قصيدة للدفن

كاصد كربله السجاد
رايح يدفن الوالي
🖤🖤🖤
رايح يدفن الوليان
ثلث تيام عالتربان
ظلوا لاغسل لااجفان
دمعه من دمه هالي
🖤🖤🖤
ظل حسين وانصاره
عاري بحر الصحاره
بس دموم تجاره
وراسه بالرمح عالي
🖤🖤🖤
مطروحين على الغبره
والطبره عله الطبره
راحت عيلته اسره
وظل ميدانهم خالي
🖤🖤🖤
بِني اسد تعنوا بهمه
كصدوا دفن أبو اليمه
شافو ا من بعد زلمه
جاهم والدمع هالي
🖤🖤🖤
هذا امامنا السجاد
تعنه يدفن الاجساد
گلبه يلهب وماهاد
يصيح الموت اشوالي
🖤🖤🖤
تمت بعون الله تعالى
خادمة الزهراء ام حسين


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للدفنه(ياشمس غيبي)


ياشمس غيبي اعله اخويه ولاتچوينه
تالي ماتالي اعوفه........... والد سكينه


بساع غيبي ياشمس
بعده بألام الرفس
طحن مطحونه ظلوعه ماتشوفينه
ياشمس غيبي اعله اخوي ولاتجوينه
@@@@@@@@
ياشمس بالعجل غيبي لاتطولين الظهر
كل كتر بي جرح صاير شوفي شمسوي الشمر
لاتزيدين الهظيمه والوجع بي والقهر

سمعي ابو اليمه يون
لاحصيره ولادفن
محد يلملم اوصاله ويمسح اجبينه
ياشمس غيبي اعله اخوي ولاتچوينه
@@@@@@@@@
رايحه امشي عنه اني واتركه بهذا الهظم
الوجع مو واصل عظامه الوجع هشمله العظم
شلون امشي وماادفنه رايحه وبحسين اهم

مانظرته وجاي انوح
بس دفنت بجسمه روح
روحي متعلگه بخوي وظلت ارهينه
ياشمس غيبي اعله اخوي ولاتچوينه
@@@@@@@@

رحت عنك جسد ميت فاگد احساس الحياه
عندي اخوي اليسوه دنيا شلون اعيش انه بلاه
ريت ماارحل سبيه وابقى واتوسد ثراه


منه اخذ جم جرح
خاطر ينام الصبح
ولايشوف الحادي لو شال بنساوينه
ياشمس غيبي اعله اخوي ولا تچوينه

@@@@@@@@@@

ينجرح گلبه اليودنه فوگ جرحه المابره
من يشاهد زينب اخته تروح عنه ميسره
وياها راسه يروح لكن جسمه يبقى اعله الثره

يبقه يتنازف دمه
جسم ابن حامي الحمه
يضل جثه حسين بترابة ميادينه
ياشمس غيبي اعله اخوي ولاتجوينه

@@@@@@@@@@@@@

ياصريع الضال جسمه عالثره بذاري الهوه
ابواليمه نحره يابس وبالدمه تالي ارتوه
ميت وتارس الحومه من كفه ايده ضوه


مثله وين الگالي اخو
يسير بروحي دفو
وسفه ابو طبع المحنه خلصت اسنينه
ياشمع غيبي اعله اخوي ولاتجوينه


الشاعره رسل الابراهيمي والشاعره نورس الحلفي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_مسير_الفواطم_ج٣
*قصيده للدفنه (يا دفان الحسين)*
❥━──➸➽❥❂❥━──➸➽❥❂
يا دفان الحسين لا تلچم الضلعين
گله اخت غريبه وبعدك تهمل العين
❥━──➸➽❥❂❥━──➸➽❥❂
گله اختك غريبه ومهضومه وسبيه
وگله امگابله الراس من ينشد عليه
يادفان بهداي نزله اعله الوطيه
ابو السجاد مذبوح مگطوع الوريدين
❥━──➸➽❥❂❥━──➸➽❥❂
ابو السجاد مذبوح وگطعو منه نحره
لا تنسه يدفان خنصر ايده دوره
وبالك لا تلچمه تره ضلوعه مكسره
واحنه ابين كفار واجناب وملاعين
❥━──➸➽❥❂❥━──➸➽❥❂
احنا ابين كفار ودونه سبايا
عفنه اجساد اهلنه بالحومه ضحايا
بعد ما عدنه وليان عله الله وعالعبايا
ضلو كل أهلنه عالغبره مطاعين
❥━──➸➽❥❂❥━──➸➽❥❂
عالغبره مطاعين ضلو كل اهلنه
بجفاهم سبونه وعگب حسين ضعنه
يادفان گلهم نجر ونه اعله ونه
وسلمنه يدفان عله امگطع الچفين
❥━──➸➽❥❂❥━──➸➽❥❂
سلمنه يدفان عالگطعو چفوفه
گله اختك حزينه ومحتامه ارد اشوفه
ما خلوني يمه ما اريدن اعوفه
مايدري الكفلني طبيت الدواوين
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للدفنه

لحسين ماگصو چفن
والدفان ماغسله
ــــــــــــــ❀•▣
محد جفن گصاله
بالحومه ضل شحاله
اتــعنتـه الخيــالــه
داسو اضلوعه وانوله
ــــــــــــــ❀•▣
بالخيل داسو جثته
اه يالغريب وشوغته
راحت يساره عيلته
ومشمور ضل بكربله
ــــــــــــــ❀•▣
مشمور ضل بمجانه
ماغسله دفــانـه
كله ضحايه اخوانه
وامذبحه وامجتله
ــــــــــــــ❀•▣
كلها ضحايه مذبحه
وبدون روس امطرحه
چاوين زينب رايحه
تبچي بدموع الهامله
ــــــــــــــ❀•▣
تبجي العقيله عالهزل
مايرضه اخوهه لو عدل
كلفها تالي بالحمل
الجانت بجاله امدللـه
ــــــــــــــ❀•▣
الجانت اميره بزوده
گطعو الگوم ازنوده
فلت هذيج اعهوده
والعاف الضعن والعايله
ــــــــــــــ❀•▣
عاف الضعن والعيله
والطاهره اتوصيله
عگبك تراني نحيله
للكوفه عنك شايله
ــــــــــــــ❀•▣
الشاعره ام هجران العمارجيه
ديوان لبيك ياحسين ج 19

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شدة لطم للدفنه
***
دفنته شلون يالسجاد ابوك وراس ماعنده
**
دفنته شلون ياعمه نحره امخضب ابدمه
كدرت اتشيله واتلمه ينزف منحره بعده
**
عاده الميت يغسلوه بأول ليله ويدفنوه
ابوك بلادفن خلوه عاري عالترب وحده
**
ثلثتيام ظل مطروح عفته والكلب مجروح
لوبيدي ابد ماروح انام بكبره وابسده
**
بحصيره شلون لميته يعمه الخنصر الكيته
ياجرح اللي داويته اموذر بالسهم جبده
**
جروحه هواي جتاله تدوسه عشره خياله
ومحد غسله وشاله صبري فاض واتعده
**
كلبي من الالم يسعر دفنت شلون ابو الاكبر
ينام بلحده عالمنحر باب الكبر لتسده
**
راسه يون عله بلواي يعثر لو عثر ممشاي
لو رديت اجيبه وياي فوك المنحر انرده
**
ابو فاضل دفنته وين لكيت الرايه والجفين
لمصابه عميت العين اخلافه طايحه بشده
**
الشاعرو أم علي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للدفنه

يادفان اخوي حسين
لاتلجم مفاصيله
ــــــــــــــ❀•▣
لاتلجم ضلع صدره
وسع للسبط گبره
احا يامهجت الزهره
علتربان چم ليله
ــــــــــــــ❀•▣
ضل مطروح عل تربان
ارد اوصيك يلدفان
گله انذلت النسوان
سبايه اميسره العيله
ــــــــــــــ❀•▣
يادفان ابو اليمه
امسح منحره ودمه
فدوه ياعلي عمه
بهداي الرمل هيله
ــــــــــــــ❀•▣
يادفان عندك ماي
لو تاخذ دمع عيناي
غسله واعتذرلي اهواي
لو ردت الولي اتشيله
ــــــــــــــ❀•▣
گل لحسين يعذرني
عفته ايلوج خال ابني
گوة الشمر جرجرني
مايرضون افييله
ــــــــــــــ❀•▣
مايرضون اضل عنده
اوصيك بسهم جبده
جره والجرح شده
ومن عنده انهدم حيله
ــــــــــــــ❀•▣
من عنده كضت روحه
اهواي وتنزف اجروحه
وعين حسين مشبوحه
وتصد لمداليله
ــــــــــــــ❀•▣
الشاعرة المله
ام ريام الركابي ديوان الدموع الزينبيه ج 12
غير مبري الذمه من يمحي اسم الشاعره او يغيره

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

من ديوان عبرات وأنين ج ٤
قصيــده فزاعيه مع هوسات للدفنه
❥━──➸➽❥❂❥━──➸➽❥❂
بهيده وياه يادفان الحسين
ضلوعه مكسره من حافر البين
❥━──➸➽❥❂❥━──➸➽❥❂
بهيده وياه هذا ابن الزچيه
ضلوعه مكسرتها خيول اميه
ظل اعله الترب جثه رميه
((تسيل دماه//موذر جسمه))
❥━──➸➽❥❂❥━──➸➽❥❂
ارد اوصيك يادفان ابو الاكبر
شيله براض جسم الوالي موذر
لاتلچم جروحه وتلچم المنحر
((ولاتنساه//الخنصر دوره))
❥━──➸➽❥❂❥━──➸➽❥❂
لاتنسه تدور خنصر العطشان
شوفه بيا كتر شمرته العدوان
واوصاله اجمعها من عله التربان
((اموذريها//ياويلي الگوم))
❥━──➸➽❥❂❥━──➸➽❥❂
من فوگ التراب اجمعهن اعضاه
وادفنهن ابهيده ابگبره وياه
وگله اختك بگت تبچي وتجر اه
((ايدفنوها//تتمنه وياك))
❥━──➸➽❥❂❥━──➸➽❥❂
گله اختك بگت مدمعها سچاب
ومن عدها الگلب متوجر وذاب
وياك اتمنت يغطيها التراب
((اتخليها//بالغربه اشلون))
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للدفنه

عمه زينب... من كل كتـر ماينجاس
عمه زينب... هذا الجسد وين الراس
عمــه زيــــنب عمـــه زيـــنب
💔💔😭💔
ضــامي غريب مذبوح وسلبو عياله
شوفي عمه اليوم ثالث شوفي حاله
بــاقي بـــاقي بالشمس ومنهـو شاله
بعده مرمي بالشمس مطشره أوصاله

عمه زينب... مــاكو عظم سالم بيه
عمه زينب... حتى الهوى هم يآذيه
عمـــه زيـــنـب عمـــه زيــــنـب
💔💔😭💔
شلون ادفنه تحيرت ياعمتي بهاي
ماكو عظم سالم بيه نايم بلا فياي
شفــافه كــلهن دمه مــاشارب الماي
والشمس غيرت لونه ياعمتي هوااي

عمه زينب... ذاب مـن حــر الظهيــره
عمه زينب... شلون اشيله هايه حيره
عمــــه زيــــنب عمـــــه زيـــــــنب
💔💔😭💔
ويلاه شوفي مكسرين ضلوع صدره
وبس بــالسهم ياحيف مــالين ظهره
روحـــي يعمه ذابت خنگتني عبــره
شــلون أشيلنه الأبـــو حيرني بأمره

عمه زينب... تحيــرت مـــدري شگول
عمه زينب... شوفي شمسويه الخيول
عمــــــه زيــــنب عمـــــه زيـــــنب
💔💔😭💔
عمه شوفي شيبته ودمه خضيب
وشوفي جسمه بعد ياويلي تريب
حسين إبن آل النبي ضامي غريب
وباقي أيام ابلا نعش حيف الحبيب

عمه زينب... أسنــديني هـــا يعمــه
عمه زينب... ندفن حسين أبو اليمه
عمـــه زيــــنب عمــــه زيــــنب
💔💔😭💔

تمت والحمد لله
بقلمي المتواضع
✍للشاعرة وخادمة الحُسين
رقية العامري


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

(فزاعيه لدفن) الامام الحسين واصحابه
✍️الشاعره صديقه الهلالي//
___

واویلي على المظلوم.....حتى من الغسل محروم

واويلي على المذبوح
ضل اعله الثره مطروح
عايلته سبايه اتروح
ويه ابن سعد والگوم
__
واویلي على العطشان
ماصحله غسل واجفان
ضل نايم عله التربان
اشكي الواحد القيوم
____
واويلي على المسلوب
صدره والضلع مصیوب
مني الحيدره معتوب
بويه بسك من النوم
__
واويلي على الظامي
وگباله النهر طامي
من عنده الجسم دامي
ومغسلينه من لدموم
__

علي السجاد جا ليهم
لحبابه يواريهم
شاف الترب غاطیهم
حقه لوبچه علیهم
دفنهم والگلب مالوم
___

تمت بعون الله//
✍الشاعره صدیقه الهلالي
__

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*قصيدة للدفنة

باطوار/مربوعة-فزاعية-وعدة اطوار

❥❥ـــــــــــــ❁❂❁❂❁❁ـــــــــــــ❥❥
*يادفانة ريض … خل اودعنة*
*لوطمة الترب چاوين اشوفنة*
❥❥ـــــــــــــ❁❂❁❂❁❂❁ـــــــــــــ❥❥
هذا ابني العزيز وغالي اعلية
توانة بدفنتة وارحمني اشوية
خلني وياالحنين اشبع وداعية
*وعد راسة انتحب وعتابي اسمعنة*
❥❥ـــــــــــــ❁❂❁❂❁❂❁ـــــــــــــ❥❥
اعتب عالولد وادموعي اجريهة
وگلة امك بعد ياهو اليباريهة
ليش اتروح من عدهة وتخليهة
*ظلت بس تون مابطلت الونة*
❥❥ـــــــــــــ❁❂❁❂❁❂❁ـــــــــــــ❥❥
بلكت بي نفس ويردلي اجوابي
اعرفنة حنين وللعتب مابي
يحبني اهواي مايتحمل اعتابي
*وحگي علة الولد ورباي اطلبنة*
❥❥ـــــــــــــ❁❂❁❂❁❂❁ـــــــــــــ❥❥
خليني اذكرة بسهرتي وتعبي
خليني اگلة ماشفت دربي
بي غيرة يبلكت يستمع نحبي
*لاحضاني يرد وابگلبي احطنة*
❥❥ـــــــــــــ❁❂❁❂❁❂❁ـــــــــــــ❥❥
كونة ايگوم الي وايعوف تابوتة
زغيرون الولد لامووكت موتة
شيردة علية واستمع صوتة
*ماظلت الي بس الصور منة*
❥❥ـــــــــــــ❁❂❁❂❁❂❁ـــــــــــــ❥❥
عالغالي تراهة الروح ملچومة
واخافنة التراب يخرب ارسومة
من عندچ ردت مطلب يمهظومة
*على افراگة صبر مولاتي اريدنة*
❥❥ـــــــــــــ❁❂❁❂❁❂❁ـــــــــــــ❥❥
*بقلم✍خادمة تراب الزهراء(ع)

الكربلائية فاطمة علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للسيده زينب ع (هدن الحيل)


قصيده للسيده زينب عليها السلام "لسان حال السيده فاطمه الزهراء تسال ابنتها زينب ليلة الحادي عشر عندما ذهبت لوداع اخوانها... وتكلهه.....


نواعيج يزينب هدن الحيل
شعندج طالعه تركضين بليل
##########؟
نواعيج يزينب لمن تنعيهن
احس ونات كلبج تنسمع بيهن
المن عينج ينزلن بواجيهن

يزينب خايفه انتي ويرعب الليل
نواعيج يزينب هدن الحيل
###########؟
يزينب خايفه وحكج اذا خفتي
لأن عمرج بشر ياحره ماشفتي
ونحور مكطعه هليوم شاهدتي

وهامات برماح دمومهن سيل
نواعيج يزينب هدن الحيل
###########؟
شهدتي الماكبل عينج مشاهدته
سبعين الف غالي اليوم فاكدته
وخيل الاعوجيه حسين طاحنته

ومن ابن النبي ماخجلت الخيل
نواعيج بزينب هدن الحيل
############؟
و شفتي الي كفل ضعنج عله الشاطي
ورحتليه وصرختي اكعدلي يزماطي
عندي عتاب الك ويطول مو باطي

ويحله وياك يعتاب المداليل
نواعيج يزينب هدن الحيل
###########؟
انه شفت الهظم هليوم بعيوني
عكب عين الجفلني ورمن متوني
وراح امشي يسيره ويه اليكرهوني

ويارفج الشماته يريد العويل
نواعيج يزينب هدن الحيل
############؟
ويارفجت الشامت خويه مكدرهه
ومدري شلون باجر راح ادبرهه
وانظر روسكم روحي شيصبرهه

واروح ابعيد عنكم يلمجاتيل
نواعيج يزينب هدن الحيل

الشاعره رسل الابراهيمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده على الدفن للحسين ؏



يادفان بهيده من تنزلونه
متكسره ضلوعه زين تدرونه
ــــــــــــــــــــــــــــــــــــــــــــــــــــــــــــــــــــــ
وضلوعه عمتني وأذت حوالي
ابن امي مشه مايرجع الغالي
من بعدك ياخويه منهو يبقالي
عمه ياعلي بس لا تلجمونـــــه
ــــــــــــــــــــــــــــــــــــــــــــــــــــــــــــــــــــــ
عمه ياعلي بهيده ويا الوالي
راسه علرمح ياعمه ضل عالي
دمعي اعله الوجن ينزل وهمالي
اوديله سلام ومن تشوفونــــــه
ــــــــــــــــــــــــــــــــــــــــــــــــــــــــــــــــــــــ
وبكـتـره الولــد نيــام ياعيـني
عبدالله يعمه مــاتحـاجـــيــني
ياالبعدك زغير زايـــــــــد ونيني
وعلي الاكبر ياعمه لا تشيلونــه
ــــــــــــــــــــــــــــــــــــــــــــــــــــــــــــــــــــــ
علي بكتره بقه ومرضرضه عضامه
وامه اعله الولد ياناس محتامــــــه
جلجل اليلهه جا عدمن تنامـــــــــــه
محتام الكلب وانتم تعرفونــــــــــه
ــــــــــــــــــــــــــــــــــــــــــــــــــــــــــــــــــــــ
عمت عيني عليكم يابعد روحـــــــي
مهضومه انوحن ماسكت نوحــــــــي
شي ضمدهه بالله هواي انه جروحي
واختك باليسر يحسين محزونـــــــــه
ــــــــــــــــــــــــــــــــــــــــــــــــــــــــــــــــــــــ

🔴اڵـــشــاعـــره آلــــّ؏ــلّويِـــــه🔴
ام رقـيــه المـوسـويــه ال قطب الديــن


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الطميه_بديوان_جبل_الصبر_الجزء_١_.


لطميه للسيده زينب عليها السلام


گومي وياي خل نلطم على أم عون
بدرب الشام مطروحه يگولون
🏴🏴💔🏴🏴
گومي وياي خلينه انتعازه
بدرب الشام مطروحه الحنازه
صدگ ياعازت الخوان عازه
اليوم اتريدهم زينب يحضرون
🏴🏴💔🏴🏴
اليوم اتريدهم يمشون بيها
دگومي وياي خل نلطم عليها
محد غمضاهه ومد اديها
مهضومه وغريبه ادير العيون
🏴🏴💔🏴🏴
ودارت عينها للغاضريه
بدرب الشام وازتها المنيه
وين اليوم عباس الشفيه
شلون اينام سبع الگنطره اشلون
🏴🏴💔🏴🏴
شلون اتنام عينه وموش اله النوم
خل ينصب عراضه لزينب يگوم
ماتت بالدرب والحيل مهضوم
محد شيعاهه وگال ممنون
🏴🏴💔🏴🏴
محد شيعاهه ولا حضرهه
أبو السجاد مازتهه الگبرهه
ماتت من مصايبها وقهرهه
وضيم المر عليها يعجز الكون
🏴🏴💔🏴🏴
ضيم المر عليها يهدم اجبال
الطمي والطم ميدان واگبال
تريد حسين للتابوت شيال
وعباس اليباري النعش بالهون
🏴🏴💔🏴🏴
تريده ويالنعش عباس دفان
وتگضي الروح ياعزت الخوان
بيش ايشيلها الماعنده ذرعان
اجفوفه مگطعه ماعنده امتون
🏴🏴💔🏴🏴

*تـــمت والـــــفضـــ🤲ـــل لله تعالى*
*بقلم✍الشاعره أم هجران العمارجيه*
*صاحبه ديوان📚صبر العقيلة*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه لسبي عن لسان زينب ع

يالحادي مرني عالنهر يالحادي مرني
وعتاب عندي ويالكمر يالحادي مرني
لوكلبي يحجي همومه
بلكت يفز من نومه
يالحادي مرني
................

مرني عله الحنين وخل انشدنه
اريد ابدي المعاتب وارد اسمعنه
يسمع نحبتي لواكطع الضنه
اذب خط العتب والوالي اندهنه

اخته مشت مهظومه
بلكت يفز من نومه.. يالحادي مرني
..................
مهظوم الكلب والضيم نحلني
عله البيه المحنه الحادي لومرني
اسولف من عله الناكه اويجاوبني
مشتاكه عله جلمة ها يعمت ابني

لخته يكوم بهومه
بلكت يفز من نومه ... يالحادي مرني
...........
امرن بالولي واحجي الهظم كله
يخويه النوم الك عباس مايحله
اكعد شوف متني والجرح شله
ياهو الجتف اختي والحبل خله

ومن الحبل ملجومه
بلكت يفز من نومه .. يالحادي مرني

يحادي النوك عله العباس مربيه
عدنه اعتاب ودينه عله والينه
بلكي ايفز اخينه ايعاين علينه
دربنه بعيد جاياهو اليودينه
لوشافني مالومه
بلكت يفز من نومه .. يالحادي مرني
............
يفز المات زينب هاي مضنونه
مايكعد الميت من يندهونه
اخوج عالنهر والسهم بعيونه
بهموم الكلب ضلي يمحزونه

والفركته مهدومه
بلكت يفز من نومه .. يالحادي مرني

.✍ام زينب كربلاء غير مبري الذمه من ياخذ الكلام وينسبه له او يحذف الاسم القصيده من الجزء السابع والعشرين المآسي الفاطميه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للسبي

مشت مهضومه وتون =بت حيدره
حشمت وينك= يسبع الكنطره

┄┉❈❥❀❥❈┉┄

مشت  مهضومه  ويهل  مدمعها
حشمت  محد  كعد  ودعها
راس  أخيها  عالرمح  فاجعها
يعينج  الله  يازينب  عالجره
مشت مهضومه وتون بت حيدره

┄┉❈❥❀❥❈┉┄

مدللت  حيدر  يويلي  عليها
مشت مهضومه الشمر سابيها
مادره عباس  اخيته  شبيها
بحالها اسوت الزمره الكافره
مشت مهضومه وتون بت حيدره

┄┉❈❥❀❥❈┉┄

شكد هضيمه زينب يسبونها
من السياط مزوركات متونها
والي  ماعدها  تدير  عيونها
المثلها وسفه تمشي ميسره
مشت مهضومه وتون بت حيدره

┄┉❈❥❀❥❈┉┄

يعينها  الله  فكدت  خوانها
من هضم متغيرات الوانها
صار  ام  الحزن  عنوانها
شلون زينب ع المصايب صابره
مشت مهضومه وتون بت حيدره

┄┉❈❥❀❥❈┉┄

يعينها  الله  عله  بلواها
جم مصيبه شاهدت عيناها
بعد  كالها  شمر  يبراها
ويلي عليها بيتامه محيره
مشت مهضومه وتون بت حيدره

┄┉❈❥❀❥❈┉┄

اويلاه يازينب المهضومه

وليانها فوك الترايب نومه
اويلاه يازينب المهضومه

وحسينها مسلبين هدومه
اويلاه يازينب المهضومه

العريس محنينه بدمومه
اويلاه يازينب المهضومه

هامت كافلها بعمد مهشومه
اويلاه يازينب المهضومه

الشبان كلها مطرحه بالحومه
اويلاه يازينب المهضومه

┄┉❈❥❀❥❈┉┄
(بقلم العلويه ✍💫ام رائد زوين


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شده لدخول السيده زينب ع الى الكوفه
****
للنجف هالصوت من أحزاني
كوم يابويه علي اتلكاني
****
كوم طر الكبر شوف احوالي
جيت حرمه ياعلي ابلاوالي
عفته عالشاطي الكمر كفالي
حسين مذبوح وسبيه آني
****
جيت للكوفه سبيه اتذكرت
بيتنه وذيج السوالف عاتبت
وين وداني زماني اتمرمرت
وين هيبة زينب شجاباني
*
بويه مسبيه ويعت بيه الشمر
من بعد ولياني ضيعت الخدر
اتشمتو بينه يبويه اهل الغدر
سبو امي فاطمه عدواني
*
كوم واتلكه الضعن من السبي
جينه ياكرار وبطرك العبي
ترضه ياحيدر يطكنه الاجنبي
وترضه بحبال الشمر شداني
*
بويه عفت حسين نايم عالثره
بويه كدامي الشمر حز منحره
عاري عالتربان كطعو خنصره
الصاب جبده بالسهم صاباني
*
راح ابو الغيره بلايسره ويمين
عالشريعه اموذر ودامي الحنين
عينه ممروده بسهم وابجي بونين
هو بس عباس ماله ثاني
*
روس اخوتي وياي تمشي بغربتي
إلهم من اشتاك اشتم شيلتي
بيه اشم يابويه ريحة اخوتي
جنه بالخيمه سوه اويه اخواني
**
الشاعرة أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك