قصيده للسيده زينب ع (هدن الحيل)


قصيده للسيده زينب عليها السلام "لسان حال السيده فاطمه الزهراء تسال ابنتها زينب ليلة الحادي عشر عندما ذهبت لوداع اخوانها... وتكلهه.....


نواعيج يزينب هدن الحيل
شعندج طالعه تركضين بليل
##########؟
نواعيج يزينب لمن تنعيهن
احس ونات كلبج تنسمع بيهن
المن عينج ينزلن بواجيهن

يزينب خايفه انتي ويرعب الليل
نواعيج يزينب هدن الحيل
###########؟
يزينب خايفه وحكج اذا خفتي
لأن عمرج بشر ياحره ماشفتي
ونحور مكطعه هليوم شاهدتي

وهامات برماح دمومهن سيل
نواعيج يزينب هدن الحيل
###########؟
شهدتي الماكبل عينج مشاهدته
سبعين الف غالي اليوم فاكدته
وخيل الاعوجيه حسين طاحنته

ومن ابن النبي ماخجلت الخيل
نواعيج بزينب هدن الحيل
############؟
و شفتي الي كفل ضعنج عله الشاطي
ورحتليه وصرختي اكعدلي يزماطي
عندي عتاب الك ويطول مو باطي

ويحله وياك يعتاب المداليل
نواعيج يزينب هدن الحيل
###########؟
انه شفت الهظم هليوم بعيوني
عكب عين الجفلني ورمن متوني
وراح امشي يسيره ويه اليكرهوني

ويارفج الشماته يريد العويل
نواعيج يزينب هدن الحيل
############؟
ويارفجت الشامت خويه مكدرهه
ومدري شلون باجر راح ادبرهه
وانظر روسكم روحي شيصبرهه

واروح ابعيد عنكم يلمجاتيل
نواعيج يزينب هدن الحيل

الشاعره رسل الابراهيمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده على الدفن للحسين ؏



يادفان بهيده من تنزلونه
متكسره ضلوعه زين تدرونه
ــــــــــــــــــــــــــــــــــــــــــــــــــــــــــــــــــــــ
وضلوعه عمتني وأذت حوالي
ابن امي مشه مايرجع الغالي
من بعدك ياخويه منهو يبقالي
عمه ياعلي بس لا تلجمونـــــه
ــــــــــــــــــــــــــــــــــــــــــــــــــــــــــــــــــــــ
عمه ياعلي بهيده ويا الوالي
راسه علرمح ياعمه ضل عالي
دمعي اعله الوجن ينزل وهمالي
اوديله سلام ومن تشوفونــــــه
ــــــــــــــــــــــــــــــــــــــــــــــــــــــــــــــــــــــ
وبكـتـره الولــد نيــام ياعيـني
عبدالله يعمه مــاتحـاجـــيــني
ياالبعدك زغير زايـــــــــد ونيني
وعلي الاكبر ياعمه لا تشيلونــه
ــــــــــــــــــــــــــــــــــــــــــــــــــــــــــــــــــــــ
علي بكتره بقه ومرضرضه عضامه
وامه اعله الولد ياناس محتامــــــه
جلجل اليلهه جا عدمن تنامـــــــــــه
محتام الكلب وانتم تعرفونــــــــــه
ــــــــــــــــــــــــــــــــــــــــــــــــــــــــــــــــــــــ
عمت عيني عليكم يابعد روحـــــــي
مهضومه انوحن ماسكت نوحــــــــي
شي ضمدهه بالله هواي انه جروحي
واختك باليسر يحسين محزونـــــــــه
ــــــــــــــــــــــــــــــــــــــــــــــــــــــــــــــــــــــ

🔴اڵـــشــاعـــره آلــــّ؏ــلّويِـــــه🔴
ام رقـيــه المـوسـويــه ال قطب الديــن


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الطميه_بديوان_جبل_الصبر_الجزء_١_.


لطميه للسيده زينب عليها السلام


گومي وياي خل نلطم على أم عون
بدرب الشام مطروحه يگولون
🏴🏴💔🏴🏴
گومي وياي خلينه انتعازه
بدرب الشام مطروحه الحنازه
صدگ ياعازت الخوان عازه
اليوم اتريدهم زينب يحضرون
🏴🏴💔🏴🏴
اليوم اتريدهم يمشون بيها
دگومي وياي خل نلطم عليها
محد غمضاهه ومد اديها
مهضومه وغريبه ادير العيون
🏴🏴💔🏴🏴
ودارت عينها للغاضريه
بدرب الشام وازتها المنيه
وين اليوم عباس الشفيه
شلون اينام سبع الگنطره اشلون
🏴🏴💔🏴🏴
شلون اتنام عينه وموش اله النوم
خل ينصب عراضه لزينب يگوم
ماتت بالدرب والحيل مهضوم
محد شيعاهه وگال ممنون
🏴🏴💔🏴🏴
محد شيعاهه ولا حضرهه
أبو السجاد مازتهه الگبرهه
ماتت من مصايبها وقهرهه
وضيم المر عليها يعجز الكون
🏴🏴💔🏴🏴
ضيم المر عليها يهدم اجبال
الطمي والطم ميدان واگبال
تريد حسين للتابوت شيال
وعباس اليباري النعش بالهون
🏴🏴💔🏴🏴
تريده ويالنعش عباس دفان
وتگضي الروح ياعزت الخوان
بيش ايشيلها الماعنده ذرعان
اجفوفه مگطعه ماعنده امتون
🏴🏴💔🏴🏴

*تـــمت والـــــفضـــ🤲ـــل لله تعالى*
*بقلم✍الشاعره أم هجران العمارجيه*
*صاحبه ديوان📚صبر العقيلة*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه لسبي عن لسان زينب ع

يالحادي مرني عالنهر يالحادي مرني
وعتاب عندي ويالكمر يالحادي مرني
لوكلبي يحجي همومه
بلكت يفز من نومه
يالحادي مرني
................

مرني عله الحنين وخل انشدنه
اريد ابدي المعاتب وارد اسمعنه
يسمع نحبتي لواكطع الضنه
اذب خط العتب والوالي اندهنه

اخته مشت مهظومه
بلكت يفز من نومه.. يالحادي مرني
..................
مهظوم الكلب والضيم نحلني
عله البيه المحنه الحادي لومرني
اسولف من عله الناكه اويجاوبني
مشتاكه عله جلمة ها يعمت ابني

لخته يكوم بهومه
بلكت يفز من نومه ... يالحادي مرني
...........
امرن بالولي واحجي الهظم كله
يخويه النوم الك عباس مايحله
اكعد شوف متني والجرح شله
ياهو الجتف اختي والحبل خله

ومن الحبل ملجومه
بلكت يفز من نومه .. يالحادي مرني

يحادي النوك عله العباس مربيه
عدنه اعتاب ودينه عله والينه
بلكي ايفز اخينه ايعاين علينه
دربنه بعيد جاياهو اليودينه
لوشافني مالومه
بلكت يفز من نومه .. يالحادي مرني
............
يفز المات زينب هاي مضنونه
مايكعد الميت من يندهونه
اخوج عالنهر والسهم بعيونه
بهموم الكلب ضلي يمحزونه

والفركته مهدومه
بلكت يفز من نومه .. يالحادي مرني

.✍ام زينب كربلاء غير مبري الذمه من ياخذ الكلام وينسبه له او يحذف الاسم القصيده من الجزء السابع والعشرين المآسي الفاطميه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للسبي

مشت مهضومه وتون =بت حيدره
حشمت وينك= يسبع الكنطره

┄┉❈❥❀❥❈┉┄

مشت  مهضومه  ويهل  مدمعها
حشمت  محد  كعد  ودعها
راس  أخيها  عالرمح  فاجعها
يعينج  الله  يازينب  عالجره
مشت مهضومه وتون بت حيدره

┄┉❈❥❀❥❈┉┄

مدللت  حيدر  يويلي  عليها
مشت مهضومه الشمر سابيها
مادره عباس  اخيته  شبيها
بحالها اسوت الزمره الكافره
مشت مهضومه وتون بت حيدره

┄┉❈❥❀❥❈┉┄

شكد هضيمه زينب يسبونها
من السياط مزوركات متونها
والي  ماعدها  تدير  عيونها
المثلها وسفه تمشي ميسره
مشت مهضومه وتون بت حيدره

┄┉❈❥❀❥❈┉┄

يعينها  الله  فكدت  خوانها
من هضم متغيرات الوانها
صار  ام  الحزن  عنوانها
شلون زينب ع المصايب صابره
مشت مهضومه وتون بت حيدره

┄┉❈❥❀❥❈┉┄

يعينها  الله  عله  بلواها
جم مصيبه شاهدت عيناها
بعد  كالها  شمر  يبراها
ويلي عليها بيتامه محيره
مشت مهضومه وتون بت حيدره

┄┉❈❥❀❥❈┉┄

اويلاه يازينب المهضومه

وليانها فوك الترايب نومه
اويلاه يازينب المهضومه

وحسينها مسلبين هدومه
اويلاه يازينب المهضومه

العريس محنينه بدمومه
اويلاه يازينب المهضومه

هامت كافلها بعمد مهشومه
اويلاه يازينب المهضومه

الشبان كلها مطرحه بالحومه
اويلاه يازينب المهضومه

┄┉❈❥❀❥❈┉┄
(بقلم العلويه ✍💫ام رائد زوين


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شده لدخول السيده زينب ع الى الكوفه
****
للنجف هالصوت من أحزاني
كوم يابويه علي اتلكاني
****
كوم طر الكبر شوف احوالي
جيت حرمه ياعلي ابلاوالي
عفته عالشاطي الكمر كفالي
حسين مذبوح وسبيه آني
****
جيت للكوفه سبيه اتذكرت
بيتنه وذيج السوالف عاتبت
وين وداني زماني اتمرمرت
وين هيبة زينب شجاباني
*
بويه مسبيه ويعت بيه الشمر
من بعد ولياني ضيعت الخدر
اتشمتو بينه يبويه اهل الغدر
سبو امي فاطمه عدواني
*
كوم واتلكه الضعن من السبي
جينه ياكرار وبطرك العبي
ترضه ياحيدر يطكنه الاجنبي
وترضه بحبال الشمر شداني
*
بويه عفت حسين نايم عالثره
بويه كدامي الشمر حز منحره
عاري عالتربان كطعو خنصره
الصاب جبده بالسهم صاباني
*
راح ابو الغيره بلايسره ويمين
عالشريعه اموذر ودامي الحنين
عينه ممروده بسهم وابجي بونين
هو بس عباس ماله ثاني
*
روس اخوتي وياي تمشي بغربتي
إلهم من اشتاك اشتم شيلتي
بيه اشم يابويه ريحة اخوتي
جنه بالخيمه سوه اويه اخواني
**
الشاعرة أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده فاتحه للسيده زينب ع

❥❥ـــــــــــــ❁❂❁ـــــــــــــ❥❥

ويــن الـفــاتـحــه زينب نصبتيها
يا نـــسـوان تــلطـم من عزمتيها

❥❥ـــــــــــــ❁❂❁ـــــــــــــ❥❥

ويــن الفـاتـحه وقـرايه سويتي
دمــوع العيــن للــوليـان هليتي
منهـو الــحاضره ويـاهه ونيتي
عباتج بالخــرابه المن فرشتيها

❥❥ـــــــــــــ❁❂❁ـــــــــــــ❥❥

لا ســـوت وثواب وقرت نعايه
ثلـــث ايـام زيــنـب هيه ملايه
والـنــاكه تــون خلــوهه ويايه
كــولي بيا درب عثره ختمتيها

❥❥ـــــــــــــ❁❂❁ـــــــــــــ❥❥

كــون مـعـزب العباس بالكهوه
تــدرينـه كـلـف هـذا ابو مروه
ويــخــدر ادلالــه بكلمه الخوه
عينـج بل دمــع والله عميتيها

❥❥ـــــــــــــ❁❂❁ـــــــــــــ❥❥

تنصـــبين العـزه زينب العلويه
وامج حـاضـــره وياهه بدويه
انتي مـــخدره لاموش مسبيه
هروش البكلب زينب شلعتيها

❥❥ـــــــــــــ❁❂❁ـــــــــــــ❥❥

زيــنب هـاي والخوان عافوهه
نــامو عـتراب وغرب رفجوهه
والله ام الحزن وسفه يطكوهه
احنان اهـلج يحره من تركتيها

❥❥ـــــــــــــ❁❂❁ـــــــــــــ❥❥

تــــمت بقــــ✍🏻لم خادمه أهل البيت عليهم السلام

✍🏻الشـــاعره الكبيره العلويه ام كنـــان الهاشمــي صاحبه دواوين أسيره الطفوف


لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام ✍🏻🧿

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

زينب حاضره وجينه نعازيهه
الًيَوُمًِ ام الخدر مفكود واليهه
****
الًيَوُمًِ ام الخدر نصبت جوادرها
الًيَوُمًِ بلطمنه خل نكابلها
ملجومه العقيله خل نصبرها
ملجومة كلب ماهمه اهاليهه
****
ملجومة كلب والروح خلصانه
بس الله اليعينه الفاكد اخوانه
سبع اخوان يازينب الحزنانه
فكدتيهم سويه وهاي تاليهه
****
نصبت فاتحه زينب بخيمتهه
تعالن كابلنهه يلتحبنهه
ع المضلوم هاي الطمه اعدلنهه
خل نتكابل وزينب نواسيهه
****
وين الكابلت زينب ع ابن امهه
خلنلتم سويه ونشرك بهمهه
•اللّـہ‌ يعينهه ومحركه خيمهه
وين الوحشه يازينب تصليهه
****
صلاة حسين راح تصير ع تربان
زينب بلهظم من فكدت الخوان
صعبه تعيش حرمه ومالهه وليان
وزينب ضل سليب الًيَوُمًِ واليهه
****
*تمت القصيده بقلــــ✍🏻ــم.
الشاعره حوراء بنت الكوت
صاحبة ديوان 📚نحور الشام 📚
الحان 🎤الملا ام اديان الجمالي 🎙️
غير مبري الذمه م‌ـــِْن ينسب القصيده ڵـهٍ 📲 او يتلاعب بلكلمات*❌✋

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه عن السيده وينب ع
        ➖➖➖➖

عله الهودج صعتي
شلون يرضون

➖➖➖➖➖➖➖
مهيوبه ويعرفونج
وين الكافل ضعونج
المايرضه يجيسونج
نام اعله الثره ومغمض العيون
➖➖➖➖➖➖➖

احا يازينب الحره
وبكلبج الف حسره
تجوي بالكلب جمره
عافوج بهضوم ومايفزعون

➖➖➖➖➖➖➖
صعتي اعله الهزل كوه
ويه المابيهم مروه
وين الرفجته حلوه
ناديتي عليهم مايسمعون
➖➖➖➖➖➖➖

ضربني وحيل اذاني
وشكال الهضم راواني
اخويه العدو سباني
وين اهل المروه مايكومون

➖➖➖➖➖➖➖
محتاره ليش عفتوني
بعد ماشوف بعيوني
يخواني دسمعوني
ضرباني الشمر اورملي امتون
➖➖➖➖➖➖➖➖

✏ *بقلم خادمه اهل البيت*
       *هيلين الساعدي*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده ليوم سابع الامام عليه السلام
لسان حال الحوراء زينب عليها السلام
===========

اليوم سابع وين اسوي قرايه

وانه بدروب السبي مشايه

===========

وين اسوي السابع انصبلك عزاء

وختك ويلگوم راحت للبلاء

عذبت روحي مصايب كربلاء

عفت اخوتي علثرى مدمايه

اليوم سابع وين اسوي قرايه

🪙🪙🪙

اليوم سابع وانه بلهم والونين

عفت اخوتي علرمال مجندلين

حضري ويانه ييمه ام البنين

وساعديني علگمر والرايه

اليوم سابع وين اسوي قرايه

🪙🪙🪙

وين اسوي السابعه وبياوضع

وانه بلايتام گلبي منشلع

ابد ماعندي وسيله بس دمع

والحرم طول الدرب بچايه

اليوم سابع وين اسوي قرايه

🪙🪙🪙

وين اسوي السابع وانه ابطريق

كلها عدوان الي وماعدنه صديق

من اشوفك علرمح صدري يضيق

ونته تدري ضيم گلبي هوايه

اليوم سابع وين اسوي قرايه

🪙🪙🪙

وين اسوي قرايه يوم السابعه

وانه بچتافي السياط الطابعه

لاني يمك لاني لهلي راجعه

خذوني گوه للسبي عنايه

اليوم سابع وين اسوي قرايه

===========
خادمة ال البيت الحجيه ام علي البصره


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

سبي زينب

شمالك جرجرت زينب   بالاحبال
بنت المرتضى يجتفوها الانذال



شمالك ياشمر وي العقيله
عيون المرتضى هيه ودليله
اليتجره عليها الف ويله
من راح الولي خابت الآمال


ليش تعمدت تاذي الحره
مهظومه اصبحت تسجب العبره
تشوف عزازها سكنو الغبره
تنادي راح كل عزي والدلال


لاتاذي الحره لا تجرها
تباري عيال اخوها ياصبرها
وسياطك تره ورم ضهرها
وتنادي انغرو  يهلي والدمع سال


شمالك جرجرتها لاتأذيها
من كثر المصايب حيل مابيها
عين على الحرم عين على واليها
مالوم الكلب. والدمع همال



اه وويل لمصابج يحره
شفتي الضيم يابضعه الزهره
خلصتي اه وي حسره
الله يساعدج يجبر الدلال



ام زينب السعداوي    ناصريه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة مربعة و فزاعية
( لسان حال السيدة زينب ع لاخوتها )
----------------------------------------------
**
😭

جم خميس اللي يمرني
وابعاد عني خوال ابني
وين اليجي  واليگابلني
.......

*نزلة القصيدة*
🙅‍♀️

بخميسات اخوتي ارد انصب اقراية
و  تدرون    العزاء    ايريد     نعاية


العزاء  ايريد  وادم  تلطم  و  تنعة
و اني لوحدّي  و بس اهمل الدمعة
بية  شلون  و اتذكر  سحك  ضلعه
عفته  اعلة الثرة  و الراس   وياية

اريد   الطم   عليك  و من  يگابلني
والله امصيبتك هضمتني خال ابني 
لا  راحة   شفت  و الوكت   دولبني
اه   يا  عازتك   بانت   ترا   اهواية

معتازة  لحنانك  خوية   يا  مذبوح
اريد انصب عزة والراس يمي ايلوح
اريدن   ناعية  صوتي  ترا  مبحوح
محلاته    العزة    لو    بيه   ملاية

محد  على  امصابك  يلطم  و يقرة
على الناگة و صحت يايمة يا زهرة
تعالي و ساعديني  و طفي الجمرة
  نار    الفارگتهم     يمة     جواية

جانونة    ينار    اعزاز    دلالي
فاركت الحيادة  و ما الي والي
بس اهموم بعد احبابي تبرالي
حالي  بلهضم  وياي  الاسباية

سباية امجتفينة و كلشي ماعندي
شوزع  يا ثواب  و دمعتي  بخدي
خميس اللي يمر بس اصفك بيَدّي
و بس النوك تبجي وتنحب اوياية

-------------------------------------------------------
*بقلم خادمة اهل البيت ع ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#فزاعية_للسيدة_زينب

✪زينــب غَـربـت للشـام✪
✪والعــدوان يحــدوهـا✪
●●●☆☆●●☆☆●●☆☆●●☆☆●●
اميـرة امدللت حيـدر
اخت عبـاس المشكـر
دولبهـا الزمـن الاغبـر
*تـالي الگـوم يسبـوها*
✵✵◐◐◐◐✵✵◐◐◐◐✵✵◐◐◐◐✵✵
تحدي ويـة كافلهـا
امــه وصتــه عنـهـا
بعينك يمـة انظرهـا
*عگبـه يسيره سموها*
✵✵◐◐◐◐✵✵◐◐◐◐✵✵◐◐◐◐✵✵
ام الصبــر سَمـوني
تهمل لخوتي عيوني
بيـد الگــوم يسبوني
*حيـف الكفر شتموها*
✵✵◐◐◐◐✵✵◐◐◐◐✵✵◐◐◐◐✵✵
انـهض راعـي المـروه
شـوف الشمر اشسوه
للشــام ارحلـت گـوه
*زينبكـم تسمعـوها*
✵✵◐◐◐◐✵✵◐◐◐◐✵✵◐◐◐◐✵✵
تـمشي والـدمـع همـال
اختكم صارت بيا حـال
ويـن حسيـن و الكفـال
*عگـب اخوتـها يولوها*
✵✵◐◐◐◐✵✵◐◐◐◐✵✵◐◐◐◐✵✵
بـدرب الشام ماظل حيل
صاحـت منــه آه و ويـل
تنظر بـس حرم واعليل
*مـن احسيـن منـعوها*
✵✵◐◐◐◐✵✵◐◐◐◐✵✵◐◐◐◐✵✵
نشاهـد روس اهـالينة
نـبـﭼـي راح واليـنـة
دارت العـده اعلينـة
*حرم وايتـام روعوها*
✵✵◐◐◐◐✵✵◐◐◐◐✵✵◐◐◐◐✵
شمر سب والدي ويشَتم
منكم بـس يسيـل الـدم
فـوگ الألـم فـوگ الـهم
*دمعتـي والله نـزلوها*
✵✵◐◐◐◐✵✵◐◐◐◐✵✵◐◐◐◐✵✵
تــمـت بــعــون اللــہ

✍🏻 #ولائــية_وافتــخر (دعـاء العامـري)
🚫غير مبرئ الذمة امام اللـہ والزهراء من يحذف اسم الشاعرة🚫

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية لدخول السبايا الى الشام (نسحل بالهضم)


نسحل بالهضم ... للشام طبينه
ونسوان وزلم تتفرج اعلينه


طبينه ولگينه الناس ملتمه
عدهم عيد گالو مات ابو اليمه
واشوف الراس ينگط عالرمح دمه
(( واگبالي الراس امخلينه ))



خلو راس اخوي حسين گدامي
ضاع الحيل مني وبادن اعظامي
ضل اعله الشريعه امطبر احزامي
(( وامصوب واصوابه بعينه ))


عينه امصوبه اگبال النهر عفته
ماگام الكفيل وشاف حال اخته
يشيل السيف بيده اليوم رايدته
(( وبسيفه انريده يحامينه ))


يشد حيله الشفيه ويگعد انريده
يشيل السيف ويرد الضعن بيده
احشم ماسمعني وكربله ابعيده
(( نتعثر بالهم ضلينه ))


نعثر بالهضم ونحشم الضرغام
نايم ليش موش انته الگلت مانام
تعال وشوف من طب الضعن للشام
(( واتشمت ذباحك بينه ))


متشمت يزيد ويضحك وفرحان
وين اهلچ يگلي والخدر والشان
ماوياچ بس واحد يون وجعان
(( شيال البيرغ چا وينه ))


شيال العلم شو عافچ يگلي
ضلو بالطفوف اموذرين اهلي
نار افراگهم وامصابهم تغلي
(( لهابه وضلت تچوينه ))



لشاعرة اهل البيت
ام هجران العمارچيه
غير مبري الذمه من يمحي الاسم اويغيره

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للحسين ع حصريه ((سافر وياي الونين))


سافر وياي الونين
الحك اختك يالحسين

الحگ اختك يبو الونات الجثيره

يل طحت والحيل راح
بيك ماتنعد جراح

علثره موذر ولا تلمك حصيره
@@@@@@@@@@
يل طحت طيحت حلم من السمه
انذبحت بذبحك معالم فاطمه
يل تارس كربله دم ودمه

يلترست الطف نزيف
اسمع ونينك ضعيف

گلبي گطعته بونينك وأنه بحيره
الحگ اختك يبو الونات الجثيره
@@@@@@@@@@@@
بكل مكان الطف وذر خويه انترس
وأنه اسمعنك تصارع بلنفس
ويمك يرچبني عالناگه الحرس


وأنه اعرفنك يحيد
انسبي عندك بعيد
انته ابو السجاد اخوي الكله غيره
الحگ اختك يبو الونات الجثيره
@@@@@@@@@@@@
اصرخ الحگني وتسكتني الدموع
تگلي موش حسينج مكسر الضلوع
خويه واعليك الگلب حگه يلوع

عفتك اعله الرمل طايح
جنازتك مابيهه صايح
وخلت فراگك عليه شكد جبيره
الحگ اختك يبو الونات الجثيره
@@@@@@@@@@@@
مابچيت اعليك خويه ولادفنتك
عالمخدره يبو سكينه تحامي ردتك
انخه بيك افزعلي واسكت من رگبتك

اسكت ومالي مفر
عذرك بگطع النحر
وگع نحره الي الگبل جنت استشيره
الحگ اختك يبو الونات الجثيره
@@@@@١@@@@@
خويه گلهم خل يرخون الحبل
اني وين أوين  رچبات الهزل
مايخلوني اودعنك واظل

كون اظلن ليله يمك
لحد ماينكطع دمك
ارد أظل يم الحنين المالي غيره
الحگ اختك يبو الونات الجثيره


الشاعره رسل الابراهيمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك