አጃኢብ ነው አቦ
በቀደም ስስማት የእድሜ ልክ ስጋቴን ሞቴን ባንዴ ረሳሁ

ይሄው ዛሬ ስሜያት
ምድርም አልበቃችኝ ሰማየ ሰማያት ካምላክ ጋር ተገኘሁ

ጨዋታ ፈጥሬ የዓለሙን ፈጣሪ ሳስቀው አመሸሁ

በወጋችን መሃል ከ አምላኬ ጋራ

አንድ ሁለት ስንል ስንስቅ ስናወራ

እንዲሰምር ሃሳቡ ፍጥረትን አድምቆ ዉብ አርጎ እንዲሰራው

እፁብ ድንቅ እንዲሆን ፀሐይን አውርዶ ሳቅሽን እንዲሰቅለው

ከምድር አጥፍቶ አየር ነፋሳቱን

በዓለም እንዲናኘው እፁብ ትንፋሽሽን

ጨረቃን ሸሽጎ ሰማይ እንዲያኖረው አጃኢብ አይንሽን

ቤተስኪያን ተሰርቶ ፍጥረት እንዲሳለም እንዲስም ከፈርሽን

ስሸነግል ዋልኩኝ ሁሉም እንዲያሸተው ናርዶስ ጠረንሽን

                   ዘረ ሠናይ
              @Prince_Zeresenay

@getem
@getem
@paappii

ኑሮ ይባልና

ጤናዬን ጠየቁኝ አልኳቸው ደህና
አይደለሁም ብልስ ምን ይቀየርና
ሁሉም ነገር ከንቱ እየሆነ ወና
ደህና ነኝ እላለሁ ኑሮ ይባልና
እውነት ለመናገር እኔ ግን አሞኛል
ድርጊቶች በሙሉ ሰላሜን ነስቶኛል
እስቃለሁ እንጂ ደስታ እርቆኛል
ውስጤም ይረበሻል ቅር ቅር ይለኛል
በምንስ ልደሰት እንዴት ልሁን ደህና
ሰውን ማመን ከንቱ አልኩኝ እንደገና
ይሁና!!!
መልካም ቀናት አሉ እያልኩኝ ልፅናና
እታዛብ ይሆናል ይህም ቀን ያልፍና
ፀሀይም ቀን ወጥታ
ደግሞ ትለቃለች ለጨረቃ ማታ
ጊዜም ይቀየራል በጊዜ ይተካል
ቀናቶች ያልፋሉ ሌላም ቀን ይመጣል
ጨልሞ ይበራል በርቶም ይጨልማል
ለጊዜው ነው እንጂ ቢመሽም ይነጋል።
           
BY፦ LIONEL YOHANNES

@getem
@getem
@getem

( ባዶሽን ..)
=============

ሰው ነኝና ....
ስጦታ ሳይ እረሳለሁ ደጉን ሰጪ
ይቅር አለም ከእጅ መንሻ አመሐ ጋር
ሁሌ አትምጪ
እስቲ አንዴ እንኳን ... መባ ትቼ
የምትበልጭው አንቺን ልይሽ
ባዶሽን ነይ
ቀልቤን ንዋይ እንዳይነጥቅሽ !!!

By @Kiyorna

@getem
@getem
@paappii

የተሰበረ ልብ

ጥፋት ሳይኖሮበት በደሉን ሳያውቀው
አካሌ ያለው ሰው በቅጽበት ሲርቀው
በህመም ላይ ክህደት ሲደራረብበት
የማይጠገን ልብ ይሰበራል ድንገት
የፍቅር ትርጉሙ ቅኔው ሳይገባቸው
ስንቶች ቶሎ ገብተው ሲወጡ አየናቸው
በሚያማልል ቅርበት ፍቅሩ እየጨመረ
ራስን በመክዳት ለሰው እየኖረ
በኢምንት ዘመን ነገር ተቀየረ
ያለፈው ትዝታ ጊዜያቱ ተረስቶ
ደካማው ሰውነት በፍቅር ተገዝቶ
ሲታመም አየነው ራሱን ሰውቶ
እምነት በማብዛቱ ለወደደው ሞቶ

በናሆም

@getem
@getem
@getem

❤️❤️የግራ ጎኔ❤️❤️

አንድ ያለኝን ልቤን
ሰርቀሽ ወስደሽብኝ

ቀልበ ቢስ ደንባራ
ልፍስፍስ አረግሺኝ

ልቤስ ይሁንልሽ
ውሰጂው ግዴለም

የግራ ጎኔን ግን
መልሺው የኔ አለም።

📝📝📝📝📝📝📝📝📝📝📝📝📝

       ✍️ @BEGITIMENAWGA

@getem
@getem
@getem

ለማታዉቀኝ
.
በቀናት መካከል ገና ያየሁህ 'ለት"፣
በሴኮንዳት እድሜ በትንሿ ቅፅበት፣

በሰዎች ተከበህ ስትስቅ አይኔ ገባህ፣
በዝምታ ሆኖ ልቤ አዜመልህ፣
የፍቅርን ሸማ ፈጥኖ ሸመነልህ፣

እዉነቱን ልንገርህ........

ከዛች ቀን ጀምሮ ጤናም የለኝ እንጃ፣
ሀሳቤ አንተዉ ነህ አወይ የኔ ፍርጃ፣

ለማታዉቀኝ ላንተ ደብዳቤ እፅፋለሁ፣
አልሳካ ቢለኝ ደግሜ እቀዳለሁ፣

ደግሞ ስትናፍቀኝ፣
ሳቅህ ትዝ ሲለኝ፣

ከቃኘሁህ ቦታ እመላለሳለሁ፣
አገኝህ ይመስል እጠባበቃለሁ።
........................................
በዔደን ታደሰ
@topazionnn
@getem
@getem

።።።።። እጠብቅሀለዉ።።።።።።።።።

እጠብቅሀለዉ ባረጅም ግድ የለኝ ፣
እጠብቅሀለዉ ህያዉ ፍቅር አለኝ።
ድንገት ብትቀር ወይንም ብታረፍድ፣
እጠብቅሀለዉ ቃሌ ሳይሰደድ።
አንተን ከህይወቴ ለማስወጣት ብጥር፣
እዉነት እሱ አ'ይበለኝ ይቅር።
አትምጣ ስትፈልግ እኔ ልጠብቅህ፣
ዘላለም አለሜን በህልሜ እንኳን ልይህ።
እጠብቅሀለዉ እስካለሁ በዚህ አለም፣
አንተን በመጠበቅ የሚያስቆመኝ የለም።

ጥያቄዉ ተመለሰ😊

ገጣሚ: freye ለ papiel

@getem
@getem
@getem

የቱ ይሻልሻል ዘፈን ወይስ መዝሙር?

ባለም እንደሚኖር እልፍ ጭንቀት ከቦት
መከራና ስቃይ ጠዋት ማታ አዋክቦት
ህመሙን ለመርሳት ወይ ደግሞ ለማፈን
የቱ ይሻልሻል መዝሙር ወይስ ዘፈን?

ባለም እንደሚኖር በግዜሩ ተማምኖ
ቀን እንደሚገፋ ተማፅኖ ለምኖ
ትንሽ ለማራራት ይህን መሳይ አሽሙር
የቱ ይሻልሻል ዘፈን ወይስ መዝሙር?
ካለም ቀሽም ድብርት
ከጀሊሉ ቅጣት
ከሚሰማት እንቅልፍ
ተስፋ እያባነናት ነፍስሽ እንድትነቃ
የቱ ይሻልሻል መንዙማ? ሙዚቃ?

አዜምልሻለሁ
ባበቦች ፅሞና
በወፍ የሌት ጻማ
በልብ ትርታ
በቅጠል ሹክሹክታ
በነፋሳት ፉጨት በመብረቅ እልልታ
በወንዞች ፏፏቴ በንቦች ቅዳሴ
በብርሃን ድምጾች በፅልመት ቅላጼ
አዜምልሻለሁ
እዘፍንልሻለሁ
ዘምርልሻለሁ
በፍቅር እርምጃ
ገዳም ገብቶ ዘፈን
ባለም ሆኖ መዝሙር
የጽድቅ የኩነኔ የለውም ስልቻ
የመኖር ዓላማው
የመውደድ ዓላማ ው
ነፍስ ማትረፍና ተስፋን ማዳን ብቻ።

@getem
@getem
@paappii

By Yadel Tizazu

ካጣሁሽ በኃላ ተለያይተን ከራቀሽ
ከሃሳብሽ ጠፍቼ ከሞትኩኝ በልብሽ
የኔን ገላ ከሻርሽ የአዲሱን አንግሰሽ
ከሰው ከተገኘሽ ትዝታሽን ረስተሽ
ሌላ ክንድ ካቀፍሽ የኔን እቅፍ ገፍተሽ
ባዳ ካስዳበስሽው ትንሽ መዳፍሽን
የተመኘሽ ሁሉ ካወቀው  ጠረንሽን
ላፍታ የከበበሽ ከሳመው ከንፈርሽን
የመጣ የሄደው ካልከሰከሰው ጣዕምሽን
ተፈፀመ አበቃ ከእንግዲህ ምን ቀረው
ብቻውን አይመጣም ሞትም ዘጠኝ አለው

                   ዘረ ሠናይ
              @Prince_Zeresenay

@getem
@getem
@getem

ስላለው መች ኖረ
                              
ሁሉም ያያል እንጅ ጣፋጭ መራራውን
በፈረቃ ሕይወት ማጣት ማግኘትን
ስላጣም አልጠፋ ስላለው አልኖረ
የከፋው ሰው ሞቶ የደላው መች ቀረ።

በ ናሆም

@getem
@getem
@getem

▷መለኪያ(ሲጠብቅ)◁

የሚለካበት ሰው ፤ የያዘው መስፈሪያ፤

በፈገግበት  ልክ ፤ ባረከው እራፊያ።

ካላየ እመባ ካይንህ ፤ ደም ካልሞላው አፍህ

ፊቱ መሬት ወድቀህ፤ ካልጨቀየ ልብስህ፤

ከሌለህ ማስረጃ ፤ለመምህ ምስክር ፤

መች ታመሀል ይላል...
እሱ የገመተህ፤

በሳከው ፈገግታ፣ በለበስከው ጫማህ።


      by @Kas_4set

@getem
@getem
@getem

እኛን ሚዘክረን ቀናትን ሰይሞ
ከውልደት አንስቶ አላየን ፈፅሞ
ከግራ አጥንታችን እንዳልተገኛቹ
ለዝከረ በዓላት ስያሜ በቃቹ
.
8 ቁጥር ደላ ለአጥንቴ ክፋይ
ቀኗን ስታከብር እኔ ምለው ጠፋኝ
ለካስ ቀን የለኝም እኔ ምስኪን አዳም
ወትሮስ መች ሊታወስ የደኸየ አመዳም
.
ይኸው ደስ ይበልሽ ላጫፍር በብርቱ
ወንድ ልጅ አያውቀም አይደል ቀን ልደቱን
ፍኪበት ሸብርቂ ዕለትሽ ይቀደስ
ታሰጪኝ ይሆናል "የኔን ቀን" የደስ ደስ
.
እንኳን አደረሰሽ ሴትዬ ሴታችን
ለእኛም ቀን ይመጣል ከእርሱ ከአምላካችን
.
ለማንኛውም እንኳን አደረሳቹ 😏

በኪሩቤል አሰፋ @Ebuh_bhr

@getem
@getem
@getem

/እስቲ አንቺ አውሺኝ/
ስንቱን ለንግግር ለሳቅ ለጨዋታ
ደግሞም ለመግባባት የቃላት ሁካታ፤
እንዳልደረደርኩኝ ከወሬ ማዕድ ላይ
እንዳደራረብኩኝ ነገረ በላይ በላይ፤
ልቤ የወደደሽን ዛሬ አንቺን ባገኝሽ
ልጥር ብከጅልም በቃል ላሳምንሽ፤
ከየት ይምጣ ቃሉ እንዲያ የዘረገፍኩት
ዛሬ ጠፋኝ ቅኔው ያኔ የዘረፍኩት፤
በምን ብናገር ይሆን አንቺን ምማርከው
ከምንስ ብጀምር እዴትስ ብተርከው፤
ላወራሽ እልና ምለው ይጠፋኛል
ስደርስ ካንቺ አጠገብ መናገር ያመኛል፤
ደሞ ሚያሳስበኛል!
በአፌ ተናግሬ ባይሽማማሽ ያልኩት ቃል
መዉደዴስ ባጭሩ ሳልጀምር ያበቃል፤
እላለው ከራሴ ጋር እያብሰለሰልኩኝ
ቆሞ ለታዘበኝ እብድ እየመሰልኩኝ፤
እና አንቺየዋ!
ከሆነ እስኪመጣ ቃል ከኔ ምትሸሺን
የሚያስማማንን ቃል እስቲ አንቺ አውሺኝ
#መሳይ ግርማ

@getem
@getem
@getem

ፆም
.
የነፍስ ቁስልን ፈዋሽ፣
ፀጋ መንፈስን አልባሽ፣

ላወቀባት ፍቱን መድኃኒት፣
የበጎ ምግባር ቱሩፋት፣

የስጋን ፍላጎት ፣
ምኞትና አምሮት፣

ክፋትን አክሳሚ ፣
ፍቅርን አታሚ ፣

ከጸሎት የምታዋድድ ፣
ፅድቅን የምታስለምድ ፣

የምትገራ አንደበትን ፣
የምትገስፅ ፍላጎትን ፣

ከአርምሞ ምታፋቅር ፣
ተጠራቅማ የምታስምር ።
.......................................
በዔደን ታደሰ
@ediwub
@getem
@getem

#ለወንዶች_👨‍🦱

❤❤የተፈጠርሽባት ቀን💖💖

በዛች ቀን ነበረ አምላክ ለኔ ብሎ

ከግራ ጎኔ ላይ አጥንቴን ነጥሎ

           አንቺን የፈጠረሸ
   
በረቂቅ ጥበቡ ተጠቅሞ  የሰራሽ

ከውበት ደምግባት ከመልካሙም ምግባር   
                 አንዱንም ሳይነሳሽ::
:
:
:
እኔም ለዛች ቀን ምስጋናዬን ላቅርብ
              ለአምላክ ኃያሉ

አንቺን ለኔ ፈጥሮ  የህይወት ዘመኔን
             ስላረገው ሙሉ::

❤️❤️❤️❤️❤️❤️❤️❤️❤️❤️❤️❤️❤️❤️❤️


               ✍️ @BEGITIMENAWGA


@getem
@getem
@getem

አልሃምዱሊላህ እግዚአብሔር ይመስገን
ከብዙ ጠብቆ ለዚህ ያደረሰን
ጀመርነው በጋራ በፀሎት በሰላት
በፍፁም አብሮነት ሳንለይ በቀናት
.
ፆመን አስቀድሰን ማልደን ልናፈጥር
ወትሮም በለመድነው ባቆራኘን ፍቅር
ምህረትን በጋራ ልንለምን ከእርሱ
ፋሲካ ወ ረመዳን ይመስገን ደረሱ
.
ለሀገራችን ሰላም ለነፍሳችን ዕረፍት
በዱዓ በፀሎት የምንጠይቅበት
ዲኑን እንዲያወርሰን አላህ ፈጣሪያችን
ገሀነም እንዳይሆን ጥልቁ ማረፊያችን
.
በህብረት እንድንቆም እንዳንርቅ ከእሱ
ፋሲካ ወ ረመዳን ይመስገን ደረሱ

በኪሩቤል አሰፋ @Ebuh_bhr

@getem
@getem
@getem

▪️▪️ሳልሞት ተረሳው▪️▪️

ድካም ድካም ሲለኝ ሲያስቸግረኝ እንቅልፍ

ትንሽ ጋደም ብል ጎኔን ለማሳረፍ

አለመኖሬን ሚያይ አስታዋሽ ስላጣው

ሳልሞት እየተነፈስኩ በቁሜ ተረሳው::
:
:
:
ይሁና

📝📝📝📝📝📝📝📝📝📝📝📝📝

       ✍️ @BEGITIMENAWGA

@getem
@getem
@getem

በቃኸኝ፤
በቃሽኝ፤

ብለን ብንዘጋዉ አርስቱን፤
የቡና መጠጫ መተረቻ አረጉን።

እንዳልተዋደዱ እንዳልተፋቀሩ፤
ከተማዉን ሁሉ አብረዉ እንዳልዞሩ፤
ምኞታቸዉ ከስሞ ተለያይተዉ ቀሩ።

እንዲህ እንዲህ እያሉ........
በጨዋታቸዉ ላይ ሲያሙን ይዉላሉ፤

ግና ያልገባቸዉ ፍፁም ያላወቁት፤
በጥሞና ሆነዉ ወርቁን ያልተረዱት፤

የማስመሰል ፍቅርን ዘዉሮ ከመምራት፤
መልካም ተመኝቶ እንዳልነበር መርሳት።
..........................................
በዔደን ታደሰ
@topazionnn
@getem
@getem

❤️ አይጠፋም ❤️

ፀሀይ ብትጠልቅም
ጨረቃን ጠብቃ ተራዋን ብትለቅም

ቀናት ወራት ሆነው
ጊዜ ጊዜን ወልዶ አመታት ብከርምም

ዘመንም እንዳሻው
በፈለገው ፍጥነት ቶሎ ቢቀያየር

መቼም አይቀንስም
በፍፁም አይጠፋም ላንቺ ያለኝ ፍቅር

📝📝📝📝📝📝📝📝📝📝📝📝📝

       ✍️ @BEGITIMENAWGA

@getem
@getem
@getem