🛡🏇لسته #الوسام لزياده القنوات🏇🛡

➕1⃣0⃣0⃣



للإشتراك في اللستة
@wess_bot


✅ نشر و حذف❌ تلقائي

⚠️⚠️⚠️ مثبت ساعه⏰

•┈┈┈•❈⚜💠⚜❈•┈┈┈•


⁉️هل تبحث عن #روايه

🗄📚🗃ادخل هنا👇👇

https://tttttt.me/joinchat/AAAAAD3AU3zCg0uGm9jL9Q

🔊مع دكتور هنيبال انت الكسبان🎁

https://tttttt.me/joinchat/AAAAAED7FS5mK52eav0Zpw

https://tttttt.me/slces - FG تقدمها الأكاديمية التركية
بالتعاون مع قناة
دورات الدكتور هنيبال حرب

https://tttttt.me/hanibalharb

#انثى_في_عالم_الذئاب
#الجزء_الاول

القصه ذي شبه مختلفه حتحسو بيها يمكن بعيده حبه من واقع مجتمعنا السوداني ودا لأنها حصلت في دوله تانيه مختلفه كليا عننا بس اخترت اللهجه الس‘دانيه عشان احلى .. و عذرا عن اي موقف خادش حتلاقوهو وانتو عايشين بين سطور الروايه ..
بسم الله ..
كان صباح لذيذ و جمانه بتغسل ف العده بكل مزاج رايق و بتدندن فجأه حست بزول حضنها من ورى فابتسمت وقالت ليهو : صاحي بدري كده ليه ؟
باسها على كتفها وقال ليها : كيف انوم ومرتي الحلوه صاحيه 😍
جمانه وهي بتضحك :شو رومنسي .. فعرض عليها يغسل العده بدلها طبعا ما رفضت فزحت ليهو وقف مكانها وهي قعدت تونسو فقاطعهم صوت الجرس جمانه جرت تفتح لقت فريده مرا اربعينيه شرانيه جددا شعرها لحدي كتفها ومصبغاهو كبدي ودي ام كرم و معاها بت تانيه عمرها 25 حلووه شدييد شقرا كده وحركات المهم قاطعه ودي اخت كرم اللي هو راجل جمانه عمرو 27 شعرو مجعد عندو شنيب كده ما تامي شنب جسمو رياضي لكن ما معضل طولو بت متوسط وحلاتو شغال طيار اما الشخصيه الرئيسيه جمانه بت قصيره عندها غمازات بتشل ورموش كثيفه شعرها بني طويييل لحدي خصرها عيبها الوحيد انو طولها 158 غير كده جميله جدا عمرها 22 متزوجه كرم من 3سنوات اتزوجت بدري لأنو اهلها من ريف بسيط وكانو مكسرين في هذا الكرم نرجع لقصتنا دخلو الصالون تسابيح لجمانه : كرم وين ؟؟
جمانه :دقيقه اناديه .
فكوركت ليهو هو ما كان عارف انو اهلو جو فكورك ليها من المطبخ :بغسل في العده يااااخ
فريده بخلعه : ولدي انا بغسل العده 😨😨
كرم جا طالع ابتسم لما شاف امو فقال ليها وهو ببوسها : بونجوور صباحكم عسل .
تسابيح : العسل يجي من وين و وقاحة الهانم وصلت بيها لأنها تغسلك العده 😒
جمانه : اي بيغسل و بيكوي و بينضف وبمسح وبكنس وانا قاعده ساي .
تسابيح : هه ما مربيه بس .
جمانه : اي التربايه خليتها ليك يا الصعلوقه 😏
كرم بخشونه : جموون 😑
فريده : اصلا غلطانه انا الخليتك تعرس واحده ما بتجيب اولاد ..
جماانه هاجت و جهزت احاسيسها للردح كرم اتدخل : يا امه ما هو ما ممكن كلما تتلاقو تعيدو لي نفس الاسطوانه يلا يا جمون ممكن تطلعي فوق شويه !!
جمانه : هه مييته في القعاد انا 😒
فمشت وقفت ورى السلم لأنو الصراحه الشمار كان حارقها . فريده قالت لكرم : عاين يا ولدي بعد دا انا دايره اشوف اولادك قبل م اموت و حجر البطاريه المعرسها دي ما بتجيب عشان كده انا واختك قررنا انك مفروض تعرس ..
بس في كلمة تعرس دي جمانه جات ناطه : شنو شنو شنو منو اليعرس دا ؟؟؟لا معليييش والله كرم ما بعرس .
فريده : دايراهو يضيع شبابو مع واحده معفنه عاقر زيك .
جمانه : ما تنبزي عشان م تسقطي من نظري فوق م انتي ساقطه .
كرم هاج شديد وبدون ما يحس رفع يدو واداها كف لمممن اضانها صنت عاينت ليهو مسافه وجرت غرفتها اتنهد بعمق وقال لأمو : اسف لأنها اتكلمت معاك كده .
فريده : اتعودنا اساسا اها حتعرس ؟؟
ارتبك وقال ليها بتلعثم : امي ما بقدر والله .
بعدين طلع لجمانه وخلاهم لقاها قاعده ف البلكونه وبتبكي قعد جمبها وقال ليها : وجعتك ؟؟!
جمانه عاينت ليهو وما ردت فقال ليها : جمون والله ما كان قصدي اضربك بس دي امي في النهايه وما صح تتكلمي معاها كده .
جمانه وهي بتبكي : ما حتعرس صح ؟؟
كرم : اطمني ما حاعرس بس انتي اعتذري من امي .
جمانه : ما بعتذر 😑
كرم : جمانه م عايز اغلط معاك اكتر من كده .
جمانه : ما بعتذر تنبزني و اعتذر انا !!
كرم : ما هي ما جابت حاجه من عندها صحيح انتي عاقر
عيونها اتملو دموع عاين ليها وطلع ما حاول حتى يطيب خاطرها قضربت ليارا صحبتها الانتيم شقتها عل بعد شارعين طوالي جاتها فسألتها بخلعه : جمون مالك ؟؟؟!
جمانه : اول مره يمد يدو علي وكلو بسبب الحيه امو دي الله يقتلها هي وبتها .
يارا : بكون بسبب لسانك الطويل دا انا كم مره قلت ليك م تفوري ف الناس 😑
جمانه : اصلا كلو عشان م بجيب اولاد ..
يارا حضنتها وما عرفت تواسيها كيف
في بيت ناس فريده تسابيح وامها كانو هايجين فقالت ليها : امي احنا لازم نلقى حل كرم مستحيل يعرس والبت دي ف حياتو حاسه بيها كاتباهو .
فريده : الطريقه الوحيده عشان نزحها اننا نقتلها..
تسابيح :م بالغتي حبه .
فريده : لا م بالغت فوق ما حارمه ولدي الجنى البت دي عارفه حاجات ممكن تودينا انا وانتي في ستين داهيه .
تسابيح : معناها اعتبريه منتهي ..
يارا حاولت ترفع معنويات جمانه بشتى الطرق فقالت ليها :ارح نتفسح .
جمانه : م عندي نفس
يارا : فكيها ياخ اصلا دا واحد تافه ما بستاهل تنزلي عليهو ولا دمعه .
جمانه وهي بتفنها بالمخده : واو افدتيني شديد .
يارا بعد تفكير : اوكي ارح نطبخ 😋
جمانه بتموت في الطبخ فطوالي اتجهو الى المطبخ ..
في مكتب فخم جددا كان في شاب طوييا معضل شعرو اسود لامع انفو مستقيم عضلاتو شويه وحتشرط القميص و ماشاء الله كلمة سمح فيهو شويه اسمو رعد عمرو 26 عندو شركة بتاعت تصدير و استيراد جاتو السكرتيره : بون

جور
رعد : صباح النور .
السكرتيره : مسيو يزن بره .
رعد : دخليه .
فطلعت وبعد شويه دخل ولد بكون عمرو 17سنه كده طولو متوسط وحلاتو فقال ليهو : خير الليله ماف مدرسه .
يزن وهو بقعد : يمكن لأنو الليله الجمعه 🤔
رعد : اووه شيت اسف ياخ نسيت مع الشغل ممكن نأجل الطلعه ؟؟
يزن بإلحاح : لا يعني لا .
رعد وهو بقوم : امري لله ..
تسابيح وامها كانو ماشين في محل شبه مهجور لحدي ما وصلو مبنى مخيف شكلو مرعب و حارسنو كم راجل فريده خافت تسابيح جرتها ومشو جوه الحراس كانو بعرفوها فخلوها تمشي عادي قساقت امها ودخلو غرفه عملاااقه حارسنها اربعه رجال وفي نصها كرسي كبير اشبه بالعرش قاعد فيهو واحد في نهايه العشرينات يمكن 29 او 30 ما اكتر في روحو كده قررض عاين لتسابيح ونزل من كرسيه قرب ليها وجراها من خصرها ليهو فهمست ليهو : رؤوف ابرد دي امي.
فزح منها وعاين لفريده ابتسم وقال ليهم : واو سر الزياره الكريمه شنو .
تسابيح : ف واحده عايزنك تقتلها .
رؤوف وهو برجع لكرسيهو : اسمها عمرها عنوانها وسبب مقنع عشان اقتلها واعتبريها في القبر ..

#انثى_في_عالم_الذئاب
#الجزء_الثاني

بعدما فريده وتسابيح مشو رؤوف نادى واحد جنتل كده اسمو ماجد فقال ليهو : عندي ليك مهمه جديده .
ماجد : نهب سرقه قتل خطف تهديد تشويه تحرش ياتو نوع من المهام .
رؤوف ؛ قتل . ماجد : معليش يا زعيم انا صايم عن القتل كده اشوف ليك واحد من البره ديل .
فطلع وجا بعد فتره قال ليهو : شكلو ف صيام جماعي
رؤوف : اها والحل
ماجد بعد تفكير : ما ليك الا رعد ،،،
فضرب ليهو رد بعد مسافه : خير
ماجد : اهلين عايزنك ف المقر
رعد : جاي .
يارا بعد ما اطمنت على جمانه رجعت بيتهم جمانه مشت السوبر ماركت اشترت الشموع يا يما والبوالين الحمر و سخنت الاكل و رصتو وسرحت شعرها و لبست الفستان الاحمر الما خمج و طفففت الانوار و ولعت الشموع وقعدت مستنياه لأنو دي مواعيدو وبالرغم من انو هو الغلطان وهو المفروض يعتذر جمانه هي العملت الحاجات دي كلها ﻷنها كانت بالجد بتحبو وما عندها غيرو تمها وابوها ماتو ف حادث و كان عندها اخو واحد ما شافت من لما كان ف سادس ابوهو طردو من البيت لقاهو مع بت الجيران ما علينا بالصعلوق الصغير نمشي مكان تاني رعد جا بعد زمن رؤوف سألو : ليه اتأخرت كده
رعد : يمكن عشان في واحد مختل اسمو ماجد فوق م سايق عربيتي سارق محفظتي فاضطريت اجي كداري .
ماجد : ههه كنت محتاج قروش ..
رعد ببرود ؛: م علينا جايبني ليه
رؤوف : ف واحد عايزنك تقتلها
رعد : اعيد كم مره انا اعتزلت يا بني ادمين
رروف : بس انا وعدت تسابيح
رعد ببرود : لو ميت فيها زي دا امشي اقتلها انت انا مالي !
رؤوف : طيب خلاص م تقتلها جيبها بس واحنا بنتصرف ..
رفض في البدايه وبعد الحاااح منهم وافق ..
كرم لسه م جا فضربت ليهو رد : مالك ؟
جمانه : اتأخرت شديد
كرم : بايت مع صحبي م جاي
جمانه : بس انا ج...
وقبل م تكمل قفل فيها الخط حضنت التلفون و حست بدمعه دافيه عبرت خدها رعد بركن العربيه بعيد حبه و دخل العنوان الوصفوهو ليهو طلع مفك غريب كده وفتح الباب بهدوء اتفاجء بمنظر الشموع والاجواء الرومانتيك عاين كده لقاها نايمه ف الكنبه سلط عليها نور الفلاش عشان يتأكد انو دي نفس الشخصيه فقعد جمبها في طرف الكنبه فحست بيهو وهو بسحب المخده من تحت راسها بدون ما تحس ارتمت ف حضنو فقالت ليهو وهي بتبكي : كرم حرام عليك تعمل فيني كده
طبعا هو اتسمر ف مكانو م عرف يتصرف كيف و لأنو النور كان مقفول افتكرتو كرم هبشت وشو كده حست باختلاف ف الدقن فعرفت انو دا م راجلها بلعت ريقها بصعوبه وصنت مسااافه فقالت ليهو وهي بتقوم ؛ اكيد تعبان من الرحله حاجييب ليك عصير
فمشت كم خطوه كده وديك يا الجريه كتحت كتحح بتكورك والشبشب ف يدينها اما هو م حاول يلحقها اصلا ضحك فيها ورجع بيتو قى يزن لسه صتحي فقال ليهو : ليه م نمت
يزن : مستنيك ممكن بكره نمشي بيت عمو حسين
رعد اتضايق لأنو نهائي ما بحبو لكن وافق عشان خاطر يزن
نرجع لجمون مشت شقة يارا دقت الجرس كداااا ماف زول فتح ليها م عرفت تعمل شنو الزمن اتأخر وبراها ومستحيييل ترجع البيت فقعدت ف الشارع وبقت تبكي من حسن حظها جات عربيه ماشه نزل منها راجل خمسيني مليان كده سألها مالها ما ردت عليهو فقال ليها : م تخافي يا بتي انا لواء في الجيش
فاطمنت ليهو وحكت ليهو الموضوع ساقها معاهو البيت ..
رعد و يزن الصباح مشو بيت عمهم حسين قبل م يدخلو رعد ضرب لماجد كلمو يجيهو يعدين دخل حسين قال ليهو : اقعد افطر
رعد : ما باكل ف بيوت غربا
حسين : اترزع اتسمم م تصدعني .
رعد بالغصب قعد جات جمانه نازله رعد استغرب دي الجابها هنا شنو وقبل م يسأل يزن سبقو ؛دي منو المزه دييا عمو
حسين : اتأدب ..
بعدين طلب منها تقعد تفطر معاهم فقعدت و يزن يشيل ويسأل فيها لما شبعت قامت المطبخ تغسل يدها رعد لقى ليهو حجه لحقها لقاها بتغسل يدها فقال ليها : م ضربتي لكرم طمنتيه !!
استغربت بيعرف كرم من وين فقرب ليها ابتسم وهمس ليها : الشموع بتاعين امبارح بيجننو
نططت عيونها قدر الليله وبكره وتاني ديك يا الجريه حسين حاول يوقفها ولا اتفاهمت كتحت ركبت اول عربيه قدامها كان راكبها ماجد فقالت ليهو وهي خايفه وبتبكي وبترجف : انقذني منو عايز يقتلني ..
طبعا ماجد عرفها شاف صورتها فابتسم بخبث وقال ليها : اركبي

#انثى_في_عالم_الذئاب
#الجزء_الثالث

رعد شافها لما ركبت مع ماجد فركب عربيتو ومشى المقر ..
جمانه لاحظت انو فوت الطريق الوصفتو ليهو فعرفت انو الزول دا م ناوي ع خير فقالت ليهو : عايز تقتلني انت برضو ?
ماجد : لا انا صايم .
جمانه بخوف : لو عايز تخطفني والله اعضائي كلها بايظه ما حتنفعك عندي كلى وصمام و تليف في الكبد و قرنيتي بايظه و هيكلي العظمي قرب يتكسر اما لو عايز تغتصبني فأحب اقول ليك انا عامله عملية تغيير جنس يعني زيي زيك واحد 😖
ماجد قرب يموت من الضحك فقال ليها : اهدي م بسوي ليك حاجه .
هي ماااا اطمنت لكلامو نزلت القزاز وبدت تكورك فاضطر يخدرها ...
فتحت عيونها بعد نص ساعه لقت روحها في مكان غريب حته كده اشبه بالمخزن ما فيها ولا شي غير كرسيين و المروحه المزعجه كانو مربطنها بحبال حاولت تتحرك م قدرت عاينت تحتها لقت موس فشالتو وبدت تقطع ف الحبال ...
في محل تاني في شقه صغيره كده كرم لبس قميصو وعاين للبت الكانت نايمه جمبو ف السرير فقال ليها : امشي يعني .. 😖
البت : امشي اطمن على مرتك حرام ..
(شلابه حنونه لاحظتو 🐸)
كرم : م عايزها انا عايزك انتي ..
البت بدلع : امشي وتعال المسا بعزك ..
فابتسم وباسها بشغف ..
جمانه خلاص قربت تفك الحبال وعايشه على اعصابها فجأه جو رعد و رؤوف و ماجد و 3 رجال تانين بلعت ريقها بصعووبه. وقالت ليهم بخوف :انا وين وانتو منو و عايزين مني شنو ..
ماجد : انتي في مقر الذئاب يا آنسه ..
رعد عاين ليها من فووق لتحت وسأل رؤوف : دافعين فيها كم ??
رؤوف : 300 مليون .
جمانه لروحها : شكيتك لي الله ي الدافع فيني 300 مليون كان تديني ليها والله وشي م اوريك ليهو 😭
فقالت ليهم : رجعوني بيتنا و وعد م حابلغ . ّ
رؤوف بزهج : كلام كلام كلام الدايرها يشيلها .
جمانه خلاص جسمها برد مع الجمله دي اتصرفت سريع مسكت الموس الكانت بتقطع بيهو الحبال و نطت في رقبة اقرب واحد اللي هو رعد فصرخت فيهم : والله تقربو الا اقطع شريانو ..
رؤوف عاين ليها باهتمام رعد ببرود : ما تلعبي معاي .
جمانه كانت بالجد يائسه فصرخت فيهو وهي بتبكي : ما بلعب انا ماا بلعب خلووني امشي ..
رؤوف ابتسم وهو بعاين للمنظر القدامو اتفاجئت من برودهم ماف زول اتفاعل معاها كتير الا ماجد الكان بضضضحك قدرتو فضغطت على الموس بعصبيه فجرحو والدم نقط ف قميصو فمسكها من يدها و قلبها يعني رماها ع ضهرها صرخت بألم احساس الوقعه كانت حاااره عاين ليها و جر ليهو كرسي قعد بعييد رؤوف مد ليها يدو عشان يقومها زحت يدو وقامت براها وهي بتحمر لرعد رؤوف قال ليها : عايني مش ما نفسك تموتي هاك المسدس دا واقتلي الراجل الواقف قصادك .
جمانه بخوف : ب..بتهظر صح ??!!!
رؤوف بجديه : يا قاتل يا مقتول .
جمانه : قايلني زيكم ي حيوانات انا مستحيل أذي انسان انتو م ناس م بني ادمين ..
فجأه حست بماجد مسك شعرها بعنف حست انو شعرها حيطلع مع يدو فلزاها للجمبو و بقو يلعبو بيها زي الكوره هم يضحكوو وهي بتبكي حست روحها بالجد اتكسرت رعد كان براقب في البعملو فيهو فقام من كرسيهو وقال ليهم : بطلو تخلف دي م طباع الذئاب لو عايزين تقتلوها اقتلوها ماف داعي للحركات دي .
ماجد وهو بضحك : اسفين ما تهيج 😂😂 .
رعد عاين ليهم بحده ورجع كرسيهو رؤوف مسكها المسدس وأشر لماجد انو يصور مسكت المسدس وهي بترجف من فوق لتحت خلاص شويه كانت وحتموت من الخوف ودموعها عشره عشره وبدون م تقصد بالغلط ضغطت على الزناد انطلق دوي مزعج و فجأه الواطه كلها بقت دم جمانه بقت زي المصعوقه بكهربا فجعه الدنيا بدت تعتم لحددي م كل شي حواليها بقى اسود ....
فريده كانت مقلقه تمشي وتجي تجي وتمشي تسابيح وهي بتضرب ف منكيرها : امي عليك الله اهدي ماف داعي للتوتر رؤوف زمان بكون قتلها
فريده : اها وكان م ماتت .
تسابيح : ريلاكس عصابة الذئاب ناس مضمونيين ..
فريده وهي بتقعد جمبها : انتي م حاسه بحجم المصيبه جمانه عارفه بالمليارات الحولتها من حساب اخوكي وعارفه انتي بقيتي مزيعه. ككيف وانك كنتي حامل وسقطتي ودا كلو لو كرم عرفو احنا حننتهي
تسابيح : اطمني جمانه حتموت يعني حتموت .
كرم اخيرا رجع البيت لقى الباب مفتوح نادى جمانه كدااا م جات فاستغرب من البوالين وبواقي الشموع وحتى الاكل في محلو طلع فوق لقى السرير مرتب و واضح انو ماف زول نام فيهو فنزل استناها بررضو م جات في البدايه فكرها ف السوبر ماركت بس لما اتأخرت ولقى تلفونها قاعد قلق عليها فقام اتصل على صحبتها يارا سألها منها قالت م شافتها فضرب لتسابيح ردت : نعمين ياعيوني
كرم : اهلين سبحه جمون معاكم !!
تسابيح : لالا ف..
وقبل م تكمل قفل الخط ابتسمت وقالت لأمها : ابشري شكلها القزمه اتلحست 😉
كرم كان متوتر وخايف عليها هو ما كان بحبها لكن برضو ما بكرها ولحدي اسي م طلقها لأنو شفقان عليها وعارف انو ما عندها غي الدنيا دي غيرو يلا وهو قاعد سمع جرس الباب قام فتح عاين يمين شمال م لقى زول عاين تحت اتصدم بمنظر جمانه واقعه وملابسها كلها

دم ...
رعد كان ف مكتبو جاهو اتصال من عمو رد : خير 😒
حسين : رعد فكرت فذ الموضوع ? انت لازم توافق الوقت بداهمنا .
رعد : اساسا ماف شي افكر فيهو يزن اخوي وانا ادرى بمصلحتو .
حسين : مصلحة يزن مستحيل تكون مع قاتل
رعد : انا دخلت السكه دي عشانو وطلعت منها عشانو فبنصحك ما تتدخل .
وقفل فيهو الخط مرر يدو على شعرو بعصبيه وسند راسو ع الكرسي فجأه كا رؤوف ناطي رعد و راسو لسه ف التربيزه : دق الباب قبل م تدخل .
رؤوف : 😝 ابيت يلا يوم ارح واوعك تقول م عندي نفس لازم تطلع من حالة اكتئابك دي .
اتنهد بعمق فلبس معطفو ومشو مطعم قريب ..
يلا ديل مش اصحاب ديل اخوان عديل رعد و رؤوف و ماجد الروح بالروح جمانه صحت لقت روحها ف غرفه بيضاء وفي درب غازينو ف يدها بعد شويه الدكتور جا فسألتو : كرم .. كرم وين ?
الدكتور : اه قصدك زوجك جابك هنا امس ومشى بس في واحد بره منتظر من الصباح عايز يشوفك ..
جمانه هزت ليهو راسها فطلع ينادي ليها الزول بعد شويه جا ماجد خاشي لما شافتو حست بقلبها اتقبض فقعد جمبها وقال ليها : اخيرا صحيتي !!
جمانه وهي بتبكي : اقتلني و ريحني خلاص تعبت انا تعبت والله ما قدره استحمل .
ماجد : اهدي م جاي آذيك اساسا رؤوف لغى المهمه بس جيت اطمن عليك .
عاينت ليهو وما فهمت حاجه طلع تلفونو و وراها الفيديو لما قتلت الراجل بقت ترررجف من الخوف وجسمها كلو كش غلبها البكى فقالت ليهو بصوت متهدج : ب..ب..بالغلط و ..والله ما قا..صده
ماجد وهو برجع تلفونو : عارف لكن الشرطة م حاصدق ممكن جدا تترمي ف السجن لبقية حياتك الا اذا اتعاونتي طبعا .. ع كل الساعه 4 كده ولا 5 حيجي زول يسوقك م تحاولي تتزاكي .
بعدين مشى وخلاها في حاله يرثى لها لقى الممرضه بره فقالت ليهو : لو سمحت حساب المدام لسه م اتسدد .
ماجد : اوكي شيك ولا كاش ?
الممرضه : كلو بيمشي .
فكتب ليها شيك بعدين ادتو ورقه كده مفروض يملاها فيها معلومات عن المريض والحاله الجا بيها وكده فجأه وقع بصرو على اسمها بلع ريقو بصعوبه واتأكد منو مره ومرتين كان ف نظره غريبه اعتلت ملامحو ودهشه ما قدر يخفيها جرى ليها ف الغرفه عاين ليها من بعيد وهي ضامه رجليها على صدرها وبتبكي وبدون ما يحس عبرت دمعه دافيه خدو اتراجع بخطوات بطيئه وهو لسه مندهش وما قادر يستوعب ..
رعد و رؤوف لسه كانو ف المطعم فجاهم ماجد رعد سألو : ليه لونك مخطوف !
ماجد لقيت اختي ...
رؤوف باستغراب : بالله عندك اخت 😐
ماجد : لما كان عمري 12 سنه انتو عارفين القصه وانو ابوي طردني م البيت كان عندي اخت لما خليتهم كان عمرها 7 سنوات كنت بحبها اكتر من روحي 15 سنه وانا بلعن ف ابوي لأنو حرمني اختي الوحيده كل يوم كنت بصحى ع امل اني القاها ولما فقدت الامل لقيتها حتتصدمو بس اختي جمانه عبدالله عبدالماجد ..

#انثى_في_عالم_الذئاب
#الجزء_الرابع

جمانه كانت راكبه مع يارا في عربيتها و بتقرا في روايه اسمها لبوه ام انثى اسد يارا سألتها : م بتزهجي من قراية رواياتك دي ?
جمانه : لوسيفر دا الوحيد البقدر يغير مزاجي كتاباتو بتوديك لدنيا تانيه اموت واعرف عامل كيف او حتى اسمو الحقيقي منو لأنو بنسيني مشاكلي كلها .
يارا حست من نبرة كلامها انها ما كويسه فقالت ليها : الكتب ممكن تنسيك مشكلتك بس م حتحلها ..جمون حاصل معاك شنو احكي لي ممكن نقدر نحلها مع بعض
جمانه وهي بتخت الكتاب : ماف شي مرهقه بس عشان كده بقيت اقول كلام غريب .
يارا : طب لو حسيتي روحك محتاجاني اعرفي انو عمري م حاسيبك مهما كانت المشكله تمام يا بطه😝
ابتسمت و ما قالت شي بعد شويه وصلو البيت جمانه ودعتها وطلعت غرفتها لقت كرم راقد وبلعب بالتلفون عاينت ليهو ردخلت الحمام غيرت ملابسها وجات طالعه فقالت ليهو : ليه ما جيت سقتني ?!
كرم : كان عندي رحله معليش يا بيبي .
جمانه : ما مشكله .
فجراها من خصرها وقال ليها : طب انا مشتاق ليك
جمانه : كرم والله ما عندي نفس ليك .
اتأفف وقام خلاها رقدت في نص السرير حاولت تنوم م قدرت كل شويه كان بتردد عليها منظر الراجل والدم حوالينو وحتى انها ما قدرت تبكي من شدة م كانت مصدومه معقوله فجأة حياتها اتغيرت كده !! زهجت من التفكير في الموضوع فنزلت تحت لقت كرم في المطبخ فسألتو : بتعمل ف شنو
كرم : بحضر الغدا بما انك تعبانه وما بتقدري تعمليه جمانه كانت محتاجه تغير جو فقالت ليهو : ارح نتمشى ومن هناك نتغدا بره
كرم : ممممم فهم اصلا عندي زمن ما فسحت قزمتي الحلوه 😋
فلبس جزمتو و طلعو اتغدو بره هي كانت مبسوطه لدرجة انها نست موضوع الذئاب و كلوو ولما جو راجعين قبل ما يخشو سمعو صوت خشن : اححم احم
التفتو فشافو رعد جمانه جسمها كش عاينت ليهو بتوتر فابتسم وقال ليها : دا كرمك ?!!
كرم رد : ااي وانت منو ?!
رعد وهو بمسك يد جمانه : صديق مرتك ممكن اخطفها منك وحارجعها ليك طوالي !
كرم : تمام بس ترجع قبل 8
رعد وهو بضغط على يدها : اكييد
فابتسم ودخل البيت خلاها معاهو فركبت معاهو وهي اخلاقها في نخرتها ...
رؤوف كان بلعب كشتينه مع ماجد والبقيه فجاتو مكالمه وقفهم ومشى بعيد حبه رد : اهلين يا بيبي
تسابيح : دا شنو دا م ع اساس اكون اسي قاعده اتف في قبر القزمه دي ليه لسه م قتلتها !
رؤوف وهو بعاين لماجد من بعيد : معليش العمليه التغت .
تسابيح بعصبيه : جمانه حتموت بيك او بدونك.
وقفلت فيهو الخط فعمل رايح ورجع كمل لعبو عادي
كان سايق ومشغل موسيقى هاديه وهي سرحانه بالشباك فجأه قال ليها : جمانه ..
جمانه بامتعاض : خير 😒
رعد بعد صمت : كرم ما بحبك .
جمانه : ك..كيف يعني ??!!!!
رعد : م غار عليك ولا اتأثر حتى
جمانه : دي اسمها ثقه يا جاهل .
رعد : م حكاية ثقه بس لو كنت مكانو ومتزوج وحده حلوه زيك وجا زول غريب مسك يدها قدامي كنت حاسلخو وهو حي .
جمانه : كرم ما بستخدم اساليب العنف دي بعدين الناس البتستخدم اسلوبك الخشن دا بكون عندهم نقص فبنصحك تراجع طبيب نفسي .
ابتسم وقال ليها : غلطانه يا آنسه ما كل العنف غطى لنقص احيانا العنف بكون هوايه او فرض شخصيه مثلا وبعدين انا شايف انو المرح والابتسامة هي الغطى الاكبر للنقص .
جمانه : المعنى😐
رعد : المعنى انو ورى شخصيتك القويه و ضحكك في بحر دموع مكبوت في طفله تايهه عارفه انها م حتلقى الطريق بس مصره تواصل وما قادره تعترف بالعزيمه .
جمانه باستهتار : وعرفت كل دا من لقائين 😏
رعد : في ناس بتفهمهم من نظره .
جمانه : اسلوبك في الكلام ما غريب علي
فابتسم وما قال شي بعد فتره قال ليها : وصلنا انزلي
فدخل ودخلت وراهو والحاجه الغريبه انها ما كانت خايفه حتى و هي مع قاتل
فريده عاينت لتسابيح بعتاب وقالت ليها : م على اساس حتتصرفي وتخلصينا منها 😬
تسابيح بعصبيه : يا امي انا دايراها تموت اكتر منك فعليك الله ما تصدعيني .
فريده : ماشي انا حاتصرف لو كده ..
في مكان تاني كرم كان بعاين للبنوته النايمه جمبو فلعب ليها بشعرها صحت على لمسات يدو فابتسمت وقالت ليهو : نمت كتير ?!
كرم : اه عايزاني اخليك تنومي 😏
فقالت ليهو وهي بتحضنو : اكيييد لا 😍
نرجع لجمون كانت قاعده في غرفه براها وهي بتعاين للسقف فجا رؤوف ومعاهو ماجد فقالت ليهم : عاينو انا والله ما بقدر افيدكم في اي حا..
فقاطعها رؤوف: اهدي خلاص فيكي تمشي واحنا اسفين على الضغط النفسي السببناهو ليك .
جمانه بدهشه : ب..بالجد !!!!
رؤوف: ايوه وبالمناسبه الراجل القتلتيه كانت مزحه تقيله عشان نقنعك تشتغلي معانا يعني الراجل لا مات لا شي .
جمانه حست بحمل انزاح من على كتفها فبقت تضحك براها وتنطط فقالت ليهم : اووف اخيرا حاتخلص من الكابوس دا وتاني عمري م حاشوفكم.
ماجد : ممكن اوصلك الزمن اتأخر والمحل هنا خطير تمشي براك .
جمانه : بقدر امشي برااي .
ماجد اصر عليها شديد فاضطرت توافق المهم وهم في العربيه سألها : بتقري شنو ?
جم

انه : ناوي تحنك معاي ولا حاجه 😛
ماجد : 😂😂 استغفر الله اساسا لو داير ما بقدر ..بسأل من باب الفضول بس .
جمانه : بقرا ادارة اعمال وفاضل لي كم شهر واتخرج وانت ??
ماجد : خليت المدرسه من سادس اساس اها متزوجه من متين
فجاوبت : من 3 سنوات تقريبا .
اتضايق احساس عرسو ليها وهي عمرها 19 سنه لكن حاول ما يظهر ليها فسألها : اها وعندك كم بيبي .
لاحظ الدموع الهربت من عينها فقال ليها : انا اسف بالجد اسف غلطت ف حاججه ?
مسحت دموعها وقالت ليهو : لا م مشكله بس زي ما بتقول حماتي انا *عاقر*
وقف العربيه وقال ليها : اناي جوهره ما تفكري انو ناقصك حاجه ولا تشتغلي بكلام الناس لو احتجتي اي حاجه معاك رقمي تمام ?!
فابتسمت ونزلت خت راسو ف الدركسون وعبرت دمعه متمرده خدو ..
رعد وصل البيت غير ملابسو ونزل ليزن ف الصالون ابتسم وقال ليهو : بتعمل ف شنو !
يزن : بخلط 😉
رعد ابتسم وما قال شي يزن سألو : صحي ام وجنات كيف بالله ?!
رعد: ام وجنات منو ?!
يزن : ياخي البت اللاقيتاها ف بيت عمو حسين .
رعد : ركز مع البتخلط معاها البت متزوجه .
فسمع رنين تلفونو رد : اهلين يا رؤوف.
رؤوف: هلا بكره تعالني ف البيت عازمكم فطور .
رعد : بكره ما فاضي عندي شغل والله .
رؤوف: جرحت مشاعري ياخ م ملاحظ انك مهملنا شديد و وقتك كلو شغل شغل ..
رعد : بطل دراما خلاص جاي .
رؤوف: وجيب معاك يزن 🐸 .
جمانه كانت راقده وبتلعب بالتلفون كرم جا قعد جمبها ابتسم وقال ليها : حبي رايك شنو بكره نطلع ?!
جمانه فكرت حبه وقالت ليهو : لا بكره عندي خطط تانيه .
كرم : اوكي بس كنت ناوي افسحك .
جمانه طبعت بوسه على خدو وقامت خلتو استغرب طبعا لكن عمل رايح وضرب لحبيبتو ردت بغنج : هاي يا بيبي .
كرم : بكره جمانه طالعه يعني ممكن نستكين عندي في البيت . ..
جمانه مشت المطبخ عملت اكل كتيييير وضربت ليارا جات ساعدتها بعدين دخلت الاكل التلاجه وقعدت تتونس مع يارا ...

صباح اليوم البعديهو رعد ساق يزن ومشو بيت رؤوف لقو معاهو ماجد فقعدو يلعبو كشتينه كالعاده ولما زهجو بدو ف البليستيشن بعد شويه رعد قال ليهم : اها وينو فطورك انا مستعجل .
رؤوف: آآآآااا بالنسبه للفطور .. هه نسيت اعملو 😅
ماجد : عازمنا فطور ونسيت تعمل الفطور 😒
رؤوف: ما ذنبي انت جيتني من الصباح ولهيتني .
يزن : خلاصة الموضوع ماف فطور 😖
رؤوف: ممكن نطلب جاهز .
رعد : ابو دي عزيمه انت واحد ما منك فايده .
المهم هم بتشاكلو ماجد جاتو مكالمه رد : الوهاا
صوت انثوي : هاي ماجد انا جمانه ?
ماجد : جمانه ف شنو انتي كويسه ??!!
جمانه : لالا انا تمام بس عايزه اعرف انت وين .
ماجد : عايزه تجيني 😨
جمانه : يب .. في مانع ??
ماجد : لالالا حارسل ليك العنوان في مسج .
جمانه : تمام .
قفل الخط وقال ليهم : قومو نضفو الدمار الشامل العملتوهو دا رؤوف قوم البس زي الناس وانت يا رعد اقفل الافلام الاباحيه البحضر فيها اخوك دي عشان جايانا جمانه .
رؤوف: جمانه ?? ليه انت وريتها ?!
ماجد : لا ولا حاوريها .
رؤوف وهو بضحك : معناها المزه مكسره فيك 😏
ماجد اداهو عين حاره وقامو نضفو البيت ويزن من عرف انو ف بت جايه قام سرح ليك الشعر وزرر القميص والعطر دا خليه سااي وقعدو بكل ادب منتظرنها تشرف

#انثى_في_عالم_الذئاب
#الجزء_الخامس

بعدما جمانه طلعت بمسافه كرم نادى حبيبتو البيت..
ماجد والشباب كانو قاعدين فسألهم : لحظه اسي لو جات حنأكلها شنو !
رعد : هو احنا لروحنا لاقين 😒
من كمل جملتو بجاي سمعو الجرس بجاي ماجد و يزن اتسااااابقو للباب دا بجر دا و بدوس دا وفي النهايهبعد قتال مرير يزن وصل للباب اول عاينت ليهو باستغراب لكن عرفتو فسألتو : مش دا بيت ماجد ولا غلطت ف العنوان ?
ماجد جا ناطي : اي اي بيت ماجد اتفضلي .
طبعا هو لما شاف اكياس الاكل الشايلاها قرب يقلعها منها لأنهم كانو ميتين من الجوع والريحه براها عامله شغل هي اتفاجئت لما لقت رعد و رؤوف لأنها جات ع اساس انو بيت ماجد فقالت ليهم : شكلي جيت ف وقت م مناسب .
رؤوف وهو بعاين للاكل : اكتر من مناسب 😵
فما سلمت عليهم بس ختت الاكل وكانت ماشه يزن وقفها : لحظه ماشه وين ?!
جمانه : انا جيت بس عشان اشكر ماجد لأنو رفع معنوياتي نا زي ناس كده 😑
قالت الجمله دي وهي بتعاين لرعد فابتسم وقال ليها : انو يكذب عليك عشان يبسطك م حاجه كويسه احسن تسمعي الحقيقه وان كانت بتوجع .
جمانه : لالا الزول دا لا يطاق 😤
ماجد : ماف مشي اقعدي افطري معانا بالمره .
رعد : عشان نتأكد انو ما مسموم 😏
جمانه سفهتو بس وبعد اصرار من ماجد ورؤوف و يزن قعدت تفطر معاهم
بعد م خلصو اكل جمانه شالت الصحانه تغسلهم ماجد قال ليها : لالا وين دي مهمة رؤوف.
رؤوف: عارف و قايم ..
فشال الصحون ومشى المطبخ وماجد قام يساعدو يزن بالراحه انسحب وخلاهم براهم هو ما ركز معاها كان شغال بتلفونو فسمعها : رعد.
رعد : نعم
جمانه : احساسك شنو وانت بتقتل الناس ?!
رعد : اسألي رؤوف و ماجد انا م بقتل مدنيين بعدين اصلا الشغل دا خليتو لي 6 سنين .
جمانه : اها انا عارف .. البشوفكم م بقول مجرمين انتو طيبين شديد و دمكم خفيف حتى اشكالكم م بتديك احساس قتله .
رعد : المظاهر خداعه ... صح ممكن اسألك سؤال لو م حتتضايقي ?!
جمانه : اتفضل ..
رعد : العجبك في كرم دا شنو ?! ليه اتزوجتيه .
جمانه : م عارفه اهلي زوجوني ليهو بعدين بقذت احبو بس انت عارفزكان نفسي اتزوج منو ..😃
رعد عاين ليها باهتمام فواصلت بحماس : لوسيفر 😍 ما اظنك بتعرفو لأنو ما شكلك زول ملم بالأدب لكن لوسيفر دا حبي الاول م عارفه شكلو ولا عمرو لكن بحبووووو .
رعد : اها وقريتي ليههو شنو ?
جاوبت : كل شي اي كتاب بنزلو بقراهو بس اكتر واحدين حبيتهم رحيق شفتيها و عندما تسقط اوراق الخريف ديل دماااار 😍😍
رعد باستهتار : ذوقك زباله الصراحه واتأكدت منو لما شفت كرم ..

جمانه : انت الزباله 😒
فابتسم وعاين لتلفونو لقى مكالمه وارده من سكرتيرتو فرد عليها : نعم ي حلا ..
حلا : مستر رعد شكلك نسيت المقابله مع ناس التلفزيون .
رعد : اه شيت طب دقايق وبجي .
ف اللحظه ديك جا رؤوف فسألو : على وين?
رعد: عندي مقابله لازم امشي خلي يزن يبيت معاك وبكره وديهو المدرسه عليك الله .
بعدين طلع سرعه وخلاهم جمانه : بالله يزن ورعد اخوان ? ماف علاقه بينهم نهائي .
رؤوف: لسه انتي م شفتي حاجه .
جمانه قامت وقالت ليهو : بعد كده انا حارجع البيت . ّرؤوف: استني اوصلك .
جمانه : لالا خليك اصلا عايزه اتمشى .

تسابيح جهزت واتمكيجت و دخلت مكتب فخم كده كان معاها مصورين وناس غريبين بكمراتهم وكده فقعدر واستنو بعد شويه جا رعد سلم عليهم وقعد تسابيح اجرت معاهو المقابله وهي منبررررررشه للنخاع عيونها ما شالتهم عنو ..
جمانه دخلت البيت وهي بتدندن ومبسووطه فطلعت غرفتها فتحت الباب شافت منظر عمرها ما اتخيلتو وهنا كانت الصدمه ما عرفت تبدي اي ردة فعل بس كانت واقفه زي الصنم وبتشوف راجلها مع صديقة عمرها ..
كرم اتلفت ليها فقال لروحو : اووه شيت ..
جرت المطبخ هو لبس ملابسو وحصلها لقاها ف المطبخ واقفه وبتعاين بالشباك فقال ليها : جمون والله بقدر اشرح ليك .
جمانه : تشرح شنو 😅
كرم : بالنسبه للشفتيه...
فقاطعتو وهي بتصلح ليهو زرارة قميصو : بس انا م شفت حاجه .
ف اللحظه ديك جات يارا نازله وهي لافه على روحها الملايه جمانه ابتسمت وقالت ليهم : اقعدو حاسخن ليكم الاكل .
كرم كان عارف هي بتتصرف كده ليه ودا الششي البجد حسسو بالذنب فمسكها من يدها وقال ليها : جمانه كفايه ..
جمانه : 😐
كرم : عارف قدر شنو بتحبيني و م عايزه تخسريني عشان كده بتتصرفي بالطريقه دي بس ي جمانه الامور م بتمشي كده كوركي صرخي شاكلي نبزي ابكي اعملي الدايراهو بس م تقضلي كده .
وقبل م ترد سبقتها يارا : جمانه بالجد اسفين لكن اناي لازم تتقبلي الواقع كرم بحبني انا ما انتي .
كرم بعد صمت طويل : جمانه انتي ......طالق ...
طبعا هي م كانت قادره تستوعب اتصدمت و بدون ما تحس لقت روحها بتبكي فقالت ليهو وهي بتمسك يدو : كرم انا اسفه ح..حاعتذر من امك و عمري م حاشاكل تسابيح بس م تعملزفيني كده وحتى وحتى لو عايز عرس يارا برضو بس م تطلقني كرم انا م عندي غيرك ..
كانت بتقول الكلمات دي وهي بتبكي كرم

سكت ونا قدر يقول ليها حاجه انتظرتو كتير ما رد فجرت وطلعت من البيت ..
فريده كانت راكبه ف برادو و معاها واحد غريب كده سايق ليها كانو واقفين قدام باب بيت ناس كرم فلما شافو جمانه طلعت اتحرك عليها بسرعه جنونيه كانو ناوين يقتلوها جمانه شافت العربيه جايه عليها بس ما كان عندها نفس تتحرك فاتجمدت في مكانها وفي اللحظه الخلاااااص قرب يدعسها حست بزول جراها من يدها عاينت لفتو كرم فكورك فيها : انتي مجنونه ??? دايره تقتلي روحك !!!
جمانه عاينت ليهو وبقت تبكي فحضنها وقال ليها : هششش خلاص ما تبكي ... انتي بتستاهلي واحد احسن مني بكتير ..
يلا في الاثناء دي ماجد جا مع يزن وهم شايلين صحانه نستها عندهم في البيت فشافوها بتبكي ماجد سألها : جمانه انتي كويسه ?
كرم : دا منو ..
ماجد : م شغلتك انا بتكلم مع جمانه 😑
كرم كان عايز يشاكلو يارا قالت ليهو : ياخ مش طلقتها مالك ومال دا منو .
ماجد ركز مع كلمة طلقتها دي وحس انو قلبو اتقطع عليها لأنو حالتها كانت بالبلا وعيونها ورمو من البكى .
رعد خلص المقابله وكان طالع من الشركه تسابيح نادتو : يا مسيووو .
رعد وقف ليها فابتسمت وقالت ليهو : الحوار معاك كان حلو شكرا على وقتك .
رعد وهو بعاين لجسمها كلو : العفو بس ممكن سؤال !
تسابيح بحماس : اكيد
رعد : مش انتي جايه مقابلة شغل الداعي شنو للبنطلون المجبص والفنيله الفوق الصره ?
تسابيح : يعني ما عجبوك !
ابتسم وقال ليها : معليش انا مشغول ..
تسابيح : طب ممكن رقم تلفونك .
رعد وهو بمشي : المره الجايه ..
بعدين خلاها ركب عربيتو ومشى وهيدخلاص دابت دوووب قلبها بقى يقول شححح فجرت للسكرتيره حنكتها وشالت منها رقمو ...
رعد نزل قدام مستشفى كبير ودخل مشى مكاب دكتور كبير في السن سلم عليهو ويعد بعدين سألو : اها يزن حالتو كيف ?!
الدكتور : مستقر حاليا بس ممكن في اي لحظه يسوء عشان كده لازمو العمليه سريع .
رعد : لسه م لقيتو متبرع ?!
الدكتور : مع الاسف لسه.
رعد شد على قبضتو وحس بخيبة امل ما عاديه فاتتنهد بعمق وقاوم دموعو بصعوبه ....

#انثى_في_عالم_الذئاب
#الجزء_السادس

ماجد ويزن فتحو الباب لجمانه ودخلوها ماجد كان شايل ليها شنطتها فابتسم وقال ليها : اهلين ف بيتي المتواضع .
جمانه : اسفه بكره حاشوف محل اقعد فيهو .
ماجد بانزعاج : دا شنو الكلام دا مستحيل اخليك تمشي .
فعاينت ليهو ودخلت من سكات ..البيت كان حالتو كعبه وسخان جنس وساخه الهدوم في الواطه وبواقي الاكل في الكنبه والسجاير مجدعه والحاله بطاله يزن همس ليهو : فضحتنا ..دي شنو الخرابه العايش فيها دي .
ماجد : ههه حاجه بتمشي الحال .
كمل جملتو بجاي شاف ليك ليك جمانه داخت بجاي ووقعت لحقها سرعه وشالها وداها غرفتو وخلى يزن يضرب لرؤوف و رعد ..
تسابيح رجعت البيت والفرحه ما سايعاها لقت امها زهجانه فسألتها : مالك يا امي ?
فريده : حاولت اقتل القزمه لكن اخوك الغبي دا انقذها
تسابيح : كيف يعني ?
فريده : قربت ادعسها بالعربيه لكن كرم جراها في اخر لحظه شكلها حالفه يمين ما تموت .
تسابيح : اه تمام تمام ..
فريده : واضح انك م مركزه معاي .
تسابيح وعي بتطلع غرفتها : مااااف شي ..
رقدت في سريرها وبدت تتذكر معالم وشو ملامحو الرجوليه صوتو المبحوح طولو عيونو عضلاتو نظراتو كل شي فيهو كان بدوخ فقعدت تتبسم براها وهي بتلعب بشعرها فجأه قاطع احلامها الورديه اتصال من رؤوف فقعدت زي الناس وردت : نعمين..
رؤوف: لسه زعلانه ?
تسابيح : اي زعلانه حتراضيني بشنو 😏
رؤوف: انتي دايره شنو !!
تسابيح بدلع : حسابي مصفر انا..
رؤوف: اعتبريه اتملى كده مبسوطه ?
تسابيح : يب
فودعها وقفل عاين لرعد وقال ليهو : وكده رضيت سبوحه ..
رعد : نفسي اشوف سبوحتك دي 😂
ماجد كورك ليهم : هوي ما تتهرب من الشغل ..
رؤوف مسك المكنسه الكهربائية وبدا يشتغل وماجد بهناك بلم في الملابس ويزن بغسل في الحيطان ورعد شغال بلابتوبو يزن قال ليهم : اشمعنا كلنا بنشتغل والسيد رعد شغال باللابتوب 😑
رعد من غير ما يرفع راسو من اللابتوب : رعد زيدان بذات نفسو يشتغل عشان بت 😂
ماجد عاين ليهو كدااااا مشى جاب جردل مليان مويه بااااارده ولف وراهو وقوم يا ماجد شيل الجردل واكشحو فيهو رغد قام بسرعه وهو بكورك : دا شنو يا....
يزن ماااات من الضحك ورؤوف احساس عاقل وكده كتم الشماته تحت تحت فقال ليهم : اي اضحكو اضحكو ..
فشال اللاب توب وفنا بيهو ماجد ... ماجد برك ف الواطه وقعد يضحك في منظرو احساس كلو مبلول وشعرو نازل في وشو فقال لماجد : اديني قميص سريع .
ماجد وهو بلم ما بقي من الشهيد اللابتوب : الاقمصه ف غرفتي امشي غير .
فمشى غرفة ماجد فتح الدولاب طوالي وما لاحظ انو جمانه نايمه هناك كان ناسيها اصلا فطلع القميص والفنيله الداخليه وقعد يفتش في قميص مقاسو والعضلات تسوي كدي والسكس باك فظييييعه الموهم ما علينا وهو بفتش جمانه فتحت عيونها بقت مبهوته لما شافتو بالمنظر دا وديك يا الكوريكه ماجد ورؤوف و يزن جو جارين رعد كان بعاين ليها باستغراب ماجد سألها : في شنو ??
جمانه بعصبيه : دا الجايبني عشانو ??تسليه ليك ولأصحابك ! غلطانه الوثقت في واحد من الذئاب .
ماجد ما عرف يضحك ولا يبرر ليها رعد ببرود : لو كنت عايز اعمل فيك حاجه كان عملتها من زمان فأبردي ...
جمانه بعصبيه : اطلع بره .
رعد : طالع من غير كلامك 😒
بعدين مشى وساق معاهو رؤوف و يزن ماجد قعد جمبها وقال ليها : انا كشحت فيهو المويه وجا يغير قميصو رعد ما زي ما انتي فاكره .
جمانه : اسفه 😖
سكتت حبه بعدين سألتو : انت م بتعرفني ولا عندك مصلحه معاي طب ليه بتساعدني ?!
ماجد سكت و قرر انو يحكي ليها لأنها كده كده انفصلت عن كرم وما عندها زول غيرو فابتسم وقال ليها : متذكره واحد زمان كان بلعب معاك سك سك و بخوفك بالضب وكان بهرب معاك لبستان النخيل يومي ?! متذكره واحد كان بحبك اكتر من روحو و وكان بدق بنات الحله عشانك !
جمانه بلعت ريقها بصعوبه وهي ما قادره تصدق فقالت ليهو بدهشه : م..مستحيل .. مستحيل تكون ماجد ..انت ...
ماجد اتوقع انها حترفضو احساس اخوها يطلع مجرم فقام خلاها وهو بالعافيه ماسك دموعو فسمعها قالت ليهو : ماجد اخوي كان اكتر ولد غياظ في الدنيا وانت اطيب منك ماف مستحيل تكون ماجد الزمان 😍😢
ابتسم ورجع ليها حضنها بقوه بلهفه بعنف كآنو تاني م حيلقاها جمانه كانت القطعه المفقوده منو كانت عيلتو اللقاها بعد سنين فقالت ليهو وهي بتبكي : ليه ما وريتني من البدايه?
زح منها حبه وقال ليها : كنت فاكرك حترفضيني لأني خارج عن القانون .
جمانه : انت اخوي ولو كنت مجرم ..
رعد كان قاعد في الكنبه وفااااير رؤوف سألو : اسي انت معصب كده ليه 😐
رعد : حسستني اني منحرف 😬 .
يزن : وانت اساسا منحرف 😏😌
رعد : انا ?!!!!
يزن : قايلني ما عارف بالبنات البتجيبهم البيت بعد ما انوم😏
رعد : اسكت انت بلاش فضايح .
رؤوف ضحك وقال ليهو : اسي خلينا في المهم في مافيا قاعد تضايق عصابتنا ولازمني مساعدتك .
رعد : للمره المليون انا خلاص بطلت .
يزن : دقيقه دقيقه مافية شنو و عصابة ش

نو ?
رؤوف: fuck😰😓
رعد : اااااا دي لعبة فيديو .
يزن : اسمها شنو 😓
رؤوف: يزن لف من هنا امشي شوف ماجد بعمل في شنو ..
يزن خلاهم ومشى فوق لجمانه اللي طبعا اتلهت بماجد ونست موضوع كرم حبه يزن جا ناطي ليها في السرير فقال ليها : عندي ليك سر 😀
جمانه : سر ???
يزن : اي مش انتي بتحبي لوسيفر 😈
جمانه : بمووووت فيهو ❤❤
يزن بخبث : يلا لوسيفر البتموتي فيهو دا ياهو السيد رعد زيدان 😂 ...الكاتب المجنن البنات .
رعد كان واقف بغسل في شعرو فجأه يشوف ليك جمانه جاريه عليهو هو لمن خاف على روحو احساس البت جايه مندفعه التقول جاريه في ماراثون ونطت اتشعبطت ليك في رقبتو رعد بصعوبه : ما قادر اتنفس 😵😭
جمانه : بحبك .. والله العظيم بحبك . 😍
رعد : كده انزلي بعد داك نتفاهم 😵
جمانه زحت حبه وقالت ليهو : انت م عارف انا بحبك قدر شنو حياتي كلها متمنيه اشوفك عامل كيف .
رعد : ما فاهم بتقولي في شنو انتي ..
جمانه : ما تتغابى انا عارفه انك لوسيفر .
رعد بعصبيه : يزاااااااااااااااااااااااااااااااااان 😬😬😬😬😬
رؤوف: بتكورك مالك ?
رعد : اقسم بالله الليله حاطهرو وينو ابن الحرام دا ?
ماجد وهو بضحك : نط بالبلكونه قبيل 😂
جمانه : المهم اني بحبك وخلاص ..
رعد : ماشي يا ستي بس ياريت الموضوع دا يفضل سر ..
جمانه وعي بتنطط : لالا سر وين الا اوري يارا ...
فجرت على التلفون فجأه ...وقفت لما اتذكرت الحصل وقعدت في الواطه بدون ما تحس ضحكاتها اتقلبت دموع و بقت تبكي بحراره ماجد و رؤوف وحتى رعد بيو يعاينو ليها بأسف وهم ما قادرين يساعدوها في حاجه ...