اللهم صلي وسلم علي نبينا محمد صلى الله عليه وسلم
💜💜💜💜💜
#روايه لأجلها عشقت المطر_ 5 💛
بقلم: ملاذ سند احمد ادريس📝
وفي نفس الوقت عارف انو نضال م بتقدر بدونو💔
في جهه ناس فاطمه…
خالد: فطومتي انا ح ارجع البلد وانتي خليك مع ناس خالتك الجامعه زي م شفتي قالو بعد اسبوع من هسي عشان كدا احسن ليك تقعدي هنا وخالتك م بتقصر معاك واحسن زاتو هنا اسواقهم كتيره وسمحه تمشي معاك اي زول من هنا وتشتري وترجعي
انا: بس لسه م ودعت امي ☹️
خالد: فطومه بديك تتكلمي معاها بالتلفون ودعيها طيب
انا: امممم
خالد: بدون امم
انا: خلاص طيب
خالد: الفالحه دي ي ناس🤤💜يلا تخلي بالك من نفسك ومن قرايتك انا وثقت فيك وعارفك ح ترفعي راسي وتجيبي لي نسبه حلوه زيك كدا ولو في اي شي خلي خالتك تدق لي من تلفونها وتديني ليك وهاك دي قروش اشتري هدوم للجامعة 💜وانا كل م القى نفسي فاضي بجيك وفي كل اجازه بجيك اسوقك طيب
انا (قعدت ابكي) : طيب😭
خالد: اسي الببكي شنو☹️
انا: ح اشتاق ليك☹️
خالد: كل تشتاقي لي دقي لي من خالتو مهيره طيب
انا: طيب
(حضني وقال لي مع السلامه وفات☹️💜 م جاب لي سيره الحصل عشان م يشغلني من دراستي)
اها خالد مشى وانا بعد ودعتو نزلت تحت اتونست مع خالتو مهيره كدا
خالتو مهيره: تتغدي شنو ي بتي
فاطمه: نعمل قراصه بي تقليه كدا رايك شنو😋
مهيره: لي نعمل انتي بتعرفي تطبخي ي بتي
انا: هي دا كلامك🌚اكيد طبعا🙈
مهيره: ها المجنونه. دي😂خلاص انتي تعملي التقليه وانا بعمل القراصه
انا: خلاص اتفقنا ي السمحه🌚💜
( عملت ليك الملاح ده بي كل حب كأني اول مره اطبخو😋😍 بعد خلصت جاتني خالتو مهيره)
مهيره: اها ي بتي خلصت
انا: ايواا الشيفه فطومه خلصت🙈
مهيره: كدي اشوف طبخ الشيفه دي😂💔
انا: اتفضلي اتفضلي تذوقي م قمت بطهيه😂🙈
مهيره: اشهد الله انتي م شديده😂
انا: هدي نصيحه عوجه م عندي🌚
مهيره;: كدي طيري من وشي نشوف الاكل🌚
(ضاقت من الملاح وقالت ليها طالعه لي امك طباخه اول مره اكل ملاح بالطعم ده من زمن طويل☹️💜)
انا: سكلا سكلا
مهيره: ها المجنونه دي😂امشي نادي ايهاب من غرفتو ومعاهو سماهر طيب ي بتي
انا: طيب ي خالتي ثواني اطلع ليهم
(طلعت في السلم وهي مستغربه لي سماهر م جات ولا سلمت عليها ولا اي شي تاني قالت يمكن م عارفه اني جيت انسيها م مشكله اسي المشكله غرفهم وين الغرف دي كتيره اسي اقعد افتحهم يعني وحده وحده خلاص يلا م مشكله الا افتحهم وحده وحده حتي القاهم {ده كلو وهي بتتكلم مع نفسها😂😭}المهم قعدت تفتح في الغرف وحده وحده لمن زهجت في النهايه فتحت غرفه كدا والغرفه دي طلعت كبيره وحلوه شديد وكلها لونها اسود وابيض🤤 واللون الاسود ده لون فاطمه المفضل دخلت جوه الغرفه اتلفتت كدا وعينك م تشوف الا النور😭😭لقت ليك ايهاب لابس فنيله داخليه وبنطلون ترينق شكلو طالع من الحمام وكان بتكلم بالتلفون ومديها ضهرو م لاحظ ليها لمن دخلت ولا سمع صوت الباب وهي اتنحت فيهو😭😂🤤 وكمان كانت خاته اضانها علي صوتو وهو بتكلم في التلفون كان بقول : خلاص حبيبتي م تقلقي انا اكيد ح اكون جنبك وان شاء الله م ح تكوني لغيري… فجأة اتلفت ولقى فاطمه لمن اتخلع قال ليها فاطمه😳وهو لسه م كان قفل الخط)
انا: معليش دخلت بدون اضرب الباب بس م كنت عارفه غرفتك ياته فيهم وخالتو قالت لي اجي اناديك انت وسماهر
ايهاب: طيب ي فطومه امشي انتي نادي سماهر وانا بجي اسي
انا: طيب بس غرفتها وين
ايهاب: طوالي وعلي ديك اليمين اخر غرفه
انا: طيب
طلعت وانا بفكر ي ربي دي منو البتكلم معاها دي يا ربي اسألو ولا لا تاني بقول لالا ياخ م ظريفه كمان يقول البت شمشاره خليت الموضوع علي كدا ومشيت دخلت كمان غرفه سماهر بدون اضرب الباب😂😭من شده التفكير بي موضوع ايهاب م لاحظت وطوالي دخلت طبعا انا اول مره اشوفها م تستغربو بس م عندنا علاقه كتيره مع ناس خالتي مهيره من اتزوجت وجات الخرطوم تاني م شفتها الا الليله بس امي كانت بتحكي لي عنهم وكنت بتكلم مع خالتي مهيره بالتلفون طواللي اها دخلت غرفه سماهر وكان لونها كلو وردي🌸 وهي كانت راقده في السرير علي بطنها ورافعه رجولها وعامله شعرها بوب وفاكاهو (نوع الضفاير الكتيره ديك) وكمان كانت بتتكلم بالتلفون قال لي طيب باي حبيبي برجع ليك اتلفتت لقتني واقفه قالت لي عفواا؟🤨
(نظام الجابك غرفتي شنو وانتي منو زاتك)
انا: سماهر كيفك انا فاطمه بت خالتك عوضيه
سماهر: اهلين كيفك
انا: تمام
(كانت بارده شديد نهائي م حبيتها قلت ليها خالتو بتناديك قالت لي اوووف شويه واجي طيب
قلت ليها تمام وطلعت بفكر قلت الناس ديل كلهم بحبو ولا كيف😅
نزلو واكلنا وكلهم علقو علي ملاحي الظابط 😌الا سماهر كانت بتاكل بدون نفس م عرفتها ماله قلت يمكن تكون مزاجيه المهم م اشتغلت بيها كتير بعد الاكل ايهاب وسماهر فاتو غرفتهم خالتو مهيره كانت بتلم في الصحانه قلت ليها لا انا بلمهم لميتهم وغسلتهم وجيت قعدت اتونست معاها كدا وقلت ليها بكره عايزه امش

اللهم صلي وسلم علي نبينا محمد صلى الله عليه وسلم
💜💜💜💜💜
#روايه لأجلها عشقت المطر_ 6 💛
بقلم: ملاذ سند احمد ادريس📝
اول م وصلو السوق وفطومه بتحب الجوطه والكلام الكتير بس هي اساسا شامه ايهاب وم قادره تتنفس😂 قال ليها اها نبدأ من ياتو محل اتكلمت معاهو ب زعله كدا قالت ليهو محل بعجبك😒 وفعلا بدا يخش معاها ويسالو من الملابس وكدا (البرنامج جرا وايهاب بدا يزهج هي حست بيهو قالت خلاص اغير الموضوع واسالو)
فطومه: ي ايهاب انا سمعتك لمن كنت بتتكلم مع البت ديك ف التلفون وشايفه انك كنت متضايق احكي لي ممكن اساعدك
ايهاب: لالا ياخ م كنت متضايق والله بس دا موضوع هايف م تشغلي بالك كتير
فطومه: ايهاب انا شفتك عليك الله وريني😭
ايهاب: والله م ف شي ارح الدكان داك شكلو هدومو سمحه
فطومه: بس خلاص انا ح اقعد هنا دا (قعدت ف الواطه😂)
ايهاب: ي بت قومي الناس بتعاين فينا الله يرضى عليك
فطومه: لالا ابيت الا تقول لي ح احكي ليك😐💔
ايهاب: خلاص ح احكي قومي
فطومه: اي كدا يلا ارح😌
ايهاب: والله انتي مصيبه🌚
فطومه: ي زول م تحنكني وريني
ايهاب: طيب ي فطومه (مشو قعدو في مطعم قريب) انا حابي لي بت وهي بتحبني ومن بدري مع بعض وانا م عايز غيرها وهي م عايزه غيري وبنحب بعض والله بس ابوها رفضني وقال ليها الا قريبك وهي م عايزه هي كل ايامها الحلوه معاي💔 كل الزكريات (ايهاب بدا يتذكر والدموع في عيونو💔💔) انا م عارف ح يحصل لي شنو من دونها عاوز اكون جمبها انا م ف زول بفهما غيري😪 وم ف زول بفهمني غيرها انا من نبرت صوتي بتعرف الحاصل علي كلو وانا من عيونها بقدر اعرف هي مالا💔 بس ابوها مصر م عارف لي م عايز فرحت بتو💔💔💔 بس في النهايه كل شي قسمه ونصيب🖤 (ايهاب ركز مع فطومه لقاها انشرطت بكى😂😂) قال ليها
يا بت مالك ف شنو بتبكي كدا
فطومه: ياخ انا م عارفه مالي بس والله حاسه بيك ياخ حاره (ودموعه ملانه😂)
ايهاب: ارح خلاص نشتري هسي امي ح تقول لينا اتاخرتو مالكم ( ومشو اشترو)
،،،،،
في الوقت دا سماهر كانت طالعه من البيت بالدس وم مكلمه امها و واقفه مع حبيبها جمب البيت شافت عربية ايهاب قالت ليه دا ايهاب اخوي تعال ادس واتخبو ف مكان لحدي م ايهاب وفطومه نزلو حبيبها شاف فطومه قال ليها ي سماهر م كلمتني قبل كدا انو عندك اخت اصغر منك بالحلاوه دي
سماهر: اختي؟ دي تكون اختي كيف ي فارس؟ (اسم حبيبها)
فارس : اها دي منو طيب
سماهر: واحده كدا قرويه جات من البلد وح تقعد معانا شكلها ح تعمل لي وجع راس
فارس: لالا شكلها ح تشلبك😂😂😂
سماهر: عاين انا بخمك ب البتاع دا يلا انا ماشه قبل م يلاحظو ع عدم وجودي نتلاقى باي
فارس: باي (وهو راجع بفكر في فطومه)
سماهر اول م خشت اتصلت عليهو
سماهر: الو ي جميل وصلت؟
فارس: اي وصلت ي انا
سماهر: خلاص بس كنت عاوزه اطمن عليك يلا باي
فارس: باي وسلمي لي على فطومه وهو بضحك
سماهر: عاين انا بجيك ب التلفون دا هسي ي زفت
فارس: انتي صدقتي في زول عندو القمر ح يعاين للنجوم🤤 يلا باي ارتاحي بحبك
سماهر: باي بحبك
(بس فارس شكلو ختى فاطمه في راسو وهو اصلا بتاع بنات وبلعب بي سماهر وغاشيها وهي مصدقاهو وبتحبو وهو ختى في راسو انو م دام هي قرويه معناها م بتتحنك ليهو سريع بس ح يحاول يلعب بي راسها ويخليها تحبو ويلعب بيها💔
#يتبع… 💜
_# *كسره* #_:-
لم استطيع اخراجك من داخلي فكنت تتملك جميع احاسيسي دائما تحاصر خيالي ربما لم تجمعنا غرفه واحده ولم نتقابل يوما ولكن كنت ذلك الخيال الذي لا يباعد مخيلتي كنت ذلك الشعور الحسي الذي لم اتغلب عليه يوما ربما في نظر البعض انك مجرد الشخص الذي حدثني بكثره ويحبني واحبه فقط لكنك كنت اكبر من ذلك بكثير كنت تمثل جميع الادوار في حياتي كنت صديق لي عندما اوأنس وحدتي كنت اخ لي عندما يخزلني البعض ولم اجد سندا اتكل عليه كنت ابا لي عندما احتاج لنصائح كنت كنت افتقدها واخيرا وليس اخرا كنت حبيب واكثر من ذلك اقولها اليوم وغدا وكل يوم *احبك*
#Loooza💕

اللهم صلي وسلم علي نبينا محمد صلى الله عليه وسلم
💜💜💜💜💜
#روايه لأجلها عشقت المطر_ 7 💛
بقلم: ملاذ سند احمد ادريس📝
يلا فارس قال يحاول يلعب بي عقل فاطمه بس شكلو لسه م عرف ح يلعب مع منو🤔
المهم نواصل…
وبجي جهه تانيه سماهر وايهاب دخلو جوه لي خالتو مهيره
انا: خالتو مهيره م شفتي السوق حاجاتو رهيبه🤤بس اسعاركم غاليه م زي حاجاتنا
ايهاب: ي امي دي خمت السوق كلو😂💔
انا: وانت مالك😒
مهيره: خلاص بطلو مشاكل كدي تعالي اقعدي اشوف جبتي شنو
انا: طيب ( وجيت وريتها جبت شنو كنت جايبه اسكيرت اسود وبيجي وبنطلون واحد لونو كبدي النوع الجلدي داك وجبت بلوزات بالابيض وبالكبدي ووحده اسود بي ابيض وجزمه سوداء كعب خفيف ووحده بنيه المهم كانت حاجات خووورافيه💜)
مهيره: حلوين ي بتي تتهني
بيهم
انا: تسلمي ي خالتو🌸
(شلت حاجاتي وطوالي مشيت غرفتي رتبتهم بي مزااااج🤤وكانت نفسياتي فوق ومتشجعه شديد للجامعه بعد رتبت حاجاتي مشيت ساعدت خالتو مهيره ورتبت معاها وسوينا الغدا بعدها قلت ليها عايزه اضرب لي اخوي اسلم عليهم قالت لي خلي ايهاب يرجع من الشغل ويتصل ليك ليهم قلت ليها طييب🌸
ومشيت بحضر في التلفزيون في طيور الجنه🌚💔معليش بس يمكن تقولو لسه طفله😂😭رغم انو م بحب زول يقول لي كدا 🐸قعدت اغني معاهم وانا حافظه اغانيهم كلهاا بس قلت عشان املا وقتي بعدها حوالي الساعه 4 عصر كدا والدنيا كتمت كدا كأنها ح تمطر😍 بعدها جاء ايهاب م كنت منتبه ولسه بغني لقى امو سلم عليها وانا كنت في الصاله في التلفزيون جا ماري بي وكان هدومو مبلبله مويه قال لي فطومه كيفك وهو بضحك قلت ليهو اهلين ايهاب بخير وانت جاي من وين ي ولد مليان مويه كدا😂 قال لي المطره صبت فيني وقعد يضحك😂قلبو ميت)
انا: انت جاااادي😍😍صبتتت؟(وعيوني دي بقت قلوب قلوب
ايهاب: اي صبت مالك فرحتي كدا
انا: ياخ انا مستنياها تصب من متين 🤤 انا بعشق شي اسمو مططر
(وجري شلت ليك رجولي قبل م يرد لي ومشيت الحوش طبعا بيتهم نظام شقه كدا مقفله كلها الا انزل تحت وامشي جنب السور واي ياخ طولت من المطره جبت لي كرسي وقعدت ادعي وادعي وتاني رجعت لي سرحتي في المطر ديييك 🤤💜💜تاني اتزكرت موضوع ايهاب وانا ي ربي ح اسااعدو كيف اي صاح انا كنت م بطيقو عشان هو زول م جادي وهزلي جنو ضحك وانا م بحب الناس كدا بس حبيت اساعدو لانو حسيت اني لازم اساعدهم بس طيب انا اساعدو كيف وانا م حبيت قبل كدا وم بعرف الحب زاتو بس بسمع بيهو عند الناس😭 ي رب تساعدني القى حل للمشكله دي واقدر اساعدو فيها
تاني قلت خلاص انا ادق لي امي واحكي ليها هي ادرى مني في المواضيع دي وفجأه اتزكرت انو ايهاب جا وانو خالتو قالت لي اضرب منو جريت جري في السلم ومشيت غرفتو دقيت الباب قال لي ادخلي دخلت شفتو عيونو حمممر شرار شرار قلت ي ربي معقوله يكون ببكي معقوله بحبها للدرجه دي☹️
قلت ليهو ايهاب قال لي نعم بنبره حزينه قلت ليهو ممكن تتصل لي علي اخوي قال لي طوالي وشال تلفونو ضرب لي اخوي خالد وقال لي يلا اخدي راحتك في الونسه معاهو طلعت منو مشيت غرفتي وانا شايله التلفون كان شكلو غريب وشكلو باللمس زي البجيبوهم في التلفزيونات ديك رهيب شديد🤤
بعد جرسين خالد رد
خالد: اوووو وين ي حبيب
انا: خالد دي انا فطومه
خالد: شنو يعني لقيتي خالتك نسيتي اخوك ي بياعه🌚
انا: خالد يخ انا بنساكم يعني
خالد: ههه بهظر معاك ي مجنونه اها اخبارك شنو مرتاحه هناك
انا: ايوا مرتاحه شديد الحمدلله وانا كووويسه اها امي كيف واحوالكم شنو
خالد: كويسين نحنا الحمدلله
انا: الحمدلله طيب اديني اتكلم معاها
خالد: هاك ليها (قال لي بي صوت براحه كدا انتي عارفه امك دي حساسه ف براحه عليها تبكي يساي من مشيتي)
انا: طيب ي خالد
(اداني امي اتونست معاها كدا وبكينا سوا وتاني سكتنا اشتقت ليها شديد ياخ😭😭💜
حكيت ليها قصت ايهاب كلها قالت لي ي حليلو وقالت لي فكره اساعد بيها ايهاب وكانت فكره خوووونفشااريه بالجد امي دي عبقريه يخ الله يخليها لي🌚💜💜بعدها قلت خلاص انا ح انفذ فكره امي دي قفلت منها وفي اثناء م انا ماشه علي غرفه ايهاب😳😳😳😳😳💔💔💔
(نعرفو في الحلقه الجااايه…)
يتبع… 💜
# *كسره* #:-
محل تاوقت لقيتك شوق ...🔥 مشتت ف الشوارع ضي 🎶❤
#Loooza💕

اللهم صلي وسلم علي نبينا محمد صلى الله عليه وسلم
💜💜💜💜💜
#روايه لأجلها عشقت المطر_ 8 💛
بقلم: ملاذ سند احمد ادريس📝
في اثناء م انا ماشه علي ايهاب 😳💔 لقيت سماهر بتتكلم بي تلفونها هي كانت بره اول م شافتني دخلت وكانت خايفه ومتوتره شديد طبعا باب غرفتها كان فاتح م اتوقعت اني ممكن اسمع مكالمتها المهم من باب الفضول حبيت اعرف البت دي لي خايفه كدا كملت مكالمتها وهي بتقول لا ي فارس مستحيل م حزرت م بقدر اتصور ليك بالطريقه دي وهو شكلو كان بحنس فيها في النهايه هي وافقت انو تصور ليهو بس بشرط انو يمسحها😳💔المتخلفه قايلاهو بالجد ح يمسحها المهم انا م اتملكت اعصابي وقلت البت دي هو عايز يخرب سمعتها قلت ياخ انا رغم انها م بتتهضم لي بس انا زي اختها وهي بت خالتي ف لازم اوجهها دام اني سمعت الكلام م صصاح اسكت عن الحق امي علمتني كدا اتوجهت لي غرفتها ودقيت الباب قالت ادخل بعد مسافه شكلها قفلت الخط دخلت وعاينت ليها جوه عيونها قلت ليها انا سمعت مكالمتك🙂
قالت لي شنوو😠وم من حقك اصلا تتصنتي علي انتي قايله نفسك شنو يعني عشان انتي قرويه ومتخلفه م بتفهمي في الاسلوب؟ دي م حركات ناس فاهمين… اول حاجه جيتي داخله غرفتي بدون اذن عزرتك بس تجي وتتصنتي علي دي والله فيها كلام تاني😠
(وكانت غضبانه شديد وشكلها ح تولع وانا من طبعي نعم مجنونه ومهترشه زي م بتقول امي بس لما اتعامل مع زول معصب وبنبزني برد بي كل برود عشان احرقو زياده🙂 قلت ليها وانا كنت بااارده شديد)
انا: ممكن تقولي اني قرويه ومتخلفه وم بعرف في الرقي بس مستحيل اتصور لي ولد🙂🤚🏻ومستحيل اتكلم مع ولد اصلا من ناحيه علاقات وكلام فاضي 🙂 بس احب اطمنك ي ماما طريقك ده غلط واحسن تفارقي
سماهر: خلصتي😒
انا: ايوا خلصت🙂
سماهر : احب اطمنك م ح افارقو ح تعملي شنو يعني
انا: يبقى عندي معاك تصرف تاني🙂
سماهر: بتهدديني يعني
انا: ممكن تقولي كدا
سماهر: اعلى ما في خيلك اركبيهو😒 واتفضلي من غرفتي لو سمحتي
(كانت معصبه وفي نفس الوقت خايفه مني انا م قدرت اتكلم معاها بطريقه احسن من كدا لانها كانت هايجه شديد وم كان ح تجي معاي الا بالتهديد بعدها مشيت غرفه ايهاب سلمتو التلفون وقلت ليهو تسلم كتير )
ايهاب : العفو ي اختي
انا: ايهاب لقيت ليك حل لي مشكلتك واخيرا😍
ايهاب رد لي وهو متفاجئ: بالجد؟
انا: ايووون اصلا ما شي بصعب علي فطومه يلا🌚🤚🏻
ايهاب: ههه اول خلي الموضوع يتحلا بعداك قولي كلامك ده 😂 اها انجزي الحل شنو
انا: تمشي تتكلم مع ابوها
ايهاب: مستحيل ي بت ابوها م برضا
انا: اسمعني اول شي تكلم البت تقول ليها انو بعد انت تجي هي برضو تدخل وتقول ليهو انا سعادتي مع ايهاب وكدا وانت قول ليهو انو الزواج من الاقارب م صح وبعدين بسبب تشوهات لان فعلا زواج الاقارب بعمل مشاكل يمكن يطلع منقولي او اطرش المهم بكون ناقص شي فيهو حتى لو م جاهو شي بكون بليد في دراستو ده كلو لانو الدم واحد وانت تحاول تقنعو بالفكره دي وانو لازم يغير رايو عشان سعاده بتو وغير كدا توريهو انو انتو الاتنين بتحبو بعض
ايهاب: والله فكره ي فطومه انا ح اعملها وبعدها نشوف البحصل
انا: انا متأكده حتظبط ان شاء الله بس انت قول خير واصلا ماف ابو م بحب لي بتو السعاده(وفجأه اتزكرت ابوها🙂💔💔💔💔وانو هو ابدا م كان بحب ليها الخير والسعاده وسكتت وعيونا رقرقت استأذنت من ايهاب فجأه قال ليها فطومه )
انا: نعم
ايهاب: شكرا شديد بالجد انتي نعم الاخت
انا: ولو ي ايهاب انت زي اخوي محمد
(بعدها طلعت مشت غرفتها بكت لمن عيونا جفت كان نفسها تعيش مع ابوها ويكونو اسره كامله بس قدر الله م شاء فعل
في صباح اليوم التالي… 🌞
ايهاب لبس واتظبط وقال لي فطومه رايك شنو تمشي معاي بس م تجيبي سيره لي امي لمن يوافق حتي بكلمها
انا: ظااابط
(لبست من لبساتي الجديدات ديك وقشششرت ايهاب قال لي خالتو مهيره انو ح يسوقني معاهو للجامعه تاني المهم شي من كدا بس بخص الجامعه عشان م عايز يكلمها من اسي م عارفه لي بس مشيت معاهو😍 بس ي ربي هل ابوها ح يوافق ولا لا ده نشوفو في الحلقه الجايه…)
#يتبع… 💜
# *كسره* #:-
ح اساعد اي زول حسيت انو محتاج لي مساعدتي حتي لو كان بيكرهني او كنت بكرهو نيتي صافيه ومهما كان مستحيل اشوف الوجع في عيون زول وم اطبطب عليهو
#Loooza💕

اللهم صلي وسلم علي نبينا محمد صلى الله عليه وسلم
💜💜💜💜💜
#روايه لأجلها عشقت المطر_ 9 💛
بقلم: ملاذ سند احمد ادريس📝
مشيت مع ايهاب وكنت مبسوطه شديد لان لي مده م طلعت وغير كدا ايهاب فرحني شديد لمن ساقني معاهو💜 اها طلعنا وهو اتصل علي نضال.. نضال ردت بعد كم جرس وردت ليهو بي خوف كدا
نضال: الو ايهاب
ايهاب: نضال مالك حبيبتي لي حاسي انك خايفه😳
نضال: ماف شي ي ايهاب بس ابوي لو شافني بتكلم معاك م بحصل خير ☹️
ايهاب: م تخافي ي نضال الليله م بطلع من بيتكم كان م وافق انو نكون سوا انا مستحيل اتخلى عنك
نضال: كيف يعني البجيبك بيتنا شنو😳
ايهاب: جاي اطلب يدك🙂 وابوك ح يوافق عشان المره دي فكرتي حلوه جدا وبعدين انتي كوني مع ابوك لمن اجي وحاولي اثري عليهو عشان يحن علينا فهمتيني؟
نضال: ايهاب انت جادي😳💜💜
ايهاب: لا بهظر😒
… اكيد جادي طبعا
نضال(وهي بتصرخ) : واييي ي ايهاب انا بحبك بحبك شديد بس ان شاء الله يوافق😭😭😭
ايهاب: وانا اكتر ي بعدي م تخافي ان شاء الله ح يوافق انتيي دعواتك بس وخلي بالك من نفسك لمن اجيك
نضال: حاضر💜
ايهاب: يلا مع السلامه
نضال: باي
ايهاب: ميه مره قلت ليك م تقولي كلمه باي دي😒
نضال: (ضحكت وقالت ليهو) حاضر
ايهاب: اموت انا في الضحكه دي🤤

(نضال سكتت وهو عرفها خجلت قال ليها يلا لمن اصلك وقفل… طبعا ايهاب نسى فطومه نهائي😂بعد انتبه عاين ليها)
ايهاب: سمعتي شي😂؟
انا: لالا نهائي م سمعت اي شي😅
ايهاب: احسسن شي (وهو بضحك)
(بعدها وصلنا بالله حسيت ايهاب متوتر شديد لمن مرتبك وم قادر يرتب الكلام)
انا: ي ايهاب
ايهاب: اااا… انا ؟… اي
انا: ي ولد مالك قول بسم الله ماشي حرب انت😂💔وبعدين زاتو ابوها لو شافك خايف كدا يقول ده اسي بحافظ لي علي بتي كيف وبعدين م تمشي تهظر وتعمل حركاتك ديك كدا م بدوك ليها تمام وبعداك علي حسب الكلام الاتفقنا عليهو طيب
ايهاب: طيب طيب
انا: يلا بلاش توتر واخذ نفس عميييق وبعداك اتوكل وادعي وارح ندخل
(ايهاب اخذ نفس ودعا انو ربنا يجمعو بيها في الحلال وقال لي يلا قال بسم الله ومشينا ضربنا الباب…ضربه ضربتين في التالته فتحت طفله صغيره كدا ايهاب قال ليها)
ايهاب: بابا في؟
البت: اي قاعد انت منو
ايهاب: داير ابوك انا
البت: اصبر اناديهو ليك
ايهاب : م ح تفضلينا🌚؟ ي مرومه
البت: هوي عرفت اسمي من وين 😠
ايهاب: امشي نادي ابوك امشي
(بعد مشت قلت ليهو دي منو وعرفت اسمها من وين😂)
ايهاب: دي مرام اخت نضال لميطه ولسانها طويل 😂💔حكت لي عنها نضال
انا: ايوااا
(شويه كدا وجاا ابو نضال شكلو كدا انسان صارم وصعب استغرب من انو نحنا منو وقال لينا اتفضلو اتفضلو انحنا دخلنا وكلنا خوف وتوتر م عارفين ح يحصل شنو او رده فعلو ح تكون شنو لمن يعرف انو ده ايهاب الكلمتو بتو عنو وقالت ليهو انو هي بتحبو وهو منعها من انها تتكلم معاهو جات مرام الشافعه القبيل ابوها قال ليها امشي قولي لي اختك تعمل شاي كبايتين بعدها ايهاب بدا يتكلم وانا بس فضلت ساكته وبعاين)
ايهاب: ي عمي صلاح بصراحه كدا انا جاي اخطب بنتك
عم صلاح: انت منو ي ولد وبتعرف اسمي من وين
ايهاب: انا ايهاب بس قبل كدا عايزك تسمع كل الح اقولو ليك ممكن
عم صلاح(ظهر عليهو الغضب بس اتمالك اعصابو) : اتفضل
(رغم صعوبه طبعو الا طلع انو هو زول متفهم..)
ايهاب: انا نضال حكت لي انو انتو عاداتكم م بتسمح ليكم تعرسو برا الاهل بس ي عمي صلاح قبل ده كلو اسمع مني شوف سعاده بتك بتكون مع منو هي م عايزه ولد عمتها الاخترتو ليها ويمكن ولد عمتها زاتو م عايزها زواج الاقارب ده ي عمي فيهو سلبيات كتيره وكتير منهم بطلعو منها بي طلاق لسبب سوء التفاهم بينهم وفي منهم بطلعو ناقصين لانو الدم واحد ي عمي واكيد انت م بتتمنى لي بتك ولدها يطلع مشوهه ولا تطلق من راجلها و انا م عايز شي غير سعادتها لي نضال وانا عارف ومتأكد انو سعادتها معاي انا بوعدك ي عمي انو م تشوف يوم كعب في حياتها ح احافظ عليها زي عيوني ح احبها اكتر من نفسي عليك الله ي عمي عشاني وعشان بتك ي عمي صلاح م ترفض طلبي انا جيت اشيل امانتي ي عم صلاح انا بتك دي ح اشيلها في عيوني عليك الله ي عم صلاح انا م بقدر بدونها وهي م بتقدر بدوني
(كان عايز يتكلم كدا وجات نضال وهي شايله الشاي وقالت ليهو عليك الله ي ابوي انا عارفاك بتفتش لي سعادتي وانو انا اكتر وحده بتحبها من بناتك عليك الله ي ابوي انا بحب ايهاب شديد وهو كمان ي ابوي☹️😭
)
في جهه تانيه…
سماهر وهي بتتكلم مع فارس كانت بتقول ليهو ي فارس بت خالتي دي قبضتنا عشان كدا تاني لازم نعمل حسابنا البت دي شكلها م هينه وغير كدا هددتني
(وبهناك امها بتكورك ليها وهي م سامعاها امها اتوجهت علي غرفه سماهر عشان تناديها بالفطور 😳😳💔 ي ربي ح تسمع مكالمتها؟ وهل ابو نضال ح يوافق علي ايهاب ولا لا… ده كلو في الحلقه الجايه… 🌚🌸)
#يتبع… 💜
# *كسره* #:-
.

وانا ياخ بريدك زي فرحة #الغرقان وكت جاهو المدد...
نبضات فؤادي عل

اللهم صلي وسلم علي نبينا محمد صلى الله عليه وسلم
💜💜💜💜💜
#روايه لأجلها عشقت المطر_ 10 💛
بقلم: ملاذ سند احمد ادريس📝
وبهناك امها بتكورك ليها وهي م سامعاها امها اتوجهت علي غرفه سماهر عشان تناديها بالفطور
وهي كانت لسه بتتكلم بالتلفون…
فارس: ي سماهر ي قلبي يعني انتي ح تجرجريني كدا لمتتين يخ بليز رسلي لي الصوره الطلبتها منك
سماهر: ي فارس ياخ افهمني م بقدر والله☹️
فارس: تمام تمام🙂
(عمل فيها زعلان…)
سماهر: ي فارس ياخ م تزعل مني عارفني م بحب ازعلك
فارس: بهمك يعني🙂
سماهر: خلاص ي فارس تمام ح اتصور ليك(قالها ليهو بي نرفزه كدا)
فارس: لي قايلاها لي كدا زي الانا جابرك كدا م عايزها
سماهر: لا م جابرني انا بي ارادتي قلت ليك كدا وح اتصورها ليك وعد
فارس :هسي
سماهر: لا هسي م بقدر اتصور كدا
فارس : ي سماهر ياخ
سماهر: طيب طيب ح احاول اتصور
فارس: لا م تحاولي طوالي اسي تتصوري
سماهر: اممم
(فجأه جات ام سماهر داخله سماهر بي توتر شديد وخوف نزلت التلفون وقفلتو )
مهيره: كنتي بتتكلمي مع منو؟ وده منو الح تتصوري ليهو ده؟ احكي😠
(وكانت غضبانه شديد)
سماهر: ا ا امي دي زميلتي في الجامعه
مهيره: ي بت بطلي الكذب بتاعك ده😠
سماهر: بالجد ي امي😭
(وبدت تبكي وتحاول تبرر لي نفسها)
مهيره: احسن ليك تقولي الحقيقة عشان م اوصل الكلام لي اخوك ايهاب ولا اكلم ليك ابوك
سماهر: ي امي يااخ م تحكيها معانا وبعدين يعني شنو عايزين في اي كلام يعني اقولو تقيفو لي في حلقي كان انتي كان بت اختك ديك (قالت الكلام بي نرفزه شديده)
مهيره : (ادتها كف قوي بي غضب شديد) انا م بتكلم معاك بس بعدين اخوك يتصرف معاك ويعرف ده منو وكمان جابت ليها قله ادب وترفعي صوتك كمان علي امك خساره تربيتي ليك يااخ اتعلمي من فاطمه دي م بتقصر ال24 ساعه واقفه معاي في المطبخ رغم انها ياداب جاتنا ضيفه ياخ اخجلي شويه
(سماهر ركبت سماعاتها وشغاله تقول اوووف ياااخ امها قالت ليها خساره تعبي فيك وطلعت
معليش بس نطلع بره الموضوع ثانيتين ونرجع في زي حاله سماهر دي كتيير كتير منهم بتعاملو مع اهلهم بالشكل ده وازكرو لما ربنا قال "ولا تقل لهما افا ولا تنهرهما وقل لهما قولا كريما" يعني ي جماعه عيب وحرام والله زول يتعامل مع امو بالشكل ده في النهايه بفضلها هي انت جيت للدنيا دي وم اتوقفت علي كدا بس هي ربتك وتعبت فيك يااخ خليك من ده كلو اتزكر لمن تمرض ماف زول بقيف معاك غيرها ماف زول بساهر معاك لمن تبقى كويس غيرها يااخ الام دي نعمه عظيمه حافظو عليها والامو متوفيه ربنا يرحمها ي رب والبعصي في انو ي ريت يمشي اسي يطلب عفوها لانو بي مجرد امك تعفي عليك حياتك المعكسه دي كلها بتمشي عديل وحياتك بتتعدل بس انت قول ي رب وامشي اخذ عفو امك… يلا باااك نرجع لي موضوعنا💕خالتو مهيره طلعت زهجانه شديد من تصرفات سماهر وكان بدور في بالها سؤال انو الزول ده منوو؟…
في جهه تانيه… 🌚
صالح: بس ي بتي(قاطعتو نضال وقالت)
نضال : م بس ي ابوي عليك الله وافق عشان سعادتي
صالح: ي بتي انا اديت عمك وولد عمك كلمه كلمه تاني م بقدر اكسر كلمتي هسي انتي جايه تكسري لي كلمتي
ايهاب: يعني المشكله اسي بقت في عمها وولد عمها يعني لو اقنعتكم انت بتوافق ي عمي؟
صالح: لو قدرت انك تأخذ موافقتهم وبي كل رضاهم اوعدك انو تكون بتي ليك
ايهاب: خلاص ي عمي وانا ان شاء الله بأخد موافقتهم بي كل رضاهم بس وصف لي بيتهم
صالح: (اداهو الوصف)
ايهاب: طيب ي عمي معاكم سلامه وان شاء الله بكره او بعد بكره بجي وانا شايل موافقتهم
صلاح: ان شاء الله… مع السلامه
(ايهاب سرق نظرات من نضال وعيونهم كانت بتحكي عن مليون قصه حب😭💕💕 ايهاب بعدها طلع هو هو فطومه ايهاب وفطومه لما كانو في العربيه…
انا: ايهاب اها مبسوط؟
ايهاب: مبسوط شديد ي فطومه شديد يااخ انا وربي م عارف اشكرك كيف😭💜💜
انا: العفو ياخ انا عملت الواجب الباقي بس تجيب موافقه عمها وولدو
ايهاب: ديل هينين
انا: فعلا اهون من ابوها بس كيف ح تشيل موافقتهم؟
ايهاب: هو اصلا م عايز نضال عندو حبيبتو وقال لي نضال قولي لي ابوك انك م عايزاني عشان هو م بيقدر يكسر كلمه ابوهو وكدا ساهل علي جدا اني اقنعو بس خايف من اقناع ابوهو وانا ح امشي بصفتي شنو وح اقول شنو بس ي رب تسهلها… وبرضو بعد ده حقو اكلم امي
انا: ايوا بتتسهل ان شاءالله واهم شي تكلم امك الليله قبل باكر
ايهاب: ان شاءالله ي فطومه دعواتك بس
انا: اكيد ان شاء الله
(وعم السكوت من اللحظه ديك بعدها ايهاب شغل موسيقى لحدي م وصلنا البيت…
وي رب ح يحصل شنو في حلقه بكره؟ مهيره ح تكلم ايهاب؟؟ وح يعمل لي سماهر شنو لو كلمتو؟؟ ومهيره ح ترضى انو نضال اللي هي بت قرى تبقى مرت ولدها ؟؟ وعم نضال ح يوافق علي انو ايهاب يتزوج نضال بدل ولدو؟؟ ده كلو في الحلقه الجايه 😉👋🏼
يتبع… 💜
# *كسره* #:-
*- إنها من ذلك النوع الذي لا يمكن أن تحب بعدها ابداً ، انها تأتي لتكون الأخيرة • 🌸💙*

#Loooza💕

اللهم صلي وسلم علي نبينا محمد صلى الله عليه وسلم
💜💜💜💜💜
#روايه لأجلها عشقت المطر_ 11 💛
بقلم: ملاذ سند احمد ادريس📝
اول م دخلو البيت خالتو مهيره سلمت عليهم قالت ليهم شفتو الجامعه؟ وامشو ارتاحو
ايهاب: اي ي اميبعدين بوريك الحاصل اسي ناخذ لينا نومه وبعدين عندي ليك موضوع
مهيره: طيب ي ولدي
ايهاب: يلا ي الغاليه🌸
(طلعو فوق هو وفطومه واي زول مشى غرفتو لمن فاطمه دخلت غرفتها وايهاب دخل كمان طلعت سماهر مشت علي امها…
سماهر: ي امي بصراحه دي وحده صحبتي وقالت لي نتصور صور كتيره عشان عايزه تعملها في فيديو للذكرى وانا رفضت عشان قالت لي اتصور بدون طرحه بس ده كل الموضوع م تكبريهو وتوري ايهاب انتي عارفاهو صعب كيف ويمكن يضربني بدون يفهم الحاصل
(وقعدت تبكي وانتو عارفين الام حنينه كيف م بترضى زول يهبش ولدها او بتها قالت ليها خلاص قومي م تبكي وامشي غرفتك انا بتصرف والبت دي احظريها م عايزين لينا فارغه نحنا لا تتصوري بدون طرحه ولا بي طرحه😒👋🏼)
سماهر: بس ي امي☹️
مهيره: م بس ولا شي ح تعملي زي م قلت ليك ولا اكلم ليك ايهاب
سماهر: طيب ح احظرها😭
(ومشت غرفتها زعلانه وقفلتها وقعدت تبكي وتقول يااخ انا بحبك ي فارس بحبك والمشكله اي شي واقف ضدنا مستحيل يفهمو حبنا مستحيل 😭😭💔 وحتى لو كان وريت امي كان حتقول لي م تحبيهو وانو بكذب علي بس انا عارفه وواثقه من انك بتحبني ي فارس عارفه انا اي شي وم ح اتخلى عنك مهما كان ح ابقى احبك{مسحت دموعها وده كلو كان بينها وبين نفسها ومسكت تلفونها اتصلت لي بت صحبتها اسمها متاب})
سماهر: متوووبه حبيبتي كيفك
متاب: اهلين سموره كويست الحمدلله كيف انتي
سماهر : والله مضايقه ي متاب
متاب : لي مالك حبيبه اتشاكلتي مع فارس؟
سماهر: ي ريت لو بقت علي كدا امي قبضتني بتكلم معاهو وحتى بت خالتي القروية الحكيت ليها عنك ديك برضو كشفتني وانا خايفه تكلم امي بعد اقنعتها بي عزر اصلا م بتصدق بس نوعا م صدقتني بس لو كلمتها المتخلفه فاطمه دي اكيد ح تصدق😭
متاب: انا قلت ليك من البدايه كان تتفاهمي مع فاطمه دي براحه كان مشت ليك امورك كلها اتعاملي معاها ك صديقه ليك ومنها م ح تكلم ليك امك ولا ح تعمل ليك مشاكل ويمكن تحل ليك مشاكلك كلها يعني لو امك جايه غرفتك تقول ليها خليها انا بناديها وكدا فهمتيني
سماهر: والله انتي مفتحه تاريك م هينه ي الكلبه🌚👊🏻
متاب: هيييي ده كلامك🌚… يلا اعملي كل القلتو ليك ده وارجعي لي وريني الحصل
سماهر: هسي لكن؟
متاب: اي هسي امشي اتحركي عليها
سماهر: طيب نشوف

متاب: طيب
(وقفلو علي كدا..)
من جهه تانيه…
فارس بتكلم مع نفسو (انا لازم اشيل سمعه سماهر في يدي واعملها زي الخاتم وبعد ترسل لي الصور دي ابقى اهددها بيها وبالجهه التانيه اجيب راس فاطمه لانها بالجد عجبتني شديد وكان م وصلت ليها م بقدر عشان كدا لازم اصل ليها واجيب راسها)
#اما بالجهه التانيه خالتو مهيره بتجهز في الاكل فطومه صحت ونزلت ساعدتها والغريبه كمان انو سماهر برضو نزلت تساعدهم لأول مره… ايهاب جا نازل سمع صوتهم في المطبخ دخل عليهم
ايهاب: ي سااتر م شاء الله الليله شكلو في وليمة كبيره🌚
مهيره: هههه شكلو كدا
انا: مش ي ايهاب الليله تطلب بس
ايهاب: ههه والله نفسي في كيكه شوكولاته🤤
انا: تكرم ياخ اسي بعملها ليك
سماهر: انا ح اساعدك ي فطومه
(استغربت فطومه من سماهر بس قالت ليها )
انا: طوالي ارح
(مشو فطومه وسماهر يعملو الكيكه عملوها سوا وسماهر كانت كل مره بتحاول تفتح مواضيع عشان تصاحب فاطمه..)
سماهر: مستعده للجامعه؟ قربت شديد
انا: اي ياخ مستنيه متيين تفتح
سماهر: كلها يومين وتفتح استعدي
انا: جاهزه في اي وقت ان شاءالله 🌸
(عملو الكيكه وطلعت رهيييبه🌸🤤طلعو الاكل ختوهو في الصفره وجو اكلو بعدها سماهر وفاطمه لمو الصحون وغسلوها وفاطمه كانت مستغرربه شديد من حركات سماهر وم فهمت انو هي عايزه تصل لشنو لانو كان تعاملها مع فاطمه كعب شديد فجأه بقت تتظارف🌚💔)
وبهناك ايهاب نادى امو وقعد يتكلم معاها…
ايهاب: ي امي عايز اقول ليك موضوع مهم شديد وبخص حياتي وياريت توافقي عليهو وتديني رضاك فيهو☹️🌸
مهيره: مالك ي ولدي ان شاء الله خير
ايهاب: خير ي امي اول حاجه ممكن تقولي ولدك لقى شريكه حياتو الكنتي كل مره بتقولي ليهو عشان يعرس ويلقى ليهو مره ويملا ليك البيت اولاد واخيرا ي امي انا لقيت لي البت المناسبه
مهيره: بالجد ي ولدي😍(وظهرت علامات الفرح في وش مهيره)
ايهاب: بالجد ي امي بس عايز رضاك
مهيره: لو هي بت ناس وبتقدر تمسك ليك بيتك وتسعدك انا م عندي مشكله💛
ايهاب: امي هي اي شي بتقدر عليهو بس هي ي امي انسانه بسيطه جدا ومن الطبقه القروية حالهم علي قدرهم
مهيره : انا م عندي مشكله ي ولدي ربنا يسعدك ويفرحكم ي رب💛
ايهاب: الله يخليك ي ست الكل😍😍(باسها في راسها وفات غرفتو اتوضا وصلى ركعتين شكر كان مبسووط شديد لمن بكى م مصدق كل البحصل ليهو ده وم عارف ده حلم ولا حقيقه كان مبسوط شديد💛

اللهم صلي وسلم علي نبينا محمد صلى الله عليه وسلم
💜💜💜💜💜
#روايه لأجلها عشقت المطر_ 12 💛
بقلم: ملاذ سند احمد ادريس📝
ايهاب مشى الشغل وبي جاي فطومه مشت عملت الغداء ومعاها خالتو مهيره وبعد عشره دقايق كده جات سماهر صبحت عليهم وقعدت اشتغلت معاهم فطومه كانت مستغربه منها شديد وحتى امها مستغربه منها لان م بتجي تساعدها نهائي الا هي تقول ليها تعالي ساعديني وبعد زهج ونرفزه حتي تجي تشتغل معاها ايهاب في اللحظه دي جا داخل
ايهاب: السلام عليكم يا ناس كيف قيلتو
مهيره: اهلين ي ولدي خش جيت في وقتك هسي الاكل بجهز
ايهاب: لالا م داير اكل، فطومه جاهزه؟
مهيره: جاهزه ل شنو؟
ايهاب: لالا موضوع بسيط ي امي م تشغلي بالك
فطومه: دقيقه ي ايهاب البس واجيك
ايهاب: خلاص تمام
سماهر: (مع نفسها) هسي ايهاب دا جا من وين بعد م انا قربت من البت دي
فطومه مشت لبست وجهزت وركبو العربيه ومشو، ايهاب اتصل على نضال قال ليها احنا جايين عليكم وقفل،
ايهاب: انتي عارفه ي فطومه انا متفائل بيك شديد وان شاء الله تكوني قدم خير ياخ☺️✨
فطومه: (وهي بتضحك) انا عارض ي زول😂
ايهاب: لالا م تقولي كدا ارح انزلي وصلنا😂 مجنونه انتي
ونزلو وخاشين البيت فتحت ليهم نضال الباب والفرحه اللي ف وشها م ف زول يقدر يتخيلها
قالت ليهم خشو اتفضلو
ايهاب: خاشين ي ست البنات الليله ان شاء الله يكون يوم الهناء💛💛
نضال: خجلت ودخلت جوه وساقت معاها فطومه
ايهاب مشى الصالون وجاء عمها
عمها: السلام عليكم (معاها صرة وش ظاهره)
ايهاب: وعليكم السلام ي ابوي كيف حالك
عمها: والله بخير اتفضل ان شاء الله خير
ايهاب: والله كلو خير جاي اطلب ايد بتكم
عمها: بتنا منو؟
ايهاب: نضال ي ابوي☺️💛
عمها: م عندنا بت للعرس
ايهاب: (اتصدم بس خفيف كدا) ي ابوي قول خير انت عمها وغير سعادت بتك م عايز شي وانا اوعدك م تشوفها بكت في يوم سعادتها معاي م تقيف ليها حاجز
عمها: انت منو عشان توريني انا اعمل شنو وشغلتك شنو
(بدا يجوط ولما الناس كلها) ي زول اطلع من بيتي وم عندنا بت للعرس وتاني م اشوفك حايم عندي
ايهاب: والله انا م خايف منك بس بحترمك انا بيتك م جايهو بس نضال لي وانا م برتاح الا تكون حلالي
عمها: اها انا في وانت في ونشوف كلام منو فينا الببقى
ايهاب: ولي معلوماتك ي عمي حتي ولدك المصون م عايز نضال فما تخليهم يتزوجو بدون حب لان علاقتهم ح تخرب وانت الح تكون السبب في دمار اسره كامله
(نضال كانت بتبكي وفطومه بتهدي فيها وبتقول ليها ح يكون ليك اطمني)
ايهاب: (بي صوت خشن وعالي) فاطمه ارح اتحركي🙂 (تاني قلب صوتو حنين☹️ بعد شاف دموع نضال مسح علي راسها وقدام عمها قال ليها )م تخافي ماف شي ح يبعدني منك ولو رجاله انا بقلعك انتي حقتي وانا م متعود اخلي شي حقي بعيد مني
(وركبو العربيه وراجعين ع البيت وإيهاب كان زعلان شديد بس كاتمها)
من جهه تانيه…
سماهر بتكلم فارس بي حزر تااام بعد اتأكدت انو امها مشت نامت وامها يحليلها م عارفه شي
وفارس بحاول يقنع فيها لسه
فارس: سماهر اسي البيت فاضي خشي الغرفه واقفليها وانجزي انتي لو م عايزه تديني قولي لي
سماهر: حاضر ي بيبي خليني اخش جوه بس
فارس: اصلا انا بحبك💛 (هنا قال يدوب انتي ح تسلميني نفسك وكان فرحان فاكر انو خلاص ح ينتصر)
فجأه دخلو البيت فطومه وايهاب قبل م تتصور سماهر وهي كانت متردده بين انها تتصور او لا هي م عايزه تتصور بس برضو م عايزه تخسر فارس لانها بالجد بتحبووو☹️💔
فطومه وهي داخله علي غرفتها وهي كانت زعلانه علي حال ايهاب ورفض عمو💔 نادتها مهيره ي فطومه ي بتي وصلتو تعالي لي عايزاك
(فطومه مشت لي مهيره)
فطومه: نعم ي خالتي
مهيره: ي بتي والله مصدعه عليك الله جيبي لي حبوب بندول من سماهر قاعد في دولابها
فطومه: حاضر
(وفطومه مشت علي غرفه سماهر وكالعاده دخلت بدون تضرب الباب😳😳😳😳💔💔💔… )
من جهه تانيه…
عم نضال مشى علي ولدو بعد رجع من الشغل.. طبعا اسمو جمال ولدو اسمو عمران
جمال: ي ولدي عايز اتكلم معاك
عمران: اتفضل ي ابوي
جمال: بصراحه كدا انت عندك بت بتحبها غير فاطمه بت اخوي؟
عمران: لي ي ابوي بتسألني كدا مش انت اخترت لي وخلاص معناها قراري م مهم
جمال: جاوبني ي عمران
عمران: اي ي ابوي انا بحب بت تانيه وبصراحه م بحبها بس انا عايزها شريكتي بس انت بدون تسألني مشيت خطبت لي نضال من ابوها💔
جمال: بس ي ولدي نحنا بنعرس من الاهل ودهوالشي المعروف
عمران: بس انا م عايز بت الاهل الاخترتوها لي دي
جمال: خير خير
(وطلع من الغرفه… )
اها حيحصل شنو بعد ده كلو في الحلقه الجاية خليكم قرااب🌸🌸🌸✨
#يتبع… 💛
# *كسره* #:-
حبي البكون ليك سند الما بتخلى عنك لو الكون كلو وقف ضدك هو بكون جنبك وساندك م الكل ي جماعه بحبو صدق في كتتتير منهم كذابين💔 اول شي اتأكدي من حبو ليك بعدها اثقي فيهو م تدي قلبك لي اي زول قلبك جنه والجنه م بخشها الا البستاهلها💛✨
#Loooza💕

اللهم صلي وسلم علي نبينا محمد صلى الله عليه وسلم
💜💜💜💜💜
#روايه لأجلها عشقت المطر_ 13 💛
بقلم: ملاذ سند احمد ادريس📝
اها في جهه تانيه..
فاطمه دخلت علي سماهر ولقتها بتتصور بي فنيلتها الداخليه فاطمه بقت عامله كدا😳
سماهر: ف ف فطومه(وهي متوتره شديد)
فاطمه: بتتصوري للتافهه داك😳💔 م اتوقعتها منك ي سماهر😳💔
سماهر: لا فهمتيني غلط حبيبه(وفيها شويه توتر بس اخفتو عشان فاطمه م تحس بيها) انا عامله دايت ي فطومه وعندي صحبتي اسمها متاب قلت اوريها جسمي بقى كيف بعد الدايت
فاطمه: بس م كان تتصوري كدا ي سماهر هسي لو نشرت ليك صورتك تمشي وين
سماهر : لالا م تخافي دي صحبتي من الاساس💛
فاطمه : تمام ..نسيت اقول ليك امك قالت عايزه بندول
سماهر: طيب (واخذت تنهيده انو فاطمه صدقتها بس فاطمه م كان عندها حل غير تصدقها ادتها البندول ونزلت ادتو لي خالتها ومشت غرفتها ناامت شويه كدا وصحت..
بالمغرب كدا عم جمال ضرب لي نضال… )

نضال : الوو ي عمي كيفك
جمال: نضال اعفي لي ي بتي عارف م كنت اعمل كدا علي الاقل كان اشوف رايكم هسي انا بعتزر منك ومن الولد الجاني قبيل داك وانا م عارف ليهو رقم بس رسليهو لي وانا بضرب ليهو وانا موافق الفيهو الخير ربنا يسويهو
نضال: العفو ي عمي كلو لخير(كانت مبسوووطه شديد حتي الفرح ظهر في صوتها) طيب انا هسي برسل ليك رقمو
جمال: طيب ي بتي الله يرضى عليك
(وقفل رسلت ليهو رقم ايهاب وهي مبسوطه شديد 💛💛)
عم جمال اتصل لي ايهاب... وايهاب في المره الاولى م رد.. بس عم جمال تاني اتصل بعد جرسين رد..
ايهاب: الوو؟
جمال: مرحب ي ولدي حبابك
ايهاب: ي مرحبتين معليش م عرفتك
جمال: انا عم نضال بعتزر منك ي ولدي علي تصرف امبارح وهسي انا موافق انو تتزوجو وبالنسبه لي خطوبتها هي وولدي عمران ح نفسخها
ايهاب: كضااب😅😳
(من الخلعه والفرحه م عرف يقول شنو وراسو جااط قام قال ليهو كضاب😂😭💔 كلنا بتكون مرت علينا حاله زي دي💛 وربنا يديم الافراح يلا نواصل..)
ايهاب: لالا اقصد انت جادي ؟😅
جمال: ايوا
ايهاب: بكره انا بكون معاكم😍
جمال: تشرف ي ولدي
(قفلو وايهاب من الفرحه لمن م عرف يعمل شنو بقى محتار اسي يكلم منو يمشي يكلم امو ولا فاطمه ولا يوري نضال زاتها في النهايه مسك تلفونو واتصل لي نضال😍😍
ومن اول جرس رفعت شفقاانه😂)
ايهاب: مرتي الح تكمل معاي نص دديني😍
( نضال عملت فيها م عارفه عشان م تخرب فرحتو دايره هو اليوصل ليها الكلام💜)
نضال: كيف عرفت اني ح اكون مرتك☹️؟
ايهاب: بكره انا جايكم وجايب معاي حاجاتي طوالي الخطوبه ولو ابوك قال خير طوالي نعقد
نضال:كيف كيف؟😳
ايهاب: عمك اتصصصل لي وواااافق😍😍😍
نضال: اصلو م ببصدق😍
ايهاب: وربييي يلا بكره بحيكم
نضال: بس ي ولد انت جنيت كيف يعني تعقد😒 انا هسي متيين جهزوني عشان تجي تستلم قول بسم الله هسي يقولو راجلي شفقان😂😂
ايهاب: هوي اليقولو ساي اصلا م عندي شي لي زول مرتي وعايز اشيلها كفايه قاعده مع اهلك ديل كم سنه ☹️اشتقت ليك انا☹️👊
نضال: ايهاب هوووي اوع تمشي تعمل عقد انا عايزه ابقى زي البنات اتجيه واتتحبس😒👊🏻
ايهاب: هسي الشفقان منو😂😂البووره كعبه
نضال: بايره حبوبتك ي رمه يلا طير مني زاتو م عايزه اعرسك مش انا بايره
ايهاب: كر علي لالا وربي مرتي م بايره بعدين انا جيت افك ليك بورتك😂 ولا م كدا ي مزتي🌚
نضال: ايهاب انا تقول لي بايره؟😭😭😭وكمان تفك لي بورتي 😭😭كووويس بس ليك يووم
ايهاب: ها السجمانه م تبكي بهظر معاك😂خلاص يلا امسحي دموعك دي واضحكي اصلا الفرح بشبهك😍
نضال: 🙈🙈
ايهاب: اسي م قلتي بتبكي ي مجرمه😂👊🏻 يلا اقطعي وشك ده انا ماشي اجيب حاجات الخطوبه وبكره نتلاقى ي بعدي 💛
نضال: ماشي تجيب حاجات الخطوبه😳
ايهاب: اي ماف زمن اجي اسوقك وتختاري الخاتم بصور ليك وانتي قولي لي عايزه ياتو وواوع تكلمي ابوك ولا اهلك عامله ليهم مفاجأه طيب
نضال: لالا انا عايزه امشي معاك😭😭 اي طيب م بكلمهم
ايهاب: نضال بطلي عناد انا عايز اسرقك سريع يااخ كدا ح نطول لو سقتك معاي وبعدين ابوك م بخليك تطلعي اسي وانا مستعجل🌚💔
نضال: البشوفك كدا بقول بكره مسافر ..هوي انا ماشه معاك ولو علي ابوي بكلمو بقول ليهو ماشه مع صحبتي قريب وجايين م بحميني
ايهاب: خلاص طيب نص ساعه واكون عندك اوع تتأخري بقتلك🐸
نضال: طيب😂
(قفل منها وجررري فات لي امو حكى ليها اي شي ومشى لي فطومه كمان حكى ليها وقال ليها اي حاجه فاطمه فرحت ليهو شديد☹️💛💛قال ليها تمشي معاي قالت ليهو غايتو عملتني حارس شخصي 😂😭اصلا بكره نازله جامعه واتحلا منك😝)
ايهاب: يعني زهجتي مني ي كلبه وانا زاتي كلو كم يوم واجيب مرتي واتحلا منك😂😭💔
انا: اسي بغير راي وم بمشي معاك🌚💔
ايهاب: لالا خلاص معليش يلا اتجهزي عشان اسي طالعين مسافه اخذ لي دش واطلع القاك جهزتي ظابط
انا: طيب تمام
(ايهاب مشى استحمى ولبس سريع سريع لبس قميص ازرق سااده🤤كان فيهو تحفه مع السكسوكه والدقن المرت

اللهم صلي وسلم علي نبينا محمد صلى الله عليه وسلم
💜💜💜💜💜
#روايه لأجلها عشقت المطر_ 14 💛
بقلم: ملاذ سند احمد ادريس📝
كانت فطومه مبسوطه بيهو شديد اها بعداك مشو يوصلو نضال عشان م يتأخرو ولقو ابوها في الشارع😳💔
نضال: ايهااااب داك ابوي😳😳
ايهاب: طيب مالك خايفه كدا اهدي شويه م حيحصل شي ان شاء الله
نضال: ايهاب انت بتقول في شنو وووب الليله ابوي لو شافني يمكن م يرضى بيك زاتو كان جيت
انا: عندي فكره انتي انزلي براااحة ي نضال ونحنا بنشغل ابوك وانتي امشي بي ورا وخشي البيت
نضال: طيب بس كيف
انا: انزلي من هنا واعملي حساب عشان م يشوفك ونحنا بنمشي عليهو وبنظبط الامور وممكن عشان م يتفاجأه بي جيتنا ايهاب يقول ليهو عن موافقه عمك
نضال: حببك انا يااخ ☹️💜💜
ايهاب: وانا☹️💔
نضال: انت م دخلك😂😭
ايهاب: خلاص يلا اتفكفكي من عربيتي😒زاتو م داير معاك ولا بعرسسك😏
نضال: بي وشششك😂
ايهاب: فطومه غمضي عيونك🌚
انا: سمح
(وفطومه من براءتها غمضت عيونها بي يدينها😂😭 وايهاب قال لي نضال تعالي اشر ليها بي يدو عشان فطومه م تسمع نضال قربت وقالت ليهو بصوت منخفض شنوو🌚 قال ليها ماف قدوم الوداع؟🌚🙈💔💔 قالت ليهو في ضربه الوداع😂😭ضربتو وفتحت الباب وطلعت برااحه ايهاب قال مجنونه يااخ واتحرك علي اتجاه ابوها وفطومه لسه مغمضه ايهاب قال ليها ها ي السجمانه فتحي عيونك
فطومه: خلاص 🌚 ؟
ايهاب: اي خلاص😂
فطومه: طيب
(فطومه فتحت عيونها واتجهو علي ابو نضال…ايهاب نزل من العربيه وسلم علي ابو نضال وابوها سلم عليهو بي حراره💜)
ايهاب: كيفك ي ابوي
صلاح (ابوها) : بخير ي ولدي كيف انت؟
ايهاب: الحمدلله بخيير.. والله جيتك ي ابوي اقول ليك انو عم نضال وافق اخيرا وبكره ان شاءالله بشرفكم انا واهلي
صلاح: تشرفو في اي وقت ان شاءالله 💛(وفي نفس الوقت مستغرب كيف عم نضال وافق رغم عصبيتو وتمسكو بي انو نضال تبقى مرت ولدو بس قال يلا كلو لخير )
ايهاب استأذن منو وقال ليهو لينا لقاء تاني بكره ان شاءالله وساق فاطمه وطلع وبهناك نضال دخلت البيت ايهاب وفطومه رجعو البيت وايهاب مشى وقال لي امو كل الحصل وقالت ليهو ربنا يتم ليك علي خير وانها ففرحانه بي فرحتوو💛
مر اليوم طويل شديد علي ايهاب وكمان علي فطومه لانها كانت بكره نازله جامعه والموضوع كان غريب شديد عليها وانها اول مره تنزل وحتى انها كيف تاني ح تقرا جامعه يعني الجامعه مختلفه اختلاف تماما عن الثانوي كانت خايفه وفي نفس الوقت فرحانه شديد مشت لي ايهاب عشان تتصل لي اهلها طبعا م زكرنا الموضوع ده اهلها طوالي بتصلو وبطمنو عليها من ايهاب💛المهم اتجهت علي غرفه ايهاب وضربت الباب
ايهاب: ادخل
انا: ايهاب معليش علي الازعاج في الليل ده بس عايزه اتصل بي اخوي
ايهاب: عادي ي بت بعدين تعالي هنا
انا: اها
ايهاب: اول حاجه تاني م تقولي لي معليش انا اخوك زاتي اي حاجه عايزاها قولي لي بس طيب
انا: طيب
ايهاب: وتاني حاجه انتي داخله علي جامعه مفترض يكون عندك تلفون عشان تتواصلي معاهم انا بكره بجيب ليك واحد عشان تاني زاتو ارتاح من وشك ده كملتي لي رصيدي😂 (قالها في شكل هظار)
انا: كيف يعني تجيب لي تلفون😳لالا م عايزه شكرا
ايهاب: انا سألتك؟قلت ليك عايزه ولا لا؟
انا: لا م سألتني
ايهاب: يبقى تنطمي وتسمعي الكلام بكره انا بجيب ليك التلفون وده قرار نهائي وهداك تلفوني شيلي اتصلي لي خالد
انا: بس م بعرف استعملو☹️
ايهاب: جيبي وتعالي
انا: طيب
(جبتو وجيت قعدت جنبو فهمني الحاجات الاساسيه فيهو يعني بفتحو كيف وبقفلو كيف وبتصلو كيف وكدا وبعدها قفلو وقال لي يلا اتصلي لي خالد اشوفك فهمتي مسكت التلفون وفعلا قدرت واتصلت لي خالد بقيت شغاله اقول ليهو واااي عرفت اعملها😍😍😍)
ايهاب: التلفون ساهل شديد ي بت عادي بتقدري تشتغلي فيهو سريع
انا: اي والله
ايهاب: يلا امشي اتكلمي مع اخوك براحتك وتعالي
انا: طيب شكرا ي ايهاب💛
ايهاب: اممم برضو شكرا تاني م تقوليها طيب
انا: 😂😂طيب
(طلعت منو ومشيت اتصلت لي خالد اتكلمت معاهو ومع امي لمن فترت وامي وخالد شغالين لي خلي بالك من دراستك ومن نفسك وكلام الاهل ديك😂😭🤦🏻‍♀️ وانا بس شغاله حاااضر حاااضر في النهايه خالد قال لي لو احتجتي لي اي شي بس اتصلي لي قلت ليهو حاضر قال لي برضو عادي ممكن تتكلمي مع زملائك بس في حدود فهمتي يعني ممكن الاتنين تكتبو البحث سوا فهمتي يعني الاولاد في الجامعه لازم الزول بمر بيهم بس خليك واعيه فهمتي علي قلت ليهو فهمت قال لي يلا بعد كدا نومي عشان بكره تصحي بدري قلت ليهو طيب وقفلت ومشيت اديت التلفون لي ايهاب ايهاب قال لي بكره الجامعه صح قلت ليهو اي قال لي خلاص ي زول بنمشي لي ناس نضال بعد تجي قلت ليهو طيب ومشيت غرفتي بعد عذاب من التفكير كدا وزهجت م جاني نوم بعد شويه باب غرفتي ضرب فتحتو لقيت دي سماهر قعدت اتونست معاي طبعا هي زاتها ح تدخل معاي الجامعه وح نقرا في نفس الجامعه💛 )
سماهر: واي ي فطومه ياخ م قادره ا

اللهم صلي وسلم علي نبينا محمد صلى الله عليه وسلم
💜💜💜💜💜
#روايه لأجلها عشقت المطر_ 15 💛
بقلم: ملاذ سند احمد ادريس📝
صحيت الصباح لقيت سماهر في غرفتي صحيت مخلوعه 😳💔
انا: سماهر؟😳الجابك غرفتي شنو من الصباح بسم الله
سماهر: طارداني يعني 😂👊🏻
انا: لالا يخ العفو
سماهر :طيب يلا قومي سريع
الجامعه نسيتي وبعدين لازم نرجع بدري عشان الخطوبه والله كان م نمشي زاتو اول يوم ده اهم الخطوبه كان
انا: لالا هوي انتي مجنونه اهم شي الجامعه بعدين ده اول يوم واول سنه م صاح نعمل كدا من اول مره
سماهر: خلاص يلا قومي سريع زاتو م معروف يوصلنا منو وايهاب بكون بجهز في الحاجات
انا: م مشكله نمشي بي المواصلات انا وانتي
سماهر: لالا انا م متعوده اركب مواصلات🐸
انا: ي بت عادي
سماهر: هوي يمكن نضيع وبعدين لا انا ولا انتي بنعرف الطريق
انا: اي والله طييب الحل شنو؟
سماهر: الحل في البل😂😭💔
انا: هوي ي سجم انا جاده
سماهر: طيب رايك شنو ادق لي صحبي يوصلنا
(كانت قاصده فارس بس م كانت عايزه تقول لي فاطمه عشان م ترفض تمشي معاها)
انا: هوي لالا انا بخاف والله
سماهر: ي بت ده صحبي من الاساس وبعدين امي بتعرفو وطوالي بنمشي سوا كان طريق مدرستي قريب لي شغلو
(وهو امها لا بتعرفو ولا شافتو)
انا: اممم
سماهر: ي فطومه ياخ بدون اممم ارح سريع البسي ععشان ح نتأخر
انا : طيب اول نكلم خالتو مهيره
سماهر: طيب انتي البسي انا بلبس وبمشي اكلمها ظابط
انا: طيب تمام
(لبست فطومه وسماهر مشت لبست واتصلت لي فارس كلمتو وهو م صدق انو فطومه برضوووو ح تجي مشى لبس اخررر شياكه وجاهم قريب لي بيتهم بس م جنب الباب وسماهر مشت قالت لي امها نحنا ح نطلع)
مهيره: ح تمشو مع منو ي بتي
سماهر: طلبت ترحال ي امي بطل اسي بلا مع السلامه ح انادي فطومه وبطلع طوالي
مهيره: طيب يلا خلو بالكم من نفسكم
سماهر : حاضر
(يلا سماهر مشت ساقت فطومه من يدها وقالت ليها يلا سريع سريع فطومه قالت ليها استني اعمل كحل )
سماهر: انتي لسه م عملتي ميك اب طيب اقعدي سريع اعمل ليك
(فاطمه م كانت عارفه معني كلمه ميك اب بس م قالت ليها عشان م تحرج نفسها مع سماهر بس سكتت وسماهر طلعت علبه من شنطتها مليانه ميك اب وارواج بكل الالوان شي فظيع🤤 فطومه شافتهم بس مره في التلفزيون عند ناس جيرانهم☹️💜 اها يلا سماهر عملت لي فطومه ميك اب خفيف وظريف كان نايس شديد وفطومه طلعت مزززه وطفت سماهر اصلا سماهر هي حلووه بس فاطمه قررضه)
سماهر: طفيتيني لكن
انا: هههههههه
سماهر: اضحكي بعدين هسي ارح سريع
(ومسكت يد فطومه ومشت بيها نزلو تحت )
انا: كلمتي خالتو
سماهر: اي كلمتها ارح ارح
انا: خليني اقول ليها مع السلامه خلاص
سماهر: قالت ماشه تستحمى ياخ وبعدين نحنا اتأخرنا ارح سريع
انا: طيب طيب مالك مستعجله كدا
سماهر: للجامعة ي بت المحاضره يمكن بدت
(وهي خايفه ععشان م يتلاقو مع امها تو ايهاب وفاطمه تحكي ليهم…
بعدها مشو ولقو فارس سماهر ركبت قدام وفطومه ورا سماهر وغمزت لي فارس نظام اقنعتها تجي معاي ركبو وفارس صلح المرايه علشان يشوف بيها فاطمه والوقت كلو بعاين لي فاطمه بالمرايا وحاول يفتح موضوع ععشان تتكلم معاهو وفاطمه بس بتجاوب علي حسب السؤال بس وكانت مضايقه شديد من حركات فارس وسماهر كانت شايفه حركات فارس بس بتحاول تخت ليهو عزر دايما البتحبو بتعزرو المهم وصلو الجامعه وودعهم وفات وهو من الوقت داك ياااداب فاطمه وقت في راسو عشان هي تقيله🤤🤤💜💜
اما بي جاي ايهاب مشغوله مع الخطوبه ومشى يجهز الحاجات بتاعت الخطوبه والتلفونات الكتيره العندو من اصحابو العزمهم بعدها اتحرك بي عربيتو قال ماشي يجيب هديه لي نضال بس المشكله انو ح تحصل كااارثه😭💔💔😭💔💔
#يتبع… 💜
#بعتزر عن تأخير الروايه وعن الجزو لانو بسيط اسفه جدا بس مشغوله وربي بعوضكم في الحلقه الجايه ان شاءالله اصلا الروايه علي وشك انها تخلص
# *كسره* #:-
مرات كتير في عز فرحك الدنيا بتخزلك بتوجعك بعد تصل للقمه بتلقى روحك بي كل بساطه وصلت لنقطه الصفر 💔اصلا دي الدنيا تفرح وتحزن وتنفسن وتزهج بس كلو مكتوب ومقدر… ✨
#Loooza💕

اللهم صلي وسلم علي نبينا محمد صلى الله عليه وسلم
💜💜💜💜💜
#روايه لأجلها عشقت المطر_ 16 💛
بقلم: ملاذ سند احمد ادريس📝
من جهه تانيه…
فطومه وسماهر دخلو الجامعه وكانت شي فظيييع بالنسبه لي فطومه كانت شايفاها جنه علي الارض ومزهوله بي جمال الناس الفيها والفاكه شعرها والماسكه يد حبيبها
المهم استغربت من عقلانية ناس الخرطوم وانو عكس ناس بلدهم تماما…
المهم قعدو فاطمه وسماهر سوا وطبعا م كان عندهم غير بعض وهم م بقرو في نفس المجال فاطمه هندسية وسماهر طب المهم في المحاضرات اي وحده بتمشي لي محاضرتها
فاطمه دخلت المحاضره وهي متوتره وم بتعرف اي زول هناك‏ في اثناء قاعده في اول بنش في القاعه ومنتظرين الدكتور يجي فجأه جا واحد قعد جنبها هي في البدايه اتوترت بس لقتو م مركز معاها وماسك شيتاتو وبرتب فيها وشكلو زي المشغوله كدا برتب وتلفوناتو بتضرب يرد لي ده يقفل منو يتصل زول تاني فهمتوني يعني جان مشغول شديد حتى فاطمه في وشها م عاين ليها… يلا تعالو نوصف ليكم الولد
لونو اسمر كدا هااادي🤤 طويل وشعرو سبيبي ناعم عيونو لونها عسلي غامض (اي طبعا من سماحتو لمن شفت لون العيون😂💜)
اها بعد فاطمه هدت وبطلت توتر الولد انتبه ليها اتلفت وقال ليها السلام عليكم (مع ابتسامه كدا وظهرت الوجنه حيييي انا🤤🤤)
ردت ليهو :بي وعليكم السلام🙂
قال ليها كيفك 🌚
فطومه :عاينت ليهو بي برود ( وبتقول ده مالو 😒 لكن الوجنه تلخم ) تمااااام
قال ليها ممكن نتعرف على بعض 🥺 ونكون اصحاب ما ردت ليهو💔
قال ليها انا بحكي معاك ؟😒
فجاءة الدكتور دخل وبدوا المحاضرة تعريف وكده ما فيها شي مهم وقالوا حيبدوا المحاضره من بكرة 🌚
طلعت برة جيعانه عاوزة تمشي الكافتيريا ما بتعرف وما عارفه تسال منو؟؟ بقت تلفت فجاءة جااها صاحبنا داك قال ليها ممكن اساعدك مع انك ما اشتغلتي بي موضوع انو نتعارف وقلتا ليك اصحاب وزملاء ما اكتر
ما اشتغلت بيهو ومشت خلتو واقف 😒
قال دي مالها مفتريه كده المهم بقت واقفه قريب نص ساعه قالت( اسي كان سالتوا ما كان احسن من اكون واقفه كده وسماهر ما بترد لي )
مشت بقت تلف لمن وصلت لفه عاوزه تدخل رجعه😖 قال ليها ماشه وين قالت ليهو الكافتيريا 😏
قال ليها بس الكافتيريا ما بهينا دي حمامات خاصه بي الرجال 🙊🙊 طبعا اتحرجت وقربت تبكي قال ليها ارح الكافتيريا بقي ماشي وهي وارهو وصلها وقال ليها: جواه زحمه عاوزه شنو !؟؟؟
قالت ليهو اي شي انا جيعانه ☹😖😖😖 مشي جاب ليها شاورما وبيبسي وقعد معاها لمن اكلت وخلصت
قال ليها لسه ما عاوزة توريني اسمك قالت ليهو: فاطمه 😊
قال ليها :انا يزن😇🥰
قال ليها اتشرفنا ردت: لي الشرف ❤
فجاءة تلفونها ضرب سماهر قالت فطومه ما خلصتي عشان نلحق الخطوبه قالت ليها اي جايه عليك انتي وين قالت ليها تعالي محل نزلنا قبيل من العربيه ردت ليها تمام 😇 قفلت الخط
سماهر دقت لي فارس حبيبها قالت ليهو فاطمه جايه علينا رجعنا معلييش حناخرك 🙁 قال ليها لالا عادي اهم حاجه راحتك يا حبيبتي 😍(هو في بالو بس فطومه )
باك لي ايهاب🌸
اتحرك بي عربيتو قال يمشي يجيب لي نضال هديه اشترى ليها سلسل دهب فيهو حروفهم الاتنين وبينهم الحركه بتاعت الي مالانهايه 🤤رهيب شديد وجاب ليها شوكولاتات في كيس كبير وبوكيه ورد باللون البنفسجي لانو لونها المفضل🤤💜بس وهو في طريقو اتصلت بيهو نضال…
ايهاب: عمري انا كيفك
نضال: انا كويسه ي خطيبي 🙈
ايهاب: 😂😂مجنونه… انا شويتين ونجيكم طيب حبيبي
نضال: اووك
ايهاب: خلي بالك من نفسك اصلا كلها كم يوم واجي اخطفك منهم🌚
نضال:هههههههه حاااضر وانت كمان حبيبي
ايهاب: اموت انا في الضحكه دي🤤
نضال: بحبك

(وفجأه في اثناء كلامهم جا دفار كبييير وخشى في عربيه ايهاب😭😭😭💔 ايهاب صرخخخ ونضال سمعت صرختو وبعد شويه سمعت الناس والجوطه وهي خلاص اعصابها بردت قفلت التلفون وتاني اتصلت… واتلمو فيهو الناس والحادث كان كبير شديد وايهاب غرف في دمو😭😭💔لما نضال اتصلت تاني رد ليها راجل كدا كبير في السن شويه )
نضال: الو الو ايهاب انت كويس؟
الراجل: ي بتي الولد ده حاليا عامل حادث وحالتو صعبه انا ح ارفعو وح اديهو مستشفى رويال كير الحقينا
نضال: ااااا😳😳حادثث😳😳😳وحالتو صعبه😳😳😳ه ه هسي انا ح اجي ثواني واكون معاكم
(نضال خشت ليها في عبايه ومن الخلعه لبستها بالمقلوب💔 ولبست طرحه ومشت بي سفنجتها😭 وجرت جري ركبت تكسي وماف زول شافها شالت تلفونها وجرت عليهو وصلت المستشفى واتصلت للراجل وهي دموعها م وقفت ولا ثانيه قالت ليهو وين انتو وصلتو؟
الراجل: نحنا جوه ي بتي في غرفه الانعاش
نضال: غرفه الانعاش😳😭😭خلاص طيب جايه عليكم
(نضال دي كانت في حاله لا يعلم بيها الا الله مصدومه وكرعينها دي ولا حاسه بيها زاتها م عارفه ماشه كيف ووين بعد كلام الراجل مشت مسافه طويله في المستشفى بعدها وعت ومشت سألت عن غرفه الانعاش وروها ومشت عليهم لقت الراجل وم قالت ليهو اي شي بس طوالي اتوجهت علي غرفه ايهاب

اللهم صلي وسلم على نبينا محمد صلى الله عليه وسلم
💜💜💜💜💜
#روايه لأجلها عشقت المطر 17💛
بقلم:ملاذ سند احمد ادريس📝
نرجع لي قصتنا وقلنا 🌸

باااك لي ناس فطومه اها يلا فطومه كانت جايه عليهم
طبعا قبيل فارس لما وصلهم كان بعاين ليها بالمرايه حقت العربيه وما كانت قادرة تتذكر العربيه وقفت وين المهم ما عرفت تمشي وين ف قامت ضربت لي سماهر
سماهر;: انتي وين انا واقفه في المحل القبيل
فطومه: م شايفاكم + نسيت كنا واقفين وين
سماهر: يا بنت العربيه السوادء والواقفه وراك دي
فطومه اتلفت ومشت عليهم طبعا فارس ما قادر يشيل عيونو عن فطومه وهي ولا شغال بيهو مع انو عارفاهو بعاين ليها لكن ولا هببت ليهو بس كان بينها بين نفسها بتحاول تقنع روحها انو زول كويس لانو بوديهم ويجيبهم بدون مقابل .
قامت نضال ضربت لي ام ايهاب (مهيره)
نضال : خالتو مهيره 😰
مهيرة :نعم اتفضلي .
نضال بقت تبكي وتبكي وما قدرت تنطق ولا حرف وغلبها
مهيره: منو معاي
نضال : خالتو انا نضال خطيبه ايهاب ولدك خالتو ايهاب عمل حادث هو في مستشفي رويال كير تعالي هناك😭
مهيرة:ايهااااااب ولدي 😳في المستشفى وعمل حادث الليله وب سجمي😭 ولدي الوحيد اسي هو كويس؟😭
نضال: والله ي خالتو لسه م عارفه يحصل ليهو شنو😭تعالي بس سريع😭
وطلعت مع طلعتها كده ناس فطومه لقوها جنب فاطمه
فاطمه :مالك بتبكي(وقعدت تبكي معاها بدون تعرف الحصل اصلا فاطمه حنينه شديد😭😭😭😭😭😭 )
مهيره: ولدي ي فاطمه ولدي عمل حااااث وقعدت تبكي😭😭
فطومه: ايهاب😳😳💔 وين هو اسي وعرفتي كيف😭😭
قطعتهم سماهر :امي امي مالك عامله كده😳💔
مهيرة:اخوك يا سماهر عمل حادث 😭😭😭😭
سماهر : ايهاب ي امي😳 كيف ووين عمل حادث وين هو يا امي اسي
مهيرة :في مستشفي رويال كير 😭😭
وطلعوا لقو فارس عاوز يتحرك
قامت سماهر اشرت ليهو وصلت ليهو فارس اخوي عمل حادث في مستشفي رويال كير😭😭 عاوزين نصل ودينا عليك الله😭فارس قال ليها طوالي ركبوا معاهو ومهيره الشارع كلو تبكي وفطومه تهدي فيها وطبعا كالعاده فارس ما قادر يشيل عيونو من فاطمه دخلوا وسالوا منو قامت امهم ضربت لي نضال قالت ليها في الانعاش
وصلوا ولقو نضال واقفها بره وبتبكي لمن عيونها واقعه وورمانه قالت ليهم الدكتور مرة بيهو وحكت الكلام حق الدكتور كلووو
امو مسكت نضال وبقت تبكي فجأه تلفون نضال ضرب ابوها طبعا اتخلعت شالت التلفون وردت ليهو
نضال :.الو وبي صوت كلو بكاء
ابو نضال: يا بنت انتي مشيتي وين الناس ديل بعد ده بجوا ؟
نضال:ابوي ايهاب عمل حادث وانحنا في مستشفي رويال كير 😭😭
ابو نضال :يا ساتر متين ده حصل😳 خلاص ي يا بنتي اسي نحنا جايين عليك ...
فطومه ونضال اي واحده شايله كتاب وتقراء قران ويبكوا وسماهر بس واقفه وتعاين بين مصدومه وزعلانه
بعد شويه جات داخله ام نصال وأبوها سلموا وسألوا حكت ليهم نضال الموضوع بي التفاصيل الحصلت ابوها قال ليها ربنا يرفعوا يا بنتي كلو لي خير
الليل كلو ما حصل شي جديد غير فارس مشي جاب ليهم اكل وابو ياكلوا كلهم جاب مويه مداها لي فطومه لمن جات تشيلها هبشه في يدها بي طريقه خلتها توقع الكيس الفيهو المويه قال ليها معلييش شكلوا وقع غلط(وعاين ليها بي نظره خبيثه كدا فاطمه اتوترت وخافت منو شديد ولسه بتحاول تقنع روحها انو كويس وانو م قاصد يلمس يدها) مدا ليها هي بدت تدي فيهم في المويه بس قطعتهم نضال قالت الدكتور قال ليها انو دكتور ضياء البعمل العمليه وصل في المطار عاوزين زول يجبوا فارس قال ليهم بمشي انا بجيبو وطلع
وصلوا هو والدكتور
يا يمه دكتور الهناء سماحه تقطع الخميره من العجين🤤🤤🖤 المهم وصلوا قال ليهم جهزو غرفه العمليات
فطومه :بس انت ما ارتحتا سماهر :اي يا دكتور ارتاح اول
الدكتور:ارتاح متين لمن يقولوا ليكم المريض مات يعني
طبعا فاطمه غلبها كلام الدكتور كان حار شديد ما قدرت تسكت من البكي
بعد مرور تلاته ساعات من العمليه الدكتور قال ليهم العمليه نجحت بس ادعوا انو يصحا وما ياسر علي شي في جسمو
اثناء ما قاعدين نضال استاذنت ودخلت ليهو فجاءة قبل تتم ربع ساعه قالت
ليهم ايهاب صحي طبعا كلهم جروا ودخلوا امو حضنتو قام قال ليهم نضال وين استغربو انو كيف يسال من نضال وهي جات منو لمن طلعوا لقوا نضال قاعده برة بتبكي
فطومه :انتي ما شفتي ايهاب
نضال :لالا من صحي جيت ناديتكم
فطومه: خلاص اسي بسأل منك
نضال :طيب اسي بدخل ليهو
فطومه:وخليك قويه عشان تقويهو
نضال :حااااضر 💔
فطومه :طيب ما اشوف دموعك
نضال بي ابتسامه باهته ودخلت ليهم
ايهاب:نضال ... حاول يقوم فجاءة حس بي انو ما بقدر يتحرك اتفجاء بي انو ما بحس بي رجووولو
نضال: نععم 💔
ايهاب:بقي ببكي حاول بقدر الامكان انو ما يبكي بقوا يسألوا فيهو مالك قال ليهم نادوا الدكتور مشوا نادوا الدكتور
ايهاب :دكتور اناا ما حاسي بي رجولي
الدكتور :كيف يعني كدي حاول تتحرك
ايهاب:(حاول يحركهم بس م قدر) م قادر ي دكتور
(الدكتور سكت وم رد وعلامات القلق ظهرت فيه

اللهم صلي وسلم علي نبينا محمد صلى الله عليه وسلم 💜💜💜💜💜💜💜💜💜💜
#روايه لأجلها عشقت المطر_ الحلقه 20💛
بقلم :ملاذ سند احمد ادريس📝
خالد كان بسال في فطومه وسألها سؤال خلاها تتوتر شديد
خالد : فطومه عاوز اسالك وتردي بي صراحه !؟؟؟؟
فطومه : اسال سامعاك 🙄
خالد : سماهر مرتبطه او حاجه ز ي دي؟؟؟😐
فطومه : ما عارفها انا
خالد : فطومه انتي كل يوم ماشه معاها جايه معاها؟؟ كيف ما عارفه ؟🤨
فطومه : بنطلع سواء بنمشي الجامعه هي براها في قسم وانا براي وبعدين هي زي م انت شايف الوقت كلو في غرفتها وم عندها علاقه بي زول
خالد : خلاص تمام
فطومه : بس ما فهمت بتسال ليه🙁
( ان شاء الله ما يكون سمعها بتتكلم بي التلفون😢☹طبعا ده بينها وبين نفسها )
خالد : لالا ساي 😁
فطومه : تمام .... خلوووودي
خالد : اها قولي
فطومه : عاوزة اسالك من حاجه لكن توعدني انك توريني الحقيقه 😫
خالد : لمن اعرف الحاجه
فطومه : خالد ياخ
خالد : خلاص بوعدك اها
فطومه: يومي الجيت من الجامعه وكنت داخله عشان اسلم عليك انت وامي سمعتك انت وامي بتتكلموا انكم ما توريني بي حاجه عاوزه اعرف الحاجه دي شنووو !؟؟؟؟
خالد : لالا كنا انا وامي بنتناقش بس ماف شي مهم
جات تقوم من رجلينو عرف انها زعلت قام رجع رقدها علي رجولو وقال ليها بحكي ليك بس اوعديني ما تزعلي وخليني اكمل كلامي كلووو ...
فطومه : وعد يلا احكي سريع
خالد: طيب
نشوف الحصل شنو قبل خالد وعوضيه (ام فاطمه) يجو الخرطوم باك لي القصه :-☻🌸
( عوضيه : خالد قوم افتح الباب .
خالد : حاضر يا امي ....
( قبل يصل الباب انفتح ودخل ابو خالد )
ابو خالد : تعال ي زفت انت
خالد : اهلا🤨
ابو خالد : وديت اختك الجامعه وكسرتا كلمتي صاح ؟
(وكان غضبان)
خالد .: فاطمه قريتها انا وديتها انا ومسؤول منها انا انت م دخلك ي استاذ
ابو خالد: ي ولد احترم نفسك انا ابوك😠
خالد: انت متزكر يعني انك ابوي؟
عوضيه(وهي جوه الغرفه) : في منو في الباب ي خالد
خالد : ولا زول يا امي
عوضيه : ( لبست توبها طلعت لقت راجلها) وبتكذب علي ي خالد
خالد : اكذب عليك في شنو ما عاوزك تطلعي وترفعي ضغطك ساي مع البني ادم ده
ابو خالد: اخر تربيتك ... يقول ليك ترفعي ضغطك عشان جيت اشوف بنتي
عوضيه: تربيتي ماف زول رباها ... بالله انت عندك بنت 😏😏
خالد : اخير هي ربت م زي البجيبوا وبجدعوا
ابو خالد : تلم خشمك ولا اقوم اكسرو ليك
خالد : قوم ساي🤨
عوضيه: ي خاااالد
خالد : امي ما بسكت ليهو
ابو خالد: م تسكت عليك الله تعال كفتني 😠اسمعيني عندكم يومين جبتوا البنت جبتوها ما جبتوها بصلها وبضبحها والجثمان بجيك هنا كلامي واضح
عوضيه : ولدي قوم جيب اختك .... ابوك ما واعي بعملها
خالد : فاطمه من الجامعه ما بتتحرك وما حتعرف الحصل هنا ده وهو ما بصلها )

🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸

فطومه : اها انت عملتا شنو ☹
خالد : ولا شي
فطومه : خالد انا بعرفك زي اسمي ده + ابوي ما بسكت من يوم يقول كلمه بعملها ولا برد ليك
خالد : هددتوو🙂
فطومه : لا انت م جادي
وهدتوو بي شنو انت فرحان كده
خالد: بي اولادو
فطومه : كيف يعني؟
خالد : عديل ... نفسي الاذى الحيجيك حيضرو في اولادو
فطومه : قبل ترد دخلت عليهم خالتهم مهيرة الاكل يا ولد
فطومه وخالد: حاضر
(ونزلوا ...بعد نزلو..)
فطومه : سماهر وينها
ايهاب: مشي خالد يغير وقال بناديها معاهو
فطومه: طيب
(بعد خمس دقايق كدا جو سماهر و خالد وسماهر كان ظاهر عليها شويه توتر بس حاولت تخفيهو…)
جو نازلين سواء
فطومه في سرها (والله العظيم الاتنين احلي منكم ماف سوا💜)
سماهر : كيفكم
الكل : كويسين الحمد لله
عوضيه : انتي كيفك
سماهر: والله تمام ي خالتو
عوضيه : يا بتي اصلك ما بتطلعي من غرفتك دي تعالي اتونسي مع الناس
ايهاب : طبعها صعب شديد يا خالتو والله (بي هظار كدا😂)
سماهر: ااااايهاب 😠😒
قعدوا يضحكوا .....خلصوا اكل سماهر وفطومه لمو الصحانه وباقي الحاجه وفطومه عملت كيفك وسماهر عملت شاي شربوا واتونسوا بعدين اي زول علي غرفتو
بالليل كده بعد الناس ناموا حوالي الساعه 12
طلعت من الحمام سماهر لابسه فستان اسود تحت ركبتها يديها تلت اربع وفكت شعرة وبخت عطر ريحه قويه شديد
فجاءة التلفون ضرب ردت لي دقيقه بس انزل
فارس: طيب م تتأخري انا منتظرك
سماهر: بس ي فارس خايفه زول يشوفنا
فارس نحنا م ح نعمل شي غلط حبيبتي اطمني تعالي راجيك انا💜
وطلعت براحه عشان ماف زول يشوفها
سماهر : لو جاء زول هسي ي فارس انا خايفه
فارس : انا معاك ي روحي م تخافي
(طبعا كلو كلام ساي والحب افعل م كلام بعدين البحبك مستحيل يطلب شي يهبش شرفك واخلاقك وانتو خليكم واعيات ماف واحد يقدر يغشكم ويلعب بي عقلكم وبعدين انتو ي اولاد اتخيلو لو الشي ده حصل مع وحده من اخواتكم قادرين تتخيلو انتو قدر شنو ح تكونو زعلانين عليهم عليكم الله بطلو تلعبو بي قلوب بنات الناس ي تحبو بالجد ي ما تحبو 🤚🏻معليش للمقاطعه نرجع لي روايتنا

صلي وسلم علي نبينا محمد صلى الله عليه وسلم 💜💜💜💜💜💜💜💜💜💜
#روايه لأجلها عشقت المطر_ الحلقة 21💛
بقلم: ملاذ سند احمد ادريس📝
داك م حصل شي خطير لي ناس فطومه في الجامعه.. في اليوم التاني
سماهر كان عندها اوف قعدت في البيت.. فطومه صحت صلت ولبست فستان كدا لونو اسود م واسع وم ضيق ولبست هاف جيكت طويل كدا لونو رمادي وجزمة وطرحه رمادي
طلعت مززه عملت ميك اب خفيف وطلعت ركبت المواصلات وصلت الجامعه ولقت يزن ودعاء مستنينا جنب البوابه بعد سلمت عليهم
يزن : فطوووومتي 😕😏
فطومتي: بسم الله اها مالك من الصباح 😕
يزن : بعني عشان مشتاق ليك بتعامليني كده 😰😭😭😭
دعاء : اظن في شي غلط 😏
فطومه: انا زاتي قلتا كده
يزن: غفطان الداير يعمل فيكم فايده 😰😏
فطومه ودعاء : فايده 😱😱😱 ومنك انت
يزن : ايوووون لكن صدقوا مافيكم فايده خالص😫
فطومه ودعاء بي صووت واحد :( يززززززووووووووني )
يزن : قالوااا يزوني علي العموم بعد نخلص ح اعزمكم انا
دعاء : ااااحا خلاص حق الفطور والغداء والمواصلات اشتري بي سماعه 😁
يزن: بس ياهو حالتك وفاتواااا
بعد حضرو محاضراتهم مشو ياكلو فطومه قالت ليهم عازماكم انا علي زوقي بس القروش عليك ي يزن😂🌚💔
يزن: كان تتمي معروفك بالمره وتدفعي ي طمااعه🌚💔
فطومه: يزن انا طماااعه💔💔
يزن: انا قلت كدا لالا هوي بهظر ساي فطومه. دي اطيب كائن فيك ي دووونياا🌚💛💛يلا هاك وجيبي لينا معاك بارد(اداها القروش)
فطومه: اصلا م بتتحنك الا كدا (مدت ليهو لسانها ومشت😂💔)
اشترت تلاته شاورما وببسي تلاته وهي راجعه لقتها سهى💔
سهى: اهلين بي معشوقه يزن😒
(فاطمه طنشتها ومشت قامت مسكت فاطمة من يدها وقالت ليها اياك وتحاولي تسفهيني بدفنك في ارضك واحسن ليك تبعدي من يزن والا م ح تشوفي شي يعجبك واعتبريهو تهديد ممكن اقتلك عادي لانو اي شي ولا يزوني حبيبي🤚🏻 فاطمه دي بس طوالي دموعها نزلت فكت يدها من سهى ومشت💔 شويه كدا والمطره صبت 💛 فاطمه بس كانت بتبكي ولما المطره صبت قعدت في اقرب بنش وبتبكي الناس كلها دخلت من المطره الا هي قعدت وهي بتبكي فجأه سرحت ودموعها نازله ..
كان في واحد مستعجل وظاهر عليهو زهجان من الوضع شكلو بكره المطره بس استغرب من فطومه لما لقاها قاعده وشايله الاكل وقاعده في البنش وبتبكي والمطره صابه فيها سرح فيها مسافه وعجبو شكلها وبراءتها وحتى بكاها كان حلو🤤 قرب منها وقال ليها عفواا لوح بيدو بس م انتبهت ليهو كانت لسه سرحانه طق طق ليها جنب وشها وياداب وعت انو جنبها زول مسحت دموعها سريع وعاينت ليهو جوه عيونو حتى اتزكرت ده منو
فطومه: اهلين ي دكتور
(كان ده دكتور اسمر وووب منو وولد زي صباح العيد🤤🤤)
اسمر: ي بت قومي من المطره دي بتمرضي وبعدين بتبكي لي؟
فطومه: انا متعوده اني تقعد في المطره بعدين انا بحبها + موضوع م مهم💔
اسمر: طيب يلا ارح جوه ماف شي اسمو اتعودت بعدين انتي في الجامعه م ممكن تبللي هدومك كدا ماف شي تلبسيهو تاني
(فاطمه لأول مره تقتنع بي كلام زول وتدخل من المطره مشت معاهو ولسه شايله الاكل البقى زي المويه😂🤦🏻‍♀️💔 ساقها معاهو واداها اللابكوت بتاعو عشان تتغطى بيهو وم تمرض🤤🤤فاطمه حبت تصروفو شديد 💛 سكتو مسافه كدا فاطمه كسرت الصمت )
فاطمه: انا بمشي بعد كدا
اسمر: طيب بس انا لسه م عرفت اسمك🌚
فاطمه: انا فاطمه
اسمر: فرصه سعيده ي فطومه نتلاقى تاني ان شاء الله
فاطمه: ان شاء الله+ تسلم وبكره بجيب ليك اللابكوت معليش عشان شلتو منك 💔
اسمر: عادي ي بت + خليهو معااك احتفظي بيهو💛
فاطمه: اممم طيب🌚💛
(لبست اللابكوت ومشت ولسه شايله الاكل بعدين اتزكرت ناس يزن ودعاء واتزكرت الاكل😂💔ضربت يدها براسها ومشت تفتشهم لقتهم بفتشو فيها نادت ليهم من بعيد جوها وساعه يشاكلو فيها بس حكت ليهم الحصل وسكتو علي كدا واشترو اكل تاني واكلو بعدين اي زول مشى بيتو الا فطومه كان عندها بحث كتبتو لما طلعت م لقت زول تمشي معاهو والمواصلات ماف💔 فجأه عربيه برادو وقفت جنبهااا وووووب علي بتاع البرادو القلبي رااادو💃🏻😂💛💛تتخيلو طلع ده اسمر 🤤قال ليها اركبي اوصلك فطومه رفضت قالت ليهو بمشي بي المواصلات قال ليها ي بت بطلي حركات واركبي لقتها م ظريفه لو رفضت تاني ومشت معاهو… الطريق كلو ساكتين بعدين اسمر اتكلم)
اسمر: فاطمه
فطومه: ااا اي نعم
اسمر: ممكن سؤال
فطومه: اكيد اتفضل
اسمر: لي قبيل كنتي بتبكي💔
فطومه: مصر تعرف؟🌚
اسمر: وبشده🌝💔لكن لو م عايزه تحكي عادي
فطومه: طيب ح احكي ليك
(وحكت ليهو قصه سهى من طقطق للسلام عليكم 💔🌝المهم قال ليها م تشتغلي بيها وواساها بعدين وصلها البيت… )
🌸🌸🌸🌸🌸🌸 *باك البيت* :-
(ايهاب وخالد كانو سوا في غرفه ايهاب)
ايهاب : خالد انا ما عارف اقوم متين عشان كده انت نص الشغل قاعد تمشي لي فاحسن تمسك لي الشغل ونتفاهم في الباقي رايك شنو
خالد : ما بقدر والله ي ايهاب بعدين امي والبيت وشغلي هناك
ايهاب: 😏امك كلمتها وامي كلمتها ما عندهم مشك

اللهم صلي وسلم علي نبينا محمد صلى الله عليه وسلم
💜💜💜💜💜
#روايه لأجلها عشقت المطر_ 22 💛
بقلم: ملاذ سند احمد ادريس📝
اتخيلو جا داخل اسمرر وكل الانظار كانت عليهو كان بي كااامل اناقتو لابس بنطلون اسود وقميص ابيض جا بي كامل اناقتو وسلم علي العرسان وبارك ليهم واتفاجأه لما شاف سماهر…
سماهر: اهلين دكتور اسمر انت جيت هنا كيف😅
اسمر: اووو بت الجامعه كيفك والله انا ببقى لي نضال ولد خالتها
سماهر: ايوا اهلين فيك نورت
اسمر: نورك ياخ✨
سماهر: اتفضل ادخل هناك اسي بجي
(مشى دخل وهي جابت ليهو الضيافه ومشت تنادي فطومه كانت بتجهز في شنطه ايهاب فوق )
سماهر: ي فطوومه ارح انزلي بعد ده
فطومه: ثواني قربت اخلص
سماهر: ارح طيب انا مستنياك
فطومه: طيب ثواني بس
سماهر: اوك
(فطومه خلصت ترتيب الشنطه وكانت لابسه فستان اسود بلمع رهييب مع الجسم كدا وبعد الركبه كدا واسع بي شفون المهم كانت رهييبه وعامله حجابها🌸طبعا الفستان ده ادتو ليها سماهر قالت ليها الا تلبسيهو كانت جايباهو من دبي وحلفت علي فاطمه الا تلبسو ك هديه منها وفاطمه شالتو 🌸طلعت رهيبه بيهو مع الميك اب كانت تحفه✨طلعت مع سماهر والانظار كلها كانت مع فطومه طفتهم كلهم😂اصلا هي جميله شديد بس سنفوره المهم طلعت واتفاجأت اول م نزلت لقت اسمر في وشها قالت بخلعه😳: دكتور اسمرر؟
اسمر: فاطمه😳😂دي شنو المفاجأت دي مره سماهر ومره فاطمه😂💔
فطومه: (ضحكت وقالت) اتفضل اتفضل
(اسمر سرح لحظات في جمالها واناقتها وفي جمال ضحكتها وقال بصوت منخفض) سبحان من خلق ف ابدع 🌸
فطومه: قلت شي؟
اسمر: لالا ولا شي سلامتك
فطومه: تسلم… يلا ي سماهر جيبي الصينيه بتاعت العصير في المطبخ ادي الناس ديل جو هسي وانا ماشه ادي ديك
سماهر: طيب
(سماهر اتغيرت شديد بعد الحصل معاها هي وفارس لما خالد كشفهم وابتعدت عن فارس وحتى علاقتها اتغيرت مع اهلها بقت كويسه شديد ومعاملتها بقت حلوه مع فطومه🌸✨
*نقلب شويه نحكي ليكم بي لسان اسمر*
اسمر: (بتكلم مع نفسو) البت دي دخلت حياتي عن طريق الصدفه وكل مره بلقاها صدفه لكن صدفاتي بيها كترت ف حسيت انو في شي بربطني بيها وجمالها فتان ياخ ماف زول بقدر يعاين ليها مرتين رغم انها قصيره 😂😂لمن اقيف جنبها بحس روحي واقف لي جنب شافعه عمر 10 سنين😂 بس جميله ياخ حلبيه وعيونها بتسحر عديل بدون اشعر بقيت الاقي روحي سرحت في عيونها رغم اني ولا مره م عاينت لي بت بس م عارف فيها شنو جاذبني كدا🌸
(نرجع لي فطومه)
وهي كانت بتقدم نادتها مره كدا كبيره في السن
المره: ي بتي تعالي دقايق
فطومه: نعم ي حبوبه🌸
المره: الله يرضى عليك ي بتي جبيبي لي مويه
فطومه: حااضر
(مشت جابت لها مويه وجات عايزه تديها خبطت يدها بالغلط في اسمر وكبت المويه فيهو وفي عصير كمان كانت شايلاهو اتكب فيهو💔)
فطومه: اسفه واي اسفه ي دكتور معليش تعال اوديم تغسل واي بالجد اسفه
اسمر: عادي ي بت ارح وديني حته اغسل فيها
فطومه: طيب ارح (وهي محرجه من الوضع ساقتو فوق مشى غسل وطبعا قميصو الابيض بقى شي كدا وااي بس😂💔💔حلف كان ينضف معاهو
فطومه: ثواني بث واجي طيب
اسمر: طيب م تتأخري
فطومه: طيب
(مشت جابت ليهو قميص من ايهاب لونو ابيض بشبه حقو شديد جابتو ليهو ولما جات كان بتكلم في التلفون قالت ليهو)
فاطمه: اسمرر
(وما حست الا بيهو ماسك خشمها بي يدو نظام اسكتي تم كلامو في التلفون ولسه ماسك خشمها وهي الخجل قاتلها)
اسمر: اي ي دكتور طيب انا برجع ليك حاليا بره البيت عندي مناسبه كدا وبرجع اتصل ليك
(بعد اتأكدت انو قفل الخط عضتو )
فاطمه: ي استاذ خشمي شرطتو🐸👊🏻بعدين مالك😒
اسمر: معليش ي فطومه بس ده دكتور مهم م كنت عايزو يسمع الجوطه معليش
فطومه: امم طيب هاك ده قميص ايهاب لانو قميصك اتوسخ شديد + بكرر اعتزاري
اسمر: لالا ي بت انتي مجنونه م بقدر اللبسو م صاح بعدين. هو م عارف اني شلتو
فطومه: م ح يقول شي اللبسو ساي وبعدين تطلع كيف كدا شوف قميصك بقى كييف
( اسمر فكر كدا وشالو منها مشى لبسو في الحمام وطلع)
*انتهت الحفله رجعوا البيت* .:-
خالتو مهيرة: مبروك عليكم يا حبايبي
نضال : الله يبارك فيك
ايهاب : الله يبارك في عمرك يا امي
واي زول علي غرفتو:-.فجاءة الباب فتح جاء داخل خالد
لقي سماهر قاعده حارساهو
سماهر : اتخرتا مالك
خالد: فتح النور ...انتي صاحيه لي اسي لي شنو
سماهر: مستنياك
خالد: كيف يعني
سماهر: عديل زي ما سمعتا
خالد : الوقت اتاخر وبكرة عندك جامعه امشي نومي
سماهر : خالد وانفقعت بكي 😭😭😭😭😭😭😭😭😭😭😭😭😭😭😭😭😭😭😭😭😭😭
خالد : سماهر مالك
سماهر : بس بتبكي وغلبها ترد
خالد: انادي ليك امك
سماهر: امي عيانه 😭😭😭
خالد : طيب احكي مالك
سماهر : انت بكرة مسافر 😭😭😭😭😭
خالد : ما قدر يتجاوز وقعد يضحك عليها لمن قعد معاها في الارض
اسي عاوزة تقنعيني بتلكي عشان انا مسافر
سماهر : انت شايفاو موضوع ما بستاهل انت تاني ما حتجي منوو بركز مع تصرفاتي منو بشاكلن

اللهم صلي وسلم علي نبينا محمد صلى الله عليه وسلم
💜💜💜💜💜
#روايه لأجلها عشقت المطر_ 23 💛
بقلم: ملاذ سند احمد ادريس📝
في تاني يوم صحو وعملو الشاي طبعاا نضال م قعدت معاهم عديل بس بتقيل معاهم وبتنوم في بيت ابوها يعني بتبيت معاهم بعد زفه العرس… نواصل
فطومه: سماهر لبستي ؟اتحركي ارح انا طالعه
سماهر: اي لبست ثواني بس اجيب تلفوني من الشاحن
فطومه: طيب سريع
(طلعو وهم طالعين لاقاهم خالد..)
خالد: ماشين خلاص؟
فطومه: اي ي خالد اتأخرنا زاتو
خالد: طيب ارح اوصلكم
فطومه: حبيبي يااخ 🌚🌸
(وسماهر تتبسم وتتكشم)
خالد: حبيبك وقت المصلحه بس ي كليه
فطومه: ارح ارح م نتأخر😝
خالد: (ضحكك) ارح
(وصلهم ومشى فطومه قالت تعرف سماهر علي يزن ودعاء… )
فاطمه: ي سماهر
سماهر: عيونا
فاطمه: عايزه اعرفك علي اصحابي
سماهر: ارح طوالي بس احسن تخليها بعد المحاضره الاولى لانو اسي بتكون بدت
فاطمه: اوك يلا نتلاقى
سماهر: سلام
(مشت فطومه لقت المحاضره بدت ودعاء ويزن دخلو فتحت تلفونها الجابو ليها ايهاب💛لقت مكالمات كتيره من دعاء ويزن عشان يسألوها مالها م جات والمحاضره بدت المهم دقت الباب لقت اسمر بدرس😳..)
فطومه: ااسمر.. اقصد دكتور اسمر
اسمر: بتجي علي كيفك انتي المحاضره بدت ليها نص ساعه ادخلي والمره الجايه فيها انزار🤚🏻
(كان معاها رسمي شديد واسلوبو اتغير وفاطمه شمتو شديد دخلت وقعدت في البنش براها.. حضرو المحاضره وطلعو…)
دعاء: فطوومه مالك اتأخرتي ي بت
فطومه: ده كلو من سماهر دي اخرتني
دعاء: سماهر دي منو ؟
فطومه: بت خالتي عايزه اعرفكم عليها… وين يزن
دعاء: طوالي نتشرف.. م عارفه والله بكون جوه القاعه
فطومه: ارح تشوفو عشان اوريكم سماهر
دعاء: ارح
(دخلو جوه ولقوهو مع سهى كانت ماسكه يدو وبتقول ليهو عليم الله ابعد من البنات ديل انا بحبك ومن كنت صغيره لي انت م بتعبرني كدا عاجبك شنو في البتين الحقيرات ديل بس فهمني وهو بقول ليها اياك تغلطي فيهم هم احسن منك بي ميه مره انتي بس م بتفهمي + انتي بتحبي هو انتي همك كلو شوفوني وعاينو وانا م بحبك فاهمه م ب ح ب ك ياريت تفهمي وابعدي عن طرريقي رجاااااااءا🙏🏻 وطلع وفاطمه ودعاء سمعو الكلام كلو…
فاطمه: يزن لي اتكلمت معاها كدا يخسي عليك شكلها بالجد بتحبك
يزن: ي بت تحب شنو دي م بتحب غير نفسها
فاطمه: كدي انت حاول مره تحبها
يزن: لا م ح احاول مع انسانه زيها وبالله انسونا منها
دعاء: طيب بليز اقفلو موضوع البت دي كرهتها
يزن: بالجد بتتكره
فطومه: حرام عليكم البت بس بتحبك ي يزن
يزن: فطومه انتي وحده مسكينه ساي والله بعد العملتو فيك ده كلو انتي لسه بتحامي ليها ياخ جليك منها مالك اتأخرتي الليلة
فطومه: اممم اتأخرت مع بت خالتي
يزن: طيب
دعاء: صحي ي فطومه مش قلتي ح تعرفينا عليها
فطومه: اي ارح نشوفها
دعاء ويزن: ارح
(مشو علي اتجاه قاعتهم في القسم بتاعهم واتصلت عليها فطومه)
فطومه: سماهر نحنا جايين عليك خليك جنب القاعه حقتكم
سماهر: طيب تمام
(مشو عليها وفطومه عرفتهم علي بعض ويزن ودعاء حبو سماهر المهم رجعو منها مشو اكلو يزن قال عندو صحبو ماشي يلاقيهو قعدو فطومه ودعاء شويه كدا وظهر اسمر وفاطمه دي بس تحمر ليهو شمتو من المحاضره فجأه الجو بقى مغيم وشكلها ح تمطر🤤❤️🌸
فطومه بعد الجو ظهر انو عايزه تمطر عيونها دي قلبت قلوب قلوب😍🔥 اسمر جا عليهم)
اسمر: ممكن اقعد معاكم
(فاطمه حمرت ليهو وسكتت)
دعاء: اتفضل ي دكتور
(قعد معاهم وقال لي فطومه)
فطومه: اسف علي الحصل قبيل بس انا في القاعه دكتورك وبكره القاعه صحبك طيب عشان م تحصل خلافات شايفك اضايقتي بس انا ده قاموسي في القاعه م بعرف اي زول البغلط طوالي بعاقبو عشان نقدر نمشي لي قدام طيب + م تزعل
فطومه: اممم
اسمر: جنك تقولي اممم اممم بتاكلي انتي؟🌚💔
فطومه: لا م باكل بس دي بمعنى طيب🐸💁🏻‍♀️
اسمر: طيب اممم
فطومه: هههه ظريف
اسمر: زيك ي ظريفه انتي
فطومه: انننن(وعملت حركات كدا بوشها😂 اسمر ده اتشرط بالضحك… )
فطومه: بضحك شنو اسي🌚💔
اسمر: شافعه بس
فطومه: انا م شافعه. اولا انا كبيييرة قدر حبوبتك
اسمر: كدي قومي اشوف
(وبي كل عفويه قامت وقالت ليهو اها م كبيره؟🌚 قام اسمر ووقف جنبها طبعاا هي في بطنو قال ليها اها الكبير منو🌚 بالله فاطمه دي سكتت جم😂😭💔 قال ليها اها منو قالت. ليهو انت بس براك طويل زياده بس انا كبييييره اسمر ده اتفقع بالضحك اما دعاء كانت بتراقب بصمت 🌚❤️
اها ده نفهم منو شنو🌚💔نتلاقى في الحلقه الحايه🤝🏻❤️)
يتبع…🌸

_# *كسره* #:-_
كَمَثلِ صبَّار حزين لا يبكي.
لأنه يُدرك أنه لو بكى مائة عام، لن يَحتضنه أحد..🖤
#Loooza💕

اللهم صلي وسلم علي نبينا محمد صلى الله عليه وسلم
💜💜💜💜💜
#روايه لأجلها عشقت المطر_ 24 💛
بقلم: ملاذ سند احمد ادريس📝
(بعد الحصل ده اسمر طلب من فطومه انو يلاقيها بعدين بعد يطلعو من اخر محاضره قال ليها تجيهو في مكتبو بعد مسافه قالت ليهو اوكي واسمر كان ماشي كدا بس المطره صبت والناس بقت تتجارى عايزين يدخلو من المطره الا فاطمه كانت قاعده في البنش وقعدت تضحك لمن المطره جات وخاته يدينها للمطره اما اسمر بس كان بعاين ليها من بعيد وبتعمق في ملامحها ودعاء تحسن فيها عشان يدخلو وهي ولا شغاله بيها بس بتضحك ومع مويه المطره بعدها سرحت ك عادتها وخاته يدها في حنكها🌚💔 وقاعده بتتخيل في شنو م عارفاها نفسي اعرف بتسرح كدا لي😂💔لكن بجي يوم ونعرف سرها شنو مع السرحات دي المهم بعد سرحت اسمر براحه جا وقال لي دعاء خليها هي بتحب المطره امشي انا شويه وبقنعها انها تدخل دعاء قالت ليهو طيب ودخلت اسمر قعد جنب فطومه )
اسمر: ي فطومه
(وفاطمه سااكته ولسه سرحانه)
اسمر: فطومتي🌚❤️
(ولسه فاطمه سرحانه خته يدو في كتفها وهز عليها عشان تنتبه معاهو )
اسمر: فطومتي عايز احكي ليك سر
فاطمه: ااا اكيد احكي لي
اسمر: ح تساعديني
فاطمه: لو بقدر اساعدك اكيد م ح ابخل عليك
اسمر: انا في بت كدا حبيتها
فاطمه: منو هي
اسمر: اصبري احكي ليك عنها
فاطمه: اوكي احكي
(وخلفت رجولها واتوجهت عليهو بي نظراتها والمطره صابه فيهم انتو قادرين تتخيلو المنظر والناس ديل كلهم بعاينو وفي صمت شديد حتى فاطمه واسمر م ملاحظين)
اسمر: شفتي ي فطومه البت دي حلوه شديد طبعا انا م حبيتها عشان حلوه بس روحها طيبه وبريئه شديد وبتحب الناس وبتحب الخير للناس
فطومه: اها (وهي مندمجه شديد)
اسمر: حلبيه وقصيره زيك😂
فطومه: هههه اي حتى صفاتها قريبه لي
اسمر: اي اصبري اتم ليك… يلا شفتي هي مجنونه مرات ومرات جاده🌚💔وبتزعل سريع وكمان بتسامح سريع
فطومه: واي لي بتشبهني كدا
اسمر: اصبري اصبري… يلا شفتي بتعشق شي اسمو مطر زيك كدا وبتقعد تحتو وبتبدا تسرح بعد تضحك لما تصب المطره ضحكاتها كانت بتجهجهني شديد والله
فطومه: سبحان الله اها كمل
اسمر: انا خايف زول يسرقها مني او يكون في واحد بحبها غيري ويخطفها مني وانا عايزها بالجد وعايزها في حلال ربنا بس م عارف اصارحها كيف ولا اقول ليها شنو وخاصه انو م بتعرف شي للحب
فطومه: هوي لازم تعترف ليها
اسمر: خايف ترفض وتروح مني☹️💔
فطومه: لالا انت لو عايزها بالجد م بتروح منك وربنا ح يقيف معاك انت قول ليها وقول خير
اسمر: طيب بحبك☹️💛
فطومه: م لي انا ي مجنون لي حبيبتك
(وضربتو في راسو وقعدت تضحك)
اسمر: مش قلت ليك م عندها شي للحب وبعدين ضحكتها دي يوم بتجنني ياه😭❤️
(سكتو مسافه الاتنين واتكلم اسمر تاني)
اسمر: فاطمه انا بحبك انتي والله من اول م شفتك حسيت في شي م طبيعي بجذبني ليك
انتي عارفه انا شفتك اول مره وين يمكن انتي نسيتي بس انا مستحيل انسى
فاطمه: ب بس ي دكتور اسمر
اسمر: فاطمه كدي اسمعيني اول
فاطمه: اها
اسمر: تتزكري لما كنتي انتي ومعاك ولد كدا يظهر اخوك من الشبه البيناتكم المهم طقشتيني وكان جوطت فيك تتزكري يلا ده انا وكان قافله معاي ععشان كان عندي مريض كنت ماشي عليهو ومع الزحمه وبتاع راسي جاط واتفشيت فيك لاني لقيتك قدامي اسف بس والله من شفتك كان في احساس غريب كان جايط ام افكاري بالجد يااخ انا بحبك♥️
فطومه: انت جادي اي ياخ وانا كل مره اقول انا شفتك وين🤦🏻‍♀️
(تتخيلو ده كلو في المطره😂💔 بعدها اسمر بدت يقحقح ويعطس شكلو البرد والمطر اثر عليهو فطومه طبعاا متعوده علي الجو ده بس اشكالهم م شفتوها😂😂فاطمه دي بقت زي القطعه لمن تدخليها في مويه😂💔)
فطومه: مالك بقيت تعطس كدا معليش خليتك تقعد معاي في المره يلا ادخل جوه م بينفع معاك المطر انت
اسمر: لو انتي م دخلتي انا م ح ادخل
فطومه: بس ح تمرض كداااا
اسمر: سمح المرض لو كان معاك🌸
فطومه: اوووف طيب قوم ارح ندخل
(دخلو سوا ولسه فاطمه م ادتو اي رد)
اسمر: فطومتي
فطومه: اممم
اسمر: م ح تردي لي💔
فطومه: علي شنو🌚
اسمر: م تعملي رايحه عارفك فاهمه قصدي
فطومه: اسمر انا م بعرف الحب وم بفهمو💔
اسمر : يعني بس كدا؟
فطومه: اممم
اسمر: بدون امم ي فطومتي
فطومه: ايوا كدا بس
اسمر: وعد ي فاطمه اعلمك اي شي في الحب وعمرك م تتخزلي بيتي ولا تندمي علي حبك لي ولا لحظه بس حاولي تحبيني وتكوني لي الكتف التالت والضلع الثابت وانا عمري م ح اخزلك وعد
فطومه: طيب بفكر وبرد ليك✋🏻
اسمر: اخدي راحتك بس م تتأخري علي💔☹️
فطومه: 😂😂طيب
(بينو بين نفسو قال والله بعشقك م عارف كيف ومتين بس من ما دخلتي حياتي بقيت م فاهم اي شي بس قلبي لمجرد تكوني معاي بحسو ح يطلع بره ويجري يحضنك💛)
اسمر: ممكن رقم تلفونك؟
فطومه: امممم
اسمر: بدون امم ي سجم ارح مليني
فطومه: بالقوه هو😂💔
اسمر: اي بالقوه
فطومه: طيب ماف🌚💁🏻‍♀️
اسمر: خلاص اديني بي ارادتك
فطومه: حنيت ع

اللهم صلي وسلم علي نبينا محمد صلى الله عليه وسلم
💜💜💜💜💜
#روايه لأجلها عشقت المطر_ 25 💛والاخييييره♥️♥️
بقلم: ملاذ سند احمد ادريس📝
نضال انبسطت شديد بعد م شافت ايهاب كويس وبقت مبسوطه اكتر انها معاهو وح تكمل حياته مع اللي بتحبو وانها فعلا اختارت راجل وفى ب عهدو ليها وحباها لحدي م بقت حلالو ودا اللي احنا فاقدنو ف زمنا دا بجد نادر م تلاقي زول يحبك لحدي م يكمل معاك وتبقى حلالو ويملا عينك وتملا عينو♥️
مرت فتره كدا زي عشره ايام🌸
فطومه واسمر قربو شديد وم فضل ليهم الا قولت الخير والاهل يعرفو ب الحاصل اسمر في الفتره الفاتت دي كان بقرب منها اكتر واكتر ومهتمي بي ادق تفاصيلها وزي م بقولو لو عايز بت تحبك بس اهتم بيها وحسسها انها شي غالي شديد عندكك♥️
اليوم صحو بدري وطلعو الجامعه ونفس الروتين طلعو فاطمه وسماهر
اسمر: فطومه عاوز الاقيك عشان موضوع مهم حبيبي
فطومه: قول لي مالك
اسمر: لالا الا نتلاقى م بنفع في التلفون
فطومه: طيب بعد المحاضره بتصل عليك
اسمر: طيب
فطومه: انت وين انا خلصت
اسمر: شفتك اي جاي عليك
وطلعو مع بعض ع مكان قريب من الجامعه وقعدو
اسمر: اما بعد فأن عيناك قهوتي
فطومه: اسمر عليك الله بطل هبل نحنا في مكان عام😂👊🏻
اسمر: اني اعشقك افلا تفهمين 🌚👊🏻ايتها الفتاه ذات اللون الابيض والعينان اللامعتان
فطومه: اللهم لا تخولقنا لا تعولقنا جنيت ي ود امي😂💔
اسمر: فطومه انا غير حبك ماف شي جنني
فطومه: انا قعد اخجل بالمناسبه يعني براحه براحه م ترمي لي كلو سوا كدا😂🌚💔🙈
اسمر: طيب ي فطومه من الاخر كدا انتي عارفه اني بحبك صاح
فطومه: ايوا عارفه ومتأكده🙈♥️
اسمر: وانتي عارفه ولازم ننهي الموضوع دا صاح
فطومه: ننهي الموضوع كيف! ي اسمر م فاهمه
اسمر: من الاخر كدا ي فطومتي انا عاوز اجي اتقدم ليك انا عشان نرتاح من قصة نتلاقى ب الدس دي وتبقي حلالي وافرح بيك واسعد معاك وكل م اصحى من النوم اشوفك قدامي واتبسط معاك باقي عمري الجاي ده💛✨
فطومه اندهشت من الكلام وفقعت ليهو عيونها😂: اسمر انا م مستوعبه كلامك ده!! انت م جادي صح
اسمر: ي بعدي انا جادي م كفايه نعيش مشردين كدا خلي نتلمى ياخ في بيت واحد انا تعبت من بعدك عني💔
فطومه: بس ي اسمر اكيد اهلي ح يرفضو انا عايزه اتزوجكك ي اسمر ونتلمى سوا بس انت م بتعرف اهلي ي اسمر
اسمر: انتي سهلي الامور وقولي لي انك موافقه وخلي الباقي علي بس
فطومه: اسمر
اسمر: (خت اصبعو ف شفتها وقال ليها) اششش ولا كلمه انا راجلك وانتي مرتي خلاص يلا الموضوع منتهي جهزي نفسك لحدي م اجي لي اهلك قومي وانا كلامي انتهى
فطومه: طيب تعال بس انا م ح اقول ولا كلمة الا لم تجي انت
وطلعو اسمر وصلها قريب لي البيت ومشى، فطومه مشت البيت وقلقانه وبقت شارده في الموضوع وبتفكر ومهمومه كدا وبين فرحانه وزعلانه م عارفه هل اهلها ح يوافقوو ولا لا وخايفه من رده فعلهم💔 شافتها مهيره
مهيره: فطومه ي بتي مالك؟
فطومه: اهلين خالتو ناديتني؟
مهيره: بسم الله ي بتي مالك تعالي جمبي هنا
فطومه: لالا ماف حاجه بس فترانه من الجامعه شويه عاوزه شي اعملو ليك؟
مهيره: لالا ي بتي خشي ارتاحي
فطومه: طيب ي خالتو
ومشت غرفتها رقدت وبقت شارده💔
(طبعا في الايام الفاتت ديك عوضيه ام فطومه رجعت البلد وبقت طوالي ريم بتجي تقعد معاها وراجل ريم بقى عندو سفريات طوالي عشان كدا معظم وقتها مع امها )
هنا امها اتذكرتها فجأه قلب الام بحس طبعا وبرضو المطره بعدها صبت قالت لي ريم
يا ريم تعالي اتصلي لي علي اختك النطمن عليها قلبي دا بياكل فيني من قبيل
ريم: حاضر ي امي اطمني هسي بتصل ليك عليها
اتصلت عليها م ردت قامت اتصلت بي خالد اصلا كان قاعد هناك مع خالتو وبقى شغال مع ايهاب ♥️
المهم خالد رد عليها
خالد: هلا بي ريم ست الحريم
ريم: وين ي مجنون مشتاقين
خالد : بالاكتر يااخ خبرك شنو الاختفاء ده🌚
ريم: ها الكضاب ده كان م امبارح كنت بتكلم معاك😂👊🏻
خالد: بالله انا امبارح كنت بتكلم معاك؟🌚طبعا كنت قايلك وحده من المزز🌚💔
ريم: ها السجمان ده
خالد: اها خير عايزه شنو😂
ريم: انت في البيت
خالد :اي هسي دخلت صابه عندنا
ريم: اي نحنا زاتنا امي دي قالت عايزه تتكلم مع فطومه قلقانه عليها
خالد: طيب جيبي اسلم عليها مسافه امشي الغرفه
(قعد اتكلم مع امو وسلم عليها ومشى دخل غرفه فطومه بدون يدق الباب)
خالد: اهلين ب العولاق حقتنا
فطومه وهي مصدومه ومخلوعه كانت خايفه يكون اسمر جا: خالد؟ اهلين ي خالد كيفك
خالد استغرب من طريقة كلام فطومه قال ليها
خالد: مالك في شنو ي فاطمه
امها ي ود مالا اختك اديني ليها
خالد: م عارف والله بس صوتها متغير هاك ليها ي امي
امها: فطومه ي بتي كيفك مالك الحاصل عليك شنو انتي كويسه؟ 💔
فطومه: يمه انا كويسه لي في شنو
امها: م علي طبيعتك ي بتي الليله في مطره واتذكرناك وقلت اكيد ح تكون مبسوطه ونتصل عليك اشوفك قاعده في المطره ولا لا بس انتي الليله حتى المطره م مفرحاك في شي غلط
ملاذ: مطره؟! صدقي م انت

*#حبة_فاصولياء 《18》*
*#بقلم_عاشقة_الاسود🖤*
*ــہہہـہہـــــــــــــــــــــــــہہہـہہــــ*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
بعد مرور *4شهور*
﴿في مكان كبير صاله كبيره حوليها الناس وفي مسرح في نصهم وفي وسط المسرح في مجموعة من الكتب دي كلها الروايات الكتبتهم بطلتنا *عاشقة الاسود*🖤✨
*#روايه ابحثُ عن ذاتي🖤*
*#رواية هوَ وهيَ الجزء الأول*
*#رواية هوَ وهيَ الجزء الثاني*
*#رواية إلى أين!؟-إلى متى!؟*
وكل الناس كانت بتصرخ بي اسم *عاشقةالاسود* عاوزين يشوفوها عاوزين يعرفوها😍❤️ مين هي عاشقةالاسود!؟ سؤال في بال كل الناس الكانت واقفه ومتجمعه🤔
وفجأه طلعت بطلتنا الساحره🖤✨ وكانت لابسه فستان لونو برتقالي😂😂هييي بهظر معاكم يااخ لكن انتو غظتوني يعني منتظريني اوريكم لون الفستان وهي اسمها عاشقة الاسود🙂🤦🏻‍♀️ المهم ماعلينا الفستان كان لونو اسود🖤✨🐸 كلهم كانو بتهامسو وبتكلمو كان في صوت ازعاج وضوضاء بس بعد فتره سكتو وكل الاضواء والانظار على عاشقة الأسود🖤✨ وقفت ومسكت المايكروفن واطلقت كلماتها الساحره سرها الخطير صدمتنا القاتله 😱😱😱وقالت﴾
عاشقة الاسود: انا ماعاشقة الأسود الحقيقيه😇🖤
﴿صدددددددددددددددددددمه😱😳💔الناس بقت تتهامس وعاوزين يعرفو عاشقة الاسود الحقيقيه هي منو ولي دي احتلت شخصيتها😱💔😳ودي منو؟؟بعد مسافه الانوار طفت وتاني ولعت وجات داخله بت😍 غاية الجماله غااية الرهااابه اقل مايقاال *فاتنه* 😍❤️ وكانت لابسه أسود🖤✨ وقفت جمب عاشقة الأسود وعاشقة الأسود بدت تتكلم😇﴾
عاشقةالاسود:زي ماقلت ليكم اناما عاشقة الاسود الحقيقيه🙂 انا كنت مجرد *قلم* كنت ~*قلم عاشقةالاسود🖤✒️*~ مجرد وسيط نااقل لي رواياتها ومنشوراتها انا بنشر رواياتها بنشر كتاباتها وكل حاجه بس ما انا الكاتبه انا ماعاشقة الأسود 🙂💔 شايفين دي👈🏻👀
﴿كانت بتأشر على البت الجمبها ❤️😍﴾ دي عاشقة الاسود دي الكاتبه هي المؤلف والمنسق والكاتب الحقيقي 🖤✨ انا مجرد قلم ومساعد ليها😇

﴿ماقلت ليكم البت دي ماعاشقة الاسود انا هي عاشقة الاسود انا وريتكم لكن انتو مابتصدقوني🔪🐸😂 ماعلينا الليله بنتقم فيكم اخليكم تنصدمو لمن اتأكد انو جاكم سكري🐸🔪﴾
واحد من الرجال الموجود في المسرح قال:طيب انتو أسماءكم الحقيقيه منو احنا عاوزين نعرف اسماءكم عاوزين نعرف اسم عاشقة الأسود واسم قلم عاشقة الأسود؟؟؟
قلم عاشقة الأسود:خلونا ندي فرصه لي عاشقة الأسود الحقيقيه تتكلم وتعرفنا بي نفسها وتورينا كيف وصلت لي هنا واسمها واسمي منو؟؟😇 اتفضلي يا عاشقة الأسود
(كانت ساكته وهادئة متوتره بس كانت مبسوطه مسكت المايكروفون وبقت تتكلم بشجااعه وقوه😌😍🖤)
عاشقة الأسود:انا عاشقة الأسود الحقيقيه 😇🖤 والجمبي دي كانت مجرد قلم ووسيط ناقل لي رواياتي انا بعمل الفكره وبكتبها وهي بتنشر لي 🖤✨ وللصدفه كمان اسماءنا انا وهي زي بعض (عليكم الله ورونا اسماءكم وريحونا انا حاسه المتابعين ديل حايخنقوني بعد كدا 😭🥲💔🐸) انا وهي اسماءنا زي بعض
واحد من الأولاد قال:اسماءكم منو طيب؟؟🤨
عاشقة الأسود ابتسمت وقالت: *نفيسه* 😇🖤 (مالكم خير 🐸 اسمها نفيسه اي بس نفيسه 🔪🐸 على فكره دا اسمي الحقيقي🥲🖤)
ولد:طيب انتي كيف وصلتي لي هنا؟
عاشقة الأسود:انا مريت ب3 مراحل عشان اكون عاشقة الأسود 🖤✨ اول مرحله وآخر مرحله كانو ساهلين وحلوين جدا بس كل الصعاب والعتاب والعذاب والوجع كان في المرحله ال2💔 انا اسمي نفيسة كنت عايشه احلى حياة مع اغلى زول في حياتي وهو بابا😍🖤 بس ابوي مات 💔😓 واسمي معاهو مات💔😓 وحلمي مات وهدفي مات ومكانتي ماتت بين الناس💔😓 كل شي انتهى بي موت ابوي بعد موت ابوي انولد فشلي ووجعي وعذابي واسمي الكل الناس زلتني واهانتني عليهو 💔😓
واحده من البنات الفي الاحتفال قالت :والاسم دا شنو؟🤨
عاشقة الأسود : *فاصولياء* 🙂

(صدددددددددمه😱😱😱فاصولياء هي عاشقة الأسود الحقيقيه 😳😳😳 واسمها الحقيقي نفييسه😱😱😱😱😳😳😳😳 إن شاء الله بعد الصدمه دي ما تكون جاتكم حاجه انتو لسه ماشفتو حاجه 🔪🐸😂)
عاشقة الاسود: اسم فاصولياء دا مرحلتي التانيه💔 مرحلتي الصعبه طريقي الكلو شووك الكلو ظلام كلو عتمه وخوف ماكان فيهو نور ماكان فيهو فرح ولا حب ولا اهتمام ولا امل ماحسيت فيهو بالحياة حسيت بجهنم حسيت بالخنقه والظلم 💔 كلو كان دمووع وبكاء كانت اصعب فتره في كل حياتي💔🥺 ﴿وتاني العبره خنقتها وكانت عاوزه تبكي بس مسحت دموعها ورفعت راسها واتكلمت بي قوه﴾ بس خلاص