በኮንታ ልዩ ወረዳ እየጣለ ያለው ከፍተኛ ዝናብ ለንብረት ውድመትና ለመፈናቀል ምክንያት መሆኑ ተገለጸ።

በኮንታ ልዩ ወረዳ እየጣለ ያለውን ከፍተኛ ዝናብ ተከትሎ በተከሰተ ናዳና ጎርፍ ከ2 ነጥብ 5 ሚሊየን ብር በላይ ግምት ያለው ንብረት ለወድመት ከ1 መቶ 30 በላይ አባዎራዎች ከቤት ንብረት ለመፈናቀል ምክንያት መሆኑ ተገለጸ፡፡
ከወረዳው መሬት አብዛኛው ተዳፋትና ተራራማ ከመሆኑም ጋር ተያይዞ በልዩ ወረዳው በተለያዩ ጊዜያት መሬት መንሸራተትና ናዳ በመከሰት ለንብረት ውድመትና ለሰው ህይወት መጥፋት ምክንያት ሆኗል ብለዋል የልዩ ወረዳው ምክትል አስተዳዳሪና እርሻና ተፈጥሮ ሀብት ልማት ጽህፈት ቤት ኃላፊ አቶ ፋንታሁን ብላቴ፡፡

ከመስከረም 24 እስከ 28/2012 ዓ.ም ባሉት ጊዜያት ውስጥ ብቻ ከ2 ነጥብ 5 ሚሊየን ብር በላይ የሚገመት ንብረት ወድሟል፡፡ ከ130 በላይ አባዎራችም በዚሁ አደጋ ከቤት ንብረታቸው ተፈናቅለዋል ብለዋል፡፡አደጋዎቹ በልዩ ወረዳው ካሉ 50 ቀበሌያት በ15ቱ መከሰቱን የተናገሩት የልዩ ወረዳው አደጋና ስጋት መከላከል ጽህፈት ቤት ኃላፊ አቶ መስፍን ጎበዜ መንግስት ጉዳት የደረሰባቸውን የህብረተሰብ ክፍሎች እንዲደግፋቸው ጠይቀዋል ሲል የልዩ ወረዳው አስተዳደር ህዝብ ግንኙነት ጽ/ቤትን ጠቅሶ የዘገበው የደቡብ መገናኛ ብዙሃን ነው፡፡

@YeneTube @FikerAssefa

በቡርኪናፋሶ በአንድ መስጊድ ላይ በተሰነዘረ ጥቃት በትንሹ የ15 ሰዎች ህይወት አለፈ።

በሰሜናዊ ቡርኪናፋሶ በአንድ መስጊድ ላይ በተሰነዘረ ጥቃት በትንሹ የ15 ሰዎች ህይወት ማለፉ ተገለፀ፡፡ጥቃቱ የተሰነዘረው ማንነታቸው ባልታወቁ ታጣቂዎች እንደሆነም የአገሪቱ የፀጥታ ሀይል አስታውቋል፡፡ከአውሮፓውያኑ 2015 ጀምሮ በቡርኪናፋሶ በርካታ የሽብር ጥቃቶች መድረሳቸው ተነግሯል፡፡በዚህ የሽብር ድርጊት ከ500 በላይ ሰዎች ሲገደሉ ከ280 ሺህ የሚልቁ ደግሞ ተፈናቅለዋል ተብሏል፡፡

ባለፉት ጥቂት ቀናትም የሽብር ጥቃቱ ተፋፍሞ በመቀጠሉ ሳቢያ በሁኔታው የተረበሹ የአገሪቱ ዜጎች ቀያቸውን ጥለው ሰላም አለበት ወዳሉት ስፍራ እየተሰደዱ መሆናቸው ታውቋል፡፡መንግስት የሽብር ጥቃቱን ለመከላከል በአብዛኛው የአገሪቱ አካባቢ የአስቸኳይ ጊዜ አዋጅ የደነገገ ሲሆን የአገሪቱ ጦር ሰራዊትም አገር አቀፍ ፀረ-ሽብር እርምጃዎችን ማጠናከሩ ተገልጿል፡፡

ምንጭ፦ ሽንዋ/ኢቲቪ
@YeneTube @FikerAssefa

የሴቶች የማራቶን የአለም ሪከርድ ተሰብሯል!!

ከደቂቃዎች በፊት በተጠናቀቀው የቺካጎ ማራቶን ኬንያዊቷ ብሪጂድ ኮስጊ ለ16 አመት ያክል ተይዞ የቆየውን ሪከርድ በማሻሻል 2:14:04 በሆነ ሰዐት በመግባት ታሪክ ሰርታለች። በትናንትናው እለት የሀገሯ ልጅ ኢሉይድ ኪፕቾጌ ከሁለት ሰዐት በታች ያጠናቀቀ የመጀመሪያው ሰው መሆኑ ይታወሳል።

@YeneTube @FikerAssefa

የጤና ሚኒስቴር ፣ የተጠሪ ተቋማት እና የክልል ጤና ቢሮ ሃላፊዎች ያደረጉት መደበኛ ስብሰባ በዛሬው እለት ተጠናቋል:: በጥቁር አንበሳ ስፔሻላይዝድ ሆስፒታል የታደሱ የህመምተኛ ክፍሎችን እና የጤና ሚኒስቴር ቢሮ እድሳትን የተጎበኙ ሲሆን ጉብኝቱም ይህንን የሆስፒታልና የቢሮዎች እድሳት በክልሎች ለማስቀጠል የሚረዳ የልምድ ልውውጥ እንዲሆን የሚያስችል ነው ::

Via Dr Amir Aman
@YeneTube @FikerAssefa

ኢትዮጵያ ብሄራዊ ቡድን ከ ዩጋንዳ ብሄራዊ ቡድን ዛሬ በባህር ዳር ዓለም አቀፍ ስታዲየም ያደረገውን የወዳጅነት ጨዋታ 1ለ 0 ተሸንፏል::በወዳጅነት ጨዋታው ለዩጋንዳ ኢማኑኤል ኦክዊ ብቸኛውን ጎል አስቆጥሯል።የዮጋንዳ አዲሱ አሰልጣኝ ጆናታን ማካርት የዮጋንዳ ብሔራዊ ቡድን አሰልጣኝ በመሆን ስራቸውን በድል ጀምረዋል።

ምንጭ:Ethio Kickoff
@YeneTube @FikerAssefa

#ኢትዮጵያ_እና_ግብፅ

የግብፁ ፕሬዝዳንት አብዱል ፋታኅ አል-ሲሲ በታላቁ የኅዳሴ ግድብ ላይ የሚደረገውን ድርድር እንደገና ለማስጀመር ከኢትዮጵያው ጠቅላይ ምኒስትር ዐቢይ አሕመድ ጋር በቅርቡ እንደሚገናኙ አስታወቁ።

ፕሬዝዳንቱ በዛሬው ዕለት በአገራቸው ቴሌቭዥን ባደረጉት ንግግር ከጠቅላይ ምኒስትር ዐቢይ ጋር በሩሲያ እንደሚገናኙ አስታውቀዋል።

አል-ሲሲ ከጠቅላይ ምኒስትሩ ጋር የሚገናኙበትን ትክክለኛ ቀን ባይገልጹም ከአንድ ሳምንት ገደማ በኋላ ጥቅምት 12 ቀን በሶቺ ከተማ የሚካሔደውን የሩሲያ-አፍሪካ ጉባኤ በተባባሪ ሊቀ-መንበርነት ይመራሉ።
ኢትዮጵያ፣ ግብፅ እና ሱዳን በታላቁ የኅዳሴ ግድብ የውሃ አሞላል እና አስተዳደር ላይ ያደረጓቸው ድርድሮች ያለ ውጤት ተበትነዋል።

ባለፈው መስከረም በተባበሩት መንግሥታት ጠቅላላ ጉባኤ የድርድሩ ፈቅ አለማለት ለቀጣናው መረጋጋት ሥጋት ሆኗል ያሉት ፕሬዝዳንት አል-ሲሲ ከፍትኃዊ እና ሚዛናዊ ስምምነት ለመድረስ ዓለም አቀፍ አሸማጋዮች ጣልቃ እንዲገቡ ጠይቀዋል። ኢትዮጵያ በበኩሏ «የሶስተኛ ወገን ጣልቃ-ገብነት ኢትዮጵያ እና ሱዳን የማይቀበሉት እና ተገቢ ያልሆነ» በማለት ውድቅ አድርጋለች።

Via:- Dw
@YeneTube @Fikeraseeda

በአፋር ክልል ጅቡቲና ኢትዮጵያን በሚያዋስነው አፋምቦ ወረዳ ከፍተኛ ግጭት እንዳለ ተሰማ።

በድንበር አካባቢ በሚኖሩ የአፋር አርብቶ አደሮች ላይ እስካሁን ማንነታቸው በውል ያልታወቁ ታጣቂዎች በተሽከርካሪዎች እየታገዙ ጥቃት አድርሰዋል። በዚህም ሳቢያ በርካቶች መቁሰላቸውንና የሞቱም እንዳልቀሩ ምንጮችን ጠቅሶ ድሬቲዩብ ፅፏል።በኢትዮጵያ መንግስት በኩል እስካሁን የተሰጠ ምንም አይነት መግለጫ የለም።

@YeneTube @FikerAssefa

12ኛው የሰንደቅ ዓላማ ቀን ዛሬ ይከበራል።

አስራ ሁለተኛው የሰንደቅ ዓላማ ቀን “ሰንደቅ አላማችን የብዝኃነታችን ድምር ውጤትና የአንድነታችን ምሰሶ ነው” በሚል መሪ ሃሳብ ዛሬ እንደሚከበር የህዝብ ተወካዮች ምክር ቤት አስታወቀ።ብሔራዊ የሰንደቅ ዓላማ ቀን በኢፌዴሪ ሕገ-መንግሥት አንቀፅ 3 የተቀመጠውን የብሔራዊ ሰንደቅ ዓላማ ትርጓሜ መሰረት በማድረግ የወጣ የሰንደቅ ዓላማ አዋጅ ቁጥር 654/2001 እንዲሁም በተሻሻለው አዋጅ ቁጥር 863/2006 አንቀጽ 2 መሰረት በየዓመቱ ጥቅምት ወር በመጀመሪያው ሳምንት ሰኞ እንዲከበር ተደንግጓል።ባለፉት ረዥም ዓመታት ለዴሞክራሲያዊ ሥርዓት ግንባታ እና ለሀገሪቱ ነፃነት የተደረጉ ትግሎች የሪፐብሊኩን ሰንደቅ ዓላማ የሉዓላዊነት መገለጫና ለህዝቦች ዴሞክራሲያዊ አንድነት ምልክት መሆኑ ላይ ሰፊ የግንዛቤ ሥራ መሰራቱን ምክር ቤቱ በመግለጫው ጠቅሷል።

ምንጭ: ኢፕድ
@YeneTube @FikerAssefa

ኤች.አይ.ቪ/ ኤድስ ወደ ወረርሽኝ ደረጃ እየተሸጋገረ መሆኑ ተጠቆመ!

የዜጎችን በተለይም የአገር የወደፊት አለኝታ የሆኑ ወጣቶችን ህይወት በመቅጠፍ የሚታወቀው ኤች.አይ.ቪ./ኤድስ እንደገና በማገርሸት ሥርጭቱ ወደ ወረርሽኝ ደረጃ እየተሸጋገረ መሆኑን አንድ ጥናት አመለከተ።ሰሞኑን በአገራችን ለ32ኛ፣ በዓለም አቀፍ ደግሞ ለ40ኛ ጊዜ በደብረ ብርሃን ከተማ በተካሄደው ዓለም አቀፍ የመምህራን ቀን ላይ የቫይረሱን ሥርጭት፣ ያገጠሙ ችግሮች፣ የተገኙ ውጤቶችና ቀጣይ አቅጣጫዎች አስመልክቶ በቀረበው ጥናታዊ ጽሁፍ ላይ እንደተገለፀው ኤች.አይ.ቪ/ኤድስ በአገራችን ከፍተኛ ቁጥር ያላቸው ዜጎችን ህይወት የቀማበት ወቅት እንደነበር አመላክቶ ነገር ግን በተቀናጀና በተጠናከረ ርብርብ ልንቆጣጠረው ችለን እንደነበር አስታውሷል።ነገር ግን በአሁኑ ሰዓት ቫይረሱ ዳግም በማገርሸት ከሚገባው በላይ መስፋፋቱንና ዜጎችን በተለይም ለጋ ወጣቶችን እያጠቃ እንደሚገኝ ጥናቱ አመላክቷል። የጥናቱ አቅራቢ ወይዘሮ ዓለምፀሐይ እንየው እንዳሉት በአሁኑ ሰዓት የቫይረሱ ሥርዓት በከፍተኛ ሁኔታ እየተስፋፋ ወደ ወረርሽኝ ደረጃ እየደረሰ ይገኛል።

Via EPA
@YeneTube @FikerAssefa

“የጠቅላይ ሚኒስትር ዶክተር አብይ የኖቤል የሰላም ሽልማት የአፍሪካውያን ሽልማት ነው” አፍሪካውያን አምባሳደሮች

ተቀማጭነታቸውን ኬንያ ናይሮቢ ያደረጉ የአፍሪካ አምባሳደሮች ዶክተር አብይ አህመድ የኖቤል ሽልማት ማሸነፋቸው ለኢትዮጵያ ለውጥ እና ለጠቅላይ ሚኒስትሩ አመራር የተሰጠ እውቅናና የአፍሪካውያን ሽልማት ነው ብለዋል።
አምባሳደሮቹ ትናንት በኢትዮጵያ ኤምባሲ የጠቅላይ ሚኒስትር ዶ/ር አብይን መሸለም በማስመልከት ባደረጉት ዝግጅት የኖቤል ሽልማቱ ለኢትዮጵያ የሚመጥን ለጠቅላይ ሚኒስትሩ የሚገባ መሆኑን ገልጸዋል።
ሽልማቱ ሁሉንም የአፍሪካ ሀገራት ያኮራ እና አፍሪካውያን የራሳቸውን ችግር በራሳቸው መፍታት መቻላቸውን የሚያሳይ ነው ብለዋል።
በኬንያ የኤርትራ አምባሳደር እና የአፍሪካ አምባሳደሮች ዲን አምባሳደር በየነ ርእሶም በበኩላቸው ዶ/ር አብይ የሁላችንም ኩራት ናቸው ብለዋል።

አምባሳደር መለሰ አለም ሽልማቱ ለአፍሪካውያን የተሰጠ እንደሆነ ገልጸው አፍሪካውያን ላሳዩት ድጋፍና ወገንተኝነት ምስጋናቸውን አቅርበዋል።
በመጨረሻም አምባሳደሮቹ ለኢትዮጵያ ህዝብና መንግስትን እንኳን ደስ አላቹ ብለዋል።

Via:- #ENA
@YeneTube @FikerAssefa

የህዳሴው ግድብ የማመንጨት አቅሙ በ1ሺህ300 ሜጋዋ ዋት ቀነሰ ተብሎ እየተሰራጨ ያለው መረጃ ሐሰት ነው ተባለ።

የግብጽና የተለያዩ የአገር ወስጥ መገናኛ ብዙሃን ስለ ህዳሴው ግድብ ያወጡት መረጃ ከእውነት የራቀ እንሆነ የኢትዮጵያ የኤሌክትሪክ ሃይል አስታውቋል።የተቋሙ የኮርፖሬት ኮሚኒኬሽን ዳይሬክተር አቶ ሞገስ መኮንን ለኢትዮ ኤፍ ኤም እንዳሉት የግድቡ የማመንጨት አቅም እንዲቀንስ ተደርጓል የሚባለው መረጃ ትክክል አይደለም ብለዋል።የግድቡ የማመንጨት አቅም የሚወሰነው ግድቡ በሚይዘው የውሀ መጠን እና ውሀ ከተርባይን ማእከል በሚኖረው ከፍታ ነው ብለዋል አቶ ሞገስ፡፡

የግድቡ ውሀ ከፍታ በጨመረ ቁጥር የተርባኖች የማመንጨት አቅም ከፍ ያደርገዋል እንጂ ተርባይኖች ብዛት የማመንጨት አቅም እንደማይጨምረው ነው ዳይሬክተሩ የነገሩን።አሁን ባለው ሁኔታ የግድቡን የውሀ መጠን የሚቀንስ ስራ ወይም የግድቡን ከፍታ የሚቀንስ ስራ እየተሰራ አይደለም እየተደረገ ያለው የተርባኖች ቁጥር የመቀነስ ስራ ነው ብለዋል፡፡የተርባይኖች ቁጥር እንዲቀንስ ቢደረግም በማመንጨት አቅሙ ላይ ምንም ተጽእኖ አይኖረውም ምክንያቱም የግድቦች የማመንጨት አቅም የሚወሰነው በተርባይኖች ብዛት ሳይሆን ግድቡ በሚይዘው የውሀ መጠን ስለሆነ ነው ብለዋል፡፡

ከግብጾች አንጻር አሁን የተነሳው ጥያቄ ግድቡ የሚይዘው የውሀ መጠን የግድቡ ከፍታ እንደማይቀንስ ካሁን በፊት የግብጽ ባለሙያዎች እርግጠኛ ነበሩ ስለሆነም ያንን ተከትሎ የተነሳ እንደሆነም ነው አቶ ሞገስ የተናገሩት፡፡በመሆኑም የህዳሴው ገድብ 6400 ሜጋዋ ዋት እንዲያመነጭ ከዚህ በፊት በታቀደው መሰረት ለማጠናቀቅ እየተሰራ ነው ብለዋል። የግድቡ አጠቃላይ ግንባታ ከ68 ነጥብ 6 በመቶ የተጠናቀቀ ሲሆን በ2013 ዓ.ም የተወሰኑ ተርባይኖች ሃይል ማመንጨት ይጀምራሉ ተብሏል።

Via Ethio FM
@YeneTube @FikerAssefa

ክቡር ጠቅላይ ሚኒስትር ዶ/ር ዓብይ አህመድ የሱዳን የሽግግር መንግስትን ከታጣቂ ተቃዋሚ ኃይሎች ጋር ለማስታረቅ በሚደረግ የኢጋድ አባል አገራት የመሪዎች የምክክር ስብሰባን ለመሳተፍ የኢትዮጵያ ልዑካን ቡድንን በመምራት ጁባ ገብተዋል።

ምንጭ: በጁባ የኢትዮጵያ ኤምባሲ
@YeneTube @FikerAssefa

#Fake_News_Alert

የጅቡቲ ጦር የኢትዮጵያን ድንበር ተሻግሮ ጉዳት አድርሷል የሚባለው ወሬ ሐሰት ነው- የኢፌዲሪ መከላከያ ሚኒስቴር

“የጅቡቲ ጦር የኢትዮጵያን ድንበር አልፎ ወደ አፋር ክልል በመግባት ጉዳት አደረሰ በሚል የሚሰራጨው ወሬ ሐሰት ነው” ሲል የኢፌዲሪ መከላከያ ሚኒስቴር ገለፀ።

“የጅቡቲ ጦር የኢትዮጵያን ድንብር ተሻግሮ በአፋር በኩል ዜጎች ላይ ጉዳት አደረሰ” የሚለው ወሬ ሐሰት መሆኑን በመከላከያ ሚኒስቴር የምክትል ኤታማዥር ሹም ጽሕፈት ቤት ኃላፊ ኮሎኔል ተስፋዬ አያሌው ለኢዜአ ተናግረዋል።
በተለያዩ የማሕበራዊ ሚዲዎችና አንዳንድ የመገናኛ ብዙሃን “በአፋር ድንበር በኩል የጅቡቲ ጦር ወደ ኢትዮጵያ ገብቶ ጉዳት አደረሰ” በሚል የሚሰራጨው መረጃ ከእውነት የራቀ መሆኑም ተገልጿል።

ጅቡቲም ኢትዮጵያን የመውረር ሐሳብ እንደማታራምድና የሁለቱ አገሮች ወዳጅነት እንዲሁም የህዝብ ለህዝብ ግንኙነት ጥብቅ መሆኑንም ተናግረዋል።

በሁለቱ አገሮች መካከል ለግጭት የሚዳርግ ምንም አይነት ተጨባጭ ምክንያት አለመኖሩን የገለጹት ኮሎኔል ተስፋዬ እየተሰራጨ ያለው መረጃም ትክክል አለመሆኑን አብራርተዋል።
ይሁን እንጂ በአካባቢው አልፎ አልፎ በግጦሽ፣ ውሃና በሌሎች ምክንያቶች የሚከሰቱ ግጭቶች መኖራቸውን አስታውሰው፤ በክልሉ በዜጎች ላይ የደረሰውን ጉዳት በተመለከተ የመከላከያ ሰራዊት በስፍራው ተገኝቶ ጉዳዩን እያጣራ መሆኑን ተናግረዋል።

Via:- ENA
@YeneTube @Fikerassefa

ሀዋሳ ዩንቨርስቲ ዛሬ አዲስ ተማሪዎችን አቀባበል አድርጓል እንዲሁም ዶርም አሲዟቸዋል።

#HawassaUNIVERSITY