#قصائد_البقيع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



امنيتنه  اسنين
.نمشي  متعنين
من الغريب احسين
....للبقيع
*********************
ليش  حسره   تنكضي   ايام عمري
شلون  حالك  يابقيع دموعي تجري
يمتى وهناك المجالس يشفه صدري
يصير  اذان  الفرض لشيعه حصري

والمناره نشوف
  نعتني ونطوف
............عشكي للغالين
*********************
كالو اعلينه  النواصب هذي بدعه
اليزور ارض البقيع   بعينه دمعه جينه يم كبر الحسن نشعله شمعه
ترابهم كبه  ومناير  ماهي  قطعه

بدمنه نفديهم
بكلبي  بانيهم
.......... حضرة الطيبين
*********************
باجر  انشوف البقيع اكبر حضاره
شاهد اعلينه الزمن  دمع  الغياره
من البقيع  الكربله نشوف المناره
يموت حقده ناصبي بيوم الزياره

نمشي مشايه
نرفع الرايه
...........جينه متعنين
*********************
بالحسن ياشيعه نعقد بس مجالس
نشوف كل شيعي غيور  وعنده واهس
يلطم  ودك الصدر  ويانه   عابس
حضر سبع الكنطره  بالغيره فارس

ينكلب  عاشر
ماضي وحاضر
......والبجي عالحسين
*********************
تنبني  اربع   قبب والعالم  يشوف
حلم  لو زرت البقيع وكلبي ملهوف
جني ازور بكربله وشواكي أطفوف
هناك ابو محمد كريم   يحيي الضيوف

يحيي  خطاره
...جينه زواره
..........نتجه لا وين
********************
جعفر    الصادق  نزوره  بلهفه باجر
باجر   المهدي   يجي  يبني  المكابر
نزور ابو الصادق جرح دمع النواظر
يم  علي  سجاد   تلكه  هناك  عاشر

بالجرح ونوح
.نبجي عالمذبوح

..............بالكلب نارين
********************
تنبني    باجر   مناره    لام  البنين
يحضر  العباس  شايل بيده جفين
ينبني  المرقد تنادي بدمع الحسين
هاك اخذ يحسين كلشي اربع ابنين

عمري ضحيته
اربعه  انطيته
..........حتى دمع العين
*********************
يوسف الفتلاوي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar5

(كروب مؤسسة منبريون)

https://tttttt.me/joinchat/Dw92Dj9pmspPx7OpNRYqtA

#قصائد_البقيع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c
🕊الســلام علــى جنة البقــيع 🕊

ـــــــــــــــــــــــــــــــــــــــــــــــــــــــ


قصيدة تشرح حال الإمام الحجة «عج» عند هدم قبور البقيع..


لو مات من كثر الألم .. لا مو عجيبه
الگدام عينه وانهدم .. مرقد حبيبه
ما يبقه كل تذكار
يا ناس بس احجار
مرقد حبيبه

•••••••••

الما يبچي لو مات الورد
ما يشعر بمأساتي
الما حچه سكته وي النجم
ايحير بفهم كلماتي
آنه سفير الما إجو
دموع الفگد راياتي
اتگعّد اعزاز المگبره
من ترتفع ونّاتي

خاويت كل طيره بغصن .. والون جمعنه
تتناوب دموع الجفن .. تشرح وجعنه
تتناقل الاخبار
يا ناس بس احجار
مرقد حبيبه

•••••••••

التگعد بفيّه من التعب
مو سهله من يتهدّم
حيدر علي .. (بيره) گبر
بس وينه ذاك اليفهم
كل ذكره عاشت بالجفن
اتشيّعت بدموع ودم
والمهدي المْگيّد صبر
سيف بغمد يتثلّم

چفه اعله خده منطبع .. وبگلبه صدعه
ساكت وونه ينسمع .. ركّز تسمعه
جنه وتشب بنار
يا ناس بس احجار
مرقد حبيبه

•••••••••

بگاع البقيع اعظم حدث
وينقله مشهد جارح
ما دارت .. وعقل الأرض
بالموت يمكن سارح
مثل المراقد منهدم
ويلاه .. يا ابو صالح
ما ندري ميّت لو عدل
لو چان واگف .. طايح ؟

اربع اگبور مهدمه .. بهاي المسيه
لأم البنين توجّهت .. تبچي الزچيه
ايمشّيهه حامي الجار
يا ناس بس احجار
مرقد حبيبه

•••••••••

يركض يلملم بالحجر
ويشكي المصيبه لربه
ينظر اشما يوگع ركن
يوگع ركن من گلبه
مو تحلف بوجهه الشمس
چا ليش ضيّع دربه ؟
هدّموا بيت اهله .. وصُبَح
ابيته ويحس بالغربه

لا يَمّه اخ لا يَمّه ابن .. لا يَمّه صاحب
يله يشيعه نشاركه .. بهاي المصايب
نبچي بدمع مدرار
يا ناس بس احجار
مرقد حبيبه

•••••••••

يوگع جرح .. ينهض نزف
وبچفه لازم ظهره
يحاچيه من تحت الارض
صوت اختنگ بالعبره
يبن الحسن .. آنه الحسن
ها يا طبيب العتره
الگْبور صح اتهدّمت
بس وينه گبر الزهره ؟

لوما ظُلامة فاطمة .. المخفي لحدها
ما چان واحد يعتدي .. ويظلم ولدها
ما چان صار الصار
يا ناس بس احجار
مرقد حبيبه

•••••••••

واليگْطَع انياط الگلب
والباگ غفوة ليله
ما يگدر ايشّيد گبر
لكل واحد ويبنيله
بهيچي وكت ليهم مشه
چا منهو اليتچّيله
خل نلزم الروس بحزن
ونعجّل وندعيله

يا ربي عجل بالفرج .. رجّع ولينه
قبل المحرم هالسنه .. ريته يجينه
ويصيح يا للثار
يا ناس بس احجار
مرقد حبيبه

•••••••••

احمد هادي الشمري

▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://tttttt.me/+seH5Q_Y3xPw2NzIy
▪️كروب الالحان رقم 2
https://tttttt.me/+eAjWA-W1XTk5MmYy

#قصائد_البقيع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c
🕊الســلام علــى جنة البقــيع 🕊

ـــــــــــــــــــــــــــــــــــــــــــــــــــــــ


نتوكل علـــــى الله .. ويا ويله المنعنه
لگبــــور الائمــــه .. نتعنـــــه ابجمعنه

بالغيره العراقيــــــــــه
نگصد للسعوديـــــــــه
يا ويله المنعنه
ـــــــــــــــــــــــــــــــــــ
خليهــــــــــم يسمعـــــون .. يمكن مايعـــرفــــــون
بالشيعـــــــه اذا تغتـــاض .. يندار اسود الكون
واحنــــــه شيعه واحــرار .. لاهــــــل البيت انصار
بس يخلص صبرنه ابيوم .. نسأل ويـــن يرحـــون

عزرائيل احنه اويـــا مخــاوينه
خولنه ابقبض روح اليعــــادينه
والما يفتهمنــــــه لا يـــــلاگينه

احنه الشيعه احنـــــه .. عدنـــه اطباع حيدر
وبسوح الحـــــرايب .. احنه الموت الاحمر
صولتنـــه حسينيــــــــه
نگصد للسعوديــــــــه
ـــــــــــــــــــــــــــــــــــ
بعد الهدنــــــه متفيـــــد .. متحضرين ونريـــــــد
يصدر كونه ومتانيـــــن .. أمر المـــــرجعيــــــات
حتى انصفي الحســــاب .. وي صنّاع الارهــاب
ونغيّم عــــزم عبــــــاس .. وانمطرهــــه صولات

واحدنه تحـــزّم مـرجلــــه وهمه
ومن عباس ماخذ غيرته وعزمه
وناذر للولايه روحـــــه وي دمه

متحضرين ننطــــــر .. فتـــــــوى المرجعيه
ويصبــــــح منطلقنه .. مـــــن الغاضـــريه
ونبيـــــــــد الوهابيـــــــه
نگصد للسعوديـــــــه
ـــــــــــــــــــــــــــــــــــ
إحنه اربات ابو حسيــــن .. واعله العدلـــه ماشين
حتى الطاح بينه انشــوف .. طاح ورافــــع الراس
نقســــــــم بـــــأم الايتــام .. والسحگت على الشـــــام
لو مذهبنه صار احسيـــن .. احنه انصيــــر عباس

مذهبنه فلا نرضــــه يجرحونه
واحدنه غيور وشالـــــه بعيونه
مذهبنه الحسين وما يــــــذبحونه

شدينه حــزمنــــــه .. جايتنــــــه المعارك
وراح المهدي بيهه .. ويـــانــــــه يشــارك
وبرايــــــات مهديـــــــه
نگصد للسعوديــــــــه
ـــــــــــــــــــــــــــــــــــ
حانت ساعة المـــــــوت .. خل انصيح فد صــوت
نتوكل على المعبـــــــود .. يلله انشيـــــــل السلاح
وناخذ منهـــــــم الثـــــار .. ثار اگبــــــور الاطهار
وثار اشكم محب لحسيـن .. من افعالهـــــــــم طاح

واشگد عذبّونه وفجّـــــــرو بينه
رادو بأي وسيله انعــوف مهدينه
خل انگلهم احنه اليـــــوم ردينه

خلّص كل صبـــرنه .. سامحنه البدايــــــه
والظلام اجتهــــــــم .. لحظات النهايــــــه
وبالنظره الإلهيـــــــــــه
نگصد للسعوديـــــــــــه
ـــــــــــــــــــــــــــــــــــ
باچر نعتنـــــي ازحـوف .. وبگبـر النبي انطوف
وانگله عهــــــــد هاليوم .. نبنــي اگبور الاطهار
وانقيم العــــــــزه ابزود .. والموعـــــــود رادود
ويقره امصايب الزهراء .. واحنه نجري الاعبار

وكل احنه ابجمعنه انصير لطامه
والمهدي يحزم بينه بحزامه
ولعيون الأئمـــــــه انطيح گدامه

كل الشيعه باچــــــر .. تتعنه ابمـــــواكب
وكل وهابي حاقــــد .. مرعـوب ويراقب
گاعه اتصير شيعيـــــــه
نگصد للسعوديــــــه
ـــــــــــــــــــــــــــــــــــ

للشاعر
علي عبدالله المفرجي

▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://tttttt.me/+seH5Q_Y3xPw2NzIy
▪️كروب الالحان رقم 2
https://tttttt.me/+eAjWA-W1XTk5MmYy

#قصائد_البقيع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c
🕊الســلام علــى جنة البقــيع 🕊

ـــــــــــــــــــــــــــــــــــــــــــــــــــــــ

قصيدة ( عاشر البقيع ) في مناسبة ذكرى هدم قبور ال محمد. في البقيع


عاشــر هدم الگبـــور نــار بگلبك تفـــور
ابد مــا تبــــرد النــار يمته مــوعد الثــار
يغــايــــب

*
يـــا أبـــو صالــــــح
گلبــك الله يساعـــده
جـرحه محّــد ضمــده
اهـلـك أبيــن العــده
ضحــايـــا

يـــا أبـــو صالــــــح
الحقــد ذاك الأولـي
بعده ضد حيدر علي
شوكت همك ينجلي
النهــايــــه

يـــا أبـــو صالــــــح
بعــده طفك مــا گضه
من الجديد من المضه
يجــري دم الرافضــه
منـــايــــا

جيل يـــورثه لجـــيل دمنـــه ودمكم يسيــل
عندك ندري الإخبــار يمتــه موعــد الثـــار

*
أرد أســـألـــك
عن جرح ينزف تعـــب
شلـون تنظــر بالعجب
للبقيــــع ابـــلا گبــب
تشـوّفــــه

أرد أســـألـــك
يا جــرح ينزف دمـه
ضلــع أمـــك فاطمـه
الصدره خيل تهشمه
وتعــوّفـــه

أرد أســـألـــك
جـرح عمتك ما شفه
بالحِبّـــال مچتفــه
من وگع راعي الوفه
وچفــوفـــه

ينــزف گلبك أجــروح بكل طـف انته مذبـوح
وخيـل أعليــك تنـــدار يمّــته موعـــد الثــار

*
يــدمي گلبــــك
من تصد گبـر الحسـن
ابـلا منايـــر لا صحن
ادري بعيونــك حچـن
مشــاعـــر

يــدمي گلبــــك
للبــقيـــع وللجــــره
لبنيِ الزهره الطاهره
أبــلا بنـاء المگبــره
ومنــايـــر

يــدمي گلبــــك
وجفنك يهــل مدمعه
مــن تصد للفاجعــه
شحالــه أم الاربعـه
البــواتـــر

أتصد أبجفن همّــال مــراقد عتــرة الإل
الهــم بقـــت اثــــأر يمته مــوعـد الثــار

*

لـــو زرتهـم
بــالبقيــع وتــربتــه
نار تسعــر حسرتــه
تطفه ما اظن جمرته
مسعــره

لـــو زرتهـم
والمدامــع سايلـــه
ادري تذكــر حرمله
والجره ابطف كربله
تـــذكــره

لـــو زرتهـم
ترسم أبعينك صّــور
صدر فوگه شچم اثر
وسيف يگطع چم نحر
تنـظــره

تذكــر ذيــچ الأنحور وخيول أعلى النسه أتدور
تشاهد ذيچ الإخطار يمتــه مــوعـــد الثــار

*
فــي ظهــورك
تبني ذيـــچ الاضرحه
سرهم انته أتوضحه
والمعــانــد تفضــحه
بحســامــك

فــي ظهــورك
رايــة الحــق تعتلــي
ونسمع بأسم الولي
من البقيع انه وهلي
أبنظــامـــك

فــي ظهــورك
مشي تگصد هل الملا
للبقيــع و كـــربلــه
والخــدّم متــواصلـــه
بغــرامـــك
بس أأمــرها وتشــوف بيدك تصبــح أسيوف
غيــره وعزه وإصــرار يمته موعـــد الثــــار
*
الشاعر
موسى البديري
٨ شوال ١٤٤٣


▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://tttttt.me/+seH5Q_Y3xPw2NzIy
▪️كروب الالحان رقم 2
https://tttttt.me/+eAjWA-W1XTk5MmYy

#قصائد_البقيع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c
🕊الســلام علــى جنة البقــيع 🕊

ـــــــــــــــــــــــــــــــــــــــــــــــــــــــ


لو ظهر .. ثار المقابر ما يضيع
لو ظهر .. تعله المناير بالبقيع
واولهن لام البنين
يكتب عليهن يا حسين
لو ظهر
......

هاذي أمنيتنه بكل وكت .. تتحقق بجيته نعم
المهدي لو باچر يجي .. يبني شكو گبر انهدم
لأرض البقيع الطاهره .. يوميه نشتاگ بألم

يا يوم ونشدهه الحزم وترف بدينه الرايه
وچن اربعين وكربله نتعنه هم مشايه


لو ظهر .. أول منبدي بالسلام
لو ظهر .. مشايه ياخذنه الامام
من ارض أمير المؤمنين
يكتب عليهن يا حسين
لو ظهر
........
لگبور أئمتنه اعتنو .. هدموهه اصحاب الجهل
يمحون رادو كل اثر .. للمرتضى خير العمل
ما گدرو شگد حاولو .. ترباتهه الركبت جمل

باچر ظهور المنتظر واتباع ابن تيميه
ميخلي اثر ليهم بعد فوگ الكره الارضيه

لو ظهر .. والهدمو صرح القبور
لو ظهر .. يذبحهم بيوم الظهور
ويبني قبور الطيبين
يكتب عليهن يا حسين
لو ظهر
..........
باچر ملائكة السمه .. هم تنزل ويه المنتظر
وتشارك الناس التجي .. تبني البقيع بكل فخر
واعله المواقع ينّشر .. بانيهه ابو صالح حضر

ويعيد للزهره فدك من الذي سلبوهه
ويظهر گبرهه المنخفي للوادم الحبوهه

لو ظهر .. ميظل گبرهه بالخفاء
لو ظهر .. يبني مناير للسماء
وضيهن يشع بالخافقين
يكتب عليهن يا حسين
لو ظهر
...........
كلما طلبنه تنبني .. من هدموهه المجهله
يستهزؤون اكثر بعد .. أحفاد شمر وحرمله
يا يوم ونزور الحسن .. نطلع مشي من كربله

ونقيم مأتم عالذي ذبحوه اگبال اعياله
ونقراله عن زينب نعي ويا ضنوتي نقراله

لو ظهر .. كل هذا النريده يصير
لو ظهر .. ويانه يطلع بالمسير
ورايات نرفع معتنين
يكتب عليهن يا حسين
لو ظهر
........
باچر يجي ويعلن حرب .. ضد الظِلَم آل النبي
والمهدي ميوزع ورد .. والموت حصته الناصبي
ياخذهه بيده من العده .. ويمليهه عدله الطالبي

وبيده يرد حكم البشر مو بيد وادم هوسه
والچان يحكم بالظلم بجدامه راسه ايدوسه

لو ظهر .. ميظل حكم لاهل النفاق
لو ظهر .. يحكمهه كلهه من العراق
بيبانه يمهن ناطرين
يكتب عليهن يا حسين
لو ظهر
...........



علي عبدالله المفرجي


تمت بعونه تعالى بتاريخ ٦ شوال ١٤٤٣ هـ
بغداد

▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://tttttt.me/+seH5Q_Y3xPw2NzIy
▪️كروب الالحان رقم 2
https://tttttt.me/+eAjWA-W1XTk5MmYy

#قصائد_البقيع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


(لسان حال مولانا صاحب العصر والزمان ع)

رايح  * رايح انا زور الاهل *  رايح
رايح  * رايح انا وكلي امل *  رايح

انا انا من ازور اهلي الكرامه
احس كلي بالامل والابتسامه
انا روحي هايمه مثل الحمامه
من ازور اهل البقيع گلبي يتدامه
رايح * رايح انا وجرحي ندمل * رايح
رايح * رايح انا وكلي امل        * رايح

انا من ساعة غيابي وگلبي يمهم
بالبقيع كلهم اجدادي وفاطمه امهم
همَّ سادات الخلگ ولما فهمهم
بذله دنيه وآخره والما ذكرهم
رايح * وبصوت تندبني الاهل * رايح
رايح * رايح انا وكلي امل      * رايح

اسمي بصوت اليندبه اعتنيله
والغرگ بآلام حبنه آنه اشيله
يساعد الله من فگد خله وخليله
وآنه دمعي للمحب كل يوم اسيله
رايح * وآنه مجبور ارتحل * رايح
رايح * رايح انا وكلي امل * رايح

رايح آنه والامل يسري بكياني
رغم كل ذيچ المحن حيره بزماني
چم گبر يحتاج ازوره بالوعه آني
هدموا قبر الاحبه وابقه اعاني
رايح * مازالت آمال الازل * رايح
رايح * رايح انا وكلي امل * رايح

مايزال وللازل انصب عزاكم
حتى بيّن للخلگ جمرة هواكم
للخليقه وعالبشر الله صطفاكم
الما سلك خط الولايه وفارگاكم
رايح * ولقبوركم صحة العجل * رايح
رايح * رايح انا وكلي امل * رايح

والقبور الطاهرة البقعه الشريفه
بگلب كُل شيعي محب قبه عفيفه
يالموالي هل الخبر لا لا تعيفه
من تزور گبورهم واسمي ضيفه
رايح * اقراها يمهم مستهل * رايح
رايح * رايح انا وكلي امل * رايح

اقره يمهم مستهل عجل ضهوري
ياكريم بحرمتي سهل اموري
بحق ضلع امي الزجيه وبحضوري
عجل الطله البهيه وبسروري
رايح * اندب انا جدي الفحل * رايح
رايح * رايح انا وكلي امل * رايح

خادم اهل البقيع ع
السيد محمد الموسوي الجابري



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar5

(كروب مؤسسة منبريون)

https://tttttt.me/joinchat/Dw92Dj9pmspPx7OpNRYqtA

#قصائد__البقيع 😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴السلام على جنه البقيع🏴
ــــــــــــــــــــــــــــــــــــــــــــــــــــــــ
لوعة البقيع

غطاها التراب انوار البدور
شوكت دهري على المايرحم يدور
صحن الها ومناير كون الگبور
والگاه منجبر خاطري المكسور
★★★★★
ياشوال بهل البيت مريت
حزن فوگ الحزن ياحيف حطيت
من اشهور السنة مرفوع ياريت
ابگلب الحجه وابحالته اسويت
★★★★★
ينظر للبقيع بگلب ملچوم
ياگبر اليزوره يشوفه مهدوم
گبور الزاهيات البيهن انجوم
غربان العليهن گامت اتحوم
★★★★★
يصد على المناير صارن ارمال
الزالتهن يريت الگوم. تنزال
حدمن يابوصالح يظل هلحال
يفتر بالقهر كل عام شوال

الشاعر حسن لعيبي الحريشاوي



ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__البقيع 😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴السلام على جنه البقيع🏴
ــــــــــــــــــــــــــــــــــــــــــــــــــــــــ


((الحضره البقيعيه))


على اتراب البقيع عـــيوني تندار
يمته أبابهم واليــــمته چـــــا ويـن
ابو محمد ضـريحه والصحن ذاك
ومجالس للسبي ومصاب الحسين

ونگابل هيامه بحروفه السلامه
بشباچه أمانه من زينب علامه

الحسن معروف طاريه
ابو الحضـــره البقيعيه
كــــــريم وكــــله حنيه .. مولاي الحسن

نَسلُ آلَ ابي طـالب
هــــوه أوالده غالب
اليزوره مايرد خايب .. مولاي الحسن

ويلاه عالبقيع ...
"""""""""""""""""""""""""""""""""""

ياحـــــلم العمر يتحقق ابيش
يمته الحضرةّ السجاد ماشين
يمته التربه ناخــذها بالعيون
ونگله سلام إيــودي الحسين

ويضمنه بضمانه ونشاهد مكـانه
ونتحسس عبرته ويرفرف لـوانه

روحه هواي مجروحه
الليل إيخـلص بنوحه
روحه بهـزله مذبوحه .. ياضيم السبي

وردو هــدمو أدياره
ولهسه عيونه تجاره
عالمسلوب وانصاره .. ياضيم السبي

ويلاه عالبقيع ...

"""""""""""""""""""""""""""""""""""

چان أزغير بس أكـبار الجروح
بگد عمته رقيه بجدمه چويات
الباقر ذكرياته طــــف الحسين
من حرگو الخيمه بالعره إيبات

وأحزانه بتربته وسنينه بعبرته
والجمره بلهيبه بنفاسه حرگته

شابت عينه ودمـــوعه
زغير ومحنيّ ضـلوعه
وعاشت بي ألف روعه .. يالعشت الركض

وهسه أدياره مـهدومه
يعني جروحه ملچومه
وحتى الگبه مضـلومه .. يالعشت الركض

ويلاه عالبقيع ...
"""""""""""""""""""""""""""""""""""

حزن مضلم نشب وياك مولاي
يل بدموع عينك تترس الجود
ياجعفر الصادق تنعى الحسين
كل دمعه التطيح اتصير رادود

والمقتل رويته بمصابك حچيته
وياجدك يويلي وبـــروحك نعيته

مــــن طفيت نيرانك
صارت خيمه بلسانك
تلهــــج وانته بحزانك .. الصادق سيدي

شيبك بالجـرح شيب
صحت ياعمتي زينب
وانته معـــذب مترب .. الصادق سيدي

ويلاه عالبقيع

"""""""""""""""""""""""""""""""""""

بعــــدچ گـــاعده أتانين الحسين
بعــــدچ للدرب مشبوحه العيون
نامي وغمضي عينچ يَ ام البنين
جــــزه ضعن الهـــواشم مايردون

مـــولاتي الحنينه مايـــرجع ولينه
مذبوحه الهواشم مسبيه الضعينه

هيه الاصــل بدويه
بس بالشوگ علويه
بيضه صـافيه النيه .. يا أم الگمر

اصيله ام الگمر هايه
صارت للـــــوفه رايه
وهيه إديـــــر القرايه .. يا أم الگمر

ويلاه عالبقيع ...

عبد زينب
محمد الابراهيمي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__البقيع 😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴السلام على جنه البقيع🏴
ــــــــــــــــــــــــــــــــــــــــــــــــــــــــ


بعيونك دمع.. وبروحك حزن جرحك يغايب
...................

الليل هاي الوادم تخلصه بنفاهه
ونته حته النوم لعيونك جفاهه
روحك ايضل التعب يركض وراهه
اجروحك انته ولابشر يعرف دواهه

كل ليل اليمر.. كبالك تنعرض كل المصايب
بعيونك دمع.. وبروحك حزن جرحك يغايب
......................

الدنيه مافرحت گلبك مره وحده
للفرح باب وتجي بوجهك تسده
انت ذاكه البلمصايب ذاب جبده
والدمع احمر اثر ضل اعله خده

اه بكل وكت.. يلجم بالگلب فگد الحبايب
بعيونك دمع.. وبروحك حزن جرحك يغايب
.......................

بگلبك ادري من تصير المغربيه
بصدرك ايموت النفس من الاذيه
محني ضهرك تگصد الباب الرزيه
وتوكف تنوح الكسر ضلع الزجيه

من كد الهضم.. دلالك صبح يالمهدي ذايب
بعيونك دمع.. وبروحك حزن جرحك يغايب
....................

منين ابدي وياك ياناعي المصيبه
حسين بالطف جثته ضلت سليبه
يجري دمه امن النحر لا والعجيبه
تاخذه الخيل بحوافرهه وتجيبه

وبحر الشمس.. ضل بلا دفن فوك الترايب
بعيونك دمع.. وبروحك حزن جرحك يغايب
.....................

نار باب الزهره كبرت نايباته
واعله زينب حركوا الخيمه الشماته 
ووصلت الصادق يمهدي والبناته
داره حركوهه ويطفيهه بعباته

ويذكر عمّته ..من ضلت وحيده بلا كرايب
بعيونك دمع.. وبروحك حزن جرحك يغايب
.....................

بكل زمن عترة محمد حاربوهه
وانته شاهد يابو صالح مارعوهه
الغرقد گبور اهلك هناك اعتنوهه
مابقت گبه ومناره هدموهه

بس انته الامل.. وگلبك منفجع من النوايب
بعيونك دمع.. وبروحك حزن جرحك يغايب

محمد هادي العقابي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA