قصيدة لسبي زينب والعيال

اه واويـلاه زينـب باليـسر
اليوم مسبيه العقيلة ام الخدر
......................   .. 
اليوم مسبيه العقيله والعيال
جتفوها اجتاف توجعها الحبال
عمت عيني شلون تمشي اعله الهزال
ابوليت الارجاس حاديها الشمر
........................  ..
ابوليت الارجاس زينب لا كفيل
بس حرم وايتام وياها وعليل
من القهر والضيم ظل ماعدها حيل
وين عنها اليوم عباس الگمر
..............................
وين عنها اليوم مريود الولي
يرضه بيها شلون زينب تنولي
تبجي خويه تصيح وينك كافلي
والونين هواي ويفطر الصخر
..............................
من تون وتنوح وتزيد الونين
لو بجت ويلاه يضربها اللعين
لا فزع عباس لا يمها الحسين
موذر ومذبوح ظل بس النحر
...............................
موذر ومذبوح ظل اعله الترب
جم مصيبه شلون يحملها الگلب
نلطم احنه اليوم والمدمع يصب
وفاطمة الزهراء تحضر بالحشر
.............................

✍🏻 صاحبة القلم الزينبي
الشاعرة هاجر الزينبية 🖊
مشكول الذمة من يحذف اسم الشاعرة او الرابط ❌

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده ثگيله للسبي زينب ع 😭



مشيت ادروب الابعيده    وروس اهلي تماشيني
ولو ابچي ضربني بسوط   ولا واحد اليحميني

*-----------------------*

اونن بالدرب ضليت..الروس تون يناس وياي
لو شافت شمر يزمخ ..يزعل راسه ياملفاي
چنه يگلي لاتبچين .. وتدمع عينه وي عيناي
انه حارس عليچن...يزينب لا تعتبيني


*----------------------*
يزينب لا تعتبيني ...انه حارس ضعونچ
شحده لعاركچ خويه ..عيوني تفده لعيونچ
يزينب رايد تصبرين ...وي المايرحمونچ
روحي تذوب بونينچ..خويه يابعد عيني

*---------------------------*

تگله يابو عبدالله ..ماتدري السده والصار
من ديره لعد ديره ...تمشي بينه الكفار
ينادونه خوارج ليش..والدنه علي الكرار
قساة الگلوب وانذال ..عگب الكفل يحديني

*----------------------*

يبو الاكبر عگب عيناك ..اطفال انسحگت وماتت
رقيه من الهظم تبچي ..من السوط الشمر خافت
من فارگتك لليوم ...الابنيه  ولاناااامت
لوعته تفت الروح ....يبن امي وتبچيني


*---------------------*
وشريفه يابعد عيني ..ماتت باليسر عندي
تمنيت الحسن موجود. اصيحه ودمعتي بخدي
وصاني عليها اشلون  ..وعليها انه شبيدي

چنها ادگلي اريد احسين ..بيده هو يدفني

*-----------------------*


تمت بقلمي خادمة الحجه عج
ام ساره ناصريه
اسالكم الدعاء لي ولوالدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة على طور ( يخيمات)  للملا عمار الكناني

يعباس هاي اختك سبيه هايعباس
هيـه تـريـد بيـكـم تـرفـع الــــراس
مـسبيه اصـبحت ما بـين الارجاس
............................................
زبنب.. تون.. من الهضم.. هاي العده سبتها
تبجي وتريد..الها اخو.. ايشوف الكفر.. ولتها
ذوله الكفر.. حرگوا خيم.. هاي الحرم واهضمتها
سحگن جمر.. يا ابالفضل.. نوب العده اچتفتها
اديها خشنه حبال ملفوفه اعله ديها
ولا گـــام الـولي يفـــزع يـجـيها
يـا عـبـاس ويـنـك يـا ولــيـها
................................................
خويه يخويه... يالولي.. بين العده.. اتخليني
مسبيه.. ما... بين الغرب.. زَجر الي ذي يحديني
ابجي... واباااوع... كافلي.. ردتك تجي.. اتحاميني
ترضاها.. يا.. خويه.. النذل.. انه اختك..او.. يسبيني
النذال ياخويه عكب عينك النذال
مسـبيه خـذوني اتمـرمر الحال
توجعني يخويه اهواي الاحبال
....................................................
ترضاها خوويه.. كافلي.... انه اختك.. ويسبوني
شدوها ايدي... بالحبل.. ذوله العده... وشتموتي
انظر انه... جيتك الي... وينك ينوور.. اعيوني
ذلوني مـن.. بعـدك انه... هـاي العده... ذلوني
يغيره ياعباس ياراعي الغيره
اختك هالوكت حيرتها حـيره
ويـنك يالـولي هـاي الامــيره
...................................................
خويه يخويه... امروتك... فدوه اكعد... اوحاجيني
انظر على... اطفال وحرم.. بدرب السبي.. تبجيني
ريتك يخووويه.. كافلي.. ترجعلي وتحاميني
ترضاها خوويه.. يالكمر.. هذا النذل..يسبيني
سباني  من بعدك يخويه هالسباني
ضــربنـي وشــــتماني وعـذبـــانـي
ورقية اتكــول مجـروحـــات اذاني
.....................................................
زينب.. سبييه.. يا كفل... درب السـبي اذاها
خوله وسكينه.. يالولي... هذا.. النذل.. ضرباها
وارقيه عالناكه.. تون.. تبجي. وتهل.. عيناها
ملعون اجه... بايده النذل... هاي.. الاذن.. جراها
رقيه مهضومه وتون هايه رقيه
مـن ضـمن السـبي هيـه ســبـيه
وين اهــل والوفه واهل الحميه
....................................................

✍🏻 بقلم واحساس 🥀💔
صاحبـة القلم الزينـبي
# الشاعرة هاجر الزينبية 🖊
غير مبري الذمة كل من يحذف الاسم او رابط القناة ❌

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده على وزن يخيمات بحق السبي



سبيات خلانه الوكت نمشي سبيات

وحنه     بزودنه    وجنه    اميرات

باتن    بالجفن    يا   ناس   دمعات
💧💧💧💧💧

جنه امس/ويه البطل/يبره الضعن/خواته

راعي العلم/يا دنيتي/اسمع خبر/وفاته

ماتنطفي/نار الكلب/واشتم عطر/شماته

مني رحل/ذاك الاخو/الماتنوصف/صفاته

تميلين ليش وياي يادنيه تميلين

اخذتي الجان هيبه ونور للعين

عباس البطل يا دنيه وحسين
💧💧💧💧💧💧💧
راح الولي/وطش الضعن/ماضن يرد/علينه

ريحت حرك/خيمه وعبي/وين الكفل/يجينه

صياط العده/فوك المتن/نشكف نضل/بدينه

وين البطل/خل نخبره/انكله تره/أنسبينه

يعباس خويه نذال سابينه يعباس

وعمده كبالنه ايرفعون بالراس

ماترحم يخويه كوم الرجاس
💧💧💧💧💧💧💧

خال الولد/ضل عالنهر/ماكام الي/وجاني

ثاري الولي/جفه انكطع/موقف صعب/عماني

بسهم الغدر/عينه انطفت/كبله عسه/رماني

فراك الاهل/كلش كلف/شلون الكفل/جفاني

يبارون عكبه شلون لضعوني يبارون

وكدامي بعلي كاموا يشتمون

من غصبآ جرعت الصار تدرون
💧💧💧💧💧💧💧

ماتنحمل/عكب الاهل/وي الغرب/اسيره

شلون البطل/يرضاها الي/من ديره اروح/لديره

ام الخدر/زينب انه/المدلله/واميره

بس للحزن/كلبي صفه/عاش بألم/مصيره

تون حيل احس بالروح عالشالوا تون حيل

على فراك الولي مانام بالليل

وضل بس الجسد لا روح لا حيل
💧💧💧💧💧💧💧💧

بقلم✍🏼 الشاعرة سحر ام كرار الساعدي

غير مبري الذمه من يحذف اسم الشاعر

​https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للسبي ( ركض زينب)

ركض زينب ركضوهه عالتراب
حافيه ونوموهه بديار الخراب
@@@@@@@@@@@
ركض زينب ركضت بين الزلم
تحزمت ليتام اخوهه بالعلم
مره بس بجيشهم ماتنهزم

بت علي من اليضدهه ماتهاب
ركض زينب ركضوهه عالتراب
@@@@@@@@@@@@@
لاتذل  بسياط  لتهم   بسبي
خوفهه جان وحرصهه عالعبي
مايذلوهه بشتم بت النبي

زينب الهاظمهه بس جان المصاب
ركض زينب ركضوهه عالتراب
@@@@@@@@@@@@@
زينب الطف كلبته بسحك الصدر
مابجت وبعينهه غيمت مطر
شصبراهه من اجه يون المهر

سكتت بدلالهه بات العتاب
ركض زينب ركضوهه عالتراب
@@@@@@@@@×@@×
زينب لقصر الاماره من مشت
دنكت روس الزلم من اخطبت
براس اخيهه سكتوهه من حجت

بسوط راسه انضرب سيد الشباب
ركض زينب ركضوهه عالتراب
@@@@@@@@@@@@
وكفت بوجه ابن مرجانه النذل
تهدده وبجفوفهه جان الحبل
اعليج ماثگلان يازينب حمل

وانتي بت حيدر علي داحي الباب
ركض زينب ركضوهه عالتراب
@@@@@@@@@@@
مو اسيره ومو سبيه بت علي
ايخسه كلمن كال زينب تنولي
كلي اخويه خويه بعدي تحملي

وانه لجل عيونه متحمله العذاب
ركض زينب ركضوهه عالتراب

الشاعره رسل الابراهيمي من ديوان الثوره الزينبيه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للسبي على طور تعور ضهر اخيتي

تعور كلب اختكم طبت الشام
وياعباس خويه امشي ويا ضلام
***
ترضه ام الخدر تدخل بديوان
راحت هيبتي ويا الجان ماجان
صدك حاليلكم نومه التربان

(الون والنوح/اعليهم عليهه)
**
يلوعنه الشمر من يضرب الراس
يكلهن مايجي عمجن العباس
ماضلجن بعد بالزلم حراس
(يكلهه الكافل/غرب يسكينه)
**
بقيتن بس حرم ماعدجن ازلام
وسفه يالكفيل عيونك تنام
وعفتوني يخويه ابين ضلام
(اكعد ليهه/مسبيه الحره)
****
وسفه يبو فاظل طمك تراب
وانت الدنيا كلهه منك تهاب
يحلو الطول والمابيك كل عيب
(شال وسدد بيبانه/ابن البدويه)

لخادمه الزهراء /نور الهدى الشويلي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده حصريا للسبي (عتاب وديت)
❥❥❥❥ـــــــــــــ❁❁ـــــــــــــ❥❥❥❥
عتاب وديت لخوال ابني يجوني
شلون كعديت بخرابه يشاهدوني

عتابي يبدي بدمعتي
ويه الاعـــزاز اخوتي

واول احجايه عسنهم يعذروني
❥❥❥❥ـــــــــــــ❁❁ـــــــــــــ❥❥❥❥
ارد اعاتبهـم عتب بيه تطلع الروح
ورد اكلهم من مشيتوا گلبي مجروح
حرت حيره وبگه سلاحي الهضم والنوح

لمن گعديت بخرابه
گمت اشهگ بالترابه

جنت حيل مدللة وهسه سبوني
❥❥❥❥ـــــــــــــ❁❁ـــــــــــــ❥❥❥❥
شرد اسولف ياهضم والهضم اشكال
اخذوني مسبيه ومشيت برفگ جتال
ساكته طول الدرب والدمع همال

راس اخويه يلتفتلي
اتحملي زينب يكلي

وانه طول الدرب تهمل دمه اعيوني
❥❥❥❥ـــــــــــــ❁❁ـــــــــــــ❥❥❥❥
شبعت لجمااات ومصايب عذبني
كثر ما ضربوني والله ورم متني
شعجب خال ابني كلت متبري مني

عتبي وياهم ثجيل
اخلافهم دمعي يسيل

وينهم صحت النشامه وضيعوني
❥❥❥❥ـــــــــــــ❁❁ـــــــــــــ❥❥❥❥
ضيعوني شلون ضيعه اهل الحميه
ضعني ماتبعو ولانشدو عليه
ارد اكلهم اسمي صار الخارجيه

بعد كل ذاك الدلال
نمت بتراب ورمال
وساعه اگولن هسه اخوتي يگوموني
❥❥❥❥ـــــــــــــ❁❁ـــــــــــــ❥❥❥❥
بلكي اغفه ومن افز الگاني يمهم
ادري موته وضاله روحي بأملهم
برد حيله الموت چي فرگني عنهم

وسفه فرگنه الدهر
وصرنه كل واحد كتر
غصب جافيني الولا مره جفوني
❥❥❥❥ـــــــــــــ❁❁ـــــــــــــ❥❥❥❥
تمت بقلم شاعرتي اهل البيت ع
نورس الحلفي - غدير الحساني

صاحبات ديوان دموع الشفاعة

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي  لسبي  عن لسان حال زينب ع

يلوم  عله الدهر  كلبي واله عتاب
اركان  البيت   هداها   واله عتاب
يروحي لاون  يفيدج  وآله عتاب
اليسوون  العتب حدر  الوطيه  
............
ياكلب  بسك  من  الونين
تايه يكلبي وجاهلك  وين
بطل عتبهم كون  ميتين
...........
اه ياكلب   شفيد    ونك
كف  المعاتب ماتو  اهلك
شلونك عكبهم من يكلك
...........
طول الدرب عيني جريه
كلما  تميل  النوك   بيه
وين  اهلي  وذيج  الحميه
................

من عله  الناكه وعاتبتهم
جاليش  مانشدو  بختهم
لحكو  يهل كلبي صحتهم
............
خويه  الدرب يرادله حيل
هزله  النياك وبختك تميل
كثر ضيمها  ودمعاتها تسيل 
...........
طويل  الدرب ويريدله ازلام
ويريد  الحنين  محزم احزام
شلون  المشت ويناس ظلام

✍ام زينب كربلاء غير مبري الذمه من يأخذ الكلام وينسبه له اويحذف الإسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نزله للسجاد ع نفس طور ياعمري ماريد العمر للحاج باسم الكربلائي وتنقري شور
*
آنه  العليل  بكربله
والموت بعيوني حله
**
إبن الحسين آنه علي
ضيعت بالطف كل هلي
مذبوح كدامي الولي
والراس برماح اعتله
***
ياموت ليش اتعطلت
بعيوني جم لوعه شفت
تدريني ألف موته متت
ودمعات عيني سايله
****
ياموت وشعندك عذر
ماجيتني وكت اليسر
عالناكه ضيعت العمر
ماكلت ياهو الظل إله
****
وي زادي دمعاتي تهل
آنه الخذوني عالهزل
جتفوني عدواني بحبل
وحسين عفته بالفله
*
من الصبح ابجي وللصبح
ماأنسه ابويه المنذبح
عطشان راسه عالرمح
وبصدره خيل الصايله
*
اتمنيت ساعة موتتي
والشمر حزهه لركبتي
ولاشوف زينب عمتي
مسبيه تركض ناحله
**
مافاركت عيني الصور
آنه العله وجهه انسطر
مسموم جبدي وانفطر
بالموت يامية هله
***
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

من ديوان لبيك ياحسين عليه السلام الجزء الثامن

لطميه للامام السجاد عليه السلام


بس لهل الحميه       تلوگ هالطمه
عـلــي الســجاد شايل       والنزل ضلمه
/////////////////////////////
بس لهل الحميه تلوگ لطمتنه
بالسم والقتل خلصو ايمتنه
للسجاد منصوبه عزيتنه
علمسموم       مهضومين ياهضمه
/////////////////////////////
مهضومين علمسموم نتعازه
خله الدار تنعى وفارگ اعزازه
وين بهالنعش رايح يجنازه
الف ياحيف      تربان الگبر ضمه
/////////////////////////////
الف ياحيف بلتربان يخفونه
اليوم اهل العلم والدين محزونه
اليوم ابنه على افراگه يعازونه
بعد منهو    اليشد الراي وينضمه
/////////////////////////////
يحزن من يشوف الماي گدامه
يذكر گلب ابوه حسين واسهامه
وما ناسي الكفيل وطبرت الهامه
نايم علنهر        ضل البطل عمه
/////////////////////////////
نايم عالنهر ومگطعه اچفوفه
جرع ضيم وهضم بلشام والكوفه
تمنيت الغريب يگوم ويشوفه
كل هاي المصايب   والعدو سمه
/////////////////////////////
كل هاي المصايب والعدو سماه
وننصبله العزه وللموت ماننساه
يشافينه العليل انريد من يمناه
احلفه بجاه  زينب وبحليب امه
/////////////////////////////

*تـــمت والـــــفضـــ🤲ـــل لله تعالى*
*بقلم✍الشاعره أم هجران العمارجيه*
*صاحبه ديوان📚صبر العقيلة*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#حصرياً_من_ديوان📚_قربان_الطف_ج_٤.
قصيدة للسبي(ماتنطگ العلويه)
❥━──➸➽❥❂❥━──➸➽❥❂
دذب السوط       يالماتدري ياهيه
الله يگول           ماتنطگ العلويه
❥━──➸➽❥❂❥━──➸➽❥❂
لاتظربهه اخت المايذل هاي
اخت البالمواقف حيل وفاي
اخت. العصر عينه وشرب الماي
وكت خله المثلهه تروح مسبيه
      ❥━──➸➽❥❂❥━──➸➽❥❂
خدر الله العقيله تنطگ شلون
هاي الماتصد لضلهه العيون
شلون تصير زينب زرگة متون
وسفه اعله الزمان وكل تواليه
❥━──➸➽❥❂❥━──➸➽❥❂
اشوفن كعبه چن وصاعده النوگ
واشم عطاب چنه الگلب محروگ
تصد لروس اهلهه بشوف مبيوگ
وتگلهم ياهلي كل حيل مابيه
❥━──➸➽❥❂❥━──➸➽❥❂
محنية ضهر مابيهه كل حيل
وسكته دموعهه لو رادت تسيل
المثلهه شلون تشرب جرعة الويل
يخوان الگلب ثگلن محاچيه
❥━──➸➽❥❂❥━──➸➽❥❂
زينب هاي يالماتعرف شلون
ماوصلت وصف كل اليوصفون
قليله بحقهه لو رادو يگول
بنت حيدر علي الكرار مرضيه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور.
نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

السجاد ع
لطميه مربعه


على السجاد    مهظوم ويون حيل
من شاف الاثر كيد وزناجيل




الباقر  ضل يون بروح مهدومه
عالسجاد ياويلي شعظم يومه
مالومه عليه الروح مالومه
يبجي لحد مماته  السحكته الخيل






ويلاه عالغريب المحد يرويه
لحد الموت ضل يبجي ويون عليه
لبوه حسين ويلي عالثره مخليه
واليوم بسم عداه منه هدمو حيل






سموه العده مارحمو بحاله
من سم الغدر ممرود دلاله
مالوم ويون مغيره احواله
اصفر صار لونه ومدمعه يسيل





عالسجاد يبجي الباقر الليله
ودمعه من دمه عالوالد يسيله
ابوي يكول من السم ركد حيله
وفوك السم اثر هاي الزناجيل





يغسله والكلب  مهدوم بالعبره
ينادي اه  يكلبه وياعظم صبره
شلون مصيبته من شاهد  اليسره
لحد الموت يبجي  عالمجاتيل





الباقر صاح يابويه ويهل العين
يازين العباد ايصيح بكلب حزين
ضلينه عكب عيناك بس ونين
كلبي عليك بويه صاير نحييل


ام زينب السعداوي  ناصريه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الطميه_بديوان_بحر_الولاء_الجزء_٨_.


لطميه للأمام السجاد عليه السلام


الباقر يون علسجاد هليله
ايغسل بيه اومنه تهدم حيله
🩸🩸🩸🩸🩸🩸🩸
علمغتسل حطاه او صبت عينه
ايصيح يايابه او يجر اونينه
ابنوح او حزن ياويلي كضه اسنينه
يصعب عليه هظم الحرم والعيله
🩸🩸🩸🩸🩸🩸🩸
علمغتسل شافه تهل عيونه
اثر الاقيود امطبعه بمتونه
يبجي اعله ابوه ايشوف حاله شلونه
ايغسله بيده والدموع ايسيله
🩸🩸🩸🩸🩸🩸🩸
الله يعينه امنلغسل من شاله
محد حضرله ايشيعه من ارجاله
وسده ابلحد والعين هماله
تجري ادموعه والتراب ايهيله
🩸🩸🩸🩸🩸🩸🩸
اشلون حال الباقر ابهل لوعه
او لمصاب ابوه كامت تهل ادموعه
اليوم الحراير صبحت مفجوعه
زين الاعباد اتوفه روحه انحيله
🩸🩸🩸🩸🩸🩸🩸
الباقر يون واللحد هال اترابه
شايل ابوه او عاف كل احبابه
واشلون يحمل فركته واغيابه
ياريت تحضر اهله وارياجيله
🩸🩸🩸🩸🩸🩸🩸

*تـــمت والـــــفضـــ🤲ـــل لله تعالى*
*بقلم✍الشاعره أميره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

ختام مجلس. سريعه

يوم لحرگوا الخيمه. واويلي على السجاد
خواته طرن الهيمه. واويلي على السجاد
حار الگلب وبضيمه. واويلي على السجاد
ماتلحگ يبو الشيمه. واويلي على السجاد

زينب صاحت بهمه. واويلي على السجاد
ماتلحگ علي عمه. واويلي على السجاد
متني سايح بدمه. واويلي على السجاد
ضعني ياهو ليلمه. واويلي على السجاد

دمعه يجري ابو الباقر. واويلي على السجاد
حيله يكسر لخاطر. واويلي على السجاد
يشكي حاله لجابر. واويلي على السجاد
ماتت روحه بالعاشر. واويلي على السجاد

يحمل جم كسر بالروح. واويلي على السجاد
لا هود ونين وونوح. واويلي على السجاد
يلجمنه شكثر الجروح. واويلي على السجاد
من يذكر ابوه مذبوح. واويلي على السجاد

بروحه عاشت اللوعات. واويلي على السجاد
من شاف الحوافر مات. واويلي على السجاد
بيوم الحرگوا لخيمات. واويلي على السجاد
وشاف ضعونه مسبيات. واويلي على السجاد

✍باقر جبار الشويلي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للامام  السجاد  ع

اه يموتي  /  عني  ليش  اتاخريت
اه يموتي /  بيوم  عاشر  مااجيت

يوم عفت حسين ظامي بكربله
وانه  عالناكه  واديه   مسنسله
اه يموتي       اه  يموتي

...........

اشكد  تمنيتك  تجيني هنا يموتي
انام  واتوسد  سويه بصف اخوتي
موت ناديتك تجيني بعالي صوتي
يوم صاح الشمر  لم الخدر  فوتي

جدم  النوك ونده  وين السبيه
وانه دمعاتي عله زينب جريه

اه  يموتي     اه  يموتي
............
تدري ليمت  تمر  بيه  اتوسيلتك
من شفت منحر  ابوي اتذكريتك
صحت ياموت الخذيته وخاطبيتك
كلت اخذني ويه ابوي واعاتبيتك

ماشفتني من رحت ويالسبايه
تنكط من اجفوفي ياموت الدمايه
اه  يموتي       اه يموتي
............
اه يكيد  الجامعه  الحفر  بديه
وانه اللوج  بعلتي والامي   بيه
ايزيد همي من انظر الحالت رقيه
واعمتي فوك  الهزل تمشي سبيه

طبت الديون  كلفه  وهدمتني
اه  يموتي شعطلك شوماخذتني

اه  يموتي       اه  يموتي
.............
عاشرت حزني ودمعتي هاي السنين
حسره حسره  وانفطر  دلالي نصين
اشكد تمنيتك تجيني بدفنت حسين
اتوسد بصفه وانام وتغمض العين

ردت اموت  اوياه من يوم الدفنته
يوم  شلته اوسدت بيدي  ركبته

اه  ياموتي     اه  ياموتي
...........
هاك اسمع ونتي بساعت  وفاتي
موش من جبدي اون واجذب اهاتي
حسين بويه صحت من يبس لهاتي
من اجه  الباقر  وغطاني   بعباتي

انه  ابوي  بلاغسل من ودعيته
نايم  بحر  الشمس ما جفنيته
اه  ياموتي     اه  يموتي

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم  من كتاب الماسي الفاطميه الجزء الثامن

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك