#آتالار سٶزو - عاغیلین گٶزو

💠 اٶز چٶره‌گینی ،اٶزگه سوفره‌سینده یئمه

💠 اٶز عاغلینی ، اٶزگه عاغلینا وئرمه

💠 اٶز قورو چٶره‌گیم ، اٶزگه‌نین پیلوووندان یاخچی‌دیر

💠 اٶز گٶزونده دیره‌گی گٶرمور، اٶزگه گٶزونده چوپو گٶرور

💠 اٶزو قازانمایان ، مال قدرینی بیلمز

💠 اٶزو ییخیلان آغلاماز

💠 اٶزونو اٶزگه‌یه نردوبان ائله‌مه

💠 اٶزونه قییمادیغینی اٶزگه‌یه ده قییما

💠 اٶز ائوینده باشینی باغلایا بیلمیر ، اٶزگه ائوینده گلین باشی باغلاییر


داشلی بولاق↙️
@dashlibulaq

#آتالار_سٶزو_عاغیلین_گٶزو


🔅 الله ساغ گٶزو ، سول گٶزه محتاج ائله‌مه‌سین

🔅 آرواد ایکی اولسا ، ائو سوپورولمه‌میش قالار

🔅 عاغیل یاشدا اولماز ، باشدا اولار

🔅 ننه‌م منه کور دئییب - گلیب گئده‌نی وور دئییب

🔅 آنام ائله چوخ بیلیر کی کونده‌نی خیردا توتور
-آتام ائله چوخ بیلیر کی ایکی‌ چٶره‌یی بیردن اوتور

#داشلی_بولاق
@dashlibulaq

#آتالار_سٶزو

💠 چیرکین بۆرونر ، گٶزل گٶرونر

💠 داغ باشی دومانلی ، انسان باشی یامانلی

💠 داریخما دارلیغا ، یئترسن وارلیغا

💠 یاخشی اولاد آتانی وزیر ائدر ، پیس اولاد رذیل

💠 یای کیمی اَیری اولسام ، اَلده توتارلار منی
اوخ کیمی دۆم-دۆز اولسام چٶله آتارلار منی

داشلے بولاق
@dashlibulaq

#آتالار_سٶزو

🔹کلک‌ایله گلن کۆلک‌ایله گئدر

🔹اَیری‌نین سؤزو ایله دوغرونو قیناماق اولماز

🔹چوخ مال حارامسیز اولماز ، چوخ سٶز یالانسیز

🔹یالان سٶز صاحیبینه اۆزو قارالیق گتیرر

🔹آرخالی کؤپک قورد باسار

داشلے بولاق

@dashlibulaq

#آتالار_سٶزو (۱۲۸)

🔹حاق- حسابی دۆز ائیله ، هر یئرده یئرین اولسون.

🔹حاضیر اولدو پیشمیشلر
گلدی زهلم گئتمیشلر!

🔹 حاققینان (حاقلا) باطیلین آراسی دٶرد بارماقدیر

🔹هامییا اووج-اووج ، بیزه بیر ایگنه اوجو

🔹حامام حامام ایچینده
قلبیر سامان ایچینده
دوه دللکلیک ائیلر
کٶهنه حام ایچینده


داشلے بولاق
@dashlibulaq

#آتالار_سٶزو ( تۆرکیه 134)


🔹 آبدال آتا مینینجه بئی اولدوم سانیر ، شلغم آشا گیرینجه یاغ اولدوم سانیر

🔹 عجله ایشه شئیطان قاریشیر

🔹 دَلی دلی‌دن خوشلانیر ، ایمام اٶلودن

🔹چاغریلان یئره اَرینمه ، چاغریلمایان یئرده گٶرونمه

🔹غریب قوشون یوواسینی آللاه یاپار

🔹 گنچلیکده پارا قازان ، قوجالیقدا قور قازان

داشلے بولاق
@dashlibulaq

#آتالار_سٶزو

🔹تله‌سه‌نین کۆنده‌سی کۆت گئدر

🔹 واختسیز آچیلان گۆل، تئز سولار

🔹ساری یاغ‌لا یاغلاییر، ساریمساق‌لا داغلاییر

🔹ساغلیغیندا کور فاطما، اٶلنده بادام گٶزلو

🔹اٶزون ائتدین اٶزونه، کۆلو سپدین گٶزونه[ گٶزووه]

🔹 ائوینده یوخ اوروالیق، کٶنلوندن کئچیر کندخودالیق

🔹اوجا- اوجا داغلار باشی، قارلی دا اولور، قارسیز دا
ایگیدلرین جانی ساغ اولسون، وارلی دا اولور، وارسیز دا


داشلی بولاق
@dashlibulaq

#آتالار_سٶزو

🔹کٶچه-کٶچ‌ده مالینی ساخلا، قاچا- قاچدا جانینی

🔹کٶچن یوردون قدرینی قونان یورددا بیلرلر

🔹یاخشی گونده یاد یاخشی، یامان گۆنده وای قارداش

🔹یاخشی- یامان، کئچدی کروان

🔹یالان آیاق توتار، آنجاق یئریمز

🔹یولداشی یولدا تانی

🔹آشیق تویا گئدر، ماللا وایا


داشلی بولاق
@dashlibulaq