#قصائد_وفاة_ام_البنين

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴هاي ام البطل بالشدات ينخووها🏴
ــــــــــــــــــــــــــــــــــــــــــــــــــــــــ
لسان حال مولاتي ام البنين عليها السلام


كتله يمه وكال ابشري
كتله زينب كال خدري
نامي رغد وادللي.. ياهو اليصل يم بت علي
وكال ابشري




كتله عباس الوصيه... عندي من امها الزجيه
انموت كلنا يابوفاضل... ولاتروح اختك سبيه

كال ابشري وداعتج يام البنين
فدوه كلنا نروح لجدام الحسين
ما نخلي يوصل لبابه بشر
اله احنه ابابه اخوي مكطعين

كتله وكفو... كال الاخو... ما عليه منيه
وكال الحرس... لكطع النفس.. ما توصل العلويه

واكف  انه واتخيلي... ياهو اليصل يم بت علي
وكال ابشري



كتله يمه حسين رايح... وعطره نص الناس فايح
كال اذا رف رمش عينج... يعني انه بحظنه طايح

كتله يمه يا ابو فاضل هايه
زينب وعد الله خوش حجايه
يبني افهم جلمتي واسمعني زين
بخدر الله من علي موصايه

كال الخدر... لاخر عمر.. ما تشوفه الوادم
شنهو الزلم... احنه الزلم... واحنه خلفة هاشم

اعله الله ييمه اتوكلي... ياهو اليصل يم بت علي
وكال ابشري



صاح عباس اعله اخوته... وبت علي ابستمت لصوته
صاح محد يصل زينب... اله واحنه كلنا موته


اتبسم حسين وتبده احساسه
يمن فدوه انداره انه لانفاسه
شال راسه ذاك ابو كلب الحنين
من نظر غيرة علي بعباسه

صاح ونعم... يم الشهم... من عندج ومشكوره
ذوله هلك... فدوه الك... يالتسوه هالمعموره

بهاي الزلم كال الولي.... ياهو اليصل يم بت علي
وكال ابشري


رحت انه اعله الظعن... عيوني شبسرعه بجن
كلت زينب من بعد... عيونج عيوني انعمن

اثنينه نبجي ودمعنه يلالي
ومن بعدها حرت شوصف حالي
صحت يا عباس زينب يالعزيز
غاليه وللغالي فدوه الغالي

يالخادمه... لبت فاطمه... خادم انه لحسيني
زينب ترى.. امخدره... مخليها يمه بعيني

زينب تروح بمحملي... ياهو اليصل يم بت علي
وكال ابشري






الخادم سيد احمد الميالي




▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA
▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_وفاة_ام_البنين

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴هاي ام البطل بالشدات ينخووها🏴
ــــــــــــــــــــــــــــــــــــــــــــــــــــــــ

يا فاطمه يافاطمه يافاطمه يا ام البنين
ــــــــــــــــــــــــــــ
حاير بياجلمه ابدي وانتي بحر من الكلام
يلي رخصتي بنينج اربعه من اجل الامام
مقصر او لو كل دقيقه الج من ابعث سلام
انتي رب الكون حبج وخصج بأعظم مقام
كلبج سمه كلبج سمه كلبج سمه يا ام البنين
ــــــــــــــــــــــ
الشده شنهي الشده يمج حتما الشده تزول
انتي باب الجنه صرتي باب فاطمة البتول
الما يحبج يل شريفه ما يحب فحل الفحول
حتى جبريل بعظمته بيج محتار شيكول
يل فاهمه يل فاهمه يل فاهمه يا ام البنين
ــــــــــــــــــــــــــــ
هذا نص والباري شاهد وشاهد بهل معتقد
ما يرد مهموم كلبه لو طلب منج احد
الطفل لو ما يذكر اسمج جا بقه بسجن المهد
انتي يم كل طفل شيعي تقري ايات الحسد
شكد عالمه شكد عالمه شكد عالمه يا ام البنين
ــــــــــــــــــــــــــــ
هل يقين وعدنه ثابت الج صارت منزله
العنده شده وراد تخلص وبدمعته الهامله
الفاتحه يقراهه لجلج وما تضل كل معضله
الهل سبب نذكر محنتج من نطب الكربله
صاح الدمه صاح الدمه صاح الدمه يا ام البنين
ـــــــــــــــــــــــــ
انتي ام الوفه انتي وللحوائج صرتي باب
ذهب يتحول بأسمج لو قرينه اعله التراب
يا ما بسمج يل حنينه اتذللت كل الصعاب
والي اعظم شافعه النه باجر بيوم الحساب
هل غانمه هل غانمه هل غانمه يا ام البنين
ــــــــــــــــــــــــ

الشاعر محمد حسن ضيغم


▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA
▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_وفاة_ام_البنين

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴هاي ام البطل بالشدات ينخووها🏴
ــــــــــــــــــــــــــــــــــــــــــــــــــــــــ

مولاتي ام البنين ع

نذكرچ بالشدايد .. متعودين
يا باب الحوائج .. يم البنين
""""""""
بيمن بالشدايد استجيره
هو باب واحد ماكو غيره
بس لله و إلچ وجهي اديره
الچبيره تصير يم بابچ صغيره
بصغيرة وچبيرة .. متقصرين
يا باب الحوائج .. يم البنين
""""""""
تره الـحِمله ثگيل ايطيح حمله
يا مولاتي والوادم تذله
الا اليگصدچ يلگاهه سهله
انتي البركة والخير كله
يالـكلچ ترافة .. وطيبة وحنين
يا باب الحوائج .. يم البنين
"""""""
مو ياهو الاگصده ادگ بابه
ببابچ ادري بس الاستجابه
بـ(آ) يحسين انخاچ ومصابه
نظرة بداعت السلبوا ثيابه
بس نظرة امشّي .. اعليچ الحسين
يا باب الحوائج .. يم البنين
""""""""
اقره الفاتحة ولو لاسمچ اهدي
سبحانه الله اي شدة تعدي
يا اغله واعز من روحي عندي
على بابچ شرف اوگف واجدي
مثلچ بلله الگه .. بهالدنيه وين
يا باب الحوائج .. يم البنين
"""""""""
اكبر نايبة چفچ يحلهه
قضاء الحاجة بيچ الله جعلهه
يعني كلمن لبابچ وصلهه
مگضية الحوائج كلهه كلهه
خلاچ الله رحمة .. للعالمين
يا باب الحوائج .. يم البنين
""""""""
يمّن للضامي عزّبتي بنينچ
عليه امفضله وبالرگبة دينچ
عني فدوه لتشيلين عينچ
بيني ألله ليباعد وبينچ
ومفضله عليه .. كل هالسنين
يا باب الحوائج .. يم البنين
"""""""""
لـعنده مثلچ الله شگد يحبه
مـتمر بيه ابد اوقات صعبه
احج انه إلچ لو عندي طلبه
انتي لحاچتي مولاتي كعبه
تگضيهه بثواني .. عندي يقين
يا باب الحوائج .. يم البنين

انيس الخفاجي الكربلائي


▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA
▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_وفاة_ام_البنين

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴هاي ام البطل بالشدات ينخووها🏴
ــــــــــــــــــــــــــــــــــــــــــــــــــــــــ

شور لمولاتي ام البنين عليها السلام

آنه ام البنين آنه. آنه ام البنين آنه
..........................................
الرايد حاجته الليله يقرأ الفاتحه وتسهل
بهذا المجلس الشده. لو جانت جبل تنحل
باب الله الچبير احنا اليكَصدنه فلا ينذل
وانه ام البنين آنه. يالرايد علي تسأل
معروفه آنه معروفه
ام الطاحن اجفوفه
ام الحاجه سموني
آنه بهاي معروفه
آنه ام البنين آنه. آنه ام البنين آنه
................................
انه للحوائج باب. الله بهايه خصاني
الضاكَت دنيته بعيناه. آنه اليمه تلكاني
آنه ام الكَمر ياناس ماخاب تنخاني
صح مالي صحن وانزار. بس مفتوحه بيباني
لكلمن ينتخي بيه
يقرأ الفاتحه عليه
اكضي حاجه المحتاج
حتما ميه بالميه
آنه ام البنين آنه. آنه ام البنين آنه
..............................
اختارني علي يا ناس. بس هالنعمه تكفيني
كتله بس طلب عندي. فاطم لا تسميني
لولدك ياعلي ياريت. اخدمهم تخليني
بدوية طبع للزين. أنذر عمري وسنيني
ربي انعم عليه
كَبلك انه بدويه
وبيت الرساله اليوم
ويسموني علويه
آنه ام البنين آنه. آنه ام البنين آنه
..............................
بحجري انه ربه المضلوم. حسين وانا ربيته
يحبه الله اليحب حسين. وانه هوايه حبيته
حرزي عمامته چانت. وحجابي انه چفيته
وبوكت الصلاه لوصار. البس انا غاچيته
كلشي انطيته ونطاني
اكَضي الحاجه سواني
من كَد ماحزنت عليه
صرت ام الحزن آني
آنه ام البنين آنه. آنه ام البنين آنه
.......................................
ياوادم وحگ عباس غيرحسين ماعندي
صح عندي ولد وحيود. بس هو اغله من ولدي
ماهموني من راحو. ولاهمي من اضل وحدي
بس همي ابو السجاد. لو سالم يرد ودي
هوحسين ماغيره
ضلمه خلافه هالديره
مكسوره كَلب بعده
ذاك العايشه بخيره
آنه ام البنين آنه. آنه ام البنين آنه
.............................
ابو منتظر الحريشاوي


▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA
▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_وفاة_ام_البنين

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴هاي ام البطل بالشدات ينخووها🏴
ــــــــــــــــــــــــــــــــــــــــــــــــــــــــ


فزاعيات


أنه أم البنين وراحو أبنيني
*---------------*--------------*

عافوني بغربتي وماشفت راحه
وحسيت الدليل أنگطع سباحه
چن طير الحمام وكسرو أجناحه

المناحه والبواچي جرّحت عيني
أنه ام البنين وراحو أبنيني
*-----------------*---------------*

ياناس الولد تراد للعازه
ردتهم أربعه ايشلون الجنازه
شيصبره اليضل ويفگد أعزازه

تمنيت ألأجل والموت يلفيني
أنه أم البنين وراحو أبنيني
*---------------*--------------*

يتحرك الباب وصحت ياهوه
أصبّر بالگلب والروح بالگوه
دولبني الزمان وسوّه ماسوه

اصيح الضنوتي ومحد يحاچيني
أنه ام البنين وراحو أبنيني
*-----------------*----------------*

مشتاگ الگلب والجفن ما طبگه
يجوني الاربعه وأتخيل الملگه
يموت الفارگاهم ياخلگ حگه

حتى الموت ما ضنن ينسّيني
انه أم البنين وراحو أبنيني
*-----------------*--------------*

الفگد حسين والعباس ملچومه
خلوني نحيله وتصعب الگومه
يجيني الليل بالدمعات وهمومه

أسكت والجرح گوه يبچيني
أنه أم البنين وراحو أبنيني
*----------------*--------------*

أكابر والمكابر مانفع صبري
ضليت بعبرتي ودمعتي التجري
راحو للطفوف وخذو كل عمري

أسجل دمعته كلمن يواسيني
أنه أم البنين وراحو أبنيني
*----------------*-----------------*

حكهن بالبواچي يعمن عيوني
مكسورت ظهر والوحدي خلوني
لمصاب الولد باللطم واسوني

ضيعهم زماني وضيع اسنيني
أنه أم البنين وراحو أبنيني
*-----------------*----------------*


✍بقلم خادم أم البنين ع
الشاعر رعد الجريخي

▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA
▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_وفاة_ام_البنين

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴هاي ام البطل بالشدات ينخووها🏴
ــــــــــــــــــــــــــــــــــــــــــــــــــــــــ

قصيدة (أنه منكم بريه )
بحق ام البنين (ع)

■■■■■■■■■■■■■■■■■■

أنه منكم بريه ...لو رجعتم عليه ...من غير الحسين
طيحوا كدامه ... وصيروا خدامه ... يالميامين ...
يالميامين

••••••••••••••••••••••••••••

شو تعالوا خل اوصيكم وصيه
وايد فوك الايد خلوهن سويه
كلمن يقدملي عهده بهالمسيه
صيرو سند يالأربعه لأبن الزجيه
صيروا احزامه ورفعوا الهامه بالميادين يالميامين

••••••••••••••••••••••••••••••

ياولد الغضنفر حيدر قالع الباب
حسين لوطر البحر امشوا يالاطياب
ولاتنشدونة السبب وشتالي الاسباب
هذا سيد دنيته ومكشوف الحجاب
امشو بلسانه انتم خوانه وگره العين يالميامين

••••••••••••••••••••••••••••

خلوني ومشو ماردت منكم حراسه
شلي بيكم والگلب مايمه ناسه
ماأموتن أشعليه لا تخافون انتكاسه
نروح فدوه وخل يضل يايمه راسه
انتم ازلامه وذخره لأيامه اخوت حسين يالميامين

•••••••••••••••••••••••••••••

عباس خل شيلتي يُـمه برحلكم
حته تحمون الخدر وي شيلة امكم
لانتو ولدي ولا مني ولا انه منكم
لو خذوهه يعني سلبوهه لاختكم
حرسو صيوانه علي وصانه ها يالبنين يالميامين

••••••••••••••••••••••••••••••

بالدرب يبني الگمر لا تفاركهم شبر
بالوصيه يُمه ادري يال دگيت الصدر
لو اموتن راح اضلن بالوفه انه انذكر
بالنياح وبالهظيمه ادري يخلص هالعمر
روحي مبچاهه يبقه وياهه وتعمه هالعين يالميامين
•••••••••••••••••••••••


الشاعر :
حيدر العمار الخزعلي
.


▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA
▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_وفاة_ام_البنين_ع_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴🏴
ــــــــــــــــــــــــــــــــــــــــــــــــــــــــ





((اصدق خدمه))


اصــــدق خدمه هــيه دمعةّ العين
واذا چــــــانت ثــــوآب الأم البنين
تصير الدمعه بيها عشگـ وأحساس
أتوسل بيها لَمن تخـــدم حــــسين

ام البنين ..
من طَبت البيت الوصي
الحـــــيدر تگله اتكــلمه
من هســه يــاحيدر علي
جيت العيـــــالك خادمه

مثل سائل واجيت آنه اعله بابك
مــــــولايّ الحسن فدوه الشبابك
يـــــمّ عتبةّ اسامــيكم يـبو الخير
أنام أعله العشگ واشــــتم ترابك

ام البنين .. ام الخَدَمّ

"""""""""""""""""""""""""""""""""""

وبعدهي أتسولف وماطبت البيت
تحــــــــاچي حسين وتگله تمنيت
تمنيت أعله طولك أغدي فدوات
المثــــــلي مقصره تقــبلني ياريت

ام البنين ..
يايـــمه أذا تقــبل عبــد
مو زوجه آنـــــه الجاريه
خَدامه اجيت الحضرتك
وأعطش وأضلن ضـاميه

طلعت من أهلي وانتم كلشي أليه
اجـــــــيت بدعوه من ذيچ الزجيه
من بين النسه اختارتني يحــسـين
وحــيدر وقـــع بهــــــاي القـــضيه

ام البنين .. ام الخَدَمّ

"""""""""""""""""""""""""""""""""""

ودمــــع العين بَلَلّ حتى العّـــــتاب
اذا ماتـــــرضا زينب حَــــدي للباب
ها يمّ هـــاشم تقبليني بــــــــالبيت
خدمتي بكيف زينب اخت الاطياب

ام البنين ..
من عندچ استأذن أنــه
تلميذه علميني الـــوفه
علميني لو بس هالسنه
خليني اصيــرن عاطفه

زينـــــب مــــــا أطـــــبن ألا بأمرچ
جبــــل من الـــــــوفاء وآنه حدرچ
بخيت اليغسل أمداسات الحـسين
وعمري يروح فدوه الطاري عمرچ

ام البنين .. ام الخَدَمّ

"""""""""""""""""""""""""""""""""""

طَبتّ والخجل خــــلاها نبراس
بدويه وأصـــــيله وقمةّ احساس
گلها حسين اهلاً وأختنگ ليـش
چه گلها انتضرنه يصير عـــباس

ام البنين ..
ضمينه بحشائچ گمــر
يايمه ويهل مـــــدمعه
ضمـــــــينه للغيره نهر
باچر يضل عالمـشرعه

ضمينه الكفيل بروحچ اعــــوام
لحد ماهسه گربت بيــــنه الايام
ونفخ من روحه حيدر يمّ البنين
وراح يصير منــــــچ رمز الاسلام

ام البنين .. ام الخَدَمّ

"""""""""""""""""""""""""""""""""""

النسب بدويه بس علويه عنوان
وصارت بالكرم للـــــدنيا نيشان
أم الاربــــــعه الضلو بـــلا روس
وما ذكرتهم وندبتها عطـــــشان

ام البنين ..
للدمعه عنوان الجـــــرح
صارت غريبه ابــلا وطن
كل لحضه صارت تنذبح
لمن مشه ورد الضــــعن

رد ضعن الغوالب بس سبايه
ضعن مابي كفاله ولا حمايه
يزينب يمه صاحت وين الحسين
چا شو خـــــالي ضعنچ دون رايه

ام البنين .. ام الخَدَمّ

عبد زينب
محمد الابراهيمي



ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_وفاة_ام_البنين_ع_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴🏴
ــــــــــــــــــــــــــــــــــــــــــــــــــــــــ






شوط كربلائي
.
.
.

شلي ابروحي ياروحي .. اخذها الروح الك فدوه
الدنيه ابلا ضوه اعيونك .. صـدگ كلشي ماتسوه

_

وحـگ الاربعـه الراحو .. وحگ الجوه العـصابه
الـيوم الماشـوفك بــيه .. چــن ابگــلبي عطــابه
السوالف چيف مو وياك .. احسهن چنهن اذيابه
أمــاني كــلــه بعيــونك
واعيشن كلفه من دونك
تــرد وتشـوفـني كـــونك
علـگم عيشتي ابليك .. يامـَن عشرتك حــلوه

___

انــه ام الــبــنيـن انــه .. وبيه اشسوت الفرگه
ذايب حتى فص عيني .. چيف ابچيلك ابحرگه
گلبي انگطعت اعـروگه .. وبيــه مابــقــت ورگه
المدمع مولح اخدودي
هجرك مـن كسر عودي
وذبلت عـگبـك اورودي
امـك ذابـله اخــلافك .. وبيــها مابقـــت قــوه

___

طفـيني احـتــرگ گــلــبي .. عليك الزهره طفيني
اعيوني الشوفتك عطشت .. واگلها هسه يرويني
لاغيـــمــه الاجـــت مــــنك .. ولا واحــد يــدلـيني
يمتـه تمـطر اعـليه
وتـغــرگــني حــنيه
صدگنــي تــرد بــيه
روحي اوداعتك يحسين .. لا ماتحـــمل البـــلـوه

__

گلبـي ابـدربك امعـلگ .. ارحـم گلـبي بالــرده
سـهم الـفركه صـوبني .. الچبدي لاحه وتعده
روحي بغيبتك يحسين .. مثـل المـاي الِــتبده
لابيـــــهــم يـــلـمــوني
ولابيــــهــم يــخـــلوني
بچيت وطاحت اعيوني
والمثــلي يبــو اليــمه .. صارت دمعــته سـلوه

__

بعيد وضاعت اخبارك .. ابگلبي الغيبتك جمره
ييــمه ابـكربــله هســه .. بـس لامـرمي عالغبره
انجرح گلبي لمن گتلك .. جـرح دلالك اشـكبره
فــال الله ولا فـالي
تردلي بلكي يالغالي
ذاب اعــليــك دلالي
گلب امك يبعد امك .. مـايتــحــمل القــسوه

___

اشيطن انه كل ساعه .. وانشد يبني ياهو الچان
حيل افركهن اچفوفي .. لحـد مــايطـلع الـدخــان
واشم ريحة خدر زينب .. تشــب بـذيـالـها النيران
لايـمـــــي واطـفــيــها
وعالشاطي اليحاميها
تتنـــخه ابـــأهــالــيها
وفـوگ الـگاع اهـاليها .. ومحـد يسـمع النخــوه

_
تمت والحمد لله في ٢٥ / ٢/ ٢٠١٨
حيدر تركي الكربلائي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_استشهاد_الهادي_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار


ــــــــــــــــــــــــــــــــــــــــــــــــــــــــ

جيناك بلهيب الشوك وعالخد تجري دمعتنه
يالهادي وحك عباس تظل مرفوعه رايتنه
*
بمصابك ياعلي الهادي مواكب اجت عنايه
بسامره نصبناها وسوينالك اقرايه
نهوس براية العباس وتعله بصحنك الرايه
مأتم قمنه بالحضره ونبجي ونلطم بحسره
ويانه تلطم الزهره
تلطم عالضلع وصيح واسونه بمصيبتنه
****
سحكناها المنايه بزود والكبرك تعنينه
نزحفلك زحف مولاي لوكطعو رجلينه
ماهمنه الذبح والخوف المراجل سولفت بينه
الرايه بزود شلناها وسامره كصدناها
والدنيه عجبناها
احنه شيعة الكرار وغيرت علي غيرتنه
*
زلم ونلاوي جف الموت وياويله التحدانه
نركض ركضت العباس والعباس ويانه
اذا نزعل نهز الكون زلم للموت عطشانه
خليهم يفجرونه نموت وما يمنعونه
وعنك ما يبعدونه
عايش بالكلب ذكراك وبسمك علت صرختنه
*
الوطن مهيوب برجاله واله انقدم مناحرنه
رمز الثورة يبقى حسين وبيه ازدهر حاضرنه
اذا نهجم نصيح بصوت يحسين بضمايرنه
باسم حسين نرعبهم نصول ودوم نغلبهم
شكثر ثارات نطلبهم
والنه حسبه وياهم وطويله اهواي حسبتنه
****
السواتر شاهده علينه زلم معروفه بالكلفات
نموت وما نطخ الراس ومنه الذله لا هيهات
شدينه الكلوب ادروع وفتنه بزود بالصعبات
الدواعش ركعت النه بساع وتظل مهيوبه هاي الكاع
مادام انتخت بسباع
كلمة شرف كلناها ومنثنيها كلمتنه
****
الحشد الشعبي ناده بصوت مانرجع نصر لو موت
السرايا لبسو الاجفان زلم وعله المنايه تفوت
العصائب من تصول انذار مانسمع الداعش صوت
وحزب الله اعتنوها بزود والمجلس حمه الحدود
الكتائب عن وطنها اذود
وعلي السيستاني قائدنه وبيه حققنه وحدتنه
****
تمت
ميثم العمري


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar5

(كروب مؤسسة منبريون)


#ملاحظه ممنوع ادز الحانك للاخوات على الخاص اي لحن عدك تنشره بهذا الكروب 👇👇👇👇👇

2.كروب 2 خاص بنشر وتلحين القصائد
https://tttttt.me/joinchat/Dw92DkJZ4tvb4YIzJWBWrg

#قصائد_شهادة_موسى_الكاضم_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

آه يـــا ليــل السجن بــالمطاميــر ويـــوّن

ــــــــــــــــــــــــــــــــــــــــــــــــــــــــ







مولاي #يااباعبدالله


روحي وكل عمري بين أديك
تايه والله لو ماأجيك
محبوبي الماغيره حبيب
بالذر بعدني وأحچي بيك

حبيتك ورتوه گلبي
وبنورك شعشعت دربي
سلطاني وأمري من أمرك
حبيتك ونرفع قدري

عطشان ومتعني أجيتك
وهم ضامي بعيالك لگيتك
عطشانين ومحتاره أخيتك
وشالتلي من مايك أديتك
!!!!!!!!!!!!!!!!!!!!!!!!!!!!!!!!!!!!!!!!!
أتخيل بطيافي وصيح
أدركني مولاي الذبيح
متعوب وماناقص تعب
هاك الحيل أتگلي لاتطيح

بحروفك صارت جروحي
هنيالي ونعه مذبوحي
بنفاسي خيمتك بيتي
سلطاني ومرجعي الروحي

بفيايك وبخيرك عليه
وماعايفهه أتضيعك أديه
ياخيمه السوتلي حميه
بدموعي الماتنسه رقيه
!!!!!!!!!!!!!!!!!!!!!!!!!!!!!!!!!!!!!!!!!
مادام أبعشگك أرتويت
شگد عايز بس هسه غتنيت
ماخذني من دروب الضلام
وبموطن حبك أحتويت

صار أسمي من صرت خادم
ومن عدهه وعرفت لازم
اليعشگ واجب يضحي
ويتقبل كل حچي الوادم

لاموني والايم قياسي
للحب أنته أغله ناسي
كل مادنگ ترفعلي راسي
وبسم أعيونك صار أقتباسي
!!!!!!!!!!!!!!!!!!!!!!!!!!!!!!!!!!!!!!!!!
تشرعلي أچفوفك من أضيع
رغم أنه أمتعبك ماأطيع
ماأسمع منك بس هلا
وصايرلي لذنوبي شفيع

كل خطوه بيهه ألي صالح
تخليهه وبيهه چاا طايح
ماأرضه ونسه ترعاني
مااأفهم وحچي الجارح

ماأشكر سيدي بخيرك
يطردني والله لو غيرك
كل أمري ميسره تتدبيرك
وكل صيتي ساسه تقديرك
!!!!!!!!!!!!!!!!!!!!!!!!!!!!!!!!!!!!!!!!!
رسول رياض

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_امير_المؤمنين_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc



🏴تهدمت والله اركان الهدى 🏴
ــــــــــــــــــــــــــــــــــــــــــــــــــــــــ






شوط كربلائي
قائدنه علي الكرار واحنه بأمرت القائد
ورايتنه نسلمها نضل من واحد الواحد
**
توضينه بشرف عباس وصعدت بينه غيرتنه
تعلمنه نموت احرار وما نترك عقيدتنه
باجر عالصراط انفوت ونتباها بولايتنه
الهم ما نذل هيهات
وحيدر حاضر الشدات
وبسمه ارتفعت الصرخات
حيدر قالع البيبان والخندق يضل شاهد
***
علي ما سجد للاصنام وجانت نضرته بعيده
علي هوه الشفع والدين وعلي الرد الشمس بيده
علي بوكت الحرب تدرون ما يخلف مواعيده
علي هوه الذهب والدر
علي بفردت تمر يفطر
علي منه الرجال اتفر
يحفظ هيبة الاسلام من اهل الشرك رايد
***
علي غيرت محمد بي وتهابه الانس والجان
علي هوه الحضر ذنون لمن بلعته الحيتان
علي هوه سفينة نوح البيها اتحير الطوفان
علي الفرح كلب يعكوب
علي هوه الشفه ايوب
اسمه اعله العرش مكتوب
علي عش النبي البل غار وجان اويه النبي كاعد
***
احنه وي علي الكرار وقعنه بدمه المنحر
عنه رافضه ايكولون واحنه بهل اسم نفخر
همه ايزيد مرجعهم ومرجعنه يضل حيدر
حيدر يبقه والينه
وعنه ما تخلينه
بالمحشر ينجينه
ثبت كل اصول الدين بسيفه الزاهد العابد
*
ما نترك ولايتنه وجينه انجدد البيعه
بينه خلهم ايلومون شيعه ونفتخر شيعه
اعله فطرتنه نحبه احنه وهذا الحب فله انبيعه
هوه الهدف والغايه
وبيده اترفرف الرايه
انطينه الحيدر احجايه
عله نهجه نضل انسير وابد ميهمنه كل حاقد
***
علي صوت العداله الثار ضد اهل العبوديه
واحنه بمنهجه ماشين بالروح الجهاديه
ما نترك ابد حيدر وتضل صرختنه شيعيه
قسمنه بسورة الرحمان
اليبغضك يا علي خسران
بيك ايرتل القران
ميزان العداله انته ودوم بصبرك اتجاهد
****
تمت
تحسين الخفاجي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_امير_المؤمنين_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc



🏴تهدمت والله اركان الهدى 🏴
ــــــــــــــــــــــــــــــــــــــــــــــــــــــــ




قصيده شجاعيه بحق ابالحسن الامام علي (عليه السلام)

صولاتك يكرار صولاتك
###############
كل الكلام تحير
يوصف علي مايكدر
مايفهم بشخصيته
نور الجلاله الابهر

علي حبه احساسنه
وتاجنه ونوماسنه
حبل الله ونوره
والهوى البنفاسنه

حكه الوصف بيك احتار
صولاتك
###############
سوح المعارك عيده
يختار سيفه الصيده
وموكلشي بس القاده
نظراته حيل بعيده

خزرته جتاله
رجف الخياله
علي ياوالينه
هالاسم يحلاله

جفك علي مايندار
صولاتك
###############
مملي ترافه تشوفه
بس سر الهي جفوفه
من باب خيبر شاله
بالباب صارت خوفه


صافي وي محبوبه
نال كل مطلوبه
شال موبس بابه
الباب والجرجوبه

والكون داخل بنذار
صولاتك
###############
كلما يطب للساحه
روحي الوصي مرتاحه
مو عالارض من يمشي
جبريل مدله جناحه

واليصير كباله
يبقى بس عكاله
الباب من ماكفه
جفوفه مد توصاله

بالشده ماعنده اعذار
صولاتك
###############
ولمن تغطرس مرحب
تاريخ صار المطلب
جن عيراه ابميزان
صوب الوصي من كرب

حيرها القاده
هله بزود الساده
بخزره من عيونه
جيش كامل باده

بالحومه صبحو طشار
صولاتك
###############
ونقسم علي بمصابك
للأبد نبقى احبابك
العدوان ميغيرونه
الشاهد يظل محرابك

محبتك تكفينه
عهد ياوالينه
لجل منهج دينك
هواي أحبه انطينه

والصور ظلت تذكار
صولاتك
###############
الخادم عبدالمعين الشمري




ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ

القائد ... علي علي
الزاهد ... علي علي
العابد  ... علي علي .... سيف الله
............(((((((((((((((()))))))))))))))))))

؛١
لو دورينه الدنيه كلهه مثله ما نلكَـه
بس واحد وأسمه علي حيدرنه النعشكَـه

خِسَر // كلمن بغض حيدر علي
خِسَر // من بايع الغيره ولي
خِسَر // واخرته نيران العلي 
خِسَر // وبهمه باجر يبتلي

بس واحد .... علي علي
الزاهد ... علي علي
العابد ... علي علي ... سيفُ الله
......(((((((((((((((((((())))))))))))))))

؛؛٢
ذكره عباده ويا عباده أل الله رايدهه
الماعدهه حيدر هايه أُمه كلشي ماعدهه

علي // هو الأساس الكل عمل
علي // أفعاله ما تنعد جُمل
علي // السابع سمه صيته وصل
علي  // ما يحجي اذا قال فعل

الشاهد ... علي علي
الزاهد ... علي علي
العابد ... علي علي ... سيفُ الله
......(((((((((((((((((((())))))))))))))))))))

؛؛؛؛٤....
صايم نهاره وليله قائم خلص ايامه
وعيونه ماتغمض لحد ما تغمض ايتامه

منو //  مثله علي مثله منو 
منو // التاريخه حافل بالكفو
منو // البرد اليتامه اصبح دفو
منو // بكَـده أخذ دور الأبو

الوالد  ... علي علي
الزاهد ... علي علي
العابد ... علي علي ... سيفُ الله
........((((((((((((((((((()))))))))))))))))))

؛؛؛؛؛٥.....
فارس عظيم وبي تسولف ظلت الوادم
وكت المعارك ماكو غَيره ينطي امر حاسم

زلم //  خالسهه جان بخزرته
زلم // ما كَـدرت اترد سطرته
زلم  // موتهه كلهه بصولته
زلم // عاشت رعب من هيبته

الرائد .... علي علي
الزاهد ... علي علي
العابد ... علي علي ... سيفُ الله
  ....(((((((((((((((((((((())))))))))))))))))

؛؛؛؛؛؛٦......

تاريخه حافل بنتصاره ومدد يا حيدر
صفين تشهدله وبدر والخندق وخيبر

شِطَر // نصين ابن ود ابفخر
شِطَر  // جم مرحب وبابه كِسَر
شِطَر // تاريخ المزيف ظهر
شِطَر // كل جاهيله وانتصر

الخالد ... علي علي
الزاهد ... علي علي
العابد ... علي علي ... سيفُ الله
.......(((((((((((((((((____))))))))))))))))))))))

✍️🏻 كلمات موسى الخادم


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ
قصيدة في شهادة أمير المؤمنين علي عليه السلام بلسان العقيلة زينب ع  …
ــــــــــــــــــــــــــــــــــــــــــــــــــــــــــــــــــــــــــــ


جريمة طَبرِتَك      أليمة فَرگِتك

يا علي يا علي يا علي

ــــــــــــــــــــــــــــــــــــــــــــــــــــ

يالملامـح وجهـــك ٱدّل عالرحـيل
وانه أمــلِك بويه أكــثر مِن دلـيـل
خلاف عينك حِملي ياحيدر ثجيل
ظلّــت الدنــيا بأهل بيتـــك تِعيـل
وانه إلهه محزّمة بصـبري الجميل
تدري بينا شصار يا حامي الدخيل

تِجَرّت دِنيتَك    أليمة فرگتك

يا علي يا علي يا علي
ــــــــــــــــــــــــــــــــــــــــــــــــــــــــ

لَسه تِــدّي مِن وداع أمي الجروح
هِيّ راحـت ونتَه عن زيـنب تروح
رِيحِتك ريحة صَـنادل مِن تــفوح
فارگتنـي يا أبو الوجـهِ الصــبوح
إنتَ حـــيدر مَحّد لشأنك يلــــوح
والتبـغضك أعلِنت وبكل وضـوح

يَحيدرغِدرِتَك    أليمة فرگتك

يا علي يا علي يا علي
ــــــــــــــــــــــــــــــــــــــــــــــــــــــ

عيني شافت وجهك مغطّى بدموم
والـمنايا ٱعــلينه مِن ظلّـت تحــوم
وبالســـماء ٱتـنادبت كلــها النـجوم
لو شمـسنا اللبســت ثياب الغمــوم
عِصــفت بكـوفانك ٱريـاح الهــموم
أسد خيـــبر دامـي ما يگدر يگــوم

حزينة كوفِتَك    أليمة  فرگتك

يا علي يا علي يا علي
ـــــــــــــــــــــــــــــــــــــــــــــــــــــــ

مِن نزل وحي الله جبريل السلام
تِـهمل ٱدموعه وينـادي يا إمــــام
هَـدّموا دين الله وبشــهر الصيـام
ونحِجَب عَنّا الضوه وحَلّ الظـلام
مِن بَـعد طـه ٱنعـرف خـير الانـام
بلـيلة القدر ٱنذبـح نَحــر الحَـمام

بليّة طَيحِتَك     أليمة  فرگتك

يا علي يا علي يا علي
ــــــــــــــــــــــــــــــــــــــــــــــــــــــــــ

نَعـشَك إنتَ ٱنشـال بويه ٱعللچتوف
بويه ما تدري شحِصَل يوم الطـفوف
دارَت ٱعلِـينه الجـَحافل بالألــــــوف
ذبحَوا أولادي وأخوتي وانه أشــوف
أبــو فاضــل عالشـريعة بلا چـفــوف
حسين ظامي گطّعَت جِسمه السيوف

سِبِيّة ٱبنَيّـتَك    أليمة فرگتك

يا علي يا علي يا علي

ـــــــــــــــــــــــــــــــــــــــــــــــــــــــــــــ

بويه عِفت حسين عاري ٱعللرمال
بـلايه رَاس ومَثّــلَت بِيهِ النصــال
رِدتَ أودّع كافلي وما صَح مجال
بطَيــحَة العبـاس فارَگــتِ الـدّلال
وبـعَـباتـي ظَلّـــت تــلوذ العِـــيال
تالـــي مَسبـية ويِچتفوني بـحِبال

وحيدة ضَنوِتَك     أليمة فرگتك

يا علي يا علي يا علي
ـــــــــــــــــــــــــــــــــــــــــــــــــــــــــــ

بقلم الأستاذ / ستارعذاب الحچامي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ


ــــــــــــــــــــــــــــــــــــــــــــــــــــــــ

شهادة أمير المؤمنين
.......... شوط كربلائي ........
.
.
علي بآخر نفس بالروح
                 نظر لوجوه احبابه
لمح عباس محني الراس
          يشوف ادموعه سچابه
.
.
علي بآخر رمق منّه
         نطق بحروف معدوده
ينادي يا گمر هاشم
         حظر عباس يم عوده
مد أيده أبو الحسنين
        مسح دمعات بخدوده

يگـله لا تهـــــل جمــرك
يمن عمري فــده العمرك
لخوك احسين شد أمرك
.
اريد الدمعه طگة سيف
           على اليسحگ على اعتابه
.
.
.
أنه الظليت اتاني اسنين
                  ادور عالنقيّه أمك
لان اعرف فقط هيه
            رحمها الطاهر ايضمك
ترضعك كربله وعاشور
               تگلك زينب أبدمك
.
حب احســـين بنفاسك
لهيب ايچوي احساسك
ارفــــــع يالبـطل راسك

أمك الله قدسها
         عشگ سجدتها محرابه
.
.
.
ينشمي من الزغر أنته
          وثيق ابكربله ارباطك
جبل وسط المهد انظر
         تمنى الكون يحتاطك
اذا گلك غريب احسين
          تفز وتگطع اگماطك

أگلك هذا مو يومك
تعرف كربله اعلومك
كمّل يالنـــفل نومك
.
الك يوم ابدهر غدار
                تكسر بويه أنيابه
.
.
.
اعرفك آنه بالحملات
            جيوش إبليس تفنيهم
الك بالنهروان امجاد
           الخوارج بويه تگضيهم
منهم ضايع المشراد
              تسد الگنطره اعليهم
.
رمحك دوم ينــدلهم
وابكيـفك  تغــربلهم
ولا واحد سلم منهم
.
للكلفات ضميتك
             كل حگ إنت طلابه
.
.
.
وصيتي يا گمر هاشم
                 أمانه مني احملها
زينب اختك اوروحك
                تريدك انت تكفلها
يالراضع حليب اسباع
             عينك خل تصد الها
.
ابو فاضل نطق كلمات
يگله ابعـــــيني الآيات
تامر  يا أبو الحـــملات
.
أفدي الحره بالأنفاس
               واطر الموت واسبابه
.
.
.
ينشمي من يهل عاشور
             عليك اوتنظر اطفوفه
يحيطك جيش اميه بيه
              يبني شتت اصفوفه
بيهم لعب البتار
           خل كل كربله اتشوفه
.
رف بچـــــفوفك الرايه
دگ وسط الحرب ثايه
شـــــبابك كلها رمـايه
.
عدوك من يرد مهزوم
                يسد عن الحرب بابه
.
.
.
يعرفونك تريد الماي
             فلوله الباغي يجمعهن
يصدك بربعة آلآف
          ينشمي ابصوله ادرعهن
اذا شفت النهر بويه
             اريد أجروفه تقلعهن
.
تجـــيب الماي لسكينه
رضيعك دمعته ابعينه
ينــادي عمي چــاوينه
.
يريد الماي يالوفاي
                  منّه الچبده لهابه
.
.
.
حسن الموالي الفاطمي
.
.


.ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_امير_المؤمنين_ع _

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


حيَّ على البُكاء لفقد أبينا 💔."
😭‌‏ــــــــــــــــــــــــــــــــ




ــــــــــــــــــــــــــــــــــــــــــــــــــــــــ

أحنه نفطر ماي نشرب ونته تفطر بالبواچي
بنص أهلنه ونته گاعد وحدك تنعه التراچي
الله يعلم وين أنته؟بيا نويه بيا مچان
وين رمضانك تخلصه بيا طفوف بيا زمان؟

بعينك أخيام ويتامه ونار كبره
وعطش حار وجدم حافي تلسعه جمره
وجدك الضاعن بناته بگاع صحره
وعم عليل المالگه بنادم يعذره

وين أنته؟:: طرت الليل أبخرايب تترس عيونگ ضلام
وين أنته؟::ماشربت الماي أضنك لسه من يوم الخيام
00000000000000000
أنته عندك كلشي أله الماي ماصاير مباح
يامباح وباگ منك نحر فگ ريجه برماح
المباح دموع عندك!يافرات وياشراب
شلون تشرب ونته جدك يلعب بريته التراب

يذكرك بحلفان جدك نيته ماي
أحنه نشرب ونته تعطش فشله هاي
العمتك كل ساعه تسمع ماكو راي
ولتفت و الخيل تتراگض وراي

والله عيب::أحنه نفطر ونته صايم وبصيامك شي غريب
والله عيب::بالدمع هدمك تفيضه فگت أرياگك نحيب
00000000000000000
ماتمر عليك راحه ولاشفت نوم الليال
شلون تغفه وفوگ ناگه مچتفه أم عون بحبال
لسا تنعه ولسه تتتطفح لو حجينه بطاري نوگ
ودمعتك علويه چنهه بهودچ وطبوهه سوگ

شما يمر للشام طاري وللأنين
شما سمعت العمتك ملچومه أدين
شيبك يجدد بياضه للونين
وتصدح حچايات گلبك ياحسين

لسه هاي:: لسه هاي تذبحه گلبك من نگول تلچمه حيل
لسه هاي:: للخيم زينب وصلهه صوت سحگت ضلعه خيل
00000000000000000
ماتتطيب أجروحك إنته من لهد طف نينوه
ماتطيب وأبو الباقر ضل عليل بلا دوه
ماتطيب وترس عينك موقف يبچي الصخر
بيد كل سياف صوره بسيفه شايل للنحر

أنته صايم من لهد ذاك الصباح
من سمعت أحسين بالطف طوله راح
فرصه مامنطينه خاطر يستراح
شلون حالك والبگه بروس الرماح

كلفه حيل::تنلچم كل يوم موته وروحك يجر بيهه صوت
كلفه حيل::(حدو حذوات الحوافر خاطر اليوگع يموت)
00000000000000000
رسول رياض

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_هدم_قبور_ائمة_البقيع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


مطالبنـــــا البقيــــع نعلـــي بنيــانه
وبأســم المــرتضى يتــردد آذانـــه

ـــــــــــــــــــــــــــــــــــــــــــــــــــــــ





           باچر أصـوات المآذن جعفريّه
           والبقيع ايصير مثل الغاضريّه
   او يعتلي هـذا النّداء    يالله حَيَّ اعله العزاء
                       *
       باچر ابن الزّهره والصّــــفوه الغوالب
       يسل سيفه او يگطع چفوف النّواصب
       يعتني لرض البقـــــــيع اويه المواكب
       يبني بچفــــــوفه مراقــــــدها الأطايب
        وبطلعـته ايداوي الگلوب الجريحه
        وكل گبر مهدوم اله ايشيّد ضريحه
   يرفع ابصحنه الدّعاء   يالله حَيَّ اعله العزاء
                        *
        بيده فــــــوگ اگبورهم يبني المناير
        والمواكب تنّصب للخــــــــدمه باچر
         ياهلا او ميّة هلا أصوات الحناجر
         او بعد مانســمعها لاتشــرك يزاير
       او زاد أبو محمد سفرته اتمدها ادينه
       من مضيف حسين لگــــــبور المدينه
    تنطي للعالم شــفاء   يالله حَيَّ اعله العزاء
                       *
      باچر ابن العسكري او مُحيي الشَّريعه
      كربلائه الثّانيّه يصــــــبح بقيــــــــــعه
      يســـود عدله العـــــالم او ينعم جميعه
      او كل حجيج البيت تهتف شيعه شيعه               
          قادم ابن العسكري الثّاراته قادم
          رافع أعـــــلام المواكب والمآتم
   جاءَ وعـــدُ اللهِ جاء    يالله حَيَّ اعله العزاء
                       *
       يجي الگبر المجتبى او گـبر ابن اخيّه
       زين العباد او يشــــــــيد الهــــــم بنيّه
       يعلي صــــرحين العــــــــلوم الجعفريّه
       او يظهر بعلـــــمه گـبر أمّـــــه الزّچيّه
        مخفي عن وجه الأرض فاطم گبرها
        فوگ خدها يلگـه أثر چف السّطرها
  او ينحب ابذاك البكاء    يالله حَيَّ اعله العزاء
                        *                 
       من بني العباس وأشـــــــرار آل أميّه
       باچر ابمحكمته ترفـــع چم قضــــــيّه
       يبدي من ظُلم السّـــــقيفه النّاصـــبيّه
       والشّـــهود المحسن او ضلع الزّچـيّه
          والحرگ للباب باچر يلگه ناره
          للقصاص اموجّـــره وبأنتظاره
   وَسَيَصلاها جـــــزاء    يالله حَيَّ اعله العزاء
                       *
      او من بعد يتعـــــنّه للمگطوع نحــــره
      يلگـــه چم حافر فرس مغروس صدره
      للمـــله يرفع رضـــيعه او عينه عـبره
      بالسّهم مذبوح ست اشــــــهور عمـره
        اتلگّـــه أبو السّجّاد دم اوليده بيده
        ازغير نحره والسّهم ضك ابوريده
  مخضّب ابفيض الدّماء   يالله حّيَّ اعله العزاء         
           والبقيع يصير مثل الغاضريّه
                        *
                                                           الشّاعر
                                                أبو سجّاد الجعفري
                                                7 شوّال 1438هـ    
                      

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://www.youtube.com/@user-dg5tn9bg3i

#قصائد__البقيع 😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴السلام على جنه البقيع🏴
ــــــــــــــــــــــــــــــــــــــــــــــــــــــــ


بعيونك دمع.. وبروحك حزن جرحك يغايب
...................

الليل هاي الوادم تخلصه بنفاهه
ونته حته النوم لعيونك جفاهه
روحك ايضل التعب يركض وراهه
اجروحك انته ولابشر يعرف دواهه

كل ليل اليمر.. كبالك تنعرض كل المصايب
بعيونك دمع.. وبروحك حزن جرحك يغايب
......................

الدنيه مافرحت گلبك مره وحده
للفرح باب وتجي بوجهك تسده
انت ذاكه البلمصايب ذاب جبده
والدمع احمر اثر ضل اعله خده

اه بكل وكت.. يلجم بالگلب فگد الحبايب
بعيونك دمع.. وبروحك حزن جرحك يغايب
.......................

بگلبك ادري من تصير المغربيه
بصدرك ايموت النفس من الاذيه
محني ضهرك تگصد الباب الرزيه
وتوكف تنوح الكسر ضلع الزجيه

من كد الهضم.. دلالك صبح يالمهدي ذايب
بعيونك دمع.. وبروحك حزن جرحك يغايب
....................

منين ابدي وياك ياناعي المصيبه
حسين بالطف جثته ضلت سليبه
يجري دمه امن النحر لا والعجيبه
تاخذه الخيل بحوافرهه وتجيبه

وبحر الشمس.. ضل بلا دفن فوك الترايب
بعيونك دمع.. وبروحك حزن جرحك يغايب
.....................

نار باب الزهره كبرت نايباته
واعله زينب حركوا الخيمه الشماته 
ووصلت الصادق يمهدي والبناته
داره حركوهه ويطفيهه بعباته

ويذكر عمّته ..من ضلت وحيده بلا كرايب
بعيونك دمع.. وبروحك حزن جرحك يغايب
.....................

بكل زمن عترة محمد حاربوهه
وانته شاهد يابو صالح مارعوهه
الغرقد گبور اهلك هناك اعتنوهه
مابقت گبه ومناره هدموهه

بس انته الامل.. وگلبك منفجع من النوايب
بعيونك دمع.. وبروحك حزن جرحك يغايب

محمد هادي العقابي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴 لهف نفسي لغريباً
. به الدهر خان 🏴
ــــــــــــــــــــــــــــــــــــــــــــــــــــــــ
((وحيرةّ عيوني))


ياجرحي وفرحتي وحيرةّ عيوني
حُــــــبك غَطَه عالناس اليلوموني
من حبوك فهمو دمعي وجـــنوني
ومن مَسهم عشگ صـار يعذروني

اليحبك من يسولف
ترجف حـــتى عينه
اذا بسمـــك حديـثه
بدمــع روحه حنينه

حنيني .. وحنينك غامر انفاسي
حنيني .. يالمشيب فكـــر راسي
يعــنواني وينــوماسي .. حنيني

حسيني .. يــا اترف دمع ضگته
حسيني .. احبك ياعشگ سكته
العشگ لو انته لو أنته .. حسيني

أباعبدلله
أباعبدلله ... حسين

"""""""""""""""""""""""""""""""""""''''''''''''

لاموني واجيتك تــــــارك اللاموّ
يشارني بغلا من بالرخص ساموّ
اجيتك بالسهر من البعض نــاموّ
هايم بالعشگ وي ربعـــك الهاموّ

سهر جبت بغــرامي
ونده فجر الســهرته
روحي تسولف وياي
واسولف بيك انـــته

أميري .. اجيك وانته ابو الطاعه
أميري .. وحياتي ويـــاك مرتاعه
يگلبي وضيمه وأوجاعه .. اميري

مجيري .. لو مـــا أنته چا ضايع
مجيري .. چا حتى الذنب شايع
ومن يمته الگلب بايع .. مجيري

أباعبدلله
أباعبدلله ... حسين

"""""""""""""""""""""""""""""""""""''''''''''''

عبدك معـــترف مذعـــن بتقــصيره
مــــذنب والدمع للتـــــوبه تفســيره
مو گلبك احب لاچـــنت احب غـيره
واجيتك وانته تدري بگلبي والسيره

دليني أعــله روحي
آنـــــه ويــن آنـــــه
ولگيت آنه بدمعتي
يجـــامعنه حنـــانه

لگاني .. ولزمني موكب الخدمه
لگاني .. الـــف مشكور ابو اليمه
احضر مجلــــسك نعمه .. لگاني

أحتواني .. ورتب الحالي المّبهذل
احتواني .. وصرت بـموكبه انــدل
ودمعتي للمشت عالتل.. احتواني

أباعبدلله
أباعبدلله ... حسين

"""""""""""""""""""""""""""""""""""''''''''''''

حُبك سهراني وحـــــزنك بليلي
ومن اذكر مصابك ويلي ياويلي
والزينب اشيط وينـهدم حــيلي
يــاقرآن دينــي ودمعــي ترتيلي

من صرخات العيال
للصــــاحت يعباس
من حبـــل الأسـاره
للماتــت على الراس

رقيه .. مذبوحه العشگ يگتل
رقيه .. گلبها زغير مـــــاتحمل
ويافرض الدمع مـيمل .. رقيه

سبيه .. مـاتبچي التراچيها
سبيه .. بس لجلك بواچيها
چـــا يمته تحاچيها .. سبيه

أباعبدلله
أباعبدلله ... حسين



عبد زينب
محمد الابراهيمي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_استشهاد_الامام_الباقر_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c
🕊الســلام علــى جعفر الصادق 🕊

ـــــــــــــــــــــــــــــــــــــــــــــــــــــــ


عالباقر .. عالباقر
@@@
لزيد النوح وونيني .. وألطم عالصدر والخد
وعلى الباقر لشگ جيبي .. وألبس للحزن اسود
واصب دمعي على وجهي .. ابگد النوح ماينهد
وألطم حيل عالوجنه .. لفگد الطاهر الأمجد
مولانه وگضه يا ناس .. ونعشه بحفرته اتمدد
سافر عنّه بوجعفر ..ولرحمته بارءه اتغمد
@@@
بوجعفر شمس يا ناس .. وبعده الكون بس اظلم
وحگ الشيعي بفراگه .. طول الدهر يتألم
من سرج الظلم ياحيف .. جسمه السيد اتورم
وثلث ايام بالامه .. من حر وعظم هالسم
هذا الي گضه عمره .. عالجد ناصب المأتم
عليه اليوم بفراگه .. غير الحزن مايرهم
@@@
طيبه لوحت بعلام .. سوده واعلنت لحداد
راح ابن بنت الهادي .. وضنوه من علي السجاد
انگبضت بيه چف الخير .. وچف الجود چف الزاد
وبعد اغيابه صار الكون .. من زود الحزن بسواد
وانجوم السمه اهتزت .. ويالعرش و الاوتاد
وناحت جنة المأوه .. والاعراف والميعاد
@@@
وارث دمعة الزهره .. امه فاطمه الكوثر
عاش ابدنيته مظلوم .. امنهل الجور والمنكر

هذا الشايف ابصغره .. جده ابكربله اموذر
وشافه عالثره بالخيل .. صدره الطاهر اتكسر
وعماته على لهزول .. مشوهن غصب بالبر
وتاليها ابدمشق الشام .. شاف الفاجعه ابمنظر
@@@
مظلوم وگضه مظلوم .. ولي هاليوم بمصابه
گبره سيدي مهدوم .. اتواسه صحنه بترابه
خالي حضرته لصخور .. ويعصف بالهوى اترابه
وطول اليوم بس لحظات .. خلوا زاير ابابه
ويلي اعله البقيع اللي .. راس المنولد شابه
ولي يمته يضل مهدوم .. وين الثار طلابه
@@@
علي احمد الحمود
٤-٧-٢٠٢٢
شهادة الباقر ع

▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://tttttt.me/+tVfRCNCfpmJlMGRi
▪️كروب الالحان رقم 2
https://tttttt.me/+eAjWA-W1XTk5MmYy