مربوعه لسجاد ع

عزيز حسين ون ودارت عيونه
عكب ذاك الهظم جبده يسمونه
...........
اليلة مصاب ابوالباقر هد حيلي
ولج ياعين من دم الدمع سيلي
وين اهلك اناشد سيدي احجيلي
شيعود اهلي عليه هاي مظنونه
..........
انشدنه عله عمه البيه حنيه
رد ليه ويكلي بدمعه مجريه
ضل عله النهر والعين مطفيه
وضلت جثته عله الكاع مرهونه
...........
جر حسرات ويلي وهلن دموعه
اليوم منين اجيبه الكسرو ضلوعه
كلبي المانساه ولا سكن روعه
جرح ضل بدليلي وما يطيبونه
............
دار العين لبنه وعلت وناته
السم مرد دليله ويجر اهاته
وسالت عالوجن هاليوم دمعاته
وصيه عله النعش لمن تشيلونه
............
لوشلتو النعش والعين سجابه
ابجو عله الغريب الضل عله اترابه
المحد شال جسمه وضمد اصوابه
هلو العين جفني من تجيبونه
........

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم  من كتاب السابع والعشرين المآسي الفاطميه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شده للسجاد ع
****
لبو الباقر نصبنه المأتم وننعاه
سمو جبدته العدوان واويلاه
*
مسموم وجبدته بنار مجويه
عمريش الكظاه ابونه مخفيه
يذكر عمته بالشام مسبيه
وحسين الذبيح بكبره من خلاه
*
لمصايب كربله نوحه ابد ميهيد
عليل اويه السبايه والحبل بالأيد
بدروب السبي آثار خله الكيد
حديد وجامعه ظلت اثرهه وياه
*
تسعر بالكلب يوميه حسراته
بزاده والشرب هماله دمعاته
ذبحو كل هله ومسبيه عماته
شيذكر ياجرح ولياجرح ينساه
**
آ يبن الحسين انون عله مصابك
مسموم الجبد وميتم احبابك
كبرك وين دلينه عله ابوابك
مهدوم الكبر وحجار بس فوكاه
**
سادس نور بانوار العرش طفوه
النواصب بالبقيع لمرقده هدموه
مايدرون كبره بكل كلب حفروه
لبن حسين دمع النوح يامحلاه
**
أم علي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

🍁هوسات ندبة للأمام زين العابدين عليه السلام


جبت ادموع عيني وبيرغ الوراد
متعني المضيفك ياعلي السجاد
اعرفك بالكلافه امحزم وهداد
(( عن بابك ماروح الليله ))


عنك مااروح ولايزل جدمي
متعني المضيفك واسحل بهمي
احلفك بالعزيز العالنهر مرمي
(( وبداعت عمك شافيني ))


احلفك بالبطل عمك عجيد الراي
اعرفنك حنين امعدل اوفاي
اجيت بهاي اكلفنك واريدن هاي
(( مولاي احضرنه بكل عازه ))


بالعازات نطلب سيدي احضورك
وبليلة الوحشه انريد من نورك
واحفاد الشمر ماقبلو انزورك
(( مانوصل گبرك منعونه ))


مايرضون نوصل گبرك المهدوم
نصيح بصوت يامظلوم يامسموم
كل احنه اعله بابك واگفين اليوم
(( وي زينب نلطم وسكينه ))


نلطم عالصدور ونخسف الهامات
ماننساك وي حسين حيلك مات
دنيه واخره مولاي الك وگفات
(( وگفاتك حلوه ومعروفه ))


لشاعرة اهل البيت
ام ريام دخيل الركابي

غير مبري الذمه من يحذف اسم الشاعره او يغيره

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية للأمام زين العابدين عليه السلام ( ودي اطروش)


ودي اطروش ... للنايم يندهونه
اجو خطار بالمجلس يريدونه


اجو خطار بالمجلس متانينه
ودي اطروش للوجعان يسكينه
اشلون يعوف محرابه وقرائينه
(( البيت اظلم صار بدونه ))


صار اظلم حزين وموحش امچانه
اشلون البيه حميه ايعوف ديوانه
عنه ابعاد ماشالوه خوانه
(( ويريد اخوانه ايشيلونه ))


راد اهل المحنه برهدنه ايشيلوه
مايدرون عدوانه بحقد سموه
ينازع للصبح من الالم خلوه
(( چا بيمن گولي ايطلبونه ))


سموه العده وزادو مواجيعه
للوجعان الطمو حيل ياشيعه
تهد الحيل ياساعات توديعه
(( بالگوه احبابه ايودعونه ))


گوه ابن الذبيح اتوادعه احبابه
يسعر بالدليل ويفجع امصابه
لحد اخر نفس ويصيح يايابه
(( ماينسه حسين تعرفونه ))


ماناسي الغريب وذبحته ويومه
هاذه العاف خوش ازلام بالحومه
من دمعه اليهل امبلله اهدومه
(( للموت ايهل دمع عيونه ))


للموت العليل وتهمل ادموعه
يذكر والده من داسو اضلوعه
چم شوغه الحملهه بضيم چم لوعه
(( من شاف العباس بكونه ))


شاف الروس شاف امتون مطروحه
كل يوم الزمان يچمل اجروحه
تالي السم گضاه وخلصت روحه
(( مات البالشده ايفزعونه ))



✍شاعرة اهل البيت
ام ريام دخيل الركابي
غير مبري الذمه من يمسح اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعي قصير لأاستشهاد السجاد عليه السلام
〰️〰️〰️〰️〰️〰️〰️〰️〰️

اليوم مغرب السجاد. وعياله يريدونـه

الباقر يصفج بأايــــــــــــده
يكول الوالد انريـــــــــــــده
شال وشيلته امچيـــــــــده.

وسفه غمض اعيونــــــــــه

〰️〰️〰️〰️〰️〰️〰️〰️〰️
شایل اليوم والينــــــــــــــه.
ابونه وغمضت عينــــــــــه
اخلافه بضيم ضلينــــــــــه.

ازغار اکبار ينعونـــــــــــــه

〰️〰️〰️〰️〰️〰️〰️〰️〰️
نون اعلیه ازغار اکبـــــــــار
الوالد شایل من الــــــــــدار
ونعشه للمكابر ســـــــــــــار

وصحنه ماتریضونـــــــــــه

〰️〰️〰️〰️〰️〰️〰️〰️〰️
اليوم مكدره الديــــــــــــره
شايل شيخ العشيـــــــــــره
شال وفيته اجبيــــــــــــره.

وكلهه الناس محزونــــــــه

〰️〰️〰️〰️〰️〰️〰️〰️〰️
كلهه تنعه المصابــــــــــــــه.
تون وتنعه احبابــــــــــــــه
علیه انصيح يايابـــــــــــــه

بموتك حيل فجعونـــــــــــه

〰️〰️〰️〰️〰️〰️〰️〰️〰️
بويه يوجع امصابــــــــــــك
ومانتحمل اغيابـــــــــــــــك
ماشي وعايف احبابـــــــــك.

وشخصك بویه یردونــــــه

〰️〰️〰️〰️〰️〰️〰️〰️〰️
نعشك من مشه عنـــــــــــه
بواجينه غدت حنـــــــــــه
ومنك خابت الضنــــــــــــه.

هوسه
حزنانه الدار الفکــــــــدك

〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نزلة للامام السجاد عليه السلام

عظم اجرك ياحسين
مات زين العابدين
____
سمته كوم الدعيه
فوك ضيم الغاضريه
وافته اليوم المنيه
مات مهموم وحزين
_
بالسم انكطعت جبدته
ريت يالوالي حضرته
ياعلي محنه محنته
سمه اليوم اللعين
__
اليوم مرجونه المدينه
كل اليحب دمعته بعينه
يا امام الفاكدينه
هذا امام الساجدين
___
شيعتك نصبت عزاها
والحزن والهم غطاها
يوم ابو الباقر عماها
ومن دمه تهمل العين

جينه والمدمع يسيل
بجاه سيدنه العليل
كل مريض عليه دخيل
شافي مرضى المسلمين


✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه الجزء السابع عشر
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*(( لطميه فزاعيه للامام السجاد عليه السلام ))*


الف ياحيف ... نايم بلبقيعيه
ومايرضون گبه عليك مبنيه
🏴📖🏴...

مايرضون مرقد ينبني عليك
وگل زاير يمنعونه يمر بيك
ريتك بلعراق احنه النوافيك
و ريت بگربله مو بلسعوديه
الف ياحيف ... نايم بلبقيعيه
🏴📖🏴...

ريت بگربله وگل ليله نزورك
وگبتك عاليه وبيهه يشع نورك
ومشايه نجي بأيام عاشورك
ونگعد بلصحن نتجمع بفيه
الف ياحيف ... نايم بلبقيعيه
🏴📖🏴...

ريت بكربله ونزورك هوايه
ونشوف بضريحك عاليه الرايه
وننصبلك مواگب كون وقرايه
وگل شيعي يتعنالك وشيعيه
الف ياحيف ... نايم بلبقيعيه
🏴📖🏴...

وتتعنه عليك الشيعه خطار
وتزهي بمرقدك ياسيدي انوار
وتنادي وتصيح اهلا يزوار
وتگلهم هله ومرحبه بهل جيه
الف ياحيف ... نايم بلبقيعيه
🏴📖🏴...

ترحب بل يزورك تفتح الباب
وتنطي مراد مترجع الطلاب
والينخاك حتما يسمع جواب
وبابك تصير الحاجه مگضيه
الف ياحيف ... نايم بلبقيعيه
🏴📖🏴...

وهاي الامنيه الشيعه تمناهه
يلمسموم الك دمعه جريناهه
وامك فاطمه نتعازه وياهه
وسوينه الك مولاي تعزيه
الف ياحيف ... نايم بلبقيعيه
🏴📖🏴...

نصبنه قرايتك ومرادنه نريده
نحلفك بلبقه مشمور بلبيده
تنطي لنخاك وماترد ايده
علشيعه الوگت صبهن بلاويه
الف ياحيف ... نايم بلبقيعيه
🏴📖🏴...


*(( كلمات الشاعره ام عون الحلاويه ))*
⛔ لا أجيز حذف اسم الشاعره
🙏 يرجى احترام الحقوق الاخرين


اطلب منكم تندعولي ان الزهراء تقبل خدمتي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هوسات للأمام زين العابدين عليه السلام


دم يبچي العليل وخلصن ادموعه
اصواب الطف حناه وهدم اضلوعه
الله ايساعده اعله الحزن واللوعه
( عالضيم الشافه الله يعينه )


محد بالخلگ شاف الذي شافه
من ثگل الحديد امهدمه اچتافه
واليفگد عشيره اشلون يتعافه
( واسباع امضيع بالحومه )


بالميدان ضيع واحد وسبعين
دفناهم علي لاغسل لاتچفين
يصيح بصوت بويه ومايسمعه حسين
( وافراگ حسين الهد حيله )


هدم حيله وگضاه افراگ ابو اليمه
بيمن غسله وبيمن جمع جسمه
الله يعين گلبه من گعد يمه
( وايگول اشلون ادفن روحي )


گال اشلون ادفنك ياشريك الروح
عطشان وسليب اموذر ومذبوح
ماينلام من يگضي العمر بالنوح
( لو طاح يوچي اعله اجروحه )


عله اجروحه العليل ايگوم ويوچي
اليوم السم ولاه ولاگدر يحچي
للوجعان وي ام الحزن نبچي
( عينوها ياشيعه حيدر )



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#قصيده لامام السجاد عليه السلام


ويلي عا السجاد غمض عينه
وكلب ابنه الباقر الله يعينه
┄┉❈❥ًً❀(«🧿»)❀❥❈┉┄
من دمه الباقر تصب عيونه
وبوداع الابو حاله شلونه
بجتل ابيه العده يفجعونه
ااا يكلبه ضل يجر بونينه
┄┉❈❥ًً❀(«🧿»)❀❥❈┉┄
الفكد غالي ما يشوف الراحه
الفركه تكتل للكلب ذباحه
ضجت املاك السمه بنياحه
من عرك للموت وسفه جبينه
┄┉❈❥ًً❀(«🧿»)❀❥❈┉┄
الموت المحتم كرب للغالي
وانهدم سور المدينه العالي
بغيبته دمع المحاجر هالي
رايح المحبوب من ادينه
┄┉❈❥ًً❀(«🧿»)❀❥❈┉┄
يغسله وليده وتبدي البلوه
يشوف اثار الكيود شسوه
وانتهت عشرة العمر الحلوه
انحنه ظهره اااه الله يعينه
┄┉❈❥ًً❀(«🧿»)❀❥❈┉┄
تمت
الشاعره حسينية الهوى
زهراء الحربي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

https://vt.tiktok.com/ZSBvDT1Ks/

طلب القصيدة المراسله معرف البوت 👇👇
@abasltmymybot

قصيده للامام السجاد ع{ختم بالسم حياته}

ختم بالـــسم حياته
تــهد قصـــة وفـاته
مات وحيله مهدود
بس هايـــه امنياته ** ختم بالسم حياته
❥❥❥❥ـــــــــــــ❁❁ـــــــــــــ❥❥❥❥
اول امنـــــــيه مــن بعــد الطفوف
بس الموت صاح لمهجتي ايروف
من ضيم العليه اعـيوني متشوف

سكن هالليله اللحود
مــات وحيله مهدود
بس هايه امـــــنياته ** ختم بالسم حياته
❥❥❥❥ـــــــــــــ❁❁ـــــــــــــ❥❥❥❥
مســـــموم وعليل وگلبه مكسور
بحيله شخله يا هالنـاس عاشور
نام الليـــله ويلي ابوسط الكبور

الجسد بترابه ممدود
مــات وحيله مـهدود
بس هايه امـــــنياته ** ختم بالسم حياته
❥❥❥❥ـــــــــــــ❁❁ـــــــــــــ❥❥❥❥
الجسد بترابه مده وسبـل ايديه
ميت والگــــــــلب مشتاگ ياذيه
اريد اعــــزازي آه يا علي يناديه

الگلب بالفرگه ممرود
مــات وحيله مهدود
بس هاي امـــــنياته ** ختم بالسم حياته
❥❥❥❥ـــــــــــــ❁❁ـــــــــــــ❥❥❥❥
الفرگه يـــاخلـــگ تاخذ تره الحيل
وفوگ الفرگه سموا جسمه النحيل
مايدرون ابـــو باقر عــلــــي اعليل

نــــام وكبره مسدود
مــات وحيله مهدود
بس هاي امـــــنياته ** ختم بالسم حياته
❥❥❥❥ـــــــــــــ❁❁ـــــــــــــ❥❥❥❥
غمض عينـــــه نام وكبره سداه
عمت عين الوكت مانصف وياه
الله ينــــــــــــتقم من الي سماه

بعد لــــديارة ميعود
مــات وحيله مهدود
بس هاي امـــــنياته ** ختم بالسم حياته
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة الى الامام زين العابدين ع


*اليوم الطف   على السجاد حزان*
*عليهه اهله    وعمامه دكو اعلان*



الطف اليوم نصبو فاتحه بيه
وكف عباس عمه يلطم عليه
ابهوسات وعراضه مجلسه احيه
ماينشال يومه هز الاكوان


نصبو فاتحه وحسين موجود
وابو فاضل يعزب كام بالجود
عمتك حاضره والكلب ممرود
تنعه ام عوم لمصابك ينحلان


شالولك  بيارغ  يبن  الحسين
ونت كربله وحزنت الصوبين
يومك يالعليل ايطفي العين
عليك الثام لابس كمر عدنان


نصبوله العزه بين الحضرتين
والسادات اجت كلهه معزين
هذا  الشال  من  الهاشمين
يالمسموم يوكم حزن الدين


علمك من وصل لهلك يمسموم
ونت كل بني هاشم بهل يوم
حسين بكبر صبح حيله مهدوم
للمسموم يبجي بكلب لهفان


خلصت  العمر  تعبان  ياويل
ودمعك مانشف للموت ويسيل
تون  وتنوح  للضلو  مجاتيل
ماعدك اخو امضيع الخوان



لخادمة الحسين ((ع))العلويه ام اياد لايجوز حذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه لامام السجاد عليه السلام .

الها وسعن الميدان
اجتكم فاطمه الزهره

----------1----------

تصيح احوه يامسموم
شايف ذبحة المظلوم
وعلي الاكبر وي جسوم
وعليهم تجذب الحسره

----------2----------

عازنها يا شيعيات
مسموم الشفيه ومات
كومن لطمن الهامات
وقلب الزاجيه نجبره

----------3----------

اجت وتصيح عينوني
الضلع مكسور تدروني
الساجد ودر عيوني
وقلبي عالولد جمره

----------4----------

على السجاد مهظومه
نعاونها المظلومه
عالجبدته مسمومه
ونلطم عالكضه عمره

----------5----------

اويلي وتلطم عالراس
للسجاد والعباس
وابومحمد عظيم الساس
وحسين المنكطع نحره

----------6----------

ياويلي لوتشوفوها
والصرخه تعلوها
عالساجد لاتلموها
تبجي حيل وبعبره

----------7----------

بيت الدعاء

الاهي بجاه والينه
عجل فرج مهدينه
ويتقبل تعازينه
وبالمحشر ويه الحره

-----تمت بعون الله -----
بقلم خادمة الزهراء منى البصراويه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#حصريا 💥💥
#جديد #محرم_2025

لطميه ثگيله لوفاة الإمام السجاد "ع" ، مواساة لمولاتنا الزهراء "ع"


(عازن المظلومه)
🏴🏴💔🏴🏴


عازن المظلومه. عازن المظلومه
بالعابد ويومه. بالعابد ويومه

🏴🏴💔🏴🏴


بالمجلس ام حسين. موجوده تدريها
تبجي وتنوح اوياج. بس ما تشوفيها
عازيها بونينج. والدمعه هليها

للتفجع اعلومه. للتفجع اعلومه
عازن المظلومه. عازن المظلومه

🏴🏴💔🏴🏴



ماجوره يلتبجين. لابن الذبيح اليوم
من بعد ذاك الجور. مات الولي مسموم
لاخر نفس ويصيح. يابويه يا مظلوم

والروح مهدومه. والروح مهدومه
عازن المظلومه. عازن المظلومه
🏴🏴💔🏴🏴



متهدم امن الضيم. والسم مرد جبده
حيله رگد ويلاه. ما حيل ظل عنده
بالموت راد حسين. وحسين شيگعده

مدفون بالحومه. مدفون بالحومه
عازن المظلومه. عازن المظلومه

🏴🏴💔🏴🏴



شيگعدة الموذر. من نومة التربان
ونگله طلعت روح. شبلك علي الوجعان
راح الگظه عمره. لمصابكم حزنان

وانت اكبر اهمومه. وانت اكبر اهمومه
عازن المظلومه. عازن المظلومه

🏴🏴💔🏴🏴



كل عمره ظل مهموم. وينوح لمصابك
ما ناسي من ذبحوك. ونسلبت اثيابك
وگباله من حرگوا. يا سيدي اطنابك

وحيرة المهظومه. وحيرة المهظومه
عازن المظلومه. عازن المظلومه

🏴🏴💔🏴🏴



ماناسي حيرتها. من هدّوا الكفره
حسراته ما تنعد. حسره تجر حسره
واليذكر السجاد. بت النبي اتحضره

بالحشر محتومه. بالحشر محتومه
عازن المظلومه. عازن المظلومه

🏴🏴💔🏴🏴



... تمت بعون الله وفضله 🙏🏻 لخادمة اهل البيت (عليهم السلام) ✍🏻 #الشاعرة_والملة #رِضاب_الاسدي لا اجيز له وغير مبري الذمة من يحذف اسمي او يتلاعب بالكلام وينسب الرثاء له او لشخص اخر، واسألكم الدعاء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية عراقيه للامام السجاد ع


هاليوم الحزن يزداد * وا ويلي على السجاد


والزهره تصيح اليوم * وا ويلي على السجاد
يا شيعه انقتل مسموم * وا ويلي على السجاد
عاش و ارتحل مظلوم * وا ويلي على السجاد
راح و يتم الأولاد


وصاحت عترة الأطهار * وا ويلي على السجاد
و بجسمه بقت آثار * وا ويلي على السجاد
من ضرب العده تذكار * وا ويلي على السجاد
وحاطوه ابحسد وأحقاد


والباقر دليله ذاب * وا ويلي على السجاد
بيده يحفر الاتراب * وا ويلي على السجاد
نحّل جسمه هالإمصاب * وا ويلي على السجاد
وينعى سيد الأسياد


وامصابه يشيب الراس * وا ويلي على السجاد
و ابچوا وبحزن يا ناس * وا ويلي على السجاد
ويلي خلّص الأنفاس * وا ويلي على السجاد
وقتلوا خيرة العُبّاد


طلعت عيلته ايصيحون * وا ويلي على السجاد
وأحبابه ابتدوا ينعون * وا ويلي على السجاد
والشيعه اجوا ايعزون * وا ويلي على السجاد
وفگده ذوّب الأفاد


الشاعرة الملاية زينب المؤيد
تمت بحمد الله تعالى
*ونسألكم الدعاء لتعجيل الظهور*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#للسجاد
#رداديه

*واويلي على المسموم *
*واويلي على المسموم *

زينب تنحب بعبره.. واويلي على المسموم
لحكي يمه يازهره .. واويلي على المسموم
خلص بالحزن عمره ..واويلي على المسموم
*وكضه هالعمر مالوم *

●✹●✹●✹●✹●

مسموم ويون وينوح .. واويلي على المسموم
خلص عمره بس جروح.. واويلي على المسموم
لاجله هالدمع مسفوح .. واويلي على المسموم
*صفاله بس قهر وهموم *

●✹●✹●✹●✹●

دمعته بعينه هماله .. واويلي على المسموم
جَمّع صحبه وعياله.. واويلي على المسموم
نزل جبريل ينعاله .. واويلي على المسموم
*نحيل وحيله هم مهدوم*

●✹●✹●✹●✹●

ماينسى ابد الحسين .. واويلي على المسموم
دم وتهل منه العين ..واويلي على المسموم
من شاف ابد ماله معين .. واويلي على المسموم
*صاح بحزن يامظلوم *

●✹●✹●✹●✹●

دمعه ع الوجن يسجب .. واويلي على المسموم
ينوح لوالده ويندب.. واويلي على المسموم
كلبه بلوعه متعذب .. واويلي على المسموم
*تاليها بغدر مسموم *

●✹●✹●✹●✹●

اتعذب باليسر حيله ..واويلي على المسموم
مانايم ابد ليله ..واويلي على المسموم
ينوح ومدمعه يسيله .. واويلي على المسموم
*كلبه من الحزن ملجوم *

●✹●✹●✹●✹●

تمت بحمد الله

✍🏻آلــــّ؏ــلّويِـــــه آلّمٌوسويِــــۿ
❌لاإجيــــز حذف الأسم❌


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده ثكيله
لسان حال الامام السجاد عليه السلام
〰️〰️〰️〰️〰️〰️〰️〰️〰️
برض الغاضريـــــــــه. عفت اهل الحمــيــــــه
ااه يفراك العـــــــــزاز. اوجر حيل بيــــــــــــه
〰️〰️〰️〰️〰️〰️〰️〰️〰️

اه يفراك العـــــــــــزاز. هد حيلي وكضانــــــي
وبسهام الغدر لـــــیش . صد دهري رمانـــــــي
بعد شتريد منــــــــــي. خايب يازمانـــــــــــــي

مني راحو اسبـــــــاع. عفتهم نومه عالكــاع
دفنت اهلي سويـــــــه. برض الغاضريـــــــــه

〰️〰️〰️〰️〰️〰️〰️〰️〰️
عفت اهلي امنوميــــــن. وانه امشيت لشـــام
عمتي زينب ويــــــــــاي. والاطفال وايتـــــام
وروس اهلي على ارماح. تمشي اکبالي جـــدام

يمشي ويه الضعينــــــه. الراس الكاطعينـــــه
وجسمه اعله الوطيـــــه. برض الغاضريـــــــه
〰️〰️〰️〰️〰️〰️〰️〰️〰️
مشينه ادروب الابعـــــاد. من غصبا مشينـــــــه
سبايه والسلاســــــــــــل. مطبوعه بدينــــــــــه
وعمتي اعله البكو غــــاد. مهضومه وحزينــــــه

تبجي اعله المرحليـــــن. العباس وحسيــــــــــن
عافتهم رميــــــــــــــــــه. برض الغاضريــــــــــه
〰️〰️〰️〰️〰️〰️〰️〰️〰️
سبایه رحنه عالنـــــــوك. خذونه الغير بلـــــــدان
مكلوف بحرايـــــــــــــم. وانه الحيل ركـــــــدان
كضاني وهدم الحيــــــل يوم المات عطشـــــان

دم ادموعي اتسيـــــــــل. اعله الداسته الخيــــل
ماضاك الميـــــــــــــــــــه. برض الغاضريـــــــــــه
〰️〰️〰️〰️〰️〰️〰️〰️〰️
يوم احسين جتـــــــــــال بالكوه حملتــــــــــــــه
وموذر على الكــــــــــــاع اوصال اوصال جثتــه
لملمته بحصيـــــــــــــــره. يوم الي دفنتــــــــــــه

لسه جرحه ماطــــــــــاب. وناره بكلبي عطــــــاب
دهري خان بيــــــــــــــه. برض الغاضريــــــــــــه

〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي للسجاد ع
***
يادمعه الأريد أبجيهه للسجاد
لجبده المنفطر بسمومهم ذاب
لو لوعة مصايب كربله والشام
شخلت بالكلب يانبله يا نشاب
وعيونه البجت لحسين جم عام
من كد البجي حته الرمش شاب
عالمفارك هله وصارلهم الدفان
ولعمته الغريبه امصوب صواب
جروحه بالكبر مدفونه وياه
وبكبره غريب وماله احباب
حسره إزيارته تجوي بالكلوب
كبره المنهدم مابيه ابواب
ماعنده صحن لاكبه لازوار
ولادمعة حزن تسجد عالاعتاب
لاناعي الوصل ينعاه لا صوت
بس نوح الحمام الينعه المصاب
هذا ابن الذبيح بكربله حسين
جرحه عالأبو الينزف فلا طاب
جم منبر بنه بالكوفه والشام
وعله اعواد المنابر يفضح الاوغاد

إلك جم سوط بمتونك علامه
وتبقه الجامعه بنحرك علامه
يسمك ليش هالطاغي علامه
عكب ضيم ومصاب الغاضريه

أنشدك ياكلب جرحك دواوين
تموت وتبقه لجماتك دواوين
حسافه عمتك طبت دواوين
ويحز الكيد بمتوني وإديه

اجاني الموت بويه حسين بس مر
جرعت مصابك بهالروح بس مر
بضلع واحد شفت يابويه بسمار
وأنه ضلوعك ألمهه من الوطيه
****
أم علي الكاظمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي للأمام زين العابدين عليه السلام


وين الذي يكطع البيده
وياخذ اخطوط العتب بيده
ويتعنه للحزوا وريده
ويگله العده سموا اوليده


يگله العده سموا الوجعان
وين الذي يعتني العطشان
كافور خل يجيب واچفان
لبنه الخلص عمره بالاحزان


عمره خلص شوغات واهموم
ايصيح يابويه يمظلوم
ويصيح ياعمي يجيدوم
انمرد گلبه ومات مسموم


ممرود گلبه ومن امس مات
ضلن حزانه الفاطميات
خل نون يستاهل الونات
امتونه ماطابن عليلات


امتونه ماطابت هزيله
والسلسله كلش ثجيله
ومهدوم من اليسر حيله
وسم العدو گطع دليله


بالسم حسافه انمرد چبده
وابعاد اخوته ومات وحده
بيمن ابو فاضل يوسده
وعالمشرعه مگطوع زنده


عالمشرعه العباس چفه
وحالة علي السجاد كلفه
غسله الباقر من توفه
مارد بعد ماي وتچفه


مارجع المات شيرجعه
راح الگبل بالدار شمعه
وصبح الباقر يهل دمعه
ويگول صوتك وين اسمعه



✍شاعرة اهل البيت
ام ريام دخيل الركابي
غير مبري الذمه من يمسح اسم الشاعرة او ينسب الرثاء لشخص اخر


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

🚫اصدار جديد 🔥

قصيده ثكيله للسجاد

➖➖➖

أرحم بحالتي ... كطعت مهجتي
مالي حيل الألم ..گلبي بيه چم سهم
أرحم بحالتي

~~~~

أسمع ينادي العليل بهالمسيه
گلبي مايحمل آلم شلكم عليه
بعده لسه يلوج من الغاضريه
اليوم بالسم فطرو جبدي الدعيه
اسمع لغصته
وأنحب الهضمته

أبدي من ياهضم
گلبي بي چم سهم

أرحم بحالتي

~~~~

أبتدي من الطفوف ومن خيمنه
من وگع عمي وگع يمه علمنه
ليه گصدن للنهر زينب و سكنه
محني يم عباس أبوي يون لگنه
الشمس يم الگمر
خيمن عالنهر

يگله حيلي نهدم
گلبي بيه چم سهم

أرحم بحالتي

~~~~

كظو كل اهلي وعمامي وحتى الاكبر
مات حيله الغالي ضل كوه يتعثر
من عمت عيني عليه وحده وتحير
وطاح ابوي استوحدو كطعو المنحر

خيلهم سحكته .. رضرو جثته
صاحي ماضل عظم
كلبي بي جم سهم

أرحم بحالتي

~~~~
سحكو حسين وجثثهم سلبوها
هجمو على خيامي كلها فرهدوها
شبو النيران بيها وحركوها
بالسياط اطفالنه ويلي ضربوها

من المرض ماكمت
عيالي مادورت

فرت من الخيم
گلبي بي جم سهم
أرحم بحالتي

~~~~

من حده الحادي بضعنه ويسرونه
والعيال بنوك هزله ركبونه
حبال خشنه وبالسلاسل چتفونه
علعلونه وتعبونه مارعونه

ودعينه الاهل .. أحنه فوك الهزل

ودعينه بألم
كلبي بي جم سهم

أرحم بحالتي

~~~~
من وصلنه الشام وكفونه على بابه
تشمتو بحسين سلطان النجابه
كعدونه فوك كل همنه بخرابه
والأشد والزاد لگليبي مصابه

سمعوو للحرم .. بالمجالس شتم

وگفن بين الزلم
گلبي بي چم سهم

أرحم بحالتي

~~~~
بعد كل هذا المصاب الي جرالي
بيك ياسم نمرد هاليوم حالي
گطعت چبدي ودنت منك أجالي
لاكن أهون يومي من يوم الغوالي

يومهم للأبد .. مايمر مايرد
حسين يومه ألم
گلبي بي چم سهم

أرحم بحالتي

~~~~

گربت أجالي وحيد بدفني ابني
لسه من طرف كربله قيد عله متني
بويه يومك أشد من سم الكتلني
خنصرك من دوريته زاد وني

ضال بلا دفن .. لاغسل لاچفن

مطبرينه الجسم
گلبي بي چم سهم

أرحم بحالتي

➖➖➖➖➖➖➖➖➖➖
تمت بفضل الله وعونه بقلم العلويه خادمة الامام الحسين عليه السلام 📝✍️ أم علي الموسوي غير مبري الذمه من يحذف الاسم او ينسبها له

https://tttttt.me/joinchat/AAAAAELdvGssZMurwfLsJA