الطميه للامام لسجادعليه السلام


مجتف   بليسر    ويماشي  عماته
وعينه عله الاهل عينه عله اخياته


مجتف   بليسر   ويصبن  عيونه
وابن حسين   كلساعه  ويظربونه
من ثكل  السلاسل طاحن امتونه
ظلت    بلكلب    ماتهده    وناته


مجتف  بالحديد   مغيره  احواله
يون لحسين  كله   مكطه اوصاله
ظل   بس   الشمر   تاليه    يبراله
ماتطفي   عله   الاخوان   جمراته


مشه وي الظعن   وبعيده  الدروب
شاف   حسين   بالميدان   مكلوب
يذكر  والده   كل   وكت   وغروب
تهل    ادموم   عاالمظلوم   دمعاته


نيران    الحزن    وتفور     وبكلبه
بعيده   كربله    ومجتوف  بالغربه
عليل    وحالته   تاليه  هم  صعبه
عاف     امطرحه   ونيام    سادته


طب    ديوان   وي  عماته  هاليوم
امام   اهل الفراضه  وتالي مسموم
ظل  ينزف   دمه  ياوسفه  ودموم
ميت    بالغرب       مابين    شماته


خادمةالسيده الزهراء والسيده رقيه ع
(( ا لشاعره  ام  زهراء   الفاطميه ))
لايجوزحذف الاسم أسم الكتاب لبيك
يازهراء بتاريخ الاثنين/2022/3/28
٢٤شعبان  سنة هجري١٤٤٣
  نسالكم 🙏🙏🙏🙏الدعاء للتوفيق

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شده للسجاد ع
*
علي السجاد متنه لاتلجموه
ابهيده بالنعش يامن تشيعوه
**
تون ام الحسن وتنوح حزنانه
لبن حسين حضرت تلطم ويانه
مسموم الجبد غدروه عدوانه
لابو السجاد بالدمعات واسوه
***
بهداي النعش لمن تشيلونه
بآثار الحديد امورمه متونه
بكيد وجامعه للشام يسبونه
محزوز الوريد ونحره جرحوه
****
بهيده بالعليل التنزف جروحه
من عاشر محرم مابطل نوحه
كل اهله جثث عالكاع مطروحه
اكباله راس ابوه حسين شالوه
*
يادفان بالك كلبه لتلجمه
ينزف هالكلب من شال ابو اليمه
اموذر عالترب بالباريه ايلمه
من كثر السحك بالخيل طشروه
*
من يوم السبي ماينسه عماته
أثر للموت باقي بخده دمعاته
بيده من دفن الزغار اخياته
ينوح وينتحب كل عمره خلوه
*
ياروح التشيل جروح البكلبه
بجم لوعه وظليمه رايح لربه
غريب وبالبقيع امهدمه الكبه
يم عمه الحسن مظلوم دفنوه
*
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للسيده خوله ع
حـــــال السيده رقيه ع

❥❥ـــــــــــــ❁❂❁ـــــــــــــ❥❥

يـعمه اختـي اريـد اسامر وياهه
يادفــان حطـنـي كــون بحذاهه

❥❥ـــــــــــــ❁❂❁ـــــــــــــ❥❥

خـلينـه نتـسامــر عمـــه اشويه
يوم اختي عماني وحيل مابيه
حـنـيـنه وياج ماردنه الوداعيه
{ نتســامـر خـيه // خــليـنــه}

❥❥ـــــــــــــ❁❂❁ـــــــــــــ❥❥

يــفـراك الاخت لاموش مريود
ياخيه عليج اخرطهه الاخدود
ابــد مـايوم كل وني تره ايهود
{ أحـا يالشالت // مهـضــومه}

❥❥ـــــــــــــ❁❂❁ـــــــــــــ❥❥

ويــن تـريــد يانصـبه يمعدوله
خــوله معدله وتربات الفحوله
نعشج بلبيـارغ خــل يهوسوله
{ بلــحد المضـلـم // زتــوهـه}

❥❥ـــــــــــــ❁❂❁ـــــــــــــ❥❥

الخوه وياج ماردناهه كضيانه
انـدهو زاجيه خل تكعد ويانه
خيه الفركتج هالروح عدمانه
{ ياطاري افراكج // عاميني}

❥❥ـــــــــــــ❁❂❁ـــــــــــــ❥❥

كلــيلي يـعـمــه منين اجبينهه
يااختي الحنينه وأنه اريدنهه
خـيـه بـداعت الخوه احلفنهه
{ الــخوه وياهــه // محلوله}

❥❥ـــــــــــــ❁❂❁ـــــــــــــ❥❥

تــــمت بقــــ✍🏻لم خادمه أهل البيت عليهم السلام

✍🏻الشـــاعره الكبيره العلويه ام كنـــان الهاشمــي صاحبه دواوين أسيره الطفوف


لا أجيز من يحذف اسم الشاعره أو من ينسب القصيده له غير مبرئ الذمه أمام
الله وأمام الزهراء عليها السلام ✍🏻🧿

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للامام  السجاد  ع

اه يموتي  /  عني  ليش  اتاخريت
اه يموتي /  بيوم  عاشر  مااجيت

يوم عفت حسين ظامي بكربله
وانه  عالناكه  واديه   مسنسله
اه يموتي       اه  يموتي

...........

اشكد  تمنيتك  تجيني هنا يموتي
انام  واتوسد  سويه بصف اخوتي
موت ناديتك تجيني بعالي صوتي
يوم صاح الشمر  لم الخدر  فوتي

جدم  النوك ونده  وين السبيه
وانه دمعاتي عله زينب جريه

اه  يموتي     اه  يموتي
............
تدري ليمت  تمر  بيه  اتوسيلتك
من شفت منحر  ابوي اتذكريتك
صحت ياموت الخذيته وخاطبيتك
كلت اخذني ويه ابوي واعاتبيتك

ماشفتني من رحت ويالسبايه
تنكط من اجفوفي ياموت الدمايه
اه  يموتي       اه يموتي
............
اه يكيد  الجامعه  الحفر  بديه
وانه اللوج  بعلتي والامي   بيه
ايزيد همي من انظر الحالت رقيه
واعمتي فوك  الهزل تمشي سبيه

طبت الديون  كلفه  وهدمتني
اه  يموتي شعطلك شوماخذتني

اه  يموتي       اه  يموتي
.............
عاشرت حزني ودمعتي هاي السنين
حسره حسره  وانفطر  دلالي نصين
اشكد تمنيتك تجيني بدفنت حسين
اتوسد بصفه وانام وتغمض العين

ردت اموت  اوياه من يوم الدفنته
يوم  شلته اوسدت بيدي  ركبته

اه  ياموتي     اه  ياموتي
...........
هاك اسمع ونتي بساعت  وفاتي
موش من جبدي اون واجذب اهاتي
حسين بويه صحت من يبس لهاتي
من اجه  الباقر  وغطاني   بعباتي

انه  ابوي  بلاغسل من ودعيته
نايم  بحر  الشمس ما جفنيته
اه  ياموتي     اه  يموتي

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم  من كتاب الماسي الفاطميه الجزء الثامن

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للمشايه لاستقبال العقيله زينب ع في للاربعين

بيارغ كون بت حيدر تلاكيها
اجت والشام كلبتها عله هاليها
............
هله بالجايه وعلت رواياها
ياهيبة علي ونصيح حياها
بهوسات وبيارغ خن تلاكاها
هاي الشيمت بالزود واليها
..........
الها الزود زينب بت الهيابه
حطت تاجها بشدت العصابه
ضالم وبحزنها هدت اعتابه
هيبه وكل اهلها تشيمو بيها
...........
ردت مواسيره ورافعه الهامه
زينب بت ابوها واخت وهامه
هزت عرش اميه وذلت ازلامه
يكون برايته الكافل يحييها
...........
اذا عباس مات ونامت عيونه
الج شيعه يزينب دوم ممنونه
هوسات والج بيرغ يشيلونه
هله بالجايه والزود عاليها
...........
بيج تفاخرت يازينب الشيعه
تمشي كل سنه وتجدد البيعه
يابت الصميده وبت الوديعه
واتفوز الخدم لو سجليتيها

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم القصيده من كتاب الماسي الفاطميه الجزء السادس عشر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

# قصيده بحق السيده رقيه عليها السلام


*خويه لو تنشد رقيه وينهه*
*ماتت وبل الشام أمخلينهه*
❥✿•┈┈┈• • ★{★ • •┈┈┈•✿❥

خويه من شافت رقيه  النحر
ونت أعليه الگلب  منهه نفطر
بويه  نادت ولدمع كت  المطر
بعد عينك  ظلمه كل  سنينهه

خويه لو تنشد رقيه وينــهه
❥✿•┈┈┈• • ★{★ • •┈┈┈•✿❥

طفله فجعوهه أبراسك يالولي
وبالخرابه. والدمع منهه يهلـي
تبجــي. أبعبـره  وتنادي ردلي
عليك ماهود  يخويه  ونــينهه

خويه لو تنشد رقيه. ويـنــهه
❥✿•┈┈┈• • ★{★ • •┈┈┈•✿❥

ونت بليل الحزن ذك الطــويل
عله نحرك دمعت العين وتسيل
من شفته  هدمت  مني الحيل
ماتت الطفله. ودمعهه بعــينهه

خويه لو تنشد رقيه  وينــهه
❥✿•┈┈┈• • ★{★ • •┈┈┈•✿❥

  خويه أدفنهه بغرب ولهم سره
يامصاب أحمل أنه من الجـره
بعد عينك خويه حيره محيره
وروحي بسهام العده أمصوبينهه

خويه لو تنشد  رقيه وينــهه
❥✿•┈┈┈• • ★{★ • •┈┈┈•✿❥

ظل علي السجاد معلول ويون
ينادي ياعمه. نحل مني المتـن
يوم شفت رقيه غمضت الجفن
دنيــه   دارت بــيه أموازينـهه

خويه لو تنشد  رقيه وينــهه
❥✿•┈┈┈• • ★{★ • •┈┈┈•✿❥

تــــمت بعون الله تعالى
بقــــ✍🏻لم خـادمة السيده رقيه عليها  السلام
✍🏻الشـــاعره سهام المـــالكــي
نسالكم الدعاء بتعجيل الفرج لصاحب الزمان ( عج )

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#حصرياً_قصيدة_مشتركة_للإمام_السجاد عليه السلام(خامس اليمه)

الخامس اليمه نون الليله
مات مسموم وتهدم حيله

مات بالسم وانهدم حيله وگضه
وين عنه اليوم جده المرتضى
ياحسافه يروح كنز الموعضه
الارض واهل الارض تبچيله

اعليه تتباچه السمه واهل والأرض
خلص عمره بآه واحزان ومرض
ننصب اعليه العزه هذا فرض
نلطم اعله صدورنه وننعيله

نلطم اعله الراس مو بس عالصدر
عالخلص عمره بچي ونوح وصبر
خل ابو فاضل يشيعه للگبر
وخل ابو اليمه يجي ويشيله

خل ابو اليمه يجي ويشيعه
اليوم عد اهل الحميه فاجعه
والفواطم بالمئاسي اتودعه
واحنه ماتم واجب نسويله

ماتم نسوي وندگ بماتمه
نعازي عماته ونعازي فاطمه
دار ابو الباقر حزينه ومظلمه
راح من عدنه اليساوي الميله

راح من عدنه الذي يحكم عدل
يومه عالشيعه صعب لا موسهل
من عكب ذاك اليسر سمه النذل
امودع الله سيدي گليله

امودع الله سيدي كلنه نصيح
ضل يون للموت ماناسي الذبيح
ليش ماعنده مزار ولاضربح
كون عنده چا مشي نمشيله

بقلم خادمات أهل البيت(ع)
الشاعرة العلوية هجران الياسري(بنت الشاعرة ام هجران العمارچية)
الشاعرة العلوية مريم النور

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

★•• لطمية لـ المشاية ••★

((اللطمية من نسج خيال الشاعر))
•--كأني بلسان حال السيدة رقية وهي تشاهد المشاية--•
// وزن الموشح //
#تقرأ موشح بالتراث الحسيني (النجفي) نزله..  زنجيل.. حيدريه.. ركضة طويريج من يمحيها..


«« ريت كل هذا الجمع بالطف حضر »»
«« چان مَـنگطعت چفوف ولا نحر »»
---------------------------------

ريتكم بالعاشر بذاك الزمن
روعونة وشفنة أشكال المِحَن
ريتها سيوف بأيديكم بترن
من امية ارگاب لا ظلهم أثر
❁•━━❁━━❁━━❁━━•❁

هالجمع لو چان يم عمي الكفيل
چان ماگطعوا چفوفه ودم يسيل
چم غصص عشناها هدت منه حيل
والدي ظهره اكسره فگد الگمر
❁•━━❁━━❁━━❁━━•❁

ذبحو الشبان كلها اعله الثرى
والدي أنظر رسومه امغيره
وعمّتي زينب بقت متحيره
وآنه يضربني العدو ولـ اذني سطر
❁•━━❁━━❁━━❁━━•❁

هجمو اعلينة لونكم حاضرين
حرگوا الخيمات من بعد الحسين
وبحبال گيود گيدوها الأيدين
والظعن يسبونة ونشوف الكدر
❁•━━❁━━❁━━❁━━•❁

راح ابوي وخيمتي لبدنيتي
واصعب الموقف بحيرة عمتي
هاا يامشاية سمعتو قصتي
طفلة حاربها بـ اهلها هالقدر

✍🏻#ولائـية_وافتـخر (دعـاء العـامـري)
     ❌لاأجيــز حــذف الأســم❌
❁•━━❁━━❁━━❁━━•❁

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

ثكيله للسيده رقيه ع نفس طور وين زواري للرادود عارف الرمضان
***
يالسبيتوني             يالسبيتوني
آنه بنت حسين        يالسبيتوني
****
من عله الناكه انوح وجفني دامي
احجي ويه الحادي مايسمع كلامي
اليتيمه آنه الابوهه انذبح ضامي
ذبحتو ياظلام اخوتي وكل عمامي
ماعرفتوني              ماعرفتوني
آنه بنت حسين         يالسبيتوني
**
كلبي مايحمل يتم وامشي سبيه
آنه اشبه فاطمه واسمي رقيه
سلبوني من التراجي آل اميه
شنهو ذنبي بالحبل مشدوده اديه
مارحمتوني            مارحمتوني
آنه بنت حسين       يالسبيتوني
***
انحرم من حضن ابويه يازماني
كلشي ماشفت بحياتي طفله آني
جنت انام بحضنه واغفه عوداني
هسه افتح عيني ألكه السلباني
تنزف عيوني           تنزف عيوني
آنه بنت حسين        يالسبيتوني
****
آنه منعوني البجي آنه الغريبه
وين ابويه لو صحت عدهم عجيبه
امتوني بسياط الشمر تسعر لهيبه
عني تشكف سوطهم عمتي الحبيبه
بخدي سطروني         بخدي سطروني
آنه بنت حسين           يالسبيتوني
****
اتحملت درب السبي ايام وليالي
ظني من بعد الصبر احضن الغالي
اكعد اكباله واسولف عالجرالي
ليش بس راس بطشت ألكاه تالي
خابت ظنوني           خابت ظنوني
آنه بنت حسين          يالسبيتوني
****
آه من الشام وايامه وعذابه
دمعتي بعيني وانام اعله الترابه
بالحلم حاجاني ابويه وكلي بابه
اليوم ترتاحين من نوم الخرابه
بموتي عفتوني         بموتي عفتوني
آنه بنت حسين          يالسبيتوني
**
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#قصيدة_حصرية_لخميسات_الحُسين_عليه_السلام(جمعة الليلة)
❥━──➸➽❥❂❥━──➸➽❥❂
جمعة الليلة وين انصب عزاكم
ريت الموت اخذني من خذاكم
اصيح بصوت يحنان ... نمتوا عله التربان
رحت ميسرة وعيني وراكم
❥━──➸➽❥❂❥━──➸➽❥❂
جمعة الليلة وين انصب عزيه
للعباس وابن امي الزچيه
وشبان البقت بالغاضريه
اوياهم كون ميته لو بديه
هجركم موتاني ... هد حيلي وعماني
ما ينحمل يحبابي جفاكم
❥━──➸➽❥❂❥━──➸➽❥❂
فرگاكم هدم حيلي وعماني
بقيت ابحيره دولبني زماني
العدو يضربني والله وعذباني
اذا ناديت فزعوا يا اخواني
اريد اعليكم انحب ... الگلب والراس شيب
رحتوا وخذتوا كل روحي اوياكم
❥━──➸➽❥❂❥━──➸➽❥❂
اريد انصب عزه واشعلها الاشموع
مو عالهزله امشي واذرف ادموع
دليلي اعله الاحبهم صبح موجوع
واطشر شملنه الچان مجموع
احا يا عظم المصاب ... الاحبهم جوه التراب
اعزاز وذابت الروح بهواكم
❥━──➸➽❥❂❥━──➸➽❥❂
كل ميت يسووله ثوابات
بس انه بقيت ابين شمات
اسوي وين لابن امي خميسات
واحنه اويه العده نمشي اسيرات
اون وابچي بهداي ... للما شربوا الماي
اگطع ظنتي لو ابقى برجاكم
❥━──➸➽❥❂❥━──➸➽❥❂
اريد انعه عله اخواني الحنينين
اصيح بصوت يا عباس يحسين
واريد الساعدتني وتهمل العين
يشيعيات واسني بالونين
ونصبنهه العزيه ... عله ابن امي الزچيه
وانه انتحب وابچي وي بچاگم
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه  للاربعين

اجت عمت ولدكم  ها يخياله
هذا النوم موش الكم  يعياله
...........
اجت عمت ولدكم حيل مابيها
تعبها  الدرب  والضيم كاضيها
اندهو  خال ابنها خل يلاكيها
ثكلان الحمل وايريد  شياله 
...........
يشيال الحمل يالبيك هيبتها
شوف   الغاليه ردت  بونتها
مهظومة كلب وتسيل دمعتها
متعنيه الحنين وجايبه عياله
..........
هاي عيالكم كعدو  تلوكوها
عليها هموم يالخوان شكوها
بجو عينها وعالمتن  طكوها
تدورعالحنين التزمط بجاله
........
كطعتها الدروب واجت عنايه
محمله عتابها وللحيد شكايه
تمنت خال ابنها وشايل الرايه
تعتب والعتب  عباس يحلاله
..........
كعدو العمت ابنكم   لاتخلوها
عن ضيم السبي يسباع نشدوها
اختكم يانشامه  وين  ودوها
تمشي ويالضعن والراس يبراله

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم  


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده ثگيله للسيده رقيه "ع"
     ((ياشمر عوف التراچي))
❥❥❥❥ـــــــــــــ❁❁ـــــــــــــ❥❥❥❥
ياشمر عوف
التراچي ..التراچي..التراچي
طفلتي شبعت
بواچي..بواچي.. بواچي

الف مره اگطع رگبتي
ولاتبچيهه طفلتي

ياشمر عوف التراچي
❥❥❥❥ـــــــــــــ❁❁ـــــــــــــ❥❥❥❥
انته ماعندك طفل ويحب هديه
إنه جايبهن تراچيهه رقيه
من تسلبهه تباوع بس عليه

جنهه بابا تگلي احبهه
الشمر مايقبل يهدهه

طفلتي شبعت بواچي..بواچي..بواچي
ياشمر عوف التراچي..التراچي..التراچي
❥❥❥❥ـــــــــــــ❁❁ـــــــــــــ❥❥❥❥
لان حيل تحبني البنيه تحبهن
شلون من أذن الصغيرونه تجرهن
رقيه من تون تره تشلع گلبهن

الطفله لو ناس اهظموهه
مايسكتهه اله ابوهه

طفلتي شبعت بواچي..بواچي..بواچي
ياشمر عوف التراچي..التراچي. التراچي
❥❥❥❥ـــــــــــــ❁❁ـــــــــــــ❥❥❥❥
ليش تضربهه الصغيره عابك الله
والله گايل باليتامه هالله هالله
شعندك وتسطر وجهه گلي بله

ليش جدامي تطگهه
والحنينه اسمع شهگهه

طفلتي شبعت بواچي..بوأچي ..بوأچي
ياشمر عوف التراچي..التراچي. التراچي
❥❥❥❥ـــــــــــــ❁❁ـــــــــــــ❥❥❥❥
كافي لتجر بالحنينه تعذبت اهواي
لون عندك شي يخايب احجي وياي
لاتعـــــــــذب بيها إإإنــه مارايد ماي

مدللة عندي البنيه
ماتكول انته خطيه

طفلتي شبعت بواچي..بوأچي ..بوأچي
ياشمر عوف التراچي..التراچي. التراچي
❥❥❥❥ـــــــــــــ❁❁ـــــــــــــ❥❥❥❥
مدلله ارقيه واسمها عزيزت احسين
ترفه بنتي و ياكــلبها ينگط احنين
انه لو بيدي اعيشن الها عمرين

ارقيه هيه نفس ريتي
والضوه المضوي بيتي

طفلتي شبعت بواچي..بوأچي ..بوأچي
ياشمر عوف التراچي..التراچي. التراچي
❥❥❥❥ـــــــــــــ❁❁ـــــــــــــ❥❥❥❥
تمت بقلم شاعرتي اهل البيت ع
رسل الابراهيمي - غدير الحساني

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

😭  قصيدة للسيدة رقية 😭
شنهي الاسباب  يعمة شنهي الاسباب
والدي غاب يعمة والدي غاب
يدري بيه  اشتاگ الة وانة عندة  امدللة
طال الغياب يعمة طال الغياب
😭😭😭😭😭😭😭😭
عمة چان بكل وكت يسأل علية
وافرح امن ايصيح بوية يارقية
آه لويدري بغيابة اشسوة  بية
اشتاگت العين
يعمة اشتاگت العين لشوفة احسين يعمة الشوفة احسين
فارگ اعيوني  المنام
ودنيتي ابعيني ظلام
والگلب ذاب     يعمة  والگلب ذاب
😭😭😭😭😭😭😭😭
عمة اريدنة يجيني يشوف حالي
وارد اسولفلة على الصار وجرالي
بلخرابة گعدو بنتك يوالي
ماهنالي العيش بعدك  ماهنالي 
تدري ياحال صفينة تدري ياحال
شدواحبال  بدينة شدواحبال
گعدونة اعلى التراب
والخرابة ابلاية باب
وجرحي ماطاب يعمة جرحي ماطاب
😭😭😭😭😭😭😭😭
عمة ابوي اشوكت يرجع من سفرته
يدري بية اشتاگ الة وانطر رجعتة
ما اظن لا سامح الله ينسى بنتة
حتى لو ينساني سامحتة وعذرتة
گلبي محتار يعمة گلبي محتار
بوالدي اشصار يعمة ابوالدي اصار
عمة چندوب انتظر مابقة عندي صبر عيني علباب يعمة عيني علباب
😭😭😭😭😭😭😭
عمة چن لحظة غفيت وشفتة جاني مرعلي  بلطيف ابوي وفززاني
ايگلي ادري بيچ مشتاگة لحناني 
ان شاء الله وياچ يجمعني  زماني
لا تخافين يگلي  لا تخافين  وياي ترحين يبوية  وياي ترحين
اليوم واعدني يجي
وآنة ظليت ارتجي
وطال الغياب يعمة طال الغياب
😭😭😭😭😭😭😭
أبد ماهادت رقية  اتريد ابوها
تنشد بعمتهة والسجاد اخوها
ولن يزيد الظاغي  گلهم سكتوها
بلطشت ودوالراس و روعوها
شبگت الراس رقية شبگت الراس
باخر انفاس رقية بأخر انفاس
ورددت اخر كلام  اعليك يابوية السلام يااااااغلى الاحباب يبوية ياغلى الاحباب 
😭😭😭😭😭😭😭
للشاعرة  ام ايناس الساعدي
غير مجازشرعاًمن يحذف اسم الشاعرة  جزاهااااالله خير الجزاء
صاحبة ديوان كعبة الرزايا

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية

اويلاه رقيه يا مظلومه

ماتت على راس الولي
شوف بخرابات وخلي
ما جنها بنتك ياعلي
اويلاه من اليسر مهضومه

طفله عليمن تنفجع
والمن تهل بهالدمع
والگلب منها منصدع
اويلاه من الفرح محرومه
__
حنت تريد الوالي
واتگله فك احبالي
حدر الشمس ترضالي
اويلاه وادموعها مسجومه
____
تبجي رقيه وتنتحب
يابويه بحبال انسحب
بسياط يابويه انضرب
اويلاه واعله الظهر مرسومه

جابولها راس الغريب
صاحت يبويه يالحبيب
وإليا سبب راسك خضيب
اويلاه روحي عليه ملجومه

بويه حلالك عني نوم
گوم إلرقيه بويه گوم
شهگت ولنها ما تگوم
اويلاه يا يوم يشبه يومه
_
تمت بحمد الله تعالى
بقلم : بنت الشمري


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده حماسيه
للسيده رقيه ع

🥀🥀🥀🥀🥀🥀🥀🥀


طفله ماتت اعله راس
منه الروح خلصانه

🥀🥀🥀🥀🥀🥀🥀🥀


منه غربت الروح
ميفيد الونين نوح
تبجي تريد المذبوح
ويلي حيل وجعانه

🥀🥀🥀🥀🥀🥀🥀🥀


يدفونه بغرب يأويل
منه امهدم الياحيل
كضته بجي وعويل
غفت علراس حزنانه

🥀🥀🥀🥀🥀🥀🥀🥀


غفت علراس ماكعدت
امه صرخت ونت
دمعت عينه هملت
تنادي وين ملفانه


🥀🥀🥀🥀🥀🥀🥀🥀


يمه حار هلتربان
غريبه انتي بل أوطان
اخوج موجع وحزنان
زهره حاضره ويانه


🥀🥀🥀🥀🥀🥀🥀🥀


زهره ونت وصاحت
ويلي طفله هلراحت
ماضل عزم هلشالت
وين حسين والينه

🥀🥀🥀🥀🥀🥀🥀🥀


وين حسين أبو اليمه
بته غربت يمه
كل النوح والونه
للشالت الفجعانه


🥀🥀🥀🥀🥀🥀🥀🥀




هوسه ٠٠٠ ( شلج بيه تراب الاسود)

هوسه ٠٠٠ ( ماريده العمر خلافج )


🥀🥀🥀🥀🥀🥀🥀🥀


بقلم خادمه اهل البيت ع الشاعره ام كنان الهاشمي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للسيده رقيه عليها السلام عله طور يبن أمي عالتربان عفتك رميه للرادود حمزه الزغير


أتون عله المذبوح هاي المسيه
ياعمه وين حسين تسئل رقيه
❥━──➸➽❥❂❥━──➸➽❥❂
يا عمه وين حسين شو ما أشوفه
مجروح گلبي أعليه وجرحه شيروفه
عايفني وأنه اليوم ما أريد أعوفه
والوالي دومه چان يسئل عليه
❥━──➸➽❥❂❥━──➸➽❥❂
يا عمه سافر وين طول سفرته
خلاهه ويه الگوم مهضومه بنته
تمنيته هسه وياي يا عمه ردته
وأمروعيني أعداه ما يدري بيه
❥━──➸➽❥❂❥━──➸➽❥❂
وياي أبوي حسين ردته أنه موجود
وأكشفله متني اليوم وأكشفله الأخدود
والوالي ذخر أو دوم لبنيته مريود
گص الحبل يا حيف چفين أديه
❥━──➸➽❥❂❥━──➸➽❥❂
أذكر گبل شهرين لفني بعباته
وخلالي حضنه أفراش أنه وبناته
هم يدري  هسه شصار سلبوا خواته
حملن هموم وضيم فوگ الرزيه
❥━──➸➽❥❂❥━──➸➽❥❂
أتمنه أشوفه أبطيف وأشكيله حالي
متكفي ليله وياه أسهر ليالي
حگي أمنگولن هيچ والدنه غالي
فارگني وتمنيت تلفي المنيه
❥━──➸➽❥❂❥━──➸➽❥❂

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

السبت / ٢٨ من شهر محرم الحرام
الموافق / ٢٠٢٢/٨/٢٧
                      

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك   

لطميه للسيدة رقيه( ع)

عمه لفيني بعباتج بالاسر

عمةموتني وكسرمتني الشمر

عمه عمه عمه عمه
…………………………………

عمه اخاف السوط ودروب السبي
حيل خانگني الرماد البلعبي
ايدي گصها الحبل يابنت النبي
گلبي ياعمه حمل هم شكثر
عمه موتني وكسر متني الشمر

عمه عمه عمه عمه
…………………………… .

من يطگني الشمر ياعمه تجين
بصدرج ضميني سوط تشاگفين
مثل گلب حسين گلبج هم حنين

يامحنته ويادفى ذاك الصدر
عمه موتني وكسر متني الشمر

عمه عمه عمه عمه
………………………

من حضنتيني ياعمه على الصدر
وشاگفيتي السوط من ايد الشمر
ريحتج تشبه ابوي انا شكثر

عطرج وعطره سوى يم الخدر
عمه موتني وكسر متني الشمر

عمه عمه عمه عمه
………………………… ..

چبير گلبج من اسولف حالتي
الحبل مايرخى وعور رگبتي
أذني توجعني خذوا ترچيتي

بعد ابونه ريت لاطال العمر
عمه موتني وكسر متني الشمر

عمه عمه عمه عمه
………………………… .

حسين گلتوا مسافر وبطلي البچي
ليش اشمن ريحته انا بالمشي
گبالي وجه وعينه تنظرلي بحچي

حيل مشتاگه ولاعندي صبر
عمه موتني وكسر متني الشمر

عمه عمه عمه عمه

………… ..تمت……………

بقلم ام زهراء العامري


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة لسيدتي ومولاتي رقية ( ع)

※✿❥•~•♡•~•❥✿※•~•♡•~•❥✿※

بالـخرابة الليله زينب نايحه
مـاتـت ارقـيـه اوين الفاتحه

لا حضر عمها وابوها    والگبرها يشيعوها
           بالخرابه الليله زينب نايحه

※✿❥•~•♡•~•❥✿※•~•♡•~•❥✿※

بــالـخـرابـه مـاتـت الـطـفـلـه حزينه
والـگـلـب مـجـروح من خلص ونينه
الـظـلـت ايـام وللـيـالي اتـنادي وينه
حسين ابويه الغالي شو طول علينه

الهواشم خل يجوها    والگبرها يشيعوها

        من البواچي اعيونها متقرحه
        بـالـخـرابـه الليله زينب نايحه

※✿❥•~•♡•~•❥✿※•~•♡•~•❥✿※

مـن الـبچي مـاتهده وتريده يجيها
من تشوفه رقيه تسكت من بچيها
حـسيـن دمـعـتها وعبرتها وحچيها
عَـلم مـاعـدهـا انـچـتـل مايرد ليها

شلون بالله يسكتوها    والگبرها يشيعوها

        وروحه ملهوفه ويلي امفرفحه
        بـالـخـرابـه الليله زيـنـب نايحه

※✿❥•~•♡•~•❥✿※•~•♡•~•❥✿※

تنوح ملهوفه عليه هوايه تسأل
والبنيه يـوم يوم اصبحت تذبل
عمه زينب والدي ابسفرته طول
والدمع مـن عينهه جمرات تنزل

رقيه بيش يقنعوها    والگبرها يشيعوها

        مادرت حادي ضعنها الذابحه
        بـالـخرابه الليله زينب نايحه

※✿❥•~•♡•~•❥✿※•~•♡•~•❥✿※

مــادرت راســه بـدمـاه امخضبينه
وبـالـحجـر صوبوا والـيهه ابجبينه
كسروا اضـلـوعه وبقه يجهر ونينه
انـذبح وعــالـمـخـيـم تـصــد عينه

يدري بته يروعوها     والگبرها يشيعوها

        وگلب ابوهه هالمصيبه اتجرحه
        بـالـخـرابـه الـلـيـله زينب نايحه

※✿❥•~•♡•~•❥✿※•~•♡•~•❥✿※

شبگت اعله الـراس وتعاتب بابوها
بـويــه اشـلون الـزغــيـره يسلبوها
بـلا رحـم امتوني يابويه اضربوها
سـكنه اخـتي وعمتي هم شتموها

الطفله ليش يعذبوها    والگبرها يشيعوها

        والدموع امن الفواطم سايحه
        بـالخـرابـه الليله زيـنب نايحه

※✿❥•~•♡•~•❥✿※•~•♡•~•❥✿※

تمت والحمدلله ✍ خادمة أم أبيها الشاعرة أم علي الحلفي لا أجيز شرعاً حذف الأسم اوتغير الكلمات


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للسيده رقيه عليها السلام


من فزت رقيه أتنوح
كل الشام هزته
❥━──➸➽❥❂❥━──➸➽❥❂
أتهز الشام ونتهه
أو من النوم گعدتهه
تهد الروح دمعتهه
والعطشان رادته
❥━──➸➽❥❂❥━──➸➽❥❂
أتريد اليوم أبوهه أهناه
وتشكيله مرار أعداه
عدهه أعتاب هيه أوياه
ودمع العين سالته
❥━──➸➽❥❂❥━──➸➽❥❂
لا حس لا خبر عنه
أو طال أبسفرته چنه
تگول الليله أريدنه
وصار أهواي ماشفته
❥━──➸➽❥❂❥━──➸➽❥❂
عن بنته الغريب حسين
دامت فرگته شهرين
گالت خل أشوفه الحين
والهه الگوم جابته
❥━──➸➽❥❂❥━──➸➽❥❂
جابوه أو أجو ليهه
أو هيه البچي عاميهه
تشوفه وحيل مابيهه
وياوالدي حاچته
❥━──➸➽❥❂❥━──➸➽❥❂
أتگله يا بعد بيتي
يا عمري أو يا عافيتي
أخذو مني ترجيتي
وخدي الگوم سطرته
❥━──➸➽❥❂❥━──➸➽❥❂
فوگه ماتت الليله
والعابد خذت حيله
وأخته حملت ويله
وگلب أم عون هدته
❥━──➸➽❥❂❥━──➸➽❥❂

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الأحد / ٢٩ من شهر محرم الحرام
الموافق / ٢٠٢٢/٨/٢٨
                         
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك