#قصائد_شهادة_الإمام_الحسن_العسكري_عليه_السلام_١٤٤٢هجريه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

اجيت من البقيع ابجي ... وعل وجنه يهل دمعي
لرض سامره متعنيه ... وأيدي لازمه بضلعي
ـــــ
مصاب العسكري اوليدي ... جدد حزني ومصابي
والهذا السبب جيتك .... وتراب الكَبر بثيابي
اشم اتراب من كَبره ... جنهه ريحت اترابي
ويم كبره اونن حيل ... وبحسره اضل انعي
ـــــــــــــ
صحت بصوت يوليدي ... ها يل سمموا جبدك
افتح كَبرك وصدلي .... خلّيني اشم خدك
البين الصوّبك ياريت ... البيتك يرجع ايردّك
ومن بعدك يماي العين ... صار النوح بس طبعي
ـــــــــــــ
انوح والطم الهامه .... واصيح بصوت يالمسوم
يالعسكري آن هامك .... آنه ام الضلع مهشوم
هاي الروح يم كَبرك ... ضلت حايره وتحوم
وجنّك تندب بنوجك ... يمّه الونّتي استمعي
ـــــــــــــــ
مظلوم وابن مظلوم .... والعدوان ماراعوك
لان جدك علي الكرار ... ياويلي بحقد سمّوك
انت ابن النبي المختار ... ها يالولد ويضدوك
ولان صحت بعلات الصوت .... شرع المصطفى شرعي
ـــــــــــــــــ
ام ومن اون يبني ... جكَي وما ابطل النوح
وما اترك ونين اعليك ... ولادمعي اليضل مسفوح
آنه انجرح دلالي .... وياهو المثلي ضل مجروح
يبني وياك هل ليله ... طفّوا دنيتي وشمعي
ــــــــــــ
الشاعر محمد حسن ضيغم



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_شهادة_الإمام_الحسن_العسكري_عليه_السلام_١٤٤٢هجريه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

حظر يم الحسن يبجي    المهدي وتكَطر اجفونه

وبجفه مســـــح وجهه    وبــــيده غمض اعيونه

*

بساعات المنيه ايلوج   من جبده الولاهه الســــم

يعرك نوبــه واينازع   يحــــــس بكَلبه يتخــــذم

يتكَلب على افراشـــه   ويعصر جفــــــه يتألــــم


وابو صالــــــح يعاينله            وبروحه يحــــس عله

اخذ عمري بنعي ايكَله

شابك عالحسن واينوح    منه خابت اضـنونه

****

امدد واكَربت منـــــــه   جمرات العزى المحتوم

مد ايده وفتح عينــــــه   ياوسفه الولــــي مالـــوم

وفاضت روحه بالآلام   من مات الحسن مسموم


بفراشه الحســـــن ودع           والمهدي دمــــه المدمع

شاف ابعينه هالمصرع

طاح اعله الأبو مفجوع    ويقبل الحسن بمتونه

**** 

****

ذب روحه بألـــــم مفجوع    اتمدد حاضن ابجسمه

المهدي ابلا شعور ايصيح    بويه وينعه ويشــــمه

بعدني ازغير ايكَلــــــــــه   اشلون اوليدك اتيتــــمه

ما احمل جـــروح اكبار           ومن هسه الكَلب شب نار

وظلت موحشـه هالدار

ياوسفه العـــــــده بهاليوم    كَلب ابنك يلجـــــمـونه

****

ابو صالح يون وينـــوح   وادموعــــــه تهل جمرات

مسح وجهه وطبك جفنه   يلوج ومختنك عـــــــبرات

لطم وجهه عليه وصاح    واويلي ولينــــــــــــه مات

والمهدي لطــــم صدره              ويهل الدمـــــع جمره

على فكَده انكسر ظهره

شاله وجفنه المـــــــهدي    والــــــــــــــــــوادم يعزونه

*

بيده غســــــــله المهدي    وهو الجفنه وشــــــاله

وبيده نزله الكَبـــــــــره     واعليه الترب هــــاله

اويلي اعله البكَه عاري     ولاواحـــــــد تعنـــاله

حسين اعله الرمل مطروح       ومن عنده النحر مذبوح

ودمه اعله التراب ايفـــوح

وفوك الذبح والطعنات    بالحافر يســـــــــحكَونه

أبو علي الركابي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_شهادة_الإمام_الحسن_العسكري_عليه_السلام_١٤٤٢هجريه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

واويلي على المسموم واويلي على المسموم

عزيز الفاطمه الزهره واويلي على المسموم
جبده بنــــــار متوجره واويلي على المسموم
سمّـــــه الظالم أبغدره واويلي على المسموم
اليوم بـــأرض سامره واويلي على المسموم
وإعليــه المنيه تحوم واويلي على المسموم
*
خلّف فاجعـــه مصابه واويلي على المسموم
ولجله تنـــــوح أحبابه واويلي على المسموم
بعالي الصوت يم بابه واويلي على المسموم
تلعــــن للسعه مصابه واويلي على المسموم
وهشّم جبدة المعصوم واويلي على المسموم
******
حضــرت شيعتـه ألكبره واويلي على المسموم
تواسي الهــادي والعتره واويلي على المسموم
ومنّــه رايــــــــده نظره واويلي على المسموم
بهـــاي الدنيــه والأخره واويلي على المسموم
ويوم المحشر المحتوم واويلي على المسموم
*
أبنـــــه المنتظر حاضر واويلي على المسموم
دمه دمعاتــــــه بالناظر واويلي على المسموم
ومن عنده الكلب شاجر واويلي على المسموم
أيعينه الواحــــــد القادر واويلي على المسموم
حيله الوالـــــده مهدوم واويلي على المسموم
********
أول مــــــا وصل عنده واويلي على المسموم
باسه بأيــــــده وبخــــده واويلي على المسموم
ومن لاكه الحسن وعده واويلي على المسموم
بيده نزّلــــــــــــه بلحده واويلي على المسموم
ولفراكه بقـــــه مهموم واويلي على المسموم
*
بس اللي أنكطــع نحره واويلي على المسموم
ورضت خيلهـم صدره واويلي على المسموم
ثلث تيـــــــــام عالغبره واويلي على المسموم
محد ودّعـــــــــه بكبره واويلي على المسموم
ومسلب بلايه هـــــدوم واويلي على المسموم
*******
بجــــــاه الحسن نتوسل واويلي على المسموم
للواحد أحـــــــــد نسأل واويلي على المسموم
لهـــــــــذا العمل يتقبل واويلي على المسموم
وينهي غيابـــه ويعجل واويلي على المسموم
طلعت نـاصر المظلوم واويلي على المسموم





الشاعر
قاسم حتروش البلداوي
خادمكم
أسألكم الدعاء
غير مبري الذمه كل من يقرأها بطور الغناء


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_شهادة_الإمام_الحسن_العسكري_عليه_السلام_١٤٤٢هجريه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


على الحسن ويلي وويلاه
......
يالناعي انعى بعالي الصوت
شد الرحال السفرت الموت
اشلون العظيم ايضمه تابوت
يونس بجاله من بطن حوت

بكسرت الخاطر صار ينعاه
.....
مات بغدر سم اليكرهون
واعليه جرت دمعات العيون
اظلم صبح من بعد هالكون
والعرش ناح اويه الينوحون

عظمه المصيبه يلي تهواه
.....
هالساعه روح المهدي ياناس
متوجرة ابنيران الارجاس
ازغير بعدة وشيب الراس
بفراك ابو ما ظلت انفاس

جم لوعه عاش بسبب فركاه
......
وين اليواسي بدمعت العين
قائم محمد ناصر الدين
ذايب دليله من الونين
ما شاف راحه بهاي السنين

سهم اليتم من زغرة صاباه
......
يم النعش متمدد يصيح
ساعه يكوم وساعها يطيح
اشبه بسعفه وتاخذا الريح
فاكد الحيل ودمعته تسيح

من البواجي انعمت عيناه

.......
شيع المهدي والدة اليوم
مو بالمدامع لا بالدموم
عظمه المصيبه حكه مالوم
بيه انزرع كل حزن معصوم

الله يعينه العظم بلواه
.....

للمهدي نرفع تعزيتنه
بلطمت صدرنه الشرفتنه
تحت امره نوضع تضحيتنه
ما نخلف اويا قافلتنه

لخر نفس باقين وياه
......
الحمدالله رب العالمين
اللهم صل على محمد وال محمد
موسى الخادم

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_وفاة_ام_البنين

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴هاي ام البطل بالشدات ينخووها🏴
ــــــــــــــــــــــــــــــــــــــــــــــــــــــــ


على لحن حلو بيارغهم

شدّوا محاملهم
وبعيني اصد الهم
هذا الزمان اشسوّه والله بحالي
ام البنين وجيت اودع الغالي
ـــــــــــــ
وي الفجر وكَليبي ضل كَارصني
ادري بعزيزي رايد ايودّعني
حضّرت دمعي وحضّرت كل ونّي
تعنّيت اله ولن شفته الي متعنّي
دمعاته بعيونه
وشفته انخطف لونه
تتعثّر الجلمه اعله طرف اشفافه
وتغيّرت من كَلّي يمّه اوصافه
شكَد صعبه اودّعهم
وبعيني اصد الهم
ــــــــــــــــــ
حين الوصل يمي اعتنيته بهمّه
مولاي كتله اوكَالّي ها يمّه
والله شكبرهه اعليّه هاي الجلمه
كلّي شرف لو روحي لحضه اتخدمه
أي والوجد قِبله
مخلوقه من اجله
شرّفني ربي وآمنت بسلامه
ابّيت الرساله من صرت خدّامه
وادخل منازلهم
وبعيني اصد الهم
ــــــــــــــــــ
يم الضعن رحنه واصد لعياله
وبس طفله ماكو من حسبت اطفاله
لنهه العليله الحيل شغلت باله
وصّاني بيهه بدمعته الهمّاله
بالدار اخليهه
خل عينج اعليهه
ابنيتي عليله وردتّج اتباريهه
والهل سبب يم الوفه امخلّيهه
وصبّت مدامعهم
وبعيني اصد الهم
ــــــــــــــــــ
عباس اجاني وابني راضع غيره
ماريد كَتله اتضل سكينه ابحيره
بعينك اعداك اعرفهه تبقه ازغيره
ها يا كَمر نورك ضوه بكل ديره
ها يا بعد بيتي
وبزينب اوصيتي
عينك عليهه يبني يا كافلهه
هاي الحنينه وانت التدلّلهه
وبس انت تكفلهم
وبعيني اصد الهم
ــــــــــــــــــ
ودّعت ابو اليمه ودمعتي ابعيني
ليش الزمان ابحسرتي امخلّيني
من ودّعتهم ما شلت جفّيني
ماعندي حيل وفركَته اتبجّيني
كَوّه وي ألآمي
شالتني اجدامي
ردّيت امشي واوكَف آنه الداري
علحسين ضلّت بيّه تسعر ناري
كتلتني فركَتهم
وبعيني اصد الهم
ــــــــــــــــــ
الشاعر محمد حسن ضيغم

▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA
▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_وفاة_السيدة_زينب_عليها_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴زينب وياهي المثل زينب تكون الصبر بس من عدها يتعلم صبر🏴
ــــــــــــــــــــــــــــــــــــــــــــــــــــــــ



آه يزينب يزينب يزينب ... آه يزينب يزينب يزينب

دمعــﭻ ابروح الزمـــن تـــــارك عــــلامـــــــه
آه يزينـــب لمـــن اتــلمـــــــي اليتـــامـــــــــــه
يلي ﮔضيتــــي العُمــــر ماكــــــو سلامــــــــــه
اشعنـــــــــده ويـــاﭾ الحـــــزن يشمـر سهامه

وينـــه عبــــاس التـــرك ظهــــــرﭾ يـــــــورم
عـﮔبـــه شمـــــر ابصــرختـــــه بهلـــﭻ يشتـــم
حالــﭻ ابــلايــــه الـﮔمـــــر حـــــال التيتـــــــــم
لوحــــة آلامـــــــﭻ قهــــــــر بالدنيـــه مرســــم

اشـﮔـد بـﭽيتـــي وما نفــــــــع بـﭽيــــﭻ يحـــــره
يا حــزينــــه وياهـــو مثلـــــﭻ دمعــــه عمــــره
الضحكـــه متلــــوﮔ اعلــه وجهـــــك والله حسره
آنـــي ما شــايـــف ﮔلــــب يتحــــده صبــــــــــره

يا عجـــب ﮔلبــــﭻ ولا وﮔفـــــت نبضتـــــــــــــــه
وأنتـــــي شفتـــــي احسينــــﭻ الحــزوا رﮔبتـــــه
هــذا يا مـــوقــف اخـــوهه اشـوفــه اختـــــــــــه
مــوقفــﭻ ريحـــة جــــرح بيــــه شهـﮔتــــــــــــه
.................... كرار الحسينات
▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_وفاة_السيدة_زينب_عليها_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴زينب وياهي المثل زينب تكون الصبر بس من عدها يتعلم صبر🏴
ــــــــــــــــــــــــــــــــــــــــــــــــــــــــ


وفاة مولاتي جبل الصبر زينب الحوراء عليها السلام
=====
اه من الايام. جابتني للشام
صعبه وثكيله المسأله
وبروحي شام وكربله
وجنازي الآلام
==========
اه يلوعه غربتي وذيج المصايب
الموت اجاني ومااجو يمي الحبايب
لكربله مشبوحه عيني وصرت اراقب
حيل تعبانه وبعد كثره المتاعب
ماجوني الاعزاز. ماعندي جناز
متروسه بس كرب وبله
وبروحي شام وكربله
وگليبي محتام
==========
اشكد تمنيتك يخويه حاظر تكون
بيدك اتسبل اديه تغمض العيون
ردتك بصوتك تصيح وي اليصيحون
انا لله وانا اليه راجعون
تمنيت الحسين. ايغمض العين
اطشر شملها العايله
وبروحي شام وكربله
شيكضي الاحلام
==========
الليله ليلتكم يخوتي ماتجوني
خلافكم ناس الغرب ها شيعوني
كوموا شوفوا من الدمع حمره عيوني
وين وين اهل المحنه الضيعوني
يوميه عالباب. اتنطر احباب
زينب غريبه معلعله
وبروحي شام وكربله
وجروحي الاسهام
==========
ليش هيجي ومااجه طارش اليه
وحشه وحشتكم جبيره المغربيه
تارسه الهضمه حياتي وبس اذيه
جانت اسباب الوفاة الغاضريه
مشتاگه لثنين. عباس وحسين
بسم الله اقره البسمله
وبروحي شام وكربله
يادهري وشضام
==========
بالكبر حين انزلت اهمس يدفان
صوتي مبحوح وضعف من كد الاحزان
شيل شوفك بالعدل فتحها الاجفان
ها اجو ها مااجوني اعز خوان
لتهيل التراب. منتظره غياب
لو مااجوني معظله
وبروحي شام وكربله
من تعبي مانام
==========
كلشي راح ومااضن واحد يجيني
لااخوتي ولا ابوي ولا بنيتي
فحط گلبي من القهر واشتد حنيني
ارد اشوف حسين مشتاگتله عيني
وبگلبي لوعات. واشكد معانات
مكفوله صرت وكافله
وبروحي شام وكربله
جن حسرة ايتام
==========
تمت ولله الحمد/ المقصر مع الحسين
✍ علي النائلي


▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_شهادة_الامام_الكاظم_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️يطاموره الدمع جاري
اذكرج تلتهب ناري▪️
ــــــــــــــــــــــــــــــــــــــــــــــــــــــــ


الامام موسى بن جعفر عليه السلام

زاير اجيتك يا امامي
يالكاظم بحبي وغرامي
دمعاتي ترسلّك سلامي

زاير اجيتك يا امامي
................

گلبي وربّي. يشهد علية بزغري حبيتك
ناذر. زاير. ياموسى بن جعفر تعنّيتك
عارف شايف. نور الله يضوي ويسطع ابيتك
مهدي. تهدي. لدرب الهدايه سيدي ألگيتك

ياموسى بن جعفر دخيلك
مولاي اجيتك اشتكيلك
بالاخره بيك اعتصامي

زاير اجيتك يا امامي
...............

ناعي. وساعي. لزيارتك مولاي يالكاظم
تدري عمري. خلّصته الكم سيدي خادم
لطفك. عطفك. انت الرحيم الترحم الوادم
ودّي وعهدي. خادمكم ابقه لطلعت القائم

عالموعد احضر بالزياره
وعيوني تنظر للمناره
اشكيلك وتسمع كلامي

زاير اجيتك يا امامي
...............

جيتك لبيتك. يدفعني حبي وشايل الرايه
غالي ابّالي مولاي اواسي گلبك الغايه
جروحي بروحي. ياموسى بن جعفر الك آيه
اسمك. حلمك. دروس افهمت من حلمك هوايه

انت اللذي ذلّيت هارون
لمّن صبرت بسجنه مسجون
متحمّل لدينك تحامي

زاير اجيتك يا امامي
...............

احلف وهتف. للكاظميه روحي ملهوفه
اعلم وفهم گبرك ملائك تنزل اطّوفه
يروي. يضوي. من ابعيد گبرك يسطع انشوفه
النه. جنة. اتمنّه يا مولاي ماعوفه

ابابك اشم ريحة مُحَمَّد
جنّة وتشع مو چنّه مرقد
ماي الزيارة وانه ضامي

زاير اجيتك يا امامي
...............

عندك. عبدك. ياموسى يامولاي سجّلني.
اخدم ورسم. صوره لوجودك خالده بذهني
مثلك. لجلك. تهمل دموعي وبالگلب حزني
حزنك سجنك. يبقه بخيالي ومايفارگني

بالسم تگطع چبدك وذاب
بطاموره ظلمه وفرگة احباب
يمك بداياتي وختامي

زاير اجيتك يا امامي

#سيد_زيد_الفحام
_______________________________

▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


يوم الطِفوف إوياكم ******* خويه أروح بِضَعنَك بِروحي أدآفِع عَنَك
صَك الشَهاده مِنَك
(بِلِطفوف بِلِطفوف ) يَحسين آني بِضِمنَك هيجي شِفتني إبظَنَك
أخويه وَأحفُظ أَمنَك
(بِلِطفوف بِلِطفوف ) سيوف تِسأل عَنَك إتريد هي إتطِعنَك
إعليها تِسأل جَنَك
(بِلِطفوف بِلِطفوف )
وِإجيوش إنته ذَليت يوم الطِفوف إوياكم
******* حايِر وَأشوف إخيامَك بيها شِفِت إيتامَك
يِصعَد لَهَب جِدآمَك
(أويلآه أويلآه) خويه وَأشوف إسهآمَك وِإجروحَك إو آلآمَك
كِلها لأجل إسلامَك
(أويلآه أويلآه) مِن وَقَعِت بِأبهامَك صار النَصِر إعلامَك
ذِكرَك يِخَلِـد أيامَك
(أويلآه أويلآه)
للدين رايه عَليت يوم الطِفوف إوياكُم ******* يَحسين حَسره بِصَدري ياخويه وآضِح أمري
وِبحالي الله إليِدري
(عَلِودآع عَلِودآع ) وِبِجِسمي هالسَم يِسري اللـه يِعَلي قَدري
ياخويه خاين دَهري
(عَلِودآع عَلِودآع ) ما ظِنه يِبره كسري عِندي طَلَب ياعُمري
يوميه مُر بِكَبري
(عَلِودآع عَلِودآع )
أفرح لَوَنَك مَريت يوم الطِفوف إوياكم ******* خادم الحسين حاتم ماشاءالله الكاظمي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

عَظَم اللهُ لك الأجرَ حُسين *********** دِمـــوعنه تُبقـــه لأجِلكُم هامله
بعيد كَبر الحسن ما نوصل إله
إنقيــــم جينه مَأتمه في كربله
(ها هُنا إلمأتَمُ بين الحَرَمين )
عَظَم اللهُ لك الأجرَ حُسين ***********
إنتـــه مرتين إنكِسَــــر مِنك ظَهَر
بالحَسَن مــــره ومره إعله النَهَر
يعني أَول كسره في سابِع صُفر
(وله يَنزُفُ دَمعُ إلمُقلتَين)
عَظَم اللهُ لك الأجرَ حُسين *********** هــــــــاي شيعة حيدره إلمَكنونه
إتشيـــل نَعــش الحَسَن وِيشَيعونه
مــو سِهام النـــــــاس مايِرمونه
وَرِد فـــوك النَعــــش وينِثرونه
(وعلى نَعشِهِ عِطرَ الياسَمين)
عَظَم اللهُ لك الأجرَ حُسين *********** يَم ضِريحــــــك جينه نَعشه إنطَوِفه (نطوف به)
مَدمع الشيعه إلمُصابـــــــه مــا خِفه
حــارت إلكِتاب نَعشـــــــه إتوصِفه
إتصيح هذا إلنعِش لأبن إلمُصطفى
(وَنَطُوفُ بِه مَقطوعَ إليَدين)
عَظَم اللهُ لك الأجرَ حُسين ***********
يــــم ضَريحَك جينه وِإلمَدمَع دِمه
نِدري لاشَك حِضَر حَماي الحِمه
طـــه جَده حضَر وأُمـــه فاطِمه
إلكربله زينب إجت بس بِضِمه
(فَبَدى إلجَمعُ يوآسي البُضعَتين)
عَظَم اللهُ لك الأجرَ حُسين ***********
إمــــرءه جَتـــــي وَرآها كُمَر شاب
رَملـــــه وِإلقاسم إجوإبهل إلمُصاب
حِضرَت إويــــاها سَكينه وِإلرَباب
وإلعَليله وِإلمَرَض مِن عِدها طاب
(وبُكاها قَد عَلا صوتٌ حَزين)
عَظَم اللهُ لك الأجرَ حُسين ***********
مَنظــــــر بِكربله سَر إلناظرين
صوت من إمرءه يِتعاله بِحنين
إستَقبِلتها الزَهره بالنوح وَأَنين
يــاهلا إبجيتِج علينه أُم البَنين
(أَين نَعشُ الحَسن يازَهرآءُ أين)
عَظَم اللهُ لك الأجرَ حُسين *********** ليش كُل الدنيــه على الظالِـــــم سِكوت
بالسُبـــــات إلمُسلمِيــــــــــن إو بالقِنوت
عِلـــه صــوت إلشيعه ما يِعلاها صوت
إيعيش صـوت إلحسن والطاغي يِموت
(يَسمَعُ الصَوتَ جِميعُ إلعالمِين )
عَظَم اللهُ لك الأجرَ حُسين ***********
خادم الحسين
حاتم ماشاءالله الكاظمي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


جنون العاشقين


اليوم وكت جنوني عالراس ادگ خلوني
* * * * *
محبوبي گطعو راسه
والصدر حافر داسه
خمدت تراهه انفاسه

بالعشگ لتلوموني
* * * * *

عالغبره ظل يا حاله
ياهو الجمعهه اوصاله
والجسد ياهو الشاله

يهل العزه عينوني
* * * * *

انه الذبيح اْيمامه
حسين بلايه عمامه
وطفله نكتل گدامه

يم سلوتي ودوني
* * * * *

بيمن اخمد ناري
للظل ثلاثه وعاري
دمع المحاجر جاري

عالحالي لتسألوني

* * * * *

حقه الفگد محبوبه
والگوم سلبو ثوبه
غفران حبه وتوبه

هو الامل لضنوني
* * * * *

امشي ورى المشايه
كلمن جنونه ورايه
العشگ موش حچايه

الخادم إنه يسموني
* * * * *

رد الضعن بالعيله
من بعد غيبه طويله
والما لطم يا ويله

ما ابطل تعرفوني
* * * * *

خلوني اواسي الزهره
بمصاب ابنهه ونحره
ما انسه يومه وصدره

لمصابه تجري عيوني
***

✍بقلم خادم الحسين// ع
الشاعر رعد الچريخي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_شهادة_الرسول_الاكرم_صلى_الله_عليه_وآله_١٤٤٢_هجريه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


شوط للرسول الكريم (ص)


محمد من رحل هاليوم شترك بيهم ابو العترة
حيدر ينحب بيا حال ويمه تنحب الزهره


1

غسل حيدر المختار نور عيونه بالدمعات
حبيب الباري هالليله مايرجع بعد هيهات
صعد روح وجسد لله المثل المصطفى مامات
حيدر ودعه وضمه
الصدره وغسله وشمه
نفس روحه ونفس دمه
على افراگ النبي الهادي علي هالليله شيصبره

2

وحضرت فاطمه الزهراء لبوها ورادت اتودعه
تشمه وعالجسد گامت تحوم الفاگده وتنعه
تنحب بالبچي وتگول شتكفيك يادمعه
تگله يانبي الرحمه
يتامه بعدك الامه
فراگك صعب وشعضمه
تعاين والدمع بالعين لبوها بلوعه وبحسره

3

وحضر يمه الحسن ينظر جده ودمعته بعينه
الفاگدله نبي مثلك الباري ايصبره ويعينه
وانه جدي النبي المختار المثل جدي النبي وينه
نعمه ورحمه للوادم
جدي چان ابو القاسم
مثله صار ياحاكم
رؤوف بأمته وصادق وحبيب الباري كل عمره

4

وصاح حسين وبدمعه اريدك تسمع العندي
حبيبك وارتجي منك واطلب طلبه ياجدي
اريد بكربله تحضر وتجيني لو اضل وحدي
گبل ماشوف جدي الويل
تجيني الظهر مو بليل
گبل متدوس صدري الخيل
اذا ماجيت ياجدي حبيبك ينسحگ صدره

5


وزينب تحچي وي جدها گامت وبدموع العين
شتحمل بعد فگدك النوايب لو دواهي البين
انته اول جرح بالروح واخر جرح جرح حسين
ياجدي الجروح هواي
جرح عباس جرح الماي
جرح الشامت من اعداي
لو جرح الهضم والشام اذا اخذوني وميسره






ثواب هذه القصيده هذه لتعجيل فرج مولاي صاحب الزمان (عج)


الشاعر السيد رياض الرسل الجابري

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_وفاة_ام_البنين

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴هاي ام البطل بالشدات ينخووها🏴
ــــــــــــــــــــــــــــــــــــــــــــــــــــــــ
لسان حال مولاتي ام البنين عليها السلام


كتله يمه وكال ابشري
كتله زينب كال خدري
نامي رغد وادللي.. ياهو اليصل يم بت علي
وكال ابشري




كتله عباس الوصيه... عندي من امها الزجيه
انموت كلنا يابوفاضل... ولاتروح اختك سبيه

كال ابشري وداعتج يام البنين
فدوه كلنا نروح لجدام الحسين
ما نخلي يوصل لبابه بشر
اله احنه ابابه اخوي مكطعين

كتله وكفو... كال الاخو... ما عليه منيه
وكال الحرس... لكطع النفس.. ما توصل العلويه

واكف  انه واتخيلي... ياهو اليصل يم بت علي
وكال ابشري



كتله يمه حسين رايح... وعطره نص الناس فايح
كال اذا رف رمش عينج... يعني انه بحظنه طايح

كتله يمه يا ابو فاضل هايه
زينب وعد الله خوش حجايه
يبني افهم جلمتي واسمعني زين
بخدر الله من علي موصايه

كال الخدر... لاخر عمر.. ما تشوفه الوادم
شنهو الزلم... احنه الزلم... واحنه خلفة هاشم

اعله الله ييمه اتوكلي... ياهو اليصل يم بت علي
وكال ابشري



صاح عباس اعله اخوته... وبت علي ابستمت لصوته
صاح محد يصل زينب... اله واحنه كلنا موته


اتبسم حسين وتبده احساسه
يمن فدوه انداره انه لانفاسه
شال راسه ذاك ابو كلب الحنين
من نظر غيرة علي بعباسه

صاح ونعم... يم الشهم... من عندج ومشكوره
ذوله هلك... فدوه الك... يالتسوه هالمعموره

بهاي الزلم كال الولي.... ياهو اليصل يم بت علي
وكال ابشري


رحت انه اعله الظعن... عيوني شبسرعه بجن
كلت زينب من بعد... عيونج عيوني انعمن

اثنينه نبجي ودمعنه يلالي
ومن بعدها حرت شوصف حالي
صحت يا عباس زينب يالعزيز
غاليه وللغالي فدوه الغالي

يالخادمه... لبت فاطمه... خادم انه لحسيني
زينب ترى.. امخدره... مخليها يمه بعيني

زينب تروح بمحملي... ياهو اليصل يم بت علي
وكال ابشري






الخادم سيد احمد الميالي




▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA
▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_وفاة_ام_البنين

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴هاي ام البطل بالشدات ينخووها🏴
ــــــــــــــــــــــــــــــــــــــــــــــــــــــــ

يا فاطمه يافاطمه يافاطمه يا ام البنين
ــــــــــــــــــــــــــــ
حاير بياجلمه ابدي وانتي بحر من الكلام
يلي رخصتي بنينج اربعه من اجل الامام
مقصر او لو كل دقيقه الج من ابعث سلام
انتي رب الكون حبج وخصج بأعظم مقام
كلبج سمه كلبج سمه كلبج سمه يا ام البنين
ــــــــــــــــــــــ
الشده شنهي الشده يمج حتما الشده تزول
انتي باب الجنه صرتي باب فاطمة البتول
الما يحبج يل شريفه ما يحب فحل الفحول
حتى جبريل بعظمته بيج محتار شيكول
يل فاهمه يل فاهمه يل فاهمه يا ام البنين
ــــــــــــــــــــــــــــ
هذا نص والباري شاهد وشاهد بهل معتقد
ما يرد مهموم كلبه لو طلب منج احد
الطفل لو ما يذكر اسمج جا بقه بسجن المهد
انتي يم كل طفل شيعي تقري ايات الحسد
شكد عالمه شكد عالمه شكد عالمه يا ام البنين
ــــــــــــــــــــــــــــ
هل يقين وعدنه ثابت الج صارت منزله
العنده شده وراد تخلص وبدمعته الهامله
الفاتحه يقراهه لجلج وما تضل كل معضله
الهل سبب نذكر محنتج من نطب الكربله
صاح الدمه صاح الدمه صاح الدمه يا ام البنين
ـــــــــــــــــــــــــ
انتي ام الوفه انتي وللحوائج صرتي باب
ذهب يتحول بأسمج لو قرينه اعله التراب
يا ما بسمج يل حنينه اتذللت كل الصعاب
والي اعظم شافعه النه باجر بيوم الحساب
هل غانمه هل غانمه هل غانمه يا ام البنين
ــــــــــــــــــــــــ

الشاعر محمد حسن ضيغم


▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA
▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_وفاة_ام_البنين

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴هاي ام البطل بالشدات ينخووها🏴
ــــــــــــــــــــــــــــــــــــــــــــــــــــــــ

مولاتي ام البنين ع

نذكرچ بالشدايد .. متعودين
يا باب الحوائج .. يم البنين
""""""""
بيمن بالشدايد استجيره
هو باب واحد ماكو غيره
بس لله و إلچ وجهي اديره
الچبيره تصير يم بابچ صغيره
بصغيرة وچبيرة .. متقصرين
يا باب الحوائج .. يم البنين
""""""""
تره الـحِمله ثگيل ايطيح حمله
يا مولاتي والوادم تذله
الا اليگصدچ يلگاهه سهله
انتي البركة والخير كله
يالـكلچ ترافة .. وطيبة وحنين
يا باب الحوائج .. يم البنين
"""""""
مو ياهو الاگصده ادگ بابه
ببابچ ادري بس الاستجابه
بـ(آ) يحسين انخاچ ومصابه
نظرة بداعت السلبوا ثيابه
بس نظرة امشّي .. اعليچ الحسين
يا باب الحوائج .. يم البنين
""""""""
اقره الفاتحة ولو لاسمچ اهدي
سبحانه الله اي شدة تعدي
يا اغله واعز من روحي عندي
على بابچ شرف اوگف واجدي
مثلچ بلله الگه .. بهالدنيه وين
يا باب الحوائج .. يم البنين
"""""""""
اكبر نايبة چفچ يحلهه
قضاء الحاجة بيچ الله جعلهه
يعني كلمن لبابچ وصلهه
مگضية الحوائج كلهه كلهه
خلاچ الله رحمة .. للعالمين
يا باب الحوائج .. يم البنين
""""""""
يمّن للضامي عزّبتي بنينچ
عليه امفضله وبالرگبة دينچ
عني فدوه لتشيلين عينچ
بيني ألله ليباعد وبينچ
ومفضله عليه .. كل هالسنين
يا باب الحوائج .. يم البنين
"""""""""
لـعنده مثلچ الله شگد يحبه
مـتمر بيه ابد اوقات صعبه
احج انه إلچ لو عندي طلبه
انتي لحاچتي مولاتي كعبه
تگضيهه بثواني .. عندي يقين
يا باب الحوائج .. يم البنين

انيس الخفاجي الكربلائي


▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA
▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_وفاة_ام_البنين

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴هاي ام البطل بالشدات ينخووها🏴
ــــــــــــــــــــــــــــــــــــــــــــــــــــــــ

شور لمولاتي ام البنين عليها السلام

آنه ام البنين آنه. آنه ام البنين آنه
..........................................
الرايد حاجته الليله يقرأ الفاتحه وتسهل
بهذا المجلس الشده. لو جانت جبل تنحل
باب الله الچبير احنا اليكَصدنه فلا ينذل
وانه ام البنين آنه. يالرايد علي تسأل
معروفه آنه معروفه
ام الطاحن اجفوفه
ام الحاجه سموني
آنه بهاي معروفه
آنه ام البنين آنه. آنه ام البنين آنه
................................
انه للحوائج باب. الله بهايه خصاني
الضاكَت دنيته بعيناه. آنه اليمه تلكاني
آنه ام الكَمر ياناس ماخاب تنخاني
صح مالي صحن وانزار. بس مفتوحه بيباني
لكلمن ينتخي بيه
يقرأ الفاتحه عليه
اكضي حاجه المحتاج
حتما ميه بالميه
آنه ام البنين آنه. آنه ام البنين آنه
..............................
اختارني علي يا ناس. بس هالنعمه تكفيني
كتله بس طلب عندي. فاطم لا تسميني
لولدك ياعلي ياريت. اخدمهم تخليني
بدوية طبع للزين. أنذر عمري وسنيني
ربي انعم عليه
كَبلك انه بدويه
وبيت الرساله اليوم
ويسموني علويه
آنه ام البنين آنه. آنه ام البنين آنه
..............................
بحجري انه ربه المضلوم. حسين وانا ربيته
يحبه الله اليحب حسين. وانه هوايه حبيته
حرزي عمامته چانت. وحجابي انه چفيته
وبوكت الصلاه لوصار. البس انا غاچيته
كلشي انطيته ونطاني
اكَضي الحاجه سواني
من كَد ماحزنت عليه
صرت ام الحزن آني
آنه ام البنين آنه. آنه ام البنين آنه
.......................................
ياوادم وحگ عباس غيرحسين ماعندي
صح عندي ولد وحيود. بس هو اغله من ولدي
ماهموني من راحو. ولاهمي من اضل وحدي
بس همي ابو السجاد. لو سالم يرد ودي
هوحسين ماغيره
ضلمه خلافه هالديره
مكسوره كَلب بعده
ذاك العايشه بخيره
آنه ام البنين آنه. آنه ام البنين آنه
.............................
ابو منتظر الحريشاوي


▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA
▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_وفاة_ام_البنين

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴هاي ام البطل بالشدات ينخووها🏴
ــــــــــــــــــــــــــــــــــــــــــــــــــــــــ


فزاعيات


أنه أم البنين وراحو أبنيني
*---------------*--------------*

عافوني بغربتي وماشفت راحه
وحسيت الدليل أنگطع سباحه
چن طير الحمام وكسرو أجناحه

المناحه والبواچي جرّحت عيني
أنه ام البنين وراحو أبنيني
*-----------------*---------------*

ياناس الولد تراد للعازه
ردتهم أربعه ايشلون الجنازه
شيصبره اليضل ويفگد أعزازه

تمنيت ألأجل والموت يلفيني
أنه أم البنين وراحو أبنيني
*---------------*--------------*

يتحرك الباب وصحت ياهوه
أصبّر بالگلب والروح بالگوه
دولبني الزمان وسوّه ماسوه

اصيح الضنوتي ومحد يحاچيني
أنه ام البنين وراحو أبنيني
*-----------------*----------------*

مشتاگ الگلب والجفن ما طبگه
يجوني الاربعه وأتخيل الملگه
يموت الفارگاهم ياخلگ حگه

حتى الموت ما ضنن ينسّيني
انه أم البنين وراحو أبنيني
*-----------------*--------------*

الفگد حسين والعباس ملچومه
خلوني نحيله وتصعب الگومه
يجيني الليل بالدمعات وهمومه

أسكت والجرح گوه يبچيني
أنه أم البنين وراحو أبنيني
*----------------*--------------*

أكابر والمكابر مانفع صبري
ضليت بعبرتي ودمعتي التجري
راحو للطفوف وخذو كل عمري

أسجل دمعته كلمن يواسيني
أنه أم البنين وراحو أبنيني
*----------------*-----------------*

حكهن بالبواچي يعمن عيوني
مكسورت ظهر والوحدي خلوني
لمصاب الولد باللطم واسوني

ضيعهم زماني وضيع اسنيني
أنه أم البنين وراحو أبنيني
*-----------------*----------------*


✍بقلم خادم أم البنين ع
الشاعر رعد الجريخي

▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA
▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_وفاة_ام_البنين

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴هاي ام البطل بالشدات ينخووها🏴
ــــــــــــــــــــــــــــــــــــــــــــــــــــــــ

قصيدة (أنه منكم بريه )
بحق ام البنين (ع)

■■■■■■■■■■■■■■■■■■

أنه منكم بريه ...لو رجعتم عليه ...من غير الحسين
طيحوا كدامه ... وصيروا خدامه ... يالميامين ...
يالميامين

••••••••••••••••••••••••••••

شو تعالوا خل اوصيكم وصيه
وايد فوك الايد خلوهن سويه
كلمن يقدملي عهده بهالمسيه
صيرو سند يالأربعه لأبن الزجيه
صيروا احزامه ورفعوا الهامه بالميادين يالميامين

••••••••••••••••••••••••••••••

ياولد الغضنفر حيدر قالع الباب
حسين لوطر البحر امشوا يالاطياب
ولاتنشدونة السبب وشتالي الاسباب
هذا سيد دنيته ومكشوف الحجاب
امشو بلسانه انتم خوانه وگره العين يالميامين

••••••••••••••••••••••••••••

خلوني ومشو ماردت منكم حراسه
شلي بيكم والگلب مايمه ناسه
ماأموتن أشعليه لا تخافون انتكاسه
نروح فدوه وخل يضل يايمه راسه
انتم ازلامه وذخره لأيامه اخوت حسين يالميامين

•••••••••••••••••••••••••••••

عباس خل شيلتي يُـمه برحلكم
حته تحمون الخدر وي شيلة امكم
لانتو ولدي ولا مني ولا انه منكم
لو خذوهه يعني سلبوهه لاختكم
حرسو صيوانه علي وصانه ها يالبنين يالميامين

••••••••••••••••••••••••••••••

بالدرب يبني الگمر لا تفاركهم شبر
بالوصيه يُمه ادري يال دگيت الصدر
لو اموتن راح اضلن بالوفه انه انذكر
بالنياح وبالهظيمه ادري يخلص هالعمر
روحي مبچاهه يبقه وياهه وتعمه هالعين يالميامين
•••••••••••••••••••••••


الشاعر :
حيدر العمار الخزعلي
.


▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA
▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_استشهاد_الهادي_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار


ــــــــــــــــــــــــــــــــــــــــــــــــــــــــ

جيناك بلهيب الشوك وعالخد تجري دمعتنه
يالهادي وحك عباس تظل مرفوعه رايتنه
*
بمصابك ياعلي الهادي مواكب اجت عنايه
بسامره نصبناها وسوينالك اقرايه
نهوس براية العباس وتعله بصحنك الرايه
مأتم قمنه بالحضره ونبجي ونلطم بحسره
ويانه تلطم الزهره
تلطم عالضلع وصيح واسونه بمصيبتنه
****
سحكناها المنايه بزود والكبرك تعنينه
نزحفلك زحف مولاي لوكطعو رجلينه
ماهمنه الذبح والخوف المراجل سولفت بينه
الرايه بزود شلناها وسامره كصدناها
والدنيه عجبناها
احنه شيعة الكرار وغيرت علي غيرتنه
*
زلم ونلاوي جف الموت وياويله التحدانه
نركض ركضت العباس والعباس ويانه
اذا نزعل نهز الكون زلم للموت عطشانه
خليهم يفجرونه نموت وما يمنعونه
وعنك ما يبعدونه
عايش بالكلب ذكراك وبسمك علت صرختنه
*
الوطن مهيوب برجاله واله انقدم مناحرنه
رمز الثورة يبقى حسين وبيه ازدهر حاضرنه
اذا نهجم نصيح بصوت يحسين بضمايرنه
باسم حسين نرعبهم نصول ودوم نغلبهم
شكثر ثارات نطلبهم
والنه حسبه وياهم وطويله اهواي حسبتنه
****
السواتر شاهده علينه زلم معروفه بالكلفات
نموت وما نطخ الراس ومنه الذله لا هيهات
شدينه الكلوب ادروع وفتنه بزود بالصعبات
الدواعش ركعت النه بساع وتظل مهيوبه هاي الكاع
مادام انتخت بسباع
كلمة شرف كلناها ومنثنيها كلمتنه
****
الحشد الشعبي ناده بصوت مانرجع نصر لو موت
السرايا لبسو الاجفان زلم وعله المنايه تفوت
العصائب من تصول انذار مانسمع الداعش صوت
وحزب الله اعتنوها بزود والمجلس حمه الحدود
الكتائب عن وطنها اذود
وعلي السيستاني قائدنه وبيه حققنه وحدتنه
****
تمت
ميثم العمري


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar5

(كروب مؤسسة منبريون)


#ملاحظه ممنوع ادز الحانك للاخوات على الخاص اي لحن عدك تنشره بهذا الكروب 👇👇👇👇👇

2.كروب 2 خاص بنشر وتلحين القصائد
https://tttttt.me/joinchat/Dw92DkJZ4tvb4YIzJWBWrg

#قصائد_شهادة_الامام_الحسن_المجتبى

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

شوط كربلائي للامام الحسن عليه السلام





مسموم الحسن مسموم=وبگـبره انـدفن مظلــوم
*
يبن امي ويبن عــودي=نهر من الكرم والجــود
يبو محمد صدگ ترجـع=ولــدارك تـــــرد اردود
خطارك يبو الشيمــه= كــل ساعــه عليه اتعـود
لچن جدامي اشوفنه=نعشك بيدي اضمنه = گظيت بآه وبونه
جدامي الطشـت وچبـود=من بطنك تــذب ادموم
*
ياخويه تجـي الوفــاد=ولعــد ضيفــك تقــدملــه
زادك والشــرب تنطيـه=وتكـــرمــه ويـرد لهلـــــه
چنت هيبه يبعد الروح=واحلــه من الگمـر واحله
تسامح والعفو عندك=من جدك خذت واهلك = جودك للخلگ نحرك
وجازوك بظلم خويـــه=وبت اشعث علـيك اتحوم
*
ياخويه بعد شحچــــي=مهيوبــه چـنت بحمــــاك
احبن طلعت رسـومـك=وياعمــــري الگظيته وياك
واخوي حسين والعباس=كلنــه ننــظــر لعينــــاك
وصوابك يبو محمد = سمك للچبد مرعد = عسه چبدي بداله اشتد
وتنهض ماتشوف الموت=وعسه عمري گظيته اليوم
*
يبو محمد عفاهه الروح=من بيعدك يبو الشيمـه
مثل نسمة وتمر تفـــوح=ريحك من تمر هيــــــبه
ضاگت دنيتي بليـــاك=بجالك ماشفــت غيمـــــــه
نصبولك شرك للموت=من بيتك سمعنه الصوت= ينعه ايحضر التابوت
ولن جعده اوضعت سمك=واخلافك جنيت هموم

عشت ياخويه دنياتــك=مظلوم اوشفـــت آلام
مـن گومـك يبعد اختـك=وكلهـه تندعي الاسلام
گبلك غــدروابحـــــــيدر=لاتفــرح يبو الايتـــام
گوم وبايعوا چذبه = عليك تشاودا غربه = وكلهه ترتجي الرتبه
لچن بعدك ينور العــين=يشربون الندم واللـــــوم

يبو محمد بعد موتـــك =نعشك بالسهم صابــــوا
ماقبلوا تنـــام ويـــــاه= جــدك بالغــدر عابـــــوا
عباس البطل اغضـب = يگظيهم لون عافــــوا
بس حسين ياخويه = يگلهم كلهه مرويه = وهاي الدنيه مگظيه
وهناك العتــاب ايصر =والظالم يـــرد محتـــوم
***
نسالكم الدعاء
خادم الحسين ع
الحاج ابو إياد البيجاوي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA