#انثى_في_عالم_الذئاب
#الجزء_السايع

مرو اكتر من شهرين و تسابيح و كانت مصره تحتك لسه وهو م جايب خبرها وبدون ما يحس كان يوم عن يوم بتجذب اكتر لجمانه وبعجب بشخصيتها اكتر واكتر وهي بدت ترجع لطبيعتها لكن لسه كانت حاسه بحاجه وعندها امل انو كرم يرجع ليها ...
المهم في يوم من الايام كانو الخمسه قاعدين مع بعض في بيت ماجد ... كانو بلعبو صراحه وجراءه الا رعد كان بعاين ليهم ساي يلا يزن قال ليهم : انا عايز اسأل ماجد .
ماجد : اسأل يا بعد عمري ..
يزن : حصل حبيت ?
ماجد : حياتي عباره عن انتو ما فكرت اصلا اتعرف على بت . ...يلا انا عايز اسأل رؤوف.. انت بالجد شايف انو تسابيح الميت فيها دي بتحبك ?!
رؤوف: لو بتحبني او لا انا بحبها ودا كفايه بالنسبه لي ... يلا دوري حاسأل جمونه ..شايفه انك ممكن تحبي بعد كرم ?
هنا رعد ركز معاهم جمانه ابتسمت وقالت ليهو : ممكن ما اجاوب على السؤال دا ...
اتغاظ لكن بلعها ف حنانو فقالت ليهم : حتفكرو يوم تتخلو عن شغلكم دا ?
رعد جاوبها : وانتي دخلك شنو 😒
جمانه : انا عايزه اصلحكم واصلحك انت بالذات .
رعد : معليش انا مصلح اساسا و ما محتاج تهذيب .
يزن وهو بقلد صوت البت : اااه يا رعد ..شويه شويه يا رعد ... بالراحه وااي يا رعد قال مهذب قال هاك الادب دا 😏
رعد طوالي رجع لورقو وعمل رايح وماجد يضضضضضحك يلا قاطعهم صوت الجرس يزن جرى فتح لقى راجل كده سلم عليهو واداهو كرت مزين يزن شالو وقفل الباب بعدين اداهو لجمانه وقال ليها : قال دا ليك ..
فشالتو وفتحتو فجأه ملامحها اتغيرت وبقت ابكي ماجد باستغراب : في شنو ?
ما جاوبتو ما كانت قادره تتكلم فأدتو الكرت قراهو لقاهو كرت دعوة لعرس يارا وكرم ... بقت تبكي تبكي تبكي قدرتها طلعت القهر الجواها كلو رعد عاين ليها لبس جزمتو وطلع رؤوف طوالي لحقها بعد ما جرت فوق قعد جمبها وقال ليها : اوعك تسمحي ليهم يكسروك هم اصلا لما رسلو ليك الكرت كانو قاصدين يعملو فيك كده فما تحققي ليهم غايتهم انتي اعلى وارفع من انك تبكي وتبهدلي نفسك جمانه اعرفي قيمة روحك تمام ?
جمانه فكرت في كلامو واقتنعت بيهو هي ليه بتعذب روحها عشانهم وهم ما جايبين خبرها فابتسم وقال ليها : يلا وين الغمازات الحلوه ..?!
جمانه ابتسمت وحضنتو فباسها في جبينها ومشى
رعد كان قاعد في صدام عربيتو قدام الشاطئ وبراقب في النوارس فجاهو ماجد رعد باستغراب : عرفت اني هنا كيف ?
ماجد : انا حافظك اكتر من روحك لما تزعل بتهرب تجي هنا طوالي فممكن توريني مالك ?!
رعد اتنهد بعمق وعاين للبحر بعدين قال ليهو بعد صمت : ما شفتها زعلت كيف !! واضح انها لسه بتحبو
ماجد باستغراب : بس قول لي انك بتحبها 😱
رعد بسرعه : نعم ياخويا انا ???? لا لالا بحبها يعني انا مابحبها قصدي ...
ماجد ضحك وقال ليهو : طول عمرك م بتعرف تكذب.
في البيت رؤوف طلع يشتري حاجات من السوبر ماركت جمانه جات نازله ليزن فقالت ليهو : يزون ارح معاي .
يزن : وين ?,
جمانه بخبث : محل ناس كبار 😈
يزن عجبو الموضوع طبعا فانسحبو بالراحه ومشو محل غريب كده اشترو ويسكي وبيره و طلعو وجمانه تشيل وتشرب ويزن ماقدر يمنعها فمسكتو من يدو ومشو الصاله الفيها العرس و دخلو طبعا اجواء العرس خرافيه عري ملكي بكل المقاييس الزينه والكوشه والناس زاتهم يعني حاجه كده رهيبه والناس دي هايجه وبترقص جمانه طلعت فوق وفصلت وصلات الDJ فجاه الواطه صنت الناس كلهم بقو يعاينو ليها و كرم مبهوت فمسكت اقرب مكرفون وقالت ليهم : ااااااو يا ناس واه منك يا ككرم انتو ليه بتعملو كده وانتي يا يارا مش كنتي صحبتي و اعز انسانه ف حياتي ليه خنتيني يا دوده يا حقيره .
المعازيم كلهم بقو يعاينو ليارا و كرم فريده كوركت للسكيورتي : نرلو المخلوقه دي سريع .
جمانه سمعتها سمعتها فقالت ليها وهي بتضحك : اهااا العجوز المخرفه بدت تحكي يا نصابه يا سراقه دي اخرتك تسرقي القروش من حساب ولدك !!
كرم بقى يعاين لأمو باستغراب جمانه واصلت : لحظه لحظه في فضيحه تانيه اختك العاجباك ست الحسن والجمال لا قرت اعلام ولاعندها علاقه بيهو يومي في سرير راجل لمن بقت مزيعه مشهوره لا والالذ حملت وسقطت وانت زي الطرطور يا طيره .
تسابيح خلاص انهارت وبقت دايره ليها طريقه تتخارج وجمانه تضحك وهي سكرانه طبعا وبدت ترقص ولا كأنها بوظت الحفله ناس الامن جو طردوها بره يزن لحقها ووداها البيت ...
كرم عاين لفريده وتسابيح وقال ليهم : بره ..
تسابيح : انت مصدق كلام المخبوله دي !!
كرم : جمانه ممكن تكون مخبوله و مجنونه ولي حاجه بس ما كذابه ولا عمرها كذبت . .. وامشي للناس االبقوك مزيعه خليهم يصرفو عليك انتي وامك لأنو كرم من الليله بالنسبه ليكم اعتبروه مات .
يزن وجمانه وصلو البيت يزن قفل الباب كان حاسي بألم ما عادي في صدرو دخل المطبخ بلع ترامدول ونام وخلى جمانه بتطقش ساي في البيت النور مطفي وهي ما فاهمه حاجه تمشي بجاي تطقش الكنبه تمشي بجاي تطقش الحيطه وحااايمه ... رعد كان في غرفتو فحس بحركه تحت قام نزل ك

ان لابس ترينينغ رمادي وفنيله بيضاء فتح النور شاف ليك جمانه بتطقش ساي قعدها في الكنبه وقال ليها : دا انتحار بالحركه البطيئه !!
جمانه : انت لوسيفرر 😪
رعد : اهااااا الاخت سكرانه ... يزن وين ?
عاينت ليهو وقعدت تضحك فخلاها ومشى يفتش يزن لقاهو في المطبخ نايم فشالو وداهو غرفتو ورجع لجمانه شالها وهي بتعضي فيهو وداها غرفه فاضيه جمب غرفتو ختاها في السرير وكان ماشي فمسكت يدو عاين ليها وقعد جمبها فقالت ليهو : انت ليه لوسيفر ? م بتشبهو ف حاجه ..
رعد ابتسم وما قال حاجه فكملت : انا بحبك والله ..
بعدين قربت وحضنتو هو ولا كضب طوالي اتجاوب معاها وبدت الحاجات الما حنينه فقالت ليهو : كرم لااااااا ما كده ..
هو كلمة كرم دي استفزتو استفزاز وهاااج شديييد فخلاها ورزع الباب وراهو ومشى غرفتو ...
الصباح رعد خلص تمارينو الصباحيه واتحمم وبما انو اليوم عطله قعد في الحديقه يقرا روايه جمانه صحت وعي مصدعه شديد عاينت كده لقت التيشيرت بتاعها في الواطه بلعت ريقها بصعوبه وخلاص فااارت من جوه فلبست ومشت ليهو بره ابتسم وعاين ليها بعدين رجع لروايتو فسألتو بحده : امس حصل بينا شنو 😬
رعد وهو بعاين في الكتاب : ولا شي بس زلو عايزه ما عندي مانع .
هي خلاص هاجت شديد فأدتو ليك حلات كفففف طبعا هو الموضوع اكل معاهو جمبه فقالت ليهو :يا منحط ما صح تستغل بت في ظروفي .
رعد خت الكتاب و وقف على خيلو قرب ليها ولوى ليها يدينها ورى ضهرها بعدين قال ليها : اولا انا ما استغليتك تانيا انتي اول بت تمد يدها علي وبإمكاني اني اكسرها اسي تالتا ما حافكر آذيك لأني بحبك ..
بعدين فكاها ومشى هي دخلت في صدمه ما عرفت تبكي على يدينها الواجعنها ولا على الصداع الشاقق راسها ولا على المجنون القال ليها بحبك فقعدت في كرسيهو وسرحت بعيييد...
رعد وهو ماشي شاف يزن بلعب بالبلستيشن فمشى ليهو وقال ليهو : بقيت تتخطى حدودك شديد .
يزن : يا لهوي انا عملت شنو 😨 .
رعد : عندك 3 ايام غايب عن المدرسه وتانيا امبارح مسكر البت مالك والزفت البتبلع فيهو دا تبطلو دا غير انك معاقب لمدة شهرين لا تلفون لا تلفزيون لا طلعات بيت ومدرسه ومذاكره فاهم ?
يزن باستهتار : متأكد اني حاعيش لمدة شهرين ?
رعد : شهرين والعمر كلو يا يزن .
يزن : بطل تكذب على روحك كلها كم يوم فاضله لي وحاموت خليني استمتع بيها .
يزن مشى غرفتو وخلاهو فبدا يكسر في الحاجات بعصبيه واي شي قدامو يكسرو اخيرا هدا حبه وقعد في الكنبه وضرب لعمو حسين ... حسين رد : ايوه ي رعد.
رعد بانكسار: لسه عرضك قائم ?
حسين بحماس : اخيرا قررت تعمل الحاجه الصح .
رعد بمراره : حتسوقو متين !
حسين : حاجهز الاوضاع هناك ونشوف ...
جمانه رجعت البيت لقت ماجد مستنيها سألها : امبارح بتي وين قلقتيني عليك .
جمانه : ممكن نتكلم بعدين ?
ماجد : براحتك ..
فطلعت غرفتها هو عاين ليها وما كان فاهم حاجه...

#انثى_في_عالم_الذئاب
#الجزء_الثامن

في اليوم التاني رؤوف كان قاعد في بيتو وبفطر براهو وكان قدامو ورق فيهو مهام غريبه كده يعني سرقة بنوك و عمليات خطف وكلام زي دا فسمع جرس الباب خت الورق و كباية العصير الكانت في يدو وقام فتح لقاها تسابيح فرح شديد لما شافها فقال ليها بحماس : اخيرا بعد شهرين اتذكرتيني 😃 .
تسابيح وهي بتضمو : في زول بنسى روحو !!
رؤوف: تعالي افطري معاي جيتي في الوقت المناسب .
فساقها ومشو يفطرو مع بعض بعديها بشويه رعد جا لقى الباب فاتح فدخل ساي سمع اصواتهم في الجنينه فمشى ليهم اتصدم طبعا لما شاف تسابيح فعاين ليها باستغراب رؤوف لما شافو ابتسم وقال ليهو : والله توقيتك عينه اخيرا حاعرفك على حب حياتي .
رعد وهو بعاين ليها : اتشرفنا ..
تسابيح لمن الهوا ضربها لما ما ورى رؤوف انها جاريه وراهو فقال لرؤوف : ما حازعجكم اكتر من كده انا ماشي .
رؤوف: لالا ياخ ازعاج شنو اقعد ساي و صحي جمونه وين ?
رعد : تقريبا رجعت بيتهم .
تسابيح : لحظه لحظه جمانه الواحده دي ولا غيرها !
رؤوف: ياها زاتها عايشه مع ماجد .
تسابيح : اها تمام تمام .
رؤوف: دقايق بس حاضرب لماجد و اجيكم .
فمشى جوه يتصل رعد عاين لتسابيح وقال ليها : اوعك ثم اوعك تفكري تأذي اخوي انا ما وريتو حقيقتك عشان ما يتصدم بس احسن تبعدي عنو براك مفهوم ??
تسابيح وهي بتضحك : غيران ولا حاجه ! 😏
رعد : غيران ????!!! ولله في خلقه شئون .. المهم ابعدي عنو بحذرك تلعبي بمشاعر رؤوف فاهمه..
بعدين خلاها ومشى لما رؤوف جا قالت ليهو جاهو تلفون وطلع ..
ماجد كان بطبخ ومستكين وبغني بأعلى صوتو جمانه جات نازله شافت تلفونو قاعد في الصاله كانزفي رساله وارده من رعد مكتوب فيها : ماجد بالجد انا تعبان محتاج اتكلم معاك تعال الشاطئ لو فاضي.
عاينت للرساله كدااااا و ماقدرت تمسك نفسها فمشت تشوفو عشان تكمل الشكله فلبست ليها جاكيت وطلعت..
هو كان قاعد كالعاده في صدام عربيتو وسرحان في البحر فشافها جايه ابتسم ببرود وقال ليها : جايه تديني كف تاني ?!
جمانه : جيت اتأكد كنت جادي في البتقولو ولا بتهظر
رعد : شكلي كان شكل هظار !!
فعاينت ليهو وم عرفت ترد قعدت جمبو في الصدام كان في لحظات من الصمت والهوا بحرك شعرها وشعرو 😭😂😂 زهجت من سكاتو فقالت ليهو : واضح مزعوج في شنو ?
رعد : يزن عيان شديد ومفروض يسافر .
جمانه بخلعه : سجمي !! عيان بشنو!
رعد : من اتولد كان قلبو ضعيف ولما امي وأبوي اتوفو تعب اكتر كان عمرو 6 سنوات بس وما قدر يتحمل كنت براي واهلنا ما خلو شي حتى البيت طلع ابوي راهنو ما كان عندنا زول غير حسين وحتى هو اتخلى عننا سافر تركيا وخلى اولاد اخوهو براهم ودا السبب الخاليني اكرهو لأنو م ساعدني كنت براي عمري 16 سنه ما عرفت اعمل شنو او اعالجو كيف كان قلبي بتقطع لما اشوفو بتوجع وماقادر حتى ينوم من شدة الالم وفي الوقت داك اتعرفت على ابو رؤوف الله يرحمو اللي هو المؤسس الاصلي لعصابة الذئاب فبقينا اصحاب و كنت مضطر امشي في السكه الغلط دي عشان علاج يزن وعشان مصاريف المدرسه والبيتوبعد اربعه سنوات لما اتخرجت من الجامعه اشتغلت واشتغلت لحدي ما كونت نفسي وعملت شركتي الخاصه واعتزلت الشغل دا من الوقت داك وانا بفتش على متبرع ليزن وما لاقي اسي حالتو ساءت شديد ولو م اتصرفت حيموت ...
جمانه م كانت مستوعبه السمعتو ياداب حست انو رعد بالجد انسان عظيم فقالت ليهو : بس اسي يزن حيسافر وكل شي حيتصلح ليه زعلان ?
رعد : لأنو حسين اشترط اني م اسافر معاهو .
جمانه : انا اكتر زول بعرف يعني شنو فقدان اخ والصراحه تفقدو كم شهر احسن منا تفقدو العمر كلو
رعد ابتسم ابتسامه باهته وسكت ما كان قادر يقول شي اماهي كانت بالجد زعلانه عليهو وحاسو بوجعو فمسكت يدو احساس تطمنو وكده عاين ليها ورجع يعاين في البحر ...
مر اليوم داك ورعد بفتش في طريقه يوري بيها يزن انو مفروض يسافر وما لاقي...
في بيت كرم كان قاعد يحضر في التلفزيون ومستكين فقال ليارا : حبي اعملي لي حاجه اكلها جعان.
يارا وهي بتضرب منكيرها : مشغوله انا اعملو براك.
كرم عاين ليها مسااااااافه ومشى يعمل لروحو اكل فقال لنفسو : آه ياحليلك يا جمون .
تسابيح رجعت بيتهم بعدماقضت اليوم مع رؤوف لقت امها واقفه ليها في الباب سألتها بحده :,بتي وين امبارح ?!
تسابيح : مع رؤوف في مشكله 😒??!!
فريده : اكيد في .
تسابيح : اسي خليك من إمبارح كنت وين تخيلي جمانه بقت عايشه مع واحد اسمو ماجد صاحب رؤوف.
فريده : واعمل ليها شنو يعني ?!
تسابيح : امي انتي بتفكري بوين ماحاسه انو لازم ننتقم منها على العملتو فينا !
فريده : اها وناويه تعملي شنو ?
تسابيح بخبث : خلي الموضوع دا علي انا ..
رعد كان متوتر و البقيه بعاينو ليهو باستغراب جمانه كانت واقفه بعيد وبتراقب في الوضع المهم بعد جهد جهيد قدر يتكلم فقال ليهم : يا شباب ويا يزن انا اخدت القرار دا بعد تفكير عميق انا اسف بس مضطر تسافر تركيا .
يزن باستغراب : تركيا ?? لي

ه ?
رعد : لأنو انا تعبت مستحيل القى متبرع هنا وماربقدر اشوفك بتموت قدامي وانا قاعد اتفرج .
يزن : لالالالا مستحيل اخليك مابسافر.
رعد جثى عل ركابينو ومسك يديهو بعدين قال ليهو : افهمني يايزن انا برضو صعب علي الموضوع دا بس ضروري تسافر ما تعذبني اكتر من كده .
يزن عيونو اتملو دموع وما قدر يقول شي رعد فك ليهو يدينو وطلع غرفتو ماجد قال ليهو : ياخ زعلان ليه هو انت لاقي حريم تركيا المزز !😍
رؤوف ابتسم وقال ليهو : وكمان م حيكون في رعد ينكد عليك عيشتك اعمل دا وسوي دا وخلي دا .
وقعدو يتكلمو معاهو ويقنعو فيهو ففكر في الموضوع وقال ليهم : خلاص موافق بس بشرط ..
ماجد بحماس : اتدلع يا ابني ...
بالليل تسابيح جات بيت رؤوف كان البيت فاضي لأنو رؤوف بايت مع رعد ..
دخلت البيت وفتحت الأنوار بعدين مشت غرفتو فتشت فتشت لحدي مالقت مفكره فيها مذكراتو فتحتو وقعدت تقرا لقت ورقه مكتوب عليها : عصابتنا بتواجه مشاكل مع المافيا طلبت من رعد يساعدني لأنو بعرف ناس منهم ورفض بس م حاجبرو حاتكلم مع المافيا واحاول احل مشاكلنا معاهم ..
وتحت لقت رقم تلفون فطوالي ضربت ليهم رد عليها صوت ذكوري خشن : نعم ..
تسابيح : اهلين سمعت انكم محتاجين مساعده.
الصوت : انتي منو ?
تسابيح : فاعلة خير اكيد عايزين تتخلصو من عصابة الذئاب حابه اساعدكم بس عندي شوية طلبات .
الصوت : لاقيني بكره في العنوان الحارسلو ليك دا.
وقفل منها ورسل ليها العنوان ابتسمت بخبث رجعت الحاجات لمحلها ورجعت بيتهم ..

#انثى_في_عالم_الذئاب
#الجزء_التاسع

الصباح تسابيح لبست واتمكيجت ومشت المطعم المفروض تقابل فيهو رئيس المافيا رسلت ليهو صوره ليها عشان يعرفها فقعدت في طاوله في ركن المطعم مستنياه بعد 5 دقايق وقفت برادو سوداء فخخخمه نزل منها 3 رجال واحد منهم قام جري فتح الباب فنزل شاب بكون 27 كده جننننتل لمن بغادي والمهم الكاعن سمممح فجا قعد جمبها فقال ليها : خير يا تسابيح ..
تسابيح : م متذكره اني قلت ليك اسمي .
الود : انتي بتتكلمي مع رئيس المافيا بالمناسبه .
تسابيح : اسمك منو ?
فجاوبها : عمر .. اها خلينا في المهم حتساعديني كيف
تسابيح : انا بقدر اعرف ليك عنهم اي حاجه بس عندي شرط ..
عمر : خير ..
تسابيح : في واحده اسمها جمانه خلص عليها ..
مرت ساعات والشباب ديلك شغالين يحضرو لحفلة يزن وكانو ملخومين شديد لحدي م جات الساعه 11 والحفله بدت عملوها في حديقة بيت ناس رعد
الموسيقى كانت رابه والمشروبات الما ياها والبنات صحبات يزن و رعد يعني الوضع كان ظابط شديد .
رعد كان قاعد جوه الييت وفي يدو كباية ويسكي جمانه جات قعدت جمبو سألتو : مالك قاعد هنابراك والحفله بره ?
رعد من غير ما يعاين ليها : ماعندي مزاج .
فقالت ليهو : طب هات اشرب معاك .
ابتسم وقال ليها : عشان تسكري وتجيبي خارجيات وبعدين اتكفت انا !!
ضحكت وقالت ليهو : م تمسكها لي كنت معصبه .
فابتسم وقال ليها بهدوء وهو مدنقر راسو : انتي عارفه انك ممكن تعملي فيني العايزاهو و ما عندي مانع اموت على يدك .
جمانه : ممكن م نتكلم عن الموضوع دا !?
فهز راسو وسكت بعد شويه حس بحاجه غريبه فقال ليها : اطلعي ليهم بره سريع .
جمانه : لو م عايزني اقعد معاك على الاقل اطلب بلطف .
رعد : دا م وقتو اطلعي سرعه .
فمشت خلتو شال تلفونو وضرب لماجد فقامو جو ليهو جوه رؤوف سألو : في شنو ?
رعد : البيت محاصر حاسي بحركه غريبه دخل اصحاب يزن والضيوف جوه واحنا حنطلع بره نشوف .
ماجد : حادخلهم انتو اطلعو سرعه من الباب الورى عشان م يخافو .
رعد : تمام عندي مسدسات حاوزعها على الرجال.
ماجد طلع بره كش العالم ديلك كلهم دخلهم وهم طلعو بعد ما قفلو عليهم والحاجه الغريبه م كان في اي حاجه ماجد سألو : ما شايف اي حاجه المره الجايه صلح احساسك .
من ما كمل جملتو تلفون رؤوف تلفونو رن رد : الو ..
عمر : اهلين حبي .
رؤوف بعصيبه : يا ابن السافله دا انت صح ?? لو راجل وريني روحك .
عمر : اهدا رايك شنو تتفقد معازيمك ما حاسي انو في زول ناقص !
رؤوف بقلق : ق..قصدك شنو ??!
فقام قفل فيهو رؤوف قال ليهم : اتأكدو لو النلس كلها قاعده .
ماجد ساق راجلين ومشى يشوف رعد سألو : كنت بتتكلم مع منو ?
رؤوف: عمر ..
رعد لما سمع الاسم دا سخخخخخخخخن لدرجة قف لأنو بكره الانسان دا لآبعد الحدود ماجد جا جاري وقال ليهم وهو بلهث : ج..جمانه .. جمانه مافيشا .
رعد خلاص بقى شويه وحيطق فقال ليهم : لا كده اتجاوز حدودو ما حاخليه المره دي .
فقام ماشي رؤوف مسكو من يدو وقال ليهو بعصبيه : انت مجنون ??? م اكتفيت بالعملو فيك المره الفاتت !
رعد وهو بفك يدو : ما خايف منو مستحيل اخلي جمانه معاهو مستحيل م حاقدر .. ..
في محل تاني جمانه ما كانت فاهمه حاجه فجأه كده لقت روحها في محل غريب فجا عمر داخل سألتو باستغراب : انت منو ? .
عمر : والله يا مزه انتي مخطوفه ..
جمانه : يا راااااجل !!😑😑 .
عمر : م خايفه ??
جمانه : كرهتوني ياخ هظاركم البايخ دا م حتخلوه ? وعاين لي كويس لو رعد ولا رؤوف مؤجرنك قول ليهم مااااااخايفه .
عمر : انتي عويره !! بقول ليك خاطفك انا 😬
جمانه : اه اي صدقتك صدقتك .
عمر عاين ليها وسكت فقعد ليهو في كرسي وبقى يراقبها مرت اكتر من ربع ساعه بعاينو فيها لبعض تحمر ليهو ويحمر ليها لما زهجت قالت ليهو : تعال احكي ليك قصه حلوه ..
عمر : انتي م قادره تصدقي اني بالجد خاطفك ?
جمانه : بطل عبط يلا اسمع القصه كان في واحده اسمها جنه كانت بتحب واحد واتزوجتو تخيل بعد ما عرستو بقت شنو ? بقت جهنم 😂😂😂😂😂.
وفكت ليك الضحكه ضحكت ضحكت لمن قربت تبكي وهو بعاين ليها باستغراب احساس دي مالها فقالت ليهو : ما ضحكتك !! طب اسمع غيرها كان في واحد اتنين تلاته .. 😂😂😂😂
وتاني ديك يا الضحكه عمر قال ليها : لا انتي بالجد ما معقوله !! كانو متحملنك كيف بالله .
جمانه بحده : قصدك شنو 😬 لمعلوماتك انا انسانه محبوبه جدا وماف زول بكرهني الا حماتي وبتها ديل استثناء لكن عامة انا شخصيه ظريفه جدا 😑 .
وبدت ترقي وحلفت كان تسكت تاني ...
في الصباح يزن صحى والبيت كانت حالتو مريعه بعد الحفله فلقاهم مقلقين سألهم : في شنو ?
رعد م كان عايز يخوفو عشان ظروفو الصحيه وكده فقال ليهو : ولا شي عمك حسين منتظرك بره عشان تمشو تطلعو الجواز امشي معاهو .
فطلع لبس ومشى لعمو حسين .
بعدما يزن طلع رعد قال ليهم :,وحنفضل كده لحدي متين ?
رؤوف: لحدي م الزفت دا يتصل .
ماجد : اطمن م حيأذيها .
رعد عاين ليهم و طلع ماجد سألو :

على وين ?
رعد : أتمشى .
فقام دور عربيتو ومشى المقر بتاع عصابة عمر حي غريب مهجور ناسو زاتهم بخوفو وقف عربيتو قدام مبنى شامخ لقى رجال بره قال ليهم : كلمو تافهكم دا انو رعد بره وعايز يشوفو .
فضربو لعمر كلموه فقال ليهم يخلوه يدخل .
وصفو ليهو غرفه انيقه كان قاعد فيها عمر براهو فقال ليهو : جمانه وين ?
عمر وهو بحضنو : سلم اول يا صحبي .
رعد بعد عنو وقال ليهو بعصبيه : انا وانت م اصحاب فاهم ?? .
عمر : اصحابك خلوك تجي براك كيف ! م عارفين اني بقدر اقتلك ببساطه .
رعد : اتفصل اقتلني بس خلي جمانه في حالها .
عمر : جمانه م عايزه تمشي صح ي جمانه !!
فجات جمانه طالعه قالت ليهو : يب م عايزه امشي .
رعد باستغراب : انا جاي من هناك عشانك وتقولي لي م دايره تمشي !!!, جمانه م تخافي اموت قبل م اخليهم يلمسو شعره منك .
جمانه وهي بتمسك يد عمر : ابيييييييت .
رعد مسك عمر من ياقتو وكورك فيهو :, عملت ليها شنو ?
جمانه وقفت بيناتهم وقالت لرعد : كفايه ... انا حارجع براي لو عايزه انت امشي.
عاين ليها بحده وقال ليها وهو بطلع : غلطان انا الخايف عليك ...

#انثى_في_عالم_الذئاب
#الجزء_العاشر

بعد م رعد مشى جمانه فكت يد عمر وقالت ليهو : اها عملت القلتو ممكن تقول لي الحصل شنو ?
عمر : حاضر يا ستي قبل كم سنه انا كنت صاحب رعد الروح بالروح بس مع الاسف انا وهو حبينا نفس البت وحصلت بينا مشكله كبيره هو لما زهج من القصه اجبر البت تسافر انا فهمت انهم هاربين مع بعض فقتلت البت وعملت فيهو عمايل.
جمانه بخلعه : عملت شنو 😨
عمر : خطفتو وعذبتو بطريقه وحشيه لو كان اي زول تاني كان مات لكن رعد عندو قوه جسديه مبالغه قعد اكتر من اسبوعين ورجالي بعذبو فيهو لو شفتي صدرو حتشوفي اثار النار .
جمانه : انت مريض كيف تعمل في صحبك كده !
عمر : عارف حتى رؤوف و ماجد خلوني واختارو رعد عشان كده بقيت ضد عصابتهم بس بالجد عايز اصللح علاقتي بيهو .
جمانه : اه ومنتظرو يسامحك ببساطه .
عمر : رعد قلبو طيب بس محتاج شوية حركات بايخه وانا ملك البياخه ..
كرم كان قاعد مع يارا فقال ليها : ياخ غيري الهبل البتحصزي فيهو دا افضي لي حبه .
يارا : كيف يعني هبل احترم ذوقي حبه بعدين افضى ليك اكتر من كده كيف!
كرم : ماشي يا يارا ..
فخلاها وبقى يعاين لتلفونو عاينت ليهو كده وجات خطفت التلفون سألها باستغراب : دا شنو ?
يارا : بفتش رسايلك .
كرم :, يعني ما واثقه فيني?
يارا : ههه انت خنت جمانه الماناقصه حاجه صعب عليك تخوني انا !!
كرم عاين ليها ومرق خلى ليها البيت والتلفون ...
رعد رجع البيت وكان شويه وحيتفجر قعد في الكنبه وكان ساكت بس وعيونو قلبت حمرا من الغضب ماجد سألو : ليه اتأخرت كده ?
رعد بعصبيه : ماجد حل من سماي عليك الله .
ماجد : اوكي كنت عايز اقول ليك جمانه ضربت وقالت حترجع بعد شويه م عارف عمر حاسي بشنو !
رعد : م تجيب سيرة المخلوق دا قدامي مره تانيه .
فسمعو صوت رؤوف: رعد بطل انا وانت عارفين كويس انك لسه بتحب عمر حتى اكتر مني ومن ماجد .
رعد بعصبيه : م تقول كلام اكبر منك .
رؤوف: انا اكتر زول بفهم الناس .
رعد : لو عايز تفهم افهم الصعلوقه البتغش عليك دي 😬😬😬 .
عم صمت لعدة ثواني رؤوف رجع سألو : قلت شنو ?,
رعد وهو بطلع غرفتو : ولا شي .
كمل جملتو بجاي جمانه جات بجاي عاين ليها وطلع ماجد استقبلها بالاحضان وسألها بقلق : انتي كويسه ? عمل ليك حاجه ??
جمانه : انا تمام 😄
رؤوف ابتسم وقال ليها : خوفتينا عليك .
جمانه :,ههههاي انا جباره م تخاف علي .
بعدين قالت ليهم : حامشي اشوف رعد .
ماجد : م بنصحك لأنو اسي منفعل ..
جمانه : حياكلني يعني..
فمشت ليهو فوق قفلت باب الفغرفه وراها قعدت جمبو ف السرير فقال ليها : خيرر
جمانه : كده قوم عشان اعرف اتفاهم معاك .
رعد : خليني راقد كده لو قمت م حاعجبك .
جمانه : طب براحتك اصلا جيت احكي ليك عن عمر وواااي انا من عمر سماحه وخفة دم ولا عضلات صدرو واااي فظيعه 😭😍
رعد : شفتي عضلات صدرو ?-
جمانه : يب فيها حاجه :: 😛
رعد بعصبيه : قسما بالله تاني اسمع سيرتو على لسانك حاقتلك واقتلو ويلا لفي من خلقتي براي زهجان منك وما ناقص .
جمانه : مارقه اصلا 😑
تسابيح كانت قاعده مع امها فمسكت تلفونها وضربت لعمر رد ليها بعد فتره : نعمين ي ستي .
تسابيح : اهلين الاخبار ?
عمر : لخصي دايره شنو
تسابيح : عايزه اعرف جمانه ماتت ولا لسه ?!
عمر : لسه محتاجها في موضوع بعدين حاخلص عليها .
تسابيح : طيب تمام .
بعدين قفلت وضربت لرعد ابا يرد ليها حاولت كتير كلما بسفها فكسرت الحنك عاينت لأمها وقالت ليها : مالك مبوزه ?
فريده : انا شايفه شغلتك دي م منها فايده حتستفيدي شنو يعني لو جمانه ماتت !! اساسا هي كلمت كرم وخلاص ماف شي نخسرو طلعيها من بالك ياخ .
تسابيح : فضحتني قدام الناس كلهم و اتطردت من الشغل بسببها ودايراني اخليها !!?
فريده : عمر القلتي حيساعدك دا م حيقتلها لأنو لو كان عايز يقتلها كان قتلها من البدايه .
تسابيح بثقه : لا المره دي اتأكدي انو القزمه حتموت .
فريده عاينت ليها وسكتت ...
صباح اليوم التاني رعد صحى من النوم نزل تحت لقى شنط كتيره بره والجماعه ديلك مستنينو فسألهم باستغراب : في شنو
رؤوف: يزن طيارتو حتقلع بعد شويه .
ماجد : واحنا حنوصلو المطار .
رعد عاين ليزن وحاول يخبي زعلو بقدر الامكان حضنو وقال ليهو : اوع تتأخر .
يزن : عارف م حتقدر تعيش من غيري 😎 .
رعد زح حبه وقال ليهو : واتذكر اوع تشرب و ترام تاني ماف وابعد عن البنات مفهوم ?
يزن ضحك وقال ليهو : حاضر
بعدين ودعو ومشو يوصلوهو المطار ورعد قعد ف البيت بعد شويه جاهو اتصال من يزن رد : اها نسيت شنو ?
يزن : نسيت اقول ليك يومك حيكون اسود .
رعد ? كيف يعني ??,
يزن وهو بضحك : بما اني م حاشوفك لفتره طويله قلت اعمل فيك مقلب مرتب .
رعد بقلق : خلقني هببت شنو ?
يزن : شوف الجريده .
وقفل الخط رعد شال الجريده كان اكبر عنون : كشف هوية الكاتب المشهور لوسيفر ..
رعد م قرا الباقي كرفس الجريده وسب ليهو سب م خلى كلمه م قالها ليهو فعاين من البلكونه لقى حشد من ا

لبنات واقفين بره بالراحه نزل الستاره ورجع غرفتو وهورفي غرفتو سمع اصوات غريبه من الغرفه الجمبو فمشى يشوف ف شنو لقى ليك عمر وجمانه بتونسو وكان ماسك يدها طبعا خلاص الغيره شويه وحتقتلو بس بالعافيه مسك نفسو فقال لعمر : ممكن اعرف بتعمل شنو في بيتي .
عمر : جيت ازور صحبتي .
رعد : اه بالله ! عرفتها امبارح والليله بقت صحبتك .. يلا الاتنين بره ..
عمر فك يد جمانه وقال ليهو : ممكن تديني فرصه اتكلم معاك .
رعد ولا فكر طوالي اداهو بوكس لمن وقع ف الواطه عمر ابتسم وقال ليهو : ااي لسع اضرب اعمل فيني العايزو لو بريحك .
سفهو طلع وخلى ليهم الغرفه جمانه حست بالزعل الجواهو دا غير انر يزن سافر وما مفروض تزودها عليهو فجرت لحقتو عمر حاول يوقفها لزوم الخطه لكن م سمعتو لقتو نازل السلالم فمسكتو من معصمو رعد ببرود : خليتيه مالك !
جمانه : ممكن تدنقر حبه م قادره اطولك .
رعد : م عايز 😒
فقامت هي طلعت تلاته درجات بعد داك بقت طولو حبه اخدت نفس عمييييق و طبعت بوسه على شفايفو رعد سكت حبه وقال ليها : جمانه م عشان شفقانه علي تعملي كده انا م شافع .
جمانه : م عشان زعلانه عليك انا بالجد بحبك ..
وعمر كان براقبهم باهتمام ...
كرم رجع البيت بعد فتره فلقى يارا بتحضر ف التلفزيون ابتسم وقال ليها : مساء الخير ..
يارا : اهلين .
كرم : شكلك زعلانه وانا المفروض ازعل .
يارا : كيف م ازعل وانا بايت بره البيت .
كرم : كان عندي رحله .
يارا : الكلام الكنت بتغش بيهو جمانه دا م بيمشي معاي .
كرم وهو بقعد جمبها : م حاسه انك اتغيرتي شديد !!, يعني حياتنا بقت شك وغيره وقرف ليه كده ?,
يارا وهي بتحضنو : عشان بحبك وم بتحمل تخوني .
فعاين ليها بحزن وضماها لصدرو اكتر ..

📖 اذا انتهيت من القراءه اضغط علي #لايك 👇 واذا حصلنا علي #100# لايك سوف نقوم بتنزيل #بقيه حلقات ا الروايه

#انثى_في_عالم_الذئاب
#اجزء_الحادي_عشر

اشرقت شمس يوم شتوي باهته الجو م كان بارد شديد وفي نسيم حلوو تسابيح كانت بتكوي في شعرها فجاها اتصال من عمر ختت المكوه وردت : ياي جاك من وين تضرب لي ?
عمر : مافاضي للكلام الفارغ من مراقبتي ليك عرفت انك معجبه برعد صح !
تسابيح : معجبه البسيطه دي 😍
عمر : طب هاك الصدمه رعد وجمانه بحبو بعض .
تسابيح : الكلبه رقعتو برضو 😬 م حاخليه ليها طب عاين ..
وقبل م تكمل قفل الخط فابتسمت وبدت تفكر في خطط لرعد وجمانه .
جمانه صحت بنشاط كعادتها وعملت الفطور والشاي وختتهم ف السفره بعدين انتظظرت الشباب يصحو فجو نازلين بعد كم دقيقه رؤوف وهو بعاين للاكل : واو دا كلو عملتيه براك ?!
جمانه : بالهنا والشفا 😊
ماجد : طب ف البيت مالك بتخليني انا اطبخ .
جمانه : يعني م اتدلع حبه .
ماجد : يا قلبي انتي الدلع خلقوهو ليك .
فضحكت ومشت تملى الصباره شاي رعد لقى ليهو حجه وقام لحقها لقاها واقفه مستنيه الشاي يغلي فقرب منها وقال ليها : كده قولي لي امس قلتي شنو ?
جمانه بخجل : بحبك ..
فجراها ليهو من خصرها وكان عايز يبوسها فقالت ليهو : رعد لا ماجد و رؤوف قاعدين بالمناسبه .
فابتسم طبع قبله حنييينه على عنقها ومشى هي بعد شويه جات لاحقاهو بالشاي وقعدت تفطر معاهم رؤوف قال ليهم : بعد كده انا حمشي عندي شغل ضروري .
ماجد وهو بقوم : سوقني معاك يا زعيم .
رؤوف: طب وجمانه حتخليها تمشي براها ي فهيم .
ماجد : م مشكله رعد بوصلها صح ي رعد ?
رعد من جوه فرح طبعا فقال ليهو ببرود مصطنع : م عندي مشكله .
فودعوهم ومشو رعد قال ليها : و قعدنا برانا 😏 .
ابتسمت و م قالت شي فقال ليها : قومي ارح .
سألتو : وين ?
جاوبها : غرفة نومي .
جمانه بخلعه : نععععم !!,
رعد : م تفهمي غلط عايز اعمل حاجه تانيه انتي بس تعالي .
فساقها من يدها ومشو غرفتو قعدها ف كرسي قدام مرايه كبيره وقال ليها وهو بمسك المقص : شعرك دا غايظني رايك شنو نعمل شوية تعديلات ?
جمانه : اوكي
فشال المقص ولما ليك في شعرها من لحدي خصرها بقاهو ليها تحت كتفها بحبه طبعا هي قربت تبكي لكن مسكت روحها فقالت ليهو : الله لا يسامحك دا شنو العملتو دا ?
رعد وهو بضحك : بقيتك شبه البنات .
جمانه : م عافيه ليك .
فابتسم وقرب منها شويه جمانه وهي بتبعد : بدل رغباتك الذكوريه السخيفه دي رايك شنو تفسحني !
فابتسم وقال ليها : حاضر . ..
رؤوف دخل بيتو وجدع المفاتيح بزهج فجعه حس بمسدس في راسو التفت بهدوء فشافو عمر رؤوف قال ليهو : اها خير ..
عمر : شحنة الاسلحه المهربنها انا عايزها .
رؤوف: هاك جنيه 😒
عمر : جادي انا وشغل العصابات دا مفروض تخلو لي دا عالمي انا وانا البقرر فاهم ?-, فكر كويس المره الجايه حتندم .
بعدين ضربو ف راسو بقفا المسدس خلاهو مغمى عليهو ومشى..
رعد وجمانه م خلو حته م حاموها وفي النهايه مشو المكتبه يلا وهم قاعدين جاتهم بت عشرينيه كده سألتو : انت اخو لوسيفر ?
رعد : اخو لوسيفر ??
البت : اي الشبه واضح احب اقول ليك اخوك مبدع كتاباتو فايته عمرو سلم عليهو .
بعدين مشت رعد ضحك وقال لروحو : ابن المسطوله.
جمانه : فهمني حاجه ..
رعد : دا يزن نشر كتابي الكنت شغال فيهو باسمو وصار هو لوسيفر ... بس يلا كده احسن م ناقصني وجع راس ومعجبين .
جمانه ابتسمت وقالت ليهو : ي حليلو يزن على كل الزمن اتأخر رجعني البيت .
رعد : ارح معاي قاعد براي .
جمانه : انا ما قلت ليك رغباتك الذكوريه المنحرفة دي خليها .
رعد وهو بضحك : اسف .
فساقها وصلها لحدي باب البيت قبل م تنزل قال ليها : م نسيتي حاجه ?
فقربت واتبادلو بوسه حنيييينه 💔 معليش 😢
فجعه سمعو طرق على قزاز العربيه اتلفتو لقو ماجد طبعا جمانه خافت بالراحه انسحبت جرت جوه ماجد ركب مع رعد وقال ليهو : لو م كنت اخوي كنت قتلتك دا شنو البتعملو مع اختي دا ??!!!!
رعد ابتسم وقال ليهو : م تخاف انا بالجد بحبها .
ماحد : والله يا رعد ياهوني بحذرك جمانه م ناقصه وجع قلب وانت عارف المرت بيهو فلو اذيتها حنختلف .
رعد وهو بلعب ليهو بشعرو : حاختها ف عيوني .
ماحد : تمام ..
رعد : اه صح رؤوف من الصباح م ضرب لي ارح نشوفو .
ماجد : طيب ارح .
فدور عربيتو ومشو ليهو ف البيت لقو الباب مفتوح عاينو كده اتصدمو بمنظر الدم و رؤوف واقع وراسو بنزف ...

#انثى_في_عالم_الذئاب
#الجزء_الثاني_عشر

كرم طلع من الحمام بعد مارجهز واستعد عشان يمشي المطار واتفاجأ لما لقى يارا بتفتش في تلفوونو عاين ليها بس وخلاهو ليها ..
رؤوف فتح عيونو شاف ماجد نايم في الكرسي عاين كده عرف انو في المستشفى صحّى ماجد ولبس جزمتو ماجد باستغراب : دا شنو دا ليه قايم ?
رؤوف: ماشي البيت معقوله جايبني المستشفى عشان اغمى علي ?!
وقبل م يكمل حس بدوخه والم في راسو فاضطر يقعد لأنو شويه وكان حيقع ماجد بعتاب : غبي ..ما بتسمع الكلام الدكتور قال ماف ليك طلوع ما لم تجهز صور الاشعه لو انت عايز تموت انا ما بقدر اعيش من غيرك فاهم ي حمار ?!
رؤوف: حمار انا .. !! ماشي ي ماجد مقبوله منك.
سكت حبه بعدين سألو : كنت نايم هنا من امبارح ?
ماجد : اي وحتى رعد كان بايت هنا لكن م عارفو مشى وين ..
وقبل م يكمل جملتو جا رعد داخل وهو شايل قهوه ابتسم وقال لرؤوف : صباح الخير يا وحش .
رؤوف: صباح الخير ..
ماجد : صحي العمل فيك كده منو ?
رؤوف كان عارف انو لو وراهم حتحصل مصيبه خصوصي ماجد المتهور دا فقال ليهم : وقعت من السلم .. ع كل جمانه وين ?
ماجد : مشت الجامعه لأنو الفتزه الفاتت دي كلها كانت غايبه .
و فجأه اقتحمت تسابيح المكات بطريقه دراميه وحضنت رؤوف بقلق احساس خايفه عليهو وكده ماجد اصلا كان شاميها لأنها قالت ليهم اقتلو جمانه ورعد خليهو ساي م طايق يشوف وشها المهم بعد اتونست مع رؤوف مسافه طلعت رعد لحقها لقاها في الكوريدور فمسك يدها بعنف ابتسمت وقالت ليهو : نعمين يا بيبي..
رعد بعصبيه وهو بحاول يخفض صوتو قدر الامكان : انتي ما بتحبي رؤوف خليه في حالو ياخ كفايه .
تسابيح : لا م حاسيبو الا تعمل الانا عايزاهو.
رعد فهم قصدها ففك يدها ومشى وهو مغيوظ منها لدرجة قف ..
في مساء نفس اليوم رعد رجّع رؤوف البيت رؤوف طلع ياخد دووش ورعد قعد مستنيه في الصالون فجات رساله ب تلفون رؤوف رعد عاين للرساله كانت من عمر مكتوب فيها : المره الجايه يمكن كسر في الجمجمه ... احذر
رعد خت التلفون و طلع دور عربيتو ومشى لعمر في مقرو قعد يكورك كده لحدي م جاهو عمر باستغراب : رعد .. ?
رعد وهو بطلع مسدسو : انا لو قتلتك اسي حيحصل شنو .. ?
عمر ابتسم وقال ليهو : انت اضعف من انك تقدر تعملها
رعد عاين ليهو مسافه ومع كل اسف عمر كان كلامو صح كان في صوت جواهو بمنعو يضغط على الزناد فنزل المسدس وقال ليهو : الرصاصه كتيره على واحد ندل زيك بس بحذرك تاني تقرب من رؤوف.
عمر بعصبيه : رؤوف ..رؤوف..رؤوف.. خايف عليهو وهو م سائل عليك فاكرو بحبك .. كل الموضوع مصلحه يا ابني و حتتذكر كلامي دا .
رعد عاين ليهو بحده ومشى...
مرت الايام بسرعه وكان كل شي هادي وماشي حتى اكتر من الممتاز في الايام المرت دي رعد وجمانه كانو عايشين احلئ قصة حب و بقو متعلقين ببعض شديد حتى انو جمانه بقت م قاعد تتذكر كرم دا منو زاتو لأنو رعد رجع ليها فرحتها وعوضها عن الالم العاشتو اما كرم م كان قادر يستحمل يارا بقت فظيعه بالجلاله كان ماسك روحو و تسابيح يومي باعمل خطه عشان تقرب من رعد وكل مره بتفشل وفريده بتحاول تقنع فيها انو كده كفايه بس هي ما بتسمع بقى عندها هوس اسمو رعد ...
المهم الساعه كانت 12 بالليل والشباب كانو بحضرو في فلم و مندمجين في بيت ماجد .. جمانه كانت قاعده جمب رعد فهمس ليها : رايك شنو نطلع فوق الفلم دا عاضي .
جمانه سكتت و م جاوبتو فقال ليها : مالك ??
جمانه : م ملاحظ انك الوقت كلو مركز مع ر..
فقاطعها : اي اي فهمت مع رغباتي الذكوريه السخيفه قلتيها لي مليون مره لحدي اسي .
فقام رحل من جمبها و واصلو الفلم بعد ساعه الفلم انتهى فتحو الانوار لقو ليك منظر ماجد ودموعو عشره عشره جمانه ماتت من الضحك رؤوف باستغراب : قووول لي بتبكي عشان الفلم 😨😱
ماجد وهو بمسح دموعو : لا طبعا دا منو الببكي دا ..
جمانه وهي بتضحك : يا ود يا حسااااس 😂😂😉
فقعدو يضحكو فيهو وهو بحمر ليهم رعد قال ليهو : قوم اعمل قهوه الناس دي نعست.
ماجد : ليه انا 😓 انا عملت البوشار 😖
رؤوف: قوم من سكاااات
ماجد وهو بقوم : اي م انا شغالتكم اصلا ماجد اعمل ماحد جيب ماجد خت ..
فمشى وهو بنقنق رؤوف قام يساعدو جمانه عاينت لرعد فعاين ليها وعمل رايح ..
فريده كانت قاعده براها ف البيت ومنتظره تسابيح تشرف لأنو الساعه بقت 1 وحاجه بالليل فسمعت صوت جرس الباب مشت تفاح اتفاجئت لما لقت كرم اصلا من فتحت ليهو ارتمي في حضنها وما قدر يمسك دموعو ساقتو قعدتو في الكنبه وسألتو بقلق : كرم مالك انت كويس ??!
كرم: خلاص م قادر استحملها ي امي م طايق اعيش معاها .
فريده : م فاهمه بتقول في شنو ..
كرم : بتكلم عن يارا حياتي معاها بقت جحيم حاسي اني حاموت كل الحوالي بجرحوني والله تعبان ي امي
فريده بحزن : اسفه م كنت ام كويسه .
كرم : انا الاسف لأني كذبت عليك ..
فريده : كذبت /???
كرم بانكسار : العيب م كان في جمانه العيب فيني انا م بنجب .
فريده شهقت بدهشه وبدون م تحس لقت روحها بتبكي

فقالت ليهو : كلو بسببي دايما كنا بطلب منك وعمري م سألتك عن احوالك ولا الفي قلبك شنو .
فحضنتو وعي بتبكي لحدي ما غفى على صدرها ...
الصباح الاخوه ديلك حالتهم بالبلا رؤوف نايم في الكرسي و صحن الفشار في وشو و رعد راقد ف الكنبه اما ماجد مكشوح في الواطه الخشم مفتوح والحاله حاله فصحو على صوت جمانه : قومووووووو
ماحد بدهشه : م..مالك ??
جمانه : قوم وصلني الجامعه .
ماجد وهو بواصل نومو : رعد مش دي مرتك المستقبليه قوم وديها .
رعد عاين للساعه فقام بكسل وقال ليها : ارح ..
جمانه : بشكلك دا ??
رعد ببرود : ماشه ولا لا ي جمانه ?!
جمانه : طيب براحتك ارح .
فساقها ومشو الاخ كان شعرو منكوش ونازل على جبهتو ولابس ترينينغ وفنيله كمها قصير و برضو كان قرض للنخاع وصلها لحدي باب الجامعه لما جات نازله قربت عشان تبوسو فزح حبه وقال ليها : حتتاخري.
فنزلت و دخلت الجامعه هو رجع بيتو كمل نومو بمزاج صحى زي الساعه 2 مشى الشركه يلا وهو قاعد ف مكتبو جاتو مكالمة فيديو فرد : اووووو يزن اتذكرت اخوك اخيرا ..
يزن : هو انا نسيتك عشان أتذكرك!!
رعد : اها حسين بعاملك كويس ? ناقصك حاجه ?
يزن : لالا ياخ الحياه عندي باسطه لكن شكلك انت المتضايق في شنو ?
رعد اتنهد وقال ليهو : جمانه ... واخده عني فكره غلط فاكره انو همي كلو الحاجات الشمال دي فاهمني انت ..
يزن ضحك وقال ليهو : وانت م تصبر مالك على البت .
رعد : اه غلطان انا الافتكرتك عقلت وبحكي ليك يلا اقطع وشك .
فقفل منو الخط واخد نفس عميييق جاتو رساله من ماجد : عندنا عملية تهريب لازم نسافر انا و رؤوف جمانه امانه عندك لحدي م نرجع .
فقرا الرساله وضرب ليهم ودعهم ..
جمانه طلعت من الجامعه زي العصر كده و اتفاجئت لما لقت كرم منتظرها بره ..

#انثى_في_عالم_الذئاب
#الجزء_الثالث_عشر

جمانه عاينت ليهو واتجاهلتو واصلت طريقها عادي فمسك يدها وقال ليها : جمانه دقيقه بس ممكن تسمعيني ?
جمانه : لا م عايزه اسمعك و فك يدي .
كرم : لا م حاخليك الا تسمعيني اول انا غلطت في حقك كتير وانا بالحد ندمان ياداب عرفت قيمتك حتى لو متأخر بس عرفت ... و اتأكدت اني بحبك ..
جمانه : كرم انا طلعتك من حياتي زمان واظن كلامك دا م منو فايده بعد دا ويستحسن انك تخليني امشي
كرم : حاضر بس حافضل وراك لحدي م تسامحيني .
ففكت يدها ومشت هو فضل بعاين ليها لحدي م اختفت بين الناس ..
وهي في الطريق كانت شارده و م قادره تصدق معقوله دا كرم ?? بعد الشهور دي كلها عايزها ترجع ليهو ببساطه !! فقالت لروحها : بتفكري فيهو ليه ? كرم خلاص بقى من الماضي صفحه وانطوت .
فقاطع تفكيرها صوت وصول مسج من رؤوف وراها انهم مسافرين وانهم ودو ليها شنطتها بيت رعد حتقعد معاهو فترة غيابهم دي فوقفت تاكسي ومشت بيت رعد كان خالي ليها مفتاح بره مع الحارس فدخلت و غيرت ملابسها واتفننت ليك في الاكل وانتظرتو لحدي م جا طبعا استغرب من كمية الاكل المرصوص ف اليفره فسألها: منتظره ضيوف ?-
جاوبتو : اه لا لكن لما اكون براي وزهجانه بطبخ .
رعد ابتسم وقعد معاها بالرغم من انو م كان جعان لكن م حب يكسفها وعشان م تزعل جاملها بلقمتين و طلع غير ملابسو ورجع جاب لابتوبو وبدا يكتب فسألته: بتعمل شنو 😛
رعد : بكتب ..
جمانه : بتكتب في شنو ? 😅
رعد : روايه .
جمانه : عن شنو 😅
رعد : عن بت حلوه ابتسامتها بتطير العقل من الواطه ما قايمه وفضوليه شديد .
جمانه : انا ما فضوليه دا اسمو حب استطلاع 😑
فابتسم و واصل كتابه اما هي طلعت تنوم ..
كرم رجع البيت لقى يارا مستنياه فسألتو : كنت وين 😬
هو طبعا ولا كضب جاوبها بكل برود : مع جمانه .
يارا : نععععععععععم ?!!!!!!!!!!
كرم وهو بطلع السلم : زي م سمعتي ..
فمسكت يدو وبدت تكورك : اصلت كنت عارفه انت الخيانه بتجري في دمك و حتى لو كنت عايزها جمانه مستحيل ترجع ليك انت خسرتها في اليوم الوقعتو فيهو اوراق الطلاق.
كرم ببرود : خلصتي ?
بعدين بنغس البرود خلاها وطلع وهي بتغلي من جوه فطوالي ي هنايه قومي شيلي تلفونك ولضربي لتسابيح ..
الصباح رعد كعادتو عمل تمارينو وجهز فطورو وقعد يفطر بعد ما لبس البزله وجهز عشان يمشي الشركه جات جمانه نازله عاينت للاكل كداا وقالت ليهو : اسي دا فطور ليك مع الناس ??+😒
رعد : اول شي صباح الخير 😃
جمانه : اه صح نسيت صباح الخير اها على وين من الصبح ?
رعد وهو بظبط الكرفته : الشغل طبعا .
جمانه : لا م تمشي خليك معاي الليله .
ابتسم وقال ليها : م بقدر والله ..
جمانه : مشغول للدرجه دي !!
رعد وهو بقوم: م حكاية مشغول بس م بقدر يلا مع السلامه واه صح قبل م أنسى اخر غرفه على الشمال حقتك ممنوع استخدام الحمامات المشتركه و م تلبسي قصير وانا موجود .
جمانه : اطردني بعد دا 😒
رعد : لمصلحتك .. يلا انا تأخرت.
بعدين خلاها ومشى هي استغربت تصرفو وبرودو معاها لكت عملت رايحه فجابت شيتاتها وبدت تقرا يلا وهي قاعده براها سمعت جرس الباب فمشت تفتح لقت عمر فقالت ليهو باستغراب : انت !!!,
عمر وهو بخش : وعليكم السلام .
سألتو : بتعمل شنو هنا ? رعد لو شافك حيقتلني ويقتلك .
عمر : اطمني م حيعرف اصلا اني كنت هنا على كل جيت اسلم عليك .
جمانه : علي انا 😨
عمر : اي وفي رساله عايزك توصليها لاخوك قولي ليهو الدور الجاي عليك .
جمانه : دور شنو ??-
عمر وهو بقوم : بس قولي ليهو كده .
بعدين ابتسم ليها وطلع هي استغربت احساس دا نالو دا ودور شنو البتكلم عنو ?-
المسا رعد رجع البيت اتصدم لما لقى عمال بيغيرو في لون البيت و جمانه لابسه ليها ابرول وقاعده في نصهم وملابسها كلها بوهيه فسألها: دا شنو البحصل في بيتي دا ???
جمانه : حبيت اغير شويه ما صح البيت يقعد كئيب كده.
رعد : بالمناسبه انتي قاعده لاقل من اسبوع عارفه ??
جمانه : يب بس بعد العرس حاعيش هنا صح !
رعد لروحو : اللهم يطولك ي رووووح ..
بعدين دخل وخلاها بعد شويه حاسبت العمال غيرت ملابسها وجات ليهو في غرفتو فقال ليها : عايزه حاجه ??
جمانه : دا شنو عدم الذوق دا !! انا جايه اتونس معاك تقول لي عايزه حاجه 😒
رعد : اوكي اتكلمي طيب سامعك ..
جمانه : لي بتتصرف معاي بالطريقه دي انا زعلتك في حاجه ?
رعد : كل الموضوع اني م عايز اذيك خايف عليك بس .
جمانه بعفويه : خايف علي من شنو ? 😐
رعد : مني ..
جمانه بعد صمت : ااااااااا يعني دا الموضوع كده ?!! ما واثق في روحك 😂
ابتسم وقال ليها : امشي غرفتك عايز انوم ..
فضحكت ومشت غرفتها ..
الصباح كانو بفطرو مع بعض فسمعو ضرب مريع على الباب كانت ماشه تفتح فقال ليها : خليك انا بفتح .
فمشي فتح الباب لقى يارا هايجه دخلت بدون مقدمات وبدت تردح : يا حيوانه ي خطافة الرجاله دايره ترجعي كرم ??! م دايره تقتنعي انو خلاك وبحبني انا ? وكمان زي الفالحه لاقيتيهو

خلي عندك كرامه ياخ ..
رعد قاطعها : لحظه لحظه انتي منو ودا شنو البتقولي فيهو دا ??
يارا : انا يارا مرت كرم وجيت عشان اقول ليك لم حبيبتك عليك وخليها تبعد عن راجلي وتبطل تشوفو .
بعدين عاينت لجمانه بحدده ومشت رعد عاين لجمانه وسألها: القالتو دا حقيقه?
جمانه بخوف : ا..انا ...انا ...
رعد بعصبيه : سألتك جاوبيني انتي شفتي كرم ???
نبرة صوتو خلتها تخاف اكتر فقالت ليهو بخوف : اي بس والله م ذنبي هو الجاني اعمل شنو ..
قرب ليها بطريقه مخيفه ومسك يدها بعنف بعدين قال ليها : لسه حاسه بحاجه تجاهو ????
جمانه وهي بتبكي : لا والله العظيم لا ..
رعد كان معصصب لحدي م عروقو ظهرت بس لما شاف دموعها فك يدها و سكت عم صمت بينهم بعدين سألها: وجعتك ?
جمانه وهي بتمسك يدها البققت حمراء من شدة ما ضغط عليها : م على اساس م حتاذيني .
قعد في الكنبه وقال ليها : لو شفتي كرم مره تانيه م تلومي غير نفسك .
جمانه عاينت ليهو كانت ماشه فمسك يدها كوركت فيهو بعصبيه : اها داير مني شنو تاني ??
رعد : خفضي صوتك م عايز نتشاكل .
جمانه وهي بتبكي : بعد العملتو فيني م عايزني ارفع صوتي .
حاول يهدي نفسو فقال ليها : حقك علي والله انا اسف بس انتي كمان م صح تشوفيه وانا في حياتك ختي نفسك محلي .
جمانه وهي بتطلع : م عندي نفس اتكلم معاك .
فمشت غرفتها وخلتو تحت طبعا هو كان بغلي من جوه فركب عربيتو ومشى بيت كرم ..
(يا بيبي اتشهد على روحك 😂😂😁)
المووهم وقف العربيه قدام البيت ودق الباب كده لحدي م فتح ليهو م اداهو فرصه يتفاجئ اصلا ولا اتفاهم معاهو اداهو بوكس لمن آمن و وقع ليك في الراجل صب فيهو غضبو كلو ...
لحدي نص النهار كده جمانه كانت حابسه روحها في الغرفه وبتبكي فجاها اتصال من رقم غريب ردت : الو
الصوت : الو انسه جمانه انا حلا سكرتيرة مستر رعد جاني اتصال انو في السجن ولازمو دفع كفاله انا اسي بره المدينه وعرفت انك حبيبتو ممكن تدفعي ليهو الكفاله .. ?-
جمانه باستغراب : عمل شنو .. ??
حلا : ضارب واحد موديهو المستشفى.