حال العليله

اونن من بعدهم تجري العيون/

لَيَّه السافروا يمته يرجعون/

//////////////


تبچي فاطمه ومهدمه الحيل/
عله فراك الاهل شيخلص اليل/


مشو عنهه وبقت بالحسره والويل/

تصرخ بس وراهم مايردون //
//////////////
حمل وافقدت يا ويلي الاحباب/

تصب دموعهه يم عتبة الباب /

تصرخ من كلبهه الينكط عتاب
/

وحيده شلون عفتوني وتروحون/
///////////////
شحال حسين من عاين عليهه /
وهيه تلوح من ابعيد اديهه /
وهوه يدري رايح مايجيهه /
متحير بقه بفراكهه شلون



////////////////////


وراه لمن مشه صاحتله بته
بويه من السفر ترجعلي يمته/
حضنها حسين. ويلي وهل دمعته/
يدري امن السفر لا ما يردون/

//////////////////
شلون افارگ خواتي وانه
طفله/
گلبي نفجع من راح الضعن
شفته/
خلولي الطفل بس هذا
ردته/
اسليه ويسليني اهلنه يرجعون/

#تم✍ت-بحمدالله
#خادمه-الزهراءام-كرار

الناشر عباس التميمي:
قناة للقصائد نسائيه لجميع المناسبات
👇👇👇
https://tttttt.me/joinchat/AAAAAELdvGssZMurwfLsJA
كروب قصائد والحان منبريه
👇👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر على @Abas747

#نعي

#حال_ام_الشهيد
#التى_فقدت_ولدها #الوحيد_مالهاغيره
#معين_وظروف_الحياه #صعبه_وعندها
#بنات_يتيمات_الأب

#راحت_لقبره_تشكي_الحال
،،،،،،،،،،،،،،،،،،،،،،،،،💔،،،،،

تگله

ييمه اربيت بحضاني صغيرون
ربيتك ييمه بدمع العيون
أعد انه لعمركم من تكبرون
خابت ييمه كل الضنون
،،،،،،،،،،،،،،،،،،،،،،💔،،،،،،

انا اعاتبك يالولد يبني
عني رحت ليش وعفتني
وكتي تره عله الغرب ذبني
بعوز يمه ورگد هدمي

،،،،،،،،،،،،،💔،،،،،،،،،،،

العيد اجانه ولبسوا اجديد
واختك بچت يبني وتريد
وانا بعوز يمه وخاليه الايد
وماترضه تذل بت الاجاويد
،،،،،،،،،،،،،💔،،،،،،،،،،،،،
آه يمه


جبتلك خواتك و انه جيتك
معروف يبني و عالي صيتك
لذنه ييمه احنه بحميتك
الظيم مسنه وتعنيتك

،،،،،،،،،،،،،،،،،💔،،،،،،،،،،،

اجينه ويم گبرك گعدنه
تره هالوگت كلش ضهدنه
آه يمه يافينه وسندنه
وحيدة وردي يبني وگتنه

،،،،،،،،،💔،،،،،،،،،،،،،،،

الهظم مس اختك ييمه
لخوي گالت يمه احشمه

وخلافهم هالعيشه ندمه
بلگت يفز لينه بهمه

،،،،،،،،،،،،💔،،،،،،،،


#تم✍ت #بحمدلله
18/6/2018
#خدامة_الزهراء_ام_كرار



الناشر عباس التميمي:
قناة للقصائد نسائيه لجميع المناسبات
👇👇👇
https://tttttt.me/joinchat/AAAAAELdvGssZMurwfLsJA
كروب قصائد والحان منبريه
👇👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر على @Abas747

#هوسات_لذكرى_هدم_قبور_البقيع

~~~~~~~~~~~~~~~~~~~~~~~~~~~~~~~~


ازور انا البقيع واگعد بقربه
واشوف النور يرسم للمحب دربه
يصب ادموع ما يگدر يضم حبه
((#ياعين-ادموعج-صبيها ))

~~~~~~~~~~

ازورك يالحسن يالشاكر الحامد
وازور انا العليل الساجد العابد
وازور الباقر وي الصادق امعاهد


((#يگضيها كل حاجه_العندك ))

~~~~~~~~~~

بهدم هاي القبور اليوم
فجعونه
من ازيارتنا الهم مولاي منعونه
اذا زرنه البقيع هواي
اذونه

((#أذانه_بحقاده _ الناصب)

~~~~~~~~~~~~

يا طه النبي اشچيلك الآلام
حرمونه تُراب اولادك الاعلام
مسحوا كُل معالم إلهم الاقزام

((#منعونه _منهم_ جا شيعه ))


اسمع صوت من ارض البقيع يذيع
يا للثار ينادي الثار لا ميضيع
يأخذ ثارنه من الناصبي تربيع

(( #يگضيها_ابسيفه_ لقائم))

""""""""""""""""""""

#تم✍ت#بحمدلله

20/6/2018
#خادمه_الزهراء_ام_كرار


الناشر عباس التميمي:
قناة للقصائد نسائيه لجميع المناسبات
👇👇👇
https://tttttt.me/joinchat/AAAAAELdvGssZMurwfLsJA
كروب قصائد والحان منبريه
👇👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر على @Abas747

#قصيده_لهدم_قبور #البقيع
:>>>>>>>>>>>

#يافگد—–الاحباب
#ضل-جرحه—–ماطاب
#يافگد—–الاحباب


،،،،،،،،،،،💔،،،،،،،،،،،

من السقيفه لهالوكت وهيه بقهر//
مانصف ويه فاطمه بيوم الدهر
فاجعة طه الحنت الها الظهر//
وعصره الباب وسگط طفل الطهر//

#وضل ذاك المصاب

#ضل-جرحه—ماطاب
يافگد—–الاحباب
،،،،،،،،،،💔،،،،،،،،،،،

ماتت وضلع الصدر ينكط دمه //
ونبت بسمار بصدرها أمألمه //
حسين مگطوع النحر مات بضمه//
وراس حيدر منطبر حامي الحمه//

# ضلع وعصر باب

#ضل-جرحه—ماطاب
#يافگد—الاحباب

،،،،،،،،،،،،،💔،،،،،،،،،،



بالبقيع أسمع صدى نياح وانين//
تنده ام عباس صوت ام الحسين//
هدموا گبور الولد يم البنين//
گبر ابني وگبر زين العابدين//

گلبي بجمر ذاب
#ضل-جرحه—ماطاب
#يافگد----الاحباب
،،،،،،،،،،،،،،،💔،،،،،،،،،،،،،،

ارد ارش ارض البقيع بدمعتي//
وبالهدم للباري ابعث شكوتي //
والصحابه الزيدوا من لوعتي//
عشت من ظلم لظلم يا دنيتي//


# حته الگلب شاب
#ضل-جرحه---ماطاب
#يافكد------الاحاب

،،،،،،،،،،،،،💔،،،،،،،،،،،،،،،

باقر اعلوم وفقه صاحب حلم
ناشر لدين الله ويدرس علم
عترة الهادي اليواليهم سلم

شافوا من الناصبه أنواع الظلم

# دمع المحب-صاب

#ضل-جرحه ماطاب
#يافگد------الاحباب


،،،،،،،،،،،،،،💔،،،،،،،،،،،،،

#تم✍ت-بحمدالله

22/6/2018

#خادمه الزهراء-ام-كرار


الناشر عباس التميمي:
قناة للقصائد نسائيه لجميع المناسبات
👇👇👇
https://tttttt.me/joinchat/AAAAAELdvGssZMurwfLsJA
كروب قصائد والحان منبريه
👇👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر على @Abas747

#حوار بين العقيله ع
#واخيها
#ابو_الفضل_العباس ع

💔💔/////////💔💔

مهضومه وتديرالعين
ولا والي حواليها//

زينب ظلت ابحيره
من امسى المسا اعليها//
///////////💔///////


وينك انده ابحيره
وينك يالكلت بحماي//

يضربني العدو بالسوط واشكف سوطه بيمناي//
بعدك ياقمر هاشم ما تدري انطفت عيناي//
وينك ظلمه ايامي
وما تضوي لياليها//
//////////////💔////////


حيرني الزمن ياخوي
واطفالي احترت بيها//
لاخيمه وستر عندي
كلي وين اوديها//
من دم تهمل اعيوني
مو مدمع بواجيها//
اطفالك تريد الماي
وحبل اليسر ماذيها//

//////////////////////💔//////

وايقلي يماي العين
بسج لا تعتبيني//
هذا حالي يالحره
وابعينج تشوفيني//
مااحمل عتب منج
واعتابج ياذيني
لوجفي يظل سالم
اخيامج من وصل ليها//
///////////💔///////


عتبج اعله المجيمين
خويه خلصت دنياي//
منج اعتذر يختي
راحن يسرتي ويمناي//،
بيش افزع واشيل السيف
واحمل جربتي والماي//
طاح العلم والجفين
وعيني السهم عاميها//

///////////💔//////

ادري بك سبع مااتهاب
ادري بك يا بعد اختك//
راعيه الوفا والطيب
خويه لهمي ذاخرتك//٠٠
بس مسني الكدر وانخاك
خويه ابهمي نادبتك//
جا وينك ياسبع الليل
اختك عالوا اعليها//
////////////💔/////

وابذله وهضم ياخوي
عقبك شافت اعيوني//

حشمتك يا بعد اختك
وحدي لا تخلوني//

جييت امعززه بجاهك
وانت التحدي بضعوني//
واليوم بيسر امشي
واختك شمر واليها//

///////💔////////
#تم✍ت
#بحمد_الله

#خادمه
#الزهراء
#ام_كرار_الطائيه



الناشر عباس التميمي:
قناة للقصائد نسائيه لجميع المناسبات
👇👇👇
https://tttttt.me/joinchat/AAAAAELdvGssZMurwfLsJA
كروب قصائد والحان منبريه
👇👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر على @Abas747

#قصيده_لشهر_عاشور
============

هل شهر الحزن يحسين*
عيني الدمع عاميها//

مسبيه العقيله تروح*
من ينذبح واليها//

=========💔==============

هل شهر الحزن عاشور*
خويه ومنفجع گلبي//
وشلت النظر يحسين*
ماشوفن بعد دربي//
امشي ميسره للشام*
بألأيتام ياربي//
كفيلي مگطعه زنوده*
ومنه الهامه داميها//
=====💔==================
من گالوا طلع الهلال*
اشعر روحي مردوها//
بيه حسيني عالتربان *
واخته اميسره أخذوها//
فوگ المشرعه الكافل*
ونار الخيم حرگوها//
ونت وبرفيع الصوت*
زينب والهظم بيها//
=====💔=================
ما بطلت دموع العين*
ساعة هل شهر عاشور//
هاذ الشهر يفرق
حيل*
بالدم ما تشبهه اشهور//
اعظم لوعه صارت بيه*
منه اشكم گلب مكسور//
ذبحوا بي سبط طه*
واخيته الكوم تاليها//

=====💔==================
زينب بس تون وتنوح*
خويه حسين يبن أمي//
بحبال امشي بيدي الگيد*
وعگبك ظل شمر يمي//
انه مخدرت حيدر*
وحدي اميسره ابهمي//
زينبكم يماي العين*
خويه الشمر حاديها//
=====💔================
يبچي الصخر من ونها*
لمن تون لإخوتها//
تنظر للاهل اموات *
وهيه تسيل دمعتها//
وينك يا ابو الحملات*
عن كربله وعملتها//
هاي اخواني مچتولين*
وزينب هظم عاليها//
=====💔================
وينك عن طفوف النوح*
شوف شعملت بحالي//
عگب العز وذاك الجاه*
زينبكم بلا والي//
انه مخدرة حيدر*
محد ضلى يبرالي//
بولية شمر زينب*
بويه شلون ترضاها//

========💔==============✍️#تم_بحمد_الله
@8/7/2018

#خادمة_الزهراء_ع_أم_كرار الطائيه
يحرم على روادين الدجي


الناشر عباس التميمي:
قناة للقصائد نسائيه لجميع المناسبات
👇👇👇
https://tttttt.me/joinchat/AAAAAELdvGssZMurwfLsJA
كروب قصائد والحان منبريه
👇👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر على @Abas747

#ابوذيات ✖️#ونعي
#لرضيع_عبدالله_عليه_السلام

===*^<>*^=======

ألم بالروح فگد الطفل خله/
وانه الدهر لي احباب ماخله/
طلبله الماي وگلت عطشان خله/
و لا يرد منحور الطفل ليه /

،،،،،،،،،،،،^^^^،،،،،،،،،،،،

حمل طفله ابو اليمه وشاله/
راد منهم نگطة اميه و شاله/
اعلى عبده أشر الظالم وشاله/

اگطع نزاع الگوم واسگوه المنيه/

===={#نعي}=======

انه الوالده والگلب مطرور"
شفت الطفل وبعيني منحور"
تسعر نار گلبي ودليلي يفور"
اعلى وليدي وريع گلبي؛؛

...............................
عسى نشلت يمينك يالنحرته"
وگلبي على وليدي فجعته"
سگيته يظالم وبدم رگبته"
وحز النحر اصبح نصيبه
.........................
نحرت الطفل ليش وياه"
و منه حسين انگطع رجوه"
بدم النحر و وليده سگاه"
د خله يظالم لحسين سلوى
""""""""""""""""""""

#إنا_لله_وإنا_اليه_راجعون

#تم_بحمدالله

الشاعره ام كرار الطائيه



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747