للتلفون "لا يوجد رد" اتنهد وهو بعيد المكالمة مستحيل يخليها بتبكي دي دندونتو
شهد عاينت للتلفون وقالت:دا امجد البدق بس انا شايفة انو م تردي.. ابعدي عنو كفاية العملو
دانة خطفت منها التلفون وردت
امجد اول ما الخط فتح وقف علي حيلو واتسارعت دقات قلبو وهو سامع صوت بكاها
دانة انتظرتو يتكلم وم اتكلم، دانة: امجد
امجد: عيون امجد
دانة اتفقعت بالبكا وهو غمض عيونو بألم
دانة: عارف انك واحد حيوان؟وغبي وم بتحس؟ جايب لي حبيبتك ي امجد عايزني اعمل شنو يعني عايز تثبت لي انك م شغال بي وكملتا حياتك من غيري؟
امجد بلع ريقو: لا
دانة ببكي: حرام عليك ي امجد والله حرام عليك
امجد: وانتي م حرام عليك؟ لمن زمان كنت بحنسك زي الاهبل عشان تفهميني المزعلك شنو وابيتي؟ لمن اترجيتك اني م بقدر اعيش من غيرك وم تخليني وخليتيني؟
دانة: خليتك لسبب ي امجد
امجد كورك: سببك شنو؟سمعتي كلام عني وحكمتي علي من غير م تسأليني؟

دانة بتبكي: خت نفسك مكاني كنت حتتصرف كيف؟
امجد كمل كأنو م سمعها:وبعد ما عرفتي اني مظلوم وانك المفروض تعتذري م اعتذرتي وكبريائك م سمح ليك انك تتراجعي عن موقفك خمسة سنة كل يوم كنت بموت ألف موتة
دانة بتبكي: وانا كمان كنت بموت مفتكر انو الموضوع ساهل علي اني ابعد عن.. عن.. عن حب حياتي؟
امجد غمض عيونو وهي بكت بحرقة بعد الكلمة دي
دانة: خمسة سنة شوق وتأنيب ضمير واحساس بالذنب خمسة سنة
امجد: طيب ليه م رجعتي؟لمن عرفتي انك غلطانة وانو البت كذبت عليك كنتي ترفعي سماعة التلفون وتقولي انك اسفة ..كلمتين بس لو كنت سمعتهم منك كنت نسيت كل الحصل ..بس انا اسفة ي امجد
دانة بتبكي: انا اسفة.. اسفة ي امجد
امجد اتنهد وم ردا
دانة كوركت: اكيد م ح ترجع وتنسي الحصل.. غرورك م ح يسمح ليك صح؟ غرورك ح يمنعك انك تعترف انك لسا بتحبني وم قادر تعيش من غيري
امجد ابتسم بسخرية: نفس الغرور المنعك قبل 5 سنة من انك تسمعيني وتديني فرصة ابرر صح؟
دانة كوركت: امجد الموضوع م كان متحمل تبرير الموضوع كان محسوم امجد كورك اكتر منها:والحسمو منو؟ حسمتو صورة غبية اخدوها لي وانا م منتبه؟
دانة بتبكي: امجد خت نفسك مكاني
امجد: انتي الختي نفسك مكاني لو عاقبتك 5 سنة علي ذنب انتي م عملتيهو لو اتخليت عنك فجأة وكسرت قلبك حتقدري تسامحيني؟
دانة: انا كمان قلبي كان مكسور واكتر منك بعد
امجد كورك: كسرتيهو براك
دانة بتبكي: طيب وانا هسي قلبي مكسور وكسرتو لي انت المرة دي.. بالزفتة الجايبها معاك دي
امجد بحدة: اسمها اسيل

دانة كوركت: م بهمني زفتة وطول عمرها حتفضل زفتة
امجد كورك: دانة اسيل دي اكتر وحدة وقفت معاي في الوقت الانتي خليتيني فيهو دانة بكت: م خليتك بيدي ي امجد ليه م عايل تفهم وتحس بي
امجد ببرود: يمكن لأنك م حسيتي بي ..عايني مهما اتناقشنا في الموضوع دا م ح نصل ل حل
دانة بتبكي: طول ما انت مقدم غرورك علي مشاعرم نحنا م ح نصل ل حل
امجد كورك: انا م مقدم غروري علي مشاعري بس انا تاني صعب اثق فيك ..بعمليتك ديك كسرتي ثقتي
دانة بتبكي:وانت الليلة بعمليتك دي كسرت ثقتي فيك
امجد ببرود: تمام كدا نحنا متعادلين
دانة سكتت مسافة بعدها قالت: عمرك م ح تخلي افتراك وبرودك دا.. حرام عليك نفسك وحرام عليك قلبي المعذب بين يدينك دا
وقفلت الخط جدعت التفلون وهي بتردد: حيوان حيوان مفتري وبارد
شهد جات عليها حضنتها
في جانب امجد ضرب بيدينو كبوت العربية ونفسو قايم من الزعل امجد:اففففففففف.. ي رب الطف بحالي
دانة وهي في حضن شهد رفعت عيونها: آآآآه ..ي رب الطف بحالي

امجد شوية كدا ورجع بيتهم ودانة اصرت علي شهد الا تمشي تنوم عشان بكرة عرسها وكدا وفعلا شهد بعد اطمنت عليها مشت نامت دانة جرجرت كرعينها وطلعت البلكونة قعدت في الارض وضمت ركبها لصدرها وهي بتبكي كأنها الليلة انفصلت عن امجد..بتحبو وبحبها بس الكبرياء وقف بينهم زمان وهسي واقف ..زمان لو م كبريائها كانت رجعت اعتذرت منو وم كان وصلو لهنا وهسي هو لو م غرورو وافتراهو كان سامحها وبرضو م كان وصلو لهنا….ولكن! ما ذنب الحب عندما يقع قتيلا بين رجل مغرور وامرأة ذات كبرياء…
سوري علي الاخطاء الاملائية😴🖤
--------------------------------------
---------------------
*يتبــــــــــــــــــــــــــــــــــــــــــــع*

*#قلوب_تائهه 《15》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
"الله اكبر ..الله اكبر.. "
قطع شرودو صوت اذان الصبح فرك عيونو بتعب وهو بستغفر وقام دخل الحمام يتوضا عشان يمشي يصلي في الجامع…
رامي صحا بصوت الاذان فتح عيونو بعاين للسقف وخلال ثواني استرجع الواقع ابتسم لبداية اجمل يوم في حياتو قعد علي حيلو بكل نشاط وقف واتجه علي الحمام عشان يتوضا…
فتح عيونو علي صوت امو"عبير":فهد الصلاة
فهد قعد علي حيلو ورفع تلفونو يشوف المنبه ليه م دقا، شوية كدا ورجعو مكانو واتجه علي الحمام اتوضا وجا طالع فرش مصلايتو وكبر وبدا يصلي بخشوووع… الله اكبر.. اول ما سجد خطرت ببالو هي ابتسم وهو بقول "سبحان ربي الاعلي" 3 مرات اتنهد وهو لسا ساجد م عارف روحو حاسي بشنو كل العارفو انها بقت م بتفارق تفكيرو اردف"اللهم هي" وقام واصل صلاتو….
جات طالعة من الحمام ووشها مغسل دموعها مختلطة بموية الوضو فرشت مصلايتها وهي بتقول: استغفر الله العظيم
بدت تصلي وهي ماسكة روحها بالعافية واول ما سجدت انفجرت بالبكا وهي بتدعي ربها يلطف بحالها ويحنن قلب امجد…
في نفس الجناح.. مبتسمة وهي ساجدة ولسانها م قادر يوقف عن كلمة الحمدلله.…

احمد وقف عربيتو جوا المزرعة البتبعد ساعتين عن الخرطوم ونزلو هو ومرتو… نزلت واتجهت لاخوها الكان مبيت في المزرعة من بعد الحفلة عشان يجهزها
نسرين: اها
انس: م تخافي كلو جاهز
نسرين: شركة الطعام ح يجو بعد ساعة نضفت ليهم الحتة الحيطبخو فيها؟
انس: اي وشركة المناسبات جو وبدو يجهزو الجنينة
احمد جا عليهم: انس الجهة الجنوبية دي ليه م نضفوها؟
انس ختا يدو في جبهتو بتعب: امبارح قلت ليهم نضفوها ولما جيت بعد الحفلة لقيتها في حالتها
نسرين: م مشكلة مف زول ح يمشي عليها اهم شي الجنينة والفلة يكونو نضفوهم
انس: اي نضفوهم بس عفش الصالة م مرتب
نسرين: م مشكلة هسي بنرتبو
انس: تمام رتبوهو وانا بتابع شركة المناسبات ديل
احمد: تمام.. اتلفت علي نسرين.. يلا
اشرت ليهو براسها نظام طيب واتجهو علي الفلة الصغيرة الموجودة في نص المزرعة.. دخلو نسرين قلعت عبايتها ختتها بالجنبة وبدت تجرجر كراسي الجلوس عشان ترتبهم
احمد جا عليها: دقيقة دقيقة انا بزحهم ليك
لزاهو منها رجعت لورا وهي بتقول ليهو: ديل جيبهم بالجنبة دي
المزرعة طبعا كبيييرة في نصها فلة صغيرة كدا متكونة من طابقين التحت عبارة عن صالة كبيرة فيها طقوم جلوس بس وفي نهايتها المطبخ والطابق التاني فيهو غرف كتييييرة مجهزة بحماماتها وقدام الفلة الجنينة حته كبيرة كدا مسورة بشجر متوسط كدا في جنبة كدا في بدايتها م فيها شجر زي الباب كدا وبجاي قصاد الفلة.. بعد الجنينة بالجهة الشرقية في اسطبل الحصين وقدامو حمامات كتييرة للرجال وجنوب الفلة في الجهة الم اتنضفت دي مزروع فيها برتقال ونخيل وكدا….

الساعة 7 ص…..
نزل من عربيتو واتجه علي ود عمو ال ح يبقى نسيبو بعد ساعات
رامي: ابو النسب
انس: اووو العريس الجابك بدري كدا شنو؟
رامي: والله قلنا نشوف الوضع ماشي كيف؟
انس: عيب عليك ..م تشيل هم لأي حاجة كلو تمام
رامي ربت علي كتف انس وهو بقول: كفو كفو

اتلفت علي عربية احمد وقال: احمد جا
انس: اي من بدري… هو ونسرين جوا
رامي: كدي امشي ليهم واجيك
انس: طيب
واتجه انس لعامل من شركة المناسبات وهو بقول: لا لا لا الكوشة ختوها بالجهة التانية
رامي دخل وهو بتنحنح ، نسرين لبست عبايتها لأنها كانت لابسة بنطلون وتيشريت
احمد: اووو العريس النفض الكيس
رامي ضحك: صباح الخير
احمد: صباح النور.. الاخبار شنو؟
رامي:والله تمااااااام حمدلله
احمد ضحك: ليك حق والله
نسرين ابتسمت: ربنا يتم ليكم علي خير
رامي: اللهم اميين وعقبال ما نفرح بعيالكم
نسرين اول ما سمعت الكلمة دي حست بحاجة جواها اتكسرت اتفلتت علي الجهة التانية وغمضت عيونها بأسي لمن سمعت احمد بقول: اللهم امييين في حياتك كدا
رامي استأذن لأنو ماشي الصالون وكدا
احمد جا علي نسرين: اها والطقم دا ح نوديهو وين؟
نسرين عاينت ليهو مسافة وبعدها رمت نفسها في حضنو
احمد ضحك: حبيبي
نسرين: احمد.. انا محتاجة حضنك
احمد خت يدو في راسها والتانية في ضهرها وهو بقول: خليكي فيهو طول العمر
في اللحظة دي انس توووشك دخل ضحك بصخب لمن شافهم وكورك:راعو للعزابة الزينا ياااخ
نسرين زحت من احمد ادتهم ضهرها واستغلت فرصة انشغال احمد مع انس عشان تمسح دموعها
احمد ضحك:خلاص هانت اشتغل عشان نشوف ليك بت الحلال
انس: بت الحلال قاعدة بس الله يسهل
احمد: خاالط من ورانا ي انس؟
انس: م خالط والله… ربك يهون بس
احمد: ان شاء الله
في اللحظة دي ألين وران جو منكشحين
احمد:ولو م لقيتها بديك ألين المجنونة دي

ألين جمدت في مكانها وعيونو لمعو.. انس قلبو قرب يطلع من مكانو لما شاف ران وألين مركزين مع كلام احمد بلع ريقو وقال:كدي اشوف العمال ديل
وطلع، ران سلمت علي احمد ونسرين وألين بالها م معاها
نسرين: امي وابوي جو؟
ران: لا لا جابنا بابا
نسرين: طيب يلا طلعو شنطكم دي فوق وتعالو عشان تساعدوني
الين وران: اوك
واتجهو علي السلم
احمد راقبهم وبعدها اتلفت علي نسرين: اها وقفنا وين؟
نسرين ضحكت وهي بتلزو وقالت: وقفنا في انو المفروض تجر الطقم دا علي جهة المطبخ
احمد رجع خطوة من لزتها وهو بضحك جراها وطبع بوسة سريعة بين حواجبها وهو بقول: عيوني ليك ي جميل
نسرين: يسلمو لي العيون انا احمد اتجه علي الطقم عشان يجرو ونسرين طلعت فوق تشوف الغرف
"من هذا المنبر اعلن انبراشي ب احمد عبداللّه العين🙈👋🏻"……

فتحت باب العربية وركبت وهي بتقول: صباح الخير
فهد: صباح النور.. لي ربع ساعة مستنيك م كان تنزلي بلاي
دانة: سوري بس كنت بجهز لشهد في حاجات الكوفير
فهد عاين ليها وقال: دندون ..انتي كويسة؟
دانة شتت نظرها وهي بتقول: اي كويسة بس عشان امبارح م نمنا كويس وكدا
فهد: هانت الليلة ترجعي البيت وترتاحي
دانة اتلفتت علي الشباك وهي بتحرك راسها نظام اي ، اتنهد ودور العربية متجه علي بيت حبوبتو عشان يسوقها هي وامو وصلو ودانة شالت حاجاتها وجات نازلة سريع واتجهو علي المزرعة….

عبدالفتاح واقف وبصلح في عِمتو قدام الباب كورك: ي اميرة اطلعي
جات طالعة من المطبخ ووراها الشغالة شايلة صينية الجرتك
اميرة:ارح يلا
عبدالفتاح: بالغتي لكين ام العروس المفروض تكون اول وحدة في المزرعة
اميرة:تقول شنو لكين؟ من الصباح بجهز في الحاجات ان شاءالله م اكون نسيت حاجة
عبدالفتاح ركب عربيتو واميرة وقفت ورا العربية بتتمم علي الحاجات لقتهم ياهم وجات ركبت واتحركو علي المزرعة…
امجد طلع من الحمام جرا علي تلفونو البضرب ردا وهو بقول: جاي عليكم ي وعد
وعد: امجد م ممكن مواعيدنا الساعة 8
امجد: طيب 10 دقايق وبكون عندكم
وعد: طيب يلا
قفل الخط ورما التلفون وخطف التيشيرت بتاعو ووقف قدام المراية سرح شعرو سريع سريع الباب دقا
امجد باستعجال: خش خش
الشغالة: ماما زينب ينادي انت
امجد: هي تحت؟
الشغالة اشرت ليهو نظام اي
امجد: طيب جاي
في المسافة دي كان اتعطر شال شنطتو بتاعة الضهر المجهزها من امبارح وشال مفاتيحو وتلفونو وعلبة السجاير ونزل...لاقتو امو في الصالة كانت بتقفل في سستة شنطة الهاندباك بتاعتها
زينب: اريكا جيبي عصير لامجد
امجد: ي ريت والله بس مستعجل
زينب: ليه م مشيت لحدي هسي كنت نايم صح؟
امجد ابتسم بسخرية:ولدك مجافيهو النوم ي يمة
زينب كانت بتصلح في التوب لما قال كدا رفعت راسها وقالت: مالك؟
امجد ضحك: مف شي
في اللحظة دي اريكا جابت كباية العصير زينب مسكتها منها وقالت: ودي الشنطة دي العربية ،اتلفتت علي امجد وقالت: تعال وريني مالك؟
امجد: ي امي مف شي بعظر معاك
زينب بتعاين ليهو في عيونو
امجد باس راسها سريع: يلا
زينب مسكت يدو: اشرب العصير الله يرضي عليك
امجد شال منها الكباية وشربو دفعة وحدة وهي لسا بتعاين ليهو انتهي وختا الكباية في التربيزة الجنبهم باس يدها وقال: يسلمو حبيبتي

ومشا زينب مراقباهو لحدي ما طلع: الله يحفظك ي ولدي…
عند وعد وشهد طبعا ماشين الكوفير وامجد اتأخر عليهم نص ساعة واقفين قدام الفلة بتاعة ناس شهد
وعد: هداك ليهو جا
شهد اتفلتت علي العربية الجاية عليهم وصلحت نقابها
امجد نزل: صباح الخير واسف علي التأخير
وعد:صباح النور وم مشكلة بس لو الحجز اتلغى ح تتدفع للحجز الجديد
امجد ضحك: م عندك مشكلة شهد: يلا
امجد: اووو الداعش دي ياها العروس؟!
وعد: اي
امجد: اتنقبتي ولا شنو؟
شهد م ردت ليهو وركبت ورا امجد ركب ووعد معاهو قدام واتحرك علي الكوفير
امجد: ح تمشي معاها انتي بس؟
شهد عرفت انو بسأل من دانة قالت ليهو: اي.. ليه المفروض يمشي معاي منو غيرها؟
امجد اتوتر: لا م كدا بس نسرين اتوقعتها تكون معاك
وعد: لا لا نسرين ودانة قالو ح يكونو في المزرعة عشان يجهزو
امجد: ايوااا برضو فهم
شهد بتعاين ليهو عايزة تتكلم معاهو عن الحصل امبارح بس م فاضية والوقت م مناسب
امجد حس بيها بتعاين ليهو رفع عيونو للمراية: شهودة مالك صانة؟
شهد: مف شي بس اتوترتا عشان الساعة 8:30 جات ونحنا لسا م وصلنا
امجد: اسف شديد والله
شهد: عادي ياخ ولا يهمك بس زي ما وعد قالت ليك تدفع حق الحجز الجديد لو احتجنا
امجد ضحك: ابشري ي عروستنا……

وصلهم الكوفير وهو اتجه للمزرعة…..
سوري علي الاخطاء الاملائية😴🖤
--------------------------------------
---------------------
*يتبــــــــــــــــــــــــــــــــــــــــــــع*