038. Агар банда амалида камчиликка йўл қўйса, Аллоҳ уни ғам-ташвишга мубтало қилиб қўяди.

Салафлардан бири

039. Исроилиётда келади: Бани Исроил олимларидан бири: "Эй Парвардигор, Сенга қанчалар исён этаман, аммо жазоламайсан!" деди. Унга шундай жавоб келди: "Қанчалар кўп жазолайман, лекин сен буни сезмайсан. Сени муножотим ҳаловатидан маҳрум этмадимми?".

☪https://tttttt.me/UniPoklaganNajotTopur

040. Валийлик суръат билан йўл босиб, бир зумда Маккада бўлиб қолиш эмас. Балки у нафс хираликларини тез ортда қолдириб, Раббиси ҳузурида бўлиб қолишдир.

Абул Аббос Мурсий роҳимаҳуллоҳ

041. Қачон сени халқидан ёлғизлатаётган бўлса билгилки, сенга Ўзи билан унсланиш эшигини очмоқни хоҳлайди.

Ибн Атоуллоҳ Сакандарий роҳимаҳуллоҳ
---
Унсланиш - улфат ва ҳамроҳ бўлиш

042. Агар роҳат-хотиржамликда бўлсангиз Аллоҳга яқин қиладиган икки ракатни ғанимат билинг. Агар бекорчи сўз гапирмоқчи бўлсангиз, унинг ўрнига тасбеҳ айтинг.

Абдуллоҳ ибн Муборак роҳимаҳуллоҳ

043. Ибн Аббос розияллоҳу анҳумодан ривоят қилинади: "Айтилди: Ё Расулуллоҳ, суҳбатдошларимизнинг қай бири яхши? Расулуллоҳ соллаллоҳу алайҳи ва саллам: "Уни кўришингиз Аллоҳни эслатадиган, сўзи амалингизни зиёда этадиган ва амали охиратни ёдга соладиган кишидир" дедилар.

Абу Яъло "Мажмаъуз-завоид"да ривоят қилган.

☪https://tttttt.me/UniPoklaganNajotTopur

044. "У, афсуски, (охират) ҳаётимга ҳам бирор нарса тақдим қилсам бўлар экан, дейди" (Фажр сураси, 24-оят).
Олдингизда қабр эгаларининг орзулари турибди. Мудом жонингиз танангизда экан, тирикликни ғанимат билинг!

☪https://tttttt.me/UniPoklaganNajotTopur

045. "Албатта, Аллоҳ мўминлардан уларнинг нафсларини сотиб олди". (Тавба сураси, 111-оят).
Нафсини сотган одамда нафс бўладими?

Абу Язид Бастомий роҳимаҳуллоҳ

046. Иброҳим ибн Адҳамдан (қабрлари нурга тўлсин): "Дунёда зоҳидликка нималар сабабидан эришдингиз?" деб сўрашди. У зот жавоб қилдилар: "Бунга уч нарса сабаб бўлди:
1. Қабрни ёлғизлатувчи кўрдим, менинг эса ҳамроҳим йўқ.
2. Йўлни узун кўрдим, менинг эса йўлхалтам бўм-бўш.
3. Ер ва осмонлар Ҳукмронини қози қўрдим, менда эса ҳимоячи йўқ".
Яъни, мана шу уч ҳолатнинг мулоҳазаси Иброҳим ибн Адҳамни дунёдан юз буриб, Охират билан машғул бўлишга ундади. Шу уч сабабни қайта-қайта ўқиб кўрсак ва уларнинг тўғрилига иқрор бўлсак, шояд бизнинг ҳам Охират ишларига ҳимматимиз кучайса.

☪https://tttttt.me/UniPoklaganNajotTopur

047. Ваҳб ибн Вирд роҳимаҳуллоҳ Аллоҳ таолонинг: "Иброҳим билан Исмоил: «Эй Роббимиз, биздан қабул эт, деб, Байтнинг пойдеворларини кўтараётганини эсла".(Бақара сураси, 127-оят)ини ўқий туриб йиғлавордилар ва дедилар: "Эй Раҳмоннинг халили, Байтуллоҳнинг пойдеворини кўтарасизда, яна қабул бўлмаслигидан қўрқмоқдамисиз?".
-----
Изоҳ: Бу ҳодисада бизга жуда ибратли ҳолат бор. Аллоҳнинг халили-дўсти Иброҳим алайҳиссалом Байтуллоҳдек буюк ва муқаддас бинонинг пойдеворини Аллоҳнинг амри билан қурмоқдаларда, аммо шундай улуғ ишнинг Парвардигор томонидан қабул қилинмаслигидан қўрқмоқдалар. Биз нотавонлар эса кичик амалимизни катта кўриб, Аллоҳга ўтқазиб ва бунинг ортидан жаннатни нақд қилиб қўйгандек хотиржаммиз. Ваҳоланки, шу арзимас амалимиз ҳам риё, сумъа, ужб, бировга озор бериш каби гуноҳларга ботиб кетган бўлади..
Аллоҳим биз ожизларни кечиргин, амалларимизни ўзимизга катта кўрсатмагин, лекин Ўзинг катта деб қабул қилгин. Акс ҳолда зиён кўрувчи эканимиз аниқ. Я Робб, раҳматингдан умидвормиз!!

☪https://tttttt.me/UniPoklaganNajotTopur

048. Илм талаб қилишдаги риёкорликнинг аломатлари борки, улардан эҳтиёт бўлинг:
1. Илм талабидаги муваффақиятлар учун мақтов ва мадҳ айтишларини ёқтириш.
2. Одамларга кўриниш беришни севиш.
3. Ўзи камолотга эришганини ўйлаб одамларга кибр қилиш.
4. Насиҳат ва маслаҳат беришларини ёмон кўриш.

"Салаф илмининг фазилати" китобидaн

☪https://tttttt.me/UniPoklaganNajotTopur

049. Бир одам бошқасини мақтаётганини Умар ибн Хаттоб розияллоҳу анҳу эшитиб қолдилар ва ундан: "У билан сафар қилганмисан?", деб сўрадилар. У, йўқ, деди. "У билан доим алоқадамисан?", дедилар. У яна, йўқ, деди. Ҳазрат Умар айтдилар: "Ундан бошқа илоҳ йўқ - Аллоҳ номи билан қасам ичаманки, сен уни танимас экансан!".

☪https://tttttt.me/UniPoklaganNajotTopur

050. Илм билан фахрланган Аллоҳнинг ҳузурида мол-дунё ва мартаба билан фахрлангандан ёмонроқдир. Чунки у охират сабабини дунё учун ишлатди. Мол-дунё эгаси эса дунё сабабини дунё учун ишлатди ва у билан фахрланди.

Ибн Қоййим роҳимаҳуллоҳ

☪https://tttttt.me/UniPoklaganNajotTopur

051. Агар Аллоҳ бир бандани ёмон кўриб қолса, доимий қоқилган ва ҳамма ҳолатда урилиб-сурилган қилиб қўяди. Унда улуғ ишларга ҳимматни яратмайди. Машғулоти фазилатлар қолиб, разолатлар бўлади.

Имом Абдураҳмон ибн Жавзий роҳимаҳулоҳ

☪https://tttttt.me/UniPoklaganNajotTopur

052. Кураш майдонингиз нафсларингиздир. Агар унда ғолиб бўлсангиз, бошқасига янада қодир бўласиз. Агар унда енгилсангиз, бошқасида янада ожиз бўласиз. Шунинг учун аввало у билан курашиб кўринг.

Али ибн Абу Толиб розияллоҳу анҳу

☪https://tttttt.me/UniPoklaganNajotTopur

053. Роҳатни қабрингга сақлаб қўй! Вақтичоғлик ва уйқуни камайтир! Чунки олдингда тонги қиёмат бўлган узоқ уйқу бор.

Салафлардан бири

054. Сендан уч нарсада мўминнинг насибаси бўлсин:
1. Агар фойда бермаган тақдирингда, унга зарар етказмагин.
2. Хурсанд қилолмасанг, ғамга солмагин.
3. Агар мақтолмасанг, ёмонламагин.

Имом Яҳё ибн Муоз роҳимаҳуллоҳ

☪https://tttttt.me/UniPoklaganNajotTopur

055. Тунлари қойим ва кунлари сойимлик билан Аллоҳга етишиб бўлмайди. Балки олийжаноблик, тавозе ва кўнгил саломатлиги сизни Аллоҳга эриштиради.

Шайх Абдулқодир Жилоний роҳимаҳуллоҳ
---
Кўнгил саломатлиги - қалб поклиги ва мусулмонларга нисбатан адоват, ҳасад, ҳамда нафрат бўлмаслиги

☪https://tttttt.me/UniPoklaganNajotTopur

056. Агар қалбда Ҳақ таолонинг зикри давомли бўлса, унда маърифат, илм, тавҳид, таваккул ва Ўзидан бошқадан юз ўгириш ҳоллари юзага келади. Зикрнинг давом этиши дунё ва охират яхшиликларининг давом этишига сабаб бўлади.

"Фатҳур-Раббоний"

☪https://tttttt.me/UniPoklaganNajotTopur

057. Дуо қилувчи ижобатни кутиши суннатдир. Сўраши бир ибодат бўлса, кутиши бошқа бир ибодатдир.

Шайх Муҳаммад ибн Иброҳим роҳимаҳуллоҳ