قصيدة *[ #يا_أم_الحُسين ]*
توسل بالصديقة #فاطمة_الزهراء عليها السلام، 1439 هـ
______________

المستهل/

يافاطِمة ،يافاطِمة ،يافاطِمة يا أم الحُسين

1 /

يمّه يازهرا يَبضعة ، روح سيْد المرسلين
قصص عندي واردن اشكي ، لچ على جور السنين
وقبل ما ابدي يَزهرا ، إلچ مني يمّه عين
انتي مو سِطروا عيونچ ، آه يا أم الحُسين

ابوجهچ دِمه ، ابوجهچ دِمه ، ابوجهچ دِمه يا أم الحُسين


2 /

أول احچايه ابتديها ، يمّه وينه المُنتظر ؟
صار إلي مُدّه اناظر ، عالدرب ماكو أثر
هاي أرضنا بينا ضاقت ، اُو هاي مخنوق الصدر
كلمن ايصيح ابهمومه ، اُو كلمن ابهمه ايعثر

دمعي هِمه ، دمعي هِمه ، دمعي هِمه يا أم الحُسين


3 /

يمّه أمر الـما أشيله ، اُو لا يشيله اي أحد
فقد العزاز الغوالي ، الـما يعوضهم أحد
يروحوا سرعه اُو يتركونا ، وللجَرِح ماكو كَمد
حيل صعبه امفارقتهم ، اي قسم والله الأحد

الغالي افقده ، الغالي افقده ، الغالي افقده يا أم الحُسين


4 /

يمّه أعمالي قليله ، والذنوب اشقد چثير
آنه طمعان ابرحمتچ ، اقبلي العبد الحقير
إلهسه آنه ماني تايب ، والعمر أدري قصير
مُفترض ما ألفظ أسمه ، المهدي لو عندي ضمير

شقد آلِمه ، شقد آلِمه ، شقد آلِمه يا أم الحُسين


5 /

اشتكيلچ نفسي يمّه ، اُو عن وضع روحي اُبين
وألتجيلچ من شَهُوتي ، وانتي كهف الاجئين
استنقديني من شروري ، اُو مدي لي كلتا اليدين
ابصافي النيّه اريدن ، أخدم وأبچي الحُسين

لا ألچمه ، لا ألچمه ، لا ألچمه يا أم الحُسين


6 /

كلها قبرچ ودها توصل ، اُو هسه تو استوعبيت
انتي قرآن الله ياهو ، طاهر اُو يمچ يبيت ؟
ارتجيچ ابقبري يمّه ، اُو من اصيرن بيه شتيت
تحضريلي وتشفعيلي ، لون بالنار ارتميت

بالغاشِيه ، بالغاشِيه ، بالغاشِيه يا أمُ الحُسين .

_______________

بِـ قلم /خادمة وليِّ النعمة ( قصائد وليِّ النعمة )


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة *[ #لعنةُ_الله ]*

في إستشهاد السيدة #فاطمة_الزهراء عليها السلام ، 1441 هـ
ــــــــــــــــــــــــــــــــــــــــــــــــــــــ
المستهل /


لعنةُ الله على مَن آذاكِ فاطِمة
لعنةُ الله على مَن آذاكِ فاطِمة


1 /

لعنةُ الله على مَن قد اشعل الحطب
تـبَّـت الـيـد كـمـا تـبَّـت يـد "أبي لـهب"
اشعلَ النار ونارُ الله إلاها كَسب
جمعهم كلٌ سيصلى النار مِن ذات لهب

2 /

والدُ الزّهرا بِنفسي انتَ هاقد ضيعوا
حقُّ أمُّ الحسنينِ والوصيةْ مارعوا
دارها الطاهرُ واعجباه دغرًا دخلوا!
روعوا فاطِمَ والخمسَ سنينَ روعوا

3 /

ألفُ واويلاه يدُ الكرار يُأمر ربطُها
ليسَ هم، شُبه لهم، إنَّ الوصيةَ اصلُها
بعليٍّ خططوا الزّهراء يُخرج قهرهُا
وا بِنفسي خرَجت كادت لتنشر شعرها


4 /

لعنةُ الله عليهم كسروا ضِلع الحنان
حرمونا مِثلَ زَيْنَب من تفاصيل الأمان
مابقى أمّاه من بعدكِ لِلراحةْ مكان
حرمونا مِنكِ حسرةْ وقسَى فينا الزمان


4 /

لعنةُ الله عليهم يدٌ لِلخيرِ اِنبرَت
آلموها، عصروها، بالدِماءِ لُـطِّخت
قِيل حينَ الموتِ بالآهِ إلى الشيعةْ دعت
لستُ أدري أيُّ ذنبٍ هكذا روحٌ جنت


5 /

آهِ يا أمّاه يا حاجةَ قلبي المُكتوي
آهِ يا أمّاه ذا عمري بِحُزنٍ ينجوي
ليتني بينَ يديكِ ناحبًا آه أرتمي
آهِ يا أمّاه ليتَ الليتَ حتمًا تستوي .

___________

بِـ قلم /خادمة وليِّ النعمة ( قصائد وليِّ النعمة )


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نعي *[ #تِون_لليوم ]*

في إستشهاد السيدة #فاطمة_الزهراء عليها السلام ، 1441 هـ
ــــــــــــــــــــــــــــــــــــــــــــــــــــــ

يويلي من يوم مَالظالم عِصرها
تون لليوم سَيْدة عَصرها
تقل إلفضه جانا العصر ها
دِجيبي الحسن واحسين إليه


يَفضه ابهالمسيّه يفقدوا امهم
جيبيلي الطشت احممهم واشمهم
آخر تسريحه من الزهرا إلشعرهم
يتامى اطفالي بعد هاي المسيّه


ايصبر الله حيدر من يجوله
ابحضنه وإلحضني ما يجو لا
انا رايحه والحزن بيتي يجوله
واصعب لو نِدت زينب عليّه

___________

بِـ قلم /خادمة وليِّ النعمة ( قصائد وليِّ النعمة )


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نعي *[ #ليالي_الفاطمية ]*
ذكرى إستشهاد السيِّدة #فاطمة_الزهراء عليها السلام، 1442 هـ .
____________________

عادت ليالي الفاطميه بكل حنان
وعدنا لأمنا نريد مأوى من الزمان

يمه يَزهرا اشتاق قلب اولادچ
اشتاقينا نتلاوذ خلِف اعتابچ
اشتاقينا نلتم فاطمه يم بابچ
محروق لاچن ينطي اشقد الأمان

اشتاقينا يمه ومايوسعنّا الحچي
جينا هالليله وفي قلوبنا بس البچي
رزِق أيامچ علينا من تجي
نشكر الله بكل زمان وكل مكان

نحسب احساب اشوكت هالليله
لو تدري اشكم واحد انهد حيله
يمه نتاني مجلسچ ونحچيله
والتعب بوجوهنا يا يمه بان

الله يَهالليله ومن يعلى النعي
(سلمان قل الفاطمه بسرعه ارجعي)
تتيم الحوراء اُو يتيم علي
وتسوَد الدنيا وتبيض الليله الجِنان.
ــــــــــــــــــــــــــــــــــــــــــــــــــــــــــــ

بِـ قلم / خادمة وليِّ النعمة ( قصائد وليِّ النعمة )


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw