#በመሠረተ_ክርስቶስ_ቤተክርስቲያን_የደቡብ_ኢትዮጵያ_ቀጠና_የመጀመሪያውን_ዋና_ጸሐፊ_ሾመ።
የደቡብ ኢትዮጵያ ጊዜያዊ ቀጠና ከምዕራብ ኢትዮጵያ በመቀጠል የቤተክርስቲያኒቱ ሁለተኛው ቀጠና ሆኖ በይፋ የጸደቀው ባለፈው ነሀሴ ወር በተካሄደው የመሠረተ ክርስቶስ ቤተክርስቲያን መሪዎች ጠቅላላ ጉባኤ ሲሆን ጥር 24 ቀን 2017 ዓ.ም ባካሄደው ሁለተኛ መደበኛ ጠቅላላ ጉባኤ የሐዋሳ ክልል ዋና ጸሐፊ የሆኑትን መጋቢ ደነቀ ሁሴንን የቀጠናው ዋና ጸሐፊ አድርጎ መርጧል።
የመሠረተ ክርስቶስ ቤተክርስቲያን ዋና ቢሮን በመወከል በጠቅላላ ጉባኤውን የተገኙት የቤተክርስቲያኒቱ እረኝነት መምሪያ ዳይሬክተር መጋቢ ሰብረላ ከድር የሹመት ስነስርዓቱን ሲያካሂዱ መጋቢ ደነቀ ሁሴን ለቀጣዮቹ አራት አመታት 13 የመሠረተ ክርስቶስ ቤተክርስቲያን ክልሎችና 375 አጥቢያዎችን ያቀፈውን የደቡብ ኢትዮጵያ ጊዜያዊ ቀጠናን በዋና ጸሐፊነት የሚመሩ ይሆናል።
የመሠረተ ክርስቶስ ቤተክርስቲያን በነደፈችው የአምስት ስልታዊ እቅድ መሠረት በቀጣዮቹ አመታት የቀጠናዎች ቁጥር ወደ አምስት እንደሚያድግ ይጠበቃል።
መረጃዉ በመሠረተ የክርስቶስ ቤተክርስቲያን ነው።
#ለበለጠ_መረጃ
ፌስቡክ፡- https://www.facebook.com/EGBCC/
ዩትዩብ፡ - https://www.youtube.com/@ethiopiancouncilgospelbeli4732
ቴሌግራም፦ https://tttttt.me/EGBCC
tiktok :- https://www.tiktok.com/@evangelical_tv
ይከታተሉን፡፡
ዘወትር ከእኛ ጋር ስላሉ እናመሰግናለን!!!!!

#የኢትዮጵያ_ሙሉ_ወንጌል_አማኞች_ቤተክርስቲያን_በአዲስ_አበባ_እና_አከባቢው_የሚገኙ_ሶስት_ክልሎች_ውስጥ_ሚገኙ_አጥቢያዎች_የስልጠናና_የምክክር_ፕሮግራም_በአዳማ_ከተማ_መካሄድ_ጀመረ፡፡
በፕሮግራሙ የቤተ እምነቱ የቦርድ አባላት፣ የክልሎች የስራ አስፈፃሚ ኮሚቴ አባላት እና ከአጥቢያ የተወከሉ አገልጋዮች በመካፈል ላይ ይገኛሉ፡፡
በመጀመርያው ክፍለ ጊዜ መጋቢ አዕምሮ መልካሙ በጸሎት ፣ መጋቢ በረከት ዝማሬ ያገለገሉ ሲሆን በመቀጠልም የቤተ ዕምነቷ ፕሬዝዳንት መጋቢ ላኮ በዳሶ የእንኳን ደህና መጣችሁና የመክፈቻ ንግግር አድርገዋል።እንዲሁም በመጋቢ ጻድቁ አብዶ ቃል አካፍለዋል፡፡
#ለበለጠ_መረጃ
ፌስቡክ፡- https://www.facebook.com/EGBCC/
ዩትዩብ፡ - https://www.youtube.com/@ethiopiancouncilgospelbeli4732
ቴሌግራም፦ https://tttttt.me/EGBCC
tiktok :- https://www.tiktok.com/@evangelical_tv
ይከታተሉን፡፡
ዘወትር ከእኛ ጋር ስላሉ እናመሰግናለን!!!!!

የኢትዮጵያ ወንጌል አማኞች አብያተ ክርስቲያናት ካውንስል ጠቅላይ ፀሐፊ ቄስ ደረጀ ጀንበሩና የካውንስሉ ጽፈት ቤት የስራ ሐላፊዎች የኢትዮጵያ ሲቪል እና የሙያ ማህበራት ምክር ቤት ባዘጋጀው የሐይማኖት አባቶች የፀሎትና የሰላም ጥሪ መድረክ በመገኘት ፀሎትና የሰላም መልእክት አስተላልፈዋል::

በፕሮግራሙ ላይ የተገኙ አባቶች ለኢትዬጵያ ህዝብ አስፈላጊ የሆነው ሰላም ነውና ሁሉም ለሰላም ዘብ ይቁም ፈጣሪ ሰላምን እንዲሰጠን እንለምን በማለት ጥሪ ያደረጉ ሲሆን የኢትዬጵያ ወንጌል አማኞች አብያተ ክርስቲያናት ካውንስል ጠቅላይ ፀሐፊ ቄስ ደረጀ ጀንበሩም በአንድ ላይ ስንቆም ለሰላም ስንመካከር ተግባራዊ ለውጥ ይመጣል:: መሳያዎችን ቁጭ እድርገን እንወያይ:: ጦርነት ይብቃ ጥላቻ ይብቃ ሞት ይብቃ የሚያስፈልገን ሰላምና ሰላም ስለሆነ ሁላችንም ለዚህ ሰላም እንስራ በማለት የሰላም ጥሪ መልእክት አስተላልፈዋል::

የሀይማኖት መገናኛ ብዙኃን የሰላም እሴት ግንባታ ላይ በመስራት የበኩላቸውን አስተዋጽኦ እንዲወጡ ተጠየቀ፡፡ ጥር 29 ቀን 2017 ዓ.ም የሰላም ሚኒስቴር ከኢትዮጵያ መገናኛ ብዙኃን ባለስልጣን ጋር በመተባበር “የሀይማኖት መገናኛ ብዙኃን ለሰላም ግንባታ” በሚል መሪ ሀሳብ የግንዛቤ ማስጨበጫና የልምድ ልውውጥ መድረክ አካሂዷል፡፡በመድረኩ የሰላም ሚኒስቴር ሚኒስትር ክቡር አቶ መሀመድ እድሪስ የሀይማኖት መገናኛ ብዙኃን ሀይማኖታዊ አስተምህሮቶችን ለተከታዮቻቸው ከማስተማር ባለፈ መልካም ስነምግባርን በማስረጽ፣ መተሳሰብና አብሮነትን በማጎልበት በሰላም እሴት ግንባታ ላይ ያተኮረ ቋሚ ፕሮግራም በማዘጋጀት የበኩላቸውን አስተዋጽኦ ሊወጡ እንደሚገባ ገልጸዋል፡፡
ክቡር አቶ መሀመድ የሀይማኖት ተቋማት ሀገርን በመጠበቅና በመገንባት ወደፊትም ከፍ በማድረግ ከፍተኛ ሚና ያላቸው በመሆኑ በሚያስተዳድሯቸው የመገናኛ ብዙኃን ትውልድ ግንባታ ላይ ትኩረት ሰጥተው መስራት እንዳለባቸውም ተናግረዋል፡፡
የመገናኛ_ብዙኃን_ባለስልጣን_ምክትል_ዋና_ዳይሬክተር_አቶ_ዮናታን_ተስፋዬ_በበኩላቸው_መድረኩ_ለሀገር_ሰላምና_አንድነት_መጎልበት_በጋራ_ለመስራት_በሚያስችሉ_ጉዳዮች_ላይ_ግንዛቤ_የሚፈጠርበት_መሆኑንም_ገልጸዋል በሰላም ሚኒስቴር የሰላም ግንባታና ብሔራዊ መግባባት ዘርፍ ሚኒስትር ዴኤታ ክቡር ከይረዲን ተዘራ (ዶ/ር) "የሃይማኖት መገናኛ ብዙሃን ለትውልድ ግንባታና ለአገር ሰላም መጠናከር ተጨማሪ አቅም የሚፈጥሩ እድሎች መሆናቸውን ጠቅሰው ተቋማቱ በመከባበርና በትብብር በመስራት ለአገራዊ አንድነትና ለሰላም አርአያ ሊሆኑ ይገባል" ብለዋል፡፡
በመድረኩ የሰላም ሚኒስቴር ከፍተኛ አመራሮች፣ የመገናኛ ብዙሃን ባለስልጣን አመራሮች፣ የሃይማኖት መገናኛ ብዙሃን ከፍተኛ የሥራ ሃላፊዎችና ባለሙያዎች ተገኝተዋል።