#شعرگیلکی
شاعر: #سیداسحق_فاطمی

🔰درد دل با خدا🔰

خدایا چِندی تنهایُم تو دانی
خِلی انباره شب پایُم تو دانی


تی نوره روشِنی دنیا دِپیتِه
خودی اَبرِه بُنِه مایُم تو دانی


چی دنیایی چِتا خوش آب و رنگه
موخا بی جای بی جایُم تو دانی


چرأ نِشنُوِسِه گیرنی می حرفه
تی همرایُم تی همرایُم تو دانی


بیأی می باله بیری چی بونه چی
یه پَر بِشکِسِه سیکایُم تو دانی


خَنُم دنیا بُمانِه تو بُمانی
هَمَه کِ دَس وِگیرایُم تو دانی


شعر و خوانش📜🎧🎤

#سیداسحق_فاطمی تنکابن

@yeelagh

🔰شعر گیلکی(هوای یار)

دو روزی با هوایِه یارِه دَشتُم.
بِشکِسِه دل عشقِ نِگارِه دَشتُم


دِلِ بَزَم دریا باشامْ وی خانه
عینَه خودی ماهی دَکِه رُوخانِه


چی جای پرمهر و پر از صفایی
دل هُجِه ماندَنِه بُخوای نخواهی


دو چشمانِ آب وَکِتِه رِوانِه
دل نیَه هُون‌دل که نوبُو دیوانه


وی خانه دِل یخوردِه دل گب بَزَم
وی کوزه دل شَربَتِ می لب بَزَم


دل دِبیسَم وی باغِ برگ و بارِه
تا بَزِنِه پینیک می پا بیجارِه


وَکُم وی جارو کشِ باغِه ارَم
می سرهِ دَستی بَکِشِه از کَرَم


اِندی دانُم خدا خوجیر خدایه
یه دنیا معنی مَعدنِه صفایه

شعر 📜 و خوانش🎧🎤

#سیداسحق_فاطمی تنکابن

کانال اشکور نگین ایران❤️

@yeelagh

🔰 #شعرگیلکی(سیم آخر )

می دل خَنه مِلجه وَکوم پر بزنوم
بی أم شمی محله دل سر بزنوم


فَک چاکونوم کندوجِ بامِ چاچِ بُن
سری به اون خانه بی در بزنوم


اِندی بَگِردُم جیر و جارِ باغِ دل
خَسِٓه بابام جیک جیکِ گَتّر بزنوم


تی باغِ برگ و بار همه طلا دَرِه
دَسٓی به اون کیسهِ پُر زَر بزنوم


دانه بریزی زِمی حالِ دور و بر
جیب پُر هابا شلوارِ لَم بَر بزنوم


خشکِ زِوان خَسٓه نفس بیأم اوجه
لبی به اُون پیالهِ تر بزنوم


دَس به دعا پاکوتِنا تی خانه دل
گُر بگیرُم به سیمِ آخر بزنوم


دل دِبیسُم تی باغِ برگ و بارِ سر
سُبُک وَکوم نارِنجِ می گَر بزنوم


شعر 📜 و خوانش🎧🎤

#سیداسحق_فاطمی تنکابن

@yeelagh