የአፍሪካ የበሽታ የመከላከልና መቆጣጠር ማዕከል ግንባታ ዛሬ በይፋ መሰረት ድንጋይ ይቀመጣል!

በ90 ሺህ ሜትር ካሬ የሚያርፈው የአፍሪካ የበሽታ የመከላከልና መቆጣጠር ማዕከል ግንባታ በሃያ አምስት ወራት እንደሚጠናቀቅ ተጠቁሟል።የማዕከሉ ግንባታ ተጠናቅቆ ወደ ትግበራ ሲገባ የአፍሪካን የ2063 የጤና ዘርፍ መሪ ዕቅድ ለማሳካት ያግዛል ተብሏል።በመርሃግብሩ የኢትዮጵያ፣ አፍሪካ እና የቻይና ከፍተኛ የሥራ አመራሮች ተገኝተዋል።

(Walta)
@YeneTube @FikerAssefa

የጦር ኃይሎች ጠቅላይ ኤታማዦር ሹም ጄኔራል ብርሃኑ ጁላ መቀሌ ላይ ሆነው መግለጫ ሰጥተዋል

ከህወሐት መደምሰስ በኋላ በመላ ኢትዮጵያ ሰላም መስፈኑን የጦር ሃይሎች ጠቅላይ ኤታማዦር ሹሙ ጄኔራል ብርሃኑ ጁላ አስታወቁ።

ላለፉት ሁለትና ሶስት አመታት ራሱን እያደራጃ በመላ አገሪቷ ግጭት እየለኮሰ የቆየው የህወሓት ጁንታ ከተደመሰሰ በኋላ በመላ ኢትዮጵያ ሰላም መስፈኑን የጦር ኃይሎች ጠቅላይ ኤታማዦር ሹሙ ዛሬ መቀሌ ላይ ሆነው በሰጡት መግለጫ አስታውቀዋል።

እንደ ጄኔራል ብርሃኑ ገለጻ፤ ጁንታው በመደምሰሱ የኢትዮጰያ ህዝብ እፎይታ አግኝቷል፤ በመላ አገሪቱ አሁን ሰላም ነው።

ቀደም ባሉት ሁለትና ሶስት አመታት በየቦታው እነሱ ግጭት ይለኩሱ እንደነበረ ያስታወሱት ጄኔራል ብርሃኑ፤ በአሁኑ ወቅት እነሱ በመመታታቸው ምክንያት ሁሉም አካባቢ እፎይታ ሰፍኗል ሲሉም ነው ያስታወቁት።

“የኢትዮጵያ ህዝብ ከእነዚህ መሰሪና በጣም አስቸጋሪ ሰዎች ተገላግሏል” ያሉት ጄኔራል ብርሃኑ፤ የትግራይ ህዝብም ነጻ ወጥቷል፤ ከዚህ በሁዋላ እንደማንኛውም ኢትዮጵያዊ ማግኘት የሚገባውና በጁንታው ተቋርጠው የነበሩ የመሰረተ ልማት ስራዎች በፍጥነት ይከናወናሉ ብለዋል።

@YeneTube @FikerAssefa

የሙለር ሪልስቴት ባለቤት አቶ ሙሉጌታ አስረስ እና ብርጋዴር ጄኔራል አብርሃም መውጫ ዛሬ ፍርድ ቤት ቀረቡ።

በእነ ሙለር ሪል ስቴት ባለቤት መዝገብ የተካከተ ተጠርጣሪም ከ81 ሚሊዮን ብር በላይ በአንበሳ ባንክ በኩል ለጽንፈኛው የህውሓት ቡድን ድጋፍ ለማድረግ ሲያዘዋውር እንደነበር መረጃ ማግኝቱን መርማሪ ፖሊስ ለፍርድ ቤቱ ገልጿል።

ተጠርጣሪዎቹ ለመሬት በሚል በማህበር ተደራጅተው ከአንበሳ ባንክ በተጨማሪ በአራት ባንኮች ለፀረ ሰላም ቡድኑ ገንዘብ ሲያዘዋውሩ እንደነበር ነው የተገለጸው።

Via FBC
@YeneTube @FikerAssefa

በሽሬ የወርቅ መሸጫ ማዕከል የነበረ 369.92 ኪሎ ግራም ወርቅ በህወሓት ቡድን ስለመዘረፉ መረጃ ደርሶኛል ሲሉ የማዕድንና ነዳጅ ሚኒስቴር ሚኒስትር ታከለ ኡማ ተናገሩ፡፡

አቶ ታከለ 369.92 ኪሎ ግራም ወርቅ ከሽሬ የወርቅ መሸጫ ማዕከል በህወሓት ስለመዘረፉ በቦታው ላይ ካለ ባለሙያ መረጃ ደርሶኛል ሲሉ በማዕበራዊ ትስስር ገፃቸው ላይ ፅፈዋል፡፡መረጃውን የተናገረው ባለሙያ ስለ ዝርፊያው ዝርዝር መረጃ ሰጥተውናል ብለዋል፡፡

@YeneTube @FikerAssefa

የአማራ ክልል ሰንደቅ አላማን ለመቀየር ምንም አይነት እንቅስቃሴ አለመኖሩ ታወቀ!

አሁን በስራ ላይ ያለዉ የአማራ ብሔራዊ ክልል ሰንደቅ አላማን ለመቀየር ተጨባጭ ስራዎች እንዳልተጀመሩ ስማቸዉን መጥቀስ ያልፈለጉ የክልሉ ከፍተኛ አመራር ገልፀውልኛል ሲል ለአዲስ ዘይቤ ዘግቧል፡፡

በማኅበራዊ ሚዲያ ተያያዥነት ያላቸው ወሬዎች ሲሰራጩ ቢቆዩም ለጉዳዩ ቅርብ ከሆኑት አመራር እንደተናገሩት የሰንደቅ አላማ ለዉጥ የህዝብም የአመራሩም ጥያቄ መሆኑን ጠቅሰው ይሁንና ለውጡን ለማለፍ የተለያዩ ሂደቶችን ማለፍ እንዳለበት አስረድተዋል። ስለ እነዚህ ሂደቶች ተጨማሪ መረጃ ማግኘት አልተቻለም፡፡

በተጨማሪም በህገ-መንግስት እና በሰንደቅ አላማ ማሻሻል ዙሪያ ጥያቄዎች ቢነሱም ጉዳዩ በምክር ቤት ደረጃ ለዉይይት አለመቅረቡን አዲስ ዘይቤ በክልሉ ምክር ቤት ባደረገችዉ ማጣራት ለማወቅ ችያለው ብላለች።

ሆኖም እንደሃላፊዉ ገለጻ መሰረት ሰንደቅ አላማዉን የመቀየር ሀሳቡ እና ፍላጎቱም በክልሉ አመራር ዘንድ ከፍተኛ እንደሆነ ተናግረዋል፡፡

[@addiszeybe]
@YeneTube @FikerAssefa

የምስራቅ አፍሪካ በይነ መንግሥታት የልማት ባለስልጣን /ኢጋድ/ በኢትዮጵያ ወቅታዊ ሁኔታ ላይ አስቸኳይ ጉባኤ ሊያደርግ ነው፡፡

ከትግራዩ ዘመቻ በኋላ ኢትዮጵያን ለመጎብኘት የመጀመሪያው የውጪ መሪ የሆኑት የወቅቱ የኢጋድ ሊቀመንበር እና የሱዳን ጠቅላይ ሚንስትር አብዳላ ሀምዶክ በትግራይ ያለው ወቅታዊ ሁኔታ ላይ ጉባኤ ለማድረግ ከጠቅላይ ሚንስትር ዐቢይ አህመድ (ዶ/ር) ጋር ስምምነት ላይ መድረሳቸውን ገልጸዋል፡፡ምንም እንኳን በጉዳዩ ላይ ከኢትዮጵያ መንግሥት ማረጋገጫ ባይሰጥበትም፡፡ ሀምዶክ በአዲስ አበባ የነበራቸው ቆይታ ውጤታማ እንደነበር ለፈረንሳይ የዜና ወኪል አስታየታቸውን የሰጡ የሱዳን ከፍተኛ ሹም፤ ሁለቱ ሀገራት የሚያዋስናቸው ድንበርን ለማካለለ የተቋቁመውን የጋር ኮሚቴ ወደ ሥራ ለማስገባት መስማማታቸውንም ገልጸዋል፡፡የትግራዩን ዘመቻ ተከትሎ 50 ሺህ የመደርሱ ኢትዮጵያዊያን ወደ ሱዳን የተሰደዱ ሲሆን ይህም በካርቱም ላይ ከፍተኛ ጫና እያሳደረ እንደሆነ ዘገባዎች ያሳያሉ፡፡

[አሐዱ ቴሌቪዥን]
@YeneTube @FikerAssefa

የትግራይ ክልል የአየር መሥመር ለአገልግሎት ክፍት ሆነ፡፡

የትግራይ ክልል የአየር መሥመር ለአገልግሎት ክፍት መሆኑን የኢትዮጵያ ሲቪል አቪዬሽን ባለስልጣን አስታውቋል፡፡በሰሜን ኢትዮጵያ ትግራይ ክልል የህግ ማስከበር ሂደትን ተከትሎ ተዘግቶ የነበረው የአየር ክልል ከዛሬ ታህሣሥ 5/2013 ዓ.ም ከቀኑ 8 ሰዓት ጀምሮ በሰሜን የኢትዮጵያ የአየር ክልል ውስጥ የሚያቋርጡ የአለም አቀፍ እና የሃገር ውስጥ የበረራ መስመሮች ለአገልግሎት ክፍት መሆናቸውን የኢትዮጵያ ሲቪል አቪዬሽን ባለስልጣን አስታውቋል፡፡በመሆኑም አገልግሎት መሥጠት የሚችሉ ኤርፖርቶች በረራ ማስተናገድ የሚችሉ መሆኑን ኢትዮጵያ ሲቪል አቪዬሽን ባለስልጣን ገልጿል::

[AMN]
@YeneTube @FikerAssefa

በኢትዮጵያ ገለልተኛ የብሔራዊ የኢኮኖሚ ምክር ቤት መመስረቱን የጠቅላይ ሚኒስቴር ጽ/ቤት አስታውቋል፡፡ ምክር ቤቱ 16 ምሁራንን የያዘ ነው።

#PMOEthiopia
@YeneTube @FikerAssefa

በትግራይ ክልል ጥቅምት 24 ሌሊት ላይ የቴሌኮም አገልግሎት እንዲቋረጥ ሲደረግ የሚያሳይ ከደህንነት ካሜራ የተወሰደ ተንቀሳቃሽ ምስል።

[የአስቸኳይ ጊዜ አዋጅ መረጃ ማእከል]
@YeneTube @FikerAssefa

በማይካድራ የሰላማዊ ሰዎች ጅምላ ጭፍጨፋ በማስተባበር የተጠረጠረችው ታጎስ ገ/ትንሳዔ የተባለች ወታደር ዛሬ ፍርድ ቤት እንደቀረበች ፋና ብሮድካስት ዘግቧል። ተጠርጣሪዋ ጭፍጨፋው በተፈጸመበት አካባቢ በመዘዋወር ጭፍጨፋው ትክክለኛ መሆኑን ሰብካለች- ብሏል ፖሊስ። ጦር መሳሪያ ለአማጺው ሕወሃት በመሸጥ የተጠረጠሩት ጀማል አደም እና ዐለም ደስታ የተባሉ ነጋዴዎችም ፍርድ ቤት ቀርበዋል። ለሁሉም ተጠርጣሪዎች ችሎቱ 14 ቀናት ተጨማሪ የምርመራ ጊዜ ፈቅዷል።

@YeneTube @FikerAssefa

በኢትዮጵያ 473 ተጨማሪ ሰዎች ኮሮናቫይረስ ሲገኝባቸው፤ 1 ሺህ 335 ሰዎች ደግሞ አገግመዋል!

ባለፉት 24 ሰዓታት ውስጥ በተደረገው 4 ሺህ 778 የላብራቶሪ ምርመራ 473 ሰዎች የኮሮና ቫይረስ እንደተገኘባቸው የጤና ሚኒስቴር ዶክተር ሊያ ታደሰ አስታወቁ። ዶክተር ሊያ በትዊተር ገጻቸው እንደገለጹት 1 ሺህ 335 ሰዎች ደግሞ ከቫይረሱ አገግመዋል፡፡ እንዲሁም ባለፉት 24 ሰዓታት በቫይረሱ ምክንያት 3 ሰዎች ህይወታቸውን አጥተዋል፡፡

@YeneTube @FikerAssefa

ህወሓት ለአንበጣ መንጋ መከላከል ሥራ በሚል ወደ ትግራይ ክልል ድሮን አስገብቶ ለእኩይ ተግባር ሊያውል እንደነበረ የኢንፎርሜሽን መረብ ደህንነት ኤጀንሲ ተናገረ፡፡

የኤጀንሲ ዋና ዳይሬክተር ዶ/ር ሹመቴ ግዛው ከዚህ ቀደም ህወሖት በትግራይ ክልል ተከስቶ የነበረውን የአንበጣ መንጋ ለመከላከል በሚል ድሮን ለማስገባት ሞክሮ እንደነበር አውስተዋል።

በተደረገ ምርመራ ድሮኑ ለእኩይ ተግባር ሊውል እንደነበር የሚያሳዩ አመላካች መረጃዎች በመገኘታቸው ፈቃዱ መታገዱን ዋና ዳይሬክተሩ አስታውሰው ኤጀንሲው ይህን በማድረጉ ሊከሰት ይችል የነበረን ጉዳት ማስቀረት ተችሏል ብለዋል፡፡

ኤጀንሲው ሳምንቱን ሙሉ ለ24 ሰዓት እና ለ7 ቀናት በመስራትና የቅድመ ጥንቃቄ እርምጃዎችን በመውሰድ በጥፋት ቡድኑ ሊቃጡ ይችሉ የነበሩ በርካታ የሳይበር ጥቃቶችን መከላከል እንደቻለም ዶ/ር ሹመቴ ተናግረዋል፡፡

ከጥቃቶቹ መካከልም ሀገርን ለማተራመስ የሚያስችሉ የሀሰት መረጃዎች ከማሰራጨት በተጨማሪ የደህንነት ሽፋን በሌላቸው ድረ-ገጾችን ላይ የተሞከሩ ጥቃቶች እንደሚገኙበትም ኃላፊው አብራርተዋል፡፡

ቡድኑ በመንግስት የሚዲያ ተቋማት መሠረተ-ልማቶች ላይ ጉዳት በማድረስ ምንም ዓይነት የሚዲያና የኮሙዩኒኬሽን ሥራ እንዳይሮር ጥረት ሲያደርግ እንደነበረ የኤጀንሲዉ ዋና ዳይሬክተር መናገራቸውን ከኤጀንሲው ሰምተናል፡፡

Via Sheger FM
@YeneTube @FikerAssefa

በትግራይ እየተዋቀረ ባለው የመንግስት አስተዳደር ተፎካካሪ የፖለቲካ ፓርቲዎች እየተካተቱ መሆኑን ዶ/ር ሙሉ ነጋ ገለፁ!

ከጁንታው መደምሰስ በኋላ በትግራይ ክልል እየተዋቀረ ባለው የመንግስት አስተዳደር ውስጥ በክልሉ የሚንቀሳቀሱ ተፎካካሪ የፖለቲካ ፓርቲዎችም እየተካተቱ እንደሆነ የጊዜያዊ አስተዳደሩ ዋና ስራ አስፈጻሚ አስታወቁ።

ዋና ሥራ አስፈጻሚው ዶ/ር ሙሉ ነጋ እንደገለጹት፤ እየተዋቀሩ በሚገኙ አስተዳደሮች ብዙ የተለያዩ የፖለቲካ ፓርቲዎች እየተሳተፉ ነው። መሳተፍም ብቻ ሳይሆን የሽግግሩ መንግስቱ አካል ሆነው እስከ ቢሮ ሃላፊነት ድረስ ይመራሉ።

እንደ ዶክተር ሙሉ ገለጻ፤ አረና፣ ትዴፓ እና አሲምባ የመሳሰሉ ተፎካካሪ የፖለቲካ ፓርቲ አመራሮችና አባላት በክልሉ ካቢኔ ውስጥ እንዲገቡ ተወስኗል። ከዚህ በፊት በነበረው የክልሉ ነበራዊ ሁኔታ እነዚህ አካላት በፖለቲካ አመለካከታቸው የተነሳ ሲታሰሩ፣ ሲገደሉና ሲሳደዱ ቆይተዋል።

የትግራይ ክልል ሕዝብ በአፈና ውስጥ የኖረ ሕዝብ ነው ያሉት ዶ/ር ሙሉ፤ “በአሁኑ ወቅት ግን ህዝቡ ከታች ጀምሮ እየተሳተፈ ነው፡፡ይህ ደግሞ ለመጀመሪያ ጊዜ እየሆነ ያለ ነው። ቀበሌ፣ ክፍለ ከተማ እና ሌሎቹንም የአስተዳደር እርከኖች ጭምር ሕዝቡ ነጻ ሆኖ ራሱ እንዲመርጥ ይደረጋል” ብለዋል፡፡

[ኢ.ፕ.ድ]
@YeneTube @FikerAssefa

ዶ/ር ቴድሮስ አድሃኖም በአለም አቀፉ የወንጀለኞች ፍርድ ቤት በዘር ጭፍጨፋ ወንጀል ሊጠየቁ ይገባል የሚል አቤቱታ ቀረበባቸው።

ከሁለት አመት በፊት የኖቤል ሰላም ሽልማት እጩ የነበረው አሜሪካዊው ኢኮኖሚስት እና አክቲቪስት ዳቪድ ስቴንማን የአለም ጤና ድርጅት ዳይሬክተሩን
ዶክተር ቴድሮስ አድሃኖም ኢትዮጵያ ውስጥ ዜጎች በማንነታቸው እንዲገደሉና አንዲሰደዱ ይሰሩበት ከነበረው መንግስት ጋር ተባብረዋል ለዚህም ሊጠየቁ ይገባል የሚል አቤቱታ ለአለም አቀፉ የወንጀለኞች ፍርድ ቤት ማስገባቱን አርቲ ሚዲያ ዘግቧል።

" ዶክተር ቴድሮስ ኢትዮጵያ ውስጥ በስልጣን በነበሩበት ጊዜ የደህነንነት ተግባራት ላይ ሚና የነበራቸው ሲሆን ይሄም የሰዎች መገደል ፣መታሰርና መገረፍን " ያጠቃልል ነበር ይላል ኢኮኖሚስቱ ለፍርድ ቤቱ ያስገባው አቤቱታ ።
" በህውሃት አባልነታቸውና በከፍተኛ የመንግስት ሀላፊነታቸውን ጉልበት አንዲኖራቸው ያገዛቸው ሲሆን በዚህ ሰዎች ያለ ክስ ሲታሰሩና ወደ እስር ቤት ሲታጎሩ የእሳቸው እጅ ነበረበት " ይላል የኢኮኖሚስቱ አቤቱታ።

አቤቱታው ዶ/ር ቴድሮስ በጋራ ሲሰሩበት ከነበረ መንግስት ጋር ፈፅመዋል ይበል እንጂ በተናጥል ይሄን ወንጀል እዚህ ቦታ የሚል አቤቱታ አላቀረበባቸውም።

አቤቱታው ተቃባይነት ካገኘ ዶ/ር ቴድሮስ በስራ ላይ እያሉ በአለም ዓቀፉ የመጀመሪያው ፍርድ ቤት የቀረቡ የመጀሪያው የተባበሩት መንግስታት ድርጅት ከፍተኛ ባለስልጣን ይሆናሉ።

ይሄ የሚሆነው ግን የተባበሩት መንግስታት ድርጅት ስብሰባ ጠርቶ ያለመከሰስ መብታቸውን ካነሳ ብቻ ነው።

ዶ/ር ቴድሮስ በኢትዮጵያ በሰብአዊ መብት ረገጣ ከዚህ በፊት የቀረበባቸውን አቤቱታ ማጣጣላቸው ይታወሳል።

✍Fidelpost
@YeneTube @FikerAssefa

በአምስት ወራት ውስጥ 1 ቢሊዮን 356 ሚሊዮን 119 ሺ ግምታዊ ዋጋ ያላቸው ገቢና ወጪ ኮንትሮባንድ ዕቃዎች ተይዘዋል፡፡

የንግድ ውድድሩን ፍትሀዊ ለማድረግና የፀረ-ኮንትሮባንድ እንቅስቃሴውን ለመጣጠር የገቢዎች ሚኒስቴር እና የጉምሩክ ኮሚሽን ባደረጉት እንቅስቃሴ ባለፉት አምስት ወራት ከሀምሌ 1 ህዳር 30/2013 ዓ/ም ግምታዊ ዋጋቸው 1 ቢሊዮን 356 ሚሊዮን 118 ሺ ብር የሆነ የወጪና የገቢ ኮንትሮባንዶችን መቆጣጠር መቻሉን የገቢዎች ሚኒስቴር አስታውቋል፡፡

@YeneTube @FikerAssefa

የፀሀይ ሪል እስቴት አልሚ ሚስተር ቼን ከቡና ባንክ የተበደርኩትን ገንዘብ የምከፍልበት የጊዜ ገደብ አላለፈም ሲሉ ለሸገር ነግረዋል፡፡

ቡና ባንክ በፀሀይ ሪል እስቴት አፓርትመንቶች ላይ የሀራጅ ሽያጭ ጨረታ ያወጣው እኔ ከሀገር እንደወጣሁ ስለ ተወራብኝ ነው ብለዋል፡፡

ሸገር በጉዳዩ ላይ ያነጋገረው ቡና ባንክ በበኩሉ ችግሩን ለመፍታት ከፀሀይ ሪል እስቴት ጋር እየተነጋገረ መሆኑን ተናግሯል፡፡

ቡና ባንክ ከፀሀይ ሪል እስቴት አልሚ ግማሽ ቢሊየን ብር እንደሚፈልግ ይታወቃል፡፡

ሸገር ኤፍ ኤም ሁለቱንም ጠይቆ ከላይ የተያያዘውን የድምፅ ዘገባ አሰናድቷል፡፡

@YeneTube @FikerAssefa

"በመተከል ዞን የሰው ደም በየእርሻ ማሳው እየፈሰሰ ነው" ነዋሪዎችም የድርሱልን ጥሪ እያቀረቡ ነው!

በቤኔሻንጉል ጉሙዝ ክልል መተከል ዞን አሁንም ሰው እየሞተ ነው፣ መፈናቀሉም ቀጥሏል፣ ነዋሪዎቹም የድርሱልን ጥሪ እያሰሙ ነው።ቀደም ሲል ቀጣናውን ለማርጋጋት ከፍተኛ የሀገርቱ ባለስልጣናት በተደጋጋሚ ወደ ቦታው አቅንተው ነበር፣ አካባቢው በኮማንድ ፖስት እንዲተዳደርም ተደርጓል።ይሁን እንጂ አሁንም ሞት እና መፈናቀል እየተባበሰ መምጣቱን የአካባቢው ነዋሪዎች ለአብመድ ተናግረዋል።

በቡለን ወረዳ የሚኖሩ ዜጎች "የሰው ደም በየእርሻ ማሳው እፈሰሰ ነው፤ የሚመለከተው አካል ሊድርስልን ይገባል" ብለዋል።በዚህ ሁለት ቀን እንኳን ከጥቃት ለመዳን ሲሉ ከ300 በላይ ነዋሪዎች ቀያቸውን እንደለቀቁ ተናግረዋል።ነዋሪዎቹ ለአካባቢው የወረዳ አስተዳደር የድርሱልን ጥሪ ቢያሰሙም የሚመለከተው የጸጥታ አካል በፍጥነት ደርሶ ሕይወታቸውን መታደግ አለመቻሉንም ገልጸውልናል።ጉዳዩን በሚመለከት ለቤኒሻንጉል ጉሙዝ ክልል የሰላም እና ህዝብ ደኅንነት ቢሮ ቢደወልም ስልክ አይነሳም፡፡

[አብመድ]
@YeneTube @FikerAssefa

በማዕድንና ምርምር ሥራ ላይ ተሰማርተው የነበሩ 63 ተቋማት ፈቃድ ተሰረዘ!

በማዕድንና ነዳጅ ሚኒስቴር  በማዕድን ማምረትና  ተቋማትምርምር ላይ እንዲሰማሩ ፈቃድ ከተሰጣቸው ተቋማት ውስጥ  63  ማዕድን ማምረትና ምርምር ስራዎች ላይ የተሰማሩ ተቋማት ፈቃድ መሰረዙን የማዕድንና ነዳጅ ሚኒስቴር አስታወቀ።ሚኒስትሩ ኢ/ር ታከለ ኡማ ዛሬ እንዳስታወቁት፣ ተቋማቱ  ባሳዩት የአፈፃፀም ድክመት፣ እንዲሁም  የህዝብና የመንግስት ሀብትን ማባከናቸው በተደረገ ምርመራና ጥናት በመታወቁ፣ የተሰጣቸው ፈቃድ መሰረዙን የማዕድንና ነዳጅ ሚኒስቴር ተናግሯል።

@YeneTube @FikerAssefa

በተሳሳተ መረጃ በትግራይ ክልል ካሉ የስደተኞች ካምፕ የወጡ ኤርትራዊያን ስደተኞች ወደ ካምፕ እየተመለሱ ነው ተባለ!

በኢትዮጵያ የስደተኞች እና ከስደት ተመላሾች ጉዳይ ኤጀንሲ እንዳስታወቀው በትግራይ ክልል በሚገኙ የስደተኞች መጠለያ ካምፕ የተሳሳተ መረጃ ደርሷቸው ወጥተው የነበሩ ስደተኞች ወደ መጠለያቸው መመለሳቸው ታውቋል።በትግራይ የህወሃት ቡድን በፌደራል መንግሥት መከላከያ ሠራዊት ላይ ጥቃት መፈጸሙን ተከትሎ በሽረ የስደተኞች ማስተባበሪያ ፅሕፈት ቤት ስር በሚገኙ መጠለያ ጣቢያዎች በተሰራጨ የተሳሳተ መረጃ መነሻነት ቁጥራቸው ውስን የሆነ ስደተኞች ከመጠለያ ጣቢያ በመውጣት ወደ አዲስ አበባ መምጣታቸው ይታወሳል።በመሆኑም የተሰራጨው መረጃ መሰረተ ቢስ በመሆኑና ስደተኛውን ለአደጋ የሚያጋልጥ ምንም አይነት የፀጥታ ስጋት ባለመኖሩ፣ እንዲሁም የስደተኞች መጠለያ በሚገኝባቸው አካባቢዎች መከላከያ ሰራዊት ተገቢውን ሰላም የማስከበር ሥራ እያከናወነ የሚገኝ ከመሆኑ ጋር ተያይዞ ከስደተኞች ጋር በተደረሰ ስምምነት 581 ኤርትራዊያን ስደተኞች ወደ ማይ ዓይኒ እና አዲ ሓሩሽ መጠለያ ጣቢያዎች በሰላም ተመልሰዋል።በተያያዘም አስፈላጊ የሰብዓዊ አገልግሎት ግብአቶችን ለማድረስ የሚያስችሉ ሥራዎች እየተሰሩ ይገኛሉ።

Via Addis Maleda
@YeneTube @FikerAssefa

አዲሱ የብር ኖት ቅየራ ዛሬ ይጠናቀቃል፡፡

መንግስት መስከረም 4 ቀን 2013 ዓ.ም ነባሮቹን የ10፣ የ50 እና የ100 የብር ኖቶች የሚተኩ አዲስ የገንዘብ ዓይነቶችና አዲሱን የ200 ብር ኖት ይፋ ማድረጉ ይታወሳል፡፡ይህን ተከትሎም በአሮጌው ብር የመገበያየት እና የአዲሱ የብር ኖት ቅየራ ጊዜ ገደብ ተቀምጧል፡፡በዚህም መሰረት ዛሬ አዲሱ የብር ኖት ቅየራ የሚጠናቀቅ ይሆናል፡፡

@YeneTube @FikerAssefa