#الطميه_بديوان_بحر_الولاء_الجزء_٢_.


لطميه لأولاد مسلم عليهم السلام


واعدني الكفيل او مادره ابحالي
بلهيمه ادور ضايعه اطفالي
❥━──➸➽❥💔❥━──➸➽❥💔
ضاعو ما دريت اليا كتر راحو
اخافنهم عليه بلدرب صاحو
ما يدري الكفيل اببزرتي ضاعو
مدري ابچي عليهم لو على الوالي
❥━──➸➽❥💔❥━──➸➽❥💔
ضيعت الجهال او مادره بيه
يوم اخيول اميه داجت عليه
حرگو خيمتي او ضاعوا لعصريه
عدواني كفر ما رحمو ابحالي
❥━──➸➽❥💔❥━──➸➽❥💔
ضاعو بزرتي او عباس ما يدري
علتربان اخوتي او ضايعه الوحدي
ضيعت الجهال او ضيعت خدري
من بعد الدلال او خدري العالي
❥━──➸➽❥💔❥━──➸➽❥💔
ضاعو بزرتي او ما نهض ورادي
حرمه اوحايره وانشد ابهلوادي
اگعد يا كفيلي او دوّر اولادي
من كثر المصايب تيهت بالي
❥━──➸➽❥💔❥━──➸➽❥💔
ظيعت البزر من حرگو اخيامي
اگعد يا كفيلي او دوّر ايتامي
حرمه امحيره او ماگعدو ازلامي
كون الموت اخذني اوياهم اشوالي
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصیده ثگیله اولاد مسلم {{طرت البر}}


حرگوهه الخیم والنار تسعر ـــ وینک یبوالاکبر
وایتام الهواشم ترسوا البر ـــ وینک یبوالاکبر

                 النار اتکض عبینه 
                  ما تلحگ علینه

ویتام الهواشم ترسوا البر ـــ وینک یبوالاکبر

ـــــــــــــ🏴🏴🏴ـــــــــــــ

زلمهم من اجت فزاعه لینه
طشار اعله گاع الله غدینه
یبن امي  انتعثر من عبینه

وجت نار الاخیام 
وفرت مني الایتام

ضلت بالخلی یاخویه تفتر ـــ وینک یبوالاکبر

ـــــــــــــ🏴🏴🏴ـــــــــــــ

مشدوه ابعباتي کضت النار
صهیل الخیل تلوهني من الزغار
حیلي والخدر وایتامي طشار

واحشمنک یالحسین 
المسلم ظاعوا اثنین

من ظیم الفاني گلبي منطر ـــ وینک یبو الاکبر 

ـــــــــــــ🏴🏴🏴ـــــــــــــ

اشلون ابحال المضیع طریجه 
مایعرف عدوه من صدیجه 
ماني عایزه اجروحي غمیجه

وین انشد علیهم 
منو یدلیني بیهم

گضاني الهم بعد یاخویه شصبر ـــ وینک یبو الاکبر

ـــــــــــــ🏴🏴🏴ـــــــــــــ

گضاني الهم یخویه وحیلي نهلان 
وین اتروح حرمه ابلایه ولیان 
ادور ابلیل ما تنهض یعطشان 

حرمه ابلایه والي 
بس الهم صفالي

اجدامي امحرگه الله واکبر ـــ وینک یبو الاکبر

ـــــــــــــ🏴🏴🏴ـــــــــــــ


بجدم حافي ادور وانشد ابلیل
هلبت شافت اعیونک مدالیل 
فروا مني خویه ابهجمت الخیل 

شاغت مني الروح 
ماني عایزه اجروح

یخویه عالبعد صدگني مگدر ـــ وینک یبوالاکبر 

ـــــــــــــ🏴🏴🏴ـــــــــــــ
تمت بعون الله تعالی
کلمات یاسمین الشموسي
نسالکم الدعاء للفرج عن اخي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هوسات حول اولاد مسلم




ادور والولد شو ضايعه اخباره
ادور بس عليهم حيل محتاره
وروحي فاكده وما عدها كل جاره

كلت انده خوال ابني واكللهم
وكفه وياي اريد اليوم من عدهم
هم يدرون من ضايع امدللهم

اتحشم بيهم//والهم كاضيهه



ضاعو ولد اثنين حيل ازغار
وكلب عمة ولدكم دوت بيه النار
غربه وخايفه ما ترحم الكفار

وانه امشي ودور واعثر انوبه
وتدروني عليكم والله متعوبه
ضيعت الولد ومضيعه ادروبه

انشد ماشفتو//طاهر وعيونه



انشد والدروب وياهم بعيده
وطاهر ويه خيه انوب شيعيده
مضيعته الوليد وروحي اتريده

هناه يا يمه اصيح وما يحاجيني
وبالله اشلون جا ياهو اليوديني
صوب ابني اشوفه وكل ضوه عيني

اكعد يوليدي//ويا شوف عيوني




تكعد لامك وخليهه يمه اتنام
ومشتاكه يغالي والكلب محتام
الفاكدله اثنين اشلون هم يلام

ما يلام لو يبجي عليهم دوم
هوه الضيعاهم هم يشوف النوم
لو محزون يبقه وكلبه كله اهموم

الفارك بزره//ينهد كل حيله



يهد الحيل كل من فاكد الغالي
وانه اثنين مني وشايل الوالي
الدنيه اشلون بيهه شلت احوالي

خلتني اون والعين اجريهه
وروحي مضيعه غالي وما اجه ليهه
وتنوح اخلافهم شنهي اليظل بيهه

الروح عليهم/كلش مهدوده


لخادمة الزهراء العلويه ام جعفر
غير مبري الذمه من يحذف الاسم وياخذ الكلام وينسبه له م

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه لأولاد مسلم عليهم السلام( جمرت مداليلي )


تسعر حيل يا جمرت مداليلي
مشو عني اليتامه وأنهدم حيلي
❥━──➸➽❥💔❥━──➸➽❥💔
تسعر ما طفرت بالگلب جمرتهم
وأتهدم عليهم حيل عمتهم
حلوين المعاني وهاي فرگتهم
خلتني نحيله وصحت يا ويلي
❥━──➸➽❥💔❥━──➸➽❥💔
خلتني نحيله فرگة أولادي
مشو من المخيم عني بالوادي
جمرتهم سعيره أو تحرگ أفادي
بعد ماضن عليه طاهر أيجيلي
❥━──➸➽❥💔❥━──➸➽❥💔
شيرد اليتامه وعمهم أبدمه
عالتربان نايم والعده لمه
أدورهم وأصيحن وين يا يمه
گضيته بس أدور بالدمع ليلي
❥━──➸➽❥💔❥━──➸➽❥💔
أمضيعين الدرب والليل هلجاني
زماني أعليهم أبهاليوم بچاني
والعباس أخوي أشلون خلاني
گوم أنهض لخيتك صحت يكفيلي
❥━──➸➽❥💔❥━──➸➽❥💔
گوم أنهض لخيتك شوف حالتهه
مصايب عاشر أبعاشور هدتهه
بالحومه حميده أمضيّعه أخوتهه
ومن سوط الرجس عباس تشكيلي
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الأثنين / ٢٦ من شهر ذي الحجة
الموافق / ٢٠٢٥/٦/٢٣

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

بعد ما ننشر ماكو تفاعل ومشاركات 😡😡

ختامية لاولاد مسلم(ع)

❥❥ـــــــــــــ❁❂❁❂❁❂❁ـــــــــــــ❥❥

عالتربان نومة اخوتي چا ياهو الاحشمنة
مطهر راح من ايدي گولو اشلون اجيبنة
وصلاني الخبر مذبوح مارحمو زغر سنة
اريد اليوم ادگ عالراس بس حيلي خلص چنة
راح الحيل ماظل حيل اموتن من اجر ونة
اريدن لطمة شيعيات والميدان وسعنة
*الحرة اتريد… لطمة اعلة الزغيرون*

عينوها العقيلة ودگو المتون
فجعوها العدة واتهل العيون
ماظلت زلم والها يفزعون
اهلها عالترب نومة يونون
ماگاموا على مطهر يدورون
ظلت حايرة واتنوح يم عون
مابين الاعادي واليشمتون
وخولي وحرملة بيها يضربون
زينب رايدة وياها تبچون
اتعازوها وعلى الهامة تلطمون
الطمو حيل ونو ولاتقصرون
مهظومة العقيلة وانتو تدرون
*((اعزيز الرايح منهة//خل انواسيهة))*
*((نعليهة//والونة وياهة))*
❥❥ـــــــــــــ❁❂❁❂❁❂❁ـــــــــــــ❥❥
*بقلم✍خادمة تراب الزهراء(ع) الكربلائية فاطمة علي الحلفي*
*واسألكم الدعاء والفاتحة لروح جدي وامواتكم ودعواكم لي بالنجاح والموفقية*
*غير برئ الذمة امام الله والزهراء من يحذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية عراقية للعباس ع


یالطايح اعله المشرعه * عباس وين الرايه


جيتك اكفكف دمعتي
يا حيره توصل حيرتي
راحوا مة ايدي اخوتي
جيتك للامسنايه


هالكون عالراسي انهدم
واگعد يشيال العلم
شمسوي بالعين السهم
حالك فجعني اهوايه


وشمسويه بيك المشرعه
ليش الچفوف امگطعه
واونين أمي تسمعه
ونصبت لك الاقرايه


شيردني حگ أم الخدر
لو تدري عالشط منطبر
مثلي ظهرها ينكسر
بيها اطمعت اعدايه


واشگد عليك اتألمت
حسيت من شفتك متت
وياك چني اتگطعت
واتعثر بممشايه


الشاعرة_الملاية_زينب_المؤيد
تمت بحمد الله تعالى
*ونسألكم الدعاء لتعجيل الظهور*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

، {{{قصيدة للامام العباس عليه السلام}}}

⊱━━━━⊰✾⊱━━━━⊰

برز عباس والرايه على متونه

جيوش يزيد ماگدرو يردونه

⊱━━━━⊰✾⊱━━━━⊰

برز عباس والرايه على جتافه

جيش يزيد ماحسب ولاخافه

عسكرهم جمد يبسهن شفافه

زلزال الحرب كلهم يخافونه

⊱━━━━⊰✾⊱━━━━⊰

طبهه المعركه والسيف يحلاله

هيبه ومرجله ومحد تدناله

صال بصولته وطشر الخياله

تتجادح غضب لوصدهم عيونه

⊱━━━━⊰✾⊱━━━━⊰

تتجادح غضب لوصدهم بعينه

يلوگ السيف والرايه على يمينه

گال الماي اجيبنه لبوسكينه

اجيب الماي وشحدهم يمنعونه

⊱━━━━⊰✾⊱━━━━⊰

شحده الي يگول الماي امنعنه

طلبته العقيله وكون اجيبنه

لبنات حسين رقيه وسكنه

اجيب الماي لعيالي يشربونه

⊱━━━━⊰✾⊱━━━━⊰

دخلهه المشرعه المهيوب وبزوده

جدامه طردهم شمر وجنوده

طب العلگمي منه ترس جوده

ملاهه جربته وهمه ينضرونه

⊱━━━━⊰✾⊱━━━━⊰

صاح اعله الشمر فنك تلاگيني

ساحه موغدر لاويهه جفيني

وين البيه مراجل خل يلاويني

حگهم و ابن حيدر ماتعرفونه

⊱━━━━⊰✾⊱━━━━⊰

✍#
تــمت بعــون اللــہ
تعالى بقلمي المتواضع خادمة
اهل البيت ام صادق ونسالكم
الدعاء❌غیرمبری الذمه الیحذف الاسم او یغیره❌

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه او مربوعه حول ابا الفضل



عضيدك وين.  يا مهيوب حاجيني

وصوب العلكمي. بالله توديني




جاوين الكفيل وليش ماجبته
اظن فوك الشريعه الحيد ضيعته
مهظومه وتون اليوم حيل اخته
وتكول الكفلني لا يخليني



عضيدك طاح وسفه ومارجع لينه
مكسور الضهر من ردابو سكينه
وظل يم نهر عباس والينه
وانه عليه ابد مابطل ونيني



ليش وحيدتك رديت من عده
جاوين الكفلني وجايه بسده
اروح وياك صوبه وبلكت انرده
وخلافه بعد ياهو اليحاميني



يخط بجدامه اخوي وحالته حاله
وراجع عالخيم والخيل تبراله
وما جاب العلم مفكود شياله
ومن شفته يون كلش ياذيني



شفته مكدر وبس يجر وناته
مفرع رأسه خوي ويجري دمعاته
صاح بصوت طلعن كل اخياته
بعد شال الكفيل وشمعة اسنيني



لخادمة الزهراء. العلويه ام جعفر
غير مبري الذمه من يحذف الاسم وياخذ الكلام وينسبه له


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للعباس ع

صحت اكعد ياكفيل اظعوني
ليش ترضاها الغرب يحدوني
*•──≪᯽≫──•*
ليش ترضاها يسبع الكنطره
الشمر يحديني وانه مخدره
وبالكلب احزان روحي امرمره
بالحبال  الخشنه  ايكيدوني
*•──≪᯽≫──•*
ليش ترضاها يبو فاضل الي
باليسر وجناب تنظر محملي
كوم انهض لينه ياغيرت علي
موش عينك صوبوها عيوني
*•──≪᯽≫──•*
اعثر بهدمي  كلساع واطيح
اتحيرت عيني الك لو للذبيح
لو شمر بعيالي كلساعه يصبح
وسوطه مطبوع اثر بمتوني
*•──≪᯽≫──•*
خويه يعباس فز من نومتك
انظر الزينب حزينه اخيتك
ماجرت بالكون مثل امصيبتك
وين كافل ظعنج ينشدوني
*•──≪᯽≫──•*
ريت ياخويه النهر جف مايه
ولا اشوفك  فوك  المسنايه
ولححي بكلبي يخويه اهوايه
ترضه شمر وحرمله يسبوني
*•──≪᯽≫──•*

✍🏻الشاعره مريم العبوديه اسيرة الاحزان


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هوسات خاصه لرايه ابا الفضل العباس


لك رايات ترهب بلميادين

سلمها الرايه بيدك حسين
شو جنها رايه علي بيوم صفين

(رفه رايه ولكل يشهد)

〰️〰️〰️〰️〰️
بيوم الموزمه رفت لك رايه

بيها جكد سولاف بيها جم غايه
يلعباس مكتوبه لك هايه

(شالها الرايه بيده)

〰️〰️〰️〰️〰️

كل البخت ببها رايه العباس

عنوان وقضيه ترف بين الناس

شالها الكفل ولا لحضه دنك راس

(عالها الرايه بجفه)
〰️〰️〰️〰️〰️〰️

بلكعدات لك رايه وبخت وشهود

محلوله القضيه وبيها حض ووعود
اذ شدو الرايه الزعل عيب يعود

(محلوله الصعبه برايه)

〰️〰️〰️〰️〰️

ترفرف رايتك بلكبه شفناها
مطبوعه المحنه احنه عرفنها

اسم حسين جنه بي نقراها

(الرايه ترحب لضيوفه)


✍🏻 بقلمي الفقير خادمه البتول المله ولشاعره ام نادين المحمداويه ملكه الحسجه الجنوبيه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

🔥 اصدار حصري وجديد هوسات طلب حاجه للعباس عليه السلام من ديوان زينب بالطفوف الجزء التاسع عشر


الحاجه من تجي يمك يبو الغيره ندري الحاجه مكضيه

لن اربات حيد و زين وراضع حليب امك البدويه

كل الناس تتعنالك عنايه لن صاحب شهامه وبيك حنيه

اجيت اليوم يا عباس احلفك بالعزيزه المشت مسبيه

ما خاب الندب باسمك وصاح شصاح صاح يا عباس يا عباس يا عباس

معروف الكرم عدكم وانتم اهل للعزوبيه

هاها
(تكرم يالعباس//وحاشه ترد خطارك)

(من زوده//الكافل يكرم)

➖➖➖🔥➖➖➖
لو ضاكت الدنيا بيك اكصد صاحب الرايه

كله اليوم يا عباس جيت لبابك عنايه

اشكي الحال يمه روح ما يقصر غيور وبيه الكفايه

الغيره مفصله عليه تشهد المسنايه

(يم باب الغيره//اكصد وتعنه)

➖➖➖🔥➖➖➖
مهضومه حيرانه وجيت يا عباس بابك ما يرد خطار

دمعتي تارسه عيوني كصدتك يبن حامي الجار

اشكيلك هضم كلبي واخبرك بالجره والصار

انت التكضي الكلفات عنك وصلت الاخبار( والنعم)

( موصفينه// بابك للكلفه)

( يمك محلوله// الحاجه التصعب)

( من جف الهيبه//تنول امراد بسرعه)


تمت✍️ الشاعره والمله ام حسين العامري

غير مبري الذمه من يحذف اويغير اويتلاعب بالكلمات او يحذف اسم الشاعره وينسب الكلام له


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه لشجاعه العباس عليه السلام 🔥🤚#حماسيه


اشرد ياشمر عباس بالحومه
هذا ابن علي الشايعه اعلومه
ــــــــــــــــــــــــــــــــــــــــــــــــــ
اشرد ياشمر عباس اجه ليكم
هذا ابن السباع اليوم ينفيكم
الليله ابو الفضل طشر معانيكم

(ينفي الطف بكبره/هذا ابن الهيبه)
ــــــــــــــــــــــــــــــــــــــــــــــــــ
مصيبه من دخل عباس سواها
علاها الجثث اليوم علاها
ياروس العده بالسما خلاها

(بالحومه طشرها الروس)
ــــــــــــــــــــــــــــــــــــــــــــــــــ
صايل على العده عباس ياهيبه
لو طار العدو ابسيفه ويجيبه
هذا ابن اليهابه والنجيبه

(تربات القاده ابن البدويه)
ــــــــــــــــــــــــــــــــــــــــــــــــــ
هاي الربته حره وشريفه
لأجل حسين ربته العفيفه
لهذا اليوم جابته المنيفه

(جابته لهاي الليله)
ــــــــــــــــــــــــــــــــــــــــــــــــــ
البدويه ترا الربته معروفه
يهاي بالكرم يادوم موصوفه
خليتي الشهم ايضحي بجفوفه

(بجفوفه ضحه وليدج)
ــــــــــــــــــــــــــــــــــــــــــــــــــ
بقلم الشاعره والمصممه رتاج الحسينيه ✍️
لا أجيز حذف اسمي أو نسب القصيده ل اي احد

خصيمه ابا الفضل العباس 🤚🤚

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للعباس ع {يموت الشمر}

ابو فاضل سبع رجف العياله
يموت الشمر من عباس وخياله
❥❥❥❥ـــــــــــــ❁❁ـــــــــــــ❥❥❥
يموت الشمر من عباس المچنه
يضل يرجف لون اعيونه خزرنه
ايصيح اعله العده ماريد اگبلنه

{مرعوبه// يا زلم اعداهم}
❥❥❥❥ـــــــــــــ❁❁ـــــــــــــ❥❥❥
مرعوبين من طاريه وافعاله
خزرته وضربته ايعرفوها چتاله
يقاتل حته ياخذ ماي لعياله

{يدرونه// عباس ايقاتل}
❥❥❥❥ـــــــــــــ❁❁ـــــــــــــ❥❥❥
يدرونه بطل محد وصله حده
هد الجيش هد بس سيفه اليرده
واحدهم تره كل غيره ماعنده

{كل غيره // ماعدهم كلهم}
❥❥❥❥ـــــــــــــ❁❁ـــــــــــــ❥❥❥
ماعدهم حميه وغيره ونخوه
طب العلگمي العباس بلگوه
صاح اليوم الا احسين يتروه

{بجفوفي // اخذله ويشرب}
❥❥❥❥ـــــــــــــ❁❁ـــــــــــــ❥❥❥
بجفوفي اشرب احسين الاميه
انه العباس انه ها يا بني اميه
حشموني اجيب الماي بيديه

{من اعيوني // اسگي العطشان}
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
من ديوان موعد المآتم ج2

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*قصيدة للامام العباس عليه السلام(يخال ابني)*
#من_ديوان_عبرات_وانين_ج٨_خاص_بالعباس_عليه_السلام
❥━──➸➽❥❂❥━──➸➽❥❂
والله تموت الفرگه يخال ابني
غيابك ياعزيز الروح شيبني
❥━──➸➽❥❂❥━──➸➽❥❂
متعوده عليك ودومك گبالي
تفارگني ابد ماچانت ابالي
عمت عين الزمان المارحم حالي
من ايدي رحت والبين صوبني
❥━──➸➽❥❂❥━──➸➽❥❂
شنسه ايام عشناهه شكثر حلوه
وجودك چان بالدنيه الي سلوه
من عندي خذاك الموت بالگوه
وخلاني عليك انحب وعذبني
❥━──➸➽❥❂❥━──➸➽❥❂
عليك النوح يحله ولايگه الونه
ولا جسمك عله التربان اشوفنه
بعد الصبر گلي منين اجيبنه
صبر منين اجيبن دهري دولبني
❥━──➸➽❥❂❥━──➸➽❥❂
صبر منين اجيبه واصبر شويه
وانه خلاف عينك حيل ما بيه
انه ام الخدر بجفاك مسبيه
ترضه اشلون عدوانك تشتمني
❥━──➸➽❥❂❥━──➸➽❥❂
ترضه شلون عدوانك يشتموني
يأذوني وعله متوني يضربوني
وانه مخدرة حيدر تعرفوني
اصيح بصوت شيريد الدهر مني
❥━──➸➽❥❂❥━──➸➽❥❂
شيريد الدهر كل يوم ياذيني
خذاك بساع مني يابعد عيني
بعد مدري الدهر ناوي شيراويني
يفجعني ويهد حيلي ويصوبني
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

موشح حصريا
للعباس علي عليه السلام لسان حال مولاتي زينب ع
〰️〰️〰️〰️〰️〰️〰️〰️〰️

ليش ياعباس طايح عالفــــــــرات
ووين جفينك يخويه مشمــــــرات

༺༺༺༺༺༻༻༻༻༻༻

وين ذرعانك يخويه بياكتـــــــــــر
اعليك يالعباس دلاني انفطـــــــــر
خويه ضهر احسين هالساع انكسر

وين من بعدك تهج المــــــــــــدللات

༺༺༺༺༺༻༻༻༻༻༻

وين من بعدك تروح العيلـــــــــــــه
والحمل لو طاح ياهو يشيلــــــــــه
يبن ابوي اعليك روحي انحيلــــــه

والحرم كلهن عليك مكـــــــــــدرات

༺༺༺༺༺༻༻༻༻༻༻

وين دليني الدرع والجربه ويـــــــن
كوم مو كلبي انشلع من الونيـــــــن
اشلون عفته وحده اليوم الحسيــن

والخيم بنار خويه مسعـــــــــــــرات

༺༺༺༺༺༻༻༻༻༻༻

كوم اكعد هايبعد عيوني هــــــــــاي
اسكينه منتضره تجي وبجربه مـاي
يبو فاضل لاتخيبلي رجـــــــــــــــاي

من العطش سكنه شفاها مذبـــلات
༺༺༺༺༺༻༻༻༻༻༻

كوم رد اعله الخيم ياكافـــــــــــــلي
لاتشمت خويه بيه عـــــــــــــــــاذلي
من يعدل الي باجر محمـــــــــــــــلي

واحنه اعله النوگ کلنه ميســــرات
༺༺༺༺༺༻༻༻༻༻༻

بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لايك متابعه ( بالتكتوك ) راح انزل قصائد روعه👆👆

ليلة العباس عليه السلام

أليوم يوم العباس وتبين اللطامة
وين اليطبر عالراس خلي يحظر القامة
………………
بمجلسه شيلو الراية.. حياهم الوفاية
كون الجزع بالسابع.. وللكافل ندگ ثاية

اليوم يوم الظحة بچفوف وعين
اليوم يوم ألي كسر ظهر حسين
زينب تنوح من الخيم عالعباس
ومن البواچي كربلة صارت طين

ويلي شكثر بچة حسين أه ياعمود الهامة
وين اليطبر عالراس خلي يحظر القامة
…………………
اليوم يوم وداعة …خل تلطم الجزاعة
مامش وقار وهيبة.. ماتكفي لطمة ساعة

من اللطم ياكون ماتبقة صدور
من الخيم بالسابع يموت النور
يم العرش من طاح صارت عزيات
وبالجنة گامت تلطم اعليه الحور

وحسين جر گلبي وياه من جر عمود خيامة
وين اليطبر عالراس خلي يحظر القامة
………………
يابعد هاية وهاية.. يم الفرات وماية
طاح الگمر ياويلي .. موذر عالمسناية

رد الحسين وصار بالخيمة أصياح
وگلهة يزينب كافل أضعونچ راح
عالوجه لطمن كلهن العلويات
وحسين وي الخيمة من طاحت طاح

اليوم اللطم للعباس وين اليشد احزامة
وين اليطبر عالراس خلي يحظر القامة
…………………
ماينسي معروفة... للخوة منطي چفوفة
شسوة السهم بعيونة.. مطفية لو مخسوفة

گبل الحسين الگمر مايشرب ماي
وميگلة خوية أيصيحلة يامولاي
يتبدة منة الوفة مثل الشلال
طاح وخواتة ظلن بلايا أڤياي

من جسمة لومن العين ياهو اليطلع أسهامة
وين اليطبر عالراس خلي يحظر القامة
………………………
كل عاشگ وقانونة… وكلمن يبين جنونة
الخاطر عيون الكافل.. خل يلطم اعلة أعيونة

لا مايهمنة شتحچي وتگول الناس
اليسأل مطين ليش ودگ عالراس
گلة بدموعك طاحت الخوة اليوم
اليوم يوم الغيرة يوم العباس

ياأم البنين أترجاچ حسبيني من خدامة
وين اليطبر عالراس خلي يحظر القامة
**
✍::️حسين حمدان الدلفي


https://telegram.me/aabas78
قصائد لكل ايام محرم اشترك بالقناة

لطميه للأمام العباس عليه السلام( يم المشرعه )


يم المشرعه صنگر الحربيه
مگطوع الچفوف وعينه معميه
❥━──➸➽❥💔❥━──➸➽❥💔
يم المشرعه متصوب أبعينه
وما يگعد يجيب الماي لسكينه
طاحت رايته الكافل وچفينه
أتعاين عالدرب ضلت الحوريه
❥━──➸➽❥💔❥━──➸➽❥💔
أتعاين عالدرب والگلب لازمته
أتصيح أتأخر العباس عن أخته
وبس حسين يمشي أنحيل شافته
وجهه اليوم متغيره معانيه
❥━──➸➽❥💔❥━──➸➽❥💔
من عباس جاب حسينهه الرايه
بيده أتشوف يا ويلي أمدمايه
گلهه كافلچ ما رجع ويايه
عفته أعلى النهر سبع الشجاعيه
❥━──➸➽❥💔❥━──➸➽❥💔
يم المشرعه يم الخدر عفته
وللخيمه الكفيل أوياي ما جبته
أچفوفه أمگطعه وأسهام شابگته
وما يرجع بعد يالجابچ أبفيه
❥━──➸➽❥💔❥━──➸➽❥💔
دگت زينب أعلى الراس وأبحرگه
وشهگت عالكفيل أو تخنگ الشهگه
مثله أتگول وين أنحصل أو نلگه
راح أيجيب ماي وما رجع ليه
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الأثنين / ٢٦ من شهر ذي الحجة
الموافق / ٢٠٢٥/٦/٢٣

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك