نعي حول وداع ليلة ألعاشره




اليله الاخت ماعدها حال
والدمع من عمت الولد سال
يوداعهم يوجع الدلال


يوجع بكلبي اوداع اهلنه
وكوه النفس من اجرنه
بس اليله اهل الزود عدنه
وباجر وكتنه يطشرنه


حكي من اون ونات ونات
وابجي عله العدهم ابنيات
وبكلوبهن زادت الهظمات


لچمني الكلب خويه لچمني
وبل خوف احسه طار مني
باجر ولا ظل خال لبني


تكعد واريد اعاتبنك
وبخوتي عليك احلفنك
ثجيله يغالي افترگ منك


حطيت الهموم عله بالي
وصاح الولي زينب تعالي
عدي حجي والدمع هالي


كتله ولابيه عله الفراك
وعليك الكلب يا ابن امي خفاك
وغير الحزن مالاگ. مالاگ


كعدنه وحجينه بطاري الاوداع
وكسر احسه ابصدري الاضلاع
باجر اشوفنهم عله الكاع


اوداع الاعزاز الحيل هده
ومثل الماي من عدي تبده
اليروح يبن امي اشيرده


شيجيبكم خويه عليه
ونكعد يبعد اختك سويه
اتردون هم لو هاي هيه


هم رده بيكم خويه لينه
وتنشدون يبن امي علينه
اختكم تره كلش حنينه


حنينه ولا تحمل الغيبه
ولو راح اخوي امنين اجيبه
هيبه الولي عله الاخت هيبه



هيبه الولي وعينه عله اخته
وكلبي بوداعك شو كسرته
كل ظيم من زغري انه ضكته


غير اليودع كون واحد
والثاني ويه الاخت يكعد
وبعوزها يحسين ينشد


غير التودع واحد اثنين
جا مو بليله اتشيل سبعين
ينراد حيل وحيلي امنين


امنين اجيب الحيل كلي
وجا ظاله بالعمر. شلي
وشالو سوه للموت يا اهلي



لخادمة الزهراء. العلويه ام جعفر
غير مبري الذمه من يحذف الاسم وياخذ الكلام وينسبه له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

رداديه ولائيه للحسين ع ج١١

احنه الفاكدين حسين
لحد يسأل شبينه
✍✍✍
وى ازلام بالغربه نساوينه
ويزيد الرجس طبن دواوينه
والسجاد بالجامعة مكيدينه

والعباس صابو بالسهم عينه
بسيوف العدو الأكبر مطبرينه
يا سكنة على العريس خبرينة
وطفل حسين بالنبلة مصوبينة

زينب هالمصاب انتي تحملينه
وبسياط العدو متنج مورمينه
طايح يا إمامي ومحد يعينه
وراسك ع الرمح وسفة معلكينة
يالتحجي علينه وتسأل شبينه
عشاق الحسين احنه ومجانينه
واحنةشيعتج يا الزهرة احضرينه
وهذا المجلس بدفتر تسجلينه
وبيوم القيامة انتي تنجينه
يمتى تاخذ بثارك يمهدينة
يا موعود من تنهض تصفينه

الشاعرة ام محمد الهاشميه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الطميه_بديوان_أقل_الوفاء_في_مصائب_كربلاء_الجزء_٦_.


لطميه للرضيع عليه السلام


يدير العين عبد الله على الماي
هاك اشرب ييمه ادموع عيناي
🩸🩸🩸🩸🩸🩸🩸
تريد الماي وانه امنين اجيبنه
تون بهداي وانه الون اسمعنه
يمه يعبد الله بطل الونه
عينه امسلهمه والونه بهداي
🩸🩸🩸🩸🩸🩸🩸
يمه امنين جيب الماي اشربنك
تره كطع دليلي امنسمعه ونك
حرت عن المنيه وين اضمنك
انوح عليك كلهه اتنوح وياي
🩸🩸🩸🩸🩸🩸🩸
ونك يلطفل كطه دليلي
سهرانه واونن طول ليلي
امنشوفه ايلوج مني ايبيد حيلي
مارحموك يمه ضيعو ارباي
🩸🩸🩸🩸🩸🩸🩸
يبني خل اشربك ماي عيني
يبعد اجلاي يا شمعه اسنيني
تون يمه وانه زايد ونيني
عليك امساهره يا يمه ليلاي
🩸🩸🩸🩸🩸🩸🩸
ما بطل عليك ابجاي والنوح
يعبد الله ييمه وسلوة الروح
عليك ابجاي ازيده وكلبي مجروح
يا سلوة حياتي ونظر عيناي
🩸🩸🩸🩸🩸🩸🩸

*تـــمت والـــــفضـــ🤲ـــل لله تعالى*
*بقلم✍الشاعره أميره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نزلة للوداع
****
صعبه هالليله تنحب العيله
بالخيام
اموادع الخوه واهل المروه
بالخيام
***
زينب تودع اخوهه واحله السنين
تكله هاي الليله آخر ليله يحسين
كلهه لاتبجين زينب صبري العين
كلبي مايحمل دمعتج وانتي تدرين
دمعج الغالي يبدل احوالي
بالخيام
روحي الج فدوه واهل المروه
بالخيام
***
راحت لكافل خدرهه تودعه تريد
تكله راح امشي يخويه عنك بعيد
ويه جتالك سبيه وحبل بالأيد
واوكف بديوان أميه بمجلس يزيد
أحسب حسابي افكد احبابي
بالخيام
بناري اتجوه واهل المروه
بالخيام
***
ليله للأكبر تكله شلون انساك
ياشبيه الهادي يبني صعب فركاك
واحد امك ياحبيبي وكلبي ناداك
لاتعوف امك غريبه بولية اعداك
تبجي تتحسر اتقبل المنحر
بالخيام
عالصبر كوه واهل المروه
بالخيام
***
رمله صاحت ياعمود الخيمه جسام
يمه مااصبر بدونك كلبي ينضام
شلون اعيش العمر بعدك واكضي الايام
والعرس والزفه باجر نبله وسهام
شبكته وصاحت ونت وناحت
بالخيام
بلوتي بلوه واهل المروه
بالخيام
**
والرباب تشوف ابنهه اتودعه تكوم
عالمهد نامت تحضنه اتشم الهدوم
يبني ياعبد الله اشبع منك اليوم
باجر تروح من اديه بسهم مفطوم
تسبح بدمك يابعد امك
بالخيام
ضامي تتلوه واهل المروه
بالخيام
**
أم علي


https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

https://vm.tiktok.com/ZMNpYt2dU/?k=1

يازنيب

فزاعيه للحسين عليه السلام
يوم المصرع

===========


دگ صدورچن

المن تريدنه

أخو زينب تره يستاهل الونه

==========

المن لطمتچ والحيل تردينه

دگ اصدورچن يحله لبو سكينه

يستاهل لطمنه حسين الينه

وماننساه ... حسين الغالي

🙅🏻‍♀🙅🏻‍♀🙅🏻‍♀🙅🏻‍♀🙅🏻‍♀

دگ صدورچن لحسين بس يحله

ضحه بكل اخوته وعيلته وهله

لطمك سيدي للأبد مامله

لطميله ... يستاهل لطمج

🙅🏻‍♀🙅🏻‍♀🙅🏻‍♀🙅🏻‍♀🙅🏻‍♀

دگن حيل عازن فاطمه الزهره

علمسوم والمگطوع من نحره

على الضلو ثلث تيام علغبره

وعازوها .... زينب والزهره

🙅🏻‍♀🙅🏻‍♀🙅🏻‍♀🙅🏻‍♀🙅🏻‍♀

عازن فاطمه وزينب وهاليها

هلي دمعت اعيونچ اواسيها

دگي علصدر لطمتچ عدليها

وعدليها ... وسعي الميدان

🙅🏻‍♀🙅🏻‍♀🙅🏻‍♀🙅🏻‍♀🙅🏻‍♀

عدلي لطمتچ لراحت ايسيره

يحديها الشمر من ديره لديره

والله مصيبتچ يابت علي چبيره

وياها .... عيننها ودگن


==========
خادمة ال البيت وخادمتكم الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

هوسات
نشلت من عساها الخيل رجليها
عضامه تكسرن من سحكن عليها
ألف وتسع مية جرح جثته بيها
(الله يعابيها الخيل الداست نحره)
*
وياجن يخيل هواي الي عتاب
سحكتنه اخوي وصارجسمه تراب
جرح كلبه يدي ولساته ماطاب
(شيطيب جروحه...الرضت صدره الحافر)
***

لساته يون حسين من جرح البكلبه
بحديده بشفته تحاماله وايضربه
طلب ماي الحسين ومارضه يشربه
(عا الماي يون..... يابس ريجه )
***

جا شنهي الاچاجن عالولي ادبچن
هشمت عظامه من السحك بسچن
مثل الجيش دستن عالنحر كلجن

(حسين مصوب كلبه...وحافرجن ياذيه)

عشر اخيول داسن صدرالحسين
عليهن جاشكولن وابتدي منين
مثل ضلع الزجيه كسرن الضلعين
وخيل وخياله ...يدبجن فوكه

😭العلويه ام علي الشرع
...


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده ليلة الحادي عشر (ماعدهه خيمه)



ليل اهدعش ليلة الم ليلة هضيمه
زينب تضل بلا اهل ماعدهه خيمه

لاخيمه لاولياها
بس تصفك بيمناها

ماعدهه خيمه. ماعدهه خيمه
****
لاخيمه ضلت لاولي زينب بقت وحدهه
لاضل كفيل ولا اخو لٱ ابن ضل العدهه
عافاها حته البلزغر وصاه علي والدهه
بليل اهدعش ياهلخلك بس الله ليساعدهه

•اللّـہ‌ يساعد زينب
بلخيمه ضلت تنحب
ماعدهه خيمه. ماعدهه خيمه
****
ضلت تون ام الخدر وليل جن اعليهه
ليا مقتل تدير الوجه والكوم حاطت بيهه
تتلفت ولا يمهه اخو ولا واحد يحاميهه
زينب تضل بين الغرب يهل الوفه محسبيهه

عباس م‌ـــِْن تندبه
بلعتب تشلع كلبه

ماعدهه خيمه. ماعدهه خيمه
****
شلعتله كلبه م‌ـــِْن العتب مايكدر يكوملهه
ماعنده جف ومستحي عباس شيكللهه
لاميت ولا بي يرد حاير بقه كافلهه
يرجع صعب بس لْـۆ غفه بحرگہ الدموع تهلهه

زينب تكله دخيله
مابيه حيل اليله

ماعدهه خيمه. ماعدهه خيمه
@@@@@@@
اگعد يبو احساس الترف ياوالد الحنيه
يالحار راسك من طحت ضربو الك علويه
گلبي انخمش يابو الفضل من باگو الترچيه
جمره بدليلي ماطفت من صاحو السبيه

صاحولي المسبيه
وشدو حبل بديه
ماعدهه خيمه. ماعدهه خيمه
@@@@@@@
مالي عشيره وخيمتي صارت الي العبايه
الشمر چدامي يعت بيه وضرب ورايه
وبذمتي اطفال ونسه والروس كلهه ويايه
وعباس اغرگ بالعتب ودموعي المسنايه

من اعتب تحملني
ليضيج خلگك مني

ماعدهه خيمه. ماعدهه خيمه


للشاعرتين رسل الابراهيمي
والشاعره حوراء بنت الكوت


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية لليلة الوحشة (زينب هالمسيه)


زينب هالمسيه ... اخيام ماعدهه
بويه اتصيح وتحشم بوالدهه


صدت للنجف ياوالدي اتنادي
شنهو العطلك ماجيت للوادي
راحو كل اخوتي وراحو اولادي
واخيامي الشمر فرهود فرهدهه
زينب هالمسيه ... اخيام ماعدهه


مابين الخيم صاح الشمر فرهود
چا ياهو اليرده حسين ماموجود
وعباس البطل راسه بعمد ممرود
ياروحي الهضم والضيم ضاهدهه
زينب هالمسيه ... اخيام ماعدهه


ياروحي الهضم والضيم گاضيهه
تزامط بيش بويه المات واليهه
محتاره برقيه وين اوديهه
تون واهموم البگلبي تزودهه
زينب هالمسيه ... اخيام ماعدهه


تون واهموم البگلبي تچملهه
رقيه ويادلال حسين دللهه
اشلون ينام هالنومه ويزعلهه
كون يشوفهه وعالحال ينشدهه
زينب هالمسيه ... اخيام ماعدهه


كون يشوفهه تركض ومسبيه
ومن بته العده سلبو الترچيه
ليش حسين حيرني بغواليه
للطف جابهه وللدار ماردهه
زينب هالمسيه ... اخيام كاعدهه


للطف جابهه وضيع مداليله
بيهن حايره ياوالدي الليله
رحت لحسين اگله شصار واشچيله
لگيت اجروح چتاله شيضمدهه
زينب هالمسيه ... اخيام ماعدهه


لگيت اجروح تتنازف وچتاله
وفوگ حسين تتراكض الخياله
ضل مطروح محد ياعلي شاله
رميه اجنازته وياهو اليوسدهه
زينب هالمسيه ... اخيام ماعدهه


لشاعرة اهل البيت
ام هجران العمارچيه
غير مبري الذمه من يمحي الاسم او يغيره

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#حصرياً_من_ديوان_قُربان_الطف_ج٤
#قصيدة_ليلة_الوحشة (اه يحسين)
❥━──➸➽❥❂❥━──➸➽❥❂
وحشه .. وليل .. نار وخيل
اه يحسين
❥━──➸➽❥❂❥━──➸➽❥❂
وحدي ضليت ابغربتي لا اخو يمي حظر
انت جوه الخيل جثتك والكفل يم النهر
كلشي ما ضل بيه واضح ضال بس للسوط اثر
حظرو ناديت انه الكم والله حيرني الدهر
گلبي احتار .. ضلمه ونار
اه يحسين
❥━──➸➽❥❂❥━──➸➽❥❂
وحشه وحدي بليل غربه باقيه بحسرة اهل
ماكو سلوه بهاليالي بس دمع عيني الهمل
كون وياكم اموتن ربي لتأخر الاجل
كون خلصانه سنيني ولا هالموادع حصل
اشرد وين .. ماكو امعين
اه يحسين
❥━──➸➽❥❂❥━──➸➽❥❂
سكته انحب ها يخوتي ولا نفس عندي انسمع
مية مره انه دليلي بساحة الطف انفجع
خويه وارماد المخيم فوگ وجهي انه انطبع
ساعه انه الامشي واعثر ساعه طفلي الي وگع
ماكو احساس .. ماكو ناس
اه يحسين
❥━──➸➽❥❂❥━──➸➽❥❂
رغم هذا الليل وحشه ماردت يطلع فجر
باچر انه وهاليتامه نوگع بولية شمر
لرحلة الطف النهايه وتبتدي برحلة يسر
مدري هالروح الكسيره مدري بضلوعي كسر
رحلة شام .. نوح ايتام
اه يحسين
❥━──➸➽❥❂❥━──➸➽❥❂
صعبه كلش عالهزيله لو مشت اخت الكمر
الاخت من غير اخوهه يعني مكسورة ضهر
اللحظه اذا مرت عليه باليسر مثل الشهر
الله يرحم نوم عيني راح والضل السهر
هزله النوگ .. دمعه وشوگ
اه يحسين
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

سوف انشر لكم قصائد لدفن الاجساد الطاهره تابعونا👈 https://telegram.me/aabas78

لطيمه للدفنه
تقرأ فزاعيه شده
=========


ويادفان

بهداي وي الحسين

ظلوعه مكسرات ابن السلاطين

=========

خففله التراب هنا يلدفان

لاصحله غسل لاصحله اچفان

وسفه ابن النبي يندفن عريان

ثلث تيام ضل مطروح علطين

🏴🏴🏴🏴

يادفان رش اگبورهم ماي

جمره من العطش جبود ولياي

من تدفن اخونه نزله بهداي

عظامه مكسره من عملت البين

🏴🏴🏴🏴

شلون بدفنته والجرح مفتوح

وتراب الگبر يلسع بلجروح

تهد الحيل ياونت المذبوح

وينچ فاطمه لبنچ تحضرين

🏴🏴🏴🏴

حضري دفنت الذبوح عطشان

وجيبي وياج للعريان الاچفان

غسله من الدمه وذاري التربان

شلون بدفنته من غير تچفين

🏴🏴🏴🏴

ظلوعه مرضرضات وجرحه مفتوح

نحره علتراب ودمه مسفوح

ثلث تيام فوق الثرى مطروح

خلصت ونتهت وياك يحسين

🏴🏴🏴🏴

خل تحضر أخوانه وي خواته

خلي يوادعنه امدللاته

خلصت عشرت الوالي وحياته

شيصبر الگلب مفگود الحنين


=========
خادمة ال البيت وخادمتكم الحجيه ام علي البصره
لانجيز حذف اسم الحجيه ام علي من قصائدها غير مبرء للذمه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه فزاعيه لدفن الحسين عليه السلام
=========

خال ابني وعليه موش بلهون

اخذوني وياكم هنا يلتدفنون

=========

خذوني وياكم احضر دفن الاجساد

خذني وياك ياعمه يسجاد

ثلث أيام وهلي عني ابعاد

وحليته / وحزام الخوه

➖➖➖➖

يادفان خل اتوادع وياه

وانزل للكبر وتوسد احذاه

ابوسن منحره وتحنه بدماه

وهد حيلي / يايوم الوالي

➖➖➖➖

يادفان خل احجي وي الحسين

من يسمع ونيني يفكلي العين

اكله اتفرهدت خويه الصواوين

وصيواني / تفرهد خويه

➖➖➖➖

ارد اعاتب العباس هليوم

جا وين الوعد خويه يجيدوم

اكعد ياشهم بسك من النوم

ومن النومه / اكعد ياخوي

➖➖➖➖

اكعد ياشهم ياكمر دنياي

خلافك ياعزيز متيها الراي

اطفالي عطاشا هنا يرواي

ويسكيها / اطفال الضلت

➖➖➖➖

منكم يا اخوتي اكطعت الضنون

علينه يانشامه ماتردون

مهظومه العزيزه شلون ترضون

ويهظموني / ماضن ترضون

=========
الحجيه ام علي البصره


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للدفن

كاصد كربله السجاد
رايح يدفن الوالي
🖤🖤🖤
رايح يدفن الوليان
ثلث تيام عالتربان
ظلوا لاغسل لااجفان
دمعه من دمه هالي
🖤🖤🖤
ظل حسين وانصاره
عاري بحر الصحاره
بس دموم تجاره
وراسه بالرمح عالي
🖤🖤🖤
مطروحين على الغبره
والطبره عله الطبره
راحت عيلته اسره
وظل ميدانهم خالي
🖤🖤🖤
بِني اسد تعنوا بهمه
كصدوا دفن أبو اليمه
شافو ا من بعد زلمه
جاهم والدمع هالي
🖤🖤🖤
هذا امامنا السجاد
تعنه يدفن الاجساد
گلبه يلهب وماهاد
يصيح الموت اشوالي
🖤🖤🖤
تمت بعون الله تعالى
خادمة الزهراء ام حسين الأسدي



https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#قصيده_ثكيله_يوم_الدفن

#المستهل 👇🏻👇🏻👇🏻

بحصيره شلون ينشال
ابو ارقيه امن الأرمال
جسمه اموذرينه // وراسه امعلكينه
برمح رفعوه الأنذال

•───✧◐🕊🌻🕊◐✧───•

الله يساعد السجاد من جاله
شافه اعله الأرض ومكطعه اوصاله
ابوه فوك الثرى وداسته الخياله
ثلث تيام محد غسله وشاله
الخنصر كاطعينه
وجسمه مرضرضينه
ولايمنه ولااشمال

•───✧◐🕊🌻🕊◐✧───•

اجه السجاد محني يدفن حسين
لكه بجروح جسمه تراب والطين
كعد يمه ويشمه وتدمع العين
بيده ظل يلم اعضاء الحنين
حفرلحسين كبره
وكلبه اعليه جمره
دفن جسمه ابياحال

•───✧◐🕊🌻🕊◐✧───•

سمعنه الي يموت اهله يحظروه
ويجيبون الكفن يمه ويغسلوه
وبس حسين راسه برمح رفعوه
وكت الدفن خد ماكو ويدفنوه
راسه برمح مرفوع
الخنصرمنه مكطوع
جسمه امكطع اوصال

•───✧◐🕊🌻🕊◐✧───•

وعبدالله الطفل حطه اعله صدره
وصيت احسين ايريد ابنه بكتره
وسدهم علي وجر الف حسره
الله يعين كلبه اشتعل جمره
وسدهم هالأثنين
عبدالله والحسين
ودمع العين همال

•───✧◐🕊🌻🕊◐✧───•

رَش كبر الحنين بدمعة العين
فوك الكبر كاتب والدي حسين
دفن جسمه وبقى يجهر بالونين
ابلا تغسيل يدفنهم الطيبين
يدفن اهله الحنان
رجع يم عمته حزنان
رجع يحجي للعيال

•───✧◐🕊🌻🕊◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده ثكيله لدفن الاجساد

المستهل 👇👇👇

عمه اهنا يسجاد/وين ادفنت الاجساد

لم اعظامهم زين/ ودور خنصر حسين

عمه اهنا يسجاد
عمه اهنا يسجاد

✿────↻✿...✿↺────✿
✿────↻✿...✿↺────✿

دور زين ياعمه عليهم
اوصال اوصال عمه امذبحيهم
دشوف ابياكتر مشموره اديهم
عليهم تدمع العين//وصل گلهم مگطعين

عمه اهنا يسجاد
عمه اهنا يسجاد

✿────↻✿...✿↺────✿
✿────↻✿...✿↺────✿

اخبرك ياعلي السجاد عمه
من تدفن جسد عباس لمه
خلي اجفوف أديه ياعمه يمه
لم اوياه الأيدين//عالج ظربة العين

عمه اهنا يسجاد
عمه اهنا يسجاد

✿────↻✿...✿↺────✿
✿────↻✿...✿↺────✿

والشبان عمه احفر كبرهم
علي الاكبر وجاسم ياعمرهم
موزين الگبر عمه ويظرهم
وسّدهم هالاثنين //علي وجاسم الحلوين

عمه اهنا يسجاد
عمه اهنا يسجاد

✿────↻✿...✿↺────✿
✿────↻✿...✿↺────✿

يعمه والرضيع اوياك وسده
اعله صدر حسين ياعمه تسنده
صعبه ادري عليك وهايه شده
هذه وصية حسين// ننفذهه وعلى العين

عمه اهنا يسجاد
عمه اهنا يسجاد

✿────↻✿...✿↺────✿
✿────↻✿...✿↺────✿

من تدفن ابوك ابهيده وياه
ترى اعظام العزيز امكطعه احاه
لم اشلاء صدره وخنصره اوياه
اولاتنسه الجفين /تكله وتدمع العين

عمه اهنا يسجاد
عمه هنا يسجاد

✿────↻✿...✿↺────✿
✿────↻✿...✿↺────✿

هذه اخر وصيه اسمعه مني
من تدفن ابوك احجيله عني
وكله اميسره وشامت شتمني
أسيره وتدمع العين/كله بويه يحسين

عمه اهنا يسجاد
عمه اهنا يسجاد

✿────↻✿...✿↺────✿
✿────↻✿...✿↺────✿

المله والشاعره ام علي الأماره

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي للدفن
ــــــــــــــــــــــــــــــــــــــ

الابوذيه
ــــــــــــــــــــــــ
گلي شلون عمه،،،،،،،، ،،، لملميته
وعليه اتراب گبره،،،،،،،،، لمــلميته
انوح ادمـــــــــوم بلكت لملميته
شلي بالعمر عگب الشفيه
النعي
ـــــــــــــــــــــــــــــــــــ
النعي
ــــــــــــــــــــــــــــ
عمه ارد انشدك ياضوه العـين
شلون ادفنت بتراب الحسين
من ياكتر شلت الاخــــو منين.
ماخلو بجســـــــــمه الملاعين

موذر اخـــــيي شلـــــون شلته
بنص اللحد عــــمــــه ودفنته
ومنهو الذي ســـــــوه وحشته
وشنــــاشدك گلي على اخته

يگــلها لميته بنص الحصيره
وياحـــــسرتي.لفـگده جـبيره
ضليت هالـــــــــــناظر اديره
لايمي عـــــــمام ولاعــــشيره

تگله لاراس وتوسده على الكاع
ومكسره مــــــن عنده الاضلاع
رد بالنـــــــشد ياحلــــو الاطباع
ما گتله عگبك صـــــرنه اضياع

هم دورت عن خنصــــــر ايــده
وهم وســــــــــــدت يمه اوليده
ماگتله زينـــــــــــــــــبكم بعيده
ووين ادفنـــــــت عـــنه عضيده

ووين ادفــــــــــنت راعي الهيابه
عبـــــــــــــــــــــــاس يالكلها تهابه
فت الگلــــــــــــــــب تدري غيابه
لابجي العـــــــــــــمر كله لمصابه
ـــــــــــــــــــــــــــــــــــــــــــــــــــــــــ
تمت وبعون الله تعالى بقلمي
ام علي البابلي
لااجيز حذف الاسم

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

★•• لطمية لـ دفن الأجساد الطاهرة ••★
كأني بلسان حال مولانا الإمام السجاد

بيدي ادفنت يا ناس أهلي بالتراب
لمن شلت لجساد مني الگلب ذاب
-----------------------------------

بيدي ادفنت لعزاز ما غسلتهم
متوذرة الأجساد لمن شلتهم
فوگ الوطية ارجال وسفة عفتهم
عافوني وحدي ابين هالناس الاغراب
─────※ ·❆· ※─────

ماتو عطاشى احاه أهل الحمية
وآنه وحرم واطفال بيد آل امية
گيدوني وتمنيت ساع المنية
تنظر عَلَّي شمات وجهي صفى خضاب
─────※ ·❆· ※─────

بيدي ادفنت شبان بس چنهم ورود
والـ عالنهر يا ناس مگطوع لزنود
العشرة انگضت والراح ماظنتي ايعود
لا أسمعلهم صوت حتى الأثر غاب
─────※ ·❆· ※─────

أدفن واخط الاسماء وتهل لدموع
ماينوصف هالحال من شفت لضلوع
بسحگات رجل الخيل كل جسد مصروع
آ يا وسف ويلاه يهلي يالاطياب
─────※ ·❆· ※─────

ظهري انحنى وازداد همي ونحيبي
من احفرت يا ناس حفرة لحبيبي
بس الجرح والـ آه صارن نصيبي
أشلاء الملم بي وگليبي مرتاب

✍🏻#ولائـية_وافتـخر (دعـاء العـامـري)
❌لاأجيــز حــذف الأســم❌
─────※ ·❆· ※─────

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*قصيدة للدفنة

باطوار/مربوعة-فزاعية-وعدة اطوار

❥❥ـــــــــــــ❁❂❁❂❁❁ـــــــــــــ❥❥
*يادفانة ريض … خل اودعنة*
*لوطمة الترب چاوين اشوفنة*
❥❥ـــــــــــــ❁❂❁❂❁❂❁ـــــــــــــ❥❥
هذا ابني العزيز وغالي اعلية
توانة بدفنتة وارحمني اشوية
خلني وياالحنين اشبع وداعية
*وعد راسة انتحب وعتابي اسمعنة*
❥❥ـــــــــــــ❁❂❁❂❁❂❁ـــــــــــــ❥❥
اعتب عالولد وادموعي اجريهة
وگلة امك بعد ياهو اليباريهة
ليش اتروح من عدهة وتخليهة
*ظلت بس تون مابطلت الونة*
❥❥ـــــــــــــ❁❂❁❂❁❂❁ـــــــــــــ❥❥
بلكت بي نفس ويردلي اجوابي
اعرفنة حنين وللعتب مابي
يحبني اهواي مايتحمل اعتابي
*وحگي علة الولد ورباي اطلبنة*
❥❥ـــــــــــــ❁❂❁❂❁❂❁ـــــــــــــ❥❥
خليني اذكرة بسهرتي وتعبي
خليني اگلة ماشفت دربي
بي غيرة يبلكت يستمع نحبي
*لاحضاني يرد وابگلبي احطنة*
❥❥ـــــــــــــ❁❂❁❂❁❂❁ـــــــــــــ❥❥
كونة ايگوم الي وايعوف تابوتة
زغيرون الولد لامووكت موتة
شيردة علية واستمع صوتة
*ماظلت الي بس الصور منة*
❥❥ـــــــــــــ❁❂❁❂❁❂❁ـــــــــــــ❥❥
عالغالي تراهة الروح ملچومة
واخافنة التراب يخرب ارسومة
من عندچ ردت مطلب يمهظومة
*على افراگة صبر مولاتي اريدنة*
❥❥ـــــــــــــ❁❂❁❂❁❂❁ـــــــــــــ❥❥
*بقلم✍خادمة تراب الزهراء(ع)

الكربلائية فاطمة علي صالح الحلفي*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة حول الدفن كأني بمولاتنا زينب ع



يا دفان عالوليان بهداي
صارالهم وكت ماشربو الماي



صار الهم وكت بالشمس ضلوا
بحالي من مشوا مدري شسووا
يحسبات شكثر بالروح خلوا
خوال ابني اوضعهم كلف ماهان



خوال ابني هذول ارجاك علكيف
فوك من العطش هل شمس وصيف
سهام وخيل والطعنات بالسيف
يا دفان تدري عزاز الخوان



يا دفان تدري عزاز همه
يكون حسين ابوسنه وشمه
كلساع وصحت يازهره يمه
تعالي وياي يمه تايه الراي


تعالي وياي يمه وساعديني
يايوم الولي فاكسلي عيني
يريت بساع يازهره تجيني
نتكابل ييمه وتبجي وياي


نتكابل ييمه ونندب حسين
خل نبجي ييمه نودر العين
خال ابني عزيز وانت تدرين


خطيبة المنبر الحسيني🎤
✍ الشاعرة الحسينية ام كرار الساعدي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك