#قصائد_وفاة_ام_البنين_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

كانت ام البنين معلمة العباس 😭
ــــــــــــــــــــــــــــــــــــــــــــــــــــــــ


يم علي لو يم فاطمة .... ندفنهة ام الاربعة
......
يم علي لو يم فاطمة لو بالمدينة
ندفنهة ام الاربعة الماتت حزينة
بأمر الدفن ما ظل فكر واتحيرينهة
كلهم تحبهم يا خلك يشهد نبينة

يم الذبيح ابكربلة .... ندفنهة ام الاربعة
.......
يا سامعين ام الوفة ماتت تراهة
واعليهة ناحت هل الارض ناحت سماهة
وين اليواسي ام الصبر يبجي البجاهة
زايد حزنهة عل المشت محد وراهة

من البنين أتيتمت ...... ندفنهة ام الاربعة
......
ام البنين الطاهرة الحرة الابية
وافاهة ياناس الاجل هاي المسية
ماتت وحيدة ولا هل يمهة الوفية
كل البنين اتذبحو بالغاضرية

موقفهة ابد ما ينسة ....... ندفنهة ام الاربعة
.......
جانت تردد كل وكت هاي الغريبة
الله أكبر من عظم هول المصيبة
موهينة يصعب عل المحب يفكد حبيبة
يكظي العمر نازف جرح غايب طبيبة

وسط الكلب يا هل الخلك ..... مدفنهة ام الاربعة
......
جانت اذا تذكر ولد اولهم حسين
واخرهم اعليه تنتحب وتزيد اللونين
مأتمهة عامر بالحزن كل هاي السنين
بس بالحسين اتولعت مو بربع أبنين

يم فاطمة الزهرة الطهر ..... ندفنهة ام الاربعة
......
عاشت لحد اخر نفس تندب يمظلوم
دمعتهة عالخد جارية ما شافت النوم
سهرانة واثار السهر بالعين مرسوم
من بعد الحسين اصبحت تعثر بالهموم

من بعدة عاشت بالحزن ...... ندفنهة ام الاربعة


......
نعش العفيفة انجهزة وانتاني ابنهة
مكطوع الجفوف ايحضر يغمض جفنهة
يحضر يغسلهة ويلف روحة بجفنهة
لازم وصل ليه الخبر يحضر دفنهة

نترقب الكافل يجي .... ندفنهة ام الاربعة
......

الحمدلله رب العالمين
اللهم صل على محمد وال محمد
موسى الخادم

▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://tttttt.me/+seH5Q_Y3xPw2NzIy
▪️كروب الالحان رقم 2
https://tttttt.me/+eAjWA-W1XTk5MmYy

#قصائد_وفاة_ام_البنين_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

كانت ام البنين معلمة العباس 😭
ــــــــــــــــــــــــــــــــــــــــــــــــــــــــ

ام البنين ع

بعاشوراء ازورك/واختمها بسجودي
يرزقني حضورك/يحسين بورودي
والموتي انتظر
يجمعنه الگبر
يحسين بورودي
+++++++++++
ليل انهار اعيش زيارتك هاي
وتعقيبة صلاتي
واحمد الله بس لحسين دنياي
خلصت والمماتي
يمن رازقني دمعه فضلك اهواي
واختمها حياتي
وجيهه بالحسين اقبلني مولاي
بس هاي امنياتي

هيچ وكون اشوفك/وبگبريني تجيني
يحسين وچفوفك/ما احچي ابنيني
انت التنذكر
يجمعنه الگبر
+++++++++++
عشت قتره انتظار وياك مرتين
بموتك وبوجودك
جنت روحي اگلها لاتموتين
الضعن هلبت يعودك
اگولن خاف اموت ويرجع حسين
عشت گوه اعله مودك
وهسه ادواره ادور عالاجل وين
يشع لحدي بورودك

منتظريني ادري/مشتاگين اليه
هسه اباب گبر/انته والزچيه
وعباس البدر
يجمعنه الگبر
يحسين بورودي
+++++++++
فرق بين انتظارك وانت موجود
دمع شوگ اعله خدي
جنت ادعي بسجودي هلبت اتعود
بس هالحاجه عندي
الباب وعتبته اشگد باچيه شهود
عليك وانسه ولدي
ببن حذلم عرفت الامل مسدود
مات حسين يحدي

رد لينه ضعنكم/بغير اوجوه چنه
بس ماهمه اهلنه/بس مابي اهلنه
بس اهل اليسر
يجمعنه الگبر
++++++++++
ابني اگبور طين الاربع اقمار
وگبرك بي مناره
احضن گبرك وعن ولدي اندار
واقراها الزياره
عله حسين وعلى اولاد الاحسين
سلامي بي حراره
واسجد ربي اخذ روحي البُعد نار
حسين اليطفي ناره

وبگبري تجيلي/عرفتك ياحبيبي
يالجارح دليلي/بس انت طبيبي
من يگضي العمر
يجمعنه الگبر
يحسين بوردوي
++++++++++
گضت بس روحي هم ودها ترجعون
ساعات المنيه
منكم ماردت بس سدت اعيون
واليسبل اديه
يجي العباس لكن نفرض شلون
دمعه ابني عليه
بيش ايشيل نعشي فوگ الامتون
بچفوفه قضيه


يحرگ بالمشاعر/موت الغربه اثاري
ابحالك شنهي صاير/يالمدفون عاري
گلبك منكسر
يجمعنه الگبر

ثائر الربيعي


▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://tttttt.me/+seH5Q_Y3xPw2NzIy
▪️كروب الالحان رقم 2
https://tttttt.me/+eAjWA-W1XTk5MmYy

#قصائد_وفاة_ام_البنين

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴هاي ام البطل بالشدات ينخووها🏴
ــــــــــــــــــــــــــــــــــــــــــــــــــــــــ

سلامُ الله على أمِّ القَمرْ
.
.
إلساني يرتّل سورة المرأة الوفيّة
النذرت عمرها دمْعة لَوْلاد الزجيّة
سورة جليلة امفصِّلة تفصال هيّ
امن الله ال علي أم الكمر أفضل عطيّة

سلامُ الله على أمِّ القمرْ
.
.
.
معصومة والعباس هالحرّة الكريمة
مرأة حليمة او عالمة او نعمة او رحيمة
الجابت فحل إسمه الكمر هايه عظيمة
جانت تَعَلْمه ايصير للحوراء خيمة

سلامُ الله على أمِّ القَمرْ
.
.
.
ذِبْحَت سِنين العمر للمذبوح نحره
يوجعها طاري احسين والله او كسر ظهره
نِثْرَت دمعها للّي نثروا صبح عمره
صبح او مسه تبجي على المسحوك صدره

سلامُ الله على أمِّ القَمرْ
.
.
.
كل ذرة بيها اتسولف بذيج المصيبة
توكع لون كالوا بقه جثّة سليبة
اتشيط من تسمع بقت زينب غريبة
ذاب القلب من الحزن والله و لهيبة

سلامُ الله على أمِّ القَمرْ
.
.
.
صوت الجرح بيها يأذّن بالثواني
يحسين فكدك سلّني يا يمّه أو عماني
حاربني كلشي من رحت حتّى زماني
ابجي او انوح او إنت ما ترجعلي ثاني

سلامُ الله على أمِّ القَمرْ
.
.
.
فاضل عباس الخزاعي


▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA
▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_وفاة_ام_البنين_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

كانت ام البنين معلمة العباس 😭
ــــــــــــــــــــــــــــــــــــــــــ
دعيتج دعيتج يم البنين الحاجتي
ــــــــــــــــــــــــ
ام الوفه وأم الشرف والباري رافع شانج
باب الحوائج للخلك انتي صبح عنوانج
ضحيتي من اجل السبط يم الوفــــــه شبانج
وما همج اولادج كظوا بس للحسين احزانج
دعيتج دعيتج يم البنين الحاجتي
ــــــــــــــــــــــــ
بحسين احلفج وبدمع عيني ولهب نيراني
رايد تفرجيلي الهظم ماتنحمل احزاني
هذا الدهر يم الوفه ابجي وأون خلاني
وانتي الي كلتي بكل وجه لا ما اسد بيبانــــــــي
دعيتج دعيتج يم البنين الحاجتي
ــــــــــــــــــــــــ
ادعيج وأقسم بالنحر وبزينب المظلومه
تزيحين ضيم ارويحتي الضلت صدك مآلومه
ادعيك انه ومهجتي متكدره ومهظومه
ماريد كلبي يضل يون وانتي التزيحي همومه
دعيتج دعيتج يم البنين الحاجتي
ــــــــــــــــــــــــ
وادعيج شفاعه الي والكل محب ويانه
كل عله تشفي من الخلك الفاكد يهودي احزانه
وكل حاجه تكضي امروتج ضيم الدهر راوانه
اقسم انه بجاه الكمر وبعينه و بذرعانه
دعيتج دعيتج يم البنين الحاجتي
ــــــــــــــــــــــــ
هذا الكلب بسمج هتف يم الوفه المعروفه
ضحيتي اولادج لجل احسين يوم اطفوفه
اتلاثه عالغبره كظوا والكطعوله جفوفه
كون الفرج يم الفرج هسه نريد انشوفه
دعيتج دعيتج يم البنين الحاجتي
ــــــــــــــــــــــــ

الشاعر محمد حسن ضيغم

▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://tttttt.me/+seH5Q_Y3xPw2NzIy
▪️كروب الالحان رقم 2
https://tttttt.me/+eAjWA-W1XTk5MmYy

#قصائد_وفاة_ام_البنين_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

كانت ام البنين معلمة العباس 😭
ــــــــــــــــــــــــــــــــــــــــــــــــــــــــ


لمولاتي ام البنين ع

هَب ريح حزن المنذبح  ومر اعله ام الاربعه
وبيها طفح بير الحزن من سمعة الناعي نعه
لمصاب ابن خير العمل أمن يُجيب ابمدمعه
هاجرت من عالم امل  العالم مصايب مفجعه

ينادي بشر ويهل دمع  احسين دامي ومنصرع
وبجسمه ماباقي ضلع    يهل المدينه
مشدوهه من السمعته  بكل خطوه شوغه تعنته
وعن ابن فاطم سألته   وعن الضعينه
.......................
حاير بقه بهذا الامر  ومنين يسأل هالمره
گلوله هاي ام الوفه  ام البنين الطاهره
من عرف بيها ضل يعد  ضيعت ولدها بالسره
ايعدد بأساميهم واهي  اتگله بالحسين اشجره

گطعت گلبي يابشر  فدوه بنيني والعمر
لحسين دلالي جمر   سولفلي عنه
گلها انرفع راسه برمح   والف وتسعمية جرح
بجسمه وعليه الفي يشح   راعي المحنه
..........................
الشاهدها ينقل هالخبر  طفل اعله اديها ام الكمر
ومن سمعة حسين انذبح عالگاع طاح امن القهر
تگله انه عمري المن بقه  وشعندي غيره ابهالدهر
يا بِشر گلي حسين حي  وماله حقيقه هالخبر

يكلها الله يطيج الصبر   عاري بقه بحر الضهر
ومسبي مشه ذاك الخدر  للشام محتار
حركو اعله العيله الخيم    ولا كافل الضل لا علم
ومن الجمر ماضل جدم  ماحركته النار
..................................
زينب الما شايفها احد  ولا طولها اتلمحه الشمس
امدللت هاشم بقت     بالگوه من اتجر نفس
بيها الهضم ما ينكتم   ومحد ابغربتها اليحس
ليل الخرايب من يمر   بسياط زينب تنحرس 

بجم ديره مجتوفه بحبل   ومضَلعه انياگ الهزل
ودموعها عالخد تهل   واتعاين الناس
بكل ديره نوك النوخت  الناس بيها  ابلا بخت   
والحسره بيها ما طفت  من عين الارجاس
..............................
يم البنين الما يُمر     عالبال مر اعله الضعن
ستر الله من طف كربله  ويه الزلم گوه مشن
اخذوهن الذاك القصر  ودموعهن يتسابگن
ويلوذن ابزينب بقن  ابديوانهم حين اوگفن

ومحتاره زينب بالحرم   والناس ما بيهم شيم
كل نضره ترميها بسهم   اتزيد المها
غربتها  ما الها وصف   عليها المدامع ماتجف
مو هينها زينب تنجتف  وينذاع اسمها
الشاعر حيدر
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://tttttt.me/+seH5Q_Y3xPw2NzIy
▪️كروب الالحان رقم 2
https://tttttt.me/+eAjWA-W1XTk5MmYy

#قصائد_وفاة_ام_البنين_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

كانت ام البنين معلمة العباس 😭
ــــــــــــــــــــــــــــــــــــــــــــــــــــــــ

أم البنين

يريت الصار بالطف صار بيه
وامشي ويالضعون الكهه اذيه
ماريدن الوحشه اهنانه بالبيت
اريد ادخل خرابه ويال سبيه

عليله وياي مشتاگه = ترسم بالارض ناگه
وبصفهه حبل وسياط= والدمعات حراگه
================================
هاي نه البقيت الوحدي بالدار
أصبر عالعليله وگلبي شب نار
نعاين عالطريچ الماخذ اعزاز
هيج الله وبشر يلفينه بخبار

احس ابگلبي يوجعني = ظني يزاحم ابظني
من گد ما سهرت اليل = حيل اليل تعبني
===============================
وصيته وصيه والگلب حاس
گتله ابشاربك يايمه عباس
صعبه الفوگ خمسين ويالضعون
تمشي ابين غربه امدنگه الراس

احس بزينب احتارت = واعليهه الغرب دارت
كلهه اطفال وي ام عون=وخيول العده الغارت
================================
تمنيت الوكت ياخذني وياهم
ولا بالدار اوج ابنار فراگاهم
انه ام البنين اولادي ماريد
هوه احسين لم الشمل طرواهم

فدوه اولادي لحسين = كلهم كون ميتين
كفيل اوياهم انطيت =يعزب للسهم عين
================================
تره الفاگد أبد مايحظه بالحيل
مثل الميل لمن يلحگ الميل
كتلتني العليله الترسم ابگاع
جسدفوگه شموس وتسحگ الخيل

كلهه معصبه اتگول = بس مو مثل الخيول
كتبت زينب وأااخ = ويمهه أدگ الطبول
=============================
كرار العطوي السماوي


▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://tttttt.me/+seH5Q_Y3xPw2NzIy
▪️كروب الالحان رقم 2
https://tttttt.me/+eAjWA-W1XTk5MmYy

#قصائد_وفاة_ام_البنين_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

كانت ام البنين معلمة العباس 😭
ــــــــــــــــــــــــــــــــــــــــــــــــــــــــ

مولى الشجعان ابا الفظل
ساقي العطشان ابا الفظل
قمرٌ يضوي الليالي....
فخرُ الاكوان ابا الفظل

بسواعدهِ الموت اتي
وبقدرتهِ الريح عاتي
يتشرف ماءُ الفراتي.... بعظم انسان

جان.....ساقي العطشان.... وعظم انسان....مولى السلطان ابا الفظل


مولاي مولاي ابالفضل


»»»»»»»»»»»»»»»»»»»»»»»»»»»»»»»»»»»»


ركن المحراب ابا الفضل
رب الارباب ابا الفضل
فبدا يحمي العقيله
باقي وما غاب ابا الفضل

فبخزتهِ الموت قادم
وبقبضتهِ الجيش نادم
يتجلى شيخ الصوارم.... بالطف ماطاح

راح...... والجيش ارتاح..... بس رد بجناج.... كعبه وماطاح ابا الفظل

مولاي مولاي ابا الفضل......


»»»»»»»»»»»»»»»»»»»»»»»»»»»»»»»»»»»»

سرٌ المكنون ابا الفضل
عقلاً وجنون ابا الفضل
حارت فيه الاعادي....
كلهم يخشون ابا الفضل

بعوالمه الليل انذر
وبرايته الله اكبر
يتبسم والليث يزئر.. للذل هيهات

مات... لتضن مامات....يرحل هيهات...... قاضي الحاجات.. ابا الفضل

مولاي مولاي ابا الفضل......



»»»»»»»»»»»»»»»»»»»»»»»»»»»»»»»»»»»»

صبراً وفراق.. ابا الفظل
عشق العشاق.. ابا الفظل
حبلُ اللهِ المتيني
حق الاحقاق.. ابا الفظل

بشمالهِ و الماءُ جاري
وبيمنتهِ السيف ضاري
يتكون منهُ النهاري.... شمس الانوار

نار.... من عينه النار..... بالطف لو غار...... رب الاسرار... ابا الفظل


»»»»»»»»»»»»»»»»»»»»»»»»»»»»»»»»»»»»


فخرٌ وجمال.. ابا الفظل
حربٌ ودلال... ابا الفظل
اسدٌ يهوى العقيله
نهرٌ وتلال... ابا الفضل


يتجول بين العساكر
وبريشتهِ الموت شاعر
يتصيد اقوى المناحر.... بالطف عباس

ناس... ماهاب الناس.... رب النوماس.... هذا العباس.. ابالفضل


مولاي مولاي ابالفضل


»»»»»»»»»»»»»»»»»»»»»»»»»»»»»»»»»»»»


السيد احمد الاعرجي


▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://tttttt.me/+seH5Q_Y3xPw2NzIy
▪️كروب الالحان رقم 2
https://tttttt.me/+eAjWA-W1XTk5MmYy

#قصائد_وفاة_ام_البنين

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴هاي ام البطل بالشدات ينخووها🏴
ــــــــــــــــــــــــــــــــــــــــــــــــــــــــ


على لحن حلو بيارغهم

شدّوا محاملهم
وبعيني اصد الهم
هذا الزمان اشسوّه والله بحالي
ام البنين وجيت اودع الغالي
ـــــــــــــ
وي الفجر وكَليبي ضل كَارصني
ادري بعزيزي رايد ايودّعني
حضّرت دمعي وحضّرت كل ونّي
تعنّيت اله ولن شفته الي متعنّي
دمعاته بعيونه
وشفته انخطف لونه
تتعثّر الجلمه اعله طرف اشفافه
وتغيّرت من كَلّي يمّه اوصافه
شكَد صعبه اودّعهم
وبعيني اصد الهم
ــــــــــــــــــ
حين الوصل يمي اعتنيته بهمّه
مولاي كتله اوكَالّي ها يمّه
والله شكبرهه اعليّه هاي الجلمه
كلّي شرف لو روحي لحضه اتخدمه
أي والوجد قِبله
مخلوقه من اجله
شرّفني ربي وآمنت بسلامه
ابّيت الرساله من صرت خدّامه
وادخل منازلهم
وبعيني اصد الهم
ــــــــــــــــــ
يم الضعن رحنه واصد لعياله
وبس طفله ماكو من حسبت اطفاله
لنهه العليله الحيل شغلت باله
وصّاني بيهه بدمعته الهمّاله
بالدار اخليهه
خل عينج اعليهه
ابنيتي عليله وردتّج اتباريهه
والهل سبب يم الوفه امخلّيهه
وصبّت مدامعهم
وبعيني اصد الهم
ــــــــــــــــــ
عباس اجاني وابني راضع غيره
ماريد كَتله اتضل سكينه ابحيره
بعينك اعداك اعرفهه تبقه ازغيره
ها يا كَمر نورك ضوه بكل ديره
ها يا بعد بيتي
وبزينب اوصيتي
عينك عليهه يبني يا كافلهه
هاي الحنينه وانت التدلّلهه
وبس انت تكفلهم
وبعيني اصد الهم
ــــــــــــــــــ
ودّعت ابو اليمه ودمعتي ابعيني
ليش الزمان ابحسرتي امخلّيني
من ودّعتهم ما شلت جفّيني
ماعندي حيل وفركَته اتبجّيني
كَوّه وي ألآمي
شالتني اجدامي
ردّيت امشي واوكَف آنه الداري
علحسين ضلّت بيّه تسعر ناري
كتلتني فركَتهم
وبعيني اصد الهم
ــــــــــــــــــ
الشاعر محمد حسن ضيغم

▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA
▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_وفاة_ام_البنين_ع_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴🏴
ــــــــــــــــــــــــــــــــــــــــــــــــــــــــ






((ام البنين))


حزمتي ولـــدچ بالعشگ ياطاهره
والأولـه انـــتي بـــالـــــوفه للاخره
تحشمين جعفر وأنتخيتي بيا عون
وعبدالله والعـــباس سبع الگنطره

صرتي بفخـر آيه وموكب ومشايه
وحتى النهر منچ منـــچ أخذ مايه
خيمةّ گمر هاشم بسمــچ مسمايه
يانورس الشـاطي وبالخدمه تچايه

يــاقبلةّ الخدمه
ياصادقه الكلمه
الّـــمطشر أتلمه .. أم البنين

أمــ الــــــوفه كله
بيچ العشگ يحله
ونقــدره ونجــــله .. ام البنين

ام البنين
ام البنين ...
"""""""""""""""""""""""""""""""""""'''''''''''

حزمتي روحچ بالصبر وأعـله الهجر
ويجري العمر وتخلص اشواط العمر
تــــانيتي ضعنچ والمســــافه وتبتعد
گــــد ما سهرتي .. الليل منــچ يعتذر

مولاتي بس انتي حضرةّ حزن صرتي
بالدمعه معروفه للضعن نـــــاطـرتي
وعـيونچ بحــيره وشــگــد تــــأملـتي
ماغمضت عينچ مــــــولاتي ساهرتي

حزنچ فلا گاضي
بالحاضر وماضي
يا أم گلب راضـي .. ام البنين

ياراضي بـالقسمه
واللچمه عاللچمه
هوه العشگ شمه .. ام البنين

ام البنين
ام البنين ...
"""""""""""""""""""""""""""""""""""'''''''''''

صيوان صرتي والدلائل واضحه
والخدمه بسمچ ياتجاره الرابحه
حـــتى بصلاتي أذكرچ يمّ الوفه
لمن أصــــلي أذكــــرچ بالفاتحه

أذكـــــر تســـآهــيلچ وبالمجلس أبچيلچ
مــــن كربله الگـبرچ دمعـــــات أوديلچ
ومــن ألطم الحـزنچ اسجــــد وأصليلچ
وبيت اعله گد حالي بـــــوراقي ابنـيلچ

لــو أسمچ اتعده
چن آيةّ السجده
أسجـد ومـــارده .. ام البنين

يـــــابيضةّ النيه
بدويـــــه علويه
وبالغربه مسبيه .. ام البنين

ام البنين
ام البنين ...
"""""""""""""""""""""""""""""""""""'''''''''''

من ودعچ عباس و وداعچ حله
گلتيله اعـــگد شيلتي يابو الهله
يمه اريدك بالحرب لمـن تطب
ويه الزلم والخيـــل تشرد كربله

حي الله عباسي يامعصب الراسي
يا نخـــوتي يبني يوليدي يحساسي
ياحــــامل الرايه ياريتي وأنفــاسي
لاتهجـــع بساعه حَـيّ الله نوماسي

آنه امك اسمعني
ياسيــدي ويبــني
بحچــــايه طمني .. ام البنين

بحچــــايه يمرتب
مـــو گلبي اتعذب
بهذا الضعن زينب .. ام البنين

ام البنين
ام البنين ...
"""""""""""""""""""""""""""""""""""'''''''''''

صاح وغلاتچ يــــاعزيزه وأبشري
زينب ييمه ساكـــــنه في ناضري
سعر الرجوله بكــربله يرجع ورى
چه آنه واگف والرجوله بخاطري

تدرين أنه الغالي بقــوالي وفعالي
آنـــه ابنچ الهيبه ياهــــو التدنالي
واليبرز الســيفي يرجع بشر خالي
والنيبه مــيداني والحرب تحلالي

لو جردت سيفي
ياحومتي بكـيفي
وزلزالي بحــيفي .. ام البنين

لو زينب تـــأشر
الهوى ومــايعبر
المشرعه أتفطر .. ام البنين

ام البنين
ام البنين ...


عبد زينب
محمد الابراهيمي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_وفاة_ام_البنين

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴هاي ام البطل بالشدات ينخووها🏴
ــــــــــــــــــــــــــــــــــــــــــــــــــــــــ
لسان حال مولاتي ام البنين عليها السلام


كتله يمه وكال ابشري
كتله زينب كال خدري
نامي رغد وادللي.. ياهو اليصل يم بت علي
وكال ابشري




كتله عباس الوصيه... عندي من امها الزجيه
انموت كلنا يابوفاضل... ولاتروح اختك سبيه

كال ابشري وداعتج يام البنين
فدوه كلنا نروح لجدام الحسين
ما نخلي يوصل لبابه بشر
اله احنه ابابه اخوي مكطعين

كتله وكفو... كال الاخو... ما عليه منيه
وكال الحرس... لكطع النفس.. ما توصل العلويه

واكف  انه واتخيلي... ياهو اليصل يم بت علي
وكال ابشري



كتله يمه حسين رايح... وعطره نص الناس فايح
كال اذا رف رمش عينج... يعني انه بحظنه طايح

كتله يمه يا ابو فاضل هايه
زينب وعد الله خوش حجايه
يبني افهم جلمتي واسمعني زين
بخدر الله من علي موصايه

كال الخدر... لاخر عمر.. ما تشوفه الوادم
شنهو الزلم... احنه الزلم... واحنه خلفة هاشم

اعله الله ييمه اتوكلي... ياهو اليصل يم بت علي
وكال ابشري



صاح عباس اعله اخوته... وبت علي ابستمت لصوته
صاح محد يصل زينب... اله واحنه كلنا موته


اتبسم حسين وتبده احساسه
يمن فدوه انداره انه لانفاسه
شال راسه ذاك ابو كلب الحنين
من نظر غيرة علي بعباسه

صاح ونعم... يم الشهم... من عندج ومشكوره
ذوله هلك... فدوه الك... يالتسوه هالمعموره

بهاي الزلم كال الولي.... ياهو اليصل يم بت علي
وكال ابشري


رحت انه اعله الظعن... عيوني شبسرعه بجن
كلت زينب من بعد... عيونج عيوني انعمن

اثنينه نبجي ودمعنه يلالي
ومن بعدها حرت شوصف حالي
صحت يا عباس زينب يالعزيز
غاليه وللغالي فدوه الغالي

يالخادمه... لبت فاطمه... خادم انه لحسيني
زينب ترى.. امخدره... مخليها يمه بعيني

زينب تروح بمحملي... ياهو اليصل يم بت علي
وكال ابشري






الخادم سيد احمد الميالي




▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA
▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_وفاة_ام_البنين

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴هاي ام البطل بالشدات ينخووها🏴
ــــــــــــــــــــــــــــــــــــــــــــــــــــــــ

يا فاطمه يافاطمه يافاطمه يا ام البنين
ــــــــــــــــــــــــــــ
حاير بياجلمه ابدي وانتي بحر من الكلام
يلي رخصتي بنينج اربعه من اجل الامام
مقصر او لو كل دقيقه الج من ابعث سلام
انتي رب الكون حبج وخصج بأعظم مقام
كلبج سمه كلبج سمه كلبج سمه يا ام البنين
ــــــــــــــــــــــ
الشده شنهي الشده يمج حتما الشده تزول
انتي باب الجنه صرتي باب فاطمة البتول
الما يحبج يل شريفه ما يحب فحل الفحول
حتى جبريل بعظمته بيج محتار شيكول
يل فاهمه يل فاهمه يل فاهمه يا ام البنين
ــــــــــــــــــــــــــــ
هذا نص والباري شاهد وشاهد بهل معتقد
ما يرد مهموم كلبه لو طلب منج احد
الطفل لو ما يذكر اسمج جا بقه بسجن المهد
انتي يم كل طفل شيعي تقري ايات الحسد
شكد عالمه شكد عالمه شكد عالمه يا ام البنين
ــــــــــــــــــــــــــــ
هل يقين وعدنه ثابت الج صارت منزله
العنده شده وراد تخلص وبدمعته الهامله
الفاتحه يقراهه لجلج وما تضل كل معضله
الهل سبب نذكر محنتج من نطب الكربله
صاح الدمه صاح الدمه صاح الدمه يا ام البنين
ـــــــــــــــــــــــــ
انتي ام الوفه انتي وللحوائج صرتي باب
ذهب يتحول بأسمج لو قرينه اعله التراب
يا ما بسمج يل حنينه اتذللت كل الصعاب
والي اعظم شافعه النه باجر بيوم الحساب
هل غانمه هل غانمه هل غانمه يا ام البنين
ــــــــــــــــــــــــ

الشاعر محمد حسن ضيغم


▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA
▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_وفاة_ام_البنين

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴هاي ام البطل بالشدات ينخووها🏴
ــــــــــــــــــــــــــــــــــــــــــــــــــــــــ

مولاتي ام البنين ع

نذكرچ بالشدايد .. متعودين
يا باب الحوائج .. يم البنين
""""""""
بيمن بالشدايد استجيره
هو باب واحد ماكو غيره
بس لله و إلچ وجهي اديره
الچبيره تصير يم بابچ صغيره
بصغيرة وچبيرة .. متقصرين
يا باب الحوائج .. يم البنين
""""""""
تره الـحِمله ثگيل ايطيح حمله
يا مولاتي والوادم تذله
الا اليگصدچ يلگاهه سهله
انتي البركة والخير كله
يالـكلچ ترافة .. وطيبة وحنين
يا باب الحوائج .. يم البنين
"""""""
مو ياهو الاگصده ادگ بابه
ببابچ ادري بس الاستجابه
بـ(آ) يحسين انخاچ ومصابه
نظرة بداعت السلبوا ثيابه
بس نظرة امشّي .. اعليچ الحسين
يا باب الحوائج .. يم البنين
""""""""
اقره الفاتحة ولو لاسمچ اهدي
سبحانه الله اي شدة تعدي
يا اغله واعز من روحي عندي
على بابچ شرف اوگف واجدي
مثلچ بلله الگه .. بهالدنيه وين
يا باب الحوائج .. يم البنين
"""""""""
اكبر نايبة چفچ يحلهه
قضاء الحاجة بيچ الله جعلهه
يعني كلمن لبابچ وصلهه
مگضية الحوائج كلهه كلهه
خلاچ الله رحمة .. للعالمين
يا باب الحوائج .. يم البنين
""""""""
يمّن للضامي عزّبتي بنينچ
عليه امفضله وبالرگبة دينچ
عني فدوه لتشيلين عينچ
بيني ألله ليباعد وبينچ
ومفضله عليه .. كل هالسنين
يا باب الحوائج .. يم البنين
"""""""""
لـعنده مثلچ الله شگد يحبه
مـتمر بيه ابد اوقات صعبه
احج انه إلچ لو عندي طلبه
انتي لحاچتي مولاتي كعبه
تگضيهه بثواني .. عندي يقين
يا باب الحوائج .. يم البنين

انيس الخفاجي الكربلائي


▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA
▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_وفاة_ام_البنين

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴هاي ام البطل بالشدات ينخووها🏴
ــــــــــــــــــــــــــــــــــــــــــــــــــــــــ

شور لمولاتي ام البنين عليها السلام

آنه ام البنين آنه. آنه ام البنين آنه
..........................................
الرايد حاجته الليله يقرأ الفاتحه وتسهل
بهذا المجلس الشده. لو جانت جبل تنحل
باب الله الچبير احنا اليكَصدنه فلا ينذل
وانه ام البنين آنه. يالرايد علي تسأل
معروفه آنه معروفه
ام الطاحن اجفوفه
ام الحاجه سموني
آنه بهاي معروفه
آنه ام البنين آنه. آنه ام البنين آنه
................................
انه للحوائج باب. الله بهايه خصاني
الضاكَت دنيته بعيناه. آنه اليمه تلكاني
آنه ام الكَمر ياناس ماخاب تنخاني
صح مالي صحن وانزار. بس مفتوحه بيباني
لكلمن ينتخي بيه
يقرأ الفاتحه عليه
اكضي حاجه المحتاج
حتما ميه بالميه
آنه ام البنين آنه. آنه ام البنين آنه
..............................
اختارني علي يا ناس. بس هالنعمه تكفيني
كتله بس طلب عندي. فاطم لا تسميني
لولدك ياعلي ياريت. اخدمهم تخليني
بدوية طبع للزين. أنذر عمري وسنيني
ربي انعم عليه
كَبلك انه بدويه
وبيت الرساله اليوم
ويسموني علويه
آنه ام البنين آنه. آنه ام البنين آنه
..............................
بحجري انه ربه المضلوم. حسين وانا ربيته
يحبه الله اليحب حسين. وانه هوايه حبيته
حرزي عمامته چانت. وحجابي انه چفيته
وبوكت الصلاه لوصار. البس انا غاچيته
كلشي انطيته ونطاني
اكَضي الحاجه سواني
من كَد ماحزنت عليه
صرت ام الحزن آني
آنه ام البنين آنه. آنه ام البنين آنه
.......................................
ياوادم وحگ عباس غيرحسين ماعندي
صح عندي ولد وحيود. بس هو اغله من ولدي
ماهموني من راحو. ولاهمي من اضل وحدي
بس همي ابو السجاد. لو سالم يرد ودي
هوحسين ماغيره
ضلمه خلافه هالديره
مكسوره كَلب بعده
ذاك العايشه بخيره
آنه ام البنين آنه. آنه ام البنين آنه
.............................
ابو منتظر الحريشاوي


▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA
▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_وفاة_ام_البنين

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴هاي ام البطل بالشدات ينخووها🏴
ــــــــــــــــــــــــــــــــــــــــــــــــــــــــ


فزاعيات


أنه أم البنين وراحو أبنيني
*---------------*--------------*

عافوني بغربتي وماشفت راحه
وحسيت الدليل أنگطع سباحه
چن طير الحمام وكسرو أجناحه

المناحه والبواچي جرّحت عيني
أنه ام البنين وراحو أبنيني
*-----------------*---------------*

ياناس الولد تراد للعازه
ردتهم أربعه ايشلون الجنازه
شيصبره اليضل ويفگد أعزازه

تمنيت ألأجل والموت يلفيني
أنه أم البنين وراحو أبنيني
*---------------*--------------*

يتحرك الباب وصحت ياهوه
أصبّر بالگلب والروح بالگوه
دولبني الزمان وسوّه ماسوه

اصيح الضنوتي ومحد يحاچيني
أنه ام البنين وراحو أبنيني
*-----------------*----------------*

مشتاگ الگلب والجفن ما طبگه
يجوني الاربعه وأتخيل الملگه
يموت الفارگاهم ياخلگ حگه

حتى الموت ما ضنن ينسّيني
انه أم البنين وراحو أبنيني
*-----------------*--------------*

الفگد حسين والعباس ملچومه
خلوني نحيله وتصعب الگومه
يجيني الليل بالدمعات وهمومه

أسكت والجرح گوه يبچيني
أنه أم البنين وراحو أبنيني
*----------------*--------------*

أكابر والمكابر مانفع صبري
ضليت بعبرتي ودمعتي التجري
راحو للطفوف وخذو كل عمري

أسجل دمعته كلمن يواسيني
أنه أم البنين وراحو أبنيني
*----------------*-----------------*

حكهن بالبواچي يعمن عيوني
مكسورت ظهر والوحدي خلوني
لمصاب الولد باللطم واسوني

ضيعهم زماني وضيع اسنيني
أنه أم البنين وراحو أبنيني
*-----------------*----------------*


✍بقلم خادم أم البنين ع
الشاعر رعد الجريخي

▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA
▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_وفاة_ام_البنين

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴هاي ام البطل بالشدات ينخووها🏴
ــــــــــــــــــــــــــــــــــــــــــــــــــــــــ

قصيدة (أنه منكم بريه )
بحق ام البنين (ع)

■■■■■■■■■■■■■■■■■■

أنه منكم بريه ...لو رجعتم عليه ...من غير الحسين
طيحوا كدامه ... وصيروا خدامه ... يالميامين ...
يالميامين

••••••••••••••••••••••••••••

شو تعالوا خل اوصيكم وصيه
وايد فوك الايد خلوهن سويه
كلمن يقدملي عهده بهالمسيه
صيرو سند يالأربعه لأبن الزجيه
صيروا احزامه ورفعوا الهامه بالميادين يالميامين

••••••••••••••••••••••••••••••

ياولد الغضنفر حيدر قالع الباب
حسين لوطر البحر امشوا يالاطياب
ولاتنشدونة السبب وشتالي الاسباب
هذا سيد دنيته ومكشوف الحجاب
امشو بلسانه انتم خوانه وگره العين يالميامين

••••••••••••••••••••••••••••

خلوني ومشو ماردت منكم حراسه
شلي بيكم والگلب مايمه ناسه
ماأموتن أشعليه لا تخافون انتكاسه
نروح فدوه وخل يضل يايمه راسه
انتم ازلامه وذخره لأيامه اخوت حسين يالميامين

•••••••••••••••••••••••••••••

عباس خل شيلتي يُـمه برحلكم
حته تحمون الخدر وي شيلة امكم
لانتو ولدي ولا مني ولا انه منكم
لو خذوهه يعني سلبوهه لاختكم
حرسو صيوانه علي وصانه ها يالبنين يالميامين

••••••••••••••••••••••••••••••

بالدرب يبني الگمر لا تفاركهم شبر
بالوصيه يُمه ادري يال دگيت الصدر
لو اموتن راح اضلن بالوفه انه انذكر
بالنياح وبالهظيمه ادري يخلص هالعمر
روحي مبچاهه يبقه وياهه وتعمه هالعين يالميامين
•••••••••••••••••••••••


الشاعر :
حيدر العمار الخزعلي
.


▪️ قناة اليوتيوب الرسمية رابط👇الشترك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA
▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_وفاة_ام_البنين_ع_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴🏴
ــــــــــــــــــــــــــــــــــــــــــــــــــــــــ





((اصدق خدمه))


اصــــدق خدمه هــيه دمعةّ العين
واذا چــــــانت ثــــوآب الأم البنين
تصير الدمعه بيها عشگـ وأحساس
أتوسل بيها لَمن تخـــدم حــــسين

ام البنين ..
من طَبت البيت الوصي
الحـــــيدر تگله اتكــلمه
من هســه يــاحيدر علي
جيت العيـــــالك خادمه

مثل سائل واجيت آنه اعله بابك
مــــــولايّ الحسن فدوه الشبابك
يـــــمّ عتبةّ اسامــيكم يـبو الخير
أنام أعله العشگ واشــــتم ترابك

ام البنين .. ام الخَدَمّ

"""""""""""""""""""""""""""""""""""

وبعدهي أتسولف وماطبت البيت
تحــــــــاچي حسين وتگله تمنيت
تمنيت أعله طولك أغدي فدوات
المثــــــلي مقصره تقــبلني ياريت

ام البنين ..
يايـــمه أذا تقــبل عبــد
مو زوجه آنـــــه الجاريه
خَدامه اجيت الحضرتك
وأعطش وأضلن ضـاميه

طلعت من أهلي وانتم كلشي أليه
اجـــــــيت بدعوه من ذيچ الزجيه
من بين النسه اختارتني يحــسـين
وحــيدر وقـــع بهــــــاي القـــضيه

ام البنين .. ام الخَدَمّ

"""""""""""""""""""""""""""""""""""

ودمــــع العين بَلَلّ حتى العّـــــتاب
اذا ماتـــــرضا زينب حَــــدي للباب
ها يمّ هـــاشم تقبليني بــــــــالبيت
خدمتي بكيف زينب اخت الاطياب

ام البنين ..
من عندچ استأذن أنــه
تلميذه علميني الـــوفه
علميني لو بس هالسنه
خليني اصيــرن عاطفه

زينـــــب مــــــا أطـــــبن ألا بأمرچ
جبــــل من الـــــــوفاء وآنه حدرچ
بخيت اليغسل أمداسات الحـسين
وعمري يروح فدوه الطاري عمرچ

ام البنين .. ام الخَدَمّ

"""""""""""""""""""""""""""""""""""

طَبتّ والخجل خــــلاها نبراس
بدويه وأصـــــيله وقمةّ احساس
گلها حسين اهلاً وأختنگ ليـش
چه گلها انتضرنه يصير عـــباس

ام البنين ..
ضمينه بحشائچ گمــر
يايمه ويهل مـــــدمعه
ضمـــــــينه للغيره نهر
باچر يضل عالمـشرعه

ضمينه الكفيل بروحچ اعــــوام
لحد ماهسه گربت بيــــنه الايام
ونفخ من روحه حيدر يمّ البنين
وراح يصير منــــــچ رمز الاسلام

ام البنين .. ام الخَدَمّ

"""""""""""""""""""""""""""""""""""

النسب بدويه بس علويه عنوان
وصارت بالكرم للـــــدنيا نيشان
أم الاربــــــعه الضلو بـــلا روس
وما ذكرتهم وندبتها عطـــــشان

ام البنين ..
للدمعه عنوان الجـــــرح
صارت غريبه ابــلا وطن
كل لحضه صارت تنذبح
لمن مشه ورد الضــــعن

رد ضعن الغوالب بس سبايه
ضعن مابي كفاله ولا حمايه
يزينب يمه صاحت وين الحسين
چا شو خـــــالي ضعنچ دون رايه

ام البنين .. ام الخَدَمّ

عبد زينب
محمد الابراهيمي



ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_وفاة_ام_البنين_ع_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴🏴
ــــــــــــــــــــــــــــــــــــــــــــــــــــــــ






شوط كربلائي
.
.
.

شلي ابروحي ياروحي .. اخذها الروح الك فدوه
الدنيه ابلا ضوه اعيونك .. صـدگ كلشي ماتسوه

_

وحـگ الاربعـه الراحو .. وحگ الجوه العـصابه
الـيوم الماشـوفك بــيه .. چــن ابگــلبي عطــابه
السوالف چيف مو وياك .. احسهن چنهن اذيابه
أمــاني كــلــه بعيــونك
واعيشن كلفه من دونك
تــرد وتشـوفـني كـــونك
علـگم عيشتي ابليك .. يامـَن عشرتك حــلوه

___

انــه ام الــبــنيـن انــه .. وبيه اشسوت الفرگه
ذايب حتى فص عيني .. چيف ابچيلك ابحرگه
گلبي انگطعت اعـروگه .. وبيــه مابــقــت ورگه
المدمع مولح اخدودي
هجرك مـن كسر عودي
وذبلت عـگبـك اورودي
امـك ذابـله اخــلافك .. وبيــها مابقـــت قــوه

___

طفـيني احـتــرگ گــلــبي .. عليك الزهره طفيني
اعيوني الشوفتك عطشت .. واگلها هسه يرويني
لاغيـــمــه الاجـــت مــــنك .. ولا واحــد يــدلـيني
يمتـه تمـطر اعـليه
وتـغــرگــني حــنيه
صدگنــي تــرد بــيه
روحي اوداعتك يحسين .. لا ماتحـــمل البـــلـوه

__

گلبـي ابـدربك امعـلگ .. ارحـم گلـبي بالــرده
سـهم الـفركه صـوبني .. الچبدي لاحه وتعده
روحي بغيبتك يحسين .. مثـل المـاي الِــتبده
لابيـــــهــم يـــلـمــوني
ولابيــــهــم يــخـــلوني
بچيت وطاحت اعيوني
والمثــلي يبــو اليــمه .. صارت دمعــته سـلوه

__

بعيد وضاعت اخبارك .. ابگلبي الغيبتك جمره
ييــمه ابـكربــله هســه .. بـس لامـرمي عالغبره
انجرح گلبي لمن گتلك .. جـرح دلالك اشـكبره
فــال الله ولا فـالي
تردلي بلكي يالغالي
ذاب اعــليــك دلالي
گلب امك يبعد امك .. مـايتــحــمل القــسوه

___

اشيطن انه كل ساعه .. وانشد يبني ياهو الچان
حيل افركهن اچفوفي .. لحـد مــايطـلع الـدخــان
واشم ريحة خدر زينب .. تشــب بـذيـالـها النيران
لايـمـــــي واطـفــيــها
وعالشاطي اليحاميها
تتنـــخه ابـــأهــالــيها
وفـوگ الـگاع اهـاليها .. ومحـد يسـمع النخــوه

_
تمت والحمد لله في ٢٥ / ٢/ ٢٠١٨
حيدر تركي الكربلائي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA