*#قلوب_تائهه 《06》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
الصبح اذن…
الرجال كالعادة صلو…ومع شروق الشمس ألين رجعت بيتهم عشان تجهز للجامعة… شهد في جامعتها ووعد نفس الشي… فهد نااااايم عبير مع امها طبعا الايام دي ونسة وشمارات تقيلة دانة كانت بتتونس معاهم بس طلعت غرفتها شالت من شنطتها علبة الساعة ديك وبقت تعاين ليها… المفروض كان تديها ليهو لمن تسافر بس اتشكلو….
في جهة تانية جا داخل الفلة وهو بلهث لأنو كان بجري دخل جناحو استحما لبس ليهو بنطلون جينز اسود وقميص كاروهات لبني بابيض سرح شعرو اتعطر وشال مفاتيحو وعلبة السجاير وطلع…. اتجه علي جناح امو دقا الباب ودخل بعد اذنت ليهو لقى نسرين معاها صبح عليهم ونزل مشا المطبخ شال ليهو علبة كولا وركب عربيتو فحط بيها علي الجامعة… وصل وطبعا اسيل جاتو جارية سلمت عليهو وكنكشت في يدو دخلو الجامعة اتونسو كدااا بعدها دخلو المحاضرة ،امجد طبعا قاعد في آخر بنش ومركب سماعاتو المحاضرة انتهت..
اسيل: امجو عايز تفطر؟
امجد: لا لا
اسيل بدلعها المعتاد: لييييه كدا؟
امجد: اسيل م عندي نفس والله
البت صحبة اسيل: اسيلو ارح نفطر نحنا ونجي
اسيل عاينت لأمجد،امجد:امشي افطري وتعالي
اسيل: تمام.. وقفت.. يلا جااااو
امجد حرك راسو بمعني جااو مشت مع صحباتها...
ياسر: امجد في شنو؟
امجد: جات
ياسر طبعا عارف ااي حاجة عن امجد صحابو من الاساس.. ياسر: دانة؟
امجد اتنهد وحرك راسو نظام اي
ياسر: اها وسلمت عليك كيف؟
امجد: م لاقيتها امبارح ناس البيت مشو سلمو عليهم بس انا قلت ليهم ياسر في المستشفي وم بقدر اخليهو
ياسر ضحك بصخب
واردف: هوي ي مان عايز تقتلني ولا كيف؟
امجد ضحك وقال: حاجة خفيفة كدا عشان صحبك
ياسر: نووو
اسيل جاتهم قعدت جنب امجد همست ليهو في اضانو: I miss u
"جريئة🙊"
امجد ابتسم ليهاا وم ردا.. بقو يتونسوو التلاتة، ياسر ببغييييييظ اسيل ولمن. تشتكي ل امجد زاتو بغيظها اتفقو يتغدو في مطعم
اسيل: اووووك انا عازماكم
ياسر: عازمااناا شنو هو انتي ح تمشي اصلاا؟
اسيل: وليه م امشي؟
ياسر: عشان دي طلعة رجالة فقط
اسيل: وانت حاسب نفسك مع الرجال؟
امجد حدر ليها،ياسر اصلا متعود علي هظارها ضحك وقال: والله لو انتي حاسبة نفسك مع البنات انا اكيد ح احسب نفسي مع الرجال
امجد كر كر كر بقى يضحك اسيل عاينت ليهو: هو يقول لي م بت عادي بس لما اقول ليهو م راجل تحمر لي
امجد نزل راسو من غير ما يتكلم
ياسر: يحمر ليك فراخ ولا سمك؟
وكر كر كر كر ضحكو هو وامجد
اسيل اتحمقت: عاينو… وقفت علي حيلها شالت شنطتها بزعل وقال.. سلام
مشت وامجد م اتحرك من مكانو زعلت اكتر لمن م جا لاحقها طلعت خلت ليهم الجامعة..
ياسر اتنهد: شكلها زعلت
"مششششم زعلتها انت😒"
امجد ببرود: والله دا هظارنا كدا
واتحركو الاتنين طالعين
ياسر: امجد لو م بتحبها قول ليها
امجد: هي عارفة اني بتعبرها صحبتي بس مصرة تكذب الكذبة وتصدقها
ياسر: برضو انت قعد تديها امل بتصرفاتك دي
امجد: م عارف ياااخ انا جايط
في الوقت دا كان وصلو جنب عرباتهم كل واحد اتجه علي عربيتو
امجد فتح باب عربيتو وقبل يركب قال بصوت عالي: تعال اركب معاي
ياسر ضرب عربيتو: واخليها هنا؟
امجد: نمشي ونجيها
ياسر: تعال معاي انت
امجد وهو جاي عليهو:قدااااام

*فلة عبدالفتاح…*
في جناح شهد... واقفة جنب باب البلكونة بجوة وبتتكلم في التلفون
شهد: م مشكلة ي دانة بكرة ح تتلاقو
دانة: م اظن
شهد: العزومة في بيتهم مستحيل يتهرب منها
دانة سكتت
شهد ك تغير للموضوع: اها ح تنزلي الجامعة متين؟
دانة لوت خشمها: مفكرة انزل السنة الجديدة
شهد: يلا اوريك من هسي لااازم تنزلي معاي
دانة ضحكت: اوك نشوف… ..نخليهم بتونسو ونمشي لفهد وانس القاعدين في فلة حجة عواطف
فهد: اها قلت لي سنقل؟
انس: اي والله ي حليلي؟
فهد ضحك وقال: م قادر اصدق انس عبدالفتاح م عندو حبيبة
انس: عندي ياخ بس هي م راضية تحس بي
فهد بجدية: م ناوي تعترف ليها؟
انس: ااااا وييين ياااا… خايف اخسرها
فهد: احساس انك هسي علاقتك جامدة معاها
انس: علي الاقل قعد تسلم علي وتتكلم معاي بأرايحية خايف لو اعترفت ليها حتي السلام تقتطعو
فهد: احتمال بتبادلك نفس الشعور
انس: م عارف اعمل شنو
فهد بتفكير: امشي ل اخوها اتقدم وهو يوريها بطريقتو لو وافقت خير وبركة ولو رفضت تكون علي الاقل قطعت الشك باليقين بدل الشلهتة الانت فيها دي
انس فجر الضحكة: شلهتة عديل كدا؟
فهد ابتسم: اي ..انت م شفتا نفسك بتبقى كيف لمن تشوفها..

*في المواصلات..*
ألين وران بتكلمو
ران: ي بت استكيني
ألين: no way… بكرة العزومة وانس ح يجي وانا لسا م عارفة نفسي ح البس شنو
ران: طيب رايك شنو نلبس سوا؟
ألين: ياتو لبسة لكين؟
ران بدت تفكر في لبسة لبت عمها عشان تطلع قاشرة قدام انس البتحبو وهو م عارف.. اي ألين بتحب انس ليها شهوور وم عارفة تعمل شنو.. بس ي ترى انس ح يكون برضو بحبها؟ وهل ي ترى ألين هي نفس البت الكانو بتكلو عنها فهد وانس؟……




امجد وياسر اتغدو وراجعين عل

ي الجامعة عشان امجد يسوق عربيتو… علا صوت جمال مصباح وهو بغني"انا قلبي مالو اليوم" امجد عاين لأسم المتصل وكان "حبوبة"
امجد: هلا بالغالية
حجة عواطف: سلاام
امجد: وعليكم السلام كيفك ي حبوبة؟
حجة عواطف: نحمدو ي ولدي.. انت كيف؟ اعلك شديد
امجد ابتسم: شديييييد حمدلله
حجة عواطف: ي ولدي عايزاك تجي توديني بيت البكا
امجد بخلعة: المات منو؟
حجة عواطف: يونس راجل خدم الله بت خالي
امجد اتنهد براحة وقال: والله اهلك ديل انا م بعرفهم بس حااااضر مسافة اصل البيت اغير اجيك طوالي
حجة عواطف: نان يعني االجنازة ح ترجااك؟ هسي من دربك دا تجيني
امجد ضحك: حااااضر من دربي دا بجيك
حجة عواطف: يلا ودعتك الله
امجد: الله يسلمك
وقفلت الخط
ياسر: دي حبوبة؟
امجد وهو ضاغط علي عمود انفو ومغمض عيونو: اي عاييزااني اوديها عزا يونس راجل خدم الله بت خاالها
ياسر ضحك
امجد: غاايتو حبوبة دي
ياسر وعييونو علي الطريق: م عندها سواق؟
امجد: جبنا ليها سواق بس رفضت ....قالت مشاويرها م كتيرة وم عايزة تعطل الراجل من شغلو
ياسر: بس دا شغلوو
امجد: اي بس رفضت
ياسر: ح تمشي ليها طوواالي؟
امجد: اي
في دا كانو وصلو الجامعة
امجد بحرك اصاابعو بجنبات راسو "حركة الزول لما يكون مصدع"
ياسر: مالك؟
امجد: صداع ح يفرتك راسي
ياسر خت يدو في كتف صحبو وقال: امبارح برضو م نمتا؟
امجد اتنهد: اي…كدا 3 يوم
ياسر اتنهد بحزن علي حالة صحبو… االارق ي جماعة حاجة غياظة شديد لأنو الواحد من غير م ينوم بحس اعصابو مشدودة وصدااع تقيييل
ياسر: عشان دانة؟
امجد بصدق: ح اكذب عليك لو قلتا م هماني
ياسر: بتهووون...كدي انت اتوكل وبينا كول
امجد وهو بفتح في
الباب: قدام
ونزل ياسر مدا ليهو. راسوو بالشباك: دق لأسيل راضيهاا
امجد: حنين
وركب عربيتو وكل وااحد مشا في طريقو… امجد سايق وبفكر في دانة… حيلاقيها بعد دقايق……

في هذه الاثناء… دانة كانت بتصلي العصر عشاان لمن. ااذن كانت بترغي مع شهد صلت ووقفت قدام المراية ،فكت شعرها عملتو ضنب حصان مسكتو بباندة سودا وبجامتها كانت تشيرتيهاا اسود سادة وبنطلونها اسود فيهو حروف انجلييزية دقاااق بالاابيض… م عارفة السبب الخلاها تعمل شعرها ضنب حصان شنو ابتسمت بألم لما اتذكرت لما امجد كان بقول ليها انو بحبها لما تسرح ضنب حصان ..باب غرفتها دقا دانة: ادخل
دخلت الشغالة: ماما عبير يناادي انت تهت
دانة: اوك جاية
الشغالة طلعت ،داانة اتدت روحها. نظرة اخيرة وطلعت. وهي بتدندن غنية"انا قلبي مالو اليوم" نزلت لقت امها وحجة عواطف للابسين عبياتهم وقااعدين
عبير: عندنا عزا ساعة وبنرجع
دانة: اهااااا
عبير: دقيت لفهد قال ربع ساعة كداا و..
قبل تتم كلامها سمعو صوت رجولي بقول: سلام عليكم
دانة جمدت مكانها بعد سمعت صوتو البتميزو ولو كانت في حفلة صاخبة،عبير اتلفتت لقتو امجد بسلم علي حبوبتو دانة لمن رفعت عينها شافتو بسلم ببوس رااس حبوبتو ومبتسم ابتسامة مبينة سنو المردوفة… حيلها مات وحست قلبها ح يطلع من مكانو ،بالنسبة لامجد طبعا عارف انو ح يلاقيها اول ما دخل شاافها واقفة مع امها وحجة عواطف قاعدة قلبو دقا 700دقة في الثانية اتنحنح وقال بصوت حااول يثبتو: سلام عليكم واتحرك عليهم وقلبو سابقو ابتسم

بصعوبة وهو علي حبوبتو وبعدها علي عمتو وجات اللحظة الحاسمة اللحظة الكانو امجد ودانة منتظرينها ليهم 5 سنةة ونحنا زاتنا منتظرين وقف قدامها مد ليها يدو وهو بقول: كيف؟
"ليه البرود دا؟ 🙄"
وفي اقل من ثانية كانت يد امجد الباردة محيطة بيدها
دانة وبصوت جاهدت تطلعو بس في النهاية بقى زي الهمس قالت: حمدلله
"باردين😒"
امجد ضغط علي يدها ك حركة تلقائية لما تكون مشتاق ل زول دانة حست انها واقفة في قطعة اسفنجة والاسفنجة في البحر والدنيا بتلف بيها "عجبني التشبيه.. ان شاءالله يكون وصلكم شعوري😂"
امجد بعد ثواني اتدراك نفسو ووفكا يدها
عبير: شنو يعني ي ابو المجود عامل فيها مهم علينا
اتلفت علي عمتو وهو بضحك: وداا يبقى كلام برضو؟ صحبي راقد مستشفي وم قدرت اخليهوو
عبير: اهااا سلامتو والله
امجد رفع عينو ووقعت في عين دانة ،رمشت ونزلت عيونها سريع وهو حسا بكهربا بتسري في جسمو من حركتها دي
قال: الله يسلمك
حجة عواطف: نمشي بعد دا
عبير اتلفتت علي دانة: انا اتصلت علي فهد كلمتو شوية كدا وبجيك
دانة وهي بتشتت نظرها بعيد من امجد المثبت عينو عليها قالت: طيب
امجد عاين لحبوبتو وقال:مشينا؟
دانة قربت تقول ليهو لاااااااا حجة عواطف مسكت يد امجد وسندت عليهو
عبير لدانة: يلا
وباست راسها ومشت،دانة في عالم تاني بتعاين لامجد المديها ضهرو وتاكل حبوبتو وريحة عطرو مالية الصالة ..ختت يدها في قلبها وهي بتخت نفسها… ابتسمت لمن شمت ريحة عطرو عالقة في يدها اخدت دقايق طويلة وبعدها اتوجهت علي جناحها...
امجد حالتو م كانت احسن منها جسمو مكهرب وقلبو بضرب بسرعة وصل حبوبتو العربية فتح ليها الباب ركبت وجا ركب مقعد السواق واتحرك علي بيت العزا…….
--------------------------------------
---------------------
*يتبــــــــــــــــــــــــــــــــــــــــــــع*

*#قلوب_تائهه 《07》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*فلة عبدالفتاح…*
في جناح شهد…قاعدة وبتحضر في التلفزيون تلفونها دقا ردت وعيونها علي التلفزيون..
شهد: اهاا
دانة كوركت: شفتو ي شهد شفتووو
شهد عاينت للتلفون ورجعتو لأضانها وهي بتقول بفرحة: بالجد؟
دانة بفرحة اكتر منها: اي ي شهد جا قبل شوية عشان يودي ماما وحبوبة العزا
شهد: اها ها حصل شنو وسلم عليك كيف؟
دانة بدت تسترجع في الحصل قبل دقايق قالت: كنت واقفة ماما بتتكلم معاي وهو جا داخل قال السلام عليكم سلم علي حبوبة وماما ولمن جا دروي مدا لي يدو وقال لي كيف؟ قلت ليهو حمدلله
شهد: بس؟؟!
"معليش ي شودي نحنا برضو اتغظنا من برودهم"
دانة: واااي ي شهد لو تعرفي لما شفتو حصل لي شنو قربت اسيح… وبدت تحكي ليها عن شعورها لمن امجد كان واقف قدامها…

فهد وانس وصلو فلة حجة عواطف انس كان موصل فهد… .
ألين وران دخلو فلة ناي عبداللّ عشان يشوفو بكرة ح يلبسو شنو؟……

الوقت عدا…
والعشا اذن…
عبداللّه وزينب بتناقشو في موضوع عزومة بكرة، ورامي راجع علي بيتهم من الشغل وهو بفكر في شهد… شهد البحبها ليهو سنين بس م قادر يعترف ليها لاسباب كتيرة اولها انو خايف تكون معتبراهو اخوها وكدا بس هو م عارف انها بتحبو برضو ليها سنة وحاجة….

*فلة حجة عواطف…*
فهد ودانة قاعدين في الصالة بحضرو التلفزيون… فجأة حجة عواطف وامجد وعبير جو داخلين دانة قلبها بقى يعمل جمبلق جمبلق.. فهد وقف علي حيلو وهو بشوف ود خالو المحبب لقلبو وقال: اوووو ابو المجود
امجد سلم علي فهد ورفعو فووووق "سلام الاولاد داك😅"
امجد وهو بضرب في ضهر فهد: المفتري حمدلله علي السلامة ياااخ
فهد بعمل نفس الحركة: الله يسلمك ..شنو امبارح م جيت؟
امجد: صحبي تعب وكان راقد مستشفي
فهد: ايوااا سلامتو ي زول
امجد: الله يسلمك ..يلا ي جماعة استأذن انا
فهد: ليه ياخ اتعشا معانا
امجد: ي ريت مرة تانية
دانة بتعاين ليهو عاين ليها شتتت نظرها بارتبارك
حجة عواطف: اقعد ي الطغيان اقعد اتعشا وامش
امجد ضحك: ي ريت ي حبوبة بس والل…
قاطعتو حجة عواطف: ي ود م تبسبس لي كلها عشوة م تنضم كتير
فهد عاين لأمجد وقال: اهو جاتك من السلطات العليا مف ليك اي طريقة تهرب
عاين ل دانة العاملة فيها بتحضر في التلفزيون وم شغالة بيهو
امجد: واموار السلطات الا تتنفذ
حجة عواطف وهي بتمسح علي صدرو: اقعدي هني دي شوية والعشا بجهز
امجد: حااااضر ي حبوبة
عبير اتجهت عل حناحها عشان تغير وحجة عواطف علي المطبخ تستعجل الخدم للعشا..
امجد وفهد قعدو ..امجد قعد قدام دانة مباشرة عاين ليها وهو بقعد عملت روحها بتحضر وقلبها طبعا بدق بمعدل7000 دقة في الثانية…قطع الهدوء دا صوت تلفون امجد بجمال مصباح وهو بغني "انا قلبي مالو اليوم"
دانة وعينها علي التلفزيون اتذكرت انهم زمان اتفقو انو يعملو الغنية دي نغمة تلفوناتهم عشان هي بتحبها.. امجد عاين للتلفون وم ردا
فهد :دي الجكسوية ولا شنو؟
دانة عاينت لأمجد لقتو بعاين ليها زحت عيونها سرعة
امجد ببرود: اي عرفتا كيف؟
دانة لا اردايا ل روحها عاينت ليهو بس هو كان بعاين لتلفونو

فهد ضحك: عرفتا من قلبك البقى يدق دا
امجد ابتسم ولسا عيونو علي تلفونو بعدها رفع عيونو لعيون دانة وقال: انا م عندي قلب بدق للنسوان
دانة قلبها وقع من كلمتو دي فهد فجر الضحكة وقال: لسا في افتراك دا؟
امجد ابتسم وم ردا
تلفونو تانس دقا.. دانة خلاص فاض بيها وقفت وهي بتقول: عن اذنكم
ومشت من غير م تسمع ردهم…
امجد بعاين ليها "نعم ليس لدي قلب ينبض من اجل النساء ولم اكذب حين قلت ذلك فأنا لا املك قلب ينبض لهن انا املك قلبا ينبض لك فقط ويردد اسمك مع كل خفقة من خفقاته"
قطع تفكيرو صوتو فهد وهو بقول: رد علي البت بتكون قلقت
امجد ردا بكل برود: اي ي اسيل
اسيل: وينك م بترد؟
امجد: كنتا في الحمام
فهد رفع ليهو حواجبو نظام م تكذب امجد ابتسم ليهو وهو بقيف عشان يطلع يتكلم برا
اسيل: اممممممم… افتكرتك تكون نمتا
امجد وهو بعاين لساعة يدو:9:35 ي داب ..لسا بدري
اسيل: اي صح
امجد سكت مسافة بعدها قال: اسيلوو.. لسا زعلانة؟
اسيل: لو زعلانة م كنتا دقيت ليك بس ممكن تقول موجوعة من تصرفاتك
امجد بإستهبال: يخسي عليها تصرفاتي دي ليه تزعلك
اسيل: تصبح علي خير
امجد: زعلانة؟
اسيل م ردت
امجد: نحنا كنا بنهظر
اسيل: تمام تصبح علي خير
امجد: تمام ل بكرة
اسيل قفلت الخط ،امجد اتنهد بضيييق….
دانة في غرفتها قاعدة في السرير وبتهز رجلها بغيظ "قالها.. قال انه لا يملك قلبا يدق لأجل النساء.. صرح بقسوته امامي" ..امجد كان عارف انو كلامو ح يكون ليهو أثر عليها عارف انها ح تكون فهمتو انو م بحب ولا ح يحب تاني
الباب دقا
دانة: ادخل
دخلت الشغالة نادتها للعشا
دانة: في منو تحت؟
الشغالة: ماما عواتف وماما عبير و بابا فهد وبابا امجد
دانة عقدت حواجبها وقالت: قولي ليهم قالت م عايزة
الشغالة :هاضر
ونزلت لمن كلمتهم امجد ابتسم وهو بقول جوا نفسو: لسا زي م هي
فهد قام مشا ليها وفي دقايق جات نازلة معاهو قعدت جنب فهد وامها قصادها وجنبها امجد وحجة عواطف بتترأس الصفرة… بدت تاكل وهي متجنبة تعاين لامجد بقت صارة وبتاكل
حجة عواطف: ي بت مالك قالبة خليقتك دي كدي؟
امجد عاين ليها، دانة: مف شي ي حبوبة نعسانة بس
عاينت لامجد الابتسم ليها بسخرية نظام انا عارف المضايقك شنو اتنهدت بصوت مسموع وكملت اكل "طيب ي جماعة نتفق انو السيد امجد مستفز🐸👋🏻"
دانة خلصت سريع ووقفت علي حيلها وقالت: تصبحو ععلي. خير
الكل: تلاقي الخيير
اتحركت وهي زهجاااااااانة من امجد وقفت فجأة كأنها اتذكرت حاجة اتلفتت عليهم بابتسامة بلهاءوقالت: ماما ..ح نمشي لناس عمتو سلطانة متين؟
امجد ضغط علي اسنانو بكررررره عمتها دي وولد عمتها
عبير: هم بكرة ان شاءالله ح يجو العزومة واحتمال نمشي ليهم الجمعة
حجة عواطف: لا لا الجمعة دي حقتي
دانة بدلع: حبوبة عليك الله خلينا نمش ليهو بالجد مشتاقة ل هيام وهااااادي
اتعمدت تجر اسم هادي لأنها عارفة امجد لما يسمع الاسم دا عفاريت الدنيا بتنطط قدامو
امجد رفع حواجبو نظام بلاااي؟
عاينت ليهو بنظرات باااردة بس فيها تحدي ضيق ليها عيونو بغضب
فهد: اي والله مشتاقين ليهم
عبير: بكرة ان شاءالله تلاقوهم في العزومة
دانة: اي لكين برضو م زي لمن نمشي ليهم في بيتهم
امجد ضغط علي اضراسو بغضب دانة ابتسمت ليهو بسخرية نظام م براك البتعرف تغيظ ولمن حست بيهو ح يقوم يدخلها تحت الصفرة قالت: تصبحو علي خيير
وفت فت فت طلعت خلتو بغلي من الزعل والغيرة… كمل اكلو بدون نفس وودع حبوبتو وعمتو وطلع وفهد قدمو لحدي عربيتو…… .
--------------------------------------
---------------------
*يتبــــــــــــــــــــــــــــــــــــــــــــع*

*#قلوب_تائهه 《08》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*في فجر اليوم التالي…*
فلة عبداللّه… احمد جا يصحي امجد لقاهو بلعب في البليستشين وم لابس تيشريت وشعرو مكنش فتح ومع اضاءة الخافتة منظرو كان مخيف
احمد: سلاما قولا من ربا رحيم… ي ود مالك منكش وحالتك بالبلا؟
امجد حك راسو وهو بضحك ببلاهة
احمد: صحيت بدري شكلك
امجد: م نمتا اصلا
احمد عقدت حواجبو: ليه فيك شنو؟
امجد: م فيني شي بس كل يوم بنوم الليلة فكرت اكسر الروتين
احمد رفع حاجبو: اللهم لا اعتراض في حكمك
امجد ابتسم ببلاهة
احمد وهو بخت يدو في كتف اخوهو: يلا الصلاة
امجد: اوك لاحقك
احمد مشا وامجد لبس ليهو تيشيرت واتوضا وطلع مع ابوهو واخوهو الجامع ..بعد الصلاة عبداللّه واحمد رجعو وامجد قعد يقرا في قران شوية.. وبعد الشمس شرقت رجع هو زاتو…

*في فلة عبدالفتاح..*
نسرين احمد نزلها تسلم علي ناس امها ..لقت امها قاعدة براها سلمت وقعدت تتونس معاها شوية كدا وانس جا نازل
انس: نسووووو،وانا اقول البيت مالو منور اتاريك منوارهو
نسرين وهي بتضحك: بكااااش
انس وهو بسلم عليها: والله م بكش
نسرين قعدت وهي بتقول: منور بناااسو
اتونسو شوية كدا بعدها نسرين السواق جاها ومعاهو زينب طلعو مشو السوق يجيبو حاجات العزومة


في جامعة ألين وران…ألين مشت تجيب ليهم كولا من الكفتيريا لاقاها ولد اتسلمها ليك: ألين؟ وين انتي ياخ لي كم يوم م شفتك؟..عارفة الجامعة دي م ليها طعم من غيرك انا م عارف قريت السنتين ديل كيف من غيرك
ألين مضيقة عيونها وبتعاين ليهو بعد انتهي قالت ليهو:مبروك
وكانت عايزة تمشي كدا وقف قدامها
الولد: ألين ليه الافترا دا؟..انا كلمتك قبل كدا وبقولا ليك تاني انا بحبك وعايزك بالحلال وممكن اجي اتقدم لو عايزة
ألين ابتسمت ببرود: مبروك تاني
ومشت خلتو متحير فيها… اشترت ورجعت ل ران
ران وهي بتشيل علبة الكولا: مالك اتأخرتي؟
ألين بتفتح في العلبة: ي ستي لاقيت سامر واستلمني ليك وين انتي والجامعة من م ليها طعم من غيرك ولاب لاب لاب
ران وهي بتضحك: اها وقلتي ليهو شنو؟
ألين: قلتا ليهو مبروك
ران فجرت الضحكة
ألين شربت جغمة وبعدها قالت: لا والاحلي فتح لي موضوع اني بحبك وعايز اتقدم وكدا
ران رفعت حاجبها: نحنا م ح نخلص من الموضوع دا شكلنا
ألين شربت جغمة وم ردت ران شربت جغمة بعدها قالت: اها وانتي قلتي ليهو شنو المرة دي؟
ألين: قلت ليهو مبروك تاني ومشيت خليتو
ران ضحكت وقالت: انتي امجد عبداللّه ببقى ليك شنو؟
ألين بإستهبال: بري.. ولا بعرف زول بالاسم دا
وكر كر كر ضحكو "امجد بضربو بيهو المثل في الافترا😆 "… شوية كدا واتحركو علي بيوتهم….

*فلة حجة عواطف…*
جناح دانة… محتارة تلبس شنو ابتسمت وهي ببتذكر… * دانة: امجد انا م عارفث البس شنو؟
امجد: اي حاجة ح تلبسيها ح تطلع تجنن
دانة اتأفأفت: امجد يااااخ انا جادة.. بعدين الليلة ح اشوف اصحابك وصحباتك لأول مرة لازم اكون وااو
امجد وهو بمسك يدينها الاتنين: والله لو لبستي عباية ح تكوني واو واحلي منهم
دانة بخبث: بس برضو لازم اكون ووواو شديد عشان الفت انتباه اولاد المدرسة

امجد عقد حواجبو: لو لقيت واحد فيهم بعاين ليك عين م ياها ح اقلعها ليهو من مكانها
دانة وهي بتشد يدينها علي يدو :بهظر ي غيييووور
امجد ختا يدو في خدها وقال بلهجة مصرية:في حد عندو القمر دا وم يغيرش عليه؟
دانة ضحكت علي لهجتو
امجد رفع راسو وقال بصوت عالي: طب والله قمر.. *…رجعت لواقعها وهي مبتسمة علي غيرتو الشديدة عليها اتجهت علي دولابها طلعت علبة الساعة ديك عاينت ليها وقالت: ي ترى ح يجي يوم واديك ليها؟
اتنهدت وهي بترجعها ونزلت تحت عشان تتونس مع امها وحبوبتها….


*فلة عبداللّه*
جناح امجد….زهج شديد واخلاقو ضاقت نزل من جناحو سيدا علي الجنينة الورا ،البسين.. قلع تيشيرتو وفناهو وغطس.. بقى يسبح بحركة سريعة كأنو بفضي زهجو ..ليهو 4 يوم م شاف بعينو ليهو حق اعصابو تكون مشدودة…

ألين وران دخلو فلة عبداللّه لقوها فاااضية.. ألين سألت الشغالة من امها ونسرين ورتها انهم مشو يشترو الحاجات.. طلعت مع ران عشان يرتاحو….


الوقت عدا…
اذن المغرب.. دانة قاعدة مع امها في غرفتها
عبير: يلا ابدي اجهزي
دانة: اوك
عبير: صحى فهد معاك عشان يجهز دانة
دانة: اوك
عبير ضحكت: قولي حاضر
دانة: اوك
وضحكو مشت صحت فهد وبعد مسااافة قدرت تخليهو يدخل الحمام.. مشت غرفتها اتوضت صلت ودخلت الحمام…

في هذه الاثناء امجد بتكلم مع اسيل
امجد: اها يعني عايزة شنو انتي هسي؟
اسيل: عايزة اعرف المضايقك شنو؟
امجد انفعل: كلكم ..كلكم مضايقني وزهجان وقافلة معاي
"انا معاهم؟😔"
اسيل سكتت مسافة وبعدها قالت: امجد حبيبي
امجد: اسيل مع السلامة لحدي م اهدا
اسيل: بس انا..
امجد قاطعها: احسن تقفلي عشان م تسمعي كلام يزعلك مني
"احساس انك م زعلتها"
اسيل: تمام ..مع السلامة
امجد: يلا
وقفل الخط "اوعا ي جماعة تفتكرو انو اسيل دي م عندها دم بس هي بتحبو ي جماعة"
امجد لاقتو ألين في وشو
ألين: امجوووو الشوووق
امجد صاري وماشي: حاصل ألين وقفت قدامو: ليه كدا؟
امجد اتنهد: ألين وربي م ناقصك
ألين: المضايقك شنو؟دي اسيل صح؟
امجد غمض عيونو وهو بتأفأف ومشا…

دانة لبست ليها فستان رماادي غاامق مع الجسم لحدي نص الساق كدا وجكت نص بتاع جينز وشبط شبك شبك كدا رمادي فوق من عضمة الشيطان، عملت شعرها ضنب حصان مع الخصل وعملت ايلاينر وروج كبدي غامق كانت طالعة مززززززة🤤 االشغالة. ددقت ليها الباب ورتها انو انس وصل عشان. يسوقهم.. عاينت لروحها في المراية وقالت: جاياك ي امجد.. وطلعت سلمت علي انس ركبو العربية واتجهو علي فلة عبداللّه… وخلال 30 دقيقة كانو وصلو لقو العيلة كلها مجتمعة سلمو عليهم ودانة بتفتش علي امجد بعيونها… ألين وران. جو داخليين وهم لابسين جيب شورت اسود وبلوزة بيضا. فيهاا قلب كبيير في نصهاا بالاسود شبط ابيض رفيع ورافعين شعرهم كعكةة ومع الروج الاسود مززز… بدو يسلمو فعد عاين ل انس وابتسم انس ابتسم ونزل راسو… شوية كدا والضيوف بدو يصلو طبعا االلعزومة م كبيرة شددييد يعني العييلة واصدقاء العيلة ..كانت في. الجنينة الورا كاانت مزينة بطريقة خرافية ..عبداللّه رسل الشغالة تنادي امجد ..طبعا هو متأخر مخصووص عشان م يشوف لمن هادي يجي ودانة تسلم عليهو… نزل وكان. لابس بنطلون جينز اسود وتيشيرت اسود اكمامو طويلة مرسوم فيهو علامة الاديداس بورا بالابيض ومع العطر والشعر ووصرة الوش كان قصصصصصة… سلم علي الناس وجا وقف جنب الشباب
رامي: عجبنا الاسود
امجد ابتسم. ليهو بالغصب وم ردا
رامي: ليه الطناش دا؟
امجد اتلفت عليهو: م كدا والله.. اه تسلم كتييير
شوية كدا وناس سلطانة عمة فهد ودانة جو "طبعا عندها ولد وبت بس"
هيام: داااانة😍
امجد براهو زهجان وقافلة معاهو قلب عيونو بزهج
سلمت عليها بعدها سلمت علي عمتها امجد طبعا صاري وشو ومراقبهم ومنتظر بس دانة. كان بت ابوها تحضن هادي بس م حضنتو سلمت عليهو بحرارة واتوزعو في الترابيز… طبعا العزومة شماعة😃 بس في قعدة كبييرة بكراسي خشب واطية كدا جنب المسبح وباقي الجنينة الترابيز المدورة العالية ديك…
هيام وقفت مع دانة وشهد، ألين وران ووعد ونسرين واقفين مع بعض ، هادي وقف جنب فهد معاهو. انس وامجد ورامي بقى يتنوس معاهم وامجد يشيل ويتأفأف… شوية كدا هادي مشا علي تربيزة ناس دانة وكانت واقفة براها
هادي: شنو ي دانة دي كلها غيبة؟
دانة استعدلت وقفتها بقت قصاد امجد عاينت ليهو لقتو صاري وبعاين ليهم
دانة: تقول شنو بس امتحانات وكدا
هادي: كل مرة لكين؟ والله اشتقنا ليك عديل
دانة ضحكت وهي بتعاين لامجد
هادي: واشتقنا للضحكة زاتا ياخ
دانة ابتسمت وهي بتعاين لامجد حست بيهو ح يجي يخمشهم ..هي عارفة غيرتو وعارفة انو بكرررره هادي عمى…

دانة باختصار: اااا.. هادي عن اذنك شوية وبرجع ليك
هادي: تمام انا زاتي راجع لناس فهد ..مدا ليها تلفونو ..بس سجلي لي رقمك
دانة شالت التلفون باستعجال كتبت ليهو الرقم
امجد جوا نفسو: كمان بتديهو رقمك ..الليلة م ترجيني ي بت دبي
دانة رجعت التلفون ل هادي واتحركت علي جوا بخطوات سريعة… هاربة من امجد حرفيا خافت من نظرتو بعد م كانت عايزة تغيظو…
امجد: شباب ثواني وراجع
ومشا من غير م يسمع ردهم.. رامي عاين لقى شهد واقفة مع ألين وران ووعد مشا ليهم
رامي: سلام عليكم
الكل: وعليكم السلام
ران : اهليييين رامي
رامي: شهد كيفك؟
شهد بخجل: تمام حمدلله وانت؟
رامي: انا كويس حمدلله ..الجامعة كيف؟
شهد: حمدلله
"صدقوني شهد ورامي ديل ح يفتحو ليهم باب في الجنة اسمو الحامدين😁"…
دانة طبعا ماشة بسرعة علي جناح ألين وهي عارفة امجد وراها ..لما وصلت قدام باب الجناح امجد مسكها وجراها
امجد: ممكن افهم البرا دا كان شنو؟
دانة: شنو؟
امجد ضغط علي كتفها:دانة😑
دانة ببرود عكس الخوف الجواها: احم.. في شنو؟
امجد : م اشوفك واقفة معاهو براك
دانة: بس دا ود عمتي زي م انت ود خالي
امجد ضغط اسنانو عشان م يكورك: انا م زيو.. بعدين م القاك معاهوو براك
فكت يدها منو وقالت: انا حرة وانت م بتوريني امعد شنو واقيف مع منو
امجد جا خطوة عليها رجعت لورا امجد: دانة م القاك واقفة معاهو براك ..كلامي دا واضح ولا الحنو ليك؟
اتلفتت علي الجهة التانية وم ردت امجد مسكها تاني والمرة دي بيدينو الاتنين وقال بغضب: بعدين يشيل رقمك ليه؟
دانة: ود عمتي وعايز يتواصل معاي فيها حاجة دي؟
امجد: دانة م تستفزيني
دانة: واستفزك ليه؟ انت بتحاسبني بصفتك منو؟
امجد فكاها: بصفتي امجد
نزلت عيونها الاتملو دموع"ضربني وبكا سبقني واشتكا"
امجد اتنهد عشان يتمص غضبو بعدها قال :دانة انا م قلت ليك م تتكلمي معاهو عديل اتكلمي لكين م براك هادي دا اعملي حسابك وانتي بتتعاملي معاهو ..مفهوم؟
دانة لا شعوريا اشرت ليهو براسها نظام اي ربت علي راسها ومشا خلاها.. ضربت رجلها في الارض بزهج.. حتي وهم منفصلين لسا بتحكم فيها ولسا عقلها بنقاد ليهو وقلبها بخليها ويصف في صفو…….
--------------------------------------
---------------------
*يتبــــــــــــــــــــــــــــــــــــــــــــع*

*#قلوب_تائهه 《09》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*فلة عبداللّه…*
جناح ألين… دانة مسحت دموعها وغسلت وشها وطلعت.. اول م وصلت الجنينة عينها وقعت علي امجد الكان بعاين ليها بحنية شديدة شتتت انظارها عنو ووقفت جنب شهد..
شهد بهمس: واي ي دانة م شفتي حصل شنو
دانة بنفس الهمس: شنو؟
شهد: تعالي احكي ليك..
وساقتها ومشو علي طرف الجنينة عشان تحكي ليها ..حكت ليها انو رامي جا سلم عليها واتونس معاها
دانة: الود شكلو وقع وم حد سمى عليه
شهد ضحكت وم قالت شي ..في هذة الاثناء امجد اتلفت يتكلم مع فهد ولمن رجع عاين لقى دانة مافيشة في مكانها قلبو وقع كأنهم في غابة ودانة ضاعت منو فتشها بعيونو واتنفس الصعداء بي راااحة لمن شافها واقفة بعييييد مع شهد…
ألين جات للاولاد وقالت:شباب العشا ..اتفضلو
احمد: البوفي فتح؟
ألين: اي لكين انت م معاهم
الكل ضحك ..احمد مسك ألين من رقبتها واتجهو علي الاوبن بوفيه…

الوقت عدا والضيوف بدو خفو شديد باقي بس ناس سلطانة مع علية العين..
هادي: يلا ي جماعة بعد دا نحنا نتوكل
احمد: ونسو ياخ الوقت لسا بدري
امجد: لا لا خليهم يمشو قالو في حظر تجوال بعد 12
الكل ضحك لأنهم مفتكرين امجد بهظر بس هادي جرا ليهو نور كدااا بعدها ودعهم وطلعو هو وامو واختو.. حجة عواطف وعبير واخوانها وحريم اخوانها دخلو والشباب قعدو في الجنينة ..
انس: العشا كان ظريف يااخ
الكل: اي والله
ران نطت: كلو عملناهو انا وألين
الكل ضحك.
انس جوا نفسو حلاالتي س ناس
نسرين بقت تكح باستهبال احمد: كر كر سلااامتك حبيبي عاين… ليهم.. سلامتك والقاعدين كرامتك
ضحكو، وعد: للدرجة دي قنعان
احمد: م كدا بس نسو عندي بتسوي الدنيا كلها
كلهم بقو يقولو: اوووووووو
ألين: لينا الله وقعاد المظلة
ران: المظلة زاتا قلعوها نقيف في الشمس بس
الكل ضحك،فهد: احمد رومانتك انت
احمد وعيونو علي يدو الماسك بيها نسرين: اي زول لما يعرس البت البحبها ببقى رومانتك.. ان شاءالله كلكم تعرسو البتحبوهم
شهد+رامي+دانة+امجد+ انس+ألين: امييييين
"دي الحابين طبعا🙃"
احمد عاين ل نسرين ابتسمت ليهو ..وبقو كلهم يتونسو وامجد ساكت
فهد: ابو المجود مالك صاني؟
امجد رفع ليهو اكتافو: م عندي كلام اقولو
احمد: ملاحظ ليك من الصباح م علي بعضك
ألين: م تكون دي اسيل زعلتك
"لااااا ليه كدا ي ألين😑"
دانة وشها قلب طوالي امجد وعيونو علي دانة: انا مف زول بزعلني
فهد: ي سيد الافترا
انس: يلا ي فهد انت اصلك م تتكلم عن الافترا
فهد ضحك باستغراب
انس: ياخ الافترا دا تقوق قاسمنو ليك انت وامجد
فهد ضحك وقال لامجد: بالجد الكلام دا؟
امجد عاين ل رامي واشر ليهو براسو نظام اي
انس: اها مش قلتا ليك؟
ألين: غايتو الله يكون في عونها اسيل وانت ي فهد الله يكون في عون البت الحتتزوجك
"اتذكرو كلامها دا كويييس"
شهد: بالعكس ي بت المفترين ديل بكونو حبيبييييين
امجد صفق وقال: هوي خلاص قفلنا م تسلتمونا
ضحكو وبقو يتونسو امجد بس بعاين ل دانة هي تعاين ليهو تلاقهو بعاين ليها تزح عيونها سريع ..بعد اخدتو ونستهم قامو دخلو جوا بس خلو رامي واقف وبتكلم بالتلفون.. شهد دخلت كدا لقت تلفونها مافيش طلعت عشان تفتشو… رامي كان بعيييد منها جنب المسبح وبتكلم وهي بتفتش م لقتو وقفت وهي بتأفأف بزهج رامي من هناك شافها وجا عليها

رامي: شهد؟ في شنو؟
شهد اتخلعت طبعا م قايلاهو برا بعد مسافة قالت ليهو: اااا فوني م لاقياهو
رامي: بكون جوا
شهد: لا لا م دخلت بيهو
رامي بقى يفتش معاها في الارض وتحت الترابيز وكدا بعدها قال: دقيقة ادق ليم فيهو
شهد وقفت ،دقا في رقمها دخل جرس مدا ليها التلفون وهو بقول: امسكيهو وخليك هنا وانا بمشي هناك
شالتو وهو اتحرك في جرس بس م سامعين التلفون بدق المكالمة اتنهت نورت الشاشة عشان تدق تاني لقتو مسجلها ب "عشقي♥️" طيرت عيونها وبدت تكتب في رقمها ظهر ليها عشقي دقت وهي م مصدقة ضحكت وهي بتنطط زي الشافعة.. بجهة رامي المسكين بفتش ف التلفون لاقاهو غاطس جوا النجيلة رفعو لقي المتصل "حبي الصامت"عقد حواجبو وصرا وشو بس الصرة اتحولت لابتسامة عريضة لمن شاف انو دا رقمو مسح وشو وعضا شفتو التحت عشان يمسك ضحكتو رفض المكالمة ومشا عليها.. بعد دقايق وصلها مدت ليهو تلفونو وهي بتقول: شكرا
رامي بابتسامة وهو منعس عيونو قال: العفو ولو
ارتبكت وعرغت انو كشفها
مدا ليها تلفونها خطفتو بسرعة وعايزة تمشي كدا وقف قدامها قلبها دقا من قربو اول مرة يكون قريب ليها كدا
رامي وعيونو مثبتة علي عيونها: م نفسك تقولي حاجة؟
شهد قلبها زي الدلوكة وعيونها م قادرة ترفعهم قالت: هئه
وفت فت فت مشت رامي ضحك بصخب علي وشها البقى زي الطماطمة وقال بصوت عالي: بدق ليك بعدين
شهد فووو دخلت قلت ناس بيتهم خلاص ماشين
وقفت جنب دانة وقالت: دندون ارح معاي
دانة: ي ريت والله مرة تانية
شهد باصرار: لا الليلة اصلا بكرة ح نمشي نتغدا مع حبوبة
دانة: بس انا م جاهزة
انس: شهد بتديك هدوم
الكل ضحك ، عبير لدانة: امشي مع بت خالك
دانة عاينت ليها مسافة بعدها اتنهدت وقالت: اووك
شهد: يييييييييي
ودعوهم وطلعو.. احمد وصل فهد وعبير وحجة عواطف ، وناس عبدالرحيم رجعو برضو...
امجد دخل جناحو استحما غير وفتح تلفونو لقى مكالمات من اسيل رجع ليها ردت بعد مسااافة
اسيل: ألو
امجد: اي لقيت منك مكالمات
اسيل: حبيت اشوفك بقيت كيف عشان جبيل كنت متضايق
امجد: حمدلله
اسيل: تمام تصبح علي خير
امجد: اها بكرة معانا؟
اسيل: اي ..رايك شنو تجي تسوقني بدل م امشي براي وانت براك
امجد: طيب بجيك
اسيل: يلا.. تصبح علي خير
امجد: تلاقي الخير
قفلت الخط اتنهد بضيق وطلع الجنينة قعد جنب المسبح في كراسي كدا وفي نصهم تربيزة قعد ورفع كرعينو في التربيزة ..ولع سجارة وهو بفكر في البحصل دا، هو بحب دانة دي حاجة منتهي منها بس م عايز يرجع ليها لأنها زمان ظلمتو ومن جهة تانية اسيل مظلومة معاهو وراضية وساكتة رغم اهمالو وبرودو هي بتحاول تمسك فيهو بيدينها وسنونها وبتبذل قصاري جهدها عشان العلاقة دي تستمر…

*في فلة عبدالفتاح…*
في جناح شهد.. شهد ودانة قاعدين في نص السرير وشهد بتحكي ل دانة الحصل ليها مع رامي ودانة متابعة باهتمام فجأة تلفون شهد دقا وكان المتصل "حبي الصامت" شهد صرخت: واااي ضرب ي دانة اعمل شنو؟
دانة ضحكت: ردي
شهد وهي بتنفض في يدينها: واي بطني وجعتني
دانة ضحكت
شهد ردت بصوت رزين كأنو دي م هي الكانت بتكورك قبل شوية
شهد: الو
رامي: انا بحبك
طبعا شهد لمن نفسها كتم وقفت علي حيلها دانة بتعاين ليها وبتضحك
رامي: بغض النظر عن كيف ومتين وليه.. انا حبيتك وعشقتك من يوم كنتي معانا وعملتي كيكة مع ران في مطبخنا عشقتك لمن شفتك في تخريجي بتضحكي عشقتك لما سافرنا بورتسودان وكنتي بتقعدي الصباح بدري في الكورنيش براك عشقتك في مرة شفتك فيها بتضحكي وفي كل لحظة وكل يوم عشقي كان بزيدو
شهد واقفة ومتجمدة م قادرة تدي اي ردة فعل
دانة شغالة تضحك فيها ساااي وهي م سامعة كلام رامي بس شايفة منظرها
رامي لمن حسا بهدوءها عقد حواجبو باستغراب وقال: شهد؟ معاي انتي؟
شهد بعد مساافة: احم ..اي معاك
رامي: تتزوجيني؟
شهد صوتها اختفي من الخلعة
رامي كمل كلامو: عايزك معاي ي شهدي موافقة؟
شهد سكتت والعبرة سدت حلقها
دانة جات وقفت جنبها. اشرت ليها نظام في شنوو؟
رامي: دا كلو تفكير؟
شهد: م كدا بس..
رامي: بس شنو؟
شهد سكتت وم قادرة تتكلم رامي: م تسكتي كدا
شهد: اقول شنو؟
رامي: قولي انك موافقة وانك بتحبيني زي ما انا بحبك
شهد: واكتر وحياتك
رامي سكت مسااافة عشان يستوعب كلمتها بعدها كورك: بس انا جاي اتقدم
شهد: شنوووو؟؟
رامي: جاي بيتكم اتقدم.. . شنو الشنو؟
شال مفتاح العربية واتجه علي تحت
شهد: رامي انت جنيت؟
رامي: اي وي ريت لو جنيت من زمان
شهد سكتت وهي مخلوعة سمعت صوت باب العربية همست :رامي لا
رامي: انا في العربية علي فكرة
شهد نست خجلها لازم توقفو عارفاهو مجنون وح يجي، شهد: رامي الساعة ماشة علي 3 في زول بتقدم ل بت زي الوقت دا؟

رامي بدور. العربية: صحي ابوك واخوك.
شهد: انت بتحبني؟
رامي: بعشقك عدديل
شهد: بس لو بتحبني م تجي الليلة
رامي وقف العربية وكان ي داب جنب البوابة يعني م طلع الشارع وقال: ليه كدا؟
شهد: عشان م ينفع تجي زي الوقت دا عشان تتقدم ح يفهمونا غلط
رامي: بس انا انتظرتا كتير وم. عايز انتظر تاني
شهد: طيب م تنتظر اصلا بكرة الجمعة
رامي رجع بالعربية وقال:تمام بس بكرة مف تأخير
شهد اتنهدت براحة: ان شاءالله
رامي: انا ببركن في العربية حاليا
شهد ضحكت: يعني انت جادي طلعتا؟
رامي:ممكن عادي الف اجيكم عشان تعرفني جادي ولا لأ
شهد ضحكت: لا خلاص بمزح بمزح
وبقو يتكلمو شهد رقدت جنب دانة النايمة وشوية كدا وهي زاتها نامت
رامي: شهدي
م ردت ليهو عرفها نامت اتنهد بابتسامة وقال: تصبحي علي خير ي انا
وقفل الخط… "واي ي رامي طلعتا مجنون حالتنا قلنا انت الهدي الرضي🙆🏻‍♀️… +شهد نامت في اول مكالمة بينك وبين حبيبك؟🙄"
رامي طلع البلكونة شاف امجد قاعد في جنينتهم طبعا بلكونتو مطله علي الجنينة الورانية عاين ليهو مسافة عشان لما يعاين ليهو يأشر ليهو بس امجد كان مستكين وم حرك راسو رامي دخل غرفتو دقا اتصل عليهو م ردا عرف انو امجد ح يكون مخلي تلفونو جوا بقى يفتش في حاجة يجدع بيها امجد عشان يلفتو دخل الحمام لقى. ليهو علبة شامبو فاضية شالها وطلع البلكونة وجدعها وكووو. جات في راس امجد"نياااش🙊" امجد اتلفت مسااافة بعدهاا. رفع راسو لما رامي صفر ليهو "طيب ما من جبيل كان تصفر ليهو🐸"
امجد رفع ليهو يدو رامي اشر ليهو نظام مالك؟ امجد اشر ليهو علي القمر نظام مساهر مع القمر رامي ضحك واشر ليهو علي راسو نظام مجنون امجد. لوح ليه بيدو نظام تعال رامي عاين ليهو مساااافة كدا فكر انو اصلا م جايهو نوم احسن يمش يقعد معاهو اشر ليهو نظام جاي .....
--------------------------------------
---------------------
*يتبــــــــــــــــــــــــــــــــــــــــع *

*#قلوب_تائهه 《10》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
رامي اشر لامجد نظاام جاي وفعلا بعد دقايق جاهو ضربو في كتفو وهو بقعد
امجد: ي زول مالك الليلة شغال فيني ضرب؟ قبل شوية ضاربني. بعلبة الشامبو في راسي هسي لو جاني ارتجاج نقول ي منو؟
رامي ضحك: قول ي الله+اصلا سلفا عندك ارتجاج امجد ضحك ،رامي واصل كلامو: بعدين العلبة فاضية اساسا وثالثا والهو الاهم بدق ليك م بترفع
امجد هزا راسو نظام اي: اي تلفوني جوا
رامي: انا كمان قلتا كدا… المهم المصحيك لحدي هسي شنو؟
امجد تكل ضهرو لورا في الكرسي وهو بقول: م جاني نوم فقلت اساهر للقمر
رامي: خف علينا ي نزار قباني
امجد فجر الضحكة وقال:خليك مني انت المصحيك شنو؟
رامي: والله ي امجد في موضوع كدا شاغل بالي وم قادر انوم
امجد عقد حواجبو: موضوع شنو؟ مشكلة يعني؟
رامي: لا لا لا ياخ حاجة تانية… بتعرفها بكرة كان ربنا اراد
امجد م حب يضغط عليهو قال: ظريف ي مان
سكتو مساااافة ،رامي: م عايز توريني المصحيك شنو؟
امجد اتنهد: مف حاجة مهمة ملل من الروتين وكدا
رامي: ايواااا.. افتكرتك اتشاكلتا مع اسيل
كلهم عارفين انو امجد لما يكون متنشن وكدا م بقدر ينوم
امجد: اسيل منو؟
رامي عاين ليهو بخلعة ،امجدد اتذكرها وقال:ااووووه لا لا م ليها علاقة
رامي: ايواا.. لكين المفروض بعد دا تخطي خطوة جادة في موضوعك ليها والله مف احلي من انك تتزوج البت البتحبها
امجد: براااك قلتها.. البتحبها
رامي: افهم انك م بتحبها؟
امجد اشر ليهو براسو نظام اي
رامي: طيب ليه معلقها معاك؟
امجد: هي المعلقة روحها ومعلقاني معاها .. م عايزة تفهم اننا اصحاب
رامي اتنهد وسكت ،امجد: خليك مني انت م ناوي تفرحني بيك؟
رامي ضحك: ماما امجد+ان شاءالله قريب واحتمال بكرة
امجد بخلعة: بكرة ح تعرس؟😱
رامي: لا يااخ.. ياخ انتظر لبكرة وح تعرف براك ان شاءالله
امجد: ان شاءالله.. نفسي اشوفك في بيتك ي ولدي
رامي رفع حاجبو: م عرفتك ي امي
امجد ضحك: والله يوم عرسك ح اكون مبسوط اكتر من خالتو نادية "ام رامي"
رامي ضحك ،بقو يتونسو ..طول عمرهم اصحاب وقريبين لبعض وبرتاحو لبعض…

لما الصبح اذن قامو سوا مشو الجامع اتوضو هناك وصلو بعد الصلاة، عبدالرحيم: رامي مشيت وين انت ياخ مشيت ليك غرفتك لقيتك ماف
رامي: اي كنت في جنينة عمي عبداللّه مع امجد
احمد واقف جنب امجد عاين ليهو وقال بصوت سمعهوهو هم الاتنين بس احمد"م قعد تنوم اليومين ديل؟
امجد هزا ليهو راسو نظام اي
عبداللّه:الله يهديكم
واتحرك ووراهو اولادو واخوهو ولدو… لما وصلو رامي دخل جناحو وناااااام… احمد دخل جناحو لقى نسرين نايمة عاين ليها "وكأن برأة الكون تجمعت في تفاصيل وجهك،وكأنكِ تقاسمتِ الجمال مع سيدنا يوسف" ..

عند شهد ودانة ..صلو الصبح وشهد لدانة قدامها في المصلاية
دانة: بسم الله ي بت مالك؟
شهد: اتخيييييلي امبارح حصل شنو…
حكت ليها دانة ضحكت وقالت: مجانين طبعا
شهد: عارفين طبعا

انتشرت اشعة الشمس وتسللت الي تلك الغرف الباردة… فلة عبداللّه… جالس علي ركبتيه منذ اكثر من ساعة يتأمل ملامحها التي يحفظها عن ظهر قلب همس لا شعوريا:بعشقك.. وكيف لا يعشقها وهي تلك الامنية التي تمناها طويلا من الله واعطاه له كنعمة تستحق الشكر ..

فتحت عينيها لتجده يضع يده هبي خده وينظر لها بهيااام ابتسمت حتي بان صف اسنانها العلوي ولكن سرعان ما اختفت هذة الابتسامة عندها رأت الشمس ساطعة انتفضت جالسة لتردف:استغفر الله العظيم الصبح فاتني.. احمد ليه م صحيتني؟
احمد: في زول بشوف ملاك نايم ويقدر يصحيهو؟
نسرين وهي بتتجاهل رمنسيتو الصباحية دي:افففف الصبح فاتني ..ياخ كان تصحيني انا فترانة وم قدرت اقوم
احمد ابتسم بخبث: فترانة من شنو؟
نسرين قربت منو مسكت لياقة جلابيتو وقالت: من زول كدا الليل كلو م خلاني انوم
احمد: تؤ تؤ تؤ ..ليه كنتو بتعلمو في شنو؟
خجلت ونزلت راسها، احمد باس ارنبة انفها بخفة بعدها شالها دخلها الحمام نزلها جنب الباب بجوة وقال: يلا سريع عشان تلحقي تصلي
نسرين كرفست وشها بطفولية وقالت: فاتني والشمس شرقت
احمد ضحك وقال: م مشكلة ما انتي كنتي بتعملي في حاجة تعتبر عبادة برضو
نسرين رووو قفلت الباب ضحك ومشا رقد بعد 10 دقايق كدا جات طالعة مستحمية ومتوضية صلت وجات رقدت ختت راسها في صدرو
نسرين: احمد
احمد وهو مغمض عيونو: ي روحو
نسرين: نسيت اقول ليك صباح الخير
احمد باسها في راسها وقال: طول م انتي جنبي ايامي كلها ح تكون خير م صباحي بس
ابتسمت وهي بتوهط راسها في صدرو وشوية كدا ونامت...
"رومانتك صح؟..يشيلنا السيل نحنا😁 "...

*الساعة 10:45ص…*
ألين في غرفتها بتحضر في فلم اجنبي، نسرين مع مرا عمها بجهزو في الفطور، امجد قاعد مع ابوهو في الشارع مطلعين كراسيهم وقاعدين…

*في الفلة الملاصقة…*
ران مع وعد في غرفتها ونادية في المطبخ بتجهز الفطور رامي صحي من النوم ودخل يستحما عشان ينزل يتكلم مع ابوهو في موضوع شهد…
شهد بترغي مع دانة في موضوع رامي…

*فلة حجة عواطف…*
حجة عواطف وعبير قاعدين في المظلة الفي الجنينة بتونسو ،فهد جا من برا قعد جنبهم ،حجة عواطف: كنت وين ي ولد عرقان كدا؟
فهد: كنتا بتريض وعلي قولتكم بسموها جكة هنا صح؟
ضحكو ،عبير: طلعت متين
فهد: يعني ساعة ساعة الا ربع كدا
حجة عواطف: اها الجو كيف معاك؟
فهد: الليله الجو ظريف بس شكلو م كل يوم كدا
حجة عواطف: اي الايام دي الدنيا ساقطة شوية والله في الصيف عندنا سخانة تلعم الرطانة
فهد ضحك وعبير نفس الشي….
نخليهم يتمو ونستهم ونمشي ل احمودي😍 هي هي نسرين بتجي تدقنا… فتح عيونو م لقاها جنبو حكا عيونو كدااا جات داخلة وهي شايلة المبخر والبخور معجعج
احمد اتخنق قال وهو بكح: نسرين دا شنو دا؟
نسرين وهي لافة في الغرفة: بخور حبيبي بخور مالك م بتعرف البخور؟
احمد: اي عارفو.. قلد صوتها.. بخور بخور بس لزومو شنو من الصباح
نسرين ضحكت: ساي ..المرد عالي الف الليلة
احمد اتثائب وهو بقول: ان شاء الله دايما عالي
نسرين: بوجودك حياااتي
تلفونو دقا وكانا ألين اول ما فتح الخط كوركت: احمممممد يلاااا الفطور انا جعانة وماما قالت م ح تاكلو الا احمد ونسرين ينزلو
احمد اتخلع: ي بت اضاني
ألين صرخت اكتر: يلااااااااا ح اموت من الجوع
احمد: ح تموتي من الفوضي البتعملي فيها دي م من الجوع ..طيب جاين
وقفل الخط عاين ل نسرين
نسرين: في شنو؟
احمد: في. حالة طارئة تحت وكان م نزلنا ألين ح تجي تاكلنا
نسرين ضحكت ونزلو عشان يفطرو…


*في الفلة الملاصقة…*
قاعدين. في الصفرة
رامي: ابوي عايزك في موضوع
عبدالرحيم: اهاا قول
رامي: احم.. موضوع بتاع رجال
وعد: معناها ح تحكو ل ران معاكم صح؟
الكل ضحك
ران: ها ها ها ظريفة
وعد ضحكت: تسلمي حبيبة
..بعد اكلو رامي وابوهو طلعو فوق ورامي حكا لأبوهو انو عايز يتقدم لشهد بت عمو عبدالرحيم فرح شديد ورحب بالفكرة وقررو انو يتقدمو ليها في فلة حجة عواطف لمن يمشو بعد الصلاة..
الووقت عدا… .والعيلة كلها مجتعمة في فلة حجة عواطف بعد صلو العصر واتغدو اجتمعو الرجال "رامي، احمد، فهد، انس امجد، عبداللّه ،عبدالرحيم وعبدالفتاح" في صالون الرجال
عبداللّه ل رامي: اها ي ولدي
عبدالرحيم: والله ي عبدالفتاح نحنا قاصدنك في حاجة.. خلي رامي يوريك لأنو الكلام حلو من خشم سيدو
رامي اتنحنح وصلح قعدتو وقال: والله ي عمي انا عندي حاجة عندكم انا عايزها
عبدالفتاح شبه عرف رامي برمي لشنو
انس: حاجة شنو؟
رامي: شهد
"بووووم جرئ ي وللااااا"
الكل سكتو وعبدالفتاح ابتسم
رامي واصل كلامو: والله انا لي كم سنة معجب بيها وب اخلاقها بس قلتا م بدخل البيت الا من بابو
انس: اصيل والله
رامي: لو م عندكم مشكلة انا طالب يد المزيونة علي سنة الله والرسول
"ويييي قال ليك مزيونة😴"
الكل: عليه افضل الصلاة واتم التسليم
عبدالفتاح: ونحنا ح نلقي احسن منك وين؟ مبدئيا اديناك بس الراي الاول والاخير راي شهد

رامي: ي عمي بعد اذنك يعني ممكن اتكلم معاها انا؟
"احساس انك م اتكلمتا"
عبدالفتاح: م عندك مشكلة ان شاءالله ربنا يقدم الفيهو الخير
الكل: اللهم اميييين
عبدالرحيم: م اديتنا كلمتك ي عبداللّه اخوي
عبداللّه:الفاتحة ي رجال
رامي ابتسم وقرو الفاتحة… بعداك طلعو للنسوان لقوهم بشربو في الشاي
عبدالرحيم: تعالي اقعدي ي امي رامي دا عايز يقول ليكم حاجة
حجة عواطف: سمح اها قعدتا
عبداللّه:تعالو كلكم ي بنات
شهد عرفت انو رامي عايز يتقدم ليها خصوصا لأنو كان ساكت وبعاين ليها وقفت وقلبها عايز يطلع من مكانو وبيمينها دانة وبشمالها ران بعدها ألين احمد مشا جرا نسرين من المطبخ"حيي مركز معاها😔"
بقت في حالة صمت رهيييبة ،عبدالفتاح: اها ي رامي اقول ولا تقول؟
رامي: احم انا بقول
..هنا يداب بدا يتوتر رغم انو لما يجا يطلبها من ابوها واخوها م اتوتر كدا بس حاليا قدامها متوتر شديد مشا عليها واتنحنح
وهي بتعاين ليهو وعيونها اتملو دموع حاليا هي عايشة اكتر لحظة كانت بتحلم بيها في حياتها
رامي: اااا.. انا عايز… شهد ارح نعرس
الكل ضحك عدا شهد كانت متصمغة في مكانها وم قادرة تدي اي رياكشن
انس: قال عندو حاجة بتخصو عندنا.. اها ي الحاجة البتخصيهو موافقة؟
شهد خجلت شديد وقت مكنكشة يدينها في دانة رامي جرا ليها يدها مسكها وقال: هاااا موافقة؟
كانت م قادرة ترفع عيونها من الارض اشرت ليهو براسها نظام اي
رامي ضحك بصخب ..ران فكت الزغروتة وألين لحقتها ووراهم نسرين
شهد اترمت في حضن دانة ودموعها 10/10 دانة ضحكت وهي بتسمح في ضهر شهد وعيونها ملياااانة دموع… ران زغرتت تاني رامي: ياخ اضاني
قربت من اضانو وهي لسا بتزرغت
رامي جراها لحضنو: تعالي ي مجنونة

ران اتعلقت في رقبتو: الف الف الف مبروك وربنا يتم ليكم علي خير
دانة همست ل شهد: الف مبرروك ي شهدون صبرتي ونولتي
بدت فقرة المباركة،نسرين حضنت اختها وقالت: الف مبرووووك واخيرا
شهد ابتسمت بخجل
حجة عواطف ل رامي: تعال تعال ي جناي الله يباركك ي الهدي الرضي وعقبال نشوف وليداتك
حضن حبوبتو وكدا….
اذان المغرب اذن والرجال مشو صلو في المسجد.. وجو راجعين قعدو كلهم حولين حجة عواطف والرجال وحريمهم بتناقشو في العزومة وكدا والشباب في الفنان والفساتين وكدا
رامي قاعد جنب شهد: عارفة العرس متين؟
شهد وعيونها علي الارض: متين؟
رامي: بعد اسبوعين
شهد لا شعوريا: نعممم؟ كيف يعني بعد اسبوعين ..اسبوعين دي اجهز فيها شنو؟
رامي ضحك وقال: خلاص 3 اسابيع
شهد: no way
رامي: اها كم؟
شهد: شهرين اقل شي
رامي: no way ..شهر م بزيدو يوم وكان كترتي بعقد هسي صلاة العشا وبكرك معاي
شهد: خلاص اوك شهر مع اني م ح الحق اجهز
رامي: اساسا م محتاجة حاجة كدا جاهزة ،وغمز ليها شهد وشها حمر: عارفة
رامي: كدا ي شهد؟ قايم من جنبك زاتو
شهد ضحكت: ماشي وين؟
رامي: ماشي اوريهم العرس بعد شهر
شهد نزلت راسها بخجل: تمام
رامي: انتي ح تعملي فيها خجلانة وبتاع؟والهسي كان بردح قبل شوية دا منو؟
شهد ضحكت
رامي: عساها دايمة وانا سببها
شهد همست: اللهم امييييين
" هل ملاحظين انو الناس ديل بقو يجيبو لي جفاف؟ هل ولا م هل؟🙂👋🏻 "
--------------------------------------
---------------------
*يتبــــــــــــــــــــــــــــــــــــــــــــع*

📖 اذا انتهيت من القراءه اضغط علي #لايك 👇 واذا حصلنا علي #200# لايك سوف نقوم بتنزيل #بقيه_الروايه

🔘الان روايه #كساره_البندق #حصريا علي قناتنا الأخرى
♻️ هترشات 💠 وروايات♻️

https://tttttt.me/joinchat/PdDUb53M8atAPyR1