የገቢዎች ሚኒስቴርና የጉምሩክ ኮሚሽን 1 ቢሊየን 47 ሚሊየን 909 ሺህ 135 ብር የሚያወጡ የተለያዩ የምግብና አልባሳት ቁሳቁስ ድጋፍ አደረጉ።

ድጋፉ ለዘጠኙም ክልሎች እና ለሁለቱ የከተማ አስተዳደሮች እንዲሁም ለ26 በጎ አድራጎት ማህበራት የተበረከተ ነው። የገቢዎች ሚኒስትር አቶ ላቀ አያሌው የኮሮና ቫይረስ እያሳደረ የመጣውን ተፅዕኖ በጋራና በአብሮነት ለመከላከል እርዳታው አስፈላጊ መሆኑን በመጥቀስ ለሁለተኛ ጊዜ መደረጉን ተናግረዋል።

የተደረገው ድጋፍ በተለያየ ጊዜ በተለያዩ የሀገሪቱ አካባቢዎች በኮንትሮባንድ መልክ የተያዙ መሆናቸው በርክክቡ ወቅት ተገልጿል።ድጋፉን የየክልሉ አመራሮች እንዲሁም የሚመለከታቸው ከፍተኛ የስራ ሀላፊዎች ከአቶ ላቀ አያሌው እና ከጉምሩክ ኮሚሽን ኮሚሽነር አቶ ደበሌ ቃበታ እጅ ተረክበዋል።

Via FBC
@YeneTube @FikerAssefa

በአዲስ አበባ ከተማ የቤት ለቤት የኮሮናቫይረስ ምርመራ ሊጀመር ነው

ምክትል ከንቲባው ታከለ ኡማ እንደገለጹት ከሚቀጥለው ሳምንት ጀምሮ በአዲስ አበባ ሁሉም ወረዳዎች የኮሮናቫይረስ ምርመራ ይጀመራል።

ምርመራው ተጋላጭ ሊሆኑ ይችላሉ ተብለው ከተለዩ ወረዳዎች የሚጀምር መሆኑን ገልጸው በመዲናዋ 117ቱም ወረዳዎች ይከናወናል ብለዋል።

ለምርመራው ጡረታ ላይ የነበሩና በሞያው ልምድ ያላቸው ከ1 ሺህ 200 በላይ ሃኪሞች የመንግስትን ጥሪ ተቀብለው ካሉት ሃኪሞች ጋር ተጨማሪ ሃይል በመሆን ዝግጁ መሆናቸውንም ከንቲባው ገልጸዋል።

ከቤት ለቤት ምርመራው በተጨማሪ በሚቀጥለው ሳምንት ተማሪዎች በያሉበት ሆነው ትምህርት እንደሚጀምሩና የምገባ መርሃ ግብሩም እንደሚቀጥል አረጋግጠዋል።

በተያዘው መርሃ ግብር መሰረት ከ7ኛ ክፍል በታች የሚማሩ ተማሪዎች ትምህርቱን በሬዲዮ የሚከታታሉ ይሆናል።

ከ7ኛ እስከ 12ኛ ክፍል የሚማሩ ተማሪዎች ደግሞ ትምህርታቸውን በፕላዝማ የሚከታተሉ ይሆናል።በዚህ ሂደት ተማሪዎችና መምህራን የተለያዩ መረጃዎችን የሚለዋወጡበት የአሰራር ስርአትም መሰርጋቱ ተገልጿል።

የተማሪዎች ምገባ መርሃ ግብርም በተለያዩ አካባቢዎች 1 ሺህ 200 ተማሪዎች የሚመገቡባቸው የምግብ ባንኮች ተዘጋጅተዋል፤ ለምግብ አቅርቦቱም 30 ሺህ ወጣቶች ዝግጁ ሆነዋል ተብሏል።

ምንጭ: ኢዜአ
@Yenetube @Fikerassefa

በአዲስ አበባ 1200 የሚጠጉ የምግብ ባንኮች ተቋቁመዋል።

የምግብ ባንኮቹ ከኮሮና ቫይረስ ጋር በተያያዘ ችግር የሚገጥማቸው ዜጎችን ለመደገፍ ነው ብለዋል ኢ/ር ታከለ ኡማ።ኢ/ር ታከለ በመስጠት ላይ ባሉት መግለጫቸው ነዋሪዎች በየአካባቢው በተዘጋጁት የምግብ ባንኮች ድጋፍ እንዲያደርጉ ጥሪ አቅርበዋል።

Via ENA
@YeneTube @FikerAssefa

ለኢትዮጵያ ገበያ ሊቀርቡ ጅቡቲ ወደብ ላይ ደርሰው ከነበሩ የምግብ ሸቀጥ እና ዘይቶች ውስጥ የጅቡቲ መንግስት የተወሰኑት እዚያው በሀገሩ ገበያ ላይ እንዲቀርቡ ማዘዙን ሸገር ኤፍ ኤም ሰምቻለው ብሏል፡፡

ወደ ኢትዮጵያ ሊገቡ የነበሩ መኮረኒ እና ፓስታ የመሳሰሉ የምግብ ሸቀጦች የጅቡቲ መንግስት የምግብ እጥረት በሀገሩ ሊኖር ይችላል በሚል እዚያው ለሽያጭ እንዲውሉ ማዘዙ ታውቋል፡፡መረጃውን ለማጣራት ሸገር በጅቡቲ የኢትዮጵያ ጉምሩክ ሀላፊ የሆኑት አቶ አሊ አብደላ ጋር ደውሏል፡፡እሳቸውም ጉዳዩ በሁለቱ ሀገራት ከፍተኛ የመንግስት ሀላፊዎች ደረጃ ንግግር እየተደረገበት መሆኑን በመጠቆም ዝርዝር መረጃ ከመስጠት ተቆጥበዋል፡፡

ምንጭ: ሸገር ኤፍ ኤም
@YeneTube @FikerAssefa

"የኮሮና ቫይረስን ለመመከት" ከ300 ሺ በላይ አባላቱን ማሰማራቱን የብልጽግና ፓርቲ አስታወቀ።

@Yenetube @Fikerassefa

#69

4 ሰዎች ዛሬ በኮሮና ቫይረስ መያዛቸው ተረጋግጧል።

ባለፉት 24 ሰዐታት ውስጥ በተደረገው ተጨማሪ ምርመራ 345 ተመርምረው 4 ሰዎች በኮሮና ቫይረስ መያዛቸውን ተረጋግጧል።

@Yenetube @Fikerassefa

የታማሚዎቹ ሁኔታ :-

ታማሚ 1 :- እድሜ 33 : ዜግነት ኢትዮጵያ ሴት ስትሆን ከአሜሪካ የመጣች ናት በለይቶ ማቆያ ያለች

ታማሚ 2 :- እድሜ 30 : ዜግነት ኢትዮጵያ ሴት ስትሆን ከዱባይ የመጣች ናት በለይቶ ማቆያ ያለች

ታማሚ 3 :- እድሜ 29 : ዜግነት ኢትዮጵያ ወንድ ሲሆን ከዱባይ የመጣ ነው በለይቶ ማቆያ ያለች

ታማሚ 4 :-እድሜ 42 : ዜግነት ኢትዮጵያ የጉዞ ታሪክ የለውም
@Yenetube @Fikerassefa

10 ሰው አገግሟል!

በኢትዮጵያ ተጨማሪ ስድስት ግለሰቦች ከኮሮና ቫይረስ አገግመዋል።

በአጠቃላይ በኢትዮጵያ ያገገሙ ሰዎች ቁጥር 10 ደርሷል።
@Yenetube @FikerAssefa

ሀዋሳ የሚገኘው ኬር አውድ ኢንተርናሽናል ሆቴል (በአራት ኮኮብ ሆቴል) በሀዋሳ ከተማ ላይ ኮሮና ቫይረስ ከተከሰተ ለአንድ መቶ የህክምና ባለሙያዎች ለአንድ ወር የምሳ አገልግሎት እንደሚሰጥ እንዲሁም በሻሸመኔ ከተማ በንግድ ሱቃቸው ተከራይተው ለሚሰሩ ደንበኞች የአንድ ወር የቤት ኪራይ ነፃ ያደረጉ መሆኑን በተለይም ለየኔቲዩብ ተናግሯል።

@Yenetube @Fikerassefa

በኬንያ የኢፌዲሪ ኤምባሲ ኬንያ ውስጥ ታስረው የነበሩ 19 ዜጎች ከአገሪቱ የኢሚግሬሽን ባለስልጣን ጋር በመተባብር ዛሬ ሚያዝያ 3 ቀን 2012 ዓ.ም ሞያሌ አድርሷል።

ከ16-25 ዓመት ዕድሜ ያላቸው ዜጎች የተያዙት ኬንያን አቋርጠው ወደ ደቡብ አፍሪካ ለመሄድ ሲሞክሩ ያለጉዞ ሰነድ በመገኘታቸው ነው ።በኢትዮጵያ መንግስትና የዓለም የፍልሰት ድርጅት (IOM) ጤንነታቸውን ጠብቆ ለቤተሰባቸው ለማብቃት የኮሮና ለይቶ መቆያ ገብተዋል።ቀደም ሲል በተመሳሳይ ለይቶ ማቆያ የነበሩ 64 ዜጎቻችን ጤናቸው ተረጋግጦ ወደ ቤተሰቦቻቸው ተሸኝተዋል።

ምንጭ: በኬንያ የኢትዮጵያ ኤምባሲ
@YeneTube @FikerAssefa

ጅቡቲ በኮሮና ቫይረስ ምክንያት ሁለተኛ ሞት ዛሬ አስተናግዳለች። የሀገሪቱ የጤና ሚኒስቴር ይፋ ባደረገው መሰረት በ24 ሰአት ውስጥ ተጨማሪ 37 ኬዞች የተመዘገቡ ሲሆን በአጠቃላይ የተያዙት ቁጥር 187 እንደደረሰ ሆርን ዲፕሎማት ዘግቧል።

@YeneTube @FikerAssefa

በሱማሌ ክልል ጅግጅጋ ከተማ የኮሮና ቫይረስን መመርመር የሚያስችል ላብራቶሪ በክልሉ ፕሬዝደንት ተመርቆ ተከፈተ።

Via Ethiopia Live Updates
@YeneTube @FikerAssefa

የአስቸኳይ ጊዜ አዋጁ ማወስፈፀሚያ ደንብ ይፋ ሆነ።

የአስቸኳይ ጊዜ አዋጁ ማስፈፀሚያ ደንቡን የፌዴራል ጠቅላይ አቃቤ ህግ ይፋ አደረገ።

የኮቪድ 19 ወረርሽኝ ስርጭትን ለመከላከል፣ለመቆጣጠርና የሚያስከትለውን ጉዳት ለመቀነስ በሚኒስተሮች ምክር ቤት የወጣው ረቂቅ አዋጅ ትናንት በህዝብ ተወካዮች ምክር ቤት መፅጽደቁ ይታወቃል።

የፌዴራል ጠቅላይ አቃቤ ህግ ወይዘሮ አዳነች አቤቤ የአዋጁን ማስፈፀሚያ ደንብ አጠቃላይ ይዘት በሚመለከት ዛሬ ማብራሪያ ሰጥተዋል።

ምንጭ:ኢ.ፕ.ድ
@YeneTube @FikerAssefa

ማስፈፀሚያ ደንቡ አጠቃላይ አራት ዋና ዋና ከፍሎች ያሉት ሲሆን ይሄውም ክልከላን የሚያስቀምጥ፣ ግደታዎችን የሚጥል፣ የአስፈፃሚ አካላትን ክንውን እንዲሁም ልዩ ለዩ ድንጋጌዎችን የያዘ ነው።

ክልከላን በሚመለከት:

➡️ማንኛውም ሃይማኖታዊ ይሁን ፖለቲካዊ ስብሰባዎች፣ እድር፣ ደቦ፣ እቁብና ሌሎችም ከ4 ሰው በላይ ስብሰባዎች ክልክል ናቸው።

➡️ከአራት ሰዎችም ቢሆኑ ሁለት የአዋቂ ሰው እርምጃ የጠበቀ መሆን እንዳለበት አቃቤ ህጓ አብራርተዋል።

➡️ቀብርና ሌሎች አስፈላጊ ጉዳዮች ሲኖሩ ግን እየታዩ ሊፈቀዱ የሚችሉበት አሰራር መኖሩን ጠቁመዋል።

➡️ታራሚዎች ከጠበቆቻቸው ጋር አስፈላጊው ጥንቃቄ ተደርጎ እንዲገናኙ የሚፈቀድ ቢሆንም ጥየቃ ለሚሄዱ ሰዎች የማይፈቀድ መሆኑ ተገልጿል።

➡️በፖሊስ የተያዙ እስረኞችንም ስንቅ ከማቀበል በስተቀር መገናኘት የተከለከለ መሆኑን አስረድትዋል።

➡️በድንበር አካባቢ ከካርጎ፣ የደረቅና ፈሳሽ ጭነት አገልግሎቶች በስተቀር ሌሎች እንቅስቃሴዎች ዝግ ተደርገዋል።

➡️የቤት ተከራዮች በራሳቸው ፍላጎት ካልወጡ በስተቀር ማስውጣትና ኪራይም መጨመር በአስቸኳይ ጊዜ አዋጁ ተከልክሏል።

➡️ሰራተኞችን መቀነስና የስራ ቅጥር ውል ማቋረጥም መከልከሉን ወይዘሮ አዳነች አብራርትዋል።

➡️በዚህ ደንብ መሰረት ተማሪዎችና መምህራን በኦን ላይን ካልሆነ በአካል እንዲገናኙ አይፈቀድም።

➡️ስፖርታዊ ጨዋታዎች፣ የህፃናትም ይሁን የሌሎች መጫወቻ ስፍራዎች እንዲሁም የእጅ መጨባበጥ ሰላምታ የተከለከለ መሆኑን ከኢዜአ ያገኘነው መረጃ ያመለክታል።

➡️በትራንስፖርት ዘርፍም አገር አቋራጭ ካለው ወንበር ከ50 በመቶ በላይ ተሳፋሪ መጫን የተከለከለ ነው፡፡

Via FBC
@YeneTube @FikerAssefa

አዲስ አበባ ጎተራ ወደ ወሎ ሰፈር የሚወስደዉ መንገድ ላይ የሚገኘዉ ባለ 9 ወለል ፎቅ ህንጻ ወንጌላዊት ታደሰ ህንጻ ባለቤት ወ/ሮ ገነት ታደሰ ለህንፃዉ ተከራዮች በሙሉ የአንድ ወር የቢሮ ክራይ ነፃ ማድረጋቸዉን አስታውቀዋል ፡፡

Via:- መንግስቱ ሀ/ማሪያም // Yenetube
@Yenetube @Fikerassefa

ሀዋሳ ከተማ የሚገኙ ባለሀብቶች ድጋፋቸውን ቀጥለዋል !!

አቶ ጋሜ ጋቲሶ የተባሉ ባለሀብት ሀዋሳ ከተማ እምብርት ላይ የሚገኘው ህንፃቸውን ( ዳሽን ህንፃ ፊት ለፊት ላይ ) የንግድ ሱቃቸውን ተከራይተው ለሚሰሩ ድርጅቶች ከመጋቢት እስከ ግንቦት ወር ድረስ ከኪራይ ነፃ አድርገዋል።


በተጨማሪ በለሀብቱ : -

-200 ሺ ብር ለሲዳማ ዞን አስተዳደር አስረክበዋል።

-100 ሺ ብር ሀዋሳ ከተማ በአስተዳደር አስረክበዋል።

- 20 ሺ ብር አዳሬ ክፍለ ከተማ በስጦታ ሰተዋል።

@Yenetube @FikerAssefa