‍ #شعر_شاعران_اشکوری گیلکی(عاشورایی)

شاعر:
#بهروزهاشمپور(هلامان)

⚫️ شعر گیلکی ..... تش درکربلا

🏴🏴🏴🏴🏴

زمین تش ، آسمون تش ، کربلا تش
هوا تش ، خیْمِه دل تش ، نینوا تش

بَترکس از عطش لب ، آسمون تب
فرات شرمنده ، دل خون تاخدا تش

جگر خون‌،چشم‌به درخون ، دس به سر خون
علمداری دلٍ گُربیته آتش

بَزَه از خیمه بیرون جون عباس
بگیته ماه دلی مَعْن بیصدا تش

دَسَگیت‌مَشک‌آبِ اوخ علمدار
بَنیشت اوخ‌اسبی سر ازسر به پا تش


بوشو‌در علقمه مشک پُراگود
بوارس هرطرف دِ پاگشا تش

بَنیشت دِ مَشکی جونه دشمنی تیر
بسُوجَعنی خدا عرش بلاتش

علمداری دوته دست بنازم
بگیت پیغمبری دل بیصدا تش

گُرازون‌هرطرف با تیر ونیزه
بَزَن مولا علی جونِ دٍ آتش

ابوالفضل علمدار بنازم
اونی دستون پرکار بنازم

غریب علقمه لب تشنه عباس
علمدار حسین ، دنیای احساس

🏴🏴🏴🏴🏴

#بهروزهاشمپور(هِلامان)

زمستون وردکت دامون سفید پوش
تَرا بو دامون و مــــی ماری گولوش


خویه دِ دس بوشـو بومـــــه هرونه
الهی مار نِبی هیچ‌وخت ‌تو ناخوش

📝 #بهروزهاشمپور(هلامان)

@yeelagh

داز می دس ، دامـونه ‌می زیر پا
می جور سر ، سایه می سر خدا


گالشکم ساروقکی نون می پشت
برک‍ــــت می سفره هیسه تی دعا

📝 #بهروزهاشمپور(هلامان)

@yeelagh

هواســـــــــرداگــــــودَه بارون دِ وارِه
مـــــــی دورنِـــه تَش دَره دل بیقراره


وَچـــه بُرمِــه کـــــونِه گارِه دِبوستـــه
می چشم ایوانی سر می دس به گاره

📝 #بهروزهاشمپور(هلامان)

@yeelagh

شعر گیلکی «سیاه ابر»

هوا ترمی دره می چشم به راهه
سیاه ابرع مونه می بخت سیاهه

می یاره کی هنه دل می پریشون
می همـدم ای خدا می سوز وآهه


📝 #بهروزهاشمپور(هلامان)

@yeelagh

🔵 شعر گیلکی «بسوجه»


هیٖمَه کــُــونِه بَزِن تَش تا بُسُوجِه
بُخاری مِعن دُکون یک جا بُسُوجِه

مٖی دلِ تَشْ دَرِه تَرسِم که می دل
بُخوره غــــــصه سر تا پا بسوجه


📝 #بهروزهاشمپور(هلامان)

🔰دلت را خدا نشکند...


شاعر: #بهروزهاشمپور(هلامان)

@yeelagh

هوا صوب شٖی کونِه تَرمـی وِگردِه
بتاو خورشید خَنم می جونِ سردِه


بوشوم بادی موثون کوه سر بِنیشِم
فِتـرکَن آخ بدم می سیـــنهِ دردِه


📝 #بهروزهاشمپور(هلامان)

@yeelagh🍃🌹🍃

می توئره دوشی سَر می دَس به کاره
کَله چـالی هـــیمه مــی اسبی باره


مو که شـــهری نیَم مـــصرف کننده
زمـــین دَعـرم که از پِــعر یادگــاره


📝 #بهروزهاشمپور(هلامان)

@yeelagh

🔰 شعرگیلکی (درختکاری)

بُومَه روز درخت کَــعری رفیقون
بِکَعریم یک درخته با دل و جون


اگر خَعنیم طبیعت جون بگیره
اونی ریــشه بَدیم آبِ فـراوُن


📝 #بهروزهاشمپور(هلامان)

@yeelagh

هوا خوش ، کِشکِرتِه پَر بِیَردَه
کونِه خوندِگــِرِه دِ ســـر بِیَردَه


زمُسّــون بار وبندیله دِبوستَه
هَلو داره خو تـی تَه در بیرده


📝 #بهروزهاشمپور(هلامان)

@yeelagh

🔰شعرگیلکی «غم نوخور»

غم نوخور جــــونی برر بهار هنه
خوبی و شعــــدی روزگار هــنه


ایی زومسسون که ینی سرده تِرِه
شـودَره گرمــــه روزون ببارهنه


📝 #بهروزهاشمپور(هلامان)

@yeelagh

🔥 شعر گیلکی «گل گل چارشنبه»
☄ (چهارشنبه سوری)☄

گل گل چهاری شنبه
فردا بهاری شنبه

می زردِ آی تش ببور
می دیم کولعن بوشور

می دلی غصه هَگیر
می دوته دسِ بگیر

می دلی شادی هدی
برکت زیادی هدی

گل گل چهاری شنبه
فردا بهاری شنبه

سر درِ سبزه زنم
می کهنه رخت کَنم

کاه کولشِ تَشیْرم
می یارکه کَشیرم

آخ تشی سر واز کونم
می یارکَر ناز کونم

گل گل زمسسون بوشو
سردی و بورون بوشو

خدا بؤنه تازه سال
خوجیر وَکه امه حال

مملکت آباد بوبو
مردم دل شاد بوبو

فراوونی بدعریم
باغ بولاغ بکَعریم

گل گل چهاری شنبه
فردا بهاری شنبه

📝 #بهروزهاشمپور(هلامان)

@yeelagh

تی یاد و می دل و ماه دوته چشـمون
سیاه شب کوچه معن می دل پریشون


گـــَنه دِ سرد باد و دیـــم کــــوله سرد
وَکـَه از می دِلِــــه بلبل غزلـــخون

📝 #بهروزهاشمپور

@yeelagh

بزن چهچه که صوب وخت می کاره
گُلـــِه خو‌غنـــچه واده ، آخ بهـــــاره

می دیمِ آب بَزَم می چشمِ‌وادَم
برسون مــی سلامِ جــونِ یــــاره

📝 #بهروزهاشمپور(هلامان)

@yeelagh

‍ 🍎شعر گیلکی «شِمِه پا مالِه»
به مناسبت روز #کارگر

شِمِه دسّون امه دشت نیازه
شــمه پاماله مــحراب نمازه

شمه قدر خــدا دونه نه بنده
شمه روز دِ شمه جونَر بسازه

✍ #بهروزهاشمپور(هلامان)

🌹روز کارگر بر همه ی کارگران گرانقدر سرزمینم مبارک باشد.

@yeelagh

زمین تـــی کار وبارَرَ ناز دَعـــــــره
تِرَر کـــــــوه و کِلَت آواز دعــــــره


جـوانی سر بوشو پیری بومه سر
تی عشق وعاشـقی آغاز دَعـــــره


📝 #بهروزهاشمپور(هلامان)

@yeelagh

🍀 شعر گیلکی

می دنیا سبزهِ ، پاکِ ، دل نشینه
مِرَر با ارزشه آخ بهترینه

نه غم دَعرم ، نه غصه ، نه هیاهو
خدا دَعرم که عزت آفرینه...


📝 #بهروزهاشمپور(هلامان)

@yeelagh