#ሶስተኛ_ወገን

በእግዜር የተጋባ
በሰው ላይፋታ
እንለይ !! ቢመስለን
ሽርደዳ በረታ
የኔና አንቺ ፍቅር ፥ ለመቆራፈዱ
ሶስተኛ ወገን ነው ፥ አመኬላ ጉዱ
ትያለሽ...
እላለው...
ሆድ ሲያውቅ ሽወዳ
ታውቂያለሽ ...
አውቃለው...
ለገዛ ቤታችን
የትዳር ጦርነት ፥ የፍቅር ሽኩቻ
መተማመን ሳለ
የጠብን ዳውላ ፥ ጥሎ መበለቻ
ዱላና ወሬውን ፥ ያቀበለሽ ማን ነው?
ሚስትህን ግደላት !!
ብሎ ያስታጠቀህ ፥ ያዘመተህ ማን ነው?
በሚል ማተራመስ !!
ሀገር ምድሩን ማመስ
ጣት እየቀሰሩ ፥ ነገሩ ማድበስበስ
ለጫርነው ጠባሳ ፥ ሶስተኛ አካል መውቀስ
አይጠቅመኝ
አይጠቅምሽ
አፉ በይኝ አንቺ ፥ እኔ ይቅር ስልሽ
እንጂማ ....ትዳሬ
አድሮ መወቃቀስ ፥ እየፈጩ ጥሬ
ምን ሊረባኝ ለኔ ?
ላንቺስ ምን ሊበጅሽ ?
እረፍት የሚነሳን ፥ ከደጄ ፣ ከደጅሽ
የሚደቃሽ ክንዴ ፥ የደቆሰኝ እጅሽ ።

#አብርሀም_ተክሉ

@getem
@getem
@getem