#አጣጥለህ_አትነሳ

አጣጥለህ አትነሳ
ያንዱን ውድቀት፣ አትደገፍ
ጥረህ ፣ግረህ ፣ሰርተህ እለፍ
አሊያ አንደኛ ብትወጣ...
አያጠግብህ የሚበላ፣ አያረካህ የሚጠጣ
አያምርብህ የሚለበስ
በሰው ልፋት፣ አንተ ስትደርስ
ያለ ቦታህ ስትሰየም፣ ያለ ጊዜህ ስትገኝ
ያለእውቀትህ ስትሞገስ፣ ያለ ሞያህ ስትቀኝ
ውጭህ ሙላት፣ ውስጥህ ባዶ
ስኬት አይባልም
የራስን መካብ፣ የሌላውን ንዶ!፡፡

🔘አብርሀም🔘

#Share #like and #subscribe እያደረጋቹ።

👇Sebscribe

YouTube link👇
https://www.youtube.com/@atronose

#የጠቢብ ቃል!

ባህር ዳር ተኝቼ ሳልሞቅ ጠሀይቷን
አየር ላይ በርሬ ሳልጎበኝ ምድሪቷን

ቁርሴን አዲሳባ ምሳዬን ፓሪስ ላይ
እንዲህ ተዝናንቼ ድሎት ተድላ ሳላይ

በቆንጆዎች ጉያ ስራቸው ሰምጬ
ብኖር ነው ደስታዬ ዓለሜን ቀጭቼ

እያልሁ አስብ ነበር !
አቤት የኔ ነገር ...

ዳምኖ ይሄ ቀኔ ... ሰፍኖበት ፅሞና
ከሎሬቱ ቅኔ.. . አንዷን እመዝና

ምነው እመብርሀን
ኢትዮጵያን ዘነጋሻት?
ቀኝሽን ረሳሻት ... ?
እያልሁ ሳልዘምር ...
ስንኙን ሸምድጄ በቃል ሳልደረድር

በዝናብ ሳልተኛ በሬን ዘጋግቼ
ብልጭልጭ መኪና ሳልሾፍር ገዝቼ

ድንጋይ በድንጋይ ላይ ህንጣ ሳልገነባ
እልፍ ሎሌ ኖሮኝ ታጅቤ ሳልገባ

ይሄ ህይወት ነው ወይ... አሁን የኔ ኑሮ ?
እያልኩ አስብ ነበር ያ...ኔ በፊት ድሮ
ይሄ ታሪኬ ነው ሌላ ነው ዘንድሮ !

ዛሬ ...
ከመጥሀፍ ትንቢት አንዲቷን ቆንጥሬ
ገላልጬ ባየው ...
ይሄ ስንዝር ገላ ድሎት አበጃጅቶት
ወዘና ቢያጠምቀው
ዝናው ባህር አልፎ የአዳም ዘር ቢያውቀው
በስልጣን በውበት ሁሉ ቢያዳንቀው
አሸርጋጅ አጎንባሽ ዙሪያውን ቢያጅበው
ጠቢቡ ሰለሞን አበክሮ እንዳለው
ሁሉም ከንቱ ... ከንቱ ...
የከንቱ ከንቱ ነው !

🔘ሚካኤል አስጨናቂ🔘

#Share #like and #subscribe እያደረጋቹ።

👇Sebscribe

YouTube link👇
https://www.youtube.com/@atronose

የፈጣሪን ክብር
በሴት ልጅ መወድስ
የቀየረ ዘፋኝ …
ሰማይ ቤት ሲደርስ
ተከሶ ወረደ ፣ ወደ ሲዖል እሳት ፤
እርማት !
እርማት !
እግዜ'ር አትሳሳት
ግጥሟን ከደራሲ ፣ ነበር የወሰዳት🙄

🔘ሚካኤል አስጨናቂ🔘


#Share #like and #subscribe እያደረጋቹ።

👇Sebscribe

YouTube link👇
https://www.youtube.com/@atronose

#ከመሸ_መጣሽ

ከመሸ ...
ቀናቴ ከሸሸ
ትዝታሽ ከራቀኝ
ህመም ከተሻለኝ
ሲዘነጋኝ መልክሽ 
ተተረሳኝ ድምፅሽ
ከመሸ መጣሽ
ከመሸ ...
ቅስሜ ከሟሸሸ
እንደ ጋሪ ፈረስ 
የኋላው ተጋርዶኝ ..
ታሪክሽ ሰይጣኑ
ጠበል ተረጭቶበት
እየጮኸ ለቆኝ ..
ሀሞቴ ሲመርር 
ኮሶ ሲሆን ሬት 
አንጀቴ ሲደድር
እንደ ድርቃም መሬት..
ከመሸ መጣሽ
ከመሸ.. .
ልቤ ከጠለሸ
ስምሽ እንደ ንጉስ
ተሽሮ በሌላ ...
ገላዬ ሲለምድ
የአዲስ ሴት ገላ 
ሁሉ ሲፈጣጠም
ሲዘጋ ክፍቱ በር 
እንዲህ ሆኜ ባይሆን 
መምጣት ጥሩ ነበር !!

🔘ሚካኤል አስጨናቄ🔘

#Share #like and #subscribe እያደረጋቹ።

👇Sebscribe

YouTube link👇
https://www.youtube.com/@atronose

#አይዞህ

መኖርህ፣ መጥፋትህ የሚያስጭናቃቸው
ማጣት መከፋትህ የሚያሳስባቸው
የሚጨነቅልህ፣ ስላንተ የሚያስብ
በዙሪያ ከጠፋ፣
ማንም የለኝ ብለህ ከቶ እንዳትከፋ
መኖርክን ፈላጊ፣ ጠዋት ማታ አሳቢ
እንዲኖር በተስፋ፣
በርከት ያለ ገንዘብ ተበድረህ ጥፋ።😁

#Share #like and #subscribe እያደረጋቹ።

👇Sebscribe

YouTube link👇
https://www.youtube.com/@atronose

#ጥቁር\_እና\_ነጭ\_ስካር

ባረቄ ሰከሩ
በዊስኪ ሰከርን፤

ቱቦ ስር ተገኙ
አልጋ ላይ አደርን፤

ብርድ ገረፋቸው
ሙቀቱ ገደለን፤

ግን ያለም ፈጣሪ አያዳላምና
አንድ እንቅልፍ አደለን፤
በእንቅልፋችን ዓለም
ሕልም አየን በጋራ፤

አረቄ የጠጡት
ውስኪ አውርደው ጠጡ፤
ባረቄ ወደሰከርን
ተንገዳግደው መጡ፤
ከባለፀግነት ከሕልም አመለጡ፤

እኛም ተንገዳግደን
የጠርሙስ አረቄ ባፍታ እየጨለጥን፤
ከድሕነት ዓለም ከሕልም አመለጥን፤
ጠዋት ከእንቅልፍ ነቃን ሕልማችንን ሽሽት፤

ቀኑን ልንገብረው ለሚመጣው ምሽት፤
በምሽት ተጋትነው የስካርን ዕጣ፤
ነፃነታችንን
ከተሸሸገበት ጠርሙስ ውስጥ አወጣ፤
ይመስገን ጠርሙሱ...
በዕውን ዓለም ውስኪ
በሕልማችን አረቄ ለምንጋትበት፤
ለዚህ ውለታው ነው
እየተለዋወጥን የምናነጋበት፤

(የሠካራም እኩልነት በጠርሙስ ሲገለጥ)

🔘ልዑል ሀይሌ🔘

#Share #like and #subscribe እያደረጋቹ።

👇Sebscribe

YouTube link👇
https://www.youtube.com/@atronose