#قصيده _مربعه _عن _حال زينب ع

#جديد_محرم_1441
•┈┈┈••✦•••💚✿💚•••✦••┈┈┈•

زينب حايره وتصيح يايمه

وين اطلع ادور والوكت ضلمه

•┈┈┈••✦•••💚✿💚•••✦••┈┈┈•

ياطاهر يبني وين الا يكيكم
خافن التعب غير معانيكم
يبني الدرب عاثور ياذيكم
اخيك بالدرب لاتيها الزمه

•┈┈┈••✦•••💚✿💚•••✦••┈┈┈•

ماعندي والي يبني يدوركم
ازغار اوضلام الليل يرعبكم
كلها شرار يبني من يضيفكم
ادري جدامكم من المشي مورمه

•┈┈┈••✦•••💚✿💚•••✦••┈┈┈•
الضايع مني بعد شيرجعه
عليه بجفاكم ضاكت الوسعه
الزغير لوبجه عله امه شيقنعه
كلبي ذاب يبني اوكثر همه

•┈┈┈••✦•••💚✿💚•••✦••┈┈┈•

فركاكم يبني يعمي الناظر
شيهون المصيبه الكسرة الخاطر
تمنيت بس عباس لو حاضر
بعيونه يشاهد حالت الحرمه

•┈┈┈••✦•••💚✿💚•••✦••┈┈┈•

محتاره بامرها والدموع تسيل
مشدوها مابين الزلم والخيل
صعبه عالمره تطلع باليل
طلعت المره بين الزلم زحمه

•┈┈┈••✦•••💚✿💚•••✦••┈┈┈•
عباس الكفلها مكطع الجفين
اومشدوها زينب بونين حسين
واليتام تتصارخ تدير العين
تصيح الشمل ياعباس شيلمه

•┈┈┈••✦••✿💚•••✦••┈┈┈•
تمت بعون الله بقلم الشاعره ام رائد زوين



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

للوداع ليله عاشوراء

حان الموادع ينور اعيوني
احسين ياعباس هاحاجوني

هايه اخر ليله ياخواني
باجر امشي حرمه وي عدواني
امحيره بيتام تاليها اني
برض صحره وقاحله تخلوني


خويه يحسين الفجر ماريده
لئن عنكم راح اكون ابعيده
خويه باجر اسكن انه البيده
من بعد حرگ الخيم يسبوني


خويه باجر خيميتي يحرگوها
اوعيلتك بسياطهم يسبوها
ال اميه حاقده تدروها
راح تذبحكم والي يروعوني


باجر ابگلبي يطب اجم سهم
وهالحيات اتصير من بعدك عدم
صعبه يالخوان باجر عالحرم
لا اهل لا اخوان ويحاموني

باجر انده گوملي ياكافلي
يابطل يحنين گوم افزع الي
گوم للايتام ياريحت هلي
اوسكت اليبجون لا ياذوني

تمت الحمد لله
ام غيث الذبحاوي


#جديد_محرم_١٤٤١


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

#قصيده _لليوم _الوداع
#جديد_محرم_1441
───✤◐►🖤◄◐✤───

حان الوداع واقترب وقت الرحيل
اذن اذان المئاسي والمناحه والعويل
فركت احباب اوسهر
ليل بلايه كمر
سفر مابي رجعه لابل مستحيل

───✤◐►🖤◄◐✤───

ادن اذان الحزن الدمع كبر
باجر بدم الطهر يتوضه خنجر
اوضلع مهشم يسجد فوك منخر
ثنينهن صلن جماعه
قدمن للباري طاعه
بين منحر اوضلع صفنت تراتيل

───✤◐►🖤◄◐✤───

ينذبح قرءان باجر ينزف أيات
واليرتل صوت منحر الذله هيهات
الدم عالسيف انتصر بعله مقامات
رافع راية نصر
ترفرف بكل عصر
يشهد بهذا الامر رب الجليل

───✤◐►🖤◄◐✤───

عالجروح تصلي باجر يانواظر داميه
والمواجع كلها باجر نايحات اوناعيه
ويلاه ياباجر شعظمك ماتخلي باقيه
يضل صوت الانين
وتبقه ناس الظالمين
تصفت الدنيه اوهواها يذبحه الويل

───✤◐►🖤◄◐✤───

باجر جم بدر يتوسد الغبره
باجر يامصرع فجيع تشاهد الزهره
اويانحر يتوضه باجر بدمعه حمره

تنكسر شكد خواطر
دم تبجي النواظر
الرزايه الي تمر تهدم الحيل

───✤◐►🖤◄◐✤───
تمت بعون الله بقلم الشاعره ام رائد زوين


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

#جديد_محرم
#للشاعرة_ام_رائد_زوين
#هوسات_للعباس_وزينب ع

✿〰✿〰✿〰✿〰✿〰✿〰✿

زينب لوكلت يعني كلت عباس
ياهو الكال ذلت زينب الارجاس
هيبت علي بيها ماتطخ الراس
زينب لوحجت تخمد النفاس

من بت حيدر حته الكاع تصيح ادخيل

✿〰✿〰✿〰✿〰✿〰✿〰✿

ياهو الكال زينب راحت ايسيره
وابراية ابو فاضل جيش العالم اديره
زينب هاي زينب اخت ابو الغيره
هيبت علي بيها ونفس تفكيره

مصفنه الكون بهيبتها
مصفنه الكون بهيبتها

✿〰✿〰✿〰✿〰✿〰✿〰✿

اخت عباس هاي التجدح عيونه
صكار الزلم شحدهم يدنونه
كلها تفر لومجبل يشوفونه
بطل ومايهاب الموت يدرونه


يصفيها لوطب للحومه
يصفيها لوطب للحومه

✿〰✿〰✿〰✿〰✿〰✿〰✿

الشاعره 🖌
ام رائد زوين📓
⠀

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

#جديد_٢٠٢٢
*قصيدة شور نخوه للإمام الكاظم (ع)*
❥━──➸➽❥❂❥━──➸➽❥❂
يالكاظم نخيتك / بالحاجه اجيتك
يالمسموم انادي بدمعة العين
غريب ... غريب
❥━──➸➽❥❂❥━──➸➽❥❂
بالصعبات احشمنك يمسموم
بجاه الزهرة اريدك تجلي الهموم
بدمعاتي وحسرتي اندبتك اليوم
مهظومه وحزينه وگلبي مالوم
ياهو الاشتكيله / وهمومي ثگيله
يالمسموم انادي بدمعة العين
غريب ... غريب
❥━──➸➽❥❂❥━──➸➽❥❂
عدمن اشتكي همومي العليه
بس انته الذخر ليه وتچيه
ولبابك انه مديت اديه
الحاجه اليوم تگضيها إليه
وبداعت غربتك/ يبو الغيره طلبتك
يالمسموم انادي بدمعة العين
غريب ... غريب
❥━──➸➽❥❂❥━──➸➽❥❂
انحب والدمع من عيني يجري
الك يا سيدي سلمته أمري
گضيته بالمناحه وهم يعمري
بجاه ام عون يالصاحت يخدري
ها يابو الكرامات / بيدك تگضي حاجات
يالمسموم انادي بدمعة العين
غريب ... غريب
❥━──➸➽❥❂❥━──➸➽❥❂
احلفك بالحسين وذاكه نحره
وبالسهم الذي صوبله صدره
كسر گلبي اريدنك تجبره
نظره لخادمك مولاي نظره
اريد تعاين الحال / حملي من الهظم مال
يالمسموم انادي بدمعة العين
غريب ... غريب
❥━──➸➽❥❂❥━──➸➽❥❂
يمك هالطلب مولاي اخليه
اريد بخدمتك عمري اگضيه
مالي غير بابك اعتني ليه
سلامي اويه النسيم الهاب اوديه
اريدك تسمع الصوت / بخدمتك ابقى للموت
يالمسموم انادي بدمعة العين
غريب ... غريب
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم.


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لمسلم ابن عقيل

{الله يعين كلبچ }

الله يعين كلبچ ياحميده
فاركتي الأبو فركه بعيده

فراكه يهدم الحيل
دمعج عالأبو يسيل

الله يعين كلبچ ياحميده

•───✧◐◐✧───•

شكلتي من سمعتي مات الحنين
والميت بعد مايرجع سنيـن
لفراكه تضل بس تدمع العين

شحالچ من سمعتي
بموته شلون كلتي

يكتل يومه وابنيته تريده
الله يعين كلبچ ياحميده

•───✧◐◐✧───•

اضن كلتي اخذني وياك للموت
المن عايشه وكليبي مفتوت
يا سور وشهم ما شاله تابوت

بويه بكلبي ادفنك
كل مااحن اشمك

اخلافك يالولي اصبح ونيده
الله يعين كلبچ ياحميده

•───✧◐◐✧───•

من صغري انترس دلالي بجروح
ابوي العافني الكلالي ماروح
شايل بيت كلبي وكثر النوح

اون لليسوه الونين
اجرهن طول السنين

واضل امتانيه ياخذني بيده
الله يعين كلبچ ياحميده

•───✧◐◐✧───•

العيشني بحنانه نام بتراب
بعد ماينفع اوياه كل العتاب
والمن كاعده وعيني عله الباب

راح التارس البيت
مشه ولوحدي ضليت

روحي الفاكده صبحت عنيده
الله يعين كلبچ ياحميده

•───✧◐◐✧───•

حكها الروح لو كثرت بچاها
شال الچان يحميها وغطاها
ذبلت وردته  ومحد سكاهـا

بصوته اروي روحي
وتتلايم  جروحي

وافتح صفحه للغالي جديده
الله يعين كلبچ ياحميده

•───✧◐◐✧───•

#جديد_حصريآ

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة لعبدالله الرضيع

{ الله يعينها }

الله يعينها التفكد ضناهــا
زغيرون الولد نعمه واجاها

•───✧◐◐✧───•

يروح شلون ابنها وماله رجعه
يكبر رادته ويمشي اوي ربعه
خالي حضينها وكاطعها كطعه
عامي اعيونها  وماخذ ضواها

•───✧◐◐✧───•

اصبي العين ابنها وفتشت الروح
كبال اعيونها شـافته مـذبـوح
نايم بالشمس عبدالله مطروح
تون اعلى الولد زايد بـچاهـا

•───✧◐◐✧───•

حكها لو بچت والعين تعمـه
شال وليدها وفكدت النعمه
تصيحه ياعبد اكعـد ييمــه
فراكك يالولد روحي كضاها

•───✧◐◐✧───•

كضاها الروح يافكد الزغيرون
وامه اعليه عمتهن ذيج العيون
بعد مايرجع الها وليدها شلون
تجر حسراتها وتكثر بچاها

•───✧◐◐✧───•

هاي الوالده وهذا كلبهـا
راح وليدها وضيعت دربها
رفعت ايدها امه بطلبها
تريد اوليدها سالم اجاها

•───✧◐◐✧───•

#جديد_حصريآ

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#جديد_وحصرياً_.
#القصيده_بديوان_أمير_الجنان_الجزء_٢_.


قصيده للأمام العباس عليه السلام《 طايح كفيلي 》


طايح كفيلي        طايح كفيلي
علمشرعه وذب العلم        طايح كفيلي
❥━──➸➽❥💔❥━──➸➽❥💔
طايح يخويه عالنهر مصيوب بالراس
وأسكينه بلخيمه تنادي عمي عباس
ما ترجع أعلينه يبو الغيره ينوماس
مهدود حيلي        مهدود حيلي
أمن حسين رد الوحده        مهدود حيلي
❥━──➸➽❥💔❥━──➸➽❥💔
وحده رجعلي للخيم منحني ضهره
وأعيونه من كثر الدمع شفتهه حمره
گلالي يم المشرعه ذبته الشگره
ناديت ويلي        ناديت ويلي
الخوه فلاهه الگمر        ناديت ويلي
❥━──➸➽❥💔❥━──➸➽❥💔
ليامك الحلوات أنه يا خوي حنيت
وياك لو ميته صحت هليله ياريت
دنيايه ضلمه أبلا گمر مهمومه ضليت
صابوا دليلي        صابوا دليلي
يوم الطحت يابو الوفه        صابوا دلبلي
❥━──➸➽❥💔❥━──➸➽❥💔
ردتك أبهل محنه تضل عباس وياي
لو عذرك أچفوفك أخذ يسرتي ويمناي
تيهت من عگبك يخي يلكافل الراي
لازم تجيلي        لازم تجيلي
لتطول أبنومك أبد        لازم تجيلي
❥━──➸➽❥💔❥━──➸➽❥💔
يمعدل أودومك كلف يلماكو منك
بلزود والغيره شكثر يحچون عنك
يا حيف طحت وعلنهر ينسمع ونك
ها يا خليلي        ها يا خليلي
زودي وخوي وعزتي        ها يا خليلي
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*     
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك           

#جديد_وحصرياً_.
#الطميه_بديوان_أمير_الجنان_الجزء_٢_.


لطميه للأمام العباس عليه السلام《 حلوه خوّته 》


حلوه خوّته واليوم وفاهه
وچفينه أعله راگ النهر ذباهه
❥━──➸➽❥💔❥━──➸➽❥💔
حلوه خوّته العباس معروفه
لجل حسين هذا الطيح أچفوفه
هد الجيش كله وطشر أچفوفه
والمتصير أبد عباس سواهه
❥━──➸➽❥💔❥━──➸➽❥💔
راعي المرجله الكافل يسمونه
هذا الضم أخيته الحره بعيونه
يوم الحرب چا فنهَ يلاگونه
تتراجف زلمهم كلهه خلاهه
❥━──➸➽❥💔❥━──➸➽❥💔
عباس الكفيل الحيد يتوصف
سيفه أعله الرگب يوم الحرب يلتف
نهر الزود هذا الما أضن ينشف
وعدوانه نجوم الضهر رواهه
❥━──➸➽❥💔❥━──➸➽❥💔
كافل زينب أمعدل يعروفنه
صگار الزلم دومه يسمونه
تجدح بلحرب يا خزرة أعيونه
وجرفين النهر بچفوفه طگاهه
❥━──➸➽❥💔❥━──➸➽❥💔
أمعيد بلحرب نچل الوصي دومه
خالسهم خلس من برز للحومه
عباس الكفيل أو هاي معلومه
وخشوم الكفر من صال داساهه
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#جديد_وحصرياً_.
#الطميه_بديوان_خير_النساء_الجزء_١_.


لطميه للزهراء عليها السلام( يمه لفيني ابعباتچ )


يمه لفيني ابعباتچ خل اشمن ريحتّچ
ماهو وكت اوداع يمه اتيتمين ابنيتّچ
طفله وبعازت حنان ... چان الي اوجودچ امان
گلبي وشلون ابغيابچ يمه يحمل وحشتچ
❥━──➸➽❥💔❥━──➸➽❥💔
يمه يوم الرحتي عني خيم ابگلبي الحزن
يمه جدامي مشيتي للمگابر والدفن
ليش ذبيتي العبايه ولابسه الأبيض چفن
غاليه أو كلچ محنه يا بعد روحي ام حسن
دونچ اشيسوه العمر ... فرگتچ تحني الضهر
گلبي وشلون ابغيابچ يمه يحمل وحشتچ
❥━──➸➽❥💔❥━──➸➽❥💔
يمه كل ليليه افزن واصرخ اعليچ ابهظم
والله فرگاچ اشمصعبه مني سل حتى العظم
بس اليفارگ عزيزه يشعر بمعنى الألم
ادخل الغرفت منامچ ريحتچ فواحه اشم
احضن اهدومچ واون ... والدموع اتسايلن
گلبي وشلون ابغيابچ يمه يحمل وحشتچ
❥━──➸➽❥💔❥━──➸➽❥💔
احضن اهدومچ ييمه وابچي ابحرگة گلب
چنتي امس يا زهره يمي وهسه بحضان الترب
ضايعه اخلافچ وعيني ادموعهه من دم تصب
ضلمه بيتچ يلحنينه گمت اشوفه بس اطب
همي يكثر والدمع ... خالي اشوفه وانفجع
گلبي وشلون ابغيابچ يمه يحمل وحشتچ
❥━──➸➽❥💔❥━──➸➽❥💔
ثاري كلمن فارگ امه ايعيش عيشه باهته
واعلى خده ابحزن تجري كل مسيه دمعته
من عمت عين المگابر يمه وجهچ ضمته
گلبي مكسور ابرحيّلچ والله توجع كسرته
ها يروحي او دنيتي ... صار موتچ غصتي
گلبي وشلون ابغيابچ يمه يحمل وحشتچ
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أميره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#جديد. #جنوبي

#لموسى_أبن_جعفر_

ــــــــــ❋❋❋ ـــــــــــ

رف بالكاظميه. بيرغ الساده
عالكاظم حزن ومبين احداده
ــــــــــ❋❋❋ ـــــــــــ

رف بالكاظميه وواصل الغيمه
ترهب ياخلك هيبه تصاميمه
محزن عالسبع وضحت مفاهيمه
((البيرغ كدر//بحزانه))

ــــــــــ❋❋❋ ـــــــــــ


يمشي وي النعش بيرغ الخياله
هزه بكل فخر وبنوح شياله
ترا الشايل سبع والونه تحلاله
((الون للكاظم//يحلاله))
ــــــــــ❋❋❋ ـــــــــــ

مُهيبه ورفعت الليله بيارغكم
حزنت كل الولايه لمصيبتكم
لسبع بغداد ذبوها عمايمكم
((يالسادة//امغرب جدكم))

ــــــــــ❋❋❋ ـــــــــــ

ذبوها العمايم عالجسر يمه
كون من اللطم ياصدرك تهدمه
عالشايل غريب ورايح بهمه
((اطلب ثاره//مغدور الشال))

ــــــــــ❋❋❋ ـــــــــــ

تطلعلك عراضه اليوم سادتنه
نارك يالشلت تسعر وجوتنه
عليك اليوم ماتنشف يدمعتنه
((انشيع نعشك//بهيابه))

ــــــــــ❋❋❋ ـــــــــــ
تمت بعون الله وتوفيقه🧿


بقلم اسراء اللامي ام ذو الفقار


غير مبري الذمة من ياخذ المفردات ويحورها وينسبها لنفسه خصيمه ابا الفضل العباس ع

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نهاية عزاء حماسية سريعة

نهاية كل نص رباط على لحن داسته الخياله

#جديد_حصريآ 🔥🔥

اجينــه اليوم / وي الزهره لطامه
على المذبوح ابنها الرضو اعظامه

•───✧◐◐✧───•

انه وياچ خلي نسوي تعــزيّه
نتكابل سوه بلطمه حماسيه
نصيح احا ويه زينب العلويه
نواسي ام الحسن واندك عله الهامه

واندك عله الهامه / واندك عله الهامه
نواسي ام الحسن واندك عله الهامه

•───✧◐◐✧───•

لتفترين حيل اللطمه شديهــا
محلاته اللطم كله اعله اهاليها
وكلمن لاطمه الزهره تجازيهــا
شهرين العزه ويخلصن ايامــه
ويخلصن ايامه / ويخلصن ايامه
شهرين العزه ويخلصن ايامــه

•───✧◐◐✧───•

تخلص هلعزيه وانتي ماجوره
وفيتي بلطمتج هاي مشكوره
كل لطمه وعزيه هناك مذخوره
واسمچ ينكتب لحسين خدامـه

لحسين خدامه / لحسين خدامه
واسمچ ينكتب لحسين خدامــه

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#حصريا 💥💥
#جديد #محرم_2025

لطميه ثگيله لوفاة الإمام السجاد "ع" ، مواساة لمولاتنا الزهراء "ع"


(عازن المظلومه)
🏴🏴💔🏴🏴


عازن المظلومه. عازن المظلومه
بالعابد ويومه. بالعابد ويومه

🏴🏴💔🏴🏴


بالمجلس ام حسين. موجوده تدريها
تبجي وتنوح اوياج. بس ما تشوفيها
عازيها بونينج. والدمعه هليها

للتفجع اعلومه. للتفجع اعلومه
عازن المظلومه. عازن المظلومه

🏴🏴💔🏴🏴



ماجوره يلتبجين. لابن الذبيح اليوم
من بعد ذاك الجور. مات الولي مسموم
لاخر نفس ويصيح. يابويه يا مظلوم

والروح مهدومه. والروح مهدومه
عازن المظلومه. عازن المظلومه
🏴🏴💔🏴🏴



متهدم امن الضيم. والسم مرد جبده
حيله رگد ويلاه. ما حيل ظل عنده
بالموت راد حسين. وحسين شيگعده

مدفون بالحومه. مدفون بالحومه
عازن المظلومه. عازن المظلومه

🏴🏴💔🏴🏴



شيگعدة الموذر. من نومة التربان
ونگله طلعت روح. شبلك علي الوجعان
راح الگظه عمره. لمصابكم حزنان

وانت اكبر اهمومه. وانت اكبر اهمومه
عازن المظلومه. عازن المظلومه

🏴🏴💔🏴🏴



كل عمره ظل مهموم. وينوح لمصابك
ما ناسي من ذبحوك. ونسلبت اثيابك
وگباله من حرگوا. يا سيدي اطنابك

وحيرة المهظومه. وحيرة المهظومه
عازن المظلومه. عازن المظلومه

🏴🏴💔🏴🏴



ماناسي حيرتها. من هدّوا الكفره
حسراته ما تنعد. حسره تجر حسره
واليذكر السجاد. بت النبي اتحضره

بالحشر محتومه. بالحشر محتومه
عازن المظلومه. عازن المظلومه

🏴🏴💔🏴🏴



... تمت بعون الله وفضله 🙏🏻 لخادمة اهل البيت (عليهم السلام) ✍🏻 #الشاعرة_والملة #رِضاب_الاسدي لا اجيز له وغير مبري الذمة من يحذف اسمي او يتلاعب بالكلام وينسب الرثاء له او لشخص اخر، واسألكم الدعاء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك