لطمية للزهراء سلام الله عليها عن لسان السيدة زينب ع


ونت أمي. وانه اون وياها

الروح عدها والگلب يهواها


/////////////////////////////////////////


ونت أمي اليوم مدري اشبيهه

خاف كسر البضلع ماذيهه

العين غمضت وبردن رجليهه

وادعتني ولمت امصلاها

ونت أمي وانه اون وياها


___________



لمت امصلاها المن رايحه

وياونين الونته من البارحه

لونها اصفر ولعبايه طايحه

الحيل راح وتعثر ابممشاها

ونت أمي وانه اون وياها


____________


انعميت وشمعت البيت انطفت

يوم السود يوم بلباب اوگفت

يمه اگعدي ونذكر ايام المضت

راحت وماضن. بعد نلگاها

ونت أمي وانه اون وياها


___________


بعد مانلگه عشرتچ يلبتول

يمه دكتورچ طلع يبچي ويگول

فاطمه الليله وضعهه بلنزول

وگال يازينب. اعدلي غطاها

ونت أمي وانه اون وياها

_____________


گال يازينب ابشري بلحزن

وني ويه امچ اذا ضلت تون

الليلة اخر ليله ويه ام الحسن

راح يبدي. من الصبح فرگاها

ونت أمي وانه اون وياها

____________



فدوه يادكتور. شوف اجروحهه

تروح روحي من اشوف ادموعه

شلونهه امي يلتشد اضلوعهه

يوجعنهه. ومايفيد ادواها

ونت أمي وانه اون وياها

____________

انه زينب ياطبيب الغاليه

نامت امي ولمنازل خاليه

يطبيب العله مامتشافه

آه يبسمار. التون خلاها

ونت أمي وانه اون وياها


______________

بقلم الشاعرة ام ريـــام الركـــابــي✍..

تجدونها في ديوان الرأس المطبور والضلع المكسور الجزء الثالث


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيدة شدة طور فائزي (لفاطمة الزهراء ع)
————————————————-
بهداي ريض يل تشيل ام ظلع مكسور
احمر وجنها ياعلي والجفن مسطور

بهداي امش يلي تشيل ام الحسن هاي
راحت وعافتنة بدمعنة وترجف اعظاي
ماكالت ابنيتي ابدمعهة تمشي وياي
والكلب من عدها الحنينة اليوم مفطور

عذبني فركاهة الحنينة وحيلي تعبان
من يوم غابت ام هلا دلالي حزنان
صبح ومسة بلدار انعاها وياالاخوان
لو صدن امصلاهة ضلعي يصير مجمور

بعدج يزهرة النوح يمة صار سهمي
دارج يبعد الروح يمي لعيني تعمي
مشتاكة أحط راسي اعلة متنج أشكي همي
من يوم رحتي يم حسن الدمع مهدور

دمعي يهل لفركتج وانحب بلونين
احا يمنة الدللتني ايّام وسنين
شلون تمشين بعجل ها يم الحسين
ياعلي بوية ويالنعش حطني والاكبور

ضنكة احس مخنوك صدري من شلتهة
بوية يحيدر هل حنينة ماعفتهة
موجوعة من كسر الضلع الونة اكتلتهة
الطم على اعيوني واون واخسفهة الاصدور
————————————————-
بقلم الشاعرة والملا رغد البهادلي
ذمة عدم حذف الاسم غير مبرئ الذمة كل من ياخذ من الكلام وينسبه له

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

#قصيدة_لدوران_سنة_الاهل_نمر_بدياركم
#من_ديوان📚_دموع_وعبرة_في_رثاء_العترة_ج2
❥━──➸➽❥❂❥━──➸➽❥❂
نسيناكم يهلنه لاتگولون
نمر بدياركم وتهل العيون

نعد ونحسب ايام ...صار اغيابكم عام

يالننشد عليكم ماتنشدون
نمر بدياركم وتهل العيون
❥━──➸➽❥❂❥━──➸➽❥❂
نصد لدياركم نجذب الونه
نصيح بصوت وين أهل المحنه
رحتو وين عنه ردو النه

نصيح اهنا يهلنه ... يالكلكم محنه
ليش اهلي بسفرتهم يطولون
نمر بدياركم وتهل العيون
❥━──➸➽❥❂❥━──➸➽❥❂
صحنه بصوت وين أهل الحميه
نون بغيابكم صبح ومسيه
نون ونوح والونه خفيه

ما يبطل هالونين ... اهلي ويا ضوة العين

نبچي والدمع يحرگ بالاجفون
نمر بدياركم وتهل العيون
❥━──➸➽❥❂❥━──➸➽❥❂
ابد ما أبطل الونه عليكم
اتذكر مسامرنه وحچيكم
ريته هالزمان يعود بيكم

ريت تعود الايام ... و ذاك الشمل يلتام

حسافه اهل الوفه عنه يبعدون
نمر بدياركم وتهل العيون
❥━──➸➽❥❂❥━──➸➽❥❂
ريت تعود الايام ويا الاحنان
اصد لدارهم وانشد الحيطان
وبفرگة أحبابي الحيل نحلان

بسفرتهم يطولون ... الفرگة تعمي العيون

راحو وابعدو ما ضن يعودون
نمر بدياركم ونهل العيون
❥━──➸➽❥❂❥━──➸➽❥❂
راحو وابعدو لدروب البعيد
وگلب الفارگهم بله شيهيد
عميه العين تبچي وبالبچي تزيد

مشو عنه الغوالي ... وبس الدمع هالي

وسفه الي نحبهم ما يظلون
نمر بدياركم ونهل العيون ❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

نعي *[ #ليالي_الفاطمية ]*
ذكرى إستشهاد السيِّدة #فاطمة_الزهراء عليها السلام، 1442 هـ .
____________________

عادت ليالي الفاطميه بكل حنان
وعدنا لأمنا نريد مأوى من الزمان

يمه يَزهرا اشتاق قلب اولادچ
اشتاقينا نتلاوذ خلِف اعتابچ
اشتاقينا نلتم فاطمه يم بابچ
محروق لاچن ينطي اشقد الأمان

اشتاقينا يمه ومايوسعنّا الحچي
جينا هالليله وفي قلوبنا بس البچي
رزِق أيامچ علينا من تجي
نشكر الله بكل زمان وكل مكان

نحسب احساب اشوكت هالليله
لو تدري اشكم واحد انهد حيله
يمه نتاني مجلسچ ونحچيله
والتعب بوجوهنا يا يمه بان

الله يَهالليله ومن يعلى النعي
(سلمان قل الفاطمه بسرعه ارجعي)
تتيم الحوراء اُو يتيم علي
وتسوَد الدنيا وتبيض الليله الجِنان.
ــــــــــــــــــــــــــــــــــــــــــــــــــــــــــــ

بِـ قلم / خادمة وليِّ النعمة ( قصائد وليِّ النعمة )


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

*قصيدة لمولاتي الزهراء"ع"*
❥❥ـــــــــــــ❁❂❁❂❁❂❁ـــــــــــــ❥❥
هاي اول ليلة انة ابدونچ
وسفة نامت عالتراب اعيونچ
اه يالكلچ حنان
مني اخذاچ الزمان
وسفة نامت عالتراب اعيونچ
❥❥ـــــــــــــ❁❂❁❂❁❂❁ـــــــــــــ❥❥
يالعليچ اتعودت چاوين اروح
گاعدة ابيتچ اون يمة وانوح
بية ماظلت بعد يالزهرة روح
زغيرة ما اتحمل الام وجروح
يمة يابعد العمر
والله مااحمل هجر
البيچ راحو ليش ميردّونچ
وسفة نامت عالتراب اعيونچ
❥❥ـــــــــــــ❁❂❁❂❁❂❁ـــــــــــــ❥❥
من خذو نعشچ وماردوچ الي
وشفتة يبچي ومنكسر ظهرة علي
ماترد امچ بعد گال الولي
وظل بعد عيناچ منزلنة خلي
يمة يام العافية
وين عينچ غافية
تبچي هاي اولادچ ويردونچ
وسفة نامت عالتراب اعيونچ
❥❥ـــــــــــــ❁❂❁❂❁❂❁ـــــــــــــ❥❥
اخواني يبچون ويكسرون الگلب
يمة وينچ ردي افراگچ صعب
غرفتچ بيهة يالحنينة من اطب
انظر امصلاچ وادموعي تصب
صوتچ الدافي اختفة
ونور دنياي انطفة
شطالبيني وعني ايبعدونچ
وسفة نامت عالتراب اعيونچ
❥❥ـــــــــــــ❁❂❁❂❁❂❁ـــــــــــــ❥❥
ماحسبت احساب نتفارگ ابد
واحنة مثل الروح يمة والجسد
صدگ رحتي وهيچ ضماچ اللحد
يمة چا زينب منو الهة بعد
والله يوجعني الغياب
وانة مااحمل عذاب
استعجليتي وشلتي ليش اظعونچ
وسفة نامت عالتراب اعيونچ
❥❥ـــــــــــــ❁❂❁❂❁❂❁ـــــــــــــ❥❥
شلون ليلة وبالدموع اگضيهة
ظلت ابنيتچ منو يباريهة
انتي تدرين الهجر ياذيهة
شلون هان اعليچ خليتيهة
يمة اريدنچ تعاي
ليلي اظلم ياضواي
بياذنب ياشمعتي ايطفونچ
وسفة نامت عالتراب اعيونچ
❥❥ـــــــــــــ❁❂❁❂❁❂❁ـــــــــــــ❥
*بقلم✍خادمة تراب الزهراء(ع) الكربلائية فاطمة علي صالح الحلفي*
*واسألكم الدعاء والفاتحة لروح جدي وامواتكم ودعواكم لي بالنجاح والموفقية*
*غير برئ الذمة امام الله والزهراء من يحذف الاسم


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه للزهراء سلام الله عليها🎤🎤




خل انروح لمنه. وننشد اعليهه


نسمع صوتهه. ونسمع محاچيهه


__________________


أسألمن. عله أُمنه اوين نلگاها

ومن بعد السلام اتعاتب وياها

واگلها الام عزيزه وچود فرگاها

ليش الدار وحشه. شلون عفتيهه

خل انروح لمنه وننشد اعليهه

////////////////////////////////////////

اگلها البيت مضلم يمُ حضن دافي

من نوم المگابر يم حسن كافي

گالتلي هله بلجايه توافي

وانه شما اونن مااوافيها

خل انروح لمنه وننشد اعليهه

////////////////////////////////////////

خل انروح لمنه ونشتكي عدها

ترد ارواحنه من نگعد ابسدها

وعن ذيچ المحنه النوب ننشدها

واگللها الدار والبت فارگيتيها

خل انروح لمنه وننشد اعليهه

//////////////////////////////////////


وجهچ مانسيته ودوم يبرالي

بس البيت يوحش من يضل خالي

وفراگچ شهر شهرين حسبالي

اثاري اسنين وعيوني عميتيها

خل انروح لمنه. وننشد اعليهه

//////////////////////////////////////////


عفتيني ييمه وعفتي ويلادچ

دگيت الدوه وداويت مافادچ

وحشه الدار متعوده اعله معتادچ

كتلني الشوگ والجيه گطعتيها

خل انروح لمنه وننشد اعليهه

////////////////////////////////////////


يمه اصبر على فرگاچ مااگدر

دوم ابچي عليچ اوجهي اتغير

صار هواي جدمچ للنزل مامر

مسدوده حجرتچ. مااگعد بيها

خل انروح لمنه. وننشد اعليهه

/////////////////////////////////////////

هيچ اعتب عله امي وهيچ اگللها

هلغيبه الطويله شلون تقبلها

وضلينه يتامه. انه ومدللها

وايام الفراگ شلون نگضيها

خل انروح لمنه وننشد اعليهه

نسمع صوتهه. ونسمع محاچيهه

//////////////////////////////////////////////


بقلم الشاعرة ام ريـــام الركـــابــي✍...

تجدونها في ديوان الرأس المطبور

والضلع المكسور الجزء الثاني


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه للزهراء عليها السلام


من كسر الظلع أم حسن مالومه
أوتجر ونه أوزادت كلش أورومه
✍✍🧿✍✍
من كسر الظلع ومورمه حته العين
ونت موت كامت تون أم حسين
يمهه أنه أكعدت أوصحت لاتمشين
وتخليني وحدي أضل مهظومه
✍✍🧿✍✍
مهظومه تخليني أويهل دمعي
كسر ضلعج ييمه يابعد ضلعي
ولن أبهيده أدكلي أم حسن سمعي
وصيتي أذكريهه أهناك بالحومه
✍✍🧿✍✍
وصيتي أذكريهه أهناك يمه أبساع
كبل لاأخوج يطلع يهوه أعله الكاع
شمي صدره اليه أوودعيه أوداع
تره حسين أدري بيه كلش صعب يومه
✍✍🧿✍✍
وصتني الحنينه أوغمضت عني
وصحت لالا ييمه أوكثر وني
وبعد أخلافج ياهو اليسامرني
مستعجله أشعندج أنتي عالنومه
✍✍🧿✍✍
مستعجله أمي أوعافت أبنيها
أو يايمه مردتي العين وأصبيها
راحت خيمتي الكاعده أبفيها
أو بعد وجهج ماشوفن أنه أرسومه
✍✍🧿✍✍
بعد ماشوف وجهج يم ضلع وجعان
يالعفتيني وحدي أبحيره الخوان
مهظومه أظلن والكلب حيران
أبعجل حملتي أوروحي مهدومه
✍✍🧿✍✍
مهدومه الروح أوبالكلب حسره
ناديتج تعاي أبساع يازهره
منهوا لليتامه بعد والفقره
يالعفتي دليلي أنصاب بهمومه
✍✍🧿✍✍

*تـــمت والـــــفضـــ🤲ـــل لله تعالى*
*بقلم✍الشاعره المله جنان الحسناوي*
*صاحبه ديوان📚زينب والمصائب*
*القصيده بديوان زينب والمصائب الجزء الرابع*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌
الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه بطور مله باسم
يمه لحضه وداع وسفر
الى مولاتي الزهراء

《وزن موشح》
~~


يمه....سفرتج شو طولت
يمه.....عيني بغيابج عمت
يمه.....الونه بفراكج علت
يمه.....يمه

💔💔💔💔💔
يمه ليش بساع عفتينه ومشيتي
ولكلب ضل يعتب وماجاوبيتي

سافريتي سافريتي سافريتي
للمكابر ليش يا يمه رضيتي

وينج.....وعيني يمه ماغفت
.وينج....الناس كالولي مشت
وينج.....روحي ابد ماهودت
يمه يمه
💔💔💔💔💔💔

يمه ضلت ونتج بنص الكلب
يمه بغيابج ترى عقلي انسلب
يمه كلبي داوي عليج يحبيبه لهب

اه ياامي اه ياامي اه ياامي

كلبي....عليج يمه منقهر
كلبي....وياج ويرد السمر
كلبي...زاد بلونه اعتلت
يمه يمه
💔💔💔💔💔💔

بات يمه بكلبي من يومج قهر
يمه بغيابج ترى نجرع المر
انتي يمنه عاطفه وجلمة السر

عيني....يمه ضلت هامله
عيني....ماغفت بس سايله
عيني...مرافكه الدمعه بقت
يمه يمه

✍🏻✍🏻✍🏻 بقلمي الفقير ام نادين خادمه البتول

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

جروح الزهراء عليها السلام
=========

شماخيّط جرح ينفتح ثاني

جرح اولادي شيعه موّتاني

جرحي ماشفه وطاب
من امصاب لمصاب

شماخيّط جرح ينفتح ثاني

=========

شماخيّط جرح يفتحلي اجديد

ماينفع دوه وضماده متفيد

واكثر صابني مذبوح الوريد

وكطعوله وريده
ويمه جف عضيده

شماخيّط جرح ينفتح ثاني

📉📉📉📉

جروحي بلكلب خلن علامه

ليلي مساهره ومكدر انامه

شبت بلكلب نار الملامه

ماينفع دوه وياه
اصيح من الالم اه

شماخيط جرح ينفتح ثاني

📉📉📉📉

اروفن ياجر من يامصيبه

وصبري ضاع مني منين اجيبه

يانار الولد ايا لهيبه

تلهب بلكلب نار
ناري ونار الاطهار

شماخيط جرح ينفتح ثاني

📉📉📉📉

شي بلسم كضه وبلسجن مطروح

وشي ضل بلغرب والكلب مجروح

وزيّد نوحي ابني المات مذبوح

وخته ارحلت للشام
اوياها كومة ايتام

شماخيط جرح ينفتح ثاني

📉📉📉📉

نار اولادي راوتني المنيه

انوح وزادت اللجمات بيه

من مصابهم شفت المنيه

شفت بعيني الاولاد
مطروحه بلوهاد

ماشخيط جرح ينفتح ثاني

=========
خادمة ال البيت الحجيه ام علي البصره


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

شده للزهراء س
*************
يمه يالحنينه ليش عفتيني
دارج موحشه تنعه وتبجيني
****************
مستعجل عليج الموت عفتينه
بعدنه ازغار عالدمعه وتبجينه
اصد للدار واذكرهه لمحاجينه
رحتي من وكت يمه وتيتميني
******************
شأنسه يم حسن حاجيني شتذكر
حنانج كعدتج ياريحة العنبر
لو كسر الضلع لو جفنج الاحمر
ماانساج ابد للموت بونيني
******************
يابضعه محمد للخلك رحمه
ظل خالي مكانج موحش وظلمه
مثل ضلعج اظل من رحتي يايمه
فكدج مايهون وبي كسرتيني
*******************
يظل بسمار ضلعج نابت بروحي
اصد للباب دوم وتنزف جروحي
انوح اعليج يمه ومانفع نوحي
لو ردج دمع ابجي نظر عيني
*******************
ضلعج ينجبر يالرحتي للجنه
كسري ماتطيب جروحه بالونه
ماريد العمر بفراكج اتمنه
وياج بلحد يمه تدفنيني
*******************
أم علي


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

ليش الدار حركوها
وبيها فاطمه الزهره

----------1----------

ماهابو المظلومه
بنت النبي المعصومه
خلاف الابو مندومه
ياويلي وتجر حسره

----------2----------

طاحت ونغمه عليها
النار حركت ايديها
والدخان عاليها
من اصحابك شنو اليجره

----------3----------

باب من الجذع دفعوه
وضلع الزهره بيه كسروه
وحملها من الضرب وكعوه
وماهابو من الحره

----------4 ----------

ابد مابايع الكرار
ذيجه زمرة الاشرار
وصبو١ كل حقدهم نار
الف لعنه على الكفره

----------5----------

ياهو اليخبر الهادي
بنته بيها اشسادي
اليوم نصيح ونادي
يامظلومه يازهره

----------6 ----------
ماننساج يم حسين
اسمج بالقلب تدرين
شمامرت علينه سنين
لاجلج نسجب العبره

----------7----------

عجل فرج مولانه
وياخذ ثارها ويانه
وكلنه وياه عوانه
وغدت بقلوبنه جمره

-----تمت بعون الله -----
بقلم خادمة الزهراء منى البصراويه
23 / 11/2020

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه ثقيله لزهراء ع

ودعتني / الجانت بعز الهوه
ودعتني / بدنيه مابيها ضوء

ياحنان الكون كله
كلبي بغيابج تسله
ودعتني ودعتني
..........
وداع امي صعب والروح سلاها
وخذت كل الحنان وراح وياها
ضلمه الدنيا صارت بعد عيناها
المثلج يالحنينه وين انه الكاها

راحت ايام المحنه
والحزن عاشرني جنه

ودعتني ودعتني
..............
الحزن قرر يضل وياي كل عمري
من يوم النوه عالرحيل ضعن امي
من كالت وداعا عاشرت همي
كلت هذا يدنيه من العمر سهمي

كالت الله وياج زينب
والكلب نيران عطب

ودعتني ودعتني
...........
من كالت يزينب كومي ودعيني
كمت ليها ودمعتي صبت بعيني
صحت يمه عالهونج لا تخليني
يانبع الحنان وياج حمليني

روحي ماتحمل غيابج
عني لاتسدين بابج

ودعتني ودعتني
..........
علي باب المحنه لا تسدينه
يضل البيت مظلم من تهجرينه
تدرين اليتم يازهره ياذينه
حسين ايضل حزين ودمعته بعينه

وداعج الهدم كيانه
يمه اولادج حزانه

ودعتني ودعتني
.............
صدك حان الوداع وفلت العشره
وبعد ماينسمع حس امي الزهره
الله وياج يمه وبالكلب جمره
انكسر كلبي عليج وبعد شيجبره

خلي اعيونج عليه
كبل لاتدنه المنيه

ودعتني ودعتني

✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطمية الجزء الاول

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

الشكر الله والشكر للأمام موسى أبن جعفر عليه السلام لشفاء المريض أحمد عبدالرضا من مرضه


فزاعيه للحوائج للأمام الكاظم عليه السلام( عنده أعلاج للعله )


هاذه لمرقده أبغداد
عنده أعلاج للعله
😭🧿😭
يتعناه كل مرضان
ويوصف دوه الوجعان
يالكاظم عظيم الشان
وأبن الصادق أنطبله
😭🧿😭
الموجوعين راحوله
ومن المرض يشكوله
شافـــــينه يـــكلوله
ويطي أعلاج ميبخله
😭🧿😭
شدات المرض شده
والكاظم شفه عنده
بو الطلبات لنكصده
وعنه الظيم ليميله
😭🧿😭
ماقصرت يامسموم
شافيت العلل هاليوم
يبن الصادق المعصوم
ولبغداد نكصدله
😭🧿😭
شديت العلك بالباب
كتله ضيف عندك طاب
دمعي أمن الألم سجاب
وشافيني أنه كتله
😭🧿😭
أنته أعمامتك خضره
وأمك فاطمه الزهره
أطيب أجروحنه الكثره
وعندك هالصعب سهله
😭🧿😭
يالشافيت مرضانه
ومتشكرين مولانه
حاشا أنكول ينسانه
وتحفظ كل ولد لهله
😭🧿😭

*تـــمت والـــــفضـــ🤲ـــل لله تعالى*
*بقلم✍الشاعره العلويه أيه البياتيه*
*صاحبه ديوان📚قصه الحوراء في كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

ليلة الوحشه للزهراء عليها السلام لسان حال ايتامها ع
=================

وحشه يايمه الليالي ......

من بعد عين الغوالي .......

ليله وحشه علينه
بلهظم عفتينه

وحشه يايمه الليالي .......

=================

الليله اول ليله بيتج خالي

واليتامه تنوح يمه اكبالي

البيت ظلمه وبلهظم ياحالي

ردي يايمه علينه
منلبجي يمه عمينه

وحشه يايمه الليالي ......

🌻🌻🌻🌻🌻🌻🌻

وحشه يايمه الليالي علينه

ليش يمه يم حسن عفتينه

انطاج كلبج يمه وتيتمينه

تيتمينه من وكت
يمه يازهره صحت

وحشه يايمه الليالي .......

🌻🌻🌻🌻🌻🌻🌻

يوم رحتي عيني ماشافت النوم

طيفج كبالي من اكعد من اكوم

انه وخواني غاطينه الهموم

يمه وحشه غرفتج
بلمناحه ابنيتج

وحشه يايمه الليالي ........

🌻🌻🌻🌻🌻🌻🌻

وحشه ايام الهجر يم الحسن

ضلوعي يايمه يزهرتنه انحنن

عيوني من البجي ياشفجه عمن

رحتي وعفتيني
وياج مخذيتيني

وحشه يايمه الليالي ........

🌻🌻🌻🌻🌻🌻🌻

عمت عيني ودربي مااكدر اشوف

طيفج بكل كتر كدامي يطوف

على اخواني يمه ماخذني الخوف

زغار يمه بنينج
يمه محتاجينج

وحشه يايمه الليالي ......

🌻🌻🌻🌻🌻🌻🌻

من بعد عين الغوالي تعذبت

ليلي يمه مساهره لا مانمت

من رجعتج يلحنينه اييست

أييسنه ماترد
ذبلت ومثل الورد

وحشه يايمه الليالي ........

=================
خادمة ال البيت الحجيه ام علي البصره نسالكم الدعاء


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

فزاعيه للسيده الزهراء ع

❥❥ـــــــــــــ❁❂❁ـــــــــــــ❥❥

المـــن هــالنـعـش بــليل
لـــم ضــلــوع مـكسوره

❥❥ـــــــــــــ❁❂❁ـــــــــــــ❥❥

المــن هـالنعـش طلعوه
إضلـم كونــهـه ودفنوه
نعش ام الحسن شالوه
بــيــن الباب مـعـصوره

❥❥ـــــــــــــ❁❂❁ـــــــــــــ❥❥

بــيــن الـبـاب والبسمار
صـاحــت ياعلـي الكرار
الحـــك طفي هاي النار
ولـطمــت زينب الحوره

❥❥ـــــــــــــ❁❂❁ـــــــــــــ❥❥

زينب لطمت أعله لراس
امــهــه بــآخــر الأنفاس
مـابيـهــم رحـم هالناس
واعــلــه الكسر مجبوره

❥❥ـــــــــــــ❁❂❁ـــــــــــــ❥❥

طــلـعــت فــاطمـه بليل
بدمعـات الحزن وتسيل
شايلـهه علي وانحيـــل
والبــيــت انطــفه نوره

❥❥ـــــــــــــ❁❂❁ـــــــــــــ❥❥

عكبج ضلمـه هاي الدار
شــبــت بالكـلب هـالنار
يبجي الحسن وامحتار
ودارج يــمــه مـعـموره

❥❥ـــــــــــــ❁❂❁ـــــــــــــ❥❥


تــــمت بقــــ✍🏻لم خادمه أهل البيت عليهم السلام

✍🏻الشـــاعره ألعلويه ام كنـــان الهاشمــي صاحبه دواوين أسيره الطفوف

لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام ✍🏻🧿


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيده للسيده الزهراء،،،ع،،،

ابجي والدموع اتسيل اصيحن يمه يازهره
عفتيني وحيده شلون اريدنج وانه ازغيره
#######################

بعدني يمه اريدنج وحنانج مشبعت منه
زغيره انه وتعوفيني ومنج اگطع الضنه
البيت خلافج الخالي بعيني اظلم اشوفنه
وياج الراحت امالي وعلى فراگج اجر ونه

وصيحن يام حسن وحسين
عفتينه. يانور. ،العين
وعليج الصار مايجره اصيحن يمه يازهره


البنيه اويه امهه تكون وتشعرهه بسعادتهه
وتحمل بالزغرهمهه وعلى الجتفين حملتهه
عشت وياج خمس اسنين المحنه عيوني شافتهه
يمه يام گلب صافي حياتي انتي زهرتهه

اشوفج طايحه گبالي
عليج انفطر. دلالي

بگلبي اختنگت العبره اصيحن يمه يازهره

اولادج ييمه ازغار عفتينه ورحلتي شلون
حسن وحسين،يازهره بفيج رادو يكبرون
اعزاز الگلب احنه وتسمينه ضوه لعيون
هانت يمه عشرتنه ولجلنه يهون مابالكون

يشجرة بيتنه الحلوه
بعدج. دنيه ماتسوه
طويله تكون،هالسفره اصيحن يمه يازهره


ليش اتجرا الملعون والبابج وصل عنوه
يمه ومن حرگهه الباب دفعهه عليج بالكوه
مكسورة ظلع طحتي وجنينج طاح يابلوه
يزهره مارحم حالج بيج الكافر اسوه

النبيهم مدري اشگالوا
على بته العده. عالوا
اشوف بخدج الصطره اصيحن يمه يازهره


اون ومگابله فراشج حسبالي تحاجيني
وگظي اليل دمعي يسيل،وحسهه الصطره ابعيني
وحس بظلوعي مكسوره محنيه وتاذيني
عليج،الروح يمه تنوح اگعدي يابعد عيني

يمه احزاني ماتنعد
وجمره بگلبي ماتبرد
بعدج عيشتي مره اصيحن يمه يازهره


انوحن يل الحنينه عليج مصابج يمه هدمني
واشوفن بابج المحروگ واحسه الدنيه متلمني
بدونج دارنه وحشه ومجانج حيل المني
تيتمنه،وبعدنه ازغاروفگدتج من صغر سني
اظل،طول العمر،انعاج
وميته،ريت يمه وياج
عليج الگلب شيصبره اصيحن يمه يازهره


✍ بقلم خادمة اهل البيت عليهم السلام
ام مصطفى الاسدي


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

الى فاطمه الزهراء بقلمي

شالت امي شال وياها الحنان
اه يروحي الضلت بلايه امان
شالت امي وحملت
عيوني بالدمعه انملت
اه منك يلزمان اه منك يلزمان
〰️〰️〰️〰️〰️
كل وكت كلبي يريدج يلحنينه
رحتي يايمه غفل واحنه شبدينه
كلبي ضل ينعى بحزن زايد ونينه

شالت امي وحملت
عيوني بالدمعه انملت

اه منك يلزمان اه منك يلزمان
〰️〰️〰️〰️〰️〰️〰️
يمه طولج ياحسافه بلمگابر
اشلون بفراك العزيزه كلبي صابر
مشو عنه كل اهلنه للكلب منهو اليجابر

شالت امي وحملت
الدمعه بعيوني انملت
اه منك يازمان. اه منك يازمان
〰️〰️〰️〰️〰️〰️

البيت اضلم ماريده بغير امي
هيه جانت بلمصيبه تشيل همي
ياعز من روحي ياشريان دمي
شالت امي وحملت
الدمعه بعيوني انملت
اه منك يازمان اه منك يازمان
〰️〰️〰️〰️〰️〰️

انته ياجنه بارض تزهي عليه
رحتي يايمه بعجل شحاصل بديه
ريت موتتنه سوه وفد منيه
شالت امي وحملت
الدمعه بعيوني انملت
اه منك يلزمان اه منك يلزمان
〰️〰️〰️〰️〰️
اني من غير ج غريبه اكضيه ونات
الدموع بحسره يمه بعيني تبات
وكلبي بغيابج تحمل شكثر لوعات
شالت امي وحملت
الدمعه بعيوني انملت
اه منك يازمان اه منك يازمان
〰️〰️〰️〰️〰️〰️
لا تضنين الكلب يايمه ينساج
ابد مترهم العشره اله وياج
سافريتي بلعجل وين منواج

شالت امي وحملت
عيوني بالدمعه امتلت
اه منك يلزمان اه منك يلزمان
〰️〰️〰️〰️〰️
✍🏻بقلمي الفقير خادمه البتول المله ولشاعره ام نادين المحمداويه


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيده ع طور..كومن بنات النبي ..
/////////////////////____///////////___

يوم الشفت عمتي ..زادت علي ونتي
وحدها تبره الضعن ..من دم جرت دمعتي


//////////


يعصرني كلش دليلي..ساعات اشوف المنيه
من التفت عن يميني..وانضرلدمعت رقيه
وانه بحبال وسلاسل..مجتوفه لشام اديه
بيا ذنب يمشن خواتي..المجلس الضالم هديه

....مامش زلم تنتفض ..تكلبهاطول بعرض
ترجعنه لرض الوطن..من دم جرت دمعتي


///////////


امشي وعيوني عليهم ..التفت يمنه ويساري
اسمع الصوت بمتنها.والجدي اقدم اعتذاري
مابيه حيل افزع الها تشتعل ماتطفه ناري
انضرعيالي سبايا تمشي مابين الضواري

مابيه افل الحبل..ويطكها عمده النذل
زادت عليه المحن ..من دم جرت دمعتي

....................


احترك وامشي برزيه.يشتعل كلبي بهضمهم
روحي تناطر رقيه..عمتي تنوح الحرمهم
مااحرس انه بديه...روحي وعيوني تلمهم حرمه ويتامه وارامل بالغرب مامش زلمهم

كساع اعاين طفل..مشدوده روحه بحبل
دولبني غدر الزمن ..من دم جرت دمعتي


///////////



والشمر صاح بشماته چـا وين اخــــوها الكفل
من سمع هاي العباره وهوه اعله رمحه زعل
مو ينضرلچـن اخوچن فـــوگ الرمح ما نزل
شو چنه تارك خـــــواته مـا ضن بعد بيه امل

وينك يخويه صحت. بشدة بعدكم طحت
ريت العيون انعمن من دم جرت دمعتي



///////////



شدو ادين الفـواطـم ياريته هذا بحلم
ويگول اتركوها زينب ومن عـدها اريد انتقم
ضبو حديد اعله اديه اتولاني ضـرب وشـتـم
وبحيله ضبها اعـلـه چـفي ينضر الي ويبتسم


من چفي دمي جره      شاهد يخويه شجره

الطحنو اضلوعك طحن     من دم جرت دمعتي
//////////__________________________
ابتسام العبودي .نساءلكم الدعاء 🙏🙏


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

هوسات للزهراء ع لسان حال زينب ع

❥❥ـــــــــــــ❁❂❁ـــــــــــــ❥❥

لحكـت نــعـش امي وتعذروني
ويــاج يـمــه شـو مـــا خذوني
صــحت بهيـده وياهه دتانوني
{ الجنــازه // شالوهـه بسرعه}

❥❥ـــــــــــــ❁❂❁ـــــــــــــ❥❥

شالوهـه ومشو واجذب والونه
شخــص الوالده ومنين اجيبنه
ياحيــف زمــن يحبيبه طشرنه
{ وماردناه // إفــراكـــج يمـه}

❥❥ـــــــــــــ❁❂❁ـــــــــــــ❥❥

ماردنــه الفــراك يعذب الكلوب
نـصبـر والصبـر يـايمه جندوب
بفراكج تره حته الكلب متعوب
{ وافراكج هدم // نص حيلي}

❥❥ـــــــــــــ❁❂❁ـــــــــــــ❥❥

اطب للدار ضلمه وتعمي لعيون
وعنج يــم هـلا الخطار يبجون
شكللهـم لو اجو يمه وينشدون
{ ينشدونـي // جاوين امغربه}

❥❥ـــــــــــــ❁❂❁ـــــــــــــ❥❥

بعــد هيهات امــي لو ترد للدار
خـلتـنـي عليله والكلـب محتار
يحبيبه تـره بيـه الزمــان اندار
{ ومن ايدي // بـاكــاج الموت}

❥❥ـــــــــــــ❁❂❁ـــــــــــــ❥❥


تــــمت بقــــ✍🏻لم خادمه أهل البيت عليهم السلام

✍🏻الشـــاعره ألعلويه ام كنـــان الهاشمــي صاحبه دواوين أسيره الطفوف

لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام ✍🏻🧿

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

https://tttttt.me/joinchat/AAAAAE7LQi7kM4Pwswz_Vg

اشترك بالقناة واتطلع على ما كل هو جديد