#الزهراء_ع

لسان حال زينب تخاطب اباها امير المؤمنين ساعة تغسيل الزهراء

يمجهز الزهره عينك عالضلع
لا تلچمه بويه قلبي ينصدع


يمجهز الزهره ياابو الحسنين
لا تلچم اضلوع لا تنظر العين
ترى يا حيدر مكسوره ضلعين
اوصفلك يا حال اشرح ياوضع

يمجهز الزهره عينك عالضلع

&&&&&&&&&&&&&&&&&&&

اسمع يا حيدر وناتي الثقال
امي من راحت اخذت الامال
وآنه بعدها اظل بيا حال
الطم عالصدر واهمل بالدمع

يمجهز الزهره عينك عالضلع

&&&&&&&&&&&&&&&&&&&&&

يا مغسل البضعه يعينك الباري
من شفت الصدر ظل دمعك جاري
تنادي يالزهره حرت بأفكاري
من شوفة اضلوعج قلبي منشلع

يمجهز الزهره عينك عالضلع

&&&&&&&&&&&&&&&&&&&&&&

تدري ياالوالي الزهره مهضومه
من غاب المختار ظلت مهمومه
وبهجمة الدار اضلوعهه مهشومه
ومسمار الصدر يابويه يفجع

يمجهز الزهره عينك عالضلع


&&&&&&&&&&&&&&&&&&&&

من اتشيع الزهره بهونك يكرار
قلبي فجعته وشبت بيه النار
ركن الصبر يبويه من عندي وانهار
بعد الزهره يحيدر مايبقى دمع

يمجهز الزهره عينك عالضلع

&&&&&&&&&&&&&&&&&&&&&

من تحفر القبر وسعه للزهره
امي يا حيدر اضلوعهه متكسره
خاف من اللحد يضغط العصره
وتهيج الاحزان من لچم الضلع

يمجهز الزهره عينك عالضلع

&&&&&&&&&&&&&&&&&&
تمت بعون الله
خادمة الزهراء / ليلى زغيب


قناة للقصائد النسائيه لجميع مناسبات العتره

👇👇👇
https://tttttt.me/joinchat/AAAAAELdvGssZMurwfLsJA


كروب قصائد والحان منبريه
👇👇👇👇

https://tttttt.me/joinchat/AAAAAD7f0FNmkN2JjlNIBw

#الزهراء_ع

كابعه الزهره بحزنها ودفعوا الباب
لاذت ورادت سترها وصار الصواب


كاعده بدارك حزينه تسجب العبره
بألم عايفهه وحيده اهنا يبو الزهره
هجمت أصحاب السقيفه اتمثل الزمره
فكري يم حيدرتركته اشكدصعب امره

ظلت تنادي يفضه ضلعي منصاب
لاذت ورادت سترها وصار الصواب

&&&&&&&&&&&&&&&&&

أنت بيدك يبو الزهره خذت العهود
جن ولا وصيت بينا وظلت اشهود
بعد عينك يبو العتره ردت اردود
جن ولا حيدر وصيك من المعبود

اهل السقيفه يبو الزهره حركت الباب
لاذت ورادت سترها وصار الصواب

&&&&&&&&&&&&&&&

يا رسول الله يهادي شتسمع اخبار
اجتمعوا بدار السقيفه ونكرو الصار
نصبوا ليهم خليفه بحقد وا صرار
هجموا لدارك وصابو كلبي بسمار

بصفعه عيني صوبوها ودمه تنساب
لاذت ورادت سترها وصار الصواب

&&&&&&&&&&&&&&&&&
صوبوا صدري يبويه وضلعي مصيوب
ادمايه ظلت بالمسيل وابني مخضوب
تنعى املاك السمه ولمصابي تلوب
حتى عرش الباري بويه دمعه مسجوب

جنة الله ابوجههم سدت الباب
لاذت ورادت سترها وصار الصواب

&&&&&&&&&&&&&&&

عاشرت قبرك يبويه بحزني وانوح
دينك اتيتم يبويه واينزف اجروح
ردت الامه لجهلها وهدمت اصروح
انهتك حجاب الله بويه بغدر مذبوح

ابابك املاك السمه تحزن للمصاب
لاذت ورادت سترها وصار الصواب

تمت بعون الله
خادمة الزهراء/ ليلى زغيب


قناة للقصائد النسائيه لجميع مناسبات العتره

👇👇👇
https://tttttt.me/joinchat/AAAAAELdvGssZMurwfLsJA


كروب قصائد والحان منبريه
👇👇👇👇

https://tttttt.me/joinchat/AAAAAD7f0FNmkN2JjlNIBw

#حوار بين العقيله ع
#واخيها
#ابو_الفضل_العباس ع

💔💔/////////💔💔

مهضومه وتديرالعين
ولا والي حواليها//

زينب ظلت ابحيره
من امسى المسا اعليها//
///////////💔///////


وينك انده ابحيره
وينك يالكلت بحماي//

يضربني العدو بالسوط واشكف سوطه بيمناي//
بعدك ياقمر هاشم ما تدري انطفت عيناي//
وينك ظلمه ايامي
وما تضوي لياليها//
//////////////💔////////


حيرني الزمن ياخوي
واطفالي احترت بيها//
لاخيمه وستر عندي
كلي وين اوديها//
من دم تهمل اعيوني
مو مدمع بواجيها//
اطفالك تريد الماي
وحبل اليسر ماذيها//

//////////////////////💔//////

وايقلي يماي العين
بسج لا تعتبيني//
هذا حالي يالحره
وابعينج تشوفيني//
مااحمل عتب منج
واعتابج ياذيني
لوجفي يظل سالم
اخيامج من وصل ليها//
///////////💔///////


عتبج اعله المجيمين
خويه خلصت دنياي//
منج اعتذر يختي
راحن يسرتي ويمناي//،
بيش افزع واشيل السيف
واحمل جربتي والماي//
طاح العلم والجفين
وعيني السهم عاميها//

///////////💔//////

ادري بك سبع مااتهاب
ادري بك يا بعد اختك//
راعيه الوفا والطيب
خويه لهمي ذاخرتك//٠٠
بس مسني الكدر وانخاك
خويه ابهمي نادبتك//
جا وينك ياسبع الليل
اختك عالوا اعليها//
////////////💔/////

وابذله وهضم ياخوي
عقبك شافت اعيوني//

حشمتك يا بعد اختك
وحدي لا تخلوني//

جييت امعززه بجاهك
وانت التحدي بضعوني//
واليوم بيسر امشي
واختك شمر واليها//

///////💔////////
#تم✍ت
#بحمد_الله

#خادمه
#الزهراء
#ام_كرار_الطائيه



الناشر عباس التميمي:
قناة للقصائد نسائيه لجميع المناسبات
👇👇👇
https://tttttt.me/joinchat/AAAAAELdvGssZMurwfLsJA
كروب قصائد والحان منبريه
👇👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر على @Abas747