لطيمه للدفنه
تقرأ فزاعيه شده
=========


ويادفان

بهداي وي الحسين

ظلوعه مكسرات ابن السلاطين

=========

خففله التراب هنا يلدفان

لاصحله غسل لاصحله اچفان

وسفه ابن النبي يندفن عريان

ثلث تيام ضل مطروح علطين

🏴🏴🏴🏴

يادفان رش اگبورهم ماي

جمره من العطش جبود ولياي

من تدفن اخونه نزله بهداي

عظامه مكسره من عملت البين

🏴🏴🏴🏴

شلون بدفنته والجرح مفتوح

وتراب الگبر يلسع بلجروح

تهد الحيل ياونت المذبوح

وينچ فاطمه لبنچ تحضرين

🏴🏴🏴🏴

حضري دفنت الذبوح عطشان

وجيبي وياج للعريان الاچفان

غسله من الدمه وذاري التربان

شلون بدفنته من غير تچفين

🏴🏴🏴🏴

ظلوعه مرضرضات وجرحه مفتوح

نحره علتراب ودمه مسفوح

ثلث تيام فوق الثرى مطروح

خلصت ونتهت وياك يحسين

🏴🏴🏴🏴

خل تحضر أخوانه وي خواته

خلي يوادعنه امدللاته

خلصت عشرت الوالي وحياته

شيصبر الگلب مفگود الحنين


=========
خادمة ال البيت وخادمتكم الحجيه ام علي البصره
لانجيز حذف اسم الحجيه ام علي من قصائدها غير مبرء للذمه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه فزاعيه لدفن الحسين عليه السلام
=========

خال ابني وعليه موش بلهون

اخذوني وياكم هنا يلتدفنون

=========

خذوني وياكم احضر دفن الاجساد

خذني وياك ياعمه يسجاد

ثلث أيام وهلي عني ابعاد

وحليته / وحزام الخوه

➖➖➖➖

يادفان خل اتوادع وياه

وانزل للكبر وتوسد احذاه

ابوسن منحره وتحنه بدماه

وهد حيلي / يايوم الوالي

➖➖➖➖

يادفان خل احجي وي الحسين

من يسمع ونيني يفكلي العين

اكله اتفرهدت خويه الصواوين

وصيواني / تفرهد خويه

➖➖➖➖

ارد اعاتب العباس هليوم

جا وين الوعد خويه يجيدوم

اكعد ياشهم بسك من النوم

ومن النومه / اكعد ياخوي

➖➖➖➖

اكعد ياشهم ياكمر دنياي

خلافك ياعزيز متيها الراي

اطفالي عطاشا هنا يرواي

ويسكيها / اطفال الضلت

➖➖➖➖

منكم يا اخوتي اكطعت الضنون

علينه يانشامه ماتردون

مهظومه العزيزه شلون ترضون

ويهظموني / ماضن ترضون

=========
الحجيه ام علي البصره


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للدفن

كاصد كربله السجاد
رايح يدفن الوالي
🖤🖤🖤
رايح يدفن الوليان
ثلث تيام عالتربان
ظلوا لاغسل لااجفان
دمعه من دمه هالي
🖤🖤🖤
ظل حسين وانصاره
عاري بحر الصحاره
بس دموم تجاره
وراسه بالرمح عالي
🖤🖤🖤
مطروحين على الغبره
والطبره عله الطبره
راحت عيلته اسره
وظل ميدانهم خالي
🖤🖤🖤
بِني اسد تعنوا بهمه
كصدوا دفن أبو اليمه
شافو ا من بعد زلمه
جاهم والدمع هالي
🖤🖤🖤
هذا امامنا السجاد
تعنه يدفن الاجساد
گلبه يلهب وماهاد
يصيح الموت اشوالي
🖤🖤🖤
تمت بعون الله تعالى
خادمة الزهراء ام حسين الأسدي



https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#قصيده_ثكيله_يوم_الدفن

#المستهل 👇🏻👇🏻👇🏻

بحصيره شلون ينشال
ابو ارقيه امن الأرمال
جسمه اموذرينه // وراسه امعلكينه
برمح رفعوه الأنذال

•───✧◐🕊🌻🕊◐✧───•

الله يساعد السجاد من جاله
شافه اعله الأرض ومكطعه اوصاله
ابوه فوك الثرى وداسته الخياله
ثلث تيام محد غسله وشاله
الخنصر كاطعينه
وجسمه مرضرضينه
ولايمنه ولااشمال

•───✧◐🕊🌻🕊◐✧───•

اجه السجاد محني يدفن حسين
لكه بجروح جسمه تراب والطين
كعد يمه ويشمه وتدمع العين
بيده ظل يلم اعضاء الحنين
حفرلحسين كبره
وكلبه اعليه جمره
دفن جسمه ابياحال

•───✧◐🕊🌻🕊◐✧───•

سمعنه الي يموت اهله يحظروه
ويجيبون الكفن يمه ويغسلوه
وبس حسين راسه برمح رفعوه
وكت الدفن خد ماكو ويدفنوه
راسه برمح مرفوع
الخنصرمنه مكطوع
جسمه امكطع اوصال

•───✧◐🕊🌻🕊◐✧───•

وعبدالله الطفل حطه اعله صدره
وصيت احسين ايريد ابنه بكتره
وسدهم علي وجر الف حسره
الله يعين كلبه اشتعل جمره
وسدهم هالأثنين
عبدالله والحسين
ودمع العين همال

•───✧◐🕊🌻🕊◐✧───•

رَش كبر الحنين بدمعة العين
فوك الكبر كاتب والدي حسين
دفن جسمه وبقى يجهر بالونين
ابلا تغسيل يدفنهم الطيبين
يدفن اهله الحنان
رجع يم عمته حزنان
رجع يحجي للعيال

•───✧◐🕊🌻🕊◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده ثكيله لدفن الاجساد

المستهل 👇👇👇

عمه اهنا يسجاد/وين ادفنت الاجساد

لم اعظامهم زين/ ودور خنصر حسين

عمه اهنا يسجاد
عمه اهنا يسجاد

✿────↻✿...✿↺────✿
✿────↻✿...✿↺────✿

دور زين ياعمه عليهم
اوصال اوصال عمه امذبحيهم
دشوف ابياكتر مشموره اديهم
عليهم تدمع العين//وصل گلهم مگطعين

عمه اهنا يسجاد
عمه اهنا يسجاد

✿────↻✿...✿↺────✿
✿────↻✿...✿↺────✿

اخبرك ياعلي السجاد عمه
من تدفن جسد عباس لمه
خلي اجفوف أديه ياعمه يمه
لم اوياه الأيدين//عالج ظربة العين

عمه اهنا يسجاد
عمه اهنا يسجاد

✿────↻✿...✿↺────✿
✿────↻✿...✿↺────✿

والشبان عمه احفر كبرهم
علي الاكبر وجاسم ياعمرهم
موزين الگبر عمه ويظرهم
وسّدهم هالاثنين //علي وجاسم الحلوين

عمه اهنا يسجاد
عمه اهنا يسجاد

✿────↻✿...✿↺────✿
✿────↻✿...✿↺────✿

يعمه والرضيع اوياك وسده
اعله صدر حسين ياعمه تسنده
صعبه ادري عليك وهايه شده
هذه وصية حسين// ننفذهه وعلى العين

عمه اهنا يسجاد
عمه اهنا يسجاد

✿────↻✿...✿↺────✿
✿────↻✿...✿↺────✿

من تدفن ابوك ابهيده وياه
ترى اعظام العزيز امكطعه احاه
لم اشلاء صدره وخنصره اوياه
اولاتنسه الجفين /تكله وتدمع العين

عمه اهنا يسجاد
عمه هنا يسجاد

✿────↻✿...✿↺────✿
✿────↻✿...✿↺────✿

هذه اخر وصيه اسمعه مني
من تدفن ابوك احجيله عني
وكله اميسره وشامت شتمني
أسيره وتدمع العين/كله بويه يحسين

عمه اهنا يسجاد
عمه اهنا يسجاد

✿────↻✿...✿↺────✿
✿────↻✿...✿↺────✿

المله والشاعره ام علي الأماره

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي للدفن
ــــــــــــــــــــــــــــــــــــــ

الابوذيه
ــــــــــــــــــــــــ
گلي شلون عمه،،،،،،،، ،،، لملميته
وعليه اتراب گبره،،،،،،،،، لمــلميته
انوح ادمـــــــــوم بلكت لملميته
شلي بالعمر عگب الشفيه
النعي
ـــــــــــــــــــــــــــــــــــ
النعي
ــــــــــــــــــــــــــــ
عمه ارد انشدك ياضوه العـين
شلون ادفنت بتراب الحسين
من ياكتر شلت الاخــــو منين.
ماخلو بجســـــــــمه الملاعين

موذر اخـــــيي شلـــــون شلته
بنص اللحد عــــمــــه ودفنته
ومنهو الذي ســـــــوه وحشته
وشنــــاشدك گلي على اخته

يگــلها لميته بنص الحصيره
وياحـــــسرتي.لفـگده جـبيره
ضليت هالـــــــــــناظر اديره
لايمي عـــــــمام ولاعــــشيره

تگله لاراس وتوسده على الكاع
ومكسره مــــــن عنده الاضلاع
رد بالنـــــــشد ياحلــــو الاطباع
ما گتله عگبك صـــــرنه اضياع

هم دورت عن خنصــــــر ايــده
وهم وســــــــــــدت يمه اوليده
ماگتله زينـــــــــــــــــبكم بعيده
ووين ادفنـــــــت عـــنه عضيده

ووين ادفــــــــــنت راعي الهيابه
عبـــــــــــــــــــــــاس يالكلها تهابه
فت الگلــــــــــــــــب تدري غيابه
لابجي العـــــــــــــمر كله لمصابه
ـــــــــــــــــــــــــــــــــــــــــــــــــــــــــ
تمت وبعون الله تعالى بقلمي
ام علي البابلي
لااجيز حذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

★•• لطمية لـ دفن الأجساد الطاهرة ••★
كأني بلسان حال مولانا الإمام السجاد

بيدي ادفنت يا ناس أهلي بالتراب
لمن شلت لجساد مني الگلب ذاب
-----------------------------------

بيدي ادفنت لعزاز ما غسلتهم
متوذرة الأجساد لمن شلتهم
فوگ الوطية ارجال وسفة عفتهم
عافوني وحدي ابين هالناس الاغراب
─────※ ·❆· ※─────

ماتو عطاشى احاه أهل الحمية
وآنه وحرم واطفال بيد آل امية
گيدوني وتمنيت ساع المنية
تنظر عَلَّي شمات وجهي صفى خضاب
─────※ ·❆· ※─────

بيدي ادفنت شبان بس چنهم ورود
والـ عالنهر يا ناس مگطوع لزنود
العشرة انگضت والراح ماظنتي ايعود
لا أسمعلهم صوت حتى الأثر غاب
─────※ ·❆· ※─────

أدفن واخط الاسماء وتهل لدموع
ماينوصف هالحال من شفت لضلوع
بسحگات رجل الخيل كل جسد مصروع
آ يا وسف ويلاه يهلي يالاطياب
─────※ ·❆· ※─────

ظهري انحنى وازداد همي ونحيبي
من احفرت يا ناس حفرة لحبيبي
بس الجرح والـ آه صارن نصيبي
أشلاء الملم بي وگليبي مرتاب

✍🏻#ولائـية_وافتـخر (دعـاء العـامـري)
❌لاأجيــز حــذف الأســم❌
─────※ ·❆· ※─────

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*قصيدة للدفنة

باطوار/مربوعة-فزاعية-وعدة اطوار

❥❥ـــــــــــــ❁❂❁❂❁❁ـــــــــــــ❥❥
*يادفانة ريض … خل اودعنة*
*لوطمة الترب چاوين اشوفنة*
❥❥ـــــــــــــ❁❂❁❂❁❂❁ـــــــــــــ❥❥
هذا ابني العزيز وغالي اعلية
توانة بدفنتة وارحمني اشوية
خلني وياالحنين اشبع وداعية
*وعد راسة انتحب وعتابي اسمعنة*
❥❥ـــــــــــــ❁❂❁❂❁❂❁ـــــــــــــ❥❥
اعتب عالولد وادموعي اجريهة
وگلة امك بعد ياهو اليباريهة
ليش اتروح من عدهة وتخليهة
*ظلت بس تون مابطلت الونة*
❥❥ـــــــــــــ❁❂❁❂❁❂❁ـــــــــــــ❥❥
بلكت بي نفس ويردلي اجوابي
اعرفنة حنين وللعتب مابي
يحبني اهواي مايتحمل اعتابي
*وحگي علة الولد ورباي اطلبنة*
❥❥ـــــــــــــ❁❂❁❂❁❂❁ـــــــــــــ❥❥
خليني اذكرة بسهرتي وتعبي
خليني اگلة ماشفت دربي
بي غيرة يبلكت يستمع نحبي
*لاحضاني يرد وابگلبي احطنة*
❥❥ـــــــــــــ❁❂❁❂❁❂❁ـــــــــــــ❥❥
كونة ايگوم الي وايعوف تابوتة
زغيرون الولد لامووكت موتة
شيردة علية واستمع صوتة
*ماظلت الي بس الصور منة*
❥❥ـــــــــــــ❁❂❁❂❁❂❁ـــــــــــــ❥❥
عالغالي تراهة الروح ملچومة
واخافنة التراب يخرب ارسومة
من عندچ ردت مطلب يمهظومة
*على افراگة صبر مولاتي اريدنة*
❥❥ـــــــــــــ❁❂❁❂❁❂❁ـــــــــــــ❥❥
*بقلم✍خادمة تراب الزهراء(ع)

الكربلائية فاطمة علي صالح الحلفي*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة حول الدفن كأني بمولاتنا زينب ع



يا دفان عالوليان بهداي
صارالهم وكت ماشربو الماي



صار الهم وكت بالشمس ضلوا
بحالي من مشوا مدري شسووا
يحسبات شكثر بالروح خلوا
خوال ابني اوضعهم كلف ماهان



خوال ابني هذول ارجاك علكيف
فوك من العطش هل شمس وصيف
سهام وخيل والطعنات بالسيف
يا دفان تدري عزاز الخوان



يا دفان تدري عزاز همه
يكون حسين ابوسنه وشمه
كلساع وصحت يازهره يمه
تعالي وياي يمه تايه الراي


تعالي وياي يمه وساعديني
يايوم الولي فاكسلي عيني
يريت بساع يازهره تجيني
نتكابل ييمه وتبجي وياي


نتكابل ييمه ونندب حسين
خل نبجي ييمه نودر العين
خال ابني عزيز وانت تدرين


خطيبة المنبر الحسيني🎤
✍ الشاعرة الحسينية ام كرار الساعدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للدفن

كاصد كربله السجاد
رايح يدفن الوالي
🖤🖤🖤
رايح يدفن الوليان
ثلث تيام عالتربان
ظلوا لاغسل لااجفان
دمعه من دمه هالي
🖤🖤🖤
ظل حسين وانصاره
عاري بحر الصحاره
بس دموم تجاره
وراسه بالرمح عالي
🖤🖤🖤
مطروحين على الغبره
والطبره عله الطبره
راحت عيلته اسره
وظل ميدانهم خالي
🖤🖤🖤
بِني اسد تعنوا بهمه
كصدوا دفن أبو اليمه
شافو ا من بعد زلمه
جاهم والدمع هالي
🖤🖤🖤
هذا امامنا السجاد
تعنه يدفن الاجساد
گلبه يلهب وماهاد
يصيح الموت اشوالي
🖤🖤🖤
تمت بعون الله تعالى
خادمة الزهراء ام حسين


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للدفنه(ياشمس غيبي)


ياشمس غيبي اعله اخويه ولاتچوينه
تالي ماتالي اعوفه........... والد سكينه


بساع غيبي ياشمس
بعده بألام الرفس
طحن مطحونه ظلوعه ماتشوفينه
ياشمس غيبي اعله اخوي ولاتجوينه
@@@@@@@@
ياشمس بالعجل غيبي لاتطولين الظهر
كل كتر بي جرح صاير شوفي شمسوي الشمر
لاتزيدين الهظيمه والوجع بي والقهر

سمعي ابو اليمه يون
لاحصيره ولادفن
محد يلملم اوصاله ويمسح اجبينه
ياشمس غيبي اعله اخوي ولاتچوينه
@@@@@@@@@
رايحه امشي عنه اني واتركه بهذا الهظم
الوجع مو واصل عظامه الوجع هشمله العظم
شلون امشي وماادفنه رايحه وبحسين اهم

مانظرته وجاي انوح
بس دفنت بجسمه روح
روحي متعلگه بخوي وظلت ارهينه
ياشمس غيبي اعله اخوي ولاتچوينه
@@@@@@@@

رحت عنك جسد ميت فاگد احساس الحياه
عندي اخوي اليسوه دنيا شلون اعيش انه بلاه
ريت ماارحل سبيه وابقى واتوسد ثراه


منه اخذ جم جرح
خاطر ينام الصبح
ولايشوف الحادي لو شال بنساوينه
ياشمس غيبي اعله اخوي ولا تچوينه

@@@@@@@@@@

ينجرح گلبه اليودنه فوگ جرحه المابره
من يشاهد زينب اخته تروح عنه ميسره
وياها راسه يروح لكن جسمه يبقى اعله الثره

يبقه يتنازف دمه
جسم ابن حامي الحمه
يضل جثه حسين بترابة ميادينه
ياشمس غيبي اعله اخوي ولاتجوينه

@@@@@@@@@@@@@

ياصريع الضال جسمه عالثره بذاري الهوه
ابواليمه نحره يابس وبالدمه تالي ارتوه
ميت وتارس الحومه من كفه ايده ضوه


مثله وين الگالي اخو
يسير بروحي دفو
وسفه ابو طبع المحنه خلصت اسنينه
ياشمع غيبي اعله اخوي ولاتجوينه


الشاعره رسل الابراهيمي والشاعره نورس الحلفي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_مسير_الفواطم_ج٣
*قصيده للدفنه (يا دفان الحسين)*
❥━──➸➽❥❂❥━──➸➽❥❂
يا دفان الحسين لا تلچم الضلعين
گله اخت غريبه وبعدك تهمل العين
❥━──➸➽❥❂❥━──➸➽❥❂
گله اختك غريبه ومهضومه وسبيه
وگله امگابله الراس من ينشد عليه
يادفان بهداي نزله اعله الوطيه
ابو السجاد مذبوح مگطوع الوريدين
❥━──➸➽❥❂❥━──➸➽❥❂
ابو السجاد مذبوح وگطعو منه نحره
لا تنسه يدفان خنصر ايده دوره
وبالك لا تلچمه تره ضلوعه مكسره
واحنه ابين كفار واجناب وملاعين
❥━──➸➽❥❂❥━──➸➽❥❂
احنا ابين كفار ودونه سبايا
عفنه اجساد اهلنه بالحومه ضحايا
بعد ما عدنه وليان عله الله وعالعبايا
ضلو كل أهلنه عالغبره مطاعين
❥━──➸➽❥❂❥━──➸➽❥❂
عالغبره مطاعين ضلو كل اهلنه
بجفاهم سبونه وعگب حسين ضعنه
يادفان گلهم نجر ونه اعله ونه
وسلمنه يدفان عله امگطع الچفين
❥━──➸➽❥❂❥━──➸➽❥❂
سلمنه يدفان عالگطعو چفوفه
گله اختك حزينه ومحتامه ارد اشوفه
ما خلوني يمه ما اريدن اعوفه
مايدري الكفلني طبيت الدواوين
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للدفنه

لحسين ماگصو چفن
والدفان ماغسله
ــــــــــــــ❀•▣
محد جفن گصاله
بالحومه ضل شحاله
اتــعنتـه الخيــالــه
داسو اضلوعه وانوله
ــــــــــــــ❀•▣
بالخيل داسو جثته
اه يالغريب وشوغته
راحت يساره عيلته
ومشمور ضل بكربله
ــــــــــــــ❀•▣
مشمور ضل بمجانه
ماغسله دفــانـه
كله ضحايه اخوانه
وامذبحه وامجتله
ــــــــــــــ❀•▣
كلها ضحايه مذبحه
وبدون روس امطرحه
چاوين زينب رايحه
تبچي بدموع الهامله
ــــــــــــــ❀•▣
تبجي العقيله عالهزل
مايرضه اخوهه لو عدل
كلفها تالي بالحمل
الجانت بجاله امدللـه
ــــــــــــــ❀•▣
الجانت اميره بزوده
گطعو الگوم ازنوده
فلت هذيج اعهوده
والعاف الضعن والعايله
ــــــــــــــ❀•▣
عاف الضعن والعيله
والطاهره اتوصيله
عگبك تراني نحيله
للكوفه عنك شايله
ــــــــــــــ❀•▣
الشاعره ام هجران العمارجيه
ديوان لبيك ياحسين ج 19

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شدة لطم للدفنه
***
دفنته شلون يالسجاد ابوك وراس ماعنده
**
دفنته شلون ياعمه نحره امخضب ابدمه
كدرت اتشيله واتلمه ينزف منحره بعده
**
عاده الميت يغسلوه بأول ليله ويدفنوه
ابوك بلادفن خلوه عاري عالترب وحده
**
ثلثتيام ظل مطروح عفته والكلب مجروح
لوبيدي ابد ماروح انام بكبره وابسده
**
بحصيره شلون لميته يعمه الخنصر الكيته
ياجرح اللي داويته اموذر بالسهم جبده
**
جروحه هواي جتاله تدوسه عشره خياله
ومحد غسله وشاله صبري فاض واتعده
**
كلبي من الالم يسعر دفنت شلون ابو الاكبر
ينام بلحده عالمنحر باب الكبر لتسده
**
راسه يون عله بلواي يعثر لو عثر ممشاي
لو رديت اجيبه وياي فوك المنحر انرده
**
ابو فاضل دفنته وين لكيت الرايه والجفين
لمصابه عميت العين اخلافه طايحه بشده
**
الشاعرو أم علي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للدفنه

يادفان اخوي حسين
لاتلجم مفاصيله
ــــــــــــــ❀•▣
لاتلجم ضلع صدره
وسع للسبط گبره
احا يامهجت الزهره
علتربان چم ليله
ــــــــــــــ❀•▣
ضل مطروح عل تربان
ارد اوصيك يلدفان
گله انذلت النسوان
سبايه اميسره العيله
ــــــــــــــ❀•▣
يادفان ابو اليمه
امسح منحره ودمه
فدوه ياعلي عمه
بهداي الرمل هيله
ــــــــــــــ❀•▣
يادفان عندك ماي
لو تاخذ دمع عيناي
غسله واعتذرلي اهواي
لو ردت الولي اتشيله
ــــــــــــــ❀•▣
گل لحسين يعذرني
عفته ايلوج خال ابني
گوة الشمر جرجرني
مايرضون افييله
ــــــــــــــ❀•▣
مايرضون اضل عنده
اوصيك بسهم جبده
جره والجرح شده
ومن عنده انهدم حيله
ــــــــــــــ❀•▣
من عنده كضت روحه
اهواي وتنزف اجروحه
وعين حسين مشبوحه
وتصد لمداليله
ــــــــــــــ❀•▣
الشاعرة المله
ام ريام الركابي ديوان الدموع الزينبيه ج 12
غير مبري الذمه من يمحي اسم الشاعره او يغيره

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

من ديوان عبرات وأنين ج ٤
قصيــده فزاعيه مع هوسات للدفنه
❥━──➸➽❥❂❥━──➸➽❥❂
بهيده وياه يادفان الحسين
ضلوعه مكسره من حافر البين
❥━──➸➽❥❂❥━──➸➽❥❂
بهيده وياه هذا ابن الزچيه
ضلوعه مكسرتها خيول اميه
ظل اعله الترب جثه رميه
((تسيل دماه//موذر جسمه))
❥━──➸➽❥❂❥━──➸➽❥❂
ارد اوصيك يادفان ابو الاكبر
شيله براض جسم الوالي موذر
لاتلچم جروحه وتلچم المنحر
((ولاتنساه//الخنصر دوره))
❥━──➸➽❥❂❥━──➸➽❥❂
لاتنسه تدور خنصر العطشان
شوفه بيا كتر شمرته العدوان
واوصاله اجمعها من عله التربان
((اموذريها//ياويلي الگوم))
❥━──➸➽❥❂❥━──➸➽❥❂
من فوگ التراب اجمعهن اعضاه
وادفنهن ابهيده ابگبره وياه
وگله اختك بگت تبچي وتجر اه
((ايدفنوها//تتمنه وياك))
❥━──➸➽❥❂❥━──➸➽❥❂
گله اختك بگت مدمعها سچاب
ومن عدها الگلب متوجر وذاب
وياك اتمنت يغطيها التراب
((اتخليها//بالغربه اشلون))
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للدفنه

عمه زينب... من كل كتـر ماينجاس
عمه زينب... هذا الجسد وين الراس
عمــه زيــــنب عمـــه زيـــنب
💔💔😭💔
ضــامي غريب مذبوح وسلبو عياله
شوفي عمه اليوم ثالث شوفي حاله
بــاقي بـــاقي بالشمس ومنهـو شاله
بعده مرمي بالشمس مطشره أوصاله

عمه زينب... مــاكو عظم سالم بيه
عمه زينب... حتى الهوى هم يآذيه
عمـــه زيـــنـب عمـــه زيــــنـب
💔💔😭💔
شلون ادفنه تحيرت ياعمتي بهاي
ماكو عظم سالم بيه نايم بلا فياي
شفــافه كــلهن دمه مــاشارب الماي
والشمس غيرت لونه ياعمتي هوااي

عمه زينب... ذاب مـن حــر الظهيــره
عمه زينب... شلون اشيله هايه حيره
عمــــه زيــــنب عمـــــه زيـــــــنب
💔💔😭💔
ويلاه شوفي مكسرين ضلوع صدره
وبس بــالسهم ياحيف مــالين ظهره
روحـــي يعمه ذابت خنگتني عبــره
شــلون أشيلنه الأبـــو حيرني بأمره

عمه زينب... تحيــرت مـــدري شگول
عمه زينب... شوفي شمسويه الخيول
عمــــــه زيــــنب عمـــــه زيـــــنب
💔💔😭💔
عمه شوفي شيبته ودمه خضيب
وشوفي جسمه بعد ياويلي تريب
حسين إبن آل النبي ضامي غريب
وباقي أيام ابلا نعش حيف الحبيب

عمه زينب... أسنــديني هـــا يعمــه
عمه زينب... ندفن حسين أبو اليمه
عمـــه زيــــنب عمــــه زيــــنب
💔💔😭💔

تمت والحمد لله
بقلمي المتواضع
✍للشاعرة وخادمة الحُسين
رقية العامري


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

(فزاعيه لدفن) الامام الحسين واصحابه
✍️الشاعره صديقه الهلالي//
___

واویلي على المظلوم.....حتى من الغسل محروم

واويلي على المذبوح
ضل اعله الثره مطروح
عايلته سبايه اتروح
ويه ابن سعد والگوم
__
واویلي على العطشان
ماصحله غسل واجفان
ضل نايم عله التربان
اشكي الواحد القيوم
____
واويلي على المسلوب
صدره والضلع مصیوب
مني الحيدره معتوب
بويه بسك من النوم
__
واويلي على الظامي
وگباله النهر طامي
من عنده الجسم دامي
ومغسلينه من لدموم
__

علي السجاد جا ليهم
لحبابه يواريهم
شاف الترب غاطیهم
حقه لوبچه علیهم
دفنهم والگلب مالوم
___

تمت بعون الله//
✍الشاعره صدیقه الهلالي
__

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*قصيدة للدفنة

باطوار/مربوعة-فزاعية-وعدة اطوار

❥❥ـــــــــــــ❁❂❁❂❁❁ـــــــــــــ❥❥
*يادفانة ريض … خل اودعنة*
*لوطمة الترب چاوين اشوفنة*
❥❥ـــــــــــــ❁❂❁❂❁❂❁ـــــــــــــ❥❥
هذا ابني العزيز وغالي اعلية
توانة بدفنتة وارحمني اشوية
خلني وياالحنين اشبع وداعية
*وعد راسة انتحب وعتابي اسمعنة*
❥❥ـــــــــــــ❁❂❁❂❁❂❁ـــــــــــــ❥❥
اعتب عالولد وادموعي اجريهة
وگلة امك بعد ياهو اليباريهة
ليش اتروح من عدهة وتخليهة
*ظلت بس تون مابطلت الونة*
❥❥ـــــــــــــ❁❂❁❂❁❂❁ـــــــــــــ❥❥
بلكت بي نفس ويردلي اجوابي
اعرفنة حنين وللعتب مابي
يحبني اهواي مايتحمل اعتابي
*وحگي علة الولد ورباي اطلبنة*
❥❥ـــــــــــــ❁❂❁❂❁❂❁ـــــــــــــ❥❥
خليني اذكرة بسهرتي وتعبي
خليني اگلة ماشفت دربي
بي غيرة يبلكت يستمع نحبي
*لاحضاني يرد وابگلبي احطنة*
❥❥ـــــــــــــ❁❂❁❂❁❂❁ـــــــــــــ❥❥
كونة ايگوم الي وايعوف تابوتة
زغيرون الولد لامووكت موتة
شيردة علية واستمع صوتة
*ماظلت الي بس الصور منة*
❥❥ـــــــــــــ❁❂❁❂❁❂❁ـــــــــــــ❥❥
عالغالي تراهة الروح ملچومة
واخافنة التراب يخرب ارسومة
من عندچ ردت مطلب يمهظومة
*على افراگة صبر مولاتي اريدنة*
❥❥ـــــــــــــ❁❂❁❂❁❂❁ـــــــــــــ❥❥
*بقلم✍خادمة تراب الزهراء(ع)

الكربلائية فاطمة علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك