تم نشر مواليد لتتويج الامام المهدي عج
وكذلك هوسات مواويل لفرحة الزهراء

https://tttttt.me/joinchat/AAAAAEFVSMd2pvMFlLPXYg
اشترك بالقناة 👆👆👆👆

للطميه سريعه لنهايه المجلس الى مولاتي فاطمه الزهراء


ام المحنه شايله .... عطلوها

وحمول كلبي مايله... عطلوها
〰️〰️〰️〰️〰️
ماينحمل فركاها... عطلوها
وكلبي شكثر ينعاها... عطلوها
ضايع علينه ادوها.... عطلوها
〰️〰️〰️〰️〰️〰️

الولده شمحلاها... عطلوها
بلبيت لو نلكاها.. عطلوها
ضاعت علينه اخبارها..عطلوها
〰️〰️〰️〰️〰️〰️
كلبي يحن لرباها..عطلوها
كلش صعب فركاها... عطلوها
ولفركه مانهواها.... عطلوها
〰️〰️〰️〰️
العشره ضيعناها.. عطلوها

خلوني اروح وياها ..عطلوها
نار وجمر فركاها... عطلوها
〰️〰️〰️〰️〰️

ومنين اجيب ادواها.... عطلوها
ضايع علي عنوانها.... عطلوها
خان الدهر وياها.... عطلوها
〰️〰️〰️〰️

يايمه يلكلج هله... عطلوها
والبيت منج ماخله ... عطلوها
وللطم للزهره حله.... عطلوها
〰️〰️〰️〰️
هوسه.... خلاصنه واليمه وياهن
✍🏻بقلمي الفقير خادمه البتول
المله ولشاعره ام نادين المحمداويه


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه للزهراء سلام الله عليها عن لسان السيدة زينب ع





اريد اصرخ عله امي. ولا تلوموني

اموت ويه المشت بليل خلوني

///////////////////////////////////////

ماگالت مشيت وعفت البنيه

وي كسر الضلع راحت الحنيه

اريد اركض وراها وحيل مابيه

عميت من البچي ومااشوف بعيوني

اريد اصرخ عله امي ولاتلوموني

/////////////////////////////////////

عميت العين من شفت الضلع دامي

اشوف امي تخر وتطيح گدامي

تعاليلي يزينب رچفن اعضامي

تغير لونها وانه انخطف لوني

اريد اصرخ عله امي ولاتلوموني

//////////////////////////////////////


تغير لونهه وتون فرد ونه

گتله الضلع مكسور خافنه

گالت ادري بيه بس لا تلچمنه

بين الباب والبسمار عصروني

اريد اصرخ عله امي ولاتلوموني
//////////////////////////////////////

عصروني يزينب ونكسر ضلعي

كمت العي ويه محسن من وگع يلعي

گلت سوده عليه ونسكب دمعي

من گالت يزينب ليش كتلوني

اريد اصرخ عله امي ولاتلوموني

//////////////////////////////////

كتلوني عليمن واكتلو محسن

ضلت حيل تبچي ومن ضلعهه اتون

چنهه ام الفصيل اعله الجنين اتحن

عرفت امي تموت وخابن اضنوني

اريد اصرخ عله امي ولاتلوموني

//////////////////////////////////

عرفت امي تموت ابهاي علتهه

چا وام المصايب وين خلتهه

ماتت فاطمة گلو. الشيعتهه

بهذا اليوم واجبهم يعازوني

اريد اصرخ عله امي ولاتلوموني

/////////////////////////////////////

عازونوني عله المگدر بلياها

هاي أمي واريد الموت وياها

ليش اويه الحنينه الباب عصراها

اوجر بلضلع ولعين بچاها

اذا صبري نفذ ياناس اعذروني

اريد اصرخ عله امي ولاتلوموني

/////////////////////////////////////

بقلم الشاعرة ام ريـــام الركـــابــي ✍..

تجدونها في ديوان مأتم فاطمه الجزء الثالث

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

في رحاب الزهراء


ونيتي يمه من الضلع اه يلزجيه
لو سطرت العين اثرت سوده عليه
اه يلزجيه اه يلزجيه
//////// /////////

شنهي السبب يمه جنيتي ولوعوج
سكطو جنينج وره الباب وعموج
بعد ماغاب النبي يمه ولوج
اه يلزجيه اه يلزجيه
////////////////////
يمه ماطاب الجرح ودمعج سيول
ليش يمه من وكت شديتي الحمول
ياسيده النسوان يابت الرسول
/////////////////
اه يابت النبي يلطاهره
عليج دم تجري العيون مساهره
يمه ضلت بغيابج عيني حمره
اه يلزجيه اه يلزجيه
//////////////////////

عليج ماتبطل الروح من الونين
دمعي يجري عليج ياام الحسين
رحتي يايمه يم كلب الحنين
اه يلزجيه اه يلزجيه
////////////////////////
يمه كون اني اشمج من اديج
انحني يمه لحنانج وعتنيج
حبيبه شوفي دمع عيني ورد ارويج
اه يلزجيه اه يلزجيه
/ //////////////////////
بقلمي الفقير خادمه البتول المله ولشاعره ام نادين المحمداويه


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

*((من ديوان دموع وعبرة في رثاء العترة الجزء الاول))*
*قصيده للزهراء(عليها السلام)*
❥━──➸➽❥❂❥━──➸➽❥❂
صعب فرگاچ يمه يالزچيه
رحتي من وكت عفتي البنيه
❥━──➸➽❥❂❥━──➸➽❥❂
رحتي بليل عفتي الدار ضلمه
زينب تنتحب واتصيح يمه
بعدچ يالحنينه اعيوني تعمه
شلتي بعد متعودين ليه
❥━──➸➽❥❂❥━──➸➽❥❂
خذاچ الموت ما فكر بحالي
وظلت صورتچ دوم بخيالي
دولبني الوكت غير احوالي
صعبه روحتچ من بين اديه
❥━──➸➽❥❂❥━──➸➽❥❂
من عگبچ ييمه البيت مهجور
شلتي بعجل نمتي ابين الگبور
وگلبي الفرگتچ يا يمه مقهور
اصيح بصوت بس ردي عليه
❥━──➸➽❥❂❥━──➸➽❥❂
عفتيني ومشيتي بزغر سني
اصيح بصوت وين الوالده امي
الحسن وحسين يتباچون يمي
نضل ننعه ونجر ونه خفيه
❥━──➸➽❥❂❥━──➸➽❥❂
شيعها علي الكرار ب الليل
فراگچ يالزچية يهدم الحيل
ولمصابچ يون ودمعته تسيل
وعينه اعله الدرب ضلت ربيه
❥━──➸➽❥❂❥━──➸➽❥❂
*بقلم📝شاعرة اهل البيت (ع)*
*العلويه مريم النور*
*نسألكم الدعاء الفاتحه إلى روح اختي وﻷمواتكم* :🍃

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

*🍃قصيدة للزهراء(ع)🍃*
❥❥ـــــــــــــ❁❂❁❂❁❂❁ـــــــــــــ❥❥
*حنينة الوالدة وحلوة محاچيهة*
*ياوسفة التراب اشلون يغطيهة*
❥❥ـــــــــــــ❁❂❁❂❁❂❁ـــــــــــــ❥❥
طيبة وياحلاها ومحلة چلمتهة
تسوى الكون امي ويامحنتهة
ياحيف المنية مني اخذتهة
*وخلتني انوح وابچي اعليهة*
❥❥ـــــــــــــ❁❂❁❂❁❂❁ـــــــــــــ❥❥
ياريت المنية اخذتني وياها
شالت واتركتني انحب لفرگاها
مايسوى العمر والله بلياها
*تستاهل عليهة اعيوني اعميهة*
❥❥ـــــــــــــ❁❂❁❂❁❂❁ـــــــــــــ❥❥
خالي امچانهة مظلم ويوحشني
ومانمت الليالي ومابطل وني
وحيدة بدارها وحزينة خلتني
*واشتاگيت اريد اليوم الاگيهة*
❥❥ـــــــــــــ❁❂❁❂❁❂❁ـــــــــــــ❥❥
مشتاگة اريد اليوم اشوفنهة
اشمنها ووسط روحي اضمنهة
ويا چلمة اليمة ارجع اگولنهة
*شيرد الوكت وايعودلي بيهة*
❥❥ـــــــــــــ❁❂❁❂❁❂❁ـــــــــــــ❥❥
شيرد الوكت وارجع اشوفنچ
واغفة يالزچية اني بوسط بحضنچ
مااگدر على افراگچ واريدنچ
*بتچ بعد عينچ من يباريهة*
❥❥ـــــــــــــ❁❂❁❂❁❂❁ـــــــــــــ❥❥
*بقلم✍خادمة تراب الزهراء(ع) الكربلائية فاطمة علي صالح الحلفي*
*واسألكم الدعاء والفاتحة لروح جدي وامواتكم ودعواكم لي بالنجاح والموفقية*
*غير برئ الذمة امام الله والزهراء من يحذف الاسم والرابط*

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

:
🕳🕳🕳🕳
فی حق السیده الزهراء س وزن مجرشه
🕳🕳🕳🕳🕳🕳🕳
من عگب عینک یانبي ربعک فلا رحمونی
من فارگیتک یاولی من البچی منعونی

وینک یمختار
ماتدری بلصار
داسوها داري بلغصب عگبک فلا هابونی
🕳🕳🕳🕳🕳🕳🕳🕳🕳🕳
داسوها داري یانبي ابحسره وقهر نادیتک
یـدرون بیـه فاطمـه انا الـعزیـزه ابنـیتک
تحضر تشوف الی سده یابویه اتمنیـتک
الحگ یا طه حشمت یابویه داسو بیتک

هلگوم الاشرار
حرگولي الدار
داسو اعتابي صحبتک یابویه ماراعونی
🕳🕳🕳🕳🕳🕳🕳🕳🕳🕳
هجمو علیه وکثرو نـارو حطب یم بابي
مصیوب گلبی ابفرگتک کلش شدید اصوابی
مهظومه لنهم صحبتک عگبک یدوسو اعتابي
نادیـتلـک یامصطـفی یـمتـه تـردلي اجـوابـي
گلبی تفطر
دم دمعي یمطر

داسو احدودی الطاهره بچف الغدر سطروني
🕳🕳🕳🕳🕳🕳🕳🕳🕳🕳
چانون گلبی مافتر ناره اسعرت دلالي
عگبک فلا رید العمر والموت بس یحلالي
مارید اضل ابهلبلد عگبک یبویه الغالي
من غفت عینک یاشهم ضاعت یطه امالي
مکسورگلبي
ماشوف دربي

بلباب بويه من لذت ابقوه الکفر عصروني
🕳🕳🕳🕳🕳🕳🕳🕳🕳
حیدر امقید یا وسف بوصیتک یاجیدوم
ینظر الحالي بو الحسن من دم تهل عینه ادموم
مچتوف یاویلي الاسد بعیونه حزنک مرسوم
یاطه ساهر حیدره واعیونه ماتاخذ نوم
مالومه یاروحي
من کثرت اجروحي

اهل الرده یامصطفی ابناروقهر واسوني
🕳🕳🕳🕳🕳🕳🕳🕳🕳🕳
من عصرت الباب انکسر ضلعي وخسرت اجنینی
ونیت یابویه ابشجن یلماسمعت اونینی
اگعد یابو یه ابهلوکت محتاجتک واسینی
بحشای نیران اضمرت من ارحلت تاذینی

بویه گرب یومی
ماتدری بهمومی

من عگب عینک یانبی ربعک فلا رحمونی
🕳🕳🕳🕳🕳🕳🕳🕳🕳
تمت وبعون الله وبقلمی المتواضع ام عدنان سیاحی ونسالکم الدعا🌹🌹لایجیز حذف الاسم او تغییره

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

الطميه ثكيله للسيده الزهراء عليها السلام


يمه يلبيج المحنه كمت ادور وين صرتي
بنيتج انه يلحنينه وسفه عن عيني بعدتي


بيتج اظلم وبغيابج مكدر وتوحش غرفتج
بقهر خلصتي حياتج اذكر سنيني وعشرتج
شلون بلفركه رضيتي حلوه ياذيجه رفجتج
صارت الايام ضدج ظيم ومصايب شبعتي


ضعتي ياوسفه من ديه غابت ارسومج عليه
يوجع امصابج بكلبي زغيره مااحمل اذيه
روحي مكظيه واريدج جنه نكعد بلمسيه
بيده عصراج النذل بدفعت الباب نكسرتي


يجرن عيوني بدمعهن كمت ادور كل مكان
نامت عيونج الحلوه غاليه وكلج حنان
وانظر الونج تغير راح وياج الامان
وسفه دفنوج بترابه هذه مو يومج وشلتي


اه ياحسرت حياتج واكعو محسن جنينج
بصدرج البسمار نابت بالي يايمه ونينج
شفتي بعمرج عجايب ظالم بجفه علئ عينج
امشي البيتج وادور يمه تجري بس دمعتي


اذكر رباج ودلالج راحت البسمه وضحكتي
تالي للمظلم مشيتي بنيتج انه و مانشدتي
حيل اذاج الزمان بوحدي عفتيني بغربتي
اليش يايمه رحلتي ظلمه وبليل ندفنتي



الشاعره خادمة السيده الزهراء والسيده
رقيه ام زهراءالفاطميه لايجوزحذف الاسم
اسم الكتاب لبيك يازهراء

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للزهراء عليها السلام

قصة البسمار ويه ام الحسن
صار بيهه اعظم. مصاب
تون ظلت. من ظلعهه
وخفت. عن. داحي. الباب
######################

شلون هل،البسمار،نابت بالظلع
ونكسر ظلعين منهن. تنوجع
وطاح. منهه المحسن وبي تنفجع
ومن الم. ضلوعهه تبجي،بعتاب


شنو عذرك بابهه الزهره تصيب
ماحسبت احساب ربك والحبيب
عصرت البسمار. بيدك. ياعجيب
وصار بيهه. اعظم. مصاب


آه يابسمار. ليش. اجرات
وبظلع الطاهره. حيل انبتت
منهه،الظلعين ياويلي اكسرت
وصاحت الفضه الصدر مني انعاب


ويلي الظالم عصرهه بيده
وصارت العصره عليه،مجيده
بويه يابويه العمر. ماريده
بعدك انته انه. بعذاب


عليهه ابو الحسنين هلت. دمعته
وبجت وياه الحزينه او وصته
الدفن بالليل ذمه. برگبته
من يحل الاجل ويحل الغياب


بام. الحسن الفاجعه سووهه
وكسرو. ظلعهه بابهه عصروهه
وتبجي على بوهه ابد ماخلوهه
وندبت. داحي الباب


✍بقلم خادمة اهل البيت عليهم السلام
ام مصطفى الاسدي



الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيــده ثقيله للزهراء عليهآ السلام

꧂ ꧁❥ू꧂🌺꧁❥ू꧂

هــم تدريـن افـز بليل اصيح بصوت عالي
هـــســـه انــــه وحــيــده يــا زهــره تعالي

꧂ ꧁❥ू꧂🌺꧁❥ू꧂

هــم تـدريـن افـز بليل يايمه ونضر عيني
اطــب لغرفتـج ضلمه وما ضنه تحاجيني
شالــت فاطـمـه الزهره اعازيهه وتعازيني
شلتـي ومــادريتـي صـار بيتج يمه خالي

꧂ ꧁❥ू꧂🌺꧁❥ू꧂

دارج يــالحـنينه لـيـوم تـنــعاج وتبجيني
أضل مناطره عالباب كلت هالبت تمريني
عنـي ام الحسن شـالت ما ريضت تأنيني
وحدي يمه هالضيت وأنه مكدره احوالي

꧂ ꧁❥ू꧂🌺꧁❥ू꧂

فــزيــت وصحـت يايمه عـالــي الصـوت
طول بطـول يمه وياج ما خلوني بتابوت
لو تنسام وي روحي وامي ابد لا ما تموت
فـاركـنــاج يحبيـبه وشخصج يمه يالغالي

꧂ ꧁❥ू꧂🌺꧁❥ू꧂

فاركنه الـعزيزه اشلون ما كالت وشالوهه
شلــج بالكبر ي امي وسفه بساع دفنوهه
ســاعه وياي أريدنهه وما ريضو وخلوهه
يــمه وداعتج ونـيـت صرت معذبه حالي

꧂ ꧁❥ू꧂🌺꧁❥ू꧂

مثل حـال التفز بليــل وامه موش وياهه
عني ام لحسن ياناس وسفه لبين ضماهه
بـكـبـر إضـلـم يهـد الحيل يالدفان خلاهه
وجـهـج ويــن اشوفنه ضل بلبيت راوالي

꧂ ꧁❥ू꧂🌺꧁❥ू꧂


تــــمت بقــــ✍🏻لم خادمه أهل البيت عليهم السلام

✍🏻الشـــاعره ألعلويه ام كنـــان الهاشمــي صاحبه دواوين أسيره الطفوف

لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام ✍🏻🧿


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيدة حماسية لفاطمة الزهراء ع
____________________________
ام حسن واويلاه . واويلاه . واويلاه
حزينة زينب علي
على امها تنحب علي

ييمة بغيبتج عيني جرية
اون اعليج كل صبح ومسية
تعبت من البجي يمة يزهراء
صغيرة اني واحنلج يلزجية
انفطر دلالي
ودموعي اتهالي

ييمة وداعتج ضليت مهضومة
وعيني من مشيتي مفاركة النومة
من اصد للباب اذكر عصرتج ذيج
واصيحاً اه يل غربتي مالومة
يبعد اضلوعي
شيسكن روعي

ديارج موحشة خلافج اصد ليهة
من اصد لحجرتج روحي تاذيهة
بتالي الليل اذكرنج تونين
واجر بونتج والعين اعميهة
يبعد اعيوني
تغير لوني

يحبيبة عباتج من اشوفنهة
ملهوفة اعلة صدري بسرعة احطنهة
تخنكني عبرتي واصرخ ب اااه
هية وشيلتج يازهرة اشمنهة
اشمن بيهن
وانوح اعليهن

بتوالي الليل افز واحظنهة الاعباية
بسجادة صلاتج ابجي شكاية
واصيحن ياالهي وخالق الكون
رجعها الية الفركة اذاية
كلف يفراكهة
وهضمني اغيابهة
____________________________
بقلم خادمة اهل البيت ع الشاعرة✍ والملا 🎤 رغد البهادلي
ذمة عدم حذف وتغيير اسم الشاعرة


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيده للزهراء،،،عليها السلام

بويه امي اشبيهه،،،، ،،،منوالي اماذيهه
آية الله وتنولي،،،،،،،ياعلي،،،،،ياعلي

####################

امي شبيهه يحيدر،،،،بويه شو حاجيني
انه احجي،وياهه،،،،،وماتصد بعيني
مخليه اديهه اعلى الوجه،،تگلي أه يبنيني
شلون اعوفنكم يتامه،،، خلصت انه سنيني

حمره اشوفن عينهه،،،،وتبجي اعله جنينهه

والدمع بس ايهلي،،،،،،،ياعلي،،،ياعلي


من اجي،للبيت اصيحن،،،،،يمه وينج
تگلي هايبني يغالي،،،،اكله اجيتج
نورج يشع يام حسن،،،وضاوي بيتج
الله لا يحرمنه منج،،،،،ومن حنينج


بعينهه،اشوف الحزن،،،من،المصايب،والمحن

وبينه،همهه ينجلي،،،،ياعلي،،،ياعلي


شنو صاير بيهه،،،،ليش،ماتكدر تنام
تگوم تتوجه اعلى حايط،،،،،ينوح ظل يمهه الحمام
ايدهه على الظلع تمشي وليش گطعته الكلام،
بعبره مخنوكه احسهه،،توجه الجدي السلام
بويه ربعك مارعوني،،،،اكسرو،ظلعي ولوعوني،
تگله يمته نلتقي،،،ياعلي،،،ياعلي


الباب،محروگه يحيدر،،،والدموم السايله
بيهه اشم ريحة المحسن،،،طاح بعده باوله
من اجه الباب وحركه،،،،،اباب زهرتنه شله
وحيل عين امي سطرهه،،شلون الله يقبله

بت نبيك مارعوهه،،،،،اخلاف عينك اهضموهه

ونحرگ باب النبي،،،،،،ياعلي،،ياعلي


آه يانار الفجيعه،،،،،بيتهه الزهره البتول
گلبي ظل ينعه عليهه،،،،،ونوحي اعلى امي يطول
عشتي يايمه بحزن،،،،مظلومه يابت الرسول
الكسر،ظلع ماله غيره،،،،ولاله ذمه ولااصول
زهره انه حسينج،،،،،،بديني اقرن عينج
خوفي اعلى زينب تنولي،،،،ياعلي،،،ياعلي

!
احترگ بابج يزهره،،،ومحسن وظلع انهشم
مارعو حرمت نبيهم،،،ولاحجاب ولا قيم
احنه من بعدج يتامه،،،،وعمري من غيرج عدم
باجر يهشمون صدري،،،اصحابه هو الي هجم
ايتامي وايتامج سوه،،،،،اظلوعي لظلوعج دوه
والفرق بس السبي،،،،ياعلي،،،،ياعلي


✍لخادمة اهل البيت عليهم السلام
ام مصطفى الاسدي


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

خاص للفواتح

خلونه ومشو اهل الدوواين
عليهم ذابله وبس تهمل العين
〰️〰️〰️〰️

طلابه عد اهلنه عيب مكضيه
نريد ازلم كلفه تطي وعديه
يشدون الروايه بيد جمعيه
يمر بينه الرايد عطوه
〰️〰️〰️〰️〰️
الف وسفه عليهم نامو بطين
عليكم دامعه وبس تهمل العين
شمالك ياوكتنه ماخذ الزين

مياله الدنيه ويانه
〰️〰️〰️〰️〰️
شلون ازلام راحت ترفع الراس
وبكلوب العده يحطون وهواس
متعجبه عليكم جانت الناس
وين الكاه الخافو منه
〰️〰️〰️〰️〰️〰️
كالو للنجف شدو محاملهم
غفو جوه التراب منين اصيحلهم
بكلبي اعتاب حكي من اعاتبهم
خلوني للضيم وراحو
〰️〰️〰️〰️〰️〰️
عكب عيونكم عالت العياله
حسافه ياهلنه الدنيه مياله
عليهم ضلت الدمعات سياله

ودونه لهلي ونتعاتب
〰️〰️〰️〰️〰️〰️
مشيتو للنجف وبكلبي ونات
تسيرون وتجون بغير منات
مشتاك الكلب لاهل المروات

عميانه وعيوني عليهم
〰️〰️〰️〰️〰️〰️〰️〰️
✍🏻بقلمي الفقير خادمه البتول المله ولشاعره ام نادين المحمداويه


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

*قصيدة للزهراء من ديوان عبرات وانين الجزء1(خاص بالزهراء ع)*
*"لحن قصيدة حمزه الزغير يبن أمي عالتربان"*
❥━──➸➽❥❂❥━──➸➽❥❂
*يا بلسم جروحي يم المحنه*
*عفتي بنيتچ ليش تجذب الونه*
❥━──➸➽❥❂❥━──➸➽❥❂
عفتي بنيتج ليش يم گلب الحنين
والله عگب عيناچ ما غمضت العين
ابچي وانوح عليچ واجهر بالونين
*يا وسفه ليش بساع حملتي عنه*
❥━──➸➽❥❂❥━──➸➽❥❂
يا يمه ليش بساع عني رحلتي
گلبچ ييمه شگال يوم ابتعدتي
وحيده بگت بالدار ما گلتي بتي
*وحدي اون عليچ خييتي املنه*
❥━──➸➽❥❂❥━──➸➽❥❂
وحدي بگيت اعليچ اجذب الونات
واگضي العمر بالنوح بس أجر حسرات
فلت العشرة اليوم ما ترد هيهات
*آيس يگلبي اليوم واگطع الضنه*
❥━──➸➽❥❂❥━──➸➽❥❂
آيس يگلبي اليوم من الحنينه
شالت بظلمه ليل ما اضن تجينه
راحت لدرب بعيد ما ترد لينه
*راحت خذاها الموت ياوسفه منه*
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيدة مربعة وفزاعية جنوبية للزهراء
.....................................................
كضيت الخواصر وانجفة الحيل
البتولة راحت وصابتلي الادليل

اليوم المرتضى مصيوب دلالة
متخوصر وينحب كابل اعيالة
يصيح بعالي صوته الدنية ميالة
امك يل حسن من دارهة اتشيل

شالت زهرتي والروح خلصانة
ياويلي كضت مالومة حزنانة
ياروحي على ام حسين ولهانة
يون الجار وتنوح المداليل

لاترحين اصيح ودمعتي بعيني
يازهرة حياتي من يباريني
هالدنيا كصيرة لاتضيعيني
ترضين انتحب ودموعي تسيل

اه يفراكهة جمرات بلدلال
ماتبرد ابد لاتنكضي وتنشال
يل تنشد علينه كلفه الاحوال
على ام البيت واحدنا غدة إعليل

علة افراكهة ومخنوك ضل صدري
وخلاف الحنينة منكسر ضهري
حسبت وياج اصيحاً ينكضي عمري
وانصيح بحزن افراكهة ويل
.......................................................
بقلم خادمة اهل البيت ع الشاعرة ✍والملا🎤رغد البهادلي
ذمة عدم حذف الاسم

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

قصيدة لمولاتي الزهراء"ع" تقرأ مربوعة وفزاعي
❥❥ـــــــــــــ❁❂❁❂❁❂❁ـــــــــــــ❥❥
الحيل وياچ....يايمة خذيتيه
تعاي ابساع ابنچ لاتعوفيه
❥❥ـــــــــــــ❁❂❁❂❁❂❁ـــــــــــــ❥❥
خذيتي الحيل ياشمعة سنيني
علية اجواب ردي وارحميني
الچ اعتاز ليش اتيتميني
حنانچ وين ياطيبة الاگيه
❥❥ـــــــــــــ❁❂❁❂❁❂❁ـــــــــــــ❥❥
تعاي ابساع عني لاتروحين
اخاف اهواي يايمة وتعرفين
تخوف حيل شو ظلمة الحياطين
بغيابچ بيتنة كل نور مابيه
❥❥ـــــــــــــ❁❂❁❂❁❂❁ـــــــــــــ❥❥
احس الكون اظلم صار بعدچ
وسفة عالتراب اينام خدچ
عفتيهة تنوح ايتام عندچ
عدهة اعتاب بتچ ماتسمعيه
❥❥ـــــــــــــ❁❂❁❂❁❂❁ـــــــــــــ❥❥
بتچ رايدة تتعاتب وياچ
طفلة ماتشيلة نار فرگاچ
وظل يبچي الولد ويريد ملگاچ
واينام اعلة صدرچ عوديتيه
❥❥ـــــــــــــ❁❂❁❂❁❂❁ـــــــــــــ❥❥
متعود عليچ ويصبر اشلون
وطولچ ذاك بالتربان مدفون
فدوة اتروحلچ يايمة العيون
بعد عيناچ عمري اشلون اگضيه
❥❥ـــــــــــــ❁❂❁❂❁❂❁ـــــــــــــ❥❥
*بقلم✍خادمة تراب الزهراء(ع) الكربلائية فاطمة علي صالح الحلفي*
*واسألكم الدعاء والفاتحة لروح جدي وامواتكم ودعواكم لي بالنجاح والموفقية*
*غير برئ الذمة امام الله والزهراء من يحذف الاسم والرابط


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

نعي حول استشهاد السيده الزهراء



ابعوز ارباج يا يمه /بعدني
اعتاب عليج ونكوله /بعدني/بعد انه
ليش الموت من امي/بعدني
وخذه روحي ومشت صوب المنيه


ليش امي بزغر سنهه/ولاجت
ونار افاركهه بل روح/ولاجت/وجت
صحت يالغاليه عليهه /ولاجت
وضليت بحزن عكب الزجيه


عافتني امي ورايحه بعيد
وشيلت ظعنهه كلش مجيد
ردي عليه وكل شي ماريد

لو ناويه اتروحين منه
وياج شيلي هم حملنه
نترافك سوه حبيبه بظعنه


انتي الحبيبه وموش غيرج
وهمي شجيته ودوم اشيرج
يالوالده اتردين اريدج

ردي عليه ولا تغيبين
وبعيد يمي اشلون تمشين
انتي العزيزه يل تشيلين
تروحين عنه وما تردين


شالو نعشهه ومشو بيهه
وعيني ولا بطل بجيهه
وياج البنيه تاخذيهه
رفيجت عمر بيني عليهه


عليهه تجين الهه وتريدج
سكتي البنيه وبجه وليدج
مري ونوميهم عله ايدج


شتاكو عليج وردي ليهم
طال الغياب اشلون بيهم
تعودين ما ظنه عليهم


*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

*قصيدة للحبايب(ما گعدن امن النومه)*
*من ديوان 📚 عبرات وانين في رثاء الطاهرين الجزء9(خاص بالزهراء والإمام علي والفواتح*
❥━──➸➽❥❂❥━──➸➽❥❂
نامن بالثره الشفجات
ماگعدن امن النومه
❥━──➸➽❥❂❥━──➸➽❥❂
شالن وابعدن عنه
خلنه نجر ونه
يا وسفه تفارگنه
عليهن روحي مهظومه
❥━──➸➽❥❂❥━──➸➽❥❂
عليهن روحي نحلانه
اون وحيل حزنانه
البيت امهدمه اركانه
وضل حزنان ما الومه
❥━──➸➽❥❂❥━──➸➽❥❂
ماينلام ضل خالي
البيت وصاب دلالي
جان بجالهن عالي
خله الروح مهدومه
❥━──➸➽❥❂❥━──➸➽❥❂
مهدومه وحزينه الروح
والدلال ضل مجروح
للطيبات يحله النوح
ويامحله اللطم گومه
❥━──➸➽❥❂❥━──➸➽❥❂
نلطم للمشن وگفه
نامن عالرمل وسفه
جرح الگلب مايشفه
غميج وتنزف ادمومه
❥━──➸➽❥❂❥━──➸➽❥❂
غميج اصوابهن چتال
يهدم الروح والدلال
مانشدن بعد عالحال
منهن صرت محرومه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

لطميه لزهراء ع عن لسان حال زينب ع


انه وانتي من الدهر ونينه
اثنينه جار الزمان علينه

جارت علينه اليالي
والجره بحالج جرالي
ثنينه جار الزمان علينه

..........

انتي جفنتي النبي بس دموعج جاريه
وانه خليت الحسين واجفنوه بالباريه
يمه هظم المر عليه بيه انتي الباديه

انتي متي من المصايب
وانه كتلتني الخرايب

والدهر مارحم بيج وبينه
ثنينه جار الزمان علينه
..........

انتي بسوط انظربتي وانكسر ضلعج يزهره
انه عاينت الحسين وشفته من كسرو صدره
انتي بليل اندفنتي ومهجتج برماح نحره

انتي دمعاتج جريه
وانه جم صواب بيه

خن نسولف يم حسن خلينه
ثنينه جار الزمان علينه
.................
انتي سطروج عله عينج والضلع يمه انكسر
وانه مجتوفه عالناكه ومتني طكاه الشمر
يمه يازهره هظمنه ايفتت اجبال الصخر

انتي وناتج شجيه
وانه وناتي خفيه

يمه من جور الدهر سلينه
ثنينه جار الزمان علينه
.............
انتي منعوج البجه وبالجفن حبسو دمعتج
لوتشوفين الجرالي والسده يمه عله بتج
ضلت ابصدري عبرتي مثل ماحبسو عبرتج

ثنينه الونه حبسو دمعنه
ومارحم بينه وكتنه

والجروح البالكلب تاذينه
ثنينه جار الزمان علينه
................
نار شعلوها عله بابج ونار شعلوها بنزلنه
بس فرق بيني وبينج احنه عالغبره زلمنه
انتي داحي يمج واحنه عالشاطي الكفلنه

هاي قصتنه الحزينه
يالتحب ابجي علينه

اذكر مصاب الجره اواسينه
ثنينه جار الزمان علينه

✍أم زينب كربلاء غير مبري الذمه من ياخذ الكلام وينسبه له او يحذف الاسم القصيده من كتاب الماسي العلويه الجزء الاول
الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

الى مولاتي السيده زينب


رايحه ودربي طويل
رايحه وعيني تسيل

ولدهر بيه يميل
ابد ما امللك الحيل
اه يدهري اه يدهري

🏴🏴🏴🏴🏴🏴🏴

من مشت الاضعون بينه وغربو
ولاهل فوك الترايب نومو
اه ياهلي الجفوني ولا اجو
وسفه اخوتي الضلو بليه غسل
اه يدهري اه يدهري
🏴🏴🏴🏴🏴🏴

فاركيت احبابنه بلوعه وحنين
وروحي ضلت هايمه بس بلونين
من مشينه بلدمع ضلت العين
دموعي ضلت بس تهيل
اه يدهري اه يدهري

🏴🏴🏴🏴🏴🏴

عيني عميه ولا اصد لاجسادهم
موذرين ومكطعه اوصالهم
ويلي يمه مشمرات اوداجهم
ولحمل ياهلي ثجيل
اه يدهري اه يدهري
🏴🏴🏴🏴🏴🏴🏴

صحت ياعباس ما تلحك علينه
ولحبال مشدده خويه بدينه
ما كعد لينه البطل من حشيمنه
ولشمر بينه يعيل
اه يدهري اه يدهري
🏴🏴🏴🏴🏴

روحي ركضت كبل رجلي للغولي
انحنت وياي السماء حزنت لحالي
ابد ماخلوني اودعك اه ياغالي
ولدمع خويه يهيل
اه يدهري اه يدهري
🏴🏴🏴🏴🏴

زينب انه الهاشميه حبال بليد
وضلت الروح بجفاكم ابد متهيد
ياخت مثلي صفت مضيعه حيد

خويه ضيعنه شبول
اه يدهري اه يدهري
🏴🏴🏴🏴✍🏻✍🏻✍🏻بقلمي الفقير خادمه البتول المله ولشاعره ام نادين المحمداويه


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw