فزاعيه للقاسم ع
***
للقاسم الليله العزه وام الولد عزوهه
***
رمله الولد عافاهه افراك الضنه اذاهه
كلنه ننوح وياهه للموت لاتنسوهه
****
بالحومه صارت زفته وبدمه عجنو حنته
طفو الليله شمعته وامه تون خلوهه
*
يحله اللطم للشبان شعدهم بنوم التربان
بكبور ليش العرسان هدوم العرس عافوهه
**
جرح الولد ماله دوه محروم من شم الهوه
كلب امه بفراكه انجوه بنار الهجر وجوهه
**
مافله حزني للأبد محلاك ياطول الولد
ماشوفه بعيوني بعد عميه العين صابوهه
***
برباك يبني اتعذبت وبسهر ليلي اتمرمرت
يوليدي كلي شحصلت سنين العمر ضيعوهه
****
هد حيلي يمه المصاب كلب امك الليله انعاب
شلك بنوم التراب ريت امك الدفنوهه
****
جسام يلفكدك صعب شيبت راسي والكلب
عفته ذبيح اعله الترب وراسه برمح علكوهه
*
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#قصيده للامام القاسم عليه السلام

طفوهه الشموع ابدمع طفوهه
راح وليدي راح المن تشعلوهه
ـــــــــــــــــــــــــــــــــــــــــــــــــــ

طفوه بدمعكم وابچوا ويايه
انه امه الحـــــزينه والمعزايه
وياكم اجيت حضرت القرايه
للعريـــــــــس ونتكم تعلوهه

ـــــــــــــــــــــــــــــــــــــــــــــــــــ

ونوا وياي يلــــجيتو تـعزوني
واسوني بدمع العيون واسوني
مابطــــل دمعتي يالتسمعوني
رمله ام الحزن لدوم ذكروهه

ـــــــــــــــــــــــــــــــــــــــــــــــــــ

حلم عدي جنت جسام ازفنه
وثوب الفرح بيديه البسنه
واكبر امنياتي اعجن الحنه
لحكوني العده والفرحه ذبحوهه

ـــــــــــــــــــــــــــــــــــــــــــــــــــ

ياهل ناس تدرون الضنه غالي
شكثر تحلم الام تعرس الوالي
وانه من زفافه تكطعت أمـالي
والفگدت ضـناهه مثلي عزوهه

ـــــــــــــــــــــــــــــــــــــــــــــــــــ

لتلومون كل من فگدت ضناهه
غالي الولد خصه العايش وياهه
وتشوفه صـــريع گــبال عيناهه
شيصير بگلبهه من يفجعوهه
ـــــــــــــــــــــــــــــــــــــــــــــــــــ
🖇تـمــت بتـــوفيــــق الله



🖊بـٲنامــل شاعرة ٲهـــل البيت عليهم السلام
زهـــراء الحــــربي

وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫

💬ونسال الله التوفيق والقبول
وٲسالكم الدعاء👆

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

★•• لطمية لـ عريس كربلاء القاسم ••★
#تقرأ بـ لحن قصيدة((وسط گلبي شحلاتك))
♦️#طلب_الأعضاء

رباي وتعب سنين
خذاه من عندي البين
فده روحه لحسين .. ضنوتي
--------------------------------
يعذبني غيابه
أنوحن يا شبابه
اسعرت نار بوسط گلبي صحت بس ماكو إجابه
رباي وتعبي اريده
وسف گطعو وريده
تمنيت العرس يكمل واخلي الحنة بـ ايده
رحل من عندي ابساع
لاجل أمر الله طاع
هوى مرمي اعله الگاع .. ضنوتي
✺✺————✺✺————✺✺

طلع للحومة گاصد
لاجل عمه يجاهد
نزل وبسيفه هز اعداه ولاظل يَمّه واحد
سبع ياهو اليطوله
بتر روس اليجوله
يقاتل ما يهاب الموت رضا عمه ينوله
هدية انطاها الروح
ولا يشوفه مذبوح
امتلى جسمه بجروح .. ضنوتي
✺✺————✺✺————✺✺

بعد ميرد الية
رحل أبني من ادية
يعين املي الوجن دمعچ على الجت له المنية
بلاه شلي بحياتي
ردت ساعة وفاتي
خبر موته هدم حيلي وتغيرت كل صفاتي
عَلَّي شيرده الراح
طفى نور المصباح
ماتبرى اعليه لجراح .. ضنوتي
✺✺————✺✺————✺✺

ترضرض أبني جسمه
تغير حتى رسمه
يمن فدوه أنه لطوله والف بسم الله لـ اسمه
گمر يتلاله چنه
شهم شرد احچي عنه
يلب احشاي وكل عمري يميت ما تهنه
غمَض عطشان الماي
مُظّلمة اصفت دنياي
عليه متفطرة احشاي .. ضنوتي

✍🏻#ولائـية_وافتـخر (دعـاء العـامـري)
❌لاأجيــز حــذف الأســم❌
✺✺————✺✺————✺✺

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

موشح مجلس القاسم ابن الحسن عليه السلام 1444هـ
….
هلهلت رمله اوتهل عيناها
اليوم هنوها ابعرس اضناها
….
اليوم هنونها ابونات اودمع
جاسم امعرس اومحنية ضلع
ابهلعرس دلالها بيه ينفجع
اوتعتب ابحسره على دنياها
….
اليوم رمله محزنه اومالومه
عرس جاسم غاطياته اهمومه
حنته جسام من ادمومه
اتنوح وتنوح الحريم وياها
…..
اتكله ياجسام يبني اومهجتي
جنت اتمنه ابعرسك فرحتي
لجن صارت بيه يبني نكبتي
امك ابيوم العرس بلواها
…….
عرس جاسم بيه والدته تون
والهلاهل بيه شمعات الحزن
عله ابنيهالبست اثياب المحن
اتنوح وياها الارض وسماها
……
اتعاتب الدنيه وتزيد الاعتاب
ليش جاسم ابني وبعمر الشباب
ليش گلبي اتصوبيه اعظم مصاب
امصاب ابنها حرك لب احشاها
….
الحاجة ام احسان الخاقاني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*قصيده ال القاسم ابن الحسن* من ديوان نحر الحسين ع الجزء الاول




*شلون انسه الولد وتنام العيون*
*عليك الحيل يا جسام مرهون*



شلون انسه الولد وتغمض عيوني
ومنه ايست وخابن اضنوني
وياه اتوسد التربان خلوني
الفكدت والده تغمض اشلون


عيني لا غمضت لا مرهه النوم
وحيلي عليك يبني صبح مهدوم
اشلون ينام يمن ابكبر ميشوم
تراب الحار غير منك الون


يا تجايتي اويا شوف البعيني
تلهوني مصابك حيل ماذيني
بيام الكبر ردتك تباريني
تره يومك علبه موش بلهون


تعب الي تعبته راح مني
هويت المكبره يلولد يبني
وبيه توسدت واني عفتني
بفراكك ييمه الكلب مجنون


انساك اشلون تنساني المنيه
يمه موش الك الموت اليه
حسبالي تضل لمك تجيه
عليك من البجه مجروحه الجفوف


عتابي ما تسمعه ليس يا يمه
زاد عليك يوليدي الكلب هضمه ما تدري الكبرحيطانه ضلمه
العوز الدهر رتك تضل عون


*لخادمه الحسين العلويه ام إياد لا يجوز حذف الاسم اهدي ثوابهه الى شرف النبي محمد وال بيته والى روح والدي السيد قاسم ابن السيد عطوان الفاتحه*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة مجلس علي الاكبر عليه السلام محرم 1444هـ
…..
ليله اتنادي المعبود
والدمعات سياله
اريد ابني علي اترده
ابجاه المصطفه اواله
…..
علي الاكبر ركب مهره
اويدري ابنه وصل حده
اوكامت ضهضبه اوغبره
اومحد يوصله اشحده
كلها اتعجبت وتصيح
شبيه المصطفه جده
وابو اليمه ينشر اعليه
اودمعه ايهل على خده
صاح ابساع يا ليله
طبي الخيمه ادعيله
ابنج طايح ابشده
فارسهم تعناله
….
طبت ام علي الخيمه
اوشالت درها بيديها
ونادت يا اله الكون
لهفتي ربي تدريها
اوحيد ما الي غيره
علي الاكبر يباريها
ابجاه احسين وبچبده
االعطش يبسها ماذيها
سالم ابني اجيبه
وبعمته الغريبه
ردلي ابني يرب الكون
بدمعة عين هماله
….
ساعه اولن علي الاكبر
يرد لحسين ويكله
يبويه العطش فت جبدي
اوبهظني درعي اوثگله
بچه احسين اوحضن اينه
اوحنانه ابدمعه اليهله
وحك جدك انه مثلك
العطش يابويه متحمله
يبويه روح طمن امك
تسألني علي عنك
عليك اتلوج يابويه
مالومه ابأشد حاله
….
طب للخيمه وينادي
عله امه اوسلم اعليها
لكاها طايحه اعله الگاع
حب رجليها وايديها
ييمه انه علي ابنج
يگعدها اويحاچيها
اطمنج يمه هذا انه
نصرني الله اعله عاديها
فتحت عينها ليله
وتكله اوتشكيله
سالم يالولد يبني
الشكر لله عله افضاله
……
ودعها اومشه عنها
اوبعد مارد علي ليها
اوضلت تنتظر جيته
وابو اليمه يعزيها
يكللها الخلف بالله
هلمحنه احمليها
يليله ابنج. استشهد
يصبرها اويسليها
كلبها اعله الولد نصين
غرگانه ابدمع العين
غيره ولد ما عدها
اوهمها ايريد شياله
….
اجت زينب تون وتصيح
ابنك وين يبن امي
يخويه احسين حاجيني
عله الاكبر اوفهمني
يخويه ليش گلي ليش
حالك حيل هاظمني
يكلها اودمعته ابعينه
يزينب راح مني ابني
تگله والدمع يجري
يخويه احين ماتدري
مرد گلبي امصاب ابنك
اموذر جبته اشحاله
….

الحاجه ام احسان الخاقاني

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

ثكيله للأكبر ع نفس طور شمعة ضواي للحاج باسم الكربلائي
***
فكد الشباب ماينحمل
ليل ونهار دمعي يهل
**
ليله تنادي ياعلي يبني اجيتك
امطبر عله ذاري الرمل دامي لكيتك
لو بيدي يبني للأبد مافاركيتك
اتوسد وياك بلحد يالخالي بيتك
انعه وانوح لا ماأمل
ليل ونهار دمعي يهل
**
يبني انوح بفركتك وكليبي ذايب
شللي بحياتي ودنيتي ووليدي غايب
صارت بعيده شوفته اغله الحبايب
آ ياشبيه المصطفه يبن الاطايب
امك تروح فوك الهزل
ليل ونهار دمعي يهل
***
لجمرة مصابك ياعلي زايد عويلي
سيف الاعادي الطبرك طبر دليلي
امكطع اشوفك عالترب يادمعه سيلي
اشفافك يفطرهه العطش ضامي يويلي
ظهري انحنه وماينعدل
ليل ونهار دمعي يهل
****
حسين لشبابك ياعلي هايج حنينه
ياواحد امك من رحت معميه عينه
يبني عله الدنيه العفه ينادي بونينه
حيله انهدم من طيحتك ياهو اليعينه
دمك يفيض بي تنغسل
ليل ونهار دمعي يهل
**
بالخيمه شفتك ياعلي الشوفه الاخيره
دمعي اويه دمك ينخبط محتاره حيره
وليدي اعوفه ابلادفن ماعندي غيره
ضميتك لصدري ورحت امشي اسيره
يبني ويجتفوني بحبل
ليل ونهار دمعي يهل
***
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لعلي الاكبر عليه السلام

للحومه نــــزل شـــــرد الخياله
علي الاكبر شبيه النبي باافعاله

  ✿┈┈••  •✦♡✦•  ••┈┈✿
نزل للحومه بـﭼـه الڱوم بفنونه
قائدهم يصيح دخيل خلصونه
هذا ابن الحـــسين الماتعرفونه
هجمو فرد هجمه وڰطعو اوصاله
  ✿┈┈••  •✦♡✦•  ••┈┈✿

بالميدان خلاها الجثث طشـــار
ٲحتارو ياجهه يصدونها الكفار
الله ياجمـــــاله يشبه المــــختار
الدرع والطاس بيده السيف يحلاله

  ✿┈┈••  •✦♡✦•  ••┈┈✿

شاهر سيفه وينادي منو ينازل
خل يڰــرب سبعكم ليه ويقاتل
خلطـــتو بخوفكم حابلها بلنابل
انه ابـــن الهــمام اليرد عــــياله

  ✿┈┈••  •✦♡✦•  ••┈┈✿

ابـﭼـي العــــايل واڰلبها القــيامه
اتحـــده الشمر ينرل على جدامه
موش يودي واحد الي من ازلامه
اذا بي خير يقاتل موش برجـــاله

  ✿┈┈••  •✦♡✦•  ••┈┈✿

من الخوف يدز ارجاله للــــميدان
ماينزل بنفسه يقـــاتل الفرســـان
يدري بروحه يتفشل ويرد خسران
ويـخيب القائد ويڰــطعها امـــالـــه

  ✿┈┈••  •✦♡✦•  ••┈┈✿
تـםـت بـقـلـᓄ الــﺸـاﻋـره
ﺯﮪــﺭاء الـحـربــي

ونـسـال اللـه القــبول والتـوفيق

غــير مبـري الذمه من يحـذف اسـم الشـاعره

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية سريعة لوداع ليلى
لعلي الأكبر

جديد ١٤٤٤هـ

القلب منها تفطر
ودعت ليلى الأكبر
💔💔💔💔💔💔💔💔
ياعظم والله المصاب
القلب ياوسفه ذاب
بعده وليدي شباب 😭💔
ياعلي الله أكبر
""""""""""""""
شبكت الغالي بعشرها
ضمّته تالي بصدرها
ياضوى عيوني وبصرها
وداعة الله ياغضنفر
""""""""""""
يابني يالغالي عليه
تروح يايمه من ايديه
منذبح بالغاضريه
وانظرك يابني معفر 💔💔😭
"""""""""
اظل من بعدك سبيه
واطب في مجلس دعيه
عدوان تتشمت عليّه
ياوسف 🩸 دمّك مطشّر 💔
"""""""""

اللهم عجل لوليك الفرج
السلام عليك ياصاحب الزمان

✍️خادمة اهل البيت
فاطمة المسلم
ام محمد

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لعلي لاكبرع وزن الميمر
مستفعلن مستفعلن مستفعل


يمه يالاكبر اكعد وحاجيني
مهظومه حيل بغيبتك تدريني


يمه يالاكبر روحي هلممروده
عمك وكع عباس طايح جوده
حشمتك اوليدي تره ومريوده
فراكك صعب يايمه هلكاظيني


عيوني عمن يلغالي هايوليدي
ارجع يالاكبر بيدك الزم ايدي
كلي ييمه ارجوج اسكتي وهيدي
مايهده جرحي ولايهود اونيني


يالرحت مني ومابعد ترجعلي
ردتك تجيه لكبري ياتالي اهلي
اتكوم اليه ابساعتك تنهظلي
ارجوك اكعد فدوه لاتخليني


يلتشبه آل مصطفى بحساسك
جسمك بقه ومخمدات انفاسك
موذر ييمه عالرمح شو راسك
راحت مشت وياك كل اسنيني


خلوك مرمري عله لارض وبدمك
موتك فجعني يالولد انه امك
خليني اسولفلك واظلن يمك
خافن رحت للموت جن ناسيني


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الخميس/20226/30
٣٠ذوالعقده سنة هجري ١٤٤٣
نسالكم🙏🙏🙏🙏الدعاء بتوفيق

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

جديد محرم ١٤٤٤ه‍- ٢٠٢٢

هوسات لعلي الأكبر ( ع)

✦❥※❥※✿✿※❥※❥※✿✿※❥※❥✦

علي عطشان مات وما شرب ماي
وانه امه انوحن وناري بحشاي
ومن شفته انذبح تيهت انه الراي
ما عدهه رحم ظلمتنه هاي اعداي

( ايبچونه ... وحسين اعلى ابنه)

✦❥※❥※✿✿※❥※❥※✿✿※❥※❥✦

ابن حسين مات وشاعت اعلومه
شباب الاكبر ابني موسد الحومه
طايح بالمعاره وفايضه ادمومه
ودروب الطفوف اعلينه ملزومه

( يرويهه ... والگاع ابدمه)
✦❥※❥※✿✿※❥※❥※✿✿※❥※❥✦

الف هنيال گاع الحضنت اوليدي
اريد اوصله لا كن ما يصح بيدي
حرمني الدهر منه حسرتي زيدي
اودعت الحياة ابطيحه اوحيدي

( گولوله ... حزنانه الدنيه )
✦❥※❥※✿✿※❥※❥※✿✿※❥※❥✦

ما تحله دنيتي ولا هنه بعده
على شربت آميه فتتوا چبده
ما يعاود علي ولا بختي ايرده
ويرد وجهه يضوي وتحله الگعده

( امغيبينه ... النوره ايلالي )

✦❥※❥※✿✿※❥※❥※✿✿※❥※❥✦

تمت والحمدلله ✍🏻 خادمة أم أبيها الشاعرة أم علي الحلفي ( من ديوان مصارع الكرام الجزء الثاني) لاأجيز شرعاً حذف الأسم أوتغير الكلمات أهدي ثواب عملي هذا إلى أرواح المؤمنين والمؤمنات وإلى روح المرحوم ( والدي رحمهُ الله)

نسألكم الدعاء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للاكبر
امك يالاكبر عتبتك
وتريد حك ارباهـا
.❥ـــــــــــــ❂❥ـــــــــــــ❥❂ـــــــــــــ❥.
امك بجت مهضومه
بسك ييمه النومه
انفض اتراب الحومه
ماتسمع لمبجاهـا
.❥ـــــــــــــ❂❥ـــــــــــــ❥❂ـــــــــــــ❥.
ماتسمع امك يالولد
تبجي وتريدك ياسند
معقوله ماترجع بعد
وكعداتك خسرناهـا
.❥ـــــــــــــ❂❥ـــــــــــــ❥❂ـــــــــــــ❥.
ييمه راحت كعدتك
ونكرت تعب الربتك
دليني اشوفن طبرتك
الضايع علينه دواهـا
.❥ـــــــــــــ❂❥ـــــــــــــ❥❂ـــــــــــــ❥.
كلي شيضمـد صوابك
ودموم صار اخضارك
تبجي وتون احبابك
وامك تنوح وياهـا
.❥ـــــــــــــ❂❥ـــــــــــــ❥❂ـــــــــــــ❥.
امك حزينه شحالها
مامش ولد يبرالها
فراكك محير ذالها
وايامك شينساهـا
.❥ـــــــــــــ❂❥ـــــــــــــ❥❂ـــــــــــــ❥.
ماتنسي ايام العمر
وربك يمه السهر
بس هاي عملات الدهر
بيك الزمن فجعاهـا
.❥ـــــــــــــ❂❥ـــــــــــــ❥❂ـــــــــــــ❥.
الشاعره نورس الحلفـي
من ضمن كتاب قارورة المصائب الجزء الثاني

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شدة للوداع
*
ياليل الوداع ارجوك إمهلني
وخليني اودع حسين خال ابني
**
طول يازمن ارجوك بالساعات
خل اشبع بواجي واهمل الدمعات
ماشوف الاخو باجر بعد هيهات
خليني اشمن ريحته خلني
***
باجر ينذبح ضامي عله التربان
باجر تنسبي زينب بلا خوان
خوان الدهر ياناس بينه خان
بأيتام وحرم أحتار دولبني
****
تودعني يخويه بآخر ايامك
وتوصيني يخويه احفظ ايتامك
وين انطي الوجه لو حركو خيامك
لو سوط الشمر يحسين يضربني
*
اودعنك يخويه بروح خلصانه
يالعطر الزجيه الكاه باحضانه
وبعيونه علي الكرار واحسانه
وبجفه الحسن من راح شيبني
*
شلي بهالعمر خويه بعد عمرك
اخذني باللحد واتوسد بكبرك
ولاشوف الشمر كاعد عله صدرك
من حز النحر يحسين عذبني
*
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه فزاعيه للعاشر


سمعيت. خويه ونتك
(( منها تهدم حيلي))

من الخيم جيتك ركض
ولكيتك تون عالارض
كتلك يبعد اهلي انتهض
يالهدمتلي حيلي

ولكيت جسمك عالثره
وجروح كثره مسطره
والعدو ذبحك ناطره
حيل اصرخت ياويلي

يالنايم بحر. الترب
خليتنه بين الغرب
انخاك ودموعي تصب
بس اكعد واحجيلي

لمن لفه ليك الدعي
كتله اخيي عوفه لي
دفعاني ودموعي تهلي
واصرخت عوف الغالي

عميانه عيني من القهر
والنوب اجه ليك الشمر
بيده يحز ضل النحر
وادماك كلها سيلي

شالو الراس على الرمح
والجسد بي كثره الجرح
ودماك ضلت تنسفح
والحرم بس توميلي

والنوب الخيول الاجت
حيل وعلى الصدر ادبجت
كم وذره منك شلعت
وظهري انكسر ياويلي

ام زينب السعداوي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للوداع ثكيله حول السيدة زينب ع


شلون انام شلون تغفه عيوني
باجر الوليان ما يلفوني



ودعتهم والوداع شكد عجيب
يجرح وهيهات جرحه ولا يطيب
باجر ايذبحونه يا ناس الغريب
وباجر بلايه ولي ايخلوني



روحي ما تشبع سمر وياهم
شلون اضلن باجر ابلياهم
تسعر بكلبي جمر فركاهم
عزاز كلبي شبيهم ايأذوني



كون يبقى اليل ما يطلع صبح
ولا اشوف حسين باجر ينذبح
اتوسل بساعاته كلساعه والح
دخيل ريض باجر يعوفوني



كصار صارن اه يساعاتك يليل
باجر ولا يبقى عندي بس عليل
كل عزيز يروح من عندي ويشيل
لو اونن حيل لتلوموني



باجر يطش الضعن يا ويلي
من التعب والضيم يركد حيلي
وباجر يكلولي زينب شيلي
صعبه لو كفار اليرجعوني




✍ الشاعرة الحسينية ام كرار الساعدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية مجلس عبدالله الرضيع (ع) محرم 1444هـ
…
مذبوح جابولي الطفل
الله ايكون ابعوني
….
صعبه علي يالغالي
جابوك يبني تالي
منظرك يتراوالي
ذبحوك يبني تالي اوفجعوني
….
اوليدي اجاني منذبح
اودمه يكت اومنسفح
للابد يبقه هلجرح
ياريت انه يالولد ذبحوني
…
هلطفل ماعنده ذنب
واعليه دمعي دم يصب
موقف علي كلش صعب
امصاب الولد ساطرني اعله اعيوني
…
امصابك يعز اعليه
والدهر غادر بيه
فتح اعيونك ليه
اوعاين ييمه اعليك شاحب لوني
…
امصاب الطفل بجاني
واتهيجت احزاني
مذبوح رد اوجاني
مذبو ح طفلي كان الله ابعوني
….

الحاجة ام احسان الخاقاني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*قصيده لليله العاشر محرم*


*اليله اوياج يحله الون يمهضومه*
*باجر للسبي تمشين مالومه*


اليله اوياج يحله النوح يا زينب
انون على الذي بدماه يتغضب
ويه ام عون اشد اليله المعصب
يريد احزام اخوهه النام بلحومه


اليله وي العقيله يحله النوح
تودع اخوانهه والدموع مسفوح
شلون ويه الشماته زينب تروح
ويبقه على الترب نايم الجيدومه


عدلي لطمتج وسعي الميدان
وني ويه الذي فكدت الخوان
ياويل الوداع يريد عوان
اليله كابلن زينب وكلثومه


اليله ابكربله اتودع الوليان
حسين البي محنه وكمر عدنان
حسين البي محنه وكمر عدنان
حسين اشلون من تمشين وي كومه


الله ايساعدج زينب يعلويه
شلون ويه الشمر تمشين مسبيه
على الخوان عينج ضلت اربيه
تعوفين الكفيل الجان جيدومه


*لخادمه الحسين العلويه ام اياد لايجوز حذف الاسم هدى ثوابهه الى روح والدي العزيز السيد قاسم ابن سيد عطوان*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة ثكيله حول الوداع





ها كضه الليل يخويه..هاكضه الليل
باجر ايشيل ولينه..باجر ايشيل
باجر ايطش الضعن
والفواطم ينسبن
باجر يميل وكتنه باجر ايميل




باجر بلا والي نبقى وحايرين
باجر بلاعلم بس راس الحسين
تكبر الحسرات ويزيد الانين
شلون باجر من يجي
صياط وهموم وحجي
دموعنه اتسيل ييمه دموعنه اتسيل



شلون لو يخلص الليل وينتهي
ونبقى بس نسوان مايبقى ولي
شلون بينه شلون يا حيدر علي
الصبح لو صار الصبح
وابو العابد ينذبح
مايضل حيل بدليلي مايضل حيل


خلصينه الليل بس هم اوداع
باجر يفاركني كل زين وشجاع
الوكت باجر بالاهل يرفع شراع
يفرهد العز والغله
وكلبي بالهم يبتله
وتهجم الخيل علينه تهجم الخيل


اتسيل دمعات المعاتب ما تجف
باجر انشيل اوضعنه يختلف
بغير وليان الوضع كلش كلف
نبجي ونزيد الحزن
وحيل عالشالو نون
وحال العليل فجعنه حال العليل




بقلم الشاعرة أم كرار الساعدي
غير مبري الذمه من يحذف اسم الشاعر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه اومربوعه ليلة الوداع

اليله شلون انومجن يالعيون
اليلة اعزاز ياروحي اليودعون
..........
باجر ويه اخوتي ايحل الاوداع
واشوفن عالوطيه نومه الاسباع
شلون العين تنظرهم عله الكاع
صبري منين واسمعهم يونون
...........

كلي منين اجيب الصبر يحسين
وانه وياك عشنه العين بالعين
باجر يخوتي ياخذكم البين
تشبع ظيم اختكم من تروحون
...........
تروحون وعليه تفزع انذال
وراسك عالرمح يحسين ينشال
احيرن بيك لو حيرن بالعيال
عساها تموت روحي وياليموتون
...........
عيوني اشلون انومهن يالاخوان
عساهن بالعمه ايصبحن يالاحنان
تنام عله الثره وتعوف نسوان
تهد بيها الزلم وانتم تنامون
............
اليلة لصبح ما بطل النوح
بكلي تحن عليه وتطلع الروح
كول شلون اشوفنك يمذبوح
اكبال العين وبنحره يذبحون

.✍ام زينب كربلاء غير مبري الذمه من ياخذ الكلام وينسبه له او يحذف الاسم القصيده من الجزء السابع المآسي الفاطميه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك