#قصائد_الامام_السجاد_ع_1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ



صعبه أشرب الماي من بعد الأبو ضامي
قدوتي عمي الگمر
للسبط گلبي ذكر
------
(1)
من جروح الطف دونت المصيبة بالصحيفه المُسنده ابدمع الغريبة وكل جرح مرفوع للجثة السليبة والرواة اسيوف للقصة السليبة
 
متواترة أخبار من جرح السهم تروى
من دمه مشهور الخبر
للسبط گلبي ذكر
------
(2)
لا تلموني يشيعة صعبة أنسى
تدروا الفاگد سفينة ما له مرسى
والمصايب موجه موجه حوله تسعى
ولنهاية جرحه يبقى أدمى وأقسى


غارق بلمواج و لا ساحل قرب مني
سلوتي هم وعبر
للسبط گلبي ذكر
-----
(3)
أحمل اجراب المآسي بالليالي
وانطي المحتاج خبزه وابچي تالي
ما تغيب ابعيني صوره من خيالي
اذكر العباس عمي او جوده خالي
 
يزداد بلواي بس من اذكر الوافي
و أذكره يم النهر
للسبط گلبي ذكر
-----
(4)
لن سواد الليل يجحرني ظلامه
لو ذكرت احسين اطفاله وخيامه
سلوتي ابهالحال وي دمع اليتامى
وانستر بالآه ما رايد ملائمه
 
أتذكر الموت  حايم بالخيم حولي
لكن القادر ستر
للسبط گلبي ذكر
-----
(5)
من يجن الليل اسعي بالمدينة
انتحب وأطوف واتذكر سُكينه
وأذكر الأيتام تاهو من ايدينه
وعالرمح نظرات دلتهم إلينه

ع الرمح مشهور ويراقب ضغن يحدي
ما نسى بنت الفخر
للسبط گلبي ذكر
 
------
(6)
آنا لجل احسين ما ذابت شموعي
بالعلن والسر اتزكى ابدموعي
قدوتي الكرار حتى في ركعوعي
و يطفي الرحمان ناره من ضلوعي
 
أتصدق اوياه بلكت يلتم جرحي
وآنا مثله من صبر
للسبط گلبي ذكر
 
عبد_مُحمد_وآل_مٌحمد / #مفضل_حبيب
القطيف

✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_استشهاد_الامام_الجواد_ع

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار


*نظره يا باب المراد .. نظره يا باب المراد*
*خـوفي ابهـذي الســنه ما نحــيي عـاشور*

————— (١) —————

أقترب شهر الحزن .. و جفني للمدمع يحن
للجواد إبچي لون ابچي على حسين

مختنگ صدره المحب .. إلمن المدمع يصب
او لا مآتم لا مواكب لجله لثنين

ابگلبه محترگه خيم .. و چنه متجرع لسّم
او لا يطفّي هـاللهب الإ بالونين

*او يطلب بثار الجواد .. نظره يا باب المراد*
*خـوفي ابهــذي الســنه ما نحـــيي عـاشور*

————— (٢) —————

الجواد ابكل أسى .. إعلى شاطي الهم رسى
قبل ما يتجرع السم و النوايب

ينتظر شهر الحسين .. إعلى جمره امن الونين
ينتظر يمتى يهل شهر المصايب

لاچن اچفوف الظلم ... منعته فرض اللطم
سمّته و صار التقي تحت الترايب

*او لا لبس ثوب السواد ... نظره يا باب المراد*
*خـــوفي ابهــذي الســنه ما نحـــيي عـــاشور*

————— (٣) —————

من مصابه يتضح .. الجرح نفس الجرح
يشبه احسين ابغربته و ابمصابه

تصهر الشمس غرّته .. مثل جده حالته
ظل ثلاث أيام تصهر خده لهَابه

لا غسل او لا كفن ... و لا عشيره او لا وطن
بس صفى طير الحزن ايحوم عد بابه

*و يرفع أعلام الحداد .. نظره يا باب المراد*
*خـوفي ابهــذي الســنه ما نحـــيي عـاشور*

————— (٤) —————

يل چنت وگتك تعد .. و لمحرم تستعد
لاچن السم أخذ روحك قبل عاشور

أحنا مثلك يالجواد .. نشعر بغربه و حداد
و نشعر ابكل لحظه و حشه و نسكن اگبور

ننتظ أصعب أمر .. يقولوا أنفك الحظر
و نرجع السوح المآتم نلطم اصدور

*نُدبه يا ركن البلاد ... نظره يا باب المراد*
*خوفي ابهــذي الســنه ما نحـيي عـاشور*

————— (٥) —————

ننشدك يا ابن الرضا .. عنّه اترد الگضا
ضاگت إعلينا ترى الدنيا الوسيعه

و الجنابك نلتجي .. يالجواد و نرتجي
بحگ لحسين و مصابه او رضيعه

عنّا تكشف هالبلاء .. مُنعت عنا السماء
و احنا غير العتره ما عدنا شفيعه

*اختنگ والله الفؤاد ... نظره يا باب المراد*
*خــوفي ابهــذي الســنه ما نحـيي عـاشور*

#شهادة_الجواد

🖋 عبد مُحمد وآل مُحمد / #مفضل_حبيب
سيهات - القطيف






🌺مؤسسة منبريون للالحان رقم 1
@ahmed_alziwar1

🌺مؤسسة منبريون لنشر القصائد 2
@ahmed_alziwar2

🌺مؤسسة منبريون للمقامات3
@ahmed_alziwar3

🌺مؤسسة منبريون للنعي4
@ahmed_alziwar5

🌺اكبر كروب لتلحين القصائد

1.كروب 1 خاص بنشر وتلحين القصائد
https://tttttt.me/joinchat/Dw92Dj9pmspR5uHfACGjlA

#قصائد_استشهاد_الهادي_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار


ــــــــــــــــــــــــــــــــــــــــــــــــــــــــ


#استشهاد_الإمام_الهادي
#(٣)_رجب
#تبچي_العوالم
قناة الشاعر / #مفضل_حبيب
‏ @mofadhal
----------
للهادي .. للهادي ... تبچي العوالم
للهادي .. للهادي ... محزونه فاطم
------
(1)
------
لبن الجواد ابهالمسا اتزلزل الدين
ركنه انهدم بين الملا وين المسلمين
تبچي سماوات العُلا ويّا الأراضين
چنه دمع حزن اليتامى والمساكين

بالدمعه .. بالدمعه ... تحيى المآتم
بالدمعه .. بالدمعه ... محزونه فاطم
------
(2)
كل مرسل ابهم وحزن هالليله مجروح
للهادي مأتم للطم بالحسره والنّوح
موسى او عيسى يحضره هم أحمد ونَوح
ويّا الخليل ابحسرته ظل دمعه مسفوح

هالجْمعه.. هالجْمعه ... بيها الهواشم
هالجْمعه.. هالجْمعه .. محزونه فاطم
------
(3)

أم الحسن لجل التقي زايد حزنها
تبچي تون ابهالجرح مدمي جفنها
لنها انزلت امن السما اتشيع ابنها
ما تقدر اتشوف النعش ملطومه لنها

للطلمه .. للطلمه ... هالخد وارم
للطلمه .. للطلمه ...محزونه فاطم
------
(4)

خلف الجنازه ام الحسن تمشي بلا اشعور
و العالم العلوي انفجع هلّ دمعه منثور
لن تستمع صوت النعي من گاع لبحور
مات الإمام ابهالمسا يا وسفه مغذور

يا وسفه .. يا وسفه ... يبن المكارم
يا وسفه .. يا وسفه ... محزونه فاطم

------
(5)
ابني حسن يالعسكري بيدك غسلته
واگبال عينك يولدي أنته الدفنته
ما ظل عاري اعالثرى مرميه جثته
ما شفت سوط امن العدى مضروبه اخته

للغالي .. للغالي ... ما شفنا غاشم
للغالي .. للغالي ...محزونه فاطم

عظم الله أجوركم بذكرى استشهاد الامام الهادي (عليه السلام )

-------
🖋 عبد مُحمد وآل مٌحمد / #مفضل_حبيب

-------
نتشرف


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar5

(كروب مؤسسة منبريون)


#ملاحظه ممنوع ادز الحانك للاخوات على الخاص اي لحن عدك تنشره بهذا الكروب 👇👇👇👇👇

2.كروب 2 خاص بنشر وتلحين القصائد
https://tttttt.me/joinchat/Dw92DkJZ4tvb4YIzJWBWrg

#قصائد_شهادة_الإمام_الحسن_العسكري_عليه_السلام_١٤٤٢هجريه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#استشهاد_العسكري
#قصيدة ( يبو صالح ... ساعد الله قلبك ابهذي الرزية )
-------------

*يبو صالح ... يبو صالح*
*ساعد الله گلبك ابهذي الرزية*
------
(1)

آه يبن العسكري ذوبني حالك
ليت گلبي يحتمل يصبر بدالك
صبت إعليك المصايب بالجرى لك
وأنته صابر محتسب لله بفعالك

*يبن حيدر ... يبن حيدر*
*إبتدت كل المصايب هالمسية*

------
(2)

يا إبن وحي السما وبيت النبوه
بزغر عمرك مبتلي بالدنيا بلوه
شفت أبوك العسكري بالسم تلوى
و راح عزك والسند والجان سلوه

*بعد عينه ... بعد عينه*
*إورثت أقسى المآسي والأذية*

------
(3)
ما ألومك سيدي لو تبچي من دم
والأراضي كلها اتخليها مأتم
جرحك الفقد الأبو ما ظنه يلتم
واليتم ابهالعمر أصعب وأعظم

*قاسي جرحك ... قاسي جرحك*
*لو شفِت دار الأبو بعده خليّه*

------
(4)

أنته مو بس اليتيم احنا يتامى
واحنا أصحاب العزا يبن الإمامه
إعلى فقد العسكري صارت قيامه
والعوالم كلها ترجى السلامه

*للمصيبة ... للمصيبة*
*إهتزت لهذا الأمر سبع العليه*

------
(5)

شيعتك يبن الحسن جاتك معزين
إعتنت أهل السما قبل الأراضين
ادموعها و صدروها صارت قرابين
احسن الله لك عزائك يبن لحسين


*و إعلى فقده ...و إعلى فقده*
*جات تلطم عالصدر كلها سويه*

------
(6)

لجلك الأملاك مدمعها تسيله
حضرت اتواسيك يا ركن الفضيله
اهيا غيرك أبد ما عدها وسيله
و منهو غيرك يا إمامي تلتجي له

*يا إمامي ... يا إمامي*
*تعتني الأملاك تحضر كل عزية*

الوزن المثلث

🖋 عبد مُحمد وآل مٌحمد / #مفضل_حبيب
القطيف

نتشرف بإنضمامكم في قنانتا 🌹
قناة


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_شهادة_الرسول_الاكرم_صلى_الله_عليه_وآله_١٤٤٢_هجريه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


*الأبيات مأخوذة من رؤيا مخيفة رأتها السيدة زينب (عليها السلام) قبل استشهاد الرسول*

#استشهاد_الرسول
#قصيدة_لا_تخليني

----------------

*لا تخليني ... يـ جدي ... لا تخليني*
*آنـــا زينب بت علــي*
*و بعد عينك منهو لي*
*لا تخليني ... يـ جدي ... لا تخليني*

--------
(١)
جـــدي ابعـــالم منامـــي .. شفــت مشهـــد فزني
مــدري هــــذا حــلم وإلا .. يقظـه يا جــد ضمني
خلني احچي لك وأسولف .. واعلى حجـرك خلني
رايــده اتســكن فزعتــــي .. يا مــلاذي ومسكني

*يا ضيا عيني ... يـ جدي ... يا ضيا عيني*
*بيك همــي ينجلـــي*
*وبعد عينك منهو لي*

---
(٢)
شفت دنيا والعواصــــف .. ريح ســـوده ومظلمه
دارت الدينــــا عليـــــــــه .. يا نبـي المرحمــــــــه
چنت وحـــــدي بالبراري .. والارض صارت سما
ومن لقيت اقبالي شِجرة .. لذِت بيهـــا هايمـــــه

*خابت اظنوني ... يـ جدي ... خابت اظنوني*
*وين عـزي و كل هلي*
*وبعد عينك منهـــو لي*

-----
(٣)
انقلعت الشجرة يـ جدي .. ولذت أنا بكبر غصن
لاچـن الريــــح القــــوية .. إكســرت هــذا الركن
لذت بعدها بغضن ثاني .. وانكســر عوده يــون
اتكسرت الاغصان كلها .. واصبحت ابلا حصن

*ذبلت اغصوني ... يجدي ... ذبلت اغصوني*
*صرت وحدي ابلا ولي*
*وبعــد عينك منهــو لي *

----
(٤)
من سمع جدها بچيها .. إلها هلـــت دمعتــــه
قلها بنتي يا العـــزيزة .. طـــه ذابت مهجتـــه
غصنـــچ الأول يـ بنتي .. روح طـه و بضعتــه
والغصن ضلع الزچيه .. و بعد عيني كسرته

*لا تزد همي .. يجدي .. لا تزد همي*
*أمي روحــي ومـوئلي*
*وبعـد عينك منهــو لي*
----
(٥)

ثاني أغصــــانچ يـ زينب .. يوم حــــيدر ينطـــــبر
ينكسر قلبي اوي غصنچ .. وهالكســــــر ما ينجبر
تفقـــدين الچــــان خيمـه .. مفخـــــرة عز و دخـــر
وأنتي مـن بعــد المعــــزه .. اتضيعي في تالي العمر

*لا تضعيوني ... يجدي ... لا تضيعوني*
*ايروح حــــيدر وابتلي*
*بعد عينك منهـــو لي*

-----------
(٦)
غصنچ الثالث يـ بنتي .. تكسره ريح الفتن
يوم طاغــي بني اميه ... قرر ايسم الحسن
بنتي بتشوفين نعشه .. مرمي بسهم الزمن
وينظلم حتى في قبره .. لا مناره او لا صحن

*من يسليني ... يـ جدي ... من يسليني*
*لو بچيت إعلى الولي*
*وبعد عينك منهـو لي*

-----------
(٧)
والامر وادهى يزينب .. كسرة الغصن الاخير
يعني راح احسين خيچ .. وأنتي بعده ابلا نصير
و باچر اتشوفين جسمه .. عالثرى مرمي عفير
وتلعب الخيل إعلى صدره .. مثله لا يمكن يصير

*خوفي يسّبوَني ... يجدي ... خوفي يسّبوَني*
*منهو يحرس محملي*
*بعد عينك منهو لي*

🖋 عبد مُحمد وآل مٌحمد / #مفضل_حبيب

------
من جوار الإمامين الجواديين (عليهما السلام )
١٥/١١/٢٠١٧


نتشرف بإنضمامكم في قناتنا🌹
قناة متخصصة في الشعر الشعبي الحسيني


*الأبيات مأخوذة من رؤيا مخيفة رأتها السيدة زينب (عليها السلام)

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA