📖 اذا انتهيت من قراءه الروايه اضغط علي #لايك 👇 واذا حصلنا علي #مائتي (200) لايك سوف نقوم بتنزيل روايه #جديده

*#قلوب_تائهه 《01》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*السودان..*
الخرطوم.. الجو بارد كعادته في مثل هذة الايام من أشهر السنة.. تشير عقارب الساعة للرابعة وثلاث وثلاثون دقيقه عصرا..تبدأ القصة في يوم الجمعة بداخل تلك الفلة الشاهقة التي يجتمع فيها كل افراد العائلة وخصيصا في تلك الصالة حيث التف الاخوان الثلاثة وزوجاتهم حول والدتهم "حجة عواطف"…
ليقول اكبرهم"عبداللّه": اها ي امي ان شاء مرتاحة؟
حجة عواطف: اي والله مرتاحة تب
عبدالفتاح: والله انتو لو بتسمعو كلامي امي دي تمشي تقعد مع واحد فينا بدل تقعد هنا براها
عبداللّه:مدام هي مرتاحة خليها.. راحتها اهم شي عندنا
عبدالرحيم: بعدين ي عبدالفتاح عبير ح تجي تقعد معاها هنا
حجة عواطف: اي ودي اكتر حاجة مفرحاني…

*تعالو نتعرف علي الشخصيات من البداية.. عائلة العين.. حجة عواطف واولادها واحفادها.. راجلها اتوفى قبل 8 سنة وكان بزنس مان ووضعو كويس عندو 3 اولاد وبت.. مات وخلا ليهم سلسلة شركات العين او بمعنى ادق "امبراطورية العين"…*
*اكبر اولادو ..عبداللّه العين ..زوجتو اسمها زينب عندهم ولدين وبت.. اكبر واحد احمد، 29 سنة شغال واتزوج بت عمو اسمها نسرين بعد قصة حب دامت سنيييين😴، زول حكيم وواعى وطيوب…*
*بعديهو امجد،23 سنة في الجامعة، يلا هو دشداااااااش وعشان عارف كدا رافع نخرتو.. لونو قمحي فااتح كدا عيونو واسعة عندو سنة مردوفة زايداهو حلا شعرو زااابط،مهتمى بلبسو.. متهور وم عندو حاجة لزول…*
*بعديهو ألين،19 سنة بنوتة عسولة ورقيقة دلوووووووعة امها وابوها واخوانها شاركت اخوانها في اللون والعيون الواسعة وفاتتهم في طول الشعر…*


*نجي لتاني اولاد حجة عواطف.. عبدالرحيم العين زوجتو نادية.. عندهم ولد وبتين.. رامى الراااايق الكسار 28 سنة ،جادى في امور الشغل،خدوري وخدرتو راااايقة ومفتري طبعا..*
*بعديهو وعد 25 سنة، رايقة وعاقلة حتي جمالها هادي لابسة نظارات 👓 بتقرا مختبرات ودي اخر سنة ليها..*
*بعديها ران 19سنة، دلوعة ورقيقة ومجنونة حلبية وشعرها لنص ضهرها صحبة ألين لمن مف طريقة..*
*عبداللّه وعبدالرحيم فللهم لصق بعض…*

*تالت اولاد حجة عواطف عبدالفتاح العين، زوجتو اميرة عندهم ولدين وبتين*
*الكبير اسمو وليد29 سنة مغترب في ماليزيا😴 "حيكون عندو دور لقدام"*
*بعديهو نسرين 27 سنة، متزوجة احمد ود عمها عبداللّه..طيوبة وحكيمة..*
*بعدها انس26سنة، بقرا صيدلة في نفس جامعة وعد ودي اخر ايام ليهو .. عيونو بنية زي باقي اخوانو مركب تقويم..*
*بعديهو اخر العقود سكر مقعود شهد 21سنة، عيونها بنية ..دلوعة وخجولة…*

الشخصيات كتيرة بس ان شاءالله تحفظوهم😂


*في المطبخ…*
احمد قال بضجر: نسرين بتكلم معاك انا
نسرين: دقيقة ي احمد ..اتلفت علي الشغالة.. امشي لعمو الفاضل خليهو يجيب العيش بعد دا "الفاضل دا البواب بتاع حجة عواطف"
اتلفتت علي احمد وقالت بحب: اها ي احمد
جراها من نصها وهو بقول: مشتاقين
نسرين: ههههههههاهاهاااااي
احمد عقد حواجبو:لا لا دقيقه ي نسو دي شنو ضحكة البنات الم كويسات ديل
وقبل ترد امجد جا منكشح وقال باستهبال: نسرين؟!! شفتي احمد قال عنك م كويسة

نسرين:خليهو😛
امجد اتلفت علي احمد:لا لا يااااخ ي نسرين يعني قصدك احمد اخوي بتكلم ساي؟
خت يدو في كتف احمد وقال بحزن مصطنع: والله م رضيتها ليك ي احمد
احمد: امجد
امجد:نعمين
احمد: اطلع منها
نسرين كر كر بقت تضحك
امجد ببكاء مصطنع: طييييييب ي احمد انا اخوك عليي فكرة.. هسي عليك الله اخوك ولا مرتك؟
احمد ببرود: مرتي
نسرين تضحك ساااي
امجد: لا لا تمااااام ي زول.. عرفنا حااجة
ألين توشششك: عرفتو شنو شنو؟
امجد وهو بمسك لييهها كعكتهاا:عرفنا انك وحدة...فكا ليها شعرها.. ووحدة شمشااااااارة
ألين: آآآخ يخ فك لي شعري.زحت منو وقاالت بددلع.. عشاان م عندك زيو؟
امجد:هه قال م عندي زيو قال
احمد: عارف! احلي
امجد قاطعو:اي عارف نفسي دشداااش… ومدا لألين لسانو
ألين: هوي اسكتين هو عاييز يقول ليكك احلي حاجة فيك شعرك بس الباقي ييييعع.. صح ي احمد؟
احمد: صح.. وضربو كفوفهم سوا
امجد عاايز يمسك ألين كدا ادست ورا احمد ومدت ليهو لسانها مد يدو عشان يمسكها احمد لزاهو وقال: مكانك ي اصلي
ألين مدت لامجد لساانها وهو بتضحك
امجد جرا ليها نور وقال: شفتي باندتك دي؟ تشمهيا قدحة وتسمعيها في المدحة… وطلع
ألين بصوت عالي: امجد جيبها.. امجد ي مرض ح اطلع كيف اناا؟
عاينت لاحمد
احمد ضحك وقال ليها: اشربي بئا
وطلعو هو ونسرين
ألين ضربت رجلها بالارض بزهج وهيي بتأفأف...
وبي غادي امجد مشاا صالون الرجال وكان فيهو عبدالرحيم وولدهو"رامي" شغالين باللابتوب وأنس راقد في كنبة بعيدة شوية منهم بسمع اغاني جا قعد في الكرسي الجنبو ويشيل ويتبسم، انس انتبه ليهو رفع حاجبو وهو بقول: بسم الله الرحمن الرحيم
امجد: مالك؟
انس: بتتبسم براك مالك..الاخ مجنون لا سمح الله؟
امجد: لا لا م مجنون.. شايف الباندة دي؟
انس رفع ليهو حواجبو نظام اهاا
امجد: بتااعة ألين شلتها منها انس ضحك وهو ب

قول: انه الجنون الذي اتحدث عنه ي سادة
امجد ضحك وقال: عشان تاني تتشيطن فيني
انس هزا راسو: م بسألك

في المبطخ… ألين دقت لران ران: ألينو ي زفتة وينك؟
ألين: في المطبخ جيبي للي باندة وتعالي
ران: باندة؟! لشنو؟
ألين: جيبيها وتعالي بس بديك الزيت
ران ضحكت: طيب بس م اظن حبوبة بتستعمل باندات ألين: ران يخ اتصرفى
ران: طيب طيب
ألين:اسرعي
ران قفلت وهي بتضحك.. وفعلاا جازفت ليها بااندة بس صغيرة ومشت ليها المطبخ
ران: امسكي
ألين رفعت حااجبها: عليك الله؟
ران ضحكت: م لقيت غيرها ألين ضفرت شعرها وحدة بالجنبة ومسكتو بالباندة
ران: اها العمل فيك كدا ممنو؟
ألين: امجد.. هو في غيرو
ران ضحكت
ألين بتفكر: دقيقة دقيقة عندي فكرة تليق بمقام سي امجد
ران: شنو شنو؟
ألين: &$$@%@*$&$
ران:تمام..يلا انتي امشي لأمجد وانا لعمو عبداللّه
ألين: ارح يلا…
وكل وحدة اتجهت علي اتجاه

في صالون الرجال… أليين جات داخلة لقت رامي مركز في اللابتوب قلبت عيونها وهي بتهمس :طبيعي في الحالة دي
ألين: سلام عليكم
رامي وعيونو علي اللابتوب: :وعليكم السلام اهلين ألين
لوت خشمها ومشت لأمجد الراقد في الكنبة وشغال خلط تقيل
ألين: امجد امجد امجد.. ألحق
امجد للبت في تلفون: ثواني وبرجع ليك
عاين لألين وضحك وهو برفع ليها ضفيرتها: عجبتنا التسريحة
ألين زحت ليهو يدو وهي بتقول: خليك من التسريحة.. انت في خطر
امجدعاين ليها بشك: انا؟
ألين: اي ي امجد بابا قبل شوية جا هنا وشكلو سمعك بتخلط وهسي هو برا هاااايج
امجد قعد علي حيلو: شنو؟ قو الله؟
ألين: اي وهسي انا كنتاا مع ماما جا قال ليها امجد ولدك دا داير ليهو تربية من اول وجديد
امجد طير عيونو: احلفي
ألين اشرت ليهو براسها نظام اي والله
امجد م عرف يعمل شنو قامت وهي كاتمةة ضحكتها خلتو في خوفو ..
في هذه الاثناء في البلكونة الرئيسية
ران: عمو عبداللّه
عبداللّه:اي ي بتي
ران: ااااااا.. ألين كانت عايزة تمشي سناء مول الليلة وامجد قال ليها بوديك بس هسي اباا
عبداللّه:خلو احمد ييوديكم
ران: لا لا ما هو امجد كان مطلعنا وهسي غير رايو وألين زعلت شديد
عبداللّه طبعا م بهون عليهو زعل بتو الوحيدة، عقد حواجبو وقبل ما يتكلم انس جاهم
انس وعينو علي ران: عمي.. قالو ليك الغدا
عبداللّه: طيب بس اول امشي نادي لي امجد
انس: حاضر
ومشا
ران: دقيقه ي عمو اشرب موي واجي
وجري ل ألين في غرفة البنات كلمتها في اضانها وقامو جارين الاتنين
نسرين: في شنو ي مجنونات
ألين: بنحكي ليك بعدين…


*في صالون الرجال…*
انس: امجد عمي عبداللّه بناديك
امجد بخلعة: انا؟
انس: لا انا.. في زول غيرك اسمو امجد؟
امجد: طيب قايم
مشا خطوتين وجاهو راجع: طب لمن رسلك كان زهجان؟ انس: كان عاادي

امجد مسح وشو ومشا لأبوهو وصل لقي ألين وران
امجد اتقدم بخطوات خايفة مهما كانت شخصييتو قوية دا ابوهو وقال: اي ي ابوي
عبداللّه: انت ليه بتعمل كدا؟
امجد بلع ريقو: عملتا شنو؟
عبداللّه اتنهد: انت مش وعدتا ألين انك تطلعها الليلة؟
امجد استغرب: شنو؟؟
عبداللّه:صح وعددتا اختك تطلعها اللييلة؟
امجد عاين لألين رفعت ليهو حواجبها ف عرف انو دا مقلب
عبداللّه:هسي بعد تتغدا وتوديها الحتة العايزة تمشييها
ألين بتمثيل: لا لا ي باباا خلااص م عايزة اطلع.
امجد رفع ليها حاجبو نظام بلااااااي
عبداللّه:ليه ي بتي؟
ألين: خليها يوم تاني
عبداللّه:تمام علي كيفك… اتلفت علي امجد وهو بقول: نمشي؟
امجد: وين؟
عبداللّه:الغدا ي ولد
امجد وهو جاري نور لألين: اي ارح
عبداللّه ختا يدو في ضهر امجد وهم ماشين علي محل الغدا وقال: امجد اختك دي. وواحدة عندنا م تزعلهها
امجد وهو ضاغط علي اسنانو: ابشر ي الغالي
عبداللّه ابتسم وربت علي ضهرو…
عند ألين وران اتفقعو بالضحك
ألين: واي واي شفتي منظرو وهو خايف؟
ران بتحاكيهو: اي ي ابوي
ألين فجرت الضحكة: لمن حنيت عليهو ..وتابعو ضحكهم وهم ماشين علي صالة الحريم عشان يتغدو…
عدا الوقت...المغرب اذن الرجال مشو صلو في الجامع وجو قعدو كللللهم حولين حجة عواطف نسرين جابت ليهم شاي المغرب
عبدالفتاح: ي جماعة انس وين؟
احمد: قاعد برا بتكلم مع ناس عمتي
نسرين: ياخ والله اشتقنا ليهم
احمد: خلاص م باقي كتير كلها ايام ويكونو معانا
نسرين: ربنا يوصلهم بالسلامة
الكل: اميييين
عدا زول كان عاقد حواجبو بعد مسااافة اتنهد وقال: امين
ألين وران قاعدين في كنبة جنب بعض ألين لفتت ران واشرت ليها علي جهة البلكونة وكان رامي قاعد فيها قاعد ورافع كرعينو خاتي فيهم اللابتوب وشغال ران: 24 ساعة شغال
ألين: ما شاء الله ربنا يحفظو ران: امييييين بس تصدقي! والله هو ظريييف شديد
ألين: ظريف شنو اوووغسم بالله اخوك دا مسيخ وثقيل
ران: بس عشان بتشوفيهو مشغول لكين لمن يكون فاضي لا اله الا الله محمد رسول الله😂
ألين لوت خشمها:م اعتقد.. بعدين تعالي هنا الشي دا طالع اخدو علي منو؟
ران: قالو جدو ابو ماما كان اخدر ورايق برضو
ألين: خدرة و روقة
ران عاينت ليها
ألين غمزت ليها: ارحكي ليهو ران ابتسمت: ارح
واتجهو عليهو"يلا يحليلك"… وصلو وكان بتكلم بالتلفون سكتو ساي ووقفو لحدي م انتهي ..رفع ليهو حاجبو وقال: خير
ألين: اوووو رامي كيف؟ ومدت ليهو يدها
سلم عليها وهو بقول: تمام ..بس كأنو سلمتا علي قبل كدا
ران كتمت ضحكتها وألين جبهتها طارت السويد..
جرت يدها وقال ببلاهة: اووووه م متذكرة
رامي وعيونو علي اللابتوب: م حنك
ألين وران عاينو لبعض مسااااافة وفجأة
ران: سمحة الخدرة لما تروق👏🏻
ألين: اي لون تاني محروق👏🏻
ران: سمح الخدار زووووقو👏🏻
ألين: اي لون تاني محروق👏🏻
رامي جرا ليهم نور سكتو طوالي اشر ليهم بيدو نظام امشو من هنا وقفو علي حيلهم
ران غمزت لألين ورجع تغني بصوت اعلي: حلاااة الدنيا فوقوووو👏🏻
ألين: اي لون تاني محروق👏🏻
ران: دا رايق ودمو رايق الدم الفي عروقو ..اي لون تاني محروق👏🏻👏🏻👏🏻
ألين: ولااااا طيييييييييييب
رامي قفل اللابتوب بزهج ووقف وقال: you are mad. "انتو مجانين"
ران: اي لون تاني محروق
ابتسم ليهم ابتسامة ساااااحرة ومشا خلاهم
ران: حييييييينا من الابتسامة
ألين: اموووووت انا
وضحكو وضربو كفوفكهم سواا ومشو لقو رامي قعد جنب حبوبتو وبتكلم معاها وفي عيون مراقباهوو بحب…....
--------------------------------------
---------------------
*يتبــــــــــــــــــــــــــــــــــــــــــــع *

*#قلوب_تائهه 《02》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*علي بُعد آلاف الاميال…*
*دبي..*
في تلك الشقة الواااسعة.. في غرفة ناصعة البياض عدا بعض قطع الاثاث ذات اللون الرمادي.. دخلت امو وزحت الستاير
وهي بتقول:ي ولد قوووورووروم
كشر ملامحو نتيجة للضو الضايقو فتح عيونو الكحيلة وخلخل اصابعو في شعرو
امو: ي ود المغرب اذن وانت نايم من الضهر
قال بصوتو المبحوح: شت
امو: تقول بسم الله ولا تقول شت؟
ضحك بخفة وهي اردفت:قوم عشان تصلي ونتغدا
هزا راسو بمعني طييييب وهو مراقبها بتطلع
وقف علي حيلو اتجه للحمام اتوضا وصلي ..جا قعد في السرير وفتح تلفونو لقى رسايل كتيييييييرة وكم مكالمة واتس فائتة من انس رجع ليهو وانس ردا طوالي وبقو يتكلمو..
في نفس الشقة بس في غرفة تانية… قاعدة في بلكونتها في الكرسي البتمرجح داك وبتفكر في حاجة… اتنهدت وضمت ركبها لصدرها….
فهد انتهي من مكالمتو مع ود خالو"انس" اتجه علي غرفة اختو دقا الباب لقاهو فاتح اصلا دخل وهو بفتش عليها بعيونو لقاها في البلكونة مشا عليها
وقال: دندون
رفعت عينها عايزة تتكلم كدا تاني سكتت قلبت ليهو عيونها وم ردت
فهد: دندون مالك؟
دانة بتحاكي فيهو: دانة اصلي واجي القاك جاهزة
فهد اتذكر انو المفروض انهم يطلعو يتغدو برا بس هو رجع من الصلاة نام..
ضحك وقال:والله شالتني نومة
دانة مدت خشمها: وانا كمان جهزتا زي العبيطة
فهد: معليش حقك علي
دانة مادة بوزها بدلع
فهد: في زول بزعل من فهودي حبيبو؟
دانة: فهودي حبيبو سحب عليهو
فهد: ولا تزعلي نفسك هسي نجهز نمشي نتعشي برا
دانة ضحكت: لا لا خلاص المرة دي سماح
فهد: حمدلله الذي بحمده تتم الصالحات😂
وقفت علي حيلها وهو حاوط اكتافها بيدو وهم متجهين علي المطبخ
فهد: جاهزة للسفر؟
اتنهدت بعد ما اخوها ذكرها الحاجة البتحاول تنساها قالت بضيق: اي
وصلو المطبخ ولقو امهم وابوهم والغدا جاهز قعدو وبقو يتغدو…

يلا تعالو نتعرف علي الاسرة الصغنونة دي...دي اسرة عبير العين اخت ناس عبدالله وعبدالرحيم وعبدالفتاح الصغيرة… مقيمين في دبي زوجها اسمو سلطان،عندها ولد وبت.. الولد الكبير فهد 26سنة، طويل وعيونو كحيلة رموشو طويلة لونو حنطي شعرو اسود وغزير يعني من الاخر دشدااااااش…
البت دانة21سنة، دلوعة وحلاتها شالت من اخوها اللون والعيون الكحيلة شعرها لنهاية ضهرها…
*راجعين السودان فجر الثلاثاء ح يستقرو هناك…

*السودان…*
بعد م اخدو ونستهم وكدا كل اسرة رجعت فلتها ..وصلو وكل فرد دخل جناحو وناااااااااام…

*فجر السبت…*
*فلة عبداللّه…*
صحا عبداللّه واتجهز عشان. يمشي الجامع ..احمد برضو صحا واتجهز ومشا صحّا امجد بعد صلو امجد رجع نااااام وعبداللّه واحمد مشو شغلهم…
وفي فلة عبدالرحيم نفس الشي،رامي وابوهو مشو الشغل..

بعد شروق…
زينب اتجهت لغرفة بتها الوحيدة لقتها نااايمة
زينب: ألين اصحي عشان الجامعة
ألين اتقلبت علي الجهة التانية
زينب وهي بتقفل في المكيف: ي بت قووووومي!!!
ألين اخدت وقت طويل عشان تصحا من نومها الحميري دا😂، دخلت الحمام وامها نزلت تجهز ليها حاجة تاكلها…

بعد جهزت وقفت قدام المراية وهي بتعاين لنفسها…لبست ليها اسكريت اسود شطفني😂 وبلوزة سودا فيها خطوط بيضا بالطول واسبورت وشنطة وطرحة بالنود ..اتعطرت وشالت تلفونها اتصلت علي ران وهي نازلة علي تحت ..لقت ران قاعدة تحت مع زينب
قفلت التلفون وهي بتقول: ران حبيبتي انتو م عندكم بيت؟
ران: جيت اصحيك عارفاك بقرة
فطرو واتحركو علي جامعتهم…..
اما بالنسبة ل وعد فكانت في المحاضرة وشهد في جامعتها داخلة علي محاضرة وامجد نااااايم وانس في جامعتو….

*الاحد…*
*تخريج انس…*
ألين وران في الجامعة ومنها ح يمشو فلة عمهم عبدالفتاح و وعد وشهد ونسررين وباقي النسوان كلهم في. فلة عبدالفتاح بجهزو في حاجاات التخريج… امجد في جامعتو بتونس مع اصحابو


الساعة 1:09ظهرا
وهم ح يتحركو السااعة 3 انس مشا جامعتو عشان يمشي في السيرة الخريجين
احمد اتصل علي امجد
امجد: الووو
احمد: وين انت؟
امجد: في الجامعة.. ليه؟
احمد: محاضراتك خلصت؟
امجد: م متأكد والله بتكون خلصت
احمد: استغفر الله العظيم.. قوم اتحرك تعال البيت عشان تمشي بيت ناس عني عبدالفتاح
امجد: تمام جاي
وقف علي حيلو شال مفاتيحو وعلبة السجاير ودع اصحابو وطلع…
كلها ساعات والكل كان في فلة عبدالفتاح جاهزين وعايزين يركبو عرباتهم…
نسرين ووعد ركبو مع احمد،وألين وران وشهد مع امجد والباقين اتوزعو في العربات… وصلو ودخلو محل التخريج وكان البرنامج بادي شوية كداا والخريجين جو داخلين وهم رقصو وكدا وبدو يزيعو الاسامي.. انس كان تاسع الدفعة لمن زاعو اسمو الشباب ديل كورركو وامجد صفر وكدا يعني عملو ليهو جو.... بعد التخريج انتهي امجد جاهم جاري وهو شايل انس في كتفو وبكورك ..كل العيلة بدت تبارك ليهو ،ألين عاينت ل ران ران قامت لزتها نظام امشي باركي ليهو ،ألين بي لزة ران لقت نفسها قدام انس
ألين: احم.. مبرروك ياخ
انس سلم عليها: الله يبارك فيك ي رب وعقبالك كدا...
خلصو فقرة المباركة واتجهو علي عرباتهم
رامي: احم.. ران تعالو اركبو معاي
ران رجعت خطوة وقالت:اوك.. شهد ألين تعالو نركب مع رامي
شهد طبعا ابتسمت للضرس وجاات عايزة. تركب ورا كدا ألين مسكت الباب وهي بتقول: شوشو ي قلب انا ح اقعد جنب رانو
وغمزت ل ران.. ران: اي اي اقعد قدام انتي
وركبو الاتنين ورا شهد عااينت ل رامي بخجل رامي بصوت هادي:مجانين. البنات ديل
هززت ليهو رااسها نظام اي وركبت جنبو….
شهد طول الطريق تكشف ل رامي باالجاببس طبعا وهو عامل روحو م شايفها..
لمن وصلو شهد نزلت اول وحدة
رامي: شهد
وقفت واتلفتت عليهو
رامي: مبروك ل انس وعقبالك كدا
ألين وران يتضاحكو ساي بتحت تحت
شهد: :الله يبارك فيك
ودخلت مع ران وألين وخلت ررامي يتبسم ساااااااكت...المهم كل اسرة. رجعت فلتها وناااامو بعد اليوم المتعب المفرح دا.. عدا زول واحد كان صاحي وبفكر في حاجة شاغلاهو شديد وشوية كدا وهو زاتو نام….
*صباح الاثنين….*
*دبي….*
*الساعة 10:00ص*
دانة بتجهز في شنطها ختت آخر فتيلة عطر في الشنطة وقفلتها اتجهت ل دولابها فتحتو وشاالت من الرف القدامها علبة سودا فيها نقوش بالفضي فتحتها ورفعت الساعة الرولكس الرجالية كانت فخمة شديد كبيرة كدا لونها فضي والارقام الفيها بالابيض اتنهدت وهي بتعاين ليها والذكرياات بدت تتعاد في ذهنها….
في هذه الاثناء فهد مع اصحابو وفالين شوراع دبي ك وداع…

*في السودان….*
ألين وران مشو جامعتهم… وعد م عندها محاضرات راقدة في غرفتها وبتقرا في كتاب…
نسرين مع زينب مرة عمها ونسيبتها بحضرو في مسلسلهم...
الساعة 4:33 عصرا
ألين وران رجعو فلة ناس ران دخلو اتغدو وبقو يتونسو عن زول اعتادو الونسة عنو ليهم اكتر من 3 شهور لحدي المغرب كدا ألين مشت بيتهم لقت احمد وابوها جو سلمت عليهم ودخلت جناحها استحمت وغيرت وجات تتونس معاهم…
عبداللّه:يعني ح تمشو انت وانس؟
احمد: اي ان شاءالله
زينب: انت ي عبداللّه العزومة القلتها قايمة؟
عبداللّه: اي قايمة ان شاءالله ألين: عزومة شنو؟
نسرين: خلاص معناها بكرة لازم نمشي السوق نجيب الحاجات
ألين: عزومة شنو هي؟
زينب: اي بكرة ان شاءالله بدري نمشي
ألين كوركت: عزووووووومة شنوووووووو؟
احمد ضحك وقال: ابوي عامل ل ناس عمتي عبير عزومة هنا يوم الخميس ان شاءالله ارتحتي؟
ألين: يلا واو ح تكون حاجة فنتاستيك
في اللحظة دي امجد جا داخل وهو بلف في مفتاح العربية وقال: شنو الح تكون حاجة فنتااستيك؟
ألين بحماس: العزومة الهنا
امجد قعد في يد الكرسي وقال بفضول: عزومة شنو؟
زينب: ابوك عامل لناس عمتك عبير عزومة بمناسبة ان شاءالله
ألين: ح تكون غدا؟
عبداللّه:لا لا عشا
ألين: لييييش؟
احمد: عشان الناس الشغالين يقدرو يحضروها

زينب: طيب خليها الجمعة اول السبت
عبداللّه: لا لاا الجمعة دي معروووفة عند امي والسبت نحنا شغالين
ألين: اي خلاص م حنك م فرقت كتير... هم ح يصلو الساعة كم؟
احمد: السااعة 3 ونص
ألين: ح تمشي تجيبهم انت؟ احمد: يب انا وانس… اتلفت علي امجد وقال: تمشي معانا؟
امجد: م قادر
وقاام وهو عااقد حواجبو دخل غررفتو اتنهد وهو برمي المفااتيح وعلبة السجاير والتلفون في التربيزة القدامو… دخل استحما وجا طالع لابس بنطلون رياضي اسود وفنيلة داخلية لقي تلفونو بدق ردا وكدا واحد من اصحابو
امجد: اي
صحبو: ي زول وين انت؟
امجد: جاي جاي
صحبو: ااستعجل لأنو الناس ديل شوية كدا وح يبدو
امجد وهو بفرش المصلاية: طيب
قفل الخط ولبس تشيرت بتاع مدريد "انت الحب"وقف يصلي انتهي ولبس اسبورت اللعب وشال حاجاتو وطلع متجه علي. الخماسياات.. وخلال ربع ساعة وصل وبدو يلعبو.. بس بالو كان في حتة تانية وفي مووضوع كل ما يحاول م يفكر فيهو بقتحم تفكيرو...

*في دبي…*
وقفت قدام المراية بتتمم علي لبستها.. كانت لابسة جيب شروت اسود وبلوزة سودا شبط زحاف بالكوبي وضفرت شعرها ضفيرة هندية وشنطة صغنونة بالكوبي… م كانت محتاجة لميك آب اتعطرت وشالت تلفونها وطلعت لقت امها وابوها جاهزين والشنط نزلت العربية… فهد جا طالع وهو بكفكف في اكمام القميص ركبو عربيتهم واتجهو علي مطار دبي الدولي بالرغم من انو طيارتهم باقي عليها كتير بس الاجراءات بتاخد وقت….
زي الساعة 11 كدا ودعو سلطان"ابوهم" وعبير ودانة بكو بس سلطاان صبررهم ب أنو ح يلحقهم قريب وكدا… دخلو صالة المغادرة وبعد دقايق كانو في مقاعدهم في الطيارة….
دانة سرحانة
فهد: دندون
عاينت ليهو
فهد: م تبكي ..صح انتي مشتاقة ل ناس السودان؟
اشررت ليهو براسها نظام اي
فهد: طييب ليه البكا؟
مسح ليها دموعها وسحبها بحنان لحضنو.. اتنهدت"ليتك تعلم ي اخي سبب حزني.. سبب ضياعي وتشتتي.. انا لا ابكي شوقا ل دبي بل ابكي شوقا له.. متوترة جدا تري كيف س ستقبلني؟ هل ي ترى س يحتضنني كما كان يفعل بالسابق؟ ام انه تغير؟ بالتأكيد سيكون متغير من آخر افعالي…"
--------------------------------------
---------------------
*يتبــــــــــــــــــــــــــــــــــــــــــــع*

*#قلوب_تائهه 《03》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*السودان…*
دخل الفلة بعربيتو بعد ما القفير فتح ليهو البوابة بركن ونزل وهو بتكلم بالتلفون
امجد: خلاص ي اسيل اسف
البت"اسيل": امجد م هو م ممكن كل مرة ادق ليك م ترد وتجي تقول لي اسف
امجد: قلتا ليك كنتاا في الخماسيات يعني العب ولا اقعد اتكلم معاك؟
اسيل: يعني شفتاا مكالماتي وم رديت صح؟
امجد وهو بدخل جناحو بببرود: اي
البت بصوت باكي: امجد حرام عليك
امجد اتنهد: اسيل تصبحي علي خير
اسيل: امجد حسسني ولو شوية انك بتحبني وم عايز تخسرني
اتنهد: تمام
اسيل: تصبح علي خير
وقفلت قبل تسمع ردو.. رما التلفون.. م شغال بالبت البتحاول بقدر الامكان تحافظ علي علاقتها بيهو دخل الحمام استحما لبس برمودة جينز بيجية وتيشيرت اسود.. صلى العشا واتجدع في السرير.. حاول كتير ينوم بس م قدر اتقلب ما يقارب الساعتين وم جاهر نوم… عاين ل ساعة الحائط لقي الساعة 1:34ص ..اطال نظرتو للساعة اتنهد وهو بشيل علبة السجاير والولاعة وطلع البلكونة.. ولع ارل سجارة اخد نفس ونفث الدخان بضيق "تبقى لها القليل وتكون هنا.. ساعتين ..ساعتين فقط تفصل بيننا ..ساعتين وتتنفسين هواء السودان كما اتنفس حبك منذ ثمانية اعوام.. ساعتين وتمتلئ رئتيك بهواء السودان كما امتلئ قلبي بك.."
اتذكر قبل خمس سنة…… هو كان في تالتة ثانوي،ناس دانة هنا في السودان،في يوم جا من المدرسة غير هدومو وفتشها م لقاها ألين ورتو انها في الحديقة الخلفية جاها غمض ليها عيونها
دانة بزهج: ألين ياااااخ بطلي
امجد غمز ليها: دا انا.. اخو ألين
شتتت نظرها بعيد منو،
قعد جنبها وقال: في شنو؟
دانة صارة وشها وم ردت
امجد عقد حواجبو وهو بقول: حبيبي في شنو؟
دانة: امجد عايزة اقول ليك حاجة
امجد: اها
دانة: البينا انتهى
امجد بدا يتوتر فجأة كدا تقول ليهو انتهينا؟ حب 3 سنة وقف علي حيلو: شنو؟؟؟
دانة: قلتا ليك البينا انتهي انا م عايزاك
سكت مسااافة بعدها ضحك وهو بقول: بتهظري صح؟
دانة : لا م بهظر
قعد علي ركبتو في الارض قدامها وهو بقول:دانة في شنو؟فهميني حاجة
دانة وقفت وهي بتقول: مف حاجة كل الموضوع اني م عايزاك
امجد: م عايزاني؟؟ بعد 3 سنة حب؟
م ردت ليهو واتحركت عايزة تمشي
مسكها وقال:دانة انا زعلتك في حاجة؟
دانة: فكني
فكاها وقال: اها طيب.. وريني مالك؟
دانة كوركت: انت م بتفهم.. م عايزاك ..بكرهك
نفسو اتقطع بالكلمه همس ليها باستغراب: بتكرهيني؟
دانة دموعها جرو: اي
زح ليها من قدامها عشان تمشي وهي فررر جرت جوا قعد وختا يدينو في راسو بالجد م قادر يستوعب….

السجارة انتهت ولع التانية وهو بتذكر آخر يوم شافها فيهو…. كان بعد الحصل ب اسبوع وكانو ناس دانة راجعين دبي..دخل غرفة ألين الكانت قاعدة فيهر معاها دانة
امجد:دانة
اتنهدت وهي مدياهو ضهرها
مشا عليها وقف قدامها وهو بقول: آسف
دانة: علي شنو؟؟
امجد: علي الحاجة المزعلاك مني وانا م عارفها
ابتسمت ببرود عكس الجواها: بس انا م زعلانة منك انا بكرهك
امجد: عليك الله م تقولي الكلمة دي
دانة: بس دي الحقيقة ي امجد
عاين ليها

دانة واصلت كلامها: انت م عايز تفهم ليه اني بكرهك؟
امجد: دانة انتي عمرك م ح تكرهيني
دانة: هسي بكرهك
امجد بلع ريقو: طيب السبب شنو؟
دانة ربعت يدينها: بدون سبب
مسكها من اكتافها و كورك: مستحيل… ما هو م ممكن تنهي علاقة ليها 3 سنين م غير سبب
اتفكت منو وهي بتكورك برضو: ومنو القال ليك مف سبب في سبب… السبب اني بكرهك
م ردا ليها
دانة كوركت: دا م سبب كافي بكرههههك ي امجد
امجد ولأول مرة دموعو جرت رغم انو حاول يمسكها مشا سريع من قدامها عشان م تشوفها بس هي شافتها طلع ورزع الباب وراهو.. وهي اول ما سمعت صوت الباب بقت تبكي وتمسح دموعها بيدينها الاتنين… وبعدها بساعة سافرت وتاني م لاقتو لحدي يوم الليلة…..

اتضايق شديد من نفسو لأنو كان بترجاها عشان م تخليهو واتضايق منها لأنها خلتو من غير ذكر الاسباب همس وهو بطفي السجارة: كيف قدرتي تكوني بالقساوة دي؟
عاين في الجنينة لقي احمد بركب عربيتو وبطلع...عرف انو ماشي المطار معناها وصلت….
دخل ورقد وجاهد بكل قوتو انو ينوم بس كان في صوت جواهو بصرخ: جاااات السودان

عارفين شعور الارق؟ انك تحاول تنوم وم تقدر؟ نفس شعور لمن تجيك عطسة وتابا تطلع…

*في مطار الخرطوم…*
*الساعة تُشير الي الثالثة والنصف صباحا…*
خلصو اجراءات المطار العبييييطة ديك وطلعو ..وزي م قال امجد اتنفسو هوا السودان امتلئت رئتيهم بيهو…
فهد نسائم الفجر بدت تلعب ليهو ب شعرو الكثيف…
عبير همست: حمدلله..
دانة غايبة كليا عن العالم وتفكيرها كلو منحصر علي امجد وح تقابلو كيف؟...
انس جا ناطي ليك في فهد وهو بكورك: فهيييييدااااااان فهد ضحك وحضنو
انس وهو بضرب في ضهرو :حمدلله علي سلااامتك يااااخ
فهد بهدوء: الله يسلمك
عبير: ونحنا مف لينا حمدلله علي السلامة؟
انس: يخ مقعول؟..انتي الحمدلله علي سلامتك ونورتي السودان ونورتي قلبي زاتو معاهو
باس راسها وحضنها
عبير ضحكت وهي بتحضنو فكتو وضربتو بخفة في صدرو وهي بتقول: انت لسا م خليت بكشك دا؟
انس ضحك ببلاهةوهو بحك راسو، بعدها سلم علي دانة… واحمد جاهم سلم علي عمتو بعدها دانة واخر شي فهد.. بعداك ركبو عرباتهم فهد ووالشنط مع انس وعبير ودانة مع احمد
عبير راكبة قدام قالت: كيف عليك الله نسرين وامك وابوك واخوانك؟
احمد: كويسين حمدلله م عندهم عوجة ..ضحك.. بكرة تصحي من النوم تلقيهم في وشك
عبير ضحكت: طواااااالي وانا لاقياهم ويين؟..أللين نزلت الجامعة؟
احمد: اي من بدري
دانة قاعدة وراهو قربت تسألو من امجد بس مسكت خشمها.. وصلو فلة حجة عواطف الكانت راجياهم بفااااارق الصبر ..عبير. جرت لأمها باست راسها ويدها وحضنتها وهي بتتقول:اممممييي
حجة عواطف ودموعها 10/10:حمدلله علي سلامتتك ي جناي ..بركة الجيتييني طيبة
فكتها وحضنت دانة وهي بتبوس خدها كأنها طفلة صغيرة.. وبنفس الطريقة سللمت علي فهد 😂…
احمد وانس استأذنو وطلعو فهد طلع معاهم نظام مقدمهم وكدا.. رجع لقى امو وحبوبتو بس
قعد وهو بقول: وين دندون؟
عبيير: طلعت تنوم
فهد: اهاااا… وقف عللي حيلو… انا كمان طالع
حجة عواطف:جناحك جااااااهز والبت رفعت ليك الشنط
فهد: تمام يلا تصبحو علي خير
حجة عواطف+امو: وانت من اهلو
عاين لأمو: وانتو م ح تنومو؟
عبير ضحكت: شوية كدا وبننوم
فهد: امممممم
ومشا… دخل جناحو قلع قميصو ورما نفسو في السرير وناااااااام…
عكس اختو الفي االجناح التاني...راقدة بتعاين للسقف وبتفكر "ظننته سيأتي ل يستبقلني كما اعتدنا.. ظننته افتقدني بقدر م اشتقت له.. ظننت ونسيت ان بعض الظن أثم… ليتك تعلم ما جرى. لي في الخمس سنوات بعيدا عنك.. اعترف انني السبب في كل ما حدث.. انا من صدق تلك الفتاة الغبية انا من تركك وتركت قلبي معك… "
--------------------------------------
---------------------
*يتبــــــــــــــــــــــــــــــــــــــــــــع*

*#قلوب_تائهه 《04》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*كدا يداب ممكن نقول الرواية بدت…*

طيب نحنا عارفين انو امجد ودانة كانو خالطين ليهم كم سنة يلاا في يوم دانة مشت مع ألين المدرسة وكانت مدرسة ألين ومدرسة امجد الثانوية بفصل بيناتهم باب بس ..يلا في الفسحة امجد ساق داانة عشان تتعرف علي اصحابو صحباتو سلمت عليهم واتونست معاهم وشالو رقمها نظام دي حبيبة امجد وكدا… بعد كم يوم دانة جاتها رسالة واتس من رقم غريب.. فتحتها وكانت صورة ل امجد واقف ومكتل علي الحيطة ورافع رجلو وحدة في الحيطة والبت واقفة قرييييييب منو يعني ظاهر كأنهم متحاضنين… دانة عيونها اتملو دموع ودقت للرقم ردت ليها بت: اسمعي هنا ي بت دبي ..امجد بحبني انا وبمسك بيك وقت وبس..ولو م مصدقة هدا ررسلت ليك دليل اظن وصلك
دانة كوركت: مستحيل امجد م كدا
البت ضحكت: ي بت انتي بتعرفي امجد اكتر مني؟… اسأليني منو انا انا بعرفو من عمرنا 6 سنة وهو بحبني وانا بحبو م عشان قال ليك كلمتين حلوين تصدقي انو بحبك.. امجد عبداللّه بلعب بيكم م اكتر
دانة قفلت الخط وجدعت التلفون بزهج.. وهي بتبكي وكلمة "امجد عبداللّه بلعب بيكم م اكتر" بتتردد في اضانها...قضت اليوم داك كلو بكا لحدي م امجد جاها لمن كانت في الجنينة الورا والباقي عارفينو….
وبعد اكتر من شهرين من نهاية علاقتهم وسفر دانة…. واحد من اصحاب امجد عرف العملتو البت ومشا فتتا ل امجد… امجد مشا للبت وبقوة شخصيتو المععروفة خلاها تددق ل داانة من رقم غريب وتوريها انو كل القاالتو لليها كذب×كذب
دانة: والصورة؟
البت: الصورة دي صورناها وهو م كان منتبه لينا
دانة بغيرة: انتي اساساا البوقفك جنبو كدا شنو؟
البت عاينت لامجد الواقف جنبها وسامع وقاالت: هو صحبي شديد
دانة اتنهدت: دا هو المرسلك؟
البت: لا لا ..امجد والله بحبك وم عندو غيرك حتي انو اتغير في الشهر الاخير دا بقا م بجي المدرسة ولاا بقرا زي الاول ..عاينت لأمجد.. عليك الله ارجعي ليهو
دانة: ارجع ليهو ولا لأ دي حاجة بحددها انا م انتي
وقفلت في وشها امجد شال التلفون ومشا خلا البت… ومن يومها مم سمع صوت دانة… دقت ليهو كتير بس م كان برد فبقت م بتدق ..وم جات السودان فهد وامها جو مرتين بس اتحججت باالامتحانات وقعدت مع ابوها… كانت خايفة تلاقيهو ..وهو كان زعلان شديد منها...ندمت شديد انها خلتو ندمت حيث لا ينفع الندم…

ااتنهدت ومسحت دمعتها الاتمردت لخدها.. اشتاقت ليهو شديد… اشتاقت لصوتو ،ضحكتو،ملامحو ،سنو المردوفة.. شوق عمرو خمسة سنة كفيل جدا بأنو يخليها م تنوم ولا يغمض ليها جفن….


*فجر الثلاثاء…..*
كالعااااادة ..عبدالفتاح وانس صلو في الجامع الجنبهم… وعبدالرحيم وعبداللّه ورامي واحمد وامجد في الجامع الجنبهم…. ومع شروق الشمس الرجال مشو لشغلهم.. عدا امجد الكان راقد في غرفتو وبعاين للسقف جاتو ألين ناطة..
ألين:امجوووووووو
امجد: مالك ي مرض؟
ألين زحت منو: ليه البرود دا؟
امجد: اها انطط معاك يعني؟
ألين: ي ود انت رباطابي؟
امجد: م عارف
ألين عاينت ليهو عقدت حواجبها وهي بتقول: مالك متضايق؟
امجد: مف شي

ألين: لا في اشياء كمان..مالك؟
امجد اتنهد: امبارح م نمت
ألين: ولييييه ان شاءالله
امجد سكت
ألين: دي اسيل الفقرية كانت بتتكلم معاك صح؟
امجد: اسيل شنو يااخ.. اسيل م دخلها في الموضوع ألين: اها طيب في شنو؟
امجد وهو بخت يدو في عيونو: م عارف والله النوم م راضي يجيني
ألين ولأنها عارفااهو لمن يتنشن م بقدر ينوم: بدون سبب؟
امجد: اي
ألين عاينت ليهو مسافة. بعدها قالت: بكون عشان كنتا بتلعب كورة هسي ارقد و حتنوم
امجد هزا راسو بمعني طيب
ألين زحت ليهو عشان يرقد سمح باست ليهو بين حواجبو وقالت: احلام سعيدة
ابتسم وقال: عندك جامعة الليلة؟
ألين: اي لكين م مشكلة بمشي بالمواصلات
امجد: تمام
وغمض عينو علي امل انو ينوم ضلمت ليهو الغرفة وطلعت.. ردت علي تلفونها وهي ماشة علي غرفتها
ران: ألين ي زفتة وين انتي؟
ألين: في غرفتي
ران: كضااابة لأني في غرفتك حاليا
ألين: جد😍
وجرت علي غرفتها دخلت وحضنتها وكوركت كأنها ليها 10 سنة م لاقتها م كأنو امببارح كاانت معاها… اللمهم دقووووو الونسة قريب ل 3 ساعات
ران صرخت: سجمممممممي المحاااضرة
ألين لوحت ليها بيدها: م نممشي ياااخ
ران: استغفر الله العظيم… انا ح اربت بسببك
ألين: اقعدي ي انشتاين اقعدي
ران: انا جعانة
ألين ضحكت: لا انتي م انشتاين انتي اشعب الآكول "زولنا وآخر قولنا🐸✌🏻"
ران اتجهت علي المبطخ: جاااااو نتلاقي في المطبخ
ألين ضحكت ولحقتها……

نخليهم ونمشي ل ضيوفنا فهد صحا من النوم… دخل استحما وغير هدوموو صلى الصبح واتجه علي جناح اختو دقا الباب جاهو صوتها: ادخل
دخل دانة ابتسمت اول م شافتو صبح عليها وساقها ونزلو تحت لأمهم لقوها في نفس مكاانها الخلوها فيهو امبارح
فهد: صباح الخير
عبير+حجة عواطف: صباح الخير
دانة: م تقولو لي قاعدين كدا من امبارح
عبير: صلينا ورجعنا😅
دانة:دي كلها شمارات؟
ضحكو
حجة عواطف: اها نمتو كيف امبارح؟
فهد حرك راسو نظظام حمدلله
دانة: كويس حمدلله
"كذااااااابة عيونها م غمضت زي عمنا البهناك داك"
الشغالة جابت ليهم الفطور فطرو وانس جا لفهد وطلعو سوا الجنينة ودانة بقت تتونس مع امها وحبوبتها شوية كدا وحست نفسها نعسانة طلعت عشان تنوم…..

عند شهد كاانت في الجامعة بس متحمسة الللف للمغرب لأنها ح تلاق دانة صديقتها المقربة….


في فلة عبداللّه ألين وران قاعدين في الصالة وبحضرو ..جاتهم زينب: بنات جهزو نفسكم بعد المغرب ح نمشي لحبوبتكم عشان نسلم علي عمتكم واولادها
ألين+ران: تمام
زينب طلعت بداية السلم كدا واتذكرت حاجة وقالت: اشتريتو ليهم هدايا؟
ران: اي اش…
وقبل تتم كلامها ألين نطت: لا لا م اشترينا
زينب: قومو امشو المول القريب دا اشترو
ران: بس ي خالتو نح…
ألين قاطعتها: طيب ي ماما
زينب: خلو امجد يوديكم او امشو المول القريب دا
ألين: حاضر
زينب مشت وران اتلفتت علي ألين
ران: ألين انتي عندك زهايمر؟نحنا اشترينا الهدايا امبارح؟
ألين: انتي عندك غباء مركب؟ لقينا لينا طلعة من الله ح نقول لا؟
ران: انتي يعني عايزة تطلعي كان تمشي جامعتك😒
ألين: ران حبيبتي طيري بيتكم غيري هدومك وتعالي 🙄
ران: اوووك
امجد جا نازل: ران نحنا متين ح نرتاح منك؟
ران: لمن اعرس🙂
امجد: اها ولو م عرستي؟
ران: تعرسني انت بس👋🏻
امجد: ها ها ها حلم الجعان عييش
ألين ضحكت: نمتا؟
امجد وهو بقعد جنبهم: نوو
ألين: ابلع منوم
امجد: لا لا ي شيخة م للدرجة دي كمان
ران: انت م عندك محاضرات؟
امجد: بكون عندي م متأكد
ران: وااي من الاهمال واي
امجد ضحك: خفي علييينا ي نيوتن
ألين ضحكت: نحنا ماشين عفرا ارح معانا
امجد رفع حاحبو: ماشين ليه؟
ألين: بحجة اننا عايزين نشتري ل ناس عمتو هدايا
ران كملت: بس نحنا اشتريناها من امبارح
امجد عقد حواحبو من طاري ناس عمتو وقال:طيب اجهزو ونتلاقا هنا بعد تلت ساعة
ألين: يااااااهووووو
وقامت جارية علي غرفتها امجد اتلفت علي ران عايز يقول ليها ألين دي مجنونة لقاها ماف ضحك بخفة:مجانين
وطلع غرفتو عشان يجهز عسى ولعل يغير مزاجو شوية...
استحما ولبس بنطلون جينز ازرق باااهت شراط وتيشيرت ابييض اكمامو طويلة مكتوب فيها بقدام بجهة اليمين اديداس بالرمادي ولبس اسبورت رمادي واتعطر وشال تلفونو ومفاتيحوو وسجايرو ونزل……لاقا ألين في السلم وكانت للابسة نفس تيشيرتيهو بس مطقمة ليهو بالاسود
ألين: لااااااا امشي ألبس اسود
امجد: انتي امشي ألبس رمادي
ألين: طيب ثواني
وفرررر رجعت غرفتها وهو نزل لقى ران بتتصور جا وقف جنبها ومسك السلفي ألين: سلفي بدوووووني؟
وجات دخلت معاهم اتصورو وطلعو… مشو المول امجد: اولا وقبل كل شئ انا عازمكم فطور لأني م اكلتا من امبارح

فعلا اكلو اول شي بعداك وبقو قاعدين في الكافيه
امجد وهو بحرك علبة الكولا: احم ..ألين ما تشترو لناس عمتو هدايا تاني
ألين: اشتريناها من امبارح
امجد: اي ومالو زيادة الخير خيرين
ألين عاينت ل ران ،ران: م عندي مانع
ألين: اوك ارح يلا
وقفو وامججد ساقهم لمحل سائق فضة اختار ليهم سد بسيييييط كدا
امجد: دا ل دانة
وشالو عطر ل عمتهم… "طبعا فهد مف ليهو 😂"… .
المهم رجعو البيت بعد اذان العصر….
--------------------------------------
---------------------
*يتبــــــــــــــــــــــــــــــــــــــــــــع*

*#قلوب_تائهه 《05》*💔
*#بقلم_امل_خضر*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
في فلة حجة عواطف…دخلت جناح دانة وصحتها
عبير: دندون اصحي عشان خيلانك بعد دا بجو
دانة في لحظة النوم طار من عينها "خيلاني…" قامت استحمت وغيرت وصلت الضهر والعصر سوا ونزلت تحت لقت امها في المطبخ ادتها سندوتشات وعصير منقا اكلت وجاهم فهد اتونس معاهم حبة كدا المغرب اذن ااتفرقو عشان يصلث ويجهزو..
دانة في غرفتها ..لبست ليها فستان اكمامو تلاتة ارباع ارضيتو بيضا وفيهو ورود بالبصلي والبرتقالي الغامق، شبشب بيت بصلي وعملت شعرها ضنب حصان ببناندة بصلية واكتفت بكحل وماسكرة.. سمعت جووطة تحت عرفت انو خيلانها وصلو اتجهت بسرعة ليهم واول زول لاقتو شهد ..شهد جات ناطة ليك فيها وهي بتقول: دندووووووووون اشتقناااا
اتحاضنو واتعاورو واتهابلو سوا😂 بعداك سلمت علي خالها عبدالفتاح ومرتو"اميرة"… واثناء ما هم بسلمو جو ناس عبدالرحيم وعبداللّه داخلين… ألين وران جرو حصنو دانة وعمتهم وكدااا… انتهت فقرة السلام وقعدو حول حجة عواطف.. دانة بتفتش علي امجد ب عيونها..
فهد وكأنو قرا افكارها قال: ي جماعة ويييين امجد؟
احمد اتنحنح: احم.. والله امجد دا عندو صحبو في المستشفي
عبداللّه:لا لا ياخ
احمد: اي.. تعب قبل شوية ورقدوهو
حجة عواطف: يعني م ح يجي يسلم علي ناس عمتو؟
دانة طبعا مصغية بكل حواسها
احمد: والله ي حبوبة ..دا صحبو شديد م ح يقدر يخليهو
عبداللّه:ربنا يقومو بالسلامة
الكل: امين
الا دانة كانت في عالم تاني"ألن يأتي؟..وللمرة الثانية تخيب ظني… بالطبع لن تأتي بالطبع سيبعدك غرورك عني وعن رؤيتي"
قطع تفكيرها صوت شهد وهي بتقول: دانة ارح فوق مع البنات
دانة هزت راسها نظام طيب ومشت معاها… اتونسو وضحكو وادوها الهدايا بس هي بالها كلو كان مع امجد الم جا دا… طبعا انتو عارفين انو امجد لا صحبو في المستشفي ولا يحزنون السنياريو دا كلو عشان م عايز يشوف دانة.. هو ي جماعة مش م عايز؟ هو م قادر وم عارف ح يعمل شنو لما يشوفها قدامو، قلبو بتزعزع بمجرد لما يتخيلها واقفه قدامو في النهاية هي حب حياتو م حب ولا ح يحب غيرها…
قاعد في شارع النيل بعيد شوية من اصحابو.. جاتو اسيل"السم ي يمة"
اسيل: امجو حبيبي مالك؟
امجد اتنهد: مف حاجة
اسيل: طب ليه قاعد براك؟
امجد: مزاج
اتنهدت وسكتت اتعودت عليهو وعلي مساختو ..من اول يوم ليهم سوا قبل اربعة هو بحالتو دي مف حاجة بتثبت انو بحبها لا كلامو ولا تصرفاتو...فضلو ساكتين قرابة الساعة، خلخلت اصابعها في اصابعو عاين ليها بخلعة كأنو م عارفها قاعدة جنبو
عاينت ليهو في عيونو:لو في حاجة مضايقاك ممكن تقول لي
اتنهد وهو بشتت نظرتو علي النيل
اسيل بزهج: بتكلم معاك رد لي
امجد ببرود: م بقدر اوريك.. اصلا م عايز اوريك
العبرة خنقتها: ولو مرة حسسني اني حبيبتك
رفع يدينهم المتشابكة وقال: دا م كفاية؟
اسيل: لا م كفاية.. امجد الحب مشاركة قبل م يكون اي شي تاني
امجد: طيب
وسكت اتنهدت وهي بتعاين ليهو بالجد برودو قاتل.. نزلت عيونها لمن حست دمعتها ح تنزل حاولت جاااهدة تخفيها بس هو شافها اتنهد ومسحها ليها بيدو التانية وباسها في راسها… اتنهدت بارتيااااح وهي بتتكل راسها في كتفو ويدينهم متشابكين… عرفت انو كدا براضيها ،اتعودت علي كدا براضيها بدون اعتزار بدون تبرير بوسة علي جبينها كانت بمثابة اعتزار مورد بالنسبة ليها…

اتنهد بضيق لأنو عارف انو كدا بظلم نفسو قبل م يظلم اسيل معاهو.. اسيل بتعرفو من عمرهم 6 سنة هو واسيل وياسر ثلاثي ابدي معروفيييين من الاساس سوا... متذكرين البت الضربت ل دانة؟ دي هي امجد لمن عرف زعل منها وسمعها كلام زي السم وقاطعها بس رغم كلامو وحركاتو الكان بعملها ليها هي الوحيدة الوقفت معاهو لمن دانة خلتو والوحيدة ال لاقاها جنبو لمن مر باصعب فترة في حياتوو وشاف انها بتستاهل كلمة بحبك وفعلا قالها ليها ومن يومها وهي معاهو لاصقة فيهو ..بالرغم من انها عارفاهو بحب دانة ولو قالت انها م عارفة تكون كذابة زي م عارفة انو مكانتها في قلبو صحبة واخت بي عندها امل انو يحبها….

نرجع لفلة حجة عواطف العيلة مجتمعة بعد اتعشو ودعو بعض واتفقو علي عزومة يوم الخميس كل اسرة اتجهت علي بيتها ..دانة ودعتهم ودخلت غرفتها واول ما قفلت الباب اتفجرت بالبكا.. م جا معقول زعلان منها للدرجة دي؟ طب م اشتاق ليها زي ما هي اشتاقت ليهو؟ لكين طبعا ..لازم يكابر ويقسي ح يعرفوهو امجد كيف لو م قسي واتبارد عليها؟…

*في فلة عبدالفتاح…*
في جناح شهد… راقدة وبتتذكر في ملامح رامي وهو بضحك ابتسمت بحب"معشوقي الخفي.. اعشقك كما لم يُعشق احدا من قبل عندما اراك تضحك اجزم ان لا شئ اجمل منك"

عند رامي واقف في البلكونة وبفكر"آآه ..احقا هي حقيقية؟ اسطورة الجمال والرقة لك قلبي ولي الله من جمالك.. ليتك تعلمين بخفايا قلبي"

*بختكم والله حابين بعض بالجاااابس 😂

*في فلة عبداللّه..*
*جناح ألين ران بايتة معاها*
ألين: ران اصحي بتكلم معاك انا
ران: اهاا اهاا خير عارفاك ح تقولي لي شفتيهو سلم علي كيف؟ شفتيهو كان لابس نفس الاسبورتت بتاعي..
ألين: معقول يكون صدفةة؟
ران: اكيد صدفة ي ألين.. والله العظيم صدفة
ألين: احتمال اشارة من القدر
ران: :اقول انثبري ونامي الحين
"قلبت. سعودي بالزعل😂"
ألين: طيب
ورقدت ران شخرت وقتي وألين شوية كدا ولحقتها… وخلال ددقايق كان الكل خلد للنوم.. عدا امجد…
--------------------------------------
---------------------
*يتبــــــــــــــــــــــــــــــــــــــــــــع*