ለዘመን መለወጫ በዓል 21 ጊዜ መድፍ ይተኮሳል!

ነገ የሚከበረውን የ2016 ዓ.ም የዘመን መለወጫ በዓል ምክንያት በማድረግ 21 ጊዜ መድፍ ይተኮሳል። ነገ ከማለዳው 12፡00 ሰዓት ላይ 21 ጊዜ መድፍ እንደሚተኮስ የመከላከያ ሚኒስቴር አስታውቋል።

@YeneTube @FikerAssefa

በአዲስ አበባ ከተማ 24 ማዳበሪ ከበዓድ ነገሮች ጋር የተቀላቀለ ቅቤ ተያዘ!

በአዲስ አበባ ከተማ ኮልፌ ቀራኒዮ ክ/ከተማ አየር ጤና ቻይና ካምፕ ተብሎ በሚጠራው አካባቢ በተሰራ የቁጥጥር ስራ ለበዓል ሊሸጥ የነበረ ከባዕድ ነገር ጋር የተቀላቀለ  ቅቤ መያዙን የኢትዮጲያ ምግብና መድኃኒት ባለስልጣን አስታውቋል።

የአዲስ አበባ ፖሊስ ኮሚሽን የኮልፌ ቀራኒዮ ክፍለ ከተማ ፖሊስ መመሪያ የጅማ በር ፖሊስ ጣቢያ ጋራ በጋራ በመሆን በሚቀርቡ የምግብ ምርቶች ላይ የቁጥጥርና የክትትል ስራዎች ሲከናወን መቆየቱን የባለስልጣኑ የህዝብ ግንኙነት ዳይሬክቶሬት ዳይሬክተር አቶ አበራ ደመቀ ተናግረዋል።

የህብረተሰብን ጥቆማ መሰረት በማድረግ በተወሰዱ እርምጃዎች ቅቤን ከበዓድ ነገሮች የሚያቀላቅሉና በስፋት በሚያከፋፍሉት ተቋማት ላይ በተካሄደ ቁጥጥር 24 ማዳበሪያ ወይም 1ሺ440 ኪሎ ግራም የሚሆን ግምታዊ ዋጋው ከ1 ሚሊየን ብር በላይ የሆነ ከባእድ ነገር ጋር የተቀላቀለ ቅቤ ተይዛል።

በተጨማሪም ከቅቤ ጋር ለመቀላቀል የተዘጋጀ ንፃህናው ባልጠበቀ መልኩና ከቅቤ ዋጋ ጋር ሲነፃፀር ርካሽ ዋጋ ያለው የአትክልት ቅቤ እና የፓልም ዘይት ተይዟል።210 ካርቶን 3ሺ360 ኪሎ ግራም የአትክልት ቅቤ እና ፓልም ዘይት ግምታዊ ዋጋው ከ650,000 ብር በላይ የሚያወጣ  በቁጥጥር ስር የዋለ ሲሆን ተቋማቱም እንዲታሸጉ መደረጉንም አቶ አበራ ጨምረው ተናግረዋል።

ህብረተሰቡ የምግብ ምርቶችን ሲገዛ ፍቃድ ካላቸው ተቋማት ገዝቶ እንዲጠቀም እንዲሁም አጠራጣሪ የሆኑ ነገሮች ሲያጋጥም በ8482 ነፃ የስልክ መስመር በመደወል ጥቆማ እንዲሰጥ ባለስልጣኑ አሳስቧል፡፡

Via Bisrat FM
@YeneTube @FikerAssefa

ለመላው የቻናላችን ቤተሰቦች እንኳን ለ2016 አዲስ ዓመት አደረሳችሁ!

መልካም አዲስ ዓመት!

የዛሬ ጨዋታዎች የቤትስኬት ግምት

ጀርመን፣ ስፔን፣ እንግሊዝ፣ ቤልጅዬም እና ኢኳዶርን የተመለከቱ የቤቲንግ መረጃዎች እና ግምቶች በቤትስኬት

ሊንኩን በመጫን በነጻ ያንብቡ👇👇

http://www.betsket.com/የዛሬ-ጨዋታዎች-የቤትስኬት-ግምት-2/

ሁል ጊዜ የሚለቀቁ መረጃዎችን በአንድ ላይ ለማግኘት የቴሌግራም ቻናላችንን ይቀላቀሉ።👉 @betskett

በሊቢያ ባጋጠመው የጎርፍ አደጋ ከአንድ ከተማ ብቻ የ1ሺህ ሰዎች አስክሬን ተነሳ!

በሊቢያ ባጋጠመ የጎርፍ አደጋ በምስራቅ የአገሪቱ ክፍል ከምትገኘው ደርና ከተማ ብቻ የሟቾች ቁጥር ከ1ሺህ በላይ መሆኑን አካባቢውን የጎበኙ ከፍተኛ ባለስልጣን አስታወቁ።“የሰዎች አስክሬን በየቦታው ወድቆ ይገኛል” ብለዋል መቀመጫውን ምስራቃዊ ሊቢያ ያደረገው መንግሥት ሚንስትር።

100ሺህ ነዋሪ ባላት ደርና ከተማ ውስጥ የነበሩ ሁለት ግድቦች እና አራት ድልድዮች ከተደረመሱ በኋላ ከተማዋ ሙሉ ለሙሉ ሊባል በሚችል መልኩ በውሃ ተውጣለች።የቀይ መስቀል ማኅበር በወደብ ከተማዋ ደርና እስካሁን ድረስ 10ሺህ ነዋሪ የገቡበት አለመታወቁ ሪፖርት ተደርጓል ብሏል።

እሁድ ዕለት የዘነበው ከፍተኛ ዝናብ ቤንጋዚ፣ ሶውሳ እና አል-ማርጅ ከተሞችን ጨምሮ በምስራቅ ሊቢያ ከፍተኛ ጉዳት አስከትሏል።“እስካሁን የ1ሺህ ሰዎች አስክሬን ተነስቷል። የከተማዋ ሩብ ክፍል ሙሉ በሙሉ ጠፍቷል ብል ማጋነን አይሆንም። በጣም ብዙ ብዙ ሕንጻዎች ፈርሰዋል” ብለዋል የአቪዬሽን ሚንስትሩ እና የአስቿኳይ ድጋፍ አስተባባሪ ኮሚቴ አባሉ ሂቼም ቻኪኦት።

በሊቢያ የቀይ መስቀል ኃላፊ የሆኑት ታሚር ራማዳን በጎርፍ አደጋው ምክንያት የሟቾች ቁጥር እጅግ ከፍተኛ ሊሆን እንደሚችል ለጋዜጠኞች ተናግረዋል።ኃላፊው ከጎረቤት አገር ቱኒዚያ ሆነው፤ “የሥራ ባልደረቦቻችን ተጎጂዎችን ለመርዳታ የተቻላቸውን ሁሉ እያደረጉ ነው። አሁን የሟቾችን ቁጥር በተመለከተ ትክክለኛው አሃዝ የለንም። እስካሁን ድረስ ግን አድራሻቸው የጠፉ ሰዎች ቁጥር ከ10ሺህ ተሻግሯል” ብለዋል።

Via BBC
@YeneTube @FikerAssefa

አፕል አይፎን 15ን ይፋ አደረገ!

አፕል የቀጣዩን ትውልድ አይፎን 15ን ዛሬ አስተዋውቋል። አዲስ ይፋ የተደረጉት ሞዴሎች ከዚህ ቀደሙ በተለየ የዩኤስቢ ሲ(USB Type-C) የቻርጀር መሰኪያ የሚኖራቸው እንደሆነ ተገልጿል። የአውሮፓ ህብረት አምና ባወጣው ህግ በአባለ ሃገራቱ የሚመረቱ ሁሉም ስልኮች ተመሳሳይ የዩኤስቢ ፖርት እንዲኖራቸው መባሉ ይታወሳል።

@YeneTube @FikerAssefa

በመዲናዋ የዘመን መለወጫ በዓል ያለምንም አደጋ መከበሩ ተገለጸ!

የ2016 ዓ.ም ዘመን መለወጫ በዓል ያለምንም አደጋ በሰላም ተከብሮ ማለፉን የአዲስ አበባ ከተማ አስተዳደር የእሳትና አደጋ ስጋት ስራ አመራር ኮሚሽን ገለጸ።

የ2016 ዓ.ም የዘመን መለወጫ በዓል በዋዜማውም ሆነ በበዓሉ ዕለት እሳትና መሰል አደጋዎች ሳያጋጥሙ በሰላም ተከብሮ መጠናቀቁን የኮሚሽኑ የሕዝብ ግንኙነት ባለሙያ ንጋቱ ማሞ ተናግረዋል፡፡

ኮሚሽኑ በዓሉ ከመድረሱ በፊት በተለያዩ አማራጮች ለህብረተሰቡ የግንዛቤ ማስጨበጫ ስራዎችን ሲሰራ መቆየቱን አስታውሰዋል፡፡

በዚህም ህብረተሰቡ ከኮሚሽኑ የተላለፉ የጥንቃቄ መልዕክቶችን ተግባራዊ በማድረጉ በዓሉ ያለ ምንም አደጋ ክስተት በሰላም መከበሩን አመልክተዋል።

የእሳትና አደጋ ስጋት ስራ አመራር ኮሚሽን ህብረተሰቡና የሚዲያ ተቋማት አደጋን አስቀድሞ በመከላከል ረገድ ላደረጉት አስተዋጽዖ ምስጋናውን በማቅረብ በቀጣይ በሚኖሩ በዓላትና በመደበኛ እንቅስቃሴዎች ሁሉ ተመሳሳይ ጥንቃቄዎች እንዲደረጉ ጥሪ አቅርበዋል፡፡

Via Walta
@YeneTube @FikerAssefa

የአሜሪካ ም/ቤት በባይደን ላይ የሙስና ምርመራ እንዲያካሂድ አፈ ጉባኤው አዘዙ!

ፕሬዝደንት ባይደን፤ ልጃቸው ሃንተር ባይደን በውጪ ሀገራት ካለው የንግድ ሽርክና ተጠቃሚ ናቸው በሚል ምርመራ እንዲደረግባቸው ትዕዛዝ ማስተላለፋቸውን የአሜሪካው የተወካዮች ምክር ቤት አፈ ጉባኤ ከቪን ማካርቲ ዛሬ አስታውቀዋል።በባይደን ላይ የቀረበው ክስ “የሙስና ባህል እንዳለ አመላካች ነው” ሲሉ ማካርቲ ለሪፖርተሮች ተናግረዋል።

“ፕሬዝደንት ባይደን የቤተሰባቸውን የውጪ ንግድ ሽርክና በተመለከተ የአሜሪካን ሕዝብ ዋሽተዋል። በርካታ የስልክ ውይይቶች፣ ግንኙነቶች፣ የእራት ግብዣዎች መደረጋቸውን እንዲሁም ተሽከርካሪዎች እና በሚሊዮን የሚቆጠር ዶላር ወደ ልጃቸው እና የንግድ ሸሪኮቻቸው መላኩን የዐይን ምሥክሮች ቃላቸውን ሰጥተዋል” ብለዋል ማካርቲ።

“20 ሚሊዮን ዶላር ወደ ባይደን የቤተሰብ ዓባላት እንደተላከ የባንክ አካውንት መዝገቦች እንደሚያሳዩ እናውቃለን” ሲሉ አክለዋል ማካርቲ።ማካርቲ በተጨማሪም፤ የንግድ ግንኙነቱን ለማሳለጥ ባይደን ኦፊሴላዊ ቢሯቸውን ተጠቅመዋል፣ አስተዳደራቸውም ልዩ እገዛ አድርጓል ብለዋል።

የም/ ቤቱ በርካታ ኮሚቴዎች ለውንጀላው ማስረጃ ገና እንዳላቀረቡ የቪኦኤዋ ካትሪን ጂፕሰን ዘገባ አመልክቷል።በሴኔቱ አብላጫ ቁጥር ያለው የዲሞክራቲክ ፓርቲው መሪ ቸክ ሹመር ምርመራውን “አስቂኝ” ሲሉ አጣጥለውታል።

@YeneTube @FikerAssefa

ሚኒስቴሩ የዲጂታል መታወቂያ ሥርዓትን የተማሪዎች መለያ አድርጎ ሊተገብር ነው!

የኢፌዲሪ ትምህርት ሚኒስቴር ከብሄራዊ መታወቂያ ፕሮግራም ጋር በመተባበር የዲጂታል መታወቂያ ሥርዓትን በትምህርት ተቋማት መደበኛ የተማሪዎች መለያ አድርጎ ለመተግበር ወሰነ፡፡

ሚኒስቴሩ ሥርዓቱ መተግበሩ የተማሪዎችን ማንነት በወጥነት መለየት እንዲያስችለው ያግዛል ተብሏል።

ዲጂታል መታወቂያ በሁሉም የትምህርት ተቋማት ዋና የማንነት ማረጋገጫ ሥርዓት ሆኖ ማገልገል የሚያስችል መሆኑም ተጠቁሟል፡፡

@YeneTube @FikerAssefa

300 ዓለማቀፍ የሰብዓዊ መብትና የፕሬስ መብት ተሟጋች ድርጅቶች የኢትዮጵያ መንግሥት በአማራ ክልል ላይ የጣለውን የኢንተርኔት እገዳ እንዲያነሳ ባወጡት የጋራ መግለጫ ጠይቀዋል።

መንግሥት በክልሉ ላይ የጣለው የኢንተርኔት እገዳ፣ "ዓለማቀፍ ሕጎን የሚጻረር" መኾኑን ድርጅቶቹ ገልጸዋል። "በግጭት ወቅት ኢንተርኔት ማቋረጥ "የሰዎችን ሕይወት አደጋ ላይ ይጥላል" ያሉት ድርጅቶቹ፣ በግጭት ቀጠና የሚገኙ ሰዎች "እጅግ አስፈላጊ መረጃዎችን እንዳያገኙ መሰናክል እንደሚኾንም" ገልጸዋል። ድርጅቶቹ፣ በክልሉ ግጭቱ እየተባባሰና የጸጥታው ኹኔታ እያሽቆለቆለ በሄደበት ወቅት ሰዎች ከውጭው ዓለም ጋር በመገናኘት "በግጭቱ ስለደረሱ ጉዳቶችና የሰብዓዊ መብት ጥሰቶች ሪፖርት ማድረግ መቻል አለባቸው" ብለዋል።

@YeneTube @FikerAssefa

ሰሜን ኮሪያ በዩክሬን ጦርነት ለሩሲያ ሙሉ ድጋፍ እንደምታደርግ አስታወቀች!

የሰሜን ኮሪያው መሪ ኪም ጆንግ ኡን፣ የሩሲያን ፕሬዚዳንት “ሙሉ በሙሉ እና ያለቅድመ ኹኔታ” እንደሚደግፉ አስታወቁ።በምሥራቅ ሩሲያ የተገናኙት ሁለቱ መሪዎች ባደረጉት ስብሰባ፣ ሞስኮብ ዩክሬን ላይ ለከፈተችው ጦርነት መሣርያ የምታገኝበት መድረክ ሊኾን ይችላል፤ ስትል አሜሪካ በማስጠንቀቅ ላይ ናት፡፡

በምሥራቅ ሩሲያ በሚገኝ የመንኮራኩር ጣቢያ ውስጥ መሪዎቹ ለአራት ሰዓታት ባደረጉት ስብሰባ፣ የሁለቱ ሀገራት ፍላጎቶች አንድነት እንደተንጸባረቀበት ተመልክቷል።ፑቲን፣ ድኻ ብትኾንም የሮኬት እና የጦር መሣሪያ ከፍተኛ ክምችት ካላት ሰሜን ኮሪያ የሚፈልጉት አለ።

ከኀምሳ ዓመታት በፊት በነበረው የኮሪያው ጦርነት፤ ሞስኮብ፣ ደቡብ ኮሪያን ለወረረችው ሰሜን ኮሪያ መሣሪያ ለግሳ ነበር። አሁን ደግሞ፣ ሰጪ እና ተቀባዩ ቦታ እንደተቀያየሩ ተዘግቧል።

በምትኩ ኪም ጁንግ ኡን፣ የወታደራዊ ሳተላይትን በማበልጸግ ረገድ የሩሲያን ርዳታ ይሻሉ። ይህም፣ በተደጋጋሚ ለከሸፈባቸውና ወታደራዊ ሳተላይትን ወደ ህዋ ለማምጠቅ የሚያደርጉትን ጥረት እንዲያግዝ ነው፤ ተብሏል።

“ሩሲያ፣ ፍትሐዊ ጦርነት እያካሔደች ናት፤” ያሉት ኪም ጆንግ ኡን፣ ሰሜን ኮሪያ፥ የሩሲያ መንግሥት፣ “በጦርነቱ የሚወስዳቸውን ማንኛውንም ርምጃዎች፣ ሙሉ በሙሉ እና ያለቅድመ ኹኔታ ትደግፋለች፤” ሲሉ ተደምጠዋል፡፡

Via VoA
@YeneTube @FikerAssefa

Facebook, Twitter, Instagram እና በመሳሳሉት የማህበራዊ ሚዲያዎች ላይ ድርጅትዎን ፤ አገልግሎትዎን እና ምርትዎን ማስተዋወቅ ፈልገዋል? እንግዲያውስ መፍትሄው እኛ ጋር ነው።

በማንኛውም Social Media  Boost ለማድረግ ካሰቡ ይደውሉልን፤ በተመጣጣኝ ዋጋ ታማኝና ቀልጣፋ አገልግሎት እንሰጣለን::

ከዚህም በተጨማሪ የቴሌግራም ፕሪሚየም ጨምሮ ለተለያዩ ኢንተርናሽናል አገልግሎቶች ክፍያዎችን መፈጸም ካስፈለግዎ ከስር በተቀመጡ አድራሻዎች ያናግሩን።

Telegram: @adsommar
📞0929334267

የአለም ባንክ የግል ዘርፍ አጋር የሆነው የአለም አቀፉ የገንዘብ ኮርፖሬሽን/IFC ኢንቨስትመንትን ጨምሮ ድጋፍ ለማድረግ ከኢትዮጵያ ካፒታል ገበያን ባለስልጣን ጋር ስምምነት አደረገ!

የኢትዮጵያ ካፒታል ገበያ ባለስልጣን ከአለም አቀፍ የገንዘብ ኮርፖሬሽን ጋር ለአራት ዓመታት የሚቆይ ፕሮጀክት ስምምነት መፈራረማቸው አሳዉቀዋል።በስምምነቱ መሰረት IFC ሁሉን አቀፍ ድጋፍ የሚያደርግ ሲሆን።የካፒታል ገበያው ስራ በሚጀምርበት ወቅት ገበያ ውስጥ ኢንቨስት በማድረግ ጭምር የተገበያዮችን በገበያው ላይ መተማመን እንዲፈጥሩ ለማድረግ የሚረዳ ሚና ይጫወታል ተብሏል።

የኢትዮጵያ ካፒታል ገበያ ልማት ፕሮጀክት ለአራት ዓመታት እንደሚቆይና በተመሳሳይ መልኩ በሌሎች የአፍሪካ ሃገራት የካፒታል ገበያዎችን በመደገፍ ለገበያ የሚቀርቡ የመንግስት ሰነዶች ዉጤታማ እንዲሆኑ የበኩሉን ከመጫወት በዘለል የካፒታል ገበያ ግብይት አቅርቦት የማሳደግ ሚና መጫወት ችሏል።

የኢትዮጵያ ካፒታል ገበያ ባለስልጣን ዋና ዳይሬክተር ብሩክ ታዬ (ዶ/ር) ለመገናኛ ብዙሃን እንደተናገሩት " የአለም አቀፍ የገንዘብ ማህበር የግል ዘርፉን በማነቃቃት እና ዋስትና በመስጠት አስፈላጊዉን የቴክኒክ ድጋፍ በማድረግ እንዲሁም በመንግሥት ቦንድ ላይ ኢንቨስት በማድረግ ከፍተኛ አስተዋጽኦ አለዉ" ብለዋል።ስምምነቱን የፈረሙት የኢትዮጵያ ካፒታል ገበያ ባለስልጣን ዋና ዳይሬክተር ብሩክ ታዬ (ዶ/ር) እና የአለም አቀፍ የገንዘብ ማህበር የአፍሪካ ዳይሬክተር አሊዩ ማይጋ ናቸው።

Via Capital
@YeneTube @FikerAssefa

የአዲስ አበባ ትምህርት ቢሮ ከመስከረም 7 ጀምሮ መደበኛ የመማር ማስተማር ስራዉ እንደሚጀመር አስታወቀ!

የአዲስ አበባ ከተማ አስተዳደር ትምህርት ቢሮ "የጋራ መግባባት ለዉጤታማ መማር ማስተማር"  በሚል መሪ ቃል የ2016 ትምህርት ዘመን አጀማመርን በሚመለከት በከተማዋ ከሚገኙ ከሁሉም ትምህርት ቤቶች ርዕሰ መምህራን ጋራ ዉይይት እያካሄደ ይገኛል።

መስከረም 3 ቀን 2015 ዓ.ም. ዉይይቱን ያደረገዉ ትምህርት ቢሮው በ2016 ሰላማዊ የመማር ማስተማር ስራዉ በማስቀጠል በትምህርት ቤቶች ብዝሃነትን በማስተናገድ እንዲሁም በ2015 ዓ.ም. የተስተዋሉ የፀጥታ ችግሮችን ከመከላከል አንፃር ሊደረግ የሚገባዉን ቀጣይ አቅጣጫ አስመልክቶ ሰነድ ቀርቧል።

የአዲስ አበባ ከተማ ትምህርት ቢሮ ም/ቢሮ ኃላፊ አቶ ወንድሙ ኡመር እንደተናገሩት "በ2016 ዓ.ም. መደበኛ የመማር ማስተማር ስራዉ ከመጪው ሰኞ መስከረም 7 ቀን 2015 ዓ.ም. ጀምሮ በሁሉም ትምህርት ቤቶች ይጀምራል" ብለዋል።

@YeneTube @FikerAssefa

ብሔራዊ የሠራተኞች ዲጂታል መታወቂያ በመንግሥት ተቋማት ሊተገበር ነው!

ብሔራዊ የሠራተኞች ዲጂታል መታወቂያ በሁሉም ክልሎችና ከተማ አስተዳደሮች በሚገኙ የመንግሥት ተቋማት ተግባራዊ ሊደረግ መሆኑን የሲቪል ሰርቪስ ኮሚሽን አስታወቀ፡፡የሲቪል ሰርቪስ ኮሚሽንና የብሔራዊ መታወቂያ ፕሮግራም ሥራውን በጋራ ለማከናወን መግባባት ላይ ደርሰዋል፡፡

የብሔራዊ መታወቂያ ፕሮግራም የቴክኒካል ዳይሬክተር ኢዮብ ዓለሙ እንዳሉት÷ የዲጂታል መታወቂያ የመንግሥት ተቋማት የሰው ሃብት አስተዳደር ሥርዓትን ለማዘመን እና ለመንግሥት ውሳኔዎች መረጃ ለማደራጀት ያግዛል፡፡

እንዲሁም ወጥ የሆነ የዲጂታል መታወቂያ ፕሮግራሙ የአሠራር ክፍተቶችን እንደሚቀንስ አንስተው÷ ከሙስናና ብልሹ አሠራር የጸዳ አገልግሎትን ለመስጠት ምቹ ሁኔታ ይፈጥራል ማለታቸውን ኢዜአ ዘግቧል፡፡

የመንግስት ሠራተኞችን ሠነዶች ትክክለኝነት እና ተዓማኒነት በማረጋገጥ ረገድም ሚናው የላቀ ነው ብለዋል፡፡የኮሚሽኑ የዲጂታል ሲቪል ሰርቪስ እና የመረጃ መሪ ሥራ አስፈጻሚ ብሩክ ይርጋ (ዶ/ር)÷ ሁሉንም የመንግሥት ሠራተኞች መረጃ በብሔራዊ ቋት በመመዝገብ ሠራተኞቹ ቀልጣፋ አገልግሎት እንዲያገኙ ያስችላል ነው ያሉት።የሠራተኛ ቁጥርን በአግባቡ ለማወቅና ቀልጣፋ ውሳኔዎችን ለማሳለፍ እንደሚያግዝም አመላክተዋል፡፡

Via FBC
@YeneTube @FikerAssefa

ፀሐይ ባንክ የክሬዲት ካርድ አገልገሎት መስጠት መጀመሩን ተናገረ።

ባንኩ ይህን የክሬዲት ካርድ አገልግሎት መስጠት መጀመሩን የተናገረው በዛሬው እለት በዋና መስሪያ ቤቱ በሰጠው ጋዜጣዊ መግለጫ ላይ ነው።ፀሐይ ባንክ ዛሬ የጀመረው የክሬዲት ካርድ አገልግሎት ከተለመደው የዴቢት ካርድ የሚለየው ደንበኞች በተፈቀደላቸው የብድር መጠን የብድር ዘመኑ እስከሚያበቃ ድረስ እንደፈለጉ መጠቀም የሚችሉ ሲሆን፤ ይህም ደንበኞቻች ለሚገጥማቸው ጊዜያዊ ወይም አስቸኳይ የገንዘብ ችግር ትልቅ መፍትሄ የሚሰጥ ነው ተብሏል፡፡

ደንበኞች የክሬዲት ካርዱን ለመጠቀም ምንም አይነት ማስያዣ ማቅረብ አይጠበቅባቸውም ሲባልም ተሰምቷል።የሚከፍሉት የአገልግሎት ክፍያም እጅግ ተመጣጣኝና በተጠቀሙት የገንዘብ መጠን ልክ ብቻ ይሆናል ሲሉ የባንኩ የባንኩ ዋና ስራ አስፈፃሚ መስፍን ያሬድ ተናግረዋል፡፡

ፀሐይ ባንክን ይህንን አገልግሎት መስጠት የጀመረው ከባንኩ ጋር የስራ ግንኙነት ላላቸው ተቋማት ሰራተኞች እና የባንኩ ቀዳሚ ደንበኞች ሲሆን፣ አግልግሎቱ ከወለድ ነፃ የባንክ አገልግሎት ተጠቃሚ ደንበኞችን ያካትታል ተብሏል።

የክሬዲት ካርድ አገልግሎቱ ደንበኞች የሚገጥማቸውን ጊዜያዊ የገንዘብ እጥረት ለመቅረፍ ያግዛል፣ከባንኩ በብድር የሚያገኙትን ገንዘብ በካርድ ጠቀም ያስችላቸዋል፣ለግብይት የሚያስፈልጋችውን ገንዘብ ወዲያው ተጠቅመው ቆይተው እንዲከፍሉ ያስችላቸዋል ተብሏል።

የፀሐይ ባንክ የክሬዲት ካርድ አገልግሎት ከባንክ ብድር ማግኘት ላልቻሉ የህብረተሰብ ክፍሎችን ለመድረስ ከፍተኛ አቅም ይፈጥራል ሲሉ ስራ አስፈፃሚው አስረድተዋል።ከዚህ በተጨማሪም የክሬዲት ካርድ ተጠቃሚ ደንበኞች ብድር ታሪክ መመስረትና መሰነድ የሚያስችላቸው ሲሆን ወደፊት ለሚኖራቸው ማንኛውም ዓይነት የብድር አገልግሎት ጥያቄ ትልቅ ውሳኔ መረጃ ግብዓት በመሆን እንደሚያገለግል ታምኖበታል፡፡

ደንበኞች የወሰዱትን ብድር ተጠቅመው ሲመልሱ የብድር መጠናቸው እያደገ እንደሚሄድ ተነግሯል።የክሬዲት ካርድ ብድር መመለሻ ጊዜው ከስድስት ወር እስከ አንድ ዓመት ሲሆን የደንበኞች መመለስ አቅምና ፍላት እየታየ አገልግሎቱ እንደሚራዘም አቶ ያሬድ አስረድተዋል።

የፀሐይ ባንክ ደንበኞች ሒሳብ ወደ ከፈቱበት ቅርንጫፍ በመሄድ የክሬዲት ካርድ ባለቤት መሆን ይችላሉ ተብሏል፡፡ሓምሌ 16/2014 ስራ የጀመረው ፀሐይ ባንክ የቅርንጫፎቹ ብዛት 82፣ የደንበኞቹ ብዛት ደግሞ ከ280 ሺህ በላይ እንደደረሱለት ተናግሯል።የተከፈለ ካፒታሌ 1.1 ቢሊዮን ብር ደርሷል ያለው ባንኩ አጠቃላይ ሀብቱ ደግሞ 3.5 ቢሊየን ብር እንደሆነ ተሰምቷል።

Via Sheger FM
@YeneTube @FikerAssefa

የኢትዮጵያ ሰብአዊ መብቶች ኮሚሽን (ኢሰመኮ) ማኅበራዊ እና ኢኮኖሚያዊ መብቶችን ሁኔታ የተመለከተ ዓመታዊ ባለ 29 ገጽ ሪፖርት ዛሬ ይፋ አድርጓል፡፡

ይህ ለመጀመሪያ ጊዜ የተዘጋጀው የዘርፍ ሪፖርት ኢሰመኮ ሐምሌ 5 ቀን 2015 ዓ.ም. ይፋ ካደረገው የኢትዮጵያ ዓመታዊ የሰብአዊ መብቶች ሁኔታ ሪፖርት ላይ በተጨማሪነት ማኅበራዊ እና ኢኮኖሚያዊ መብቶች ላይ በማተኮር የታዩ መልካም እመርታዎች፣ ትኩረት ሊሰጣቸው የሚገቡ አሳሳቢ ጉዳዮች እና ምክረ ሐሳቦችን አካቷል።

@YeneTube @FikerAssefa

ትላንት ምሽት በተከሰተው ጎርፍ የሁለት ሰዎች ሕይወት አለፈ!

ትላንት ምሽት በተከሰተው ጎርፍ የሁለት ሰዎች ሕይወት ማለፉን የእሳትና አደጋ ስጋት ስራ አመራር ኮሚሽን ገለጸ፡፡በቦሌ ክፍለ ከተማ ወረዳ 12 ዳርፉር ወንዝ አካባቢ ትላንት ምሽት ከ3 ሰዓት ጀምሮ በጣለው ዝናብ በተፈጠረ ጎርፍ ሁለት ሴቶች መወሰዳቸውንና ሕይወታቸውን ማለፉን ተከትሎ አስከሬናቸው በተደረገው ፍለጋ ዛሬ ጠዋት መገኘቱን አመላክቷል፡፡

የሟቾቹ አስከሬን ዛሬ ጠዋት 2:30 እስከ 4 ሰዓት ላይ በአቃቂ ቃሊቲ ክፍለ ከተማ ወረዳ 5 ጥቁር አባይ አካባቢ በሚገኝ ወንዝ በእሳትና አደጋ ስጋት ሰራ አመራር ኮሚሽን ጠላቂ ዋናተኞች ፍለጋ መገኘቱን የኮሚሽኑ ህዝብ ግንኙነት ባለሙያ ንጋቱ ማሞ አስታውቀዋል።

በ2015 ዓ.ም በተለያዩ ጊዜያት በተፈጠረው የጎርፍ አደጋ የ11 ሰዎች ህይወት ማለፉንም ባለሙያው አስታውሰዋል፡፡ሕብረተሰቡ በአካባቢው ከባድ ዝናብ በሚዘንብበት ወቅት ከፍተኛ ጥንቃቄ በማድረግ ከጎርፍ አደጋ ራሱንና ቤተሰቡን እንዲጠብቅም ጥሪ አስተላልፈዋል፡፡

Via Walta
@YeneTube @FikerAssefa

በደቡብ አፍሪካ ሁለት ኢትዮጵያዊያን ፤ የራሳቸውን ዜጋ በማገት ወንጀል በቁጥጥር ስር ዋሉ!

በደቡብ አፍሪካ በፖሎክዋኔ ግዛት ሊምፖፖ ከተማ የሚኖሩ ሁለት ኢትዮጵያዊያን ሌላ አንድ ኢትዮጵያዊን በማገት በከተማዋ ፖሊስ በቁጥጥር ስር መዋላቸዉ ተዘግቧል።

የ 20 አመት ወጣት የሆነዉን ታጋች ለማስለቀቅ ቤተሰቦቹን 80 ሺህ የደቡብ አፍሪካ ራንድ መጠየቃቸዉንም የሊምፖፖ ፖሊስ ቃል አቀባይ ኮሎኔል ማሌስላ ለደዋባ ተናግረዋል። አጋቾቹ የ 20 እና የ 22 እድሜ ያላቸዉ ወጣቶች መሆናቸዉም ተነግሯል።

ታጋቹን ፖሊስ አፈላልጎ ሲያገኝም ከሌሎች ስምንት ሰዎች ጋር ነዉ የተገኘዉ ተብሏል። እገታ የግለሰቦቹ ዋነኛ ስራ ይሆናል ተብሎ የታሰበ ሲሆን ሌላ ከሶስት ወራት በፊት የታገተ ግለሰብ መገኘቱም ተነግሯል።

የተቀሩት ስምንት ሰዎችም ፖሊስ ደርሶ እስኪያስለቅቃቸዉ በትንሹ ከ 10 እስከ 15 ቀናት ታግተዉ ቆይተዋል ነዉ የተባለዉ። ግለሰቦቹ በደቡብ አፍሪካ ፍርድ ቤት ይቀርባሉ ተብሎ የሚጠበቅ ሲሆን በህገወጥ የሰዎች ዝዉዉር የተለያዩ 9 ክሶች ይቀርብባቸዋል ተብሎ ይጠበቃል።

@YeneTube @FikerAssefa

በአዲስ አበባ የግል ትምህርት ቤቶች በሚያስከፍሉት ክፍያ ላይ የተማሪ ወላጆች ቅሬታ አቀረቡ!

በአዲስ አበባ የሚገኙ የግል ትምህት ቤቶች ለተማሪዎች የሚያስከፍሉት ክፍያ አሁን ያለውን የኑሮ ሁኔታ ያላገናዘበ ነው ሲሉ የተማሪ ወላጆች ለአዲስ ማለዳ ቅሬታቸውን አቅርበዋል።

ለአብነትም በዚሁ ዓመት አንደኛ ክፍል ለመማር ለተመዘገበ ልጃቸው የመመዝገቢያ፣ የጥናት እና የአንድ ተርም ክፍያ 9 ሺሕ 250 ብር መክፈላቸውን የገለጹት አንድ ወላጅ፤ ይኸው ክፍያ ባለፈው ዓመት 6 ሺሕ 500 ብር እንደነበር ተናግረዋል።

“ከከፈልኩት 9 ሺሕ 250 ብር ተጨማሪ ደግሞ ለመጽሐፍ፣ ለሶፍትና ለሳሙና ሌላ ተጨማሪ ገንዘብ ይጠብቀኛል፡፡” ካሉ በኋላም፤ “ልጄ የተሻለ ትምህት ያገኝ እንደሆን ብዬ እንጂን ዋጋው ለአንደኛ ክፍል ልጅ ፈጽሞ የተጋነነ እና አሁን ያለንበት ከፍተኛ የኑሮ ውድነት ያላገናዘበ ነው፡፡” ብለዋል።

እንዲሁም ሥማቸውን መጥቀስ ያልፈለጉ ሌላ የተማሪ ወላጅ፤ የቅድመ መደበኛ ትምህርት ለሚማር ልጃቸው የመመዝገቢያ እና የአንድ ተርም ክፍያ 7 ሺሕ 150 ብር መክፈላቸውን ገልጸው፤ ባለፈው ዓመት ይኸው ክፍያ 4 ሺሕ 900 ብር እንደነበር ጠቁመዋል።

አንድ ሌላ ወላጅ እንዲሁ ለዘንድሮው የትምህርት ዘመን 10ኛ ክፍል ለተመዘገበ ልጃቸው የአንድ ወር ክፍያ 2 ሺሕ 495 ብር መክፈላቸውን በመጥቀስ፤ ይህም ከባለፈው ዓመት ጋር ሲነጻጸር ከአንድ ሺሕ ብር በላይ ጭማሪ ማሳየቱን እና ተጨማሪ የጥናትና የመጸሃፍት ክፍያ እንደሚጠብቃቸው ለአዲስ ማለዳ ገልጸዋል።

ባለፈው ዓመት መዋዕለ ሕጻናት ለሚማር አንድ ልጃቸው በተርም 8 ሺሕ ብር ይከፍሉ እንደነበረ የገለጹ አንድ ወላጅ በበኩላቸው፤ ለዘንድሮው የትምህርት ዘመን ይኸው ክፍያ 14 ሺሕ ብር መድረሱን ተናግረዋል።

ያለፈው ዓመት ግማሽ ላይ የሚኖሩበት ቤት በመፍረሱ ልጃቸው ትምህርት ማቋረጧን ያነሱት አንድ ወላጅ ደግሞ፤ ለዘንድሮ የትምህርት ዘመን ልጃቸውን ሌላ ትምህርት ቤት ለማስገባት መሸኛ ሲጠይቁ፣ ውዝፍ ዕዳ የመሸኛ ብር እንዲከፍሉ መጠየቃቸውን ገልጸዋል።

“መክፈል እንደማልችል እና ችግር ዉስጥ መሆኔን ባስረዳቸውም በምንም መልኩ ሊተባበሩ ፍቃደኛ አልሆኑም፡፡” ሲሉም ተደምጠዋል።

የግል ትምህርት ቤቶች እየጠየቁት ያለው ክፍያ በጣም የተጋነነ ነው በማለት ቅሬታቸውን ያቀረቡት ወላጆቹ፤ “የግል ትምህርት ቤቶች ዓላማቸው ማስተማር መሆኑን በመዘንጋት እንደ አንድ የገቢ ምንጭ ነው የሚያስቡት፡፡” የሚል ሀሳብ ሰንዝረዋል።

የግል ትምህርት ቤቶች በሚያደርጉት የክፍያ ጭማሪ ላይ 51 በመቶ የሚሆኑ የተማሪ ወላጆች በተገኙበት ውይይት የማድረግ እና ተስማምቶ የመወሰን ግዴታ እንዳለባቸው፤ እንዲሁም የመጀመሪያው ውይይት ላይ የሚገኙ ወላጆች ከተጠቀሰው ቁጥር በታች ከሆኑ ስብሰባው መበተን እንዳለበት የአዲስ አበባ ከተማ አስተዳደር የትምህርትና ስልጠና ጥራት ቁጥጥር ባለስልጣን በአሰራሩ ላይ አስቀምጧል።

ሆኖም ለኹለተኛ በሚጠራው ስብሰባ ላይ ሊደረግ የታሰበው ጭማሪ በሥፍራው በተገኙ ወላጆች መጽደቅ እንደሚችል አሰራሩ ይደነግግጋል።

የአዲስ አበባ ከተማ አስተዳደር የትምህርትና ስልጠና ጥራት ቁጥጥር ባለስልጣን ባለፈው ዓመት ሚያዝያ ወር ላይ የግል ትምህርት ቤቶቹ የክፍያ ጭማሪ ለማድረግ ፕሮፖዛል አቅርበው እንደነበር አውስቶ፤ ሆኖም ከወላጅ ጋር በቂ መግባባት ላይ ሳይደርሱ ጭማሪውን መተግበር እንደማይችሉ ለአዲስ ማለዳ ገልጿል።

የአዲስ አበባ ከተማ አስተዳደር የትምህርትና ስልጠና ጥራት ቁጥጥር ባለስልጣን የኮምኒኬሽን ዳይሬክተር ዘመናይ ኀይለጊዮርጊስ፤ በክፍያ ጭማሪ ላይ መስማማት ያልቻሉ ትምህርት ቤቶች እና ወላጆች ባለስልጣኑ መስሪያ ቤቱ በማወያየት ችግሩ እንዲፈታ ማድረጉን ገልጸዋል።

እንዲሁም አሁን ወቅቱ ትምህርት የሚጀመርበት እና የምዝገባ ጊዜ የተጠናቀቀ በመሆኑ የቀረበው ቅሬታ ወቅቱን ያላገናዘበ መሆኑንም ጠቁመዋል።

የኢትዮጵያ ሰብዓዊ መብቶች ኮሚሽን የማህበራዊና ኢኮኖሚያዊ መብቶችን አስመልክቶ ትናንት መስከረም4/2016 ባወጣው መግለጫ፤ በአዲስ አበባ ከተማ ካሉ ተማሪዎች 40 በመቶ የሚሆኑትን እንደሚያስተምሩ የሚገለጸው የግል ትምህርት ቤቶች፤ በተማሪዎች ወርሃዊ ክፍያ ላይ ከ20 እስከ 100 በመቶ የሚደርስ ጭማሪ ለማድረግ እቅድ ማቅረባቸውንና “ይህም በወላጆች ዘንድ በቂ ውይይት ያልተደረገበት እና መስማማት ያልተደረሰበት ነው፡፤” የሚል ቅሬታ ማስነሳቱን ገልጿል።

Via Addis Maleda
@YeneTube @FikerAssefa