https://vt.tiktok.com/ZSBvDT1Ks/

طلب القصيدة المراسله معرف البوت 👇👇
@abasltmymybot

قصيده للامام السجاد ع{ختم بالسم حياته}

ختم بالـــسم حياته
تــهد قصـــة وفـاته
مات وحيله مهدود
بس هايـــه امنياته ** ختم بالسم حياته
❥❥❥❥ـــــــــــــ❁❁ـــــــــــــ❥❥❥❥
اول امنـــــــيه مــن بعــد الطفوف
بس الموت صاح لمهجتي ايروف
من ضيم العليه اعـيوني متشوف

سكن هالليله اللحود
مــات وحيله مهدود
بس هايه امـــــنياته ** ختم بالسم حياته
❥❥❥❥ـــــــــــــ❁❁ـــــــــــــ❥❥❥❥
مســـــموم وعليل وگلبه مكسور
بحيله شخله يا هالنـاس عاشور
نام الليـــله ويلي ابوسط الكبور

الجسد بترابه ممدود
مــات وحيله مـهدود
بس هايه امـــــنياته ** ختم بالسم حياته
❥❥❥❥ـــــــــــــ❁❁ـــــــــــــ❥❥❥❥
الجسد بترابه مده وسبـل ايديه
ميت والگــــــــلب مشتاگ ياذيه
اريد اعــــزازي آه يا علي يناديه

الگلب بالفرگه ممرود
مــات وحيله مهدود
بس هاي امـــــنياته ** ختم بالسم حياته
❥❥❥❥ـــــــــــــ❁❁ـــــــــــــ❥❥❥❥
الفرگه يـــاخلـــگ تاخذ تره الحيل
وفوگ الفرگه سموا جسمه النحيل
مايدرون ابـــو باقر عــلــــي اعليل

نــــام وكبره مسدود
مــات وحيله مهدود
بس هاي امـــــنياته ** ختم بالسم حياته
❥❥❥❥ـــــــــــــ❁❁ـــــــــــــ❥❥❥❥
غمض عينـــــه نام وكبره سداه
عمت عين الوكت مانصف وياه
الله ينــــــــــــتقم من الي سماه

بعد لــــديارة ميعود
مــات وحيله مهدود
بس هاي امـــــنياته ** ختم بالسم حياته
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة الى الامام زين العابدين ع


*اليوم الطف   على السجاد حزان*
*عليهه اهله    وعمامه دكو اعلان*



الطف اليوم نصبو فاتحه بيه
وكف عباس عمه يلطم عليه
ابهوسات وعراضه مجلسه احيه
ماينشال يومه هز الاكوان


نصبو فاتحه وحسين موجود
وابو فاضل يعزب كام بالجود
عمتك حاضره والكلب ممرود
تنعه ام عوم لمصابك ينحلان


شالولك  بيارغ  يبن  الحسين
ونت كربله وحزنت الصوبين
يومك يالعليل ايطفي العين
عليك الثام لابس كمر عدنان


نصبوله العزه بين الحضرتين
والسادات اجت كلهه معزين
هذا  الشال  من  الهاشمين
يالمسموم يوكم حزن الدين


علمك من وصل لهلك يمسموم
ونت كل بني هاشم بهل يوم
حسين بكبر صبح حيله مهدوم
للمسموم يبجي بكلب لهفان


خلصت  العمر  تعبان  ياويل
ودمعك مانشف للموت ويسيل
تون  وتنوح  للضلو  مجاتيل
ماعدك اخو امضيع الخوان



لخادمة الحسين ((ع))العلويه ام اياد لايجوز حذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه لامام السجاد عليه السلام .

الها وسعن الميدان
اجتكم فاطمه الزهره

----------1----------

تصيح احوه يامسموم
شايف ذبحة المظلوم
وعلي الاكبر وي جسوم
وعليهم تجذب الحسره

----------2----------

عازنها يا شيعيات
مسموم الشفيه ومات
كومن لطمن الهامات
وقلب الزاجيه نجبره

----------3----------

اجت وتصيح عينوني
الضلع مكسور تدروني
الساجد ودر عيوني
وقلبي عالولد جمره

----------4----------

على السجاد مهظومه
نعاونها المظلومه
عالجبدته مسمومه
ونلطم عالكضه عمره

----------5----------

اويلي وتلطم عالراس
للسجاد والعباس
وابومحمد عظيم الساس
وحسين المنكطع نحره

----------6----------

ياويلي لوتشوفوها
والصرخه تعلوها
عالساجد لاتلموها
تبجي حيل وبعبره

----------7----------

بيت الدعاء

الاهي بجاه والينه
عجل فرج مهدينه
ويتقبل تعازينه
وبالمحشر ويه الحره

-----تمت بعون الله -----
بقلم خادمة الزهراء منى البصراويه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#حصريا 💥💥
#جديد #محرم_2025

لطميه ثگيله لوفاة الإمام السجاد "ع" ، مواساة لمولاتنا الزهراء "ع"


(عازن المظلومه)
🏴🏴💔🏴🏴


عازن المظلومه. عازن المظلومه
بالعابد ويومه. بالعابد ويومه

🏴🏴💔🏴🏴


بالمجلس ام حسين. موجوده تدريها
تبجي وتنوح اوياج. بس ما تشوفيها
عازيها بونينج. والدمعه هليها

للتفجع اعلومه. للتفجع اعلومه
عازن المظلومه. عازن المظلومه

🏴🏴💔🏴🏴



ماجوره يلتبجين. لابن الذبيح اليوم
من بعد ذاك الجور. مات الولي مسموم
لاخر نفس ويصيح. يابويه يا مظلوم

والروح مهدومه. والروح مهدومه
عازن المظلومه. عازن المظلومه
🏴🏴💔🏴🏴



متهدم امن الضيم. والسم مرد جبده
حيله رگد ويلاه. ما حيل ظل عنده
بالموت راد حسين. وحسين شيگعده

مدفون بالحومه. مدفون بالحومه
عازن المظلومه. عازن المظلومه

🏴🏴💔🏴🏴



شيگعدة الموذر. من نومة التربان
ونگله طلعت روح. شبلك علي الوجعان
راح الگظه عمره. لمصابكم حزنان

وانت اكبر اهمومه. وانت اكبر اهمومه
عازن المظلومه. عازن المظلومه

🏴🏴💔🏴🏴



كل عمره ظل مهموم. وينوح لمصابك
ما ناسي من ذبحوك. ونسلبت اثيابك
وگباله من حرگوا. يا سيدي اطنابك

وحيرة المهظومه. وحيرة المهظومه
عازن المظلومه. عازن المظلومه

🏴🏴💔🏴🏴



ماناسي حيرتها. من هدّوا الكفره
حسراته ما تنعد. حسره تجر حسره
واليذكر السجاد. بت النبي اتحضره

بالحشر محتومه. بالحشر محتومه
عازن المظلومه. عازن المظلومه

🏴🏴💔🏴🏴



... تمت بعون الله وفضله 🙏🏻 لخادمة اهل البيت (عليهم السلام) ✍🏻 #الشاعرة_والملة #رِضاب_الاسدي لا اجيز له وغير مبري الذمة من يحذف اسمي او يتلاعب بالكلام وينسب الرثاء له او لشخص اخر، واسألكم الدعاء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية عراقيه للامام السجاد ع


هاليوم الحزن يزداد * وا ويلي على السجاد


والزهره تصيح اليوم * وا ويلي على السجاد
يا شيعه انقتل مسموم * وا ويلي على السجاد
عاش و ارتحل مظلوم * وا ويلي على السجاد
راح و يتم الأولاد


وصاحت عترة الأطهار * وا ويلي على السجاد
و بجسمه بقت آثار * وا ويلي على السجاد
من ضرب العده تذكار * وا ويلي على السجاد
وحاطوه ابحسد وأحقاد


والباقر دليله ذاب * وا ويلي على السجاد
بيده يحفر الاتراب * وا ويلي على السجاد
نحّل جسمه هالإمصاب * وا ويلي على السجاد
وينعى سيد الأسياد


وامصابه يشيب الراس * وا ويلي على السجاد
و ابچوا وبحزن يا ناس * وا ويلي على السجاد
ويلي خلّص الأنفاس * وا ويلي على السجاد
وقتلوا خيرة العُبّاد


طلعت عيلته ايصيحون * وا ويلي على السجاد
وأحبابه ابتدوا ينعون * وا ويلي على السجاد
والشيعه اجوا ايعزون * وا ويلي على السجاد
وفگده ذوّب الأفاد


الشاعرة الملاية زينب المؤيد
تمت بحمد الله تعالى
*ونسألكم الدعاء لتعجيل الظهور*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#للسجاد
#رداديه

*واويلي على المسموم *
*واويلي على المسموم *

زينب تنحب بعبره.. واويلي على المسموم
لحكي يمه يازهره .. واويلي على المسموم
خلص بالحزن عمره ..واويلي على المسموم
*وكضه هالعمر مالوم *

●✹●✹●✹●✹●

مسموم ويون وينوح .. واويلي على المسموم
خلص عمره بس جروح.. واويلي على المسموم
لاجله هالدمع مسفوح .. واويلي على المسموم
*صفاله بس قهر وهموم *

●✹●✹●✹●✹●

دمعته بعينه هماله .. واويلي على المسموم
جَمّع صحبه وعياله.. واويلي على المسموم
نزل جبريل ينعاله .. واويلي على المسموم
*نحيل وحيله هم مهدوم*

●✹●✹●✹●✹●

ماينسى ابد الحسين .. واويلي على المسموم
دم وتهل منه العين ..واويلي على المسموم
من شاف ابد ماله معين .. واويلي على المسموم
*صاح بحزن يامظلوم *

●✹●✹●✹●✹●

دمعه ع الوجن يسجب .. واويلي على المسموم
ينوح لوالده ويندب.. واويلي على المسموم
كلبه بلوعه متعذب .. واويلي على المسموم
*تاليها بغدر مسموم *

●✹●✹●✹●✹●

اتعذب باليسر حيله ..واويلي على المسموم
مانايم ابد ليله ..واويلي على المسموم
ينوح ومدمعه يسيله .. واويلي على المسموم
*كلبه من الحزن ملجوم *

●✹●✹●✹●✹●

تمت بحمد الله

✍🏻آلــــّ؏ــلّويِـــــه آلّمٌوسويِــــۿ
❌لاإجيــــز حذف الأسم❌


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده ثكيله
لسان حال الامام السجاد عليه السلام
〰️〰️〰️〰️〰️〰️〰️〰️〰️
برض الغاضريـــــــــه. عفت اهل الحمــيــــــه
ااه يفراك العـــــــــزاز. اوجر حيل بيــــــــــــه
〰️〰️〰️〰️〰️〰️〰️〰️〰️

اه يفراك العـــــــــــزاز. هد حيلي وكضانــــــي
وبسهام الغدر لـــــیش . صد دهري رمانـــــــي
بعد شتريد منــــــــــي. خايب يازمانـــــــــــــي

مني راحو اسبـــــــاع. عفتهم نومه عالكــاع
دفنت اهلي سويـــــــه. برض الغاضريـــــــــه

〰️〰️〰️〰️〰️〰️〰️〰️〰️
عفت اهلي امنوميــــــن. وانه امشيت لشـــام
عمتي زينب ويــــــــــاي. والاطفال وايتـــــام
وروس اهلي على ارماح. تمشي اکبالي جـــدام

يمشي ويه الضعينــــــه. الراس الكاطعينـــــه
وجسمه اعله الوطيـــــه. برض الغاضريـــــــه
〰️〰️〰️〰️〰️〰️〰️〰️〰️
مشينه ادروب الابعـــــاد. من غصبا مشينـــــــه
سبايه والسلاســــــــــــل. مطبوعه بدينــــــــــه
وعمتي اعله البكو غــــاد. مهضومه وحزينــــــه

تبجي اعله المرحليـــــن. العباس وحسيــــــــــن
عافتهم رميــــــــــــــــــه. برض الغاضريــــــــــه
〰️〰️〰️〰️〰️〰️〰️〰️〰️
سبایه رحنه عالنـــــــوك. خذونه الغير بلـــــــدان
مكلوف بحرايـــــــــــــم. وانه الحيل ركـــــــدان
كضاني وهدم الحيــــــل يوم المات عطشـــــان

دم ادموعي اتسيـــــــــل. اعله الداسته الخيــــل
ماضاك الميـــــــــــــــــــه. برض الغاضريـــــــــــه
〰️〰️〰️〰️〰️〰️〰️〰️〰️
يوم احسين جتـــــــــــال بالكوه حملتــــــــــــــه
وموذر على الكــــــــــــاع اوصال اوصال جثتــه
لملمته بحصيـــــــــــــــره. يوم الي دفنتــــــــــــه

لسه جرحه ماطــــــــــاب. وناره بكلبي عطــــــاب
دهري خان بيــــــــــــــه. برض الغاضريــــــــــــه

〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي للسجاد ع
***
يادمعه الأريد أبجيهه للسجاد
لجبده المنفطر بسمومهم ذاب
لو لوعة مصايب كربله والشام
شخلت بالكلب يانبله يا نشاب
وعيونه البجت لحسين جم عام
من كد البجي حته الرمش شاب
عالمفارك هله وصارلهم الدفان
ولعمته الغريبه امصوب صواب
جروحه بالكبر مدفونه وياه
وبكبره غريب وماله احباب
حسره إزيارته تجوي بالكلوب
كبره المنهدم مابيه ابواب
ماعنده صحن لاكبه لازوار
ولادمعة حزن تسجد عالاعتاب
لاناعي الوصل ينعاه لا صوت
بس نوح الحمام الينعه المصاب
هذا ابن الذبيح بكربله حسين
جرحه عالأبو الينزف فلا طاب
جم منبر بنه بالكوفه والشام
وعله اعواد المنابر يفضح الاوغاد

إلك جم سوط بمتونك علامه
وتبقه الجامعه بنحرك علامه
يسمك ليش هالطاغي علامه
عكب ضيم ومصاب الغاضريه

أنشدك ياكلب جرحك دواوين
تموت وتبقه لجماتك دواوين
حسافه عمتك طبت دواوين
ويحز الكيد بمتوني وإديه

اجاني الموت بويه حسين بس مر
جرعت مصابك بهالروح بس مر
بضلع واحد شفت يابويه بسمار
وأنه ضلوعك ألمهه من الوطيه
****
أم علي الكاظمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي للأمام زين العابدين عليه السلام


وين الذي يكطع البيده
وياخذ اخطوط العتب بيده
ويتعنه للحزوا وريده
ويگله العده سموا اوليده


يگله العده سموا الوجعان
وين الذي يعتني العطشان
كافور خل يجيب واچفان
لبنه الخلص عمره بالاحزان


عمره خلص شوغات واهموم
ايصيح يابويه يمظلوم
ويصيح ياعمي يجيدوم
انمرد گلبه ومات مسموم


ممرود گلبه ومن امس مات
ضلن حزانه الفاطميات
خل نون يستاهل الونات
امتونه ماطابن عليلات


امتونه ماطابت هزيله
والسلسله كلش ثجيله
ومهدوم من اليسر حيله
وسم العدو گطع دليله


بالسم حسافه انمرد چبده
وابعاد اخوته ومات وحده
بيمن ابو فاضل يوسده
وعالمشرعه مگطوع زنده


عالمشرعه العباس چفه
وحالة علي السجاد كلفه
غسله الباقر من توفه
مارد بعد ماي وتچفه


مارجع المات شيرجعه
راح الگبل بالدار شمعه
وصبح الباقر يهل دمعه
ويگول صوتك وين اسمعه



✍شاعرة اهل البيت
ام ريام دخيل الركابي
غير مبري الذمه من يمسح اسم الشاعرة او ينسب الرثاء لشخص اخر


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

🚫اصدار جديد 🔥

قصيده ثكيله للسجاد

➖➖➖

أرحم بحالتي ... كطعت مهجتي
مالي حيل الألم ..گلبي بيه چم سهم
أرحم بحالتي

~~~~

أسمع ينادي العليل بهالمسيه
گلبي مايحمل آلم شلكم عليه
بعده لسه يلوج من الغاضريه
اليوم بالسم فطرو جبدي الدعيه
اسمع لغصته
وأنحب الهضمته

أبدي من ياهضم
گلبي بي چم سهم

أرحم بحالتي

~~~~

أبتدي من الطفوف ومن خيمنه
من وگع عمي وگع يمه علمنه
ليه گصدن للنهر زينب و سكنه
محني يم عباس أبوي يون لگنه
الشمس يم الگمر
خيمن عالنهر

يگله حيلي نهدم
گلبي بيه چم سهم

أرحم بحالتي

~~~~

كظو كل اهلي وعمامي وحتى الاكبر
مات حيله الغالي ضل كوه يتعثر
من عمت عيني عليه وحده وتحير
وطاح ابوي استوحدو كطعو المنحر

خيلهم سحكته .. رضرو جثته
صاحي ماضل عظم
كلبي بي جم سهم

أرحم بحالتي

~~~~
سحكو حسين وجثثهم سلبوها
هجمو على خيامي كلها فرهدوها
شبو النيران بيها وحركوها
بالسياط اطفالنه ويلي ضربوها

من المرض ماكمت
عيالي مادورت

فرت من الخيم
گلبي بي جم سهم
أرحم بحالتي

~~~~

من حده الحادي بضعنه ويسرونه
والعيال بنوك هزله ركبونه
حبال خشنه وبالسلاسل چتفونه
علعلونه وتعبونه مارعونه

ودعينه الاهل .. أحنه فوك الهزل

ودعينه بألم
كلبي بي جم سهم

أرحم بحالتي

~~~~
من وصلنه الشام وكفونه على بابه
تشمتو بحسين سلطان النجابه
كعدونه فوك كل همنه بخرابه
والأشد والزاد لگليبي مصابه

سمعوو للحرم .. بالمجالس شتم

وگفن بين الزلم
گلبي بي چم سهم

أرحم بحالتي

~~~~
بعد كل هذا المصاب الي جرالي
بيك ياسم نمرد هاليوم حالي
گطعت چبدي ودنت منك أجالي
لاكن أهون يومي من يوم الغوالي

يومهم للأبد .. مايمر مايرد
حسين يومه ألم
گلبي بي چم سهم

أرحم بحالتي

~~~~

گربت أجالي وحيد بدفني ابني
لسه من طرف كربله قيد عله متني
بويه يومك أشد من سم الكتلني
خنصرك من دوريته زاد وني

ضال بلا دفن .. لاغسل لاچفن

مطبرينه الجسم
گلبي بي چم سهم

أرحم بحالتي

➖➖➖➖➖➖➖➖➖➖
تمت بفضل الله وعونه بقلم العلويه خادمة الامام الحسين عليه السلام 📝✍️ أم علي الموسوي غير مبري الذمه من يحذف الاسم او ينسبها له

https://tttttt.me/joinchat/AAAAAELdvGssZMurwfLsJA

قصيدة فزاعية للأمام السجاد(ع) وتقرأ بطور الفواتح وأطوار أخرى


✦❥※❥※✿✿※❥※❥※✿✿※❥※❥✦

عله  السجاد خلي الطمه  جمعيه
يون  لحسين وني وياه ياشيعيه

✦❥※❥※✿✿※❥※❥※✿✿※❥※❥✦

يون لحسين  يوم العافه  بالهيمه
خلص عمره يبچي لراعي الشيمه
لا  ضلت  اهل  حرگوهه  الخيمه

ويذكر  عمته  من  مشت مسبيه

✦❥※❥※✿✿※❥※❥※✿✿※❥※❥✦

يذكر  عمته   وحرگ  الصواوين
مذهوله وغريبه تنادي ياحسين
فگدت كل  اهلهه  وحته  البنين

عاش العمر كله  بدمعه  مجريه

✦❥※❥※✿✿※❥※❥※✿✿※❥※❥✦

عاش  العمر  كله ينوح عالمظلوم
لا عاف  البچي  لابطله  فد   يوم
مولانه حزين وهم گضه مسموم

لطمي  حيل  من انجيب  طاريه

✦❥※❥※✿✿※❥※❥※✿✿※❥※❥✦

لطمي حيل عازي  الزهره هالليله
عله  السجاد فاطم  نايحه نحيله
اذكري    كربله   وبدمعه   ابچيله

يوم  الشاف  ابوه  اجنازه مرميه

✦❥※❥※✿✿※❥※❥※✿✿※❥※❥✦

يوم  الشافه  ابو ماعنده انصار
بعاشر كربله ضل وحده محتار
عطشان   ودليله   ملتهب   نار

ياوسفه  السبط  ماضاگ  الميه

✦❥※❥※✿✿※❥※❥※✿✿※❥※❥✦

ياوسفه  ابو  الباقر خلصن  اسنينه
عله   مصايب   زمانه   الله   يعينه
يون  لحسين  ابوه  مابطل  اونينه

ومن  سم  الاعادي  روحه مگضيه

✦❥※❥※✿✿※❥※❥※✿✿※❥※❥✦

تمت والحمدلله ✍🏻خادمة أم أبيها الشاعرة أم علي الحلفي

         نسألكم الدعاء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للأمام السجاد عليه السلام( مالنه حيله )


حيل أيجيس يومه  مالنه حيله
ويهل الخيل أبنكم مات هالليله
❥━──➸➽❥💔❥━──➸➽❥💔
حيل أيجيس يومه أو صوب الدلال
مسموم الچبد لأرض المگابر شال
والباقر دمع عينه عليه همال
لا حسين الحضرله ولا رياجيله
❥━──➸➽❥💔❥━──➸➽❥💔
يهل الخيل أبنكم مات بسمومه
ولأرض الطف أضن ما وصلت أعلومه
أمن السم العليل أتبدلت أرسومه
وبفراش الأجل ترعد مفاصيله
❥━──➸➽❥💔❥━──➸➽❥💔
وين أم الخدر ما حضرت تشوفه
تون يم أبن أخوهه وتسبل أچفوفه
أخت حسين عاد بهاي معروفه
بعالي الصوت زينب عمه تبچيله
❥━──➸➽❥💔❥━──➸➽❥💔
وين الأكبر يشيل الأخو أويانه
تعبّنه البچي وأچفوف تعبانه
راح وضل يويلي خالي أمچانه
ياهو اللي يگله أو ياهو يحچيله
❥━──➸➽❥💔❥━──➸➽❥💔
ياهو اللي يگل للأكبر أيحضره
بيده أيشيل أخيه ويدفنه أبگبره
هذا الگضّى عمره بس يجر عبره
مات وبالمناحه ضجت العيله
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الأحد / ٢٤ من شهر محرم الحرام
الموافق / ٢٠٢٥/٧/٢٠

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للسجاد ع
*
الليله شايل السجاد وعياله يودعونه
*
الليله يشيل ابو الباقر بكلبه لجمة الحافر
والصار وجره بعاشر نحر مذبوح بعيونه
*
حزنه بالكلب يزداد ودمعه بالشرب والزاد
مصايب كربله تنعاد وحسين اليذبحونه
**
يبجي دموم للعطشان للظل عاري عالتربان
وراسه يرتفع بالزان وعدوانه يهضمونه
**
يعالج بالمنيه اليوم جبده بالغدر مسموم
وحسره لوالده المظلوم ولزينب المحزونه
***
هذا المنسبي للشام عليل وعينه ابد متنام
جرح السبي مايلتام بهيده لا تلجمونه
***
لمن غسله وليده شاف جروح من كيده
وأثر للجامعه بأيده ولسه إمورمه امتونه
***
آثار الحديد وياه تبقه شيعته تنعاه
وابد للموت ماتنساه ولنعشه يشيعونه
***
محرومين من عطره ومحد يوصل لكبره
مهدوم وبلا حضره فوك الكاع طيحونه
****
يمته يعود ابو الثارات يعلي بكبته الرايات
نسوي بصحنه القرايات ويمحي اللي يمنعونه
****
أم علي الكاظمي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية للأمام علي السجاد عليه السلام ( دار الهواشم صبحت )


دار الهواشم صبحت
غير اللطم مابيهه


بس المناحه واللطم
شايل يشيال الهضم
امصيبته اتلوح العظم
والعيون تعميهه


تعمي العيون امصيبته
شايل وكلفه شيلته
ارجع خواته نادته
واشلون يرجع ليهه


مايرجع الراح بنعش
والبيت وامچانه وحش
الناعي ينعه بالعرش
والطاهره ايعازيهه


جبريل عازه الطاهره
حمل علي للمگبره
الدار وحشه امكدره
ظلمه اندفن راعيهه


الدار ضلت مظلمه
راح اليحل الموزمه
امتونه تتناگط دمه
واجروحه شيداويهه


ضلت امتونه امجرحه
بالدار نصبو فاتحه
عد الفواطم نايحه
نصبت عزه الواليهه



نصبن الواليهن عزه
وجنازه بضعونه جزه
حمل اليحضر بالوزه
والمايله ايساويهه



✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية للأمام زين العابدين عليه السلام (اليوم تصيح زينب)


اليوم اتصيح زينب ياعلي عمه
اصوابك حار مثل اصواب ابو اليمه


اصوابك حار مثل النار يچويني
عينك ماتغمض يابعد عيني
شنهو اليوجعك شتريد حاچيني
سماك اللعين وضاهدك سمه
اليوم اتصيح زينب ياعلي عمه


سماك اللعين وكون سماني
يومك ياعلي سهمين صاباني
اخذ حيلي ودليلي وچمل احزاني
ضل يفور گلبي ولابرد همه
اليوم اتصيح زينب ياعلي عمه


گلبي ولابرد مثل الجمر ويفور
وحزنك ياعلي چمل حزن عاشور
اشلون انساك وانسه حسين ضل مشمور
مو بالماي ابوك اتغسل بدمه
اليوم اتصيح زينب ياعلي عمه


مصايبكم چبيره ومگدر انساها
وروحي اغيابكم والبين هدماها
انه اوياك كل شوغه حملناها
شفنه حسين طاح وحرگو اخيمه
اليوم اتصيح زينب ياعلي عمه


شفنه حسين طاح وبات بمچانه
عمه ياعلي وداسوه عدوانه
للجلسات رحنه ومنحره اويانه
والشمات من كل صوب ملتمه
اليوم اتصيح زينب ياعلي عمه


ملتمه الشماته اتباوع اعلينه
مهضومين صرنه وحيل مابينه
حشمنه الكفلنه وماگعد لينه
والعدوان مابيهم ولارحمه
اليوم اتصيح زينب ياعلي عمه


لارحمه العده بيهم ولاغيره
اصوابك حيراني ياعلي حيره
ضل ابنك يون فاگد تدابيره
تطشر ياشملنه يگول شيلمه
اليوم اتصيح زينب ياعلي عمه



✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هوسات للامام السجادعليه السلام


شفت نار متوجره بالخيام
وتتراكض اطفال وموته لعمام
وبصوطه الشمريضرب بالايتام

(يضربهم بصوطه/ ونارتتلاهب)


عمامي عالترب نومه ضحايه
وعماتي خذوهن هم سبايه
وماعدهن ولي يحامي وحمايه

(نايم عالترابه /اليوم واليهن)


نظرت خيول تتراكض ع حسين
كلت هذه الامر والوضع موزين
بجيت ودمعتي تتجاره بالعين

(مسابك على جسمه/وحيل رضنه)


بعد شصار عكب عيون عباس
اطفال صغار هجوبين هالناس
من غير لترضه خيول لارجاس

(اطفال مردوها/بحوافرهم وعمده)


كطع راسه الشمر وحطه برماح
ضعنه خلاف عمنه بيوم هالطاح
صدر منهم أمر وبسرعه وصياح

(والدرب السبي /والشام نمشيله)



خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك
يازهراءبتاريخ الاحد 2025/7/20
٢٤محرم/ سنة هجري ١٤٤٧نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

الليله عالسجاد دموها الصدور
الليله واسو عمته بذبح النحور

///////////
ونو عالسجاد ونات ابعويل
انودعك هاليوم بدموع التسيل
شلون گظيت العمر يبن القتيل
وآه چلمات السبي ابالك تدور
///////

ياهضيمه علينه فگدك. سيدي
منين اعد اجروح گلبك وابتدي
يوم شفت احسين بيد المعتدي
فوگ صدره تربع يحز بالنحور
//////////
جم نحر حزاه وي نحر الحسين
حتى. ابن الحسن گطعاله الادين
طفل شاغت روحه ماهابه اللعين
خله دمه فوگ ابو اليمه يفور
////////////

وابو الباقر بالمرض حاير عليل
وزينب تحشم. بقت وين الكفيل
هجمت اعداء النبي وصالة الخيل
وعله اخيام العايله ضلت تدور
//////////

خل نودعه اليوم كلنه نون اله
ونبچي لجل ادماه السال ابكربله
نمضي للسجاد ابن عقد الوله
نطالب الثارات حد يوم النشور
//////////


اعظم الله اجوركم خدام فاطمه 😭😭😭الشاعره ام انور الذبحاوي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هوسة مع فزاعية ختامية للأمام علي السجاد عليه السلام


يقول الامام زين العابدين عليه السلام مخاطبٱ الموت:

شنهو العطلك ياموت عني اسنين
اشمالك ماخذتني وي ابوي حسين
عمتني امصيبته وفگست اصبي العين
وكل حيلي انهدم لاثلث لاثلثين


         ( نزلة الفزاعية )


واضلوع ابوي اتطشرن ... جوه الخيل
واجروح گلبه امكشفه ودمهه ايسيل
               واضلوع ابوي اتطشرن
بجنازته الملعون مثل تمثيل
             واضلوع ابوي اتطشرن
گالو نعوفه ولليسر عنه انشيل
              واضلوع ابوي اتطشرن
مچتوف متني بالحبل والزنجيل
            واضلوع ابوي اتطشرن
والحيل راح ومايرد ذاك الحيل
            واضلوع ابوي اتطشرن
لبن امهه زينب طلعت بنص الليل
            واضلوع ابوي اتكسرن
(( وين اتشوف ابن امهه     وراسه الگوم اتهوس بيه ))



لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة لوفاة زيد الشهيد (الدمعه سچابه)

عله زيد الشهيد الدمعه سچابه
حگ يا شيعه كلنه انوح لمصابه
❥❥❥❥ـــــــــــــ❁❁ـــــــــــــ❥❥❥
حگ يا شيعه كلنه انوح هالليله
علئ اجتافتنه يا نعشه انشيله
سبع الاسباع مايرضه عالميله

يانار الدليل لزيد لهابه
(( اعله الهامه // خلونه اندگ))
❥❥❥❥ـــــــــــــ❁❁ـــــــــــــ❥❥❥
نيران الدليل اليوم متوجره
عله زيد الشهيد العبره متكسره
جده بيوم عاشر هشموا صدره

اصله من الهواشم ونو لمصابه
((اعله امصابه // خل نلطم كلنه))
❥❥❥❥ـــــــــــــ❁❁ـــــــــــــ❥❥❥
اصله من الهواشم زيد الازياد
ابوه اسمه العليل وزين العباد
خلي اليوم اله نعلن ب الحداد

عله فگده تره حزنانه احبابه
((منصوبه // لزيد اقرايه))
❥❥❥❥ـــــــــــــ❁❁ـــــــــــــ❥❥❥
حزنانه الاحباب اعليه حزنانه
الدمعه اليوم عالخدين جريانه
هظيمه الهاشمي متغيره الوانه

واه يا گلب ابوه اعليه عطابه
((عطابه // يا گلب الساجد))
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك