هوسات للنزلة


للحومه رحت يحسين     حاچيني شلك بيهه
گلبي ينفطر نصين      من ينجاب طاريهه
ذيچ الخيل واهل الخيل     تتراكض بواديهه
( شعدهه التمت     خيل وخياله )


كلهه اتجمعت يحسين     ذيچ الخيل واهل الخيل
اخاف اعليك من عدهم     انته الگلب وانته الحيل
نيتهم يذبحونك    المن جاي خل انشيل
( اشلون اتأمن بيهم     كلهم غداره )


اشلون اتأمن بعدوان     وتخيم بديرتهم
نية صلح ماعدهم    نية غدر نيتهم
گالولك نصير اوياك     ونكروا ذيچ چلمتهم
( اتحذر منهم     راسك يردونه )


اتحذر من هذوله الناس     لاتنزل بواديهم
وحق جدك يغدرونك     شيمة زلم مابيهم
كلهم صبحوا ضدك     امن اولهم لتاليهم
( وشيل اضعونك      وارجع عن ذوله )


ارجع عن هذوله ابساع     يامظلوم طاوعني
گبل لاينكطع راسك     والذباح يدفعني
ماعايز حزن گلبي     دخيلك لاتضيعني
( وگلبي املوع     ماعايز لوعه )


ماعايز دليلي اهموم     والبيه يكفيني
اصواب الباب والمحراب     ابد مافارگن عيني
وعالمسموم دمعي يسيل     ليل انهار تدريني
( انوب اصوابك     شيسوي بحالي )



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للنزول {{ قصة وجعنه }}.. 😭
لسان حال السيدة زينب عليها السلام:

نزلنه بكربله اليوم
وجبل حسيت الهموم
بدت قصت وجعنه ...

صحت يحسين محروس
تخيلت السبي وروس
وامغرب ضلعنه .....
❥❥❥ـــــــــــ✿🪶✿ــــــــــــ❥❥❥
نزلنه الكربله كل حيل مابينه
الضعن كامل وصل وبخير اهالينه
مدري شمالنه والحزن غاطينه

تخيلنه أحنه عاشور
نلم بضلوع الصدور
نزل هامل دمعنه ....
❥❥❥ـــــــــــ✿🪶✿ــــــــــــ❥❥❥
بأجر عالترب قران يتمزگ
وكمر يم الفرات وجربه تتشگگ
وعلويه يطگوها وتصيح الحگ

يربي گلبي موجوع
بعدها بخير الضلوع
واحس من هسه ضعنه....
❥❥❥ـــــــــــ✿🪶✿ــــــــــــ❥❥❥
بعدهه بخير اخوتي مامشت عني
بنص ضلوعهم كل يوم الي تلمني
گلبي شبيك خايف ما تكض وني؟

بعدك گلبي مرتاح
ماسامع ولي صاح
وفوگ النهر ونه..
❥❥❥ـــــــــــ✿🪶✿ــــــــــــ❥❥❥
دگ خيامه واهتز شاربه بصفي
وگلي ابخوة العباس وابچفي
ماتنزل دموعج لو رحت حلفي

وهوه يدگ بالخيام
گلي اشويه الايام
العشناهه ابمحنه..
❥❥❥ـــــــــــ✿🪶✿ــــــــــــ❥❥❥
عيون اخواني مو همه التحاجيني
يقره عيونهم كل لحظة فص عيني
واكض گلبي واگله شبيك يحسيني

مارد گتله يحسين
للعباس الونين ؟؟
وراح نضيع كلنه..
❥❥❥ـــــــــــ✿🪶✿ــــــــــــ❥❥❥
بأقلام شاعرات الحسين (ع)
#الشاعرة رسل الابراهيمي
#والشاعرة هاجر الزينبية..
لا اجيز الحذف او التلاعب بالكلام ❌


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه حماسيه للعليله عليها السلام( ما حملاني )


أشلون ينساني حسين ما حملاني
أفراگه هدملي الحيل والله وعماني
❥━──➸➽❥💔❥━──➸➽❥💔
أفراگه هدملي الحيل لا ما أحمله
فدوه بويه وياك أخذني أگله
الفارگ هله يا ناس بالدنيه شله
صبت أدموعي أدموم من دعاني
❥━──➸➽❥💔❥━──➸➽❥💔
أبيوم وعدني أو شال لأرض المنيه
لا رجعلي ولا گال بنتي خطيه
تخنگ أو تگضي الحيل والله المسيه
نوحي والون بالليل ما فارگاني
❥━──➸➽❥💔❥━──➸➽❥💔
عني شالو لعزاز وأنه عليله
وجسمي من الأوجاع گوه أشيله
ساعة أفراگ أشلون صارت طويله
وأخ منك ناديت آه يا زماني
❥━──➸➽❥💔❥━──➸➽❥💔
أشلون ينساني حسين وأيروح عني
وي خواتي الجيدوم شو ما أخذني
أيست منه اليوم وأنگطع ضني
ولحگت هالأضعون بس رجعاني
❥━──➸➽❥💔❥━──➸➽❥💔
رجعاني وأدموع عيني تلالي
گتله بس شوف الدار خليته خالي
أنه بتك يحسين أرجع يغالي
للغرب لا لتروح وأبگه أنه أعاني
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

السبت / ٢ من شهر محرم الحرام
الموافق / ٢٠٢٥/٦/٢٨


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه مزدوجه بهوسات للقاسم ابن الحسن (ع)


زيدي النوح يارمله والــونين

ابنج صابته اسيوف الملاعين


""":::""""""::::"""":::"""":::""""

جاسم طاح يـارمله على الغبره
وخيول الاعـادي هشمت صدره
عليه حسين عمه منحني ضهره
شال ابنج يرمله وغمضت العين

(( امطبر جسمه // وبلگوه ايشيله ))

""":::""""""::::"""":::"""":::""""

جـــــــابه ومدده مابين الحباب
ون اعليه ودمع العين سجاب
عمه حسين ينده ڰــومو يطياب
امغمض العين ومسبل اليـديـن

(( خلاه بالخيمه //وون اعليه ))

""":::""""""::::"""":::"""":::""""

لفتله عَمِـتَه والعــيـن هـمـــالــه
گلي يبو اليمه جاسم اشحالــه
امدد شافته ومگطع اوصـالـــه
بعمد راسه تهشم منجسم نصين

(( هد حيلي // امصاب القاسم))

""":::""""""::::"""":::"""":::""""

علــيه التمـــــن ابــلهفـــه الفواطم
شافنه ابدمـــه امـغســل ونايـــــم
ابهظم صاحن وا ويلي على القاسم
عمت عين المنيه التاخذ الحلـــوين

(( من اخضابه // عريس اتحنه))

""":::""""""::::"""":::"""":::""""

من خضابه تحـنه جاسم اليــوم
ظل اعله الارض سابح بالـــدموم
ومتغيره يـوسفه ذيج الرســـوم

(( وسفه اعليه // المات امحسر ))

""":::""""""::::"""":::"""":::""""
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*

لاأجيز حذف الأسم
نسالكم الدعاء بتعجيل الفرج لصاحب الزمان ((عج )

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه تجليبه حماسيه
لنزول العباس في كربلاء
بقفلة هوسه
〰️〰️〰️〰️〰️〰️〰️〰️〰️

نزل عباس والبيرغ يرف بيــــــده
وهذا اليوم ابو فاضل صدك عيده
〰️〰️〰️〰️〰️〰️〰️〰️〰️

نزل عباس ضل يتخاطب وياهـــا
ومالت كربله من الخوف خلاهــــا
وزينب للمخيم راح وداهـــــــــــــا

اعله الخيمه وعيونه تصـــــــــــــد
〰️〰️〰️〰️〰️〰️〰️〰️〰️

نزل عباس بيهه وغارت اعيونــــه
ومحله البيرغ يرفرف على امتونه
وكلمن رافك العباس خيعونــــــــه

وخيعونه والزامط بیهــــــــــــــــم
〰️〰️〰️〰️〰️〰️〰️〰️〰️

نزل عباس واثنه اعله ميمونـــــــه
وكلهم المخيم لاتكربونـــــــــــــــــه
طفحت غيرته وصكاهن اسنونــــه

ویبرج سیفه من یوم الطـــــــــــب
〰️〰️〰️〰️〰️〰️〰️〰️〰️

نزل عباس كال النهر جاوينـــــــــه
وخلهه بالمخيم کاعده اسكينـــــه
وفنه الخوش زلمه خل یحاچـــینه

دارت عينه ولصوب الشــــــــــــط
〰️〰️〰️〰️〰️〰️〰️〰️〰️

كله احسين عباس اصبر اشويـــــه
كله اشلون زينب رادت اميــــــــــه
وصكار الزلم ابنج يبدويـــــــــــــــه

يعرفوني من اشهر سيــــــــــــــــفي
〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان قائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات للاشتراك بقناة نشر القصائد الحسينيه اشترك 👇

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للوداع {باچر العياله}

تحرگ خيمتي باچر العياله
بعدك دمعتي للموت هماله
❥❥❥❥ـــــــــــــ❁❁ـــــــــــــ❥❥❥
بعدك دمعتي للموت مجريه
ضل يمي بعد كل حيل مابيه
يصيحولي العده بجفاك مسبيه

{يهظموني // باچر ياخويه}
❥❥❥❥ـــــــــــــ❁❁ـــــــــــــ❥❥❥
يهظموني العده بجفاك يالهيبه
جرحي بغيبتك ياهوه اليطيبه
طولك لو جفاني ليه شيجيبه

{يضربوني// من بعدك خويه}
❥❥❥❥ـــــــــــــ❁❁ـــــــــــــ❥❥❥
من بعدك اون ونه بكتر ونه
واصرخ رد اليه ها يبو سكنه
اجينه الكربله وبيها تطشرنه

{ايطشروها // يلمة اهظيمه}
❥❥❥❥ـــــــــــــ❁❁ـــــــــــــ❥❥❥
اهظيمه اللمة يابو اسكينه تتطشر
وضلعك يالحنين الصبح يتكسر
تچول اعليك باجر كلها يالعكسر

{يسحگونه //ياصدرك خويه}
❥❥❥❥ـــــــــــــ❁❁ـــــــــــــ❥❥❥
ياصدرك يخويه من يسحگونه
دلالي اليودك ثق يهظمونه
بذبحك يالحنين العده يأذونه

{يئذونه // دلال الحره}
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
من ديوان موعد المآتم الجزء الرابع

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الطميه_بديوان_بحر_الولاء_الجزء_٢١_.


لطميه للعليله عليها السلام


روحي مشتاگه اوتون گلبي راح اويه الضعن
نمت بفراش المنيه لا بگه الينشد عليه
بلحيا شخصي اندفن گلبي راح اويه الضعن
❥━──➸➽❥💔❥━──➸➽❥💔
روحي مشتاگه يهلنه ما تجون
والسهر ذبلّي اجفون الاعيون
ابعاد صرتو او فرگتي ماضن تهون
وادري رجعتكم علي صارت ضنون
والله عذبني هجركم
وانكسر گلبي ابسفركم
عيوني عليكم عمن گلبي راح اويه الضعن
❥━──➸➽❥💔❥━──➸➽❥💔
المن اشكي اهموم گلبي او لوعتي
ابغربه ما واحد ينشف دمعتي
هاي من الباري چانت قسمتي
منهو من الخلگ جرّب محنتي
من مشو وانه ابعذابي
لا احباب التدگ بابي
ادموعي ابد ما بطلن گلبي راح اويه الضعن
❥━──➸➽❥💔❥━──➸➽❥💔
گلبي حن للشال ما ضنه يعود
روحي حزنانه اعله اهلهه او ما تهود
مشو لديار الغرب وانه ابوعود
آه من الزمن قاسي ابكل عهود
آه يا ريحت اهلنه
اعزاز والله اهل المحنه
روحي ويه الحملن گلبي راح اويه الضعن
❥━──➸➽❥💔❥━──➸➽❥💔
ارد اون واكتب رساله بلحنين
امحمّله آهات لوعات او ونين
ابلوعه گضّينه عمرنه امفارگين
گلبي يهلي من عگبكم ضل حزين
اشگد اريد اصبر واتاني
يا زماني الضيعاني
ادموعي يحبابي جرن گلبي راح اويه الضعن
❥━──➸➽❥💔❥━──➸➽❥💔
عيني ما غمضت ساعه اعله الاحباب
لا اجه مرسال لا ودو جواب
اتعاتبين البين ما ينفع عتاب
گلبي ما تدرون گبل الراس شاب
مالكم يحبابي جيه
ابگيت اعالج بلمنيه
محد اعليه يحن گلبي راح اويه الضعن
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية لسان حال العليله وهي تخاطب ام البنين بعد رحيل والدها الأمام الحسين وعياله سلام الله عليهم اجمعين الى كربلاء (( بس انه وانتي ))


بس انه وانتي     بس انه وانتي
عافونه اهلنه وحملوا     بس انه وانتي
تهمل دمعتي     تهمل دمعتي
كلما اصد الدمعتچ     تهمل دمعتي


نفس الالم نفس الحزن     نفس المصيبه
حالچ وحالي اخلافهم     حال الغريبه
يوجع افراگ اصوابهم     ضايع طبيبه
وحسين ابوي الكربله     راح شيجيبه
لاگال بتي     لاگال بتي
لاگال عفت امي تون     لاگال بتي


ماگال عفت الغاليه     وعفت الحنينه
گلبچ مثل گلبي ثگل      نوحه اونينه
انتي حزينه اخلافهم     وانه حزينه
وي النسونه وحملوا     چا مامشينه
ريضولي صحتي     ريضولي صحتي
گبلچ صحت ماريضوا     ريضولي صحتي


ريضوا يهلنه انصيحهم     محد سمعنه
بطرگ المناحه الدارهم     نعتب رجعنه
واخلافهم ضيم وهضم     واكثر شبعنه
كلما يطول اغيابهم     يثگل وجعنه
حيل انهضمتي     حيل انهضمتي
هم مثلي من افراگهم     حيل انهضمتي


هم مثلي من افراگهم     مانمتي ليلچ
الگطعوا سبيلي بالوصل     گطعوا سبيلچ
اتمايلن واتضعضعن     حيلي وحيلچ
تشچين عندي امصيبتچ     وانه اشتچيلچ
يادار صرتي     يادار صرتي
حزنانه گلي الدارهم     يادار صرتي


حزنانه گلي الدارهم     واهلچ صفوا وين
حگي عليهم من اون     حگچ تونين
ويناطرنهم مادرن     كلهم مطاعين
مگطوع نحره امن القفا     واموذر حسين
وينادي يختي     وينادي يختي
مشبوحه عينه اعله الخيم     وينادي يختي



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

من ديوان(( دماء الغاضريه)) 🔥الجزء الأول

لطميه فزاعي سريع

اجينه بليله العباس... لام طاهر نعزيها
طاح عله الشريعه ومادره بيها
❥━➸➽❥💔❥━➸➽❥💔

نعزي الفكدت الخوه
أخوها الخوته حلوه
بنار فراگه تتچوه
تنحب بت علي والضيم عاليها
❥━➸➽❥💔❥━➸➽❥💔

ويلي عليج هاليله
لحسينچ تتجيله
شفتي مات كل حيله
هدي خيمتج مايرجع عليها

❥━➸➽❥💔❥━➸➽❥💔

گطعي لامل والرجوه
راح لبيه المروه
اخوج اليسمع النخوه
يمج مايرد العين أعميها

❥━➸➽❥💔❥━➸➽❥💔

تعمي العين للخوان
وخصوص لگمر عدنان
گلب أم الحزن حيران
بلوه البين عالوليان باليها

❥─➸➽❥💔❥━➸➽❥💔

ونت بت علي بسكته
خويه حسين حيرته
من يسمع تون اخته
مايحمل دمعها يلوج واليها

❥➸➽❥💔❥━─➸➽❥💔

كلنه بالونين اليوم
نواسي حسينه المظلوم
ظهره للاخوه مجسوم
يدري يطيح واخته لگوم تسبيها
❥➸➽❥💔❥━─➸➽❥💔

*لخادمة الأمام الحسين 《ع》*
*الشاعرة العلويه ✍ أم علي الموسوي
*غير مبري الذمه من يحذف الاسم أو ينسبها له
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نهاية عزاء حماسية سريعة

نهاية كل نص رباط على لحن داسته الخياله

#جديد_حصريآ 🔥🔥

اجينــه اليوم / وي الزهره لطامه
على المذبوح ابنها الرضو اعظامه

•───✧◐◐✧───•

انه وياچ خلي نسوي تعــزيّه
نتكابل سوه بلطمه حماسيه
نصيح احا ويه زينب العلويه
نواسي ام الحسن واندك عله الهامه

واندك عله الهامه / واندك عله الهامه
نواسي ام الحسن واندك عله الهامه

•───✧◐◐✧───•

لتفترين حيل اللطمه شديهــا
محلاته اللطم كله اعله اهاليها
وكلمن لاطمه الزهره تجازيهــا
شهرين العزه ويخلصن ايامــه
ويخلصن ايامه / ويخلصن ايامه
شهرين العزه ويخلصن ايامــه

•───✧◐◐✧───•

تخلص هلعزيه وانتي ماجوره
وفيتي بلطمتج هاي مشكوره
كل لطمه وعزيه هناك مذخوره
واسمچ ينكتب لحسين خدامـه

لحسين خدامه / لحسين خدامه
واسمچ ينكتب لحسين خدامــه

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه المسلم أبن عقيل (ع)

مسلم سلم اعله احسين
ساعـــات الـــــوداعيــه
ـــــــــــــــــــــــــــــــــــ
من عالي سطح سلم
گلبه اعله الولي امألم
ويــدري بيه ما يسلم
وغداره بنـي ميـــــه
ــــــــــــــــــــــــــــــــ
غــداره وسف هالگوم
خانت مسلم الجيدوم
وجرو بالحـبل هاليـوم
وظــلـت جثته مرميه
ــــــــــــــــــــــــــــــــــ
ظلت عالارض جـثته
ابحاله مــــا درت بته
تبجي اعليه رايتــــه
دموع العين مجـريه
ــــــــــــــــــــــــــــــــــ
لفراگـــه تهـــــل العـــين
تسئل عنه عمها احسين
تگله والــــــــدي جاوين
مشتــــاگه المحاجـــيه
ــــــــــــــــــــــــــــــــــ
روحي الوجه مشتاگه
وناره بگلبي حراگـــه
يمته اويــــاه نتلاگـــه
ونگعد كلنه ابفيـــــــه
ــــــــــــــــــــــــــــــــــ
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*

لاأجيز حذف الأسم
نسالكم الدعاء بتعجيل الفرج لصاحب الزمان ((عج ))

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

ثكيله لمسلم بن عقيل ع نفس طور خجلانه هواي للحاج باسم الكربلائي
***
نسجت الأيام               من طوعه حزام
لمسلم غريب الكوفه    لهل الوفه سالوفه
****
طوعه عدهه نخوه جانت يعربيه
مرأه لكن بدمهه غيره هاشميه
نصرت الدين وأصوله الأحمديه
بموقف إلهه للولايه الحيدريه
درست الايثار          من حامي الجار
بالتضحيه معروفه   لهل الوفه سالوفه
****
علمتنه شنهي معناهه الولايه
للنساء بكل زمان اصبحت آيه
حب اهل بيت النبوه مو روايه
لازم افعال ومواقف بيهه غايه
ولأهل البيت             نسأل شنطيت
وللكطعوله جفوفه     لهل الوفه سالوفه
****
ضامي مسلم من اجاهه يريد شربه
واكف ابابج يطوعه الضاع دربه
جابت الماي وتنشده شعنده طلبه
كلهه وشحال الغريب بدار غربه
اهلي بعيدين             وداني حسين
وللموت ابد ماعوفه    لهل الوفه سالوفه
****
طوعه وكفت للغريب وجنهه أمه
بالشجاعه الزينبيه تشد عزمه
صارت اهله وكل اخوته إولد عمه
خافت اعله ابن الرساله يسيل دمه
شافت هالنور            لثورة عاشور
اول شهيد طفوفه       لهل الوفه سالوفه
****
بسيفه قاتل واحد يكابل عشيره
طشر الجيش بيمينه الكلهه غيره
احتارو بروس الحصدهه شلون حيره
تالي صادو مسلم وحفرو حفيره
لقصر ابن زياد             جرو الاوغاد
الماعرفهه الخوفه      لهل الوفه سالوفه
****
انذبح مسلم بالنهايه ومن وريده
صرخه بيهه دمعه لحسين وعضيده
بغدر اهل الكوفه عاده مو جديده
شنهي يعني ينذبح والد حميده
ارجع يحسين              ياماي العين
خوفي عليكم خوفه     لهل الوفه سالوفه
***
أم علي الكاظمي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده فزاعيه ( لمسلم ابن عقيل ع )
-------------------------------------------------------

لبو طاهر تون اليوم
زينب حيل حزنانه


لبو طاهر تون زينب
و دمع اعيونها يسچب
و بنته ضاله تعتب
تگلها ليش ماجانه

ما جانه الابو عمه
اضنه غارگ ابدمه
و عيني لفرگته تعمه
بس اغيابه أذانه

يأذي افراگه تدرينه
يا عمتي تحاجينه
گليلي الابو وينه
اضنه ايتام خلانه

محتاره شنو اتگلهم
راح الولي و يتمهم
افراگه راح يهضمهم
و تبقه ابنيته دوهانه

صعب اليتم شيحمله
الابو لا ما يصح مثله
تبقه ابنيته اتونله
لو ضل خالي امجانه

-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_قربان_الطف_ج٨
فزاعيه بهوسات لمسلم(البيرغ نشيله)
❥━──➸➽❥❂❥━──➸➽❥❂
احا يالمات وميتم مداليله
يستاهل عليه البيرغ نشيله
❥━──➸➽❥❂❥━──➸➽❥❂
يستاهل عليه النوح والونه
ميدان اللطم هاليوم وسعنه
لمسلم واللطم نوبات سونه
((ميدان وهوسه نسويله))
❥━──➸➽❥❂❥━──➸➽❥❂
عمه حيدره معروفه صولاته
شمحلاه بالحرب مسلم وهداته
والتاريخ سجل هاي وگفاته
((يشهدوله شجعان الحومه))
❥━──➸➽❥❂❥━──➸➽❥❂
سبع وابن السبع واربات حربيه
طبها بزود ياراعي الفروسيه
يعادل بالحرايب لو نزل ميه
((معروف الحيد بهداته))
❥━──➸➽❥❂❥━──➸➽❥❂
حلوة هدته يستاهل الفزعه
ابو طاهر غيور وياحلو طبعه
وني اعليه اليوم وهلي الدمعه
((عازيهه اليوم المحزونه))
❥━──➸➽❥❂❥━──➸➽❥❂
عازي زينب الحره بأبن عمهه
واعليه تنتحب مابطلت ونهه
اوياها باللطم لطمن وعيننهه
((نواسيهه زينب هاليوم))
❥━──➸➽❥❂❥━──➸➽❥
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*فزاعيه لمسلم بن عقيل عليه السلام*

مهظومه حميده اليوم
بس تبجي عل ولدهه
┄┉❈❥ًً❀•••••••▪︎•••••••❀❥❈┉┄
مهظومه وتجر حسره
حزينه وتسجب العبره
تنادي الكلب شيصبره
فراك العود جايدهه
┄┉❈❥ًً❀•••••••▪︎•••••••❀❥❈┉┄
حميده وكفت تنادي
يعمه اتكطع افادي
شوفي بيه السادي

يتمه ولا ظمد عدهه
┄┉❈❥ًً❀•••••••▪︎•••••••❀❥❈┉┄
عمه شيحمل الخله
عليه بانت الذله
عمي حسين علرمله

سكنه احسين ماعدهه
┄┉❈❥ًً❀•••••••▪︎•••••••❀❥❈┉┄
يتيمه من بعد عمي
الظامي انذبخ يمي
وظل بس البجي سهمي

الطف  اعتب وناشدهه
┄┉❈❥ًً❀•••••••▪︎•••••••❀❥❈┉┄
عذبه عذاب البين
مهظومه وتجر ونين
عنه غابو الطيبين

بل ون خل نساعدهه
┄┉❈❥ًً❀•••••••▪︎•••••••❀❥❈┉┄


تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*(( فزاعية للانصار عليهم السلام ))*



خوش اصحاب عد حسين
گلهم زود ومروه
*📝📝*

گلهم مرجله وطيبين
ضحو بلعمر لحسين
منهم يا گفو ونعمين
نشامه لبو الفتوه
*📝📝*

صاحو للشهيد بصوت
گلنه وياك حد الموت
گبلك للمنايه نفوت
بيهم العزم يگوه
*📝📝*

سباع وشالو الرايه
كلهم زود وكفايه
وللمضلوم وفايه
وصحبتهم صدك حلوه
*📝📝*

تشيل الراس صحبتهم
تعجب حلوه وگفتهم
وللمضلوم صرختهم
گلنه نروحلك فدوه
*📝📝*

هدو سوه عل الچيمان
موش اصحاب ذوله خوان
گالو يامر العطشان
بدونه العمر مايسوه
*📝📝*

العمر مافايده منه
اذا لحسين مامتنه
نريد وياه للجنه
الموته وي السبط حلوه
*📝📝*

*(( كلمات الشاعره ام عون الحلاويه ))*



اطلب منكم تندعولي ان الزهراء تقبل خدمتي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نزله للعباس ع نفس طور سدو درب زواري للسيد فاقد الموسوي
***
زينب تلطم اعله الراس باللوعه
تصيح اجفوف ابو الكلفات مكطوعه
راية بو الفضل ماطاحت بكاع
بجفوف الامام المهدي مرفوعه
ترفرف الرايه وليوم الظهور
خلوهه بالمجلس ترف إلحد مايجي مهدينه
**
بيهه معجزه وإسمع هالحجايه
إطلب حاجتك واعكدهه للرايه
تكضيهه بعجل من تنخه عباس
لنهه بدم اخو زينب محنايه
ودمعتي بيهه من طاح ابو فاضل
ساقي عطاشه كربله مكتوب فوك الرايه
***
أبو فاضل بطل صولاته معلومه
برز كبش الكتيبه بخطه مرسومه
كلبهه الميمنه عالميسره بلحظات
وخلاهه الجثث طشار بالحومه
يحصد بسيفه بركاب الاعادي
صاحت جيوش العدوان رد حيدره من الكوفه
***
كشفهه المشرعه من باد عدوانه
كلبه من العطش تشتعل نيرانه
شال الماي بيده وذبه للماي
ماضاكه وجبد الحسين عطشانه
يترس بجوده ويتذكر سكينه
واعدهه يرجع بالماي للخيمه عمهه الغالي
***
تعناله الغدر للشاطي ماعافه
ابو طبع الحنين الحلوه اوصافه
كطعوهه لجفوفه ارذل الناس
وبعيونه السهم هيهات يتعافه
طرو اجبينه بعامود المنيه
وانطبر راس العباس يافاطمه الحزينه
***
أم علي الكاظمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية الى اولاد مسلم ابن عقيل ع
من ديوان #عتيق_الحسين_الجزء_الأول

خل نلطم يشيعه اليوم
مسلم ذبحوا اولاده


اثنين اولاد ذبحوله
لمسلم راحت افحوله
عدلي اللطمه والكوله
لطمي وعازي الساده


راحو وي ولد احسين
زينب تجري منهه العين
عليهم لطمي لتعبين
ماتو غدر كلعاده


همه صغار بس يسوون
يلوكلهم لطم المتون
مجلسهم تره مضمون
صح صغار بس قاده


والذباح ماهابوه
ماخافو ولا ترجوه
لحسين العمر رخصوه
عليهم وني بزياده


عليهم ونت الحره
بكلب ام الخدر كسره
كسرهم يامن يجبره
كلبهه اعلن احداده


تمت بقلم #مريم_الصدر
العمل مهداة إلى صاحب الزمان عج لا أجيز حذف الاسم 🚫

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_قربان_الطف_ج14
قصيدة لاولاد مسلم(حشمت حسين)
تقرأ فزاعية بهوسات والحان أخرى
❥━──➸➽❥❂❥━──➸➽❥❂
للميدان راحت حشمت حسين
تگله گوم دورلي الولد وين
❥━──➸➽❥❂❥━──➸➽❥❂
للميدان اجت تنحب تحشمه
تگله الحگلي خويه يبو اليمه
ولد مسلم فگدت بليل ظلمه
مطشر ياشملنه صار نصين
((اگعد ياخويه ورد لينه))
❥━──➸➽❥❂❥━──➸➽❥❂
اثنين اولاد خويه ضيعتهم
علي چلچل الليل وتيهتهم
اگل للراح والرد ماشفتهم
محتاره وادگن عله الخدين
((ضاعو الاولاد بنص هيمه))
❥━──➸➽❥❂❥━──➸➽❥❂
حزنانه واجيتك فاگده الراي
احاچيك واسولف ضيم دنياي
يخال الولد اسمع نوحي وابچاي
دگوم الولد دوره بساع يحنين
((يالكافل دور ويلادي))
❥━──➸➽❥❂❥━──➸➽❥❂
راحو  من ادي حلوين الارسوم
وامهم حايره والگلب مالوم
تگول اولادي مني ضاعو اليوم
دلالي تراه انفطر نصين
((مهضومه مفطر دلالي))
❥━──➸➽❥❂❥━──➸➽❥❂
ونت وانه ادك وياها عالراس
نحشم بالحسين وننخه عباس
مابيهه رحم اذتنه هالناس
واخافن تاذي الاولاد الملاعين
((ما بيهم رحمة ولا غيره))
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

بحق اولاد السيده زينب ع
على طور مسلم الكعبي
ياعيوني الفاركوني


يالمشيتو     ومااجيتو
وين رحتو يابعد هاي العيون
آه يايمه
آه يايمه



جيتو بضعنه تزهون   ماحسبتكم ترحون
                  ولدي نسوني
يالرحتو هم تردون    ماضن عليه تعودون
                  وانه ولوني
رايح من ايدي وليدي زهره حياتي وعيدي
                 ماتفزعولي
وحدي وحدي            بدربي احدي
     راحو اعزاز الكلب يالاطياب
            آه يايمه    آه يايمه



لميت عيله حسين  امشي او ادوركم وين
            ضاعولي اطفال
جانو بكتري يكعدون  ومن الخوف بيه يلوذون
             واتغير الحال
وطلعت شوما خليت  عن ولدي ادور ملكيت
             مردو الدلال
عني راحو         خوفي ناحو
اضن تاهو من كثر دوج الخيول
          آه يايمه    آه يا يمه



ابجي بعبره وناديت  طاهر ييمه تانيت
                  والليل اجاني
لا طاهر ولا خيه     ضاع وصرت محنيه
                  ودولباني
يوليدي ارجع فدوه    دهري بلاني بلوه
                  بيكم دهاني
رحتو لا وين               يالعزيزين
     يمه ماكلتو تون اعلينه امنه
         آه يايمه       آه يايمه




دلالي يلهب كالنار     ابجي واهل الاعبار
                 يعزاز كلبي
فركاكم يهد الحيل   وذكراكم يمر بليل
               ويزبد نحبي
عميه عليكم العين   يالرحتو ماادري وين
             شو راح تعبي
تالي بالليل           ودربي طويل
الكيتهم فوك الثره والدمه يسيل
       آه يايمه      آه يايمه

ام زينب السعداوي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك